-
2023-02-02 10:00:16+00:00
Gitler o'rnatgan tizimiga hozirgi katta davlatlar ham havas qilishadi
-
2023-02-06 14:46:18+00:00
Alloh barchamizni turli ofatlardan oʻzi asrasin.
Turk qardoshlarimizning mushkullarini Alloh oʻzi yengil qilsin. Zilzila oqibatida vafot etganlarni Alloh oʻz rahmatiga olsin!
-
2023-02-07 16:12:12+00:00
Ekstremizm vujudga kelishida xalqning aybi yo'q | "Siyosat 2.0" ko'rsatuvi
-
2023-02-08 04:38:45+00:00
❗️O‘zbekiston va Turkmaniston o‘rtasida diplomatik aloqalar o‘rnatilganining 30 yilligi munosabati bilan bugun “Shovot” chegara bojxona postida tantanali tadbir bo‘lib o‘tdi.
O‘zaro do‘stlik belgisi sifatida O‘zbekiston tomoni Turkmanistonga 20 dona “Wolkswagen Caddy” rusumli tez tibbiy yordam mashinalarini sovg‘a qildi.
Turkmaniston esa yurtimizga suyultirilgan gaz partiyasini beg‘araz topshirdi.
-
2023-02-09 06:02:19+00:00
Makron Zelenskiyni Faxriy legion ordeni bilan taqdirladi
“Ukraina va uning xalqiga hurmat. Sizga, muhtaram Vladimir, jasorat va fidoyiligingizga hurmat”, — dedi Fransiya prezidenti taqdirlashda.
Faxriy legion ordeni Fransiyadagi oliy mukofot bo‘lib, u prezident tomonidan harbiy yoki fuqarolik xizmatlari uchun beriladi.
-
2023-02-10 04:56:14+00:00
Xozir Ozodlik radiosida Oʻzbekistonning gaz borasidagi Rossiya bilan kelishuvlari toʻgʻrisidagi surishtiruvni koʻrdim. Efirni, adashmasam, 5-6 marta pauza qilib koʻrdim, asablar chidashi qiyin boʻldi. Oʻzbekiston – Rossiyaning energetik nazorati ostida ekanligiga ishonch hosil qildim. 2005 yilda, Andijondan keyin erkimizni oldirdik deb oʻylardim. Yoʻq, 2017 yilda ham 35 yilga gaz konlari-yu, shu soha infrastrukturalarini qoʻsh-qoʻllab berib yuborgan ekanmiz.
Oʻzbekiston demokratiya boʻlmas ekan, yaʼni, siyosiy elita keng va oʻzaro bir-birini nazorat qilmas ekan – oʻzbekistonliklar boshqalarning quli va mardikori boʻlib yuraveradi. Oʻzidan gaz chiqib, sovuqda oʻtiradi. Boshqalar huzurini koʻrib yashayveradi. Hukmdorlar kelib-ketaveradi. Xalqning dardini gapirsangiz – shu xalqning oyogʻi ostidagi resurslar hisobiga, shu xalqning qora terisidan yigʻilgan soliqlar hisobiga, yana oʻsha xalqni dardini gapirganlarni ovozini oʻchirib oʻtaverishadi. Bu – ming-ming yillik siyosiy anʼana.
Ming-ming yillar oʻtti, lekin shu xalq hech qachon oʻz hokimiyatini oʻz manfaatlariga bogʻlay olmadi. Hokimiyat ham, faqat u oʻtkanidan keyin tanqid qilindi, laʼnatlandi. Lekin shu xalqni yuziga, koʻziga qarab, gaplasha olmadi. Oʻzi bu millat qachondir erkin va insoniy qadr-qimmat bilan yashay olarmikin, degan savol bor. Xudo ham shu millatga xalqdan qoʻrqmaydigan, xalqqa erk, siyosiy faollik va dengiz kabi qalqiydigan erkin ruhiyat beruvchi rahbarni bermadi.
-
2023-02-11 08:50:40+00:00
Azon jamoasi Turkiya elchixonasiga borib, turk qardoshlarimizga hamdardlik bildirdi.
-
2023-02-13 13:08:31+00:00
❓O‘zbekiston barcha gaz va neft zaxiralarini 35 yilga Rossiya oligarxlariga topshirganmi?
❌Qisqa javob: Yo‘q, O‘zbekiston energotizimini hech qaysi davlatga topshirib qo‘ymagan.
✅ Kengaytirilgan javob: O‘zbekistondagi yetakchi OAV vakillari, blogerlar hamda ekspertlar energetika vaziri Jo‘rabek Mirzamahmudov, “O‘zbekneftgaz” rahbari Mehriddin Abdullayev bilan uchrashdi va bugungi kunda ko‘pchilikni o‘ylantirayotgan savollarga izoh so‘rashdi.
Eng asosiy savol, albatta — O‘zbekiston 35 yilga BARCHA gaz va neft konlarini Rossiya oligarxlariga berib qo‘yganiga oid maʼlumot haqida bo‘ldi.
Energetika vazirining taʼkidlashicha, bu mutlaqo noto‘g‘ri va yolg‘on xabar.
Gap faqat Boysun tumanida joylashgan BITTA M-25 koni haqida (O‘zbekistondagi BARCHA konlar emas).
Mahsulot taqsimotiga oid Bitim (SRP) tomonlari:
Bir tomondan (Hukumat) — O‘zbekiston Respublikasi;
Ikkinchi tomondan (Investor) — 3 ta kompaniyadan iborat konsorsium, yaʼni:
1) «Gas Project Development Central Asia AG» (Shveysariya);
2) «Altmax Nolding Ltd» (Kipr);
3) “Uzneftegazdobicha” AJ (O‘zbekiston, davlat korxonasi).
Bitim muddati: 35 yil
Bitim sharti:
1) Investorlar hududga bir necha mlrd dollar investitsiya kiritadi, geologiya-qidiruv ishlarini amalga oshiradi, konni o‘zlashtiradi, zavod quradi, infratuzilma yaratadi. Bularning hammasi investorlar mablag‘lari evaziga bo‘ladi. Davlat byudjetidan bir tiyin ham pul ishlatilmaydi yoki davlat kafolati ostidagi kreditlar olinmaydi;
2) Kelgusida gaz ishlab chiqarish boshlangach, daromadning (barcha xarajatlar va O‘zbekistonga to‘lanadigan soliqlardan qolgani) 50%i O‘zbekiston Respublikasiga, qolgan 50%i esa investorlarga bo‘linadi.
❓Nega 35 yil?
Shuni 10 yil, 15 yil yoki 20 yil qilsa bo‘lmasmidi, deb so’radik.
Mas’ullarning aytishicha, mazkur kon Surxondaryoning relyefi o‘ta murakkab bo‘lgan Boysun tog‘larida joylashgan. U yerda gaz qazib chiqarishni tashkil qilish uzoq va murakkab jarayon. Masalan, 2017-yilda ishlar boshlangan bo‘lsa, mana oradan salkam 6 yil o‘tgan bo‘lsada, haligacha gaz qazib chiqarish boshlangani yo‘q. Yaʼni bu joyda gaz qazib chiqarishni yo‘lga qo‘yishning o‘ziga kamida 8 yil, yo‘qsa taxminan 10 yil vaqt ketadi.
Shuningdek, investor kiritgan mablag‘ning qoplanish muddatini ham hisobga olish kerak. Shu sababli bitim 35 yilga tuzilgan.
❓Nega aynan shu kompaniyalar tanlangan?
Bu savolni ham berdik.
Yuqorida aytilganidek, ushbu kon juda noqulay joyda joylashgan. U garchi 1960-yillarda aniqlangan bo‘lsada, lekin sobiq SSSR vaqtida ham konni o‘zlashtirish imkoni bo‘lmagan.
Mustaqillik yillarida konni o‘zlashtirish bo‘yicha takliflar ko‘plab xorijiy kompaniyalarga berilgan (BP, Total va hk). Lekin ular rozi bo’lishmagan.
2006-yilda Malayziyaning Petronas kompaniyasi hamda Saudiya Arabistonining Delta Oil kompaniyalari mazkur konni o‘rganishga kirishgan. Biroq, konning murakkab geologik tuzilishi, gaz tarkibida oltingugurt va uglevodorod oksidi miqdori yuqoriligi, iqtisodiy jihatdan past rentabelligi sababli yuqoridagi kompaniyalar 2013-yilda loyihadan o‘z ixtiyorlari bilan chiqishgan.
Shundan so‘ng, kon yana bir necha yil qarovsiz qolgan. 2017-yilga kelib, yuqoridagi investorlarga berilgan.
🔍Ochiqlik haqida
Mas’ullardan shunga oid tegishli hujjatlarni jamoatchilik uchun ochiqlashni so’radik. Ishonchsizlik bo’lmasligi uchun, hamma o’z ko’zi bilan ko’rishi kerak.
Shuningdek, uchrashuvda bunday bitimlarga oid qonunchilikni yangilash haqida ham gap ketdi. Ya’ni qonunlarga bunday bitimlar albatta Parlament tomonidan tasdiqlanishi, matnlari jamoatchilikka ochiq e’lon qilib borilishi, ishlab turgan konlarni xorijiy yoki xususiy kompaniyalarga berishni taqiqlash haqidagi talablarni qo’shish kerakligi ta’kidlandi.
-
2023-02-14 15:40:51+00:00
Inson nega pora oladi? Poraxo'rlar psixologiyasi
"Fikrat" tahliliy ko'rsatuvi
Ekspertlar: professor Zarifboy Ibodullayev va siyosatshunos Hamid Sodiq
-
2023-02-15 04:10:02+00:00
OzodNazar: Ozodlik surishtiruvi ortidan ikki vazir 8 jurnalist bilan nimalarni gaplashdi?
-
2023-02-16 04:06:27+00:00
🔔 Premyera: Konstitutsiya jamiyat manfaatini ifodalay oladimi?
"Fikrat" tahliliy ko'rsatuvi
Ekspertlar: siyosatshunos Hamid Sodiq va Xalqaro huquq boʻyicha mutaxassis Javohir Shukurov
-
2023-02-17 03:22:34+00:00
📌 Energiya inqirozi, Ortiqxo'jayevning ketishi, manfaatlarga zid shartnomalar
Kun.uz muxbiri Ilyos Safarov siyosatshunoslar Kamoliddin Rabbimov, Hamid Sodiq va iqtisodchi Otabek Bakirov bilan intervyu o‘tkazdi.
-
2023-02-18 14:25:59+00:00
🔔 Premyera
Erbaqon: so'nggi so'z | "Fikrat" ko'rsatuvi
❗️ 2-qism
Ekspertlar: siyosatshunos Hamid Sodiq va No‘monxon Abdulmajid
-
2023-02-23 14:55:14+00:00
Nega hali ham rus tiliga moyillik yo'qolmayapti?
-
2023-02-25 14:00:31+00:00