-
2023-03-01 16:18:01+00:00
Республикамызға жаңа "Тез жәрдем" автотранспортлары алып келинди
Бүгин Республикамыз аймағына наўқасларға “Тез жәрдем” хызметин усыныныўдың сапасын жақсылаў, медицалық жәрдем көрсетиўди жетилистириў мақсетинде 10 дана жаңа автотранспорт қураллары алып келинди.
Қарақалпақстан Республикасы Денсаўлықты сақлаў министрлигинде “Тез жәрдем” бөлимлери ушын ажыратылған 10 дана заманагөй “Volkswagen Caddy” автотранспортлары гилтлери салтанатлы түрде тапсырылды.
Айтып өтиў орынлы, усы жылдың январь айында усындай заманагөй тез жәрдем автотранспортларынан 10 данасы алып келинип, районлық медицина бирлеспелерине тапсырылған еди.
Арадан көп ўақыт өтпестен және 10 жаңа тез жәрдем машиналары республикамызға алып келинди.
Қарақалпақстан Республикасы Жоқарғы Кеңесиниң Мәлимлеме хызмети
-
2023-03-02 16:25:09+00:00
Қарақалпақстандағы ескирген үйлер қайтадан оңланады
Қарақалпақстанның Нөкис қаласы ҳәм районларында аўыр турмыс шараятындағы шаңарақларға тийисли үйлердиң төбесин оңлаў (жабыў), сондай-ақ, жасаў ушын жарамсыз ҳәм авариялық жағдайдағы үйлерди тазадан қурыў жумыслары алып барылады.