-
2023-02-01 06:15:44+00:00
Агробанк диққатига!
Айбим ўз ойлигимни нақд олмоқчи бўлганимми?➖Янгийўл
Мен кеча Агробанкнинг Янгийўл шаҳар бўлимидаги банкомат орқали ўзимнинг пластик карточкамдаги ойлик иш ҳақимдаги 150 минг сўмни нақдлаштириб олмоқчи бўлганимда, банкомат пулларни чиқариб яна қайтариб олгани сабабли пулларни ололмадим.
Ушбу масала бўйича Агробанкнинг Янгийўлдаги филиали бошлиғи номига берган аризам бўйича Нодир исмли шахс пулларни қайтариш масаласини кўрмасдан менга қўпол муомилада бўлди.
Ундан ташқари Агробанкнинг юридик бошқармаси бошлиғи Мухиддин Қиёмовга телефон орқали мурожаат қилиб, тегишли чоралар кўриш сўралганда у ҳеч қандай чора кўрмасдан телефон рақамини блоклаб қўйди.
Шу боис, бу ҳолат бўйича Агробанкнинг Янгийўл шаҳар филиалидаги Нодир исмли шахсга ва Агробанк юридик бошқармаси бошлиғи М. Қиёмовга тегишли чоралар кўришда ёрдам сўрайман.
Мени айбим ўз ойлигимни нақд олмоқчи бўлганимдами? Банк нега банкоматлари фуқароларни бундай фирибгарлик қилиб пулини ечиб олишига кўз юммоқда? Қани амалда банк мижоз учун, деган тамойил?
Шухрат Баратов,
Янгийўл тумани, Дўстлик МФЙ, Элибой кўчаси 6-уй.
-
2023-02-02 10:49:28+00:00
Ҳокимнинг ваъдасига ишониб, сарсон юрибман➖Тўрақўрғон
Ҳокимнинг имтиёзли кредит олиб берамиз, деган ваъдасига ишониб, "Яшил макон" доирасида катта майдонни кўкаламзорлаштирдим.
Иш қилаётганимизда келиб расм ва видеога тушиб кетганлар ҳеч қандай ёрдам бермади. Ҳокимнинг ваъдасига ишониб, сарсон юрибман.
Имтиёзли кредит олиб, иш фаолиятимни кенгайтиришга ёрдам беринглар.
Қодиржон Каримжанович
Сидиқов,
Наманган вилояти, Тўрақўрғон тумани, Чуст кўприк МФЙ, Пахтакор кўчаси 1-уй.
-
2023-02-06 05:15:09+00:00
Юк машиналари янги асфалт йўлни бузиб ташлаяпти➖Чуст
Биз Наманган вилояти, Чуст тумани, Варзик қишлоғи, Қалъаи Поён МФЙ, Мадраса кӯчасида яшовчи фуқаролар маҳалламиз ҳудудидан ӯтаётган юк автомобилларининг оғирлиги боис, янги асфалтни бузиб ташлаётганидан биз аҳоли қаттиқ жабр кӯраяпмиз.Сиздан ушбу масалада юқори мутасаддилардан амалий ёрдам олиб беришингизни илтимос қиламиз..!!
Маҳалла "Обод қишлоқ" дастурига киритилган. Лекин буларнинг ишлари "обод" қилиш эмас, фақат бузиш.
Туман ҳокимлигидан садо чиқмайди, қилаётган мурожаатларимиз натижа бермади.
Қалъаи Поён МФЙ да яшовчи бир гуруҳ фаоллар.
-
2023-02-07 05:58:32+00:00
Ойлигимиздан ҳар ой обунага ушланади➖Олтиариқ
Мурожаатчи: Биз Олтиариқ туманидаги барча Мактабгача таълим ташкилоти ходимларининг қийнаётган масала ҳақида мурожат йўлламоқдамиз.
Обуна мажбурий эмаслигини биламиз-у, лекин мажбурий обунадан қийналиб кетдик.
МТБ мудири Холисхон Апандиеванинг йилдаги режасига асосан тонналаб обуна бўлинади. Ўзи ойлиги оз боғчаларга обуна мажбурий директорлар шартнома қилмаса текширув ташланади.
Ойлигимиздан ҳар ой обунага ушланади, иложи йўқ директорлар мажбурланади. Саёҳатлари жонингдан ўткизади у ҳам мажбурий, мудир одам ахтаради.
Унга мажбур саёхатчи жўнатиш керак. Бу йил қишдан зўрға чиқаётган биз МТТ ходимларига осон бўлмаябди.
Ўтган йилги обунадан қарзни узиб бўлганимиз йўқ. Бизга ким ёрдам беради?
-
2023-02-08 13:23:02+00:00
Тошкент шаҳридаги Ёшлар ижод саройи яқинида яна бир дарахт кесиб ташланибди.
Масъулларни бундан хабари борми?
Санжар Авазбеков
-
2023-02-10 08:33:02+00:00
Йўллар ноқулай ва таъмирталаб аҳволда➖Сирдарё
Мурожаатчи: Сирдарё вилояти, Сирдарё тумани, Матонат МФЙ Хаштум қишлоғи фуқаролари номидан чиқаяпман.
Бу ердагилар ишга мактаб, боғча вахокозо бошқа юмуш билан чиқиш кириш йўлларидаги ноқулайликлар, таъмирталаб аҳвол қийналишмоқда.
Керакли мутасади ташкилот, рахбарлар кўриб чиқиб, мурожаатни идобий ҳал қилиб беришсин.
-
2023-02-13 09:23:02+00:00
Ерлар талон-тарож бўлмоқда, ҳокимлик эса жим➖Янгийўл
Янгийул тумани хокимининг 2005 йил 31 декабрдаги 415-сонли "Хожиакбар" хусусий фирмасига тупрок қазиб олиш каръери учун ер майдони танлаш тўғрисида"ги қарори қабул қилинган.
Туман хокимининг карори ва далолатномага асосан 5 гектар ер танлаб, ер майдони "Хожиакбар" хусусий фирмаси ўз ҳисобидан босқичма-босқич рекультивация қилиб, унумдор қатламини алоҳида бир ерга тўплаб, ёйиб ҳар йили 1 гектардан захирага топширилиши белгиланган. "Хожиакбар" хусусий фирмаси ер майдонини 2010 йилда топшириши керак эди. Лекин орадан 13 йил ўтса-да ер заҳирага кайтарилмай келинмокда.
Ер майдони Янгийул туман Кадастр агентлиги филиали томонидан 2021 йил 9 август кунги 1727259/R-A1831711 ракам билан руйхатдан ўтказган.
Савол тугилади: 2010 йилда давлат заҳирасига қайтарилиши лозим бўлган ерлар кандай ва нима сабабдан "Хожиакбар" хусусий фирмасига хатлаб берилди?
Қаровсиз ерлар аҳолига томорқа сифатида, экин майдони сифатида ёки "яшил макон" сифатида ажратиб берилса мақсадли иш қилинган бўларди.
"Хожиакбар" хусусий фирмаси томонидан ўзлаштириб олинган ерлар "суғориладиган, қишлок хўжалигида фойдаланиладиган ерлар" тоифасига киради.
Бу масаладан туман ҳокими У.Ялгашев, вилоят кадастр бошлиғи Р.Пайзиев, туман кадастр бошлиғи А.Махмудовни хабари бўлса-да бунга кўз юмишмоқда.
Ер соҳасида қонунийликни таъминлаб, ушбу ерни захирага қайтариб,аҳоли берилишида ёрдам беринг.
Бахтиёр Шахрамов,
Янгийул тумани, Ниёзбош ҳудуди фуқароси.
-
2023-02-14 14:19:54+00:00
Бизнинг уй орқа томони аҳлатхонага айланган➖Сирдарё
Мурожаатчи: Мен Сирдарё вилояти, Сирдарё тумани, Дўстлик маҳалласи, Буюк ипак йўлида тураман.
Бизнинг уй орқа томонида аҳлатхона қилинган. Мана ахвол, 70-дом аҳлатини ташлайди.
15 йил бўлди кўчиб келганимизга ҳали хамон бу чиқиндилар тозаланмайди. Ёзда ҳовлида ўтиролмаймиз.
Ёрдам беринг.
-
2023-02-16 12:33:02+00:00
Бу йўлдан "тез ёрдам" машинаси ҳам кира олмаяпти➖Нуробод
Биз сизга Самарканд вилояти, Нуробод тумани, Халкобод МФЙ Тортувли кишлоғидан мурожаат килмокдамиз.
Бизнинг мактабга, ҚВП, ишга борадиган ички йўлимиз жуда ачинарли ахволда. Бу йўлдан "тез ёрдам" машинаси ҳам кира олмаяпти. Бу ҳақида маҳаллага бир неча марта ҳам ёзма ҳам, оғзаки мурожаат қилганмиз.
Илтимос шу масалада бизга ердам беринг.
-
2023-02-17 09:28:02+00:00
#rasmiy_munosabat
⚡️Kusherbayevga murojaat telegram kanali orqali "Yerlar talon-taroj bo‘lmoqda, hokimlik esa jim - Yangiyo‘l" sarlavhasi ostida yo‘llangan murojaat Kadastr agentligi Toshkent viloyati boshqarmasi tomonidan nazoratga olinib, hozirda ishchi guruh tomonidan o‘rganish ishlari olib borilayotganligini maʼlum qilamiz.
❗️Holat yuzasidan qo‘shimcha maʼlumot berilishi taʼminlanadi.
Kanalga ulanish: https://t.me/tvkad
Facebook Instagram
-
2023-02-18 11:54:02+00:00
Машиналар бордюрни устига чиқиб кетаяпти➖Тошкент
Мурожаатчи: Тошкентда машиналар бордюрни устига ҳам чиқиб кетаяпти. Бордюрларни бўйини узунроқ қилса бўлмайдими?
Авария ҳолати Тошкент шаҳар Бунёдкор кўчасида бўлган.
-
2023-02-19 05:07:03+00:00
Маъсуллар нима учун кўзбўямачилик қилишади?➖Риштон
Мурожаатчи: Фарғона вилояти, Риштон тумани, Бешкапа қишлоғи, Бунёдкор кўчаларни аҳволи.
Бу маҳаллаларга одамлар чõнтагидан шағал ётқизган келмайдиган сув учун қазилган чуқурлар ковлаган инсонлар томонидан қайта кўмиб кетилди. Ёмғир ёғган кунлар кириб бўлмайди, мошина кирса лойга ботиб қолади, одамлар кирса оёқ кийимлар расвоси чиқиб кетади.
Маъсуллар нима учун бунақа кўз бўямачилик қилишади Ўзбекистонда?
Йўлни аҳволига ким жавоб беради энди ?
-
2023-02-20 12:23:02+00:00
Такрорий мурожаат: ҳокимият матбуот хизмати келиб фақат расмга тушиб кетди, муаммо ҳал бўлмади➖Сирдарё
Ассалому алайкум!
Сизга яна мурожаат қилишга мажбур бўляпман.
Сирдарё туман ҳокимлигининг матбуот хизмати халқни тинчлантириш учун расм орқали муносабат билдирган.
Лекин ҳеч қандай ўзгариш йўқ. Шунчаки расмга тушиб кетишни бизга ҳеч қандай фойдаси йўқ. Ҳуқуқни муҳофаза қилувчи органлар ҳам Ҳокимият ҳам ҳеч қандай чора кўрмаяпти.
Ким ҳақ ҳуқуқимизни ҳимоя қилади? Бунақа ҳокимиятни бизга нима кераги бор?
Тураев Мансур,
Сирдарё вилояти, Сирдарё тумани, Зиёкор МФЙ Сардоба берк кўчаси 6-уй.