-
2021-01-30 07:39:14+00:00
Мен Сизни севмасдим. Сиз гўёки бир ота образидек эдингиз: олдингизда ҳайиқиш бор эди. У туйғу Стокгольм синдромидир эҳтимол.
Болалигимда ўша йилларни, негадир айнан ўша йилларни жуда оғирдек эслаб қолганман. Магазинлар бўш эди, қандайдир купончаларни кесиб, магазинга бориб навбатда туриларди. Бу нарсаларни ҳозирги “ТикТок авлод” га айтсанг, ишонмаса керак. Янги йил байрамларида авваллари ҳашаматли, тўлиб турадиган Қорбобо совғаларидан, ичидаги биттагина яхши етилмаган яшил апельсиндан сезардим: ҳаёт -- оғир. Мактаб директори бир куни чақириб, мактабга “Президент арчасига” таклифнома келгани, уни аълочи бўлганим учун менга беришлиги ҳақида айтди. Онам қандайдир қизил матодан кўйлак тикиб берди. Биринчи марта “Туркистон” саройига бордим. Негадир хурсанд бўлмадим. Негадир татимади. Болаликдаги Сиз билан боғлиқ хотиралар шодонроқ бўлиши керакдир, лекин меники фақат шу.
Кейинроқ бюджетга кирдим, тўрт йил ўқидим. Ўша пайтда оддий нарса бўлиб кўринганди, ҳозир ўйлаб қоламан: бугун ўз кучим билан институтнинг бюджетига кира олармидим? Риторик савол аслида бу.
Шу икки нарса ҳар йили 30 январда ҳаёлимга келади. Тақдир тақозоси билан 30 январь куни фарзандим дунёга келган. Мийиғимда кулиб қўяман 365 кун ичидан худди шу кун насиб этгани учун.
Балки, менинг авлодимнинг Сизга саволлари кўпдир, биламан, менда кўп эди. Тўғрироғи, икки дунё орасида, собиқ СССР нинг қўёши ботаётган йилларида туғилиб, Сизнинг “Янги Ўзбекистон” авлодингизга айланиб улгурмаган, сиёсатнинг ҳамма ўзгаришларини -- ура солиб мачитга югуришлар ва бирдан тўҳташлар, турк лицейларининг очилиб-ёпилишлари, бирдан инглиз тилини ўрганишни бошлаш ва яна рус тилига қайтиш -- барчасини ўз гарданида ҳис этиб, бу тажрибалар учун умрининг энг унутилмас онлари билан тўлаган, кейин эса ҳаддан ташқари “Ғарблашган”ликда айбланган ва дунёнинг турли бурчакларида тарқаб юрган авлоднинг, менимча, энди ҳеч қандай саволи йўқ.
Мен Сизни севмасдим. Ҳозир… ёмон ҳам кўрмайман. Сизни ёмон сўз билан эслашга кўнглим бормайди. Руҳингиз осойишталик топсин.
👉 @madnifique 👈
-
2021-01-29 19:42:39+00:00
Тўғрисини айтсам, “Ака-ука Карамазовлар” ўзбек тилида аввал чиқмаганлигидан бехабар эдим, тунов куни Раҳимжон @palsapa “Шуни аудио китоб шаклида ўқисангизчи” деганида билдим. Мен доим рус ва инглиз тилларини билиш нақадар муҳимлиги ҳақида айтаман, “Достоевскийни оригиналда ўқиш учун ҳам рус тилини ўрганса арзийди”, дейман. Лекин, бу алоҳида масала.
Асар жуда катта, буюк ва чуқур. Инглиз тилида шундай ибора бор: “Larger than life”, тахминан, “Ҳаётданда улканроқ” маъносида. Буни “Карамазовлар” га нисбатан қўлласак, оддий китоб даражасидан улканроқ асар дейиш мумкин. Мураккаб, оғир, кўп қатламли (многослойный), уни ҳар бир қатламини турли ўлчамлар призмаси орқали кўриш мумкин. Бир мисол: бир ўғил Россиянинг тимсоли, бошқаси орқали ёзувчи ўзининг ҳақиқий ўйларини ифолайди. Хуллас, ўқимаган бўлсангиз, албатта ўқиб кўринг босмадан чиққанида.
👉 @madnifique 👈
https://t.me/Palsapa/166
-
2021-01-28 06:51:27+00:00
Кеча севимли ёзувчим Виктор Гюгонинг қисқа бир ҳикоясини ўқиб колдим, анча ўйлантириб қўйди.
"... Бу ишчи йигит ақлли, лаёқатли, уддабурон одам бўлса ҳам, маълумоти йўқ эди, аммо табиат уни ўз фазилатларидан бенасиб қилмаган эди; гарчи у саводсиз бўлса ҳам, фикрлаш лаёқати яхши эди. Қиш кунларининг бирида у иш тополмай бекорчи бўлиб қолди. Кулбасида на ейишга нони, на ёқишга ўтини қолган эди. Эр, хотин ва бола аёз ва очликдан азоб чека бошлашди. Шунда Клод ўғирлик қилди. Унинг нима ўғирлаганини ҳам, қаердан ўғирлаганини ҳам айтолмайман. Фақат биламанки, ўша ўғирликдан кейин хотини билан боласи уч кунгача қоринлари нонга тўйиб, иссиқ кулбада яшашди, йигит эса беш йилга қамоққа ҳукм қилинди." (...давомини ўқиш)
-
2021-01-26 04:56:44+00:00
Жорж Оруэлл, “Ҳайвонлар хўжалиги ҳақида ғаройиб қисса”, 3, 4 ва 5-боблар. Агарда билсангиз, собиқ СССРдан ташқари қисса турли даврларда Хитой ва Вьетнамда маън этилган. Асар Кенияда коррупция ва амалдорларнинг порахўрлигини сатира орқали кўрсатгани учун цензурага тушган. У ҳали ҳам Куба ва Шимолий Кореяда таъқиқланган асарлар сафида, айтишларича, Кубада уни ҳаттоки ёқишган ҳам. Ушбу бобларда воқеалар кутилмаган тус олар экан, асарнинг қаҳрамонларида балки Сталин, Троцкий, Ленин, Гитлерларни танирсиз, ёки яна ким билсин, умуман бошқалар кўз олдингизга келар.
📝 Таржимон: Санобар Каримова; матн ziyouz.uz дан олинди. #Молхона
👉 @madnifique 👈
-
2021-01-26 03:14:48+00:00
Бугундан "Европа виждони", "Ақллар ҳукмдори", Нобель мукофоти соҳиби Альбер Камюнинг "Бегона" қиссасини ўқишни бошладим. Қуйида асарнинг биринчи бобини тинглашингиз мумкин. Рус тилидан Аҳмад Аъзам таржимаси. Китобнинг PDF нусхаси kutubxonachi.uz сайтидан олинди.
-
2021-01-25 14:05:16+00:00
Иккинчи жаҳон уруши даври. Паркнинг ташландиқ бир биносига назар солсангиз, ҳайратдан қотиб қолардингиз: у ерда бир гуруҳ олимлар нацистларнинг махфий кодини бузиш учун “Энигма” ни яратишарди. “#Инноваторлар” нинг 2-боби айнан ўша Бенедикт Камбербэтч бош ролни ижро этган “Игра в имитацию” фильмидаги асл воқеалар, Алан Тюрингнинг фожеали ҳаёти ва энг муҳими, “биринчи компьютерни ким яратган” саволига жавоб беради.
👉 @madnifique 👈
https://t.me/nurbekalimov/2317#
-
2021-01-25 06:44:02+00:00
https://t.me/ashermuhammad/3
-
2021-01-25 00:41:13+00:00
👉@madnifique👈 каналида нотижорий, баъзи машҳур асарлар билан таништириш, ҳамда, энг муҳими, кўзи ожиз инсонларга китобларни тинглаш имкониятини бериш мақсадида ёзилган аудиокитоблар рўйхати:
-
2021-01-25 00:09:59+00:00
🎧 С. Довлатов, "Чемодан"
🎤 Ўқийди: @madnifique
📝 Таржимон: О. Абдуллаев
💾 Матн манбаси: ziyouz.uz
👉 @madnifique 👈
-
2021-01-23 18:25:56+00:00
7-8 боб: "Ҳайдовчи қўлқопи" ва "Қишқи телпак". Мана, Довлатов “Чемодани” нинг сўнгги 2 боби. Бугун қизим устимга онам қавиб берган кичкина қизил духоба болалар кўрпасини ёпиб қўйди. Тушимга Юлдузнинг 80-йиллардаги қўшиғи кирди. Торонто кўчаларидаги трамвайлар мени Бодомзордан марказга элтадиган трамвайни эслатди. Трамвай энди йўқ, у Тошкент ҳам йўқ, Тошкентда эса мен йўқман. Мен каби миллионлаб иммигрантларнинг ҳар бирида шу каби ўз “Чемодани” бор.
🎧 Аввалги боблар: #DovlatovChemodan
👉 @madnifique 👈
-
2021-01-22 22:50:55+00:00
Сўраганлар учун АҚШ лик физик-теоретик Митио Какунинг "Имконсизлик физикаси" бестселлеринг Alimoff Team томонидан таржима қилинган ва мен томонимдан ўқилган аудиокитоб варианти.
👉 @madnifique 👈
-
2021-01-22 18:20:44+00:00
👉 @madnifique 👈
-
2021-01-22 14:04:05+00:00
Лотин Америкалик ёзувчилар менга жуда ёқади, уларнинг қандайдир алоҳида ўзига хос атмосфера яратиш, тасвирлаш маҳорати баланд. Хорхе Луис Борхес ҳақида 👇
https://t.me/Palsapa/165
👉 @madnifique 👈
-
2021-01-21 17:31:26+00:00
Хамма: “Қандай қилиб бунақа гап чиқди, дейлик, Гуглда таржима қилган бўлса ҳам рус тилида бундай ибора йўқ-ку?!”
Инглиз тилида сўзловчилар ва таржимонлар: ... 😂
👉 @madnifique 👈
-
2021-01-21 03:02:09+00:00
Жорж Оруэлл, “Ҳайвонлар хўжалиги ҳақида ғаройиб қисса”, 1 ва 2-боб. Animal Farm: A Fairy Story ёки янги таржимада "#Молхона” номи билан танилган қисса Оруэллнинг энг машҳур аллегорик асаридир. Жаҳон адабиётининг сара асарларидан бири бўлган ушбу қисса образлар ёрдамида 1917-йил революцияси воқеалари билан бошланади ва йиллар ўтса ҳам кўпгина тузумлар элементларини ўзида акс эттириши сабабли долзарблигини йўқотмайди. Қисса 1945 йилда дунё юзини кўрганига қарамай, собиқ СССР да, албатта, маълум сабабларга кўра, фақатгина қайта қуриш даврида босмадан чиққан. Аудиокитобни кенг омма ва хусусан, кўзи ожиз инсонлар тинглаш имкониятига эга бўлишади, деган ниятда нотижорий мақсадда ёзмоқдаман.
📝 Таржимон: Санобар Каримова; матн матн www.ziyonet.uz дан олинди.
👉 @madnifique 👈
-
2021-01-18 17:13:47+00:00
📱 Тасаввур қилинг: чўнтагимиздаги оддий смартфон, дейлик, iPhone 6 нинг ичидаги соат NASA нинг Apollo эрасидаги ракета бошқарув компьютерларидан 32,000 марта тез ишлайди! Бунинг ҳаммаси қандай ва кимлар томонидан бошланган? Биринчи дастурчи аёл киши бўлганми? Компьютерлар яратилишига тўқув дастгоҳи илхом берганми? Айзексоннинг «#Инноваторлар: Бир гуруҳ даҳолар, хакерлар ва гиклар қандай қилиб рақамли инқилобни амалга оширдилар» номли компьютер ва дастурлашга бағишланган китобининг аудиозаписи давомида жуда кўп янгиликлар билиб оляпман, 1-бобни тинглаб кўринг 🎧
👉 @madnifique 👈
https://t.me/nurbekalimov/2296
-
2021-01-18 05:07:07+00:00
Эътиборингизга айни дамда ёзаётган аудио китобларимдан бири, Джордж Оруэллнинг жаҳон адабиёти дурдоналари қаторидан алоҳида жой эгаллаган “Ҳайвонлар хўжалиги ҳақида ғаройиб қисса” (янги таржимада “Молхона”) асаридан бир парча ҳавола этмоқчиман. Бу парча қари майор Тўнғизнинг машҳур эмоционал ва символик монологидир.
1-боб тез кунларда ушбу канал, ҳамда YouTube да жойлаштирилади.
👉 @madnifique 👈
-
2021-01-16 02:45:47+00:00
6-боб: “Поплин кўйлак”. Бир куни Твиттерда гуллар ҳақида сўз кетди. Бир эркак айтди, мен 300 долларга гул сотиб олдим, улар тезда сўлиб қолди, нима кераги бор гулларнинг. Бошқа аёл деди: “Энг ёрқин хотираларимдан бири -- эшикни очсам, севган инсоним орқасида беркитиб турган бир тўп бинафшани совға қилгани”.
Довлатовнинг “Поплин кўйлаги”, менимча, туйғулари ва севгани ҳақида баландпарвоз сўзларсиз гапира оладиган инсон ҳикояси. Пафос, идеаллаштириш, мураккаб иборалар, дашту саҳролардаги изтиробларсиз. Ҳашаматли эмас, йўл чеккасидаги болачалардан олинган бир даста бинафшаларни газетага ўраб севган инсонингга берсанг ҳам севгинг қийматини йўқотмаслиги ҳақида. Ва, энг муҳими, нарх ва қиймат орасидаги фарқни англаб етадиган инсонни учратганингда, бу бахтни бой бермаслик тўғрисида.
🎧 Аввалги боблар: #DovlatovChemodan
📺 YouTube
👉 @madnifique 👈
-
2021-01-14 06:38:49+00:00
Тарихдаги биринчи программист аёл киши бўлгани, бунинг устига машҳур шоир Лорд Байроннинг қизи графиня Ада Лавлейс эканини билармидингиз? Бугун Айзексоннинг «Инноваторлар: Бир гуруҳ даҳолар, хакерлар ва гиклар қандай қилиб рақамли инқилобни амалга оширдилар» номли компьютер ва дастурлашга бағишланган китобини аудиокитоб сифатида ёзишга киришдим ва у айнан Ада Лавлейс ва унинг биринчи программаси тарихи билан бошланади. Тез кунларда 1-боб тайёр бўлади 🎧👏
👉 @madnifique 👈
-
2021-01-14 06:20:32+00:00
“Если вглядишься в звезду, ужас войдёт в душу, можно зарыдать от безнадежности и невыразимой муки — так далека, далека эта звезда. Можно думать о бесконечности — это легко, а тут я вижу, я достаю ее и слышу её молчание, мне кажется, что я лечу, и только светится недостижимое дно колодца и стены пропасти не движутся от полёта. От вздоха в таком просторе разрывается сердце, от взгляда в провал между звезд становишься бессмертным”.
У меня не хватает словарного запаса, чтобы передать высоту полёта мысли Платонова, а ведь так прекрасно, что начали переводить подобных писателей.
👉 @madnifique 👈
https://t.me/the_bankiroff/1964
-
2021-01-13 01:13:03+00:00
5-боб: “Фернан Леженинг камзули” да Довлатов маҳзун ва жиддий мавзулар ҳақида сўзлади. “Асрга татигулик” мавзулар, масалан, дўстлик ва унинг тили билан айтганда “Жароҳатланган ва аянчли инсон қалби ҳақида”. Ëки мана бу: “Таланган халқларнинг барчаси -- эгизаклардир”.
📺 YouTube
🎧 Аввалги боблар: #DovlatovChemodan
👉 @madnifique 👈
-
2021-01-13 00:57:49+00:00
🎧 Бу хафта Alimoff Team томонидан ўзбек тилига ўгирилган, АҚШ лик сиёсатшунос олим Сэмуэль Хантингтоннинг бестселлер "Цивилизациялар тўқнашуви" номли тарихий-фалсафий трактатни аудиокитоб сифатида ўқиб тугатдим. #Хантингтон асарининг барча боблари қуйида жойлаштирилган, бутунлигича .rar шаклида бу ерда юклаб олиш мумкин.
Кириш қисми ва 1-боб
2-боб
3-боб
4-боб
5-боб
6-боб
7-боб
8-боб
9-боб
10-боб
11-боб
12-боб
Эртага эса енг шимариб Айзексоннинг "Инноваторлар" китобини аудиокитоб шаклида ёзишга киришмоқдаман 👏
👉 @madnifique 👈
-
2021-01-09 15:46:58+00:00
4-боб. “Зобитлар камари”. Армияда хизмат қилмаганман, бироқ хизмат қилсам, худди Довлатовдек бошим ёрилган ва қўлим синган ҳолда касалхонада уйғонардим )
Дарвоқе, режамдаги аудиокитоблар: компьютерлар ва дастурлашга оид 📚Айзексоннинг “Инноваторлар” бестселлери, ҳамда жаҳон адабиёти дурдоналаридан бўлмиш 📚Оруэллнинг “Молхона”си ва 📚Голдингнинг ўзбек тилидаги илк бора, аввал таржима қилинмаган “Пашшалар подшоҳи” романи. Канални кузатиб боринг. #DovlatovChemodan
📺 YouTube: https://youtu.be/NAdzFL8Wi3A
-
2021-01-06 02:05:21+00:00
3-боб. “Бинойидек костюм”. Редакциядан байрам муносабати билан халқлар дўстлигини тараннум этиш вазифасини олган Довлатовнинг журналистик қидируви детективга айланади: жосуслар, мандарин истаган қахрамон она, КГБ, Барышников, қанақадир ўзбеклар… Цензурадан чарчаган Довлатовнинг “ҳаммол бўлиб ишлаганим яхши эмасмиди?” риторик саволи ўйлантирди: қандай қилиб у қувноқлигини йўқотмаган? Балки, бироз телба бўлсанггина буткул ақлдан озмассан?...
👉 @madnifique 👈
📺 YouTube да ва комментлар: https://youtu.be/A7lQkL9fIhA
#DovlatovChemodan
-
2021-01-05 16:49:23+00:00
💉Мен истиқомат қиладиган Канаданинг Онтарио провинциясида (ҳа, @zambarakning_oqi узоқ қўшни :), провинциянинг ковид билан касалланганларни даволашга мўлжалланган биринчи очиқ госпитали бу хафта ишга тушади. Янги йилни Торонто шаҳри ва Онтарионинг бошқа шаҳарлари локдаунда кутиб олди. Бугун карантиннинг ўн биринчи кун. Ковид билан касалланганлар сони геометрик прогрессия бўйича ўсаяпти, касалхоналарда жой тиғиз ёки умуман йўқ. Moderna нинг вакциналари Онтариога ўтган хафта келди ва қарияларни эмлаш қайта бошланди. Чунки, ўша мақталган Pfizer вакцинаси билан қарияларни эмлашда кутилган муаммога дуч келинди, яъни, вакцина ўта совуқ ҳароратда (-70С) сақланиши кераклиги туфайли уни жойларда қилиш мушкул, шу вақтнинг ўзида, қарияларни вакцина пунктларига транспортировка қилиш, бунинг устига 2 марта эмлаш — вакцинада иккита доза — қийин масала. Эмлашнинг 1-фазасида приоритет қилиб олинган медицина соҳаси вакиллари, ёши катталар ва туб аҳоли (First Nations) дан кейин кимнинг навбати келиши ҳақида аниқ режа кутилмоқда
-
2021-01-04 15:25:55+00:00
📚 Бу хафта “РБГ билан суҳбатлар” китобини ўқияпман. Журналист Джеффри Роузен унда АҚШ Олий суди судьяси ва тенг ҳуқуқлилик етакчиси Рут Бадер Гинзбург (РБГ) билан умри бўйи олган интервьюлар, суҳбат ва мактубларини чоп этган. Судья ва оддий журналист бир умрлик самимий дўст бўлишини тасаввур эта оласизми? Жуссаси кичкина, ўта камгап РБГ ҳаётини АҚШ даги бир қатор йирик қонунларни ўзгартиришга сарфлаган ва нафақат аёллар, балки эркакларнинг ҳам жинс асосида хуқуқлари поймол этилганда оддий адвокат сифатида улар учун Олий судда курашган. Балки китобдан бир барча таржима қилиб аудио яратарман вақти келганда.
РБГ шундай деган: “Фикримча, эркаклар ва аёллар елкама-елка туриб бу дунёни яхшироқ маконга айлантириш учун меҳнат килишади. Худди эркакларни устунроқ жинс вакиллари деб ҳисобламаганимдек, аёлларни ҳам устунроқ жинс вакиллари деб ҳисобламайман. Барча инсонларнинг истеъдодларини ҳаётнинг ҳамма жабҳаларига сафарбар этишни бошлаётганимиз ва қачондир ёпиқ бўлган зшиклар эндиликда очилаётгани нақадар ажойиб”.
-
2021-01-03 17:02:59+00:00
Совет-Афғон уруши давримизнинг биринчи цивилициялараро уруши эдими? Форс кўрфази урушида Саддамни ким қўллаб-қувватлади ва нима учун? Хантингтон ушбу бобда Ислом ва милитаризм, бўлиниш чизиғи ва чегаралардаги қонли низоларнинг ўзига хос жиҳатлари каби масалаларни очиқчасига кўндаланг қўяди. У шундай теорияни илгари суради: демографик мувозанатнинг ўзгариши, ёшлар сонининг 20 фоиздан ошиши ва ишсизликнинг юқори даражалари XX асрнинг охиридаги кўпгина зиддиятларга сабаб бўлди. XXI асрда бунга нима ечим булиши мумкин? Хантингтоннинг асари кульминацион нуқтасига етмоқда (12 бобдан ўнинчи боб):
https://t.me/nurbekalimov/2229
-
2021-01-02 16:55:37+00:00
На десятой минуте Soul (Душа) я закричала (щаааа будет спойлер!): в смысле, умер?! Дисней?!
Мозг не соображал, смотрю я детский мультик или Six Feet Under.
Потом началось что-то невообразимое: легким движением руки Pixar превратил мульт на обновленную и упрощенную версию “Божественной комедии” Данте. Правда, создатели мастерски избавили нас от мучений Inferno и Paradiso, и создали свой более оптимистичный PG вариант Purgatario (чистилища) и назвали его “Великим До”. Душа маленькой Мад, посвятившей лучшие годы своей жизни изучению зарубежной литературы, билась в блаженстве. Отсылки к Ганди, Матери Терезе, Юнгу, Копернику, и даже Марие-Антуанетте. А тут еще главные герои бродят у Алигьери болтая голосом Джереми Фокса и Тины Фей, это ведь брависсимо.
На днях мой ребенок спросил о том, почему я трачу своё время на запись аудиокниг. Признаюсь, мой ответ был слишком прямолинейным для тринадцатилетнего дитя, хотя, справедливости ради следует заметить, что дитя уже в десять лет три раза перечитало “Фаренгейт 451”. У меня было много ответов, но я вкратце сказала: “Много лет спустя, я ведь буду жить лишь в твоих воспоминаниях, а тут хоть кто-то еще может меня послушать”. Тинейджер задумчиво ответил: “Пожалуйста, только не говорите, что у Вас кризис среднего возраста”. Ауч. Touché.
Так вот, Soul — это не тот мультик, который вы можете смотреть с пятилетним ребенком под звуки песни короля Джулиана. Не-не-не, вам лучше его смотреть, если вы хотите поразмышлять над вечными экзистенциальными вопросами. Когда герой будет смотреть на “выставку своей жизни”, предупреждаю: вы окунетесь в океан вопросов о своей собственной жизни.
Да, мультфильм “Душа” не стоит смотреть, если вы уже в безвозвратном экзистенциальном кризисе. Если вы не в экзистенциальном кризисе, то он вас туда весьма успешно введет :D После, так, мастерски, укажет вам на луч надежды. Будет хорошо, временами даже искренне смешно несмотря на нелегкую тему. Котяра вообще айс. Даю 9 из 10.
-
2021-01-01 17:20:27+00:00
Довлатовнинг чемоданидаги туфли қаердан келган эди? Буни билиш учун 2-бобни ўқидим, лекин жойларида ҳиринг-ҳиринг қилаверганимдан қайта-қайта ёзишга тўғри келди. Ҳикояни сал замонавийлаштириш мақсадида амалдор нутқ сўзлаётганда, унинг “матонатли ленинчи” деган сўзларининг ўрнига “муҳтарам” деб кўрдим, менимча жойига тушди :D Ўзи “ўғирлашяпти” қисми ҳар қачонгидан ҳам долзарб, шундай эмасми? Хуллас, мана “Амалдорнинг туфлиси” номли боб.
📺 YouTube да ва комментлар учун: https://youtu.be/wrZc8UwiUII
👉 @madnifique #DovlatovChemodan