-
2021-09-25 00:42:43+00:00
ПРЕМЬЕРА: Инглиз ёзувчиси ва файласуфи Олдос Хаксли ТЎҚҚИЗ марта Нобель мукофотига номзод этиб кўрсатилган ўз даврининг етук интеллектуалларидан бири ҳисобланади. Унинг 1932 йилда нашр этилган антиутопик, ижтимоий-фантастик “Ажиб янги дунё” романи репродуктив технологиялардан фойдаланиб табиат қонунлари ва инсон тақдирини ўзгартиришга асосланган жамият ҳақида сўзлайди. Асар шунчалик машҳурки, баъзан “Ажиб янги дунё” ибораси бирон-бир янгилик, ўзгаришни тасвирлаш учун ҳам ишлатилади.
Ушбу асарни “Асахий” нашриёти учун аудиокитобга айлантириш имкониятидан хурсанд бўлдим, чунки, антиутопия жанри мухлиси сифатида “Ажиб янги дунё” нинг ўзбек тилида чиқиши ва уни биринчилардан бўлиб ўқиш мен учун қувончли ҳодисадир. Муаллифлик қоидаларига риоя қилган тарзда аудиокитобнинг 1-боби билан бўлишмоқдаман, асарнинг тўлиқ босма ва аудио шакли @asaxiybooks да.
👉 @madnifique 👈
-
2021-09-10 02:55:54+00:00
В городке Гандер на Ньюфаундленде и Лабрадоре с населением в 9,000 человек 20 лет тому назад все перевернулось мгновенно. Приземлились 38 самолетов, на борту которых находились более 6,500 пассажиров из 95 стран, неожиданным образом практически ставшие беженцами.
В городке Гандер в тот день не было долгих споров и разговоров. Мир буквально рушился на глазах, но гандеровцы добровольно приносили приезжим еду, одежду, простыни, подушки. Никто не назвал прибывших “непрошенными гостями”. Никто не сказал: “Мы не сможем их прокормить”. И не было разговоров в духе “К нам приедут плохие люди”.
В городке Гандер люди решили помочь соседям. И так решила вся Канада. Когда 11 сентября 2001 года США закрыли воздушное пространство, Канада приняла 240 самолетов и отправила в Нью-Йорк своих спасателей и пожарников. Теперь эту историю пересказывает мюзикл Come from Away на Бродвее.
Для потерявших кров и ищущих надежду, существуют городки Гандер. Они как маяки.
Пусть на свете всегда будут городки Гандер.
-
2021-09-07 23:20:02+00:00
Кафка: Қанақа китоб ўқияпсиз?
Яноух: “Тошкент — нон шаҳри”…
Кафка: Ажойиб китоб. Яқинда мен уни бир оқшомда ўқиб чиқдим.
Яноух: Назаримда, бу китоб, санъат асаридан кўра кўпроқ ҳужжатга ўхшайди.
Кафка: Ҳар қандай чинакам санъат — ҳужжат, гувоҳнома. Худди бу китобдагидай — бундай болалари бор халқни енгиб бўлмайди.
Яноух: Бироқ гап, ҳарқалай, бир-икки болада бўлмаса керак.
Кафка: Аксинча! Материянинг кўриниши атомдаги электронлар сони билан белгиланади. Омманинг савияси бир-икки нафар саноқли одамнинг онглилигига боғлиқ.
Чехиялик мусиқачи ва адабиётчи Густав Яноухнинг “Кафка билан суҳбатлар” асарини варақладим. Юқоридаги фикрни Кафка Неверовнинг “Тошкент — нон шаҳри” қиссасини ўқигач айтган.
Кафка балки ҳақдир, бир-икки нафар саноқли одам омма савиясини белгилаб берар. Қайси миллат бўлишидан қатъий назар, жаҳолат зулматига ботганда, бундай одамлар қоронғуликда чарақлаган ягона юлдуздек умид беради. Лекин, энг даҳшатлиси — тескариси, яъни мана шу саноқли одамларнинг йўқолишида бўлса керак.
👉 @madnifique 👈
-
2021-09-06 04:00:14+00:00
"...Мен аниқ биламан, деразадан ташқарида бир фазо бор ва кимдир мени тинглаяпти. Ўша кимдир икки юз йил кейин ёки уч юз йил олдинда бўлсин, менга фарқи йўқ. У кенг маънода мени борлиқ билан, ўзлигим билан боғловчи бир восита. Энг зўри шундаки, одам шеър ёзаётганида «Мен ҳам борман, Мен ҳам мавжуд бўлганман» деб айта олади. Бўлмаса, қандай қилиб бошқа бир ҳолатда бундай деб айтиши мумкин?!...." – Фуруғ Фаррухзод #шеърият
👉 @madnifique 👈