-
2023-02-22 02:46:16+00:00
Қадрдонлар Синфдошларим.
Болаликнинг ширин дамлари,
Оқ теракни ўйнадик чопиб.
Ўша гўзал бахтли онларни,
Қани яна олсайдим топиб...
Биз мактабга илк бора келдик,
Юракларга тўлиб ҳаяжон.
Хаёлимда хали боламиз,
Биз улғайдик, айтинглар қачон.
Ўтказардик гўзал байрамлар,
Орзўларга тўлиб ўйнадик.
Мактаб даври тез ўтиб кетди,
Соғинамиз, ҳечам тўймадик.
Қумсаймизда ёшлик чоғларни,
Юракларга қулоқ соламиз.
Бобо, момо бўлсакда бизлар,
Яқин дўстлар бўлиб қоламиз.
Болалигим ёдга соласиз,
Азиз дўстим, ҳам тенгдошларим.
Бир умрга бўлинглар бахтли,
Қадрдонлар, Синфдошларим!
✍Марҳабо Каримова Эсонмурод қизи.Қашқадарё вилояти,Китоб тумани,Минжир қишлоғи.
-
2023-02-24 08:04:41+00:00
Болгарияда ўтаётган "Странжа 2023" турнирида боксчиларимизга омад тилаймиз.
Ўзбек бокси дунёда тенгсиздир...
Ғалабалар ёр,Оллох мададкор бўлсин!
-
2023-02-25 02:44:41+00:00
Устоз, охират сафарингиз жаннатларга элтсин.
Ошиқ Эркин (Эркин Мадраҳимов) 1937 йил 7 майда Хивада туғилган. Тошкент Давлат университети (ҳозирги ЎзМУ)нинг журналистика факулътетини тугатган.
1956 йилдан оммавий ахборот воситалари тизимида ишлаб келади. 1959 йилдан “Ўрта Осиё университети” газетасида масъул котиб, 1961 йилда “Ўзбекистон овози”, 1962 йилдан Ўзбекистон телерадиокомпанияси мухбири, 1971 йилдан Боғот туман газетаси муҳаррири, 1974 йилдан “Қишлоқ ҳақиқати”, “Сельская Правда” газеталарининг Қорақалпоғистон Республикаси ва Хоразм вилояти бўйича мухбири лавозимларида ишлаган.
1986-2010 йиллар давомида Ўзбекистон Ёзувчилар уюшмаси Хоразм вилоят бўлими масъул котиби вазифасида хизмат қилган.
Ошиқ Эркиннинг 30 га яқин бадиий ва публицистик китоблари нашр этилган. Жумладан, “Иқбол”, “Оҳулар”, “Йилга татиган бир тонг”, ”Ёлғоннинг умри қисқа”, “Пўлат ва унинг бобоси”, “Тиллақуш”, “Меҳринг тушди юракка”, “Азим дарё”, “Ўлгунча сизни дерман”, “Ишқинг тушди юракка”, “ Мужгонингга салламно” каби китоблари шеърият ихлосмандларига яхши таниш.
Ошиқ Эркин “Шуҳрат” медали, «Ўзбекистонда хизмат кўрсатган Маданият ходими» ҳамда “Қорақалпоғистонда хизмат кўрсатган маданият ходими” унвонлари билан тақдирланган.
Бугунги кунда Ошиқ Эркиннинг 700 га яқин шеърлари қўшиқ бўлиб куйланмоқда.
ЛО ИЛАҲА ИЛЛАЛЛОҲ
Не жамол бу, не камол бу, ло илаҳа иллаллоҳ,
Не қамар бу, не ҳилол бу, ло илаҳа иллаллоҳ.
Лаълидин жон истасам мен жон олар ул бегумон,
Не афсун бу, не зилол бу, ло илаҳа иллаллоҳ.
Солланиб севги шаҳрини қиёмат-қойим этган
Не қомат бу, не жамол бу, ло илаҳа иллаллоҳ.
Бир йўл кўриб ҳусни олин, лол қолур аҳли тараб,
Не ҳикмат, не қийлу қол бу, ло илаҳа иллаллоҳ.
Кўзларингни ўйнатур гул чеҳрада гулгун менги,
Не нуқра, не кумуш хол бу, ло илаҳа иллаллоҳ.
Ошиқ Эркин, ёр жамолу камолига садқа жон,
Не санъат бу, не аъмол бу, ло илаҳа иллаллоҳ.
ИШҚ АРО ҚЎЙСАНГ ҚАДАМ
Ишқ аро қўйсанг қадам куймакдин ўзга чора йўқ,
Ўртаниб ҳижрон аро ўлмакдин ўзга чора йўқ.
Ишқ сени ўтдан олиб, ўтларга отгай бир умр,
Бўлсанг-да гар дев — нотавон бўлмақдин ўзга чора йўқ.
Бул чаманга гуркираб, яшнаб кириб, охирида
Сорғариб бир гул каби сўлмакдин ўзга чора йўқ.
Дарди кўп, дармон йўқ, бераҳм севги азал,
Кўйида Мажнун бўлиб юрмакдин ўзга чора йўқ.
Севги султони мудом шоҳдин буюкдир, олдида
Дамда минг таъзим қилиб турмакдин ўзга чора йўқ.
Ошиқ Эркин, ишқаро кирдингми, бас, қайғурмагил,
Мард бўлиб бу йўлда отсурмакдин ўзга чора йўқ.
ҚИЙНАЛМАСИН
Севсангиз жондан севинг, сўнгида жон қийналмасин,
Бемеҳрга дуч келиб, бир меҳрибон қийналмасин.
Ҳеч бир ошиқ куймасин ишқ ўтида девонавор,
Унга ёр бўлсин садоқат, ҳеч қачон қийналмасин.
Севги бўстони вафо бирла безансин бир умр,
Тушмасин боғга ғубору, боғбон қийналмасин.
Сен кўтар осмон қадар ёрни муносиб бўлса гар,
Кетса оҳ чексин замину осмон қийналмасин.
Биз-ку меҳмон бир-бировга, хонадондур бу ватан,
Бир-бировни қийнамайлик, хонадон қийналмасин.
Соҳиби шондур муҳаббатда вафоли бўлса ёр,
Ёрга бахт бахш айлаган соҳиби шон қийналмасин.
Ошиқ Эркинга ўзинг жону жаҳонсан, дилбарим,
Қийнама, бир мен эмас — жону жаҳон қийналмасин.
МЕН СЕНИНГ ЖОНИНГ БЎЛАЙ
Сен менинг жонимни олгин, мен сенинг жонинг бўлай,
Қадди-бўйинг-чун, нигоро, дамда қурбонинг бўлай.
Бахтли қисматдур висолга ўртаниб етмоқ азал,
Қилма тарк ҳижрон азобин, маҳваш, ҳайронинг бўлай.
Бу шараф йўлида фарз мендан мурод, сендан карам,
Васлингга етказ, висол кўкида комронинг бўлай.
Мен сенга содиқ, вафодор, сендан менга сарви равон,
Лутф қилғил, бир умрлик танда дармонинг бўлай.
Сен менга хуршиди тобон, лаъли хандон бўл мудом,
Мен сенга достон битай, содиқ ғазалхонинг бўлай.
Йўлларимда сен гулу райҳон бўлиб қилғил хиром,
Йўлларингда, Ошиқ Эркин, меҳри рахшонинг бўлай.

-
2023-02-27 10:28:21+00:00
Ўзбек.бокси дунёда тенгсиз.
Ўзбек бокси дунёда тенгсиз,
Олам кўрди қудратларини.
Мана менман деган давлатлар,
Яширолмас х,айратларини.
Болгария, хатто Америка
Биздан анча ортда қолишди.
Биринчилик этдида насиб,
Медалларни кўплаб олишди.
Бутун дунё хавасла боқди,
Ўзбек боксин кўрди кучини.
Чимпеонлар мах,орат билан,
Оқлашдилар
мардлар бурчини.
Устозларнинг хизмати катта,
Кўзларида кўринг қувончни.
Шогирдлари матонат билан,
Мақсад сари топар ишончни.
Ғалабалар муборак бўлсин,
Қувонч фахр тўлди дилимга.
Юрт байроғин баланд кўтариб
Қахрамонсиз, ўзбек элимга.
Ассалому алайкум мураббийлар чимпеонлар,бокс фидоийларини "Странжа 2023" турниридаги ғалабаларингиз билан табриклайман.
Миразизбекни таваллуд куни билан муборакбод этаман.
Олтин медал олишга,
Х,ақлидирсиз шубхасиз.
Биз учун сиз ғолибсиз,
Мард пахлавон Миразиз.
✍Марх,або Каримова Эсонмурод қизи.
-
2023-02-28 10:15:58+00:00
Онамга тож кийдираман дастури 5-март 12:00 да Чилонзорда Мирзо Улуғбек метроси яқинида жойлашган!
Бараках ресторанида бўлиб ўтади.