-
2023-03-01 19:01:24+00:00
ЎЗБЕКИСТОНДА БУГУН ҚАНДАЙ ОБ-ҲАВО КУТИЛМОҚДА?
"Ўзгидромет" бугун, 2 март, пайшанба куни кутилаётган об-ҳаво маълумотини тақдим этди.
Тошкент шаҳрида ҳаво ўзгариб туради, ёғингарчилик кутилмайди. Ҳарорат кечаси +4..+6, кундузи +19..+21 даража илиқ бўлиши кутилади.
Қорақалпоғистон Республикасида ҳаво ўзгариб туради, баъзи жойларда бироз ёмғир ёғиши мумкин. Хоразм вилоятида эса, ёғингарчилик кутилмайди. Қорақалпоғистонда ҳарорат кечаси +2..+7, кундузи +12..+17 даража илиқ, Хоразм вилоятида эса, ҳарорат кечаси +2..+7, кундузи +17..+22 даража илиқ бўлиши кутилади.
Бухоро ва Навоий вилоятларида ҳаво ўзгариб туради, ёғингарчилик кутилмайди. Кучли шамол эсиб, чанг-тўзонлар кузатилиши мумкин. Ҳарорат кечаси +4..+9, кундузи +17..+22 даража илиқ бўлиши кутилади.
Тошкент, Жиззах, Самарқанд ва Сирдарё вилоятларида ҳаво ўзгариб туради, ёғингарчилик кутилмайди. Кечаси ва эрталаб айрим жойларга туман тушиши мумкин. Кучли шамол эсиб, чанг-тўзонлар кузатилади. Ҳарорат кечаси +2..+7, кундузи +17..+22 даража илиқ бўлиши кутилади.
Қашқадарё ва Сурхондарё вилоятларида ҳаво ўзгариб туради, ёғингарчилик кутилмайди. Кучли шамол эсиб, чанг-тўзонлар кузатилиши мумкин. Ҳарорат кечаси +4..+9, кундузи +19..+24 даража илиқ бўлиши кутилади.
Андижон, Наманган ва Фарғона вилоятларида ҳаво ўзгариб туради, ёғингарчилик кутилмайди. Кечаси ва эрталаб, баъзи жойларга туман тушиши мумкин. Ҳарорат кечаси 0..+5, кундузи +13..+18 даража илиқ бўлиши кутилади.
Республикамизнинг тоғолди ва тоғли ҳудудларида ҳаво ўзгариб туради, ёғингарчилик кутилмайди. Ҳарорат кечаси -3..+2 даража илиқ атрофида, кундузи +7..+12 даража илиқ бўлиши кутилади.
БОШЛАНГАН БАҲОРНИНГ ЯНГИ КУН БАРЧАМИЗГА ҲАЙРЛИ ВА БАРАКОТЛИ БЎЛСИН!
AGROBLOGER канали:
-
2023-03-02 11:37:30+00:00
ГЕКТАРИДАН 25 ТОННА ҲОСИЛ БЕРАДИ: ЎЗБЕКИСТОНЛИК ОЛИМЛАР АЧЧИҚ ҚАЛАМПИРНИНГ ЯНГИ НАВИНИ СЕЛЕКЦИЯ ҚИЛДИЛАР.
Сабзавот, полиз экинлари ва картошкачилик илмий-тадқиқот институти селекционер олимлари томонидан илк бор аччиқ қалампирнинг иссиқхонада етиштиришга ва маҳаллий тупроқ иқлим шароитига мос “Шарқ гавҳари” нави ихтиро қилинди.
Ўзбекистон Республикаси Қишлоқ хўжалиги вазирлиги матбуот хизмати маълумотларига кўра, аччиқ қалампирнинг янги нави мамлакатимизда иссиқхонада етиштиришга мослаштирилган илк маҳаллий нав ҳисобланади. Ушбу нав ўртапишар бўлиб, унинг вегетация даври 123-125 кунни ташкил этади.
“Шарқ гавҳари”нинг кўриниши бошқа қалампирлардан деярли фарқ қилмайди. Унинг тупи ярим йиғиқ, штамбли, ўртача баргланувчан, баланд бўйлидир. Меваси конуссимон кўринишда, ўртача ҳажмда, юзаси текис, техник етилганда яшил, биологик етилганда қизил бўлади. Этининг қалинлиги 1,6-2,0 мм, таъми эса аччиқ. Бир тупдан 45-50 та мева олинади.
Ушбу қалампирнинг ҳосилдорлиги гектарига 24-25,5 тоннага тенг.
AGROBLOGER канали: