-
2023-02-10 11:55:10+00:00
ҚУЁШ ПАНЕЛИ ЎРНАТГАНЛАРГА ҚАНДАЙ ИМТИЁЗЛАР БЕРИЛАДИ?
Ўзбекистон Республикасининг «Қайта тикланувчи энергия манбаларидан фойдаланиш тўғрисида»ги қонунининг 14-моддасига кўра,
☑️Қайта тикланувчи энергия манбаларидан энергия ишлаб чиқарувчилар қайта тикланувчи энергия манбалари қурилмаларини (номинал қуввати 0,1 МВт ва ундан ортиқ бўлган) ўрнатганлик учун мол-мулк солиғини тўлашдан ҳамда ушбу қурилмалар билан банд бўлган участкалар бўйича ер солиғини тўлашдан улар фойдаланишга топширилган пайтдан эътиборан ўн йил муддатга озод этилади.
▪️Амалдаги энергетика ресурслари тармоқларидан тўлиқ узиб қўйилган яшаш учун мўлжалланган жойларда қайта тикланувчи энергия манбаларидан фойдаланувчи шахслар эгалигидаги мол-мулкка қайта тикланувчи энергия манбаларидан фойдаланилган ойдан эътиборан уч йил муддатга жисмоний шахслардан олинадиган мол-мулк солиғи солинмайди.
▪️Амалдаги энергетика ресурслари тармоқларидан тўлиқ узиб қўйилган яшаш учун мўлжалланган жойларда қайта тикланувчи энергия манбаларидан фойдаланувчи шахслар қайта тикланувчи энергия манбаларидан фойдаланилган ойдан эътиборан уч йил муддатга ер солиғидан озод этилади.
☝🏻Эслатиб ўтиш жоиз, қайта тикланувчи энергия манбаларидан шахсий эҳтиёжлар учун электр энергияси ишлаб чиқарилган тақдирда, рухсат берувчи ҳужжатлар олиш талаб этилмайди.
-
2023-02-11 10:52:08+00:00
🍋 Цитрус экинларда учрайдиган касаллик турлари
( Гоммоз )
Касаллик кўчатзорларда хам, хосилли боғларда хам учрайди.
Касаллик белгилари :
1️⃣ Ўсимликнинг тана пўстлоғида шиш хосил бўлади,
2️⃣ Ёрилганда ундан шаффоф тилларанг-сариқ ёки
жигарранг чўзилувчан суюқлик кўринишида елим ёки суюқлик ажралади ва хавода қотиб қолади.
3️⃣ Одатда касалликнинг ривожланиши дарахт танасининг пастки қисмида бошланади,
4️⃣ Кейинчалик тана бўйлаб юқоридаги скелет шохларга ва пастга илдизга тарқалади.
5️⃣ Ўсимлик кучли зарарланганда барглар яшил ранггини йўқотади, сарғаяди, аста-секин қурийди ва тўкилади.
6️⃣ Зарарланган пўстлоқ қурийди ва тўкилади, натижада ёғочлик яланғочланади.
7️⃣ Зарарланган илдизлар нобуд бўлади.
-
2023-02-12 05:31:57+00:00
👌Парник учун қандай плёнкалардан фойдаланган маъқул?
☺️Плёнка нафақат ҳаво бўшлиғи ва тупроқни ҳимоя қилиб иситади, балки иссиқхона ичидаги ўсимликларни совуқдан, қатқалоқ ҳосил қилувчи ёмғир жалаларидан, шамоллардан асрайди.
👣Лимон, мандарин каби цитрус меваларни, бодринг, помидор, қалампир ва бошқа сабзавот экинларини, гулларни ҳамда кўкатларни ўстиришда оддий полиетилен плёнкалар қўлланилади. Плёнка турлари ҳам ҳар хил бўлиб, одатда, ностабиллашган полиетилин плёнка кенг қўлланилади. У эластикли бўлиб, ҳеч қандай қўшимчасиз полиетилендан тайёрланади.
👤Плёнкадан фойдаланишнинг дастлабки даврида у етарли даражада совуқдан асрайди. Кўп фойдаланавергач, плёнканинг совуққа бардошлилик даражаси бирмунча пасаяди. Шунинг учун ёз фаслида фойдаланилган плёнкани қишда ва кеч кузда беркитиш мақсадида ишлатиб бўлмайди.
🌂Полиетилин плёнка ҳароратга қараб ўзининг ҳажмини сезиларли ўзгартиради. Шунинг учун уни конструксияларга маҳкамлаш мумкин. Ултрабинафша нурлар, юқори ҳарорат таъсирида плёнка тез эскиради, пишиқлиги ёмонлашади, ёруғлик ўтказувчанлиги ва совуққа бардошлилиги нисбатан пасаяди.
☂️Полиетилин плёнкадан фойдаланиш борасида кўпга чидаши унинг қалинлигига, материалига, фойдаланиш муддати ва шароитига ҳамда қўлланиш усулига боғлиқ. Юпқа плёнкалар арзон, бироқ, бироқ тунелсимон беркитиш усули талабига жавоб бермайди.
🎓Полиетилин плёнка ойнага нисбатан олганада 80-90% қуёш ёруғлигини яхши ўтказади. Бироқ ойнага нисбатан камроқ конструксияларга эга бўлганлиги туфайли ёруғлик юқори. Шунингдек, плёнка ултрабинафша нурларининг маълум қисмини ўтказиб, бу борада ойнадан устунлик жиҳатлари билан фарқланади.
🦎Сабзавотчиликда қўлланиладиган полиетилен плёнканинг бир қатор камчиликлари мавжуд, жумладан қисқа муддат хизмат кўрсатади (3-4 ой). Ифлосланиши натижасида ёруғлик ўтказиши камайиб боради, инфрақизил нурланиш учун юқори даражада ялтироқ бўлиб, тунда беркитилган жойдаги иссиқлик режимини ёмонлаштириб юборади ва бошқа бир қатор камчиликлари мавжуд.
🐠Беркитиш учун кўпроқ ёруғликни мувофиқлаштирадиган полиетилин плёнка керак бўлади. У номувофиқ полиетилен плёнкага нисбатан ёруғ, тунелли беркитиладиган жойларга ишлатилганда 2-3 мавсум фойдаланиш мумкин. Нархи ҳам оддийроқларига нисбатан 1,5-2 баробар юқори бўлади.
🌿Иссиқлик ушлайдиган полиетилен плёнка иссиқлик нурларини камроқ ўтказади. Натижада унинг тагидаги ҳарорат одатдаги плёнкага нисбатан 1,5-2˚C даража юқори бўлади. Бу имконият туфайли ушбу плёнка остида эртаги сабзавот ҳосили олиш ва кўпайтириш мумкин. Бундан ташқари эртаги сабзавор етиштириш учун уларни ёпишда қўлланадиган махсус плёнкалар бор.
🌵Катта ҳажмдаги иссиқхоналарни ёпиш учун энлик плёнкалардан фойдаланилади. Ёки энсиз селофан плёнкаларни улаш (дазмол ёрдамида қиздириб ёпиштириш) орқали иссиқхона томини тўлиқ эгаллайдиган энлик плёнкалар ҳосил қилиниб, ёпишда ишлатилади.
-
2023-02-13 13:29:15+00:00
Ҳокимларнинг кластерлар ишига аралашиши қатъиян ман этилади
☝️Президентнинг “Пахта хомашёси етиштирувчилар фаолиятини янада қўллаб-қувватлашнинг қўшимча чора-тадбирлари тўғрисида”ги қарори қабул қилинди.
Қарорга кўра:
✅ маҳаллий давлат ҳокимияти органлари томонидан пахта-тўқимачилик кластерлари фаолиятига ноқонуний аралашиш, уларнинг таъсисчиларини йиғилишлар ва бошқа тадбирларга чақириш, фермерлар билан бўладиган муносабатларига таъсир ўтказиш қатъиян ман этилади;
✅ пахта-тўқимачилик кластерлари ҳамда маҳсулот етиштирувчиларга экинларни жойлаштириш, ер ва сув ресурсларидан фойдаланишда қонунчиликда назарда тутилмаган чекловлар киритган мутасаддиларга белгиланган тартибда жавобгарлик чоралари қўлланилади;
✅ пахта-тўқимачилик кластерларига тўрт томонлама битим доирасида олинган мажбуриятлардан ташқари қўшимча мажбуриятларни юклаш тақикланади;
✅ 2023 йил ҳосилидан бошлаб ҳар йили 1 октябрга қадар пахта-тўқимачилик кластерлари томонидан фермер хўжаликлари билан келгуси йил ҳосили учун пахта хомашёсини етиштириш бўйича фьючерс шартномалари тузилади (2023 йил ҳосили учун 2023 йил 1 февралга қадар);
✅ 2023 йилдан бошлаб, хориждан олиб келинган ва республикамизда ишлаб чиқарилган лазерли қурилмага эга автоматлаштирилган ер текислагич агрегатларини сотиб олган қишлок, хўжалиги маҳсулотлари ишлаб чиқарувчиларига ер текислагич агрегатлари қийматининг 30 фоизи Давлат бюджетидан қоплаб берилади;
✅ пахта хомашёси етиштириладиган майдонларни насос орқали суғоришда сарфланадиган электр энергияси харажатларининг 50 фоизигача қисми Давлат бюджетидан қоплаб берилади.
❗️Умид қиламизки, қарор шунчаки қоғозда қолиб кетмайди, ҳар бир ҳоким ва масъуллар унга сўзсиз риоя этишади.
-
2023-02-15 12:17:57+00:00
⚡️КИМЁВИЙ ЎҒИТЛАРГА ТЎЙИНГАН ТУПРОҚ: Экинзорларимизни қандай қутқариш мумкин?
telegra.ph/-02-15-420
-
2023-02-17 17:06:42+00:00
🌧BIR MAROMDA, SOKIN YOG‘AYOTGAN BU YOMG‘IR QISHLOQ XO‘JALIGI EKINLARIGA QANDAY TAʼSIR KO‘RSATADI?
#yomgir #qishloq_xojaligi #dala #ekin #hosil
*****
🌧КАК ЕЖЕДНЕВНЫЙ ДОЖДЬ ВЛИЯЕТ НА СЕЛЬСКОХОЗЯЙСТВЕННЫЕ КУЛЬТУРЫ?
#дождь #сельское_хозяйство #поля #урожай
WWW • TELEGRAM • FACEBOOK • YOUTUBE • INSTAGRAM
-
2023-02-20 07:12:31+00:00
Очиқ майдонда помидор етиштириш
Помидор экиш режалаштирилган ерларни тайёрлаш ишлари куз ойларидан бошланади. Хосилдан боъшаган майдондаги оъсимлик қолдиқлари тозаланиб, маҳаллий оъгъит сочиб чиқилади. Ер майдони 28–30 см чуқурликда юмшатилади. Эрта бахорда ер 14–16 см чуқурликда юмшатилади. Йирик кесаклар хаскаш ёрдамида майдаланиб бир ёъла ер текислаб олинади, кейин 70 см ёки 90 см қатор оралиғида экиш учун эгатлари тортиб чиқилади.
Помидор кўпинча кўчатидан экиб ўстирилади. Кўчатлар жанубий вилоятларда эртаги навлар мартнинг III ўн кунлигида, ўрта ва кечпишар навлар апрелнинг I–II ўн кунлигида; марказий минтақада жойлашган вилоятларда эртапишар навлар апрелнинг I ўн кунлигида, ўрта ва кечпишар навлар апрелнинг II–III ўн кунлигида ҳамда майнинг I–II ўн кунлигида экилади. Помидорнинг эртапишар ва ўртапишар навлари очиқ далаларда 70×40 см ва 90×30 см схемада экилади. Экилгандан сўнг кўчатлар албатта суғорилади. 1 сотих майдонга экиш схемасига қараб 280–570 та кўчат сарфланади.
Ўсимликларга биринчи ишлов бериш кўчатлар тутиб олгач, яъни экилганидан 10–12 кундан кейин бошланади. Бунда эгатлар ичи, пушта ва қатордаги кўчатлар ораси енгил чопиқ қилиниб юмшатилади. Енгил чопиқдан сўнг 12–15 кун ўтгач, суғорилади ва озиқлантирилади. Помидорни ўсув даврида 3-4 марта қўлда чопиқ қилинади. Помидор сувга талабчан ўсимлик бўлиб, сизот суви чуқур жойлашган ерларда ўсув даври мобайнида 29 18–20, сизот суви юза жойлашган ерларда 12–15 марта суғорилади. Сизот суви чуқур жойлашган ерларда ҳосил етилгунча ҳар 8–12 кунда, ҳосил ёппасига пишганда эса 5–7 кунда суғорилади. Куз бошлангандан кейин экин камроқ суғорилади. Помидор қийғос пишганда ёрилиб кетмаслиги учун навбатдаги ҳосил териб олингандан кейин сув берилади.
Помидор етиштиришда соф ҳолда 1 сотих майдонга 7,6 кг сульфат аммоний, 2,6 кг аммофос, 1,6 кг калий хлор ўғитлари берилади. Помидор қўшимча озиқлантирилади, бунда оксигумат, гуммат натрий рослин каби моддалар билан баргидан озиқлантирилса, ўсимликни ривожланиши ва хосилдорлиги ортади.
-
2023-02-23 03:08:32+00:00
Мевали дарахтларни буташ тартиб қоидалари
Мевали дарахтларни тинимдаврида, барглар тўкилган вақтда бутанг. Бу пайтда буташ жараёнини тўлиқ назорат қилиш мумкин, чунки шохлардаги куртаклар жойлашуви яққол кўриниб туради ва дарахтни янада ўстириш учун таним даврида уларни буташ яхши самара беради. Ёшда дарахтлари буташ баргларни (озуқа манбаи) камайтиради мева пишишини секинлаштиради ва очилиб қолган мевалар қуёшда куйиши мумкин. Шундай бўлсада ёзда дарахт кесишнинг авфзалликлари ҳам мавжуд, дарахтларнинг ўсиш суръати назоратга олиниши мумкин.
Ёш кўчатлар экилгандан сўнг дарахт ва шакл бериш турига қараб уни 45-70см баландликда қисқартиринг. Агар кўчатнинг қолган қисмида ён шохлар мавжуд бўлса уларни ҳам битта куртаккача қисқартиринг. Бундай тадбир шохларни пастроқ масофада шакллантириш, дарахтнинг устки ва илдиз қисмини мувозанатга келтиришга ёрдам беради. Кўчатнинг қолган қисмини латекс (водоэмульсия) билан бўянг, бу уни қуёшдан куйиш ва серажин қўнғизлардан ҳимоялашга ёрдам беради.
Ёш кўчатлар уч йил давомида меваларини олиш ташлаган ҳолда шавқатсиз кесиб жадал ривожланишга ундалиши тавсия қилинади. Шундай бўлсада ёнга, горизантал ўсган новдалар шаклланса, уларни кесмай мева олиш учун қолдирилиши шарт.
Қайси шохни ва уни қаеридан кесиш ҳусусида ҳулоса қабул қилаётганда доим ёдингизда тутинг - вертикал (тик) шох қисқартирилса у яна жадал ўсишга ҳаракат қилади ва дарахт ичи очилиб қуёш нуридан унумли фойдаланилади. Агар горизантал шохлар қисқартирилса мева берувчи шохлар янгиланади ва ортиқча мева сийраклаштирилади. Горизантал шохлар қисқартирилмай қолдирилса улар дастлаб уч тарафидан ҳосилга киради ва экилиб синади.
Горизантал ўсувчи шохлар одатда ҳосил бериш билан бирга ўсишга интилади. Бугунги ва келажакдаги мева учун улар иккиси ўртасидаги мувозанат ушлаб турилиши шарт. Дарахт ичида тик ўсиб борувчи сўрувчи новдалар ёшлигидаёқ тозалаб турилиши тавсия қилинади. Пастга осилиб ўсувчи новдалар одатда суст ўсади ва бир нечта кичик мева беради, уларни қолдирмасдан кесиб ташлаган маъқул.
Шохлар қаеридан кесилса, шу жойдан ўсишни давом эттиради. Шохлар учи кесилганда фақат кесилган жойдан 20смгача пастроқ масофадаги куртаклар қўшимча куч олади, шохнинг қолган қисмидаги, кесилган жойдан 1метрдан пастдаги куртаклар ўзгаришсиз қолади. Шу сабабдан шохлар қанчалик кўп кесилса, шунчалик кўп куртак қўшимча куч олади.
Имкон қадар дарахтнинг учки қисмидаги ортиқча шохларни кесиб қуёш нури пастки шохларга етиб боришини таъминланг. Қуёш нурига тўйинган шохларнинг меваси кўпроқ бўлади ва ҳажми катта бўлади. Сояда қолиб кетган шохлар аста-секинлик билан мева беришдан тўхтайди ва бешавқат дарахт шохлари қисқартирилмагунча ҳосил бермайди.
Шохларри тагидан, 1смлар қолдириб кесинг – бутоқ қолдирманг.
Тик ўсаётган ва тор бурчакли шохларни 45° бурчак остида ўсишига ёрдам беринг.
-
2023-02-24 05:56:30+00:00
O‘zbekistonda paxta yoki gʻalla yetishtirishga ixtisoslashgan fermer xoʻjaliklariga tajriba tariqasida daromad solig‘ini qaytarib berish tartibi joriy etiladi
Bunda har bir gektar yer uchun oyiga kamida bir nafar ishchi band bo‘lishi, oylik maosh esa mehnatga haq to‘lashning eng kam miqdorining bir baravaridan kam bo‘lmasligi kerak
-
2023-02-25 01:49:46+00:00
IFO PZN СУЮҚ ФОСФОРЛИК ЎҒИТ.
IFO-PZN ўғити қишлоқ ҳўжалиги экинларида қўлланиладиган махсус ўғит бўлиб, у экиннинг ҳўжайрасини бақувват қилиш, экинни ривожлантириш, яхши гуллаши ва гул тутишини таъминлаш, меванинг сифат даражасини ошириш мақсадларида қўлланилади.
Айниқса, ўсишнинг илк босқичларида, совуқ ҳароратларда ва оҳакли тупроқларда экиннинг рух ва фосфор моддаларига бўлган эҳтиёжини қондиради. Уруғларнинг униб чиқиши ва илдиз ҳосил бўлишини таъминлаб, ўсимликни фаоллаштиради. Экин танасидаги биокимёвий жараёнларни зарур энергия билан таъминлайди.
Шохларнинг ўсишини тезлаштиради, паст ҳароратларда ҳам гуллашнинг тўлиқ ва бир текисда бўлишини таъминлайди.
Кафолатланган таркиби:
Умумий Азот (N) 3%
Умумий Фосфор (P2O5) 25%
Умумий сувда эрувчан Рух ( Zn) 5%
pH 1-3
Сарф-меъёри: Барг орқали пуркалганда 100 литр сувга 200-350 мл ёки гектарига 2.0-3.0 литр, томчилаб суғориш орқали гектарига 10-15 литр.
-
2023-02-27 02:54:46+00:00
🌳✂️ Дарахтларга шакл беришнинг ахамияти.
Мевали дарахтларга шакл бериш боғдорчилик сохасидаги энг мухим тадбирлар жумласидандир. Шакл бериш бир қанча афзалликларга эга бўлиб қуйидагилар учун хизмат қилади:
1️⃣ Шакл бериш натижасида қуёш нири билан дарахтнинг барча қисмлари етарли миқдорда таъминланади
2️⃣ Дарахтнинг шох ва новдалари орасида хаво айланиши яхшиланади
3️⃣ Касаллик – зараркунандаларнинг ривожланиши олди олинади.
4️⃣ Дарахт узоқ умр кўради
5️⃣ Боғ қатор орасига ишлов бериш осонлашади
6️⃣ Ортиқса лидер шохлар йўқотилади.
7️⃣ Кўп хосил етиштира оладиган кучли дарахтга айланади.
Каналга обуна бўлинг 👇👇
-
2023-02-28 02:06:59+00:00
🕺Уруғларни танлаш ва саралаш.
🐌 Экиш учун йирик, донадор уруғлар олинади. Бундай уруғлар озиқ моддалар кўплиги, ниҳоятда унувчанлиги ва ҳосилдорлиги билан ўртача ва майда уруғлардан кескин фарқланади.
🌱Сараланган, йирик, донадор, оғир уруғларни экиш сабзавот экинлар ҳосилини оширишда муҳим омилдир. Кичик партиядаги уруғларни саралаш учун элаклардан фойдаланилади ёки уни 3-5 % ли ош тузи ёки аммоний селитра эритмасига солиб, аралаштирилади.
🍄5-7 минут ўтгач, енгил пуч уруғлар юзага чиқиб, улар териб ташланади. Оғир, йирик, донадор уруғлар чўкади. Улар бир неча марта сув билан ювилиб қуритилади.
💨Катта партиядаги уруғларни саралашда ПСС - 2,5 сараловчи стол ёки уруғ тозаловчи "Петкус-Селектр" К-218 дан фойдаланиш мақсадга мувофиқ