-
2023-02-01 14:30:23+00:00
Қишки трансферларга бағишланган ажойиб ролик.
Қизиғи, шуниям Роналду билан бошлаб, Месси билан тугатишибди. 😂
-
2023-02-01 14:11:16+00:00
Албатта, «Челси»нинг бугунги сарфлари қайсидир жиҳатларда салбий таъсир ҳам пайдо қилиш эҳтимоли йўқ эмас, аммо умуман олганда, мантиқ бор, ҳамда айтайлик, молиявий fair play билан муаммолар чиқмаса керак.
Биринчидан, эътибор берсангиз, Мудрик ҳам, Энцо ва бошқалар ҳам ёш футболчилар. Улар учун катта суммалар тўлангани билан шахсий шартномалар катта бўлмайди. «Шахтёр» ёки «Бенфика» даражасидаги маошлардан сал ошириб, келишилган бўлади. Айтайлик, Обамеянг, Стерлинг ёки Каземиро трансферларидан айнан молиявий томондан самарали юришлар бўлди. Бундан ташқари, мабодо ўйин чиқмаган тақдирда ҳам, тўланган пулнинг яхшигина қисмига қайта сотиб юбориш мумкин - олинган футболчилар истеъдодли, барибир харидор чиқади. Риск кам.
Иккинчидан, футболчи сотиб олинаётганда унга тўланган трансфер суммаси маошига қўшилиб, шартнома муддатига тақсимланади. Масалан, Энцога 120 миллион тўланиб, йилига 5 миллиондан маош келишилган бўлса, шартнома 9 йиллик - ҳар йилига 120/9+5=18.3 миллионга тушади холос. Челси футболчилар билан узоқ йиллик шартномалар тузганининг сабаби шу. Энцо ё Мудрик учун бирданига катта сумма тўланган бўлса-да, маълум йиллар учун кескин таъсири йўқ.
Учинчидан, сотишдан тушган трансферлар аксинча, бирданига, ўша йил учун тўлиқ ҳисобланади. Демак, агар «Челси» ҳар йили 30-40 миллионлик сотиш қилиб турса, ҳозирги трансферлар бемалол қопланиб кетади.
Клубда яхши одат бор: 30 ёшдан футболчига бир йилдан ортиқ муддатга шартнома берилмайди. Бу эса, жамоа таркибини анча енгиллаштириб беради.
«Челси» таркибини қарасак, ортиқча бўлиб қолган, аммо сотилса, яхши пул бўладиган активлар кўп. Пулишич, Зиеш, Стерлинг, Галлахер, Чилвел ва ҳоказо. Канте кабилар эса, шартнома муддати оз, чиқариб юбориш қийин эмас. Яъни, ушбу футболчилар анча ликвид актив ҳисобланиб, Бэйл, Азар ёки Икарди каби муаммо бўлмайди. Агар таркибда катта маошдаги шартномага ўтириб олган, ёки ёши ўтиб сотилиши қийин футболчилар бўлганида, балласт йиғилиб қолган бўларди.
Айтмоқчиманки, «Челси»ни кузатиш янада қизиқ - бу йигитлар билан қандай жамоа тузилиши энг муҳим савол. Молиявий томондан эса, юқорида айтганимдек, «Челси» бу борада энг самарали проект бўлиб келган доим. Америкаликлар камида шу томонини яхши эплашига ишоним комил.
https://t.me/tolipovuz/4542
-
2023-02-01 12:04:15+00:00
Энцо Фернандес масаласида Қаҳрамон доимгидек яхши таҳлил қилган. Бобур ҳам бу пулга арзимаслигини таъкиблаб ўтган.
Энди ўзимга келсак. Бу футболчи мундиалдан олдиноқ недир жиҳатлари билан мени ўзига қаратган эди( Унинг иштирокидаги ўйинлар чекимга тушиб қолгани сабаб). Ёрқин мисоли мана бу видео☝️
Аргентина - Мексика. 2-тур. Иккинчи бўлим боши. Ҳали Энцо мундиалда бир дақиқа ҳам ўйнамаган лаҳза…
ЕЧЛдаги ўйинига ишониб Скалонидан талаб қилган пайтимиз, албатта, бу болани бир ярим ойдан сўнг АПЛнинг энг қиммат ўйинчиси бўлади деб ўйламаганмиз. Лекин кўп умидлар қилганимиз бор гап.
Бугун бу гапларни эшитиш жуда завқлия?!)
-
2023-02-01 09:34:43+00:00
Терма жамоалар ўртасидаги турнирлар бироз алдамчи таассурот қолдиради. Баъзи ҳолатларда бирор жамоанинг кўрсатган натижаси унинг таркибида йиғилган футболчиларнинг савиясидан бироз фарқ қилиши мумкин. Терма жамоада қисқа муддатда ажойиб муҳит шаклланиши, бу муҳит эса, ўз навбатида ҳар бир футболчининг ўз даражасидан юқорига сакрашига туртки бериши ҳам эҳтимол. Ҳақиқий топ-футболчи нафақат мос муҳит, тактик шартлар асосида, балким, ҳар қандай ёмон ҳолатда, ёмон мураббий қўл остида ҳам маълум савиядан тушмаслиги билан ажралиб туради.
Мисоллар кўп, Хамес Родригес ЖЧ-2014 да кўрсатган даражасига бутун фаолияти давомида ҳеч қачон қайтиб чиқа олмади. Аввалги турнирларда Давид Вилья, Диего Форлан, Фабьо Гроссоларни эсланг... Агар бундай факторлар бўлмаганда, Марокаш таркиби шу ойдаёқ топ-клублар ўртасида талаш бўлар, “Реал” Тчуаменининг Каземирога ўринбосар бўлишини кутиб юрмасдан, Амрабат билан шартнома имзолар эди. ЖЧ-2022 анча ёрқин кечган бўлса-да, турнир юлдузлари борасида топ-клублар анча сокинликни сақлаб турганининг сабаби шу – кўриш керак яна.
Аргентина сўнгги мундиалда айнан шундай эмоционал чўққига чиқдики, таркибдаги ҳар бир футболчи ўз даражасидан юқорига сакради. Энцо ҳам улардан бири, ёш, келажаги порлоқ, универсал, табиийки, “Челси”ни кучайтиради, шубҳа йўқ. Аммо унинг Европадаги тажрибаси атиги ярим мавсумни ташкил қилади – унинг янги шартларда, топ-клубда, Поттер қўл остида, унга тўланган рекорд суммани оқлайдиган самарани бера оладими? Катта савол.
Айтингчи, агар Алварес бир йил “Манчестер Сити”да ўйнамаган бўлганида, шу мундиалдан кейин, у ҳам юз миллионлик нарх билан топ-клублар ўртасида талаш бўлмасмиди? Билмадим, лекин камида “Челси” ўйлаб кўрарди, назаримда...
https://t.me/boburakmalov/6296
-
2023-02-01 08:24:32+00:00
Трансфер ойнасида, АПЛ топ клублари ичида, менинг назаримда “Арсенал” ва “Манчестер Юнайтед” ақлли ва тушунарли трансферлар амалга оширди.
“Юнайтед” мавсум давомида йўқотилган Криштиану Роналду ўрнини Ваут Вергост билан тўлдирди. Мураббийга яхши таниш, жамоадаги бошқа ҳужумчилардан бироз фарқли ҳаракат қиладиган вариант. Яқинда жароҳатланган Кристиан Эриксен ўрнига эса, таклиф қилинган Саул, Карраско, Иско каби номзодлар ичидан Марсел Забитцерга тўхталди. Майдондаги вазифалар, устунликлар борасида Эриксенга энг яқин ном, бунинг устига, клуб апрелда Марсел билан қизиққан, фақат Эриксен вариантда текинга пайдо бўлганда, режани ўзгартирганди. Ҳар икки футболчи ҳам ижара асосида, келишиш қийин бўлмади – Ваутдаги топ-клуб истаги “Бёрнли” ва “Бешиктош”га таъсир қилган бўлса, Забитцер “Бавария”да ўйин амалиётидан муаммоларда дуч келаётганди. Яъни ҳар икки футболчида ўзини кўрсатиш имкониятидан фойдаланиш истаги кучли. Айни муддао.
Умуман, “Манчестер Юнайтед” ярим йилда трансферларга бўлган услубини ижобий томонга ўзгартирганини таъкидлаш керак. Ёзнинг сўнгги кунларини эсланг, клуб Рабьо, Арнаутович, Де Йонг каби футболчилар ортидан югурган даврни. Ярим йилда Тен Хаг лойиҳаси қайсидир маънода ишонтирди ва клубнинг бозорда анча босиқ кучга айлантирди.
“Арсенал” эса, жуда кучли асосий таркибга эга, асосий мақсад – таркибни кенгайтириш. Тўғри, жамоа иккита кубокдан чиқиб кетди, бор кучини АПЛ га ташлаш имконияти бор, аммо Мартинелли ва Парти (ёки Жака) каби футболчиларга тўғридан тўғри ўринбосар йўқ эди. Мавсум ярмигача ажойиб ўйин кўрсатиб, чемпионлик пойгасида фаворитга айлангач, бир неча футболчининг форма йўқотиши ёки жароҳатланиши натижасида устунликни бой бериб қўйиш алам қилади. “Ливерпуль” ва “Челси”да муаммолар, “Сити” аввалгидек эмас, “Арсенал” чемпионликка ушбу мавсумдагидек яқин бўлиши учун ёзда юз миллионлар ҳам етмай қолиши мумкин. Троссар ва Жоржиньо сифатни пасайтирмаган ҳолда ротация қилиш имконини беради. “Арсенал”нинг чемпионлик имконияти юқори экани, табиийки, футболчиларни кўндиришда ҳам муҳим аҳамият касб этган бўлиши керак.
“Челси”нинг трансферларига бирданига баҳо бериш қийин, чунки у ерда деярли янги жамоа йиғилмоқда. Қайси футболчининг қай тариқа таъсир кўрсатишини таҳлил қилиш имконсиз. Табиийки, жуда сифатли, ёш ва келажаги порлоқ истеъдодлар йиғилмоқда. Шартномаларнинг 7-8 йилга имзоланаётгани трансфер ҳаражатларини келажак йилларга сочиб юбориш имконини беради. Ҳар мавсум футболчилар учун рақобатга киришиш ўрнига, бирданига йиғиб қўя қолди. Кейинги мавсумларда эса, таркибдан четда қолаётган футболчилар аста секин сотилиб, даромад қилаверади.
Поттер учун асосий муаммо шунда. У “Брайтон”да жуда яхши иш олиб борган, малакасига шубҳа йўқ. Аммо топ-клубдаги илк мавсумидаёқ айнан топ-клубларга хос бўлган асосий қийинчиликка дуч келади. Майдонга тушмаётгани туфайли норози юлдузлар ҳаддан ташқари кўп бўлади, бундай ҳолатда ҳар бири билан алоқани ушлаб, муҳитни сақлаб қолиш энг қийини.
-
2023-02-06 18:49:54+00:00
Ҳарри Кейннинг «Манчестер Сити»га урган голи уни «Тоттенҳэм» тарихидаги энг яхши тўпурарга айлантирганидан ташқари, бу ҳужумчининг АПЛдаги 200-голи эди.
Воқеага Алан Ширернинг ўз твиттер саҳифасидаги изоҳи чиройли бўлди. У юқоридаги расмни қўйиб, «учинчимизни хаяжон билан кутаётгандик, қаерларда қолиб кетдинг» дегандек маънода ёзди.
Гап шундаки, Алан Ширер АПЛ тарихидаги энг яхши тўпурар саналади - 260. Уэйн Рунида эса, 208 гол бор. Кейн ушбу буюк тўпурарлар сафига қўшилди ва афтидан Ширернинг шу пайтгача гўёки иложсиз кўринган рекордини ҳам янгиласа керак.
-
2023-02-09 19:54:40+00:00
Сурия Футбол Федерацияси зилзилалар остида собиқ футболчи Нодир Жаходарнинг ҳам жасади топилганини маълум қилди.
Каттароқ ёшли футбол мухлисларига бу ном таниш бўлиши керак. Миллий жамоамиз учун илк Осиё Кубоги 1996 йилда БААда бўлган ва Япония, Хитой, ҳамда Сурия билан бир гуруҳда қатнашгандик.
Хитойни ютиб (2:0), Японияга ютқазгач (0:4), гуруҳдан чиқиш учун Сурия билан дуранг кифоя қиларди. Аммо ўйинни 1:2 ҳисобида ютқазганмиз. Сурия таркибида ўша пайтда 19 ёшда бўлган Нодир Жаходар ҳисобни очганди. Аввалроқ, Япония дарвозасини ҳам ишғол қилган Нодир Сурия футболи келажаги деб баҳоланганди. Кейинчалик у терма жамоаси таркибида у қадар кўп майдонга тушмаган.
Нодир Жаходарни, умуман, мана шу офатларда вафот этган барчани Аллоҳ раҳматига олсин.
-
2023-02-16 20:24:46+00:00
Фред билан боғлиқ вазиятда ҳакам+VAR нега бундай қарорга келди, изоҳи мен учун қизиқ, аммо Рэшфордни йиқитишганда ҳакамнинг хатоси аниқ - у вазиятдан анча узоқда қолиб кетганди, баҳолай олмагандир, ок, қўполлик жарима майдони ташқарида, тўғри, аммо VARни чақириш учун бахона бор эди «қизил карточка» бўйича. Шунда ҳакам бемалол вазиятни яқиндан таҳлил қилиши, қизил/сариқ деб туриб, жарима зарбаси белгилаш ёки белгиламасликни ҳал қилиб оларди.
https://t.me/xayrulla_hamidov/11431?single
-
2023-02-17 16:50:38+00:00
УЕФА расман маълум қилишича, Европа Лигаси 1/16 босқичидаги «Барселона» - «МЮ» ўйинини телевизорда 116 миллион киши томоша қилган.
Бу Чемпионлар Лигаси 1/8 финал марказий ўйинларидан ҳам бирмунча кўп.
-
2023-02-18 19:34:18+00:00
«Ньюкасл» ушбу мавсумда ҳамма топ клублар билан ўйнади ва атиги икки марта ютқазди. Ҳатто «Арсенал»да ҳам кўпроқ мағлубият бор.
Эдди Хауни фақат Юрген Клопп жамоаси енгди. Икки марта.
-
2023-02-21 21:58:20+00:00
Мураббийлар бўлажак рақиб билан ўйинга тайёрланиш учун аввалги учрашувларни таҳлил қиладилар-у, масалан, кимдир «Энфилд»га меҳмон бўлиши керак бўлса, бугунги ўйинни кўриб, «Реал» нимани ҳисобига ютди, «Ливерпул»га қарши қандай тайёрланди, Салоҳни қандай ёпди, қандай ҳужум қилди, ўрганмоқчи бўлса, ҳеч нарса ололмаса керак.
«Ливерпуль»ни ютишнинг қанақадир йўли бордир, «Брентфорд» ё «Брайтон» мураббийи билади ҳам, аммо агар буни «Реал»дан кўчирмоқчи бўлсангиз - ижроси ўта қийин зарба голга айланиши, Алисон қўпол хатога йўл қўйиши, стандартдан фойдаланиш, битта рикошет, битта Модрич керак бўлади. Юз йилда бир бўладиган пакет.
Аммо «Реал» бу шартларни ЕЧЛда ҳар плей-офф ўйинида жамлайди. Энди яна. Нечинчидир марта. Қойил.
-
2023-02-23 23:19:25+00:00
Варан 😍
-
2023-02-25 04:42:37+00:00
«Барселона»га катта ўйинларда нима етишмаяпти? «Ливерпуль» камбэкка қодирми? Эрик тен Хаг биз аввал ўйлаганимиздек тактик-гик мураббийми ёки мослашувчанми? «Манчестер Сити»даги муаммо нимада? «Арсенал» чемпион бўла оладими?
Хайрулла ака билан узоқ танаффусдан кейин қилинган подкастимизда шу ва бошқа саволларга жавоб қидириб кўрдик.
https://youtu.be/lim2vRu5YPE
https://youtu.be/lim2vRu5YPE
КЎРИШ
-
2023-02-26 18:57:52+00:00
Юрген Клоппнинг илк мавсумидаги бир ўйин кўп эсланади. «Вест Бромвич» билан. «Энфилд»да ўтган учрашувда меҳмонлар 2:0 ҳисобида олдинга чиқиб олишади. Аммо сўнгги дақиқаларда «Ливерпуль» ўйинни қутқариб қолади - 2:2.
Юрген Клопп ўша дурангни мухлислари билан шундай нишонлайдики, кўпчиликнинг энсаси қотгани табиий: бир дурангга шунчами? Клоппни «Ливерпуль» нега олиб келганди ўзи, тавба...
Лекин гап дуранг ё очкода эмасди. Шу тариқа Клопп шогирдларига бир нарсани уқтирган - «Ҳеч қачон мағлубиятни тан олманг. Қоғоздаги очко эмас, майдонда бажарилган вазифа сизга кайф берсин». Ҳа, агар бу томондан олиб қараса, 0:2 ни 2:2 га айлантириш зўр воқеа. Амалга оширилган қийин вазифа. Арзийди.
Бу характер кейин ҳам ёрдам берди, масалан ўша мавсумнинг ўзида «Боруссия» билан ўйиндан бошланиб, кейинроқ, «Барселона» билан камбэкни эсланг. Агар ҳаракат қилсак, қўлимиздан келмайдиган иш йўқ - бу «Ливерпуль»нинг шиорига айланиб қолди.
Эрик тен Хагнинг «МЮ»си катта ҳафтани ўтказди. Аввал «Барселона» устидан Европа Лигасидаги ғалаба, энди финалда «Ньюкасл» мағлуб этилди.
Бир қараганда, Европа Лигаси, Лига кубоги... Нафақат кичикроқ, балки топ клублар устидан бироз мазах қилинадиган турнирлар. Аммо бу ўйинлар шу қадар муҳим эдики, агар жамоа қандайдир йўлнинг бошида турган бўлса, «Барселона»ни ютиш топ ўйинларга қўшимча ишонч, Лига кубоги эса, каттароқ совринларни ютишга тўртки бўлади, ахир бу таркибда Де Хеа, Шоу ва Рэшфорддан бошқа ҳеч ким Англияда турнир ютмаган. Беихтиёр Фергюсоннинг «биз «Сити»га АПЛни ютишга имкон бермаслигимиз керак, агар мазасини билиб қолишса, кейин уларни тўхтатиб бўлмайди» деган гапи ёдга тушади. Бу хавотир нақадар тўғри бўлганини ҳозир кўриб турибмиз...
Хуллас. Лига Кубоги кичик турнир. Лекин баъзида мана шунақа катталашиб кетади. Худди машҳур кинода Айюбийнинг Қуддусга берган таърифи каби:
«Ҳеч нарса... Айни дамда ҳамма нарса!»
-
2023-02-27 21:15:25+00:00
Майли, айтдиму, розиман, агар узвийлик бўлса. Лекин, келаси йили худди шу соврин УЕФАнинг ЕЧЛсида зўр ўйнаган футболчи/дарвозабонларга топшириладику барибир?
https://t.me/xayrulla_hamidov/11608