-
2023-02-15 15:29:10+00:00
Գլխավոր լուրեր 15.02.2023
• Միրզոյանն Անկարայում հանդիպել է Չավուշօղլուին:
• Թուրքիայում հնարավոր է հետաձգեն ընտրությունները։
• Արցախում մասնակի վերականգնվեց գազամատակարարումը:
• Քրեական գործ Վիտալի Բալասանյանի առնչությամբ :
Հաղորդումը վարում է Անուշ Մկրտչյանը:
Դիտեք 20:00-ին, Ազատություն TV-ի եթերում՝ Ucom-ի 222, Rostelecom-ի 18 և TeamTV-ի 3-րդ ալիքներով, ինչպես նաև http://tv.azatutyun.am/ հասցեով կամ մեր ֆեյսբուքյան և յութուբյան էջերով:
-
2023-02-16 21:53:33+00:00
Փաշինյան-Շառլ Միշել ոչ ֆորմալ հանդիպում Մյունխենում
Մյունխենի անվտանգության համաժողովից առաջ վարչապետ Նիկոլ Փաշինյանը ոչ ֆորմալ հանդիպում է ունեցել Եվրոպական խորհրդի նախագահ Շառլ Միշելի հետ:
Իլհամ Ալիևը անվտանգության համաժողովի մասնակիցների թվում է:
Գերմանիայում հնարավո՞ր են հայ-ադրբեջանական բանակցություններ. Հայաստանի ու Ադրբեջանի ղեկավարների հանդիպումն ադրբեջանական լրատվամիջոցները չեն բացառում, Հայաստանի կառավարությունից «Ազատությանն» ավելի վաղ փոխանցել են՝ նման տեղեկություն չունեն։
-
2023-02-17 21:20:08+00:00
Փետրվարի 18-ին Մյունխենի անվտանգության 59-րդ ամենամյա համաժողովի շրջանակներում տեղի կունենա Հարավային Կովկասի անվտանգության հարցերով պանելային քննարկում, որին կմասնակցեն Հայաստանի վարչապետ Նիկոլ Փաշինյանը, Ադրբեջանի նախագահ Իլհամ Ալիևը, Վրաստանի վարչապետ Իրակլի Ղարիբաշվիլին և ԵԱՀԿ գլխավոր քարտուղար Հելգա Շմիդը: Քննարկումը վարելու է Մյունխենի անվտանգության համաժողովի նախագահ, դեսպան Քրիստոֆ Հոյզգենը:
-
2023-02-18 16:27:10+00:00
Ալիևը կառուցողական է գնահատել եռակողմ հանդիպումը
-
2023-02-19 09:48:16+00:00
Արայիկ Հարությունյանն ընդունել է նախագահին կից խորհրդատվական մարմին ստեղծելու «պահանջ-առաջարկը»
Այն պետք է ծառայի որպես երկրի ներքին ու արտաքին քաղաքականությանն առնչվող հարցերի քննարկման հարթակ, ունենա խորհրդատվության, առաջարկություններ ներկայացնելու առանցքային ու ծանրակշիռ իրավունք, հայտարարել է Արցախի ղեկավարը։ Հարությունյանը նաև հայտնել է, որ փետրվարի 23-ին հանդես է գալու ուղերձով, որի ընթացքում առավել մանրամասն կանդրադառնա Արցախի շուրջ ստեղծված ներքին ու արտաքին վտանգներին, խնդիրներին, անելիքներին ու հետագա քայլերին:
-
2023-02-20 20:05:38+00:00
Թուրքիայի և Սիրիայի սահմանին 6,4 մագնիտուդով նոր երկրաշարժ է տեղի ունեցել
Թուրքիայի Հաթայ քաղաքից 13 կմ հարավ-արևմուտք տեղի է ունեցել 6․4 մագնիտուդով երկրաշարժ:
Հայաստանի արտակարգ իրավիճակների նախարարության հաղորդագրության համաձայն՝ էպիկենտրոնային գոտում ստորգետնյա ցնցման ուժգնությունը կազմել է 8-9 բալլ:
Թուրքիայի ՆԳ-ի նախարարի հաղորդմամբ՝ նոր երկրաշարժի հետևանքով Թուրքիայում զոհվել է 3 մարդ, վիրավորվել է 213-ը։
-
2023-02-21 18:26:50+00:00
Բայդենը վերստին աջակցություն հայտնեց Կիևին
Բայդենն իր ելույթում նաև արձանագրեց՝ Ուկրաինան ամուր կանգնած է ռուսական ներխուժումից մեկ տարի անց, և Մոսկվան երբեք չի հաղթի իր հարևանին։ Միաժամանակ նա մերժեց Մոսկվայի պնդումները, թե Արևմուտքը ծրագրում է հարձակվել Ռուսաստանի վրա: «Եվս մեկ անգամ ասում եմ՝ ԱՄՆ-ն և Եվրոպայի ազգերը չեն ձգտում վերահսկողության տակ վերցնել կամ ոչնչացնել Ռուսաստանը։ Միացյալ Նահանգները չի ծրագրում հարձակվել Ռուսաստանի վրա», - ընդգծեց Բայդենը։
-
2023-02-22 19:08:26+00:00
Մոսկվան Երևանին և Բաքվին կրկին կոչ է անում վերսկսել բանակցությունները
Ռուսաստանի արտգործնախարարության պաշտոնական ներկայացուցիչ Մարիա Զախարովան հավաստիացրել է՝ ռուսական կողմը պատրաստ է անհրաժեշտ աջակցությունը ցուցաբերել կողմերին:
-
2023-02-23 19:59:13+00:00
Բրիտանիայի նախկին վարչապետ Բորիս Ջոնսոնը փետրվարի 23-ին ասել է, թե հավակնում է ՆԱՏՕ-ի գլխավոր քարտուղարի պաշտոնին:
«Դա շատ կարևոր կառույց է, ՆԱՏՕ-ն այսօր ամուր է, քան երբևէ»,- ասել է Ջոնսոնը: Փետրվարի 22-ին ՆԱՏՕ-ի գլխավոր քարտուղար Յենս Ստոլտենբերգը հաստատել է, որ աշնանը կազատի պաշտոնը: «Համոզված եմ, որ դաշինքն ինձ փոխարինելու համար արժանի թեկնածու կգտնի»,- ասել է Ստոլտենբերգը:
-
2023-02-24 17:07:05+00:00
Բայրամով. «Երևանը մերժել է ադրբեջանա-հայկական պայմանական սահմանին անցակետեր տեղակայելու առաջարկը»
«Երևանը դա ընդունելի չի համարել և այդ կապակցությամբ պարզաբանում չի տվել: Հայաստանը խուսափում է Ադրբեջանի հետ բանակցություններից»,- ասել է Բայրամովը:
-
2023-02-25 17:27:06+00:00
Ալիևն ու Էրդողանը քննարկել են Բաքվի և Անկարայի հարաբերությունների ընդլայնումը, հայ-ադրբեջանական կարգավորման գործընթացը
«Զրույցի ընթացքում նախագահները քննարկել են Ադրբեջանի և Թուրքիայի միջև քաղաքական, տնտեսական, առևտրային, էներգետիկ, ռազմական և ռազմատեխնիկական ոլորտներում համագործակցության հետագա խորացման հեռանկարները։ Բացի այդ, Ալիևն ու Էրդողանը մտքեր են փոխանակել Հայաստանի և Ադրբեջանի միջև հարաբերությունների կարգավորման և խաղաղության օրակարգի շուրջ», - հաղորդում է Ադրբեջանի նախագահի գրասենյակը։
-
2023-02-27 10:10:05+00:00
Լուկաշենկո․ «Ռուսաստանն «Իսկանդեր» և С-400 համակարգեր է փոխանցել Բելառուսին»
Ավելին՝ https://bit.ly/3Zjapc6
-
2023-02-27 21:39:38+00:00
Լիոնել Մեսին ճանաչվեց 2022թ․ աշխարհի լավագույն ֆուտբոլիստ
-
2023-02-28 19:02:31+00:00
Պուտինը մարմնամարզուհի Կաբաևային է նվիրել ՌԴ-ում ամենամեծ բնակարանը. Проект
«Ազատության» ռուսական ծառայությունը՝ հղում անելով Проект կայքին, հայտնում է, որ ՌԴ նախագահ Վլադիմիր Պուտինը գեղարվեստական մարմնամարզուհի, օլիմպիական չեմպիոն Ալինա Կաբաևային նվիրել է «Ռուսաստանում ամենամեծ բնակարանը»: Սոչիում «Կորոլևսկի պարկ» շքեղ թաղամասում կառուցված այդ երկհարկանի պենտհաուսի մակերեսը 2 հազար 600 ք. մետր է: Այն ունի լողավազան, կինոթատրոն և ուղղաթիռի վայրէջքի հարթակ: Ենթադրվում է, որ բնակարանի գինը մոտ 65 միլիոն ռուբլի է: Դա Կաբաևայի բազում շքեղ բնակարաններից մեկն է: Պաշտոնապես չհաստատված լուրերի համաձայն, Կաբաևան մտերիմ հարաբերությունների մեջ է նախագահի հետ և, ըստ The Wall Street Journal հանդեսի, «Պուտինից ունի առնվազն երեք երեխա»: