-
2023-02-23 14:34:59+00:00
Ўз кредит тарихингизни билиш учун My.gov.uz орқали:
1. OneID сервиси орқали рўйхатдан ўтинг ёки киринг.
2. “Молия ва банк” бўлимида “Кредит тарихини олиш” хизматини танланг.
3. Ариза берувчининг сўровномасини тўлдиринг.
4. Киритилган барча маълумотларни текширинг ва смс-хабарнома келадиган телефон рақамини тасдиқланг.
5. Бир неча сония давомида кўрсатилган рақамга буюртма рақами билан хабарнома келади, My.gov.uz даги шахсий кабинетда эса кредит скоринг натижалари билан файл пайдо бўлади.
Кредит-ахборот таҳлилий маркази томонидан тақдим этилган ахборотда қуйидаги маълумотлар сақланади:
- қарз олувчининг (ариза берувчининг) идентификация маълумотлари;
- берилган, маъқулланган, рад этилган буюртмалар, шартномалар ва кредит мажбуриятлари, кредит тўловлари бўйича муддат ўтказиб юборилганлиги, ҳисобланган пеня ва ариза берувчини “қора рўйхатга” киритган ташкилотлар бўйича умумий шарҳ;
- сўровга ишлов бериш пайтида Кредит-ахборот таҳлилий маркази баҳоси бўйича қарз олувчининг скоринг балли.
Маълумот учун, хизмат йилда бир марта бепул тақдим этилади. Агар кредит тарихини тез-тез текшириш зарурати бўлса, ҳар бир кейинги сўров учун тўлов 15 000 сўмни ташкил этади.
-
2023-02-23 10:28:03+00:00
Агар сизнинг пластик картангиз блокка тушиб қолган бўлса уни фаоллаштириш йўли осон.
Биринчи, бунинг учун банкнинг Call-марказига телефон қиласиз.
Иккинчи,карта маълумотларингиз, картани амал қилиш муддати ва паспорт малумотларингизни операторга айтиб берасиз.Шунданг сўнг сизнинг картангизни блокдан чиқариб беришади ва картангизнинг аввалги пароли бўйича ишлатиб юришингиз мумкин
☎️Халқ банки – 1106;
☎️Ўзмиллийбанк - 1344;
☎️ТБC Банк – 1150;
☎️Асакабанк – 1152;
☎️ЎзСҚБ – 1180;
☎️Инфинбанк – 1214;
☎️Агробанк – 1216;
☎️Туронбанк – 1220;
☎️Ипотека-банк – 1233;
☎️Тенге Банк – 1245;
☎️Қишлоққурилишбанк – 1254;
☎️Ҳамкорбанк — 1256;
☎️Даврбанк – 1284;
☎️МКбанк – 1285;
☎️Трастбанк – 1287;
☎️Анорбанк – 1290;
☎️Зираат Банк – 1293;
☎️Ипак йўли банки – 1296;
☎️Ўзмиллийбанк – 1344.
маълумот учун)
-
2023-02-23 07:12:29+00:00
Субсидия асосида олинган уй-жой кредити учун йўналтирилган маблағдан даромад солиғи 2023 йил 1 январдан бошлаб олинмайди
“Ипотека кредитидан фойдаланишда аҳолига қўшимча қулайликлар яратиш чора-тадбирлари тўғрисида” қарорга мувофиқ, 2023 йил 1 январдан уй-жой учун субсидия берилган фуқароларнинг ипотека кредитлари ва уларнинг фоизлари учун йўналтирилган иш ҳақи ва бошқа даромадлари даромад солиғига тортилмайди.
-
2023-02-22 13:03:45+00:00
БАНК КАРТАМДАГИ ПУЛ ҚАНИ?
Сир эмаски, фирибгарлар алдовига учиб бир зумда картасидаги пул маблағидан ажраб қолаётган, камига банкдан ўзи олмаган онлайн кредит учун қарздор бўлиб қолаётганлар кўпчиликни ташкил этмоқда. Молиявий саводхонлиги етишмаган одам осон алданиб қолиши мумкин, лекин чув тушиб қолаётганлар орасида ҳатто айрим молиячилар борлиги муаммонинг қай кўламда эканлигини англатади.
Фирибгарлар қайси схемалардан фойдаланиб банк картаси эгаларини чув туширади:
▪️Махсус эълонлар сайтларига, каналларига сотиш учун товарини қўйган сотувчига фирибгар турли ижтимоий тармоқлар, асосан телеграм тармоғи орқали алоқага чиқиб товарни сотиб олмоқчилигини, товар пулини банк картасига ўтказиб беришини билдиради. Бунинг учун махсус ҳавола(ссылка)га ўтиб карта рақамини ва амал қилиш муддатини киритишни, шундан сўнг сотувчининг мобил рақамига келган махсус кодни киритишни сўрайди. Сотувчи ушбу маълумотларни киритганидан сўнг унинг картасидаги пул маблағи фирибгар томонидан ечиб олинади. Фирибгарлар асосан эълонлар сайтидан яқиндагина рўйҳатдан ўтган янги фойдаланувчиларга эътибор қаратади. Бундан ташқари, фирибгарлар сотувчи картаси қайси банкга тегишли эканлигини билгандан сўнг, ўша банкнинг мобил иловасидаги фойдаланувчи аккаунтига кириб онлайн микроқарз олиб фойдаланган ҳолатлар ҳам мавжуд.
▪️Фирибгарлар телефон орқали қўнғироқ қилиб, оммалашган тўлов ташкилоти ёки банк оператори эканлигини айтиб, фойдаланувчи аккаунтидан рухсатсиз фойдаланишга уриниш бўлаётганлиги, бунинг олдини олиш учун фойдаланувчи телефон рақамига юборилган махсус кодни айтишни сўрайди. Агар фойдаланувчи телефонга келган махсус кодни айтса, фирибгар аккаунтидан фойдаланиш учун тўлиқ рухсатни қўлга киритади ва у ёғи ўзингизга маълум.
▪️Фойдаланувчи мобил телефонига келган турли хил соврин ва пул ютуғи соҳиби бўлганлиги тўғрисидаги сохта хабарномаларга ишониб, шубҳали сайтлар ва ҳаволаларга кирган ҳолда карта маълумотларини киритиши натижасида фирибгарлар қурбонига айланади.
Пластик картадан ечилган пул маблағлари асосан электрон ҳамёнга ўтказилиши, аксарият ҳолатларда фирибгарлар бошқа давлатлардан туриб ҳаракат қилиши, бошқа шахслар номига расмийлаштирилган сим карталардан фойдаланганлиги сабабли уларни қўлга тушириш узоқ вақт талаб этади, аксарият ҳолларда деярли имконсиз.
Пластик карталардан пул маблағлари ўғирланишининг олдини олиш учун биринчи навбатда фойдаланувчиларнинг молиявий саводхонлигини, фирибгарлик схемаларидан хабардорлигини ошириш, бу борадаги тарғибот-ташвиқот ишларини кучайтириш лозим.Қарс икки қўлдан чиқади, ўзингиз ёрдам бермасангиз картангиздан ҳеч ким пул еча олмайди.
Манба
-
2023-02-22 07:15:56+00:00
Агар автомашина лизингга олинган бўлса, ўша автомобилни бошқа шахсга лизингга бермоқчи (қонунда қўшимча лизинг дейилади) бўлсангиз,ўша автомашинани лизингга берган корхона ёки лизингга берган банкнинг расмий розилиги керак бўлади.
Фуқаролик Кодекснинг 596-моддасида “лизинг олувчи лизинг берувчи олдида шартнома юзасидан жавобгар бўлиб қолгани ҳолда, лизинг шартномаси бўйича олган мол-мулкини лизинг берувчининг розилиги билан қўшимча лизингга топширишга ҳақли” деб кўрсатилган.
-
2023-02-22 05:25:52+00:00
Банкоматдан пул ечилганда фоиз ушлаб қолиниш асоси.
Банклар тижорат ташкилоти бўлиб, уларнинг фаолияти даромад, фойда олишга қаратилган.Яъни, банкларнинг мижозларга ва аҳолига кўрсатилган хизматлар учун муайян миқдорда даромадга эга бўлишга интилишлари бу бозор иқтисодиётининг қонуни.Банклар банкоматларини нақд пул билан таъминлаб боришлари маълум харажатларни юзага келтиради.
Жумладан:
банкоматларнинг амортизация харажатлари;
банкларга келиб тушган нақд пулларни санаш, саралаш, ўраб-боғлаш билан боғлиқ харажатлар (касса ходимларининг иш ҳақи, ўраб-боғлаш учун зарур бўладиган бандерол, накладка ва бошқа ашёлар);
банкоматларга нақд пулларни олиб бориш билан боғлиқ транспорт харажатлари ҳамда банк ходимлари ва қимматликлар дахлсизлигини таъминлаш учун қўриқлаш харажатлари учун
Банкоматларни фойдаланишда электр энергия ва тўлов тизимлари учун харажатлар амалга оширилмоқда.Банклар томонидан банкоматларни нақд пуллар билан таъминлаш бўйича ушбу харажатларни қоплаган ҳолда, маълум миқдорда фойда олиш мақсадида комиссион тўловлар белгиланган.Ўзбекистон Республикасининг “Банклар ва банк фаолияти тўғрисида”ги Қонунининг 62-моддасига асосан, кредитлар, депозитлар бўйича фоиз ставкалари,банк операцияларига оид воситачилик ҳақи миқдори банк томонидан мустақил белгиланиши кўрсатилиб ўтилган.
-
2023-02-22 02:36:15+00:00
СМС хабарнома нима ва у нима учун қўлланилади?
👉СМС хабарнома бу хизмат тури бўлиб, ушбу хизмат орқали банк картаси эгасининг мобил телефонига СМС хабари юборилиб, банк картаси орқали амалга оширилган амалиётлар тўғрисида хабардор қилинади ва огоҳлантирилади.
👉Мазкур хизматни банк картаси очилган банкда ёки инфокиоск/банкомат ёрдамида активлаштириш мумкин.СМС хабарнома орқали ҳар доим ҳисоб рақамдаги амалиётларни кузатиб бориш мумкин. Мазкур хизматни ёқиш пуллик хизмат бўлиб, ушбу хизмат орқали банк картангиз орқали амалиётлар тўғрисида маълумот олинади.
👉СМС хабарнома хизматидан фойдаланганда махфий кодни бошқа шахсларга маълум қилинмаслиги керак. Махфий кодни учинчи шахсларга хабардор қилишингиз улар томонидан ҳисоб рақамингиздаги пул маблағларини ишлатишга имконият яратади.
Эслатма:Банк ходимлари ҳар қандай ҳолатда ҳам сиздан махфий кодни сўраб, қўнғироқ қилмаслигини билиб олинг. Фирибгарлар ишончингиздан фойдаланишига йўл қўйманг!
-
2023-02-21 10:33:18+00:00
Ҳурматли фуқаролар!
Давлат солиқ хизмати органларида жисмоний ва юридик шахсларнинг мурожаатларини ўрганиш ва тушунтириш беришлар қонун билан белгиланиб қўйилган.Агар сизда солиқ бўйича муаммолар бўлса, қўйидаги ишонч номерларига телефон қилишингиз мумкин.
Ўзбекистон Республикаси Давлат солиқ қўмитаси
☎️ (+998) 71-244-98-98
Қорақалпоғистон Республикаси
☎️ (+998) 61-222-00-33
Андижон вилояти
☎️ (+998) 74-223-95-23
Бухоро вилояти
☎️ (+998) 65-221-26-89
Жиззах вилояти
☎️ (+998) 72-222-07-00
Қашқадарё вилояти
☎️ (+998) 75-225-10-82
Навоий вилояти
☎️ (+998) 79-223-53-71
Наманган вилояти
☎️ (+998) 69-227-91-96
Самарқанд вилояти
☎️ (+998) 66-234-01-16
Сирдарё вилояти
☎️ (+998) 67-235-03-42
Сурхондарё вилояи
☎️ (+998) 76-223-29-64
Тошкент вилояти
☎️ (+998) 71-281-53-21
Фарғона вилояти
☎️ (+998) 73-241-70-61
Хоразм вилояти
☎️ (+998) 62-223-10-10
Тошкент шаҳри
☎️ (+998) 71-224-54-86
www.soliq.uz
-
2023-02-21 06:13:04+00:00
Магистратура қишки қабулида ўқишга кирган хотин-қизларнинг контракт пуллари ҳам давлат томонидан тўлаб берилади.
Президент фармони ва ҳукумат қарорига кўра, давлат ОТМнинг магистратура босқичида ўқиётган барча хотин-қизларнинг контракт-тўловлари қайтариш шартисиз қоплаб берилиши белгиланган.
-
2023-02-21 05:26:29+00:00
Банкда ҳисоб рақами очиш
Сиз ҳисоб-китоб ва банк хизматларини кўрсатиш учун банкни мустақил танлаш ҳамда бир ёки бир нечта банкларда миллий ва чет ел валютасида ҳисобрақамлар очиш ҳуқуқига егасиз.Миллий ёки чет ел валютасида ҳисоб рақами очиш учун Aриза ва шахсни тасдиқловчи ҳужжат шахсан мижоз томонидан банкка топширилади. Шахсни тасдиқловчи ҳужжатнинг нусхаси олиб қолиниб, асли қайтарилади.
Банкка ҳисоб рақами очиш учун сиз ва банк ўртасида шартнома тузилади. Банк ҳисобрақам шартномаси ёзма шаклда тузилиши керак, Шартноманинг бир нусхаси мижозга берилади.Шартнома тузиш учун керакли ҳужжатларни банкка тақдим қилган ҳолда шартнома тузилгандан кейин сизга банк 1 иш куни ичида ҳисоб рақам очиб бериши лозим.
Эслатма:Ҳисоб рақами очганлик учун тўлов ундирилмайди
Сиз банкларда қуйидаги ҳисобрақамлар очишингиз мумкин:
Жамғарма депозит ҳисобрақами- бу мижозларнинг даврий бадаллари асосида шаклланиб, муайян мақсадни амалга ошириш учун жамғариладиган ва шу мақсад учун йўналтириладиган ёҳуд шартнома бекор қилиниши натижасида қайтариладиган маблағлар ҳисоби юритиладиган ҳисобрақам. Жамғарма депозит ҳисобрақамда сақланадиган маблағлар учун банк ва мижоз ўртасида тузиладиган шартномада назарда тутилган миқдорда фоизлар тўланади.
Муддатли депозит ҳисобварағи- шартномада қатъий келишилган муддатга қўйилган мижозларнинг маблағлари ҳисоби юритиладиган ҳисобрақам. Банкда фоиз евазига пуллар муддатли омонатга қўйилганда, мазкур ҳисобрақам очилади.
Ссуда ҳисобварағи-белгиланган тартибда мижозларга берилган кредитларнинг ҳисоби юритиладиган ҳисобварақ.
Талаб қилиб олингунча депозит ҳисобварағи-мижозларнинг биринчи талаби биланоқ бериладиган ёки ўтказиб бериладиган маблағларнинг ҳисоби юритиладиган ҳисобварақ. Одатда ойлик иш ҳақи кўчириб бериладиган пластик карточлар учун талаб қилиб олгунча депозит ҳисобварағи очилади.
-
2023-02-21 03:11:50+00:00
Гаров ҳақида нималарни билиш лозим?
Гаров – мажбуриятларнинг таъминлаш усулларидан бири. Гаров билан, асосан, пул мажбуриятлари таъминланади. Масалан, олди-сотди, ижара, ҳақ эвазига хизмат кўрсатиш, пудрат, қурилиш пудрати ва бошқа ҳар қандай мажбуриятда бир тарафнинг пул маблағларини тўлаш мажбурияти, ёки пул маблағларини тўлаш билан белгиланадиган жавобгарлиги, ҳаражатлари – неустойка (пеня ва жарима), ундирув ҳаражатлари – адвокатларга кетадиган маблағлардан тортиб мулкни реализация қилиш ҳаражатларигача гаров билан таъминланиши мумкин.
Гаров билан пуллик бўлмаган мажбуриятлар ҳам таъминланиши мумкин, лекин бунинг учун кредитор талабларини қаноатлантириш пуллик эквивалентга эга бўлиши лозим.
Юристлар гаров билан таъминланган мажбурият ёки асосий мажбурият деганда қарздор ва кредитор ўртасидаги мажбуриятни назарда тутишади. Масалан, олди-сотди, ижара, ҳақ эвазига хизмат кўрсатиш, пудрат, қурилиш пудрати ва бошқа ҳар қандай мажбурият.
Асосий мажбурият бўйича қарздор бу мажбуриятни бузса, кредитор асосий қарздорга бўлган ўз талабини гаров предмети – гаровга қўйилган объект қийматидан қаноатлантириш ҳуқуқига эга бўлади.Бунда, албатта, бу ҳуқуқ қарздорнинг бошқа кредиторларига нисбатан имтиёзли суратда қондирилади.
Масалан, олди-сотди шартномаси бўйича сотиб олувчи пулни тўлаш мажбурияти мавжуд. Бу мажбуриятни таъминлаш учун сотиб олувчи ўзига тегишли асбоб-ускунани сотувчига гаровга тақдим қилади. Сотувчи пулни шартномада ёки қонунда белгиланган муддатда сотиб олувчидан олмагач, ундирув гаровга қаратилади. Бунда сотиб олувчининг бошқа кредиторлари бўлиши ёки бўлмаслигидан қатъий назар, сотувчи гаровдаги асбоб-ускунанинг сотилишидан тушган пулни ўзига тегишли қисмини биринчи бўлиб олади.
Гаров мулки ўз-ўзидан сотувга чиқарилмайди ёки сотувчига ўтиб кетмайди, бунинг учун гаров мулки суд орқали (суднинг қарори асосида) ёки суддан ташқари тартибда реализация қилиниши (сотилиши) лозим. Суддан ташқари тартибда гаровнинг сотилиши учун кредитор (бизнинг мисолда сотувчи) ва гаровга қўйган шахс (бизнинг мисолда сотиб олувчи) гаровни суддан ташқари тартибда келишуви бўлиши керак. Гаровни сотиш ўрнига кредиторда қолдирсаям бўлади, бироқ бунинг учун алоҳида келишув керак.
Юристлар гаровни асосий мажбуриятга нисбатан акцессор, яъни қўшимча мажбурият деб аташади. Асосий мажбурият мавжуд бўлмаса, гаров ёки гаров ҳақидаги келишув ҳам мавжуд бўлмаслиги қўшимча мажбуриятнинг асосий табиатидир. Масалан, асосий мажбурият бирон-бир асосга кўра ҳақиқий эмас деб топилди, ёки тузилмаган деб топилди. Агар гаров айнан ҳақиқий эмас ёки тузилмаган деб топилган мажбуриятни таъминлаган бўлса, гаров ҳам ҳақиқий эмас бўлади ва ҳуқуқий оқибатлар туғдирмайди.
Гаров бир қанча белгиларга эга, бу белгиларнинг асосийлари – гаров устунлиги (ёки имтиёз ҳуқуқи), гаров билан таъминланган мулкга эргашиши (мулкдор ўзгарсаям, гаров ҳуқуқи қолиши), гаров эластиклиги (гаров мулки ўзгарсаям, гаров қийматига бўлган ҳуқуқ сақлаб қолинишидир).
-
2023-02-20 13:38:29+00:00
Ўзининг таниши ёқи яқин қариндошига кафил бўлиб,емаган сомсасига пул тўлаган, кафилликни бўйнига олганларга эслатма!
Фуқаролик кодексининг 295-моддасига кўра, кафил кредиторга тўланган суммага фоизлар тўлашни ва қарздор учун жавобгарлик муносабати билан кўрган бошқа зарарини тўлашни қарздордан талаб қилишга ҳақли.
Бу нима дегани, агар сиз кафил сифатида ўзингиздан ундирилган қарз суммаларини кредит олган инсондан тўлиқ, хатто зараригача қўшиб ундириб олишингиз мумким дегани
Албатта, фуқаролик судига алоҳида даъво аризаси билан чиқишингиз орқали ҳал бўлади
-
2023-02-20 09:15:01+00:00
“Банк хизматлари истеъмолчилари билан ўзаро муносабатларни амалга оширишда тижорат банкларининг фаолиятига қўйиладиган минимал талаблар тўғрисида”ги низомнинг 35-1-бандига кўра:
—тижорат банкларига илгари олинган кредитлар (қарзлар) бўйича сўндирилмаган муддати ўтган қарздорлик мавжуд бўлган тақдирда жисмоний шахсларга янги микромолиявий хизматлар кўрсатиш тақиқланади.
Бу нима дегани, агар сиз биронта банкдан (хусусий банк ҳам киради) кредит олган бўлсангиз, ва шу кредит бўйича белгиланган муддатда тўловларни амалга оширмаган бўлсангиз сизга бошқа банк томонидан кредит ажратилмайди.Токи қарздорликни бартараф қилмагунча.Кредит устига кредит олишдан олдин биринчи кредитизда белгиланган муддатларида тўловни амалга ошириб боринг!
-
2023-02-20 08:45:15+00:00
Тўлов-контракт асосида ўқиш учун таълим кредитларини ажратиш тартиби
Таълим кредитлари таълим ташкилотлари бакалавр ҳамда магистратуранинг кундузги, сиртқи ва кечки таълим шаклида тўлов-контракт асосида ўқишга тавсия этилган ёки қабул қилинган, шунингдек ўқишини кўчирган Ўзбекистон фуқароси бўлган талабаларга берилади.
—кредит олувчининг доимий даромад манбаига эга оила аъзолари (ота-онаси, ака-укаси, опа-синглиси, эри ёки хотини) ёки васийлари биргаликда кредит олувчи сифатида қатнашиши мумкин.
Таълим кредитининг асосий қарзи талабанинг расмий ўқиш муддати тугагандан сўнг еттинчи ойдан бошлаб 7 йил давомида қайтарилади.
Таълим кредитини олиш учун Молия вазирлигининг расмий веб-сайтида эълон қилинган тижорат банкларига қуйидаги ҳужжатлар тақдим этилади:
—ариза;
—тўлов-контракт шартномаси ва унга илова қилинадиган ҳисоб варақаси/фактураси (мавжуд бўлганда). Шартномада ўқишни тамомлашнинг белгиланган муддати ва бир йил учун тўлов миқдори кўрсатилган бўлиши лозим;
—таълим кредити қайтарилишининг таъминоти бўйича ҳужжат. Бунда «Ижтимоий ҳимоя ягона реэстри»га кирган оилаларнинг фарзандларига ажратиладиган таълим кредити бўйича гаров ва кафиллик талаб этилмайди;
—«Ижтимоий ҳимоя ягона реэстри»га киритилганлигини тасдиқловчи маълумотнома («Ижтимоий ҳимоя ягона реэстри»га киритилган оилалар фарзандлари учун);
—биргаликда кредит олувчига тегишли маълумот.
Ҳужжатлар 5 иш кунида кўриб чиқилади.
Таълим кредити шартномаси тўлов-контракт шартномасида кўрсатилган бир йиллик тўлов суммасига тенг миқдордаги суммага тузилади.Таълим кредити кредит олувчига Марказий банкнинг асосий ставкаси миқдорида ажратилади.Марказий банкнинг асосий ставкаси пасайтирилган тақдирда, таълим кредити бўйича фоиз ставкаси мутаносиб равишда пасаяди, Марказий банкнинг асосий ставкаси оширилган тақдирда эса таълим кредити бўйича фоиз ставкаси ўзгаришсиз қолади.
Мазкур тартиб:
—чет эл фуқаролари ва фуқаролиги бўлмаган шахсларга;
—тижорат банклари томонидан Жамғарма маблағларидан ташқари бошқа манбалар ҳисобидан бериладиган таълим кредитларига нисбатан татбиқ этилмайди.
Эслатма:Табақалаштирилган тўлов-контрактни ва унинг минимал миқдорига тенг бир марталик бошқа тўловларни амалга ошириш учун таълим кредити ажратилмайди.
-
2023-02-20 08:43:55+00:00
Пенянинг жаримадан нима фарқи.
Уларнинг ҳар иккаласи ҳам неустойка (иқтисодий жазо) турига киради. Ўзбекистон Республикаси Фуқаролик Кодексининг 261 – моддасига кўра, неустойка жарима ёки пеня шаклида бўлади.
Қарздор мажбуриятларни бажармаган ёки лозим даражада бажармаган ҳолларда тўлайдиган ва қоида тариқасида, қатъий пул суммасида ҳисобланадиган неустойка жарима ҳисобланади.Масалан,маъмурий ҳуқуқбузарликларни (жиноий ҳаракатларни) содир этган айбдор шахсга солинадиган жарима.
Қарздор мажбуриятларнинг бажарилишини кечиктириб юборганида тўлайдиган ва ўтказиб юборилган муддатнинг ҳар бир куни учун мажбуриятнинг бажарилмаган қисмига нисбатан фоиз билан ҳисобланадиган неустойка пеня ҳисобланади.
Масалан, солиқлар ва бошқа мажбурий тўловлар бўйича тўлов муддатининг кечиктирилган кунлари учун тўланадиган неустойка пеня ҳисобланади.
-
2023-02-20 08:42:00+00:00
Банк соҳасидаги порталлар!
Finlit.uz – молиявий саводхонлик бўйича.
Bankxizmatlari.uz — барча банкларнинг хизматлари бўйича ягона портал;
Oilakredit.uz – оилавий тадбиркорлик бўйича кредит олиш учун ариза бериш бўйича;
Infokredit.uz – кредит тарихи бўйича;
Subsidiya.mf.uz – субсидия расмийлаштириш бўйича;
Ipoteka-bozori.uz – янги тартибдаги ипотека кредитлари бўйича.Ҳурматли обуначилар бундан кейинги пос ипотека кредитига олинган уй-жойнинг олди-сотди масаласи..
-
2023-02-27 04:44:54+00:00
Доллар расмий курси ўзгарди
Марказий банк 27 февралдан чет эл валюталарининг ўзбек сўмига нисбатан янги қийматини белгилади.
-
2023-02-27 16:10:41+00:00
Ўзини ўзи банд қилганлар шуғулланиши мумкин бўлган фаолият турлари 100 тадан ортди
-
2023-02-28 09:43:54+00:00
Кредит тарихингизга нима салбий таъсир қилиши мумкин?
Салбий кредит тарихининг асосий кўрсаткичлари — бу кечиктирилган муддат ва юқори кредит юки. Айниқса, агар қарз олувчи устидан судга берилган бўлса ёки у кредитни умуман тўламаган бўлса, бу салбий омиллардан бири ҳисобланади. Бундай ҳолатларда банк қарз беришдан бош тортиши мумкин.
Агар сизда Мажбурий ижро бюроси билан боғлиқ муаммо бўлса, бу ҳам сизнинг кредитолиш учун тақдим этган аризангизни тасдиқланишига салбий таъсир кўрсатиши мумкин. Мажбурий ижро бюросида коммунал тўловлар бўйича қарздорлик, алиментларни кечиктириш, жарималар ва бошқа давлат тўловларини тўлаш муддати ўтказиб юборилганлик бўйича судда кўриб чиқилган барча ҳолатлар қайд этиб борилади ва давлат органлари бунга эътибор қаратиб келади.
Агар сиз кредит бўйича кафил бўлсангиз ва ушбу кредитни тўлаш салбий кечган бўлса, бу ҳам кредит тарихингизни ёмонлаштиради. Кредитор олдида кафил ҳам, қарздор ҳам бирдек жавобгар бўлади.
Қарздорликнинг жорий ҳолати тўғрисида Бош прокуратура ҳузуридаги Мажбурий ижро бюросининг www.mib.uz расмий веб-сайтида маълумот олишингиз мумкин.