Chats Search Engine

2023-02-06 20:20:31+00:00

💥 #main Галоўнае за 6 лютага

🔹 Лукашэнка падпісаў указ аб стварэнні камісіі, якая будзе разглядаць просьбы «беглых» вярнуцца ў Беларусь. Які алгарытм? Калі коратка: падаць заяву, цягам трох месяцаў вернуцца, раскаяцца (публічна), кампенсаваць нанесеную шкоду.

🔹 Святлана Ціханоўская заклікала беларусаў падрыхтаваць сябе і блізкіх да магчымай небяспекі

🔹 ЕЗ не будзе ўводзіць санкцыі супраць беларускага экспарту ўгнаенняў і прадуктаў харчавання

🔹 У аўторак і сераду КДБ правядзе вучэнні ў Клічаўскім раёне Магілёўшчыны

🔹 У Ваеннай акадэміі РБ распачалася раптоўная праверка баявой гатоўнасці

🔹 Валерый Сахашчык ацаніў актуальны ўзровень небяспекі для беларусаў унутры краіны

🔹 Financial Times: Расея распачне новы маштабны наступ на франтах Украіны цягам 10 дзён

🔹 Sonntagszeitung: Патрыярх Кірыл быў шпіёнам КДБ у Швейцарыі ў 1970-х гадах

🔹 У Турцыі ды Сірыі адбыўся моцны землятрус. Паводле апошніх звестак, больш 2500 чалавек загінулі. Лічбы будуць расці. Слабыя падземныя штуршкі адчуваліся таксама ў грузінскім Батумі

🔹 У Турцыі пасля землятрусу знікла беларуска з сям’ёй

2023-02-07 20:31:06+00:00

💥 #main Галоўнае за 7 лютага

📌 Апублікаваны склад камісіі «па вяртанні»

📌 У Беларусі абмяжуюць памер штрафаў за пратэрмінаванне выплаты крэдытаў

📌 У валёнках і пад знакам «Ж». КДБ праводзіць вучэнні ў Клічаўскім

📌 Беларускія дэмсілы і Полк Каліноўскага маюць намер стварыць сумесную Раду бяспекі. Пра гэта заявіў Зянон Пазняк

📌 Амбасадзе РБ у Турцыі вядомыя два выпадкі, калі мясцовыя беларусы не выходзяць на сувязь пасля ўчорашніх землятрусаў

📌 Аляксандра і яе муж, якія ўчора зніклі ў Турцыі, знаходзяцца ў шпіталі. Іх маленькага сына яшчэ шукаюць.

📌 У выніку землятрусу Турцыя перасунулася прыблізна на тры метры на паўднёвы захад. Сейсмічнасць захаваецца. Колькасць загінулых перавысіла 6200 чалавек і, як чакаецца, будзе расці

📌 САЗ: Агулам у выніку землятрусу пацярпелі 23 млн чалавек

2023-02-08 20:35:37+00:00

Што адбылося ў Беларусі і свеце?

▪️У Турцыі загінула сям'я беларусаў, дзецям было 11 і 4 гады . Агулам у Турцыі і Сірыі – больш за 11 тысяч загінулых

▪️Генпракуратура расказала пра першы зварот у «камісію па вяртанні беглых». Яго напісала рэдактарка нашага сайту

▪️Беларусы просяць Генпракуратуру разблакаваць свой сайт, каб паказаць празрыстасць працы

▪️Святлана Ціханоўская выступіла ў Сенаце Польшчы з нагоды 160-годдзя паўстання Каліноўскага

▪️Зянон Пазняк плануе яшчэ адну паездку ў Бахмут

▪️У лістападзе ў Беларусь таемна прыязджаў дэпутат нямецкага Бундэстагу?

▪️Расейцы ўпарта бʼюць па Харкаве

▪️Уладзімір Зяленскі наведвае Вялікую Брытанію: сустрэўся з каралём, прэмʼер-міністрам, выступіў у парламенце

▪️84-гадовую акторку Лію Ахеджакаву выгналі з тэатру «Современник», дзе яна працавала амаль 50 гадоў. Ахеджакава асудзіла вайну

▪️ Памёр у шпіталі расейскі нацыяналіст Ігар Мангушаў, які паўгода таму вынес на сцэну ў Данецку чалавечы чэрап.

2023-02-09 20:41:38+00:00

Як прайшоў гэты дзень у Беларусі і свеце?

🔺 У Турцыі і Сірыі – больш за 20 тыс загінулых

🔺Пасольства Беларусі ў Турцыі пацвердзіла гібель дзіцяці і мужа беларускі

🔺Сёння Аб’яднанаму пераходнаму кабінету Беларусі – паўгода. Апублікаваная вялікая справаздача

🔺Ад заўтра Польшча часова закрывае памежны пераход «Баброўнікі» на мяжы з Беларуссю. На што гэта паўплывае?

🔺Сенат Чэхіі разгледзіць рэзалюцыю, у якой ГУБАЗіК і КДБ прызнаюцца арганізацыямі, што падтрымліваюць тэрарызм

🔺Беларусь выдала Казахстану падазраванага ва ўдзеле ў масавых беспарадках

🔺Лукашэнкаўцы плануюць правесці Усебеларускі народны сход напрыканцы красавіка 2024 года

🔺Пінскія памежнікі «прызямлілі» ў Столінскім раёне запушчаны з Украіны дрон

🔺У кампаніі SpaceX заявілі пра тое, што будуць абмяжоўваць выкарыстанне інтэрнэту Starlink для вайсковых мэтаў Украіны

🔺У Вільні з пачатку года зафіксавалі 7 выпадкаў сексуальнага гвалту над дзецьмі, паліцыя не паведамляе пра ўсе выпадкі, каб не ўздымаць паніку

🔺Нямецкая кампанія ў абыход санкцый прадавала Расеі мікрачыпы для зброі

🔺«Землятрус у Турцыі. Нават няма неабходнасці адпраўляць танкі» – такую карыкатуру зрабіў часопіс Charlie Hebdo

🔺TikTok заблакаваў акаўнты, якія рэтранслявалі расейскую прапаганду пра вайну

🔺Яўген Прыгожын заявіў, што ў ПВК «Вагнэр» больш не набіраюць вязняў

🔺У расейскім Новасібірску ў жылым доме выбухнуў газ. Абрынуўся пад'езд, 12 загінулых.

2023-02-10 20:42:09+00:00

💥 #main Галоўнае за 10 лютага

🔸 83 гады адной з самых трагічных старонак у гісторыі Беларусі

🔸 Пад’езд да памежнага пераходу «Баброўнікі» перакрыты. Памежны камітэт Беларусі жорстка раскрытыкаваў рашэнне Польшчы закрыць пераход у Баброўніках

🔸 Польшча можа закрыць і іншыя памежныя пераходы з Беларуссю

🔸 Тадэвуш Кандрусевіч перанёс аперацыю па выдаленні пухліны

🔸 Над Беларуссю ў гэтыя дні можна назіраць камету, якая апошні раз набліжалася да Зямлі 50 тысяч гадоў таму. І якая можа больш ніколі не вярнуцца сюды

🔸 Віленскі суд змякчыў меру стрымання для Мантаса Данелюса, якога падазраюць у супрацоўніцтве са спецслужбамі Лукашэнкі

🔸 35 краін выступілі супраць удзелу ў Алімпіядзе беларускіх і расейскіх спартоўцаў. Польшча прапанавала стварыць зборную бежанцаў

🔸 У турэцкім Кахраманмарашы знайшлі пад заваламі целы беларускі і яе непаўналетняй дачкі. Яшчэ трох беларусак з дзецьмі, пацярпелых ад землятрусу раёнаў Турцыі, вывез самалёт Мінабароны РБ

🔸 Колькасць загінулых у выніку землятрусаў павялічылася да 23 тысяч чалавек

🔸 Валер Залужны: Дзве расейскія ракеты падчас сённяшняга абстрэлу Украіны зайшлі ў паветраную прастору Малдовы і Румыніі. Міністэрства абароны Румыніі абвергла гэтую заяву. Мінабароны Малдовы пацвердзіла пралёт расейскай ракеты

2023-02-11 20:10:19+00:00

💥 #main Галоўнае за 11 лютага

▫️ЗША збілі неапазнаны абʼект над Аляскай. Ён быў памерам з невялікі аўтамабіль.

▫️Беларуску і яе сына знайшлі пад заваламі ў Турцыі. Яны не выжылі. Ейны муж раней памёр у шпіталі.

▫️Джо Байдэн наведае Польшчу перад гадавінай поўнамаштабнага ўварвання Расеі ва Украіну.

▫️Перад закрыццём памежнага пераходу ў Баброўніках там затрымалі каля 12 мытнікаў. Імаверна праз карупцыю.

▫️У Турцыі пасля землятрусаў утварыліся разломы на шмат кіламетраў. Выглядае страшна.

▫️Зяленскі: «Украіна пасля перамогі ў вайне далучыцца да блоку NATO».

▫️У Варшаве развіталіся з Эдуардам Лобавым.

▫️Фота дня: маланка ўдарыла ў статую Хрыста Збаўцы ў Бразіліі.

2023-02-12 20:14:51+00:00

💥 #main Галоўнае за 12 лютага

🔹Другія содні павялічваецца чарга грузавікоў у Берасці на выезд у Польшчу

🔹У Нямеччыне перакуліўся аўтобус з беларусамі

🔹Яшчэ дзве ўкраінскія кампаніі закрылі офісы ў Беларусі

🔹Зноў павяліся: мастак прапанаваў школам паўдзельнічаць у конкурсе з перафразаваным дэвізам СС

🔹Школьнікаў прывезлі на палігон глядзець на вучэнні артылерыстаў

🔹З'явіўся каталог беларускамоўных праектаў

🔹У Польшчы ў лесе недалёка ад мяжы з Беларуссю знайшлі труп жанчыны

🔹Узламалі youtube-канал блогера Андрэя Павука. Відэа ўжо адноўленыя

🔹Над Паўночнай Канадай быў збіты яшчэ адзін неапазнаны аб'ект, трэці за тыдзень

🔹У Аргентыне вядуць следства з-за прытоку цяжарных з Расеі

Рэпрэсіі дня:

▪️Актывіст Аляксей Кірэеў пакараны 2 гадамі калоніі за ўдзел у пратэстах

▪️Палітвязня Яўгена Рубашку на месяц змясцілі ў ПКТ

▪️Кіроўца, звольнены з берасцейскага аўтапарку, цяпер у ІЧУ

▪️У КДБ выклікаюць людзей, якія рабілі данаты ў фонды салідарнасці

2023-02-13 20:50:27+00:00

💥 #main Галоўнае за 13 лютага

🔸 У Беларусь прыляцеў міністр замежных справаў Венгрыі Петэр Сіярта. Што хаваецца за гэтым візітам?

🔸 Дарадца кіраўніка Офісу прэзідэнта Украіны Міхайла Падаляк адказаў на пытанне, чаму ніхто з прадстаўнікоў Украіны не сустракаецца са Святланай Ціханоўскай

🔸 Зянон Пазняк расказаў аб тым, што хтосьці анансаваў ягоную лекцыю ў Вільні. Але сам Пазняк пра гэта не ведаў. Каментуе Офіс Святланы Ціханоўскай і палітолаг Павел Усаў

🔸 Генсакратар NATO – «Белсату»: «Мы ведаем, што рэжым у Менску не прадстаўляе людзей у Беларусі»

🔸 Сёлета АДКБ правядзе тры вучэнні ў Беларусі

🔸 Прэзідэнка Малдовы Мая Санду заявіла, што мае інфармацыю пра падрыхтоўку ў краіне дыверсіяў. Да іх могуць быць залучаныя і грамадзяне Беларусі

🔸 МЗС Францыі заклікала сваіх грамадзян тэрмінова пакінуць Беларусь. Амбасада ЗША ў Маскве заклікала сваіх грамадзян пакінуць Расею

🔸 Паведамляюць пра выбух на набярэжнай у Батумі. Папярэдне, выбухнула міна, якую прынёс шторм.

🔸 Не меней за 4800 дзяцей і падлеткаў пацярпелі ад сексуальнага гвалту ў каталіцкай царкве Партугаліі

🔸 Колькасць загінулых у выніку землятрусу ў Турцыі і Сірыі дасягнула 35 тысяч чалавек

2023-02-14 20:13:50+00:00

#main Галоўнае за 14 лютага

▫️Пуцін перасеў на браніраваны цягнік коштам 13,5 млн долараў. Раней ён лятаў на самалёце.

▫️Узброены мужчына ўварваўся ў кампус Універсітэту Мічыгану і забіў трох людзей.

▫️Вучэнні АДКБ «Нерушимое братсво» прыме Кыргызстан. Раней Арменія адмовілася праводзіць іх у сябе.

▫️Аб'яднаны Пераходны Кабінет падтрымаў рашэнне Польшчы закрыць грузавы пагранпераход Баброўнікі-Бераставіца. З нюансам!

▫️Святлана Ціханоўская адказала на заяву Міхаіла Падаляка.

▫️Расейскі інжынер збег у ЗША і гатовы распавесці пра тое, як мадыфікавалі бамбавік Ту-160М.

▫️Літоўская мяжа закрываецца для беларускіх цягнікоў. Афіцыйна.

▫️Былы прэзідэнт Міжнароднай федэрацыі хакея цяпер грамадзянін Расеі.

2023-02-15 20:10:31+00:00

💥 #main Галоўнае за 15 лютага

📌 Затрыманы гендырэктар «Мапіда»

📌 Яшчэ адзін беларус трапіў у палон ва Украіне – ваяваў на баку баевікоў групы Вагнэра

📌 Камандзір загінулага Эдуарда Лобава звярнуўся да Зяленскага з просьбай надаць ваяру ганаровае званне Героя Украіны (пасмяротна)

📌 Расейскі салдат скончыў жыццё самагубствам, каб не ваяваць ва Украіне

📌 Генеральны сакратар NATO заклікаў Беларусь спыніць саўдзел у агрэсіі

📌 Польшча падвысіла выдаткі на абарону - 4 % ВУП. Гэта вельмі шмат па сусветных мерках

📌 Гістарычны візіт: у Турцыю прыляцеў міністр замежных справаў Арменіі. Паміж краінамі пры гэтым адсутнічаюць дыпламатычныя адносіны

📌 Тысячы чалавек атрымалі ілжывае папярэджанне аб землятрусе ў Нямеччыне, што прывяло да эфекту «снежнага кома» і панікі

2023-02-16 21:01:23+00:00

💥 #main Галоўнае за 16 лютага

🔹 Пакуль грамадзянін сам на сябе не данясе, ягоны зварот нават разглядацца не будзе. Наша рэдактарка Вольгі Ярохінай, якая звярнулася ў камісію па разгляду зваротаў беларусаў, атрымала адказ

🔹 Цяпер нельга фатаграфаваць бюлетэнь. Падпісаны закон «Аб змене Выбарчага кодэксу Рэспублікі Беларусь»

🔹 Лукашэнка сёння раптам вырашыў правесці размову з беларускімі прапагандыстамі і замежнымі журналістамі. Вось што нагаварыў

🔹 Васкрасенскі расказаў пра сваю размову з прадстаўніком Зяленскага, які «прыязджаў у Менск перадаваць Лукашэнку просьбу аб сепаратным міры»

🔹 Фудкорт «Лучшая улица» абвясціў аб закрыцці. Завод «Луч» абвяргае і абяцае судовае разбіральніцтва

🔹 За кантрабанду цыгарэт затрыманыя 7 супрацоўнікаў памежнага пераходу «Баброўнікі»

🔹 У МЗС Польшчы заявілі, што неўзабаве можа быць закрыты і памежны пераход «Тэрэспаль-Берасце»

🔹 Літва спыняе дамову з Беларуссю па забеспячэнні бесперабойнага патоку транспарту праз мяжу

🔹 Славацкі парламент вызнаў расейскі рэжым тэрарыстычным, а Расею – дзяржавай, якая падтрымлівае тэрарызм

2023-02-17 20:59:01+00:00

🎼 Музыка на ноч. Новы міні-альбом гурта Dzieciuki

У альбоме ёсць песня «Зялёныя палі маёй зямлі» у перакладзе Андрэя Хадановіча. Гэта кавер на кампазіцыю Піта Сэнт-Джона «The Fields of Athenry», якая стала сапраўдным сімвалам змагання Ірландыі з Брытанскай імперыяй.

☝️ Пачуўшы «Зялёныя палі маёй зямлі», вы дакладна адчуеце сувязь паміж нашымі краінамі, абяцаюць стваральнікі.

Таксама ў рэліз увайшлі кампазіцыі «Тадэвуш Рэйтан» і «Усяслаў Чарадзей».

🎧 Паслухаць ПА СПАСЫЛЦЫ

Крыніца: chadanovic

2023-02-18 20:49:05+00:00

💥 #main Галоўнае за дзень

▫️ У Турцыі загінулі 39 672 чалавек. У Сірыі – не менш за 5 800. Інфармацыі з Сірыі нашмат менш.

▫️ У Міханавічах у аграсядзібе жылі 94 нелегалы. 27 з іх ужо «прымусова выдвараныя».

▫️ Украінскія вайскоўцы распавялі пра беларускіх разведчыкаў, якія выдаюць сябе за мясцовых на ўкраінска-беларускай мяжы.

▫️ Святлана Ціханоўская сустрэлася з Урзуляй фон дэр Ляен і новым прэзідэнтам Чэхіі.

▫️ Аналітыкі ISW: Пуцін будзе ўзмацняць сваю армію дзякуючы беларускім заводам.

▫️ Іспанія прыняла закон аб аплачаным «менструальным адпачынку».

▫️ Кітай выказаўся, што не падтрымлівае вайну і рыхтуе «мірны план». Краіна таксама заявіла, што паважае тэрытарыяльную цэласнасць.

▫️ Святлана Ціханоўская заявіла, што Беларусь сыдзе з Саюзнай дзяржавы і АДКБ пасля пераменаў.

2023-02-20 20:38:00+00:00

💥 #main Галоўнае за 20 лютага

🔹Ад 21 лютага Польшча абмяжоўвае рух для беларускіх фур у пункце пропуску «Кукурыкі-Казловічы»

🔹У Смалявіцкім раёне маршрутка сутыкнулася з МАЗам: 11 загінулых, сярод якіх ёсць дзіця

🔹Землятрус магнітудаю 6,4 адбыўся на мяжы Сірыі і Турцыі

🔹Джо Байдэн наведаў Кіеў

🔹Расследавальнікі назвалі імёны «вагнэраўцаў», датычных да зверскага забойства сірыйца ў 2017 годзе. Сярод іх аказаўся грамадзянін РБ

🔹Сілавікі Лукашэнкі распрацавалі законапраект «Аб народным апалчэнні»

🔹Беларускія дэпутаты разгледзяць увядзенне смяротнага пакарання за «здраду дзяржаве»

🔹Беларуска ў Польшчы пацярпела ад махляроў, якія выдавалі сябе за супрацоўнікаў банку

🔹Непадалёк ад мяжы з Украінай загінулі шасцёра расейскіх вайскоўцаў

🔹У Віцебску «шэрыя рыэлтары» скралі жанчыну і гвалтоўна ўтрымлівалі яе ў сельскай хаце

2023-02-21 20:40:09+00:00

🫶 З Днём роднай мовы беларусаў віншуе амбасада ЗША

Кіраўнік місіі цытуе важныя словы Уладзіміра Караткевіча, паслухайце ☝🏻

Крыніца: usembby / instagram

2023-02-23 20:54:29+00:00

Генасамблея ААН прыняла прапанаваную Украінай рэзалюцыю да гадавіны расейскага ўварвання

Паводле дакументу, краіны заклікаюць Расею спыніць баявыя дзеянні і вывесці свае войскі з Украіны, а таксама замацоўвае асноўныя палажэнні ўкраінскай «формулы міру».

За прагаласавалі 141 краін, супраць – толькі 7.

Крыніца: UN

2023-02-24 21:30:34+00:00

У акупаваным Севастопалі ўсталявалі ўкраінскі сцяг

Пакуль што гэта зрабілі партызаны.

Крыніца: Крымские Партизаны

2023-02-25 20:09:02+00:00

Што сёння адбывалася ў Беларусі і свеце

🔷 Павел Латушка пакідае склад Каардынацыйнай рады

🔷 Два гады таму ў рэанімацыі Віцебскага шпіталя спынілася падача кіслароду, загінулі 18 (!) чалавек. Чаму гэта адбылося – толькі цяпер расказаў доктар

🔷 Пельмені ў школе і дашкольная адукацыя ўдома – пачыталі інтэрв'ю міністра адукацыі

🔷 14 млн еўра сабралі ў Літве на куплю радараў для Украіны

🔷 Больш за 13 тысяч беларусаў збіраюцца атрымліваць «другую пенсію»

🔷 Пад Лоддзю загінуў беларускі дальнабойнік – ён згарэў у кабіне

🔷 Праз землятрус у Турцыі і Сірыі загінула больш за 50 тысяч чалавек

🔷 На Камчатцы адбыўся землятрус магнітудай 6,1

🔷 Група Orlen: у Польшчу перастала паступаць нафта з Расеі

🔷 У Камеруне падчас марафону адбыўся тэракт

🔷 Еўрасаюз узгадніў 10-ты пакет санкцыяў супраць РФ

🔷 У Пецярбургу з помніка ўкраінцам знік надпіс «безвинно убиенным», а ў Алматы ноччу прыбралі ўсе кветкі ад помніка Тарасу Шаўчэнку

🔷 У Расеі, верагодна, скончыліся іранскія дроны-камікадзэ – брытанская выведка.

2023-02-27 11:06:13+00:00

😳 Літоўскія памежнікі выявілі труп 53-гадовага беларуса ў аўтобусе, які ехаў з Варшавы ў Горадню

Гэта адбылося ў ноч з пятніцы на суботу ў пункце пропуску «Райгардас». На целе мужчыны не было заўважана пашкоджанняў − смерць была негвалтоўнай. Паліцыя Алітускага ўезду праводзіць дасудовае расследаванне, каб высветліць прычыну смерці.

Пасажырскі аўтобус, у якім выявілі цела мужчыны, ехаў па маршруце Варшава-Беласток-Горадня.

Крыніца: bns.lt

2023-02-27 20:40:35+00:00

💥 #main Галоўнае за 27 лютага

🔸 Беларуску, якую змыла ў мора разам з сабакам у Батумі, знайшлі мёртвай

🔸 Роўна 8 гадоў таму ў гэты дзень проста ў цэнтры Масквы быў забіты Барыс Нямцоў

🔸 На памежных пунктах пропуску праходзяць ператрусы машын

🔸 Лукашэнка сабраў нараду з сілавікамі. Ён загадаў звярнуць асаблівую ўвагу на ахову дзяржаўнай мяжы

🔸 «Дроны набылі ў звычайнай краме і перарабілі для аперацыі». Дэталі дыверсіі ў Мачулішчах

🔸 Літоўскія памежнікі выявілі труп 53-гадовага беларуса ў аўтобусе, які ехаў з Варшавы ў Горадню

🔸 На мяжы з Беларуссю загінуў вайсковец з тэрабароны Валыні. Украінскі бок паведамляе, што ён «выконваў баявое заданне»

🔸 Мантаса Данелюса, якога падазраюць у шпіянажы на карысць рэжыму Лукашэнкі, зноў арыштавалі

🔸 ЕЗ пакінуў у сіле санкцыі ў дачыненні да Беларусі з-за датычнасці да вайны ва Украіне

🔸 Куды ехаць, калі трэба з’ехаць. Дасціпна, зразумела, у карцінках і з коштамі разглядаем пяць варыянтаў пераезду, усё яшчэ даступных беларусам

2023-02-28 20:17:39+00:00

Што адбылося ў Беларусі і свеце

🔹 Першы каментар беларускага чыноўніка пра пашкоджаны ў Мачулішчах самалёт – «гэта фэйк»

🔹 ЮНІСЭФ працягвае супрацоўнічаць з беларускім рэжымам, сёння падпісалі Мемарандум аб узаемаразуменні паміж МНС і прадстаўніком Дзіцячага фонду ААН у Беларусі

🔹 Зафарбавалі фрэску «Цуд над Віслай» у касцёле ў аграгарадку Солы. Яна, верагодна, напісаная ў 1934 годзе

🔹 На факультэце журналістыкі збіраюцца рыхтаваць «не проста журналістаў, а байцоў інфармацыйнага фронту». Да таго ж, чыноўнік прызнаўся што ў дзяржСМІ і зараз знаходзяць тых, хто не падтрымлівае рэжым

🔹 Былы прафесар ГрДУ Аляксандр Мурашоў, звольнены па палітычных матывах, напісаў зборнік вершаў і прозы «Беларускі дзённік» – гэта асэнсаванне падзеяў 2020 і 2022 гадоў

🔹 У Беларусі прадаюць даменныя імёны аддзелаў TUT.BY

🔹 У Гомлі затрымалі каля 50 чалавек, якія былі ў ГЦ «Сакрэт», дзе мусіла адбыцца сустрэча «ЧВК Редан». У асноўным затрыманыя – гэта падлеткі

🔹 Былога беларускага палітвязня Івана Красоўскага дэпартуюць з Украіны, ён мусіць выехаць з Украіны ў любую краіну

🔹 Заснавальнік «Белага легіёну» Сяргей Бульба не верыць версіі кіраўніка BYPOL Аляксандра Азарава пра пашкоджаны самалёт

🔹 Паўднёвая Карэя пашырыла санкцыі супраць Беларусі і Расеі: цяпер забаронена экспартаваць 798 тавараў (падшыпнікі, цеплаабменнікі, абсталяванне для перапрацоўкі нафты і газу і інш)

🔹 Расея дазволіла ўладам РБ адтэрмінаваць на год пачатак пагашэння крэдыту, выдадзенага на будаўніцтва БелАЭС

🔹 У цэнтры Кішынёва – акцыя пратэсту, паліцыя спрабавала заблакаваць рух калоны.