-
2022-12-10 10:42:04+00:00
Загінуў беларус - Аляксей Аўдзеенка
Баец з пазыўным "Якуб" стаў 16 загінуўшым беларускім ваяром ад пачатку поўнамаштабнай вайны за Украіну. Ён загінуў 4 снежня на Бахмуцкім накірунку.
З 2016 года Аляксей жыў ва Украіне, стаў добраахвотнікам Тактычнай Групы Беларусь і хутка падпісаў кантракт з ЗСУ. Кіраўніцтва Палка Каліноўскага выдатна яго ведала, хоць ён і не быў у нашым складзе. Аляксей удзельнічаў у баявых дзеяннях на Данбасе падчас Аперацыі Аб'яднаных Сіл. З першых дзён поўнамаштабнай вайны прымаў актыўны ўдзел у абароне Украіны.
Героі не паміраюць!
Жыве Беларусь і Слава Украіне!
-
2022-12-09 14:57:25+00:00
Як вам такая трэніроўка батальёна "Літвін"?🔥
Так бы мовіць, набліжана да будучых рэальных падзей у Беларусі. Хтосьці няхай рыхтуе сабе самалёт ў Венесуэлу на наступны год.
-
2022-12-08 16:12:35+00:00
Людзі
На гэтай вайне ў мяне было шмат здзіўленняў.
Вядома першае - гэта сам пачатак. Я маю на ўвазе сам факт нападу на незалежную, дэмакратычную і свабодную ва ўсіх сэнсах краіну. Напад такім варварскім спосабам. А чацвёртай раніцы. Бамбяць гарады і сталіцу, прарываюць межы… Паралель з нацысцкай Нямеччынай такая відавочная тады была для ўсіх, што нават не верылася ў першыя гадзіны, што ўсё, што адбываецца праўда.
Другім здзіўленнем, ці нават хутчэй абурэннем - была інфармацыя, якая паступала з вызваленых гарадоў і вёсак. Тое, што я бачыў на свае вочы, тое, што расказвалі пабрацімы, якія заходзілі ў іншыя месцы не ўкладвалася ў галаве. Такая першабытная жорсткасць акупанта да мясцовых жыхароў, расстрэлы ў патыліцу, брацкія магілы, згвалтаванні, пакоі для катаванняў… Трэба сказаць з кожнай такой навіной – зброю ў руках трымаеш усё мацней і мацней. Відавочна становіцца, што прыняў правільнае рашэнне, калі пайшоў бараніць Украіну ад гэтай злачыннай навалы.
Здзіўленнем для мяне былі і самі баявыя дзеянні. Гэта для мяне першая вайна і яна вельмі адрозніваецца ад кіно і сваіх асабістых уяўленняў. Выбухае не так як я ўяўляў. Прылятае не так, як я ўяўляў. Паміраюць не так, як я ўяўляў. Страшней…
Але самым галоўным здзіўленнем для мяне былі людзі на гэтай вайне. Хлопцы, якіх я сустрэў. Усе тыя, хто змагаецца разам са мной бок обак. Ні адна спартовая, патрыятычная ці інтэлектуальная арганізацыя, не канцэнтруе ў сабе такаю колькасць розных, цікавых, рашучых і ўпэўненых людзей, як вайна. Тут зараджаецца сапраўднае, моцнае, праверанае ў баях сяброўства. Тут людзі адкрываюцца. Калі ты баязлівец - гэта стане зразумела. Калі герой - таксама стане ясна.
Таму самае галоўнае здзіўленне - гэта людзі.
#дзённік_каліноўца
-
2022-12-08 10:01:41+00:00
Пакалечанае вайной дзяцінства
Прама зараз у зоне баявых дзеянняў знаходзіцца вялікая колькасць дзяцей. Гады, якія павінны быць самымі шчаслівымі ў жыцці чалавека, праходзяць у іх пад пастаяннымі бамбёжкамі і абстрэламі.
Мы праязджалі па Бахмуце, і ўбачылі хлопчыка, які катаўся на самаробных арэлях прама ў двары разбітага дома. Спыніліся, пагаварылі, купілі прысмакі, якія ён узяў сабе і перадаў мясцовым дзеткам, каб хоць неяк зменьшыць увесь гэты жах, які ім даводзіцца перажываць.
Мы проста абавязаны дапамагчы выгнаць усю гэтую навалач, якая прынесла столькі гора і разбурэння ва Украіну.
-
2022-12-07 10:03:17+00:00
🚜 Трафейны БМП
У Палку Каліноўскага цудоўнае папаўненне! Нашы ваяры аднавілі трафейны БМП акупантаў і ўжо зусім хутка, як самі гавораць, “будуць кашмарыць на ёй пі..оров”!
Жыве Беларусь і Слава Украіне!
#наша_зброя
-
2022-12-06 13:07:24+00:00
Прайшла прэс-канферэнцыя, прысвечаная аб'яднанню палка Каліноўскага і «Кіберпартызан»!
Прадстаўнік Кіберпартызан уваходзіць у штаб Палка Каліноўскага.
Агульныя мэты палка Каліноўскага і Кіберпартызан.
- Вызваленне Украіны;
- Звяржэнне акупацыйнага рэжыму Лукашэнкі і аднаўленне незалежнасці Беларусі;
- Стабілізацыя ў Беларусі на пераходны перыяд;
- Вяртанне да дэмакратычных прынцыпаў кіравання і законнасці.
Полк Каліноўскага разам з Кіберпартызанамі падрыхтаваў план комплексных дзеянняў, якія прынясуць перамогу над дыктатурамі Пуціна і Лукашэнкі.
Глядзіце таксама наш СТРЫМ, па выніках прэс-канферэнцыі.
Разам да перамогі!
Жыве Беларусь і Слава Украіне!
-
2022-12-06 08:28:58+00:00
🪖 Віншаванне ЗСУ з перадавой
Мы - беларускія добраахвотнікі, ваяры Палка Каліноўскага віншуем усіх з Днём Узброеных Сіл Украіны!
Мы ганарымся тым, што беларусы знаходзяцца ў шэрагах ЗСУ, у шэрагах спадкаемцаў слаўнай ваеннай гісторыі гэтай вольнай зямлі - ад Казацтва да Украінскай Паўстанцкай Арміі. Мы віншуем усіх, хто мае дачыненне да абароны Украінскай свабоднай, дэмакратычнай і непадзельнай дзяржавы. Прама зараз мы разам з украінскімі пабрацімамі абараняем яе ад рашысткай навалы. Мы дапаможам вызваліць усе акупаваныя тэрыторыі і паставіць кропку ў канфлікце.
Пасля украінскай зямлі, намі будзе вызвалена і наша Радзіма. Мы ўпэўненыя ў перамозе Украіны і ў вольнай будучыні Беларусі.
Слава Украіне! 🇺🇦
Жыве Беларусь! ✊
-
2022-12-05 14:40:39+00:00
📦 Міжнародны Дзень валанцёра.
Полк Каліноўскага ўдзячны ўсім валанцёрам, якія дапамагаюць нам і ўсяму Украінскаму войску. Дзякуючы Вам у нас ёсць надзейны тыл! Дзякуючы Вам мы атрымліваем усё абмундзіраванне і сродкі абароны якіх нам не хапае! Разам з Вамі мы абавязкова пераможам!
Жыве Беларусь і Слава Украіне!
-
2022-12-05 07:00:09+00:00
Навіны Палка за тыдзень 🗓
▪️ Навіны з фронту
▪️ Сустрэчы з мэрамі найбуйнейшых гарадоў Валынскай вобласці і з кіраўніцтвам Ровенскай вобласці.
Глядзець на YouTube
✊ДАЛУЧЫЦЦА ДА ПАЛКА:
@BelarusAndUkraineBot - чат-бот тэлеграм
Кантакты для СМІ і іншых асоб:
@PressBelWar - тэлеграм-канал
✊ ЯК ДАПАМАГЧЫ НАШАМУ ПАЛКУ
Валанцёры:
YouTube | Instagram | Krama | TikTok | Twitter | Facebook | WebSite
#прэс_рэліз
-
2022-12-03 15:11:55+00:00
Прадстаўнікі Палка Каліноўскага правялі сустрэчы з кіраўніцтвам Ровенскай вобласці
Вялікая ўвага падчас сустрэчы была нададзена пытанню наладжвання адносін паміж беларускім і ўкраінскім народам, якое пагоршылася ў сувязі з агрэсіяй ва Украіну з тэрыторыі Беларусі. Байцы палка асаблівы акцэнт зрабілі на тым, што зараз Беларусь трэба ўспрымаць як акупаваную тэрыторыю. У будучыні ж агрэсія Расеі з тэрыторыі Беларусі стане немагчымай толькі калі кіраваць нашай краінай будуць нацыянальна арыентаваныя палітыкі, а не марыянетка Масквы Лукашэнка.
Прадстаўнікі сустрэліся з кіраўніком Ровенскай абласной вайсковай адміністрацыі Вiталём Ковалем, старшынёй Ровенскай абласной рады Андрэем Караушам, дэпутатамi Вярхоўнай рады, мэрам Роўна Аляксандрам Трэцяком i сакратаром Ровенскай гарадской рады Вiктарам Шакiрзянам.
Таксама прайшла сустрэча каліноўцаў з кіраўніком патрульнай паліцыі Ровенскай вобласці Сяргеем Мерчуком.
Паездка была арганізавана пры падтрымцы народнага дэпутата Ігара Гузя.
-
2022-12-03 09:56:24+00:00
🧍♂«Русня штурмует и ночью и днем»
Размова з байцом батальёна "Волат" Палка Каліноўскага пра ход вайны і тактыку акупанта, якая змянілася ад пачатку поўнамаштабнага нападу.
Відэа з перадавой.
Twitter | YouTube | TikTok | Instagram | Krama | Facebook | WebSite
-
2022-12-02 13:54:47+00:00
Чым адрозніваецца беларускі ваяр ад украінскага? І той і той бароняць свабоду і незалежнасць, але беларускі яшчэ крыху і бульбачку.
Twitter | YouTube | TikTok | Instagram | Krama | Facebook | WebSite
-
2022-12-01 15:15:23+00:00
🔪 "Ах, лента за лентою, набої подавай!"
Батальён “Волат” Палка Каліноўскага адпрацоўвае па ворагу з 12.7 мм кулямёта Browning M2 у найгарачэйшай кропцы фронта!
-
2022-12-01 11:41:30+00:00
Грады
У пяцёх выйшлі на задачу. Тыя, хто не сутыкаўся з ваеннымі дзеяннямі, лічаць, што баявыя задачы - гэта тысячы людзей, танкаў, самалётаў і ўвогуле ўсё выглядае, як у кіно. Але мэты аперацый бываюць розныя. Выведвальныя групы, як наша, не бываюць больш за восем-дзесяць чалавек.
Даведаўшыся, дзе знаходзяцца пазіцыі акупантаў, сталі вяртацца назад. Пачало хутка цямнець. На шчасце мы заўважылі недалёка ад пасадкі хатку пчаляра. Вырашылі пераначаваць у ёй. Наогул месца было прыгожае: пасадка, яблыневы сад, пчаліныя вулеі... Калі б не вайна - выдатнае месца для адпачынку.
У пяць гадзін раніцы па ўсёй лініі фронту пачаўся абстрэл градамі. Мы ўскочылі маментальна, таму што хатка хісталася і падскоквала з боку ў бок. Прынялі рашэнне перабягаць у іншую лесапасадку.
Выбеглі і адразу зразумелі, што пакеты градаў кладуцца ўсё бліжэй і бліжэй да нас. Бах! Бах! Бах! Азірнуўся - хаткі пчаляра няма. Бах! Бах! Бах! Вулеі ў трэскі. Вось тут з'явілася ўсё ж адчуванне, што мы ў кіно ці ў ва сне... Грады накрывалі, здавалася, усё і з усіх бакоў. Мы заўважылі ў полі невялікія спрасаваныя стажкі сена. Не задумваючыся, сталі перабягаць ад аднаго стажка да другога. Бах! Бах! Бах! Яблыневы сад увесь у дыме. У гэты момант мозг пачаў працаваць вельмі цікава. Нам здавалася, што вось гэтае самае сена зможа спыніць аскепкі ад граду! Дурасць поўная, але ў той момант гэтыя думкі выратавалі нам жыццё. Дзякуючы гэтай надзеі мы не заляглі на месцы, не ўпалі ў яму і не засталіся ў хатцы, якую разбамбіла. Дзякуючы гэтай надзеі - што сена (звычайнае сена!) зможа выратаваць нас ад смерці - мы рухаліся.
У выніку мы здолелі адбегчы ў іншы бок ад месца, куды акупанты клалі пачкамі свае снарады і застацца жывымі.
Давярайце ў крытычных сітуацыях свайму мозгу ці інтуіцыі, я не ведаю як гэта правільна назваць…
Магчыма і вам гэта калі-небудзь выратуе жыццё.
Twitter | YouTube | TikTok | Instagram | Krama | Facebook | WebSite
-
2022-12-12 07:01:19+00:00
Навіны Палка за тыдзень 🗓
▪️ Навіны з фронту
▪️ Аб'яднанне Палка Каліноўскага і Кіберпартызан
Глядзець на YouTube
✊ДАЛУЧЫЦЦА ДА ПАЛКА:
@BelarusAndUkraineBot - чат-бот тэлеграм
Кантакты для СМІ і іншых асоб:
@PressBelWar - тэлеграм-канал
✊ ПАДТРЫМАЦЬ
Валанцёры:
YouTube | Instagram | Krama | TikTok | Twitter | Facebook | WebSite
#прэс_рэліз
-
2022-12-11 12:31:03+00:00
Як думаеце, у які момант гэтая малая, якая стаіць на ўзбраенні Каліноўцаў, зможа дастаць рашыста?
Варыянты адказаў:
- Прама ў момант атрымання рускім мобікам позвы на забой?
- Як толькі пераступіць мяжу Украіны?
- Падчас шоку ад таго, што прыбіральня можа быць не на вуліцы?
- Прама ў момант чарговага "кроку добрай волі"?
Пішыце ў каментарах вашыя варыянты.
-
2022-12-14 09:31:07+00:00
Зіма прыйшла і мы да яе падрыхтаваліся!
Адбылася фінальная частка падрыхтоўкі навучальнай роты Палка Каліноўскага: прайшоў марш кідок на 15км, адпрацавалі дзеянні падчас трапляння ў засаду, эвакуацыі параненых, выстаўлення назіральнага пункта ў лясной мясцовасці, дзеянні падчас артабстрэлу і нападу ДРГ. Усе вучэнні праходзілі пад адкрытым небам, рэкруты правялі ноч у лесе ва ўмовах набліжаных ды баявых.
Вы таксама можаце далучыцца да нас і стаць у шэрагі будучага вызваленчага войска Беларусі.
✊ДАЛУЧЫЦЦА ДЫ ПАЛКА:
@BelarusAndUkraineBot - чат-бот тэлеграм
Жыве Беларусь і Слава Украіне!
Twitter | YouTube | TikTok | Instagram | Krama | Facebook | WebSite
-
2022-12-13 09:53:16+00:00
Баявая праца 120мм мінамёта Батальёна «Волат» Палка Каліноўскага!
Яскравы прыклад таго, як савецкая ж зброя дапамагае добра даваць па зубах тым, хто вырашыў адрадзіць гэтую турму народаў.
Паглядзіце як нашы ваяры дапамагаюць ЗСУ і адбіваюць жаданне ў кацапаў «узяць Кіеў за тры дні»!
-
2022-12-19 07:00:15+00:00
Навіны Палка за тыдзень 🗓
▪️ Полк Каліноўскага працягвае выконваць баявыя задачы
▪️ Адбылася фінальная частка падрыхтоўкі навучальнай роты
▪️ Сустрэча з Упаўнаважаным Вярхоўнай Рады па правах чалавека Дзмітрыем Лубінцом і з кіраўніцтвам Чарнігаўскай абласной рады
▪️ Акрэслены нашыя стратэгічныя мэты: імкнуцца да ўступлення ў Еўразвяз і стаць часткай НАТА.
Глядзець на YouTube
✊ДАЛУЧЫЦЦА ДА ПАЛКА:
@BelarusAndUkraineBot - чат-бот тэлеграм
Кантакты для СМІ і іншых асоб:
@PressBelWar - тэлеграм-канал
✊ ПАДТРЫМАЦЬ
Валанцёры:
YouTube | Instagram | Krama | TikTok | Twitter | Facebook | WebSite
#прэс_рэліз
-
2022-12-18 12:12:31+00:00
🥣 Пыталіся – як харчуюцца нашыя ваяры на перадавой?
Харчуюцца выдатна: на сняданак яешня з беконам, на абед - суп з лясных грыбоў, салат аліўе, спагеці, каўбасы і сала, смачнейшыя ўкраінскія закаткі, а на вячэру плоў ад нашага шэфповара
Сыты ваяр - задаволены і баяздатны ваяр!
-
2022-12-17 12:03:08+00:00
"Мне здаецца, што вайна не зусім жаночая справа, але жанчына таксама мае права абараняць тое, што ёй каштоўна і дорага"
Размова з "Север" - дзяўчынай, якая ў мірны час вучылася на хірурга-анколага, а з пачаткам поўнамаштабнай вайны ва Украіне, стала камандзірам групы эвакуацыі батальёна "Волат" Палка Каліноўскага.
Жыве Беларусь і яе гераічныя жанчыны!
-
2022-12-16 14:01:06+00:00
🧍♂Шлях рэкрута
Гэта шлях ад цывільнага чалавека да сапраўднага ваяра ў шэрагах Палка Каліноўскага.
Далучайся да тых, хто піша сучасную гісторыю будучай перамогі беларускага народа.
✊ДАЛУЧЫЦЦА ДА ПАЛКА:
@BelarusAndUkraineBot - чат-бот тэлеграм
-
2022-12-16 09:19:16+00:00
❗️Украіна проста цяпер пад масіраваным ракетным абстрэлам
Але мы спакойныя. Мы сабраныя. Мы трымаем абарону і чакаем цягнік на Маскву.
Жыве Беларусь і Слава Украіне!
-
2022-12-15 16:00:41+00:00
Лазавое. Расейская арта
Мы штурмавалі Лазавое пад кіраўніцтвам «Брэста».
Наша група мусіла пераправіцца праз рэчку, што мы ўласна і зрабілі. Перапраўляліся прама пад артылерыйскім агнём. Задавальненне не з прыемных, я вам скажу: вакол выбухае, а пакуль ты знаходзішся ў лодцы, прабачыце за каламбур, зямлі пад нагамі не адчуваеш. Адзін з нашых байцоў, відаць на стрэсе, страціў на пераправе каску. Што? Як? Чаму? Разбірацца не было часу. Але мне ўрэзалася ў памяць, як ён наступныя абстрэлы затуляў галаву ад аскепкаў звычайнай сапёрнай лапаткай… І смешна і сумна.
Далей на падыходзе да самога Лазавога пачаўся штурм акопаў акупантаў. Штурм мы правялі з цяжкімі баямі, але пасьпяхова. Адзін з нашых пабрацімаў здабыў у бліндажы і прынёс да нас під…рскую рацыю! Такую здаравенную, з велізарнай антэнай. Працоўную. Мы адразу зразумелі, што яна на варожай хвалі. У рацыю былі чутныя крыкі рускіх: «Что там? Что там в Лозовом?!!». Ён перадаў рацыю Брэсту і той не разгубіўся. Стаў ім адказваць і сам карэктаваць агонь іх жа арты, па тых частках якія стаялі перад намі!
«Что там? Что там в Лозовом?!!»
«Да пи..ец! Тут их просто дохрена! Работайте! Работайте!»
Тут жа расейская арта накрывае сваіх жа.
«Попали?»
«Да! Лупите дальше!»
Зноў недалёкія оркі, не разумеючы падставы, накрываюць сваіх жа. Мусіць, камусьці з іх і ўзнагароду якую-небудзь выдалі, за такую паспяховую працу... Па сваіх.
У выніку Лазавое мы ўзялі. Гэта быў той выпадак, калі руская арта дапамагала нам у штурме не горш за нашыя ж мінамёты. Мы потым адышлі, без страт і з адным параненым. Цяпер Лазавое зноў наша.
Цікава, колькі такіх выпадкаў па ўсёй лініі фронта? Рускім мобікам варта задумацца, калі ім прыходзіць позва. Гераічна прайсці гэтую вайну, як у савецкіх фільмах, не атрымаецца - заб'юць свае ж.
#дзённік_каліноўца
-
2022-12-15 09:12:31+00:00
Полк Каліноўскага разам з беларускімі праваабаронцамі адстойвае інтарэсы беларусаў ва Украіне
14 снежня у Кіеве прайшла сустрэча прадстаўнікоў Палка Каліноўскага і праваабаронцаў з Упаўнаважаным Вярхоўнай Рады па правах чалавека Дзмітрыем Лубінцом.
У ёй прынялі ўдзел 10 народных дэпутатаў міжфракцыйнай групы Вярхоўнай Рады Украіны “За дэмакратычную Беларусь“, а таксама юрысткі Free Belarus Center.
Прадстаўнікамі Палка было ўзнятае пытанне пра двух палонных ПКК. Спадар Лубінец запэўніў, што будзе спрыяць іх вызваленню.
Таксама былі абмеркаваныя іншыя істотныя для беларусаў ва Украіне пытанні.
Вынікі сустрэчы:
1. Дамоўленасць аб сумеснай працы дэпутатаў Вярхоўнай рады з прадстаўнікамі Палка Каліноўскага і праваабаронцаў над законапраектамі, якія дапамогуць сістэмна вырашыць праблемы нашых суайчыннікаў.
2. Вырашылі зрабіць падобныя сустрэчы рэгулярнымі.
Па гэтым ды іншых, узнятым на сустрэчы пытаннях, дэпутаты будуць камунікаваць з офiсам Упаўнаважанага Вярхоўнай Рады па правах чалавека,прадстаўнікамі Палка Каліноўскага і праваабаронцамі.
Мы гатовыя да супрацы з усімі зацікаўленымі арганізацыямі па беларускім пытаннях.
Вашыя прапановы дасылайце на наш чат-бот: @BelarusAndUkraineBot
-
2022-12-21 10:54:03+00:00
✈️ Падраздзяленне БПЛА імя Мікіты Крыўцова ў справе🔥
У выніку аэравыведкі, падраздзяленнем Палка Каліноўскага быў знойдзены склад БК акупанта і 2 мінамётныя разлікі.
Знойдзены і знішчаны, дзякуючы артылерыі ЗСУ, якую нашае падраздзяленне паспяхова скарэктавала.
Жыве Беларусь і Слава Украіне!
-
2022-12-22 13:56:33+00:00
👍 Сёння ўрачысты дзень для Палка Каліноўскага
Чарговыя рэкруты прынялі зарок на вернасць беларускаму народу, атрымалі вайсковыя квіткі, шэўроны Палка і асабістую зброю.
Жыве Беларусь і Слава Украіне! ✊ 🇺🇦
-
2022-12-23 11:47:32+00:00
“Білоруси добрі господарі, добрі воїни, завжди готові підтримати!”
Камандзір узводу выведкі ЗСУ з пазыўным “Сірый”, дзеліцца ўражаннямі пра беларускіх добраахвотнікаў з Палка Каліноўскага, з якімі яму давялося разам ваяваць.
Дзякуй Вам пабрацімы, за высокую адзнаку беларускіх ваяроў!
Разам да перамогі!
-
2022-12-24 17:01:27+00:00
☠️Воля альбо смерць☠️
Радзіма Бацькі Махно Гуляй-Поле - вольная духам зямля. Зямля, якая яшчэ сто гадоў таму нараджала людзей, не гатовых скарацца, здольных змагацца за сваю свабоду, за свае правы і свае ідэі.
Як і сто гадоў таму, на гэтай зямлі ідзе бой за Украіну, у якім ваяры Палка Каліноўскага прымаюць непасрэдны ўдзел.
-
2022-12-24 12:20:38+00:00
Узнагароды ў Палку Каліноўскага
Галоўнае ўпраўленне выведкі міністэрства абароны Украіны адзначыла чацвярых ваяроў Палка ўзнагародамі «За мужність під час виконання спецзавдань»!
Мы ганарымся нашымі ваярамі, якія гераічна змагаюцца за свабоду украінскага і беларускага народа і гэта не застаецца незаўважаным вышэйшым кіраўніцтвам.
Шчыра віншуем Вас пабрацімы!
Жыве Беларусь і Слава Украіне!
-
2022-12-25 12:00:53+00:00
Украінскія студэнты павіншавалі ваяроў Палка Каліноўскага з калядамі
Ваяры Палка былі запрошаны на святочны канцэрт, які студэнты арганізавалі спецыяльна для нас.
Апроч цудоўнай тэатральнай пастаноўкі і танцаў, хлопцы і дзяўчаты развучылі песню на беларускай мове, сабралі грошы і зрабілі прыемныя падарункі. Такім чынам падзякавалі нам за тое, што мы сталі на абарону Украіны.
Дзякуем, за тое, што дазволілі нашым ваярам адпачыць і ненадоўга забыцца пра вайну.
-
2022-12-26 07:00:33+00:00
Навіны Палка за тыдзень 🗓
▪️ Полк Каліноўскага працягвае выконваць баявыя задачы
▪️ Чарговыя рэкруты прынялі зарок на вернасць беларускаму народу
▪️ Галоўнае ўпраўленне выведкі міністэрства абароны Украіны адзначыла ваяроў Палка ўзнагародамі
▪️ Прадстаўнікі Палка Каліноўскага сустрэліся з кіраўніцтвам Жытомірскай вобласці.
Глядзець на YouTube
✊ДАЛУЧЫЦЦА ДА ПАЛКА:
@BelarusAndUkraineBot - чат-бот тэлеграм
Кантакты для СМІ і іншых асоб:
@PressBelWar - тэлеграм-канал
✊ ПАДТРЫМАЦЬ ПОЛК
Валанцёры:
YouTube | Instagram | Krama | TikTok | Twitter | Facebook | WebSite
#прэс_рэліз
-
2022-12-27 10:01:04+00:00
Беларусы насыпаюць па акупантам з АГС-17
На відэа праца батальёна «Літвін» Палка Каліноўскага, на якім нашыя ваяры адпрацавалі па жывой сіле ворага з Аўтаматычнага Гранатамёта.
Гэты гранатамёт празвалі «Полымя». Удалая назва, таму што падгарае ад яго ў русні выдатна.
-
2022-12-28 17:54:00+00:00
Заўтра 29 снежня а 20:00 выніковы стрым Палка Каліноўскага за 2022 год
Камандзір Палка Дзяніс “Кіт” Прохараў і намеснік камандзіра Палка Вадзім "Ігар" Кабанчук распявядуць пра вынікі года для Палка Каліноўскага. Мадэратарам стрыму будзе Крысціна "Чабор". Будуць узняты пытанні, якія тычацца баявых падраздзяленняў і палітычных крокаў Палка.
Просім дасылаць пытанні, якія Вас цікавяць, у каментарах пад пастом.
Час стрыма будзе абмежаваны, таму фармулюйце пытанні выразна і па сутнасці.
Убачымся на стрыме!
-
2022-12-28 09:52:26+00:00
«Прага да перамогі палае ў кожным з нас. Воля да перамогі - пытанне трэніроўкі. Спосаб перамогі - пытанне гонару»
Маргарэт Тэтчэр
✊ДАЛУЧЫЦЦА ДА ПАЛКА:
@BelarusAndUkraineBot - чат-бот тэлеграм
Twitter | YouTube | TikTok | Instagram | Krama | Facebook | WebSite
-
2022-12-30 14:00:22+00:00
Зварот да беларускага ваенкаму
Я атрымаў позву, з заклікам з'явіцца ў ваенкамат!
Непаважаны ваенкам. Хутчэй за ўсё, вы, перакуліўшы чарговую чарку самагонкі, закусіўшы і выцершы рот зашмальцаваным рукавом кіцеля, які ўжо даўно не зашпіляецца на пузе - здзейснілі памылку. Вы хочаце заклікаць мяне "на абарону Беларусі ад нападу з чатырох пазіцый", я разумею, выслужвацца, а не служыць вы прывыклі.
Дык вось паведамляю. Позна. Я ўжо стаю на абароне Беларусі. Змагаюся з акупантамі, якія топчуць украінскую зямлю і даўно сябе добра адчуваюць на маёй беларускай. Я дарэчы не маю сумневаў, што менавіта вы, непаважаны ваенкам, сустракалі з хлебам і соллю эшалоны тэхнікі рускіх, якія заязджалі ў гомельскую вобласць.
Дык вось! Вы не хвалюйцеся. Служба мая ідзе добра. Аўтамат прыстраляў на выдатна! Хапіла ўсяго чатыры чэрапа рускіх акупантаў. З забеспячэннем таксама няма праблем. Ямо добра. Кавалак у горла камяком не становіцца, як у вас. Ставяцца да мяне паважліва і пабрацімы і мясцовае насельніцтва. Зараз, зараз! Прабачце, растлумачу што такое паважліва. Вы то забыліся як гэта... Гэта калі не плююць у спіну, за тое, што ты робіш. Гэта калі начальства не выцірае аб цябе ногі. Гэта калі можаш выказаць сваю пазіцыю без наступстваў. Зразумеў, ваенкам?
Прашу вас перастаць слаць мне позвы. Пачакайце крыху, я сам за імі прыеду. Прама да вас у хату і заеду. Пасядзім. Пагаворым. Я раскажу пра тое як ваяваў ва Украіне і як мне з пабрацімамі ўдалося вызваліць Беларусь. Вы раскажыце пра злачынствы і пра тое, як здрадзіў дадзеную беларускаму народу прысягу. А потым паедзем у суд. Не адразу. Там будуць чэргі з такіх як вы…
-
2022-12-31 17:11:27+00:00
Навагодні зварот Палка Каліноўскага да ўсіх беларусаў
Камандзір Палка Дзяніс “Кіт” Прохараў
Камандзір батальёна “Літвін” Ігнат “Булак” Кірэеў
Камандзір батальёна “Волат” Ян “Беларус” Мельнікаў
Разам да перамогі! Разам у 2023 год!
Жыве Беларусь і Слава Украіне!