-
2023-01-27 15:19:37+00:00
❤️ Павіншуйце палітзвязня Андрэя Аляксандрава з 45-годдзем.
Андрэй — медыяменеджар, паэт, журналіст. Таксама ён — заўзятар футбольнай каманды "Ліверпуль", пераклаў на беларускую мову іх гімн. BYSOL запусціў розыгрыш сертыфікаванай майкі "Ліверпуля". Сродкі пойдуць на дапамогу пацярпелым ад рэпрэсій.
▪️У "спіс экстрэмістаў" дадалі дызайнера і фатографа Дзяніса Шарамецьева і яго жонку Святлану, асуджаных на 2 і 1,5 гады калоніі.
▪️У журналіста і пісьменніка Сяргея Сацука ў турме здарыўся прыступ мярцальнай арытміі, бо ён эканоміць таблеткі па прычыне таго, што яму не аддаюць лекі.
▪️Алесю Любянчуку, журналісту, арганізатару турпаходаў і актывісту ў аднаўленні гісторыка-культурнай спадчыны Наваградчыны, асуджанаму на 3 гады калоніі, не задаволілі апеляцыйную скаргу.
▪️Алесь Пушкін збіраецца ў турме намаляваць партрэт тэатральнага рэжысёра Валерыя Маслюка, а таксама партрэт аўтара першай беларускай граматыкі Браніслава Тарашкевіча.
▪️Ва Украіне выпусцілі канверт і марку, прысвечаныя Алесю Бяляцкаму.
-
2023-01-28 17:03:47+00:00
❗️Затрымалі барда Андрэя Мельнікава.
Як паведаміў яго сын на сваёй старонцы ў фэйсбуку, музыка затрыманы на "суткі" да 5 лютага і знаходзіцца ў ІЧУ Мінскага раёна.
-
2023-01-29 15:30:32+00:00
▶️ YouTube выхаднога дня:
▪️Мікіта Мелказёраў, вядоўца канала "жыццё-маліна" даў інтэрв’ю праекту ТОК: пра Мінск і месца сілы, розніцу паміж беларусамі і расіянамі, пра працу і асабістае.
▪️Гісторыя Беларусі з Цімафеем Акудовічам: глядзіце ў новым выпуску перадачы "Вусы Скарыны" пра тое, чаму беларусы так любяць законы.
▪️"Шокінг Культ" з Максімам Жбанковым: выпуск пра коміксы.
▪️"Около Культуры" з Мікітам Монічам: пра Беларусь у складзе Рэчы Паспалітай.
▪️Блогерка Ліза Ветрава дала інтэрв'ю каналу "Страна для жизни": чаму тыя, хто выехаў і працуе ў медыясферы, не могуць адпачыць; ці прыніжана беларуская мова; аб чым не гавораць блогеры і іншыя цікавыя тэмы.
▪️У гістарычнай перадачы "Трызуб і Пагоня" Кацярына Ваданосава распавядае пра адрознасць паняццяў "нацыя", "нацыяналізм", "нацызм".
Дзеткам:
🍬 "Казкі з Маляванычам".
🍬 Урокі гісторыі Беларусі ў нясумным фармаце ад праекту "Альгерд ужо ня той": тэмы школьнай праграмы, адаптаваныя пад сучасныя рэаліі.
🎧 Бонус: Святлана Бень у падкасце Legal Music: размова пра ўсё і трохі пра тое, як размаўляць са слухачом праз сваю творчасць.
#што_паглядзець
-
2023-01-30 17:00:42+00:00
⚡️Вершаваная казка "Айболит" выйшла па-беларуску! Пераклаў яе палітвязень Андрэй Скурко.
Кніга мае назву "Добры доктар Будзь-Здароў". Знакамітаму твору Карнея Чукоўскага неўзабаве споўніцца 100 гадоў, таму перакладчыку давялося сёе-тоё асучасніць. Будзь-Здароў паказвае хворым зверанятам мульцікі і лечыць іх не толькі ад малярыі, але і ад кавіду. Але рытм, дух, настрой арыгінальнага твора перададзены дасканала!
▪️Андрэй Скурко, кіраўнік аддзелу рэкламы і маркетынгу "Нашай Нівы", журналіст, рэдактар, паэт і музыка, знаходзіцца за кратамі з ліпеня 2021 года. Ён асуджаны на 2,5 гады калоніі. Большую частку перакладу Андрэй напісаў, пакуль сядзеў на сваіх судовых паседжаннях. Таксама іншыя вершы палітвязень дасылае з турмы для свайго маленькага сына Тамашыка.
👉 Купіць кнігу можна тут ці тут.
-
2023-01-31 16:09:02+00:00
"Застаецца толькі спадзявацца, што мы ўсе яшчэ зайграем разам".
👉 Чытайце вялікую размову з рок-музыкам з Маладзечна Аляксандрам Казакевічам. На піку ўласнай кар’еры ён граў адразу ў 4-х гуртах. Музыка прызнаны палітвязнем, быў двойчы асуджаны за "абразу прадстаўніка ўлады". Пасля другога прысуду Аляксандру атрымалася з'ехаць з Беларусі.
▪️"Мяне «прынялі» першы раз напрыканцы кастрычніка 2020-га. Пачалі прымушаць падпісаць прызнанне, што падпаліў шапік «Табакеркі» каля свайго дома. Зразумела, я адмовіўся. Праз 72 гадзіны адпусцілі.
▪️У сакавіку 2021 брат збіраўся ехаць працаваць у Гданьск. Я зрабіў працоўную візу і мы з’ехалі амаль на паўгады. Паколькі мной ніхто не цікавіўся за гэты час, я вырашыў вярнуцца ў Маладзечна. Але ў красавіку 2022-га да мяне ў кватэру сталі ламіцца. Праз 3 месяцы я атрымаў першы прысуд — 1,5 гады хатняй «хіміі».
На свабодзе я прабыў 6,5 сутак. За мной ізноў прыйшлі. Другі раз мне прысудзілі 2 гады хатняй «хіміі». Я не сумняваўся, што ад такога «правасуддзя» трэба бегчы".