-
2020-10-31 18:38:54+00:00
UzAutoMotors жуда ўзидан кетибди-ю. @stopuzam да янги машиналар брак бўлиб чиқаётган видеолар, @oyliklaruz да ишчилари оладиган арзимай ойликлари тарқалганидан кейин, UzAM ишчиларидан шундай тилхат олибди.
Энг қизиғи, агар машиналарда брак бўлса ҳодим ойлиги ҳисобидан ундирилишиги мажбурий розилик олишяпти. Агар қўл қўймаса ишдан бўшаркан.
Шуми UzAM керилиб мақтанган иш ўринлари? Бу Меҳнат кодексига зид-ку.
«Сифат билан нарх орасидаги фарқни ишчиларингдан ундирмоқчимисан? Ишчиларинг ёппасига ишдан бош тортса нима кунга қоласан?» Дейдиган одам йўқ…
Маълумот учун: Кореяда автозаводдаги ишчилар ўртача $2000 олади. Германияда $3000. Хитойда $1000. Ўзбекистонда $200!!!!
Зато машиналаримиз нарх бўйича любойини дамини беради.
Ўргилдим бундай заводдан. Иш билан таъминлаяпти-ку дердик. Бундай шартлари бор ишни бўлганидан, бўлмагани яхши.
Орангизда UzAM ишчилари бўлса, @OyliklarBot ёки @TrolluzfBot га иш шароитлари ҳақида маълумот жўнатинг. Шахсингиз сир сақланади!
—
UzAutoMotors в очередной раз облажался. Видеозаписи браков новых автомобилей на канале @stopuzam, информация о зарплатах рабочих завода на канале @oyliklaruz сильно им не понравились. И они решили взять гарантийные письма от всех рабочих завода УзАМ, которое обязывает их сохранять в тайне всю информацию касаемо завода.
Но самое главное, теперь, что если в каких-то машинах обнаруживается брак, расходы на устранение брака рабочие будут обязаны погасить со своей зарплаты.
Если кто-то не подпишет это письмо, его уволят. Прекрасно, да?
И после этого UzAM может хвастаться, что создал столько рабочих мест? Кому нужна работа, которая противоречит трудовому кодексу?
Интересно, им кто-то задавал такие вопросы:
«Вы хотите за счет ваших сотрудники покрыть разницу между ценой и качеством? Что же вы будете делать, если ваши рабочие массово откажутся работать?»
Для справки: Рабочие автозаводов в Корее зарабатывают в среднем $2000. В Германии $3000. $1000 в Китае. А в Узбекистане $200!!!!
При этом наши машины по цене дадут фору любой иномарке!
Скажите мне, зачем нам такой завод? Все говорили про рабочие места, но на деле просто рабство.
Если среди вас есть сотрудники UzAM, отправьте информацию об условиях работы на @OyliklarBot или @TrolluzfBot. Опубликую анонимно!
#STOPUZAUTO
-
2020-10-30 18:32:38+00:00
UzAvtoMotorsga oid bugungi sud qarori mamlakatda monopoliyaga qarshi kurash, sog'lom raqobat muhitini yaratish borasida aytilayotgan barcha gaplar, kutilayotgan islohotlar ildizga bolta urdi.
Garchi bundan ancha oldin sud qarori "olib-sotar" UzAvtoMotors foydasiga chiqishiga oid tahminlarni bir necha manbalardan eshitsamda, lekin umidsiz shayton deya odil sudlov qaror topishiga oxirigacha umidvor edim. Afsus, ming afsus....
-
2020-10-30 18:15:02+00:00
"Ўзавтомоторс" ва уни қўллаб-қувватловчиларнинг ҳарак(ж)атлари зое кетмади. Улар шуни исташди, шу бўлди, улар "бўл" деди, бўлди, "бўлма", деса бўлмасди.
Уларга қанча гул, пул, куч, эътибор керак бўлса ҳаммаси муҳайё. Фақат одамларнинг ишончи ва ҳурматидан ташқари... Аммо улар учун бир чақалик қиймати йўқ ишонч ва ҳурматсиз ҳам улар ғолиб, буюк ва тенгсиз бўлиб қолаверишлари мумкин. Чунки улар "эски Ўзбекистон" бўла туриб "янги Ўзбекистон"ни мағлуб эта олдилар.
Хуллас янги Ўзбекистондаги "эски Ўзбекистон"га "ғалаба" муборак!
Судга эса гап ҳам йўқ.
-
2020-10-29 18:00:22+00:00
Давлат тест маркази томонидан кепка, озиқ-овқат маҳсулотларини буюртма ва ҳарид қилиш жараёнларида ўзаро тил бириктириш орқали ноқонуний йўл билан маблағларни ўзлаштириш аломатлари мавжуд. Шунингдек, коррупциянинг ҳам излари сезилмоқда.
Шу сабабли Бош прокуратура ва Коррупцияга қарши курашиш агентлиги мазкур масалани ўрганиб, ҳуқуқий бахо беришлари шарт.
Бу жараён ҳеч қандай таъсир ва босимларсиз қонун доирасида жамоатчилик учун очиқлаб олиб борилишини сўраймиз.
-
2020-10-28 01:52:03+00:00
UzAutoMotors ва UzAuto билан боғлиқ барчага саволлар:
1. UzAutoMotors машиналарининг сифатидан норозилар 2 соат ичида 12 мингдан ошиқ эди. UzAM бирор чора кўрадими?
2. Агар бу уларга камлик қилса @stopuzam да 70 дан кўп 2020 йилда чиққан машиналарнинг нуқсонлари бўйича видео-исботлар бор ва яна келишда давом этмоқда. Spark, Nexia, Gentra, Damas ларда жуда кўп камчиликлар бор. UzAM бирор чора кўрадими?
3. Асака заводига BIQ сертификатини берганлар, chevrolet нинг бош офисидагилар шу камчиликлардан хабардорми? Ёки уларга ўзимиз хабар берсакмикан?
4. Кўпчилик янги Gentra ва Nexia 3 автомобилларида коробка муаммоси йўлда кетаётганда содир бўлмоқда. Бахтсиз ҳодисага учрасачи? Балки шу вақтгача кимдир учрагандир. Ҳар бир машинани янгисига алмаштириб бероласизларми? Пулини қайтариб берасизлар балки? Судлашишга тайёрмисизлар халқ билан?
5. Шу пайтгача бирнечта йирик автоконцернлар кичик носозлик учун 100 минглаб машиналарини қайта чақириб олганини янгиликларда кўп ўқиганмиз. GM Uzbekistan ёки UzAutoMotors шундай қилганми? Қиладими?
6. Суд жараёнида «сирли маълумот»лар тўғрисида бир-нималар дедингиз. Бу сирли маълумот сизлар импорт божи, солиқлар ва утилизация йиғимларини тўламаслигингиз билан боғлиқми? Агар мабодо шундай бўлса, сизларнинг шохларинг борми?
7. Ҳар гал иш ўринлари ҳақида мақтанасизлар, заводда ишлайдиганлар сўзига қараганда ойликлари ишига яраша эмас, премия йўқ экан. Заводлардаги ишчилар 2 млн ойлик оларкан ўртача. Шу мақтанишга арзийдиган пулми?
8. UzAuto га шунча имкониятни яратиб берганларга савол: халқни қийнаб чарчамадингизми?
9. Қачон растаможкани енгиллаштириб, бу заводга рақобат нималигини кўрсатасизлар?
10. Қачон ўзбекистонликлар $4000-5000 га яхши машина минади? Нечта ренессансдан кейин?
—
Вопросы ко всем, кто связан с UzAutoMotors и UzAuto:
1. Количество недовольных качеством новых автомобилей UzAutoMotors за 2 часа превысило 12 тысяч. Какая-то реакция будет?
2. Если опрос не показатель, на канале @stopuzam есть видеодоказательства более чем 70 неисправностей автомобилей, купленных в 2020 году. Количество видео растет ежечасно. Spark, Nexia, Gentra, Damas имеют много недостатков. Примет ли УзАМ какие-либо меры?
3. Знают ли об этих недостатках главный офис Chevrolet и те, кто выдал сертификат BIQ заводу Асака? Или нужно им сообщить?
4. У большинства новых автомобилей Gentra и Nexia 3 возникают проблемы с коробкой передач. Что если люди попадут в аварию по этой причине? Может, кто-то уже попадал. Готовы ли вы заменить каждую машину на новую? Или может вернете деньги? Готовы судиться с каждым водителем?
5. Мы много читали в новостях о том, что некоторые крупные автопроизводители отзывали сотни тысяч автомобилей из-за неисправностей. Когда-либо было такое у GM Uzbekistan или UzAutoMotors? Будет?
6. Вы сказали что-то о «конфиденциальной информации» во время суда. Связана ли эта секретная информация с тем, что вы не платите импортные пошлины, налоги и сборы за утилизацию?
7. Вы очень часто хвастаетесь рабочими местами. Но по словам заводчан, их зарплата не соизмерима с их работой, и никаких премий нет. Рабочие получают в среднем по 2 миллиона в месяц. Стоит ли хвастаться такими цифрами?
8. Вопрос к тем, кто создал столько возможностей для UzAuto: Вы не устали так мучить народ?
9. Почему нельзя ослабить растаможку, чтобы этот завод понял что такое конкуренция?
10. Когда узбекистанцы смогут покупать нормальный автомобиль за $4000-5000? Cколько ренессансов должно пройти?
-
2020-10-27 12:22:50+00:00
Бўлаётган ҳавотирли қўнғироқларни инобатга олиб, мен билан ҳаммаси жойида эканлиги ва ҳеч ким жонимга қасд қилмаганлигини маълум қилмоқчиман.
Умид қиламанки, бундан кейин ҳам ҳеч ким бундай қилмайди.
Фурсатдан фойдаланиб, асоссиз ҳавотирларнинг олдини олиш мақсадида барча блогерлардан ахборот тайёрлаш ва тарқатишда ахборотнинг мазмуни, матни ва тасвирлари бир бирига мос бўлишига эътибор қаратишларини сўраб қолардим.
Ноқулайлик ва ҳавотирлар учун узр сўрайман!
-
2020-10-25 16:49:15+00:00
Барча ички ишлар органлари ходимларини бугунги байрам билан ўзим ва яқинларим номидан чин қалбдан табриклайман!
Одатда кўпчилик касб байрамида дам олади. Бироқ бу соҳа вакилларининг кўпчилиги бугун ҳам дам олишмади.
Реал тилагим шуки, ойликларингиз ойлик ҳаражатларингиздан кам бўлмасин, мажбурий "протокол" деган тизим туби билан йўқ бўлсин, иш вақтингиз қонунда белгиланганидек ҳафтасига қирқ соатдан ошмайдиган кунлар келсин!
-
2020-10-25 04:17:53+00:00
https://kun.uz/78382637
-
2020-10-23 16:37:30+00:00
Сўровнома натижалари...
-
2020-10-23 16:34:34+00:00
Сиз қайси соҳа энг коррупциялашган, деб ҳисоблайсиз деган саволимиз бўйича сўровнома якунлари кутилмаган натижа қайд этди.
Гап шундаки, расмий маълумот ва чиқишларда таълим, соғлиқни сақлаш ва қурилиш соҳалари энг коррупциялашган соҳалар сифатида келтириб ўтиларди. Бироқ жамоатчилик бундай фикрда эмас.
Сўровномада иштирок этган жами 62759 нафар иштирокчиларнинг энг кўп 27 фоизи, яъни 17115 нафари ҳуқуқни мухофаза қилиш соҳасини энг коррупциялашган соҳа, деб ҳисоблар экан.
Кейинги ўринда 19 фоиз кўрсаткич билан жами 11627 нафар иштирокчи қурилиш соҳасини коррупциялашган, деб айтмоқда. Учинчи ўринда эса 17 фоизлик овоз билан соғлиқни сақлаш соҳаси эгалламоқда.
Бу натижалар соҳалар кесимида коррупцияга қарши кураш борасидаги ёндошувларни яна бир қайта кўриб чиқиш кераклигини кўрсатмоқда. Чунки коррупцияга қарши курашда ҳуқуқни мухофаза қилиш идоралари асосий масъул ҳисобланади. Аммо жамоатчилик уларнинг ўзларини «асосий коррупционерлар» қаторида кўраяпти.
Сўров норасмий тарзда ўтказилган бўлса-да, унинг натижалари жиддий «сигнал»!
Шу боис, коррупцияга қарши курашда жамоатчилик иштирокини кенгайтириш бўйича қонунчиликни мустаҳкамлаш, комиссия ва идоралар ишида уларнинг ролини ошириш иш самарадорлигига хизмат қилади.
Натижалардан келиб чиқиб, кейинги сўровномамизни ҳуқуқни мухофаза қилиш соҳасидаги асосий идоралар кесими бўйича ўтказишга қарор қилдик.
-
2020-10-23 14:47:31+00:00
Расмий баёнот
Ахборот ва оммавий коммуникациялар агентлиги «UzAuto Motors» АЖнинг Монополияга қарши курашиш қўмитаси томонидан қатор ОАВга босим ўтказилгани қайд этилган расмий баёнотидаги вазиятни ўрганиб чиқди.
Ушбу масалани ўрганиш натижасида «UzAuto Motors» АЖ тақдим этган маълумот ўз тасдиғини топмади. Агентлик томонидан 15 та етакчи электрон оммавий ахборот воситалари раҳбарлари ўртасида сўров ўтказилиб, мазкур суд ишини ёритишда Монополияга қарши курашиш қўмитаси томонидан ҳеч қандай босим ўтказилмагани қайд этилди.
Ушбу масала юзасидан АОКА томонидан «UzAuto Motors» АЖга асоссиз маълумотни тарқатмаслик ва бу каби ҳолатларга йўл қўймаслик бўйича тегишли огоҳлантириш киритилади.
Агентлик яна бир бор асоссиз, ёлғон маълумотларни тарқатиш учун жавобгарлик борлигини эслатиб ўтади, юридик ва жисмоний шахслар ҳамда ОАВга тарқатилаётан маълумотларнинг асослилигини текширишни тавсия қилади.
-
2020-10-23 14:46:12+00:00
Ички ишлар соҳасини ислоҳ қилиш керакми, деган савол сўнгги вақтларда кўп бора янграяпти. Хусусан куни кеча фуқаро Алишер Рўзиохунов билан йўл ҳаракати хавфсизлиги ходимлари ўртасида бўлиб ўтган ҳолат бу саволни яна кун тартибига олиб чиқмоқда.
Тўғриси А.Рўзиохуновнинг автомобилда ҳаракатланиши жараёнида қандай нотўғри ҳаракат қилганини билмайман, бироқ билганим шуки ҳар қандай ҳолатда бўлсин ички ишлар ходимига резина таёқ(дубинка) кучини кўрсатиш учун дуч келган фуқарони калтаклашга берилмаган.
Яна бир муҳим жиҳати шундаки, қонунларни қўллаш, ички ишлар ходимларининг фуқаролар билан муносабатларида шахснинг касби, ижтимоий мавқеи ва даражасига қараб эмас умумий мақом яъни, фуқаро тушунчаси орқали амалга оширилмаётганлиги тенглик принципининг қоғозда қолиб кетаётганлигини кўрсатмоқда. Масалан, кечаги вазиятда фуқаро Рўзиохунов калтакланиб сўнг унинг журналист эканлиги аниқлангач, «тинчлик поспонлари»нинг тарқаб кетгани ва ички ишлар масъулларининг фуқародан вазият учун узр сўрагани амалда ички ишлар ходимларининг фуқаролар билан муносабатда яққол нотенглик ва қонунсизликка йўл қўйишганлигини кўрсатмоқда.
Ўйлаб кўринг: агар шу ҳолатда журналист эмас прокурор ёки ҳоким бўлганида нима бўларди? Агар ишсиз ва ҳеч қанақа «таниши» йўқ фуқаро бўлсачи? Бу ёғини тасаввур қилиш қийинмас менимча.
Асосий муаммо шу ерда. Яъни ички ишлар соҳасида ислоҳ керак. Бу ислоҳ жамиятда қонун ва давлат хизматчиларига нафрат эмас, ҳурмат уйғотувчи профилактик ҳаракатлар мажмуидан иборат тизимдан иборат бўлиши лозим.
Кечаги бўлган ходисани эса ҳуқуқни мухофаза қилиш идоралари ҳатти-ҳаракатларига мос бўлмаган, абсурд иш, деб ҳисоблайман.
-
2020-10-23 09:34:10+00:00
Давлат божхона қўмитаси “Банк сири тўғрисида”ги қонунга қўшимча киритишни таклиф қилаяпти.
Қўмита фикрича, давлат божхона хизмати органлари банк мижози бўлган ташқи иқтисодий фаолият иштирокчиларининг банкда мавжуд бўлган ҳисоб рақамлари, омонатлари (депозитлари), улардаги пул маблағларининг қолдиғи ва операциялар тўғрисидаги ҳамда божхона тўловлари бўйича мажбуриятлар ижроси билан боғлиқ тегишли маълумотларни, агар бу маълумотлар уларнинг зиммасига юклатилган вазифаларни амалга ошириши учун зарур бўлса, олишга ҳақли бўлиши керак.
Аввалгилардан фарқли ўлароқ банк сирига эгалик қилишга қўмита фармон, қарор, дастур қилиб ўтирмасдан бирданига қонуннинг ўзига қўшимча киритиш орқали эришишга уринаяпти. Майдалашиб ўтирмабди.
Назаримизда, қонун лойиҳаларини ишлаб чиқишда вазирлик ва идораларнинг иштирокини тақиқлаш керак. Улар нимаики ҳужжат қабул қилмасин, ўзининг идоравий манфаатини кўзлайди, ўзига, ходимларига осон бўлишини истайди. Қонун лойиҳалари муҳокамаларида иштирок этиши мумкин, лекин ҳеч қачон улар, ҳатто ҳукумат орқали ҳам қонун лойиҳасини ишлаб чиқмаслиги лозим. Улар фақат ва фақат ижрога масъул бўлиши керак. Тамом. Афсуски, ҳозирда қонунларнинг мутлақ катта қисми ҳукумат томонидан ишлаб чиқилган ва киритилган.
30 йиллик тарихимизда қонунчилик институти яратилди. Қонунчилик ташаббусига эга субъектларни кескин қисқартириш, шу жумладан, ҳукуматдан ҳам бу ваколатни олиш лозим. Бундан буёғига барча қонунлар лойиҳаларини парламент қуйи палатаси депутатлари ва Президент томонидан ишлаб чиқилиши ҳамда парламент муҳокамасига киритиш амалиётини йўлга қўйиш мақсадга мувофиқ. Ҳукуматни сиёсий партиялар шакллантиради, демак, керакли фракциялар орқали қонунни ишлаб чиқиши, илгари суриши мумкин. Истаган давлат идораси ўзига керакли қонунни ишлаб чиқавермасди, ҳарқалай. Депутатларнинг масъулияти, жамоатчилик олдидаги ҳисобдорлиги каррасига ошар эди.
ИМҲО.
-
2020-10-22 09:28:20+00:00
Ғузор туманидаги Uzbekistan GLT заводини қураётган Enter Engineering компаниясининг ишчиларга ойлик маош тўламасдан ишлатаётганлик ҳолати Меҳнат кодекси талабларини қўпол равишда бузишдир.
Ўзбекистон Республикаси Меҳнат Кодексининг 161-моддасида ходимнинг меҳнатига ҳақ тўлаш ҳар ярим ойда бир мартадан кам бўлиши мумкин эмаслиги белгилаб қўйилган.
Вазиятнинг шу даражага етиб келишига компания раҳбарияти билан биргаликда меҳнат муҳофазаси бўйича ваколатли орган Бандлик ва меҳнат муносабатлари вазирлиги, Қашқадарё вилояти ҳокимлиги ва бошқа тегишли ташкилотларнинг назоратсизлик ва бефарқликка йўл қўйгани ҳам сабаб бўлган деб хисоблаймиз.
Биз ушбу масала бўйича вазирлик ҳамда Қашқадарё вилояти ҳокимлигидан изоҳ сўрадик ва бугун кун якунига қадар муаммо ижобий ҳал этилиши ҳақида ахборот олдик.
Қисқа вақт ичида Бандлик ва меҳнат муносабатлари вазирлиги ҳамда вилоят ҳокимлигига Олий Мажлис Қонунчилик палатаси депутатларига хисобот бериш вазифаси юклатилди.
Муаммо ҳал этилгунига қадар бу иш депутатлар назоратида бўлади.
Одилжон Тожиев
-
2020-10-21 17:43:13+00:00
Сўнгги вақтларда ҳокимликлар ёки Халқ депутатлари Кенгашларининг қарорлари асосида жисмоний ва юридик шахсларга тегишли бўлган кўчмас мулкларни давлат ва жамият эҳтиёжи сифатида бузиб ташланиши ҳолатларидан норози бўлиб мурожаат қилувчилар сони кўпайиб бормоқда. Бу борада Сурхондарё вилоятининг Ангор, Жиззахнинг Бахмал, Фарғонанинг Учкўприк, Тошкент вилоятининг Зангиота, Қуйичирчиқ, Бўстонлиқ туманлари ҳозирча етакчилар қаторида.
Афсуски кўп ҳолларда ҳокимликлар томонидан фуқароларга тегишли кўчмас мулкларни бузиш ёки эгалик ҳуқуқини бекор қилишда «Маъмурий тартиб-таомиллар тўғрисида»ги Қонун талабларига риоя этилмаяпти. Хусусан, ушбу қонуннинг 59-моддасида «манфаатдор шахснинг ишончи ҳимоя қилиниши лозим бўлган ҳолларда, маъмурий ҳужжатни бекор қилиш ёки ўзгартириш масаласи суд тартибида кўриб чиқилади. Агар манфаатдор шахс маъмурий ҳужжатнинг қонуний кучига ишониб, маъмурий ҳужжат асосида олинган мол-мулкдан фойдаланган, ўз мулкини тасарруф этиш учун битим тузган ёки маъмурий ҳужжатда белгиланган наф ва имтиёзлардан бошқача тарзда фойдаланган бўлса, унинг ишончи ҳимоя қилиниши лозим» деган қоидаги кўра, кўчмас мулкка нисбатан эгалик ҳуқуқи бор фуқароларнинг мулкларини бузиш ҳақида ҳокимликлар ўз ташаббуси билан қарорлар қабул қилишга ҳақли эмас. Фуқаронинг эгалик ҳуқуқига доир ҳужжатга ишончини ҳимоя қилиш нуқтаи назаридан мазкур ҳолатда иш фақат суд томонидан кўриб чиқилиши керак.
Ушбу қонуннинг 16-моддаси ишончнинг ҳимоя қилиниши принципидан иборат бўлиб, унга асосан виждонан ҳаракат қилувчи манфаатдор шахсларнинг маъмурий ҳужжатга бўлган ишончи қонун билан қўриқланади. Ва қонуннинг 19-моддасига асосан маъмурий ҳужжатлар ва маъмурий ҳаракатлар маъмурий тартиб-таомилларнинг принципларига мувофиқ бўлиши керак.
Шу сабабли барча даражадаги ҳокимликлардаги ҳурматли юристларимиз ҳокимлар қандай қарор чиқаришни истаса «қонунга тўғри келади», деб қўл қўявермасдан ҳеч бўлмаса ушбу қонун талабларини риоя этилишини таъминлашлари керак.
Шунингдек, жойларда ташкил этилган адлия бўлимлари ҳам фуқароларнинг ер ва кўчмас мулкка доир ҳуқуқлари билан боғлиқ сўнгги йиллардаги ҳокимларнинг қарорларини таҳлил қилиб, зарур кўрсатмалар бериб боришса мақсадга мувофиқ бўларди. Зеро, қонунлар ишламаса жамият парокандаликка, мамлакат эса таназзулга юз тутади.
-
2020-10-21 17:17:36+00:00
Ҳурматли шифокорлар!
Мана бу постда кўрсатилган хат эътиборсизлик туфайли имзоланиб чиқариб юборилган экан.
Мана сизга янгиси, бемалол ишлайверинглар.
-
2020-10-21 17:08:37+00:00
Бугун коронавирус касаллиги билан даволанаётган беморлар ётган шифохоналардаги тиббиёт ходимларини 12 соатлик иш режимига ўтказиш бўйича ССВнинг кўрсатма хати бўйича мурожаат бўлганди.
Бироқ Меҳнат кодекси талабларига зид бу кўрсатма хат янглиш юборилгани маълум қилинибди.
Катта идораларда ҳам янглиш хатлар, кўрсатмалар берилиши мумкин. Айниқса бу меҳнат ҳуқуқини бузмаслик йўлидаги янглишиш бўлса олқишлаш керак.
-
2020-10-21 06:21:57+00:00
Гарчи зуғум қилганларни ёқтирмадим,
Шеър ёздиму бўлак ишни қотирмадим.
Тилим туриб ўз тилимда гапирмадим,
Бир эсласам эзилади бағри – дилим,
Она тилим, кечир мени, она тилим.
Онам “эркам” деб қучганда тунлар ярим,
Эрким йўқ деб зирқирарди бир жойларим.
Паровозни ҳансиратган буғдойларим,
Олтинларим, маъданларим, ипакларим...
Она тилим, кечир мени, она тилим.
Кимлар учун биз эдик бир бадавийлар,
Ўзбекни қон қақшатганни ўзбек сийлар.
Ҳолимизни қон кузатди Яссавийлар,
Топганимиз ҳандалакдек тилим – тилим,
Она тилим, кечир мени, она тилим.
Сен бўлмасанг нима бизга силлиқ шеърлар,
Бу дунёда тили йўқда, дил йўқ дерлар.
Баҳоинг-ку бериб кетган Алишерлар,
Юрагимнинг тўридаги сўлмас гулим,
Она тилим, кечир мени, она тилим.
Бир қарасам ҳар шевангда минг жилолар,
Ҳар новдангда, ҳар мевангда минг жилолар.
Қодирийлар, Чўлпонлару Абдуллолар,
Сенинг қайтган кунинг менинг мавлуд йилим,
Она тилим, кечир мени, она тилим.
Муҳаммад Юсуф
-
2020-10-20 13:22:12+00:00
Коронавирус билан зарарланган ва яширинча ташлаб кетилган тиббий чиқиндилар.
Шу ҳудудларда коронавирусга чалинганлар кўпайиб кетса ҳайрон қолмайман.
-
2020-10-20 13:17:23+00:00
Коронавирус билан қарши курашда аҳолини ҳушёрликка чақириб, карантин қоидаларини бузганлик учун қатъий чоралар қўлланаётган бир вақтда бир қатор масъулларнинг ўзлари коранавирусни тарқатишга атайин йўл қўйиб беришмоқда.
Зангиота туманида ташкил этилган коранавирусга қарши курашиш бўйича махсус касалхонада касалланган беморлар учун ишлатилган тиббий буюмлардан иборат чиқиндиларнинг бир қисми атроф муҳитга ташланмоқда. Хусусан, куни кеча Тошкент вилояти Зангиота, Қуйи Чирчиқ туманлари, Чирчиқ дарёси атрофига ташланган бундай чиқиндилар аҳолининг кескин эътирозига сабаб бўлди.
Бугун менга келган мурожаат ва маълумотларга кўра, айни вақтда учта ҳудудда ана шундай чиқиндиларни ташлаб кетиш ҳолатлари аниқланган. Ачинарлиси, коронавирусда ишлатилган чиқиндилар дарё сувига қадар сочилиб кетган.
Ўрганиш давомида яқин вақтгача бундай чиқиндиларни йўқ қилиш билан шуғулланиб келган «Med class plus» МЧЖ бу хизматни тўхтатиши оқибатида шундай муаммо келиб чиққани маълум бўлди. Ушбу тадбиркорлик субъекти стандартларга мувофиқ, коронавирусда ишлатилган буюмлар чиқиндисини ёқиб, йўқ қилиш билан шуғулланиб келган. Бироқ масъуллар томонидан негадир ушбу МЧЖдан бу хизмат олиниб, бошқа тадбиркорга берилган ва янги тадбиркор чиқиндиларни тўлиқ ёқиб, йўқ қилишнинг уддасидан чиқа олмагач, яширинча атрофга чиқариб тўкишни бошлаган.
Озгина фойда оламан деб, ўз яқинлари, юртдошлари қолаверса мамлакат тақдирини хавф остига қўйиб, бундай иш билан шуғулланишни нима деб атаса бўлади ўзи? Пасткашлик. Бундай қилаётган одамнинг ўзи ҳам уни яширинча қўллаб-қувватлаб фойдани «арра» қилмоқчи бўлган масъуллар ҳам энг пасткаш ва кечириб бўлмайдиган ишга қўл уришибди. Бунинг бошқа номи йўқ. Бу халқни оғир кунидан фойдаланиб қилинган жиноят.
Умид қиламанки, барча даражадаги ҳуқуқни мухофаза қилиш органлари ва виждони бор масъуллар бу вазиятни шунчаки қолдирмай тезкор чоралар кўришади.
Шунингдек, қонунга мувофиқ чиқинди ташланган ҳудудларни вирусдан тўлиқ зарарсизлантириш, муаммони ҳал этиш ва айбдорларни жазолашларини ҳам талаб қиламиз!
-
2020-10-20 07:44:44+00:00
Ёрдам бериш қўлдан келмаса ҳалақит ҳам бериш керакмас. Шуни ўзиям кейинчалик ёрдам, деб ҳисобланиши мумкин.
-
2020-10-19 13:14:51+00:00
Мамлакат ривожи йўлидаги энг катта тўсиқ коррупция билан боғлиқлиги кундан кун равшанлашиб бораяпти. Коррупция комплекс тушунча бўлиб бу монополия, яккаҳокимлик, ноқонуний лоббизм ва қонунларга итоатсизлик каби бир қатор жарёнларни ҳам ўз ичига олган.
Эртанги кунимиз, ҳеч бўлмаса келажагимиз эгалари учун коррупциядан ҳоли жамият қолдириш мақсади кўпчилигимизни ўйлантирса керак. Бу иллатнинг камайишига қандай қилиб ҳисса қўшишим мумкин, деган савол ҳам қийнайди?
Бунга осон йўл топишга ҳаракат қилдик. Ҳозирча биз кўнгиллиларнинг ёрдами билан доимий сўровномалар ўтказиш орқали рейтинг шакллантириб боришни режалаштираяпмиз. Соҳа, тармоқ ва ҳудудлар кесимида ташкил этмоқчи бўлаётган коррупция рейтингида жамоатчиликдан холис овоз бериш талаб қилинади холос.
Мазкур рейтинг орқали соҳа, тармоқ, идора ва ҳудуд раҳбарларига жамоатчилик баҳосини бериш, фикрини етказиш ва амалий ҳаракатга чорлаш бош мақсадимиз.
Умид қиламизки, бу ташаббусимизни барча журналист, блогер ва фаол фуқароларимиз қўллаб-қувватлаб оммалашишига ўз ҳиссаларини қўшадилар.
Бу йўлда сизнинг қўлловингиз ва овозингизга муҳтожмиз.
-
2020-10-16 09:50:06+00:00
Истеъмол бозорида нархларнинг барқарорлигини таъминлаш мақсадида вақтинча бир қатор импорт маҳсулотларини қўшимча қиймат солиғидан озод қилиш бўйича Солиқ кодексига киритилаётган ўзгартириш ва қўшимчалар ҳақидаги Қонун лойиҳаси Қонунчилик палатаси томонидан қабул қилиниб Сенатга юборилган.
Импорт маҳсулотлари учун берилаётган имтиёзлар маҳаллий ишлаб чиқарувчилар учун ҳам тадбиқ этилади
-
2020-10-16 07:39:41+00:00
Ўзбекистон Республикаси Ички ишлар вазирлиги Йўл ҳаракати хавфсизлиги бош бошқармаси 2020 йилнинг август — октябрь ойларида анчагина миқдорда, аниқроғи 28,3 млрд сўмлик транспорт воситаларини харид қилган:
1. Malibu-2 MALBDB2TL (LTZ) — 3 та (1; 2; 3);
2. Malibu-2 MALBDB2TL (2 позиция, турбо) — 14 та (1; 2);
3. Equinox-AT — 30 та (1; 2);
4. Cobalt GS/16MTB — 40 та (1; 2);
5. Lacetti L-Comfort Plus — 26 та (1; 2);
6. Lacetti L-Elegant/AT Plus — 2 та (1; 2);
7. JAC пикапи — 2 та (1);
8. Автобус SAZ HC — 14 та (1);
9. Volkswagen Caddy (Trendline) — 2 та (1).
#davlatxaridi
-
2020-10-16 06:33:29+00:00
ТАДБИРКОРЛАР УЧУН МУҲИМ ЯНГИЛИК
Адлия вазирлиги томонидан тадбиркорлик субъектлари учун ҳуқуқий маслаҳатлар беришга ихтисослашган махсус интерфаол “Biznesga maslahat” (Advice for business) портали www.b-advice.uz манзилида ишга туширилди.
Ҳозир Адлия вазирлиги марказий аппарати биносида мазкур порталнинг тақдимоти бўлиб ўтмоқда.
b-advice.uz сайти ва Advice for Business мобил иловаси (android, iOS) орқали бизнесни бошлаш ва юритиш билан боғлиқ барча жараёнларда юзага келадиган масалаларнинг ҳуқуқий ечими, бизнес учун энг зурур фойдали маълумотлар (ахборотлар, ҳужжатлар наъмуналари ва ҳ.) билан танишиш, давлат хизматларидан фойдаланиш (рўйхатдан ўтиш, лицензия олиш ва ҳ.) ҳамда соҳанинг етук мутахассисларидан онлайн бепул ҳуқуқий маслаҳат олиш имконияти яратилган.
Тақдимотни қуйидаги линклар орқали онлайн кузатиш мумкин:
🔹Адлия вазирлиги расмий сайти
🔹Zoom дастуридаги ведео-конференция
🔹Адлия вазирлигининг YouTube ижтимоий тармоғидаги расмий саҳифаси
🔹Адлия вазирлигининг Facebook ижтимоий тармоғидаги расмий саҳифаси
-
2020-10-15 05:55:23+00:00
Давлат Статистика қўмитасининг веб-сайти янгиланмоқда, шу сабабли баъзи техник носозликлар кузатилмоқда
Ижтимоий тармоқларда Давлат Статистика қўмитасининг янгиланган new.stat.uz сайти рўйхатдан ўтган юридик шахсларнинг раҳбари, таъсисчилари тўғрисидаги маълумотларни тақдим этишни тўхтатганлиги тўғрисида хабарлар тарқамоқда.
Мазкур ҳолат давлат харидлари жараёнларининг очиқлиги ҳамда коррупцион ҳолатларнинг олдини олишда муҳим аҳамиятга эга эканлигини инобатга олиб, Коррупцияга қарши курашиш агентлиги ушбу масала юзасидан тезкор ўрганишлар олиб борди.
Аниқланишича, ҳозирда Қўмитанинг new.stat.uz веб-сайти янгиланмоқда ва шу сабабли унинг фаолиятида баъзи техник камчиликлар кузатилмоқда. Ушбу носозлик тез орада бартараф этилиши маълум қилинди.
Facebook | Telegram | anticorruption.uz
-
2020-10-15 05:54:46+00:00
Наҳотки? Наҳотки етиб келдик?
Давлат Статистика қўмитасининг янгиланган new.stat.uz сайти рўйхатдан ўтган юридик шахсларнинг раҳбари, таъсисчилари тўғрисидаги маълумотларни тақдим этишни тўхтатган.
Тегишли хизмат ячейкасига маълумотлар қидирилаётган субъектнинг СТИРини киритсангиз, унинг рўйхатдан ўтгани тўғрисидаги умумий маълумот чиқиб келмоқда холос. Рўйхатдан ўтган манзил, Таъсисчилар ва раҳбар тўғрисидаги маълумотлар олиб ташланган.
Эски сайт эса бу тўғридаги маълумотлар беришни тўхтатган.
Маълумот учун айнан хўжалик субъектлари тўғрисидаги шу маълумотлар янги даврда давлат буюртмалари, йирик лойиҳа ва битимлар билан боғлиқ келишувларнинг атрофида аслида қайси давлат чиновниклари турганлиги, Ўзбекистонда элитар коррупция қай даражада авж олганини аниқлаштириб берувчи манбалардан бири бўлиб қолаётганди.
-
2020-10-14 08:15:15+00:00
Коранавирус пандемияси даврида аҳоли, тадбиркорлик субъектларини қўллаб-қувватлаш ва истеъмол бозорида нархларнинг барқарорлигини таъминлаш мақсадида Солиқ кодексига қўшимчалар киритилмоқда.
Янги қўшимчага асосан, 2020 йил 15 октябрдан бошлаб 2021 йил 1 январгача муддатга Ўзбекистон Республикасига шакар ва шакар ҳом ашёсини олиб кириш, шунингдек уни реализация қилиш айланмалари;
2021 йил 1 июлгача муддатга Ўзбекистон Республикасига картошка, ўсимлик ёғи, гўшт (мол гўшти, қўй гўшти, товуқ гўшти ва бошқалар), ҳайвонларни (қорамол ва парранда) тирик ҳолда ва уларни сўйишдан олинган маҳсулотларни олиб кириш, шунингдек уларни реализация қилиш айланмалари қўшилган қиймат солиғидан (НДС) озод қилиш кўзда тутилган.
Бу тартиблар четдан маҳсулот олиб кириш билан бирга ички бозорда шу билан шуғулланаётган тадбиркорларимиз учун ҳам қўлланиши кўзда тутилмоқда. Шу сабабли қонун лойиҳаси матни кейинги ўқишларда таҳририй жиҳатдан ўзгартирилди.
Бу ўз ўрнида бозорларда ошиб бораётган ўсимлик ёғи, гўшт ва бошқа истеъмол маҳсулотларининг нархи пасайиб, барқарорлашига олиб келиши зарур.
Қонун лойиҳаси депутатлар томонидан қўллаб-қувватланди. Лойиҳани шу ҳафта сўнггида кутилаётган Сенат ялпи мажлисига киритиш режалаштирилган.
Ушбу қонун лойиҳаси депутатлар К. Эрназаров, М. Қурбонбоев, А. Умиров ташаббуси билан ишлаб чиқилган.
-
2020-10-13 19:23:48+00:00
Киши заиф бўлса шахсиятга ўтади. Ортиқ қиламан, деб тиртиқ қилиб "қовун" туширади.
Шахсиятга ўтиш пасткашликдан далолат. Босиқроқ бўлаверайлик!
-
2020-10-13 19:15:58+00:00
Шахсимга нисбатан ғаламислик бошланди. No name Замир Холмахмадов (эмишки, иқтисод фанлари номзоди, доцент) бош вазир танқиди масаласидаги постимга муносабатда шахсиятга ўтлаб кетган.
Қисқача қилиб, шу шахсни камера қаршисида теледебат, суҳбатга таклиф этаман. Афсуски, бир суткада алоқага чиқмаса, бисотимдаги айрим фактларни оммага ошкор қилиб, хулоса чиқаришни халққа қолдираман. Шу керакмиди сизларга?
-
2020-10-13 17:45:07+00:00
Бугун Олмалиқ шаҳар ҳокими вазифасида ишлаган Усмон Раҳимовнинг ишдан олиниши сабаблари ҳақида турли фиклар билдирилди.
Шунча вақт давомида фарзандининг ҳаракатлари сабаби билан ишдан кетган мансабдор ҳақида очиқ маълумотни кўрмаган эдим. Ё кетиш сабаби ҳақида нотўғри маълумот берилдимикан?
Утига устак собиқ ҳокимнинг фарзанди ҳуқуқбузарлик қилгани учун тегишли тартибда жарима тўлаб, жавобгарлик масаласи ҳал этилган.
Ҳар ким ўз ишига ўзи жавоб беради. Ота оналар фарзандлари вояга етганига қадар қонуний жавобгар бўлиши мумкин. Лекин бу ҳам унинг ишдан бўшатилишига асос эмас.
Агар фарзанд тарбияси сабаби билан оталар ишдан кетаверса, унда иш, деб оиласига суткалаб бора олмаётган, фарзандлари тарбияси билан шуғулланишга вақти етмаётган қанча минг оталар ишдан кетиши керак бўлади.
Хуллас бундай сабаб билан ишдан олиниш абсурддан бўлак нарса эмас. Энг тўғри ва қонуний йўл- меҳнат қонунчилиги талабларига риоя этиш, ўз вақтида ишдан чиқиб уйга бориш амалиётига ўтиш. Шунда оилага ҳам фарзандларга ҳам вақт етади.
-
2020-10-13 17:17:49+00:00
Давлат фуқаролик хизматчилари вакант лавозимларининг ягона очиқ портали ҳақида биласизми?
Ушбу порталда давлат органлари ва ташкилотларининг вакант лавозимларини малакали ва энг муносиб номзодлар билан тўлдириш мақсадида очиқ мустақил танловлар эълон қилиб борилади.
Танловда иштирок этиш истагида бўлган номзодлар бир вақтнинг ўзида битта давлат органининг учтагача бўш иш ўрни учун ариза билан мурожаат қилиши мумкин.
Аризалар номзодлар томонидан https://vacancy.argos.uz порталида маълумотларни электрон шаклда тўлдириш орқали амалга оширилади.
Порталдан фойдаланиш бўйича қўлланма: https://pdfhost.io/v/Tn8mnORk._cdr.pdf
Порталнинг расмий каналига аъзо бўлинг — https://t.me/vacancy_argos
-
2020-10-13 14:04:23+00:00
Бугун ижтимоий тармоқларда Ҳукумат раҳбарининг Монополияга қарши курашиш қўмитаси раисини мажлисда танқид қилгани турли муҳокамаларга сабаб бўлмоқда. Муҳокамалар орасида менинг ҳам фамилиям бор.
Албатта, ўзгаришлар сари кетаётган Янги Ўзбекистон шароитида жамиятда иллат сифатида кўрилаётган, кўпчилик эътирозига сабаб бўлаётган масалаларни очиқ муҳокама ва танқид қилиш нормал ҳолат ҳисобланади. Буни сўз эркинлиги борасида эришган энг катта ютуғимиз сифатида қабул қилиш керак.
Туғри сўнги пайтларда Монополияга қарши курашиш қўмитаси фаолиятида жонланишлар бор. Бироқ мазкур соҳадаги мавжуд муаммолар олдида бу ҳали етарли эмас. Афсуски оҳирги 27 йил давомида монополия масаласи жиловланмагани бугун «империя» даражасидаги «оёғи ердан узилган» айрим монополларнинг пайдо бўлишига олиб келди.
Кечаги мажлисда аниқ нима бўлганини билмайман-у, бироқ Хукумат раҳбари сифатида Бош вазир тегишли соҳа ва тармоқлар бўйича ишларни танқид қилиб, йўл йўриқ бериши ҳукумат табиатига хос табиий жараён.
Мен Бош вазирни парламент ва депутатларни эшита оладиган камчилик шасхлардан бири сифатида биламан, бунга кўп бора шахсан гувоҳ бўлганман.
Ҳукуматнинг автомобилсозлик соҳасида рақобат муҳитини яратиш мақсадида Жиззах, Қўқон, Наманганда янги автомобил заводлари очишга ҳаракат қилаётганини мавжуд «автомобиль монополиясини» йўқ қилиш борасидаги ижобий қадам сифатида кўраман. Бу эса янги иш ўринлари дегани.
Бугун давом этаётган пандемия шароитида ишлаб турган завод ва корхоналарни сақлаб қолиш, фаолиятини ривожлантириш, янги инвестициялар жалб этиб рақобат муҳитини ривожлантиришимиз керак.
Ўз ўрнида Монополияга қарши курашиш қўмитаси ҳам ўз фаолиятида монополия соҳасига оид амалдаги қонунларимизни ижросини янада катъий назоратга олиши ва ўз ишини тизимли ташкил этиши лозим, деб биламан.
Билмадиму, бироқ фикримча бугунги масаланинг кўтарилиши кимнингдир кайсидир ижтимоий муҳимрок бошқа масаладан эътиборини қочиришига ўхшайди. Ўкувчиларни фикрини чигаллаштирмаган ҳам маъқул бироқ.
-
2020-10-13 12:40:50+00:00
Бош Вазир бошчилигида бўлиб ўтган селектор йиғилиши ва унда кўтарилган масалалар бугун ОАВ ва блогерлар ўртасида кенг муҳокама қилиняпти. Айрим блогерлар томонидан кўтарилган масалалар нотўғри талқин қилиняпти.
Мазкур селектор йиғилиши Ўзбекистон Республикаси Президентининг “Рақамли Ўзбекистон – 2030” стратегиясини тасдиқлаш ва уни самарали амалга ошириш чора-тадбирлари тўғрисида” 2020 йил 5 октябрдаги ПФ–6079-сон Фармони билан белгиланган лойиҳалар ва чора-тадбирларни ўз вақтида ва сифатли амалга оширишни самарали ташкиллаштириш масалаларига бағишланган.
Мажлис Монополияга қарши курашиш қўмитаси фаолиятига бағишланмаган ва унда қўмита раиси Нажмиддинхўжа Шариповнинг ҳисоботи ёки «UzAutoMotors» компанияси масаласи бўйича махсус ахбороти тингланмаган.
Йиғилишнинг асосий мавзуларидан бири – давлат органлар томонидан олиб борилаётган ахборот сиёсати, матбуот котибларининг фаолияти самарадорлиги, ОАВ билан ишлашда очиқлик ва шаффофликни таъминлаш масалаларига бағишланган.
Йиғилишда, Бош вазир томонидан ҳозирги кунда юқоридаги йўналишларда давлат органлар томонидан олиб борилаётган ишлар хусусида фикрлар билдирилиб, кўплаб ижобий ва танқидий мисолларга тўхталиб ўтилди. Хусусан, Монополияга қарши курашиш қўмитаси ва «UzAutoMotors» компанияси ўртасида давом этаётган суд жараёнида шошмасдан қарор қабул қилиш ва имкон даражасида халқаро консультант-мутахассислар билан ҳамкорликда, уларнинг ўрганишлари ҳам инобатга олинган ҳолда иш олиб борилиши таклиф сифатида билдирилди.
Шунингдек, давлат органлари раҳбарлари ОАВ билан ўзаро мулоқотда, асосли ва исботланган далилларга таяниб ҳамкорликни йўлга қўйиш кераклиги, акс ҳолда бу ҳаракатлар популистик кўринишга эга бўлиб қолиши эҳтимоли борлиги назарда тутилган.
Монополияга қарши курашиш қўмитаси Матбуот хизмати
A'zo bo'ling:👉@Zafarbek_Solijonov
-
2020-10-12 16:41:22+00:00
Расул Кушербаев — «Ўзавтомоторс», депутатга қарши иш ва ижро ҳокимияти ҳақида
Олий Мажлис депутати Расул Кушербаев «Ўзавтомоторс» иши, судда гувоҳ сифатида сўроқ қилингани, депутатга босимлар ва парламент ҳаёти тўғрисида Kun.uz билан суҳбатлашди. У ижро ҳокимияти, хусусан маҳаллий ҳокимият органларини танқид қилиб, мулоҳазаларини билдирди.
👉 Мақолани ўқиш
📹 Тўлиқ видео
Kun.uz Telegram каналлари👇
Ўзбекча | O‘zbekcha | Русская
-
2020-10-12 16:41:11+00:00
http://uza.uz/oz/society/oila-niko-azhrim-va-mulk-kuyevning-bekchiligi-kelinning-khur-12-10-2020
-
2020-10-11 17:56:10+00:00
Юқоридаги гаплар қуруқ бўлиб қолмаслиги учун
Польшадан тайёр ҳолда импорт қилинадиган Volkswagen Caddy Cargo Ўзбекистонда 172,1 млн.сўмдан ёки Марказий банк курси бўйича 16 645 АҚШ долларидан сотилмоқда.
Тасаввур қилайлик: импортчи бирон сўм фойда кўрмасдан, фақат раҳмат учун бу машинани сотмоқда, дейлик.
Одатда импорт автомашина қийматини божхона қийматидан келиб чиқиб ҳисобланилади. Биз эса аксидан борамиз ва қуйидаги тенгламани ечишга ҳаракат қиламиз:
х+3х/10+1600*2.5*10339.68+ (х+3х/10+1600*2.5*10339,68)*15%+180*223000+25*10339.68=172100000
Бунда Х - Volkswagen Caddy Cargo божхона қиймати.
Тенгламани ечсангиз, Volkswagen Caddy Cargoнинг божхона қиймати 54,9 млн.сўм ёки 5 314 АҚШ долларини ташкил этиши кераклини билиб оласиз.
шунда импортер:
57,8 млн сўм божхона божи ( божхона қийматидан 30% плюс 1600 см3 двигателнинг ҳар бир см3дан 2,5 доллар);
16,9 млн.сўм ҚҚС;
0,3 млн.сўм божхона божи (25 доллар);
40,1 млн.сўм утилизация йиғими (180 базавий бирлик) тўлаши лозим бўлади.
Энди савол: Volkswagen Caddy Cargoни дунёнинг бирон жойидан 5 314 доллар нархда топиш мумкинми? Бўлиши мумкинмас, деяпсизми?
Унда сиз ҳам Volkswagen Caddy импортида божхона божи тўланмаяпти, деб гумон қилаётганлардан бирисиз!
Афанди айтмоқчи, агар бу мушук бўлса гўшт қани, агар бу гўшт бўлса, мушук қани?
P.s. вақтингиз бўлса тенгламадан фойдаланиб бошқа импорт қилинаётган автоларнинг божхона қийматини ҳам аниқлашингиз мумкин.
-
2020-10-11 17:45:34+00:00
Монополист деса, хафа бўладиган «Ўзавтомоторс» компанияси матбуот хизмати суд мажлисидан муқобил видеони эълон қилди. Қизиқ, айрим кадрлар умуман йўқолиб қолган.
Судья сўз навбати Сахаповга, марҳамат деди-ю, лекин Сахапов чиқиши олиб ташланган. Судда Антимонополия қўмитаси вакили Сахаповнинг нутқида компания фаолиятига доир умумий маълумотлар бўлгани, ишга ё аризадаги даъвога оид гап йўқлигини таъкидлаганди. Менимча, «Ўзавтомоторс» ҳам шу гапга қўшилиб, Сахаповнинг нутқини видеодан қирқиб ташлаган. Сахаповнинг савол-жавобида ҳам компания манфаатига путур етказадиган қисми (6.00) олиб ташланган.
Наргиза Отахонова компания нархи кўтарилган, аммо етказиб берилмаган автомобиль учун қўшимча тўлов ундиргани ҳақида тан олиб гапирганди. Бундай «қовун» ҳам тозаланибди.
Отахоновага судья яхши савол берганди. Бу ҳам йўқолиб қолибди. Наргиза машина бутловчи қисмлари ўзгартилиб, тан нарх ошганини айтганди. Лекин 1996 йилдан буён ишлаб чиқарилувчи «Дамас»нинг конвейрдаги йиллари эскириб, амортизацион харажатларидан қолган пулларига қизиққан қўмита вакилининг саволига Сахапов бошқача жавоб берган.
У айтганки, йиллар давомида машина модели ўзгаришсиз қолмаяпти, бутловчи қисмлари алмаштирилиб, қолдиқ маблағлар шу ерга сарфланган. Латифада айтилгандек, ё мушук, ё гўшт йўқ.
Хуллас, видеони 21 дақиқагача кўрдим. Фойдасиз.
-
2020-10-11 06:43:27+00:00
Ўзбекистон журналистлари уюшмасининг раиси, кўпчилик журналистларга устоз Саъдулла Ҳакимов вафот этибди. Марҳумнинг яқинларига ҳамдардлик билдирамиз!
Бу дунё ўтгинчи ва ҳеч ким унда устун бўлмаган.
-
2020-10-10 18:48:48+00:00
Халк депутатлари Андижон шаҳар Кенгаши қарорларини тасдиқлаш учун депутатлар шарт эмас...ми?
Ким кимни алдаяпти?
Жорий йилнинг 29 июнь кунги Олтинчи чақириқ халқ депутатлари 309-К сон қарри билан руйхатга олинган Андижон шаҳар Кенгашининг олтинчи сессиясини чақириш тўғрисидаги қарорга мувофик сессия кун тартибида 7 та масала курилган эди. Улар куйидагилар:
- Андижон шаҳар 2-сектор ҳудудидаги МФЙларида пандемия даврида олиб борилган ишлар тўғрисида шаҳар прокурори Қ.Асқаровнинг ахбороти;
- Андижон вилоят Маданий мерос объектларини сақлаш бошқармаси бошлиғи Б.Умаровнинг Ўзбекистон Республикаси Президентининг ПҚ-4030 сонли Қарори ижроси юзасидан олиб борилган ишлар;
- Инвестиция лойиҳаларини амалга ошириш учун Андижон шаҳар Чўлпон шоҳ кўчаси 12, 124-сонли кўп квартирали турар-жой бино-иншоотлари жойлашган ер участкасини олиб қўйиш тўғрисида;
- шаҳар ҳокимининг 2020 йил 3 апрелдаги 176-Қ сонли қарорини бекор қилиш тўғрисида;
- шаҳар ҳокимининг 2020 йил 25 майдаги 244-Қ сонли қарорини тасдиқлаш тўғрисида;
- шаҳар ҳокимининг 2020 йил 26 майдаги 246-Қ сонли қарорини тасдиқлаш тўғрисида;
- шаҳар ҳокимининг 2020 йил 17 июндаги 286-Қ сонли қарорни тасдиқлаш тўғрисидаги масалалар.
Мазкур масалалар табиийки депутатлар томонидан атрофлича мухокама қилиниб кўрил чиқилган.
Аммо... бир муддат вақт ўтганидан сўнг мутасаддилар томонидан Кенгашда мутлако кўрилмаган қатор масалалар Олтинчи сессия қарори билан тасдиқланяпти.😳 Қарангки, устамонликнинг янги кўриниши яна айнан халк депутатлари шахар Кенгаши юз очяпти! Изох не???
Энди "кўрилган" дея хисобланиб қарорга қўшилган масалалар билан танишсак:
- Андижон туманлараро иқтисодий судининг 2020 йил 1-ярим йиллиги давомида олиб борган фаолияти бўйича ахбороти тўғрисида☝️
- “Саховат ва кўмак” умумхалқ ҳаракати доирасида 1-сектор ҳудудидаги маҳалла фуқароларнинг йиғинларида амалга оширилган ишлар таҳлили тўғрисида☝️
- “Саховат ва кўмак” умумхалқ ҳаракати доирасида 3-сектор ҳудудидаги маҳалла фуқаролар йиғинларида амалга оширилган ишлар таҳлили тўғрисида☝️
- “Саховат ва кўмак” умумхалқ ҳаракати доирасида 4-сектор ҳудудидаги маҳалла фуқаролар йиғинларида амалга оширилган ишлар таҳлили тўғрисида☝️
- Андижон шаҳридан “Фахрий мураббий” орденига муносиб номзодларни тақдим этиш танлов комиссияси таркиби ва комиссиянинг асосий вазифаларини тасдиқлаш тўғрисида☝️
- Халқ депутатлари Андижон шаҳар Кенгашининг “Саховат ва кўмак” жамғармасига тушган маблағларни сарфлаш тўғрисидаги☝️ масалалар кўриб чиқилди деб, Кенгаш муҳри билан тасдиқланмоқда.
Шу ўринда эътиборингизни муҳокамага қўйилган биргина қарорнинг таҳлилига қаратмоқчиман:
Андижон шаҳар ҳокимининг 2020 йил 17 июндаги 286-Қ сонли “Гафуров Захриддин Шамсиддиновични Андижон шаҳар ҳокимининг ўринбосари - маҳалла ва оилани қўллаб-қувватлаш бўлими бошлиғи вазифасидан озод этиш тўғрисида”ги қарори тасдиқланяпти.
Бироқ, худди шу кунги сессия қарори билан “Халқ депутатлари Андижон шаҳар Кенгашининг “Саховат ва кўмак” жамғармасига тушган маблағларни сарфлаш тўғрисида”ги қарорнинг 5 - бандида, мазкур қарорнинг ижро этилишини назорат қилиш Андижон шаҳар Маҳалла ва оилани қўллаб-қувватлаш бўлими бошлиғи З.Гафуров ҳамда “Саховат ва кўмак” умумхалқ ҳаракати ишчи гуруҳи раиси ўринбосари зиммасига юлатилганлиги тасдиқланяпти. 🤭 Ўз ўрнида савол туғилади: лавозимдан бўшатилган инсонга нега яна вазифа юклатиляпти??? Ёки ушбу собиқ мутасаддининг ваколат доираси хизмат вазифасидан озод этилганидан сунг хам амал килаверадими?
Майли, ижро ҳокимияти ва бошқаруви органларига қонунларимиз шарт эмаслигига ҳам ўрганиб қоляпмиз, бироқ, иқтисодий судга сохта қарорни чиқартиришга не зарурат бор?🤫
Биз шунчаки хулоса килмаяпмиз. Факатгина арғамчини узуун ташлаб, натижани кутяпмиз, холос.
https://t.me/joinchat/AAAAAFRDeHBeMwlHz9j1mA
-
2020-10-09 16:04:44+00:00
⚡️Автомобилларнинг орқа ён ойнасини тонировка қилиш нархи икки баравар арзонлаштирилди
Ҳукуматнинг тегишли қарори билан, туси ўзгартирилган (қорайтирилган) ойнали автотранспорт воситаларидан фойдаланишни тартибга солиш бўйича айрим ўзгаришлар киритилди.
Жумладан, М1, N1 ва N2 тоифага оид автотранспорт воситалари орқа ён ойналарининг тусини ўзгартиришга (қорайтиришга) рухсатнома бериш учун тўлов ставкалари жисмоний шахслар учун базавий ҳисоблаш миқдорининг 5 баравари (1 млн 115 минг сўм) этиб белгиланди. Бунга қадар ушбу миқдор БҲМнинг 10 баравари (2 млн 230 минг сўм) эди.
Юридик шахсларга орқа ён ойнани қорайтириш учун тўлов миқдори ўзгармаган - БҲМнинг 10 баравари (2 млн 230 минг сўм).
Шунингдек, орқа ва олд ён ойналар бўйича тусини ўзгартиришнинг тўлови миқдори ҳам аввалгидек сақланиб қолди, яъни жисмоний ва юридик шахслар учун БҲМнинг 50 баравари (11 млн 150 минг сўм) миқдорини ташкил этади.
-
2020-10-09 07:51:02+00:00
"Раҳбарлар халқ ишончидан чиққан. Халқ билан ўйнашма, халқ денгиздир, халқ тўлқиндир, халқ кучдир.
Ижтимоий тармоқлар барометр, халқнинг дардини ёзяпти улар, ҳақиқатни ёзаяпти улар" — Эркинжон Турдимов, Самарқанд вилояти ҳокими.
Бизни кузатишда давом этинг
📌 https://t.me/fikrat
-
2020-10-08 16:56:50+00:00
Қонунчилик палатасида
“Фавқулодда ҳолат тўғрисида”ги Ўзбекистон Республикасининг Қонуни лойиҳаси кўриб чиқилмоқда.
Қонун лойиҳасини сиёсий партиялар фракциялари, депутатлар ўрганишни бошладилар.
Маълумки, Ўзбекистон Республикаси Конституциясининг 93-моддасида Ўзбекистон Республикасининг Президенти фавқулодда вазиятлар (реал ташқи хавф, оммавий тартибсизликлар, йирик ҳалокат, табиий офат, эпидемиялар) юз берган тақдирда фуқароларнинг хавфсизлигини таъминлашни кўзлаб, Ўзбекистон Республикасининг бутун ҳудудида ёки унинг айрим жойларида фавқулодда ҳолат жорий этиши ва қабул қилган қарорини уч кун ичида Ўзбекистон Республикаси Олий Мажлисининг палаталари тасдиғига киритиши белгиланган.
Бунда, фавқулодда ҳолат жорий этиш шартлари ва тартиби қонун билан белгиланади.
Лойиҳада фавқулодда ҳолатни жорий этишда вужудга келадиган муносабатлар жумладан, фавқулодда ҳолатни жорий этиш ҳолатлари ва тартиби, фавқулодда ҳолатда қўлланиладиган чоралар ва чеклашлар, фавқулодда ҳолат амал қиладиган давр учун жорий этиладиган махсус давлат бошқарув органлари, фавқулодда вазият шароитида жисмоний ва юридик шахсларнинг, шунингдeк мансабдор шахсларнинг ҳуқуқлари кафолатлари, фавқулодда ҳолат шароитларида судларнинг фаолиятини тартибга солувчи ва бошқа махсус қоидалар мустаҳкамлаб қўйилмоқда.
Тартибга кўра қонун лойиҳаси сиёсий партиялар фракциялари томонидан кўриб чиқилиб, маъқуллангач Қонунчилик палатасининг ялпи мажлисига киритилиши мумкин.
-
2020-10-08 14:32:52+00:00
Бунинг қонунийлигини қонунни биладиган бирор масъул шахс тушунтириб бера оладими? 👉https://t.me/bugunuz/39675
-
2020-10-08 14:14:44+00:00
Депутатга мурожаат
Зангиотада 10 нафар тадбиркор бир ярим йилдан бери «копток» қилинмоқда
"Биз Зангиота туманидан мурожаат қилмоқдамиз.
Зангиота туманидаги Эшонгузар қўрғонида истироҳат боғи қурилмоқда. Боғ қурилаётган ерда бизнинг нотурар жой бинолари бўлган, бу мулклар компенсация масаласи тўлиқ ҳал қилинмасдан ҳокимлик томонидан бузиб ташланган. Компенсация ўрнига берилган ерга эса эгалик қила олмаяпмиз.
Шу ерда иш фаолиятимизни юрғизар эдик. Ўтган йили келишиб, янги битирган биноларимизни бузиб ташлашди. Вақт ҳам беришмади. Электр симларини узиб, иш фаолиятимизни тўхтатиб, бизни рози қилмасдан мажбуран бузди.
Компенсация ўрнига берилган ерга туман ҳокимининг қарори чиққан. Лекин Тошкент вилоят ҳокимлиги 1.5 йилдан бери тасдиқлаб бермаяпти. 1.5 йилдан бери ҳеч қандай иш қила олмаяпмиз. Берган ерини ҳам ишлата олмаяпмиз, 4,5 миллиард сўм компенсация пулини ҳам тўлаб беришмаяпти.
Компенсация ўрнига берган ерга бир йилдан бери солиқ ҳам тўлаяпмиз, лекин фойдалана олмаяпмиз. Кўп жойларга мурожаат қилдик. Aфсуски, натижа йўқ.
Алам қиладиган жойи бизни еримизни давлат эҳтиёжига, деб бузиб ташлашди-да бошқа тадбиркорларга бериб юборишаяпти. Бизни очиқчасига аҳмоқ қилиб, устимиздан кулишаяпти. Ҳокимият ходимлари энди давлат номидан фойдаланиб, қайсидир шахсларни бойитиш учун шундай пасткаш йўлдан фойдаланадими? Ишонган прокуратура эса ҳаммасини жим кузатаяпти, биз бир хато қилсак бошимизга уради лекин.
Охирги йиллардаги ўзгаришларга Президентимизнинг гапларига ишониб тадбиркорлик қилмоқчи бўлганимиз, бола чақадан орттириб бино қурганимиздан жуда афсусланаяпмиз. Наҳотки қонун ва Президент ҳаракатлари Зангиотада ишламаса?
Тадбиркорлар: Икром Исроилов, Нодир Мирзамуҳамедов"
P/S: Тадбиркорнинг ҳуқуқларини ҳимоя қилиш, қонунларнинг бир хилда ишлашига масъул прокуратура органлари бу ишдан кўз юммаслиги керак. Ҳокимлик жавобгарликка тортилиши, тадбиркорларнинг ҳуқуқлари ҳимояланиши керак.
Бундай ишлар мамлакатда олиб борилаётган инвестициявий ислоҳотларга тўсиқ бўлади. Мулкка нисбатан бундай муносабат бўлар экан, инвестиция кирмайди. Бори ҳам қочиб кетади.
Мен яна қайтариб айтаман: бизда масъуллар томонидан ерга, хусусий мулкка бўлган муносабат, амалдаги қонунларни қўллашга ёндашув ўзгармас экан ривожланиш бўлмайди.
Тадбиркор фойдасига келганда қонунлар ишламаса, зўравонлик қилган, жойини буздирган ҳокимлик масъуллари жавоб бермаса нима учун қонунларни қабул қилаяпмиз ўзи?
#Deputatga_murojaat
-
2020-10-08 10:52:12+00:00
Расул КУШЕРБАЕВ: Мен бирор нарсада айбланиб, судланмаяпман!
📌Тўғриси, қийин бўлди: тадбиркор бошига тушган иш менинг фаолиятим билан боғлиқ, деган гап чиққани унинг оиласи ва қишлоқдошларим олдида бошимни эгиб қўйганди.
Батафсил: https://21asr.uz/k/siyosat/395
"XXI asr" — Иқтисодий хабарлар!
-
2020-10-07 11:53:08+00:00
Расул Кушербаев: Йўлдошева иши — бизга ҳам жиддий сигнал
👉 https://kun.uz/13792620
Kun.uz Telegram каналлари👇
Ўзбекча | O‘zbekcha | Русская
-
2020-10-07 04:59:13+00:00
Адолатни тиклаш, виждонни уйғотиш ва энг муҳими фуқаронинг инсон сифатидаги ҳуқуқларини ҳимоя қилишга ўтиш учун Танзила Норбоева ёки Саида Мирзиёеванинг айнан муносабатини кутиш шарт эмас, деб ўйлайман.
Шунчаки "топшириқ" эмас қонун билан ишлашга журъатни йиғиш керак холос. Топшириқлар ҳар доим ҳам қонуний бўлмаслиги мумкин.
-
2020-10-07 04:44:20+00:00
"Депутатга мурожаат"
Мен ҳам ўзимни ёқишим керакми?
Мен М.Р.Пулатова 1961 йили Тошкент вилоятида туғилганман. Ҳозирда Тошкент вилояти, Бўстонлик тумани, Чимган МФЙда оилам билан яшайман. Менинг қонуний, нотариал тартибда сотиб олган уйимга 2020 йил июнь ойида Тошкент вилояти суди ва Бўстонлик тумани прокуратураси ходимлари бостириб келиб фавқулодда суд ўтказишди.
Уларнинг мақсади уйимни бузиш эди. Шундан бир ой ўтиб, Чирчиқ туманлараро фуқаролик суди менинг иштирокимсиз уйимни бузиш ҳақида сирттан қарор чиқарибти.
Суд қарорида айтилишича, улар мени тополмаган экан. Ёлғончилар: 2020 йил июнь ойида уйимга бостириб келиб фавкулодда суд ўтказган, лекин бир ойдан кейин 24 июль куни уйим каердалиги эсларидан чиқиб қолганмиш, уятсиз ва виждонсизлар. Бунга ишониш мумкинми?
Республикамизда кучли карантин киритилган вақтда менсиз уйимни бузиш ҳақида ўзлари суд ўтказишибди.
Нафака ёшимда набираларим билан тинч яшаётган, қонуний сотиб олган уйимни бузиб мени кўчада қолдиришмокчи. Ҳақиқат борми? Наҳотки судда адолат йўқ, халққа мурожаат қилиб берган ваъдалари қани?
Мени уйимни бузиб, жойни бошқа инвесторга сотишни мақсад қилган прокуратура, ҳокимият, судья учун "топшириқ" хаммасидан устуворми? Бутун умр ҳалол хизмат килиб, нафақа ёшимда сарсон бўлиб қоламанми энди?
Энг ёмони менга суд қарори ҳақида хабар ҳам беришмаган. Мен бу қарор ҳакида 2020 йил 11 сентябрь куни мажбурий ижро бўлими ходимидан эшитдим.
Сиздан илтимос: Бўстонлик тумани, Чимган қишлоғида прокуратура ходимлари, судьялар ва ҳокимият ходимлари тил бириктириб қилаётган хатти ҳаракатларига қонун олдида жавоб беришсин.
Маҳалламизда 24 та тинч яшаётган уй жой эгалари сарсон бўлаяпти ва уйсиз кўчада қолаяпти.
Мулк ҳуқуқимизни ҳимоя қилиши керак бўлган прокуратура эса ўзи даъвогар бўлиб уйларимизни буздирмоқчи.
Ер учун маҳалла қарори қалбаки эмиш, қарор эса 1998-1996 йилларда чиқарилган. Агар шундай бўлса давлат идоралари нега менга кадастр ҳужжатларини расмийлаштириб беришди, нега шунча йил ўтиб бу масалани кўтаришди, мен инсофли сотиб олувчиман, менда нима айб?
Мен тўлаган пулларим нима бўлади? Ҳали қарорни калбакилаштиргани аниқланмаган, тергов давом этаётган, жиноят исботланмасдан туриб фуқаролик суди жиноят ишидаги материаллардан асос сифатида фойдаланиши мумкинми?
Прокурор, судъя ва ҳоким жаноблари: мен ҳам устимга бензин қуйиб ўзимни ёқишим керакми?
#Deputatga_murojaat
-
2020-10-07 04:30:05+00:00
Менга келаётган мурожаатлардан энг оғриқлиларини саҳифамга жойлаштириб, тегишли масъулларимизни бунга эътибор қаратишларини режалаштириб юрган эдим. Бироқ бунга фурсат бўлмаганди.
Наманганлик "ўзини ёққан аёл" воқеасини кўриб, айрим масъулларнинг эътиборсизлиги, қонунларни қўллашдаги иккиюзламачилик ҳолатларни ўйлаб, келгусида бундай ишларнинг олдини олиш мақсадида долзарб мурожаатларни жойлаштириб боришга қарор қилдим. Бу "Депутатга мурожаат" рукнида бериб борилади.
Умид қиламанки, масъулларимиз фуқаролар уларга қандай бахо бераётгани ва қандай ўйлаётгани ҳақида хабардор бўлиб, буни тўғри қабул қилишади.
#Deputatga_murojaat
-
2020-10-07 03:21:43+00:00
Прописка тизими табақалаштирув ва ижтимоий тенгсизликнинг ёрқин намунаси.
У Конституция нормаларига энг кўп тўғри келмайдиган тартиблардан бири бўлса керак.
Биз эса тенглик ва адолат учун ҳалиям буни бекор қилолмаяпмиз...
Бу ёқда эса Конституция қабул қилинган байрам куни яқинлашиб келаяпти...
Бу билан давлатга, сиёсатга, яна кимгадир қўл келадиган нимагадир қаршиман демадим.
-
2020-10-07 03:09:59+00:00
Yaqinda o‘ng ko'zim yallig'lanib ishib ketdi. O'tgan yili olgan jarohatim sovuqqa chiday olmadi, menimcha. Uyga eng yaqin bo'lgani uchun davlat shifoxonasiga borishga to‘g‘ri keldi. Shifokor ko'zimga ham qaramasdan propiska so'radi. Rosti g‘alati bo‘ldim.
— Ko'zim ishgan, ko'rib qo'yib keyin hujjat so'rarmidingiz, dedim.
— Tartib shunaqa, dedi boshini qog'ozdan ko'tarmay.
Indamasdan chiqib ketdim. Og‘riqqa yana chidab bo‘lsa ham xususiy shifoxonaga bordim. Hech kim propiska so'ramadi, pasport ma'lumotim bo‘yicha ism-sharifimni yozib oldi xolos. Oftalmolog xushmuomala odam ekan, ko‘nglim yorishdi. Yozgan narsalaridan tuzatvoldim ham ko'zimni. Ha, yana bir gap, bunaqa vaziyatda pul sarflab bo'lsa ham asabni asranglar 🌝
-
2020-10-07 03:09:23+00:00
Кеча бўлган воқеани айтиб берай: бир авария юз берди. Кўз ўнгимизда велосипедда кетаётган ака катта йўлдан кичик йўлга ўтмоқчи бўлган машинага бориб урилди. Мен операторим ва иш ўрганаётган йигитлар билан ишдан қайтаётгандик. Тахминан туш пайти, биздан 20 метр нарида шу ҳолат юз берди.
Менимча, бунда велосипедчи айбдор, яъни у катта йўлда бамайлихотир чиқиб, машиналар орасига тушиб кетганди. Аммо гап бунда эмас. Биз қонни кўриб, шокка тушиб қолган ҳайдовчидан наф йўқлигини билиб, зудлик билан тез тиббий ёрдам чақирдик. Бош прокурор тез тиббий ёрдам узоғи билан 15 дақиқада чақирув бўйича манзилга етиб боради, деганди.
Қаёқда?! Нақ 15 дақиқадан сўнг, қанисизлар, дея яна қўнғироқ қилсак, қуйидаги жавобни эшитдим:
— Жабрланувчининг пропискаси қанақа? Сўраб кўринг.
— Ахир унинг боши ёрилган, қўли синган, ерда ётибди-ку, инграб.
— Машина ҳали чиқиб кетмади, ўзларингиз олиб борсангиз, Жуковский ёпиқ. Боровскийга олиб бора биласизми?
Биз эса Халқарлар дўстлиги саройи томон, парламентга яқин жойда эдик. Карл, тушуняпсанми, одам ҳаёти эмас, бюрократик ишлар муҳимроқ саналмоқда.
Бу орада ҳайдовчи ҳам сал ўзига келганди, велосипедчининг аҳволи оғирлашмасдан уни шифохонага элтиб қўйиш чорасини кўрдик. Хуллас, жаноб Йўлдошев, турли ваъдалар бераверманг. Бу тез тиббий ёрдамга кўпроқ машина ё юқори маош эмас, фаросатли ходимлар керак экан.
-
2020-10-05 12:02:10+00:00
Сиёсий бошпана бериш тартиби ишлаб чиқилади
"Ўзбекистон Республикасида чет эл фуқаролари ва фуқаролиги бўлмаган шахсларнинг ҳуқуқий мақоми тўғрисида" янги қонун қабул қилинмоқда.
Бундай қонун лойиҳаси бугун Қонунчилик палатасининг ялпи мажлисида биринчи ўқишда қабул қилинди.
Қонун лойиҳасида Ўзбекистонда чет эл фуқаролари ва фуқаролиги бўлмаган шахсларнинг ҳуқуқий мақомини, Ўзбекистонда бўлиш, сиёсий бошпана бериш тартибини, асосий ҳуқуқ ва эркинликлари, Ўзбекистонга кириш-чиқиш ва транзит ўтиши, давлат хизматларидан фойдаланиш ва бошқа ҳолатларни акс эттириш назарда тутилмоқда.
Қонун лойиҳасига кўра, Ўзбекистонда сиёсий бошпана бериш тартиби ва шартлари Ўзбекистон Республикаси Президенти томонидан белгиланади. Шахснинг Ўзбекистон Республикасида берилган сиёсий бошпанаси Ўзбекистон Республикаси Президентининг Фармони билан амалга оширилади.
Сиёсий бошпана ўзининг фуқаролиги бўйича мансуб давлатда ёки доимий яшаш жойида ижтимоий-сиёсий фаолияти, диний эътиқоди, ирқий ёки миллий мансублиги учун таъқиб қилинаётган ёки таъқиб қилишнинг жабрланувчиси бўлишига реал таҳдиддан, шунингдек, халқаро ҳуқуқ нормаларида назарда тутилган инсон ҳуқуқлари бузилишининг бошқа ҳолатларидан бошпана ва ҳимоя излаётган чет эл фуқаролари ва фуқаролиги бўлмаган шахсларга ва уларнинг оила аъзоларига берилади.
Қонун лойиҳасини ишлаб чиқишда "Фуқаролик ва сиёсий ҳуқуқлар тўғрисида" ги Халқаро пакт, БМТнинг "Қочқинлар мақоми тўғрисида"ги Конвенцияси," Дипломатик алоқалар тўғрисида"ги Вена конвенцияси қоидалари ҳисобга олинган.
Қонун лойиҳаси Қонунчлик палатасида учта ўқишда кўрилиб, қабул қилинган тақдирда Сенатга юборилади.
-
2020-10-05 12:02:10+00:00
Узр сўраш - жавобгарликдан қочишнинг янги усули
Фаолияти қониқарсиз дея топилган туман ҳокимлар халқдан узр сўрашмоқда. Ҳозиргача Касби, Коннимех, Томди, Балиқчи ва бошқа туманлар ҳокимлари ҳудуд аҳолисидан узр сўраб чиқишди. Ушбу вазият бўйича Дмитрий Поваров Газетаузга мақола ёзибди. Унга кўра ҳозирда ўзбекистонлик ҳокимларнинг узр сўраши амалиёти кўпаётгани бу жавобгарликдан қочишнинг яхши усули бўлиб қолгани сабабидан. Ундан ташқари бу худди индульгенцияга ўхшаб қолмоқда. Яъни узр орқали барча гуноҳ ва айбларнинг кечирилишига уринилмоқда.
"Ҳамманинг эсига япон ва корейсларнинг узр сўраётгани ҳақидаги янгилик сюжетлари келса керак. Уларда айбни чуқур англаш ва камчиликларни тан олиш маданияти минг йиллик тарихга эга. Буни фонида биздаги узрлар риёкорлик ва хўжакўрсинчиликка ўхшамоқда" дейилади мақолада.
-
2020-10-01 05:35:28+00:00
Барча устозларимизни муборак сана билан табриклаймиз! Оллоҳ уларни ўз паноҳида асрасин.
Ҳар бир кунимиз устоз ва мураббийларга эҳтиром ва ҳурмат кўрсатиш кунига айлансин!