-
2023-03-01 16:35:35+00:00
✈️ BYPOL выказаўся пра пашкоджанні на расійскім самалёце А-50 у Мачулішчах.
Зыходзячы з апублікаваных спадарожнікавых здымкаў яны мяркуюць, што маюцца два месцы пашкоджання:
🔹 пашкоджаны ключавы элемент, трохкаардынатная радыёлакацыйная станцыя, а менавіта лакатар;
🔹 відаць пашкоджанне ў раёне размяшчэння абцякальніка антэны спадарожнікавай радыёлініі, у пярэдняй частцы, паблізу насавога адсека.
Як сцвярджае BYPOL, абсталяванне такога тыпу — дарагі адзінкавы прадукт, які вырабляецца на аснове папярэдняй замовы.
Для атакі на расійскі самалёт у Мачулішчах былі выкарыстаныя два дроны вытворчасці кампаніі DJI, пераабсталяваныя ў дроны-камікадзэ саматужным спосабам.
Кожны дрон нёс зарад 200 грам выбуховага рэчыва ў трацілавым эквіваленце. У якасці паражальнага элемента выкарыстаныя металічныя шары з прыкладнай колькасцю 200 штук на кожны.
-
2023-03-02 16:57:41+00:00
🔥 Free Belarus Center запускае выязную стыпендыяльную праграму для тых, хто знаходзіцца ў Беларусі.
Падаць заяўку можна да 12 сакавіка (уключна).
Адабраныя стыпендыянты/кі змогуць рэалізаваць свой уласны праект альбо пройдуць стажыроўку ў профільнай арганізацыі ў Варшаве цягам 3 месяцаў (з 1 красавіка па 1 ліпеня).
У абодвух варыянтах стыпендыі пражыванне і транспарт — пакрываюць арганізатары.
Праект павінен быць рэалізаваны ў межах аднаго з напрамкаў:
🔹інфармацыйныя праекты, накіраваныя на асвятленне актуальных беларускіх падзей;
🔹праекты, звязаныя з парушэннем правоў чалавека ў Беларусі;
🔹сацыяльныя праекты, звязаныя з Беларуссю;
🔹культурныя праекты, звязаныя з Беларуссю.
👉 Даведацца падрабязнасці і падаць заяўку можна па гэтай спасылцы