-
2021-04-30 17:02:58+00:00
Жаҳон янгиликлари дайжести
🇨🇿 Чехияда мамлакат президенти Милош Земанга қарши норозилик намойишлари бўлиб ўтди. Митинг қатнашчилари президентни хиёнатда айбламоқда.
🇧🇾 Беларусда тўққиз киши давлат тўнтаришини тайёрлашда айбланмоқда.
🇨🇳 Хитойда озиқ-овқат исрофгарчилигига қарши қонун қабул қилинди. Унга кўра, умумий овқатланиш жойларида мижозларга еб-ичилмаган овқат учун жарима солинади.
🇺🇸 AҚШда ментол тамаки маҳсулотларига тақиқ қўйилиши мумкин. Регуляторнинг фикрига кўра, ушбу чора чекишни бошлаётган ёшлар сонини сезиларли даражада камайтириши мумкин.
🇷🇺 AҚШнинг Россиядаги элчихонаси ходимлар сонини 75 фоизга қисқартиради.
🇵🇸 Фаластиндаги сайловлар кейинга қолдирилади. Бунга Исроилнинг уларни Қуддусда ўтказишга рухсат бермагани сабаб бўлди.
Батафсил: www.gazeta.uz/uz/2021/04/30/digest121/?utm_source=push&utm_medium=telegram
Каналга обуна бўлинг
-
2021-04-30 16:30:02+00:00
"Меҳр-5" операцияси: 93 нафар ўзбекистонлик Суриядан олиб келинди
«Меҳр-5» операцияси натижасида Суриядаги уруш кетаётган «қайноқ нуқталарга» бориб қолиб, «Ал-Ҳол» лагерида 3 йилдан ортиқ вақт давомида ушлаб турилган 24 нафар аёл ва 69 нафар болалар Ўзбекистонга қайтарилди, дея хабар қилди Daryo. Мазкур операция АҚШ ва бошқа ҳамкор давлатлар кўмаги билан амалга оширилган.
Ўзбекистонга олиб келинган болалар орасида ҳам отасини, ҳам онасини йўқотган 7 нафар чин етим бола бор.
Эндиликда бу аёллар ва болалар Тошкент вилоятидаги «Бўстон» санаторийсига жойлаштирилади ҳамда уларга тиббий, психологик ва ижтимоий ёрдам кўрсатилади. Шунингдек, уларнинг шахсини тасдиқловчи ҳужжатларни расмийлаштириш бўйича зарур ишлар амалга оширилади.
Қайд этилишича, бугунги кунгача ўтказилган «Меҳр-1, 2, 3, 4» операциялари доирасида Сурия, Ироқ ва Афғонистонда оғир аҳволга тушиб, чорасиз қолган 438 нафар аёллар ва болалар Ўзбекистонга олиб келинди.
Каналга обуна бўлинг
-
2021-04-30 15:54:51+00:00
I чоракда 211,2 млрд сўмлик бюджет камомади ва асоссиз харажатлар аниқланди
Молия вазирлигининг Давлат молиявий назорати департаменти томонидан I чоракда 211,2 млрд сўм миқдорида бюджет интизоми бузиш, пул ва товар-моддий бойликлар камомади ва асоссиз харажатлар аниқланиб, шундан 192,3 млрд сўми бюджетга тикланиши таъминланди.
2021 йилнинг биринчи чорагида вазирлик ва идораларда қуйидаги миқдорда қонунбузилишлар аниқланди:
Халқ таълими вазирлиги - 43,3 млрд сўм (2020 йил 1-чорагида - 9,4 млрд сўм);
Соғлиқни сақлаш вазирлиги - 23,3 млрд сўм (7,9 млрд сўм);
Мактабгача таълим вазирлиги - 41,2 млрд сўм (5,4 млрд сўм);
Уй-жой коммунал хизмат кўрсатиш вазирлиги - 22,4 млрд сўм (135,4 млн).
Транспорт вазирлиги ҳузуридаги Автомобиль йўллари қўмитаси - 16,1 млрд сўм (767 млн сўм).
Батафсил: https://www.gazeta.uz/uz/2021/04/30/budget/?utm_source=push&utm_medium=telegram
Каналга обуна бўлинг
-
2021-04-30 14:23:52+00:00
«Мен Мамаризо Нурмуратовга ишонаман, лекин унинг тизимига ишонмайман» — президент
Президент Шавкат Мирзиёев айни вақтда бўлиб ўтаётган видеоселекторда банк соҳасидаги коррупция масалаларига тўхталиб ўтди, деб хабар бермоқда «Газета.uz» мухбири.
«Ўзсаноатқурилишбанк» ходимларидан бири катта миқдордаги талон-тарожда айбланиб, ҳибсга олингани айтилди. Президент ҳар бир банк раҳбарига «нимада айбланаётганини кўриш, фарзандларини кўз олдига келтириши учун» суд жараёнида иштирок этишни таклиф қилди.
«Мен Мамаризо Нурмуратовга [Марказий банк раиси] ишонаман, лекин унинг тизимига ишонмайман», — деди президент.
Бош вазир ўринбосари, иқтисодий тараққиёт ва камбағалликни қисқартириш вазири Жамшид Қўчқоров МБ раҳбари билан биргаликда бир ой ичида «Ўзсаноатқурилишбанк» ва «Ипотекабанк»ни «коррупциядан ҳоли банкка» айлантириши кераклиги таъкидланди.
Шавкат Мирзиёев биринчи поғона раҳбарлари ўз соҳаларидаги коррупция учун жавоб беришлари ҳақида огоҳлантирди.
Каналга обуна бўлинг
-
2021-04-30 13:57:07+00:00
Бирорта вилоят раҳбари маҳаллий саноат салоҳиятидан фойдаланишни пухта ўйлаб кўргани йўқ — президент
Айни вақтда Шавкат Мирзиёев раислигида маҳаллий саноатни ривожлантиришга бағишланган видеоселектор бўлиб ўтаяпти, дея хабар бермоқда «Газета.uz» мухбири.
Давлат раҳбарининг таъкидлашича, сўнгги 3 йилда қурилиш материаллари ишлаб чиқариш ҳажми 1,5 бараварга ошган, лекин бу ҳали ички эҳтиёжни тўлиқ қоплаётгани йўқ.
Ўтган йили қарийб 1 млрд долларлик (метал ва ёғочдан ташқари) қурилиш материаллари импорт қилинган.
«Бугунги кунгача бирорта туман, шаҳар ёки вилоят раҳбари маҳаллий саноат салоҳияти ва ундан фойдаланишни чуқур ва пухта ўйлаб кўргани йўқ. Ҳудудга нима четдан олиб келинаяпти? Нимани ўзида ишлаб чиқариш мумкин? Бунинг учун нима қилиш керак?, деган саволлар ҳокимларни ҳар куни қийнаши керак», — деди президент.
Батафсил: www.gazeta.uz/uz/2021/04/30/selector/?utm_source=push&utm_medium=telegram
Каналга обуна бўлинг
-
2021-04-30 13:12:17+00:00
💉 AstraZeneca вакцинасининг кейинги партияси июнь ойида олиб келинади
Бу ҳақда жума куни COVID-19`га қарши эмланган ЮНИСЕФнинг Ўзбекистондаги ваколатхонаси раҳбари Мунир Мамедзаде маълум қилди, деб хабар бермоқда «Газета.uz» мухбири.
«Дастлаб май ойида вакцинанинг қолган қисмини олиб келишни режа қилган эдик. Вакцина Ҳиндистонда ишлаб чиқарилиши ва у ердаги ҳозирги вазиятни инобатга олган ҳолда, етказиб беришда кичик кечикишлар бўлиши ҳақида бизни расман хабардор қилишди. Шунга қарамасдан, биз вакцина июнь ойида етказиб берилишига умид қиламиз», — деди у.
Вакциналар бошқа мамлакатлардан ҳам олиб келиниши мумкин.
«Ушбу вакцина Кореяда ҳам ишлаб чиқарилади. Шу билан бирга бошқа вариантлар ҳам кўриб чиқилмоқда. Умид қиламизки, яқин кунларда бу ҳал бўлади», — деди Мунир Мамедзаде.
COVAX дастури доирасида яна 1 млн 596 минг доза AstraZeneca келтирилиши кутилмоқда. Ҳозирга қадар ушбу вакцина билан 323 772 нафар ўзбекистонлик эмланди.
Каналга обуна бўлинг
-
2021-04-30 12:30:00+00:00
Франция билан ҳамкорликда фуқаро авиацияси учувчилари мактаби очилади
Франция Фуқаро авиацияси миллий мактаби (ENAC) билан биргаликда Тошкент давлат транспорт университети таркибида Фуқаро авиацияси учувчиларини тайёрлаш мактаби ташкил этилади. Бу ҳақда президент Шавкат Мирзиёевнинг 30 апрелдаги қарорида сўз боради.
Мактабда таълим фаолияти 2021/2022 ўқув йилидан бошланади ҳамда дастлаб қўшма таълим дастурлари (double degree) асосида “Ҳаво кемаларининг парвоз эксплуатацияси” бакалавр таълим йўналиши бўйича кадрлар тайёрлаш ташкил этилади.
Мактабда талабалар ўқиши учун тўлов-контракт миқдори ENAC билан келишилган ҳолда ТДТУ томонидан белгиланади.
Мактаб битирувчиларига ENACнинг белгиланган намунадаги дипломи берилади ва у Ўзбекистонда олий маълумот тўғрисидаги ҳужжат сифатида эътироф этилади.
Каналга обуна бўлинг
-
2021-04-30 12:20:41+00:00
101 ёшли уруш қатнашчиси коронавирусдан соғайди
101 ёшли бемор отахон коронавирусдан буткул соғайиб, ўз уйига рухсат берилди, дея хабар бермоқда ССВ матбуот хизмати.
Маълум қилинишича, оққўрғонлик уруш ва меҳнат фахрийси фуқаро, Ф.Н. 1920 йилда туғилган. Отахон 20 апрель куни Зангиота 2-сон юқумли касалликлар шифохонасига оғир аҳволда олиб келинган.
«1940 йил ўз аскарлик бурчимни адо этиш учун ҳарбий хизматга чақирилиб, 1945 йил Иккинчи жаҳон урушидан ғалаба билан қайтгандим. Урушдан сўнг кўп қийинчиликларни бошимдан ўтказдим. Шукрки, Яратган мана шундай гўзал кунларга етказди», — дейди 101 ёшли отахон.
Каналга обуна бўлинг
-
2021-04-30 12:10:00+00:00
Аэропорт ва вокзалларга кириб-чиқиш соддалаштирилади
Президент Шавкат Мирзиёев 30 апрель куни аэропорт ва вокзалларга кириб-чиқишни осонлаштиришни кўзда тутган қарорни имзолади. Ҳужжат билан:
ташриф буюрувчиларнинг хавфсизлик талабларига риоя қилган ҳолда кириб-чиқишларига рухсат бериш;
умумий овқатланиш жойларини ташкил этиш, чакана савдо ҳамда хизмат кўрсатиш фаолиятини ташкил этишга рухсат бериш тартибини соддалаштириш;
барча турдаги йўловчи автотранспорт воситаларига аэропортларнинг эстакадасидан фойдаланишга рухсат бериш кўзда тутилган.
ДХХ, ИИВ, Миллий гвардия ва Транспорт вазирлигига хавфсизликни таъминлашнинг замонавий техник назорат воситалари (транспорт ва шахсни аниқлаш воситалари) ва усуллари билан тўлиқ таъминлаб бориш чораларини кўриш топширилди.
Батафсил: https://www.gazeta.uz/uz/2021/04/30/access/?utm_source=push&utm_medium=telegram
Каналга обуна бўлинг
-
2021-04-30 11:55:57+00:00
Байроқ устунига ажратилган 1,35 млрд сўмга хароба ётоқхона таъмирланади — Зойир Мирзаев
Қашқадарё вилояти ҳокими Зойир Мирзаев вилоятда ўрнатилиши режалаштирилаётган байроқ ҳақида муносабат билдирди. У байроқ илинадиган устун бирор бирор ҳомий томонидан ихтиёрий қўллаб-қувватлансагина қурилишини, давлат бюджетидан маблағ сарфланмаслигини айтиб ўтди.
Ҳоким 1,35 млрд сўм маблағ Қарши шаҳридаги харобага айланган 136-сонли оилавий ётоқхонани таъмирлашга йўналтирилишини маълум қилди.
Зойир Мирзаев мазкур масалани жамоатчилик эътиборига олиб чиққани учун ОАВларга миннатдорчилик билдирди.
Батафсил: https://www.gazeta.uz/uz/2021/04/30/about-flag/?utm_source=push&utm_medium=telegram
Каналга обуна бўлинг
-
2021-04-30 11:39:06+00:00
Долларнинг расмий курси кўтарилди
Долларнинг расмий курси 14 сўмга қимматлади ва жами 10 523 сўм этиб белгиланди. Евро ва рубль курслари эса бироз арзонлади.
Каналга обуна бўлинг
-
2021-04-30 11:31:07+00:00
Ўзбекистонга ўсимлик ёғи импорти ҚҚСдан озод қилинди, эскпорт чекланди
Президент томонидан имзоланган янги қонунга асосан, Солиқ кодексига қўшимчалар киритилди.
Унга кўра, 2021 йил 1 майдан 31 декабргача қуйидагилар қўшилган қиймат солиғидан озод қилинади:
🔹Ўзбекистон ҳудудига ўсимлик ёғи, кунгабоқар ва зиғир уруғи, шунингдек соя данагини олиб кириш;
🔹ўсимлик ёғини (пахта ёғидан ташқари) ишлаб чиқариш ва (ёки) реализация қилиш бўйича айланма.
Қонунга мувофиқ, ҳудди шу даврда айрим турдаги озиқ-овқат маҳсулотларига нисбатан экспорт божхона божлари киритилади.
Каналга обуна бўлинг
-
2021-04-30 11:20:47+00:00
Ўзбекистонда камида иккита янги авиакомпания пайдо бўлади — транспорт вазири
Чоршанба куни бўлиб ўтган матбуот анжуманида транспорт вазири ва Uzbekistan Airways раҳбари Илхом Махкамов 2021 йил охирига қадар Ўзбекистонда иккита янги авиакомпания пайдо бўлишини эълон қилди, дея хабар берди «Газета.uz» мухбири.
Илҳом Махкамов транспорт вазири ҳамда Uzbekistan Airways раҳбари сифатида «монопол сиёсатини» давом эттиради деган таҳминларни рад этди.
Унинг сўзларига кўра, йил охирига қадар Ўзбекистонга камида иккита янги авиакомпания кириб келиши кутилмоқда.
Батафсил: https://www.gazeta.uz/uz/2021/04/30/airline/?utm_source=push&utm_medium=telegram
Каналга обуна бўлинг
-
2021-04-30 11:05:01+00:00
Олмалиқда аёллар йўлнинг қатнов қисмини тўсиб қўйди
Ижтимоий тармоқларда Олмалиқ шаҳрида аёллар томонидан йўлнинг қатнов қисми тўсилгани ҳақидаги фотосуратлар тарқалди. Мазкур ҳолат юзасидан Олмалиқ кон металлургия комбинати (ОКМК) ахборот хизмати изоҳ берди.
Унга кўра, Олмалиқнинг марказий кўчасида тўпланган аёллар шу йилнинг 1 апрель куни Олмалиқ шаҳар бандликка кўмаклашиш маркази томонидан квота олишган.
Ҳозирда мазкур ҳолат Бандлик ва меҳнат муносабатлари вазирлиги вакиллари иштирокида батафсил ўрганилаётганлиги ҳамда Тошкент вилояти ҳокимлиги томонидан вазият назоратга олингани маълум қилинди.
Каналга обуна бўлинг
-
2021-04-30 10:44:27+00:00
Сардоба фожеасининг сабаблари ҳақида расмий маълумот берилди
Фавқулодда вазиятлар вазирининг биринчи ўринбосари Абдулла Қўлдошев Сардоба сув омбори фожеаси бўйича 17 нафар мансабдор ва мутасадди шахслар жиноий жавобгарликка тортилганлигини маълум қилди.
Олиб борилган тадқиқот ва таҳлиллар натижасига кўра, тўғон ўпирилишига қуйидаги ва бошқа бир қатор омиллар сабаб бўлганлиги аниқланган.
Сув хўжалиги вазирлиги томонидан буюртмачи хизматини ташкил этиш, лойиҳалаштириш ва қурилиш ишларини олиб боришда масъулиятсизликка йўл қўйилган.
Ишчи лойиҳа ҳужжатларида тўғоннинг конструктив ва сейсмик мустаҳкамлиги инобатга олинмаган.
«Ўзбекистон темир йўллари» АЖнинг пудрат ташкилоти ва ёрдамчи пудрат ташкилотлари томонидан тўғон танаси тупроғининг зичлиги, фильтр ва ҳимоя тош қатлами қалинлиги лойиҳавий кўрсаткичдан паст бўлишига йўл қўйилган.
Барча омиллар: https://www.gazeta.uz/uz/2021/04/30/sardoba/?utm_source=push&utm_medium=telegram
Каналга обуна бўлинг
-
2021-04-30 10:08:15+00:00
Қирғиз-тожик чегарасидаги отишма бутунлай тўхтатилди. Вазият барқарорлашмоқда
Тўқнашув жойларидан техника ва оғир қуроллар асл ҳолатига ўтказилади. Бу ҳақда ҳукуматнинг Боткен вилоятидаги ваколатли вакили Омурбек Суваналиев 24.kg га хабар бермоқда.
Унинг сўзларига кўра, вазият барқарорлашмоқда.
«Бироқ, вазият бутунлай яхшиланди дейишга ҳали эрта. Ҳарбий тўқнашувнинг оқибатлари жуда оғир. Таъкидлаш жоиз, тожикистонликлар Лайлак вилоятидаги Арка қишлоғидан бульдозерларни олиб ташлашди» ,— деди Омурбек Суваналиев.
Каналга обуна бўлинг
-
2021-04-30 09:38:07+00:00
Яна 3 та ОТМ вақтинчалик масофавий таълимга ўтказилди
Талабалар орасида коронавирус билан касалланиш ҳолатлари аниқланганлиги сабабли 3 та ОТМ:
◼️ Тошкент давлат техника университети;
◼️ Самарқанд шаҳридаги "Ипак йўли" туризм халқаро университети;
◼️ Андижон қишлоқ хўжалиги ва агротехнологиялар институти 14 кунга масофавий таълим тизимига ўтди.
Аввалроқ, 2 та ОТМ вақтинчалик масофавий таълимга ўтказилгани ҳақида хабар берилган эди.
Каналга обуна бўлинг
-
2021-04-30 09:01:01+00:00
Мирза Азизовни даволашда хорижлик шифокорлар ҳам иштирок этган — ССВ
Публицист Шуҳрат Ризаевнинг Ўзбекистон халқ артисти Мирза Азизовнинг вафоти тафсилотлари баён қилинган мақоласи жамоатчилик орасида кўплаб муҳокамаларга сабаб бўлган эди.
ССВ вазиятга ойдинлик киритиш мақсадида Зангиота 2-сон юқумли касалликлар шифохонасида бўлиб, мутахассисларнинг фикрини ўрганди. Қолаверса, марҳумнинг яқинлари билан ҳам боғланди.
Шифохона директори Дониёр Миразимов реанимация бўлими 36 нафар беморга мўлжаллангани ва 6 та залдан иборатлигини, бу жаҳон стандартларига мослиги айтган.
Артистни даволашга раҳбарлик қилган реанимация бўлими бошлиғи Бегали Ҳакимовнинг таъкидлашича, марҳумни хорижлик, жумладан, охирги марта россиялик профессор кўрикдан ўтказган ва шу асосда муолажалар қилинган.
Бундан ташқари, беморни даволаш жараёнини унинг турмуш ўртоғи Тожибар Азизова кузатиб боргани айтилмоқда.
Батафсил: www.gazeta.uz/uz/2021/04/30/azizov/?utm_source=push&utm_medium=telegram
Каналга обуна бўлинг
-
2021-04-30 08:51:33+00:00
Дам олиш кунлари ўртача илиқ об-ҳаво бўлиши кутилмоқда
Бугун, апрель ойининг охирги куни республика ҳудудлари бўйича Каспий денгизидан салқин ва бироз нам ҳаво кириб келиши бошланди, дея хабар берди Ўзгидромет.
Куннинг биринчи ярмида Бухоро, Навоий, Қашқадарё вилоятларининг айрим туманларида, кечга яқин эса Тошкент, Самарқанд, Жиззах, Сирдарё вилоятларида баъзи жойларда бироз ёмғир ёғиши, момақалдироқ бўлиши мумкин. Ҳарорат 25-28 даража атрофида бўлади.
Шанба куни фақат республиканинг энг шарқий туманларида бироз беқарорлик сақланиб туради. Фарғона водийси вилоятларида ва тоғли туманларда бироз ёмғир ёғиши, момақалдироқ бўлиши мумкин. Республиканинг қолган ҳудудларида ёғингарчиликсиз об-ҳаво бўлиши кутилмоқда.
Якшанба куни Ўзбекистоннинг барча ҳудудлари бўйича кам булутли ва қуруқ об-ҳаво бўлиши кутилмоқда. Ҳаво ҳарорати 29-32 даражагача, жанубда 34-37 даражагача кўтарилади.
Каналга обуна бўлинг
-
2021-04-30 08:30:00+00:00
Миразиз Бозоровга ҳужум қилган шахснинг фотороботи эълон қилинди
Март ойи охирида ЛГБТ фаолларига қарши норозилик намойиши куни Тошкентда калтакланган блогер Миразиз Бозоров у гумон қилинаётган янги жиноий иш доирасида уй қамоғига олинган. Бу ҳақда унинг адвокати Сергей Майоров «Газета.uz» га хабар берди.
Тошкент шаҳар ИИББ 1 апрель кунидан 20 апрелга қадар фуқаролардан 28 та ариза, шунингдек, Миробод тумани 110-сон умумтаълим ўрта мактаби ўқитувчиларидан жамоавий ариза келиб тушгани ҳамда унда Миразиз Бозоровга нисбатан қонуний чора кўришни талаб қилишганини маълум қилди.
ИИББ Миразиз Бозоровга тан жароҳати етказишга алоқадор бўлган гумон қилинувчининг (жабрланувчининг сўзидан тузилган) фотороботини эълон қилди ва унинг асосида мазкур шахсни аниқлашда фуқаролардан кўмак сўради.
Батафсил: https://www.gazeta.uz/uz/2021/04/30/bazarov/?utm_source=push&utm_medium=telegram
Каналга обуна бўлинг
-
2021-04-30 08:19:34+00:00
Шавкат Мирзиёев ва Садир Жапаров мулоқотни мустаҳкамлаш йўлларини кўриб чиқишди
30 апрель куни Ўзбекистон ва Қирғизистон президентлари телефон орқали мулоқот қилишди.
Суҳбатда минтақавий ҳамкорлик ва икки томонлама кун тартибидаги муҳим масалалар кўриб чиқилди.
Президентлар Қирғизистон-Тожикистон чегарасида юзага келган вазиятни ва уни тез фурсатда ҳал қилишни муҳокама қилишди. Қирғизистон ва Тожикистон томонлари вазиятни барқарорлаштириш ва унинг янада кескинлашишига йўл қўймасликка қаратилган келишувларга эришгани мамнуният билан қайд этилди.
Юзага келаётган барча баҳсли масалалар кўп асрлик дўстлик, яхши қўшничилик, ишонч ва шериклик руҳидаги мулоқот асосида ҳал қилиниши зарур экани таъкидланди.
Давлат раҳбарлари март ойида Тошкент шаҳрида ўтган саммит якунида қабул қилинган қўшма қарор ва келишувларни амалга ошириш масалаларига алоҳида тўхталишди.
Каналга обуна бўлинг
-
2021-04-30 08:11:10+00:00
Амир Темур хиёбони яқинида ўсмирларга ҳужум қилганликда айбланган тўрт киши уй қамоғига олинди
Тошкент шаҳар ички ишлар бошқармаси матбуот хизмати март ойининг охирида Тошкент шаҳридаги Амир Темур хиёбонида бўлиб ўтган тартибсизликлардан кейинги тергов жараёни тўғрисида хабар берди.
Дастлаб жанжални бошлаган 12 нафар фуқаро ушланган. Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 277-моддаси 2-қисми «б» банди («безорилик, бир гуруҳ шахслар томонидан содир этилиши») аломатлари билан жиноят иши қўзғатилган.
Тергов давомида ушбу ҳодисада бевосита иштирок этган шахслар сони аниқланди. Улар 31 кишини ташкил этиб, ҳар бирининг ҳарака тларига ҳуқуқий баҳо берилди, дейилади хабарда.
Улардан тўрт нафари жиноят ишида айбланувчи тариқасида жалб қилинди.
Батафсил: https://www.gazeta.uz/uz/2021/04/30/iibb/?utm_source=push&utm_medium=telegram
Каналга обуна бўлинг
-
2021-04-30 07:58:02+00:00
Шавкат Мирзиёев ва Эмомали Раҳмон тожик-қирғиз чегарасидаги вазиятни муҳокама қилишди
Ўзбекистон ва Тожикистон президентлари 30 апрель куни телефон орқали мулоқот қилди.
Ўзбекистон президенти юзага келган вазиятни тез фурсатда ҳал қилиш ва унинг кескинлашувига йўл қўймаслик бўйича Тожикистон ва Қирғизистон томонлари эришган келишувларни қўллаб-қувватлади.
Мавжуд барча масалалар дўстлик, яхши қўшничилик ва шериклик муносабатлари руҳида, фақат музокаралар ва маслаҳатлашувлар йўли билан ҳал қилиниш муҳим экани таъкидланди.
Шавкат Мирзиёевнинг Тожикистонга бўлажак ташрифи юзасидан ҳам фикр алмашилган. Аввалроқ, «Газета.uz» ушбу ташриф июнь ойининг биринчи ярмида бўлиши ҳақида ёзган эди.
Ўзбекистон ва Тожикистон ўртасида узоқ муддатли истиқболга мўлжалланган кенг кўламли ҳамкорликнинг янги «ўсиш нуқталари»ни биргаликда аниқлаш муҳимлиги алоҳида таъкидланди.
Каналга обуна бўлинг
-
2021-04-30 06:27:35+00:00
Исроилда диний байрам пайтидаги тиқилинчда 40 дан ортиқ одам ҳалок бўлди
Исроил шимолидаги Мерон тоғи ҳудудида Лаг ба-Омер диний байрам пайтида юз берган тиқилинчда камида 44 киши ҳалок бўлди ва 100 дан ортиқ киши жароҳат олди. Бу ҳақда The Times of Israel газетаси шифокорларга асосланиб хабар бермоқда.
Magen David Adom шошилинч тиббий ёрдам хизмати таъкидлашича, 18 нафар жабрланганниг аҳволи оғир, иккитаси ўрта даражада жароҳат олган ва 80 нафари енгил даражада.
Исроил Бош вазири Биньямин Нетаньяху воқеани «даҳшатли фалокат» деб атади. «Жабрланганлар соғлиғи тикланиши учун дуо қилинмоқда», — деди у.
Лаг Ба-Омер байрами коронавирус чекловлари бекор қилинганидан бери Исроилда биринчи оммавий тадбир бўлди. Ташкилотчиларнинг сўзларига кўра, тадбирда 100 минггача одам қатнашган.
Каналга обуна бўлинг
-
2021-04-30 06:10:00+00:00
Дунё бўйича COVID-19 билан касалланганлар сони 150 миллиондан ошди
Жонс Хопкинс университети (АҚШ) маълумотларига кўра, дунё бўйича коронавирус билан касалланганлар сони 150 млн 133 мингдан ошди.
Энг кўп зарарланганлар АҚШ (32,3 млн), Ҳиндистон (18,4 млн), Бразилия (14,6 млн), Франция (5,6 млн), Туркия (4,8 млн), Россия (4,7 млн) ва Буюк Британия (4,4 млн) мамлакатларига тўғри келмоқда.
Ҳозиргача COVID-19 дан тузалганлар сони 87,2 млн дан ошган. Ушбу вирус сабаб вафот этганлар сони эса 3 млн 162 мингдан кўпроқни ташқил қилмоқда.
Дунё бўйича касалланганлар фуқаролари миллиондан ошган мамлакатлар сони 26 тага етди.
Эслатиб ўтамиз, январь ойи охирида дунё бўйича COVID-19 билан касалланганлар сони 100 миллиондан ошгани ҳақида хабар берган эдик.
Каналга обуна бўлинг
-
2021-04-30 06:00:00+00:00
Шифохоналарда COVID билан касалланганлар сони 3000 нафардан ошди
Пайшанба, 29 апрель куни Ўзбекистонда коронавирус билан касалланганлар сони 402 нафарга ошди, дея хабар бермоқда Соғлиқни сақлаш вазирлиги матбуот хизмати. Бу йил бошидан бери кузатилган энг юқори кўрсаткич.
Энг кўп ҳолат Тошкент шаҳрида — 209, Самарқанд вилоятида — 69 ва Тошкент вилоятида — 64 та аниқланган.
Ўтган йилнинг март ойидан бери мамлакатда 90 808 та касаллик ҳолати расман рўйхатга олинган.
29 апрель куни ушбу инфекция оқибатларидан 2 та ўлим қайд этилди. Соғлиқни сақлаш вазирлигининг маълумотларига кўра, ўлимларнинг умумий сони 649 га этди.
Тиббий муассасаларда COVID-19'дан даволанаётган беморларнинг сони 3092 нафарни ташкил қилади (бир кун олдин — 2985).
29 апрелда мамлакат бўйлаб 71 775 киши коронавирусга қарши эмланди, бу — жараён бошланганидан бери (1 апрель) энг юқори кўрсаткич. Жами 718 471 дан ортиқ инсон COVID-19'га қарши эмланди
Каналга обуна бўлинг
-
2021-04-30 05:49:13+00:00
Қирғизистоннинг Боткен вилоятида отишма тўхтатилиб, Лайлак туманида давом этмоқда
Қирғизистон ва Тожикистон чегарасида, Боткен вилоятида 28 апрель кунидан бошланган тўқнашув оқибатида юзага келган отишма бутунлай тўхтатилди.
29 апрель оқшомида Қирғизистон ва Тожикистон ўт очишни тўхтатиш ва ҳарбий кучларни аввалги жойлаштирилган жойларига олиб чиқиш тўғрисида келишиб олдилар.
Бундан сўнг, Исфара шаҳрида Тожикистон Миллий хавфсизлик давлат қўмитаси раҳбари Сайимўмин Ятимов ва Қирғизистон ҳукуматининг Боткен вилоятидаги ваколатли вакили Омурбек Суваналиев ўртасида учрашув бўлиб ўтди. Томонлар қўшма баёнот имзоладилар ва можарони тўхтатиш тўғрисида келишиб олдилар.
Ҳозирда Қирғизистоннинг Лайлак туманида отишмалар кузатилаётгани айтилмоқда.
«Қишлоқ яқинидаги одамлар тоғларга қайтиб қочмоқдалар. Гранатомёт ёки миномётлардан отилмоқда», — дейди маҳаллий аҳоли.
Батафсил: https://www.gazeta.uz/uz/2021/04/30/kg-tj/?utm_source=push&utm_medium=telegram
Каналга обуна бўлинг
-
2021-04-30 05:15:41+00:00
Ўзбекистонда криптобиржаларда савдо қилишга рухсат берилиши кутилмоқда
Крипто-биржалар фаолиятини лицензиялаш тартиби тўғрисидаги низомга ўзгартириш ва қўшимчалар киритилиши кутилмоқда. Бу ҳақда тегишли қарор лойиҳаси муҳокамага қўйилди.
Унга кўра, амалдаги қонун ўзгартирилиб, Ўзбекистон Республикаси резидентлари ва норезидентлари томонидан эмиссия қилинган токенларни рўйхатдан ўтказиш, чиқариш ёки айлантиришга рухсат берилади.
Шунингдек, Ўзбекистон фуқаролари крипто-биржаларда крипто-активлар ва токенлар билан крипто-биржа савдоларининг барча турларини миллий ва чет эл валютасида амалга ошириши мумкин бўлади.
Бунда, "сотиб олиш объекти сифатида крипто-активларни танлаш ва бу танловнинг тегишли оқибатлари сотиб олувчининг ўз таваккалчилигидир".
Каналга обуна бўлинг
-
2021-04-30 04:38:00+00:00
Самарқандда Қозоғистон бош консулхонаси очилди
Самарқандда Қозоғистон бош консулхонаси очилди. Қозоғистон президенти Касим-Жомарт Токаев ўтган йили бу ҳақдаги фармонни имзолаган эди, дея хабар берди «Дунё» АА.
Самарқанд, Бухоро, Жиззах, Сурхондарё, Қашқадарё вилоятлари ҳамда Қорақалпоғистон унинг консуллик округлари сифатида белгиланди.
Консулхона Қозоғистон ва Ўзбекистон ўртасида инвестицион, савдо-иқтисодий, маданий-гуманитар ҳамкорликни ривожлантириш бўйича вазифаларни бажаради.
Март ойида Самарқандда Туркия бош консулхонаси ҳам очилган эди.
Каналга обуна бўлинг
-
2021-04-30 04:28:00+00:00
Навоий вилояти ҳокимига янги ўринбосарлар тайинланди
Тўлқин Атамуродов Навоий вилояти ҳокимининг иқтисодиёт ва тадбиркорлик масалалари бўйича биринчи ўринбосари лавозимига тайинланди. Бу ҳақда вилоят ҳокимлиги матбуот хизмати хабар бермоқда.
Тўлқин Атамуродов мазкур лавозимга қадар «Микрокредитбанк» акциядорлик тижорат банки бошқарув раисининг биринчи ўринбосари бўлган.
Шу билан бирга, Навоий вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари - туризм ва спорт бош бошқармаси бошлиғи лавозимига Саъдулла Мирзаев тайинланди.
Бунга қадар Саъдулла Мирзаев Навоий вилояти статистика бошқармаси бошлиғи вазифасида фаолият юритган.
Каналга обуна бўлинг
-
2021-04-30 04:20:01+00:00
Фото: «Шаҳидлар хотираси» мажмуаси реконструкцияси лойиҳаси
Ўзбекистон Қурилиш вазирлиги «Газета.uz»га Тошкентдаги «Шаҳидлар хотираси» ёдгорлик мажмуаси реконструкцияси лойиҳасини тақдим этди.
Қурилиш вазири Ботир Зокиров мажмуа "аянчли аҳволда" экани, шунинг учун унинг ҳудудида қурилиш ва таъмирлаш ишлари бошланганини таъкидлади. Унинг сўзларига кўра, лойиҳада биринчи навбатда Қатағон қурбонларини хотирлаш музейи, унинг ташқи фасади ва томини таъмирлаш ҳақида гап кетмоқда.
Шунингдек, мажмуа ҳудудида янги пиёдалар ва велосипед йўллари, амфитеатр, кафе ва катта автотураргоҳ қурилади, велосипед ижараси йўлга қўйилади. Мажмуанинг асосий маъмурий биносини қуриш режалаштирилган. Қурилиш вазирлиги раҳбари лойиҳа муҳокамага қўйилишини, "қарама-қаршиликлар бўлса, улар ҳам кўриб чиқилишини" таъкидлади.
Батафсил: https://www.gazeta.uz/uz/2021/04/30/reconstruction/?utm_source=push&utm_medium=telegram
Каналга обуна бўлинг
-
2021-04-29 22:56:52+00:00
Шавкат Мирзиёев Ашхобод шаҳридаги ифторликда иштирок этди
Ўзбекистон президенти Шавкат Мирзиёев пайшанба куни Ашхободга ташрифи доирасида Туркманистон президентининг отаси Маликгули Бердимуҳамедов хотирасига бағишлаб ўтказилган ифторликда иштирок этди.
Унда шунингдек, икки мамлакат муфтийлари, уламо ва ёшуллилар қатнашди. Давлат раҳбари Маликгули отанинг вафоти муносабати билан ўзбек халқи номидан чуқур таъзия билдирди. Марҳумнинг ибратли ҳаёти, самарали фаолияти, савобли ишлари ёдга олинди.
Шу куниёқ Шавкат Мирзиёев Гурбангули Бердимуҳамедов ҳамроҳлигида «Туркманбоши руҳи» мажмуасига борди. Туркманистоннинг биринчи президенти Сапармурат Ниёзов мақбараси зиёрат этилиб, ўтганлар ҳақига Қуръон суралари тиловат қилинди.
Шу билан Ўзбекистон президентининг амалий ташрифи якунланиб, Тошкентга қайтиб келди.
Каналга обуна бўлинг
-
2021-04-29 18:42:54+00:00
Ноширлар ва босмахоналарга нисбатан табақалаштирилган ҚҚСни қўллаш таклиф этилмоқда
Бу борада ташаббус Сенатнинг Фан, таълим ва соғлиқни сақлаш масалалари қўмитаси томонидан билдирилди. Қолаверса, соҳага манзилли субсидиялар ажратиш кераклиги айтилмоқда.
Қўмита раиси Одилжон Иминовнинг таъкидлашича, тегишли сўров Молия вазирлиги ва Давлат солиқ қўмитасига юборилган.
«Ноширлар ва босмахоналар учун солиқ имтиёзларининг бекор қилиниши, уларга нисбатан ҚҚСнинг қўлланиши аксарият ишлаб чиқарувчиларни расмий фаолият юритишдан четлашиб, контрафакт маҳсулотлар ишлаб чиқаришга „ундамоқда“. Натижада „яширин иқтисодиёт“ ривожланиб, қонуний фаолият юритаётганларнинг салмоғи камайиб бормоқда, яъни соҳада иқтисодий носоғлом муҳит таркиб топмоқда», — дейилади хабарда.
Қайд этилишича, Россия, Германия, Франция ва Буюк Британияда китоб ишлаб чиқариш соҳаси учун ҚҚС ставкаси камида икки баробарга пасайтирилган.
Каналга обуна бўлинг
-
2021-04-29 18:24:15+00:00
Метрополитен: Машинист токоприёмникда учқун чиқаётганини кўриб, поездни фавқулодда тўхтатган
«Тошкент метрополитени» корхонаси куни кеча поезд тўхташи сабабларининг текшируви натижаларини эълон қилди.
Хабарда қайд этилишича, Чилонзор йўналишида "Буюк ипак йўли" — "5-бекат" йўналиши бўйича ҳаракатланаётган поезд машинисти "Миллий боғ" ва "Новза" бекатлари оралиғида салбий вазиятни олдини олиш мақсадида фавқулодда тўхташни амалга оширган.
Унинг сўзларига кўра, поезд ҳаракатланаётган пайтда олдиндаги йўлда контакт релсларни қувватловчи токоприёмникда учқун чиқаётганини кўриб қолган. Машинист бу ҳақда тезкорлик билан диспетчерга хабар берди, йўналишдаги харакат таркибларни электр таъминотдан узилган ва шундан сўнггина барча йўловчилар поезддан "Новза" бекатигача эвакуация қилинган.
Каналга обуна бўлинг
-
2021-04-29 17:19:25+00:00
Жаҳон янгиликлари дайжести
🇬🇧 Буюк Британияда бош вазир Борис Жонсонга қарши тергов бошланди. Жонсон ҳукумат қароргоҳидаги хонадонини таъмирлаш учун катта миқдордаги маблағларни декларациясиз сарфлаганликда айбланмоқда.
🇺🇸 АҚШда ижтимоий секторни қўллаб-қувватлаш учун 1,8 трлн долларлик дастур қабул қилинди. Мазкур дастур юқори даромадга эга бўлган фуқаролар учун солиқ ставкасини ошириш орқали молияштирилади.
🇦🇲 Aрманистонда турк товарларини олиб кириш ва сотишга қўйилган тақиқ узайтирилади.
🇨🇴 Колумбияда солиқ ислоҳотларига қарши намойишлар бўлиб ўтди. 42 нафар полиция ходими жароҳат олган, 40 киши ҳибсга олинган.
🇨🇳 Хитой орбитал станциясининг асосий модули орбитага чиқарилди. 2022 йилда станция ишга туширилади.
Батафсил: www.gazeta.uz/uz/2021/04/29/digest120/?utm_source=push&utm_medium=telegram
Фото: Борис Жонсон
Каналга обуна бўлинг
-
2021-04-29 13:25:01+00:00
Ўзбекистон ташқи интернет каналининг тезлиги 1800 Гбит/секундга етказилади
«Ўзбектелеком» АК халқаро пакетли коммутация марказининг ўтказувчанлик қобилияти кенгайтирилиб, интернет тезлиги 1800 Гбит/секундга етказилади. Бу борадаги лойиҳанинг параметрлари Вазирлар Маҳкамасининг 17 апрелдаги қарорида белгиланган.
Ҳужжатда лойиҳани амалга ошириш муддати кўрсатилмаган.
Ҳужжатга кўра, лойиҳа танловда ғолиб чиққан АҚШнинг Winncom Technologies компанияси томонидан амалга оширилади.
Лойиҳанинг техник-иқтисодий асоси бўйича умумий қиймати 25,9 млн долларни ташкил этади.
Лойиҳа «Алоқабанк»нинг умумий қиймати 19,9 млн доллар миқдоридаги кредити, шунингдек, «Ўзбектелеком» АКнинг 5,9 млн доллар миқдоридаги ўз маблағлари ҳисобидан молиялаштирилади.
Батафсил: https://www.gazeta.uz/uz/2021/04/29/internet/?utm_source=push&utm_medium=telegram
Каналга обуна бўлинг
-
2021-04-29 13:02:24+00:00
❗️Айирувчи эмас, бирлаштирувчи тил лозим…
Олий Мажлис Қонунчилик палатасида давлат органларига фақат давлат тилида мурожаат қилиш таклифи маъқулланмаганлиги ижтимоий тармоқларда ва депутатлар орасида қизғин баҳс-мунозараларга сабаб бўлмоқда.
Айримлар бу нормани маъқулламаган ва бетараф овоз берган депутатларнинг кимлигини ошкор қилишга чақиришди. Бошқалар эса Россия ва АҚШ тажрибасини эслатиб, бу давлатларда ҳамма давлат органларига давлат тилида (мос равишда рус ёки инглиз тилида) мурожаат қилиши лозимлигини айтишди. Ҳақиқатда ҳам шундайми?
Давлат тили мақоми бўйича халқаро тажриба, ўзбек тилини ўрганиш бўйича шароитлар ва давлат тили мавқеи тўғрисида — «Газета.uz» колумнисти Комил Жалиловнинг мақоласида.
Тўлиқ мақола: https://www.gazeta.uz/uz/2021/04/29/uzbek-language/?utm_source=push&utm_medium=telegram
Каналга обуна бўлинг
-
2021-04-29 12:52:56+00:00
«Бу қоғозда шундай» — Расул Кушербаев UzAuto Motors ғалабаси ҳақида
Депутат Расул Кушербаев Alter ego`га берган интервьюсида UzAuto Motors Антимонополия қўмитасини «фақат қоғозда» мағлуб этди, деб ҳисоблашини айтди.
«Истеъмолчилар нуқтаи назаридан қаралса, кураш давом этади. Агар умумий маънода олиб қарасак, Антимонополия қўмитаси эмас, балки UzAuto Motors ютқазган. Бу [UzAuto Motors ғалабаси] қоғозда шундай. UzAuto Motors`нинг ўзи жуда кўп нарсаларни йўқотди. Одамларнинг ишончини йўқотди. Имижини йўқотди.», — деди у.
Мазкур суд жараёни «кўпларнинг самимий юзини кўришга» имкон бергани таъкидланди.
У парламент ваколат ва таъсир кучига эга бўлсада нима учун UzAuto Motors монополиясини тугата олмаслигини тушунтирилди. «Имтиёзлар билан боғлиқ ҳамма нарса қонунлар асосида эмас, балки Ҳукумат қарорлари асосида берилади», — деди депутат.
Кушербаев биргина депутатдан «ҳеч қандай фойда йўқ»лиги, муаммони ҳал қилиш учун унга қуйи палата спикерининг ваколати кераклигини айтди.
Каналга обуна бўлинг
-
2021-04-29 12:31:16+00:00
Нархини эшитиб, ҳоким ҳайдаворганди — депутат баланд байроқлар ўрнатилиши ҳақида
Депутат Дониёр Ғаниев Қаршида баландлиги 62,5 метрга тенг 1,35 млрд сўмлик байроқ ўрнатилишига муносабат билдириб, 2 йил аввал Фарғонадаги шунга ўхшаш ҳолатни ёдга олди.
Унинг маълум қилишича, Фарғонада ўрнатилиши керак бўлган байроқнинг сарф-харажатларини 1 млрд сўмга баҳолашган. «Нархини эшитиб, ҳоким ҳайдаворганди», дейди у.
Маълумот учун, 2 йил аввал 2019 йили Фарғона вилояти ҳокими Шуҳрат Ғаниев бўлган. 2020 йилнинг сентябр ойида Шуҳрат Ғаниев бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозимига тайинланди.
Каналга обуна бўлинг
-
2021-04-29 12:10:24+00:00
Андижонда қулоқчин тақиб кетаётган йигитни поезд босиб кетди
Ҳодиса 29 апрель куни соат 11:00 ларда содир бўлди. Поезд уриб юбориши натижасида фуқаро воқеа жойида вафот этди.
Ижтимоий тармоқларда тарқалган видео лавҳалар ва изоҳларга кўра, мазкур воқеа Андижон туманида содир бўлган. Жабрланувчи йигит 20−23 ёшлар атрофида бўлган.
Каналга обуна бўлинг
-
2021-04-29 11:57:32+00:00
Ўзбекистон қирғиз-тожик можароси томонларини тўқнашувларни дарҳол тугатишга чақирмоқда
Ўзбекистон қирғиз-тожик чегарасида вазиятнинг кескинлашиши ва иккала томонда ҳам қурбонлар бўлишига олиб келган вазият ҳақидаги маълумотни чуқур хавотир билан қабул қилди, деб хабар берди ТИВ.
«Биз томонларни тўқнашувларни дарҳол тугатишга, вазиятни барқарорлаштириш бўйича қўшма чораларни кўришга ва зиддиятнинг янада ошишига олиб келиши мумкин бўлган ҳаракатлардан воз кечишга чақирамиз», дейилади ТИВ баёнотида.
«Бугунги кунда барча масалалар ва мавжуд муаммолар Марказий Осиёдаги қардош халқларга хос бўлган кўп асрлик дўстлик, қўшничилик ва шериклик муносабатлари руҳида фақат музокаралар ва маслаҳатлашувлар йўли билан ҳал қилиниши керак»,— дейилади баёнотда.
Ташқи ишлар вазирлиги, шунингдек, Ўзбекистон «юзага келган вазиятни тезроқ тартибга солиш учун ҳар томонлама ёрдам беришга» тайёрлигини билдирди.
Каналга обуна бўлинг
-
2021-04-29 11:35:32+00:00
Ўзбекистон ва ХХР етакчилари вакцинация ва иқтисодий масалаларни муҳокама қилишди
29 апрель куни Шавкат Мирзиёев ва Си Цзиньпиннинг телефон орқали мулоқоти бўлиб ўтди.
Шавкат Мирзиёев коронавирус пандемиясига қарши курашда кўрсатилган амалий ёрдам учун ХХР етакчисига самимий миннатдорлик билдирди. Ўзбекистон ва Хитой аҳолини оммавий эмлаш бўйича ҳамкорликда иш олиб бориши таъкидланди.
Шунингдек, Ўзбекистон Шанхай шаҳрида ўтадиган навбатдаги Импорт маҳсулотлари Хитой халқаро кўргазмасида фаол иштирок этиши маълум қилинди.
Суҳбат чоғида халқаро ва минтақавий аҳамиятга молик масалалар, шу жумладан «Хитой — Марказий Осиё» форматидаги ҳамкорлик юзасидан ҳам фикр алмашилган.
Етакчилар бўлажак олий даражадаги тадбирлар режасини кўриб чиқди ва ХХР раисининг Ўзбекистонга ташрифига пухта тайёргарлик кўриш муҳим эканини қайд этди.
Батафсил: www.gazeta.uz/uz/2021/04/29/china/?utm_source=push&utm_medium=telegram
Каналга обуна бўлинг
-
2021-04-29 11:11:15+00:00
Долларнинг расмий курси кетма-кет учинчи кун пасаймоқда
Долларнинг расмий курси 6 сўмга арзонлади ва жами 10 509 сўм этиб белгиланди. Евро ва рубль курслари эса кўтарилди.
Каналга обуна бўлинг
-
2021-04-29 11:01:07+00:00
Инвестициялар ва ташқи савдо вазирига ўринбосар тайинланди
Отабек Чориев инвестициялар ва ташқи савдо вазирининг ўринбосари лавозимига тайинланди, дея хабар берди ЎзА.
У бунга қадар Давлат божхона қўмитасининг Тошкент вилояти бўйича бошқармаси бошлиғи лавозимида ишлаб келган.
Каналга обуна бўлинг
-
2021-04-29 10:52:20+00:00
«Амалдорлар орасида ҳали ҳам шовинистлар бор» — Расул Кушербаев давлат тилини ислоҳ қилиш тўғрисида
Расул Кушербаев «Давлат тили тўғрисида» ги қонунга ўзгартириш киритиш ва янги таҳрирда қабул қилиш ташаббусини қўллаб-қувватлашини таъкидлади. Унинг фикрича, давлат билан иш олиб борадиган тадбиркорлар, жисмоний ва юридик шахслар ушбу қонунга риоя қилишлари шарт. Давлат билан алоқаси бўлмаганларга нисбатан бу қўлланилмаслиги керак. «Қайси тилда ишлашни ҳоҳласа, ўшанда ишлайверсин», — деди у.
«Қонун миллий тил ҳақида эмас, балки давлат тили ҳақида деб номланган. Агар қонун миллий тил ҳақида деб номланадиган бўлса, мен айтган бўлардим: „Ҳа, ҳамма масалаларда — ҳам уйда, ҳам хусусий секторда — ҳамма жойда битта тил бўлиши керак“ деб. Аммо бизда бундай эмаску. Бизда 130 дан ортиқ миллат бор», — дея тушунтирди депутат.
Батафсил: https://www.gazeta.uz/uz/2021/04/29/kusherbaev-uzb/?utm_source=push&utm_medium=telegram
Каналга обуна бўлинг
-
2021-04-29 10:47:19+00:00
Тошкент шаҳар ҳокимига янги ўринбосар тайинланди
Фахриддин Давруков Тошкент шаҳар ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари – шаҳар Туризм ва спорт бош бошқармаси бошлиғи этиб тайинланди, дея хабар берди Тошкент шаҳар ҳокимлиги матбуот хизмати.
У бунга қадар Туризмни ривожлантириш давлат қўмитаси раиси ўринбосари бўлиб ишлаб келган.
Каналга обуна бўлинг
-
2021-04-29 10:22:12+00:00
Қаршида 1,35 млрд сўмлик байроқ ўрнатилади
Қашқадарё вилоятида Мустақилликнинг 30 йиллиги арафасида Қарши шаҳридаги Мустақиллик майдонида баландлиги 62,5 метрга тенг давлат байроғи ўрнатилади.
Маълум қилинишича, давлат байроғининг биргина устунини бунёд этишга 1 млрд 350 млн сўм маблағ сарфланади. Объект буюртмачиси Қарши шаҳар ободонлаштириш бошқармаси, пудратчиси эса «Воҳа махсус монтаж сервис» МЧЖ ҳисобланади.
Батафсил: https://www.gazeta.uz/uz/2021/04/29/qarshi-flag/?utm_source=push&utm_medium=telegram
Каналга обуна бўлинг
-
2021-04-29 10:05:48+00:00
Энди Humans мижозлари ҳар қандай мобил алоқа хизматларининг нархини кешбек билан тўлашлари мумкин. Тўплаш мумкин бўлган кешбек миқдори — чекланмаган (реклама ҳуқуқлари асосида).
https://www.gazeta.uz/uz/2021/04/29/humans/
-
2021-04-29 09:52:37+00:00
Гулистонда ҳоким ўринбосари $400 билан қўлга тушди
Бу ҳақда «Газета.uz» га Бош прокуратура матбуот котиби Ҳаёт Шамсутдинов хабар берди.
27 апрел куни фуқаро М.К. нинг аризасига асосан, вилоят ҳудудий «Чорванасл» маркази Гулистон тумани етакчи мутахассиси М.Х. Гулистон тумани ҳокимининг ўринбосари Б.С. билан М.К. дан унга Б.С. орқали кам таъминланган оилалар учун қурилаётган кўп қаватли арзонлаштирилган уй-жойлардан хонадон олиши учун рўйхатга қўйиб, ёрдам бериши эвазига $400 олган вақтида, ашёвий далиллар билан ушланган.
Шундан сўнг, М.Х.нинг аризасига асосан тезкор тадбир давом эттирилиб, Гулистон тумани ҳокимининг ўринбосари Б.С. М.К. ни арзонлаштирилган уй-жойлардан хонадон олиши учун рўйхатга қўйиб, ёрдам бериши эвазига $400 ни М.Х. дан олган вақтида ашёвий далиллар билан ушланган.
Тергов департаментининг туман бўлими томонидан М.Х. ҳамда Б.С. га нисбатан ЖКнинг тегишли моддалари билан жиноят иши қўзғатилиб, Б.С.га «қамоқ» эҳтиёт чораси қўлланилган.
Каналга обуна бўлинг
-
2021-04-29 09:44:49+00:00
Яна 2 та ОТМ вақтинчалик масофавий таълимга ўтказилди
Талабалар орасида коронавирус билан касалланиш ҳолатлари аниқланганлиги сабабли 2 та ОТМ:
◼️ Ўзбекистон давлат санъат ва маданият институти;
◼️ Жиззах давлат педагогика институти 14 кунга масофавий таълим тизимига ўтди.
Аввалроқ, 4 та ОТМ вақтинчалик масофавий таълимга ўтказилгани ҳақида хабар берилган эди.
Каналга обуна бўлинг
-
2021-04-29 09:08:37+00:00
«Тошкент метроси ва ишонч синоним сўзлар эди» — Twitter фойдаланувчилари Тошкентда метро тўхтаб қолгани ҳақида
28 апрел куни Тошкент метрополитенининг «Новза» бекати яқинида поезд вагони техник носозлик оқибатида тўхтаб қолгани ҳақида хабар берилган эди. Twitter тармоғида ушбу ҳолат юзасидан турли хил фикрлар билдирилди.
«Газета.uz» улардан энг қизиқларини тўплади.
Батафсил: https://www.gazeta.uz/uz/2021/04/29/about-metro/?utm_source=push&utm_medium=telegram
Каналга обуна бўлинг
-
2021-04-29 08:53:03+00:00
Ўзбекистон Ҳиндистонга гуманитар ёрдам кўрсатади
Ҳиндистондаги коронавирус инфекциясини тарқалишини бартараф этиш учун Ўзбекистон инсонпарварлик ёрдамини юворади, дея хабар бермоқда «Нигоҳ».
Гуманитар ёрдам сифатида «Ремдесивир» препарати, этил спирти, мобил кислород концентратори тўпламлари ва бир марталик респираторларини етказиб бериш режалаштирилган.
Ҳозирда Ҳиндистонда COVID-19 билан касалланишнинг рекорд даражадаги янги ҳолатлари аниқланмоқда. Фақат 10 кун ичида 3,2 миллиондан ортиқ киши касалланган ва 24 мингдан ортиғи вафот этган.
Бундан ташқари, икки марта мутацияга эга бўлган коронавируснинг янги тури (В.1.617) аниқланган. Ушбу касаллик билан коронавирусдан тузалганлар ва эмланганлар ҳам касалланиши мумкин.
Мамлакат соғлиқни сақлаш тизими ҳозирги вазиятга бардош бера олмаяпти. Касалхоналарда ётоқ, дори-дармон ва кислород етишмовчилиги мавжуд.
Каналга обуна бўлинг
-
2021-04-29 08:41:22+00:00
Кунлик ишчилар ва ўзини ўзи банд қилганлар учун «Mening ishim» онлайн-майдони ишга туширилади
Президентнинг тегишли қарори билан 2021 йилда янги иш ўринларини ташкил этиш ва аҳоли бандлигига кўмаклашиш бўйича давлат дастури маъқулланди.
Дастур доирасида:
🔹 457 127 та доимий янги иш ўрни яратилади;
🔹 513 575 нафар фуқаро бандлигига кўмаклашилади ва иш берувчилар рағбатлантирилади;
🔹 281 289 нафар ишсиз бўш ва захира иш ўринларига жойлаштирилади.
Туман (шаҳар) аҳоли бандлигига кўмаклашиш марказлари ҳузуридаги вақтинча бир марталик иш билан таъминлаш бюролари Кунлик меҳнат марказлари сифатида қайта ташкил этилади.
Вақтинча, мавсумий ва бир марталик ишларда банд бўлган фуқаролар учун «Mening ishim» буюртмалар биржаси онлайн-майдони ишга туширилади. У «барча учун иш» тамойили асосида ишлайди, майдонда ишчиларнинг фаолият турлари ва хизматлари ҳақидаги маълумотлар бепул эълон қилинади.
Каналга обуна бўлинг
-
2021-04-29 08:26:37+00:00
Метро тўхтаб қолиши билан боғлиқ воқеалар юзасидан ўрганиш ишлари бошланди
Истеъмолчилар ҳуқуқларини ҳимоя қилиш агентлиги сўнгги кунларда Тошкент метросида содир бўлаётган ҳолатлар бўйича ўрганиш ишлари бошланганлигини маълум қилди.
Шаҳар йўловчилар транспорти тўғрисидаги қонуннинг 8-моддасида йўловчи ташишнинг асослари белгилаб қўйилган, жумладан:
◼️ шаҳар йўловчилар транспортининг бир маромда ишлашини ташкил этиш;
◼️ йўловчиларга хизмат кўрсатиш сифати ва маданиятини ошириш;
◼️ йўловчиларнинг ҳаёти ва соғлиғи хавфсизлигини, транспорт воситалари ҳаракатининг хавфсизлигини, шунингдек атроф муҳитни муҳофаза қилиш талаблари бажарилишини таъминлаш.
«Аммо, „пойтахт ер остидаги“ воқеалар хизмат кўрсатувчининг ўз мажбуриятларини бажармаётганига далолат бермоқда», — дейилади баёнотда.
Батафсил: https://www.gazeta.uz/uz/2021/04/28/consumer-rights/?utm_source=push&utm_medium=telegram
Каналга обуна бўлинг
-
2021-04-29 08:11:58+00:00
«Асосий мансабдор шахсларни тайинлашни сайловлар орқали қилар эдим» — Расул Кушербаев
Олий Мажлис Қонунчилик палатаси депутати, ЎзЛиДеП фракцияси аъзоси Расул Кушербаев Alter Ego лойиҳасига берган интервьюсида яна бир бор Ўзбекистон халқи давлат органларининг асосий мансабдор шахсларини сайлашга тайёрлигини таъкидлади.
«Биринчидан, мен асосий мансабдор шахсларни тайинлашни сайловлар орқали амалга оширар эдим. Прокурор, маҳаллий судьялар, биз айтадигандек милиция бошлиғини. Агар керак бўлса, вазирларни ҳам очиқ танлов орқали» — деди у.
«[Одамлар] тайёр. Одамлар президентни, депутатни сайлайди. Президент — мамлакатнинг етакчиси, унинг алоҳида сиёсий иродаси бор, у йўналтиради ва ҳоказо. Агар халқ бундай одамни хатосиз танласа, унда нега халқ бошқа шахсларни танлаши мумкинлигига ишониш мумкин эмас», — дея қўшимча қилди парламент аъзоси.
Каналга обуна бўлинг
-
2021-04-29 07:57:43+00:00
Қирғиз-тожик чегарасида тўқнашувлар содир бўлди
28 апрель куни Тожикистон ва Қирғизистон чегарасида тўқнашувлар содир бўлди. Чегарадаги қишлоқлар аҳолиси ўртасидаги зиддият бир кун олдин Головной сув тақсимлаш пунктида бошланган. Эрталабгача у очиқ тўқнашувга айланган.
Тўқнашув иштирокчилари бир-бирларига тош отгани, бир неча маротаба ўқ узилгани ва умумий 11 киши жароҳатлангани айтилмоқда. Томонлар низо келиб чиқишида бир-бирларини айблашмоқда.
Тўқнашувда 100−150 киши иштирок этгани айтилмоқда.
Батафсил: https://www.gazeta.uz/uz/2021/04/29/kz-tj/?utm_source=push&utm_medium=telegram
Каналга обуна бўлинг
-
2021-04-29 07:26:11+00:00
Улуғбек Тошхўжаев Давлат персоналлаштириш марказининг директори этиб тайинланди
Ҳукумат қарори билан Улуғбек Тошхўжаев Вазирлар Маҳкамаси ҳузуридаги Давлат персоналлаштириш марказининг директори этиб тайинланди, дея хабар берди Адлия вазирлиги.
Ушбу лавозимда у февраль ойида Ички ишлар вазирининг ахборот технологиялари бўйича ўринбосари этиб тайинланган Нажмиддин Тўрахўжаевнинг ўрнини эгаллади.
Улуғбек Тошхўжаев 2021 йил январь ойининг охирига қадар Президентнинг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси ўринбосари лавозимида ишлаган.
Каналга обуна бўлинг
-
2021-04-29 07:14:17+00:00
Футбол бўйича Ўзбекистон Про лигасига Volkswagen ҳомийлик қилади
Дунёга машҳур Volkswagen бренди футбол бўйича Ўзбекистон Про лигаси ҳомийсига айланади.
Бу ПФЛ, «Жиззах Авто» ва UZREPORT TV ўртасида тузилган уч томонлама шартномадан сўнг амалга оширилди. Ҳужжатга кўра, Volkswagen бренди барча трансляциялар, тижорат баннерлари, шунингдек реклама ва медиа-маҳсулотлардан ўрин эгаллайди.
Volkswagen шунингдек ёзда бўлиб ўтадиган футбол бўйича Европа чемпионатининг расмий ҳомийси ҳисобланади. Компания Германия, Россия ва бошқа бир қатор мамлакатларнинг миллий футбол лигалари билан яқиндан ҳамкорлик қилади.
Маълумот учун, футбол бўйича Ўзбекистон Суперлигасига 2019 йилдан бери Coca-Cola компанияси ҳамкорлик қилади.
Каналга обуна бўлинг
-
2021-04-29 06:42:53+00:00
Тошкентда ЙТҲ га учраган Lacetti ҳайдовчиси воқеа жойида вафот этди
29 апрель куни соат 00:10 ларда, Тошкент шаҳар, Юнусобод тумани, Амир Темур кўчасида ҳайдовчи, Ж.Р. (1996 й.т.) Lacetti русумли автомобилда ҳаракатланаётиб ушбу кўчада жойлашган 107-уй рўпарасига етган вақтида йўлдан чиқиб кетиб, дарахтга урилган.
Оқибатда, ҳайдовчи 25 ёшли Ж.Р. оғир тан жароҳатлари олиб воқеа жойида вафот этган.
Мазкур ЙТҲ юзасидан Тошкент шаҳар ИИББ ТБ томонидан терговга қадар дастлабки суриштирув ҳаракатлари олиб борилмоқда.
Каналга обуна бўлинг
-
2021-04-29 05:25:00+00:00
Қашқадарё ва Сурхондарё вилояти ҳокимларига ўринбосарлар тайинланди
Нодир Эркаев Қашқадарё вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – вилоят иқтисодий тараққиёт ва камбағалликни қисқартириш бош бошқармаси бошлиғи лавозимига тайинланди. Бу ҳақда Қашқадарё вилояти ҳокимлиги матбуот хизмати хабар берди.
У бунгача Тошкент шаҳар давлат солиқ бошқармаси бошлиғининг биринчи ўринбосари вазифасида ишлаб келаётган эди.
Жўрабек Тўраев вилоят ҳокимининг туризм, спорт, маданият ва оммавий коммуникациялар масалалари бўйича ўринбосари этиб тайинланди. Бу ҳақда Сурхондарё вилояти ҳокимлиги матбуот хизмати хабар берди.
У бунгача вилоят ҳокимининг туризм ва спорт масалалари бўйича маслаҳатчиси лавозимида фаолият юритаётган эди.
Каналга обуна бўлинг
-
2021-04-29 05:15:01+00:00
Пуллар халққа бориши керак, амалдорларнинг чўнтагига эмас — Танзила Норбоева
Олий Мажлис Сенатининг раиси Танзила Норбоева 23 апрель куни парламент юқори палатасининг ялпи мажлисида ноқонуний харажатлар, камомад ва ўғирлик ҳамда бюджетдан самарасиз харажатлар ҳажми йилдан-илга тобора ўсиб бораётганини таъкидлади.
«Ҳисоб палатаси томонидан бундай ҳолатларнинг аниқланаётгани яхши. Лекин бошқа томондан, савол туғилаяпти, бюджет маблағларини ноқонуний сарфлаш шунчалик осонми? Буни, масалан, бартараф қилиш мумкин, бартараф қилинади, лекин эртага бошқа раҳбар келаяпти-да, бошқаси ҳам худди шуни давом эттираяпти. Балки имкон яратиб бераётган қандайдир механизмлар бордир? Балки қандайдир қонуний чораларни кўришимиз керакдир?» - деди Танзила Норбоева.
Батафсил: https://www.gazeta.uz/uz/2021/04/29/illegal-spending/?utm_source=push&utm_medium=telegram
Каналга обуна бўлинг
-
2021-04-29 05:03:04+00:00
Ўзбекистон президенти Туркманистонга боради
Бугун Ўзбекистон президенти Шавкат Мирзиёев амалий ташриф билан Туркманистонда бўлади, дея хабар қилди давлат раҳбари матбуот хизмати.
Туркманистон президенти Гурбангули Бердимуҳамедов билан икки томонлама учрашув ўтказилиши кўзда тутилган.
Музокаралар кун тартибидан Ўзбекистон ва Туркманистон ўртасидаги дўстлик, яхши қўшничилик ва стратегик шериклик муносабатларини янада мустаҳкамлаш масалалари ўрин олган.
Давлат раҳбарлари Туркманистон етакчисининг отаси хотирасига бағишланган тадбирларда иштирок этадилар.
Каналга обуна бўлинг
-
2021-04-29 04:59:42+00:00
Туркманистонда «президент имижини бузмаслик» учун дўконларда навбат ҳосил қилиш тақиқланди — ОАВ
Туркманистоннинг Турманобод шаҳрида давлат раҳбари «имижини бузмаслик» учун озиқ-овқат маҳсулотлари учун навбатлар тақиқланди. Мазкур тақиқ мамлакат президентининг ўғли, бош вазир ўринбосари Сердар Бердимуҳамедовнинг буйруғи билан жорий қилинди.
Янги қоидаларга кўра, фуқаролар дўконларда рўйхатдан ўтишлари ва озиқ-овқат сотиб олишлари учун қўнғироқни кутишлари керак. Туркманободда тўрт кишигача навбатда туришга рухсат берилди, қолганлари энг яқин подъездларда ўз вақтларини кутишлари керак.
«Товарлар, дўконнинг асосий кириш қисмидан эмас, балки орқа эшик орқали сотилади. Агар кимдир норозилик билдирмоқчи бўлса, полиция уни ҳибсга олиш ва жазо сифатида навбатдан олиб ташлаш билан таҳдид қилмоқда» — дейди Туркманободда истиқомат қилувчи фуқаро.
Батафсил: https://www.gazeta.uz/uz/2021/04/29/turkmenistan/?utm_source=push&utm_medium=telegram
Каналга обуна бўлинг
-
2021-04-28 16:30:01+00:00
Жаҳон янгиликлари дайжести
🇰🇿 Нурсултон Назарбоев Қозоғистон халқи Ассамблеясини бошқариш ҳуқуқини амалдаги президентга топширишга қарор қилди. Назарбоевга ассамблеянинг фахрий раиси бўлишга таклиф қилинди.
🇺🇸 AҚШга ишлаган афғонларга махсус виза дастури орқали Америкага кўчиб ўтиш имконияти берилиши мумкин.
🇸🇮 Словения пойтахтида ҳукумат истеъфоси учун оммавий митинг бўлиб ўтди.
🇷🇺 Россия Болтиқбўйи давлатлари ва Словакиянинг жами 7 нафар дипломатини мамлакатдан чиқариб юбориш ҳақида эълон қилди.
🇨🇾 Кипр ҳукумати «сармоя эвазига Европа Иттифоқи фуқаролиги» дастури доирасида ноқонуний равишда 3,5 мингта паспорт берган. Бунга ҳукуматнинг қонунларни нотўғри талқин қилганлиги сабаб бўлди.
🇫🇷 Франциянинг истеъфодаги ҳарбийлари мамлакат президентини ирқий уруш ва давлат тўнтариши хавфи ҳақида огоҳлантирди.
Батафсил: www.gazeta.uz/uz/2021/04/28/digest119/?utm_source=push&utm_medium=telegram
Каналга обуна бўлинг
-
2021-04-28 16:18:02+00:00
БухДТИда давлат харидларидаги қонунбузарликлар тасдиғини топди
Коррупцияга ва монополияга қарши курашиш идоралари Бухоро давлат тиббиёт институтида давлат харидлари жараёнида қонунбузарликларга йўл қўйилганини тасдиқлади.
Қайд этилишича, БухДТИ институт ректори, профессор Шуҳрат Жумаевич Тешаев ва ОТМда меҳнат шартномаси асосида ишлаган Елена Александрова Харибова муаллифлигидаги китобни сотиб олиш учун Bitubi Grupp компанияси билан бир қанча шартномалар имзолаган.
Шартномаларнинг умумий қиймати 1,4 млрд сўмни ташкил этган. Айрим шартномалар эса Bitubi Grupp ноширлик фаолияти учун лицензия олишидан аввалроқ имзоланган.
Шунингдек, институт хизмат машинасида ректорнинг қариндошлари олиб юрилиши натижасида ёқилғи харажатлари тасдиқланган лимитдан ошиб кетгани аниқланиб, етказилган зарар ректорлардан ундирилган.
Батафсил: https://www.gazeta.uz/uz/2021/04/28/bukhara-medical-institute/?utm_source=push&utm_medium=telegram
Каналга обуна бўлинг
-
2021-04-28 14:09:22+00:00
Метро тўхтаб қолгани юзасидан ишчи гуруҳ тузилди — Ўзбекистон темир йўллари АЖ
Тошкент метрополитенининг «Новза» бекати яқинида поезд вагони техник носозлик оқибатида тўхтаб қолди. «Ўзбекистон темир йўллари АЖ» ушбу ҳолат юзасидан муносабат билдирди.
Бугун соат 17:50 атрофида Тошкент метросининг Чилонзор йўналишида «Миллий боғ» ва «Новза» бекатлари оралиғида ҳаракатланаётган поезд техник сабабларга кўра тўхтади. Барча йўловчилар хавфсиз эвакуация қилинди. Пойтахт метрополитени алоҳида участкаларда битта йўлдан фойдаланган ҳолда фаолиятини давом эттирмоқда.
«Тошкент метрополитени» унитар корхонаси раҳбарияти йўловчилардан узр сўрайди ва вазиятни аниқлаб олиш учун тезкор равишда ишчи гуруҳ ташкил этилганини маълум қилади. Текширув натижалари расмий манбаларда жамоатчиликка эълон қилинади", — дейилади хабарда.
Каналга обуна бўлинг
-
2021-04-28 13:09:43+00:00
«Новза» метро бекати яқинида поезд тўхтаб қолди, йўловчилар бекатгача рельслардан юриб борган
Тошкент метрополитенининг «Новза» бекати яқинида поезд вагони техник носозлик оқибатида тўхтаб қолди. Ижтимоий тармоқларда метро йўловчилари бекат томон туннель бўйлаб пиёда кетишгани тўғрисида видео тарқалди.
Каналга обуна бўлинг
-
2021-04-28 13:00:01+00:00
«ПСЖ» — «Манчестер Сити». Европа Чемпионлар лигаси ярим финал ўйинига превью
28 апрель кечаси Европа Чемпионлар лигасининг ярим финал учрашувларидан иккинчи жуфтликнинг дастлабки ўйини ўтказилади. Ўйин олдидан жамоалар тайёргарлиги, уларнинг ярим финалга қандай етиб келганлиги ва ўйинчилар ҳолати ҳақида превьюни тақдим этамиз.
Превью: https://www.gazeta.uz/uz/2021/04/28/psj-mc/?utm_source=push&utm_medium=telegram
Каналга обуна бўлинг
-
2021-04-28 11:28:53+00:00
Тошкентдаги 107 та мактабда таълим онлайн шаклга ўтказилди
Бу ҳақда Тошкент шаҳар Халқ таълими бош бошқармаси бошлиғи Бахром Бакиев хабар берди.
Айни пайтда Халқ таълими бош бошқармаси тизимига Тошкентдаги 312 та умумтаълим мактаблари киритилган. Шулардан 107 тасида таълим онлайн шаклга ўтказилди.
Шунингдек, ҳозирги кунда Тошкент мактабларида 234 967 нафар ўқувчи анъанавий тарзда, 214 077 нафар ўқувчи масофадан туриб таълим олмоқда. Бу йил 68,3 мингга яқин ўқувчи мактабни битиради.
Карантинда бўлиб турган битирувчилар 14 кунлик карантиндан кейин тўртинчи чоракда давлат имтиҳонларини топширишади.
Карантинда бўлган мактаб ўқувчилари учун телевизион дарслар ташкил этилмоқда, шунингдек, баҳолар электрон журналга жойлаштирилиб борилмоқда.
Эслатиб ўтамиз, аввалроқ Самарқанд шаҳридаги барча мактаблар ва боғчалар карантинга олингани ҳақида хабар бергандик.
Каналга обуна бўлинг
-
2021-04-28 11:13:34+00:00
Долларнинг расмий курси яна пасайди
Долларнинг расмий курси 14 сўмга арзонлади ва жами 10 515 сўм этиб белгиланди. Шунингдек, евро курси ҳам пасайди, рубль эса кўтарилди.
Каналга обуна бўлинг
-
2021-04-28 10:30:01+00:00
Наманганда 2 ёшли бола машина тагида қолиб кетиб, вафот этди
25 апрель куни соат 12:45 ларда, Наманган шаҳрида яшовчи 1978 йилда туғилган фуқаро «KIA BONGO III» русумли автомашинасини Янгиқўрғон туманида якка тартибдаги хусусий тадбиркор бўлиб ишловчи, 1988 йилда туғилган фуқаронинг яшаш хонадонига ҳайдаб келган.
Ҳайдовчи автомашина юкхонасида бўлган музқаймоқларни тушириб, қайтиб кетиш мақсадида, транспорт воситасини орқа томонга ҳаракатлантирган вақтида, уйнинг орқа томонида бўлган уй эгасининг 2 ёшли ўғлини босиб юборган.
Натижада, бола воқеа жойида вафот этган.
Мазкур ҳолат юзасидан туман ИИБ ҳузуридаги ТБ томонидан Ўз.Р ЖКнинг 266-моддаси 2-қисми билан жиноят иши қўзғатилган.
Аввалроқ, Наманган вилоятида 8 ёшли бола, 5 ёшли қизалоқ ҳамда 6 ёшли бола ЙТҲ оқибатида вафот этгани ҳақида хабар берилган эди.
Каналга обуна бўлинг
-
2021-04-28 10:15:01+00:00
Антимонополия қўмитаси биржада пахта ёғини сотиб олишни чеклади
Монополияга қарши курашиш қўмитаси пахта ёғи ва чигит нархини шаклланиши устидан назоратни кучайтираяпти.
Ўрганишлар натижасида маҳаллий ишлаб чиқарувчилар томонидан «Рақобат тўғрисида»ги қонун бузилиш аломатлари борлиги аниқланди. Қўмита улар мавжуд вазиятдан фойдаланиб, уруғлар нархини асоссиз ошириб юбориши ёки бозорда унинг таъминотини сунъий равишда жиловлаши мумкин деб ҳисоблайди.
«Хусусан, қўмитада ташкил этилган ишчи гуруҳ томонидан товар бозорида ўзаро рақобатчи бўлган пахта-тўқимачилик кластерлари ва кооперациялари ўртасида келишиб олинган ҳаракатлар ва келишувлар бор ёки йўқлиги аниқлаштирилмоқда», — дейилади хабарда.
МҚКҚ пахта ёғи нархларининг ўсишини олдини олиш учун битта харидор томонидан пахта ёғини 3 тоннадан кўп бўлмаган миқдорда товар ва хом ашё биржасида сотиб олиш ҳажмини чеклади.
Батафсил: www.gazeta.uz/uz/2021/04/28/vegetable-oil/?utm_source=push&utm_medium=telegram
Каналга обуна бўлинг
-
2021-04-28 10:00:17+00:00
UzAuto Motors ўзининг илк еврооблигацияларини Лондон фонд биржасида жойлаштирди
27 апрель куни UzAuto Motors компанияси Лондон фонд биржасида 300 млн доллар миқдорида 5 йиллик муддатга RegS/144A форматидаги биринчи халқаро еврооблигацияларини жойлаштирди, дея хабар берди Молия вазирлиги матбуот хизмати.
22-26 апрель кунлари халқаро облигацияларини муомалага чиқариш бўйича роуд-шоу бўлиб отди ва Молия вазирлиги ҳамда UzAuto Motors вакиллари томонидан хорижий инвесторларга тақдимотлар қилинди.
Инвесторларнинг таклифларига асосланган молиявий консультантлар – андеррайтерларнинг тавсиясига кўра, UzAuto Motors АЖнинг бошланғич фоиз ставкаси 5,375% атрофида этиб белгиланди ва Лондон вақти билан соат 08:15 да буюртмалар китоби очиқ деб эълон қилинган.
Батафсил: https://www.gazeta.uz/uz/2021/04/28/uzautomotors/?utm_source=push&utm_medium=telegram
Каналга обуна бўлинг
-
2021-04-28 09:03:32+00:00
Фарғонада электромобиллар йиғилиши режалаштирилган
«Фарғона» кичик саноат зонасида электромобилларни йиғиш йўлга қўйилиши кутилмоқда. Бу ҳақда сешанба куни президент раислигида бўлиб ўтган йиғилишдаги тақдимотда айтилган. Бунга «Газета.uz» эътибор қаратди.
Лойиҳани Central Asia Ceramic (керамик маҳсулот, сантехника ишлаб чиқарувчи) компанияси томонидан амалга оширилиши режалаштирилган. 520 млрд сўм қийматга эга объектнинг ишга туширилиш вақти 2021 йилнинг ноябрь ойига белгиланган. Ишлаб чиқариш қуввати йилига 30 минг дона автомобилга тенг бўлади, 350 та янги иш ўрни яратилади.
Батафсил: https://www.gazeta.uz/uz/2021/04/28/e-cars/?utm_source=push&utm_medium=telegram
Каналга обуна бўлинг
-
2021-04-28 08:37:40+00:00
Сенат тўхташ ёки тўхтаб туриш қоидаларини бузганлик учун жаримани камайтиришни маъқуллади
24 апрель куни бўлиб ўтган ялпи мажлисда Олий Мажлис Сенати Маъмурий жавобгарлик тўғрисидаги кодексга баъзи йўл ҳаракати қоидаларини бузганлик учун жарима миқдорини камайтиришни назарда тутувчи ўзгартиришлар киритиш тўғрисидаги қонунни маъқуллади.
Ўзгаришлар тўғрисида батафсил: https://www.gazeta.uz/uz/2021/04/28/yth/?utm_source=push&utm_medium=telegram
Каналга обуна бўлинг
-
2021-04-28 08:25:00+00:00
Эркин иқтисодий ва кичик саноат зоналари инфратузилмасини яхшилашга 1,6 трлн сўм ажратилади
Президент сешанба куни эркин иқтисодий зоналар ва кичик саноат зоналарида амалга оширилаётган инвестиция лойиҳалари муҳокамаси юзасидан йиғилиш ўтказди.
«Тадбиркорлар жуда катта умид билан ЭИЗ ва КСЗларда қийин масала бўлган инфратузилмани ҳал бўлишини кутиб ўтирибди. Шунинг учун Ўзбекистон тарихида биринчи марта зоналарга 1,6 трлн пул ажратилди. Бу — йўл инфратузилмаси, электр энергия, газ ва сув таъминоти, умуман, нимаики лозим бўлса ўша масалаларни жой-жойига қўйиш бўйича чора-тадбирларни кўриш керак», — деди у.
Йиғилишда импортни қисқартириш лозимлиги ҳам айтилди.
«Энг катта йўналиш импортни қисқартириш, шу билан бирга, рақобатбардош маҳсулот ишлаб чиқариш. Қайси туманга қандай лойиҳа тўғри келишини аниқлаб беришимиз керак. Яккаю ягона тўғри йўлни топишимиз керак. Бу тузилмага ҳамма стандартни қўшишимиз лозим. Стандарт бўлмаса экспорт бўлмайди», — деди президент.
Каналга обуна бўлинг
-
2021-04-28 08:05:00+00:00
Бухоро халқаро аэропорти раҳбари ўзгарди
28 апрель куни Uzbekistan Airports АЖ бошқарув раиси Раъно Жўраева ва бошқарув кенгаши аъзолари раҳбарлигида «Бухоро» халқаро аэропорти раҳбарияти иштирокида бўлиб ўтган йиғилишда аэропорт директорини алмаштириш ва директор вазифасини вақтинча бажарувчисини тайинлаш тўғрисида қарор қабул қилинди. Бу ҳақда Транспорт вазирлиги матбуот хизмати хабар берди.
Унга кўра, Жахонгир Раҳимов Бухоро халқаро аэропорти директори этиб тайинланди. У Бухоро халқаро аэропортида 20 йил давомида ишлаган.
Унга янги штат жадвалини жорий этиш ва "Ўзбекистон аэропортлари" АЖ раҳбарияти билан келишилганидан сўнг асосий лавозимларга менежерларни тайинлаш тўғрисида кўрсатма берилди.
Каналга обуна бўлинг
-
2021-04-28 07:55:25+00:00
Давлат идораларига мурожаат ўзбек тилида бўлиши кераклиги ҳақидаги таклиф Қонунчилик палатасида маъқулланмади
«Миллий тикланиш» фракцияси раҳбари Алишер Қодировнинг хабар беришича, давлат идораларига мурожаатлар давлат тилида бўлиши, бошқа тилда бўлса давлат тилига таржимаси илова қилиниши ва мурожаатларга жавоблар давлат тилида бўлиши кераклиги ҳақидаги таклиф қуйи палатада маъқулланмаган.
Депутат Дониёр Ғаниев давлат тили ўз номи билан давлатнинг фуқаролар билан расмий мулоқот тили бўлиши кераклигини таъкидлади. «Фуқароларнинг давлат органлари билан расмий мулоқоти давлат тилида бўлиши муҳим. Акс ҳолда давлат тилини тушуниш ва ўрганиш эҳтиёжи ҳеч қачон яратилмайди», — дейди у.
Шунингдек, у давлат тили тўғрисидаги қонуннинг ижросини таъминлашнинг самарали механизмини ишлаб чиқиш кераклигини айтди.
Батафсил: https://www.gazeta.uz/uz/2021/04/28/state-language/?utm_source=push&utm_medium=telegram
Каналга обуна бўлинг
-
2021-04-28 07:42:18+00:00
АҚШда коронавирусга қарши тўлиқ эмланганларга ниқоб тақмасликка рухсат берилди
АҚШ президенти Жо Байден сешанба куни COVID-19'га қарши тўлиқ эмланган америкаликларга ниқобсиз кўчага чиқиши мумкинлигини эълон қилди, дея хабар бермоқда The Guardian.
Шунингдек, касалликларни назорат қилиш ва олдини олиш марказлари (CDC) ҳам тўлиқ эмланган одамлар унчалик катта бўлмаган гуруҳларда ниқобсиз юриш, велосипедда ҳаракатланиш, мулоқот қилиш ёки очиқ ҳавода овқатланишлари мумкинлиги тўғрисида кўрсатмаларни янгилашди. Бироқ, концертларга, спорт мусобақаларига, шунингдек сартарошхоналарга, кинотеатрларга, музейларга, савдо марказларига ташриф буюрганда, барибир ниқоб тақиш талаб қилинади.
Батафсил: https://www.gazeta.uz/uz/2021/04/28/mask/?utm_source=push&utm_medium=telegram
Каналга обуна бўлинг
-
2021-04-28 07:03:18+00:00
Наманганда велосипедчини уриб юбориб, қочиб кетган ҳайдовчи топилди
Ҳодиса 27 апрель куни соат 13:00ларда, Наманган вилояти, Норин тумани, «Тўлқин» МФЙ ҳудудидан ўтувчи 4К-433 автомобиль йўлининг 3-километрида велосипедда ҳаракатланиб кетаётган, 1980 йилда туғилган А.Т.ни «KIA» русумли автомобилда уриб юборган ҳайдовчи биринчи тез тиббий ёрдам кўрсатмасдан воқеа жойидан кетиб қолган.
Велосипедчи тан жароҳати билан шифохонага олиб кетилган.
Наманган вилояти ИИБ ЙҲХБ ходимлари томонидан олиб борилган тезкор суриштирув ишлари натижасида «KIA» русумли автомобиль ва уни бошқарган ҳайдовчи, 1965 йилда туғилган С.Х. топилган.
Мазкур ЙТҲ юзасидан Норин тумани ИИБ ТБ томонидан дастлабки суриштирув ҳаракатлари олиб борилмоқда.
Каналга обуна бўлинг
-
2021-04-28 06:50:00+00:00
Ўзбекистонда коронавирусга қарши эмланганлар сони 600 мингдан ошди
Ўзбекистон бўйлаб коронавирусга қарши эмланганлар сони 600 379 нафарга етди. 27 апрель куни мамлакат ҳудудлари бўйлаб жами 34 445 нафар киши COVID-19 га қарши эмланди, дея хабар бермоқда ССВ матбуот хизмати.
Эмланганларнинг юқори кўрсаткичи Фарғона (80 874 киши), Наманган (62 275) ва Самарқанд (60 543) вилоятларида қайд этилди.
Тошкентда 41 238 киши коронавирусга қарши эмланди, 27 апрель куни — 2375 кишини ташкил этди.
Каналга обуна бўлинг
-
2021-04-28 06:40:00+00:00
Абитуриентлар учун намунавий тест саволлари эълон қилинди
Давлат тест маркази 2021 йил кириш имтиҳонлари учун намунавий тест саволларини эълон қилди.
Барча фанлардан намунавий тест саволларини қуйидаги ҳаволада юклаб олса бўлади: https://dtm.uz/page/namuna_2021
Каналга обуна бўлинг
-
2021-04-28 06:30:01+00:00
Боғча ходимлари, ўқитувчилар ва сурункали касаллиги бор фуқароларни коронавирусга қарши эмлаш бошланди
Ўзбекистонда 27 апрелдан бошлаб ўрта мактаб ўқитувчилари, мактабгача таълим муассасалари ходимлари ҳамда сурункали касаллиги бор фуқаролар ҳам вакцинация жараёнларига жалб қилинди, дея хабар берди Соғлиқни сақлаш вазирлиги ахборот хизмати.
Шу куннинг ўзида:
▪️ 9343 нафар ўқитувчи,
▪️ 5298 нафар мактабгача таълим муассасалари ходимлари,
▪️ 2845 нафар сурункали касаллиги борлар корнавирусга қарши вакцина қабул қилган.
Илк кунда мактаб ўқитувчиларининг 22 фоизи AstraZeneca, 78 фоизи ZF-UZ-VAC2001 билан эмланган бўлса, мактабгача таълим муассасалари ходимларида бу кўрсаткич мос равишда 11 ва 89 фоизни, сурункали касаллиги борларда эса 23 ва 77 фоизни ташкил этган.
Маълумот учун, Ўзбекистонда шу пайтгача 65 ёш ва ундан катта фуқаролар ҳамда тиббиёт ходимлари эмланаётган эди.
Каналга обуна бўлинг
-
2021-04-28 06:24:00+00:00
Наманганда 6 ёшли бола ЙТҲ оқибатида вафот этди
25 апрель куни соат 15:30 ларда, Наманган шаҳар Олвализор МФЙ Марғилон кўчасида ВАЗ-2106 русумли автомашинани бошқариб кетаётган ҳайдовчи ҳаракат хавфсизлигини таъминлай олмай, йўлга бирданига югуриб чиқиб юборган 2015 йилда туғилган болани уриб юборган.
Натижада, пиёда олган тан жароҳати оқибатида шифохонада вафот этган.
Ҳолат бўйича Наманган шаҳар ИИО ФМБ ҳузуридаги ТБ томонидан Ўз.Р ЖКнинг 266-моддаси 2-қисми билан жиноят иши қўзғатилган.
Каналга обуна бўлинг
-
2021-04-28 06:15:06+00:00
Фуқароларга ҳам Конституциявий судга мурожаат этишга рухсат берилди
Президент «Ўзбекистон Республикасининг Конституциявий суди тўғрисида»ги қонунни имзолади.
Қонун билан, Конституциявий суд конституциявий ҳуқуқ ва эркинликлари муайян ишда қўлланилган ва Конституцияга мувофиқ бўлмаган қонунда бузилган деб ҳисобловчи фуқаролар ҳамда юридик шахсларнинг шикоятларини ҳам кўриб чиқиши белгиланди.
Конституциявий суд судьялари таркиби икки нафарга кўпайиб, 9 кишига етди.
Конституциявий судга мурожаат қилиш ҳуқуқига эга бўлган субъектлар қаторига қуйидагилар киритилди:
✅ Инсон ҳуқуқлари бўйича вакил (омбудсман) ўринбосари — Бола ҳуқуқлари бўйича вакил;
✅ Инсон ҳуқуқлари бўйича Ўзбекистон Республикасининг Миллий маркази;
✅ Президент ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил.
Батафсил: https://www.gazeta.uz/uz/2021/04/28/sud/?utm_source=push&utm_medium=telegram
Каналга обуна бўлинг
-
2021-04-28 05:28:17+00:00
Наманганда хотинини кетмон билан калтаклаган эркакка жиноий иш қўзғатилди
Наманган вилоятида шаръий турмушдаги хотинини мунтазам қийнаб, дўппослаб келган фуқаро А.Худайбердиевга нисбатан жиноий иш қўзғатилди.
Судга оид тиббий экспертизада жабрланувчининг танасида енгил тан жароҳатлари аниқланган. 27 апрель куни фуқаро А.Худойбердиевг ЖПКнинг 221-моддаси тартибида ушланди.
Ижтимоий тармоқларда эр хотинини арқон билан боғлаб, кетмон дастаси сингунча калтаклаганлиги айтилмоқда.
Батафсил: https://www.gazeta.uz/uz/2021/04/28/violence/?utm_source=push&utm_medium=telegram
Каналга обуна бўлинг
-
2021-04-28 05:16:04+00:00
Туризм ва спорт вазирига янги ўринбосар тайинланди
Ўткир Саидов Туризм ва спорт вазирининг зиёрат туризми бўйича ўринбосари лавозимига тайинланди. Бу ҳақда вазирлик матбуот котиби хабар берди.
У мазкур тайинловга қадар вазирнинг маънавий-маърифий масалалар ва давлат тили бўйича маслаҳатчиси эди. Ўткир Саидов 2017 йилдан буён Туризмни ривожлантириш давлат қўмитасида турли лавозимларда фаолият юритиб келган.
Каналга обуна бўлинг
-
2021-04-28 04:55:46+00:00
4 та ОТМ вақтинчалик масофавий таълимга ўтказилди
Талабалар орасида коронавирус билан касалланиш ҳолатлари аниқланганлиги сабабли 4 та ОТМ:
◼️ Тошкент давлат иқтисодиёт университети Самарқанд филиали;
◼️ Тошкент давлат аграр университети;
◼️ Самарқанд Ветеренария медицинаси институти Тошкент филиали;
◼️ Тошкент ирригация ва қишлоқ хўжалигини механизациялаш муҳандислари институти «Газета.uz»га ОТМ 14 кунга масофавий таълим тизимига ўтганини тасдиқлади.
Каналга обуна бўлинг
-
2021-04-28 04:10:00+00:00
Тошкентда уч йигит жарима сабабли радарни «жазолашди»
23 апрель куни Тошкентнинг Яккасарой туманида ИИББ ходимлари Spark машинасида радар ўрнатилган устун олдига келиб тўхтаб, унга тош отишни бошлаган уч йигитни қўлга олди. Яккасарой тумани ИИО ФМБга етказилган шахсларнинг 22 ёшли Жаҳонгир М. (ҳайдовчи), 23 ёшли Шавкатжон М. ва 23 ёшли Ахрор Ш. экани аниқланди.
Суҳбат давомида аниқланишича, ҳодисадан бир оз аввалроқ Жаҳонгир М. тезликни оширгани учун 1,225 млн сўм жаримага тортилган. Сўнгра у ўртоқлари билан радардан “аламларини олишга” қарор қилган.
Ҳолат юзасидан МЖТКнинг 183-моддаси (“Майда безорилик”) бўйича баённома расмийлаштирилди. Жазо тўғрисидаги ҳукм суд томонидан чиқарилади.
Каналга обуна бўлинг
-
2021-04-27 18:13:40+00:00
Нурафшондаги портлаш сабаби маълум қилинди
«Ҳудудгазтаъминот» 27 апрель куни Нурафшоннинг (Тошкент вилояти) «Обод турмуш» маҳалласи «Шон-шуҳрат» кўчасидаги икки қаватли уйда содир бўлган портлаш сабабини маълум қилди.
«Ўрганишлар жараёнида, маиший эҳтиёж учун табиий газни ўғирлаш натижасида 2 қаватли бинодаги уйлардан бирининг хонасида табиий газ тўпланиши содир бўлганлиги аниқланди. Хонадон эгаси ҳисоблагични олиб ташлаб, газ қувурларини канализация сифони орқали улаб қўйиши, табиий газ сизиб чиқишига сабаб бўлган», - дейилади хабарда.
Аввал хабар қилинганидек, газ-ҳаво аралашмаси чақнаши натижасида бир киши вафот этди.
Каналга обуна бўлинг
-
2021-04-27 17:42:38+00:00
Садир Жапаров — Кампир-Обод сув омборининг бир қисми Ўзбекистонга берилишига қарши митинглар тўғрисида
Қирғизистон президенти Садир Жапаров 26 апрель куни АКИпрессга берган интервюсида Кампир-Обод сув омборининг бир қисми Ўзбекистонга берилишига қарши митинглар ҳақида фикр билдирди.
«Ҳозир музокараларнинг бошланиши. Ҳеч қандай ҳужжат имзоланмаган. У тўрт босқичдан ўтади, шундан кейингина имзоланади. Биринчидан, комиссия протоколни кўриб чиқади, кейин президентларга етказади, улар кўриб чиқади ва парламентга юборади, парламент уни тасдиқлайди ва президентга қайтариб юборади, президент имзолагандан кейингина кучга киради. Биз музокаралар олиб боряпмиз ва буни давом эттирамиз», деди у.
Унинг сўзларига кўра, чегараларни делимитация ва демаркация қилиш комиссиясига маҳаллий аҳолини қўшиш режалаштирилмоқда.
Батафсил: https://www.gazeta.uz/uz/2021/04/27/borders/?utm_source=push&utm_medium=telegram
Каналга обуна бўлинг
-
2021-04-27 17:14:40+00:00
Жаҳон янгиликлари дайжести
📡 Россия ва Тожикистон бирлашган ҳаво ҳужумидан мудофаа тизимини яраташни режалаштирмоқда. Россия Тожикистонни қурол-аслаҳа ва техника билан таъминлаши, ҳамда мамлакат ҳарбий университетларида Тожикистон армияси учун малакали кадрларни бепул тайёрлаши айтилмоқда.
🇧🇾 Беларусда «давлатга нисбатан дўстона муносабатда бўлмаган мамлакатлар» компанияларининг товарларини сотиш учун маъмурий жавобгарлик жорий этилди. Тақиқ муддати 6 ой давом этади.
🇮🇳 ЖССТ Ҳиндистонга коронавирус билан курашишда ёрдам бериш учун 2,6 минг ходимини юборди.
🏛 Жефф Безоснинг Blue Origin компанияси SpaceX’нинг Ойга одам юбориш танловида ғолиб бўлгани учун норозилик билдирди.
🌐 БМТнинг маълум қилишича, дунё бўйлаб тахминан 3,7 млрд одам интернетга уланмаган, бу эса тенгсизликнинг янги турини келтириб чиқармоқда.
Батафсил: www.gazeta.uz/uz/2021/04/27/digest118/?utm_source=push&utm_medium=telegram
Фото: Сергей Шойгу ва Шерали Мирзо
Каналга обуна бўлинг
-
2021-04-27 13:14:01+00:00
«Реал Мадрид» — «Челси». Европа Чемпионлар лигаси ярим финал ўйинига превью
27 ва 28 апрель кечалари Европа Чемпионлар лигасининг ярим финал учрашувлари дастлабки ўйинлари ўтказилади. Бугун бўлиб ўтиши режалаштирилаётган ўйин олдидан жамоалар тайёргарлиги, уларнинг ярим финалга қандай етиб келганлиги ва ўйинчилар ҳолати ҳақида превьюни тақдим этамиз.
Превью: https://www.gazeta.uz/uz/2021/04/27/semi-final/?utm_source=push&utm_medium=telegram
Каналга обуна бўлинг
-
2021-04-27 13:00:00+00:00
1 майдан нималар ўзгаради?
💰 Халқаро имтиҳон тизимларида юқори балл тўплаган ёшларга харажатлари қоплаб берилади.
📄 Баъзи шахсларга Ўзбекистон фуқаролиги берилади.
🌻 Ўсимлик ёғи импортига ҚҚС бекор қилинади ва ушбу маҳсулотга нисбатан экспорт божи жорий этилади.
🏢 Ижарада яшайдиган талабаларга ижара тўловининг 50 фоизи давлат томонидан қоплаб берилади.
🗃 «Ижтимоий ҳимоя ягона реестри» АТда рўйхатга олинган фуқароларнинг кредитлари бўйича кафиллик берилади.
🏦 Бюджет харажатларининг 5 фоизи жамоатчилик фикри асосида шакллантирилган тадбирларни молиялаштиришга йўналтирилади.
✂️ Давлат ҳокимияти ва бошқаруви органлари тузилмаси мақбуллаштирилади.
🟢 Бюрократик тўсиқларни қисқартириш бўйича қўшимча чора-тадбирлар жорий этилади.
♻️ Экологик хавфли маҳсулотлар мажбурий сертификатлаштирилади.
🏗 Қурилиш соҳасида электрон техник паспортлар жорий этилади.
Батафсил: www.gazeta.uz/uz/2021/04/27/1-may/?utm_source=push&utm_medium=telegram
Каналга обуна бўлинг
-
2021-04-27 12:09:51+00:00
2021 йил бошидан бери Ўзбекистондан 4 минг киши кўчиб кетди
Январь-март ойларида Ўзбекистондан жами 4094 киши бошқа мамлакатларга доимий яшаш учун жўнаб кетган, дея хабар бермоқда Spot.uz Давлат статистика қўмитаси маълумотларига асосланган ҳолда. Ушбу сонлар вақтинчалик миграция кўрсаткичларига тегишли эмас.
Кўчиб кетганларнинг кўпчилиги Қозоғистонга тўғри келади — 3 372 киши. Иккинчи ўринда эса Россия — 526. Шунингдек, 60 киши Исроилга, 24 киши Қирғизистонга, 9 киши Тожикистонга, яна 103 киши бошқа мамлакатларга кўчиб кетишди.
Ўзбекистонга эса йил бошидан бери 578 киши кўчиб келган. Бу ерда ҳам Қозоғистон биринчи ўринда (210 киши), Тожикистон иккинчи ўринда (137 киши), Россия учинчи ўринда (99 киши). Шунингдек 27 киши Қирғизистондан, 21 киши Туркманистондан, яна 84 киши бошқа мамлакатлардан кўчиб келишган.
Батафсил: https://www.gazeta.uz/uz/2021/04/27/migration/?utm_source=push&utm_medium=telegram
Каналга обуна бўлинг
-
2021-04-27 11:28:23+00:00
Спутник V вакцинаси билан эмланиш бепул — СЭС
Ижтимоий тармоқларда «Спутник V» вакцинаси билан эмлашнинг нархи 500 минг сўмгача эканлиги ҳақидаги хабарлар тарқалмоқда.
«Спутник V» вакцинаси пуллик бўлмайди. Бу маълумот ҳақиқатга тўғри келмайди. Биз «Спутник V» вакцинасини билан эмлашни бошлашни энди режалаштираяпмиз», — деди Санитария-эпидемиология хизмати матбуот котиби «Газета.uz»га.
Биринчи босқичда вакцина билан 65 ёшдан катталар ва тиббиёт ходимлари олишади.
27 апрель куни Ўзбекистонга «Спутник V» вакцинасининг иккинчи партияси 50 минг дозада олиб келинди. Биринчи партия 23 апрель куни олиб келинган, қанча дозада эканлиги маълум қилинмаган.
Батафсил: https://www.gazeta.uz/uz/2021/04/27/sputnik/?utm_source=push&utm_medium=telegram
Каналга обуна бўлинг
-
2021-04-27 11:09:07+00:00
Долларнинг расмий курси пасайди
Долларнинг расмий курси 18 сўмга арзонлади ва жами 10 529 сўм этиб белгиланди. Шунингдек, евро ва рубль курслари ҳам бироз пасайди.
Каналга обуна бўлинг
-
2021-04-27 10:57:38+00:00
«Истиқлол» қўрғончасида қурилиши режалаштирилган янги мактаб 1 сентябрь куни фойдаланишга топширилади, дея хабар берди Қашқадарё вилояти ҳокимлиги матбуот хизмати.
Вилоят ҳокими Зойир Мирзаев марҳума Д. Э.нинг вафоти муносабати билан унинг оила аъзоларига ҳамдардлик билдириб, вазиятни тўлиқ назоратга олганини ҳамда янги мактаб қурилиши август ойида якунланишини маълум қилди.
Каналга обуна бўлинг
-
2021-04-27 10:28:41+00:00
Чироқчида 7 ёшли боланинг ўлими сабаб аёллар йўлни тўсиб қўйди
Қашқадарё вилоятининг Чироқчи туманида 23 апрель куни бир гуруҳ аёллар Хўжаобод қишлоғидан ўтувчи Қарши—Самарқанд автомобиль йўлини тўсиб қўйишди. Ҳолат акс этган сурат ижтимоий тармоқларда тарқалди.
Туманнинг «Қумдарё» маҳалласи Оқтунли қишлоғида яшовчи аёллар фарзандлари қўшни қишлоқдаги мактабга бориш учун қийналаётгани, борадиган йўлнинг хавфли эканини билдириб, машиналар ҳаракатланишига қаршилик кўрсатишган.
Маълум бўлишича, 21 апрель куни йўлни пиёдалар йўлакчаси орқали кесиб ўтаётган вояга етмаган, Чироқчи тумани «Хўжаобод» маҳалласида яшовчи, 1-синф мактаб ўқувчиси, Д.Э.ни (2014 й.т.) юк машинаси уриб юборган. Оқибатда вояга етмаган Д.Э. оғир тан жароҳати олиб, шифохонада вафот этган.
Аёллар туман раҳбарларидан «Қумдарё» маҳалласи ҳудудидаги мактабнинг қурилишини тезлаштиришни талаб қилиб, йўлни тўсишган.
Батафсил: https://www.gazeta.uz/uz/2021/04/27/chiroqchi/?utm_source=push&utm_medium=telegram
Каналга обуна бўлинг
-
2021-04-27 09:54:15+00:00
❗️Давлат солиқ қўмитаси Расул Кушербаевни судга берди
Давлат солиқ қўмитаси ва унинг таркибий бўлинмалари ходимлари Бирлашган касаба уюшмаси Олий Мажлис Қонунчилик палатаси депутати Расул Кушербаев устидан Фуқаролик ишлари бўйича Шайхонтоҳур туманлараро судига даъво аризаси киритди. Бу ҳақда «Газета.uz»га Давлат солиқ қўмитаси матбуот хизмати хабар берди.
Қўмитанинг хабарига кўра, бунга «Расул Кушербаевнинг Human.uz ахборот порталидаги „Сўз блогерларга“ кўрсатувининг 23 февралдаги сонида айтган ҳақоратомуз сўзлари» сабаб бўлган.
Қўмита депутат ўзининг сўзларига раддия бериши ва кечирим сўраши лозимлигини айтган. Депутатнинг ҳатти-ҳаракатлари солиқ органларига 4,6 млрд сўм миқдорида зарар етказганлиги даъво қилинмоқда.
Батафсил: https://www.gazeta.uz/uz/2021/04/27/dsq-kusherbayev/?utm_source=push&utm_medium=telegram
Каналга обуна бўлинг
-
2021-04-27 09:44:17+00:00
Юсуп Кабулжанов Ташқи ишлар вазирлигининг расмий вакили этиб тайинланди
2021 йилнинг 27 апрель куни Ташқи ишлар вазири Абдулазиз Камилов ТИВ Ҳайъатининг кенгайтирилган мажлисида Вазирнинг ахборот сиёсати масалалари бўйича маслаҳатчиси, Ташқи ишлар вазирлиги матбуот котиби — Вазирлик расмий вакили лавозимига тайинланган Юсуп Кабулжановни таништирди, дея хабар бермоқда ТИВ матбуот хизмати.
Ушбу лавозимда у ТИВ матбуот котиби сифатида 2020 йил мартидан бери ишлаган Авазбек Ходиметовни алмаштирди.
У бунга қадар 2018−2021 йилларда Ўзбекистоннинг Новосибирск шаҳридаги (Россия Федерацияси) Бош консули сифатида фаолият юритган.
Каналга обуна бўлинг
-
2021-04-27 09:24:40+00:00
Яна 1 млн доза ўзбек-хитой вакцинаси олиб келинди
Ўзбекистонга яна 1 миллион доза миқдорда Zhifei Longcom Biopharmaceutical Co. Ltd компанияси томонидан ўзбекистонлик мутахассислар ҳаммуаллифлигида яратилган ZF-UZ-VAC2001 вакцинаси Хитойдан олиб келинди, дея хабар берди Соғлиқни сақлаш вазирлиги.
Ушбу вакцинанинг 1 миллион дозалик аввалги партияси 27 март куни келтирилган эди.
ССВ хабарига кўра, айни пайтгача эмланган 565 минг нафардан ортиқ аҳолининг 46 фоизи, яъни 263 минг нафардан ортиғи ZF-UZ-VAC2001 билан эмланган.
ZF-UZ-VAC2001 билан эмланиш 65 ёш ва ундан катта ёшдаги эмланивчилар орасида 148 минг нафардан ортиқни, тиббиёт ходимлари орасида 114 минг нафардан ортиқни ташкил қилган.
Эслатиб ўтамиз, бундан аввал “Спутник V” вакцинасининг иккинчи партияси келтирилгани ҳақида хабар берилган эди.
Каналга обуна бўлинг
-
2021-04-27 09:13:01+00:00
Daryo мухбирига таҳдид қилган ИИБ ходимига «қаттиқ ҳайфсан» берилди
Қашқадарё вилояти Ички ишлар бошқармаси 16 апрель куни Қарши шаҳрида ички ишлар органлари ходимлари ва Daryo мухбири Отабек Қўлдошев иштирокида содир бўлган воқеани ўрганишни якунлади.
Вилоят ички ишлар бошқармаси ушбу воқеа иштирокчиси Қарши шаҳар ИИО ФМБ бошлиғининг ўринбосари Азамат Шаймардановга аниқланган қонунбузарликларни ҳисобга олиб, унга «қаттиқ ҳайфсан» берилган.
Журналистни ИИБга олиб борган профилактика инспектори ва ППХ батальони бўлинма командири ИИВнинг амалдаги меъёрий буйруқлари талаблари асосида ҳаракат қилганлиги маълум қилинди.
Батафсил: https://www.gazeta.uz/uz/2021/04/27/daryo-korrespondent/?utm_source=push&utm_medium=telegram
Каналга обуна бўлинг
-
2021-04-27 08:52:54+00:00
Самарқандда спиртли ичимлик ичиб машина ҳайдаган фуқаро ЙПХ ходимларига қаршилик кўрсатди
Ижтимоий тармоқда «Пахтачида ЙПХ ходимлари фуқарони уриб олиб кетишмоқда» сарлавҳаси остида видео лавҳалар тарқалди.
Унга кўра ЙПХ ходимлари хизмат машинасида фуқарони олиб кетаётгани акс этган. Мазкур ҳолат юзасидан ИИВ ЙҲХББ изоҳ берди.
Батафсил: https://www.gazeta.uz/uz/2021/04/27/alcohol/?utm_source=push&utm_medium=telegram
Каналга обуна бўлинг
-
2021-04-27 08:37:02+00:00
Нурафшонда газ портлаши оқибатида бир киши ҳалок бўлди
Бугун, 27 апрель куни соат 11:40 да Тошкент вилояти Нурафшон шаҳрида, «Обод турмуш» МФЙда жойлашган икки қаватли уйда газ-ҳаво аралашмасининг чақнаши содир бўлди, дея хабар бермоқда ФВВ ахборот хизмати.
Оқибатда ҳодиса сабабли бир нафар фуқаро вафот этган. Шунингдек, бинонинг 2-қаватига жиддий зарар етган.
Мазкур ҳолатнинг табиий газнинг сизиб чиқишидан келиб чиққанлиги тахмин қилинмоқда.
«Айни дақиқаларда Фавқулодда вазиятлар вазирлиги қутқарувчилари воқеа жойида ишламоқда. Мазкур вазият юзасидан қўшимча маълумотлар вазирликнинг расмий манбалар орқали бериб борилади», — дейилади хабарда.
Каналга обуна бўлинг
-
2021-04-27 08:00:00+00:00
3 та ОТМ вақтинчалик масофавий таълимга ўтказилди
Талабалар орасида коронавирус билан касалланиш ҳолатлари аниқланганлиги сабабли 3 та ОТМ:
◼️ Фарғона давлат университети;
◼️ Гулистон давлат университети;
◼️ Муҳаммад ал-Хоразмий номидаги Тошкент ахборот технологиялари университети (ТАТУ) 14 кунга масофавий таълим тизимига ўтди.
Каналга обуна бўлинг
-
2021-04-27 07:47:27+00:00
Ҳудудий бошқармаларда уй-жойларни таъмирлаш жамғармалари ташкил этилади
26 апрель куни президент Шавкат Мирзиёев кўп қаватли уйларни бошқариш тизимини такомиллаштиришга бағишланган тақдимот билан танишди. Бу ҳақда президент матбуот хизмати хабар берди.
Бугунги кунда Ўзбекистонда 37 402 та кўп қаватли уй, уларда 1,3 миллиондан ортиқ хонадон бор. Бу уйларнинг 68 фоизига ширкатлар, 24 фоизига бошқарув компаниялари хизмат кўрсатади, 8 фоиз уйлар эса мулкдорлар томонидан умуман бошқарилмайди.
Уй-жой мулкдорлари ширкатлари 4 430 та бўлиб, шундан атиги 1 350 таси ёки 30 фоизи яхши ишлайди, қолгани ўрта ва оғир шароитда, дейилади хабарда.
Уй-жой коммунал хизмат кўрсатиш вазирлигининг ҳудудий бошқармалари ҳузурида Кўп квартирали турар жой фондини шакллантириш режалаштирилган.
Батафсил: https://www.gazeta.uz/uz/2021/04/27/houses/?utm_source=push&utm_medium=telegram
Каналга обуна бўлинг
-
2021-04-27 06:57:54+00:00
Ўзбекистонга «Спутник V» вакцинасининг иккинчи партияси олиб келинди
Соғлиқни сақлаш вазирлиги матбуот хизматининг хабарига кўра, 27 апрелга ўтар кечаси Ўзбекистонга коронавирусга қарши «Спутник V» вакцинасининг яна бир партияси етиб келди.
Россиянинг Ўзбекистондаги элчихонасининг маълум қилишича, етказиб берилган навбатдаги вакциналар партияси 50 минг дозадан иборат бўлиб, 23 апрель куни етказиб берилган вакциналарнинг иккинчи компоненти ҳисобланади.
Маълум қилинишича, Ўзбекистонда ушбу вакцинанинг биринчи компоненти билан эмлаш жараёни шу ҳафта бошланади.
Маълумот учун, умумий сотиб олинган «Спутник V» вакциналари нархининг ярми тадбиркор Алишер Усмонов томонидан молиялаштирилди.
Каналга обуна бўлинг
-
2021-04-27 06:01:48+00:00
Рустам Ражабов UzAuto Motors бош директори этиб тайинланди
Бу ҳақда Корпоратив ахборот ягона порталидаги маълумотларда кўрсатилган. Бунга Spot.uz эътибор қаратди.
Бунгача Рустам Ражабов компанияни бош директор вазифасини вақтинчалик бажарувчи сифатида бошқариб келаётган эди.
У компаниянинг 2021 йилдаги натижалари кўриб чиқилгунга қадар, лекин 2022 йил 30 июндан кеч бўлмаган, бир йиллик муддатга бош директор этиб тайинланди.
Каналга обуна бўлинг
-
2021-04-27 05:46:02+00:00
Тошкентдаги кафелардан бирида икки эркак ҳисобни тўламасдан, кафе ишчисини дўппослади
Ҳодиса 21 апрель куни, соат 18:30 ларда 35 ёшли Д.В амакиваччаси 46 ёшли Д.Б билан Олмазор тумани Қора-Қамиш ¼ даҳасида жойлашган кафеда маст ҳолатда ҳисобни тўламасликларини айтган. Улар кафе ишчиларини ҳақорат қилиб, ошхона пичоғи билан қўрқитган. Кафе ишчиси бўлган 45 ёшли Л.А. ни уриб дўппослашган.
Мазкур ҳолат юзасидан Олмазор тумани бўйича ИИО ФМБ ҳузуридаги Тергов бўлинмаси томонидан Д.В ва Д.Б ларга нисбатан Жиноят кодексининг 277-моддаси 2-қисми «б,в» бандлари (безорилик) билан жиноят иши қўзғатилиб, процессуал тартибда ушланганлар.
Ҳозирда тергов ҳаракатлари олиб борилмоқда.
Каналга обуна бўлинг
-
2021-04-27 05:22:19+00:00
Инновацион ривожланиш вазирлигида ўзгаришлар амалга оширилди
Вазирликнинг «Газета.uz» га хабар беришича, Шахлохон Турдикулова инновацион ривожланиш вазирининг биринчи ўринбосари лавозимидан озод этилиб, инновацион ривожланиш вазирининг ўринбосари этиб тайинланди.
Олимжон Тўйчиев инновацион ривожланиш вазирининг ўринбосари лавозимидан озод этилди.
Маълумот учун, президент қарорига мувофиқ, Инновацион ривожланиш вазирлиги марказий аппаратининг тузилмасига ўзгартиришлар киритилиб, 5 нафар вазир ўринбосари лавозимларидан фақат 1 нафар вазир ўринбосари лавозими қолдирилди.
Каналга обуна бўлинг
-
2021-04-27 05:06:17+00:00
Туркияда 17 майгача тўлиқ карантин эълон қилинмоқда
Туркия президенти Ражаб Тоййиб Эрдўған мамлакатда эпидемиологик вазиятнинг ёмонлашуви сабабли 29 апрелдан 17 майгача Туркияда тўлиқ карантин эълон қилинишини маълум қилди. Бу ҳақда «Анадолу» агентлиги хабар бермоқда.
Туркиянинг барча мактабларида кундузги дарслар тўхтатилади ва барча имтиҳонлар қолдирилади.
Якшанба кунлари савдо марказлари ёпилади, бошқа кунлари эса улар фақат маълум соатларда хизмат кўрсатади. Шунингдек, шаҳарлараро ҳаракатланиш фақат рухсатнома билан амалга оширилади ва шаҳарлараро транспортлар фақат 50 фоизга тўлган ҳолда ҳаракатланади.
Ўзбекистон Ташқи ишлар вазирлигининг Анқарадаги элчихонага таяниб хабар беришича, Туркия ҳукумати хорижий давлатларнинг фуқароларининг (6 ва ундан катта ёшдаги) мамлакатга кириш учун зарур қилиб қўйган қоидаларини 31 майга қадар узайтирди.
Батафсил: https://www.gazeta.uz/uz/2021/04/27/turkey/?utm_source=push&utm_medium=telegram
Каналга обуна бўлинг
-
2021-04-26 18:04:08+00:00
Жаҳон янгиликлари дайжести
🇮🇩 21 апрель куни ғойиб бўлган Индонезиянинг ҳарбий сувости кемаси 838 м чуқурликда топилди. Кема уч қисмга бўлиниб кетгани айтилмоқда. 53 нафар экипаж аъзоси ҳалок бўлди.
🇮🇱 Исроил Ғазо сектори соҳилидаги балиқ ови ҳудудини бутунлай ёпиб қўйди. Бунга мамлакат ҳудудига Ғазодан кучли ракета ҳужуми уюштирилгани сабаб бўлди.
🇸🇾 Сурия Туркияни 1 млндан ортиқ аҳолисини ичимлик сувисиз қолдирганликда айбламоқда. Мамлакат ТИВ ушбу масала бўйича БМТ Хавфсизлик Кенгаши ва Халқаро Қизил Хоч Қўмитасига мурожаат қилди.
🇺🇦 Украина Хавфсизлик хизмати Чернобиль ҳақидаги махфий ҳужжатларнинг бир қисмини ошкор қилди.
Батафсил: www.gazeta.uz/uz/2021/04/26/digest117/?utm_source=push&utm_medium=telegram
Каналга обуна бўлинг
-
2021-04-26 17:34:02+00:00
Telegram Ўзбекистонда гуруҳлар ва каналларда тўловларни қабул қилишга рухсат берди
Тўлов учун ботлар 2017 йилдан бери мавжуд, аммо улар билан фойдаланиш ноқулай бўлган. Мессенжернинг янгиланган версиясида тўловларни тўғридан-тўғри қабул қилиш имконияти туфайли ботлар билан ишлаш осонроқ бўлади, дея хабар бермоқда Spot.
Иловада 8та ўрнатилган тўлов тизими мавжуд, улардан иккитаси Ўзбекистондаги PayMе ва CLICK тизимларидир
Тўлов платформаси очиқ ва бепул - комиссия олинмайди ва тўлов маълумотлари сақланмайди. Ҳар бир савдогар Telegram билан қўшимча келишувларсиз Payments API майдончасидан фойдалана олади.
Синов режими Demo Store каналида ўтказилмоқда.
Каналга обуна бўлинг
-
2021-04-26 14:38:43+00:00
Шаҳарни арвоҳга айлантирган авария — Чернобиль АЭСидаги портлаш тарихи
Дунё атом электр станцияси тарихидаги энг йирик ва оғир оқибатларга олиб келган техноген авария — Чернобиль АЭСдаги портлаш ҳисобланади.
Ҳодиса натижасида 200 минг квадрат километрдан ортиқ майдон радиоактив ифлосланиш таъсирига учраган. Фожеа оқибатида нурланишнинг узоқ муддатли таъсиридан 4000 га яқин инсон вафот этганлиги айтилади.
Мудҳиш авария ҳақида қисқача тафсилотлар:
https://www.gazeta.uz/uz/2021/04/26/chernobyl/?utm_source=push&utm_medium=telegram
Каналга обуна бўлинг
-
2021-04-26 14:30:54+00:00
Qanot Sharq хусусий авиакомпанияси илк Airbus A320 самолётини қабул қилиб олди
Qanot Sharq хусусий авиакомпанияси душанба куни биринчи Airbus A320 йўловчи самолётини қабул қилиб олди, дея хабар қилди Туризм ва спорт вазирлиги матбуот хизмати.
20 кундан кейин яна бир A320нинг келиши кутилмоқда. Бундан ташқари, йил охирига қадар авиаташувчи қўшимча равишда яна иккита катта сиғимга эга Airbus A320га эга бўлиши лозим. Компания истиқболда ўз авиапаркини учта A320 ва учта A330 самолётлари билан тўлдиришни режалаштирмоқда.
Qanot Sharq Airlines Истанбул, Анқара (Туркия), Дубай (БАА), Жидда, Мадина (Саудия Арабистони), Москва, Санкт-Петербург (Россия) ва Олмаота (Қозоғистон) каби шаҳарларига парвозларни амалга оширади.
Батафсил: https://www.gazeta.uz/uz/2021/04/26/qanot-sharq/?utm_source=push&utm_medium=telegram
Каналга обуна бўлинг
-
2021-04-26 13:20:00+00:00
Тошкент механика заводи (собиқ ТАПОиЧ) ҳудудида чиқиндилар ёниб кетди
26 апрель куни Тошкент механика заводи ҳудудида саноат чиқиндилар ёниб кетди. ФВВнинг маълум қилишича, бу ҳақдаги хабар соат 16:32да келиб тушди.
Ҳодиса жойига зудлик билан Тошкент шаҳар Фавқулодда вазиятлар бошқармасининг 2 та ёнғин-қутқарув гуруҳи етиб келган. Оқибатда 60 квадрат метрга зарар етган. Қутқарувчиларнинг тезкор ҳаракатлари туфайли ёнғин бир неча дақиқаларда бартараф этилган.
Ҳодисада жабрланган ва қурбонлар йўқ.
Каналга обуна бўлинг
-
2021-04-26 13:11:37+00:00
ЎзДЖТУнинг 4 курсдан йиқилган 6 нафар талабаси ўқишга қайта тикланди — Омбудсман
Давлат жаҳон тиллари университетининг 6 нафар талабаси 2020 йили карантин туфайли масофавий таълим олаётганида электр таъминотидаги узилишлар сабаб, назорат ишларини ўз вақтида модулга юклай олмаган. Шу сабаб улар кейинги курсдан йиқилган.
Ушбу ҳолат юзасидан талабалардан бирининг бобоси жорий йилнинг февралида Инсон ҳуқуқлари бўйича вакилга мурожаат қилган. У имтиҳон натижаларидан норози экани, набираси ва яна беш нафар талабаларга қайта имтиҳон топшириш имконияти берилишини сўраган.
Қолаверса, у кўплаб юқори турувчи ташкилотларга мурожаат қилгани, лекин натижа бўлмаганини маълум қилган. Ўқитувчи талабаларнинг модулда тўплаган балларини инобатга олмай, талабаларни 3 курсда қолдириб юборгани айтилмоқда.
Омбудсман аралашуви билан ҳолис ўқитувчилардан иборат ишчи гуруҳи тузилган ва 6 нафар талаба қайта имтиҳон топширган. Уларнинг барчаси имтиҳондан ўтган ва 4 курсга тикланган.
Каналга обуна бўлинг
-
2021-04-26 12:50:11+00:00
Фото: 1966 йил 26 апрелдаги Тошкент зилзиласи
1966 йил 26 апрель куни соат 5:23да Тошкентда катта вайронагарчиликларга олиб келган зилзила содир бўлди. Зилзила эпицентрининг юзасидаги силкинишлар кучи 8 баллдан ошган.
«Газета.uz» офат қандай зарар етказганлиги ва пойтахтнинг тикланиши ҳақидаги архив фотосуратларини тақдим этади.
Барча фотосуратлар: https://www.gazeta.uz/uz/2021/04/26/zilzila/?utm_source=push&utm_medium=telegram
Каналга обуна бўлинг
-
2021-04-26 12:44:02+00:00
Тошкентда Damas юк автомобили билан тўқнашди
Ҳодиса 26 апрель куни, соат 07:00 ларда Тошкент шаҳри Сергели тумани Тошкент халқа автомобиль йўлида содир бўлган.
Унда 1970 йилда туғилган А.С. бошқарувидаги Isuzu русумли юк машинаси ҳамда 1980 йилда туғилган А.С. бошқарувидаги Damas русумли автомобиль тўқнашган. Натижада, ҳайдовчилар ва бир нафар йўловчи тан жароҳати билан шифохонага олиб кетилган.
ЙТҲ юзасидан Тошкент шаҳар ИИББ ТБ томонидан дастлабки суриштирув ҳаракатлари олиб борилиб, тўқнашув сабабларига аниқлик киритилмоқда.
Каналга обуна бўлинг
-
2021-04-26 11:15:00+00:00
Бокс бўйича жаҳон чемпиони бўлган ўзбекистонлик қизга Nexia-3 автомобили совға қилинди
26 апрель куни Ўзбекистон бокс федерациясида ўзбек боксчи қизлари орасида жаҳон чемпионлигини қўлга киритган илк спортчи Нигина Ўктамовани тақдирлаш маросими ўтказилди. Бу ҳақда Ўзбекистон бокс федерацияси матбуот хизмати хабар бермоқда.
Тадбир давомида унга махсус совға — Nexia-3 автомобили ҳадя қилинди.
«Ушбу кўрсатилган эътибордан бениҳоя хурсандман. Бу мамлакатимизда спортга, ҳусусан боксга қаратилаётган катта эътиборнинг самараси. Биз ёшларга ишонч билдириб, барча шароитларни яратиб бераётганликлари учун президентимизга, Туризм ва спорт вазирлигига, Миллий олимпия қўмитаси ва албатта Ўзбекистон бокс федерациясига миннатдорчилигимни билдираман», — деди Нигина Ўктамова.
Каналга обуна бўлинг
-
2021-04-26 11:07:37+00:00
Долларнинг расмий курси яна кўтарилди
Долларнинг расмий курси 8 сўмга қимматлади ва жами 10 548 сўм этиб белгиланди. Шунингдек, евро ва рубль курслари ҳам кўтарилди.
Каналга обуна бўлинг
-
2021-04-26 10:40:01+00:00
Уч ойда 108 мингдан ортиқ қонун бузилишлар аниқланди — ДХА
Бу Давлат хизматлари агентлиги ва унинг ҳудудий бошқармалари томонидан шу йилнинг I чорагида жисмоний ва юридик шахсларга давлат хизматларини кўрсатиш соҳаси таҳлилида акс этган.
Шундан 79 мингдан ортиғи муддат бузилиши, қарийб 20 мингтаси тўғридан-тўғри давлат хизматини кўрсатиш ва 1129 таси эса ортиқча ҳужжат талаб қилиш ҳолатлари билан боғлиқ.
Ташкилотлар кесимида давлат хизматларини кўрсатиш тартибини бузиш ҳолатлари:
🔹 Коммунал ташкилотлар — 88 509 та;
🔹 Соғлиқни сақлаш муассасалари — 6199 та;
🔹 Кадастр органлари — 3831 та;
🔹 Давлат солиқ органлари — 1405 та;
🔹 Қурилиш органлари — 1369 та.
Бу борада давлат органлари ва бошқа ташкилотларга огоҳнома ҳамда тақдимномалар киритилган.
Натижада 356 нафар мансабдор интизомий жавобгарликка тортилиб, улардан 20 нафари ишдан бўшатилган. Қолаверса, 922 нафар шахсга нисбатан маъмурий жарима қўлланилган.
Каналга обуна бўлинг
-
2021-04-26 10:26:02+00:00
❗️Ёнғин ўчириш машиналарида дезинфекция ишларини олиб борганларга чора кўрилади — ФВВ
Ижтимоий тармоқларда ёнғин ўчириш машиналари томонидан сув сепилаётган жараёнлар акс этган видеолар кенг тарқалди. Видеолавҳаларда машиналар йўл бўйлаб юриб, одамлар устига ҳам сепилаётганлиги кўринган. Фавқулодда вазиятлар вазирлиги ушбу ҳолат бўйича муносабат билдирди.
Маълум қилинишича, ушбу ҳолат вазирлик томонидан тўлиқ назоратга олиниб, ҳозирда суриштирув ишлари олиб борилмоқда.
Дастлабки маълумотларга кўра, ушбу вазият Андижон вилояти Марҳамат ҳамда Сурхондарё вилояти Денов туманларида юзага келганилиги маълум бўлди. Унга кўра, юқорида қайд этилган ҳудудларда коронавирус инфекциясининг ўчоғи аниқланган ҳамда вирус тарқалишининг олдини олиш мақсадида, дезинфекция ишлари шошилинч, тартибсиз ҳолда амалга оширилган.
Ҳодиса юзасидан ўрганиш якунлари бўйича тегишли ходимларга интизомий таъзир чоралари кўрилади.
Каналга обуна бўлинг
-
2021-04-26 10:05:31+00:00
Арманистон бош вазири истеъфога чиқди
Арманистон бош вазири Никол Пашинян муддатидан олдин парламент сайловларини ўтказиш учун 25 апрель куни истеъфога чиқди. Сиёсатчининг таъкидлашича, бу вақт давомида у Вазирлар Маҳкамаси раҳбари вазифасини бажаришда давом этади, деб хабар берди ТАСС.
«Президент ва сиёсий кучлар билан келишувга биноан мен бугун 20 июнь куни муддатидан олдин парламент сайловларини ўтказиш учун истеъфога чиқаман», — деди у.
Шу билан бирга, Никол Пашинян вақтинчалик вазифани бажарувчи мақомига қарамай, у кабинет раҳбари ваколатларини тўлиқ бажаришда давом этишини таъкидлади. «Муддатидан олдин ўтказиладиган сайловгача мен Конституция ва қонунларга мувофиқ бош вазирнинг вазифаларини тўлиқ бажараман», — деди у.
Батафсил: https://www.gazeta.uz/uz/2021/04/26/pashinyan/?utm_source=push&utm_medium=telegram
Каналга обуна бўлинг
-
2021-04-26 09:30:41+00:00
Фарғонада оилали эркакка никоҳ ўқиган 64 ёшли отахонга 1 йил озодликдан чеклаш жазоси тайинланди
64 ёшли фуқаро 2020 йил 15 сентябрь куни шу туманда яшовчи қонуний никоҳдан ўтмаган фуқаро У. ва Р.ни 30 минг сўм эвазига шаръий никоҳдан ўтказган.
«Келиб, илтимос қилгани учун йўқ деёлмадим. Ҳамманинг олдида жиноятчи бўлиб телевидениега чиқишни хоҳламасдим. Чунки ҳаммага ўрнак бўлиб келган одам эдим», — дейди айбланувчи.
Ҳолат юзасидан Ёзёвон тумани суди томонидан фуқарога нисбатан 1 йил муддатга озодликдан чеклаш жазоси тайинланган.
Отахон 2020 йил 6 августида айнан ушбу қоидабузарликни содир этганлиги учун судлангани ва унга БҲМнинг 5 баробари миқдорида жарима тайинлангани маълум қилинди.
Каналга обуна бўлинг
-
2021-04-26 09:15:01+00:00
Президент шу ҳафта қурилиш материаллари саноатини ривожлантиришга бағишланган видеоселектор ўтказади
Бу ҳақда президент матбуот котиби Шерзод Асадов душанба куни ўтказилган брифингда маълум қилди, деб хабар бермоқда «Газета.uz» мухбири.
Видеоселекторда ички бозорни қурилиш материаллари билан етарлича таъминлаш, таннархни тушириш, импорт таркибини ўрганиб, уларнинг ўрнини босувчи маҳсулотлар ишлаб чиқаришни ташкил этиш, янги инвестиция лойиҳаларини шакллантириш ва корхоналарни қўллаб-қувватлаш масалалари муҳокама қилинади.
Қолаверса, уй-жойларга хизмат кўрсатиш, ҳудудларда иқтисодиёт тармоқларини самарадорлигини ошириш, темир йўл транспорти тизимидаги трансформация жараёнларига бағишланган тақдимотлар ҳам ўтказилади.
«Шунингдек, бу ҳафтада давлатимиз раҳбарининг Хитой Раиси Си Цзиньпин ва Туркманистон президенти Гурбангули Бердимуҳамедов билан мулоқотлари ҳам режалаштирилган», — деди Шерзод Асадов.
Каналга обуна бўлинг
-
2021-04-26 09:05:00+00:00
Ҳафта давомида иссиқ ва қуруқ об-ҳаво кузатилади
25 апрелдан бошлаб Ўзбекистонга жуда илиқ ҳаво массалари жадал кириб келиши бошланди, дея хабар берди Ўзгидромет.
Мамлакатнинг барча ҳудудлари бўйича апрель ойининг охирига қараганда ёзнинг боши учун хос бўлган очиқ об-ҳаво ҳарорати кузатилди.
Бугун ва иш ҳафтасининг давомида ҳарорат меъёрдан 5-8 даражага кўп бўлади. Ҳаво ҳарорати кечалари 14-17 даража, кундуз кунлари 32-35 даража, жанубда ва чўл ҳудудларида 37-38 даражагача бўлади. Кундузги ҳарорат шу кунлар учун бўлган максимумга яқинлашади.
Ҳафтанинг охирида Каспий денгизининг шимолий ҳудудларидан салқин ва бироз нам ҳаво массалари кириб келади. Республика ҳудудида ҳаво булутли бўлиши кутилмоқда, лекин ёғингарчилик эҳтимоли кам бўлади. Кундуз куни ҳарорат 27-32 даражагача бироз пасаяди, аммо меъёрдан юқори бўлиб қолади.
Каналга обуна бўлинг
-
2021-04-26 08:55:00+00:00
Руслан Нурудинов янги жаҳон рекордини ўрнатиб, Осиё чемпиони бўлди
«Юнусобод спорт мажмуаси»да оғир атлетика бўйича Осиё чемпионатининг эркаклар ўртасида -109 кг вазн тоифасидаги беллашувлари ўз якунига етди. Унда ўзбекистонлик Руслан Нурудинов олтин, Акбар Жўраев кумуш медални қўлга киритди.
Силтаб кўтариш машқида олтин медаль учун икки ўзбекистонлик оғир атлетикачи ўзаро рақобат олиб боришди. Якунда Руслан Нурудинов 241 кг билан Осиё чемпионлигини қўлга киритиш билан биргаликда янги жаҳон рекордини ўрнатишга муваффақ бўлди. Кумуш медаль Акбар Жўраевга, бронза медали эса хитойлик Янг Чжега насиб этди.
Каналга обуна бўлинг
-
2021-04-26 08:40:18+00:00
АҚШ арманлар геноцидини расман тан олди
АҚШ президенти Жо Байден 1915 йилда Усмонли империясида (замонавий Туркия ҳудудида) этник арманларга қарши уюштирилган қирғинларни геноцид деб тан олди. У ушбу баёнотни 24 апрель куни арман қирғини қурбонларини хотирлаш кунида эълон қилди.
Бу сўнгги 40 йил ичида биринчи марта АҚШнинг амалдаги президенти томонидан арманлар геноцидининг расман тан олиниши.
Туркия ташқи ишлар вазири Мевлут Чавушўғли буни «сиёсий оппортунизм» деб атади. Арманистон бош вазири Никол Пашинян бу қарор учун Байденга миннатдорчилик билдирди.
Батафсил: https://www.gazeta.uz/uz/2021/04/26/genocide/?utm_source=push&utm_medium=telegram
Каналга обуна бўлинг
-
2021-04-26 08:10:28+00:00
Хайрулла Умаров Ташқи меҳнат миграцияси агентлиги раҳбари этиб тайинланди
Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлиги бошлиғи лавозимига — Хайрулла Умаров тайинланди. Бу ҳақда вазирлик ахборот хизмати хабар бермоқда.
Х.Умаров тайинловга қадар Ташқи меҳнат миграцияси агентлиги бошлиғи биринчи ўринбосари лавозимида ишлаб келган.
Эслатиб ўтамиз, агентликнинг собиқ бошлиғи Муҳаммадзокир Маматхонов Уйчи тумани ҳокими этиб тайинланган эди.
Каналга обуна бўлинг
-
2021-04-26 07:35:17+00:00
Ўзбекистон ҳарбийлари АҚШдаги «Илғор жангчи» мусобақасида ғолиб бўлди
19−24 апрель кунлари АҚШнинг Миссисипи штатидаги «Camp Shelby» ҳарбий ўқув базасида ўтказилган «Илғор жангчи» мусобақасида Ўзбекистондан икки нафар ҳарбий иштирок этиб, ғолиб бўлди.
Иштирокчилар сунъий тўсиқларни енгиб ўтиш, узоқ масофани босиб ўтиш, жанг майдонида ярадорларга биринчи тиббий ёрдам кўрсатиш, шунингдек, тунда ҳарбий топографияни билиш бўйича мусобақалашдилар.
«Биз учун анъанага айланган ушбу мусобақада ўзбекистонлик ҳамкасбларимиз икккинчи маротаба иштирок этишмоқда. Тан олиб айтаманки, бу сафар ҳам улар нафақат жисмоний, балки жанговар ва ақлий тайёргарлик, қурол-аслаҳани билишда ҳам яққол устунликка эга бўлди», — деди Миссисипи штати Миллий гвардияси сержантлар қўмондони сержант-майор Кристофор Йонг.
Батафсил: https://www.gazeta.uz/uz/2021/04/26/best-warrior/?utm_source=push&utm_medium=telegram
Каналга обуна бўлинг
-
2021-04-26 07:01:30+00:00
⚡️Тошкент халқаро аэропортининг иккинчи қаватига олиб борадиган эстакада йўли очилади
Бу ҳақда президент матбуот котиби Шерзод Асадовга таяниб, «Газета.uz» мухбири хабар берди.
Президент матбуот котиби янгилик сифатида Тошкент халқаро аэропортига кириб боришдаги анчадан бери ёпиқ ётган эстакада йўли очилишини маълум қилди.
Ҳозирда кутиб олувчи ва кузатувчилар учун пойтахт аэропортининг терминал биносига кириш тақиқланади ва улардан ҳар қандай об-ҳаво шароитида ҳам ташқарида бўлишлари талаб қилинади. Халқаро аэропортда кутаётганлар учун айвон мавжуд, аммо маҳаллий авиатармоқлар терминали олдида одамлар кўчада кутишига тўғри келади.
Шунингдек, хабар берилишича, Франция фуқаро авиацияси миллий мактаби билан биргаликда Тошкент давлат транспорт университети таркибида Фуқаро авиацияси учувчиларини тайёрлаш мактаби очилиши режалаштирилган.
Каналга обуна бўлинг
-
2021-04-26 06:33:29+00:00
Тошкентдаги ҳар бир маҳаллага ободонлаштириш учун 2 млрд сўмдан маблағ ажратилади
Бу ҳақда президент матбуот котиби Шерзод Асадов брифингда маълум қилди, деб хабар берди «Газета.uz» мухбири.
«Жума куни давлат раҳбари Яшнобод туманида аввал аҳволи оғир бўлган Парвоз маҳалласига ҳам борган эди. Бугун вазият бутунлай ўзгарган. „Обод маҳалла“ сиёсатини амалга ошириш натижасида бу маҳалланинг қиёфаси тубдан ўзгариб, аҳолининг осуда яшаши ва дам олиши учун барча шароитлар яратилган. Ҳамма жой тоза, тартибли», — деди президент матбуот котиби.
Унинг маълум қилишича, президент Шавкат Мирзиёев мутасаддиларга Парвоз маҳалласини намуна қилиб олиб, Тошкент шаҳридаги барча 524 та маҳаллани шундай обод қилиш бўйича топшириқ берган.
«Бунинг учун ҳар бир маҳаллага, ҳозирги ҳолатидан келиб чиқиб, ўртача 2 миллиард сўмдан маблағ ажратиш буйича топширик бердилар», — дея хабар берди Шерзод Асадов.
Каналга обуна бўлинг
-
2021-04-26 06:20:00+00:00
Боғдодда COVID-19 касалхонасидаги ёнғинда 80 дан ортиқ киши вафот этди
Ироқнинг Боғдод шаҳридаги коронавирус инфекциясига чалинган беморлар учун жиҳозланган шифохонада юз берган ёнғинда 80 дан ортиқ киши ҳалок бўлди ва 110 киши жароҳатланди. Бу ҳақда Al-Hadath маълумотларига таяниб, Meduza хабар бермоқда.
Боғдод жануби-шарқидаги Ибн ал-Хатиб касалхонасида ёнғин 24 апрель куни содир бўлган. Ёнғин кислород сақланадиган омборда портлаш юз берганидан кейин бошланган. Шифохонадаги баъзи беморлар оловдан сақланиш учун деразалардан сакрашган. Икки қаватли бино деярли бутунлай ёниб кетган.
Ҳозирда 200 га яқин одам қутқарилгани айтилмоқда.
Боғдоддаги ёнғиндан кейин шаҳар мэри ва Соғлиқни сақлаш вазирлиги раҳбари лавозимидан озод этилди.
Ироқда уч кунлик мотам эълон қилинди.
Каналга обуна бўлинг
-
2021-04-26 06:10:54+00:00
Самарқанд шаҳридаги барча мактаблар ва боғчалар карантинга олинади
27 апрелдан Самарқанд шаҳридаги барча боғчалар ва мактаблар 14 кунлик карантинга ёпилади, дея маълум қилди Самарқанд шаҳар ҳокимлиги ахборот хизмати раҳбари Абдужаббор Пўлатов. Шу сабабдан ўқувчиларга таълим бериш онлайн шаклга ўтказилади.
Маълум қилинишича, карантин чоралари "мактабларида коронавирус инфекциясини юқтириб олиш кўрсаткичи кейинги кунларда бир неча баробар ошиб бораётгани боис" қўлланмоқда.
«Муассасаларга кириб-чиқувчилар орасида карантин даврида коронавирусни юқтириб олиш ҳолатлари кузатилмаса таълим бериш тизими анъанавий йўлга қўйилади», — дейилади хабарда.
Эслатиб ўтамиз, аввалроқ Бухородаги 11 та умумтаълим мактаби 14 кунлик масофавий таълимга ўтказилгани ҳақида хабар берилган эди.
Каналга обуна бўлинг
-
2021-04-26 05:29:32+00:00
Ҳиндистонда коронавирусдан вафот этганларнинг жасадлари кўчада ёқиб юборилмоқда
Ҳиндистонда COVID-19 билан касалланишнинг рекорд даражадаги янги ҳолатлари аниқланмоқда. Кунига 360 мингдан ортиқ кишида вирус қайд этилиб, 3 минг киши вафот этмоқда дея хабар берди TJ.
Расмий статистик маълумотларга асосан, ҳозирда касалланиш ҳолатларнинг умумий сони деярли 17 млнга, ўлимлар сони эса 192 мингга етган.
Reuters маълумотларига кўра, касалхоналар ётоқлар ва кислород тугаганлиги сабабли беморларни қабул қилишдан бош тортмоқда. Шаҳарларда ўликлар кўплигидан, уларнинг жасадларини кўчада ёқишга тўғри келмоқда.
Крематорий ишчиси The Guardian`га хабар беришича, кўчалар ҳудди уруш кетаётган манзарага ўхшайди.
Каналга обуна бўлинг
-
2021-04-26 05:16:22+00:00
«Оскар-2021» мукофоти ғолиблари эълон қилинди
АҚШнинг Лос-Анжелес шаҳрида дунёдаги энг обрўли кино мукофотларидан бири «Оскар» мукофоти 93-маротаба турли номинациялар бўйича ғолибларга топширилди.
«Nomadland» («Кўчманчилар ўлкаси») фильми энг яхши фильм деб топилди, унда асосий ролни ижро этган Френсис МакДорманд энг яхши актриса бўлди. Шунингдек, 83 ёшли Энтони Хопкинс энг яхши актёр («Ота» фильми) деб топилди.
Барча совриндорлар: https://www.gazeta.uz/uz/2021/04/26/oscar-2021/?utm_source=push&utm_medium=telegram
Каналга обуна бўлинг
-
2021-04-26 04:56:45+00:00
Бухорода чақалоқни 8 млн сўмга сотмоқчи бўлганлар қўлга олинди
Бухоро вилояти Пешку тумани Валфажир маҳалласида яшовчи, фуқаро Ж.Ф. (аёл) ўз онаси билан бирга энди дунёга келган фарзандини 8 млн сўмга сотмоқчи бўлган. Бу ҳақда ЎзА хабар бермоқда.
Фуқаролар тиббиёт муассасаси ҳудудида чақалоқни ўзга бир фуқарога келишилган нархда сотаётган вақтида қўлга тушган.
Ҳолат юзасидан туман ИИО фаолиятини мувофиқлаштириш бошқармаси ҳузуридаги тергов бўлими томонидан она ва қизга нисбатан жиноят иши қўзғатилиб, дастлабки тергов ҳаракатлари олиб борилмоқда.
Каналга обуна бўлинг
-
2021-04-26 04:38:00+00:00
Сирдарёдаги банкда қалбаки 81 минг евро аниқланди
«Қишлок курилиш банки»нинг Сирдарё минтақавий филиалида 81 минг евро миқдорида хорижий валютадаги қалбаки пул бирликлари аниқланди. Бу ҳақда банк ахборот хизмати хабар бермоқда.
Ҳозирда ҳужжатлар тегишли тартибда расмийлаштирилиб, Сирдарё вилояти Ички ишлар бошқармасига тақдим қилинган.
Мазкур ҳолат бўйича жиноят иши очилди ва суриштирув-тергов ишлари олиб борилмоқда.
Каналга обуна бўлинг
-
2021-04-25 14:00:06+00:00
«Тошкент намуна бўлиши керак». Президентнинг пойтахтдаги объектларга ташрифидан фоторепортаж
Президент Шавкат Мирзиёев 23 апрелнинг биринчи ярмида хориж давлатларининг янги тайинланган элчиларини қабул қилган бўлса, тушдан кейин Тошкент шаҳридаги Электр энергиясини ҳисобга олишни автоматлаштириш маркази ва Технопаркда ишга тушган янги корхоналарни бориб кўрди. Кечга яқин эса Парвоз маҳалласи аҳолиси билан суҳбатлашди.
«Икки одамни, аёлни рози қилган, икки нафар фуқарони ишга жойлаштирган, 10 нафарини даволаган бўлсанглар, мен сизлардан миннатдорман. Лекин шу тизимли бўлиши учун нима қилиш керак? …Давлатга ишонч қачон бўлади, маҳаллада ўзгариш бўлса. Тўғри, катта бинолар, заводлар қураяпмиз, у бошқа нарса. Маҳаллада ўзгариш бўлса, бу мутлақо бошқа нарса… Тошкент намуна бўлиши керак», — деди давлат раҳбари.
Ушбу куннинг энг муҳим воқеалари «Газета.uz» фоторепортажида: www.gazeta.uz/uz/2021/04/25/president/?utm_source=push&utm_medium=telegram
Каналга обуна бўлинг
-
2021-04-25 12:44:11+00:00
«Ўзбекистонда „Wall Street“ яратмоқчиман». 7 та университетга грант ютган Шаҳноза Aбдиреймова билан суҳбат
«Газета.uz» нашри «Хориждаги ўзбекистонлик талабалар» лойиҳасини бошламоқда. Мазкур лойиҳа доирасида чет эл университетларида таълим олган ёки ўқиётган ўзбекистонлик талабалар билан суҳбат уюштирилади. Бунда уларнинг чет элдаги ҳаёти, нега хорижий таълимни танлаганлиги, уларнинг бошидан ўтган синовлар ҳақида сўз боради.
Лойиҳанинг дастлабки меҳмони — Москвадаги Иқтисодиёт олий мактаби талабаси, нукуслик Шаҳноза Aбдиреймова.
Интервьюни тўлиқ ўқиш учун: https://www.gazeta.uz/uz/2021/04/25/abdireymova/?utm_source=push&utm_medium=telegram
Каналга обуна бўлинг
-
2021-04-24 15:31:59+00:00
Антимонополия қўмитаси реклама конструкциялари «снос» қилинишига изоҳ берди
Монополияга қарши курашиш қўмитаси Тошкентда реклама конструкциялари суд қарорисиз оммавий равишда бузиб ташланаётганига изоҳ берди.
Қўмитанинг қайд этишича, ушбу ишлар ҳукуматнинг 2020 йил 20 февралдаги қарори асосида амалга оширилмоқда. Қарор ижроси юзасидан ишчи гуруҳлари республика бўйича жами 12318 та реклама конструкциясининг 7108 таси (Тошкентда - 3207)да камчилик аниқланган.
Шунингдек, 2021 йил охиригача Тошкентнинг I даражали марказий қатнов кўчаларида фақат видео экранли ва II даражали кўчаларида эса аралаш турдаги ташқи реклама объектлари ўрнатилиши керак.
Ўз навбатида, тадбиркорлар ушбу қарорда демонтажга фақатгина суд қароридан кейин рухсат берилиши, конструкциялар эса қарорсиз бузилаётганини таъкидлашмоқда. Уларнинг айримлари бу бўйича судга мурожаат қилишди.
Батафсил: https://www.gazeta.uz/uz/2021/04/24/antimonopoly/?utm_source=push&utm_medium=telegram
Каналга обуна бўлинг
-
2021-04-24 12:39:20+00:00
Назорат-текширувчи органлар вазирларга бўйсунмаслиги керак – бош прокурор
Бош прокурор Ниғматулла Йўлдошев Сенат ялпи мажлисида республикадаги 50 дан ортиқ назорат-текширув идораларининг 10 дан зиёди ўзлари текшириши керак бўлган вазирликларга бўйсунишини маълум қилди.
«Тасаввур қилинг, бир вазирликда ҳам текширувчи, ҳам текширилувчи бўладиган бўлса, бу ерда ҳеч қандай том маънодаги назорат бўлмайди. Энг асосийси, назорат-текширувчи идораларга мустақил, холис фаолият кўрсатиш учун шарт-шароит яратиб беришимиз керак», - деди бош прокурор.
Унинг сўзларига кўра, назорат-текширув органлари томонидан ўтган йилнинг ўзида аниқланган фақатгина талон-торожлик ҳолатлари бўйича жамланган қиймат ҳуқуқни муҳофаза қилувчи саноқли органлар томонидан аниқланган талон-торожликлар қийматининг учдан иккисини ташкил этади.
Батафсил: https://www.gazeta.uz/uz/2021/04/24/inspections/?utm_source=push&utm_medium=telegram
Каналга обуна бўлинг
-
2021-04-24 12:06:44+00:00
Спорт соҳасидаги энг муҳим хабарлар ҳафталик дайжести
🇪🇺18 апрелдан 19 апрелга ўтар кечаси Европада 12 та топ клуб футбол бўйича Суперлига ташкил этишларини эълон қилишди. УЕФА бунга қарши чиқиб, жамоаларга санкциялар қўллашини, ўйинчиларни ҳам мусобақаларидан четлатиши мумкинлигини айтди.
🇺🇿Ўзбекистон футзал терма жамоаси Литвадаги жаҳон чемпионатига йўлланма олди. Мусобақа 2021 йил 12 сентябрь — 3 октябрь кунлари бўлиб ўтади.
🏆22 апрель куни футбол бўйича Ўзбекистон кубоги гуруҳ босқичининг 1-тур учрашувлари якунланди.
🥊Польшанинг Кельце шаҳрида бўлиб ўтган бокс бўйича ёшлар ўртасида жаҳон чемпионатида Ўзбекистон терма жамоаси боксчилари 10 та медални қўлга киритишди. Нигина Ўктамова Жаҳон чемпионатида олтин медални қўлга киритган ўзбекистонлик биринчи аёл боксчи бўлди.
Батафсил: https://www.gazeta.uz/uz/2021/04/24/sport-dayjest/?utm_source=push&utm_medium=telegram
Каналга обуна бўлинг
-
2021-04-24 11:23:22+00:00
Сенат ўсимлик ёғи импортига ҚҚСни бекор қилишни маъқуллади
Сенати Солиқ кодексининг 483-моддасига (вақтинчалик солиқ имтиёзлари) ўзгартиш киритиш тўғрисидаги қонунни маъқуллади.
Унга кўра, 2021 йил охиригача ўсимлик ёғи, кунгабоқар ва зиғир уруғи, соя данаги импорти ҳамда ўсимлик ёғини ишлаб чиқариш ва (ёки) реализация қилиш бўйича маблағлар айланмаси ҚҚСдан озод қилинмоқда.
Бундан ташқари, ўсимлик ёғи ва уруғларига экспорт божи жорий этилади.
Молия вазири ўринбосари Дилшод Султонов ўсимлик ёғи ҚҚСдан озод қилиниши натижасида бюджетга 267 млрд сўм тушмаслигини маълум қилди.
Қонун кучга кириши учун у президент томонидан имзоланиши лозим.
Батафсил: https://www.gazeta.uz/uz/2021/04/24/vegetable-oil/?utm_source=push&utm_medium=telegram
Каналга обуна бўлинг
-
2021-04-24 07:23:54+00:00
Zira.uz саҳарлик ва ифторлик учун тўйимли ва лаззатли таомлар рецептлари рўйхатини тақдим этади.
https://www.gazeta.uz/uz/2021/04/24/zira/?utm_source=push&utm_medium=telegram
Каналга обуна бўлинг
-
2021-04-24 06:40:58+00:00
Ўзбекистон қаҳрамони Хасан Нормуродов вафот этди
23 апрель куни Ўзбекистон қаҳрамони, сенатор Хасан Нормуродов 82 ёшида вафот этди, деб хабар берди ЎзА.
У узоқ йиллар халқ таълими тизимида ишлаган, кейинчалик «Нуроний» жамғармаси Самарқанд вилояти бўлими раиси, сўнгги йилларда эса Самарқанд вилояти Маҳалла ва оилани қўллаб-қувватлаш бошқармаси бошлиғининг ўринбосари сифатида ишлаган.
2019 йилда президент фармонига кўра Хасан Нормуродов «Ўзбекистон Қаҳрамони» унвони билан тақдирланган эди.
Апрель ойи ўрталарида Хасан Нормуродовнинг Республика шошилинч тиббий ёрдам илмий марказининг Самарқанд филиалида даволанаётгани хабар қилинган эди. Ҳудудга ташрифи чоғида президент Шавкат Мирзиёев уни бориб кўрганди.
24 апрель куни Сенатнинг 14 ялпи мажлисида юқори палата раиси Танзила Нарбаева жамоат фаолининг оила аъзолари ва яқинларига ҳамдардлик билдирди.
Каналга обуна бўлинг
-
2021-04-24 06:16:58+00:00
Ўзбекистонлик талаба япониялик ўсмирни қутқариб қолди
21 апрель куни Япония телевидениясида ўзбекистонлик талаба Элдор Ўринбоевнинг чўкиб кетаётган япониялик ўсмирга ёрдам бергани ҳақидаги янгилик намойиш этилди.
Япониянинг Ўзбекистондаги элчиси Ёшинори Фужияма бутун Ўзбекистон халқига ўз миннатдорчилигини билдирди.
«Мен, Япониянинг Ўзбекистондаги элчиси сифатида, Ўринбоевга ўз ҳаётини ҳавф остига қўя туриб Гинован шаҳрининг денгизида чўкиб кетаётган япон ўсмирини қутқаргани учун чуқур миннатдорчилигимни изҳор этаман», — деди элчи.
«Осон деб ўйлагандим, сувга тушганимдан кейин ўзимга қутқарувчи керак бўлиб қолади, деган ҳаёллар ҳа бўлди», — дейди Элдор Ўринбоев.
Элчи Японияда чўкаётган инсонни қутқаришга уринган шахсларнинг ўзи билан бахтсиз ҳодиса рўй берган ҳолатлар кўплаб учрашини айтди.
«Гарчи, Ўринбоев тутган йўл денгизга умрида биринчи марта тушган инсон ҳаёти учун ҳавфли бўлсада, унинг ушбу ҳатти-ҳаракати жуда қадрли ва аҳамиятлидир», — деди у.
Каналга обуна бўлинг
-
2021-04-23 17:35:40+00:00
Жаҳон янгиликлари дайжести
🇵🇸 Қуддусда таровеҳ намозидан сўнг исроилликлар ва фаластинликлар ўртасида тўқнашув содир бўлди. Натижада 100 дан ортиқ киши жароҳат олди, 50 киши Исроил полицияси томонидан ҳибсга олинди.
🇦🇫 Aфғонистон ҳукумати мамлакатдан чиқиб кетаётган АҚШ ва НАТО қўшинларининг қурол-яроғ ва ҳарбий техникасини олиб қолишни режалаштирмоқда.
🇲🇲 Мьянма ҳарбий ҳукумати 26 нафар мухолифат етакчисини хиёнатда айблаб, ҳибсга олишга ордер берди. Улар ўлим жазосига тортилиши мумкин. 21 апрель ҳолатига кўра, мамлакатдаги намойишлар пайтида 739 киши вафот этди, 3,3 мингдан ортиғи ҳибсга олинган.
💼 Латвия, Литва, Эстония, ҳамда Словакия Чехия билан бирдамлик сифатида, Россиянинг жами 7 нафар дипломати чиқариб юборилиши ҳақида эълон қилишди.
🇮🇶 AҚШнинг Ироқдаги базасига ракета ҳужуми уюштирилди. Жабрланганлар йўқ.
Батафсил: www.gazeta.uz/uz/2021/04/23/digest116/?utm_source=push&utm_medium=telegram
Каналга обуна бўлинг
-
2021-04-23 15:44:09+00:00
Президент Электр энергиясини ҳисобга олишни автоматлаштириш марказига ташриф буюрди
Президент Шавкат Мирзиёев 23 апрель куни Электр энергиясини ҳисобга олишни автоматлаштириш марказига ташриф буюрди. 20 миллион долларлик мазкур лойиҳа Жанубий Кореянинг «KT Corporation» компанияси билан ҳамкорликда қурилган ва 2020 йил августда ишга туширилган.
«Электрон ҳисоблагичлар ўрнатиш осон, бу биринчи қадам. Энг қийини энди бошланади. Ҳудудларда, узоқ қишлоқларда ҳисоблагичларни эксплуатация қиладиган профессионаллар етарлими? Иккинчидан, тизим ташқи таъсирларга қай даражада чидамли? Учинчидан, кейинчалик тармоқ эскириши туфайли юзага келадиган ҳолатлар ҳисоб-китоб қилинганми? Шуларни ҳозирдан ўйлаш керак. Тушумларнинг маълум бир фоизини илмга, модернизацияга йўналтириш зарур», — деди Шавкат Мирзиёев.
Батафсил: https://www.gazeta.uz/uz/2021/04/23/centre/?utm_source=push&utm_medium=telegram
Каналга обуна бўлинг
-
2021-04-23 13:11:53+00:00
Чекловлар юмшатилади, ниқоб тақиш шарт эмас — Исроил коронавирусни қандай енгмоқда?
Исроил ҳозирда COVID-19 билан касалланиш ҳолатлари бўйича энг паст кўрсаткичлардан бирини сақлаб турибди. Мамлакат аҳолисининг касалликка қарши 50 фоиздан ортиғи эмланди. Кўчада ниқоб тақиш шарти бекор қилинди. Карантин чекловлари юмшатилди.
Март ойи бошида Бош вазир Биньямин Нетаньяху Исроил COVID-19 ни енгиб ўтган биринчи мамлакат эканлигини айтган эди.
Исроил аҳолиси ушбу касалликни қандай енгмоқда? Коронавирусга қарши оммавий эмлаш карантин чораларини тугатишда қандай ёрдам бермоқда?
Батафсил: https://www.gazeta.uz/uz/2021/04/23/israel/?utm_source=push&utm_medium=telegram
Каналга обуна бўлинг
-
2021-04-23 12:48:57+00:00
«Чиройли» авторақамлар сотуви бўйича янги рекорд ўрнатилди
2021 йилнинг илк уч ойида ўзбекистонликлар "чиройли" авторақамлар сотиб олиш учун 62 млрд сўмдан ортиқ маблағ сарфлашди. Бу ҳақдаги маълумотларни Республика товар-хом ашё биржаси статистикасида кўриш мумкин.
Бу "чиройли" авторақамлар сотувга чиқарила бошланганидан бери энг юқори кўрсаткичдир. Таққослаш учун, бу кўрсаткич 2018 йилнинг биринчи чорагида 12,1 млрд сўм, 2019 йилда — 36,2 млрд сўм, 2020 йилда — 43,2 млрд сўм бўлган эди.
Ўтган йил ноябрида ҳайдовчиларга исталган ҳарф комбинациялари билан «чиройли» рақамларни сотиб олишга рухсат берилгани ҳақида маълум қилинган эди. Бунда авторақамларнинг бошланғич нархи одатдагидан анча юқори бўлади.
Каналга обуна бўлинг
-
2021-04-23 12:25:57+00:00
Президент етти нафар элчининг ишонч ёрлиқларини қабул қилди
23 апрель куни янги тайинланган хорижий элчиларнинг ишонч ёрлиқларини топшириш маросими бўлиб ўтди, дея хабар қилди давлат раҳбарининг матбуот хизмати.
Президент Шавкат Мирзиёев Бангладеш элчиси Муҳаммад Жаҳонгир Аълам, Чехия элчиси Вацлав Йилек, Миср элчиси Амира Фаҳмий, Иордания элчиси Демия Зуҳайр Ҳаддод, Туркия элчиси Олган Бекар, Европа Иттифоқи делегацияси раҳбари Шарлотт Адриан ва Россия элчиси Олег Мальгиновдан ишонч ёрлиқларини қабул қилди.
Давлат раҳбари элчиларни мамлакатдаги дипломатик миссиясининг бошланиши билан табриклади ва уларга муваффақиятлар тилади. Президент, шунингдек, янги тайинланган элчилар билан қисқа суҳбатлар ўтказди.
Каналга обуна бўлинг
-
2021-04-23 12:08:29+00:00
❗️Ўзбекистонда коронавирус билан касалланиш ҳолатлари учинчи маротаба кескин кўпаймоқда
Сўнгги кунларда Ўзбекистонда коронавирус билан касалланган беморлар сони ўсиб бормоқда. 23 апрель куни 345 та янги касалланиш ҳолатлари аниқланиб, умумий беморлар сони 88,2 мингдан ошди.
10 мартдан бошлаб ҳозирги кунга қадар кунлик касалланганлар сони тузалган беморлар сонидан кўпроқ бўлмоқда.
Июль-август ва сентябрь-октябрь ойларида касалланиш ҳолатлари кескин кўпайган эди.
Иккинчи инфографикага эътибор берилса, янги касалланиш ҳолатларининг учинчи маротаба кескин кўпайиши бошланганлигини кўриш мумкин.
Каналга обуна бўлинг
-
2021-04-23 11:07:53+00:00
Долларнинг расмий курси кўтарилди
Долларнинг расмий курси 4 сўмга қимматлади ва жами 10 539 сўм этиб белгиланди. Шунингдек, евро ва рубль курслари ҳам кўтарилди.
Каналга обуна бўлинг
-
2021-04-23 10:07:00+00:00
Дам олиш кунлари об-ҳаво илиқ ва қуруқ бўлиши кутилмоқда
Бугун ва дам олиш кунларида Ўзбекистон ҳудудига Эрон ҳудудларидан илиқ ва қуруқ ҳаво кириб келиши бошланади, дея хабар берди Ўзгидромет.
Жума куни республиканинг кўпчилик вилоятларида ҳаво очиқ бўлиши кутилмоқда, ҳароратнинг кундузги максимуми 23-25 даражани, баъзи жойларда 8-30 даражагачани ташкил этади.
24 апрель куни Ўзбекистон ҳудудининг катта қисмида ҳаво булутли бўлади. Ёмғир кутилмайди ва ҳарорат деярли ўзгармайди.
Якшанба куни республика ҳудудининг катта қисмида ҳаво кам булутли бўлади. Кундуз кунги ҳарорат 27 даражага, жанубда ва чўл ҳудудларида 30 даражага етади.
Синоптикларнинг таъкидлашича, энг илиқ йилларда ушбу кунлардаги ҳаво ҳарорати 32-35 даража, жанубда 36-38 даража бўлган.
Каналга обуна бўлинг
-
2021-04-23 09:59:38+00:00
Ўтган йили 301 млрд сўмдан ортиқ бюджет маблағлари талон-тарож қилинган — Танзила Нарбаева
Олий Мажлис Сенати раиси Танзила Нарбаева ўтган йилда 2,5 мингдан зиёд бюджет муассасасида 301 млрд сўмдан ортиқ бюджет маблағлари талон-тарож қилинганлигини маълум қилди.
«Нархларни сунъий ошириш орқали давлат харидларини амалга ошириш ҳолатлари аниқланганлиги ташвишли ҳолатдир», — деди сенат раиси.
Қурилиш, тиббиёт, мактабгача таълим соҳаларида коррупция ҳолатлари кўпайгани таъкидланди.
Таҳлилларга кўра:
— Қурилиш соҳасидаги 44 та қонун ҳужжати экспертизадан ўтказилганда, уларнинг 23 тасида 124 та;
— Соғлиқни сақлаш соҳасидаги 70 та қонун ҳужжатининг 13 тасида 41 та;
— Таълим соҳасидаги 96 та қонун ҳужжатининг 17 тасида 81 та коррупциявий омиллар аниқланган.
Каналга обуна бўлинг
-
2021-04-23 09:49:51+00:00
ЎзЖОКУда ўқув йили охиригача масофавий таълимда давом эттирилади
Дарслар онлайн шаклда давом этади ва ҳозирда ётоқхонада турадиган талабаларга 24 апрелдан уйга кетишга рухсат берилади.
«Демак, ҳозирги вазиятдан келиб чиққан ҳолда бакалавриат, сиртқи таълим шаклида таҳсил оладиган барча талабалар, қолаверса, магистратурада таҳсил олаётган 1-курс талабалари (2-курс, магистратурани тамомлаётган талабалардан ташқари) ўқишни онлайн давом эттиришга келишилди», — дейилади хабарда.
Aввалроқ, ЎзЖОКУ 12 апрелдан бошлаб 2 ҳафтага карантинга ёпилганди. Университетнинг 7 нафар талабасида коронавирус аниқланиб, ушбу талабалар Зангиотадаги шифохонага олиб кетилган эди.
Каналга обуна бўлинг
-
2021-04-23 09:21:06+00:00
2020 йилда номусга тегиш ҳолатлари 27,7 фоизга ошган
Олий Мажлис Сенатнинг ўн тўртинчи ялпи мажлисида Сенатнинг Суд-ҳуқуқ масалалари ва коррупцияга қарши курашиш қўмитаси раиси Нариман Умаровнинг маълум қилишича, 2020 йилда Ўзбекистонда умумий жиноятчилик 34,7 фоизга кўпайган.
Шунингдек, йиллик ҳисоботга кўра, 2020 йилда оғир ва ўта оғир жиноятлар 49 фоизга, қасддан одам ўлдириш 13,1 фоизга, қасддан оғир шикаст етказиш 13 фоизга, номусга тегиш 27,7 фоизга, талончилик 43,1 фоизга, босқинчилик 18,5 фоизга, товламачилик 35,5 фоизга, ўғрилик 52 фоизга кўпайган.
Республика бўйича рўйхатга олинган жами 62 081 та жиноятнинг 41 087 таси ёки 66 фоизи олдини олиш мумкин бўлган жиноятлар тоифасига киради.
2020 йилда республика бўйича қидирувда бўлган 9 790 нафар шахсдан 6 761 нафари ёки 75 фоизи ушланмаган.
Шу билан бирга, ўтган йили вояга етмаганлар томонидан 1 134 та жиноят содир этилган ва 526 нафар вояга етмаганлар ўз жонига қасд ёки суиқасд қилган.
Каналга обуна бўлинг
-
2021-04-23 08:55:50+00:00
«14 та квартира, 43 та машина, 172 та дўкон». Бош прокурор — собиқ ҳоким ўринбосари ва унинг шерикларининг ундирилган мол-мулки ҳақида
Олий Мажлис Сенатининг 14-ялпи мажлисида бош прокурор Ниғматилла Йўлдошев ўзлаштириш, ваколатини суиистеъмол қилиш ва мансаб сохтакорлигида айбланган Жиззах вилояти ҳокимининг собиқ ўринбосари Акрам Раҳмонқулов ва бошқа компаниялар раҳбарларининг жиноят иши юзасидан ҳисобот берди.
«Айтиш жоиз, Раҳмонқулов 2018 йилда вилоят ҳокими ўринбосари лавозимига тайинлангач, уюшган гуруҳ тузиб, миллиардлаб бюджет маблағларини талон-торож қилиб келган», — деди у.
Бош прокурор Жиззах вилояти ҳокимининг собиқ ўринбосарига тегишли корхоналарда 12 млрд сўм, 172 та дўкон, кўп қаватли уйлардаги 14 та хонадон, 43 та автомашина ва бошқа кўчмас мулклар зарарни ундириш учун хатланганини маълум қилди.
Батафсил: https://www.gazeta.uz/uz/2021/04/23/jizzakh/?utm_source=push&utm_medium=telegram
Каналга обуна бўлинг
-
2021-04-23 08:39:50+00:00
Ҳозирда Ўзбекистонда 1,6 млн одам ишсиз — Сенат
Бу ҳақда Олий Мажлиси Сенатининг ўн тўртинчи ялпи мажлисида маълум қилинди.
Уларнинг 805 минг нафардан ортиғи 16-30 ёшлардаги ишсизлар бўлиб турибди. 2021 йилда эса меҳнат бозорига 560 минг битирувчи кириб келади.
"Натижада, жорий йилда ёшлар бандлигини таъминлаш учун эҳтиёж 1 млн 365 мингдан ортиқни ташкил қилади", – деди Ёшлар қўмитаси раиси Бахтиёр Сайфуллаев.
Каналга обуна бўлинг
-
2021-04-23 07:46:58+00:00
Тошкент шаҳрининг Сергели туманида вақтинча иссиқ ва ичимлик суви бўлмайди
Сергели туманида йўл қурилиш ишлари олиб борилиши муносабати билан 2-Сергели катта сув ўтказгич тармоғида таъмирлаш ишлари олиб борилади, дея хабар берди Тошкент шаҳар ҳокимлиги.
Шу муносабат билан 26 апрель соат 10:00 дан 27 апрель соат 10:00 гача қуйидаги манзилларда иссиқ ва совуқ сув таъминоти вақтинча тўхтатилади:
▪️ 8-Иссиқлик қозонхонаси;
▪️ "Мустақиллик” МФЙ;
▪️ "Дўстлик” МФЙ;
▪️ “Ўзгариш” МФЙ;
▪️ Хабибий МФЙ;
▪️ Шукур Бурхонов МФЙ;
▪️ "Тинчлик” МФЙ;
▪️ "Гулистон” МФЙ;
▪️ Бобур МФЙ;
▪️ “Иттифоқ” МФЙ;
▪️ Нилуфар МФЙ;
▪️ "Наврўз”МФЙ;
▪️ “Хумо”МФЙ;
▪️ “Ёрқин ҳаёт” МФЙ;
▪️ Суғдиёна МФЙ;
▪️ "Қумариқ” МФЙ;
▪️ "Олчазор” МФЙ;
▪️ Дўстлик-1, 2 мавзелари;
▪️ Сергели-1, 2, 3, 4, 5, 6, 7, 8-а, 9, 15, 16, 17, 18 мавзелари;
▪️ Сергели- А, 5А, 6А, 7А, 11А;
▪️ Темир йўлчи Г-40 мавзеси;
▪️ Йўлдош-16 А янги даҳа;
▪️ 8- ва 9-қурилиш ҳудуди;
▪️ 10-қурилиш ҳудуди.
Каналга обуна бўлинг
-
2021-04-23 07:34:30+00:00
Ҳайдовчилик гувоҳномаси бўлмаган 17 ёшли йигит Nexia бошқариб юк автомобилига урилди
Ҳодиса соат 21:00 ларда Тошкент шаҳар, Сергели тумани, ТХАЙ кўчасида ҳайдовчилик гувоҳномаси олмаган фуқаро С.А. (2004 й.т.) томонидан содир этилган. Nexia русумли автомобилни бошқараётган С.А. ўзидан олдинда йўлнинг ўнг четида тўхтаб турган, ҳайдовчи Б.Қ. 1994 (й.т.) бошқарувида бўлган «DAF» русумли юк автомобилининг орқа томонига урилган.
Натижада, Nexia русумли автомобиль ҳайдовчиси С.А. ва ушбу автомобиль йўловчиси А.Р.лар тан жароҳати билан шифохонага олиб кетилган.
Ҳолат юзасидан Тошкент шаҳар ИИББ ЙТҲ ТБ томонидан дастлабки суриштирув ҳаракатлари олиб борилмоқда.
Каналга обуна бўлинг
-
2021-04-23 06:45:59+00:00
Нигина Ўктамова бокс бўйича жаҳон чемпиони бўлди
Полшанинг Келсе шаҳрида бокс бўйича ёшлар ўртасида жаҳон чемпионатининг қизлар орасидаги финал жангларида Ўзбекистондан иштирок этган Нигина Ўктамова ғолиб бўлди. Бу ҳақда Олимпия қўмитаси матбуот хизмати хабар бермоқда.
-54 кг вазн тоифасида самарқандлик Нигина Ўктамова украиналик Кристина Лакичукка қарши тўқнаш келди ва 4:1 ҳисобида ғалабага қозонди.
Нигина Ўктамова ўзбек боксчи қизлари орасида жаҳон чемпионлигини қўлга киритган илк спортчига айланди.
Шундан сўнг, Моҳинабону Абдуллаева (-64 кг) ҳам ўз жангини ўтказди. Бироқ, россиялик Азалия Аминевага қарши беллашувда мағлуб бўлди.
Шу тариқа, ўзбекистонлик боксчи қизлар ёшлар ўртасидаги жаҳон чемпионатини 1 та олтин, 1 та кумуш ва 4 та бронза медали билан тугатадиган бўлишди.
Каналга обуна бўлинг
-
2021-04-23 06:38:05+00:00
«Савдо ва хизмат кўрсатиш объектларини 24 соат ишлашига рухсат бериш керак» – президент
Шавкат Мирзиёев ҳудудлар марказларида савдо ва хизматлар учун махсус кўчалар ташкил этилишини маълум қилди. Бу ҳақда «Газета.uz» мухбири хабар берди.
28 та шаҳар ва аҳолиси 150 мингдан кўп 110 та туман марказида аҳолини ўзига «жалб қиладиган» савдо ва хизматлар учун махсус кўчалар ташкил этиш ва шу орқали камида 100 мингта тадбиркорлик субъектларини жойлаштириш имкони мавжуд.
Ҳудудлар раҳбарларига мустақиллик байрамига қадар вилоят ва шаҳар марказларида 3−4 та, Тошкентда 10 та кўчаларни шундай марказларга айлантириш топшириғи берилди.
Уларнинг 24 соат ишлашига рухсат берилади.
Батафсил: https://www.gazeta.uz/uz/2021/04/23/24-hours/?utm_source=push&utm_medium=telegram
Каналга обуна бўлинг
-
2021-04-23 06:26:37+00:00
Ўзбекистонга қалбаки авторақамлар олиб кирилаётгани аниқланди
Андижон вилояти Қирғизистон билан «Дўстлик» чегара божхона постида қалбаки давлат авторақамларини олиб кириш ҳолати аниқланди. Бу ҳақда Божхона қўмитаси матбуот хизмати хабар бермоқда.
Божхона текшируви ўтказилганида, «Volvo FH» русумли юк машинасининг ҳайдовчи ўриндиғи орқасида ҳужжатлари бўлмаган 4 дона «40А770АА», 2 дона «40А234АА» ҳамда 2 дона «01А755АА» қалбаки давлат авторақамлари борлиги маълум бўлди.
Эҳтимол, рақамлар Фарғона вилоятида «40» коди билан, Тошкент шаҳрида эса «01» коди билан ишлатилиши учун мўлжалланган эди.
Ушбу ҳолат юзасидан тезкор қидирув ва суриштирув ҳаракатлари давом эттирилмоқда.
Каналга обуна бўлинг
-
2021-04-23 05:12:55+00:00
COVID-19 га қарши ярим миллиондан ортиқ киши эмланди
Ўзбекистон бўйлаб коронавирусга қарши эмланганлар сони 510 минг 329 нафарга етди. 22 апрель куни жами 23 минг 369 нафар киши COVID-19 га қарши эмланди, дея хабар бермоқда ССВ матбуот хизмати.
Эмланганларнинг юқори кўрсаткичи Фарғона (70 757 киши), Наманган (54 960), Андижон (50 910), Самарқанд (49 202) ва Қашқадарё (42 699) вилоятларида қайд этилди.
Тошкентда 32 минг 832 киши коронавирусга қарши эмланди, 22 апрель куни — 1890 кишини ташкил этди.
Эслатиб ўтамиз, вакцина билан биринчи навбатда, 65 ёшдан ошган фуқаролар ва COVID-19 инфециясини юқтириш хавфи бўлган тиббиёт ходимлари бепул эмланади.
Таъкидлаш жоиз, сўнгги кунларда 1 апрелдан бошланган эмланиш даражаси пасайган. 10 апрелдан 14 апрелгача кунига 40 мингдан зиёд одам вакцинани олган эди.
21 апрель куни Санитария-эпидемиология таъминоти хизмати бу Рамазон ойида рўза бошланиши билан боғлиқ бўлиши мумкинлигини маълум қилган.
Каналга обуна бўлинг
-
2021-04-23 04:57:43+00:00
Ўзбекистонга «Спутник V» вакцинасининг дастлабки партияси олиб келинди
Вакцина учун харажатларнинг ярмини тадбиркор Aлишер Усмонов молиялаштирди. Олдинроқ ушбу вакцинадан жами 1 миллион доза сотиб олиниши режалаштирилган эди.
https://www.gazeta.uz/uz/2021/04/23/sputnik-v/?utm_source=push&utm_medium=telegram
Каналга обуна бўлинг
-
2021-04-22 18:15:13+00:00
Ўзбекистон қамоқхоналарида бесоқолбозликда айбланган 49 нафар шахс сақланмоқда — ОАВ
Ҳозирда Ўзбекистондаги жазони ижро этиш колонияларида Жиноят кодексининг 120-моддаси (бесоқолбозлиқ) билан айбланган 49 нафар шахс сақланмоқда. Бу ҳақда ИИВ Жазони ижро этиш бош бошқармаси Qalampir.uz сайтига маълум қилди.
Сўнгги 5 йил ичида 44 киши бесоқолбозлик бўйича жавобгарликка тортилган:
👉🏻2016 йилда 6 нафар;
👉🏻2017 йилда 15 нафар;
👉🏻2018 йилда 7 нафар;
👉🏻2019 йилда 7 нафар;
👉🏻2020 йилда 9 нафар.
Ушбу маҳкумлар билан доимий равишда психологик ишлар индивидуал тарзда олиб борилиши айтилмоқда.
Батафсил: https://www.gazeta.uz/uz/2021/04/22/120-article/?utm_source=push&utm_medium=telegram
Каналга обуна бўлинг
-
2021-04-22 16:52:07+00:00
Жаҳон янгиликлари дайжести
💧 Илк бор Марс атмосферасидан кислород ажратиб олинди. Махсус қурилма одам учун 10 дақиқага етадиган 6 грамм кислородни бир соат ичида ишлаб чиқарди.
🏛 Европа Комиссияси AstraZeneca’га қарши судга мурожаат қилади. Бунга компаниянинг келишиб олинган вакциналар миқдорини минтақага етказиб бермаётгани сабаб бўлди.
🌳 Халқаро Она Ер кунида БМТ бош котиби жаҳон ҳамжамиятини "табиат билан урушни" тўхтатиш ва Ер бойликларидан оқилона фойдаланишга чақирди.
🇪🇺 Европа Кенгаши Парламент Aссамблеяси Россиядан Алексей Навальнийни 7 июнгача озод қилишни талаб қилмоқда. Россия ушбу талабни бажармаслигини маълум қилди.
🇳🇬 Нигерияда 45 нафардан ортиқ фуқаро қароқчилар томонидан ўлдирилди. Қурбонлар орасида болалар ҳам бор.
🇮🇩 Индонезиянинг сувости кемаси Бали ороли яқинида ғойиб бўлди. Кемада 53 нафар экипаж аъзоси бор.
Батафсил: www.gazeta.uz/uz/2021/04/22/digest115/?utm_source=push&utm_medium=telegram
Каналга обуна бўлинг
-
2021-04-22 15:31:51+00:00
Президент «коррупцияга берилиб кетган» раҳбарларни охирги марта огоҳлантирди
Президент Шавкат Мирзиёев видеоселектор йиғилишида турли ташкилотлар раҳбарлари орасидаги коррупция ҳолатлари масаласига ҳам тўхталди, дея хабар берди «Газета.uz» мухбири.
Президент ушбу масалада «энди қонун устувор, жазо муқаррар» бўлишини таъкидлади.
«Халқимизнинг олдида узр сўраб, охирги марта сизларни [раҳбарларни] огоҳлантирмоқчиман… Мана, Самарқанд вилояти ҳокимининг ўзи гапириб берсин, пастки бўғинда, мактабгача таълим, тиббиётда қанча порахўрлар борлигини. Мана Андижонда вилоят ҳокимлигининг битта ноинсофи 128 минг доллар, 30 минг доллар олаяпти. Нима, Абдураҳмонов, хизматнинг раҳбари билмайдими? Прокурори билмайдими? Абдураҳмонов сезмайдими атрофида ким юрганини? Битта одамни норози қилиб, 5 доллар олган бўлса ҳам президентнинг сиёсатига хиёнат дейилади», - деди Шавкат Мирзиёев.
Батафсил: https://www.gazeta.uz/uz/2021/04/22/korrupsiya/?utm_source=push&utm_medium=telegram
Каналга обуна бўлинг
-
2021-04-22 14:00:00+00:00
Корпоратив ижтимоий масъулият — у қандай бўлиши керак?
Корпоратив ижтимоий масъулиятнинг моҳияти ва тамойиллари нимадан иборат? Нима учун уни хайрияга тенглаштириш мумкин эмас ва жамият учун фойдали бўлган лойиҳаларини амалга оширишнинг энг тўғри йўли қандай?
Бу ҳақида Малика Шарипова ва Дилмурод Юсуповнинг мақоласида:
www.gazeta.uz/uz/2021/04/22/social-corporate-responsibility/?utm_source=push&utm_medium=telegram
Каналга обуна бўлинг
-
2021-04-22 13:54:00+00:00
«Ҳамма бирдек — қонун устувор, жазо муқаррар» — президент хизмат кўрсатиш соҳасидаги коррупция ҳақида
22 апрель куни Шавкат Мирзиёев раислигида хизмат кўрсатиш соҳасини ривожлантиришга бағишланган видеоселектор йиғилиши бўлиб ўтмоқда, деб хабар бермоқда «Газета.uz» мухбири.
Давлат раҳбари ҳудудларга ажратилаётган кредит ва бюджет маблағларини мақсадсиз ишлатиш, талон-торож қилиш ва коррупция ҳолатлари учраётганига тўхталиб ўтди.
Президент томонидан Бош прокурор, ички ишлар вазири, коррупцияга қарши курашиш агентлиги директори, Бош прокуратура департаменти раҳбарига ажратиладиган маблағларнинг ҳар бир сўмини самарали ва мақсадли ишлатилиши устидан доимий назорат ўрнатиш вазифаси юклатилди.
«Ўзбекона айтганда, андиша қилиш даври тугади. Ҳамма бирдек — қонун устувор, жазо муқаррар», — деди давлат раҳбари.
«Президентга яхши кўринаман деб, бирор лойиҳасиз, одамларга бирор фойдаси тегмайдиган жойларга маблағларни сарфлашнинг ўзи хиёнат», — таъкидлади Шавкат Мирзиёев.
Каналга обуна бўлинг
-
2021-04-22 13:45:12+00:00
Хизматлар бозорини ривожлантиришга 500 млн доллар ажратилади — президент
Айни вақтда пезидент раислигида бўлиб ўтаётган видеоселектор йиғилишида хизматлар соҳаси учун банклар томонидан жорий йилда камида 18 трлн сўм кредитлар йўналтирилиши маълум қилинди. Бундан ташқари, давлат томонидан тижорат банклари орқали қўшимча 300 млн доллар, шундан 1 июлгача 150 млн доллар ажратилади.
Биринчи босқичда ҳудудларга ажратиладиган маблағлар:
Самарқандга — 160 млрд сўм;
Тошкент шаҳри, Андижон, Қашқадарё ва Фарғонага — 150 млрд сўмдан;
Наманган ва Сурхондарёга — 125 млрд сўмдан;
Бухоро — 90 млрд сўм;
Жиззах — 85 млрд сўм;
Қорақалпоғистон ва Хоразмга — 75 млрд сўм;
Сирдарёга — 60 млрд сўм;
Навоийга — 55 млрд сўм ажратилади.
Батафсил: https://www.gazeta.uz/uz/2021/04/22/xizmatlar/?utm_source=push&utm_medium=telegram
Каналга обуна бўлинг
-
2021-04-22 13:24:19+00:00
«Пенальти бермаганида ҳакам четлатиларди» — Ҳакамлар департаменти бошлиғи Намангандаги ўйин ҳақида
ЎФA ҳакамлар департаменти бошлиғи Эркин Бахтиёров «Championat.asia» сайтининг «Самисов билан» лойиҳасига берган интервьюсида футбол бўйича Ўзбекистон Суперлигасининг 5-тури доирасида бўлиб ўтган «Навбаҳор» — «Пахтакор» учрашувидаги можарога тўхталди.
«Ўйинда учрашув муҳити, ундаги атмосфера, мухлислардан келиб чиқиб пенальти қўйилмаганида ҳакам ўша ўйин учун „2 баҳо оларди“ ва четлатиларди», — дейди у.
Батафсил: https://www.gazeta.uz/uz/2021/04/22/referee/?utm_source=push&utm_medium=telegram
Каналга обуна бўлинг
-
2021-04-22 13:05:06+00:00
Бир неча кун олдин Роберт лақабли қора лайлак Ўзбекистонни учиб ўтди. Бу нима учун муҳим?
Қора лайлаклар Ўзбекистон Қизил китобига киритилган. Мамлакат бўйлаб улар қишлаш учун учиб ўтиб, сўнг яна ортга қайтадилар.
Бир неч кун олдин, Роберт лақабли лайлак Тожикистондан Зоминга учиб ўтиб, Қозоғистонга йўл олган.
Бутун МДҲ бўйлаб қушларни кузатувчи мутахассис ва орнитологлар унинг саёҳатларини диққат билан томоша қилишади. Чунки Роберт кўчманчи қушларни ов қилиш мавсумининг энг қизғин пайтида учади.
2019 йилда мутахассислар томонидан GPS қурилмаларида қора лайлакларнинг 19 та полапони аниқланган.
Йил охирига қадар еттита қуш тирик қолди. Лайлакларнинг асосий қисми овчилар томонидан ўлдирилди.
2021 йилга келиб эса мазкур қушларнинг атиги учтаси қолган. Улардан бири - Роберт.
Фото: Alexei Ebel/Facebook
Каналга обуна бўлинг
-
2021-04-22 12:43:45+00:00
Makro Тошкентдаги Compass савдо-кўнгилочар марказидан чиқиб кетди
Makro Тошкент шаҳридаги Compass савдо-кўнгилочар марказида жойлашган дўконини сотди, дея хабар берди Spot.uz. Маълум қилинишича, энди у ерда Carrefour дўкони жойлашади.
Бу Ўзбекистондаги илк 7500 квадрат метр майдонга эга Makro City гипермаркети гипермаркети эди. Makro Compass'да ушбу савдо-кўнгилочар маркази очилганидан, яъни 2018 йилдан бери ишлаётган эди.
Эслатиб ўтамиз, аввалроқ Makro расман Samarqand Darvoza`дан чиқиб кетгани ҳақида хабар бергандик. Samarqand Darvoza`да ҳам Carrefour остида супермаркет очилиши кутилмоқда.
Каналга обуна бўлинг
-
2021-04-22 11:57:42+00:00
Royal Flight авиакомпаниясига Ўзбекистонга мунтазам қатновларни амалган ошириш учун рухсатнома берилди
21 апрель куни "Ўзавиация" агентлиги томонидан Россия Федерациясининг Royal Flight авиакомпаниясига Москва-Андижон-Москва йўналишида мунтазам парвозларни амалга ошириш учун рухсатнома берилди, дея хабар берди агентлик матбуот хизмати.
Маълум қилинишича, авиакомпания парвозларни Boeing 757-200 ҳаво кемасида амалга оширади.
Маълумот учун, Royal Flight — бу Россиянинг Шереметево аэропортида жойлашган авиакомпанияси. 2014 йил 11 июлгача авиакомпания Абакан-Авиа деб номланган ва асосан халқаро ҳамда ички йўналишларда юк қатновларини амалга оширишга кўрсатишга ихтисослашган.
Каналга обуна бўлинг
-
2021-04-22 11:08:21+00:00
Долларнинг расмий курси пасайди
Долларнинг расмий курси 16,77 сўмга арзонлади ва жами 10 535,24 сўм этиб белгиланди. Евро ва рубль курслари эса кўтарилди.
Каналга обуна бўлинг
-
2021-04-22 10:57:26+00:00
Жамоат эҳтиёжлари учун ер участкаларини олиб қўйиш тартибини мураккаблаштириш таклиф этилмоқда
Адлия вазирлиги «Ер участкаларини компенсация эвазига жамоат эҳтиёжлари учун олиб қўйиш тартиб-таомиллари тўғрисида» ги қонун лойиҳасини муҳокама учун тақдим этди.
Қонун лойиҳаси ер участкалари эгаларининг ҳуқуқлари ва қонуний манфаатлари ҳимоясини кучайтиришга, жамоат эҳтиёжлари учун компенсация эвазига ер участкаларини олиб қўйиш масалалари бўйича тўғридан-тўғри амал қиладиган яхлит қонун сифатида ер участкаларини компенсация эвазига жамоат эҳтиёжлари учун олиб қўйиш тартибининг такомиллашиши, низоли вазиятларни олдини олинишига йўналтирилган.
«Газета.uz» Адлия вазирлигининг янги қонун қабул қилиниши кераклиги ҳақидаги изоҳини тақдим этади:
https://www.gazeta.uz/uz/2021/04/22/draft/?utm_source=push&utm_medium=telegram
Каналга обуна бўлинг
-
2021-04-22 10:41:28+00:00
Наманганда 8 ёшли бола ЙТҲ оқибатида вафот этди
Ҳодиса 14 апрель куни соат 16:30 ларда, Наманган вилояти, Наманган тумани, Муллақудинов МФЙ ҳудудидан ўтган автомобиль йўлида, ҳайдовчи А.С. (1986 й.т.) Damas русумли автомобилни бошқараётиб чап томондан ўнг томонга югуриб йўлни кесиб ўтаётган пиёдани уриб юборган ва бошқарувни йўқотиб автомобиль ағдарилган.
Натижада, пиёда, А.Ш. (2013 й.т.) тан жароҳатлари билан шифохонада вафот этган.
Ҳолат юзасидан Наманган тумани ИИБ ТБ томонидан дастлабки тергов ҳаракатлари олиб борилмоқда.
Каналга обуна бўлинг
-
2021-04-22 09:40:00+00:00
Тошкентда ички ишлар ходимлари кийимида макулатура териб юрган эркак ва аёл 10 суткага қамалди
20 апрель куни соат 15:30 да 102 рақамига фуқаро Ш. А. қўнғироқ қилиб, ички ишлар органлари ходимларининг формасини кийиб олган эркак ва аёл макулатура тўплаб юрганлари ҳақида хабар берган.
Яккасарой тумани ИИО ФМБ ходимлари воқеа жойига етиб бориб, 45 ёшли У.Х ва муқаддам талончилик ва ўғрилик учун икки марта судланган 36 ёшли Н.С ни қўлга олган. Ҳуқуқбузарлар Яккасарой тумани ИИО ФМБ 2-сон Ички ишлар бўлимига олиб келиниб текширилганда уларнинг ёнида иккита пичоқ борлиги аниқланган.
Яккасарой тумани суди У.Х ва Н.С ларни қайд этилган ҳуқуқбузарликларни содир этишда айбдор деб топди ва уларнинг ҳар бирига 10 сутка маъмурий қамоқ жазоси белгиланди.
Батафсил: https://www.gazeta.uz/uz/2021/04/22/paper/?utm_source=push&utm_medium=telegram
Каналга обуна бўлинг
-
2021-04-22 09:32:00+00:00
«Ўзбекистонда 12 та янги кодексни ишлаб чиқиш устида ишлар кетмоқда» — Акмал Саидов
Қонунчилик палатаси спикерининг биринчи ўринбосари бу ҳақда 22 апрель куни «Tashkent Law Spring» II халқаро юридик форумининг очилиш маросимида айтиб ўтди, дея хабар бермоқда «Газета.uz» мухбири.
«Ҳозир у тўғрисида махсус норматив-ҳуқуқий ҳужжат қабул қилинмаган бирорта давлат органи йўқ. Олдин умуман айтиб бўлмайдиган қонунлар доирасида ҳам масалан, ДХХ тўғрисида бўладими, ИИВ тўғрисида бўладими барча органлар тўғрисида ҳозир мустаҳкам ҳуқуқий асослар яратилди ва бу давом этаяпти», — деди у.
«Ўзбекистонда 18 та кодекс қабул қилинган ва ҳозир 12 та янги кодексни ишлаб чиқиш устида ишлар кетмоқда. Демак бизда ҳақиқатан ҳам янги ҳуқуқий сиёсат шаклланди», — деди Саидов.
Форумда қуйи палата спикерининг биринчи ўринбосари юридик билим ва кадрсиз ҳеч қандай тараққиётга эришиб бўлмаслигини ҳам қўшимча қилди.
Батафсил: www.gazeta.uz/uz/2021/04/22/saidov/?utm_source=push&utm_medium=telegram
Каналга обуна бўлинг
-
2021-04-22 09:25:01+00:00
Тошкентда юк автомобили ағдарилиши оқибатида ёнғин юзага келди
Дастлабки маълумотларга кўра, 22 апрель куни соат 11:00 ларда, Тошкент шаҳар, Янгиҳаёт тумани ҳудудидан ўтган 4P-21 автомобиль йўлида ҳайдовчи М.А. (1992 й.т.) томонидан бошқариб келинаётган «Howo» русумли юк транспорт воситаси ағдарилган.
ФВВнинг маълумотларига кўра, юк автомашинаси бетон тўсиққа урилиб ағдарилиб кетган, натижада юк автомашинасининг мотор ва кабина қисмида ёнғин юзага келган.
Ҳолат юзасидан суриштирув ҳаракатлари олиб борилиб, ҳодиса содир бўлиш сабабларига аниқлик киритилмоқда.
Каналга обуна бўлинг
-
2021-04-22 09:21:07+00:00
Барча ҳудудларда Ёшлар саноат ва тадбиркорлик зоналари ташкил этилади
Сентябргача 77 та шундай зоналар ташкил этилади.
Ёшлар учун ушбу саноат зоналарида ишлаб чиқариш майдонлари тақдим этилади. «Стартаплар» ташкил этиш мақсадида бизнес-инкубатор вазифалари амалга оширилади.
Инновацион ишланмаларини ишлаб чиқариш жараёнига жорий этиш ва натижаларини тижоратлаштириш, йирик саноат корхоналари билан кооперация алоқаларини ўрнатиш борасида амалий ёрдам кўрсатилади.
Ёшлар саноат зоналари ҳудудида майдони 1000 м² гача бўлган ер участкалари, истисно тариқасида, электрон аукцион савдоси ўтказмасдан, халқ депутатлари туман (шаҳар) Кенгашларининг қарори билан ажратилади.
Батафсил: https://www.gazeta.uz/uz/2021/04/22/youth/?utm_source=push&utm_medium=telegram
Каналга обуна бўлинг
-
2021-04-22 09:02:57+00:00
«Юқоридан топшириқ бўлган». Тадбиркорлар реклама баннерларининг бузиб ташланиши ҳақида шикоят қилмоқда
8 апрелдан бошлаб Тошкент шаҳрида реклама қурилмаларини оммавий бузиб ташлаш ишлари олиб борилмоқда.
Тадбиркорлар 300га яқин билбордларни демонтаж қилган ҳокимият вакилларининг ҳаракатини ноқонуний эканлигини айтмоқда ва ушбу қарорни асослаб беришни талаб қилмоқда.
Ташқи реклама объектлари эгалари бузиш ишлари "юқоридан берилган", "оғзаки" топшириқ асосида амалга оширилаётганлигини таъкидламоқда.
«Конструкцияларни сақлаб қолишни ёки бизга нисбатан алоҳида муносабат қилишни эмас, биз мутлақо нормал қонуний бизнесни талаб қилаяпмиз", - дейди улардан бири.
«Газета.uz» тадбиркорлар ва Реклама индустрияси миллий ассоциацияси билан гаплашди.
Батафсил: https://www.gazeta.uz/uz/2021/04/22/outdoor-advertising/?utm_source=push&utm_medium=telegram
Каналга обуна бўлинг
-
2021-04-22 08:55:01+00:00
Наманганда ўзини фарзанди билан бирга сувга ташлаган аёл қутқариб олинди
Миллий гвардия матбуот хизматининг хабар беришича, 22 апрель тунги соат 01:20 ларда Наманган вилояти Учқўрғон туманидан оқиб ўтувчи Норин дарёси устида жойлашган кўприк қирғоғига тушган нотаниш аёл ўзини фарзанди билан биргаликда сувга ташлаган.
Аёл ва унинг фарзанди ушбу ҳудудда хизмат олиб бораётган Миллий гвардия Қўриқлаш бошқармаси ходими ҳамда воқеа жойидан ўтиб кетаётган йўловчи фуқаро А.А. лар томонидан қутқарилиб, туман тиббиёт бирлашмасига олиб борилган.
Олиб борилган дастлабки суриштирувлар давомида ушбу аёл Наманган вилояти Учқўрғон туманида яшовчи фуқаро Х.М. (1983 й.т.) бўлиб, 2017 йилда туғилган фарзандини ўзига боғлаган ҳолда сувга ташлагани маълум бўлган.
Ҳозирда мазкур ҳолат юзасидан Учқўрғон туман ИИБ томонидан суриштирув ишлари давом этмоқда.
Каналга обуна бўлинг
-
2021-04-22 08:45:00+00:00
Таъмирланмаган йўллар сабаб икки йилда 191 киши вафот этган
2019 йилда ва 2020 йилнинг 8 ойи ичида таъмирланмаган йўллар сабабли 532 та ЙТҲ содир бўлган.
Уларда 191 киши вафот этиб, 511 нафар фуқаро жароҳатлангани аниқланди, дея маълум қилди Олий Мажлис Сенати қўмитаси раиси Қутбидин Бурханов.
Хабарга кўра, мазкур ЙТҲлар автомобиль йўлларининг таъмирлаш ишлари олиб борилаётган, таъмирлаш ишлари охирига етказилмасдан қолиб кетган ҳамда таъмирланиши лозим бўлган жойларда содир бўлганлиги қайд этилган.
Давлат йўл ҳаракати хавфсизлиги хизмати ходимлари томонидан ҳаракат хавфсизлигини таъминлаш, йўл-транспорт ҳодисаларининг олдини олиш, ҳаракат иштирокчиларига қулайликлар яратиш юзасидан маҳаллий ҳокимликлар ҳамда тегишли ташкилот ва идораларга 2017-2020 йиллар давомида жами 6 709 та тақдимнома киритилган. Бироқ уларнинг 3 173 таси ёки 45 фоизи белгиланган муддатларда ижро этилмаган, дейилади хабарда.
Каналга обуна бўлинг
-
2021-04-22 08:35:17+00:00
Бухородаги 11 та умумтаълим мактаби 14 кунлик масофавий таълимга ўтказилди
Бухоро вилоятида халқ таълими тизими ходимларининг 6 нафарида, мактаб ўқувчиларининг эса 26 нафарида коронавирус инфекцияси аниқланган.
«Касаллик тарқалишининг олдини олиш ва ўқувчилар хавфсизлигини таъминлаш мақсадида ҳозирда улар фаолият юритаётган ва таҳсил олаётган 11 та умумтаълим мактабида анъанавий тарздаги фаолият тўхтатилди», — дейди вилоят халқ таълими бошқармаси бошлиғи Дилфуза Мустафаева.
Бошқармаси бошлиғининг маълум қилишича, мактаблар 14 кунлик онлайн режимга ўтказилган, ҳамда тиббиёт ходимлари томонидан ўқувчилар ҳамда мактаб ходимларининг тана ҳароратлари контактсиз пирометр ёрдамида ўлчанган ҳолда «тонгги фильтрлаш» бўйича махсус пунктдан ўтказилиб, кунлик маълумотларни қайд этиб борилмоқда.
Батафсил: https://www.gazeta.uz/uz/2021/04/22/school-karantin/?utm_source=push&utm_medium=telegram
Каналга обуна бўлинг
-
2021-04-22 08:19:00+00:00
Жасур Умировнинг жиноятини яширмоқчи бўлган ИИБ ходимлари жазоланди
Самарқанд вилояти прокуратурасининг хабар беришича, хонанда Жасур Умировга нисбатан тўпланган ҳужжатлар бўйича дастлабки қарор қабул қилган ходимлар ҳаракатига баҳо берилди.
Ушбу ҳолат бўйича қонуний қарор қабул қилиш учун далилларни тўплаш, текшириш ва баҳолашда камчиликларга йўл қўйганлиги сабабли терговчига «ҳайфсан» берилган.
Ҳолат бўйича идоравий назоратни етарли даражада таъминламаган Каттақўрғон туман ИИБ тергов бошқармаси бошлиғига «ҳайфсан», туман ИИБ бошлиғига эса «танбеҳ» интизомий жазоси қўлланилган.
Шунингдек, Самарқанд вилоят ИИБ ҳузуридаги тергов бошқармаси бошлиғининг ўринбосари лавозимидан озод қилинган.
Батафсил: https://www.gazeta.uz/uz/2021/04/22/xonanda/?utm_source=push&utm_medium=telegram
Каналга обуна бўлинг
-
2021-04-22 07:51:01+00:00
«Амалдорларнинг кўчмас мулклари ва машиналари тўғрисидаги маълумотлар очиқланиши керак» — адлия вазири
Бу ҳақда Русланбек Давлетов 22 апрель куни «Tashkent Law Spring» II халқаро юридик форумининг очилиш маросимида айтиб ўтди, деб хабар бермоқда «Газета.uz» мухбири.
Вазирнинг таъкидлашича, «ҳозир ҳам рақамлаштиришга қарши яширин қаршиликлар йўқ эмас». Бу эскича ишлашга ўрганган айрим мансабдорлар ва ташкилотларга тааллуқли.
«Албатта, жамият хоҳлаётган очиқлик, ҳисобдорлик, бюрократия ва коррупциядан холи бўлишни барча ташкилотлар бир хилда тушунмайди ва қабул қилмайди. Кўникмаган бу қадриятларга», — деди у.
«Биринчи навбатда автомобиль йўлларга кетаётган харажатлар, аниқ манзиллари билан интерактив карталарда кўриниши керак, ҳар бир ташкилот ўз биноларини таъмирлашга кетказаётган харажатлари, амалдорларнинг кўчмас мулклари ва машиналари тўғрисидаги маълумотлар очиқланиши керак», — дея қўшимча қилди вазир.
Каналга обуна бўлинг
-
2021-04-22 07:41:07+00:00
«ЛГБТ мавзуси дарс пайтида кўтарилмаган» — ХТВ ўқувчининг пайпоғи текширилиши бўйича муносабат билдирди
110 мактабда дарс пайти болаларнинг пайпоғини калта ёки узунлигини текширилгани ва бунга ЛГБТга қарши кураш деб тушунтирилагни ҳақида хабар берган эдик.
Халқ таълими вазирлиги ушбу ҳолат бўйича билдирган муносабатига кўра, ЛГБТ мавзуси танаффусга қўнғироқ чалинганидан сўнг кўтарилган.
Директор ўринбосари ўқувчиларнинг бири пайпоқ киймаганлигига эътибор қаратган. Чақирувга қадар бошланғич тайёргарлик фани ўқитувчиси эса унга мурожаат қилиб, савол беради:
«Нима учун пайпоқсиз? Бизда нима, ЛГБТми? Олий Мажлис мактабларимизда пайпоқсиз юришни тақиқлаган».
Директор ўринбосари ўғил бола ўқувчиларга мурожаат қилиб: «Агарда носки киймай, мана шунақа носки кийгин, қўпол айтганда, каллангни узиб қўяман ҳаммангни», дейди.
Батафсил: https://www.gazeta.uz/uz/2021/04/22/short-socks/?utm_source=push&utm_medium=telegram
Каналга обуна бўлинг
-
2021-04-22 07:18:08+00:00
Марказий банк асосий ставкани яна ўзгаришсиз қолдирди
Марказий банк Бошқарувининг оралиқ йиғилишида асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилинди.
Эслатиб ўтамиз, 21 январдаги, шунингдек, 11 мартдаги Марказий банк Бошқаруви йиғилишида ҳам асосий ставка ўзгаришсиз қолдирилган эди.
Каналга обуна бўлинг
-
2021-04-22 07:00:42+00:00
Ўзбекистонда коронавирус билан касалланиш ҳолатлари ошиб бормоқда
ССВнинг берган маълумотларига кўра, 21 апрель ҳолатига кўра коронавирус инфекцияси қайд этилганлар сони 87 935 нафарга етди. Хабар берилишича, охирги сутка давомида COVID-19 инфекцияси аниқланганлар сони 384 нафарни ташкил этган.
Шунингдек, таъкидлаш лозимки, охирги бир ҳафта ичида кунлик қайд этилаётган ҳолатлар сони 300 дан деярли тушаётгани йўқ. 13 апрелдан бошлаб COVID-19 инфекцияси аниқланганлар сони 200 нафардан тушмаётган бўлса, 16 апрель куни қайд этилган ҳолатлар сони 300 дан ошди. 21 апрелга келиб эса кунлик ҳолатлар сони 400 тага яқинлашиб қолди.
21 апрель ҳолатига кўра, Ўзбекистонда касалликдан соғайганлар жами 85 007 (+290) нафарга етди ва соғайиш кўрсаткичи 97 фоизни ташкил қилмоқда.
Батафсил: https://www.gazeta.uz/uz/2021/04/22/coronavirus/?utm_source=push&utm_medium=telegram
Каналга обуна бўлинг
-
2021-04-22 06:05:08+00:00
Наманганда 5 ёшли қизалоқ ЙТҲ оқибатида вафот этди
20 апрель куни соат 18:30 ларда, Наманган вилояти Мингбулоқ тумани «Жомашуй-Тегирмон-Навбаҳор» йўлининг 4 км.да, Кичик Жомашуй маҳалласи ички йўлида, Nexia-2 иштирокида ЙТҲ содир бўлган.
Nexia-2 русумли автомашинани бошқариб кетаётган ҳайдовчи, йўлни кесиб ўтаётган 5 ёшли пиёдани уриб юборган.
Натижада, жабрланувчи тан жароҳати олиб, воқеа жойида вафот этган.
Ҳолат бўйича туман ИИБ ҳузуридаги ТБ томонидан Жиноят кодексининг 266-моддаси 2-қисми (транспорт воситасини бошқарувчи шахс томонидан транспорт воситаларидан фойдаланиш хавфсизлиги қоидаларинининг бузилиши одам ўлишига сабаб бўлса) билан жиноят иши қўзғатилган.
Каналга обуна бўлинг
-
2021-04-22 04:30:07+00:00
Қашқадарёда NEXIA-1 га ўрнатилган газ баллони ёрилиши оқибатида бир киши вафот этди
22 апрель куни соат 07:07да Қарши тумани, «Истиқлол» МФЙда жойлашган Автомобилларга газ қуйиш шохобчасида NEXIA-1 автомобилига ўрнатилган газ баллони ёрилди. Бу ҳақда ФВВ матбуот хизмати хабар бермоқда.
Ҳодиса оқибатида 1 нафар фуқаро ҳалок бўлди. Шохобчанинг 1 нафар ишчиси тан жароҳати олиб, Республика шошилинч тез тиббий ёрдам илмий марказининг Қашқадарё филиалига ётқизилган.
Ҳозирда вилоят ИИБ, ФВБ, ССБ ва Прокуратура ходимлари томонидан ҳолат юзасидан дастлабки терговолди суриштирув ишлари олиб борилмоқда.
Каналга обуна бўлинг
-
2021-04-21 17:25:49+00:00
Жаҳон янгиликлари дайжести
🇷🇺 Россияда Навальнийни қўллаб-қувватлаш учун митинглар бўлиб ўтмоқда. Ҳозирда 400дан ортиқ киши ҳибсга олинди.
🌏 2020 йилда дунёда қатл этилганлар сони сўнгги 10 йил ичида энг паст кўрсаткични ташкил этди. Хитой, Эрон, Миср ва Саудия Aрабистони қатл этиш бўйича етакчилик қилишмоқда.
🇸🇾 Сурияда май ойида бўлиб ўтадиган президент сайловларида илк бор аёл киши қатнашади.
🇯🇵 Япония коронавируснинг кенг тарқалиши туфайли Токио ва икки ҳудудда фавқулодда ҳолат режимини жорий этади.
🇬🇧 Буюк Британия COVID-19'га қарши дори ишлаб чиқаришни бошлайди. Вирусга қарши дорилар уй шароитида даволаниш учун қўлланилади.
🇮🇳 Ҳиндистонда тўрт кун ичида коронавирус инфекцияси қайд этилганлар сони 1 млн нафарни ташкил этди.
📱 Apple янгиланган iPhone 12, iMac ва iPad Pro қурилмаларини тақдим этди.
Батафсил: www.gazeta.uz/uz/2021/04/21/digest114/?utm_source=push&utm_medium=telegram
Каналга обуна бўлинг
-
2021-04-21 14:36:35+00:00
Январь-март ойларида ташқи савдо ҳажми камайди
2021 йил январь-март ойларида Ўзбекистоннинг ташқи савдо айланмаси 930 млн долларга (-11,6%) камайиб, 7,1 млрд долларни ташкил этди. Экспорт - 2,4 млрд доллар (-26,5%), импорт - 4,7 млрд доллар (-1,3%).
Ўзбекистон жаҳоннинг 151 та мамлакатлари билан савдо алоқаларини амалга ошириб келмоқда. Асосий савдо шериклари:
Хитой ($1,4 млрд);
Россия ($1,3 млрд);
Қозоғистон ($866,7 млн);
Туркия ($653,3 млн);
Жанубий Корея ($408,3 млн);
Қирғизистон ($187,9 млн);
Афғонистон ($165,6 млн);
Украина ($130,1 млн);
Германия ($121,3 млн);
Ҳиндистон ($117,7 млн).
Батафсил: https://www.gazeta.uz/uz/2021/04/21/trade/?utm_source=push&utm_medium=telegram
Каналга обуна бўлинг
-
2021-04-21 14:22:29+00:00
5 та ОТМ вақтинчалик масофавий таълимга ўтди
Ўқитувчи ва талабалар орасида коронавирус билан касалланиш ҳолатлари аниқланганлиги сабабли 5 та ОТМ:
◼️ Самарқанд давлат университети;
◼️ Жисмоний тарбия ва спорт университети;
◼️ Жаҳон тиллари университети ҳамда унинг академик лицейи;
◼️ Тошкент давлат шарқшунослик университети;
◼️ Самарқанд давлат чет тиллар институти 14 кунга масофавий таълим тизимига ўтди.
Каналга обуна бўлинг
-
2021-04-21 14:00:00+00:00
💵 Аҳоли дастурлар доирасида кредит олиш учун қаерга мурожаат қилиши керак?
Аввалроқ, президентнинг тегишли қарори билан жорий йилнинг 1 апрелидан аҳоли ва тадбиркорлик субъектларининг дастурлар доирасида кредит олиш учун аризалари Оилавий тадбиркорликни ривожлантириш дастурлари ягона электрон платформаси орқали қабул қилиниши ҳақида ёзган эдик.
Унда ўзини ўзи банд қиладиган фуқароларга касаначилик, ҳунармандчилик, иссиқхона қуриш ва бошқалар учун 5 млн сўмгача кредит нақд пулда берилиши қайд этилган эди.
«Газета.uz»га кредит олмоқчи бўлган обуначилари томонидан банклар ва ҳокимиятларга қилган мурожаатлари бесамар кетаётгани ҳақида кўплаб мурожаатлар келиб тушмоқда.
Шундан келиб чиқиб, «Газета.uz» oilakredit.uz электрон платформаси орқали кредитни расмийлаштириш жараёнига оид қўлланмани эътиборингизга ҳавола этади.
Қўлланма: www.gazeta.uz/uz/2021/04/21/credits/?utm_source=push&utm_medium=telegram
Каналга обуна бўлинг
-
2021-04-21 13:41:45+00:00
Пахтачи туманида физика-математикага ихтисослашган мактаб ташкил этилади
Ўтган ҳафта президент Самарқандга ташрифи давомида вилоят фаоллари ва ёшлар билан учрашган эди. Унда Пахтачи туманидаги 9-мактабнинг ёшлар етакчиси Муқаддас Мустафоева туманда ҳам Қоракўлдаги каби мактаб-интернат фаолиятини йўлга қўйиш таклифини билдирган эди.
Президент унинг таклифини қўллаб-қувватлаб, халқ таълими вазирига ушбу масала юзасидан топшириқлар берди.
20 апрель куни Шерзод Шерматов Пахтачи туманига борди.
«Вазир собиқ Пахтачи автомобиль ва йўллар касб-ҳунар коллежи биноси ўрнида физика ва математика фанларига ихтисослаштирилган мактаб-интернати фаолиятини йўлга қўйиш масаласига алоҳида эътибор қаратди», — дейилади хабарда.
Бино 2009 йилда қурилган. У 850 ўқувчи ўрнига эга бўлиб, 25 та ўқув хонасидан иборат. Шерзод Шерматов бинонинг белгиланган талабларга жавоб бериши, мактабга малакали ўқитувчиларни жалб қилиш, ўқувчиларни ётоқхона билан таъминлаш имкониятларини ўрганди.
Каналга обуна бўлинг
-
2021-04-21 13:15:00+00:00
❗️Гарвард университетининг талабасига айланган ўзбек қизининг ҳикояси
Ўзбекистонлик Азиза Изамова февраль ойида санъат ва архитектура тарихи йўналиши бўйича докторантурада ўқиш учун Гарвард университетига қабул қилинган эди.
У бакалаврдаги ўқиши давомида Совет Иттифоқидаги сиёсий муҳит Игорь Савицкийнинг Қорақалпоғистонга келишига қандай таъсир қилганлигини ҳамда ОАВда унинг имиджи қандай шаклланганлигини ўрганган.
«Ғарб академик доираларига Марказий Осиёси ҳақида кўпроқ билим олиб келиб, Ўзбекистондаги тадқиқот соҳасини бойитмоқчиман», — дейди у.
Азиза ўқишга ҳужжат топшириш жараёни қандай кечганлиги, ўқишга топширишда нималарга эътибор берганлиги, тадқиқот соҳасини қандай танлаганлиги ва келажакдаги режалари ҳақида гапириб берди.
Тўлиқ интервью: https://www.gazeta.uz/uz/2021/04/21/aziza-izamova/?utm_source=push&utm_medium=telegram
Каналга обуна бўлинг
-
2021-04-21 12:42:15+00:00
Ички ишлар вазирига янги ўринбосарлар тайинланди
Президентнинг тегишли қарорига асосан, Ички ишлар вазирлигида қатор тайинловлар амалга оширилди.
Генерал-майор Азизбек Икрамов Ички ишлар вазирининг ўринбосари — Маънавий-маърифий ишлар ва кадрлар билан таъминлаш департаменти бошлиғи лавозимига тайинланди.
Генерал-майор Баходир Мирзарахимов Ички ишлар вазирининг ўринбосари – Транспорт ва туризм объектларида хавфсизликни таъминлаш департаменти бошлиғи лавозимига тайинланди.
Полковник Бекмурод Абдуллаев Ички ишлар вазирининг ўринбосари — Жамоат хавфсизлиги департаменти бошлиғи лавозимига тайинланди.
Каналга обуна бўлинг
-
2021-04-21 12:02:18+00:00
14 апрелдан бошлаб Ўзбекистон фуқаролари Россияга доимий рейсларда нафақат Ўзбекистондан (Тошкент), балки доимий рейслар тикланган бошқа мамлакатлардан ҳам (Қозоғистон, Қирғизистон, Тожикистон) учишлари мумкин. Бу ҳақда Россиянинг Ўзбекистондаги консуллиги хабар бермоқда.
Энди Ўзбекистон фуқаролари ушбу мамлакатлардан учиш учун у ерда яшаш ҳуқуқига эга бўлишлари шарт эмас.
Каналга обуна бўлинг
-
2021-04-21 11:08:30+00:00
Долларнинг расмий курси кетма-кет еттинчи бор кўтарилмоқда
Долларнинг расмий курси 14,25 сўмга қимматлади ва жами 10 552,01 сўм этиб белгиланди. Шунингдек, евро ва рубль курслари бироз пасайди.
Каналга обуна бўлинг
-
2021-04-21 10:50:45+00:00
Наманганда юк машинаси ҳайдовчиси пиёдани уриб юбориб, воқеа жойидан яширинди
18 апрель куни Наманган вилояти Поп туманида рўй берган ЙТҲ оқибатида бир киши вафот этди, дея хабар бермоқда вилоят ИИБ ахборот хизмати.
Воқеа кечаси соат 03:30 ларда Тошкент-Ўш йўлида содир бўлган. Андижон вилоятида яшовчи, 1986 йилда туғилган фуқаро MAN автомашинасини Тошкент-Водий йўналиши бўйлаб бошқаруви пайтида пиёдани уриб юборган ва унинг ҳаётини хавф остида қолдириб, ҳодиса жойидан кетиб қолганлиги аниқланган.
Пиёда тан жароҳати олиб, воқеа жойида вафот этган.
Ҳолат бўйича туман ИИБ ҳузуридаги Тергов бўлинмаси томонидан жиноят иши қўзғатилди.
Каналга обуна бўлинг
-
2021-04-21 10:07:23+00:00
Хоразмда «самосуд» уюштирган аёлларга жазо тайинланди
2020 йилнинг 9 июнида Хоразм вилояти Кўшкўпир туманида «самосуд» уюштирган тўрт нафар аёлга нисбатан суд жараёни якунига етиб, ҳукм ўқилди.
Ўшанда тунги соат 22:40да Д.К., Д.О., Д.Р. ва Р.Н. жабрланувчини (О.Ҳ) Д.К нинг ўғлининг оиласини бузганликда айблаб, унинг кийимларини йиртиб, қўлларидаги таёқ билан танасининг турли жойларига уриб, қайчи билан сочларини кесиб ташлаган.
Жиноят ишлари бўйича Қўшкўпир тумани судининг ҳукмига кўра, Д.К., Д.О., Р.Н.га 1 йил 6 (олти) ой ва Д.Р га 1 (бир) йил муддатга озодликни чеклаш жазоси тайинланди. Бунда жабрланувчи О.Ҳ нинг уларга нисбатан ҳеч қандай даъвоси йўқлиги инобатга олинган.
Батафсил: https://www.gazeta.uz/uz/2021/04/21/samosud/?utm_source=push&utm_medium=telegram
Каналга обуна бўлинг
-
2021-04-21 09:36:00+00:00
Талабаларга ижара тўловининг 50 фоизи — БҲМнинг 1 бараваридан ошмаган тақдирда қопланади
Президентнинг «Ёшларнинг тадбиркорлик фаолиятини қўллаб-қувватлаш ва бандлигига кўмаклашиш, уларни ижтимоий ҳимоя қилиш ҳамда бўш вақтини мазмунли ташкил этишга оид қўшимча чора-тадбирлар тўғрисида»ги фармони қабул қилинди.
Ҳужжатга мувофиқ, 2021 йил 1 майдан бошлаб ётоқхона билан қамраб олинмаган ва ўзига, шу жумладан ота-онаси (қонуний вакиллари)га тегишли бўлмаган уйда ижара ҳуқуқи асосида яшайдиган давлат ОТМлари талабаларининг 60 фоизига улар томонидан тўланадиган ойлик ижара тўловининг 50 фоизи Давлат бюджети ҳисобидан қоплаб берилади.
Биринчи навбатда эҳтиёжманд оила фарзандларига, ўрнак кўрсатган ва фаол талабаларнинг ижара тўловининг ярми қопланади.
Ижара тўловининг қоплаб бериладиган қисми Тошкент шаҳрида — БҲМнинг 1 бараваридан, қолган ҳудудларда — БҲМнинг 0,5 баравари миқдоридан ошмаслиги лозим.
Каналга обуна бўлинг
-
2021-04-21 09:07:40+00:00
Қўй подасини олиб кетаётган юк машинаси ағдарилди
20 апрель куни кечқурун Жиззах вилояти Пахтакор ҳудудидан ўтувчи «Навбаҳор-Учтепа-Жиззах» йўналишида қўй подасини олиб кетаётган юк машинаси ағдарилиб кетди, деб хабар берди ФВВ матбуот хизмати.
Ҳодисада ҳайдовчига жароҳат етмаган. У машина эшикларини мустақил равишда оча олмаган ва вилоят ФВВ қутқарув гуруҳини чақирган.
Қутқарувчиларнинг тезкор ҳаракатлари натижасида юк автомобилининг тиркамаси махсус ускуналар ёрдамида очилиб, 130 бош зотдор қўйлар қутқарилган.
Афсуски, йўл транспорт ҳодисасида ушбу ҳайвонларнинг бир қисми нобуд бўлган, дейилади хабарда.
Каналга обуна бўлинг
-
2021-04-21 08:22:34+00:00
«Рўзаларни тутиб, даволаниб ётибдилар» — Мурод Хонтўраев Отабек Умаровнинг соғлиғи ҳақида
Аралаш яккакураш спорт тури бўйича жаҳон чемпиони Мурод Хонтўраев президентнинг куёви Отабек Умаров ҳақидаги турли хабарларга ишонмасликни ва ҳозирда унинг саломатлиги яхши эканлигини айтди.
«Отабек акам билан ҳар куни гаплашаман. Кайфиятлари зўр. Ҳеч қанақа интернетдаги ғалати гапларга ишонгманглар. Кўринишлари, ҳаммаси зўр», — деди у.
Спортчи Отабек Умаровнинг жароҳатлари ҳақидаги гапларга муносабат билдирди.
«Оёқлари озгина „травма“ бўлган. Лечение олиб, Рамазонни ўтказиб келадилар. Кеча гаплашдим, рўзаларни тутиб даволаниб ётибдилар», — дейди у.
Эслатиб ўтамиз, оммавий ахборот воситаларида президентнинг куёви Отабек Умаров февраль ойида мотоциклда ЙТҲга учрагани ҳақидаги маълумотни тасдиқловчи хабар пайдо бўлган эди ва у Жанубий Кореяда даволанаётгани айтилганди.
https://www.gazeta.uz/uz/2021/04/21/otabek-umarov/?utm_source=push&utm_medium=telegram
Каналга обуна бўлинг
-
2021-04-21 07:59:43+00:00
Суперлига расман тўхтатилди
Англиянинг «Челси», «Арсенал», «Ливерпуль», «Манчестер Юнайтед», «Манчестер Сити» ва «Тоттенхэм» клублари Суперлигада қатнашишдан бош тортди. Натижада мусобақа расман тўхтатилди.
«Ҳозирги шароитда биз мухлисларга энг яхши наъмунани тақдим этиш ва шу билан бирга бутун футбол жамоатчилигига тўловлар оширилиши учун ўз мақсадларидан кетмаслиги учун лойиҳани ўзгартирамиз", — дейилади баёнотда.
Италиянинг «Ювентус», «Интер», «Милан» ҳамда Испаниянинг «Барселона», «Реал», «Атлетико» жамоалари ҳозирча бу борада расмий хабар бермади.
Батафсил: https://www.gazeta.uz/uz/2021/04/21/stop-superleague/?utm_source=push&utm_medium=telegram
Каналга обуна бўлинг
-
2021-04-21 07:05:01+00:00
Собиқ полициячи Дерек Шовин Жорж Флойднинг ўлимида айбдор деб топилди
Суд ҳайъати Миннеаполиснинг собиқ полициячиси Дерек Шовинни афроамерикалик Жорж Флойдни эҳтиётсизлик оқибатида ўлдиришда айбдор деб топди.
Шовин айбловнинг барча учта банди бўйича айбдор деб топилди. Улардан энг оғири — қасддан содир этилмаган иккинчи даражали қотиллик — 40 йилгача озодликдан маҳрум этишни кўзда тутади.
Унга нисбатан ҳукм тахминан 8 ҳафтадан кейин ўқилади. Шовиннинг ўзи айбини тан олмади ва судда кўрсатма беришдан бош тортди.
Жорж Флойд Миннеаполисда 2020 йилнинг май ойида ўлдирилганди. У 20 долларлик қалбаки пулдан фойдаланишда гумон қилинган. Шовин қўлга олиш вақтида Флойднинг бўйнини 8 дақиқача тиззаси билан босиб турган, унинг нафас ололмаётгани ҳақида бир неча марта айтгани фойда бермаган.
Флойднинг ўлими дастлаб Миннеаполисда, сўнг АҚШнинг барча шаҳарларида, ундан кейин бошқа мамлакатларда ҳам ирқчиликка қарши норозилик намойишларини келтириб чиқарди.
Каналга обуна бўлинг
-
2021-04-21 06:48:49+00:00
«Бир тилни барча учун мажбурий «халқ тили»га айлантиришдан тийилайлик» — Расул Кушербаев
Қонунчилик палатаси аъзолари «Давлат тили ҳақида»ги қонун лойиҳасини кўриб чиқишмоқда.
«Миллий тикланиш» фракцияси раиси Алишер Қодиров қонун лойиҳаси ҳеч қайси миллат вакилини камситмаслигини, «лекин бу меҳрибонлик ўзимизни камситиш ҳисобига бўлмаслиги керак»лигини таъкидлади.
Депутат Расул Кушербаев бунга «…Ким „меҳрибонлик“ сўрабди, кимга керак бундай „меҳрибонлик“, тенглик камситишга олиб бориши нима деган гап? "Ўзимизни" деб кимни айтаяпмиз?», дея муносабат билдирди.
У масала фақатгина давлат тилида иш юритиш ҳақида кетаётганлигини эслатиб, «Кўп миллатли мамлакатда давлат тили масаласини фақат қайсидир миллат тақдири билан боғлайвериш нотўғри» деди.
Батафсил: https://www.gazeta.uz/uz/2021/04/21/language/?utm_source=push&utm_medium=telegram
Каналга обуна бўлинг
-
2021-04-21 06:38:47+00:00
Қайнонаси, ҳомиладор хотини ва икки нафар болани ўлдирган шахс умрбод қамалди
Қашқадарё вилояти Яккабоғ туманида хотини, қайнонаси ва икки нафар ёш болани пичоқлаб ўлдирган 30 ёшли эркакка умрбод қамоқ жазоси тайинланди. Бу ҳақда вилоят ИИБ матбуот хизмати хабар бермоқда.
Жиноят ишлари бўйича Қашқадарё вилоят суди биносида мазкур иш юзасидан сўнгги суд бўлиб ўтди.
А.Х. Жиноят кодексининг 97-моддаси 2-қисми ва 219-моддаси билан айбли деб топилди.
А.Х. га Жиноят кодексининг 59-моддаси 4-қисмига асосан енгилроқ турдаги жазони умрбод озодликдан маҳрум қилиш билан қоплаш орқали, узил-кесил умрбод озодликдан маҳрум қилиш жазоси тайинланди.
Каналга обуна бўлинг
-
2021-04-21 06:28:29+00:00
Ўзбекистон футзал терма жамоаси Жаҳон чемпионатида иштирок этади
Эрон, Япония ва Ўзбекистон футзал термалари Литвадаги жаҳон чемпионатига йўлланма олди. Бу ҳақда Осиё футбол конфедерацияси хабар бермоқда.
ОФК охирги қитъа биринчиликларидаги натижаларни ҳисоблаб, жаҳон чемпионатига йўл олувчи термаларни саралаб олди. Унга кўра, Эрон, Япония ва Ўзбекистон футзал термалари тўғридан-тўғри Литвадаги жаҳон чемпионатига йўлланма олди. Қолган 2 ўрин эгаси эса 4 та жамоа — Ливан, Ироқ, Таиланд ва Ветнам ўртасида аниқланади. Улар плей-оффда қатнашади.
Жаҳон чемпионати 2021 йил 12 сентябрь — 3 октябрь кунлари Литва мамлакатида бўлиб ўтади.
Маълумот учун, Жаҳон чемпионатига йўлланма берувчи Осиё чемпионати пандемия сабаб ўтказилмаганди. Шундан сўнг ОФК мундиал йўлланмасига эга чиқувчи жамоаларни саралашсиз аниқлаб олишга қарор қилди.
Каналга обуна бўлинг
-
2021-04-21 06:12:00+00:00
Алламжонов ОАВ фаолияти билан шуғулланувчи бизнесга босим ҳақида фикр билдирди
«Баъзида давлат идораси ходимлари хусусий тадбиркорлар, яьни ОАВ фаолияти билан шуғулланувчи масъулияти чекланган жамиятга қўнғироқ қилиб, улар қонун доирасида яратаётган маҳсулотларини (мақолани) ўчириб ташлашни талаб қилишади», — деб ёзди Комил Алламжонов.
У бунинг аслида ноқонуний ҳаракат эканлигини қайд этди.
ЎзЛиДеП аъзоси, депутат Расул Кушербаев ҳам ОАВга босимлар тўғрисидаги хабарга муносабат билдирди.
«Биз либерал ғоялар тарафдори сифатида ОАВ ва сўз эркинлигини бўғиш, жамиятни ривожланишдан тўхтатишга қаратилган ҳар қандай ҳаракатни кескин қоралаймиз», — деди у.
Эслатиб ўтамиз, «Чегара билмас мухбирлар» ташкилотининг матбуот эркинлиги бўйича навбатдаги рейтингида 2018 йилдан буён биринчи марта Ўзбекистоннинг кўрсаткичлари ёмонлашган.
Батафсил: https://www.gazeta.uz/uz/2021/04/21/ka/?utm_source=push&utm_medium=telegram
Каналга обуна бўлинг
-
2021-04-21 06:06:15+00:00
9 Май тадбирлари карантин талаблари асосида ўтказилади
Президент фармони билан Иккинчи жаҳон уруши қатнашчилари ва ногиронларининг ҳар бирига тиббий ва ижтимоий хизмат кўрсатиш, уларни парвариш қилиш мақсадида тиббий билимларга эга ходимларни (шартнома асосида) бириктирган ҳолда доимий равишда патронаж хизмати йўлга қўйилади.
Бундан ташқари, уруш қатнашчилари ва ногиронларининг истаклари асосида уларни республика ҳудудидаги санаторийларга бепул юборилиши мумкин.
Тошкент шаҳридаги «Ғалаба боғи» ёдгорлик мажмуасида, вилоятлардаги «Ватанпарварлар» боғлари ва бошқа белгиланган жойларда ҳарбий техникалар намойиши бўлиб ўтади.
Оммавий тадбирлар коронавируснинг кириб келиши ва тарқалишининг олдини олиш чора-тадбирлари дастурини тайёрлаш бўйича республика махсус комиссиясининг тавсиялари асосида амалга оширилиши белгиланди.
Батафсил: https://www.gazeta.uz/uz/2021/04/21/9-may/?utm_source=push&utm_medium=telegram
Каналга обуна бўлинг
-
2021-04-21 05:34:41+00:00
Коррупцион жиноятларнинг сабаблари маълум қилинди
Коррупцияга қарши курашиш агентлиги 2020 йилда содир этилган коррупцион жиноятлар статистикасини эълон қилди.
Унга кўра, 2020 йилда коррупцион жиноятларнинг асосий сабаблари 💰 моддий манфаатдорлик (30%), 🚫 бюрократик тўсиқларнинг мавждулиги (28%) ва 🔰 ижтимоий таъминланмаганлик ёки адолатли меҳнат шароити йўқлиги (12%) каби омиллар бўлган.
Бундан ташқари, иш ҳажмининг тўғри тақсимланмаганлиги, давлат органлари ходимлари фаолиятида манфаатлар тўқнашуви мавжудлиги, ишга қабул қилишда мансабдорнинг (ходимнинг) шахси лозим даражада ўрганилмаганлиги каби омиллар ҳам коррупцион ҳолатларни келтириб чиқарган.
Батафсил: https://www.gazeta.uz/uz/2021/04/21/corruption-factors/?utm_source=push&utm_medium=telegram
Каналга обуна бўлинг
-
2021-04-21 03:51:32+00:00
Меҳнат вазирлиги Шуҳрат Ғаниев якшанба куни йиғилиш ўтказганига муносабат билдирди
Бандлик ва меҳнат муносабатлари вазирлиги 18 апрель (якшанба) куни соат 18:00 да бош вазир ўринбосари Шуҳрат Ғаниев қишлоқ ҳўжалиги масалаларига бағишланган видеоселектор ўтказганини хабар қилди.
Шу муносабат билан тегишли ҳокимият, вазирлик ва идораларга дам олиш кунида ходимларни ишга жалб қилиш тўғрисида буйруқ расмийлаштириш ҳамда тегишли тўловларни амалга ошириш юзасидан огоҳлантириш хатлари берилган.
Шунингдек, Давлат меҳнат инспекцияси томонидан ҳозирги кунга қадар ишдан ташқари ва дам олиш кунларида ходимларни ишга жалб қилиш юзасидан 300 дан ортиқ мониторинглар ўтказилгани, ташкилот ва идораларга 150 дан ортиқ ёзма кўрсатмалар киритилгани маълум қилинди.
Батафсил: https://www.gazeta.uz/uz/2021/04/21/weekend-work/?utm_source=push&utm_medium=telegram
Каналга обуна бўлинг
-
2021-04-21 03:18:46+00:00
Иккинчи жаҳон уруши қатнашчиларига 12 млн сўмдан берилади
Ўзбекистон президенти Шавкат Мирзиёев 20 апрель куни «Иккинчи жаҳон уруши қатнашчиларини рағбатлантириш тўғрисида»ги фармонни имзолади.
9 май Хотира ва қадрлаш куни ҳамда фашизм устидан қозонилган ғалабанинг 76 йиллиги нишонланиши муносабати билан уруш қатнашчилари ва ногиронларига 12 млн сўм миқдорида бир марталик пул мукофоти белгиланди.
Уруш қатнашчилари ва ногиронларига мукофот миқдори 2016 йилда 800 минг сўм, 2017 йилда 2 млн сўм, 2018 йилда 5 млн сўм, 2019 йилда 7,5 млн сўм, 2020 йилда эса 10 млн сўмни ташкил этган эди.
Батафсил: https://www.gazeta.uz/uz/2021/04/21/9may/?utm_source=push&utm_medium=telegram
Каналга обуна бўлинг
-
2021-04-20 16:44:36+00:00
Жаҳон янгиликлари дайжести
🇨🇿 «Ватанга хиёнат» ёзуви Чехия президентининг қароргоҳида маҳаллий фаоллар томонидан тасвирланди. Улар президентни Россия манфаатларини миллий манфаатлардан афзал кўрганликда айбламоқда.
🇬🇧 Буюк Британия пандемияларга қарши курашиш бўйича халқаро экспертлар гуруҳи ташкил этилишини эълон қилди. Экспертлар дунё бўйлаб пайдо бўлаётган янги касалликларни кузатиб боришади.
🇺🇦 Украина хавфсизлик хизмати мамлакатнинг барча вилоятларидаги бўлинмаларини шай ҳолатга келтирди. Бунга Россиянинг Украина билан чегара ҳудудида 100 мингдан ортиқ ҳарбий хизматчиларини жойлаштириши сабаб бўлди.
🇰🇬 Қирғизистонда мактаб имтиҳонлари бекор қилинди. Баҳолар чорак баллари асосида қўйилади.
🇳🇱 Нидерландияда 28 апрелдан бошлаб комендантлик соати бекор қилинади.
Батафсил: www.gazeta.uz/uz/2021/04/20/digest113/?utm_source=push&utm_medium=telegram
Фото: Чехия президентининг қароргоҳи ва ундаги «Ватанга хиёнат» ёзуви
Каналга обуна бўлинг
-
2021-04-20 13:15:00+00:00
UzAuto Motors ҳозирча автомобиллар ишлаб чиқаришни ўтган йилги кўрсаткичга олиб чиқа олмади
Давлат статистика қўмитасининг ҳисоботига кўра, UzAuto Motors 2021 йил январь-март ойларида 44,4 минг дона автомобиль ишлаб чиқарди.
Маълумотларига кўра, Ўзбекистонда енгил автомобиллар ишлаб чиқариш ўтган йилнинг шу даврига нисбатан 40,2 фоизга камайган, ўшанда 75,6 мингта машина ишлаб чиқарилган (31,2 мингтага кўп).
2021 йилнинг уч ойи давомида Cobalt автомобилларини ишлаб чиқариш 28,5 фоизга (17,7 мингдан 12,6 минг донага), Nexia — 66,4 фоизга (20,7 мингдан 6 958 тагача), Gentra — 41,9 фоизга (14,4 мингдан 8 399 тагача), Damas — 7,1%га (12,9 мингдан 12 минггача), Spark — 78,2% га (8 256 дан 1800 гача) камайган.
UzAuto Motors фақат Labo ишлаб чиқаришни 74,4 фоизга — 1470 дан 2564 тагача оширди.
Каналга обуна бўлинг
-
2021-04-20 13:04:28+00:00
Чад президенти қўзғолончиларга қарши жангда жароҳатланиб, вафот этди
Чад президенти Идрис Деби мамлакат шимолида қўзғолончиларга қарши жанг пайтида олган жароҳати туфайли вафот этди, дея хабар бермоқда РИА Новости.
68 ёшли Деби жангариларга қарши курашдаги ғалабани нишонлаш ва қуролли кучлар операцияларига раҳбарлик қилиш учун жанговор ҳаракатлар бўлган жойга борган. Тўқнашувларда давлат раҳбари жиддий жароҳат олган ва кейинчалик касалхонада вафот этган.
Аввалроқ Идрис Деби 79 фоиздан кўпроқ овоз тўплаб, олтинчи муддатга президентликка қайта сайланган эди.
Чадда 18:00 дан 5:00 гача икки ҳафталик миллий мотам ва комендантлик соати эълон қилинди. Шунингдек, ҳарбийлар қуруқлик ва ҳаво чегараларини ёпишга қарор қилишди.
Амалдаги Вазирлар Маҳкамаси ва Парламент тарқатилди. Ҳарбий кенгаш янги сайловлар ўтказишга ваъда берди.
Каналга обуна бўлинг
-
2021-04-20 11:11:33+00:00
Долларнинг расмий курси кетма-кет олтинчи бор кўтарилмоқда
Долларнинг расмий курси 12 сўмга қимматлади ва жами 10 537 сўм этиб белгиланди. Шунингдек, евро курси ҳам кўтарилди, рубль эса бироз пасайди.
Каналга обуна бўлинг
-
2021-04-20 10:21:11+00:00
Матбуот эркинлиги рейтингида Ўзбекистон кўрсаткичи ёмонлашди
«Чегара билмас мухбирлар» (Reporters Without Borders) халқаро нодавлат ташкилоти томонидан тузилган матбуот эркинлиги рейтингида Ўзбекистон ўтган йилгига нисбатан бир поғона пастлаб, 157-ўринни эгаллади.
Ушбу рейтингда Норвегия кетма-кет бешинчи йил етакчига айланмоқда. Ундан кейинги ўринларда Финляндия, Швеция, Дания ва Коста-Рика давлатлари турибди.
Шунингдек, МДҲ давлатлари орасида етакчи сифатида 15-ўринни Эстония, Маркази Осиёдан эса 79-ўринни Қирғизистон эгаллаб турибди.
Бундан ташқари, рейтингда 150-ўриндан Россия, 155-ўриндан Қозоғистон, 162-ўриндан Тожикистон, 178-ўриндан Туркманистон жой олган.
Эслатиб ўтамиз, 2020 йилда Ўзбекистон ушбу кўрсаткич бўйича тўрт поғона юқорилаб, 156-ўринни эгаллаган эди.
Каналга обуна бўлинг
-
2021-04-20 10:04:49+00:00
Миллий гвардия институти Жамоат хавфсизлиги университети этиб қайта ташкил этилди
Президентнинг тегишли қарори билан Миллий гвардия Ҳарбий-техник институти Жамоат хавфсизлиги университети этиб қайта ташкил этилди. Бу ҳақда Адлия вазирлиги матбуот хизмати хабар бермоқда.
Университет қуйидагилар учун кадрлар тайёрлайди:
— ИИВ ва Миллий гвардия учун — жамоат тартибини, йўл ҳаракати хавфсизлиги ва паспорт тизими талабларини амалга ошириш;
— Қуролли Кучлар ва ҳуқуқни муҳофаза қилувчи органлар учун — ҳарбий дипломатия, юриспруденция ва иқтисодиёт ҳамда муҳандислик-техник, тарбиявий-психологик ва қўмондонлик-тактик фаолият соҳасида;
— қўриқлаш тузилмаларига эга органлар учун — қўриқлаш соҳасининг барча йўналишларида.
2021/2022 ўқув йилидан университетда бакалавриат ва магистратура тизими жорий этилади.
Қабул квотаси бакалавриатга 300 тагача курсантларни, сиртқи таълим учун 100 нафаргача тингловчини ташкил этади, дейилади хабарда.
Каналга обуна бўлинг
-
2021-04-20 09:57:48+00:00
Самарқандда уч ойда 1477 та ҳолатда экологияга зарар етказилгани аниқланди
Самарқанд вилояти Экология ва атроф-муҳитни муҳофаза қилиш бошқармасининг жорий йилнинг I чораги давомидаги фаолияти сарҳисоб қилинди.
Таъкидланишича, фуқаролар томонидан қуйидаги қоидабузарликлар содир этилган:
🔸 Чиқиндилар билан боғлиқ ишларни амалга оширишни назорат қилиш — 633 та;
🔸 Атмосфера ҳавосини муҳофаза қилиш — 503 та;
🔸 Сув объектларини муҳофаза қилиш — 53 та;
🔸 Ер ва ер ости бойликларини муҳофаза қилиш — 82 та;
🔸 Ўсимлик дунёсини муҳофаза қилиш — 160 та;
🔸 Ов ва овчилик қоидаларига риоя қилиш — 37 та;
🔸 Балиқчилик қоидаларига риоя қилиш — 9 та.
Қонунбузарларнинг барчасига маъмурий баённомалар расмийлаштирилиб, 748,4 млн сўм жарима белгиланган. Қолаверса, 98 та ҳолатда 279,9 млн сўм табиатга етказилган зарар ҳисобланган.
Шундан 470,9 млн сўм миқдорида жарима ва 209,8 млн сўм зарарлар давлат фойдасига ундирилгани айтилмоқда.
Каналга обуна бўлинг
-
2021-04-20 09:27:11+00:00
«Самарқанд халқаро аэропорти очилса, нархлар тушади» — вазир авиачипталар ҳақида
Бош вазир ўринбосари, туризм ва спорт вазири Азиз Абдуҳакимов Uzbekistan Airways миллий авиакомпаниясининг жуда қиммат авиачипталари борасидаги саволга жавоб бера туриб, бу масала Самарқанд халқаро аэропортига очиқ осмон мақоми берилиши билан ҳал қилинишини таъкидлади.
«Мисол учун Истанбулдан Чимкентга учиб келиш 260 доллар, бизга бўлса 450 доллар. Қарийб 200 доллар фарқ. Албатта, биз рақобатдош бўла олмаймиз. Ҳозир энди Самарқанд халқаро аэропорти очилса, нархлар тушади. Бу бозор, биз ҳаммага имконият бермоқчимиз. Очиқ осмон бу — ҳамма авиакомпаниялар аэропортга келиб қўниши мумкин дегани. Уларнинг қатнови иккитомонлама бўлади, демакки бизникилар уларнинг хизматидан ҳам фойдалана олади», — деди вазир.
Азиз Абдуҳакимовнинг қўшимча қилишича, «биргина Flydubai лоукостери Самарқандга амалга оширадиган авиақатновларини янада кўпайтиришни сўрамоқда».
Каналга обуна бўлинг
-
2021-04-20 08:38:52+00:00
Қирғизистон аҳолиси Ўзбекистон билан ер алмашиш бўйича келишувлардан норози
Қирғизистоннинг Ўш вилояти аҳолиси расмийларнинг Кампир-Обод сув омбори яқинидаги 50 гектар майдонни Ўзбекистонга ўтказиш режасига норози бўлмоқдалар.
14 апрель куни Қирғизистоннинг Қора-Сув вилояти Савай қишлоғи аҳолиси Кампир-Обод сув омбори яқинидаги ҳудудни ўзбек томонига беришига қарши муддатсиз акцияни бошлашди.
Оқсоқоллар расмийларнинг ҳаракатларидан, ер участкалари алмашинуви тўғрисида тушунарли маълумотларнинг йўқлигидан ва маҳаллий аҳоли фикри инобатга олинмаганидан норози эканликларини маълум қилдилар.
Ўзбекистон томони Қирғизистон билан тузилган шартномалар натижалари тўғрисида расмий равишда хабар бермаган.
Музокаралар якунида Қирғизистон Миллий хавфсизлик давлат қўмитаси раиси ўзбек томони билан келишув шартларини ўзгартириш тўғрисида музокаралар учун Тошкентга боришини айтди.
Батафсил: https://www.gazeta.uz/uz/2021/04/20/kg-uz/?utm_source=push&utm_medium=telegram
Каналга обуна бўлинг
-
2021-04-20 08:20:01+00:00
Тошкентда болалар майдончасида 8 ёшли бола вафот этди
Марҳум Н.Щ. нинг (2012 й. т.) отаси ижтимоий тармоқларда эълон қилган баёнотга кўра, ҳодиса 17 апрель куни болалар ўйин майдончасини ободонлаштириш ишлари олиб борилаётган 1, 2 ва 3-уйлар ҳовлисидаги Водник-1 даҳасида содир бўлган.
Ободонлаштириш хизмати ходимлари майдонни тегишли меъёрлар асосида тўсмаганлиги ва бунинг оқибатида 8 ёшли боланинг устига арғимчоқ устуни қулаганлиги айтилмоқда. Бола воқеа жойида вафот этган.
Тошкент шаҳар ИИБ матбуот хизмати «Газета.uz»га хабар беришича, ҳолат юзасидан Жиноят кодексининг 258-моддаси 2-қисмининг «а» банди (тоғ-кон, қурилиш ёки портлатиш ишлари хавфсизлиги қоидаларини бузиш, одам ўлишига олиб келса) билан жиноий иш очилган.
Ҳолат юзасидан бир қатор экспертизалар тайинланган. Тергов давом этмоқда.
Каналга обуна бўлинг
-
2021-04-20 08:05:00+00:00
Uzbekistan Airways компанияси янги бизнес моделига ўтмоқда. Асосий ўзгаришлар
19 апрель куни президент Шавкат Мирзиёев Uzbekistan Airways авиакомпаниясини трансформация қилиш бўйича тақдимот билан танишди.
Компания харажатлари 46,5 млн долларга камайтирилиб, йиллик даромад 40 млн долларга оширилиши кутилмоқда.
9 та норентабел — 🇫🇷 Париж, 🇮🇹 Рим, Милан, 🇮🇳 Амритсар, Мумбай, 🇹🇭 Бангкок, 🇯🇵 Токио, 🇲🇾 Куала-Лумпур ва 🇮🇩 Жакартага рейсларни бекор қилиш режалаштирилган.
Компания хизматларнинг гибрид моделига ўтиб, парвозларнинг бир қисми тўлиқ хизмат кўрсатиш ташувчиси (full service carrier), баъзилари эса арзон нархлардаги ташувчи тамойили бўйича амалга оширилади (low cost carrier). Лоукостер акцияларининг 51 фоизини инвесторга сотиш режалаштирилган.
Батафсил: https://www.gazeta.uz/uz/2021/04/20/uzb-airways/?utm_source=push&utm_medium=telegram
Каналга обуна бўлинг
-
2021-04-20 07:51:05+00:00
Самарқанд туризм салоҳиятининг кўпи билан 5 фоизидан фойдаланаяпмиз — Азиз Абдуҳакимов
Бу ҳақда бош вазир ўринбосари, туризм ва спорт вазири Азиз Абдуҳакимов Самарқандга туристларни жалб қилиш ҳақида гапира туриб маълум қилди.
«Биз Самарқанд туризм салоҳиятининг кўпи билан 5 фоизидан фойдаланяпмиз. Самарқанд халқаро аэропорти орқали 2021 йилда 165 минг йўловчи келиши кутилмоқда. Солиштириб кўрадиган бўлсак, Ўш ва Чимкент аэропортлари орқали йилига камида 1,3−1,4 млн йўловчи ўтади. Бу албатта Самарқанд салоҳиятини оча олмаганимиздан ҳам далолат», — деди у.
«Самарқанд халқаро аэропортига очиқ осмон мақоми берилмоқда. Бу билан кўплаб авиакомпаниялар тўғридан-тўғри учиб келиши мумкин бўлади. Ҳозирнинг ўзида 15 та авиакомпания парвозларни амалга оширишга тайёрлигини билдирмоқда», — деди вазир.
У Ўзбекистон туризмининг асосий мижози сифатида араб мамлакатлари фуқаролари кўрилаётганини айтиб, буни уларнинг оилавий саёҳатни ёқтириши ва ҳар ой чет элга чиқиши билан боғлади.
Каналга обуна бўлинг
-
2021-04-20 07:35:00+00:00
Депутатлар участка нозирлари ваколатларини кенгайтириш тўғрисидаги қонун лойиҳасига қарши овоз берди
19 апрель куни бўлиб ўтган Олий Мажлис Қонунчилик палатасининг мажлисида депутатлар таянч пунктларининг профилактика (катта) инспекторларига электр, иссиқлик энергияси, газ, водопроводдан фойдаланиш қоидаларини бузиш билан боғлиқ маъмурий ҳуқуқбузарликлар тўғрисидаги ишларни кўриб чиқиш ва жазо қўллаш ваколатини бериш тўғрисидаги қонун лойиҳасини маъқуллашмади.
Қуйи палата матбуот хизматининг хабар беришича, депутатлар профилактика инспекторларига қўшимча тариқасида берилаётган вазифалар қатор муаммоларни келтириб чиқариши мумкинлигини таъкидлашган.
Мунозараларда иштирок этган ИИВ масъуллари ҳам белгиланаётган нормаларга қўшилмасликларини билдириб, вазифани бажаришга амалий вақт етмаслигини, профилактика инспекторлари бу соҳада алоҳида мутахассис эмасликларини қайд этишди.
Мажлисда қонун лойиҳаси масъул қўмитага қайтарилди.
Каналга обуна бўлинг
-
2021-04-20 07:25:19+00:00
ИИВ Академиясида икки босқичли олий таълим тизими жорий этилади
Президент қарори билан, ИИВ Академиясида кадрларни тайёрлаш жараёнига бакалавриат ва магистратурани ўз ичига олувчи икки босқичли олий таълим тизими жорий этилади.
Бакалавриат бўйича ўқитиш кундузги ва сиртқи таълим шаклларида йўлга қўйилади.
Магистратура бўйича ўқитиш раҳбар кадрларни тайёрлашга қаратилади ҳамда иккинчи даражадаги «ташкилий-тактик бошқарув» ва «биринчи даражадаги ташкилий-стратегик бошқарув» йўналишларида ташкил этилади.
Бундан ташқари, мазкур қарорга мувофиқ, Академиянинг Нукус филиали ташкил этилади.
Таълим олиш учун номзодлар дастлабки босқичда Қорақалпоғистон Республикаси ва Хоразм вилоятида, кейинчалик Ўзбекистоннинг бошқа ҳудудларида доимий яшовчи шахслар орасидан танлаб олинади.
Батафсил: https://www.gazeta.uz/uz/2021/04/20/academy/?utm_source=push&utm_medium=telegram
Каналга обуна бўлинг
-
2021-04-20 07:14:36+00:00
Метрода тўй қилган тиктокерларга нисбатан жазо тайинланди
Тошкент метрополитенида жамоат тартибини бузган ҳолда тўй қилиб, уни ижтимоий тармоқларга жойлаган шахсларга нисбатан чора кўрилди. Бу ҳақда ИИВ матбуот хизмати хабар бермоқда.
Aввалроқ ижтимоий тармоқларда метро вагонида тўй нишонланаётгани акс этган видео тарқалган эди. Метро вагонида видео олган шахслар терговга чақирилган.
Қоидабузарларнинг ҳар бирига Яшнобод ва Мирзо Улуғбек тумани Жиноий ишлари бўйича судлари томонидан Маъмурий жавобгарлик бўйича кодекснинг 183 (майда безорилик), 54 (эпидемияларга қарши кураш қоидаларини бузиш) ва 115-моддаларига (метрополитендан фойдаланиш қоидаларини бузиш) асосан жами БҲМнинг 4 баробари (980 минг сўм) миқдорида жарима жазоси тайинланди.
Каналга обуна бўлинг
-
2021-04-20 06:26:37+00:00
Тошкент вилоятидаги 14 та мактаб ва 15 та синф карантинга олинди
Жойларлардаги 18 та умумий ўрта таълим мактабининг ўқитувчи ва ўқувчилари орасида коронавирус инфекциясини юқтириш ҳолатлари аниқланганлиги сабабли мазкур мактабларда ўқув жараёнлари масофавий шаклга ўтказилди, дея хабар берди Тошкент вилояти ҳокимлиги матбуот хизмати.
Булар:
▪️ Ўрта Чирчиқ туманидаги 3, 54-сонли мактаблар,
▪️ Бўка туманидаги 2-сонли умумий ўрта таълим мактаби,
▪️ Чирчиқ шаҳридаги 8, 9-сонли,
▪️ Пискент туманидаги 36-сонли,
▪️ Паркент туманидаги 22,51-сонли,
▪️ Тошкент туманидаги 9,12,17,18-сонли,
▪️ Олмалиқ шаҳридаги 17-мактаб,
▪️ Нурафшон шаҳридаги 1-сонли мактаб.
Шунингдек, Ўрта Чирчиқ туманидаги 50-сонли умумтаълим мактабининг 3 та синфи, Бўка туманининг 6-мактабнинг 8 та синфи ва 15-мактабнинг ҳам 1 та синф, Зангиота туманидаги 34 сонли умумтаълим мактабининг 3 та синфлари карантин режимига ўтказилган.
Каналга обуна бўлинг
-
2021-04-20 06:13:30+00:00
Тошкентдаги ЙТҲда икки киши вафот этди
19 апрель куни Тошкент шаҳрининг Олмазор туманида Nexia-3 ва Matiz иштирокида йўл-транспорт ҳодисаси содир бўлди, дея хабар бермоқда ИИББ матбуот хизмати.
Беруний кўчасида, «Тинчлик» метро бекати яқинида, тахминан соат 23:30 да 23 ёшли А.З. бошқарувидаги Nexia-3 ва 25 ёшли Б.Н бошқарувидаги Matiz тўқнашди.
Nexia-3 йўловчиси 24 ёшли М.Т. жароҳат олиб, тиббиёт муассасасига олиб борилган. Ушбу машина ҳайдовчиси эса шифокорлар томонидан кўрсатилган тез тиббий ёрдамга қарамасдан олган жароҳатлари туфайли касалхонада вафот этган.
Matiz ҳайдовчиси воқеа жойида ҳаётдан кўз юмган.
ИИББнинг дастлабки маълумотларига кўра, ЙТҲнинг келиб чиқишига Nexia-3 ҳайдовчиси белгиланган меъёрдан юқори тезликда ҳаракатланиб бошқарувни йўқотганлиги ва йўлнинг қарама-қарши томонига чиқиб кетиб бошқа машина билан тўқнашганлиги сабаб бўлган.
Мазкур факт бўйича жиноят иши қўзғатилди. Тергов ҳаракатлари олиб борилмоқда.
Каналга обуна бўлинг
-
2021-04-20 05:42:03+00:00
Сурхондарё вилояти ҳокимига янги ўринбосар тайинланди
Илҳом Сапаров Сурхондарё вилояти ҳокимининг ёшлар сиёсати, ижтимоий ривожлантириш ва маънавий-маърифий ишлари бўйича ўринбосари лавозимида иш бошлади. Бу ҳақда ЎзА хабар бермоқда.
Тайинловга қадар, Илҳом Сапаров Сурхондарё вилояти маданият бошқармаси бошлиғи вазифасида фаолият юритган.
Каналга обуна бўлинг
-
2021-04-20 05:30:01+00:00
Тошкент вилоятида 75 минг долларга ер олиб бермоқчи бўлган сохта прокуратура ходими ушланди
Ушбу шахс 15 апрель куни Бош прокуратура Ички хавфсизликни таъминлаш бошқармаси ва Департамент ходимлари томонидан қўлга олинди, дея хабар берди Бош прокуратура матбуот хизмати.
Маълумотга кўра, фуқаро А.Ж. ўзини Бош прокуратура Департаментида, яқин қариндоши эса Бош прокуратурада юқори лавозимда ишлашини қайд этиб, фуқаро Б.Ю.га Тошкент вилояти ҳудудида 1,5 гектар ер майдони ажратилишида тегишли қарор чиқартириб беришни ваъда қилган.
Ҳужжатларни расмийлаштириш эвазига шу кунга қадар 51 100 долларни қўлга киритиб, қолган 24 минг долларни олган вақтида ашёвий далиллар билан қўлга олинган.
Гумонланувчи А.Ж. муқаддам Жиноят Кодексининг қатор моддаларида назарда тутилган жиноятларни содир этганлик учун қидирувда бўлган.
Ҳолат юзасидан Жиноят кодексининг тегишли моддалари билан жиноят иши қўзғатилган ва ҳозирда тергов ҳаракатлари олиб борилмоқда.
Каналга обуна бўлинг
-
2021-04-20 05:20:01+00:00
Ўзбекистонда оммавий болалар дегельминтизацияси бошланди
19 апрель куни Ўзбекистон бўйлаб болалар орасида ичак гельминтози билан касалланишнинг олдини олиш бўйича оммавий тадбирлар бошланди.
24 апрелгача давом этадиган тадбирнинг биринчи босқичида 2−10 ёшдаги болалар ҳамда зарарланиш юқори бўлган ҳудудлар — Бухоро, Қашқадарё, Сурхондарё, Сирдарё, Тошкент ва Фарғона вилоятлари ҳамда Қорақалпоғистон Республикасидаги мактабларда 15 ёшгача мактаб ўқувчилари қамраб олинади.
Гельминтозлар инсон организмига паразит чувалчанглар (гижжалар) кириши натижасида юзага келади. Чувалчанглар ўзи яшаб турган вужуддаги озуқалар ҳисобига кун кўради.
Агар болада қуйидаги белгилар кузатилса, унда мазкур зараркунандаларнинг бири бўлиши мумкин:
— боланинг қорни оғрийди,
— иштаҳаси бузилади,
— асабийлашади,
— жиззаки бўлиб қолади,
— уйқусида тишларини ғичирлатади.
Батафсил: https://www.gazeta.uz/uz/2021/04/20/deworming/?utm_source=push&utm_medium=telegram
Каналга обуна бўлинг
-
2021-04-20 05:02:40+00:00
«Ҳар бир туманнинг раҳбарлари 35-40% ойлигини давлатга тўлашни ўйлаши керак» — президент
Президент Шавкат Мирзиёев 16 апрель куни Самарқандда бўлиб ўтган вилоят фаоллари йиғилишида раҳбарларни ишсиз фуқаролар ва мухожирлар масаласи билан ишламаётганлигини танқид қилди. Бу ҳақда «Махсус ракурс» дастурида хабар берилди.
«Ҳар бир районни 4 та раҳбари виждони бўлса, вилоят ҳокимига келиб айтиши керак „35-40 фоиз ойлигимни давлатга тўлайман“, деб. Нимага десангиз ҳар бир маҳалла, туманда 15, 20, 30 фоиз фуқаро чет элда юрибди. Улар учун ойлик оляпсизлар-ку. Нимага уларни бир ойда бўлмаса ҳам, икки ойда бир марта эсламайсизлар? Қаерда юрибди у бечора, қандай сарсон, саргардон юрибди, унинг муаммоси қандай деб. Жуда бўлмаса битта телефон қилиб қўймайсизлар қариндошинг, болаларинг тинч деб. Ойликларингни топширмаган бўлсаларинг ҳам», — деди давлат раҳбари.
Маълумотга кўра, Самарқандда 220 минг нафар фуқаро чет элда, 174 минги эса ишсиз.
Каналга обуна бўлинг
-
2021-04-20 04:31:25+00:00
Ёмон шароитдаги Китоб тумани меҳрибонлик уйи директори ва омбор мудири вазифасидан озод этилди
Болалар жуда ёмон шароитда яшаётган Қашқадарё вилояти Китоб туманидаги меҳрибонлик уйи хабари бўйича вилоят халқ таълим бошқармаси расмий муносабат билдирди.
Унга кўра, Китоб туманидаги 5-Меҳрибонлик уйи 1958 йилда ташкил этилган.
Мазкур муассасада тиббиёт, стоматология, беморларни алоҳидалаш хоналарининг таги бетон қопламали эканлиги, болаларнинг бўш вақтини ўтказиш учун муассасада етарли шароитлар мавжуд эмаслиги, мебеллар эскирганлиги, соғлом овқатлантиришдаги камчиликлари, овқатланиш меъёрларига амал қилинмаганлиги, санитария-гигиена талабларига риоя этилмаганлиги каби камчиликлар қайд этилди.
Ҳолат юзасидан ўз вазифасига совуққонлик билан қараган меҳрибонлик уйи директори ва омбор мудири Меҳнат кодексининг тегишли бандларига асосан ўз лавозимларидан озод этилди, дейилади хабарда.
Каналга обуна бўлинг
-
2021-04-19 17:50:22+00:00
4 та А320 самолётида лоукостер ташкил этиш режалаштирилмоқда
Президент Шавкат Мирзиёевга Uzbekistan airways ва Uzbekistan airports компанияларини трансформация қилиш чора-тадбирлари тақдим этилди.
Тақдимотларга кўра, қуйидагилар режалаштирилмоқда:
фойдаланилмаётган 12 та самолётни тасарруфдан чиқариш;
авиачипталарни хорижда сотиш бўйича агентлар комиссияси фоизини тушириш
талаб юқори бўлган шаҳарларга чартер парвозларни амалга ошириш;
талаб кам бўлган йўналишларда бизнес классни бекор қилиб, ўриндиқлар сонини кўпайтириш ва бошқалар.
Бундан ташқари, 4 та А-320 самолётида лоукостер, яъни арзон қатновлар ташкил этиш мўлжалланган. Узоқ масофали йўналишлар учун 3 та А321 NEO LRни лизингга олиш режалаштирилган.
Батафсил: https://www.gazeta.uz/uz/2021/04/19/aviatsiya/?utm_source=push&utm_medium=telegram
Каналга обуна бўлинг
-
2021-04-19 17:38:55+00:00
Жаҳон янгиликлари дайжести
🚀 Илон Маскнинг SpaceX компанияси Ойга астронавтларни етказиб бериш бўйича шартномани қўлга киритди.
🇨🇿 Чехия Россия элчихонасининг 18 нафар ходимини мамлакатдан чиқариб юборди. Иттифоқдош Словакия, Литва, Польша давлатлари Чехиянинг ушбу қарорини қўллаб-қувватлашди. Бунга жавобан Россия Чехия элчихонасининг 20 нафар ходимини мамлакатдан чиқариб юбормоқда.
🇲🇩 Молдова Социалистик партияси мамлакат президенти Майя Сандуни фитнада айблаб, унинг истеъфосини талаб қилмоқда.
🇫🇷 Франция президенти мамлакат қамоқхоналарида 8 минг қўшимча жой яратишга ваъда берди.
🇨🇺 Фидель Кастронинг укаси, Куба Коммунистик партиясининг биринчи котиби Рауль Кастро истеъфога чиқишини эълон қилди.
🇬🇧 Буюк Британия ҳукумати «душман давлатлардан» ҳимоя қилиш тўғрисидаги қонунни қабул қилади.
Батафсил: www.gazeta.uz/uz/2021/04/19/digest112/?utm_source=push&utm_medium=telegram
Каналга обуна бўлинг
-
2021-04-19 13:43:49+00:00
Жиззахда президентни интернет орқали ҳақоратлаган шахсга нисбатан жиноий иш очилди
Жиззах вилояти Бахмал туманида Ўзбекистон президентини интернетда ҳақоратлаган шахсга нисбатан жиноий иш очилди.
Унга кўра, 1969 йилда Бахмал туманида туғилган фуқаро V.K интернетнинг YouTube ва Facebook тармоқларида профиллар очиб, ушбу профиллари орқали турли мавзуларда интернет тармоқлари орқали тўғридан-тўғри чиқишлар қилган.
Ҳолат юзасидан Жиноят кодексининг 158-моддаси 3-қисми билан жиноят иши қўзғатилган бўлиб, тергов ҳаракатлари олиб борилмоқда.
Батафсил: https://www.gazeta.uz/uz/2021/04/19/slander/?utm_source=push&utm_medium=telegram
Каналга обуна бўлинг
-
2021-04-19 13:10:45+00:00
Самарқандда Nexia-3 велосипедчини уриб юборди
Самарқанд шаҳрида Nexia-3 русумли автомобиль велосипедчини уриб юборгани ҳамда автомобиль эгаси воқеа жойидан қочиб қолгани акс этган видео лавҳалари ижтимоий тармоқларда тарқалди. Мазкур ҳолат бўйича ЙҲХББ изоҳ берди.
19 апрель куни соат 07:30ларда Самарқанд шаҳридаги Гагарин кўчасида ҳайдовчи С.М. Nexia-3 русумли автомобилни бошқараётиб, йўлнинг чап томонидан ўнг томонига кесиб ўтаётган велосипедчи А.А.ни уриб юбориб, ЙТҲ содир этган. Натижада, велосипедчи 35 ёшли А.А. тан жароҳати билан шифохонага ётқизилган.
Текширув давомида велосипедчининг мастлик ҳолатида бўлганлиги аниқланган.
«Мазкур ЙТҲ юзасидан Самарқанд шаҳар ИИО ФМБ ЙҲХБ томонидан суриштирув ҳаракатлари олиб борилмоқда», — дейилади хабарда.
Каналга обуна бўлинг
-
2021-04-19 12:56:38+00:00
Коронавирус аниқланган учта ОТМ масофавий таълимга ўтди
Алишер Навоий номидаги Тошкент давлат ўзбек тили ва адабиёти университети ҳамда Самарқанд иқтисодиёт ва сервис институти ўқитувчилари ва талабалари орасида COVID-19га чалиниш ҳолатлари аниқлангани сабабли муассасалар масофавий таълимга ўтди.
Ўзбек тили ва адабиёти университетида 19 апрель санасидан ўқув жараёни масофавий шаклга ўтказилишига қарор қилинди.
Самарқанд иқтисодиёт ва сервис институти 20 апрель санасидан 14 кунга масофавий таълимга ўтказилди.
Шу билан бирга, Жаҳон иқтисодиёти ва дипломатия университетида ўтган ҳафта мобайнида баъзи кам сонли талабалар орасидан коронавирус инфекцияси қайд этилди. Касалликнинг талаба ва ўқитувчилар орасида тарқалишини олдини олиш мақсадида университетда ўқув жараёни 14 кунга масофавий шаклга ўтказилди.
Каналга обуна бўлинг
-
2021-04-19 12:46:34+00:00
Президент шу ҳафта олти мамлакат элчиларини қабул қилади
Президент матбуот котиби Шерзод Асадов душанба куни ўтказилган брифингда давлат раҳбарининг ҳафта давомидаги режалари ҳақида маълум қилди, дея хабар берди «Газета.uz» мухбири.
«Жорий ҳафта хизмат кўрсатиш соҳасини ривожлантириш бўйича кенгайтирилган йиғилиш ўтказилиши режалаштирилган. Биласизлар, бу соҳа иқтисодиётда, аҳоли бандлигини таъминлашда жуда катта салоҳиятга эга. Ривожланган мамлакатларда ялпи ички маҳсулотнинг катта қисмини шу соҳа таъминлайди. Бизда ҳам бу соҳани тўлиқ ишга солиш мақсадида янги имкониятлар, қулайликлар белгиланиши кутилмоқда», — деди у.
Унинг қўшимча қилишича, президент ҳафта давомида Бангладеш, Чехия, Миср, Иордания, Туркия, Европа Иттифоқи ва Россия Федерациясининг янги элчиларидан ишонч ёрлиқларини қабул қилади.
«Бўлажак маросим янги элчиларнинг юртимиздаги фаолиятини расман бошлаб беради», — дея таъкидлади Шерзод Асадов.
Каналга обуна бўлинг
-
2021-04-19 12:30:27+00:00
Тошкентда айрим маҳсулотлар Европа пойтахтларидан ҳам қимматроқ эканлиги аниқланди
Прогнозлаш ва макроиқтисодий тадқиқотлар институти Price Warnings лойиҳаси доирасида Тошкент бозорларидаги озиқ-овқат маҳсулотлари нархларини ўрганиб чиқди.
Тадқиқотларга кўра, Тошкент шаҳридаги апельсин, лимон ва банан нархлари МДҲ ва Европанинг Лондон, Берлин ва Рим каби бир қатор марказларидаги нархлардан баланд бўлиб турибди.
Бошқа қатор маҳсулотлар бўйича:
🥛 Қадоқланган сут Тошкентда 82 цент, Лондонда 67 цент.
🧈 Маргарин Тошкентда 2,19 доллар, Лондонда 1,92 доллар.
🥔 Картошка Тошкентда 46 цент, Парижда 36 цент.
🍊 Мандарин Тошкентда 1,72 доллар, Парижда 1,55 доллар.
🍝 Макарон Тошкентда 83 цент, Лондонда 56 цент.
Ўсимлик ёғи Тошкентда 1,72 доллар, Лондонда 1,53 доллар.
Барча нархлар: https://www.gazeta.uz/uz/2021/04/19/price/?utm_source=push&utm_medium=telegram
Каналга обуна бўлинг
-
2021-04-19 11:22:31+00:00
Ўзбекистонда болалар орасида коронавирусга чалиниш ҳолатлари кўпаймоқда — ОАВ
Ўзбекистонда коронавирус касаллигига чалинган болалар сони кескин кўпаймоқда, улар орасида ўлим ҳолати ҳам қайд этилган, дейилади «Рост24» нашри томонидан тайёрланган видеолавҳада.
Охирги вақтда болалар орасида коронавирусга чалинганлар кўпайиши кузатилмоқда. Зангиотадаги ихтисослашган шифохонада 2020 йилнинг декабрь ойида 38 нафар, 2021 йилнинг январь ойида 82 нафар, февраль ойида 94 нафар ва март ойида эса 165 нафар, ва ҳозиргача 400 нафарга яқин бола даволанган.
Айни кунларда болалар бўлимида даволанувчиларнинг асосий қисми 5 ёшгача бўлган болалар. Шунингдек, мактаб ўқувчилари ҳам бор.
Батафсил: https://www.gazeta.uz/uz/2021/04/19/child-koronavirus/?utm_source=push&utm_medium=telegram
Каналга обуна бўлинг
-
2021-04-19 11:04:37+00:00
Долларнинг расмий курси яна кўтарилди
Долларнинг расмий курси 13 сўмга қимматлади ва жами 10 525 сўм этиб белгиланди. Шунингдек, евро курси ҳам кўтарилди, рубль эса бироз пасайди.
Каналга обуна бўлинг
-
2021-04-19 10:55:01+00:00
Мирза Азизов 25 кун реанимацияда бўлиб, коронавирус билан курашгани маълум бўлди
16 апрель куни вафот этган Ўзбекистон халқ артисти Мирза Азизов COVID-19 га чалиниб, 25 кун давомида Республика махсус 2-сонли Зангиота шифохонасининг реанимация бўлимида даволанган, дея хабар бермоқда «Дарё» нашри.
Хабарга кўра, актёр 23 март куни соат 15:40 да шифохонага олиб борилган ва аҳволи оғирлиги туфайли реанимация бўлимига ётқизилган.
Маълумотларга асосан, Мирза Азизовда COVID-19 инфекцияси ҳамда икки томонлама пневмония тасдиқланган. Унга юрак ишемик касаллигининг дастлабки ташхиси қўйилган. Актёрда гипертониянинг иккинчи босқичи, семизликнинг иккинчи даражаси, илк бор қандли диабетнинг иккинчи тури аниқланган.
Ушбу сурункали касалликларга қарши шифокорларнинг стандарт бўйича даволаш муолажалари қилинишига қарамасдан, 16 апрель куни соат 12:15 да биологик ўлим ҳолати қайд этилган, дейилади хабарда.
Каналга обуна бўлинг
-
2021-04-19 10:45:23+00:00
Қонун ишлаб чиқишда парламентга ресурс етишмайди — адлия вазири
Адлия вазири Русланбек Давлетов «Hoshimov Iqtisodiyoti» лойиҳасига берган интервьюсида ижро ҳокимияти қонун ишлаб чиқишда нега фаол бўлиши ва парламентнинг қонун ишлаб чиқиш учун ресурслари етишмаслигига тўхталди.
«Ижро ҳокимияти қонунни ишлаб чиқади, экспертларни жалб қилади, бошқа давлат органлари билан ишлайди, жаҳон тажрибасини ўрганади, халқ билан мулоқот қилади», — дейди Давлетов.
Вазирнинг айтишича, депутатларда бундай ресурс йўқлиги учун улар қийналади. «Депутатларда ҳар доим ҳам соҳа бўйича таҳлил бўлмайди. Депутатнинг ёрдамчиси ҳам йўқ. Унга таҳлил қилиб берадиган ёки жаҳон тажрибасини ўрганадиган, чет тилларини биладиган ёрдамчи йўқ», — дейди у.
Бу ҳақида батафсил ва интервьюдан бошқа иқтибослар: www.gazeta.uz/uz/2021/04/19/davletov/?utm_source=push&utm_medium=telegram
Каналга обуна бўлинг
-
2021-04-19 10:24:39+00:00
Ўзбекистон дипломатик ваколатхоналари Россияда бўлиб туришни қонунийлаштириш учун ёрдам кўрсатади
Аввалроқ Россияда 330 мингдан ортиқ ўзбекистонлик ноқонуний мухожирлар мавжуд эканлиги ҳақида хабар берилган эди.
Россия ҳудудида ноқонуний бўлиб турган хорижий давлат фуқароларига 15 июнга қадар ўз мақомларини қонунийлаштиришга рухсат берилган, дея хабар беради Меҳнат миграцияси агентлиги.
Агентлик Россия ҳудудида бўлишни қонунийлаштириш масаласида ёрдам қидираётган фуқароларни Ўзбекистоннинг Россия минтақаларидаги Бош консулхоналарига ҳамда Ташқи меҳнат миграцияси агентлигининг телефон рақамлари орқали мурожаат қилишга чақирмоқда.
Қуйидаги ҳаволада Россиядаги дипломатик ваколатхоналар телефон рақамлари берилган: www.migration.uz/news/view/283
Каналга обуна бўлинг
-
2021-04-19 10:04:40+00:00
Беларусда исёнга уриниш ва президентга суиқасд қилишга тайёргарлик ҳақидаги тафсилотлар маълум қилинди
Беларус қуролли қўзғолон уринишлари ва ҳокимият вакиллари, шу жумладан давлат раҳбарини йўқ қилиш ҳаракатлари бартараф этилди. Ушбу тадбирлар жорий йилнинг июнь-июль ойларига режалаштирилган эди.
«Гуруҳ аъзолари президент, унинг оила аъзоларини жисмонан йўқ қилиш, ҳокимиятни зўрлик билан қўлга киритиш мақсадида қуролли исён уюштириш режасини батафсил режалаштириб, амалга оширишга киришган эдилар» — деди давлат хавфсизлиги қўмитаси раиси.
Президентни йўқ қилиб, қуролли кучларни блоклагандан сўнг, гуруҳ ўз мурожаатни ўқиши учун шаҳар марказидаги бир нечта рамзий объектларни, шу жумладан радиостанция ва телевидениени эгаллашни режалаштирган эди.
Батафсил: https://www.gazeta.uz/uz/2021/04/19/belarus/?utm_source=push&utm_medium=telegram
Каналга обуна бўлинг
-
2021-04-19 09:26:03+00:00
«Китоб туманидаги 5-сонли Меҳрибонлик уйини тугатиш керак» — Алия Юнусова
Бола ҳуқуқлари бўйича вакил Алия Юнусова апрель ойи ўртасида Қашқадарё вилоятига хизмат сафари давомида 5-сонли Меҳрибонлик уйида болалар учун яратилган шароитлар билан яқиндан танишди.
Ўрганишлар давомида озиқ-овқат маҳсулотларининг сифати ўзгаргани, жумладан, карам, редиска, картошка ва нокларнинг чиригани, гўшт ранги ўзгаргани, ошхонанинг санитария ҳолати қониқарли эмаслиги аниқланган. Тиббий хизмат кўрсатишга мўлжалланган хоналарнинг поли бетондан қилинган ва захкаш, мебеллар етарли эмас.
«Китоб туманидаги 5-сонли Меҳрибонлик уйини тугатиш керак. Болалар жуда ёмон шароитда яшашмоқда», — дея вакилнинг сўзларидан иқтибос келтирмоқда омбудсман матбуот хизмати.
«Газета.uz»га маълум қилинишича, Бола ҳуқуқлари бўйича вакил Алия Юнусова Республикадаги барча «Меҳрибонлик» ва болалар уйлари ўрнида Болалар шаҳарчаларини ташкил этишни мақсадга мувофиқ деб ҳисоблайди.
Каналга обуна бўлинг
-
2021-04-19 08:20:00+00:00
Иш ҳафтасининг иккинчи ярмида кам булутли ва қуруқ об-ҳаво бўлади
Душанба куни Ўзбекистон бўйича кам булутли об-ҳаво бўлади, ёғингарчилик кутилмайди, фақат Қорақалпоғистоннинг шимолий туманларида баъзи жойларда бироз ёмғир ёғиши мумкин, дея хабар берди Ўзгидромет.
20 апрелда кундуз куни Тошкент, Самарқанд, Жиззах, Сирдарё вилоятларида ёмғир ёғади, момақалдироқ бўлиши мумкин. Ҳаво ҳарорати кечаси 12-17 даража илиқ, кундузи 17-22 даража илиқ атрофида бўлади.
21 апрелда республиканинг марказий ва шарқий ҳудудларида ёмғир ёғади, баъзи жойларда момақалдироқ билан кузатилади. Кундузги ҳаво ҳарорати 13-18 даража илиқгача пасаяди.
Республиканинг тоғ олди ва тоғли ҳудудларида 20-21 апрелда ёмғир ёғади, баъзи жойларда кучли бўлади, сел келиши хавфи бор.
22 апрелда ҳарорат кечалари 3-8 даража илиқгача пасаяди, кундузи ҳаво 17-20 даража илиқгача исийди, 23 апрелда эса 22-25 даража илиқгача кўтарилади.
Каналга обуна бўлинг
-
2021-04-19 08:10:00+00:00
«Карантин қоидаларини бузганларга нисбатан энг қатъий чоралар қўлланилади» — ИИВ
Ички ишлар вазирлиги карантин қоидаларини бузганларга нисбатан қатъий қонуний чоралар кўрилишини эълон қилди.
Эслатиб ўтамиз, 18 апрелдан бошлаб Коронавирусга қарши кураш бўйича махсус республика комиссиясининг қарори билан Ўзбекистонда карантин чекловлари кучайтирилди. Ҳуқуқ-тартибот ходимларига жамоат жойларида ниқоб тақиш, ижтимоий масофа ва шахсий гигиена қоидаларига риоя қилиш устидан назоратни кучайтириш бўйича кўрсатма берилди.
«Бугунги кунга қадар ички ишлар органлари ходимлари асосан карантин қоидаларини бузган фуқароларни огоҳлантириш билан чекланиб келмоқдалар. Бундан буён қонунни бузганларга нисбатан энг қатъий қонуний чоралар қўлланилади», — деди ИИВ матбуот хизмати раҳбари Шоҳрух Ғиёсов.
Батафсил: https://www.gazeta.uz/uz/2021/04/19/iiv/?utm_source=push&utm_medium=telegram
Каналга обуна бўлинг
-
2021-04-19 07:55:20+00:00
«Сайловлар бўйича бизга холисона баҳо керак» — Шавкат Мирзиёев
Президент Шавкат Мирзиёев ЕХҲТнинг Демократик институтлар ва инсон ҳуқуқлари бўйича бюроси ва Парламент ассамблеяси тўлақонли миссиясини октябрда бўлиб ўтадиган сайловларни кузатиш учун Ўзбекистонга таклиф қилди. Бу ҳақда душанба куни ўтказилган матбуот анжуманида президент матбуот котиби Шерзод Асадов маълум қилди.
14 апрель куни давлат раҳбари Европада хавфсизлик ва ҳамкорлик ташкилотининг амалдаги раиси, Швеция ташқи ишлар вазири Анн Линдени қабул қилган эди.
«Бу борада бизга холисона баҳо керак», — дея президентнинг Анн Линде билан учрашувидаги сўзларидан иқтибос келтирди матбуот котиби.
Шерзод Асадовнинг таъкидлашича, халқаро ташкилот вакили «Ўзбекистонда амалга оширилаётган ислоҳотларни қўллаб-қувватлашини, улар Швециянинг ЕХҲТдаги раислигининг устувор йўналишларига тўлиқ ҳамоҳанг эканини қайд этди».
Аввалроқ, Ўзбекистонда президент сайловлари 24 октябрда ўтказилиши ҳақида ёзган эдик.
Каналга обуна бўлинг
-
2021-04-19 07:43:55+00:00
Европанинг топ клублари футбол бўйича Суперлига ташкил қилишмоқда
Европада футбол бўйича Суперлига ташкил қилинмоқда. Мазкур мусобақанинг ташкилотчиси ким? Мусобақа раҳбарияти, унинг ўтказилиши формати қандай бўлади? УЕФА бунга нима дейди? Буларнинг барчаси ҳақида батафсил маълумотлар «Газета.uz» хабарида.
https://www.gazeta.uz/uz/2021/04/19/europe-superleauge/?utm_source=push&utm_medium=telegram
Каналга обуна бўлинг
-
2021-04-19 06:21:01+00:00
Исроилда кўчада ниқоб тақмасликка рухсат берилди
Исроил Соғлиқни сақлаш вазирлиги мамлакатда коронавирус билан юқтириш даражасининг пасайиши муносабати билан кўчада ҳимоя ниқобларини тақиш талабини бекор қилди. Бу ҳақда вазирлик маълумотларига асосланиб ТАСС хабар бермоқда.
ССВ очиқ ҳавода бўладиган йиғилишларда ниқоб тақишни давом эттиришни тавсия этди. Ўз яшаш жойларидан ташқари, бошқа биноларда ниқоб тақиш мажбурий бўлиб қолмоқда.
Вазирлик шунингдек, исроилликларга «кўчада бўлса ҳам олдиларида ниқоб олиб юришни»ни маслаҳат берди.
20 декабрда Исроилда коронавирусга қарши вакцинация жараёнлари бошланди.
18 апрель ҳолатига кўра, Pfizer вакцинасининг биринчи дозаси билан мамлакатнинг 5 млн 350 минг 327 нафар фуқароси, улардан иккинчи дозаси билан 4 млн 977 минг 399 нафари эмланди.
Каналга обуна бўлинг
-
2021-04-19 05:18:44+00:00
Хитой-ўзбек вакцинаси «британия» ва «бразилия» штаммларига қарши самарали эканлиги тасдиқланди
Хитой-ўзбек ZF-UZ-VAС2001 вакцинаси тадқиқотларнинг учинчи босқичи натижаларига кўра, юқори даражадаги антитаналар ишлаб чиқилишини кўрсатди. Вакцинани коронавируснинг янги «британия» ва «бразилия» штаммларига қарши самарали эканлиги тасдиқланди, дея хабар бермоқда Vaksina.uz Telegram канали.
Қайд этилишича, февраль ойида ўтказилган синовлар натижаларига кўра, вакцина коронавируснинг «жанубий африка» штаммига ҳам қарши актив нейтрал ҳолатини сақлаб қолди.
Назорат гуруҳига киритилган 150 нафар кўнгиллиларнинг 90 фоизида иккинчи дозадан сўнг қонда 4,55 Au/ml дан юқори бўлган антитаначалар даражаси аниқланди. Бу коронавирусни зарарсизлантириш учун етарли ҳисобланади, дейилади хабарда.
Каналга обуна бўлинг
-
2021-04-19 04:55:02+00:00
Наманган таркибида яна битта туман ташкил қилинади
Наманган вилоятининг Наманган шаҳри таркибида Янги Наманган туманини ташкил этиш режалаштирилмоқда. Ушбу масала Олий Мажлис Қонунчилик палатаси кенгашининг навбатдаги йиғилишида кўриб чиқилди.
Шавкат Мирзиёев февраль ойида Наманган вилоятига ташрифи давомида аҳоли учун ижтимоий ва маиший қулайликлар яратиш, аҳоли бандлигини таъминлаш, Наманган шаҳри ҳудудини ижтимоий-иқтисодий ривожлантириш мақсадида Наманган шаҳар бўйсунувида Янги Наманган туманини ташкил этиш таклифини киритган эди.
Ушбу таклиф халқ депутатлари Наманган шаҳар кенгашининг ҳамда Наманган вилояти кенгашининг қарорлари билан маъқулланган.
Батафсил: https://www.gazeta.uz/uz/2021/04/19/yangi-namangan/?utm_source=push&utm_medium=telegram
Каналга обуна бўлинг
-
2021-04-19 04:42:36+00:00
65 ёшдан катталар ва ёш болаларга таровеҳ намозларини уйда адо этиш сўралмоқда
Аҳоли саломатлигини асраб-авайлаш мақсадида жума ва таровеҳ намозларини амалга оширишда 65 ва ундан катта ёшдаги фуқаролар, ёш болалар ҳамда сурункали касаллиги мавжуд шахслар ибодатларни уй шароитида амалга оширишлари бўйича тушунтириш ишларини олиб борилмоқда, дея хабар берди Дин ишлари бўйича қўмита матбуот хизмати.
Ҳар бир намозхон масжид ичида, намоз давомида тиббий ниқоб таққан ҳолда бўлиши ва масжидга киришда дезинфекция воситасидан фойдаланиши кераклиги эслатиб ўтилди.
Бино хоналарини ҳар кунлик дезинфекция қилиш, кириш-чиқиш жойларини пирометрлар, антисептик воситалар билан жиҳозлаш каби муҳим жиҳатлар ҳам алоҳида қайд этилди.
Мураккаб эпидемиологик вазиятни эътиборга олиб, Ўзбекистон фаолият юритаётган бошқа диний конфессияларга мансуб диний ташкилотлар ҳам жамоавий ибодатларни юқоридаги тавсиялар асосида амалга ошириш чораларини кўришлари алоҳида таъкидланди, дейилади хабарда.
Каналга обуна бўлинг
-
2021-04-18 04:14:46+00:00
Ўзгидрометнинг энг баланд тоғ метеостанцияси — Ойгаинг қандай ишлайди
Тоғлардаги қор захираси етарлими, дарёларда сув миқдори қанча бўлади, қор кўчкиси хавфи мавжудми? Технология қанчалик тараққий этмасин, айрим метеокузатувларни одамларнинг иштирокисиз ўтказиб бўлмайди. «Газета.uz» Ўзгидромет таклифи билан мамлакатдаги энг баланд тоғ метеостанцияси — Ойгаингга ташриф буюрди. Бу масканда бир неча мутахассис оиласи билан яшаб, меҳнат қилади, қор қопламаси ҳолатини назорат қилиб, ҳар 3 соатда маълумотлар жўнатиб туради.
Батафсил: https://www.gazeta.uz/uz/2021/04/18/oygaing/?utm_source=push&utm_medium=telegram
Каналга обуна бўлинг
-
2021-04-17 12:21:15+00:00
2021 йилнинг биринчи чорагида ЯИМнинг ҳажми 3 фоизга ошган
Давлат статистика қўмитаси январь-март ойларида Ўзбекистон Республикасининг ижтимоий-иқтисодий ривожланишининг ҳолати бўйича маълумотларни тақдим этди.
2021 йил 1 апрель ҳолатига кўра, Ўзбекистондаги доимий аҳоли сони 34 млн 695,6 мингни ташкил қилмоқда.
Йилнинг илк чорагида ЯИМ ўсиши ўтган йилнинг тегишли даврига нисбатан 103%дан иборат бўлган.
Шунингдек, аҳолининг реал умумий даромадлари ўсиш суръати 109,8 %ни ташкил қилган.
Маълумотлар транспорт, қурилиш ва чакана савдо соҳаларида тикланиш оғир кетаётганини кўрсатмоқда. Йўловчи ташиш соҳасида эса ўтган йилнинг тегишли даври кўрсаткичига ҳали чиқилмаган.
Каналга обуна бўлинг
-
2021-04-17 11:30:00+00:00
Март ойида автомобиллар савдосида ўcиш кузатилди
Иқтисодий тадқиқотлар ва ислоҳотлар марказининг берган маълумотларига кўра, март ойида автомобиль бозорида аҳоли талаби февраль ойига нисбатан 7,7%га ошиб, қаторасига иккинчи ой барқарор ўсиш суръатларини кўрсатди.
2020 йил март ойи билан таққослаганда автомобиллар савдоси ўсиши 47,4%ни ташкил қилди. 2020 йил март ойида республика бўйича жорий этилган локдаун натижасида савдолар февраль ойига нисбатан 34,6%га камайган эди.
Ҳисобот даврида Қорақалпоғистон Республикаси (31,5%), Хоразм (30,5%), Жиззах (23,5%) вилотяларида рўйхатга ва қайта рўйхатга олинган автомобиллар сони юқори суръатларда ўсди.
Бунда, Бухоро (7,9%), Қашқадарё (7%) ва Андижон (4,3%) вилоятларида сезиларли даражада камайиш кузатилди.
Каналга обуна бўлинг
-
2021-04-17 11:00:25+00:00
Zira.uz саҳарлик ва ифторлик учун мазали ва тўйимли таомлар рецептлари рўйхатини тақдим этади.
https://www.gazeta.uz/uz/2021/04/17/zira/?utm_source=push&utm_medium=telegram
Каналга обуна бўлинг
-
2021-04-17 10:40:00+00:00
Энг муҳим спорт хабарлари ҳафталик дайжести
✅ 12 апрель куни Миллий олимпия қўмитаси раисининг биринчи ўринбосари лавозимига Эрматов Равшан Сайфуддинович номзоди илгари сурилди. Кенгаш аъзолари томонидан Равшан Эрматов номзоди бир овоздан маъқулланди ва сайланди.
⚽️ 14 апрель куни «Пахтакор» жамоаси ОЧЛ гуруҳ босқичида дастлабки учрашувни Эроннинг «Трактор» клубига қарши ўтказди. Мазкур баҳсда 3:3 ҳисобидаги дуранг натижа қайд этилди.
🇪🇺 14 апрелдан 15 апрелга ўтар кечаси Европа Чемпионлар Лигасининг барча ярим финалчилари маълум бўлди. «Реал Мадрид» жамоаси мазкур босқичда «Челси» билан куч синашса, «ПСЖ» Англиянинг «Манчестер Сити» клубига қарши баҳс олиб боради.
⚽️ 15 апрель куни АГМК жамоаси ОЧЛ гуруҳ босқичида дастлабки учрашувни «Ал Ҳилол» клубига қарши ўтказди. Мазкур баҳсда 2:2 ҳисобидаги дуранг натижа қайд этилди.
Батафсил: https://www.gazeta.uz/uz/2021/04/17/dayjest/?utm_source=push&utm_medium=telegram
Каналга обуна бўлинг
-
2021-04-17 10:20:15+00:00
Ўзбекистонда неча ёшлиларда кўпроқ COVID-19 юқтириш ҳолатлари кузатилмоқда?
Коронавирусга қарши курашиш бўйича Махсус комиссиянинг кенгайтирилган йиғилишида Cоғлиқни сақлаш вазири ўринбосари — Санитария-эпидемиологик осойишталик ва жамоат саломатлиги хизмати раҳбари Баҳодир Юсупалиев маълумот берди.
Айни пайтда Ўзбекистон ҳудудида рўйхатга олинаётган коронавирусдан касалланганларнинг ёш таҳлили қуйидагича:
▪️ 14 ёшгача бўлган болалар ўртача 13−15 фоизни;
▪️ 15−19 ёшдагилар 4−6 фоизни;
▪️ 20−29 ёшдагилар 11−14 фоизни;
▪️ 30−39 ёшдагилар 17−20 фоизни;
▪️ 40−49 ёшдагилар 10−15 фоизни;
▪️ 50−59 ёшдагилар 12−16 фоизни;
▪️ 60 ёш ва ундан катталар 22−26 фоизни ташкил этмоқда.
Маълумот учун, сўнгги кун давомида Ўзбекистонда 316 та коронавирус юқтириш ҳолатлари аниқланган бўлиб, 16 апрель ҳолатига кўра, мамлакатда коронавирус инфекцияси қайд этилганлар сони 86 338 нафарни ташкил этмоқда.
Каналга обуна бўлинг
-
2021-04-17 10:00:01+00:00
Сергели метро йўналишидаги техник муаммо аввалдан кутилган эди — метрополитен раҳбари
16 апрель куни Тошкент метрополитени раҳбарияти иштирокида бўлиб ўтган матбуот анжуманида Сергели метро йўналишида юз берган техник муаммога изоҳ берилди, дея хабар беради Kun.uz.
8 апрель куни Тошкент метросининг Сергели йўналишида техник муаммо туфайли метро ҳаракати тўхтаб қолган эди. Бунга контакт релсининг кронштейни ушлаб туриш қурилмаларадан чиқиб кетгани сабаб бўлгани айтилганди.
«Тошкент метрополитени» УК раҳбари Ойбек Худойқулов ушбу ҳодиса кутилганини айтди.
«Биз билувдик шунақа ҳолат бўлишини, шунга тайёргарлик қилдик. Фақат бир ойдан кейин бошланади деб ўйлагандик», — дея таъкидлади метрополитен раҳбари.
Батафсил: www.gazeta.uz/uz/2021/04/17/metro/?utm_source=push&utm_medium=telegram
Каналга обуна бўлинг
-
2021-04-17 09:45:00+00:00
Ўзбек олимларининг COVID-19га қарши икки вакцинаси ЖССТ номзод вакциналар рўйхатига кирди
Инновацион ривожланиш вазирлиги ҳузуридаги Илғор технологиялар маркази ҳамда Фанлар академиясининг Геномика ва биоинформатика маркази олимлари томонидан ишлаб чиқилаётган коронавирусга қарши вакциналар Жаҳон соғлиқни сақлаш ташкилотининг номзод вакциналар рўйхатига киритилди, дея хабар қилди Инновациялар вазирлиги матбуот хизмати «Газета.uz»га.
Илғор технологиялар маркази рекомбинант S оқсилли, Геномика ва биоинформатика маркази эса SARS-Cov-2нинг оқсил бўлагининг уч соҳаси: pcDNA3. 1 (+) плазмидасига қўйилган NTD, RBD ва HR1-HR2 вакцинасини ишлаб чиқди. Мазкур икки вакцина ҳозирда клиник олди синовларидан ўтмоқда.
ЖССТнинг маълумотлар базаси COVID-19 вакцинасига қарши вакцина-номзодлари тўғрисида тўлиқ маълумотларни йиғиб боради.
Батафсил: www.gazeta.uz/uz/2021/04/17/vaccines/?utm_source=push&utm_medium=telegram
Каналга обуна бўлинг
-
2021-04-17 09:28:55+00:00
«Менга унинг совуғи ҳам, иссиғи ҳам йўқ» — Қурилиш вазири «12-трест» ҳақида
Ўзбекистон қурилиш вазири Ботир Зокиров Самарқандда бўлиб ўтган матбуот анжуманида акционерлари орасида ўғли ва турмуш ўртоғи ҳам бўлган «12-трест» кўп миллиардли давлат харидларини тендер савдоларисиз қўлга киритгани ҳақидаги хабарларга изоҳ берди.
«51 фоиз давлат улуши бўлгандан кейин менга унинг совуғи ҳам, иссиғи ҳам йўқ», — деди вазир.
Эслатиб ўтамиз, аввалроқ, Тошкентдаги Мустақиллик майдони ёнида жойлашган маъмурий бино реконструкцияси ва фаввора остига автотураргоҳ қуриш бўйича 431,5 млрд сўмлик лойиҳа тендер савдоларисиз «12-трест» компаниясига берилгани ҳақида ёзган эдик.
Батафсил: https://www.gazeta.uz/uz/2021/04/17/zokirov/?utm_source=push&utm_medium=telegram
Каналга обуна бўлинг
-
2021-04-17 09:17:49+00:00
«Жаслиқ»да 100 га яқин маҳкум сақланмоқда — ҳуқуқ ҳимоячиси
Ўзбекистон инсон ҳуқуқлари «Эзгулик» жамияти раиси Абдураҳмон Ташанов Kun.uz'га берган интервьюсида расман ёпилгани эълон қилинган «Жаслиқ» қамоқхонаси фаолият юритишда давом этаётганини маълум қилди.
Унинг айтишича, айни пайтда у ерда умрбод озодликдан маҳрум қилинган юзга яқин маҳкум сақланмоқда. Улар учун ҳозирда Навоий вилоятининг Қизилтепа туманида янги муассаса қурилмоқда. «Шу қамоқхона битса, ҳозир «Жаслиқ»да олиб қолинган маҳкумлар у ерга кўчириларкан», — дейди у.
Маълумот учун, 2019 йилда президент Шавкат Мирзиёев қарори билан Қорақалпоғистоннинг Қўнғирот тумани Жаслиқ қўрғонида жойлашган 19-сон ихтисослаштирилган жазони ижро этиш колонияси тугатилиши эълон қилинган эди.
Батафсил: www.gazeta.uz/uz/2021/04/17/jasliq/?utm_source=push&utm_medium=telegram
Каналга обуна бўлинг
-
2021-04-17 08:52:01+00:00
Керак бўлса тўйларни ҳам тўхтатамиз — бош вазир
Бу ҳақда бош вазир Абдулла Арипов Республика махсус комиссиясининг йиғилишида айтиб ўтди. У тўй, маърака ва маросимлар бўйича чекловлар юмшатилганини, бироқ бунга амал қилинмай қўйилганини қайд этди.
«Эпидепиологик барқарорликка эришиш натижасида, мутахассислар тавсияси ва таклифи билан 100 тагача олиб чиқдик. Энди мумкин экан деб, хаттоки, айрим раҳбарлар ҳам 200−300 кишилик тўй қилаяпти. Бизда бу борада маълумотлар ҳам йўқ эмас. Керак бўлса, улар лавозимидан кетади. Бир неча бор таъкидланганига қарамай, давлат идораларидаги ёпиқ залларда 2−3 соатлаб мажлислар ўтказиляпти», — деди у.
Бош вазир президент йиғилишлар 45 дақиқадан ошиши керак эмаслигини таъкидлаганини эслатиб, раҳбарларга мажлисларни «тез-тез ўтказиб, ишини қилишини» айтди.
У тўйлар масаласида: «Ўтган йили тўйларни тўхтатишгача борган бўлсак, керак бўлса бу йил ҳам қиламиз шу ишни. Халқ саломатлиги учун қилинади», — дея қўшимча қилди.
Каналга обуна бўлинг
-
2021-04-17 08:07:13+00:00
Авиачипталар нархининг ҳаддан зиёд юқорилиги юзасидан сенатор сўрови юборилди
Олий Мажлиси Сенати айрим йўналишларда самолётлар тури деярли бир хил бўлишига қарамасдан, авиачипталар нархлари ҳаддан зиёд баланд эканлигини маълум қилди.
Жумладан, бугунги кунда парвоз вақти 1 соат 10 дақиқа бўлган Тошкент-Олмаота йўналиши бўйича авиачиптанинг нархи фақат бир тарафга 4 млн 700 минг сўмни ташкил қилмоқда. Холбуки, парвоз вақти 3 соат 40 дақиқадан иборат Тошкент-Москва йўналиши бўйича авиачипта нархи 4 млн. 200 минг сўм, Тошкент-Рига йўналиши бўйича 2 млн 800 минг сўм (парвоз вақти — 5 соат 30 дақиқа), Тошкент-Нью Йорк йўналиши бўйича эса 6 млн 500 минг сўм (парвоз вақти — 12 соат) этиб белгиланган.
Батафсил: www.gazeta.uz/uz/2021/04/17/tickets/?utm_source=push&utm_medium=telegram
Каналга обуна бўлинг
-
2021-04-17 07:04:18+00:00
Апрель ойи охиригача Ўзбекистонга «Спутник V» вакцинаси олиб келинади
Бош вазир Абдулла Арипов бошчилигида ўтказилган Республика махсус комиссиясининг кенгайтирилган йиғилишида апрель охиригача Ўзбекистонга «Спутник V» вакцинаси олиб келиниши ҳақида маълум қилинди. Бу ҳақда «Газета.uz» муҳбири хабар берди.
"Ой охиригача «Спутник V» вакцинаси бизга етиб келади. Бу учинчи вакцина. Стратегия бўйича биз учта вакцинани танлаб олганмиз", — деди бош вазир.
Шунингдек, маълум қилинишича, апрель охирида яна бир миллион донадан зиёд Хитой вакцинаси келтирилиши кутилмоқда.
Бундан ташқари, Ўзбекистон йил охиригача ўз вакцинасига эга бўлиши кутилмоқда, бу борада ўзбек олимлари жиддий изланиш олиб бораётгани маълум қилинди.
Каналга обуна бўлинг
-
2021-04-17 06:47:06+00:00
Ўзбекистонга коронавируснинг Жанубий Африкадан аниқланган штамми кириб келди — бош вазир
Бу ҳақда бош вазир Абдулла Арипов маълум қилди, дея хабар беради «Газета.uz» мухбири.
Ҳукумат раҳбари касаллик манбалари бўйича статистикага тўхталиб, 75% ҳолатларда оила ва қариндошлардан, 14−15% ҳолатда иш жойидан, 6−7% ҳолатда ОТМлардан, 11−15% ҳолатда умумий ўрта таълим муассасаларидан зарарланиш қайд этилганлигини маълум қилди.
«Ўтган йилги ҳолат билан таққосланадиган бўлса, ўшанда мактаб болаларида бу касаллик йўқ эди. Ҳозир касаллик ҳам ўз турини ўзгартирди, янада хавфлироқ бўла бошлади. Олдин болаларга таъсир қилмаган бўлса, ҳозир уларга таъсир қиляпти, ҳаттоки боғча болаларига ҳам таъсир қиляпти», — деди бош вазир.
Батафсил: https://www.gazeta.uz/uz/2021/04/17/south-african/?utm_source=push&utm_medium=telegram
Каналга обуна бўлинг
-
2021-04-17 06:01:19+00:00
❗️18 апрелдан карантин қоидаларига амал қилинишини назорат қилиш янада кучайтирилади
17 апрель куни бош вазир Абдулла Арипов Республика махсус комиссиясининг кенгайтирилган йиғилишида касалланиш бўйича йил бошида кунига 15та ҳолат аниқланган бўлса, ҳозир 300 тага чиққанини таъкидлади. Бу ҳақда «Газета.uz» мухбири хабар берди.
18 апрелдан қуйидаги чекловлар ўрнатилади:
▪️ боғча, мактаб, коллеж, лицей ва ОТМларда касалланиш ҳолати аниқланган тақдирда, улар зудлик билан 2 ҳафтага карантинга олинади;
▪️ жарималар қўлланилади;
▪️ умумий овқатланиш жойларида ўриндиқлар 50 %гача чекланади, лекин 100 кишидан ошмаслиги назорат қилинади;
▪️ автобусларда ўриндиқлар 50 %гача чекланади, автобуслар сони кўпайтирилади;
▪️ 1 майдан концерт-томошаларни ёпиқ маданият саройларида ўтказиш чекланади;
▪️ кўчма бригадалар ҳамда дори-дармонлар захираси яратилади.
Шунингдек, таровеҳ намозларини очиқ ҳудудларда адо этиш, ифторликларни эса имкон қадар оила даврасида ўтказиш тавсия этилди.
Каналга обуна бўлинг
-
2021-04-16 17:49:16+00:00
Жаҳон янгиликлари дайжести
💉 Германия канцлери Aнгела Меркель AstraZeneca вакцинаси билан эмланди.
🇮🇱 Исроил Ғазо секторидан учирилган ракетага жавобан ХAМAС объектларига зарба берганини маълум қилди. Қурол ишлаб чиқариш, қурол контрабандаси ўтадиган туннель ва ҳарбий постга ҳужум қилингани айтилмоқда.
🇬🇪 Тбилисида Грузия банки филиалига қуролли ҳужум қилинди. Жабрланганлар йўқ.
🇺🇦 Европа Иттифоқида Украинадаги ислоҳотлар Иттифоққа қўшилиш учун эмас, балки мамлакатни сақлаб қолиш учун керак, дея таъкидланди. Ҳозирда мамлакатнинг ҳамжамиятга қўшилиш масаласи кўриб чикилаётгани йўқ.
🇦🇺 Aвстралияда илк бор эмланишдан сўнг ўлим ҳолати қайд этилди. 48 ёшли аёл AstraZeneca билан эмланганидан кейин унда тромбоз аниқланди.
Батафсил: www.gazeta.uz/uz/2021/04/16/digest111/?utm_source=push&utm_medium=telegram
Фото: Ангела Меркелнинг эмланганлик ҳақида сертификати
Каналга обуна бўлинг
-
2021-04-16 16:38:41+00:00
Шавкат Мирзиёев - Афғонистон орқали темир йўл қуришнинг аҳамияти ҳақида
Президент Шавкат Мирзиёев Самарқандда Ўзбекистон томонидан амалга оширилаётган «Мозори-Шариф — Кобул — Пешавор» темир йўли қурилиши лойиҳаси масаласига тўхталиб ўтди.
«Агар 27 йил давомида Хитой ёки бошқа Осиё давлатларига олиб чиқадиган темир йўл қурганимизда эди, қўшимча бозорлар пайдо бўларди, ишлаб чиқараётган маҳсулотларимиз таннархи, экспорт йўл харажати 60-70 фоизга камайган бўларди», - деди у.
Унинг сўзларига кўра, ҳалигача Ўзбекистон маҳсулотларини Россия ва Қозоғистон орқали экспорт қилишга тўғри келмоқда. Афғонистон орқали темир қурилиши бошланиши билан Ўзбекистон ўзининг экспорт бозорларини диверсификация қилиши, қўшни давлатлар эса ўзбек маҳсулотларига транзит тарифларини пасайтириши кутилмоқда.
Батафсил: https://www.gazeta.uz/uz/2021/04/16/roads/?utm_source=push&utm_medium=telegram
Каналга обуна бўлинг
-
2021-04-16 13:15:00+00:00
Болаларда танқидий фикрлашни қандай ривожлантириш мумкин
Болалар меҳнат бозорида муваффақиятли рақобатлашиши учун қандай кўникмалар уларнинг сифатли ўқишига ёрдам беради?
Ота-оналар фарзандларида танқидий фикрлашни ривожлантириш учун қандай усуллардан фойдаланишлари мумкин?
Бола ўқиш вақтини беҳуда ўтказмаслиги учун қандай қилиб уни ўқишга ўргатиш мумкин?
Бу ва бошқа саволларга халқаро таълим мутахассиси Лилия Мухаметшина жавоб беради.
Мақола: https://www.gazeta.uz/uz/2021/04/16/creative-thinking/?utm_source=push&utm_medium=telegram
Каналга обуна бўлинг
-
2021-04-16 13:00:00+00:00
Самарқанд бешта йўналиш бўйича ривожлантирилади
Самарқандда президент Шавкат Мирзиёев иштирокида вазирлик ва тармоқлар раҳбарлари, маҳаллий кенгаш депутатлари, нуронийлар, ёшлар билан вилоят фаоллари йиғилиши бўлиб ўтди, дея хабар берди давлат раҳбари матбуот хизмати.
Давлат раҳбари «Самарқанднинг эртанги кунини янада яхши қилиш, ёшларга имкониятларни кенгайтириш» биринчи навбатдаги масала эканлигини таъкидлади.
Президент вилоятнинг фойдаланилмаган имкониятларини ишга солиш учун 5 та драйвер соҳани кўрсатиб ўтди. Булар — саноат, транспорт логистикаси, йирик индустриал иссиқхоналар, хизмат кўрсатиш ва туризм.
Batafsil: www.gazeta.uz/uz/2021/04/16/development/?utm_source=push&utm_medium=telegram
Kanalga obuna boʻling
-
2021-04-16 12:50:00+00:00
Мактаб ўқувчилари пайпоғининг узунлигини текшириш ҳолати Миробод туманидаги 110-мактабда бўлиб ўтганлиги аниқланган.
Халқ таълими вазирлигининг баёнотига кўра ҳозирда ҳолат бўйича ўрганиш ишлари олиб борилмоқда.
Вазирлик томонидан ушбу ҳолат юзасидан мактабларга ҳеч қандай топшириқ берилмаганлигини маълум қилди.
Каналга обуна бўлинг
-
2021-04-16 12:21:06+00:00
Россияда 330 мингдан ортиқ ўзбекистонлик ноқонуний муҳожирлар мавжуд
Россия ички ишлар вазирлиги 15 июнга қадар МДҲ давлатларига Россияда ноқонуний бўлиб турган муҳожирларни олиб чиқиб кетишни талаб қилмоқда, дея хабар берди РИА Новости.
Маълумотларга кўра, ҳозирда Ўзбекистондан 332 минг, Тожикистондан 247 минг, Украинадан 152 минг, Озарбойжондан 120 минг, Қирғизистондан 115 минг, Арманистондан 61 минг, Молдовадан 56 минг ва Қозоғистондан 49 минг ноқонуний муҳожирлар Россия ҳудудида бўлиб туришибди.
Маълумот учун, 2020 йил декабрь ойи ўрталарида Россия президенти Владимир Путин фармонига кўра, коронавирус билан боғлиқ вазият сабабли муҳожирларнинг мамлакатда вақтинчалик яшаш муддатини 2021 йил 15 июнгача узайтирган эди.
Каналга обуна бўлинг
-
2021-04-16 12:12:01+00:00
18 апрель куни Тошкентнинг баъзи кўчаларида транспорт ҳаракати чекланади
18 апрель куни соат 07:30 дан 12:30 га қадар маълум кўчаларда транспорт воситалари ҳаракати чекланади.
ИИВ ЙҲХББ хабарига кўра, қуйидаги кўчаларда ҳаракатланиш чекланади:
▪️ Тўлиқ ёпилиш: Зулфияхоним кўчаси — Лабзак кўчасидан (MobiUz офиси) Нурафшон айланма йўлигача;
▪️ Тўлиқ ёпилиш: Нурафшон айланма йўли — Зулфияхоним кўчасидан Шароф Рашидов шох кўчасигача (Ёнғин хавфсизлиги бошқармаси);
▪️ Икки тарафлама ҳаракатланиш йўлнинг битта қисми бўйлаб ташкил қилинади: Шароф Рашидов шох кўчаси — Осиё кўчасидан (Ёнғин хавфсизлиги бошқармаси) Абдулла Қодирий кўчасигача («Жасорат» ҳайкали);
▪️ Икки тарафлама ҳаракатланиш йўлнинг битта қисми бўйлаб ташкил қилинади: Абдулла Қодирий кўчаси — Шаров Рашидов шох кўчасидан («Жасорат» ҳайкали) Лабзак кўчасигача («Анҳор-Локомотив» боғи).
Каналга обуна бўлинг
-
2021-04-16 12:00:36+00:00
Япония Ўзбекистонга 195 млн доллар миқдорида кредит ажратди
16 апрель куни Ўзбекистон молия вазирининг ўринбосари Одилбек Исоқов ва Япониянинг Ўзбекистондаги элчиси Ёщинори Фужияма ривожланиш сиёсатини қўллаб-қувватлаш дастурини амалга ошириш учун 195 млн долларлик келишув ноталарини имзолашди. Бу ҳақда «Газета.uz» га элчихона хабар берди.
Ўзбекистон ҳукуматини молиявий қўллаб-қувватлашга йўналтирилган кредит мамлакатни электр энергияси соҳасидаги сиёсий муаммоларни ҳал қилиш ва ижтимоий-иқтисодий тикланиш ҳамда барқарорлашувига ҳисса қўшишга қаратилган. Ушбу кредит Япония томонидан АҚШ долларида тақдим этилган Ўзбекистонга биринчи кредит бўлди.
Батафсил: www.gazeta.uz/uz/2021/04/16/japan/?utm_source=push&utm_medium=telegram
Каналга обуна бўлинг
-
2021-04-16 11:04:46+00:00
Долларнинг расмий курси яна кўтарилди
Долларнинг расмий курси 4 сўмга қимматлади ва жами 10 512 сўм этиб белгиланди. Шунингдек, евро ва рубль курслари ҳам бироз кўтарилди.
Каналга обуна бўлинг
-
2021-04-16 10:26:38+00:00
«Daryo» мухбири ИИБ ходимининг қўпол қаршилигига учради
Қарши шаҳрида Daryo нашри муҳбири О.Қўлдошев иш фаолияти давомида ИИБ ходимининг қўпол қаршилигига учраган видео лавҳаси ижтимоий тармоқларда тарқалди.
Мазкур ҳолат юзасидан ИИВ ахборот хизмати изоҳ берди.
"Қашқадарё вилояти Қарши шаҳрида Daryo интернет нашри муҳбири Отабек Қўлдошев билан суҳбат жараёнида касб этикасини бузган ички ишлар органи ходимининг ҳаракатлари ўрганиб чиқилиб, ҳуқуқий баҳо берилади", — дейилади хабарда.
Каналга обуна бўлинг
-
2021-04-16 09:28:40+00:00
Дам олиш кунлари илиқ об-ҳаво кузатилади
Жума куни Ўзбекистонда ёғингарчилик кутилмайди, ҳаво ҳарорати 22-27 даража илиқ атрофида бўлиши кутилмоқда, дея хабар берди Ўзгидромет.
Кейинги 3 кун ичида республика бўйича апрель ойи ўртаси учун меъёрий қийматларга яқин бўлган ҳаво ҳарорати билан илиқ ва асосан қуруқ об-ҳаво сақланиб туради. Республика ҳудудининг кўп қисмида бу кунларда ёғингарчилик кутилмайди.
Фақат якшанба куни Фарғона водийси вилоятларида, шунингдек республиканинг тоғ олди ва тоғли ҳудудларида, душанба куни эса республика шимолида баъзи жойларда ёмғир ёғиши момақалдироқ бўлиши мумкин. Ҳаво ҳарорати 16-19 апрелда кечалари 9-14 даража илиқ, кундуз кунлари 22-27 даража илиқ атрофида бўлади.
Каналга обуна бўлинг
-
2021-04-16 09:06:00+00:00
Президент Пахтачи туманининг номини ўзгартиришни таклиф қилди
Шавкат Мирзиёев раислигида Самарқанд шаҳрида ўтаётган йиғилишда Пахтачи туманидан келган онахон билан суҳбатда шу таклифни билдирди.
«Менга Пахтачи номли туман ёқмайди. Нимага у Пахтачи бўлиши керак? Бунинг тарихи йўқми? Кармана ва бошқа туманларнинг ўз тарихи бор. Пахтачи туманининг номини тарихчилар туман тарихини ўрганиб, келажакда шошилмасдан фурсатдан фойдаланиб номини ҳам ўзимизга муносиб қилиб қўяйлик. Пахтачи деган ном, масалан, менга ёқмайди. Нима биз Пахтачи бўлиб ўтиб кетаверамизми?», — дейди президент.
Каналга обуна бўлинг
-
2021-04-16 08:54:10+00:00
Тошкентда ЛГБТга қарши кураш мақсадида мактаб ўқувчиларининг пайпоғи текширилди
Тошкентдаги мактаблардан бирида дарс пайти болаларнинг оёқ кийимини ечтириб, пайпоғини калта ёки узунлигини текширишган. Мазкур ҳолатга эса ЛГБТга қарши кураш деб тушунтириш берилган. Бу ҳақда «Bloger Shahnoza» телеграм-канали муаллифи Шаҳноза Соатова ёзиб қолдирди.
«Кеча ўғлимнинг синфига кириб дарс пайти болаларнинг оёқ кийимини ечтириб, пайпоғини кўришибди: калтами-узунми? Калта пайпоқли оёқларни суратга олишибди (бола ҳуқуқлари? У нима???). Буни ЛГБТга қарши кураш деб тушунтиришибди», — деб ёзади у.
Халқ таълими вазирлигининг «Газета.uz»га маълум қилишича, Халқ таълими тизимидан бундай топшириқ тушмаган.
Шаҳноза Соатова бола пайпоғининг узунлигини ўзи ва ота-онаси ҳал қилиши кераклигини таъкидлади.
Батафсил: https://www.gazeta.uz/uz/2021/04/16/short-socks/?utm_source=push&utm_medium=telegram
Каналга обуна бўлинг
-
2021-04-16 08:25:00+00:00
Ижро органлари раҳбарларларининг кўпи ўқимаган, савияси паст — президент
Президент Шавкат Мирзиёев сўнгги вақтлар нима сабабдан йиғилишларда раҳбарлар ишдан олинаётганига тўхталиб ўтди, дея хабар бермоқда «Газета.uz» мухбири.
«Маъруза ўқилади, лекин ижросини ким таъминлайди? Қарсак чалишни ҳаммамиз ўрганиб олдик. Агар 27 йил қарсак чалмасдан, таълимда, иқтисодиётда, қурлишида аниқ ишлар қилганимизда эди, бугун ҳаётимиз мутлақо бошқача бўлар эди. Жиддий масалаларни ечмадик, ўзимизга олмадик, ижро органи раҳбарларини ўқитмадик. Менинг энг катта фожиам — ижро органлари раҳбарларларининг кўпи ўқимаган, савияси паст. Замон ўзгараяпти, биз ҳам ўзгаришимиз керак», — деди Шавкат Мирзиёев.
Батафсил: https://www.gazeta.uz/uz/2021/04/16/president-/?utm_source=push&utm_medium=telegram
Каналга обуна бўлинг
-
2021-04-16 08:14:47+00:00
Ўзбекистон халқ артисти Мирза Азизов 58 ёшида вафот этди
Ўзбекистон халқ артисти, Муқимий номидаги Ўзбекистон давлат мусиқали театри директори Азизов Мирза Мамаджонович бугун 16 апрель куни 58 ёшида вафот этди. Бу ҳақда Маданият вазирлиги матбуот хизмати хабар бермоқда.
Мирза Азизов мусиқали театр актёри сифатида «Юсуф ва Зулайҳо»да Фиръавн, «Фарҳод ва Ширин» да Баҳром, «Нодирабегим» мусиқали драмасида Мадалихон, «Алпомишнинг қайтиши» спектаклида Алпомиш образлари орқали томошабинлар меҳрини қозонган эди.
Каналга обуна бўлинг
-
2021-04-16 07:50:02+00:00
Вазирлар 10 кун Самарқандда қолиб, муаммолар ечими бўйича ишлайди — президент
«Тошкентдан келган вазирлар вилоятга келади-да, худди Самарқанддаги раҳбарлар айбдордек қарайди. Сизлар чой ичиб, Самарқанд ошини еб кетиш учун келганингиз йўқ. 10 кун шу ерда қолиб вилоятдаги ҳолатни яхшилаш учун ишлайсиз…», — дея президентнинг сўзларини келтиради «Газета.uz» мухбири.
Президент вазирларга вилоятдаги соҳа раҳбарлари билан ишлаш кераклигини таъкидлади.
Батафсил: https://www.gazeta.uz/uz/2021/04/16/samarkand-president/?utm_source=push&utm_medium=telegram
Каналга обуна бўлинг
-
2021-04-16 07:39:17+00:00
Андижонда бир нечта ноқонуний ер сотиш ҳолатлари аниқланди
ДХХ матбуот хизматининг хабар беришича, Андижон вилояти ҳокимлиги ҳузуридаги кичик саноат зоналарини бошқариш дирекцияси ходими 2 нафар шериги билан маҳаллий фуқарога фермер хўжалиги ташкил қилиши учун Хўжаобод тумани ҳокимиятидаги мансабдор танишлари орқали 100 гектар ер ажратиб, ҳужжатларни тайёрлатиб бериш эвазига 128 минг доллар олган вақтида ашёвий далиллар билан ушланган.
Шунингдек, терговолди суриштирув ҳаракатлари давомида мазкур шахслар ўзларининг бу ёрдамлари учун аванс сифатида 7 минг доллар олганликлари аниқланди.
Шу билан бирга, олган пулларининг 70 минг долларини Андижон вилоят Иқтисодий тараққиёт ва камбағалликни қисқартириш бош бошқармасида ишловчи танишига беришлари кераклиги маълум бўлди ва у ҳам пул олган вақтида ушланди.
Бошқа ҳолатлар ҳақида батафсил: www.gazeta.uz/uz/2021/04/16/andijan/?utm_source=push&utm_medium=telegram
Каналга обуна бўлинг
-
2021-04-16 07:27:02+00:00
Самарқанд вилоятининг маркази Гулободга кўчади
Бу ҳақда Самарқанд фаолларининг таклифини президент қўллаб-қувватлади дея «Газета.uz» мухбири хабар бермоқда.
Шунингдек, Самарқанд шаҳрини 1 млн аҳоли яшайдиган йирик шаҳарга айлантириш учун Самарқанд, Пастдарғом, Тайлоқ ва Оқдарё туманлари ҳудудидан 18 минг гектар ер майдони қўшиб берилиши маъқулланди.
Йил якунига қадар шаҳар бош режа лойиҳасини ишлаб чиқиш бўйича тегишли топшириқ берилди.
Самарқанд шаҳри таркибида кейинчалик босқичма босқич 5 та янги туман: Сўғдиёна, Сиёб, Боғишамол, Мароқанд ва Қорасув туманлари ташкил этилади.
Аввалроқ, президентга Самарқанд шаҳри ҳудудини 30,5 минг гектарга кенгайтириш билан боғлиқ лойиҳа тақдим этилган эди.
Каналга обуна бўлинг
-
2021-04-16 06:56:04+00:00
«Ватанпарвар» ташкилоти «Темир дафтар»га кирганларни ҳайдовчиликка бепул ўқитади
«Ватанпарвар» ташкилоти томонидан республика миқёсида «Ёшлар дафтари» ва «Темир дафтар»га киритилган фуқаролар қуйидаги касбларга бепул ўқитилиши режалаштирилган:
▪️ 1-босқичда шу йилнинг апрель ойидан бошлаб фуқароларни «Ватанпарвар» ташкилотининг «Ҳайдовчилар тайёрлаш ва қайта тайёрлаш курсларида» «B»,"BC", «C», «D», «E» тоифалари бўйича ўқитилиши йўлга қўйилиши;
▪️ 2-босқичда август ойидан ёшлар 5 хил касбга — вулканизатор, электрик-аккумуляторчи, газ-электр пайвандчи, чилангар, автоэлектрик мутахассисликлари бўйича ўқитилиши мўлжалланмоқда;
▪️ 3-босқичда декабрь ойидан ёшлар юк ортувчи транспорт, автогидро-подёмник, юк машинаси крани, ғилдиракли трактор, битта ковшли экскаватор техникаларини бошқариш бўйича ўқитилиши кутилмоқда.
Батафсил: www.gazeta.uz/uz/2021/04/16/car-driver/?utm_source=push&utm_medium=telegram
Каналга обуна бўлинг
-
2021-04-16 06:39:37+00:00
Самарқандча тажриба — «Маҳаллабай ишлаш маркази» ташкил этилади
Айни вақт Шавкат Мирзиёев раислигида Самарқанд фаоллари билан йиғилиш бўлиб ўтмоқда. Бу ҳақда «Газета.uz» муҳбири хабар берди.
Йиғилишда Самарқанд вилоятида маҳаллабай ишлаш бўйича янги тажриба амалга оширилиши таъкидланди.
«Янги тизимда, туман (шаҳар) ҳокимининг биринчи ўринбосари структурасида, Маҳаллабай ишлаш маркази ташкил этилади ва марказда ҳар учта маҳаллага биттадан инспектор бириктирилади. Инспекторлар маҳалла раисининг тадбиркорлик ва томорқа бўйича ўринбосари билан ёнма-ён туриб, кечаю-кундуз ишлайди. Улар энди бюджетдан ойлик олиб, маҳаллада иш жойи ташкил этиш билан доимий равишда шуғулланади. Бу „Самарқанд тажрибаси“ бўлади», — деди президент.
Маҳаллабай ишлашнинг янги тузилмаси Пастдарғом туманида 2021 йил 1 майидан, вилоятнинг қолган барча туман ва шаҳарларида эса 1 июлдан босқичма-босқич жорий этилади.
Каналга обуна бўлинг
-
2021-04-16 06:25:00+00:00
Uzbekistan Airways ва яна 14 компания IPO ўтказиладиган компаниялар рўйхатига киритилди
Президент фармони билан 2021-2023 йилларда акциялари фонд биржасида оммавий савдо учун жойлаштириладиган компаниялар рўйхати тасдиқланди.
Рўйхатга 15 та йирик компания киритилди, бироқ тендер комиссияси билан келишилган ҳолда рўйхат яна ўзгартирилиши мумкин:
▪️ «Ўзметкомбинат»
▪️ «Ўзбекнефтегаз»
▪️ «Ўзмиллийбанк»
▪️ Халқ банки
▪️ «Агробанк»
▪️ «Микрокредитбанк»
▪️ «Қишлоқ қурилиш банк»
▪️ «Узагросуғурта»
▪️ «Қурилишмашлизинг»
▪️ «Ўзбекинвест»
▪️ Uzbekistan Airways
▪️ «Ўзтрансгаз»
▪️ «Олмалиқ кон-металлургия комбинати»
▪️ «Навоий кон-металлургия комбинати»
▪️ «Ўзавтосаноат».
Каналга обуна бўлинг
-
2021-04-16 06:11:46+00:00
«Шаҳидлар хотираси» ёдгорлик мажмуаси реконструкция қилинади
Вазирлар Маҳкамасининг тегишли қарорига асосан, Тошкент шаҳридаги «Шаҳидлар хотираси» ёдгорлик мажмуасида қурилиш-таъмирлаш ва ободонлаштириш ишларини амалга ошириш белгиланган. Бу хақда Тошкент шаҳар ҳокимлиги матбуот хизмати хабар бермоқда.
Хабар қилинишича, реконструкция жараёнида ҳудуддаги дарахтларга зарар етказмаган ҳолда қатағон қурбонларининг номлари акс этган рамзий китоб барпо этилади.
Маълумотга кўра, рамзий ротонда реконструкция ишлари амалга оширилиб, музей ходимлари учун алоҳида маъмурий бино қурилади.
Аҳоли учун маиший хизмат бинолари, миллий ҳунармандчилик ва савдо дўконлари, очиқ амфитеатр ва «Wi-Fi» худудлари барпо этиш режалаштирилган, дейилади хабарда.
Каналга обуна бўлинг
-
2021-04-16 05:58:21+00:00
Олмалиқдаги савдогар аёллар билан бўлган воқеа иштирокчиларидан ташқари, Олмалиқ шаҳар давлат солиқ инспекциясининг яна 8 нафар ходими ишдан бўшатилди ва уларнинг барча махсус унвонлари бекор қилинди. Бу ҳақда Давлат солиқ инспекцияси хабар берди.
Тошкент вилояти ДСБ бошлиғи ўринбосари ҳамда Олмалиқ шаҳар давлат солиқ инспекцияси бошлиғига ҳайфсан берилди.
Шунингдек, «Солиқчи-кўмакчи» тамойили асосида шу пайтга қадар ноқонуний фаолият юритган фуқароларга тегишли ҳуқуқий ёрдам кўрсатилиб, фаолияти қонунийлаштирилди.
Аёлларга Олмалиқ шаҳридаги савдо марказидан тегишли жой ажратилиб, кредит олишда амалий ёрдам кўрсатилиб, улардан бирига тикув машинаси ҳадя этилди, дейилади хабарда.
Каналга обуна бўлинг
-
2021-04-16 05:51:43+00:00
Фарғонада аёл-судья зўравонликка учради
Судьялар Олий кенгашининг хабарига кўра, 13 апрель куни Фуқаролик ишлари бўйича Фарғона туманлараро судининг судьяси Илғор МФЙ Саховат кўчасидаги низоли хонадонга эксперт билан бориб, ҳолатни жойида ўрганаётган бўлган.
Хабарда айтилишича, у ерда судья хизмат вазифасини бажараётган бўлган.
Фуқаролик ишига алоқадор бўлмаган М.Н. судьяга жисмоий куч ишлатиб, унинг шахсий мобил телефонини тортиб олади ва ерга уриб қасддан синдиради. Шунингдек, М.Н. «жамоат жойида судьянинг қадр-қимматини камситувчи сўзлар билан ҳақоратлайди».
Натижада низоли иш бўйича тайинланган экспертиза ўтказилмай қолади.
Ҳолат бўйича Судьялар олий кенгаши ваколати доирасида керакли чораларни кўрган. Ҳуқуқни муҳофаза қилувчи идоралар ҳозирда ҳолатни ўрганишмоқда.
Каналга обуна бўлинг
-
2021-04-16 05:22:32+00:00
Наманганда Tico уриб юборган пиёда вафот этди
13 апрель куни Янгиқўрғон туманида Tico русумли автомашинани бошқариб кетаётган ҳайдовчи йўлни кесиб ўтаётган пиёдани уриб юборган, дея хабар берди Наманган вилояти ИИБ ахборот хизмати.
Ҳодиса соат 21:30 ларда, Янгиқўрғон-Наманган йўлининг 17 километрида содир бўлган.
Натижада, пиёда бош мия ёпиқ шикасти, оғир қўшма шикаст ташхиси билан оғир тан жароҳати олиб, шифохонада вафот этган.
Ушбу ҳолат бўйича туман ИИБ ҳузуридаги тергов бўлими томонидан терговга қадар текширув ҳаракатлари олиб борилмоқда.
Каналга обуна бўлинг
-
2021-04-16 05:07:29+00:00
Савдогар аёлларнинг буюмларини тортиб олган солиқчилар ишдан олинди
Бу ҳақда Давлат солиқ қўмитаси бошқарма бошлиғи ўринбосари Музаффар Назаров Zamon дастурига берган интервьюсида маълум қилди.
«Видеода тарқалган ҳолатлар Давлат солиқ хизмати органлари олиб бораётган сиёсатга тўғри келмайди. Солиқ органлари ҳеч қачон фуқароларга нисбатан куч ишлатар тизимдан ёки куч ишлатиш воситаларидан фойдаланишга йўл қўймайди» — деди у.
Ушбу ҳолат юзасидан Давлат солиқ қўмитаси томонидан хизмат текшируви ўтказилди.
«Видеода кўринган, бевосита воқеа айбдорлари бўлган 3 нафар ходим эгаллаб турган лавозимидан озод этилди ва барча махсус унвонлари бекор қилинди», — дея хабар берди Музаффар Назаров.
Бундан ташқари, Олмалиқ шаҳар давлат солиқ инспекцияси бошлиғи, унинг ўринбосари ҳамда жисмоний шахсларга хизмат кўрсатиш бўлими бошлиғига нисбатан интизомий жазо чоралари қўлланилди.
Каналга обуна бўлинг
-
2021-04-16 04:57:38+00:00
«12-трест» билан боғлиқ давлат харидлари ўрганилмоқда
Акционерлари орасида қурилиш вазири Ботир Зокировнинг ўғли ва турмуш ўртоғи ҳам бўлган «12-трест» қўлга киритган давлат харидлари ўрганилмоқда. Бу ҳақда Аксилкоррупция агентлиги бошқарма бошлиғи Зуҳриддин Қодиров маълум қилди.
«Aгентлик томонидан қурилиш соҳасида, тендерлар ва давлат харидларида манфаатлар тўқнашуви ва бошқа ҳолатларни аниқлаш бўйича доимий равишда масофавий мониторинг тадбирлари амалга ошириляпти», - деди у.
Унинг сўзларига кўра, бу қурилиш вазири билан боғлиқ ҳолат ягона ҳолат эмас. Фақат республика миқёсида эмас, вилоятлар миқёсида ҳам кўп ҳолатлар бор.
Агентлик вакили Жиззах вилояти ҳокими Эргаш Солиевнинг ўғли, қизи ва хотини таъсисчи бўлган компанияларнинг бир неча миллиард сўмлик давлат харидларини қўлга киритгани бўйича материаллар тегишли идораларга топширилганини ҳам айтиб ўтди.
Батафсил: www.gazeta.uz/uz/2021/04/16/anti-corruption-agency/?utm_source=push&utm_medium=telegram
Каналга обуна бўлинг
-
2021-04-16 03:58:12+00:00
Ўзбекнинг боласи саводини ўзбек тилида чиқарсин – Алишер Қодиров
Қонунчилик палатаси вице-спикери Алишер Қодиров ўзбек оилалари “фарзандим рус тилини яхши билсин” деган ният билан боғчадан ёки 1-синфдан бошлаб фарзанди учун тамоман бегона бўлган тилни танлашаётганига эътибор қаратди.
Таъкидлашича, болалар 5-6 синфгача бутун диққатини рус тилини англаш учун (!) сарфлайди. Табиий равишда бошқа муҳим фанларни рус тилида тушунмагани учун ўзлаштира олмайди. Бу вақтга келиб иккинчи шок бошланади: юқори синфларда аниқ фанларни рус тилида ўқитадиган педагоглар йўқ ҳисоби. Энди бола математика ва физикани ўзбек тилида ўқишга мажбур бўлади, лекин ўзбек тилини тушунмайди.
«Ўзбекнинг боласи ўзбек қадриятлари билан тарбия кўрсин, саводини ўзбек тилида чиқарсин, 7-синфдан бошлаб истаган хорижий тилни ўргансин, бу миллат ривожи учун зарур», - деди у.
Батафсил: https://www.gazeta.uz/uz/2021/04/16/qodirov-uzbek/?utm_source=push&utm_medium=telegram
Каналга обуна бўлинг
-
2021-04-16 01:28:35+00:00
Тошкентнинг Сергели туманидаги полиэтилен корхонасида йирик ёнғин содир бўлди
Тошкентнинг Сергели туманидаги полиэтилен маҳсулотларини ишлаб чиқариш корхонасида ёнғин чиқди. Ёнғин ҳақидаги хабар Ўзбекистон ФВВ навбатчилик қисмига 15 апрель куни соат 23:08 да келиб тушган.
ФВВ матбуот хизматининг хабар қилишича, ҳодиса жойига 12 та ёнғин-қутқарув экипажи етиб борган. Дастлабки маълумотларга кўра, ёнғин корхонанинг 1000 кв. майдонини қуршаб олган.
Тахминан 00:10 да ёнғин қуршаб, назоратга олинган, 02:05 да тўлиқ бартараф этилган.
Дастлабки маълумотларга кўра, қурбонлар ва жароҳатланганлар йўқ. Ёнғиннинг келиб чиқиш сабаблари ва кўрилган моддий зарар миқдори мутахассислар томонидан ўрганилмоқда.
Каналга обуна бўлинг
-
2021-04-15 17:20:00+00:00
Жаҳон янгиликлари дайжести
🏛 AҚШ Федерал қидирув бюроси Хитойга қарши 2000 дан ортиқ турли хил терговларни олиб бормоқда. Ҳар ўн соатда янги "хитой иши"нинг очилаётгани қайд этилди.
🤝 Ҳиндистон ва Покистон январда БAA ҳукумати кўмаги билан Кашмирдаги вазият бўйича яширин музокаралар ўтказгани аниқланди.
🇦🇫 Грузия ва Болгария ўз ҳарбийларини Aфғонистондан олиб чиқишини эълон қилишди.
🇺🇸 АҚШнинг Миннесота штатида афроамерикаликнинг ўлими юзасидан кетма-кет тўртинчи кун норозилик намойишлари давом этмоқда. 60 дан ортиқ одам ҳибсга олинган.
🇧🇾 Беларусдаги президент сайловларидан сўнг норозилик намойишлари билан боғлиқ 3 мингдан ортиқ жиноятлар қайд этилди.
🇨🇳 Хитой ТИВ аҳолини хавфсизликка ишонтириш учун япониялик сиёсатчиларни Фукусима-1 АЭСдан чиққан сувни шахсан ичиб кўришга ва овқат тайёрлашда фойдаланишга чақирди.
Батафсил: www.gazeta.uz/uz/2021/04/15/diges110/?utm_source=push&utm_medium=telegram
Фото: АҚШ ФҚБ
Каналга обуна бўлинг
-
2021-04-15 16:29:12+00:00
Самарқанддаги туризм маркази 2022 йилда фойдаланишга топширилади
Президент Шавкат Мирзиёев Самарқанд туманида барпо этилаётган туризм маркази қурилишини кўздан кечирди.
Эшкак эшиш канали бўйида 212 гектар майдонда қурилаётган мажмуада 10 та иншоот, жумладан, конгресс холл, меҳмонхоналар, дам олиш масканлари бўлади. Айни пайтда конгресс холл, “Абадий шаҳар” карвон саройи ва 8 та меҳмонхона бунёд этилмоқда. Меҳмонхоналарнинг иккитаси 22 қаватли, беш юлдузли, қолганлари тўрт юлдузли бўлади.
Шунингдек, Самарқанд шаҳрида илк бор гастрономик кўча, Самарқанд тумани “Конигил” маҳалла фуқаролар йиғинида Ўзбекистонда биринчи туризм қишлоғи ташкил этилгани маълум қилинди. Давлат раҳбари мазкур туристик марказни шаҳар билан боғлайдиган йўл ўтказгични бориб кўрди.
Батафсил: https://www.gazeta.uz/uz/2021/04/15/tourist-centre/?utm_source=push&utm_medium=telegram
Каналга обуна бўлинг
-
2021-04-15 14:52:41+00:00
Компаниялар Ўзбекистондаги ишбилармонлик муҳитини қандай баҳолаётгани ўрганилди
Иқтисодий тадқиқотлар ва ислоҳотлар маркази (CERR) март ойида келгуси уч ой ичида ўз бизнесини ривожлантириш истиқболларини қандай баҳолашларини билиш учун Ўзбекистон бўйлаб 1000 га яқин корхоналар билан суҳбат ўтказди.
Унга кўра, март ойида бизнесни ривожлантириш истиқболларини кутиш кўрсаткичи 6 пунктга ўсди ва мос равишда 83 пунктни ташкил этди. Респондентларнинг 83% уларнинг бизнес истиқболлари яхшиланади, деб тахмин қилишган (февраль ойида 79%). Товар ва хизматларга бўлган талаб яхшиланишини кутаётган тадбиркорлар сони ўтган ойдаги каби 73% ни ташкил этди.
Аксарият ишбилармонлар ўз бизнесини янада қўллаб-қувватлаш зарурлигини таъкидлади. Кредит маблағлари билан таъминлаш, ер участкалари ажратиш, солиқ ставкаларини пасайтириш ва кредитлар бўйича фоиз ставкаларини пасайтириш муаммолари айтилди.
Батафсил: www.gazeta.uz/uz/2021/04/15/business-climate/?utm_source=push&utm_medium=telegram
Каналга обуна бўлинг
-
2021-04-15 13:19:48+00:00
АҚШ Россияга қарши янги санкция чораларини эълон қилди
15 апрель куни АҚШ президенти Жо Байден Россия ҳукуматининг «зарарли ташқи фаолияти» туфайли янги санкцияларни жорий этиш тўғрисидаги фармонни имзолади, дея хабар берилади Оқ уй расмий сайтида.
14 июндан АҚШ молия институтларига Россия марказий банки ва Россия молия вазирлигидан, шунингдек Миллий фаровонлик жамғармасидан қимматли қоғозларини бевосита сотиб олиш тақиқланади.
АҚШ ҳукумати, шунингдек, ўтган йили АҚШ давлат идораларига қилинган хакерлик ҳужумида Россиянинг Ташқи разведка хизматини (СВР) расмий равишда айблади.
Бундан ташқари, АҚШ ўн нафар россиялик дипломатни Вашингтондан чиқариб юбормоқда.
Батафсил: www.gazeta.uz/uz/2021/04/15/sanctions/?utm_source=push&utm_medium=telegram
Каналга обуна бўлинг
-
2021-04-15 12:20:00+00:00
2020 йилда энг кўп коррупция ҳолатлари қайси вазирликларда кузатилган?
Бу ҳақда Коррупцияга қарши курашиш агентлиги мутасаддилари иштирокида ўтказилган матбуот анжуманида маълум қилинди.
Агентлик масъул ходими Бекзод Раҳмоновнинг маълум қилишича, Соғлиқни сақлаш вазирлиги, Олий ва ўрта махсус таълим вазирлиги ҳамда Қурилиш вазирлигида 2020 йил давомида энг кўп коррупция ҳолатлари кузатилган.
Шунингдек, маълум қилинишича, Халқ таълими тизимида жами 78 млрд сўм молиявий хато ва камчиликлар, ноқонуний ўзлаштиришлар аниқланиб, қонуний чора кўриш учун ҳуқуқ-тартибот органларига юборилган. Соғлиқни сақлаш вазирлигида 16 млрд сўмлик молиявий хато ва камчиликлар аниқланган ва 22 млрд сўм бюджет маблағларининг мақсадсиз сарфланиши олди олинган.
Каналга обуна бўлинг
-
2021-04-15 12:10:17+00:00
Январь-март ойларида пул ўтказмалари 1,42 млрд долларни ташкил қилди
Марказий банк маълумотларига кўра, 2021 йилнинг январь-март ойларида Ўзбекистонга келиб тушган халқаро трансчегаравий пул ўтказмалари ҳажми деярли 1,42 млрд долларни ташкил этиб, 2020 йилнинг мос даврига нисбатан 336 млн долларга (31% фоизга) ошди.
Шу билан бир қаторда, чет элга юборилган халқаро пул ўтказмалари миқдори 353 млн долларга етди. Натижада трансчегаравий пул ўтказмалари бўйича ижобий сальдо деярли 1,06 млрд долларга етди.
Эслатиб ўтамиз, январь-февраль ойларида Ўзбекистонга келиб тушган халқаро трансчегаравий пул ўтказмалари ҳажми деярли 892 млн долларни ташкил этган эди.
Каналга обуна бўлинг
-
2021-04-15 11:43:01+00:00
Шавкат Мирзиёев Самарқандда Қорасув мавзесидаги уй-жой қурилиши билан танишди
Қорасув мавзесида қурилган кўп қаватли уйлар сони 116 та. Шунингдек, бу ерда 1 минг 600 ўринли мактаб, 120 ўринли болалар боғчаси, маҳалла фуқаролар йиғини биноси, савдо дўконлари, ўйин ва спорт майдончалари барпо этилган. 2021 йилда яна 7 та 16 қаватли, 2 та 25 қаватли уйлар қурилмоқда.
Давлат раҳбари қурувчи ташкилотнинг сифат учун масъулияти ва жавобгарлигини янада кучайтирадиган механизм ишлаб чиқиш зарурлигини таъкидлади.
«Ривожланган давлатлардагидек уйлар қуришни ўзлаштирдик, энди хизмат кўрсатишни ҳам шунга яраша яхшилаш керак», — дейди Шавкат Мирзиёев.
Батафсил: https://www.gazeta.uz/uz/2021/04/15/qorasuv/?utm_source=push&utm_medium=telegram
Каналга обуна бўлинг
-
2021-04-15 11:36:16+00:00
Долларнинг расмий курси яна кўтарилди
Долларнинг расмий курси 10 сўмга қимматлади ва жами 10 507 сўм этиб белгиланди. Шунингдек, евро курси ҳам бироз қимматлади, рубль эса арзонлади.
Каналга обуна бўлинг
-
2021-04-15 11:20:00+00:00
Депутат Янгийўлдаги ишламаётган сув тозалаш иншоати учун икки вазирни танқид қилди
Тошкент вилоятининг Янгийўл туманидаги сув тозалаш иншооти бир неча йилдан бери ишламай турибди, дея хабар берди Қонунчилик палатаси депутати, ЎзЛиДеП фракцияси аъзоси Расул Кушербаев.
Унинг сўзларига кўра, Янгийўл шаҳрининг канализация тармоқларидан чиқаётган чиқинди суви тозаланмасдан Қорасув дарёсига қуйилади.
Расул Кушербаевнинг айтишича, 2019 йилда бош вазир Абдулла Ариповга илтимос қилинганидан сўнг, таъмирлаш ишлари бошланган. Бироқ, маълум бир муддат ўтгач, «Ҳисоб палатасининг тушунарсиз талаби билан» ишлар тўхтатилган.
Қурилиш вазири ва Уй-жой коммунал хизматининг собиқ раҳбарининг «хохиши сабабли ишлар чўзилиб», объект учинчи йил ўзгаришсиз турибди.
Батафсил: www.gazeta.uz/uz/2021/04/15/yangiyul/?utm_source=push&utm_medium=telegram
Каналга обуна бўлинг
-
2021-04-15 11:13:34+00:00
Президентга Имом Бухорий зиёратгоҳининг янги кўриниши тақдим этилди — фото
Президент Шавкат Мирзиёев Самарқандга ташрифи чоғида Имом Бухорий мажмуасининг реконструкция ишлари билан танишди.
2021 йил муборак Рамазон кунларида ушбу зиёратгоҳнинг қурилиш ишлари бошланди.
Лойиҳага кўра, Имом Бухорий мажмуасида катта масжид, тўртта симметрик минора, баланд айвонлар, йўлдан кириб келишда хиёбон бўлади. Кўп сонли зиёратчиларга замонавий қулайликлар яратиш учун 7 та меҳмонхона, 3 та автотураргоҳ ва автобекат, супермаркет, бозорча барпо этилади.
Шунингдек, ошхоналар, ҳунармандчилик буюмлари растаси, ҳаммом, таҳоратхона, кушхона қурилиши кўзда тутилган.
Батафсил: https://www.gazeta.uz/uz/2021/04/15/bukhariy/?utm_source=push&utm_medium=telegram
Каналга обуна бўлинг
-
2021-04-15 09:50:59+00:00
❗️Солиқ органлари куч ишлатар идора эмас — Шерзод Кудбиев
Ижтимоий тармоқларда солиқчилар кўчада сотувчилик қилаётган аёлларнинг буюмларини тортиб олиб, машинага юклашга уринганлиги акс этган видео тарқалди. Солиқ органи ходими аёллардан бирини ерда судраб, сумкасини мажбуран олиб қўйган.
Ҳолат юзасидан Давлат солиқ қўмитаси раиси Шерзод Кудбиев муносабат билдирди.
«Бу биз учун жуда ҳам уятли. Бизнинг шаънимизга, умуман Солиқ хизматининг вазифаларига тўғри келмайдиган ҳодиса юз берган. Ҳодисада ўзини ноўрин тутган ва ноўрин хизмат вазифасини бажарган ходимларга нисбатан тегишли жазо чоралари кўрилади», — дейди у.
Шунингдек, Кудбиев солиқ органлари куч ишлатар идора эмаслигини таъкидлади.
«Бундай ҳолат юз берганлиги учун бутун халқимиздан мана шундай ходимлар ҳали ҳам орамизда борлиги учун узр сўрайман», — деди Давлат солиқ қўмитаси раиси.
Батафсил: https://www.gazeta.uz/uz/2021/04/15/kudbiev/?utm_source=push&utm_medium=telegram
Каналга обуна бўлинг
-
2021-04-15 09:30:29+00:00
Европа Иттифоқида июнь ойида саёҳат учун сертификатлар кучга киради
Европа комиссияси 21 июнь кунидан бошлаб «рақамли яшил сертификат» кучга киришини эълон қилди. Ҳужжат Европа Иттифоқи мамлакатларида ҳаракатланиш эркинлигини қайта тиклашга имкон беради, деб хабар берди Euronews.
Сертификатнинг мавжудлиги саёҳатчининг маҳаллий аҳолига инфекция юқтириш хавфи йўқлигини англатади. Ҳужжатни синовдан ўтказиш 1 июндан бошланади.
Ҳужжат электрон қурилмаларга жойлаштирилади ёки қоғоз шаклида йўлга қўйилади. Европа адлия комиссари унинг мавжудлиги мажбурий эмаслигини таъкидлади.
Сертификатда суғурталанганлик, турли мамлакатларда тан олинган вакциналар билан эмланганлик, коронавирус бўйича тестлар натижалари ва у инсон агар COVID-19 билан касалланган бўлса, соғайганлиги тўғрисида маълумотлар кўрсатилган бўлади.
Батафсил: www.gazeta.uz/uz/2021/04/15/certificates/?utm_source=push&utm_medium=telegram
Каналга обуна бўлинг
-
2021-04-15 09:07:30+00:00
Самарқанд халқаро аэропорти йилига 1,5 млн йўловчига хизмат қилади
Ҳудуди 25,2 гектарни ташкил қилган мазкур аэропорт «Uzbekistan Airports» АЖ «Самарқанд халқаро аэропорти» МЧЖ буюртмасига асосан барпо этилмоқда, дея хабар беради «Газета.uz» мухбири.
Ўзбекистон ҳукумати томонидан Самарқанд халқаро аэропорти ва аэродром комплексининг (аэронавигациядан ташқари) модернизацияси ҳамда бошқаруви ҳуқуқи ДХШ асосида 20 йилга «Air Marakanda» компаниясига топширилади.
Компания инфратузилма ривожланишига 80 млн доллар инвестиция киритиши кўзда тутилган.
Ҳозирда бир қатор хорижий авиакомпанияларни жалб қилиш режалаштирилган.
Батафсил: https://www.gazeta.uz/uz/2021/04/15/samarkand-airport/?utm_source=push&utm_medium=telegram
Каналга обуна бўлинг
-
2021-04-15 08:55:00+00:00
Ажримларни камайтириш учун ёшларга имомлар таълим бериши таклиф қилинди
14 апрель куни Тошкент шаҳри Юнусобод тумани ҳокими Жахонгир Ибрахимов тумандаги масжид имомлари иштирокида оилаларда ажримнинг олдини олиш масаласи юзасидан учрашув ўтказди. Бу ҳақда туман ҳокимлиги матбуот хизмати хабар бермоқда.
Мажлис давомида, ажримлар сонини камайтириш борасида қуйидаги таклифлар киритилди.
🔶 Оила қуриш олдидан йигит-қизларни имомлар томонидан олиб бориладиган 3 ойлик ўқув дарсларида ўқитиш;
🔶 Оила тушунчасини мактабдан бошлаб алоҳида дарс сифатида киритиш;
🔶 Aҳлоқий жиҳатдан «ўзбек менталитетига» тўғри келмайдиган телесериал ҳамда кинофилмларни эфирга узатмаслик каби таклифлар айтилди.
Батафсил: www.gazeta.uz/uz/2021/04/15/yunusobod/?utm_source=push&utm_medium=telegram
Каналга обуна бўлинг
-
2021-04-15 08:36:58+00:00
Президент Самарқанд аэропортини реконструкция қилиш ишлари билан танишди
Шавкат Мирзиёев Самарқанд вилоятига ташрифини халқаро аэропортнинг реконструкция ишлари билан танишишдан бошлади.
Сентябрь ойида фойдаланишга топшириладиган янги аэропорт соатига 800 нафар йўловчига хизмат кўрсатиш қувватига эга бўлади.
«Одамларга қулайлик яратиш асосий мақсад бўлиши керак. Бунинг учун «ақлли технологиялар»ни қўллаш, хизматларни арзон, сифатли, тезкор қилиш зарур», — деди Шавкат Мирзиёев.
Лойиҳа натижасида 1000 та иш ўрни яратилади.
Батафсил: https://www.gazeta.uz/uz/2021/04/15/airport/?utm_source=push&utm_medium=telegram
Каналга обуна бўлинг
-
2021-04-15 08:17:39+00:00
АҚШ 1 майдан бошлаб Афғонистондан ўз ҳарбийларини олиб чиқиб кетишни бошлайди
АҚШ 1 майдан бошлаб Афғонистондан ўз қўшинларини босқичма-босқич олиб чиқишни бошлайди ва бу жараённи 11 сентябрь — Халқаро савдо маркази ва Пентагон биноларига уюштирилган терактларнинг 20 йиллигига қадар якунлаш режалаштирилган. Бу ҳақда АҚШ президенти Жо Байден чоршанба куни Оқ уйдаги нутқида айтиб ўтди.
«Биз 2001 йилда Афғонистонга Ал-Қоидани йўқ қилиш ва Афғонистонда АҚШга қарши режалаштирилган террористик ҳужумларнинг олдини олиш мақсадида боргандик. Бизнинг мақсадимиз аниқ эди. Сабаби эса адолатли эди. НАТОдаги иттифоқчиларимиз ва шерикларимиз биз билан бирлашишди. Биз ушбу мақсадга эришдик», — деди АҚШ раҳбари.
Жо Байден АҚШнинг мамлакатга гуманитар ёрдам кўрсатишда давом этишини ва Афғонистон ҳукуматини қўллаб-қувватлашини таъкидлади.
Батафсил: www.gazeta.uz/uz/2021/04/15/us-troops/?utm_source=push&utm_medium=telegram
Каналга обуна бўлинг
-
2021-04-15 07:04:22+00:00
Тошкент метрополитени вақт кўрсатувчи таблосидаги "ножўя ёзув" юзасидан изоҳ берди
«Ижтимоий тармоқларда Тошкент метрополитенининг Сергели йўналишидаги „3-Бекат“ станциясида вақтини кўрсатувчи соат дарчасида ҳаракатланувчи сатрда ножўя гап акс эттирилган видео тарқалмоқда», — дейилади хабарда. Видео Tik-Tok ижтимоий тармоғида жойланган.
Хабар берилишича, 12 апрель куни соат 16:40 да вақтни кўрсатувчи соат механизмига хакерлар томонидан киберҳужум (бузиб кириш) содир бўлганлиги аниқланган. Ушбу дарча электрон тизимли бўлиб Wi-Fi орқали бошқарилади. Ҳужумчилар соатга ўрнатилган паролни бузиб, унга ножўя гапни ҳаракатланувчи сатрга жойлаштирган.
Ушбу ёзув 4 дақиқа ичида олиб ташланган. Ҳуқуқни муҳофаза қилиш органлари томонидан айбдорлар қидирилмоқда ва уларга нисбатан тегишли чоралар кўрилади.
«Тошкент метрополитени» УК раҳбарияти телекоммуникация тармоғига ноқонуний (санкциясиз) уланишга нисбатан жиноий жавобгарлик белгиланганлигини эслатиб ўтди.
Каналга обуна бўлинг
-
2021-04-15 06:52:59+00:00
Гурбангули Бердимуҳамедов парламент юқори палатасининг раиси этиб сайланди
Туркманистон президенти Гурбангули Бердимуҳамедов янги икки палатали парламент — Миллий кенгашнинг Халқ маслаҳати палатаси раиси этиб сайланди. Бу ҳақда Туркманистон давлат ахборот агентлиги хабар бермоқда.
Бердимуҳамедов ушбу лавозимга юқори палатанинг 14 апрель куни бўлиб ўтган биринчи мажлиси чоғидаги яширин овоз бериш якунлари бўйича сайланди.
«Мен бу воқеани улкан ҳурмат ва бутун халқ олдидаги катта масъулият деб қабул қиламан», — дейди президент.
Батафсил: https://www.gazeta.uz/uz/2021/04/15/berdimuhammedov/?utm_source=push&utm_medium=telegram
Каналга обуна бўлинг
-
2021-04-15 06:25:20+00:00
Визасиз саёҳат қилиш рейтингида Ўзбекистоннинг ўрни бир поғонага яхшиланди
The Henley Pasport Index рейтингида Ўзбекистон ўтган йилгига нисбатан бир поғонага кўтарилиб, 85-ўринни эгаллади, дея хабар бермоқда Spot.uz.
Рейтингга кўра Ўзбекистон фуқаролари 57 та давлат ҳудудига визасиз ёки етиб боргач виза олиш орқали саёҳат қилишлари мумкин. Ўзбекистон билан бир поғонада (85-ўрин), шунингдек Кот-д'Ивуар мамлакати турибди.
Биринчи ўринда Япония бўлиб, мамлакат ўз фуқароларига 193 та давлатга визасиз саёҳат қилиш имконини бермоқда.
Кучли учликни, шунингдек Сингапур (192 давлат), Германия (191 давлат) давлатлари тўлдириб турибди.
МДҲ давлатлари орасида ҳам яхшиланиш кузатилди: Россия 48-ўринда (118 давлат), Беларус 68-ўринда (77 давлат), Қозоғистон 69-ўринда (75 давлат), Тожикистон 84-ўринда (58) ва Туркманистон 89-ўринда (53 давлат).
Энг сўнгги ўринларни эса Сурия (29 давлат), Ироқ (28 давлат) ва Афғонистон (26 давлат) эгаллаган.
Каналга обуна бўлинг
-
2021-04-15 05:50:00+00:00
Ўзбекистонда илк гидроаккумуляция электростанцияси (ГАЭС) қурилади
Тошкент вилоятининг Бўстонлиқ туманида Франциянинг EDF компанияси билан ҳамкорликда Ўзбекистондаги илк гидроаккумуляция электростанцияси (ГАЭС) қурилади. Бу ҳақда 14 апрель куни бўлиб ўтган «Ўзбекгидроэнерго» АЖ раҳбарияти ҳамда Франциянинг электр энергия ишлаб чиқарувчи EDF компаниясининг масъул вакиллари ўртасидаги учрашувда маълум қилинди.
Учрашувда Ўзбекистонда илк бор ГАЭС қурилиши, сув омборларида сузувчи қуёш станцияларини ўрнатиш, икки томондан махсус ишчи гуруҳлар тузишга келишиб олинди.
Бўстонлиқ туманида қурилиши режалаштирилаётган Хўжакент ГАЭСнинг лойиҳавий қуввати 200 МВт га тенг.
Маълумот учун, EDF — Франциядаги энг йирик давлат электр энергияси ишлаб чиқарувчи компанияси ва дунёдаги энг йирик атом электр станцияси оператори ҳисобланади.
Каналга обуна бўлинг
-
2021-04-15 05:35:20+00:00
Шавкат Мирзиёев Самарқанд вилоятига жўнаб кетди
Президент Шавкат Мирзиёев ҳудудлардаги ўзгаришлар, аҳоли ҳаёти билан яқиндан танишиш мақсадида Самарқанд вилоятига жўнаб кетди. Бу ҳақда президент матбуот хизмати хабар бермоқда.
Ташриф чоғида шаҳар ва туманлардаги саноат корхоналари, туризм мажмуалари, транспорт инфратузилмаси, янги уйларни бориб кўриш режалаштирилган.
Каналга обуна бўлинг
-
2021-04-15 05:18:05+00:00
Ўзбекистонда 300 мингдан ортиқ киши COVID-19 га қарши эмланди
1 апрелдан 14 апрелгача Ўзбекистонда 300 минг 854 киши COVID-19 га қарши вакцина билан эмланди, дея хабар берди ССВ матбуот хизмати. Чоршанба куни мамлакат бўйлаб 43 минг 896 киши вакцина олган.
Эмланганларнинг аксарияти водий ҳудудларига тўғри келади: Фарғона вилоятида - 47 минг 946 киши, Андижонда - 37 минг 344 киши, Наманганда - 33 минг 446 киши.
Самарқанд, Сурхондарё ва Тошкент вилоятларида 20 минг нафар эмланганлар қайд этилган.
Тошкентда 17 минг 716 киши коронавирусга қарши эмланди.
Эслатиб ўтамиз, 1 апрелдан бошланган вакцинациянинг биринчи босқичи Тошкент, Нукус ва вилоят марказларини қамраб олган. Вакцина 65 ёшдан ошган фуқароларга ва COVID-19ни юқтириш хавфи бўлган тиббиёт ходимларига бепул берилади.
Айни пайтда фуқаролар Covishield (AstraZeneca) ва хитой-ўзбек ZF-UZ-VAС2001 билан эмланмоқда. Бошқа вакциналар ҳали олиб келинмаган.
Каналга обуна бўлинг
-
2021-04-15 04:17:37+00:00
Халқаро имтиҳон тизимларида юқори балл тўплаган ёшларга харажатлари қоплаб берилади
Ҳукумат қарори билан Халқаро имтиҳон тизимлари бўйича юқори балл (даража) олган ёшларга имтиҳон топшириш харажатларини тўлиқ қоплаб беришнинг маъмурий регламенти тасдиқланди.
5 та халқаро имтиҳон тизими (IELTS, TOEFL, GMAT, GRE, SAT) бўйича компенсациялар 2021 йил 1 майдан бошлаб тўланади, яна 13 та имтиҳон тизими бўйича харажатлар 2022 йил 1 январдан қопланишни бошлайди (яъни имтиҳон харажатлари юқорида белгиланган санада ёки ундан кейин имтиҳон топширган ёшларга қоплаб берилади — таҳр.).
Харажатларни қоплаш учун фақат имтиҳон топшириш пайтида 31 ёшга тўлмаган Ўзбекистон фуқаролари ва Ўзбекистонда доимий яшовчи фуқаролиги бўлмаган шахслар Давлат хизматлари марказлари ёки Ягона портал орқали мурожаат қилишлари мумкин бўлади.
Батафсил: www.gazeta.uz/uz/2021/04/15/ielts/?utm_source=push&utm_medium=telegram
Каналга обуна бўлинг
-
2021-04-14 17:54:41+00:00
IREX 15 йилдан сўнг Ўзбекистонга қайтади
Адлия вазирлиги 12 апрель куни бош ташкилоти АҚШда жойлашган Халқаро тадқиқотлар ва алмашувлар кенгашининг (IREX) Ўзбекистондаги филиалини давлат рўйхатидан ўтказди.
Ўзбекистонда фаровон ва тенг ҳуқуқли жамият қурилишига ҳисса қўшиш, Ўзбекистон ёшларининг имкониятларини кенгайтириш ва бўлажак раҳбарларни тарбиялашга, сифатли таълим ва ахборот олиш имкониятларини кенгайтиришга кўмаклашиш филиалнинг асосий вазифаларидан.
Шунингдек, IREX Ўзбекистонга инглиз тили соҳибларини жалб қилган ҳолда ўқитувчилар малакасини оширишга ҳамда талабаларни инглиз тилини интенсив равишда ўрганишини таъминлашга кўмаклашади.
Ташкилот фаолияти 2006 йилда суд қарори билан унинг филиали «устав ҳужжатлари ва миллий қонунчилик бузилгани» учун тўхтатилган эди.
Батафсил: https://www.gazeta.uz/uz/2021/04/14/irex/?utm_source=push&utm_medium=telegram
Каналга обуна бўлинг
-
2021-04-14 17:29:14+00:00
🇸🇪Швецияда Ўзбекистон элчихонаси очилади
Президент Шавкат Мирзиёев Швецияда Ўзбекистоннинг тўлақонли дипломатик ваколатхонасини ташкил этиш тўғрисида қарорни имзолади, дея хабар бермоқда «Нигоҳ».
Элчихонанинг фаолияти Швеция ва бошқа Скандинавия давлатлари билан ўзаро муносабатларни ва амалий ҳамкорликни ривожлантиришга қаратилади.
Маълумотга кўра, Ўзбекистоннинг Афинадаги (Греция) дипломатик ваколатхонаси фаолияти тугатилади.
Бугун президент давлат раҳбари Европада хавфсизлик ва ҳамкорлик ташкилотининг амалдаги раиси, Швеция Қироллиги ташқи ишлар вазири Анн Линде бошчилигидаги делегацияни қабул қилган эди.
Каналга обуна бўлинг
-
2021-04-14 16:14:20+00:00
Жаҳон янгиликлари дайжести
🇦🇫 АҚШ 11 сентябрга қадар Aфғонистондан ўз қўшинларини олиб чиқади. Буюк Британия ҳам ушбу қарорга келди.
🇹🇷 Туркия икки ҳафтага карантин чекловларини кучайтирди. Шаҳарлар ўртасида саёҳат қилиш тақиқланмоқда.
🇦🇲 Қорабоғдаги жанговар ҳаракатлар пайтида Арманистоннинг 4 мингга яқин аскари ҳалок бўлди, 300 нафаридан ортиқ йўқолганлар рўйхатига киритилди.
🇲🇽 Мексикада бошпана сўраётганлар сони беш йил ичида 32 баравар ошди. Мамлакат хавфсизлик чораларини кучайтириш учун АҚШ билан чегара ҳудудига кўплаб қўшинларни юборди.
🇺🇸 АҚШ 2025 йилдан кейин БAAга 23 млрд долларлик қурол-яроғ етказиб беради.
🇩🇰 Дания AstraZeneca вакцинасидан воз кечган дунёдаги биринчи мамлакат бўлди.
Батафсил: www.gazeta.uz/uz/2021/04/14/digest109/?utm_source=push&utm_medium=telegram
Каналга обуна бўлинг
-
2021-04-14 15:48:00+00:00
Олтин-валюта захиралари бир ойда қарийб 590 млн долларга камайди
1 апрель ҳолатига Ўзбекистоннинг соф халқаро олтин-валюта захиралари ой давомида 589,1 млн долларга камайиб, 32,6 млрд долларни ташкил этди, дея хабар бермоқда Марказий банк. Жумладан, Ўзбекистон соф халқаро захиралари 2021 йил бошига нисбатан 2,2 млрд долларга ёки 6,5 фоизга камайди.
Мамлакатнинг олтин-валюта захиралари кетма-кет уч ойдан бери қисқармоқда. Март ойида захирадаги олтин 0,2 млн троя унциясига (6,2 тоннага яқин) кўпайиб, жами 11,4 млн унцияга (323 тоннага яқин) етди. Бироқ ушбу захиралар қиймати март ойидаги арзонлашувдан кейин 450,9 млн долларга камайди.
Ўзбекистоннинг хорижий валютадаги захиралари ҳам 132,4 млрн долларга камайди.
Батафсил: https://www.gazeta.uz/uz/2021/02/16/oltin-valyuta/?utm_source=push&utm_medium=telegram
Каналга обуна бўлинг
-
2021-04-14 13:10:01+00:00
Андижонда Польша университети филиали ташкил этилди
Ҳукумат қарори билан «Collegium Humanum» Варшава менежмент университети Андижон филиали ташкил этилди.
Филиал нодавлат олий таълим ташкилоти ҳисобланиб, ўқитиш кундузги таълим шаклида, инглиз, рус ва ўзбек тилларида тўлов-контракт асосида амалга оширилади.
Маълумотларга кўра, филиалнинг ҳар йилги қабул параметрларининг 10 фоизидан кам бўлмаган қисми ижтимоий ҳимояга муҳтож оилаларнинг қобилиятли фарзандлари орасидан танлов асосида абитуриентларни (филиал гранти асосида) ўқишга қабул қилиш учун ажратилади.
Шунингдек, иқтидорли ҳамда ўзлаштириш кўрсаткичлари юқори бўлган талабаларга тўлов-контракт миқдорига нисбатан 50 фоизгача чегирма берилади.
Батафсил: https://www.gazeta.uz/uz/2021/04/14/warsaw/?utm_source=push&utm_medium=telegram
Каналга обуна бўлинг
-
2021-04-14 12:58:06+00:00
Жиззахда 102 ёшли онахон коронавирусга қарши эмланди
Жиззах вилоятининг Зарбдор туманида 102 ёшга кирган онахон коронавирусга қарши эмланди. Бу ҳақда ССВ матбуот хизмати хабар бермоқда.
Суймахол Зулимова 1919-йилда туғилган бўлиб, туманнинг «Оқар» МФЙ Баҳор кўчасида яшайди.
«Болам, жон ширин экан, мана, мен 102 ёшга кириб эмландим. Шифокорлар доим ҳолимдан хабар олиб туради. Ножўя таъсирини сезмадим», — дейди Суймахол она.
Каналга обуна бўлинг
-
2021-04-14 12:29:38+00:00
«Боруссия Д» — «Ман Сити», «Ливерпуль» — «Реал». Чемпионлар лигаси чорак финал ўйинларига превью
14 апрель куни Европа Чемпионлар лигасининг чорак финал учрашувлари жавоб ўйинлари ўтказилади. Бугун бўлиб ўтиши режалаштирилаётган ўйинлар олдидан жамоалар тайёргарлиги, уларнинг чорак финалга қандай етиб келганлиги ва ўйинчилар ҳолати ҳақида превьюни тақдим этамиз.
Превью: https://www.gazeta.uz/uz/2021/04/14/answer-games/?utm_source=push&utm_medium=telegram
Каналга обуна бўлинг
-
2021-04-14 11:40:00+00:00
Юқори малакали мутахассисларнинг иш топиши муаммо бўлмайди — ЖИДУ ректори
Жаҳон иқтисодиёти ва дипломатия университети ректори Комилжон Каримов нима учун ЖИДУда кўп йиллар давомида коррупция ривожланмаганлиги, ўқув жараёни учун талабалар берадиган «фидбек»нинг муҳимлиги, замонавий меҳнат бозорида керакли кўникмалар ва битирувчиларнинг университет ҳаётидаги ўрни ҳақида ўз фикрлари билан бўлишди.
«Бирор бир ОТМ ўз битирувчиларининг 100% иш билан таъминланишига кафолат бера олади деб ўйламайман», — дейди у.
«Газета.uz» интервьюси: https://www.gazeta.uz/uz/2021/04/14/komil-karimov/?utm_source=push&utm_medium=telegram
Интервьюнинг биринчи қисми
Каналга обуна бўлинг
-
2021-04-14 11:27:11+00:00
Фарғонада 28 нафар болани Damas'да олиб кетаётган ҳайдовчи жаримага тортилди
Фарғона вилоятида Damas автомашинасида 28 нафар боғча тарбияланувчиларини ташиган ҳайдовчи жаримага тортилди. Йўловчиларнинг олдинги ўриндиғининг ўзида 5 нафар бола бўлган, деб хабар беради MY5 канали.
Йўл ҳаракати хавфсизлиги хизмати ходими томонидан тўхтатилган Damas ҳайдовчиси болаларни уйига олиб кетаётганини айтган.
Фуқарода ҳайдовчилик гувоҳномаси ва бошқа зарур ҳужжатлар бўлмаган. Автомобиль ҳозирда жарима майдончасига жойлаштирилган.
Болаларни боғчадан неча марта шу тарзда уйга олиб кетилгани номаълум.
Каналга обуна бўлинг
-
2021-04-14 11:07:58+00:00
Долларнинг расмий курси яна кўтарилди
Долларнинг расмий курси 4 сўмга қимматлади ва жами 10 497 сўм этиб белгиланди. Шунингдек, евро ва рубль курслари ҳам бироз қимматлади.
Каналга обуна бўлинг
-
2021-04-14 10:51:52+00:00
Мактаб ва олийгоҳларда «Молиявий саводхонлик» фани ўқитилади
Президент фармонига асосан умумтаълим мактаблари ўқувчилари ҳамда ОТМ талабалари учун «Молиявий саводхонлик» ўқув курсини фан сифатида жорий этиш кўзда тутилмоқда. Бу ҳақда ЎзА хабар берди.
Ушбу фан доирасида маблағларни тўғри бошқариш, молиявий қарорлар қабул қилиш, жумладан, молиявий инструментлар бўйича ўқитиш методологиясини ишлаб чиқиш белгиланган. Бундан ташқари «Молиявий саводхонлик олимпиадалари»ни ташкил этиш орқали ўқув курсининг самарадорлигини баҳолаш режалаштирилган.
Аҳоли ва тадбиркорлик субъектларининг молиявий саводхонлигини ошириш борасида ҳужжатда белгиланган барча тадбирларни 2021−2023 йилларга мўлжалланган Молиявий хизматлар оммабоплигини ошириш миллий стратегияси доирасида амалга ошириш белгилаб қўйилган.
Батафсил: www.gazeta.uz/uz/2021/04/14/moliyaviy-savodxonlik/?utm_source=push&utm_medium=telegram
Каналга обуна бўлинг
-
2021-04-14 10:19:04+00:00
Тошкентдаги ЙТҲда мотоцикл ҳайдовчиси вафот этди
Тошкент шаҳар Зиёлилар кўчасидаги «Узавтотранс» биноси қаршисида 33 ёшли Н.М. бошқарувидаги «Nexia», 30 ёшли А.А. бошқарувидаги «РС200S» мотоцикли билан тўқнашди. ЙТҲ 14 апрель куни тахминан соат 08.20 да содир бўлган, дея хабар бермоқда ЙҲХББ матбуот хизмати.
Тўқнашув оқибатида мотоциклчи бадан шикастлари сабабли воқеа жойида вафот этди.
Дастлабки маълумотларга кўра, ЙТҲга енгил автомобиль ҳайдовчиси қайта бурилиш вақтида ҳаракат устуворлигига эга бўлган транспортни менсимаганлиги сабаб бўлган.
Мазкур факт бўйича жиноий иш қўзғатилди. Тергов олиб борилмоқда.
ЙҲХББ бурилиш ва қайта бурилишлар вақтида эътиборли бўлиб, ҳаракат ҳеч кимга халақит бермаётганига ишонч ҳосил қилиш кераклиги эслатиб ўтди. Мотоциклчилар хавфли зонани кесиб ўтишда олдиндан тезликни камайтиришга чақирилмоқда.
Каналга обуна бўлинг
-
2021-04-14 10:00:01+00:00
Darkhan Avenue Рамазон ойида янги мижозларига бепул автотураргоҳ совға қилмоқда
Darkhan Avenue ушбу ой ҳамма қатори сизга ҳам ҳайр-барокат олиб келишини тилаб қолади.
Батафсил маълумотга эга бўлиш учун:
(+998) 71 200 06 08
Сайт: darkhan-avenue.uz
Instagram: instagram.com/darkhan.avenue
Манзил: 21 Паркент кўчаси, Тошкент
Реклама ҳуқуқлари асосида.
-
2021-04-14 09:54:57+00:00
Бекободда 301 млн сўмлик имтиёзли кредит талон-торож қилинди
Бу Бош прокуратура ҳузуридаги департаментнинг Бекобод туман бўлими томонидан ўтказилган тезкор тадбирда аниқланди.
АТБ «Агробанк» Бекобод филиали, «P.A.» ва «U.X.» МЧЖ мансабдор шахслари «Ёшлар-келажагимиз» дастури доирасида ажратилган 301 млн сўмлик имтиёзли кредит маблағларини мақсадсиз сарфлагани маълум бўлди.
Ушбу ҳолат юзасидан филиал ва жамият мансабдор шахсларига нисбатан Жиноят кодексининг 167-моддаси (талон-торож қилиш) ва 209-моддаси (мансаб сохтакорлиги) билан жиноят иши қўзғатилди.
Ҳозирда тергов ҳаракатлари ўтказилмоқда.
Каналга обуна бўлинг
-
2021-04-14 08:52:19+00:00
МСК президент сайловларига тайёргарликни бошлади
14 апрель куни Марказий сайлов комисссияси мажлисида Ўзбекистон президенти сайловига тайёргарлик кўриш бўйича асосий тадбирлар дастури тасдиқланди. Бу ҳақда МСК матбуот хизмати «Газета.uz» га хабар берди.
Асосий тадбирлар дастурида сайловчиларнинг ҳуқуқий маданиятини ва фаоллигини ошириш, замонавий ахборот-коммуникация технологияларини жорий қилиш, ушбу жараёнда ахборот-тушунтириш ишларини ташкил этиш, сайловга тайёргарлик жараёнини коронавирус пандемияси шароитини ҳисобга олган ҳолда ўтказиш бўйича вазифалар белгиланган.
Дастурга мувофиқ, барча округ ва участка сайлов комиссияларининг аъзолари учун семинарлар, тренинглар, ўқув машғулотлари, конференциялар, давра суҳбатлари бошқа тадбирлар, жумладан онлайн мулоқотлар ўтказилади.
Батафсил: https://www.gazeta.uz/uz/2021/04/14/elections/?utm_source=push&utm_medium=telegram
Каналга обуна бўлинг
-
2021-04-14 08:00:00+00:00
Самарқандда ўз уйида қиморхона очган шахсга жиноят иши очилди
1 апрель куни Самарқанд вилояти Пайариқ туманида фуқаролардан бири хонадонида қиморхона ташкил қилгани маълум бўлди. Бу вилоят ИИБ ва ДХХ ходимлари томонидан ўтказилган тезкор тадбирда аниқланган.
43 ёшли Ж.Х таваккалчиликка асосланган ЛОТО ўйинини қонунга хилоф равишда ташкил қилиб келаётганлиги айтилмоқда.
Ҳодиса жойидан ўйинда иштирокчилар томонидан тикилган ва уларнинг ўйнашлари учун берилган жами 298 минг сўм пуллар, ўйналган ва захирадаги жами 235 дона тошлар, 790 дона 50 сўмлик тангалар тегишли тартибда расмийлаштириб олинган.
Ҳолат юзасидан Ж.Х.га нисбатан Жиноят кодексининг 278-моддаси 1-қисми (Қимор ва таваккалчиликка асосланган бошқа ўйинларни ташкил этиш ҳамда ўтказиш) билан жиноят иши қўзғатилиб, процессуал тартибда ушланган. Ҳозирда тергов давом этмоқда.
Ушбу шахсга 7 йилгача озодликдан маҳрум қилиш жазоси тайинланиши мумкин.
Каналга обуна бўлинг
-
2021-04-14 07:21:51+00:00
Бюджет тақсимотида фуқароларга кўпроқ имконият берилади
2021 йил май ойидан 14 та туман (шаҳар)да бюджет харажатларининг 5 фоизи жамоатчилик фикри асосида шакллантирилган тадбирларни молиялаштиришга йўналтирилади.
1 июлдан жамоатчилик фикри асосида шакллантирилган тадбирларни молиялаштиришга ажратиладиган туман (шаҳар)лар бюджетлари қўшимча маблағларининг энг кам миқдори 10 фоиздан 30 фоизга оширилади.
Янги тартиб 2022 йил 1 январдан эътиборан республиканинг барча туман (шаҳар)ларида босқичма-босқич жорий этилади.
Батафсил: https://www.gazeta.uz/uz/2021/04/14/byudjet/?utm_source=push&utm_medium=telegram
Каналга обуна бўлинг
-
2021-04-14 06:45:35+00:00
Соғлиқни сақлаш вазирлиги ҳузурида онкологик касалликларга чалинганларга ёрдам бериш фонди ташкил қилинади
Соғлиқни сақлаш вазирлиги ҳузурида онкогемотологик ва даволаш мураккаб бўлган касалликлардан азоб чекаётган беморларни даволашга ёрдам бериш ва қўллаб-қувватлаш фонди ташкил этилмоқда. 8 апрель куни Вазирлар Маҳкамаси томонидан бу ҳақда қарор қабул қилинди, дея хабар берди Norma.uz.
Жамғарма маблағлари давлат бюджетига тушадиган тамаки маҳсулотларига қўйилган акциз солиғи суммасининг 7 фоизидан ва жамғарманинг вақтинча бўш турган маблағларини банкларга омонат сифатида жойлаштириш ҳамда аҳоли ва компаниялар томонидан хайрия қилинган маблағлар ҳисобига шакллантирилади.
Батафсил: www.gazeta.uz/uz/2021/04/14/oncology/?utm_source=push&utm_medium=telegram
Каналга обуна бўлинг
-
2021-04-14 06:03:36+00:00
Чироқчида калтакланган ўқитувчи иши бўйича жиноий иш қўзғатилди
Қашқадарё вилояти Умакай қишлоғида яшовчи уч нафар фуқаро О.Ж, О.Н ва Х.Б. 6 апрель куни Чироқчи туманидаги 134-сонли умумий ўрта таълим мактаб ҳудудида инглиз тили ўқитувчиси Ш.О.ни калтаклашган. Бу ҳақда ХТВ матбуот хизмати хабар бермоқда.
Маълумотга кўра, фуқаролар гуёки укаси, шу мактабдаги 6 «А» синф ўқувчиси М.О га асоссиз қониқарсиз икки баҳо қўйилганини баҳони қилишган. Ўқитувчи танасининг юз қисмига бир неча маротаба қасддан уришган.
13 апрель куни Туман тергов бўлими томонидан ўқитувчининг калтаклангани юзасидан ЖКнинг 277-моддаси 2-қисми «б» банди (бир гуруҳ шахслар томонидан безорилик) билан жиноят иши қўзғатилди.
Тергов ҳаракатлари олиб борилмоқда.
Каналга обуна бўлинг
-
2021-04-14 05:50:00+00:00
Ўзбекистондаги 17 та корхонага Россияга помидор ва қалампир олиб киришга рухсат берилди
Росселхознадзор Фарғона, Навоий ва Қашқадарё вилоятларидаги 17 та корхонага Россияга помидор ва қалампирни етказиб беришга рухсат берди. Бу ҳақда Росселхознадзор матбуот хизмати хабар берди.
Маълумот учун, 2020 йил 26 ноябрь куни Фарғона вилоятида етиштириладиган помидор ва қалампир маҳсулотларида карантин касаллиги тобамовирус аниқланганлиги сабабли уларни олиб киришга таъқиқ қўйган эди.
Кейинчалик 2020 йил 18 декабридан бошлаб Россияга Фарғона вилоятидаги еттита корхонадан помидор ва қалампир олиб киришга рухсат берган эди.
Батафсил: www.gazeta.uz/uz/2021/04/14/tomato/?utm_source=push&utm_medium=telegram
Каналга обуна бўлинг
-
2021-04-14 05:35:00+00:00
20 млрдни клубга бермасдан, мактаб қурган анча яхши — Муҳрим Аъзамхўжаев
Журналист ва блогер Муҳрим Аъзамхўжаев «Championat.asia» нашрининг «Самисов билан» лойиҳасига берган интервьюсида футболга ажратилаётган маблағлар, уларнинг сарфланиши ҳақида сўз юритди.
«Дейлик бир жамоага 20 млрд сўм сарфланмоқда. 20 млрдга 4 та зўр мактаб қурса бўлади. Қаерлардадир болалар чайлага ўхшаш мактабларда, вагонларда ўқишмоқда. Менимча бу яхшиланади. 20 млрдни бирор жамоага бермасдан, 5 та мактаб қурган анча яхши», — дейди у.
Унинг айтишича бу орқали юзлаб инсоннинг ҳаёти яхшиланиши мумкин.
Батафсил: https://www.gazeta.uz/uz/2021/04/14/futbol/?utm_source=push&utm_medium=telegram
Каналга обуна бўлинг
-
2021-04-14 05:20:39+00:00
Тиббий-ижтимоий хизматларни ривожлантириш агентлигининг раҳбарияти тайинланди
Ҳукумат қарори билан Тиббий-ижтимоий хизматларни ривожлантириш агентлигининг директори этиб Алишер Инаков тайинланди. Бу ҳақда Адлия вазирлиги матбуот хизмати хабар бермоқда.
Алишер Инаков бундан аввал, Тиббий-ижтимоий хизматлар агентлиги раҳбари бўлган.
Шу билан бирга, Агентлик директорининг тиббий-ижтимоий масалалари бўйича биринчи ўринбосари лавозимига Баходир Каримов тайинланди.
Гайрат Исраилов Агентлик директорининг молиявий-иқтисодий ва қурилиш масалалари бўйича ўринбосари бўлди.
25 март куни президент фармони билан, ССВ ҳузуридаги Тиббий-ижтимоий хизматлар агентлиги ва унинг ҳудудий бўлинмалари негизида Тиббий-ижтимоий хизматларни ривожлантириш агентлиги ва унинг ҳудудий бўлинмалари ташкил этилган эди.
Каналга обуна бўлинг
-
2021-04-14 04:42:44+00:00
Тошкент вилоятида қизни ўғирлаб, эрга тегиш учун мажбурлаган шахсга жиноят иши қўзғатилди
Бу ҳақда Тергов департаменти хабар бермоқда.
12 март куни соат 07:55 ларда 27 ёшли М.Қ. Тошкент вилояти Қуйичирчиқ тумани ҳудудида 21 ёшли М.У. ни эркига хилоф равишда никоҳдан ўтиш учун ўғирлаган. Қиз қаршилик кўрсатиб қочиб кетган ва М.Қ.га нисбатан қонуний чора кўришларини сўраб ИИБга мурожаат қилган.
Ҳолат юзасидан М.Қ.га нисбатан ЖКнинг 136-моддаси 1-қисми (аёлни эрга тегишга мажбур қилиш ёки унинг эрга тегишига тўсқинлик қилиш) билан жиноят иши қўзғатилган. Тергов ҳаракатлари олиб борилмоқда.
Эслатиб ўтамиз, 8 апрель куни Қирғизистоннинг Бишкек шаҳрида турмуш қуриш учун аёлларни олиб қочишга қарши митинг ўтказилган эди. Намойишчилар «келинни ўғирлаш» моддаси учун жазони кучайтиришни талаб қилишган.
Каналга обуна бўлинг
-
2021-04-14 04:29:06+00:00
Инвестициялар ва ташқи савдо вазирининг янги ўринбосари тайинланди
Президентининг 9 апрелдаги қарори билан Бахтиёр Раҳимов Инвестициялар ва ташқи савдо вазирининг ўринбосари этиб тайинланди, дея хабар берди вазирлик матбуот хизмати.
Тайинловдан олдин у президент Администрацияси, Вазирлар Маҳкамаси ҳамда Давлат божхона қўмитасида турли лавозимларда ишлаб келган.
Бахтиёр Раҳимов янги лавозимида Экспортни қўллаб-қувватлаш миллий тизимининг самарали ишлашини таъминлаш, тармоқ ва ҳудудларнинг экспорт салоҳиятини ривожлантириш, ташқи бозорларда комплекс маркетинг сиёсатини олиб бориш, шунингдек, транспорт-коммуникация ва логистика салоҳиятини ва халқаро транспорт йўлакларини ривожлантириш масалаларини мувофиқлаштиришга масъул бўлади.
Каналга обуна бўлинг
-
2021-04-13 18:52:38+00:00
«Трест-12» тендерсиз Қонунчилик палатаси биносини таъмирлайди
Олий Мажлис Қонунчилик палатаси биносининг фасадини реконструкция қилиш ва таъмирлаш учун 16,54 млрд сўм миқдорида маблағ ажратилиши режалаштирилган. Бу борадаги маълумотлар давлат харидлари порталида мавжуд бўлиб, бунга «Газета.uz» эътибор қаратди.
Бу борада Қонунчилик палатасининг биносидан фойдаланиш бошқармаси 2021 йилнинг 10 февралида «Трест-12» АЖ билан шартнома имзолаган. Маблағлар давлат бюджетидан молиялаштирилади.
Порталдаги мавжуд ҳужжатларга мувофиқ, Вазирлар Маҳкамасининг 2020 йил 29 ноябрдаги 505-ф-сонли буйруғига биноан лойиҳани тендерсиз амалга ошириш ва параллел равишда объектни лойиҳалаштиришга рухсат берилган. Ишларни 2021 йилнинг июнь ойида якунлаш режа қилинган.
Аввалроқ, «Газета.uz» «Трест-12» акционерлари орасида қурилиш вазири Ботир Зокировнинг ўғли ва рафиқаси борлиги ҳақида ёзган эди.
Батафсил: www.gazeta.uz/uz/2021/04/13/chamber/?utm_source=push&utm_medium=telegram
Каналга обуна бўлинг
-
2021-04-13 18:22:26+00:00
Қарши ҳокимияти 47 туп дарахтни кесиб ташлади
12 апрель куни Қарши шаҳар Лойиҳачилар кўчасидаги эски озиқ-овқат омбори ҳудудида ҳар хил турдаги кўп йиллик дарахтлар объект қурилиши учун таг қисмидан кесиб кетилгани аниқланди.
Вилоят Экология бошқармаси ижобий хулосаси олинмасдан Қарши шаҳар ҳокимлиги 2021 йилнинг 25 январида дарахтларни кесишга рухсат берган.
Натижада, жами 47 туп ҳар хил турдаги ва диаметрдаги, хусусан, 26 туп виргин арчаси, 8 туп шумтол, 2 туп оддий ўрик, 3 туп чинор, 1 туп қароли, 6 туп оқ тут дарахтлари таг қисмидан, 1 туп қайрағоч дарахти эса илдизи билан қўпориб ташланган.
«Энг ачинарлиси — бу дарахтлар Республика ҳудудида давлат ўрмон фондига кирмайдиган дарахт ва буталарнинг қимматбаҳо навларини кесилишига жорий этилган мараторий амал қилиб турилган бир пайтда кесилган», — дейилади хабарда.
Табиатга етказилган зарар 253,5 млн сўм деб баҳоланмоқда. Қўмита маълум қилишича, мазкур ҳолат бўйича ҳужжатлар тегишли органларга тақдим этилади.
Каналга обуна бўлинг
-
2021-04-13 17:21:57+00:00
Навальний ўзига Қуръон китоби берилмагани сабабли судга мурожаат қилди
Россия мухолифати етакчиси Алексей Навальний ўзи сақланаётган колония устидан судга мурожаат қилди.
«Гап шундаки, улар менга Қуръон китобимни бермаяпти. Ва бу менинг жаҳлимни чиқармоқда. Мени қамоққа ташлашганларида ўзимни ривожлантиришга хизмат қиладиган нарсалар рўйхатини тузгандим. Шулардан бири Қуръон ва пайғамбарнинг суннатларини чуқур ўрганиш ва тушуниш бўлган», — дея изоҳ берди Навальний.
Унинг сўзларига кўра, бир ой олдин колонияга тушганида, у ўзи билан бирга китоблар олиб келган, шунингдек, буюртма ҳам берган. Бироқ ҳозиргача улардан биттаси хам берилмаган. «Чунки уларнинг барчаси экстремизмга текширилиши керак. Бунга уч ой вақт кетади», — деди у.
3 февраль куни суд Навальнийга тайинланган шартли ҳукмни қамоқ жазосига ўзгартирди ва у 3,5 йилгача озодликдан маҳрум қилинган эди.
Каналга обуна бўлинг
-
2021-04-13 17:02:31+00:00
Жаҳон янгиликлари дайжести
☢️ Хитой ва Жанубий Корея Япониянинг «Фукусима-1»даги радиоактив сувни океанга оқизиш тўғрисидаги қарорини танқид қилди. АҚШ ва Халқаро атом энергияси агентлиги ушбу қарорни маъқулламоқда.
🇮🇱 Исроил 23 майдан бошлаб эмланган ва коронавирусдан даволаниб чиққан сайёҳлар учун чегараларни очади.
🇺🇳 БМТ Мьянмадаги «Сурия сценарийси» хавфи ҳақида огоҳлантирди.
🇩🇪 АҚШ Германиядаги ҳарбий кучларини 500 кишига кўпайтиршни режалаштирмоқда.
🚫 ЖССТ COVID хавфи туфайли бозорларда ҳайвонлар савдосини чеклашга, шунингдек, анъанавий озиқ-овқат бозорларида гигиена ва санитария ҳолатини яхшилашга чақирди.
💉 AҚШда Johnson & Johnson вакцинасидан фойналанишни тўхтатишга тавсия қилишди. Эмлашдан сўнг тромбоз ҳолатлари кузатилмоқда.
Батафсил: www.gazeta.uz/uz/2021/04/13/digest108/?utm_source=push&utm_medium=telegram
Фото: Радиоактив сув бил тўлдирилган резервуарлар, Фукусима
Каналга обуна бўлинг
-
2021-04-13 16:25:47+00:00
Ўзбекистон қишлоқ хўжалиги учун сув олиш лимитлари тасдиқланди
Бу борада Ҳукуматнинг 10 апрелдаги тегишли қарори қабул қилинди.
Унга кўра, 2021 йилнинг март-сентябрь ойларида Қорақалпоғистон Республикаси ва вилоятларда қишлоқ хўжалиги экинларини суғориш ишлари учун сув олиш лимитлари тасдиқланди.
Республика бўйича жами лимит 29 млрд 236 млн 500 минг куб этиб белгиланмоқда.
Қарор билан 2021 йилда суғориш мавсумида кутилаётган сув танқислигининг салбий таъсирларини юмшатиш ҳамда ерларнинг мелиоратив ҳолатини яхшилаш бўйича республика ишчи гуруҳи ҳам шакллантирилди. Унга бош вазир ўринбосари Шуҳрат Ғаниев раҳбарлик қилади.
Қолаверса, шу йили жами 100 та ирригация ва мелиорация объектлари давлат-хусусий шериклик асосида модернизация қилинади ҳамда бошқарувга берилади.
Батафсил: www.gazeta.uz/uz/2021/04/13/water/?utm_source=push&utm_medium=telegram
Каналга обуна бўлинг
-
2021-04-13 13:30:00+00:00
Олийгоҳлар ёнидаги маҳаллалар учун «маънавият маркази» бўлади — президент
Президент Шавкат Мирзиёев ОТМлар ректорларининг фаолиятини танқид остига олди. «Бирортаси ўз ҳудудида маҳаллагача тушиб, ёшлар тарбияси, уюшмаган ёшлар билан ишлаш бўйича ташаббус билдирмаган», — деди у.
Ёшлар билан ишлашни ўз ҳолига ташлаб қўйгани учун, Фарғона давлат университети (Мақсудов), Самарқанд қурилиш институти (Ахмедов), Қўқон педагогика (Отажонов) институтлари ректорлари ва Тошкент кимё-технологиялар институти Янгиер филиали директори (Олимов) лавозимидан озод этилди.
Шунингдек, олийгоҳлар ён-атрофидаги маҳаллалар учун «маънавият маркази» бўлиши кераклиги, уюшмаган ёшлар бўйича ишлашга ҳам масъул бўлиши айтилди.
Батафсил: https://www.gazeta.uz/uz/2021/04/13/rectors/?utm_source=push&utm_medium=telegram
Каналга обуна бўлинг
-
2021-04-13 13:18:16+00:00
Маданият вазирлиги Туркистон санъат саройига кўчади
Президент раислигида бўлиб ўтган видеоселектор йиғилишида Маданият вазирлиги «Туркистон» санъат саройига кўчиши маълум қилинди. Бу ҳақда «Газета.uz» мухбири хабар бермоқда.
Мазкур санъат саройида вазирлик учун зарур шароитлар яратилиши белгилаб берилди.
«Туркистон» санъат саройи Ўзбекистоннинг биринчи президенти Ислом Каримов ташаббуси билан 1993 йилда очилган.
Каналга обуна бўлинг
-
2021-04-13 13:08:01+00:00
Ҳокимларнинг ишда қолиши ёшлар бўйича кўтарган ташаббусига боғлиқ бўлади — президент
Айни дамда президент раислигида бўлиб ўтаётган видеоселекторда ёшларнинг иш билан таъминланганлик масаласи ва ҳоқимларнинг ёшлар томонидан кўрсатилаётган ташаббуслар масаласига ҳам тўхталиб ўтилди. Бу ҳақда «Газета.uz» мухбири хабар бермоқда.
Шавкат Мирзиёев вазифалар белгилаб берилганига қарамай, айрим раҳбарларнинг ёшлар масалаларига эътибори ҳали ҳам талаб даражасида эмаслигини кескин танқид қилди.
«Биз йил бошида ёшлар масаласини бежиз Давлат хавфсизлик хизматига топширмаган эдик. Бу борадаги ўрганишлар жойларда савия йўқлигини кўрсатди. Туман, шаҳар ҳокимлари, ҳозирги замон талабига мос иш қилолмаяпти, ректорлар номига юрибди. Нимага ректор ёшлар билан учрашди, 2−3 та талабани ишли қилди, деган гапни эшитмаймиз?", — деди президент.
Батафсил: https://www.gazeta.uz/uz/2021/04/13/youth/?utm_source=push&utm_medium=telegram
Каналга обуна бўлинг
-
2021-04-13 12:59:06+00:00
Жиззахда чиқинди йиғиш транспортининг газ баллони портлаши оқибатида икки пиёда жароҳатланди
Жиззахда чиқинди йиғиш транспортининг газ баллони портлаши оқибатида 2 нафар фуқаро жароҳатланди. Бу ҳақда ИИВ ЙҲХББ матбуот хизмати хабар бермоқда.
13 апрель куни соат 7:40 атрофида Жиззах шаҳрининг Мустақиллик кўчасида «Тоза ҳудуд ДУК»га тегишли чиқинди йиғиш махсус транспорт воситасида ўрнатилган газ баллон портлаб кетди.
Оқибатда шу кўчада бўлган Cobalt русумли, кўчанинг иккинчи томонида турган Nexia-1 русумли ҳамда Spark русумли автомашиналарга жиддий зарар етган. Шунингдек, пиёдалар йўлагидан ўтаётган икки нафар пиёда оғир тан жароҳатлари олиб, шифохонага юборилган.
Ҳозирда ҳолат юзасидан суриштирув ҳаракатлари олиб борилмоқда.
Каналга обуна бўлинг
-
2021-04-13 12:49:36+00:00
⚡️ 1 майдан талабаларга ижара тўловининг 50 фоизи давлат томонидан қоплаб берилади
Айни вақтда президент раислигида бўлиб ўтаётган видеоселекторда яна бир масала – талабаларнинг ижарада яшашига ҳам тўхталиб ўтилди. Бу ҳақда «Газета.uz» мухбири хабар берди.
Таъкидланишича, бугунги кунда 130 мингдан зиёд олийгоҳ талабалари ижарада яшамоқда.
«Бу масалани ҳал қилиш бўйича Ҳукумат томонидан алоҳида дастур тайёрланмоқда. Унга кўра, бундай фарзандларимизга 1 майдан бошлаб ижара тўловининг ярми давлат томонидан қоплаб берилади. Дастлабки босқичда ушбу тизим орқали 60 минг нафар ёшлар қамраб олинади», — деди Шавкат Мирзиёев.
Шунингдек, эҳтиёжманд талабаларга ушбу харажатлар ҳокимликлар ва олийгоҳлар маблағи ҳисобидан ҳам қоплаб берилади.
Тимур Ишметовга ушбу мақсадлар учун 100 млрд сўм ажратиш бўйича топшириқ берилди.
Абдуқодир Тошқулов, Тимур Ишметов, ректор ва вилоят молия бошлиқлари икки ҳафтада ижарада турган талабалар билан учрашиб, 1 майдан тўловларни бошлайди.
Каналга обуна бўлинг
-
2021-04-13 12:28:01+00:00
«Ишдан кетганлар маошини давлатга қайтариб бериши керак» — президент ёшлар билан ишлай олмаган амалдорлар ҳақида
Бу ҳақда Шавкат Мирзиёев айни вақтда бўлиб ўтаётган видеоселекторда айтиб ўтди, деб хабар бермоқда «Газета.uz» мухбири.
Йиғилишда бир вилоят ҳокими ўринбосари, икки туман ҳокими, прокурорлар, ички ишлар бўлими бошлиқлари ва солиқ идоралари раҳбарлари ишдан олинган эди.
«Ишдан кетган ҳар бири олган маошини давлатга қайтариб бериши керак. Пулни болалар уйига олиб бориш лозим. Улар хоинлар… Энди худди шундай тартиб бўлади», — деди президент.
Адҳам Икрамов, Дилмурод Қосимов, Нозим Хусанов, Холхўжаев ва «Микрокредитбанк» раиси Бўтаев қатъий огоҳлантирилди. Уларга вазиятни ўнглаши учун 3 ой муддат берилди.
«Адҳам Икрамов, Дилмурод Қосимов „1+1“ дастури орқали 1 млн ёшларни қамраб олиб, натижа кўрсатиши шарт. Акс ҳолда, лавозимидан олинади», — деди президент.
Батафсил: www.gazeta.uz/uz/2021/04/13/case/?utm_source=push&utm_medium=telegram
Каналга обуна бўлинг
-
2021-04-13 11:45:01+00:00
Йил охирига қадар барча терминаллар Uzcard ва HUMO пластик карталарини қабул қилади
Uzcard ва HUMO тўлов тизимлари ҳамкорлик тўғрисида меморандум имзолашди. Бу ҳақда Uzcard матбуот хизмати хабар берди.
Меморандум компаниялар инфратузилмаларини интеграциялашни назарда тутади. Шу муносабат билан тўлов тизимлари терминаллари йил сўнгига қадар иккала турдаги карталарни ҳам қабул қила бошлайди.
«Инфратузилмаларнинг интеграцияси карта эгалари, банклар ва бизнес эгаларига сезиларли фойда келтиради. Харидорларнинг савдо нуқталарига келгач қайси терминаллардан фойдаланиш мумкинлиги ҳақидаги ўйлари йўқолади, тадбиркорлар эса иккала картадан тўловларни битта терминал орқали қабул қилишлари мумкин бўлади», — деди Миллий банклараро процессинг маркази директори Шуҳратбек Қурбонов.
Шу билан бир қаторда, унинг сўзларига кўра Uzcard ва HUMO Ўзбекистоннинг тўлов хизматлари бозорида рақобат муҳитини яратишда давом этади.
Каналга обуна бўлинг
-
2021-04-13 11:36:12+00:00
Намангандаги махсус боғча тарбияланувчиси вафотидан кейин боғча директори ва бир неча ходимлар ишдан бўшатилди
Наманган вилоятидаги махсус боғча тарбияланувчиси иссиқ сувдан куйиш натижасида вафот этгани ҳақида хабар берган эдик. Ҳолат юзасидан Мактабгача таълим вазирлиги расмий муносабат билдирди.
Унга кўра, марҳум Улуғбек Хошимовнинг ота-онаси йўллаган мурожаатдан сўнг ҳолат вазирлик ишчи гуруҳи томонидан ўрганилди.
Натижада бола тарбияланган гуруҳда ишлаган барча ходимлар лавозимидан озод этилди.
Тергов натижаларига кўра, ходимлар ўз вазифаларига совуққонлик билан қараганлиги ва ташкилотда хавфсизлик стандартларига риоя қилинмаганлиги учун 7 апрель куни махсус боғча директори, катта ҳамшираси ва қўриқчиси билан меҳнат шартномалари бекор қилинди.
Вазирлик ҳолат юзасидан қонунчиликда белгиланган жазо тайинлашини тарафдори, дейилади хабарда.
Каналга обуна бўлинг
-
2021-04-13 11:20:03+00:00
Долларнинг расмий курси кўтарилди
Долларнинг расмий курси 17 сўмга қимматлади ва жами 10 492 сўм этиб белгиланди. Шунингдек, евро ва рубль курслари ҳам бироз қимматлади.
Каналга обуна бўлинг
-
2021-04-13 11:07:27+00:00
Сурхондарё вилояти ҳокими ўринбосари Чори Бегимқулов лавозимидан озод этилади – президент
Бу ҳақда Шавкат Мирзиёев айни вақтда бўлиб ўтаётган видеоселектор йиғилишида айтиб ўтди, деб хабар бермоқда Азиза Қурбонова.
«Жойлардаги туман, шаҳар ҳокимлари, секторлар раҳбарларининг дунёқараши ўзгармаяпти. Нега айни шу мавзуда йил давомида 2 та селeктор ўтказдим? Чунки, мен ишларнинг боришидан мутлақо норозиман. Ёшлар биздан 10-20 марталаб илгарилаб кетган. Ҳозирги замонга муносиб иш қила олмаяпмиз. Бирорта ташаббус йўқ. Кўп вилоятлар ҳокимлари бу [ёшлар билан ишлаш – таҳр.] пахта, ғалла экишдек деб ўйлаяпти», – деди президент.
Йиғилиш давомида айрим раҳбарларга қатъий огоҳлантириш ҳам берилган.
«Ёшлар билан ишлашни муносиб ташкил қилмагани учун Сурхондарё вилояти ҳокимининг ёшлар масалалари бўйича ўринбосари Чори Бегимқулов, Фурқат тумани ҳокими Дилмуроджон Солиев ва Улуғнор тумани ҳокими Дониёрбек Махсудов лавозимидан озод этилади», – деди давлат раҳбари.
Каналга обуна бўлинг
-
2021-04-13 10:54:36+00:00
Собиқ Пушкин чорраҳаси олдидаги йўл автомобиллар ҳаракати учун очилди
Тошкент шаҳри Мирзо Улуғбек туманидаги Мустақиллик ва Паркент кўчаларини туташтирувчи (эски Пушкин чорраҳаси) йўл автомобиллар ҳаракати учун очилди. Ушбу йўл 2015 йил августида ёпилиб, йўл устига майсазор экилган эди.
Йўлнинг ёпилиши Оҳангарон шоссесидан шаҳар марказига қараб ҳаракатланаётганлар учун катта ноқулайлиқлар туғдирган ва тирбандликларга сабаб бўлган эди.
Илк бор йўлни очиш тўғрисидаги режалар январь ойида эълон қилинган эди. Февраль ойи охирида президент ушбу йўлни қуриш ишларини тезлаштириш бўйича топшириқ берди.
Бу ерда пиёдалар йўлаги ва йўлдан ўтиш йўлаклари, автомобилларни тартибга солувчи светофор ва ёритиш чироқлари ўрнатилди.
Каналга обуна бўлинг
-
2021-04-13 10:35:01+00:00
«Челси» — «Порту», «ПСЖ» — «Бавария». Чемпионлар лигаси чорак финал ўйинларига превью
13−14 апрель кунлари Европа Чемпионлар лигасининг чорак финал учрашувлари жавоб ўйинлари ўтказилади. Бугун бўлиб ўтиши режалаштирилаётган ўйинлар олдидан жамоалар тайёргарлиги, уларнинг чорак финалга қандай етиб келганлиги ва ўйинчилар ҳолати ҳақида превьюни тақдим этамиз.
Превью: https://www.gazeta.uz/uz/2021/04/13/quarter-final/?utm_source=push&utm_medium=telegram
Каналга обуна бўлинг
-
2021-04-13 09:50:00+00:00
Шавкат Мирзиёев расмий ташриф билан Тожикистонга боради - ОАВ
Президент Шавкат Мирзиёев Тожикистон президенти Имомали Раҳмоннинг таклифига биноан 10-12 июнь кунлари расмий ташриф билан Душанбеда бўлади, дея хабар берди «Азия-Плюс» Тожикистон ҳукуматидаги манбасига асосланган ҳолда.
Давлат раҳбарлари ўзбек-тожик муносабатларининг барча соҳалардаги истиқболларини муҳокама қилиши кутилмоқда. Ташриф якунларига кўра, икки мамлакат ўртасида транспорт, энергетика, савдо, молия, қишлоқ хўжалиги, маданият ва илм-фан соҳаларида янги шартномалар тўплами имзоланиши режалаштирилган.
Маълумот учун, Шавкат Мирзиёев 2018 йил март ойида, сўнг 2018 йил сентябр ойининг охирида (МДҲ Давлат раҳбарлари кенгаши йиғилиши), 2019 йил 14 июнда (Осиёда ўзаро ҳамкорлик ва ишонч чоралари бўйича конференциянинг бешинчи саммити) Тожикистонга давлат ташрифи билан борган эди.
Каналга обуна бўлинг
-
2021-04-13 09:38:13+00:00
Ўзбекистон Тоғли Қорабоғда мактаб қуради
Бу ҳақда Туркий Кенгаш доирасидаги йиғилишда қатнашиш учун Озарбайжонда бўлиб турган АОКА директори Асаджон Ходжаев маълум қилди.
«Бу ерда битта масжиддан ташқари деярли ҳамма нарса вайрон қилинган: уйлар, инфратузилма. Жаҳон ҳамжамияти бунга эътибор қаратиши керак», — деди у Агдам шаҳридаги вазиятга тўхталиб.
Унинг айтишича, ҳудуддаги тикланиши лозим бўлган объектлар рўйхати белгиланмоқда, уларни реконструкция қилишга ўзбекистонлик қурувчилар жалб қилинади.
«Энг асосийси Тоғли Қорабоғ ҳудудига тинчлик келди», — деди Ходжаев.
Батафсил: https://www.gazeta.uz/uz/2021/04/13/karabakh/?utm_source=push&utm_medium=telegram
Каналга обуна бўлинг
-
2021-04-13 09:10:00+00:00
«Навбаҳор» кейинги иккита уй учрашувини мухлисларсиз ўтказади — ЎФA
Ўзбекистон футбол ассоциацияси (ЎФА) Тартиб-интизом қўмитасининг йиғилишида «Навбаҳор» — «Пахтакор» учрашувида юзага келган тартибсизликлар масаласи кўриб чиқилди, дея хабар бермоқда ЎФA матбуот хизмати.
ЎФА интизом кодексига мувофиқ «Навбаҳор» футбол клуби навбатдаги иккита уй учрашувини томошабинларсиз ўтказадиган бўлди.
Шунингдек, жамоаларнинг расмийларига интизомий чоралар кўрилади.
Батафсил: https://www.gazeta.uz/uz/2021/04/13/fans/?utm_source=push&utm_medium=telegram
Каналга обуна бўлинг
-
2021-04-13 08:54:01+00:00
2021 йилда Тошкентда 4,1 млрд долларлик инвестицияларни ўзлаштириш режалаштирилмоқда
Президент Шавкат Мирзиёев 12 апрель куни Тошкентда амалга ошириладиган инвестиция лойиҳалари билан танишди.
Тошкентда 2021-2023 йилларда умумий қиймати 10,7 млрд долларлик 1390 та инвестиция лойиҳасини амалга ошириш ва қарийб 98 мингта иш ўрни яратиш режалаштирилган. Жумладан, жорий йилда жами 4,1 млрд доллар инвестицияларни ўзлаштириш белгиланган.
Бундан ташқари, пойтахтда 2021-2023 йилларда 3 млрд долларлик экспорт режалаштирилган. 2021 йилда 800 млн доллардан зиёд бўлган саноат маҳсулотлари, қарийб 70 млн долларлик мева-сабзавотни экспорт қилиш кутилмоқда.
Батафсил: https://www.gazeta.uz/uz/2021/04/13/toshkent/?utm_source=push&utm_medium=telegram
Каналга обуна бўлинг
-
2021-04-13 08:43:50+00:00
Кубатинга нисбатан жисмоний ва руҳий тазйиқ ўтказилмаган — Бош прокуратура
Бош прокуратура 2020 йилнинг октябрь ойида COVID-19 дан вафот этган туркшунос олим Андрей Кубатин бўйича жиноят иши қўзғатмаслик қарорини бекор қилмаслигини маълум қилди.
Кубатин 2017 йилнинг 10 апрелидан 2017 йил 14 сентябрга қадар тергов хибсхонасида сақланган.
«Хибсхонага жойлаштириш ва чиқиб кетаётган вақтида унинг баданида жисмоний жароҳатлар кузатилмаган, у соғлиғи бўйича ҳеч қандай шикоят билан мурожаат қилмаган ва унинг соғлиғи, руҳий ҳолати мутахассислар томонидан ижобий баҳоланган. Шунингдек, терговга қадар текширувда ушбу жиноят иши қонун доирасида ўтказилганлиги хамда фуқарога ҳуқуқ-тартибот идоралари ходимлари томонидан ҳеч қандай жисмоний ёки руҳий тазйиқ ўтказилмаганлиги аниқланиб, натижасига кўра жиноят ишини кўзғатишни рад қилиш тўғрисида қарор қабул қилинган», — дейилади баёнотда.
Батафсил: https://www.gazeta.uz/uz/2021/04/13/kubatin/?utm_source=push&utm_medium=telegram
Каналга обуна бўлинг
-
2021-04-13 08:25:17+00:00
Ўзбекистонда коронавирусга қарши эмланганлар сони 200 минг нафардан ошди
12 апрель куни Ўзбекистон ҳудудлари бўйлаб жами 67 445 нафар киши COVID-19 га қарши эмланди, дея хабар бермоқда Соғлиқни сақлаш ташкилоти матбуот хизмати. Айни кунгача мамлакатда коронавирус инфекциясига қарши эмланган фуқаролар сони 216 087 нафарга етди.
Фарғона вилоятида яна рекорд қайд этилиб, бир куннинг ўзида 18 минг нафардан ортиқ фуқаро (18 363 нафар) эмланди. Шунингдек, Андижон вилоятида 11 667 нафар, Наманган вилоятида 8 397 нафар аҳоли эмланган.
Каналга обуна бўлинг
-
2021-04-13 07:39:39+00:00
«Агар АҚШ Украинани НАТО таркибида кўраётган бўлса, буни очиқчасига айтиши ва бажариши керак», — Владимир Зеленский
Украина президенти Владимир Зеленский Донбассдаги фронтга яқинда амалга оширилган сафари давомида АҚШни Украинанинг «яхши дўсти» деб атади. Бироқ, у шунингдек Россияни ушлаб туриш ва Украина шарқида юз бераётган можароларга нуқта қўйиш учун Жо Байден «янада кўпроқ иш қилиши керак» дея таъкидлади.
Владимир Зеленский бу сўзларни ушбу сафарда унга ҳамроҳ бўлган CNN телеканали мухбирига айтди. Можаро рўй бераётган ҳудуддаги ушбу репортаж 12 апрель куни эълон қилинди.
Украина президентининг таъкидлашича, мамлакатга курашиш учун кўпроқ қурол-яроғ, кўпроқ маблағ ва энг муҳими, Украинага Шимолий Атлантика альянсига қўшилиш учун АҚШ ёрдами керак.
Батафсил: www.gazeta.uz/uz/2021/04/13/ukraine/?utm_source=push&utm_medium=telegram
Каналга обуна бўлинг
-
2021-04-13 07:20:55+00:00
Ўзбекистонда таровеҳ намозлари бошланди — фото
Ўзбекистонда таровеҳ намозларининг ўқилиши бошланди. Тошкентдаги «Ҳазрати Имом» жоме масжидида бошланган таровеҳ намозларидан «Газета.uz» фоторепортажи.
Барча суратлар: https://www.gazeta.uz/uz/2021/04/13/tarawih/?utm_source=push&utm_medium=telegram
Каналга обуна бўлинг
-
2021-04-13 06:40:00+00:00
Ўзбекистоннинг бир нечта ҳудудларида зилзила қайд этилди
13 апрель куни Тошкент вақти билан 10:42 да Афғонистонда содир бўлган зилзила Ўзбекистонда ҳам сезилди. Бу хақда ФВВ Сейсмопрогностик мониторинг Республика маркази хабар бермоқда.
Зилзила магнитудаси М=5,4, чуқурлиги 191 кмни ташкил этди.
Андижон, Фарғона, Гулистон, Жиззах, Самарқанд, Термиз ҳудудларида 2 баллдан қайд этилган.
Аввалроқ, соат 09:28 даги Афғонистонда қайд этилган зилзила Термизда ҳам кузатилган эди.
Каналга обуна бўлинг
-
2021-04-13 06:30:00+00:00
Тошкент-Андижон йўлининг нархини тадқиқотлар ва тендер аниқлайди — Жаҳон банки
Тошкент-Андижон пуллик автобомил йўлининг нархи техник-иқтисодий тадқиқотлар ва уни қуриш бўйича халқаро тендер асосида белгиланади, дея таъкидлади Жаҳон банки вакили «Газета.uz» га берган интервьюсида.
Лойиҳада Қамчиқ довони орқали туннель қуриш ҳам назарда тутилган. Айтилишича, ушбу йўл фойдаланишга топширилганидан сўнг Тошкентдан Андижонга саёҳат вақти тахминан 2 соатга қисқаради.
Модернизация қилинган автомагистраль Ўзбекистон ва Хитой ўртасидаги юкларнинг транзит вақтини 8−10 кундан 2 кунгача қисқартиришга ёрдам беради.
Интервью: https://www.gazeta.uz/uz/2021/04/13/toll-highway/?utm_source=push&utm_medium=telegram
Каналга обуна бўлинг
-
2021-04-13 06:15:01+00:00
Маданият вазирлиги мусиқа асбобларини бозор нархидан деярли 800 млн сўм қимматроққа сотиб олган
Бу ҳақда Бош прокуратура ҳузуридаги Иқтисодий жиноятларга қарши курашиш департаменти матбуот хизмати хабар берди.
Хабарга кўра, Маданият вазирлиги ҳузуридаги «Ягона буюртмачи хизмати» инжиниринг компанияси мусиқа асбобларини сотиб олиш бўйича тендер танлови ўтказган. Тендерда мусиқа асбобларини 3,3 млрд сўмга етказиб бериш таклифи мавжуд бўлса-да, компания мансабдор шахслари ва бошқалар муқобил қимматроқ вариантни кўрсатган тадбиркорлик субъектини асоссиз равишда танловда ғолиб деб тан олган.
Натижада мусиқа асбоблари ҳақиқий бозор баҳосидан 792,2 млн сўмга қиммат нархда сотиб олиниб, бюджет маблағлари талон-торож қилинганлиги аниқланган.
Ҳолат юзасидан жиноят иши қўзғатилиб, тергов ҳаракатлари ўтказилмоқда.
Каналга обуна бўлинг
-
2021-04-13 06:04:40+00:00
Мамлакатда ҳақиқий иқтисодий ислоҳотлар бошланди — Алишер Усмонов Шавкат Мирзиёев сиёсати ҳақида
Алишер Усмонов фикрига кўра, Ўзбекистон, агар турғунликдан кейин бўлмаса, совет иқтисодиётидан қолган қийин меросдан кейин, биринчи марта ҳақиқий иқтисодий ислоҳотларни бошлади.
«Ушбу ислоҳотларнинг ташаббускори, биринчи навбатда, ўз аҳолисининг фаровонлигини ошириш, шунингдек, Марказий Осиё мамлакатлари ва Россия билан дўстлик ва қўшничиликни мустаҳкамлаш бўйича бошқарувни олган давлат раҳбари (Шавкат Мирзиёев — таҳр.) ҳисобланади. Назаримда, бу мамлакатнинг қачонлардир бирга бўлган ғоявий ва синфий иттифоқдошларини бирлаштирадиган катта иқтисодий лойиҳаларнинг ҳам бошланишидир», — деди у.
Батафсил: https://www.gazeta.uz/uz/2021/04/13/usmanov/?utm_source=push&utm_medium=telegram
Каналга обуна бўлинг
-
2021-04-13 05:53:56+00:00
Андижон шаҳри яқинида «Янги Андижон» массиви бунёд этилади
Андижон шаҳри яқинида «Янги Андижон» турар жой массивини қуриш режалаштирилмоқда. Мазкур объектнинг бош режаси душанба куни президентга тақдимот қилинди.
«Андижон — мамлакатимизда аҳоли энг зич жойлашган шаҳарлардан. Шаҳарнинг ўзида ривожланиш учун бўш жой йўқ», — дейилади хабарда.
Умумий майдони қарийб 4 минг га бўлган янги шаҳарнинг бош режасига кўра, у 1439 га турли қурилмалар, яъни уй-жой, савдо масканлари ва кичик саноат зонаси, 1820 га яшил ҳудуд, 223 га хизмат кўрсатиш ҳудуди ва 499 га йўллардан иборат бўлади.
Массив аҳоли уйлари бўлмаган, қишлоқ хўжалигида фойдаланилмайдиган бўш майдонда барпо этилади. Режага мувофиқ, 411 минг нафар аҳоли яшаши мумкин бўлган янги шаҳарча пайдо бўлади.
Уй-жойларни пухта ва сифатли лойиҳалаштириш, имкон қадар кўпроқ яшил ҳудудлар, боғ ва хиёбонлар ташкил этиш, аҳолининг дам олиши ва меҳнат қилиши учун қулай шароитларни назарда тутиш бўйича топшириқлар берилди.
Каналга обуна бўлинг
-
2021-04-13 05:05:35+00:00
Хорижда пулсиз қолган Ўзбекистон фуқароларига қарз бериб турилади
Ҳукумат қарорига кўра тасдиқланган низомга кўра, консуллик округи ҳудудига вақтинча кирган фуқаро яшаш учун маблағларсиз қолганда, муассасага молиявий ёрдам (қарз) сўраб мурожаат қилиши мумкин.
Муассаса томонидан 2 иш кунида фуқародан ариза ва бошқа ҳужжатларни қабул қилинади, аризада келтирилган асослар тўғрилигини текширилиб, унинг хорижда бўлиш шароитлари (мақсади, виза, яшаш шароити) аниқланади.
Агар молиявий ёрдам кўрсатиш мақсадга мувофиқ деб топилса, Ташқи ишлар вазирлигининг розилигини олган ҳолда фуқаро билан қарз шартномаси тузилади ҳамда озиқ-овқат маҳсулотлари, турар жой, кийим-кечак ва транспорт харажатлари учун тўлов ўтказилади.
Ариза рад қилинганда консуллик мансабдор шахси ариза берувчига рад этиш сабабларини кўрсатган ҳолда хабарнома юборади.
Қарз олган фуқаро уни 30 кун ичида республика бюджетига қайтаради. Юқоридаги иловаларда ёрдам пули меъёри кўрсатилган.
Каналга обуна бўлинг
-
2021-04-13 04:45:15+00:00
Тошкент марказида маъмурий бинони реконструкция қилиш ва автотураргоҳ қуришга 431,5 млрд сўм сарфланади
Тошкентдаги Мустақиллик майдони ёнида жойлашган 14 қаватли бино реконструкцияси ва фаввора остига автотураргоҳ қуриш харажатлари 431,5 млрд сўм сарфланиши мумкин.
2019 йил 9 июлда "12-трест" АЖ билан шартномада 207,82 млрд сўмлик ишлар амалга оширилиши белгиланган. Лойиҳани 2020 йил 31 декабргача якунлаш, уни амалга оширишни тўлиқ давлат бюджети ҳисобидан молиялаштириш режалаштирилган эди.
29 март куни томонлар имзолаган қўшимча битимга кўра, лойиҳанинг қиймати 431,52 млрд сўмгача кўтарилди.
Маълумотларга кўра, «12-трест» акционерлари орасида Муаззам Закирова (19,1%), Жасур Закиров (14,1%), Мухайё Закирова (13,1%) ва яна 12 киши (2,6%) бор. «Газета.uz»даги маълумотларга кўра, Жасур Закиров ва Мухайё Закирова қурилиш вазири Ботир Зокировнинг ўғли ва рафиқаси.
Батафсил: www.gazeta.uz/uz/2021/04/13/reconstruction/?utm_source=push&utm_medium=telegram
Каналга обуна бўлинг
-
2021-04-12 17:11:29+00:00
Жаҳон янгиликлари дайжести
🇮🇷 Эрон ҳукумати Натанз атомни бойитиш заводидаги портлашда Исроилни айбламоқда. Jerusalem Post'нинг ёзишича, фожиа ортида Исроилнинг "Моссад" разведкаси турган бўлиши мумкин. Ушбу ҳодисадан сўнг, Эрон ядро иншоотларининг ишлаб чиқариш қувватини 50 фоизга оширишини маълум қилди.
🇺🇸 АҚШнинг Миннесота штатида полициячи афроамерикаликни отиб ўлдирганидан кейин намойишлар бошланди. Уларда таҳминан 700 киши қатнашмоқда.
🇩🇪 Германия канцлери Ангела Меркель эмланиш учун навбатини бекор қилди.
🇰🇬 Бишкек марказида, Марказий сайлов комиссияси биноси олдида сайлов натижаларидан норозилар митинг уюштирди.
🇫🇷 Парижда номаълум шахс касалхона яқинида одамларга ўқ узди. Бир киши вафот этди.
Батафсил: www.gazeta.uz/uz/2021/04/12/digest107/?utm_source=push&utm_medium=telegram
Фото: Натанздаги портлаган бино
Каналга обуна бўлинг
-
2021-04-12 13:55:52+00:00
Рўза пайтида соғлом овқатланиш — ЖССТ тавсиялари
Рамазон пайтида айрим ҳолатларда ифтор маҳалида ҳаддан ташқари кўп овқат ейиш кузатилади. Узоқ вақт оч ва чанқоқ ҳолда юрган кишининг бирданига меъёридан ортиқ таом истеъмол қилиши саломатликка зарар келтириши мумкин.
Саҳарлик ва ифторлик соғлом бўлиши учун нима қилиш керак? Организмнинг кун бўйи сувга эҳтиёжини олдиндан қондириш учун нима истеъмол қилган маъқул?
«Газета.uz» ЖССТнинг рўза пайтида соғлом овқатланиш бўйича маслаҳатларини тақдим этади. Ушбу маслаҳатларга амал қилиб, киши ортиқча вазнни йўқотиши ва қон босими ҳамда организмдаги холестерин миқдорини пасайтириши мумкин.
Тўлиқ мақола: https://www.gazeta.uz/uz/2021/04/12/healthy-ramadan/?utm_source=push&utm_medium=telegram
Каналга обуна бўлинг
-
2021-04-12 12:37:35+00:00
Қувайтнинг Jazeera Airways авиакомпаниясига Ўзбекистонга мунтазам қатновларни амалга ошириш учун рухсатнома берилди
Бу ҳақда Транспорт вазирлиги ахборот хизмати хабар берди.
Ўзбекистон Республикаси ҳукумати ва Қувайт давлати ўртасида ҳаво қатнови тўғрисидаги битим асосида “Ўзавиация” агентлиги томонидан 12 апрель куни Jazeera Airways авиакомпаниясига Қувайт – Тошкент – Қувайт йўналишида мунтазам авиақатновларни амалга ошириш учун рухсатнома берилди.
Авиакомпания парвозларни А320-214 ва А320-251N ҳаво кемаларида амалга оширишини маълум қилди.
Маълумот учун, Jazeera Airways Қувайтнинг энг катта авиакомпанияларидан бири бўлиб, Европа, Яқин Шарқ ва Осиё бўйлаб 35 дан ортиқ шаҳарларга мунтазам парвозларни амалга оширади.
Каналга обуна бўлинг
-
2021-04-12 12:15:16+00:00
Ҳафта давомида об-ҳаво илиқ бўлиши кутилмоқда
Ҳафтанинг биринчи ярмида Ўзбекистон ҳудуди бўйича об-ҳаво шароитини маркази Қозоғистоннинг жанубий ҳудудлари устида жойлашган юқори циклон белгилайди, дея хабар берди Ўзгидромет.
Сешанба куни Сурхондарё вилоятида бироз ёмғир ёғиши мумкин. Ушбу кунларда ҳаво ҳарорати кечалари 5-10 даража, кундузи 17-22 даража илиқни ташкил этади.
Чоршанба куни республиканинг марказий ҳудудларида беқарор об-ҳаво бўлиши кутилмоқда. Тошкент, Самарқанд, Жиззах, Сирдарё вилоятлари бўйича баъзи жойларда қисқа муддатли ёмғир ёғиши мумкин. Ўзбекистоннинг қолган ҳудудларида ёғингарчилик кутилмайди. Ҳаво ҳарорати кечаси 7-12 даража, кундузи 20-25 даража илиқ атрофида бўлади.
Ҳафтанинг иккинчи ярмида республиканинг барча ҳудудларида ҳаво ҳарорати ҳафтанинг бошига нисбатан кечалари 9-14 даража, кундузи 22-27 даража илиқ бўлган бироз юқори, асосан ёғингарчиликсиз об-ҳаво бўлиши кутилмоқда.
Каналга обуна бўлинг
-
2021-04-12 11:53:40+00:00
Андижонда 3 ойлик чақалоғини 700 долларга сотмоқчи бўлган аёл қўлга олинди
Избоскан туманида 2 нафар боланинг онаси Г. ва О. (эркак) кимдан эканлиги номаълум бўлган 3 ойлик чақалоғини сотишга уринди.
Бош прокуратура ҳузуридаги департамент томонидан ўтказилган тезкор тадбирда Г. ва О. истиқомат қилаётган хонадонга чақалоқни кўргани «эр-хотин мижоз» борган. Оғзаки келишувдан сўнг, улар Андижон шаҳридаги «Дарётранс» ёнида кўришишга келишиб олган.
«Айтилган вақтда айтилган манзилга О. унинг синглиси Ф. ва чақалоғини кўтарган Г. етиб боришди. „Мижоз“ берган 700 долларни Ф. санаб олиб, 500 долларни акасига берди. Қолганини ўзида олиб қолди. Мана шундан сўнг, Г. чақалоғини „мижозга“ узатди», — дейилади хабарда.
Чақалоқнинг онаси тилхат ёзиб, уни ва туғилганлик тўғрисидаги гувоҳномани ҳам «мижоз»га берган.
Суд ҳукми билан фуқаро О. 5 йил муддатга озодликдан маҳрум этилди. Г. ва Ф.га тайинланган жазо эса шартли жазога алмаштирилди.
Каналга обуна бўлинг
-
2021-04-12 11:41:08+00:00
Тожикистонда аёл-милиционерларнинг парад учун янги формаси тақдим этилди
Тожикистон Ички ишлар вазирлиги аёл-милиционерлар учун янги махсус кийимни тақдимот қилди.
Парад формалар атлас ва адрас матоларидан тикилган.
Формалар Сўғд вилояти дизайнерлари томонидан ишлаб чиқилган. Улар Тожикистон президентига тасдиқлаш учун тақдим этилган.
Каналга обуна бўлинг
-
2021-04-12 11:11:16+00:00
Долларнинг расмий курси пасайди
Долларнинг расмий курси 2 сўмга арзонлади ва жами 10 475 сўм этиб белгиланди. Шунингдек, рубль курси ҳам пасайди, евро эса бироз қимматлади.
Каналга обуна бўлинг
-
2021-04-12 10:55:45+00:00
Telegram IPO ўтказишни режалаштирмоқда
Telegram мессенжери IPO ўтказишга тайёргарлик кўрмоқда ва бу режа катта эҳтимол билан 2023 йилда амалга оширилади, дея хабар берди Ведомости.
Хабар берилишича, компания 30−50 млрд долларга баҳоланиши режалаштирилмоқда. Шунингдек, компания бозорга акцияларнинг 10−25 фоизини чиқариши мумкин. Telegram ўз акцияларини Осиё биржа бозорларидан бирида жойлаштириши мумкин.
Маълумот учун, IPO — (Initial Public Offering) акциядорлик жамиятининг акцияларини бирламчи ошкора таклиф этиш деган маънони билдиради. IPO'ни ўтказишдан асосий мақсад корхонани ривожлантириш учун кенг доирадаги инвесторлардан капитал жалб қилишдир.
Эслатиб ўтамиз, аввалроқ инвесторлар Telegram'ни 30 млрд долларга баҳолашгани ҳақида хабар берилган эди.
Каналга обуна бўлинг
-
2021-04-12 10:01:30+00:00
Texnopark ва Kuka компаниялари «Иннопром-2021» халқаро саноат кўргазмаси доирасида стратегик шериклик тўғрисида шартномалар тузишди (реклама ҳуқуқлари асосида).
https://www.gazeta.uz/uz/2021/04/12/texnopark-kuka/?utm_source=push&utm_medium=telegram
Каналга обуна бўлинг
-
2021-04-12 09:46:36+00:00
Рамазон тақвими — 2021
Эътиборингизга Рамазон ойи учун тақвимни ҳавола этмоқдамиз.
Шунингдек, «Газета.uz» сайтида ҳам онлайн тақвим ёрдамида саҳарлик ва ифторлик вақтлари ҳамда уларгача қолган вақтни билиб олишингиз мумкин.
Шаҳарлар ичидан ўзингизга яқин шаҳарни танлаб, тақвимни яшаш жойингизга мослаштириб олишингиз мумкин.
https://www.gazeta.uz/uz/ramadan/
Рамазонни хайрли ва баракали ўтказишингизни тилаймиз.
Ҳурмат билан «Газета.uz» жамоаси.
Каналга обуна бўлинг
-
2021-04-12 08:21:13+00:00
Фарғонада икки кунда икки нафар велосипедчи ЙТҲга учраб, ҳалок бўлди
8 апрель куни фуқаро Н.Ё. бошқарувидаги Lacetti Данғара туманидаги Тошкент кўчасида кетаётиб, йўлнинг қатнов қисмини велосипедда кесиб ўтаётган А.Б.ни уриб юборган. Оқибатда A.Б. тан жароҳати олиб, шифохонада вафот этган.
Шунингдек, 9 апрель куни соат 17:30 ларда Марғилон шаҳрида 1990 йилда туғилган фуқаро бошқарувидаги Lacetti русумли автомашина йўлни белгиланмаган қисмидан кесиб ўтаётган 2009 йилда туғилган велосипедчини уриб юборган. Натижада велосипедчи шифохонада вафот этган.
Видео Марғилондаги воқеа бўйича.
Батафсил: https://www.gazeta.uz/uz/2021/04/12/yth/?utm_source=push&utm_medium=telegram
Каналга обуна бўлинг
-
2021-04-12 08:06:48+00:00
Абдулазиз Камилов Қатардаги «Толибон» ваколатхонаси раҳбари билан учрашди
Ўзбекистон ТИВ раҳбари ҳамда мулла Бародар Ахунд ўртасидаги учрашув 10 апрель куни Доҳа шаҳрида бўлиб ўтди.
Унда Афғонистонда барқарор ва узоқ муддатли тинчлик ўрнатиш мақсадида тинч сиёсий жараённи илгари суриш билан боғлиқ масалалар муҳокама қилинган.
«У, айниқса, Ўзбекистон томонидан амалга оширилаётган йирик инфратузилма лойиҳалари нафақат Афғонистоннинг иқтисодий ривожланишига, балки мамлакатда тўлақонли тинч сиёсий жараённи бошлаш учун зарур шарт-шароитларни яратишга хизмат қилишини таъкидлади. Шу ўринда Афғонистон келажакда Марказий ва Жанубий Осиё ўртасида «ишонч ва ҳамкорлик кўприги»га айланиши мумкинлиги билдирилди», — дейилади хабарда.
Абдулазиз Камилов шунингдек, Қатар амири Шайх Тамим бин Ҳамад Ол Соний, Қатар бош вазири ўринбосари, ташқи ишлар вазири Шайх Муҳаммад бин Абдулраҳмон бин Жосим Ол Соний, савдо ва саноат вазири Али бин Аҳмад ал-Куварий билан ҳам музокаралар олиб борган.
Каналга обуна бўлинг
-
2021-04-12 07:41:53+00:00
Равшан Эрматов Миллий олимпия қўмитасида биринчи вице-президенти лавозимига сайланди
Ўзбекистон Миллий олимпия қўмитасида навбатдан ташқари сайлов йиғилишида Миллий олимпия қўмитаси биринчи вице-президентлигига Равшан Эрматов номзоди илгари сурилди ва кенгаш аъзолари томонидан бир овоздан маъқулланди, дея хабар берди Жисмоний тарбия ва спорт вазирлиги матбуот хизмати.
Маълумот учун, Равшан Эрматов шу кунга қадар бир вақтнинг ўзида Жисмоний тарбия ва спорт вазирининг биринчи ўринбосари, Ўзбекистон Футбол ассоциацияси биринчи вице-президенти лавозимларида ишлаб келаётган эди.
Каналга обуна бўлинг
-
2021-04-12 07:15:08+00:00
Нура ал-Матруш араб давлатларидаги илк аёл-астронавт бўлади
Бирлашган Араб Амирликлари икки нафар янги астронавтлари исмларини маълум қилди, улардан бири аёл киши, дея хабар берди ТАСС, БАА бош вазири маълумотларига асосланган ҳолда.
Янги астронавтлар Муҳаммад ал-Мулла ва Нура ал-Матруш 4 минг нафар номзод орасидан танлаб олинган. Улар тез орада NASA астронавтлар тайёрлаш дастурига қўшилишади. Нура ал-Матруш араб давлатларидаги илк аёл-астронавтга айланади.
Маълумот учун, 2019 йил 25 сентябрида БААлик илк космонавт Хазаа ал-Мансурий экспедиция таркибида орбита станциясига учган эди.
Каналга обуна бўлинг
-
2021-04-12 06:50:30+00:00
Қирғизистонда овоз берувчилар конституциянинг янги таҳририни маъқуллашди
Қирғизистондаги конституция референдумида овоз берувчиларнинг 79,3 фоизи президентнинг ваколатларини кенгайтирувчи конституциянинг янги таҳририни қўллаб-қувватлашди, 13,6% қатнашувчилар эса қарши овоз беришди, дея хабар берди Қирғизистон марказий сайлов комиссияси.
Аҳолининг референдумда қатнашиш кўрсаткичи 36,9% ни ташкил этди. Қонунга кўра, референдум 30% аҳоли қатнашса ва янги конституцияни қабул қилиш учун 50 фоиздан кўп қатнашчи овоз берса, у қабул қилинган ҳисобланади.
Референдумнинг якуний натижалари яқин 10-15 кун ичида эълон қилинади.
Қирғизистон конституцияси 1993 йилда қабул қилинган бўлиб, у 10 марта ўзгартирилган. Қонституция охирги бор 2016 йилда ўзгартирилган ва унда Бош вазир ва парламент ваколатлари кучайтирилган.
Каналга обуна бўлинг
-
2021-04-12 05:47:02+00:00
Ўзбекистон ва Қозоғистон чегара ҳудудида ҳамкорлик марказини қуришади
Ўзбекистон ва Қозоғистон бош вазирлари икки мамлакат чегараси ҳудудида «Марказий Осиё» халқаро савдо иқтисодий ҳамкорлик маркази қурилишига старт беришди. Марказ орқали суткасига икки томонга 35 минг киши ва 5000 дона юк машиналари ўтиши мумкин бўлади.
Марказ «Ғишткўприк» («Жибек Жолы») ўтказиш пункти ҳудудида қурилади. Унинг майдони 400 гани ташкил этади.
«Қозоғистон ва Ўзбекистон ҳукуматлари ўзаро савдо миқёсини 10 млрд долларга етказиш масаласи устида ишламоқда. Бугун бошланаётган лойиҳа ушбу мақсадга эришишда ёрдам беради ва иккала мамлакатнинг ҳар томонлама стратегик ҳамкорлигини мустаҳкамлашда кўмаклашади», — деди Аскар Мамин.
Батафсил: https://www.gazeta.uz/uz/2021/04/12/border/?utm_source=push&utm_medium=telegram
Каналга обуна бўлинг
-
2021-04-12 05:31:51+00:00
Zira.uz саҳарлик ва ифторлик учун мазали ва тўйимли таомлар рецептлари рўйхатини тақдим этади.
https://www.gazeta.uz/uz/2021/04/12/zira/?utm_source=push&utm_medium=telegram
Каналга обуна бўлинг
-
2021-04-12 04:55:54+00:00
«ОТМларни фойда олиш мақсадида очиш — яхши ғоя эмас» — Комилжон Каримов
Жаҳон иқтисодиёти ва дипломатия университети ректори Комилжон Каримов «Газета.uz»га берган интервьюсида нега хусусий ОТМлар учун фойда олиш масаласи устувор вазифа бўлиши керакмаслиги, олийгоҳлар ўртасидаги рақобат учун тенг шароитлар бўлишининг аҳамияти ва давлат ОТМларининг асосий устунлиги ҳақида гапириб берди.
Интервью: https://www.gazeta.uz/uz/2021/04/12/uwed-rector/?utm_source=push&utm_medium=telegram
Каналга обуна бўлинг
-
2021-04-11 17:44:38+00:00
👉 Ҳурматли ҳамшаҳарлар ва Тошкент меҳмонлари!
Муқаддас Рамазон ойи кечаларидаги таровеҳ намози муносабати билан ҳар куни 18.00 дан 23.00 га қадар масжидлар яқинидаги йўллар транспорт воситалари ҳаракати учун беркитилади. Давомини ўқинг
👉 Уважаемые жители и гости Ташкента!
В связи с вечерними молитвами в период священного месяца Рамадан ежедневно на время с 18.00 до 23.00 часов дороги возле мечетей будут закрываться для движения транспортных средств. Читать далее
Facebook | Instagram | Twitter | Website | Telegram | YouTube | Mover | TikTok
-
2021-04-11 16:03:36+00:00
ДХХнинг собиқ биносини сотиб олиш учун аризалар қабули бошланди
Давлат активларини бошқариш агентлиги Давлат хавфсизлик хизматининг Тошкент марказидаги собиқ марказий биносини сотиб олишга аризалар қабули бошланганини хабар қилди.
Ер участкасининг умумий майдони 2,2 гектар, бино ва иншоотларнинг майдони 40 243 кв. м, бино майдони - 9376 кв. м, коммуникация тармоқлари (сув, газ, электр, иссиқлик) мавжуд.
Мазкур объектдан келгусида офис, савдо, савдо-кўнгилочар, маданий-хордиқ, спорт, туристик ва бошқа хизматлар кўрсатиш фаолияти йўналишларидан бири ёки бир нечтасини амалга оширилиши талаб этилади.
Батафсил: www.gazeta.uz/uz/2021/04/11/gov-assets/?utm_source=push&utm_medium=telegram
Каналга обуна бўлинг
-
2021-04-11 12:38:44+00:00
Хоразмда 19 ёшли келин осилган ҳолда топилди
Хоразм вилояти Шовот тумани «Катқалъа» маҳалласида яшаган 19 ёшли Мухлиса Қадамбоева 1 апрель куни тахминан 11:00да яшаш уйининг молхонасида осилган ҳолда топилган. Дастлабки маълумотларга кўра, марҳуманинг ўлимига ўзини ўзи осиши натижасидаги асфикция сабаб бўлган.
Ижтимоий тармоқларда хабар қилинишича, Мухлиса Қадамбоеванинг сўроқсиз холасининг туғилган кунига боргани ва йўл учун қўшнисидан 5000 сўм қарз олгани эри, қайноғаси ва қайнотаси томонидан тазйиқ остига олиниши сабаб бўлган. Натижада аёл ўз жонига қасд қилган.
Бош прокуратурадан «Газета.uz»га маълум қилинишича, терговга қадар текширув давомида мазкур маълумот текширилмоқда.
Батафсил: https://www.gazeta.uz/uz/2021/04/11/incident/?utm_source=push&utm_medium=telegram
Каналга обуна бўлинг
-
2021-04-11 11:35:06+00:00
Термизда ўқувчи қизнинг зўрланиши ҳолати бўйича жиноят иши қўзғатилди
Термиз прокурори 5 апрель куни 16 ёшли мактаб ўқувчисининг зўрланиши ҳолати юзасидан жиноят иши қўзғатишни рад этиш тўғрисидаги шаҳар ИИО ФМБ қарорини бекор қилган. Бу ҳақда Сурхондарё вилоят прокуратураси хабар қилди.
Бош прокуратура матбуот котиби Ҳаёт Шамсутдиновнинг қўшимча қилишича, мавжуд қарама-қаршиликларни бартараф этиш ва ҳақиқатни аниқлаш мақсадида 11 апрель куни ҳолат юзасидан Жиноят Кодексининг 118-моддаси (Шахснинг 18 ёшга тўлмаганлиги айбдорга аён бўлган ҳолда номусга тегиш) 3-қисми “а” банди билан жиноят иши қўзғатилди.
Ҳозирда Сурхондарё вилояти ИИБ ҳузуридаги ТБ томонидан тергов ҳаракатлари олиб борилмоқда.
Батафсил: www.gazeta.uz/uz/2021/04/11/termiz/ ?utm_source=push&utm_medium=telegram
Каналга обуна бўлинг
-
2021-04-11 09:30:53+00:00
Қурилиш вазирлиги сносдан бир кун ўтиб «Наврўз» пойдевори чўкканини маълум қилди
Ўзбекистон Қурилиш вазирлиги Тошкентдаги пайшанба куни кечқурун ҳеч қандай эълонларсиз бузилиши бошланган «Наврўз» қабуллар уйи биноси авария ҳолатида бўлганини маълум қилди.
Вазирлик хабарида қайд этилишича, мажмуа замонавий шаҳарсозлик ва архитектура талаблари асосида реконструкция қилиш мақсадида батафсил техник кўрикдан ўтказилган. Техник кўрик натижаларига кўра, бино пойдевори остига узоқ йиллар давомида намлик ўтганлиги сабабли 27 смга қийшайгани аниқланган.
Ҳисоб-китоблар катта маблағларни талаб этишини, бинони реконструкция қилиш иқтисодий нуқтаи назардан мақсадга мувофиқ эмаслигини кўрсатган.
Каналга обуна бўлинг
-
2021-04-11 07:34:58+00:00
Эмлаш рўзани бузадими?
Ўзбекистон мусулмонлари идораси Фатво ҳайъатининг маълум қилишича, тери ости, мушаклар ораси ёки ёнбошга укол қилиш билан рўза бузилмайди, чунки рўзани еб-ичиш маъносидаги нарсалар бузади.
«Тери тешикларидан ёки ноодатий йўллардан терининг орасига бирор нарса кириши, масалан, илон чақиб олиши (томирдан чақса ҳам), совуқ сувда ғусл қилиш натижасида бадан орасидан ичкарига сув ўтиши рўзани очмаслигига барча уламолар иттифоқ қилишган», — дейилади хабарда.
«Энди айнан коронавирусга қарши эмлашга келсак, у ҳам тери ва мушакка қилинадиган уколлардан бири. Бунинг устига озиқлантирувчи эмас. Юқоридаги фатволарга биноан рўзадор ҳолда ҳам уни олиш жоиз, бу иш рўзани бузмайди».
Батафсил: https://www.gazeta.uz/uz/2021/04/11/vaccine/?utm_source=push&utm_medium=telegram
Каналга обуна бўлинг
-
2021-04-10 18:04:06+00:00
Ўсимлик ёғи нархи ошишининг сабаби маълум қилинди
Ўзбекистон Монополияга қарши курашиш қўмитаси ички бозорда ўсимлик ёғи нархлари кескин ошгани билан боғлиқ вазиятни ўрганди.
Қайд этилишича, ички бозорларда нархлар кескин ўсишига биринчи навбатда ташқи жаҳон бозорларида нархлар ошиши ва ўтган ҳосил йилида етиштириш ҳажмлари нисбатан камроқ бўлиши муносабати билан асосий етказиб берувчилардан бўлган қўшни давлатларда кунгабоқар ёғи ва уруғи экспортига юқори божхона божлари белгиланиши тартиби муддати узайтирилиши ҳам таъсир этди.
Ўз навбатида, импорт асосида олиб келинадиган кунгабоқар ёғи ва уруғи нархларининг ошиши маҳаллий пахта ёғи нархларига ҳам бевосита ўз таъсирини кўрсатган.
Батафсил: https://www.gazeta.uz/uz/2021/04/10/oil/?utm_source=push&utm_medium=telegram
Каналга обуна бўлинг
-
2021-04-10 16:46:07+00:00
Метро эшигининг очиқ қолишига сабаб бўлган уч ходим ишдан бўшатилди
«Тошкент метрополитени» корхонаси метро поезди эшиги очиқ ҳолда ҳаракатлани юзасидан ўтказилган хизмат текшируви якунига етганини маълум қилди. «Газета.uz» аввалроқ ҳодиса жума куни «Пушкин» ва «Бук ипак йли» станциялари ўртасида содир бўлгани ҳақида хабар берган эди.
Текширув натижаларига кўра, хизмат мажбуриятларини муносиб равишда бажармагани учун ҳаракат таркиби машинисти, электр-чилангари ва катта устаси эгаллаб турган лавозимларидан озод қилинган.
Бундан ташқари, электр ҳаракат таркибини таъмирлаш бўйича электр депоси бошлиғи ўринбосари ойлик маошининг 40 фоизи миқдорида жаримага тортилди, дея хабар қилди метро маъмурияти.
Каналга обуна бўлинг
-
2021-04-10 14:30:48+00:00
Азиз Абдуҳакимов туризм ва спорт вазири этиб тайинланди
Президентнинг 9 апрелдаги фармони асосида Азиз Абдукахарович Абдуҳакимов бош вазирнинг ўринбосари — туризм ва спорт вазири лавозимига тайинланди.
Вазирнинг ўринбосарлари рўйхати ҳам аниқ бўлди. Бу борада давлат раҳбарининг тегишли қарорлари қабул қилинди:
Улуғбек Аҳмадович Азамов — туризм ва спорт вазирининг биринчи ўринбосари;
Абдулазиз Ўролбоевич Акқулов — туризм ва спорт вазири ўринбосари;
Авазжон Қудратиллаевич Каримов — туризм ва спорт вазири ўринбосари;
Зариф Очилович Казаков — туризм ва спорт вазири ўринбосари.
Шунга мувофиқ, улар бунга қадар эгаллаб турган лавозимидан озод этилди.
Қолаверса, бунга қадар президент фармони билан тугатилган вазирлик ва қўмита раҳбарларининг бошқа ўринбосарлари ҳам бошқа ишга ўтиши муносабати билан лавозимларидан озод қилинди.
Батафсил: www.gazeta.uz/uz/2021/04/10/civil-servant/?utm_source=push&utm_medium=telegram
Каналга обуна бўлинг
-
2021-04-10 08:02:14+00:00
Метрополитен ҳаракат вақтида вагонлардан бирининг эшиги очиқ қолгани учун кечирим сўради
«Тошкент метрополитени» корхонаси поезд вагонларидан бирининг эшиклари ҳаракат вақтида эшиклари очиқ қолгани акс этган видеоёзув бўйича изоҳ берди.
Мазкур ҳолат жума куни 18:40 да «Пушкин» ва «Буюк ипак йўли» станциялари ўртасида юзага келган. Поезд «Буюк ипак йўли» станциясига келиши билан носозлик бартараф этилган ва таркиб одатдаги тартиб бўйича фаолиятини давом эттирган.
«Тошкент метрополитени» раҳбарияти ҳодиса юзасидан кечирим сўраб, хизмат текшируви бошлангани, жумладан, вагон ичидаги ва станциялардаги видеокамералар ёзувлари ўрганилаётганини маълум қилди.
Батафсил: https://www.gazeta.uz/uz/2021/04/10/doors/?utm_source=push&utm_medium=telegram
Каналга обуна бўлинг
-
2021-04-09 17:57:42+00:00
Жаҳон янгиликлари дайжести
🇯🇵 Японияда Фукусимадаги АЭСдан тозаланган радиоактив сувлар океанга оқизилади. Таркибида радиоактив тритий моддаси бор сувлар ҳозирда ихтисослашган сув омборларида сақланмоқда.
🇪🇬 Мисрда уч минг йиллик шаҳар топилди. У «Йўқолган олтин шаҳар» деб номланди.
🇳🇴 Норвегия бош вазири карантин чекловларини бузганлиги учун 2352 доллар миқдорида жаримага тортилди.
🇰🇵 Шимолий Кореяда масофавий таълимга жавобгар амалдор шикоятлар ва суст ишлаши сабабли қатл этилди.
🇬🇪 Грузия пойтахтида 6 ойдан буён давом этаётган сиёсий инқирозга қарши митинг бўлиб ўтмоқда. Минглаб намойишчилар ҳукуматдан одамларнинг муаммоларини ҳал қилишга чақирмоқдалар.
🇺🇳 ЖССТ вакциналар тақсимланишида «ҳайратланарли номутаносиблик» кузатилишини маълум қилди.
Батафчил: www.gazeta.uz/uz/2021/04/09/digest106/?utm_source=push&utm_medium=telegram
Фото: Фукусима АЭС
Каналга обуна бўлинг
-
2021-04-09 15:26:19+00:00
Термизда вояга етмаган қизни зўрлаган шахсга жиноят иши қўзғатиш рад этилган
Термизда 2020 йилнинг январь ва февраль ойларида 16 ёшли қизнинг номусини теккан шахсга 14 ойдан буён жиноят иши қўзғатиш рад этиб келинган. Бу ҳақда Олий Мажлис Сенатининг Мудофаа ва хавфсизлик масалалари қўмитаси аъзоси Фарҳод Боқиев маълум қилди.
Фарҳод Боқиевнинг қайд этишича, Термиз шаҳар ИИО ФМБ томонидан мазкур воқеа бўйича сифатсиз текширишлар ўтказилган. Қолаверса, жиноятни амалга оширганликда гумон қилинаётган шахснинг дўстлари Термиз шаҳар ИИО ФМБда фаолият юритиши сабабли иш бости-бости қилиб келинган.
Натижада қизнинг ота-онанинг сўнгги чора сифатида Сенатга мурожаат қилган. Сенатнинг Мудофаа ва хавфсизлик масалалари қўмитаси томонидан мазкур тергов иши ҳар томонлама тўла ва холисона олиб борилиши ҳамда якунлари бўйича қонуний қарор қабул қилиниши назоратга олинди.
Батафсил: https://www.gazeta.uz/uz/2021/04/09/termiz/?utm_source=push&utm_medium=telegram
Каналга обуна бўлинг
-
2021-04-09 13:18:02+00:00
Дунё метроларидаги 5 та энг йирик ҳалокатлар
Метро ҳозирда энг қулай, тезюрар ва хавфсиз транспорт туридир. Бироқ ушбу «хавфсиз» транспортда йўл қўйиладиган кичик хатолик ҳам катта ҳалокатларга олиб келиши мумкин.
Дунё метрополитени тарихида кўплаб авариялар юз берган. Уларнинг баъзилари техник носозлик туфайли юзага келган бўлса, баъзиларида инсоннинг катта хатоси сабаб бўлган.
Улардан Москва, Тэгу, Париж, Боку ва Валенсия шаҳарлари метроларидаги авариялар катта фожиа билан якун топган.
Тўлиқ мақола: https://www.gazeta.uz/uz/2021/04/09/catastrophes/?utm_source=push&utm_medium=telegram
Каналга обуна бўлинг
-
2021-04-09 13:06:34+00:00
Қишлоқ хўжалиги вазирига янги ўринбосар тайинланди
Бунга қадар инвестициялар ва ташқи савдо вазири ўринбосари бўлган Анвар Асамов қишлоқ хўжалиги вазирининг ўринбосари этиб тайинланди.
Божхона қўмитаси раисининг ўринбосари Бахтиёр Раҳимов эса унинг ўрнига инвестициялар ва ташқи савдо вазири ўринбосари лавозимига тайинланди.
Каналга обуна бўлинг
-
2021-04-09 12:40:43+00:00
2021 йил учун фитр садақа ва фидя миқдори эълон қилинди
Мусулмонлар идораси Ўзбекистонда 2021 йил учун закот нисоби, фитр садақа ва фидя миқдорини белгилади.
Унга кўра, 2021 йил учун фитр садақасининг миқдори: 2 килограмм буғдой 10 000 (ўн минг) сўм, 4 килограмм арпа 14 000 (ўн тўрт минг) сўм, 2 килограмм майиз 80 000 (саксон минг) сўм, 4 килограмм хурмо 140 000 (бир юз қирқ минг) сўм деб белгиланди.
Ҳар ким ўз имкониятига қараб ушбу тўрт маҳсулотнинг хоҳлаган бир туридан фитр садақасини берса кифоя қилади.
Бу йилги фидя миқдори бир кун учун 25 000 (йигирма беш минг) сўм, бир ойга 750 000 (етти юз эллик минг) сўм деб белгиланди.
Батафсил: https://www.gazeta.uz/uz/2021/04/09/fitr/?utm_source=push&utm_medium=telegram
Каналга обуна бўлинг
-
2021-04-09 11:41:11+00:00
«Наврўз» қабуллар уйи ўрнида «улкан кутубхона» қурилади
Ҳозирда Тошкент шаҳридаги «Наврўз» тўйхонасининг бузилиш ишлари амалга оширилмоқда. Тошкент шаҳар ҳокимлигининг изоҳ беришича, унинг ўрнига «улкан кутубхона биноси» қурилади.
Кутубхона «ёшлар ва китоб ихлосмандларига хизмат кўрсатишга мўлжалланган 1,5 млн дона китоблар фондини ўз ичига олади», - дейилади хабарда.
«Газета.uz» манбасининг таъкидлашича, «Наврўз» яқинда реконструкция қилинган, лекин «шу кунларда уни бузиш бўйича янги қарор» қабул қилинган.
Маданий-маърифий комплекснинг қурилиши билан ким шуғулланиши тўғрисида ҳозирча маълумот берилгани йўқ. «Наврўз» саройи олдида мухбиримиз Discover Invest корхонаси логотиплари бор автомобилларни кўрганлиги ҳақида хабар берди. Компания Tashkent City ва Ашхабод боғлари, Hilton меҳмонхонаси, Imzo ва Artel заводларини қурган.
«Газета.uz» мухбирининг хабар беришича, ҳозирда «Наврўз» тўйхонаси биносини бузиш ишлари давом этмоқда.
Каналга обуна бўлинг
-
2021-04-09 11:38:29+00:00
Тошкентда 3 та автомобиль иштирокида ЙТҲ содир бўлди
9 апрель куни соат 10:00ларда Тошкентнинг Яккасарой тумани Бобур кўчасида жойлашган туман ИИО ФМБ биноси рўпарасида ЙТҲ содир бўлди. Бу ҳақда ИИВ ЙҲХББ хабар берди.
Ҳайдовчи Ф.М. (1998 й.т) бошқарувидаги Lacetti, Р.Ф. (1990 й.т) бошқарувидаги Damas ҳамда Д.A. (1978 й.т) бошқарувидаги Spark билан тўқнашган.
Ҳодиса натижасида тан жароҳати олганлар йўқ.
«Мазкур ЙТҲ юзасидан Яккасарой тумани ИИО ФМБ ЙҲХБ ходимлари томонидан суриштирув ҳаракатлари олиб борилиб, тўқнашув содир бўлиш сабабларига ойдинлик киритилмоқда», — дейилади хабарда.
Каналга обуна бўлинг
-
2021-04-09 11:11:49+00:00
⚡️Қиролича Елизаветанинг турмуш ўртоғи, шаҳзода Филип оламдан ўтди
Буюк Британия қироличаси Елизавета II нинг турмуш ўртоғи шаҳзода Филип, Эдинбург герцоги 9 апрель куни эрталаб оламдан ўтди.
Бу ҳақда Қироллик оиласининг Twitter саҳифаси хабар берди.
Шаҳзода Филип 99 ёшда эди.
Каналга обуна бўлинг
-
2021-04-09 11:08:14+00:00
Долларнинг расмий курси кўтарилди
Долларнинг расмий курси 4 сўмга кўтарилди ва жами 10 478 сўм этиб белгиланди. Шунингдек, евро курси ҳам кўтарилди, рубль эса бироз арзонлади.
Каналга обуна бўлинг
-
2021-04-09 09:35:06+00:00
Дам олиш кунлари ёғингарчиликлар кузатилмайди
Бугун ва эртага Ўзбекистон ҳудудига Эрон ҳудудларидан илиқ ҳаво массалари кириб келиши давом этади, дея хабар берди Ўзгидромет.
Республика бўйича ёғингарчилик кутилмайди. Ҳаво ҳарорати кечалари 7-12 даража илиқни ташкил этади, кундуз кунлари 21-26 даража илиқгача исийди. Ушбу ҳарорат шу кунларнинг кўп йиллик қийматларидан 2-3 даражага юқори бўлади.
Кавказ ҳудудларидан салқин ҳаво массалари кириб келиши натижасида якшанба куни ҳароратнинг пасайиши кутилмоқда. Ёғингарчилик кутилмайди. Ҳарорат кечалари 7-12 даража илиқ атрофида, кундуз кунлари эса 17-22 даража илиқдан юқори ва меъёрдан 2-3 даража паст бўлади.
Шунингдек, синоптиклар шу кунларда Тошкент ва Наманган вилоятларининг тоғли ҳудудларида 1600 м дан юқорида қор кўчиши хавфи бор дея огоҳлантирди.
Каналга обуна бўлинг
-
2021-04-09 08:54:09+00:00
«Ўзавтосаноат» трансформация офиси иш бошлади
«Ўзавтосаноат» компанияси ва унинг таркибий корхоналарини ислоҳ қилиш бўйича трансформация офиси иш бошлади, дея хабар қилди «Ўзавтосаноат».
Трансформация офиси Boston Consulting Group (BCG, АҚШ), шунингдек, Daimler, Fiat и Porsche каби етакчи халқаро автомобиль концернларида кўп йиллик бошқарув тажрибасига эга юқори малакали хорижий ва маҳаллий экспертлар иштирокида ташкил этилди.
Ишлаб чиқаришнинг янги йўналишларини ривожлантириш ва маҳаллийлаштириш даражасини 70 фоизгача кўтарилиши самарали бошқарув натижаси бўлади. Бу эса, ўз ўрнида, маҳсулотнинг чакана нархини пасайтиришга имкон беради. Биринчи босқичданоқ ушбу дастур Chevrolet Tracker ва Onix каби моделлар ишлаб чиқарилишини бошлашни назарда тутади.
Батафсил: https://www.gazeta.uz/uz/2021/04/09/uzavtosanoat/?utm_source=push&utm_medium=telegram
Каналга обуна бўлинг
-
2021-04-09 08:05:53+00:00
Ўзбекистонда водород энергетикаси ривожлантирилади
Шавкат Мирзиёев “Ўзбекистон Республикасида қайта тикланувчи ва водород энергетикасини ривожлантириш чора-тадбирлари тўғрисида”ги қарорни имзолади, дея хабар берди Энергетика вазирлиги матбуот хизмати.
Ўзбекистонда қайта тикланувчи энергия манбалари ва водород энергетикасини ривожлантириш мақсадида Энергетика вазирлиги ҳузурида Қайта тикланувчи энергия манбалари миллий илмий-тадқиқот институти ташкил этилади.
Бундан ташқари, вазирлик, ACWA Power (Саудия Арабистони) ва Air Products (АҚШ) ўртасида Ўзбекистонда қайта тикланадиган ва водород энергетикасини ривожлантириш бўйича битим имзоланди.
Spot'нинг хабар беришича, ACWA Power Бухоро ва Навоийда умумий қуввати 1000 МВтни ташкил қиладиган шамол электр станцияларини қуради. Лойиҳа хорижий инвестиция ҳисобига амалга оширилиб, 1,3 млрд долларга тенг дея баҳоланмоқда.
Каналга обуна бўлинг
-
2021-04-09 07:15:48+00:00
Шавкат Мирзиёев Покистон бош вазири билан видеомулоқот орқали суҳбатлашади
Келаётган ҳафтада Ўзбекистон президентининг Покистон Ислом Республикаси бош вазири Имрон Хон билан видеомулоқоти мўлжалланган. Бу ҳақда президент матбуот котиби Шерзод Асадов маълум қилди, дея «Газета.uz» мухбири хабар бермоқда.
Ўтган йилнинг якунларига кўра, мамлакатлар ўртасидаги икки томонлама товар айирбошлаш ҳажми 123 млн доллардан ошган.
Навбатдаги мулоқотда икки мамлакат ўртасидаги савдо-иқтисодий ва инвестициявий ҳамкорликни ривожлантириш, Марказий ва Жанубий Осиёни боғлайдиган транспорт коммуникацияларини барпо этиш масалалари муҳокама қилинади.
Каналга обуна бўлинг
-
2021-04-09 06:43:49+00:00
Росселхознадзор Фарғона вилоятидан Россияга олиб кирилаётган ўсимлик маҳсулотларига бўлган вақтинчалик чекловни олиб ташлади
Росселхознадзор 7 апрелдан бошлаб Фарғона вилоятидан Россия Федерацияси ҳудудига помидор ва қалампирдан ташқари барча ўсимлик маҳсулотларини олиб киришга рухсат берди, дея хабар берди Росселхознадзор матбуот хизмати.
Маълумот учун, 2020 йил 26 ноябрь куни Фарғона вилоятида етиштириладиган помидор ва қалампир маҳсулотларини олиб киришга таъқиқ қўйилган эди. Таъқиқ сабаби уларда карантин касаллиги тобамовирус аниқланганлиги бўлган эди.
2020 йил декабрида Ўзбекистондан Россияга етиб борган 1 тонна қуритилган қуритилган ўриклар орасида карантин аҳамиятига эга бўлган зарарли организм - эса қапр қўнғизи (Trogoderma granarium Ev.) аниқлангани сабабли, 11 декабрь куни Росселхознадзор Фарғона вилоятидан барча ўсимлик маҳсулотларини олиб киришни тақиқлаган эди.
Батафсил: www.gazeta.uz/uz/2021/04/09/rosselxoznadzor/?utm_source=push&utm_medium=telegram
Каналга обуна бўлинг
-
2021-04-09 06:31:37+00:00
ЕХҲТнинг амалдаги раиси Ўзбекистонга ташриф буюради
13-14 апрель кунлари Европада хавфсизлик ва ҳамкорлик ташкилотининг амалдаги раиси, Швеция ташқи ишлар вазири Анн Кристин Линденинг Ўзбекистонга ташриф буюриши кутилмоқда. Бу ҳақда президент матбуот котиби Шерзод Асадов маълум қилди, дея «Газета.uz» мухбири хабар бермоқда.
Линде хоним президент томонидан қабул қилиниши режалаштирилган.
«Мамлакатимиз давлат ва жамият ҳаётининг барча жабҳаларида кўзланган янгиланишларни фаол илгари суришда ушбу муҳим минтақавий ташкилот [ЕХҲТ — таҳр.] билан ҳамкорликни кенгайтиришга қатъий интилади», — деди президент матбуот котиби.
Каналга обуна бўлинг
-
2021-04-09 05:42:16+00:00
«Бирор ерда ишламасин, ҳамма ойлигини давлатга топширсин» — президент лавозимидан олинган амалдорлар ҳақида
Президент Шавкат Мирзиёев пайшанба куни бўлиб ўтган видеоселектор йиғилишида Қашқадарё ва Навоий вилояти ҳокимларининг биринчи ўринбосарлари, ҳамда ушбу вилоятлардаги марказий банк ва солиқ бошқармалари раҳбарларини ўз лавозимидан озод этди.
«Бирор ерда ишламасин. Билиш керак шунча ойлик бериб, шунча ҳаракат қилганимизни… Сиёсатга ҳиёнатчи булар», — деди президент.
Шу билан бирга Улуғнор, Узун, Ёзёвон, Деҳқонобод туманлари ҳокимининг биринчи ўринбосарлари, Андижон, Олтинкўл, Олот, Қоракўл, Оқолтин, Чилонзор, Мўйноқ туманлари, Хива ва Чирчиқ шаҳарларидаги солиқ идоралари бошлиқлари ҳам лавозимидан бўшатилди.
«Ишдан олинганлар ишлаган давридан бошлаб ҳамма ойлигини давлатга топширсин. Телевизорда расмини чиқазиб, „хиёнатчи“ деб бериш керак. Халқ билиши керак ким булар, сиёсатга қарши эканликларини», — дея таъкидлади давлат раҳбари.
Каналга обуна бўлинг
-
2021-04-09 04:53:10+00:00
Тошкент ва Фарғонада яроқсиз батарейкаларни йиғадиган 171 та контейнерлар ўрнатилди
Хабарга кўра, батарейкаларни йиғиш учун мўлжалланган контейнерлар Тошкент шаҳрида ва Фарғона вилоятида ўрнатилди. Бу ҳақда қўмита матбуот хизмати «Газета.uz» га хабар бермоқда.
Ушбу контейнерлар шакли ва кўринишидан батарейкаларни эслатади.
Давлат экология қўмитаси ташаббуси билан «Тоза ҳудуд» ва «Махсустранс» ДУКнинг 701 та чиқиндиларни йиғиш пунктларида махсус идишлар ўрнатиш вазифаси топширилган.
«Бугунги кунда пойтахтда „Махсустранс“ ДУК нинг 530 та ва хусусий санитар тозалов компанияларининг 171 та контейнерлари пайдо бўлди. Контейнерлар ўрнатиш ишлари давом этмоқда ва улар барча чиқиндиларни йиғиш жойларини қамраб олади», — дейилади қўмита баёнотида.
Батафсил: https://www.gazeta.uz/uz/2021/04/09/battery/?utm_source=push&utm_medium=telegram
Каналга обуна бўлинг
-
2021-04-09 04:15:02+00:00
Шина заводи иши бўйича тергов олиб борилмоқда – Ҳисоб палатаси
Ангрендаги Birinchi Rezinotexnika Zavodi МЧЖ шина заводи иши бўйича тергов ҳаракатлари бошланди, дея хабар қилди ЎзЛиДеП фракцияси йиғилишида Ҳисоб палатаси раисининг биринчи ўринбосари Баҳодир Туробов.
Партия йиғилишида депутат Дониёр Ғаниев яна шина заводи лойиҳаси тўлиқ ўйланмагани ва самарасиз фаолият юритаётгани масаласини кўтариб чиқди. Унинг сўзларига кўра, заводнинг кредит тўловлари бўйича 3 млн доллар миқдорида қарздорлиги мавжуд.
Ҳисоб палатаси раҳбарининг биринчи ўринбосари Баҳодир Туробов йиғилган материаллар Президент администрацияси топшириғи билан ҳуқуқни муҳофаза қилиш органларига топширилганини маълум қилди. Айни пайтда тергов ҳаракатлари олиб борилаётгани, барча эътирозлар вазирлик ва идораларга етказилганини қўшимча қилди.
Батафсил: https://www.gazeta.uz/uz/2021/04/09/tyre-investigation/?utm_source=push&utm_medium=telegram
Каналга обуна бўлинг
-
2021-04-08 17:11:04+00:00
Жаҳон янгиликлар дайжести
📖 «Қашшоқликка қарши кураш: Хитой тажрибаси ва ҳиссаси» номли Оқ китоби нашр этилди. У ерда мамлакатнинг қашшоқликни камайтиришдаги ёндашувлари, усуллари, амалиёти ва тажрибаси кўрсатилган.
🇪🇸 Мадриддаги VOX партияси митинги пайтида бошқа партия тарафдорлари ва полиция ўртасида тўқнашув содир бўлди. Натижада жабрланганлар сони 35 кишига етди, улардан 21 нафари полиция ходимлари.
🇲🇿 Мозамбикда қуролланган шахслар 12 нафар чет эл фуқаросини ўлдирди. Қурбонлар қайси хориж мамлакатидан эканликлари ҳозирча номаълум.
🇺🇸 АҚШ «Шимолий оқим 2» га қарши иккита санкциялар пакетини тасдиқлади. Якуний қарорни мамлакат президенти қабул қилади. Аввалроқ, Оқ уй «Шимолий оқим 2» қурилишини тўхтатиш бўйича музокаралар олиб борадиган махсус вакилни тайинлади.
Батафсил: www.gazeta.uz/uz/2021/04/08/digest105/?utm_source=push&utm_medium=telegram
Каналга обуна бўлинг
-
2021-04-08 15:10:00+00:00
«Тадбиркорларда энергия таъминоти ва бошқа инфратузилма билан боғлиқ муаммолар бўлмаслиги керак» — президент
Президент Шавкат Мирзиёев бу ҳақда пайшанба куни бўлиб ўтган видеоселектор йиғилишида таъкидлади, дея хабар бермоқда «Газета.uz» мухбири.
Шунга кўра, энергетика вазири Алишер Султанов, уй-жой коммунал хизмати кўрсатиш вазири Шерзод Хидоятов ва Автомобиль йўллари қўмитаси раиси Абдураҳмон Абдувалиевга вилоят ҳокимлари билан бирга, йил якунига қадар 168 та мавжуд ва янги саноат зонасини 468 км электр, 362 км газ, 405 км сув ва 104 км йўл билан таъминлаш бўйича топшириқ берилди.
Бизнес-омбудсманга саноат зоналаридаги инфратузилма билан боғлиқ камчиликларга йўл қўйган масъулларни аниқлаш бўйича вазифа юклатилди.
«Дилмурод Қосимов жойига чиқиб, тадбиркорларнинг инфратузилма билан боғлиқ муаммолари ҳал қилинганини ўрганади. Айбдорларни ишдан олиш ва жарима қилиш бўйича ҳар 15 кунда таклиф киритиб боради», — деди президент.
Каналга обуна бўлинг
-
2021-04-08 14:52:42+00:00
Ўтган йили кичик бизнес субъектларига жами 120 трлн сўмлик кредит ва молиявий ёрдам ажратилди — Шавкат Мирзиёев
Бу ҳақда Ўзбекистон президенти 8 апрель куни ўтказилган видеоселектор йиғилишида айтиб ўтди.
«2020 йилнинг ўзида 120 трлн сўмлик кредит ва молиявий ёрдам ажратилди. Шундан 86 трлн сўм кредит ажратилди, 21 трлн сўм кредит тўлови кечиктирилди, 12 трлн сўмлик субсидия ва солиқ имтиёзлари берилди. Натижада пандемиядан зарар кўрган 104 мингдан ортиқ корхона фаолияти тикланиб, хусусий корхоналар пул айланмаси ўтган йилга нисбатан 33 фоизга ўсди», — дея таъкидлади президент.
Каналга обуна бўлинг
-
2021-04-08 14:35:21+00:00
Сенатнинг 14 ялпи мажлиси 23 апрель куни чақирилади
Бу борада 8 апрель куни ўтказилган Сенат Кенгашининг мажлисида тегишли қарор қабул қилинган.
Кун тартибидан қуйидаги қонунларни кўриб чиқиш ўрин олган:
🔹 «Ўзбекистон Республикасида чет эл фуқароларининг ва фуқаролиги бўлмаган шахсларнинг ҳуқуқий ҳолати тўғрисида»;
🔹 «Лицензиялаш, рухсат бериш ва хабардор қилиш тартиб-таомиллари тўғрисида»;
🔹 «Фазовий маълумотлар тўғрисида»;
🔹 «Ноширлик фаолияти тўғрисида»;
🔹 «Психиатрия ёрдами тўғрисида»;
🔹 «Ўзбекистон Республикасининг айрим қонун ҳужжатларига ўзгартишлар ва қўшимча киритиш тўғрисида»;
🔹 «Ўзбекистон Республикаси, бир томондан ва Буюк Британия ва Шимолий Ирландия, иккинчи томондан, ўртасида шерикчиликни таъсис этувчи шерикчилик ва ҳамкорлик тўғрисидаги Битимни (Тошкент, 2019 йил 31 октябрь) ратификация қилиш ҳақида».
Қолаверса, Ҳисоб палатаси, Бош прокуратура ва Марказий банкнинг 2020 йилги ҳисоботларини эшитиш режа қилинган.
Каналга обуна бўлинг
-
2021-04-08 13:35:15+00:00
Қашқадарё ва Навоий вилоятлари ҳокимларига ҳайфсан берилди
Айни пайтда Шавкат Мирзиёев раислигида бўлиб ўтаётган видеоселектор йиғилишида Қашқадарё вилояти ва Навоий вилояти ҳокимлари, Марказий банк раисининг биринчи ўринбосарига ҳайфсан берилди, дея хабар бермоқда «Газета.uz» мухбири.
Чорак якунигача ўзгариш бўлмаса, ушбу раҳбарларнинг барчаси ишдан кетиши таъкидланган.
Йиғилишда шунингдек, камчиликларга йўл қўйгани боис Қашқадарё вилояти ҳокимининг биринчи ўринбосари Ўткир Бўтаев, солиқ бошқармаси бошлиғи Азамат Бозоров, Марказий банкнинг Қашқадарё вилоят Бош бошқармаси бошлиғи Ф.Ражабов лавозимидан озод этилган.
Қолаверса, Навоий вилояти ҳокимининг биринчи ўринбосари Одил Ҳасанов, Марказий банкнинг Навоий вилоят бош бошқармаси бошлиғи Исломбек Саидов ва солиқ бошқармаси бошлиғининг биринчи ўринбосари Муҳаммадиевлар ишдан олинган.
Батафсил: www.gazeta.uz/uz/2021/04/08/civil-servant/?utm_source=push&utm_medium=telegram
Каналга обуна бўлинг
-
2021-04-08 13:23:10+00:00
Рамазон ойининг бошланиши 13 апрелга тўғри келади
“Муборак Рамазон ойини муносиб тарзда ўтказиш тўғрисида”ги Президент қарори (ПҚ–5062-сон, 08.04.2021 й.) қабул қилинди, дея хабар қилди Адлия вазирлиги матбуот хизмати.
Қарорга кўра Рамазон ойи карантин қоидаларига риоя қилган ҳолда миллий анъана ва қадриятларга мос равишда ўтказилади.
Каналга обуна бўлинг
-
2021-04-08 12:35:15+00:00
«3 ойда ўзгариш бўлмаса, биринчи раҳбарларни ҳам ишдан оламан» — президент
Президент Шавкат Мирзиёев бу ҳақда ҳозир бўлиб ўтаётган видеоселектор йиғилишида айтиб ўтди.
«Жуда оғир тарихий, оғир йилларда яшаяпмиз. Бизга кўп нарса боғлиқ. Ўзларингни қийнаб, ҳар куни изланиш, интилиш ва пировард мақсадга ишлаш бўлмаса, натижа бўлмайди. Шаҳар ва туман ҳокимлари бир нарсани билинглар, тадбиркорни қўллаб-қувватламасак, унга шароит яратмасак, тадбиркорни кўпайтирмасак маҳаллий бюджет бўлмайди-ку. Қанча пул бермайлик, қанча шароит яратмайлик, қанчадан-қанча қарор ва фармон қабул қилмайлик, агар қуйи поғонадаги туман раҳбарларининг дунёқараши ўзгармаса, ҳозирги шароитни тушунмас экан натижа бўлмайди», — деди президент.
Давлат раҳбари вазифаларни бажара олмаётган сектор раҳбарлари ишдан кетишини қайд этди. «3 ойда ўзгариш бўлмаса, биринчи раҳбарларни ҳам ишдан оламан», — деди у.
Каналга обуна бўлинг
-
2021-04-08 12:29:24+00:00
Метронинг Сергели йўналишида ҳаракат тикланди
Тошкент метрополитенининг Сергели йўналишида поездлар ҳаракати соат 16:45да тикланди. Бу ҳақда “Тошкент метрополитени” унитар корхонаси маълум қилди.
Аввалроқ Тошкент метрополитенининг Сергели йўналишидаги ҳаракатини тўхтатиш сабаби контакт релсининг кронштейни ушлаб туриш қурилмаларадан чиқиб кетгани хабар қилинган эди.
Каналга обуна бўлинг
-
2021-04-08 12:10:47+00:00
«Навбаҳор» мухлисларнинг тартибсизликлари юзасидан Наманган ИИБ изоҳ берди
«Навбаҳор» — «Пахтакор» жамоалари ўртасидаги ўйиндан сўнг юзага келган тартибсизликлар бўйича Наманган вилояти ИИБ муносабат билдирди.
Унга кўра, ўйин якунлангач, эътироз билдираётган томошабинларга тушунтириш ва тарғибот ишлари олиб борилиб, тарқатиш чоралари кўрилди. Ҳакам, меҳмон ўйинчилар ва „Пахтакор“ фан клубининг 35 нафар аъзолари назорат остида Наманган шаҳридан кузатиб қўйилди.
Учрашув давомида фуқаролар орасида ҳеч қандай талофат ёки тан жароҳат олиш ҳолатлари бўлмади.
Томошабинлар орасида фаол эътироз билдириб, бошқаларга таъсир ўтказмоқчи бўлган 2 нафар футбол ишқибози ажратиб олинган. Фуқаролар Давлатобод туман ИИБга олиб келиниб, тушунтириш ишлари олиб борилди, дейилади хабарида.
Каналга обуна бўлинг
-
2021-04-08 11:25:47+00:00
Долларнинг расмий курси арзонлади
Долларнинг расмий курси 6 сўмга арзонлади ва жами 10 473 сўм этиб белгиланди. Шунингдек, евро курси ҳам пасайди, рубль эса қимматлади.
Каналга обуна бўлинг
-
2021-04-08 10:44:27+00:00
Андижон шаҳар Халқ таълими бўлими бошлиғига нисбатан жиноят иши очилди
Бу Бош прокуратура ва ДХХ томонидан ўтказилган тезкор тадбирда аниқланди.
Фуқаро бошқа бир фуқаронинг танишларини аттестациядан ўтказиш, яна 3 нафар танишини мактаб директори ва директор ўринбосари лавозимларига тайинлаш масаласини ҳал қила олишини айтган.
У буни юқори лавозимда ишловчи танишлари орқали ижобий ҳал қилиб бериши эвазига 8400 долларни олган вақтида ашёвий далиллар билан ушланди.
Видеода фуқаро ўз айбига иқрор бўлганини кўриш мумкин. «Қилган ишимдан пушаймонман», – деди у.
У шунингдек, пулларнинг бир қисмини Андижон шаҳар халқ таълими бўлими бошлиғига олиб бориши кераклигини қўшимча қилган.
Шундан сўнг, тезкор тадбир давом эттирилган. Андижон шаҳар халқ таълими бўлими бошлиғи юқоридаги масалаларни ижобий ҳал қилиш эвазига фуқародан 900 долларни олганида қўлга олинган.
ХТБ бошлиғига ЖКнинг 210-моддаси, фуқарога 168-, 28-, 211-моддалари билан жиноят иши қўзғатилди.
Каналга обуна бўлинг
-
2021-04-08 10:25:00+00:00
Наманганда футбол ўйинидан сўнг мухлислар тартибсизлик юзага келтиришди
7 апрель куни футбол бўйича Ўзбекистон Суперлигаси 5-тур учрашувларидан ўрин олган «Навбаҳор» — «Пахтакор» учрашуви 1:2 ҳисобида тошкентликлар фойдасига ҳал бўлди.
Баҳснининг сўнгги дақиқаларида бош ҳакам томонидан «Навбаҳор» дарвозаси томон пенальти белгиланди. Мазкур вазият эса баҳс-мунозараларга сабаб бўлди.
Баҳс якунлангандан кейин ҳакамлар ва «Пахтакор» футболчилари стадионни наманганлик мухлислар томонидан турли воситалар улоқтирилаётган ҳолатда тарк этишди. Ушбу жараён акс этган видео лавҳалар ижтимоий тармоқларда тарқалди.
Батафсил: https://www.gazeta.uz/uz/2021/04/08/disorder/?utm_source=push&utm_medium=telegram
Каналга обуна бўлинг
-
2021-04-08 10:15:01+00:00
Бишкек шаҳрида турмуш қуриш учун аёлларни олиб қочишга қарши митинг ўтказилди
8 апрель куни Қирғизистон пойтахти Бишкекда 27 ёшли Айзада Канатбекованинг ўғирланиши ва ўлдирилиши ҳолати юзасидан 300 га яқин киши Ички ишлар вазирлиги ҳамда ҳукумат бинолари олдига намойишга чиқишди, дея хабар берди AКИpress ахборот агентлиги.
Қиз 5 апрель куни Бишкекда ўғирлаб кетилган. Уч киши уни мажбуран машинага ўтқазиб, номаълум йўналиш бўйича олиб кетишган. Икки кундан сўнг, Бишкек яқинидаги Чуй вилоятидаги далада турган автомобиль салонида қиз ва 36 ёшли эркакнинг жасадлари топилди.
Намойишчилар Ички ишлар вазирлиги раҳбарининг истеъфога чиқишини ва «Келинни ўғирлаш» моддаси учун жазони кучайтиришни талаб қилмоқда. Ушбу иш президент ва бош вазир назорати остида эканлиги айтилди.
Батафсил: www.gazeta.uz/uz/2021/04/08/kyrgyzstan/?utm_source=push&utm_medium=telegram
Каналга обуна бўлинг
-
2021-04-08 10:01:28+00:00
Ташқи ишлар вазирининг янги ўринбосари тайинланди
Ғайрат Фазилов ташқи ишлар вазирининг Европа давлатлари билан ҳамкорлик ва халқаро ташкилотлар доирасидаги ўзаро алоқалар бўйича ўринбосари этиб тайинланди.
Мазкур тайинловга қадар, Ғайрат Фазилов Ўзбекистоннинг Япониядаги элчиси бўлган.
Франция ва Белгиядаги дипломатик ваколатхоналарида ҳам фаолият юритган.
Каналга обуна бўлинг
-
2021-04-08 09:10:31+00:00
Дин ишлари бўйича қўмитага янги раис тайинланди
Президентининг тегишли Қарорига асосан Вазирлар Маҳкамаси ҳузуридаги Дин ишлари бўйича қўмита раиси лавозимига Содиқ Тошбоев тайинланди. Бу ҳақда қўмита матбуот хизмати хабар бермоқда.
Тайинловга қадар Содиқ Тошбоев Андижон вилояти ҳокимининг жамоат ва диний ташкилотлар билан алоқалар бўйича ўринбосари бўлган.
Каналга обуна бўлинг
-
2021-04-08 09:00:13+00:00
Президент пайшанба кундаги видеоселектор йиғилишида кичик ва ўрта бизнесни қўллаб-қувватлаш ҳамда аҳоли бандлигини таъминлаш дастурини амалга ошириш чораларини танқидий кўриб чиқади. Бу ҳақда «Газета.uz» нинг ҳукуматдаги манбаcи хабар берди.
Таъкидланишича, айрим вилоятларда бу борада олиб борилаётган ишлар бизнес ва ҳукуматнинг талабларига жавоб бермаяпти.
Шу сабабли президент қатор турли даражадаги раҳбарларни ишдан олиши кутилмоқда. Бундан ташқари, давлат раҳбари тадбиркорликни қўллаб-қувватлаш ва фуқароларни иш билан таъминлаш бўйича янги чора-тадбирларни белгилаб беради.
Каналга обуна бўлинг
-
2021-04-08 08:39:47+00:00
Дин ишлари бўйича қўмита раҳбари вазифасидан озод этилди
Абдуғофур Аҳмедов бошқа ишга ўтиши муносабати билан Вазирлар Маҳкамаси ҳузуридаги Дин ишлари бўйича қўмита раиси лавозимидан озод этилди, деб хабар берди «Газета.uz» нинг ҳукуматдаги манбаcи.
У ушбу лавозимда 2019 йил сентябр ойидан буён ишлаб келган.
Бунгача Абдуғофур Аҳмедов Давлат хавфсизлик хизмати Сурхондарё вилояти бошқармаси бошлиғи лавозимида фаолият юритган. Унинг янги иш жойи ҳақида маълум қилинмади.
Каналга обуна бўлинг
-
2021-04-08 07:57:37+00:00
Метронинг Сергели йўналишида поезд тўхтаб қолди
«Ўзбекистон темир йўллари» компанияси Тошкент метрополитенининг Сергели йўналиши фаолияти тўхтаб қолганига изоҳ берди.
Аввалроқ ижтимоий тармоқларда «Олмазор» ва «Бекат-1» станциялари ўртасида тўхтаб қолган поезд йўловчилари ер усти эстакадаси бўйлаб пиёда эвакуация қилингани ҳақидаги хабарлар тарқалган эди. Kun.uz хабарига кўра, энергия билан таъминловчи қурилмалар парчаланиб, 30−50 метр масофага сочилиб кетган.
«Бугун, тахминан 10:45да Тошкент метрополитенининг Сергели йўналиши техник сабабларга кўра тўхтатилди. Барча йўловчилар эвакуация қилинди. Сергели метро йўналиши бўйлаб бепул автобуслар ҳаракати ташкил этилмоқда», — дейилади компания хабарида.
Батафсил: https://www.gazeta.uz/uz/2021/04/08/metro/?utm_source=push&utm_medium=telegram
Каналга обуна бўлинг
-
2021-04-08 07:18:43+00:00
❗️ Тошкент шаҳрида вакцинанинг ножўя таъсирларини даволаш учун 4 та шифохона тайёрлаб қўйилган
Коронавирусга қарши эмланган фуқароларда кузатилган ножўя таъсирларга қарши курашиш мақсадида пойтахтда ташкил этилган 81 та эмлаш пункти 4 та шифохонага бириктирилган. Бу ҳақда «Газета.uz» сўровига мувофиқ, СЭС ахборот хизмати маълум қилди.
Шифохоналар рўйхати:
🔹 Учтепа туманидаги шаҳар тез тиббий ёрдам клиник шифохонаси;
🔹 Шайхонтохур туманидаги 1-сон шаҳар клиник шифохонаси;
🔹 Яшнобод туманидаги 4-сон шаҳар клиник шифохонаси;
🔹 Юнусобод туманидаги 7-сон шаҳар клиник шифохонаси.
Аввалроқ, СЭС бошлиғи ўринбосари Нурмат Отабеков 6 апрель ҳолатига кўра, 71 нафар фуқарода ножўя таъсирлар қайд этилганини айтганди.
СЭС ахборот хизматининг қўшимча қилишича, «мазкур шифохоналарга ҳозирги кунга қадар вакцинанинг ножўя таъсирлар кузатилган бирорта бемор ётқизилмаган. Бунга зарурат бўлмаган».
Каналга обуна бўлинг
-
2021-04-08 07:02:40+00:00
Қатар ва Ўзбекистон ўртасида тўғридан-тўғри авиақатнов йўлга қўйилиши кутилмоқда
Ўзбекистон Республикаси Бош вазири ўринбосари, Туризм ва спорт вазири Азиз Абдуҳакимов Қатар давлати авиация идоралари делегациясини қабул қилди, дея хабар берди Туризм ва спорт вазирлиги матбуот хизмати.
Қатар томони Ўзбекистон ҳукуматининг ҳудудий аэропортларда «очиқ осмон» режимини жорий қилиниши, хорижий авиакомпаниялар томонидан чартер рейсларини ташкил этишни рағбатлантириш мақсадида «cаш-баcк» механизмларини қўллаш каби авиация бозорини либераллаштириш бўйича қарорлари билан таништирилди.
«Qatar Airways» департаменти раҳбари Салам Ал-Самаррий авиакомпаниянинг Ўзбекистонга парвозларни амалга ошириш ва республиканинг минтақавий аэропортларида жорий қилинган «очиқ осмон» режимидан фойдаланишга, жумладан, Форс кўрфазининг бошқа мамлакатларидан ҳам сайёҳларни жалб қилишга юқори қизиқиш билдирди.
Каналга обуна бўлинг
-
2021-04-08 06:22:12+00:00
Сурхондарёда қулаб тушган электр узатиш тармоғи таянчлари қайта тикланди
Сурхондарё вилоятидаги “Сурхон” подстанциясини “Ғузор” подстанцияси билан боғловчи 500 кВли электр узатиш тармоғи қайта тикланди, дея хабар берди Энергетика вазирлиги матбуот хизмати.
4 апрель куни Сурхондарё вилояти Қумқўрғон туманида кучли ёғингарчилик ва шамол оқибатида “Сурхон” ва “Ғузор” подстанциялари оралиғидаги 500 кВли Л-508 ҳаво электр узатиш тармоғининг иккита таянчи қулаган эди.
“Ўзбекистон миллий электр тармоқлари” акциядорлик жамиятининг махсус бригадалари томонидан ушбу ҳолатни бартараф этиш учун чора-тадбирлар олиб борилди ва 7 апрель куни мазкур таянчларни тиклаш ишлари тўлиқ якунланиб, электр узатиш тармоғи қайта тикланди.
Каналга обуна бўлинг
-
2021-04-08 05:41:00+00:00
«Ўзбекистон миллий кинофонди» ташкил этилади
Президентнинг тегишли қарори билан, Кинематография агентлиги ҳузурида:
— Ўзбекистон Кинематография академияси;
— бюджет маблағлари ҳисобидан молиялаштириладиган «Ўзбекистон миллий кинофонди»;
— хусусий кинокомпанияларга фильм, мультфильм ва сериаллар яратиш бўйича хизмат кўрсатувчи «Ўзбекфильм» киноконцерни» ташкил этилади.
Шу билан бирга, Мультипликацион фильмлар студияси», «Республика кинопрокат маркази» ва унинг ҳудудий филиаллари, «Кинематографчилар уйи», «Киноиндустрия соҳаси ходимларини қайта тайёрлаш ва уларнинг малакасини ошириш маркази» фаолияти тугатилди.
Мазкур қарор билан 2021-2022 йилларда миллий кинематография соҳасини ривожлантириш «йўл харитаси» тасдиқланди.
Каналга обуна бўлинг
-
2021-04-08 05:28:07+00:00
Зоминда туристик-рекреацион зона ва умуммавсумий курорт ташкил этилади
Бу президентнинг 6 апрелдаги тегишли фармонида акс этган.
Ҳужжатга мувофиқ, қуйидагилар ташкил этилади:
🔹 «Зомин» туристик-рекреацион зонаси;
🔹 «Зомин» туристик-рекреацион зонаси дирекцияси давлат унитар корхонаси;
🔹 Туристик зона ҳудудида «Суффа платоси. 2 400» халқаро умуммавсумий курорти ва «Ўриклисой» туризм мажмуаси.
Туристик зона фаолият кўрсатиш муддати кейинчалик узайтириш имконияти билан 30 йил этиб белгиланмоқда.
Ҳудудда электромобиллар учун қувватлаш станциялари, вертолётлар учун учиш-қўниш майдончалари, спортнинг экстремал турлари, жумладан, зимплайн учун шароит яратилади.
2024 йилгача қайта тикланувчи энергия манбаларини ташкил этиш учун импорт қилинадиган асбоб-ускуна, техника, хомашё, бутловчи буюм, эҳтиёт қисм ва бошқалар божхона тўловларидан (ҚҚС ва божхона расмийлаштируви йиғимидан ташқари) озод этилади.
Фото: Халқ сўзи / Х. Пайдоев.
Каналга обуна бўлинг
-
2021-04-08 04:50:50+00:00
Сурхондарёда болаларга қўпол муносабатда бўлган тарбиячи ишдан бўшатилди
Сурхондарё вилояти Узун тумани 13-сонли МТМда тарбиячининг болаларга баланд овозда бақириб, уларни қўрқитаётгани ва шунга ўхшаш ҳаракатидаги ҳолат ижтимоий тармоқларда тарқалди.
Zamon дастури хабар беришига кўра, мазкур ҳолат юзасидан туман мактабгача таълим бўлими раҳбари муносабат билдирди.
Унга кўра, ҳодиса бўйича туман прокуратурасидан тақдимнома берилди.
Ўрганиш жараёнида мазкур болалар боғчаси тарбиячиси ишдан бўшатилди. Ёрдамчи тарбиячига нисбатан интизомий ҳайфсан жазоси берилди.
Каналга обуна бўлинг
-
2021-04-08 04:33:23+00:00
Ургутда фуқаро отасига қарашли фермер хўжалиги ерини $14 мингга сотишга уринди
Бу Бош прокуратура ҳузуридаги департамент ва ДХХнинг Ургут туман бўлимлари томонидан ўтказилган тезкор тадбирда аниқланди.
Фуқаро А.Э. отаси раҳбарлигидаги фермер хўжалигига тегишли бўлган 1,2 гектар ер майдонини фуқаро У.С.га сотишга уринган. Гумондор ерни унинг номига расмийлаштириб бериш эвазига 14 минг долларни олган вақтида ашёвий далиллар билан ушланган.
Мазкур ҳолат юзасидан фуқаро А.Э.га нисбатан Жиноят кодексининг 168-моддаси (фирибгарлик) билан жиноят иши қўзғатилди.
Ҳозирда тергов ҳаракатлари олиб борилмоқда.
Каналга обуна бўлинг
-
2021-04-08 03:36:46+00:00
Тошкентда 3 та автомобиль ва автобус иштирокида ЙТҲ содир бўлди
Чоршанба куни соат 09.45 да Яккасарой тумани Катта Миробод кўчасида 28 ёшли самарқандлик А.И. бошқарувидаги Lacetti Шароф Рашидов кўчаси бўйлаб ҳаракатланиши давомида бошқарувни йўқотган.
Оқибатда Катта Миробод ва Шота Руставели кўчалари кесишмасида светофорнинг тақиқловчи белгисида тўхтаб турган бир нечта транспорт воситалари билан тўқнашган.
Lacetti 35 ёшли Ш.Ш. бошқарувидаги Spark ҳамда 24 ёшли А.К. бошқарувидаги Matiz автомобилларига бориб урилган. Шундан сўнг, Lacetti бетон устунга тўқнашган. Зарбадан Matiz автомобили ағдарилиб, қаршисида турган 30 ёшли Б.Т. бошқарувидаги «Исузу» русумли йўловчи автобуси билан тўқнашган.
ЙТҲ натижасида автобус йўловчиларига зарар етмагани айтилмоқда. Lacetti автомобили ҳамда Spark автомобили йўловчилари тан жароҳати олиб, шифохонага ётқизилган.
Ҳолат юзасидан шаҳар ИИББ томонидан тергов олди текшируви ўтказилмоқда.
Каналга обуна бўлинг
-
2021-04-08 03:20:14+00:00
«Айрим танқидлар очиқ қолаяпти» — президент матбуот котиби
Ўзбекистон президенти матбуот котиби Шерзод Асадов чоршанба куни вазирлик ва идораларининг матбуот котиблари билан очиқ мулоқот ўтказди.
Учрашувда матбуот хизматлари фаолияти, уларнинг журналист ва блогерлар билан ҳамкорлиги даражаси таҳлил қилинди. Хабарда айтилишича, «айрим вазирлик ва идораларнинг матбуот хизматлари суст ишлаётгани кўрсатиб ўтилган».
«Айрим танқидлар, саволлар очиқ қолаяпти. Оммавий ахборот воситалари ва ижтимоий тармоқларда чиқаётган танқидий материалларга тезкор муносабат билдириш, аҳолига тўлиқ ахборот бериш шарт. Бу бўйича катта ишларни амалга оширишимиз, ҳамкорлик вертикалини яратишимиз керак. Бунинг учун президент матбуот хизмати доимо очиқ», — деди Шерзод Асадов.
Мулоқот давомида «президент матбуот котиби билан давлат идоралари матбуот котиблари ўртасида тўғридан-тўғри алоқани йўлга қўйиш механизми келишиб олинган».
Каналга обуна бўлинг
-
2021-04-07 18:13:17+00:00
Жаҳон янгиликлари дайжести
🇸🇦 Яқин Шарқда 50 млрд туп дарахт экилади, улардан 10 млрдтаси Саудия Арабистонига тўғри келади. Шунингдек, ушбу дастур доирасида минтақада CО2 чиқиндиларини 60 фоизга камайтириш ва 240 млн гектар ерни тиклаш режалаштирилган.
🇹🇷 Туркия президенти мамлакат "ҳеч нарсага қарамай" Истанбул канали қурилишидан воз кечмаслигини таъкидлади.
🇪🇹 Эфиопиядаги жамоалараро тўқнашувда 100 дан ортиқ одам ҳалок бўлди. Сўнгги йигирма йил давомида у ердаги жамоалар ер, яйлов ва сув ресурсларидан фойдаланиш учун баҳслашмоқдалар.
🇰🇵 КХДР етакчиси Ким Чен Ин мамлакатдаги ҳозирги вазиятни энг оғир деб атади.
🇪🇺 Европа Иттифоқи Мьянма ҳарбийларига қарши иқтисодий санкцияларни қўллайди. Иттифоқ ҳукумат дастурларига барча ёрдамларни тўхтатади, тинч аҳолига эса кўпайтиради.
Батафсил: www.gazeta.uz/uz/2021/04/07/digest104/?utm_source=push&utm_medium=telegram
Фото: Саудия Арабистони, Ал-Жауф провинцияси
Каналга обуна бўлинг
-
2021-04-07 17:09:07+00:00
❗️Тошкент манзилларидаги муаммо нимада?
Шаҳар — бу кўчалар, бинолар, истироҳат боғлари ва бошқа объектлардан ташкил топган мураккаб механизм. Бу объектларнинг барчасини қандайдир номлаш керак. Бу учун аҳоли пунктларига манзиллар реестри керак.
Тошкент шаҳар ҳокимлигининг Рақамли ривожланиш департаменти мутахассиси Анвар Джаббаров манзиллар реестри нима эканлиги ва пойтахт манзилларидаги муаммолар ҳақида гапириб беради.
Тасаввур қилинг шаҳарда манзили «Латофат кўчаси, 14-уй» бўлган иккита объект мавжуд. Улар шаҳарнинг қарама-қарши нуқталарида жойлашган. Агар ушбу уйлардан бирида яшовчи фуқарога шошилинч тиббий ёрдам кўрсатиш керак бўлса ва у тез ёрдам чақирса, тиббий ёрдам ходимлари айнан қайси бир локацияга боришни фол очишларига тўғри келади, дейди Жабборов.
Тўлиқ мақола: https://www.gazeta.uz/uz/2021/04/07/adress/?utm_source=push&utm_medium=telegram
Каналга обуна бўлинг
-
2021-04-07 16:00:00+00:00
Эмлашдан кейинги ножўя таъсирлар 71 кишида кузатилди — Нурмат Отабеков
Бу ҳақда АОКАда ўтказилган брифингда Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат Отабеков маълум қилди.
6 апрель ҳолатига кўра, 49 200 нафар фуқаро эмланган. Шундан 29 860 киши AstraZeneca инъекциясини, қолган 19 742 киши эса хитой-ўзбек вакцинасини қабул қилган.
«Шу кунга қадар, қайд этилган ножўя таъсирларнинг сони 71 тани ташкил этди. Эмланганлар орасида тана ҳароратининг 37,5 даражадан бироз ошиши (45,7%), танада бироз оғриқлар (21,2%), эмланган жойда қичишишлар (14,1%), инъекция ўрнида оғриқ содир бўлиши (11,2%), асабийлашиш, ҳолсизланиш ва қўрқиш (2,2%) каби белгилар кузатилган», — деди Отабеков.
Унинг таъкидлашича, «улар орасида бирорта ҳам жиддий асоратлар кузатилмаган». Шу билан бирга, СЭС раҳбари ўринбосари ножўя таъсирлар қайси вакцинага алоқадорлиги борасида фикр билдирмаган.
Каналга обуна бўлинг
-
2021-04-07 15:35:34+00:00
GTL заводини августда фойдаланишга топшириш режалаштирилмоқда
Қашқадарё вилоятида GTL (gas to liquid) технологияси асосида сунъий ёқилғи ишлаб чиқариш заводини август ойида ишга тушириш режалаштирилмоқда. Бу ҳақдаги маълуомтлар «Ўзбекнефтгаз» компаниясининг халқаро саноат кўргазмасидаги стендига тақдим этилди.
Холдинг маълумотларига кўра, апрелда заводда газни синтез қилиш ускунаси, май ойида тайёр маҳсулотлар ишлаб чиқариш ускунаси, июнда – ҳавони ажратиш қурилмаси ишга туширилади, августда эса маҳсулотларни ишлаб чиқариш бошланади.
«Ўзбекнефтгаз» вакили заводдаги ишлаб чиқаришни бошлаш муддатлари COVID-19 коронавируси пандемияси сабабли ўзгарганини таъкидлади.
Батафсил: https://www.gazeta.uz/uz/2021/04/07/gtl/?utm_source=push&utm_medium=telegram
Каналга обуна бўлинг
-
2021-04-07 14:27:24+00:00
Фарғона водийси осмонида ёрқин чақноқ қайд этилди
6 апрель куни кечқурун Андижон ва Наманган вилоятлари аҳолиси Ўзбекистон осмонида ёрқин чақноққа гувоҳ бўлишди.
Худди шу ҳодиса Қирғизистон осмонида ҳам кузатилди, Бишкек ва Чуй вилояти аҳолиси номаълум объектнинг қулаганини қайд этишди.
Ўзбекистон Фанлар академиясининг Улуғбек номидаги Астрономия институти директори ўринбосари Юсуфжон Тиллаев ҳодиса юзасидан «Газета.uz»га изоҳ берди.
«Икки тахмин бор. Биринчиси — бу космик чиқинди, космик кеманинг ўз вазифасини бажариб бўлган қисми. Иккинчи тахминга кўра, бу — космик жисм, астероид парчаси бўлиб, кеча болид кўринишида намоён бўлди», — деди Тиллаев.
Директор ўринбосари айни пайтда институт мутахассислари мазкур ҳодиса сабабларини ўрганаётганини айтди. «Умид қиламанки, тез орада биз унинг нима эканини аниқлаймиз», — деди олим.
ФВВ матбуот хизмати осмондан объект тушиши билан боғлиқ қандайдир вайронагарчиликлар тўғрисида ахборот келиб тушмаганини хабар қилди.
Каналга обуна бўлинг
-
2021-04-07 12:22:50+00:00
Сувайш каналининг тўсиб қўйилишида айбланган мисрлик капитан-аёл
23 март куни Панама байроғи остидаги «Ever Given» контейнер кемаси 200 минг тонна сиғими билан саёзга ўтириб, Сувайш канали жанубидаги транспорт ҳаракатини бутунлай тўсиб қўйди.
Интернетда «Ever Given» кемаси мисрлик аёл капитан Марва Элселехдар бошқаруви пайтида саёзга ўтирган деган миш-мишлар тарқалган. Нима учун айнан Марва Элселехдар бундай танқидларга учради ва денгиз соҳасида фаолият юритадиган аёлларга нисбатан муносабат қандай?
Мазкур масалаларга ойдинлик киритган «Медуза» мақоласининг таржимасини «Газета.uz» тақдим этади:
https://www.gazeta.uz/uz/2021/04/07/female-captain/?utm_source=push&utm_medium=telegram
Каналга обуна бўлинг
-
2021-04-07 12:05:00+00:00
Ҳисоб палатаси 2020 йилда 671 млрд сўмлик талон-торожлик ҳолатларини аниқлаган
Бу ҳақда Олий Мажлис Қонунчилик палатасининг навбатдаги мажлиси Ҳисоб палатасининг 2020 йилги фаолияти тўғрисидаги ҳисоботида маълум қилинди.
Давлат бюджети ва давлат мақсадли жамғармалари бюджетлари ҳисобидан ажратилган 671,3 млрд сўмлик маблағлар ноқонуний харажатлар, камомад ва ўзлаштиришлар ҳамда самарасиз харажатлар, 1 трлн сўмдан ортиқ харажатларни оптималлаштириш имкониятлари аниқланган.
Шу билан бирга, Ҳалқ таълими вазирлиги муассасаларида 192,2 млрд сўмлик молиявий хато, камчиликлар ва ўзлаштиришлар аниқланган. Жумладан, Беруний туманидаги 420 млн сўмга қурилиб фойдаланишга қабул қилинганлиги кўрсатилган 58-мактаб филиалида умуман қурилиш бўлмаганлиги аниқланган.
Батафсил: www.gazeta.uz/uz/2021/04/07/hisob-palatasi/?utm_source=push&utm_medium=telegram
Каналга обуна бўлинг
-
2021-04-07 11:50:04+00:00
«Бу қўйлар ҳали Нью Йорк Таймсда чиқади» — Twitter фойдаланувчилари қўйлар «митингга чиққани» ҳақида
Самарқанд вилояти Нуробод туманидаги маҳалла аҳолиси норозилик сабабли деярли 1500 бош қўйни туман ҳокимлиги биносига ҳайдаб келди. Twitter тармоғида ушбу ҳолат юзасидан турли хил фикрлар билдирилди.
«Газета.uz» улардан энг қизиқларини тўплади.
Батафсил: https://www.gazeta.uz/uz/2021/04/07/about-sheep/?utm_source=push&utm_medium=telegram
Каналга обуна бўлинг
-
2021-04-07 11:11:09+00:00
Долларнинг расмий курси кўтарилди
Долларнинг расмий курси 11 сўмга қимматлади ва жами 10 479 сўм этиб белгиланди. Шунингдек, евро курси ҳам кўтарилди, рубль эса яна арзонлади.
Каналга обуна бўлинг
-
2021-04-07 10:45:24+00:00
Нурободда норози аҳоли қўйлар подасини туман ҳокимлиги биносига ҳайдаб келган
Самарқанд вилояти Нуробод туманидаги маҳалла аҳолиси деярли 1500 бош қўй туман ҳокимлиги биносига ҳайдаб келинган. Бунга уларнинг қўй боқиш учун ажратилган ер майдонида фермер хўжалиги раҳбари томонидан 4 мингдан зиёд чорва моллари боқилгаётганидан норози бўлиши сабаб бўлди.
Самарқанд вилояти ИИБ матбуот хизматининг маълум қилишича, ҳодиса 6 апрель куни соат 16:00 ларда содир бўлган.
Батафсил: www.gazeta.uz/uz/2021/04/07/sheep/?utm_source=push&utm_medium=telegram
Каналга обуна бўлинг
-
2021-04-07 09:58:46+00:00
ЕОИИ доирасида Ўзбекистон фармацевтикаси учун ижобий ва салбий томонлар ҳақида Сардор Қориев
Ўзбекистон фармацевтика соҳаси ўзининг меъёрий ҳужжатларини Евроосиё иқтисодий иттифоқи (ЕОИИ) талабларига мослаштиришни бошлади. Бу ҳақда «Иннопром» халқаро саноат кўргазмасида Фармацевтика тармоғини ривожлантириш агентлиги директори Сардор Қориев маълум қилди.
«Бу каби интеграция, глобализация бор экан маҳаллий ишлаб чиқаришни қўллаб-қувватлаш бироз қийин», деди агентлик раҳбари Сардор Қориев. У бунинг плюс томонларини санаётиб «бу катта бозор» эканлигини таъкидлаб ўтди.
Батафсил: www.gazeta.uz/uz/2021/04/07/farmacy/?utm_source=push&utm_medium=telegram
Каналга обуна бўлинг
-
2021-04-07 09:10:34+00:00
Effect.uz журналистлари суд биносидаги воқеадан кейин қидирувга берилди
Январь ойида жиноят ишлари бўйича Термиз туман суди биносида Effect.uz нашрининг икки мухбири суд раиси кабинетига мажлисдан олдин киришган. Ўша мажлисда катта миқдордаги фирибгарликда айбланган фуқарога нисбатан ҳукм чиқарилиши керак бўлган.
Судья унинг рухсатисиз уларнинг кабинетга киришга ҳақлари йўқлигини таъкидлаган. Томонлар узоқ вақт тортишган.
Суд жараёнида журналистлар судья ва прокурор ёрдамчиси билан суд мажлисининг видеоёзуви ҳақида баҳслашишда давом этган.
Икки мухбир ва жиноий ишда иштирок этган бир аёл тергов органи томонидан бир неча бор чақирилганига қарамай, номаълум сабабларга кўра прокуратурага келишдан бош тортишгани айтилмоқда.
Мухбирлар ҳокимият вакилига қаршилик кўрсатиш ва терговга ёки суд ишларининг ҳал қилинишига халақит берганликда сиртдан айбланмоқда.
Батафсил: https://www.gazeta.uz/uz/2021/04/07/journalists/?utm_source=push&utm_medium=telegram
Каналга обуна бўлинг
-
2021-04-07 08:17:38+00:00
Қашқадарёда шифохонага ишга жойлаштиришини айтиб, 11 фуқарони алдаган она-бола ушланди
Қашқадарё вилоятининг Шаҳрисабз тумани истиқомат қилувчи она Х.З. қизи Т.И. билан Шаҳрисабз шаҳар тиббиёт бирлашмасига қарашли шифохона ва поликлиникаларга фуқароларни ишга жойлаштиришни ваъда қилган.
Аниқланишича, улар 11 нафар фуқародан жами 4300 долларни олиб, ўз эҳтиёжи учун сарфлаб юборган.
Бундан ташқари, Т.И. жорий йилнинг 1−2 апрель кунлари Шаҳрисабз шаҳар Тиббиёт бирлашмаси бош шифокори ва котибаси ҳамда кўп тармоқли поликлиника бош шифокориларига телефонда ўзини мансабдор шахс сифатида таништирган. СМС хабарнома орқали юқоридаги фуқароларнинг исм ва фамилиясини ёздириб, ишга қабул қилишини талаб қилган.
Мазкур ҳолат юзасидан Шаҳрисабз шаҳар ИИБ ТБ томонидан жиноят иши қўзғатилди. Ҳозирда дастлабки тергов ҳаракатлари олиб борилмоқда.
Каналга обуна бўлинг
-
2021-04-07 07:21:06+00:00
Тошкентда ташқи реклама объектларига мораторий эълон қилинди
Тошкентда жорий йилнинг 1 апрелидан 31 декабрга қадар ташқи реклама объектларини жойлаштириш, ўрнатиш, ўзгартириш ва паспортларининг берилишига мораторий эълон қилинди.
Мораторий ташқи реклама объектларида (конструкцияларида) жойлашган рекламага тааллуқли эмас. Бу даврда ўрнатилган ташқи реклама объектларини хатловдан ўтказиш ва ягона электрон реестрни шакллантириш режа қилинган.
Мораторий амал қилиши давомида янги ўрнатилган ташқи реклама объектлари ноқонуний ҳисобланади. Белгиланган тартибда демонтаж қилиниш билан бирга, уларни ўрнатган шахсларга нисбатан чоралар кўрилади.
Каналга обуна бўлинг
-
2021-04-07 06:49:07+00:00
Мактаблардаги муаммоларни юзимизга солиш ўрнига, ёрдам берадиган раҳбарлар кўпаяверсин — халқ таълими вазири
Халқ таълими вазири Шерзод Шерматов мактаб тизимидаги муаммоларни муҳокама қилишдан аввал уларга кўмаклашиш муҳимлигига эътибор қаратди. Унинг фикрича, «кимдир мактабларга чин дилдан ёрдам берса, кимдир фақат хато қидиришга ҳаракат қилади».
«Баъзилар бизнинг ички дардимизни юзимизга солиб, ўзини кўрсатишга ҳаракат қилишдан нарига ўта олмаяпти. Ҳар қандай мансабдор шахс, сенаторми, депутатми, вазирми ёки бошқа раҳбар агар ҳақиқатда президент чақириқларига кўра мактабга ёрдам бераман деса, ўз имкониятидан келиб чиқиб ҳам ёрдам бериш йўлларини топади», — деди у.
«Мактаблардаги муаммоларимизни юзимизга солиш ўрнига, уларга ёрдам бериш имкониятларини топадиган шундай раҳбарлар кўпаяверсин», — дея қўшимча қилди вазир.
Батафсил: https://www.gazeta.uz/uz/2021/04/07/shermatov/?utm_source=push&utm_medium=telegram
Каналга обуна бўлинг
-
2021-04-07 06:35:07+00:00
⚡️ Тошкентдан Москвага мунтазам авиақатновлар ҳар шанба куни
2021 йилнинг апрель ойидан бошлаб, ҳар шанба куни Тошкент - Москва - Тошкент йўналиши бўйича мунтазам авиақатновлар қайта жорий этилади, дея хабар берди Uzbekistan Airways матбуот хизмати.
Мазкур йўналиш бўйича учишни бошлаш учун Россияга учишдан аввал 3 календарь кунидан ошмаган ҳолда ПЗР-тест ўтказиш талаб қилинади. Мазкур рейсга Ўзбекистон Республикасининг барча фуқаролари ва Россияга киришга чеклов қўйилмаган Ўзбекистонда доимий яшаш ҳуқуқига эга чет эл фуқаролари киритилиши мумкин.
Эслатиб ўтамиз, аввалроқ Ўзбекистонлик талабаларга Россияга қайтишга рухсат берилгани ҳақида хабар бергандик.
Каналга обуна бўлинг
-
2021-04-07 06:10:01+00:00
17 майдан «Ҳаж» ва «Умра» сафарларига рухсат берилиши мумкин — Дин ишлари бўйича қўмита
Бу ҳақда Дин ишлари бўйича қўмита раисининг биринчи ўринбосари Музаффар Камилов Сенат ва «Юксалиш» УМҲ томонидан ўтказилган жамоатчилик эшитувларида маълум қилди.
«Кечаги маълумотни олиб қарасак, Саудия Арабистонида бир кунда касалланиш ҳолати 600 нафардан ошди. Аксари Макка ва Ар-Риёз ҳудудига тўғри келаяпти. Ўтган куни эса Мадина шаҳрида кўпроқ эди. Шу сабаб Саудия Арабистони тўлиқ ёпилган, «Умра» дастурлари ҳаммаси тўхтатилган», — деди қўмита вакили.
У ҳозирда сафарларни амалга ошириш юзасидан давлатлар ўртасида ёзишмалар олиб борилаётганини айтди.
«Жидда шаҳридаги консулликда «Ҳаж» ва «Умра» ишлари бўйича алоҳида атташе фаолият кўрсатади. Кеча ҳам биз маълумот олдик. Саудия Арабистони Ички ишлар вазирлиги баёнотидан келиб чиқсак, агар вазият бироз барқарорлашса, 17 майдан улар очиши мумкин. Улар Соғлиқни сақлаш вазирлигини хулосасига таянган ҳолда иш кўради», — деди Камилов.
Каналга обуна бўлинг
-
2021-04-07 06:02:26+00:00
Туризм ва спорт вазирлиги ҳузурида Маданий мерос агентлиги ташкил этилди
Маданият вазирлиги ҳузуридаги Маданий мерос департаменти, унинг ҳудудий бошқармалари ҳамда Ўзбекистонга оид хориждаги маданий бойликларни тадқиқ этиш маркази негизида Туризм ва спорт вазирлиги ҳузурида Маданий мерос агентлиги ҳамда унинг ҳудудий бошқармалари ташкил этилди. Бу ҳақда ЎзА хабар бермоқда.
Маданият вазирлиги тизимидаги давлат музейлари, музей қўриқхоналар ва уй музейлари, моддий маданий мероснинг кўчмас мулк объектлари ва «Мозийдан садо» журнали мавжуд штат бирликлари агентликка ўтказилди.
Маданий мерос агентлиги Давлат бюджети маблағлари ҳисобидан амалга ошириладиган моддий маданий мероснинг кўчмас мулкини асраш бўйича ишларнинг буюртмачиси сифатида белгиланди.
Эслатиб ўтамиз, худди шу президент фармони билан Туризм ва спорт вазирлиги ташкил этилган эди.
Каналга обуна бўлинг
-
2021-04-07 04:29:42+00:00
2021 йилнинг биринчи чорагида 9213 та ажрим қайд этилди
Давлат статистикаси қўмитаси Ўзбекистонда 2021 йилнинг январь—март ойларида қайд этилган ажрим ҳолатларига оид маълумотларни эълон қилди. Энг кўп Тошкент шаҳрида оилаларга дарз кетган бўлса, энг кам ҳолат Қорақалпоғистонда кузатилган.
Ҳудудлар кесимида ажримлар сони:
🔻 Тошкент шаҳри — 1331 та;
🔻 Фарғона вилояти — 999 та;
🔻 Андижон вилояти — 995 та;
🔻 Тошкент вилояти— 946 та;
🔻 Самарқанд вилояти— 912 та;
🔻 Қашқадарё вилояти — 711 та;
🔻 Наманган вилояти— 682 та;
🔻 Сурхондарё вилояти — 581 та;
🔻 Бухоро вилояти — 500 та;
🔻 Хоразм вилояти — 344 та;
🔻 Жиззах вилояти — 337 та;
🔻 Сирдарё вилояти — 298 та;
🔻 Навоий вилояти — 289 та;
🔻 Қорақалпоғистон — 288 та.
Каналга обуна бўлинг
-
2021-04-06 17:31:34+00:00
Жаҳон янгиликлари дайжести
🇸🇦 Саудия Aрабистони эмланганларга Рамазон ойида ҳаж зиёратига рухсат беради. Рухсат олиш учун коронавирусга қарши вакцинанинг иккала дозасини олиш керак, шунингдек, махсус иловаларда рўйхатдан ўтиб, мавжуд вақт оралиғини банд қилиш керак бўлади.
🇯🇴 Иордания прокуратураси қиролга қарши фитна ҳақидаги хабарларни тарқатишни тақиқлади. Тақиқни бузганлар қонуний жавобгарликка тортиладилар.
🇧🇾 Беларуснинг бир қатор мамлакатлардаги элчихоналари ёпилиши мумкин. Давлат раҳбарининг айтишича, барча қизиқтирган масалаларни халқаро ташкилотларнинг майдончаларида муҳокама қилса бўлади.
🇸🇪 Швеция ҳукумати ҳарбий иттифоқларга қўшилмаслик сиёсатидан воз кечмасликка қарор қилди. Шунга қарамай, мамлакат ўз ҳарбий салоҳиятини босқичма-босқич ошириб бормоқда.
Батафсил: www.gazeta.uz/uz/2021/04/06/digest103/?utm_source=push&utm_medium=telegram
Каналга обуна бўлинг
-
2021-04-06 15:30:01+00:00
Forbes 2021 йил бўйича дунёнинг энг бой инсонлари рўйхатини эълон қилди
Forbes нашрига кўра Amazon асосчиси Жефф Безос 2021 йил бўйича дунёнинг энг бой инсони бўлди. Унинг бойлиги 177 млрд долларга (бир йил ичида 64 млрд долларга ошган) баҳоланмоқда. Жефф Безос ушбу номни кетма-кет тўрт йилдан бери ҳеч кимга бермай келмоқда.
Иккинчи ўринни эса бойлигини бир йил ичида 6 бараварга ошириб, умумий бойлиги 151 млрд долларга (24,6 млрд доллар) баҳоланаётган, SpaceX ва Tesla компанияларини бошқарувчи Илон Маск эгаллади.
Louis Vuitton Moët Hennessy компаниялар гуруҳи президенти Бернард Арно эса 150 млрд долларлик бойлиги билан учинчи ўриндан жой олди. Унинг бойлиги йил давомида деярли 2 бараварга ошган.
Шунингдек, USM Holdings асосчиси ва асосий акционери Алишер Усмонов ушбу рўйхатда 99-ўриндан жой олди (Россия бўйича 7-ўрин).
Батафсил: www.gazeta.uz/uz/2021/04/06/forbes/?utm_source=push&utm_medium=telegram
Каналга обуна бўлинг
-
2021-04-06 15:05:07+00:00
Туризм ва спорт вазирлиги ташкил этилди
Президентнинг тегишли Фармонига асосан, Жисмоний тарбия ва спорт вазирлиги ҳамда Туризмни ривожлантириш давлат қўмитаси негизида Туризм ва спорт вазирлиги ташкил қилинди, дея хабар берди ЎзА.
Фармонга асосан, Вазирлар Маҳкамасининг ижро этувчи тузилмасида:
Бош вазир ўринбосари – Туризмни ривожлантириш давлат қўмитаси раиси лавозими тугатилди;
Бош вазир ўринбосари – туризм ва спорт вазири лавозими киритилди.
Каналга обуна бўлинг
-
2021-04-06 14:30:23+00:00
Тошкент мозаикалари
Мозаика паннолар Тошкент модернизмининг ўзига хос белгиси ҳисобланади. Мазкур урфни 1966 йилда содир бўлган зилзиладан кейин шаҳарни тиклаш учун келган ака-ука Жарскийлар тарғиб қилган.
Евгений Сорочин / «Газета.uz» фото тўпламидаги Тошкентнинг баъзи мозаикалари. Суратдаги уйларни танидингизми?
Каналга обуна бўлинг
-
2021-04-06 14:00:54+00:00
6 апрель куни Тошкентда 35 йилга мўлжалланган ва тахминий қиймати 2 млрд долларни ташкил қиладиган «Мустақилликнинг 25 йиллиги» лойиҳасига молиявий маблағларни жалб этиш бўйича шартлар белгилаб олинди. Шартнома 10 йил муддатга 900 млн АҚШ долларигача бўлган миқдорда кредит линияларини жалб этиш бўйича имзоланди. Лойиҳа доирасида Сурхондарё вилоятида табиий газ захираларини қидириш ва қазиб олиш, ҳамда 5 млрд куб метр қувватга эга бўлган газни қайта ишлаш заводини қуриш назарда тутилган (реклама ҳуқуқлари асосида).
https://www.gazeta.uz/uz/2021/04/06/enter-engineering/?utm_source=push&utm_medium=telegram
Каналга обуна бўлинг
-
2021-04-06 13:33:28+00:00
Ўзбекистонда 1 км йўлни қуриш нархи 950 минг долларни ташкил этади
Бу ҳақда 6 апрель куни Қонунчилик палатасида бўлиб ўтган «Ҳукумат соати»да Автомобиль йўллари давлат қўмитаси раиси Абдураҳмон Абдувалиев маълум қилди.
«Автомобиль йўллари давлат қўмитаси томонидан энг қиммат йўл Гулистонда 3 км йўлнинг – 1 кмни 950 минг доллардан қурганмиз. Ўзбекистон нархларига кўра, энг қиммат йўл маҳаллий ўтиш йўлаги, лотоклари ва бошқалар билан 10 млрд сўм нархида бўлади. Лекин дунёда бунақа суммада ҳеч ким йўл қурмайди. Мисол учун интернетга қидирувга берсангиз, энг ками Туркияда 2 млн доллардан тепага қараб чиқади», — деди у.
У Туркия компанияси нархларини мисол тариқасида келтирди.
«Yuksalish Project компаниясида Тошкент ҳалқа йўлини лойиҳасини қилиш 5 млн 700 минг доллар туради. Бизни иккита институтимиз ишлайди. Биттасида 300 нафар, иккинчисида 200 нафар ходим бор. Шундаги ҳамма лойиҳачиларга бир йилга 5 млн доллар ҳаражат қилинади», — дея таъкидлади Абдувалиев.
Каналга обуна бўлинг
-
2021-04-06 12:32:37+00:00
AstraZeneca вакцинаси ва тромбоз ҳолатлари ўртасида боғлиқлик борлигини тасдиқлашди
Европа дори воситалари бўйича агентлиги коронавирусга қарши AstraZeneca вакцинаси ва вакцинани қабул қилганлар орасида кузатилган тромбоз ҳолатлари орасида боғлиқлик борлиги ҳақидаги маълумотларни тасдиқлади, дея хабар берди РИА Новости.
«Ҳозирда AstraZeneca вакцинаси билан оммавий эмлаш ва аслида жуда кам учрайдиган тромбоз ҳолатлари ўртасидаги сабабий боғлиқликнинг йўқлиги ҳақида гапириш тобора қийинлашмоқда. Боғлиқлик бор эканлиги аниқ», — деди Вакцинанинг соғлиққа зарарини ўрганиш ва эмлаш стратегияси бўлими раҳбари Марко Кавалери.
Бироқ, унинг айтишича, вакцинанинг нега бундай таъсир қилганлигининг сабаби маълум эмас. Ҳозирча бу борада изланишлар ҳали давом этмоқда.
Каналга обуна бўлинг
-
2021-04-06 12:05:41+00:00
Қозоғистон президенти «Спутник V» вакцинаси билан эмланди
6 апрель куни Қозоғистон президенти Қасим-Жомарт Тоқаев Қарағанда фармацевтика заводи томонидан ишлаб чиқарилган «Спутник V» вакцинаси билан эмланди. Бу ҳақда давлат раҳбари матбуот котиби хабар берди.
«Эмлашдан кейин унинг саломатлиги яхши. Ножўя таъсири бўлмади. Президент фақатгина Қозоғистон фуқароларини эмлаш ва жамоавий иммунитетни шакллантириш орқали коронавирусни енгиш, барча чекловларни олиб ташлашга ва фуқароларнинг оддий ҳаёти, иқтисодий фаолиятнинг тикланишини таъминлашга имкон беришига амин», — дея таъкидлади Қозоғистон президенти матбуот котиби.
Каналга обуна бўлинг
-
2021-04-06 11:55:01+00:00
Долларнинг расмий курси пасайди
Долларнинг расмий курси 15 сўмга арзонлади ва жами 10 468 сўм этиб белгиланди. Шунингдек, рубль курси ҳам арзонлади, евро эса бироз кўтарилди.
Каналга обуна бўлинг
-
2021-04-06 11:46:37+00:00
Ангрен шина заводи қувватининг 15 фоизида ишламоқда – Алишер Қодиров
«Ангрен» ЭИЗда жойлашган Birinchi Rezinotexnika Zavodi шина заводи қувватининг 15 фоизида ишламоқда. Бу ҳақда Қонунчилик палатаси спикери ўринбосари, «Миллий тикланиш» партияси раҳбари Алишер Қодиров Ҳисоб палатасининг 2020 йил учун ҳисоботига таяниб хабар қилди.
Унинг сўзларига кўра, завод (Bars бренди остида шиналар ишлаб чиқаради) омборида 100 мингта шина сотилмай турибди. «Сабаби доимгидек, сифат талабга жавоб бермайди. Сўнгги икки йилда UzAuto Motors 60 млн долларга яқин шина импорт қилган», - деб ёзади депутат.
Хитой Эксимбанкининг 156,4 миллион долларлик кредити ҳисобига барпо этилган завод 3 млн дона шина ишлаб чиқариши, шиналар маҳаллий автомобиль ишлаб чиқарувчиларининг импорти ўрнини қоплаши керак эди.
Батафсил: https://www.gazeta.uz/uz/2021/04/06/brz/
Каналга обуна бўлинг
-
2021-04-06 11:32:44+00:00
Ёшлар иттифоқи раиси Сергели тумани ҳокимининг биринчи ўринбосари бўлди
Ўзбекистон ёшлар иттифоқи Марказий Кенгаши раиси Акмал Жумабоев Тошкент шаҳар Сергели тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари бўлди. Бу ҳақда Ёшлар Иттифоқи матбуот хизмати хабар бермоқда.
Каналга обуна бўлинг
-
2021-04-06 10:23:01+00:00
Газ узатиш тизимини модернизация қилиш учун Ўзбекистон $618 млнгача кредит жалб қилиши мумкин
Ўзбекистон Молия вазирлиги, «Ўзтрансгаз», ВЭБ.РФ, Россиянинг экспорт кредитлари ва инвестицияларини суғурталаш агентлиги ва «Газпромбанк» Ўзбекистонда газ транспорт тизимини модернизация қилиш лойиҳаси бўйича ҳамкорлик қилишга келишиб олди, деб «Газета.uz» га ВЭБ.РФ матбуот хизмати хабар берди.
Томонлар 618 млн долларгача синдикатланган кредит ташкил этиш имкониятини кўриб чиқадилар.
«ВЭБ.РФ Россия нефть маҳсулотларини Ўзбекистоннинг нефть ва газ соҳасида тарғиб қилиш учун шароит яратмоқда. Синдикатланган кредит миқдорининг камида 50 фоизи Россия маҳсулот ва хизматларининг экспорт тўловлари учун сарфланади», — деди ВЭБ.РФ раиси ўринбосари, бошқарув аъзоси Даниил Алгульян.
Каналга обуна бўлинг
-
2021-04-06 10:13:28+00:00
Туркманистонда халқ итбоқари ва хизмат кўрсатган итбоқарларга ойлик устамалар белгиланди
Туркманистонда халқ итбоқари ва хизмат кўрсатган итбоқар унвонлари таъсис этилди. Уларга бир марталик мукофот пуллари ва ойлик пул маблағлари берилиши кўзда тутилмоқда. Бу ҳақда «Интерфакс» хабар берди.
Халқ итбоқари унвонига сазовор бўлганларга энг кам иш ҳақининг 5 баравари (тахминан 1360 доллар) миқдорида бир марталик мукофот ва ойлик, пенсия, нафақа ва стипендияларига энг кам иш ҳақининг 30% миқдорида ойлик устама қўшилади.
Туркманистоннинг хизмат кўрсатган итбоқар унвонини олганларга эса энг кам иш ҳақининг 4 баравари миқдорида бир марталик мукофот ва ҳар ой энг кам ойлик иш ҳақининг 20 фоизи миқдорида устама берилади.
Батафсил: https://www.gazeta.uz/uz/2021/04/06/dog-feed/?utm_source=push&utm_medium=telegram
Каналга обуна бўлинг
-
2021-04-06 09:59:41+00:00
КХДР Токио Олимпиадасида иштирок этмайди
Корея Халқ Демократик Республикаси (КХДР) Токиода бўлиб ўтадиган ёзги Олмпия ўйинларида иштирок этмайди, деб хабар бермоқда РИA Новости Sports in DPR Korea`га таяниб.
«КХДР Олимпия қўмитаси умумий йиғилиш ва муҳокамадан сўнг, қўмита аъзоларининг таклифига биноан, спортчиларни хавфли вирус (коронавирус — таҳр.) сабаб келиб чиққан глобал соғлиқни сақлаш инқирозидан ҳимоя қилиш мақсадида 32-Олимпия ўйинларида қатнашмасликка қарор қилди», — дейилади хабарда.
Маълумот учун, коронавирус пандемияси сабаб Токио Олимпиадаси 2020 йилдан 2021 йилга қолдирилган эди. Бу йилги ўйинлар 23 июлдан 8 августга қадар бўлиб ўтиши режалаштирилган.
Каналга обуна бўлинг
-
2021-04-06 09:41:55+00:00
Тошкентда авиачипталар сотувчи операторлар 130 минг долларни талон-торож қилишди
Бу ҳақда Бош прокуратура ҳузуридаги Иқтисодий жиноятларга қарши курашиш департаменти матбуот хизмати хабар берди.
Хабарга кўра, Департаментнинг Миробод туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, “E-E.” МЧЖнинг моддий жавобгар шахслари бўлган авиа-операторлари авиачипталар сотувидан тушган 771,2 млн сўм ва 58,7 минг АҚШ долларини кирим қилмасдан талон-торож қилишганликлари аниқланган.
Мазкур ҳолат юзасидан МЧЖнинг моддий жавобгар шахсларига нисбатан Жиноят кодексининг 167-моддаси (талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Каналга обуна бўлинг
-
2021-04-06 08:42:57+00:00
«Phanes Group» компанияси Навоий вилоятида қуёш фотоэлектр станциясини қуради
Энергетика вазирлиги ва “Phanes Group” халқаро компанияси ўртасида Навоий вилояти Нурота тумани ҳудудида қуёш электр станцияси (ҚЭС) қуриш тўғрисида инвестиция шартномаси имзоланди, дея хабар берди Энергетика вазирлиги матбуот хизмати.
Хабарга кўра, тадбир давомида “Phanes Group” ва “Ўзбекистон миллий электр тармоқлари” АЖ ўртасида электр энергиясини сотиб олиш тўғрисида битим ҳам имзоланди.
Битим 200 МВт қувватга эга бўлган қуёш фотоэлектр станциясини қуриш, эгалик қилиш ва эксплуатация қилиш учун техник ва тижорий шартларни, шунингдек, 60 км узунликдаги 220/110 кВ нимстанцияни ўз ичига олади.
Маълумот учун, “Phanes Group” бош офиси БААнинг Дубай шаҳрида жойлашган бўлиб, у қуёш энергияси, шунингдек, инвестиция ва активларни бошқариш соҳасида лойиҳалар ишлаб чиқиш ва амалга ошириш билан шуғулланувчи халқаро компания ҳисобланади.
Каналга обуна бўлинг
-
2021-04-06 07:25:00+00:00
Украина авиакомпанияси Киев-Тошкент йўналиши бўйича чартер рейсларини амалга оширади
8 апрелдан 29 апрелгача Украинанинг МАУ авиакомпанияси Киевдан Тошкентгача ва Тошкентдан Киевгача чартер рейсларини амалга оширади, дея хабар берди авиакомпания матбуот хизмати.
Киевдан парвозлар ҳар пайшанба, Тошкентдан — жума кунлари амалга оширилади. Чипта нархига 23 кг гача бўлган 1 та юк ва 2 та қўл юки (5 ва 7 кг) киради. Киевдан Тошкентга авиачипта нархи 278 доллар, Тошкентдан Киевга 357 доллардан бошланади.
Эслатиб ўтамиз, Ўзбекистонга кириш учун COVID-19 тестининг 72 соат ичида ўтказилган манфий натижаси талаб қилинади.
Каналга обуна бўлинг
-
2021-04-06 07:09:30+00:00
Аҳолини ичимлик суви билан таъминлаш учун ажратилган 493 млн сўм талон-торож қилинди
Ангрен, Нурафшон, Олмалиқ шаҳарлари, Пискент, Ўртачирчиқ ва Янгийўл туман аҳолисини тоза ичимлик суви билан таъминлаш учун ажратилган пуллар талон-торож қилингани аниқланди. Бу ҳақда Прокуратура департаменти хабар бермоқда.
Аниқланишича, «Сувоқова» ДУК Тошкент вилояти ҳудудий бошқармаси билан 6 та МЧЖ ўртасида тузилган пудрат шартномаларига асосан амалга оширилган ишлар бўйича ҳужжатларга сохта маълумотлар киритилган.
Амалда бажарилмаган ишларни қўшиб ёзиш орқали жами 493,8 млн сўм бюджет маблағлари талон-торож қилинган.
Ушбу ҳолатлар юзасидан жамият раҳбарлари ва бошқаларга нисбатан ЖКнинг 167-моддаси (талон-торож қилиш), 228-моддаси (ҳужжатларни қалбакилаштириш) ва 209-моддаси (мансаб сохтакорлиги) билан жиноят ишлари қўзғатилиб, тергов ҳаракатлари ўтказилмоқда.
Каналга обуна бўлинг
-
2021-04-06 06:05:16+00:00
Makro расман Samarqand Darvoza`дан кетди
Бу Тошкент туманлараро иқтисодий суди Makro`нинг даъволарини қондиришдан бош тортгандан кейин амалга оширилди.
7 январь куни Ўзбекистондаги Carrefour брендини бошқарадиган Majid Al Futtaim компанияси Samarqand Darvoza`да Makro ўрнида супермаркет очишни эълон қилган. Makro супермаркетлар тармоғи бошқарувчиси Роман Сайфулин буни «сюприз» деб атаган.
Муаммони ҳал қилиб бўлмагани учун компания судга мурожаат қилган. Шу билан бирга, январь ойи охирида Samarqand Darvoza ходимлари Makro савдо майдончаси ва омборини электр энергиясисиз қолдиргани айтилмоқда.
Савдо марказининг вакиллари судда Carrefour билан шартнома тузилмаганлиги ва «Газета.uz»да эълон қилинган хабарни Makro таъкидлаётган устун ҳуқуқни қўллаш учун етарли асос деб ҳисобламаcлигини маълум қилган.
Шу муносабат билан, Makro 24 март куни Samarqand Darvoza`даги жойини тўлиқ бўшатди.
Батафсил: https://www.gazeta.uz/uz/2021/04/06/makro/?utm_source=push&utm_medium=telegram
Каналга обуна бўлинг
-
2021-04-06 05:45:13+00:00
💉 Ўзбекистонда 5 кун ичида 35 мингдан ортиқ киши COVID-19`га қарши эмланди
Тошкент ва Нукус шаҳарлари ҳамда вилоят марказларидан шу кунгача коронавирус инфекциясига қарши эмланган фуқаролар сони 35386 нафарга етди, дея хабар бермоқда ССВ.
5 апрель куни энг кўп эмланиш ҳолати қайд этилган ҳудудлар:
🔹 Самарқанд вилояти – 1783 нафар
🔹 Тошкент шаҳри – 1691 нафар
🔹 Тошкент вилояти – 1321 нафар
🔹 Наманган вилояти – 1171 нафар
🔹 Андижон вилояти – 1128 нафар
Эслатиб ўтамиз, 1 апрель санасидан бошлаб, Ўзбекистон вакцинациянинг илк босқичи – 65 ёшдан катта бўлган фуқаролар ҳамда тиббиёт ходимларини эмлаш жараёнлари бошланган эди.
Айни вақт мамлакатда 660 минг доза AstraZeneca (Vaxzevria — янги номи), 1 млн доза хитой-ўзбек вакцинаси мавжуд.
Каналга обуна бўлинг
-
2021-04-06 04:41:33+00:00
Тошкентда 5 та автомобиль иштирокида ЙТҲ содир бўлди
3 апрель куни соат 21:10ларда, Тошкент шаҳар, Миробод тумани, Шаҳрисабз ва Амир Темур кўчалари кесишган чорраҳада йўл-транспорт ҳодисаси содир бўлди. Бу ҳақда ЙҲХББ матбуот хизмати хабар бермоқда.
Мазкур ЙТҲда 5 та автомобиль: Lacetti, Toyota, Spark, Malibu, Nexia иштирок этган.
Nexia ҳайдовчисига биринчи тез тиббий ёрдам кўрсатилган.
Ҳодиса юзасидан Тошкент шаҳар ИИББ ЙҲХБ томонидан суриштирув ҳаракатлари олиб борилмоқда.
Каналга обуна бўлинг
-
2021-04-05 19:28:01+00:00
Сенатор қурол тўғрисидаги қонунчиликда мавжуд «ҳуқуқий бўшлиқ»ни маълум қилди
Сенатнинг мудофаа ва хавфсизлик масалалари қўмитаси «қурол тўғрисидаги қонунчиликни такомиллаштириш» юзасидан айрим қонун ҳужжатларига ўзгартиш ва қўшимчалар киритишни кўриб чиқмоқда.
Қўмита аъзоси Фарҳод Боқиевнинг фикрича, «қурол соҳасида лицензия ва рухсатнома бериш ҳамда назорат қилиш функцияларини ягона давлат органига ўтказиш зарурияти мавжуд». Амалда биринчиси Миллий гвардияга, иккинчи эса ички ишлар органларига тегишли.
«Қурол тўғрисида»ги қонун билан пневматик, газли, сигнал берувчи, тиғли, улоқтириш қуроли ва электрошок қурилмаларига эгалик қилишга рухсат берилгани ҳам эслатиб ўтилди. Бироқ ўқотар бўлмаган юқоридаги қуролларга ноқонуний эгалик қилиш учун жавобгарлик мавжуд эмас. Шу сабаб 2020 йили 2 174 та ҳолатда шахсларни жавобгарликка тортишга ҳуқуқий асос бўлмаган.
Сенатор қонунчиликдаги мазкур «ҳуқуқий бўшлиқ»ни тўлдириш мақсадида 3 та таклифни билдирди.
Каналга обуна бўлинг
-
2021-04-05 19:04:24+00:00
Ўзбекистон Эроннинг денгиз портларига қизиқиш билдирмоқда
Ўзбекистон президенти Шавкат Мирзиёев 5 апрель куни Эрон Ислом Республикаси ташқи ишлар вазири Муҳаммад Жавад Зарифни қабул қилди.
Учрашувда иқтисодий ҳамкорлик масалаларига, савдо алоқаларини ривожлантириш ва янги кооперация лойиҳаларини илгари суришга алоҳида эътибор қаратилди.
Транспорт-коммуникация соҳасидаги ҳамкорликни кенгайтириш, хусусан, Эроннинг денгиз портларидан самарали фойдаланиш ҳамда Ўзбекистон-Туркманистон-Эрон-Ўмон транспорт йўлагини ривожлантириш муҳим экани таъкидланди.
Шунингдек, минтақавий хавфсизликни таъминлаш ва Афғонистонда тинчлик жараёнини илгари суриш масалалари муҳокама қилинди.
«Эрон ташқи сиёсий идораси раҳбари Ўзбекистоннинг Афғонистон бўйича тинчлик музокараларига кўмаклашиш, ушбу мамлакатни минтақавий савдо-иқтисодий ҳамкорликка жалб этиш борасидаги саъй-ҳаракатларини юқори баҳолади», — дейилади хабарда.
Каналга обуна бўлинг
-
2021-04-05 18:27:05+00:00
Норсулув Сойипова Нуробод тумани прокурори бўлди
Адлия маслаҳатчиси Норсулув Раҳимовна Сойипова Самарқанд вилояти Нуробод тумани прокурори лавозимига тайинланди, дея хабар қилди Ўзбекистон Бош прокуратураси матбуот хизмати.
Норсулув Сойипова Самарқандда ягона, республикада эса туман прокурори сифатида фаолият кўрсатаётган икки нафар аёлнинг бирига айланди. Айни пайтда Нилуфар Аллабергенова Тошкент шаҳар Яккасарой тумани прокурори лавозимида хизмат кўрсатиб келмоқда.
Каналга обуна бўлинг
-
2021-04-05 17:37:58+00:00
Жаҳон янгиликлари дайжести
🇯🇴 Иордания шаҳзодаси, мамлакат қиролининг ўгай укаси Ҳамза ибн Ҳусайн хорижий давлатлар билан фитна уюштириб, давлат тўнтаришини режалаштирганликда гумон қилинмоқда. Бу иш доирасида 20га яқин киши ҳибсга олинди, шаҳзоданинг ўзи эса уй қамоғида.
🇷🇺 Владимир Путин унга яна икки марта президентлик сайловларида қатнашишга рухсат берувчи қонунни имзолади.
🇲🇲 1 февралдан буён Мьянмадаги тўқнашувларда вафот этганлар сони 564 кишига етди. Маълумотларга кўра, намойишлар пайтида 43 нафардан ортиқ вояга етмаганлар ҳалок бўлди.
🇹🇷 Туркия ҳукумати Монтрё конвенциясини сақлаб қолишни қўллаб-қувватлаган 10 нафар собиқ адмиралларни ҳибсга олди.
🇯🇵 Япония рақамли валюта чиқаришни режалаштирмоқда.
📱 LG Electronics смартфонлар ишлаб чиқаришни тўхтатади.
Батафсил: www.gazeta.uz/uz/2021/04/05/digest102/?utm_source=push&utm_medium=telegram
Фото: Ҳамза ибн Ҳусайн
Каналга обуна бўлинг
-
2021-04-05 16:17:07+00:00
Қонликўлда МТТ тарбиячилари томонидан намойиш ўтказилгани юзасидан маълумот берилди
31 март куни Қорақалпоғистоннинг Қонликўл тумани 1-сонли давлат мактабгача таълим ташкилоти ходимлари ташкилот раҳбарини лавозимдан олиш учун норозилик намойиши ўтказиб, кўчани тўсиб қўйгани акс этган видеолавҳалар ижтимоий тармоқларда кенг тарқалди. Мактабгача таълим вазирлиги ҳолат юзасидан «Газета.uz»га маълумот берди.
Қайд этилишича, 1-сонли ДМТТнинг директори Э.Бекбергенова устидан ходимлар томонидан келиб тушган шикоятлар ўрганилганда, МТТ раҳбари томонидан 399,2 млн сўмлик молиявий хато-камчиликларга йўл қўйилганлиги маълум бўлди. Жумладан, ДМТТда 2018-2020 йилларда қарийб 5 тонна (159,6 млн сўмлик) гўшт ҳамда 15,5 тонна (53,1 млн сўмлик) сут болаларга берилмаган.
Бекбергенова 2020 йил 21 декабрь куни лавозимидан озод этилган, бироқ 24-25 март кунлари суд қарори асосида лавозимига қайта тикланган. Шундан сўнг, МТТ ходимлари ўз норозилик намойишларини уюштирган.
Видео
Каналга обуна бўлинг
-
2021-04-05 14:39:06+00:00
Собиқ бош инфекционист Гулжаҳон Юлдашевага суд ҳукми ўқилди
5 апрель куни жиноят ишлари бўйича Чирчиқ шаҳар судида Тошкент вилояти бош инфекционисти Гулжаҳон Йўлдошева ва бошқаларга нисбатан жиноят ишини кўриб чиқиш бўйича очиқ суд жараёни ниҳоясига етди, дея хабар қилди «Газета.uz» мухбири.
Гулжаҳон Юлдашева Жиноят кодексининг 167-моддаси 2-қисми “а”, “б”, “в”, “г” бандлари, 207-моддаси 3-қисми “а” банди ва 209-моддаси 2-қисми “а” бандида назарда тутилган жиноятларни содир этганликда айбдор деб топилди.
Унга 3 йил муддатга мансабдорлик ва моддий жавобгарлик юклатилган лавозимларда ишлаш ҳуқуқидан маҳрум қилиб, 4 йил муддатга озодликни чеклаш жазоси тайинланди.
Батафсил: https://www.gazeta.uz/uz/2021/04/05/yuldosheva/
Каналга обуна бўлинг
-
2021-04-05 12:50:53+00:00
Тошкентда ИИБда сўроқ қилингандан сўнг вафот этган фуқаро юзасидан муносабат билдирилди
1 апрель куни Тошкентда 41 ёшли фуқаро Юнусобод туман ИИБга келтирилганидан сўнг олган тан жароҳатлари туфайли вафот этганлиги ҳақидаги хабарлар тарқалди. Тошкент шаҳар ИИББ ушбу хабар юзасидан муносабат билдирди.
Унга кўра, 1 апрель куни муқаддам судланган 3 нафар фуқаро сўров олиб бориш учун Юнусобод тумани ИИБга келтирилган.
45 дақиқа давом этган сўровдан сўнг фуқаролар қўйиб юборилган. 2 апрель куни эрталаб улардан бирининг мурдаси топилган.
Бирламчи маълумотларига кўра, марҳумнинг бир нечта касалликлари бўлган, хусусан, юрак ишемик касаллиги, гематоген сил, полиорган етишмовчилиги, икки томонолама ўпка плеврити, бош мия ва ўпка шиши, сурункали гепатит, гиёҳвандлик, алкоголдан заҳарланиш.
Ҳолат юзасидан туман прокуратураси томонидан терговга қадар текширув ўтказилмоқда.
Батафсил: https://www.gazeta.uz/uz/2021/04/05/death/?utm_source=push&utm_medium=telegram
Каналга обуна бўлинг
-
2021-04-05 11:30:20+00:00
Ҳокимликдаги машиналар четдан келадиган меҳмонлар учун керак — Шавкат Aбдураззоқов
Наманган вилояти ҳокими Шавкат Aбдураззоқов Kun.uz наширга берган интервьюсида ҳокимларнинг бюджет маблағлари ҳисобидан қимматбаҳо автомашиналар сотиб олиши ҳақида айтиб ўтди.
«Бу дипломатик муносабатлар учун керак. Бу орқали кўплаб инвестиция келиши мумкин. Масалан, чет элдан жуда катта инвесторлар, миллионерлар келади. Уларни кутиб олиш учун яхши шароит бўлиши керак. Ўринбосарлар масаласига келсак, улар чиқиб кимнидир кутиб олса ўша инсонлар ҳам шунга қараб баҳо беради», — деди Шавкат Aбдураззоқов.
Ҳоким машиналар учун ортиқча ҳаражат қилиш ўрнига шу пулларни йўлга, сувга сарфлаш мақсадга мувофиқ эканлигини қўшимча қилиб ўтди.
Батафсил: https://www.gazeta.uz/uz/2021/04/05/inomarka/?utm_source=push&utm_medium=telegram
Каналга обуна бўлинг
-
2021-04-05 11:20:00+00:00
Навоийда 150 минг долларга ерни ноқонуний сотмоқчи бўлган мансабдор шахс ушланди
«Замон» дастурида хабар берилишича, Ғ. исмли мансабдор шахс Навоий шаҳридаги ўзига тегишли бўлмаган 200 кв/метр ер майдонини бошқа бир фуқарога сотмоқчи бўлган.
Фуқаро Ғ. сўралган 150 минг доллардан 70 мингини олаётган пайтида қўлга олинган.
Гумонланувчи фуқарога нисбатан Жиноят кодексининг 168-моддаси (фирибгарлик) тегишли бандлари билан жиноят иши қўзғатилган.
https://www.gazeta.uz/uz/2021/04/05/crime/?utm_source=push&utm_medium=telegram
Каналга обуна бўлинг
-
2021-04-05 11:14:26+00:00
Долларнинг расмий курси яна кўтарилди
Долларнинг расмий курси 10 сўмга қимматлади ва жами 10 483 сўм этиб белгиланди. Евро ва рубль курслари эса бироз арзонлади.
Каналга обуна бўлинг
-
2021-04-05 11:00:01+00:00
Тошкентда иситиш мавсуми 7 апрелдан якунланади
5 апрель куни бу ҳақда Тошкент шаҳар ҳокимининг тегишли қарори қабул қилинди.
Қарорга кўра, 7 апрелдан пойтахтда марказлашган иссиқлик таъминотидан фойдаланувчилар учун иситиш мавсуми якунланиб, 2021-2022 йилги куз-қиш мавсумига тайёргарлик кўриш ишлари бошланади.
Каналга обуна бўлинг
-
2021-04-05 10:50:55+00:00
Ўзбекистон аэропортларида асосий йиғим ва тарифлар 27 фоизга пасайтирилмоқда
15 апрелдан «Uzbekistan Airports» АЖ ҳаво кемаларига хизмат кўрсатиш учун йиғим ва тарифларни пасайтириш тўғрисида қарор қабул қилди. Бу ҳақда Транспорт вазирлиги ахборот хизмати хабар бермоқда.
Унга кўра, асосий йиғим ва тарифлар ўртача 27 фоизга пасайтирилиб, Ўзбекистон аэропортларига мунтазам йўловчи рейсларини бажарадиган хорижий авиакомпаниялар учун қўлланилади.
Пасайтирилган йиғим ва тарифлар халқаро авиация маълумотномаларида эълон қилинди. Бу билан ИКAОга аъзо бўлган 190 дан ортиқ мамлакат ва AIPдан фойдаланувчи барча авиакомпаниялар Ўзбекистон аэропортларида қўлланиладиган тарифлар ҳақидаги маълумотларга эга бўлиши учун имконият яратилди, дейилади хабарда.
Каналга обуна бўлинг
-
2021-04-05 10:44:04+00:00
Никол Пашинян апрель ойи охирида истеъфога чиқади
Арманистон парламентининг "Мой шаг" хукмрон фракцияси раҳбари Лилит Макунцнинг маълум қилишича, мамлакат бош вазири Никол Пашинян апрель ойи охирида истеъфо беради. Бу ҳақда Интерфакс хабар берди.
Унинг айтишича, "ҳозирча аниқ куни маълум эмас, лекин бу апрель охирида рўй беради".
Аввалроқ Никол Пашиняннинг ўзи апрел ойида истеъфога чиқиши ҳақида маълум қилган эди. Шунингдек, у бундан олдин 20 июнь куни Арманистонда навбатдан ташқари парламент сайловлари бўлиб ўтишини эълон қилганди.
Бундан ташқари, 7 апрель куни Никол Пашинян ва Россия президенти Владимир Путин ўртасида учрашув бўлиб ўтиши режалаштирилган.
Каналга обуна бўлинг
-
2021-04-05 10:26:00+00:00
Интернетдаги негатив фикрлар бекорчиликдан келиб чиқади — Наманган вилояти ҳокими
Шавкат Абдураззоқов Kun.uz нашрига берган интервюсида интернетда ёзиладиган негатив фикр-мулоҳазаларга тўхталиб ўтди.
«Ўзим ҳам Facebook`ни кузатаман. Ҳар хил фикрлар бор. Уларнинг ичидан олиш мумкин бўлган фикрлар ҳам бор... Бу ерда [контейнер қўйиб, яшаётган маҳалласида] бирор киши Facebook кўрмас экан, буни ҳақиқий муаммони ичида ўтирган одам ёзмаяпти, уни ташқаридан кимлардир ёзяпти», — дейди Абдураззоқов.
Ҳокимнинг айтишича, негатив изоҳлар бекорчиликдан келиб чиқади.
«Бекорчиликдан ҳар хил фикр чиқади, иши бор инсон бир кунда 10 марталаб изоҳ ёзмайди-ку, агар фаолияти блогерлик бўлмаса», — дейди Наманган вилояти раҳбари.
Батафсил: https://www.gazeta.uz/uz/2021/04/05/negativ/?utm_source=push&utm_medium=telegram
Каналга обуна бўлинг
-
2021-04-05 10:16:50+00:00
Ўзбекистонда Жамоат хавфсизлиги концепцияси қабул қилинади
Апрель охирига қадар Ўзбекистонда Жамоат хавфсизлиги концепциясини қабул қилиш режалаштирилмоқда. Бу президентининг 26 мартдаги фармонида кўзда тутилган.
Ҳужжат билан патруль-пост ва йўл-патруль хизматлари, ҳуқуқбузарликлар профилактикаси ва пробация хизматлари бўлинмаларининг ўзаро ҳамкорликда ишлаши бўйича янги механизмлар жорий этилади.
Бундан ташқари, Миллий гвардия бўлинмаларининг жамоат тартибини сақлаш тизимидаги ваколатлари ва шахсий жавобгарлиги белгиланади. Пробация назоратидаги шахсларнинг хулқ-атворини кунлик назорат қилишда профилактика инспекторлари билан ҳамкорлик механизмларини жорий этган ҳолда пробация бўлинмаларининг фаолияти самарадорлиги оширилади.
Туман ва шаҳар пробация бўлинмалари тегишинча туман ва шаҳар ички ишлар органларининг бевосита бўйсунувига ўтказилади.
Батафсил: https://www.gazeta.uz/uz/2021/04/05/iiv/?utm_source=push&utm_medium=telegram
Каналга обуна бўлинг
-
2021-04-05 10:06:54+00:00
Ҳафта давомида об-ҳаво илиқ бўлади
Бугун Ўзбекистон ҳудуди бўйича ҳавонинг ўзгариб туриши, ёғингарчиликсиз об-ҳаво бўлиши кутилмоқда, дея хабар берди Ўзгидромет. Куннинг ўртасига келиб, марказий ва шарқий ҳудудларда ҳаво 15-17° илиқгача, шимолий ва жанубий ҳудудларда 20-25° илиқгача исийди.
6 апрелда республиканинг шимолий ҳудудларига Эрон ҳудудларидан илиқ ва қуруқ ҳаво массалари кириб келиши бошланади. Ўзбекистон бўйича ёғингарчиликсиз об-ҳаво бўлиши кутилмоқда, фақат тоғ олди ва тоғли ҳудудларда баъзи жойларда ёмғир ёғиши мумкин. Кундузи ҳаво ҳарорати 18-20° илиқгача исийди ва меъёрий қийматларга яқинлашади.
7-9 апрелда илиқ ҳаво массалари Ўзбекистоннинг барча ҳудудларига тарқалади. Асосан кам булутли об-ҳаво бўлиши кутилмоқда. Марказий, шарқий ҳудудларда кундузги ҳаво ҳарорати 23-26° илиқгача, шимолда ва жанубда 27-32° илиқгача аста-секин кўтарилади, бу ўртача кўп йиллик қийматлардан 2-3° га кўпдир.
Каналга обуна бўлинг
-
2021-04-05 08:30:02+00:00
Давлат хизматчиларининг меҳнатини ягона тизим асосида баҳолаш режалаштирилмоқда
Президент «Давлат ҳокимияти ва бошқаруви органларининг тузилмасини мақбуллаштириш ва штат бирликлари сонини қисқартириш тўғрисида»ги қарорни имзолади.
Ҳужжатга мувофиқ, Молия вазирлиги 2021 йил 15 майга қадар меҳнатга ҳақ тўлашнинг ягона тизимини жорий этиш бўйича президент қарори лойиҳасини тайёрлайди.
Бундан ташқари, тегишли вазирлик ва идоралар 3 ойда қуйидагиларни назарда тутувчи президент қарори лойиҳасини тақдим этиши шарт:
🔹 маҳаллий бошқарув органлари ва давлат органларида KPI асосидаги замонавий баҳолаш усулларини жорий этиш;
🔹 административ ислоҳотлар доирасида функция ва вазифаларни такрорловчи давлат органлари сонини қисқартириш;
🔹 Қорақалпоғистон Вазирлар Кенгаши, вилоятлар, Тошкент шаҳри, туман ва шаҳарлар ҳокимликлари таркиби ва бошқарув кадрлари сонини қайта кўриб чиқиш.
Қолаверса, 1 сентябргача KPI ходимлари эришган натижалар рейтинги учун махсус дастур ишлаб чиқилади.
Каналга обуна бўлинг
-
2021-04-05 08:05:41+00:00
АҚШ Гуантанамо қамоқхонасидаги энг маҳфий объектлардан бирини ёпди
Кубанинг Гуантанамо префектурасидаги ҳарбий базада жойлашган АҚШ қамоқхонасининг энг махфий бўлими ҳисобланадиган 7-лагердаги барча маҳбуслар бошқа бўлимга ўтказилди, дея хабар берди РИА Новости АҚШ жанубий қўмондонлиги маълумотларига асосланган ҳолда.
Ушбу қамоқхонада ҳозирда жами 40 нафар маҳбус сақланмоқда. Бироқ 7-лагерда қанча маҳбус сақлангани ҳақида маълумот берилмади.
7-лагер ёпилгач эндиликда қамоқхонадаги барча маҳбуслар иккита лагерда (бунгача учта лагерда сақланган) сақланади.
Маълумот учун, 7-лагер 2006 йилда ташкил қилинган бўлиб, икки йилгача унинг мавжудлиги сир сақланган. Лагер "жуда қадрли маҳбуслар" учун яратилган.
Гуантанамо қамоқхонаси 2001 йил 11 сентябрда рўй берган терактлардан сўнг 2002 йилда ташкил қилинган.
Каналга обуна бўлинг
-
2021-04-05 07:11:12+00:00
$50 минг эвазига Андижон шимолий саноат ҳудудидан ер олиб бермоқчи бўлган шахс ушланди
Мазкур ҳолат бўйича Бош прокуратура ҳузуридаги департамент ҳамда ДХХнинг Андижон вилояти бошқармалари томонидан тезкор тадбир ўтказилди.
Фуқаро У.Н. фуқаро Ж.ни Андижон шаҳар саноат ҳудудида жойлашган ўзига тегишли кўчмас мулк объектига туташ ер майдонидан қўшимча ер участкаси ажратиб бера олишига ишонтирган.
У 50 минг АҚШ доллари эвазига юқори лавозимда ишловчи танишлари орқали тегишли ҳужжатларни расмийлаштиришини айтган. Олдиндан 20 минг долларни олган вақтида ашёвий далиллар билан ушланган.
Ҳолат юзасидан ушбу шахсга нисбатан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилди. Ҳозирда тергов ҳаракатлари ўтказилмоқда.
Каналга обуна бўлинг
-
2021-04-05 06:38:18+00:00
ДХХ 2020 йилда Ўзбекистонда иккита терактнинг олдини олди
Давлат хавфсизлик хизмати органлари 2020 йилда тўртта терактнинг олдини олди. Уларнинг иккитаси Ўзбекистонда, иккитаси МДҲ мамлакатларида амалга оширилиши режалаштирилган эди.
ДХХ маълумотларига кўра, ўтган йили 67 та яширин гуруҳлар фаолиятига чек қўйилди. Бундан ташқари, экстремизм ва терроризмга алоқадорликда айбланиб, хорижда яшириниб юрган 98 нафар Ўзбекистон фуқароси мамлакатга олиб келинди ҳамда жавобгарликка тортилди.
747 кг дан ортиқ гиёҳванд моддалар, 251 минг дона психотроп таблеткалар, 594 дона қурол, 4781 дона ўқ-дори ва 24,4 кг портловчи моддалар ноқонуний муомаладан олинди.
Батафсил: https://www.gazeta.uz/uz/2021/04/05/security-service/?utm_source=push&utm_medium=telegram
Каналга обуна бўлинг
-
2021-04-05 06:26:27+00:00
Индонезияда сув тошқини ва ер ўпирилиши оқибатида 55 киши ҳалок бўлди
Якшанба куни Индонезияда бошланган сув тошқинлари ва ер ўпирилиши натижасида мамлакатда камида 55 киши ҳалок бўлди, дея хабар бермоқда ТАСС.
Хабарга кўра, шунингдек, 40 нафар инсон бедарак йўқолгани айтилмоқда.
Reuters'нинг сўнгги хабарига кўра, сув тошқинлари ва ер ўпирилиши Индонезия ва Шарқий Тиморда жами 76 (Шарқий Тиморда ҳозирча 21 киши ҳалок бўлгани аниқланган) кишининг ўлимига сабаб бўлган ва минглаб аҳолини уйсиз қолдирган.
Ҳодиса оқибатида Индонезияда бир неча кўприклар қулаган, шунингдек, дарахтларнинг қулаб тушиши оқибатида баъзи йўллар тўсилиб қолган. Бу эса қидирув-қутқарув ишларини мураккаблаштирган.
Каналга обуна бўлинг
-
2021-04-05 05:56:44+00:00
Ҳуқуқ-тартибот органлари ходимлари ва оила аъзоларининг шахсий ҳаёти ҳақида маълумот тарқатганлик учун жавобгарлик белгиланади
Президент фармонига кўра, тегишли вазирлик ва идоралар бу тўғрисидаги қонунчилик ҳужжатларини ишлаб чиқишади.
Шунингдек, хизмат вазифасини бажараётган ҳуқуқ-тартибот органлари ходимларини камситиш, соғлиғига шикаст етказиш, қонуний талабларига бўйсунмаслик ва фаол қаршилик кўрсатганлик учун маъмурий ва жиноий жавобгарлик чоралари кучайтирилади.
Ички ишлар органлари ходимлари ва уларнинг оила аъзоларини давлат томонидан ижтимоий-ҳуқуқий ҳимоя қилишнинг ягона ҳуқуқий асоси ва аниқ механизмлари яратилади.
Каналга обуна бўлинг
-
2021-04-05 05:32:41+00:00
Халқаро ҳамкорлик ва ривожланиш агентлигига раҳбар тайинланди
Ҳукумат қарори билан Жамшид Абдусаламов Халқаро ҳамкорлик ва ривожланиш агентлиги директори этиб тайинланди. Бу ҳақда Адлия вазирлиги матбуот хизмати хабар бермоқда.
Бундан аввал, Жамшид Абдусаломов Тошкент вилояти ҳокими ўринбосари лавозимида фаолият юритган.
Инвестициялар ва ташқи савдо вазирлиги ҳузуридаги Халқаро ҳамкорлик ва ривожланиш агентлиги Вазирлар Маҳкамасининг 30 мартдаги қарори билан ташкил қилинган эди.
Каналга обуна бўлинг
-
2021-04-05 05:03:54+00:00
Андижонда 4 та автомобиль иштирокида ЙТҲ содир бўлди
3 апрель куни соат 15:40ларда, Андижон вилояти, Шаҳрихон туманида 4 та автомобиль иштирокида ЙТҲ содир бўлди, дея хабар бермоқда ЙҲХББ матбуот хизмати.
ЙТҲда Cobalt, Nexia 3, Lacetti, Damas иштирок этган. Натижада Cobalt ҳайдовчиси ва Damas йўловчиси жароҳат олган. Уларга тиббий ёрдам кўрсатилган.
Ҳодиса юзасидан Шаҳрихон тумани ИИБ ЙҲХБ томонидан суриштирув ҳаракатлари олиб борилиб, тўқнашув сабабларига ойдинлик киритилмоқда.
Каналга обуна бўлинг
-
2021-04-05 04:30:09+00:00
Наманганда боғча тарбияланувчиси иссиқ сувдан куйиб вафот этди
Наманган вилояти ҳокимлиги хабарига кўра, Давлатобод тумани мактабгача таълим ташкилоти тарбияланувчиси, 2015 йилда туғилган Улуғбек Хошимов 5 февраль куни «ўзининг эҳтиётсизлиги натижасида муассаса сув тизимидаги иссиқ сув жўмрагини очиб юборган».
Натижада бола 2-даражали куйиш тан жароҳатини олиб, вилоят кўп тармоқли болалар шифохонасига ётқизилган. Тиббий муолажаларга қарамасдан олган тан жарохатлари оқибатида 24 февраль куни куни вафот этган.
Улуғбек Хошимовнинг ўлими — қайноқ сувдан бош, юз ва тананинг бошқа қисмларининг 2,3-даражали 70% куйиши асорати натижасида полиорган юрак қон-томир етишмовчилиги натижасида ўлимга олиб келганлиги ва мурда танасида куйишдан бошқа тан жароҳатлари бўлмаганлиги аниқланган.
Ҳолат юзасидан жиноят иши кўзғатилиб, тергов ҳаракатлари олиб борилмоқда.
Батафсил: https://www.gazeta.uz/uz/2021/04/05/namangan/?utm_source=push&utm_medium=telegram
Каналга обуна бўлинг
-
2021-04-04 16:07:43+00:00
Ўзбекистонлик талабаларга Россияга қайтишга рухсат берилди
Ўзбекистон, Тожикистон, Венесуэла, Германия, Сурия ва Шри-Ланкадан бўлган хорижлик талабалар, аспирантлар, ординатор ва тайёрлов факультетлари тингловчиларига ўқишларини давом эттиришлари учун Россияга қайтишга рухсат берилди.
РФ ҳукумати 31 март куни бу ҳақдаги фармойишни қабул қилди, дея хабар берди Россия Фан ва олий таълим вазирлиги.
Чет эллик талабаларнинг Россияга кириш қоидалари:
https://www.gazeta.uz/uz/2021/04/04/russia/?utm_source=push&utm_medium=telegram
Каналга обуна бўлинг
-
2021-04-04 15:42:13+00:00
Тошкентда бокс кечаси: саккиз нафар ўзбекистонликнинг барчаси ғалаба қозонди
Тошкентда бўлиб ўтган профессионал бокс кечасида рингга кўтарилган ўзбекистонлик саккиз нафар боксчининг барчаси ғалаба қозонди.
Муроджон Аҳмадалиев Рёсукэ Ивасани муддатидан олдин мағлуб этиб, WBA Super ва IBF йўналишлари чемпионлигини муносиб ҳимоя қилди. Шунингдек, Шаҳром Ғиёсов мексикалик Патрисио Моренони нокаутга учратди, Ҳасанбой Дўсматов эса Мухсин Кизот устидан ғалаба қозонди.
Яккаликлар натижалари — «Газета.uz» шарҳида.
https://www.gazeta.uz/uz/2021/04/04/boks/?utm_source=push&utm_medium=telegram
Каналга обуна бўлинг
-
2021-04-04 12:30:00+00:00
Ўзбекистонда хизмат кўрсатган санъат арбоби, ҳайкалтарош Яков Шапиро вафот этди
Таниқли ҳайкалтарош Яков Иосифович Шапиро 83 ёшида ҳаётдан кўз юмди.
У Тошкентдаги Максим Горький, Шота Руставели, Ҳамид Олимжон ҳайкаллари, бир қатор архитектура-ҳайкалтарошлик ансамбллари, хусусан, «Космонавтлар» метро станциясидаги композиция ва бошқа ёдгорликлар ижодкори ҳисобланади.
Батафсил: www.gazeta.uz/uz/2021/04/04/shapiro/?utm_source=push&utm_medium=telegram
Каналга обуна бўлинг
-
2021-04-04 12:02:11+00:00
30 минг доллар эвазига прокуратурага ишга жойлашни ваъда қилган шахс ушланди
Бош прокуратура матбуот хизматининг хабар беришича, «Носир» исмли шахс мансабдор яқинлари орқали фуқаро А.Э.ни прокуратура органларига ишга жойлаштиришини айтиб, эвазига 30 минг АҚШ доллари талаб қилган.
У ушбу пуллар ҳисобидан 5 минг долларини олдиндан бериш кераклигини айтган.
А.Э.нинг таниши И.Э. ушбу ҳолат юзасидан прокуратура органларига ариза билан мурожаат қилган.
4 апрель куни мурожаат юзасидан ўтказилган тезкор тадбирда, 2 нафар фуқаро Чилонзор туманидаги «Денов» чойхонасида И.Э.дан 5 минг долларни олган вақтда ашёвий далиллар билан ушланган.
Гумондор шахслар процессуал тартибда ушланган. Ҳолат юзасидан Бош прокуратура ҳузуридаги Департаментнинг Қашқадарё вилояти бошқармаси томонидан жиноят иши қўзғатилди.
Каналга обуна бўлинг
-
2021-04-03 16:08:21+00:00
❗️Вазирлик ва идораларда 40 нафар раҳбар ўринбосарлари лавозими қисқартирилади
3 апрель куни президент давлат ҳокимияти ва бошқаруви органларининг штат бирликлари сонини қисқартириш тўғрисидаги қарорни имзолади. Қарор нусхаси «Газета.uz» да мавжуд.
↙️ Қарорга мувофиқ, 2021 йил 1 майдан давлат органлари ходимларининг сони 15 фоизгача мақбуллаштирилади.
❌ Натижада, давлат ҳокимияти ва бошқаруви органлари ҳамда уларнинг идоравий ва ҳудудий бўлинмаларида жами 5288 та штат қисқарилади.
✂️ Шунингдек, вазирлик ва идораларнинг 40 нафар раҳбар ўринбосарлари лавозимлари ҳам қисқартирилади.
🗓 2021 йил 1 сентябргача ходимларнинг энг муҳим самарадорлик кўрсаткичларига (KPI) эришилганлиги натижаларини баҳолаш учун махсус дастур ишлаб чиқилиб давлат органларида босқичма-босқич жорий этилади.
Каналга обуна бўлинг
-
2021-04-03 15:55:23+00:00
Ўзбекистонлик боксчилар яна 4 та Олимпиада йўлланмасини қўлга киритди
Бу ҳақда Ўзбекистон бокс федерацияси раисининг биринчи ўринбосари Сакен Полатовга таяниб Оlamsport.com нашри хабар берди.
Маълумотга кўра, эркаклар ўртасида -75 кг вазнда Фанат Қаҳрамонов, -81 кг вазнда Дилшод Рўзметов, аёллар ўртасида Шахноза Юнусова (-69 кг) ҳамда Райхона Қодирова (-60 кг) рейтинг орқали Олимпиадага йўлланма олган.
Каналга обуна бўлинг
-
2021-04-03 15:35:18+00:00
ССВ сохта «табиблар» таъсирига тушиб қолишдан огоҳлантирди
Ижтимоий тармоқларда асли ироқлик, курд миллатига мансуб Мулло Ҳасан Курдистонийнинг Ўзбекистонга келаётгани ҳақидаги хабарлар тарқалди.
Соғлиқни сақлаш вазирлиги аҳолининг ишонч ва эътиқодидан фойдаланиб, сохта табиблик фаолияти билан шуғулланаётган айрим кимсаларнинг алдовига учраб қолишдан огоҳлантирди. «Ноодатий йўллар билан даволашни таклиф қилаётган айрим сохта табиблар таъсирига тушиб қолишдан эҳтиёт бўлинг», - дейилади хабарда.
Батафсил: https://www.gazeta.uz/uz/2021/04/03/soxta-tabib/
Каналга обуна бўлинг
-
2021-04-03 15:14:06+00:00
Капитал бозорини ривожлантириш агентлиги тугатилади
Президентнинг 3 апрель куни имзолаган қарори билан, Капитал бозорини ривожлантириш агентлиги фаолияти тугатилади.
Агентликнинг барча ваколатлари, функция, вазифалари ва мол-мулки Молия вазирлигига ўтказилади.
Капитал бозорини ривожлантириш агентлиги 2019 йил январь ойида ташкил этилган эди.
Олдинроқ агентлик директори Отабек Назиров Тўғридан-тўғри инвестициялар жамғармаси раҳбари, инвестициялар ва ташқи савдо вазирининг маслаҳатчиси этиб тайинланган эди.
Каналга обуна бўлинг
-
2021-04-03 13:29:51+00:00
Спорт соҳасида ҳафта давомида содир бўлган энг муҳим хабарлар дайжести
29 март, душанба куни Тошкент шаҳрида футбол бўйича Ўзбекистон миллий терма жамоаси ФИФA кунлари доирасида ўртоқлик учрашувида Ироқ терма жамоасини қабул қилди. Учрашувда Ироқ термаси 0:1 ҳисобида ғалабага эришди.
⚖️1 апрель куни Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди. Унда бир неча футболчи ва мураббийлар жазоланди.
🥊2 апрель куни Миллий Олимпия қўмитасида AИБA президенти Умар Кремлёв иштирокида матбуот анжумани бўлиб ўтди. Унда 2023 йилги бокс бўйича катталар ўртасида Жаҳон чемпионати Ўзбекистонда бўлиб ўтиши маълум қилинди.
⚽️ Жума куни «Шабаб Aл Aҳли» сафида БAA чемпионатида тўп сураётган ўзбекистонлик футболчи Жалолиддин Машарипов «Фужайра» вакилларига қарши баҳсда ўз ҳисобига биттадан гол ва ассист ёздириб қўйди.
Батафсил: https://www.gazeta.uz/uz/2021/04/03/sport/?utm_source=push&utm_medium=telegram
Каналга обуна бўлинг
-
2021-04-03 11:23:58+00:00
Эрон ташқи ишлар вазири Ўзбекистонга ташриф буюради
5 апрель куни Ўзбекистонга Эрон Ислом Республикаси Ташқи ишлар вазири Муҳаммад Жавод Зариф бошчилигидаги делегация ташриф буюради, дея хабар бермоқда Ўзбекистон ТИВ матбуот хизмати.
Бўлажак учрашувлар ва музокаралар давомида сиёсий, савдо-иқтисодий, инвестициявий, транспорт-логистика ва бошқа соҳалардаги Ўзбекистон-Эрон алоқаларининг ҳозирги ҳолати ва ривожланиш истиқболларини муҳокама қилиш режалаштирилган, дейилади хабарда.
Муҳаммад Жавод Зариф 5−8 апрель кунлари Марказий Осиё бўйлаб сафари доирасида Қирғизистон, Қозоғистон ва Туркманистонга ҳам ташриф буюради.
10 февраль куни Iran Aseman Airlines авиакомпанияси Ўзбекистонга ташрифи чоғида март ойидан бошлаб Тошкент-Теҳрон ва Теҳрон-Бухоро йўналишлари бўйича парвозларни бошлаш истагини билдирган.
Каналга обуна бўлинг
-
2021-04-03 10:50:29+00:00
Наркотик моддалари рекламаси ҳақида Telegram-бот орқали хабар бериш мумкин
Ахборот ва оммавий коммуникациялар агентлиги Ички ишлар вазирлиги матбуот хизмати билан биргаликда @stopnarko_bot Telegram-ботини ишга туширди. У орқали наркотик моддалари рекламаси ҳақида хабар бериш мумкин.
«Потребитель.Уз» да бундай рекламалар тобора кўпайиб бораётгани ҳақидаги хабар эълон қилинган эди. Асосан Чилонзор, Учтепа ва Мирзо-Улуғбек туманларида бундай ҳолатлар кузатилаётгани айтилмоқда.
«Биз реклама қилинган каналларни кўрдик — у ерда ҳамма нарса очиқ, батафсил ва нархлари билан. Каналларнинг 9−10 минг обуначиси бор. Улар гиёҳванд моддаларни сотгани учрашувга келишмайди. Пул электрон ўтказма орқали қабул қилинади, сўнгра туманнинг бирон бир жойида белги қўйилади ва Telegram`да дозани қаердан олиш кераклиги маълум қилинади», — дейилади хабарда.
Батафсил: https://www.gazeta.uz/uz/2021/04/03/stop-narco/?utm_source=push&utm_medium=telegram
Каналга обуна бўлинг
-
2021-04-03 09:20:59+00:00
Хитой-ўзбек вакцинасининг ножўя таъсирлари қандай бўлиши мумкин?
Ўзбекистон ҳаммуаллифлигидаги ZF-UZ-VAC2001 вакцинаси билан эмланганларда кузатилиши мумкин ножўя таъсирлар ҳақида инновацион ривожланиш вазирининг биринчи ўринбосари Шаҳло Турдиқулова маълум қилди.
«Вакцина билан эмлангандан сўнг тана ҳарорати 37 га кўтарилиши мумкин. Бундан ташқари аллергик реакциялар ва укол қилинган жойда қизаришлар бўлиши мумкин. Бундан қўрқмаслик керак, 2-3 кунда ўтиб кетади», — деди у.
Вазир ўринбосарининг сўзларига кўра, мазкур вакцинани олганларда 95-97 фоиз антитаначалар ривожланган.
«Мен ўзим 23 ноябрда биринчи дозани олганман. Ўзбекистонда клиник тадқиқотларни бошлаганимизда ўзимиздан бошладик, ўзимиз кўрдик. Оиламизга, болаларим ва онамга ҳам қилганман. Ҳеч қандан ножўя таъсирларни кузатмадик», — дея қўшимча қилди Шаҳло Турдиқулова.
Каналга обуна бўлинг
-
2021-04-03 07:50:27+00:00
ЙПХ ходимига ҳужум қилмоқчи бўлган ҳайдовчи 15 суткага қамалди
31 март куни ЙПХ инспектори Тошкент-Чимён автомобиль йўлида светофорнинг тақиқловчи қизил чироғига бўйсунмай ҳаракатланиб келган юк автомашинасини тўхтатади. Ҳайдовчига қоидабузарлигини тушунтириб, ундан ҳужжатларини сўрайди.
Аммо ҳайдовчи ҳужжатларини беришдан бош тортади ва автомобилни ҳайдаб кетиб қолади.
Кейинги чорраҳада тўхтатилганда ҳам ҳайдовчи анча вақт қаршилик кўрсатиб, сўнгра ҳужжатларини беради. Маъмурий баённома тузилганлиги учун инспекторни ҳақоратлаб, унга тош билан ҳужум қилмоқчи бўлади.
Мазкур фуқарога нисбатан Маъмурий жавобгарлик тўғрисидаги кодекснинг 183 моддаси (майда безорилик) ва 194 моддасига (ички ишлар органлари ходимининг қонуний талабларини бажармаслик) асосан 15 сутка маъмурий қамоқ жазоси белгиланди.
Батафсил: https://www.gazeta.uz/uz/2021/04/03/attack/?utm_source=push&utm_medium=telegram
Каналга обуна бўлинг
-
2021-04-03 05:58:02+00:00
Тошкентда Spark ва Lacetti иштирокида ЙТҲ содир бўлди
Тошкент шаҳар Юнусобод туманида Spark ҳамда Lacetti русумли автомобиллар тўқнашиб, ЙТҲ содир этди. Бу ҳақда ЙҲХББ матбуот хизмати хабар бермоқда.
Ҳодиса 2 апрель соат 18:00ларда, Буюк Турон ва Зарафшон кўчалари кесишган чорраҳада содир бўлган.
Зарб оқибатида Spark автомобили ағдарилган ва ушбу автомобиль ҳайдовчисига биринчи тез тиббий ёрдам кўрсатиш мақсадида шифохонага олиб кетилган.
Мазкур ҳодиса юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
Каналга обуна бўлинг
-
2021-04-03 05:34:33+00:00
Паста фақатгина макарон ва гўштдан иборат бўлади деб ўйлайдиганлар учун Zira.uz 6 хил мазали паста рецептларини тақдим этади.
https://www.gazeta.uz/uz/2021/04/03/zira/?utm_source=push&utm_medium=telegram
Каналга обуна бўлинг
-
2021-04-02 19:49:55+00:00
Фарғонада Миллий гвардия ходими хизмат машинасида уриб юборган пиёда вафот этди
2 апрель куни Миллий гвардия Фарғона вилояти бўйича бошқармаси ходими С. Ш. Фарғона туманида «УАЗ Пикап» хизмат автомобилида белгиланмаган жойдан йўлни кесиб ўтаётган пиёдани уриб юборди.
Миллий гвардия матбуот хизматининг хабар қилишича, ҳарбий хизматчи пиёдани шифохонага олиб борган, бироқ жабрланувчи олган тан жароҳатлари оқибатида вафот этган.
Ҳозирда мазкур ЙТҲ юзасидан вилоят Ҳарбий прокуратураси томонидан тергов олди ҳаракатлари олиб борилмоқда. Хизмат автомашинаси прокуратура ихтиёрига топширилган.
Батафсил: www.gazeta.uz/uz/2021/04/03/national-guard/?utm_source=push&utm_medium=telegram
Каналга обуна бўлинг
-
2021-04-02 18:13:02+00:00
«Sputnik V элита қатлами учун» — Ўзбекистонликлар қайси вакцинани танламоқда?
«Газета.uz» мухбири Тошкент шаҳри ва вилоятидаги бир қанча эмлаш пунктларидаги вакцинация жараёни билан яқиндан танишди.
«Раҳбар сифатида мен поликлиниканинг 152 нафар ходимига ўрнак бўлишим керак», — деди Миробод тумани 1-сон оилавий поликлиникаси бош шифокори Наргиза Холмухамедова.
«Мен ўзим Россия вакцинаси билан эмланишни хоҳлаган эдим. Бироқ танишларимдан бири Sputnik V элита қатлами учун деб айтди», — дейди хитой вакцинаси билан эмланган фуқаро.
Зангиота 2-сон шифохонаси директори ўринбосари AstraZeneca`ни маъқул кўрди. «Шифохонада 738 нафар ходим ишлайди. Биз 5 кун ичида барча ходимларни эмлашни режалаштирганмиз», — деди Нурулло Тажиддинов.
«Газета.uz» мухбири Зангиотадаги шифохонада эмлашнинг биринчи куни фақат AstraZeneca вакцинаси қилинганига эътибор қаратди.
Батафсил: www.gazeta.uz/uz/2021/04/02/vaccine/?utm_source=push&utm_medium=telegram
Каналга обуна бўлинг
-
2021-04-02 17:54:47+00:00
Жаҳон янгиликлари дайжести
🇪🇺 Венгрия ва Польша бош вазирлари, шунингдек Италиянинг собиқ ички ишлар вазири умумевропалик ўнг қанот сиёсий бирлашмасини тузишга келишиб олишди. Янги тузилма муҳожирлар, мултикультурализмга қарши тартибни илгари суради.
🇪🇬 Миср "Ever Given" юк кемаси туфайли Сувайш каналининг деярли бир ҳафталик фаолияти тўхтаб қолгани учун 1 млрд доллардан зиёд товон талаб қилмоқда. Кеманинг эгаси пул тўлашга рози бўлганлигини маълум қилди.
🇲🇲 Мьянма шаҳарларида ҳарбий ҳукуматга қарши намойишлар бошланганидан бери юзлаб одамлар йўқолди. Мамлакат хавфсизлик кучлари фуқаролик кийимида одамларни уйларидан ва иш жойларидан олиб кетиб, уларнинг қариндошларига ҳеч қандай маълумот бермаётганлиги айтилмоқда.
🇬🇧 Буюк Британияда AstraZeneca вакцинасидан кейин тромбознинг 30 та ҳолати аниқланди.
Батафсил: www.gazeta.uz/uz/2021/04/02/digest101/?utm_source=push&utm_medium=telegram
Каналга обуна бўлинг
-
2021-04-02 13:43:51+00:00
«Соғлиқни сақлаш соҳасида 30 млрд сўмдан ортиқ маблағ талон-торож қилинган» — Шавкат Мирзиёев
Президент бу ҳақда 1 апрель куни ўтказилган видеоселекторда айтиб ўтди, дея хабар бермоқда «Газета.uz» мухбири.
Унинг сўзларига кўра, ўтган йили соғлиқни сақлаш тизимида 30 млрд сўмдан ортиқ маблағ талон-торож қилинган. Хусусан, онкология марказининг Тошкент филиалида 828 млн сўм, Тошкент педиатрия институти клиникасида — 423 млн сўм талон-торож қилинган.
Бундан ташқари, президент Жондор тумани тиббиёт бирлашмаси раҳбари 1 млрд сўмдан ортиқ маблағни ноқонуний сарфлаганини маълум қилди. «Ҳар бир вилоят, туман ва шаҳарлар кесимида бундай мисоллар жуда кўп», — деди у.
Бош прокурорнинг биринчи ўринбосарига соҳада «қонун устуворлиги ва жазонинг муқаррарлиги»ни таъминлаш устидан самарали назорат қилиш жавобгарлиги юклатилди.
«Одамларнинг кўзларида нафрат. Улар давлат органлари юқори сифатли бепул даволанишни ташкил қила олмасликларидан норози», — дея таъкидлади давлат раҳбари.
Каналга обуна бўлинг
-
2021-04-02 13:12:21+00:00
2021 йилнинг январь-март ойларида республика бўйича деярли 60 мингта никоҳ қайд этилган
Давлат статистика қўмитаси маълумотларига кўра, 2021 йилнинг январь-март ойлари ҳолатига республика бўйича 59 754 та никоҳ ҳолатлари қайд этилган. Бу ўтган йилнинг мос даврига нисбатан 10 243 тага кўп.
Ҳудудлар кесимида тузилган никоҳлар сони:
▪️ Самарқанд – 6 723 та;
▪️ Фарғона – 5 900 та;
▪️ Тошкент вил. – 5 459 та;
▪️ Қашқадарё – 5 223 та;
▪️ Сурхондарё – 4 893 та;
▪️ Тошкент шаҳри – 4 717 та;
▪️ Хоразм – 4691 та;
▪️ Андижон – 4 434 та;
▪️ Наманган – 4 190 та;
▪️ Қорақалпоғистон – 4 178 та;
▪️ Бухоро – 3 894 та;
▪️ Жиззах – 2 388 та;
▪️ Навоий – 1 528 та;
▪️ Сирдарё – 1 536 та.
Каналга обуна бўлинг
-
2021-04-02 12:04:06+00:00
Олтин йилнинг биринчи кварталида рекорд даражада арзонлади
Йилнинг биринчи кварталида олтин нархи 10% га, 2020 йил августидан буён эса 19% га арзонлади, дея хабар бермоқда Spot.uz Bloomberg маълумотларига асосланган ҳолда. Бу 1982 йилдан бери ушбу давр учун рекорд пасайиш бўлди.
Олтин инқироз даврида «ўзини яхши ҳис қилади», ва аксинча, вазият яхшилигида унинг нархи пасаяди. Ҳозирда коронавирус пандемияси давом этаётган бўлса-да, вакциналар ишлаб чиқариш бўйича натижалар вазият яхшиланиши учун умид бағишламоқда, шу сабабдан олтиннинг ҳам нархи тушишда давом этмоқда.
Олтин нархи пандемия оқибатида, 2020 йил июлида 2000 АҚШ долларигача кўтарилган эди. Ўзбекистон Марказий банки ўшанда олтин сотиш бўйича етакчига айланган эди. Ҳозирда эса олтин нархи 1724 долларгача арзонлаб, пандемиядан олдинги нарх даражасига қайтган.
Каналга обуна бўлинг
-
2021-04-02 11:50:07+00:00
Тошкент шаҳри ва Тошкент вилоятидаги ишлаб чиқариш цехларида ёнғин юз берди
Бугун, 2 апрель куни соат 14:34 да Тошкент шаҳрининг Яккасарой тумани Қушбеги кўчасида жойлашган пойабзал ишлаб чиқариш цехида ёнғин содир бўлди (видео). Бу ҳақда Фавқулодда вазиятлар вазирлиги матбуот хизмати хабар бермоқда.
Объектнинг таҳминан 200 кв.м майдонида содир бўлган ёнғин 40 дақиқадан камроқ вақт ичида тўлиқ бартараф этилди.
Худди шундай воқеа Тошкент вилоятининг Зангиота туманида, дераза ва эшиклар ишлаб чиқариш цехида содир бўлган. Ёнғин у ерда соат 14:51 да бошланган.
Цехдаги ёнғин 300 квадрат метр майдонни қамраб олган. Еттита қутқарув машиналари томонидан соат 15:45 да ўчирилди.
Ҳодисалар оқибатида жароҳат олганлар ва қурбонлар йўқ.
Каналга обуна бўлинг
-
2021-04-02 11:33:15+00:00
Тошкентда байкшеринг тизими жорий этилади
Вазирлар Маҳкамасининг тегишли Қарорига мувофиқ, Тошкент шаҳрида велосипедни қисқа муддатли ижарага бериш bike sharing тизими йўлга қўйилади.
Велосипед тураргоҳлари, велосипед ижара марказлари ҳамда «bike sharing» хизматларидан фойдаланиш учун электрон тўлов инфокиоскларини ташкил этиш бўйича дастлабки лойиҳа ишлаб чиқилмоқда.
Ҳозирда, бошқарма томонидан бошланғич пилот лойиҳа сифатида Тошкент шаҳрининг биринчи тўртта велосипед тураргоҳлари «Tashkentland» истироҳат боғи, Халқлар дўстлиги санъат саройи, Алишер Навоий театри ва Tashkent city ҳудуди олдида ўрнатилади.
Батафсил: https://www.gazeta.uz/uz/2021/04/02/bike-sharing/?utm_source=push&utm_medium=telegram
Каналга обуна бўлинг
-
2021-04-02 11:07:14+00:00
Долларнинг расмий курси озгина кўтарилди
Долларнинг расми курси 0,16 сўмга қимматлади ва жами 10 472 сўм этиб белгиланди. Шунингдек, евро курси ҳам бироз қимматлади, рубль эса арзонлади.
Каналга обуна бўлинг
-
2021-04-02 10:45:20+00:00
Самарқандда Cobalt юк машинасига урилди. 2 киши вафот этди
Самарқанд - Бухоро йўналиши бўйлаб ҳаракатланиб келаётган «КАМАЗ» автомашинасининг орқа томонидан шу йўналишда келаётган Cobalt автомашинаси келиб уриб, ЙТҲ содир этган. Бу ҳақда ЙҲХББ матбуот хизмати хабар бермоқда.
Воқеа 29 март тунгги соат 1:30 да Нарпай тумани Чорбоғ МФЙдан ўтувчи йўлида содир бўлган.
Ҳодиса оқибатида Cobalt ичида бўлган 5 нафар фуқародан 3 нафари тан жароҳати олиб, шифохонага ётқизилган. Яна 2 нафари, ҳайдовчи ва бир йўловчи воқеа жойида вафо этган.
Каналга обуна бўлинг
-
2021-04-02 10:09:13+00:00
Самарқандни бир миллионли шаҳар қилиб, унинг таркибида бешта туман қилмоқчимиз — Эркинжон Турдимов
31 март куни Самарқанд шаҳрида «Ҳоким, вазир ва ёшлар учрашуви» бўлиб ўтди. Унда вилоят ҳокими Эркинжон Турдимов 2021 йил охирига қадар Самарқанд аҳолиси бир миллиондан ортиқ шаҳарга айланишини маълум қилди.
«Aслида, ҳозирнинг ўзида Самарқандда 1 миллион аҳоли яшайди. Шаҳарга яқин жойлашган бир неча туманлар қўшилиб кетган. Биз Самарқандни бир миллионли шаҳар қилиб, унинг таркибида бешта туман қилмоқчимиз», — дейди Турдимов.
У дунёда «миллионер шаҳар"ларнинг ўз статуси борлигини таъкидлаб ўтди.
Ҳоким Қозоғистонни мисол қилиб келтириб, Ўзбекистондан аҳолиси икки баравар кам бўлса-да, 3 та «миллионли шаҳри» — Олмаота, Остона ва Чимкент борлигини, Ўзбекистонда эса фақат Тошкент бундай шаҳар эканлигини айтиб ўтган.
Каналга обуна бўлинг
-
2021-04-02 08:56:40+00:00
Ўзбекистон бокс бўйича катталар ўртасидаги жаҳон чемпионатига мезбонлик қилади
2023 йилги бокс бўйича катталар ўртасида Жаҳон чемпионати Ўзбекистонда бўлиб ўтади. Бу ҳақда Миллий Олимпия қўмитасида AIBA президенти Умар Кремлёв иштирокида ўтказилаётган матбуот анжуманида маълум қилинди.
Мусобақа ўтказиладиган саналар кейинроқ аниқланади. Бокс бўйича Жаҳон чемпионати нафақат Ўзбекистонда, балки минтақада илк бор ўтказилади.
2023 йилги бокс бўйича катталар ўртасида Жаҳон чемпионатида Париж-2024 ёзги Олимпия ўйинлари учун йўлланмалар ўйналади.
Каналга обуна бўлинг
-
2021-04-02 08:38:50+00:00
Якшанба куни республиканинг барча ҳудудларида ёмғир ёғиши кутилмоқда
Жума куни Ўзбекистонга Эрон ҳудудидан илиқ ҳаво кириб келиши бошланади, ҳаво 12-17° илиқгача исийди, дея хабар берди Ўзгидромет.
Эртага илиқ ҳавонинг кириб келиши кучаяди, кечаси ҳарорат 0-5° илиқни ташкил этади, кундузи ҳарорат 19-22° илиқгача кўтарилади, бу апрель ойи бошидаги ўртача кўп йиллик қийматларидан 2-3° юқоридир. Республиканинг шимолий ҳудудларида баъзи жойларда ёмғир ёғади.
Якшанба куни нам ҳаво массаси республиканинг барча ҳудудларини қамраб олади. Барча жойларда ёмғир ёғади, момақалдироқ бўлиши мумкин, баъзи жойларда шамол 17-22 м/с гача кучаяди. Ҳаво ҳарорати 8-13 даража илиқни ташкил этади, кундузи 11-16° илиқдан юқори бўлмайди.
Тошкент вилоятида ва Фарғона водийсида кечаси ва кундузи 5 апрелда ёмғир ёғиши сақланиб туради.
Республиканинг тоғ олди ва тоғли ҳудудларида 4-5 апрелда ёмғир ёғиши кучли бўлади, бунинг ҳисобига ушбу ҳудудларда сел келиши мумкин.
Каналга обуна бўлинг
-
2021-04-02 07:53:47+00:00
Гулнора Каримовага тегишли бўлган Бўстонлиқдаги «Сижжак» дам олиш оромгоҳининг суратлари
Давлат активларини бошқариш агентлиги Ўзбекистоннинг биринчи президенти Ислом Каримовнинг тўнғич қизи Гулнора Каримовага тегишли бўлган Бўстонлиқдаги "Сижжак" дам олиш оромгоҳи суратларини эълон қилди.
Оромгоҳда меҳмонхона, бир нечта ҳовуз, амфитеатр, коттеж ва бошқа иншоотлар мавжуд. Мазкур мажмуанинг умумий ер майдони бино ва иншоотлари билан биргаликда 5,38 гектарни ташкил этади.
Барча суратлар: https://www.gazeta.uz/uz/2021/04/02/sijjak/?utm_source=push&utm_medium=telegram
Каналга обуна бўлинг
-
2021-04-02 07:00:01+00:00
Пандемия Ўзбекистонга амалга оширилган пул ўтказмаларининг камайишига сабаб бўла олмади
Марказий банк ҳисоботига кўра, 2020 йилда Ўзбекистонга амалга оширилган пул ўтказмалари 5,9 млрд долларни ташкил этди.
Бу ундан олдинги тўрт йилда (2015-2019) қайд этилган кўрсаткичлардан юқори. Бироқ 2013 йил (7,5 млрд доллар) ва 2014 йилгига (6,5 млрд доллар) нисбатан кам.
Жаҳон банки таҳлилчилари, ўрта ва паст даражадаги даромадга эга мамлакатларга пул ўтказмалари ҳажми 19,7 фоизга қисқаришини прогноз қилганди. Прогнозларга қарамай, пандемия Ўзбекистонга амалга оширилган пул ўтказмаларининг қисқаришига таъсир кўрсатмади.
Прогнозлар бўйича, коронавирус пандемияси ва 2020 йилда нефть нархининг тушиб кетиши таъсирида минтақадаги пул ўтказмалари қарийб 28 фоизга қисқариши керак эди. Россиядан амалга ошириладиган пул ўтказмаларига кучли боғлиқ бўлган мамлакатлар, жумладан, Ўзбекистон иқтисодиётига ҳам ташқи шоклар салбий таъсир кўрсатиши мумкинлиги айтилганди.
Каналга обуна бўлинг
-
2021-04-02 06:45:01+00:00
Жаҳон банки: «Энг муҳим вазифа — ислоҳотларнинг инклюзивлиги ва шаффофлиги»
Жаҳон банкининг прогнозларига кўра, 2021 йилда Ўзбекистон ялпи ички маҳсулотининг ўсиши 4,8% гача тикланиши кутилмоқда. Бу кўрсаткичга ташқи ва ички омиллар ҳам таъсир қилади.
Камбағалликни қисқартириш учун аҳолининг расмий бандлиги, фуқароларнинг даромадлари ва иқтисодий имкониятларни ошириш лозим, дейилади Жаҳон банки ҳисоботида.
Иқтисодиёт тўлиқ тикланишига қадар ижтимоий заиф уй хўжаликлари ва қаттиқ зарар кўрган корхоналарни қўллаб-қувватлашни давом эттириш зарур, дея таъкидлайди экспертлар.
2021 йилда Ўзбекистоннинг давлат қарзи ЯИМнинг 42 фоизини ташкил этишини ҳам прогноз қилинмоқда.
Тўлиқ шарҳ бўйича батафсил: https://www.gazeta.uz/uz/2021/04/02/pandemic-growth/?utm_source=push&utm_medium=telegram
Каналга обуна бўлинг
-
2021-04-02 06:33:07+00:00
ИИВ хорижий журналист Агнешка Пикулицкани ёлғон маълумот тарқатишда айблади
ИИВ ахборот хизмати 1 апрель куни халқаро журналист Агнешка Пикулицкани якшанба куни номаълум шахслар томонидан дўппосланган блогер Миразиз Бозоров атрофида содир бўлаётган воқеаларга нохолис ёндашиб ўзининг Twitter саҳифасида «аслида рўй бермаётган воқеаларни ёритиб келмоқда» дея айблаган баёнотини эълон қилди.
ИИВ баёнотига «Хорижий журналистнинг миллий қонунчиликка риоя этмаслиги мумкинми?» дея сарлавҳа қўйилган.
Батафсил: www.gazeta.uz/uz/2021/04/02/journalist/?utm_source=push&utm_medium=telegram
Каналга обуна бўлинг
-
2021-04-02 06:13:00+00:00
Агробанк филиалларидан бирида 5 млн сўм миқдорда омонат очинг ва турли хил ютуқларга эга бўлиш имкониятига эга бўлинг (реклама ҳуқуқлари асосида).
https://www.gazeta.uz/uz/2021/04/02/agrobank/?utm_source=push&utm_medium=telegram
-
2021-04-02 06:04:05+00:00
Ўзбекистонда биринчи шамол электр станцияси қурилиши бошланди
Бирлашган Араб Амирликларининг «Masdar» компанияси Ўзбекистонда биринчи шамол электр станциясини қуришни бошлади. Бу ҳақда Энергетика вазирлиги матбуот хизмати хабар бермоқда.
Қурилаётган электр станциясининг лойиҳавий қувватини 500 МВтдан 1,5 ГВтгача ошириш бўйича битим имзоланди.
Дастлаб 600 млн долларга баҳоланган лойиҳа кенгайтирилгандан сўнг, қарийб 1,8 млрд доллар миқдорида тўғридан-тўғри хорижий инвестицияларни жалб этилиши режалаштирилган.
Зарафшон туманидаги мазкур станция 2024 йилнинг охиригача тижорий фойдаланишга топширилиши кутилмоқда.
Маълумотга кўра, 500 МВт қувватга эга лойиҳа 500 мингта хонадонга етарли ҳажмда электр энергияни ишлаб чиқаришни ва атмосферага чиқариладиган карбонат ангидрид чиқиндиларини йилига 1,1 млн тоннага камайтиришни таъминлаб бериши кўзда тутилган эди.
Эндиликда бу рақамлар мос равишда 1,5 млн хонадон ва 3,3 млн тонна карбонат ангидридга кўпаяди, дейилади хабарда.
Каналга обуна бўлинг
-
2021-04-02 05:29:39+00:00
Тайванда йўловчи поезди рельсдан чиқиб кетди
Тайванда йўловчи поезди рельсдан чиқиб кетиб, қулаши оқибатида камида 40 киши ҳалок бўлди ва 61 киши жароҳат олди, деб хабар бермоқда РИА Новости.
Ҳодиса маҳаллий вақт билан соат 9.00 да «Дацин» туннелидаги Хуаялянь округида содир бўлган. Поезд 350 йўловчига мўлжалланган саккизта вагондан иборат эди.
Дастлабки маълумотларга кўра, поезд туннелдаги йўлларни тошлардан тозалаётган ускуналар билан тўқнашган. Натижада иккинчи ва учинчи вагонлар рельсдан чиқиб кетган.
Дастлабки учта вагондан 60 киши чиқарилган, тўртинчи ва бешинчи вагонлар жиддий шикастланган, қутқарув ишлари олиб борилмоқда. Вагонлар блокланганлиги сабабли 72 киши у ердан чиқа олмаяпти.
Воқеа содир бўлган жойда ҳаёт аломатлари бўлмаган одамлар кўплиги айтилмоқда.
Каналга обуна бўлинг
-
2021-04-02 04:52:46+00:00
Вакцинациянинг биринчи кунида Ўзбекистонда 5 мингдан ортиқ аҳоли коронавирусга қарши эмланди
Тошкент ва Нукус шаҳарлари ҳамда вилоят марказларидан жами 5 018 нафар фуқаро ихтиёрий равишда эмланди. Бу ҳақда ССВ матбуот хизмати хабар бермоқда.
Улардан 1871 нафари 65 ёшдан юқори фуқаролар ва 3147 нафари тиббиёт ходимлари.
Вакцинация бўйича кунлик ҳисобда Тошкент шаҳридан 1651 нафар фуқаро эмланиб, ҳудудлар бўйича энг юқори кўрсаткич қайд этилган.
Фарғона вилоятида 467 нафар, Қашқадарё вилоятида 389 нафар, Тошкент вилоятида 317 нафар фуқаро коронавирусга қарши эмланди.
Каналга обуна бўлинг
-
2021-04-01 18:44:09+00:00
«Ҳеч қаерни ёпмаймиз, лекин тартиб-интизомни кучайтирамиз» – Шавкат Мирзиёев
Бу ҳақда президент 1 апрель куни ўтказилган видеоселекторда маълум қилди, дея хабар бермоқда «Газета.uz» мухбири.
«Жорий йил бошида жуда катта меҳнатимиз натижаси билан бор йўғи ўртача 30-40 нафар бемор аниқланаётган эди. Охирги кўрсаткичларимиз бир кунда 160-180, 200 дан ҳам ўтган кунлар бўлаяпти. Бу жуда ёмон кўрсаткич», – деди у.
Бош вазирга ҳудудий штаблар фаолиятини кучайтириш, туну кун ишлайдиган «колл-марказ»лар ва мобил бригадалар ишини йўлга қўйиш бўйича топшириқ берилди.
«Афсуски, бу балонинг охири кўринмаяпти. Европа давлатлари яна локдаунга киряпти. Қўшниларимизда ҳам аҳвол яхши эмас. Хавф ёнимизда юрибди. Шунинг учун огоҳ бўлишимиз керак. Олдин қандай ишлаган бўлсак, шу тартибни тиклаймиз. Иқтисодиёт нуқтаи назаридан жуда катта марралар қўйганмиз. Агар ёпилиб қолсак, бу натижаларга эришолмаймиз. Ҳеч қаерни ёпмаймиз, лекин тартиб-интизомни кучайтирамиз», – деди президент.
Каналга обуна бўлинг
-
2021-04-01 18:04:01+00:00
Жаҳон янгиликлари дайжести
🇩🇪 Германия президенти Франк-Вальтер Штайнмайер AstraZeneca вакцинаси билан эмланди.
🇰🇵 КХДРда оғир вазият туфайли 12 давлатнинг дипломатик ваколатхоналари ёпилди.
🇦🇿 🇹🇷 Эндиликда Озарбайжон ва Туркия фуқаролари ички паспорт билан ўзаро саёҳат қилишлари мумкин.
🇺🇦 Украина президенти Владимир Зеленский 2020 йил учун даромадлар тўғрисидаги декларацияни тақдим этди. Мамлакат раҳбари ва унинг оила аъзоларининг даромади 815 минг долларни ташкил этди.
🇺🇸 AҚШ президенти 2 трлн долларлик инфратузилмани ривожлантириш режаси ҳақида маълумот берди. Режани солиқлар миқдорини кўтариш орқали амалга ошириш кўзда тутилган.
💉 Заводда йўл кўйилган хато туфайли Johnson & Johnson вакцинасининг 15 млн дозаси яроқсиз бўлди.
Батафсил: www.gazeta.uz/uz/2021/04/01/digest100/?utm_source=push&utm_medium=telegram
Фото: Германия президенти Франк-Вальтер Штайнмайер
Каналга обуна бўлинг
-
2021-04-01 15:00:00+00:00
«Олий Мажлис палаталари инсон аъзолари трансплантациясининг қонуний асосларини яратиши керак» — президент
Президент раислигида ўтказилган видеоселектор йиғилишида инсон аъзоларини кўчириб ўтказиш масаласига ҳам тўхтаб ўтилди. Бу ҳақда «Газета.uz» мухбири хабар берди.
«Ўтган йилда биргина Хирургия марказига мурожаат қилган 900 нафардан ортиқ беморларга донорлар яқин қариндоши бўлмагани учун операцияни ўтказиш рад этилган. Оқибатда, кўпчилик фуқароларимиз хорижда ушбу операцияни ўтказишга мажбур бўлмоқда», — деди Шавкат Мирзиёев.
Давлат раҳбарининг таъкидлашича, «Олий Мажлис палаталари бир ой муддатда инсон аъзолари трансплантациясининг қонуний асосларини яратиши керак».
«Барибир одамлар даволанишга Ҳиндистон, Корея, Германия, Россияга чиқиб кетаяпти. Буни бизда киритишнинг вақти келдими ёки йўқми?» – дея савол берди президент.
Каналга обуна бўлинг
-
2021-04-01 13:43:11+00:00
«Кўплаб вазифалар қоғозда қолиб кетмоқда» — президент
Бу ҳақда Ўзбекистон президенти ҳозир бўлиб ўтаётган видеоселекторда айтиб ўтди, дея хабар бермоқда «Газета.uz» мухбири.
Шавкат Мирзиёев тиббиёт жуда ҳам оғир аҳволда эканини таъкидлади. У соғлиқни сақлаш тизими раҳбарларининг фаолиятини танқид остига олди.
Президент раҳбарлар учта саволга жавоб бериши кераклигини айтди:
🔹 Тиббий харита шакллантирилгани, аҳолининг хавф гуруҳларига бўлингани нимани кўрсатиб берди?
🔹 Маҳаллалар кесимида тиббиёт бригадалари шакллантирилиб, аҳоли билан манзилли ишлаш бошландими ва бундан нечта фуқаро миннатдор бўлди?
🔹 Тиббиёт муассасаларида қайси хизмат пулли, қайси бепул бўлди?
«Пандемия даврида кўплаб маблағлар ҳисобсиз сарфлаб юборилди. Кўплаб вазифалар қоғозда қолиб кетмоқда. Афсуски, кўпчилик раҳбарлар бу вазифаларни тўлиқ тушуниб етмаяпти», — деди президент.
Батафсил: www.gazeta.uz/uz/2021/04/01/medicine-uz/?utm_source=push&utm_medium=telegram
Каналга обуна бўлинг
-
2021-04-01 11:57:02+00:00
Ҳайдовчилик гувоҳномасини олиб юриш талабини бекор қилиш таклиф этилмоқда
Маъмурий жавобгарлик тўғрисидаги кодекснинг 135-моддаси 1-қисмига кўра, йўл ҳаракати қоидаларида назарда тутилган ҳужжатлари бўлмаган шахслар транспорт воситаларини бошқарганлиги учун БҲМнинг 1 баравари миқдорида жаримага тортилади.
Жамоатчилик томонидан ушбу тартибга ўзгартириш киритиш таклифи берилди.
«Ҳозирда барча ДЙҲХХ ходимлари махсус планшетлар билан жиҳозланган ва улар ягона маълумотлар базасига уланган. Маълумотлар базасида транспорт воситаларини қайд этиш гувоҳномалари ва ҳайдовчилик гувоҳномалари ҳақидаги маълумотлар мавжуд ва ушбу базага бармоқ изи орқали идентификация қилиш тизими жорий этилган бўлса, у ҳолда тегишли ҳужжатлар ҳайдовчининг ёнида бўлмаганлиги учун жарима қўллашнинг нима зарурати бор», — дейилади таклиф матнида.
Батафсил: https://www.gazeta.uz/uz/2021/04/01/driver-license/?utm_source=push&utm_medium=telegram
Каналга обуна бўлинг
-
2021-04-01 11:20:01+00:00
Долларнинг расмий курси пасайди
Долларнинг расми курси 13 сўмга пасайди ва жами 10 472 сўм этиб белгиланди. Шунингдек, евро ва рубль курслари ҳам арзонлади.
Каналга обуна бўлинг
-
2021-04-01 11:07:41+00:00
Муҳтож оилалар учун қурилган арзон уйларни ҳокимият ишчилари олган — Зойир Мирзаев
Қашқадарё вилояти ҳокими Зойир Мирзаев Қаршида қурилган кўп қаватли арзон уй-жойлар эгалари суриштирилганида, 92 та хонадондан 23 тасини ҳокимият ишчилари олгани аниқланганини маълум қилди.
«Қашқадарёга янги тайинланган пайтим Қарши шаҳрида қурилган арзон уй-жойларни эгаларини суриштирганимда, 92 та хонадондан 23 тасини ҳокимиятни ишчилари олган бўлиб чиққан. Барчасини чақириб, шармандасини чиқариб, оддий фуқароларга олиб берганмиз», — деди у.
Батафсил: https://www.gazeta.uz/uz/2021/04/01/mirzaev/?utm_source=push&utm_medium=telegram
Каналга обуна бўлинг
-
2021-04-01 10:35:11+00:00
Андижон ва Навоий вилояти давлат солиқ бошқармаларига янги раҳбарлар тайинланди
Президент фармойишига асосан, Равшанжон Насимов Андижон вилояти давлат солиқ бошқармаси бошлиғи лавозимига тайинланди, дея хабар берди Давлат солиқ қўмитаси матбуот хизмати.
Равшанжон Насимов бунга қадар Навоий вилояти Давлат солиқ бошқармаси бошлиғи лавозимида ишлаб келаётган эди.
Шунингдек, президент фармойишига асосан, Ботиралиев Анваржон Навоий вилояти давлат солиқ бошқармаси бошлиғи лавозимига тайинланди.
Анваржон Ботиралиев ушбу лавозимга тайинлангунга қадар Фарғона вилояти давлат солиқ бошқармаси бошлиғи ўринбосари вазифасида ишлаб келаётган эди.
Равшанжон Насимов ҳам, Анваржон Ботиралиев ҳам солиқ хизматининг I даражали маслаҳатчиси ҳисобланади.
Каналга обуна бўлинг
-
2021-04-01 08:57:41+00:00
Отабек Назиров Тўғридан-тўғри инвестициялар жамғармаси раҳбари этиб тайинланди
Капитал бозорини ривожлантириш агентлиги директори Отабек Назиров инвестициялар ва ташқи савдо вазирининг маслаҳатчиси – Тўғридан-тўғри инвестициялар жамғармаси раҳбари этиб тайинланди. Бу ҳақда Инвестициялар вазирлиги матбуот хизмати хабар бермоқда.
Маълумот учун, ушбу Жамғарма рақобатбардош маҳаллий компанияларга инвестициялар киритиш, шунингдек, хусусий маҳаллий ва хорижий инвесторлар билан узоқ муддатли ўзаро фойдали шериклик муносабатларини йўлга қўйиш мақсадида ташкил этилган.
Отабек Назиров 2018 йилда инновацион ривожланиш вазирининг ўринбосари лавозимида, кейинчалик Халқ таълими вазирининг ўринбосари сифатида фаолият юритган. 2019 йилнинг январь ойидан буён Капитал бозорини ривожлантириш агентлиги директори лавозимида ишлаб келган.
Каналга обуна бўлинг
-
2021-04-01 08:12:25+00:00
Самарқандда талабадан 500$ сўраган декан ўринбосари ушланди
Самарқанд давлат университети Санъатшунослик факультети декани ўринбосари 35 ёшли Ш. П. ушбу факультетнинг 1-босқич талабаси Ш.И. нинг психология фанидан оралиқ назорати имтиҳонини ижобий ҳал қилиши ва уни якуний имтиҳонга киритиши эвазига $500 олмоқчи бўлган. Бу ҳақда Тергов департаменти хабар бермоқда.
Декан ўринбосари 30 март куни соат 16:00да пулларни тадбир иштирокчиси Б.Б.дан олган вақтида ушланган.
Тадбир давомида, Ш.П. дан 500 АҚШ доллар пул маблағлари ашёвий далил тариқасида расмийлаштириб олинган.
Ҳолат юзасидан Ш. П. га нисбатан ЖКнинг 168-моддаси 3-қисми «в» банди (фирибгарлик, яъни хизмат мавқеидан фойдаланиб содир этилган бўлса) билан жиноят иши қўзғатилиб, процессуал тартибда ушланган.
Ҳозирда тергов ҳаракатлари олиб борилмоқда.
Каналга обуна бўлинг
-
2021-04-01 06:40:22+00:00
Март ойида инфляция 0,8% ни ташкил қилди
Давлат статистика қўмитасининг маълумотларига кўра, март ойида истеъмол бозорида товарлар ва хизматлар ўртача 0,8 фоизга қимматлашди. Йиллик нисбатда истеъмол нархлари индексининг ўсиш суръати 10,9% га етди.
Март ойида озиқ-овқат маҳсулотлари 1,2 фоизга, ноозиқ-овқат маҳсулотлари 0,6 фоизга, шунингдек, хизматлар 0,4 фоизга қимматлади.
Озиқ-овқат маҳсулотлари ва алколсиз ичимликлар орасида март ойида нархларнинг кўтарилишида мева ва сабзавотлар етакчилик қилди.
Қўмитанинг таъкидлашича, мавсумийлик асосий инфляцион омиллардан бири сифатида таъсир этишда давом этмоқда.
Батафсил: https://www.gazeta.uz/uz/2021/04/01/inflation/?utm_source=push&utm_medium=telegram
Каналга обуна бўлинг
-
2021-04-01 06:22:50+00:00
❗️Ўзбекистонда коронавирусга қарши эмлаш бошланди
1 апрель куни Ўзбекистонда COVID-19га қарши вакцинация жараёни бошланди. Биринчи босқичда 65 ёшдан катта бўлган фуқаролар ҳамда тиббиёт ходимлари эмланмоқда.
«Газета.uz» мухбирининг хабар беришича, Миробод тумани 1-сон поликлиникасида 8 мингдан ортиқ фуқаро эмланиши режалаштирилган.
Ҳозирда фуқаролар Хитой-ўзбек ёки AstraZeneca вакциналари билан эмланишмоқда. Қайси вакцина билан эмланишни фуқароларнинг ўзлари танлашади.
Поликлиника ходимларининг сўзларига кўра, кўпроқ одамлар Хитой-ўзбек вакцинаси, ZF-UZ-VAK2001 билан эмланмоқда.
Фото: Газета.uz / Абдулло Ёдгоров
Каналга обуна бўлинг
-
2021-04-01 06:00:00+00:00
Францияда бир ойлик умуммиллий карантин эълон қилинади
3 апрелдан бошлаб Франциянинг барча ҳудудларида тўрт ҳафталик жиддий карантин чекловлари ўрнатилиши эълон қилинди, дея хабар берди РБК Le Monde хабарларига асосланган ҳолда. Бунгача бундай чекловлар фақат мамлакатнинг 19 та департаментида амал қилаётганди.
Чекловларга кўра, соат 19:00 дан бошлаб барча ҳудудларда комендантлик соати жорий қилинади. Барча ишчилар масофавий тизимга ўтказилади, барча боғчалар, мактаблар ва коллежлар уч ҳафта муддатга ёпилади, талабалар олий таълим муассасаларига ҳафтасига фақат бир марта бориши мумкин бўлади.
Шунингдек, ноозиқ-овқат дўконлари ва ресторанлар ёпилади. Фақат китоб дўконлари, мусиқий дўконлар ва хўжалик моллари сотиладиган дўконлар бундан мустасно.
Каналга обуна бўлинг
-
2021-04-01 05:44:00+00:00
Тошкентдаги ЙТҲда икки киши ҳалок бўлди ва бир киши жароҳат олди
27 март куни соат 13:30 атрофида Тошкент шаҳрининг Мирзо Улуғбек шоҳ кўчасида автоҳалокат содир бўлди. Натижада икки киши ҳалок бўлди ва бир киши оғир тан жароҳати олди. Бу ҳақда 31 март куни ИИВ матбуот хизмати хабар берди (видео).
Ўша куни шаҳарда ёмғир ёғаётган эди. Cobalt ҳайдовчиси катта тезликда олдидаги машинани қувиб ўтишга уринган. Автомобиль йўлдаги бетон тўсиқ устидан учиб ўтиб, Lacetti билан тўқнашган.
Иккинчи машина жиддий шикастланган. Ҳайдовчи, 31 ёшли эркак ва йўловчи, 33 ёшли аёл, иккаласи ҳам жойида вафот этган. Яна бир йўловчи (25 ёш) жиддий жароҳат олди.
Иккала қурбоннинг ҳам вояга етмаган фарзандлари бор.
Каналга обуна бўлинг
-
2021-04-01 05:34:01+00:00
Ўзбекистон Тоғли Қорабоғ ҳудудини тиклашда кўмак беришга тайёр — президент
Президент Шавкат Мирзиёев Тоғли Қорабоғ ҳудудининг Озарбайжонга қайтарилганлигини «тарихий адолатни тиклаш йўлидаги ғалаба» дея таърифлади. Ўзбекистон ҳудуддаги кўҳна обидалар ва маданият масканларини тиклаш ишларига кўмак беришга тайёр.
Президент Ўзбекистон Тоғли Қорабоғ заминидаги кўҳна обидалар, маданият ва маърифат масканларини тиклаш ишларига ҳисса қўшишга тайёр эканини билдирди.
Маълумот учун, Тоғли Қорабоғдаги вазият 27 сентябр куни кескинлашиб, 10 ноябрь куни Арманистон, Озарбайжон ва Россия ўртасида Тоғли Қорабоғдаги ҳарбий ҳаракатларнинг тўхтатилиши тўғрисида баёнот имзоланганди. Унга кўра, Боку Тоғли Қорабоғда эгалланган бир нечта ҳудуд устидан назоратни қўлга олди, улар орасида ҳудуднинг маданий пойтахти Шуши ҳам бор.
Батафсил: https://www.gazeta.uz/uz/2021/04/01/karabah/?utm_source=push&utm_medium=telegram
Каналга обуна бўлинг
-
2021-04-01 05:20:00+00:00
Сўх-Риштон йўли очилади
1 апрель куни Фарғона вилоятидаги Риштон ва Сўх туманини боғлаб турувчи Қирғизистон орқали ўтган йўлнинг очилиши режалаштирилган, дея хабар бермоқда ЎзА. Бунинг учун ушбу йўналишдаги чегара назорат-ўтказиш пунктлари тайёр ҳолатга келтирилди.
Сўх тумани юз фоиз Қирғизистон ери билан ўралган анклав ҳудуд ҳисобланади. Туман аҳолиси учун яқин йўл бўлган бу божхона чегара пости анча йиллар ёпиқлигича турган, сўхликлар вилоят марказига бориши учун узоқ йўл босиб ўтишган. Эндиликда эса қисқа масофада Сўхга кириб бориш мумкин бўлади.
Каналга обуна бўлинг
-
2021-04-01 05:04:21+00:00
Амир Темур хиёбонидаги калтакланиш расман тасдиқланди
Тошкент шаҳар ИИББ 31 март куни ўтган якшанба шаҳар марказидаги тартибсизликлар пайтида икки фуқаро калтакланганини тасдиқловчи видеони эълон қилди.
Якшанба куни берилган ҳисоботда ҳуқуқ-тартибот идоралари ходимлари жанжалга аралашиб, ёшларни ҳимоя қилганликлари, уларнинг тан жароҳати олишига йўл қўймаганликлари айтилган эди.
Бошқарма янги видеода шу куннинг ўзида тартибсизликларда иштирок этиб, икки фуқарога жароҳат етказганлар тергов ҳаракатларига жалб қилинганлигини таъкидламоқда.
ИИББ хабар беришича, 25−30 киши ЛГБТ тарафдорларининг режалаштирилган йиғилиши тўғрисида билиб, уларга қарши чиқишга келишиб, Амир Темур майдонига йиғилган.
Улар кўчадан ўтиб кетаётган икки ёш — ўғил ва қизни ЛГБТ тарафдорлари деб ўйлаб, уларга тан жароҳати етказишган.
Батафсил: https://www.gazeta.uz/uz/2021/04/01/case/?utm_source=push&utm_medium=telegram
Каналга обуна бўлинг