-
2023-02-11 12:29:24+00:00
DUNYO SENING DARDINGDA, SEN MAISHAT DARDIDA...
Tun. Soat 01:00. 50 metr naridagi "Moda" nomli restoranning gurs gurs musiqasidan yer zirillaydi. CHilonzor tumani "Novza" mahallasi "E" mavzesidagi bu restoranni bir turk tadbirkor yuritadi. Ha, o‘sha hamma zilzila qurbonlariga ichi kuyayotgan, prezidenti 7 kunlik motam e'lon qilgan mamlakat fuqarosi yuritadi. Bir haftadan buyon qayg‘udan zada bo‘lgan, qardosh o‘zbek xalqi qo‘shilib motam tutayotgan bir paytda, o‘sha millatga mansub kishining yon atrofdagi uylar aholisining tinchini buzgani kamdek, tun yarmidan o‘tkazib yallo qilishini shaxsan men hazm qilolmadim.
O‘z millati dardini nazarga ilmagan odam o‘zga millat odamlarini sariq chaqaga olarmidi? Qari bor, bemor bor, bola bor demay gursillatib musiqa qo‘yadi. Hatto ovoz o‘tkazmas romlar ham zirillaydi, uyqu yo‘q. Hali bu qishning kunida. Yozda- oynalar ochiq turadigan kunlarda bundan ham battar. Mayli, uyam tadbirkor, soliq to‘laydi, deb indamasdik. Lekin, kecha tundagisi oshib tushdi.
Internetdan amallab raqamini topib, musiqani o‘chirishni naq 3 marta talab qilsak ham tinaqolmaydi. Hozir, deydi, yana "gurs gurs" 1:20 da tinadi nihoyat. Lekin, buzilib bo‘lgan asab uyqu bermaydi. Vayronalar ostida begunoh bolalar o‘rniga nega shunaqalar qolib ketmaydi, degan o‘y tonggacha miyani egovlaydi, egovlayveradi...
Aniq bilaman, restoran yonidan o‘sha soatgacha kamida 3 marta ichki ishlar, gvardiya mashinasi o‘tgan. Lekin, bu atrofda xalqni o‘ylaydigan organ borligi bilinmaydi. Arz qilsang, o‘sha kuni natija bo‘ladi, ertasiga yana "gumbur gumbur, darang durung"
Avval ko‘p kirardim. Ko‘pchilikka tavsiya qilardim. Lekin, kecha tundagi holatdan keyin u yerni yelkamning chuquri ko‘rsin! Bezovta bo‘lganimdan emas bu. Bir millat boshiga ish tishganda maishatini buzmagan o‘sha millat farzandining harakatidan shu qarorga keldim.
-
2023-02-12 06:32:42+00:00
Har shovqinning unsiz dirijori bor...