-
2022-11-30 16:28:21+00:00
🇪🇺⛽️📈 Евроцӕдисы газы аргъ райдыдта тагъд рӕзын ӕмӕ абон схызт $1600 онг иу мин кубы тыххӕй.
📍Евроцӕдис - Евросоюз
-
2022-11-30 11:39:36+00:00
⚡️🇬🇧 The Guardian куыд хъусын кӕны, уымӕ гӕсгӕ фыццаг хатт Иугонд Ӕлдарады историйы чырыстӕтӕ фылдӕр хай нал сты Англисы ӕмӕ Уэльсы. Сӕ нымӕц ӕрхаудта 46% онг.
37% сӕхи хонынц атеисттӕ.
6,5% онг та схызт пысылмӕты нымӕц.
📍Иугонд Ӕлдарад - Соединенное Королевство
-
2022-11-30 11:23:09+00:00
⚡️ Cовет Федерацийы сӕвӕрдтой ног информационон системӕ ӕмӕ интерфейс ӕмӕ ныр ис гӕнӕн уынын, кӕцы сенатор куыд схъӕлӕс кодта.
-
2022-11-30 09:32:54+00:00
⚡️ Хуссар Ирыстоны президент Гаглойты Алан абӕрӕг кодта ирон ӕфсӕдтонты Специалон хӕстон операцийы зонӕйы.
Балӕвар сын кодта дронтӕ, рацитӕ ӕмӕ зымӕгон дарӕс. Адзырдта семӕ цӕмӕй ма сты хъуаг.
-
2022-11-29 11:00:04+00:00
⚡️ Тувайаг хӕстонтӕ Специалон хӕстон операцийы Украинӕйы пайда кӕнынц сӕ мадӕлон ӕвзагӕй, цӕмӕй сӕ знаг ма хъуса ӕмӕ ма зона Уӕрӕсейы ӕфсады пълӕнтӕ.
Ирӕттӕ, дзурут мадӕлон ӕвзагыл!
1942 азы Сталинграды хӕсты ирон инӕлар Плиты Иссӕ дӕр афтӕ кодта, иронау дзырдта, цӕмӕй йӕ ма 'мбарой фашисттӕ.
-
2022-11-28 12:31:57+00:00
⚡️🚘⚡️Раргом ис, хӕдтулгӕ "Мӕскуыйаг" куыд арызт цӕуы.
Куыд рабӕрӕг уымӕ гӕсгӕ хӕдтулгӕты ӕнӕхъӕнӕй ӕмбырд кӕнынц Китаййы ӕмӕ сӕ Уӕрӕсемӕ арвитыны размӕ хӕдтулгӕтӕй цалдӕр хайы рафтауынц ӕмӕ сӕ афтӕ рарвитынц.
Мӕскуыйы уыцы цалдӕр хайы фӕстӕмӕ базилынц ӕмӕ китаййаг хӕдтулгӕ фесты уырыссаг "Москвич".
-
2022-11-27 21:37:48+00:00
⚽️ Футболӕй дунейы чемпионаты Испанийы ӕмӕ Германы къордтӕ ахъазыдысты ӕмдых, сӕ хъазт фӕциз 1:1 хыгъдимӕ.
Ныр Е-къорды уавӕр дыууӕ туры фӕстӕ у ахӕм:
🇪🇸 Испани — 4;
🇯🇵 Япони — 3;
🇨🇷Коста-Рикӕ — 3;
🇩🇪 Герман — 1.
-
2022-11-27 13:43:49+00:00
-
2022-11-27 10:42:38+00:00
⚡️ Ныййарæджы амонд чи банкъардта, уыцы сылгоймæгтæн абон æрвитӕм нӕ зæрдиагдæр арфæтæ!
Сымах уæ зæрдæты хъарм æнæвгъауæй лæвар кæнут уæ сывæллæттæн, арæх уæ цард æмæ уæ бæллиццтæ снывонд кæнут сæ амондæн, архайут аккаг кæстæртæ схъомыл кæныныл.
Ирыстоны мадæлтæ, Хуыцаумæ кувгæйæ уæхицæн æмæ уæ бинонтæн цы хорздзинæдтæ фæкурут, уыдон уын Дунесфæлдисæджы цæст бауарзæд!
-
2022-11-26 22:50:49+00:00
⚡️ Германы куыстуӕттӕн сӕ цыппӕрӕм хай сты цӕттӕ сӕ кондӕдтӕ АИШ-мӕ ахӕссын.
Немыцаг амалгӕнджытӕ ахӕм хъуыдытӕм ӕрцыдысты, энергийы ӕргътӕ гӕр кӕй схызтысты, уый тыххӕй.
📍кондад - производство
📍амалгӕнӕг - предприниматель
-
2022-11-26 21:05:33+00:00
⚡️ Ирон ӕхсӕнӕдтӕ XV - XVIII ӕнусты.
-
2022-11-26 19:06:18+00:00
-
2022-11-26 16:34:59+00:00
⚡️ Бельгийы цӕрӕг ирон адӕм - ирон диаспорта дӕр сбӕрӕг кодта Уастырджийы къуырийы бӕрӕгбон.
Уыдондӕр ӕппӕт ирон адӕмимӕ иумӕ куывдтой Хуыцау ӕмӕ Уастырджимæ. Уыдонӕн фӕдзӕхстой сӕхи, ирӕтты ӕмӕ Ирыстоны.
-
2022-11-26 15:11:43+00:00
⚡️Дагъестаны сахар Дербенты цур ис иу стыр хъӕу Джалган. Ацы хъӕуы цӕрынц иу минӕй фылдӕр адӕймаджы.
Ахуыргондтӕ куыд рабӕрӕг кодтой, уымӕ гӕсгӕ ацы чысыл адӕмы хатт дзурынц ирайнаг ӕвзагыл ӕмӕ сӕ традицитӕ ӕмӕ уырнынад та сты ирон дин ӕмӕ культурамӕ тынг ӕввахс.
Историкты хъуыдымӕ гӕсгӕ, ацы ирӕттӕм ӕввахс адӕмы хатт кӕддӕр алантӕм хаудтой ӕмӕ сӕ куыст уыд Дербенты фӕндаг Хуссар Кавказӕй хъахъхъӕнын.
Дарддӕр фӕрсут ам.
-
2022-11-25 14:50:16+00:00
⚡️ Абон Плиты Иссæйыл сæххæст уыдаид 119 азы.
Абон у Советон Цæдисы 2 хатты хъæбатыр, Монголийы республикæйы хъæбатыр, инæлар Плиты Иссæйы гуырæн бон.
Иссӕ стыр фæд ныууагъта Ирыстоны историйы ӕмӕ у ирон адæмы кадджындæр хъæбултæй сӕ иу.
Куыд Францийæн Наполеон, Уæрæсейæн Суворов, афтæ ирон адæмæн та йæ ирддæр æфсæддон разамонæг у инæлар Плиты Иссæ.
Иссӕ зындгонд у йæ цыргъ зондæй ӕмӕ ныфсхаст кæй уыдис, уымæй дӕр.
-
2022-11-25 11:13:36+00:00
⚡️ Уӕрӕсейы спортивон хӕсты президент Михаил Мамиашвили:
Уӕрӕсейы сӕйраг тренер уӕгъдибар хъӕбысӕй хӕстӕй ссис Гуӕцӕлти Хаджимурат.
-
2022-11-24 21:44:15+00:00
📚 Мӕскуыйы уыдис Абайты Васойы историон-этимологион дзырдуаты дыккаг томы англисаг тӕлмацы презентаци.
Ӕмбырды ма равдыстой дзырдуаты электронон верси.
Презентацийы архайджыты ӕхсӕн уыдис Ӕвзагзонынады институты ирайнаг ӕвзӕгты секцийы сӕргълӕууӕг Олег Беляев, Скӕсӕнзонынады институты директоры хӕдивӕг Александр Скаков, Скифты-аланты иртасӕнты центры сӕргълӕууӕг Сӕлбиты Тамир, кинорежиссер Сӕлбиты Аким, зындгонд скульптор Соскъиты Владимир ӕмӕ бирӕ ӕндӕртӕ.
Тӕлмацгӕнӕггаг ӕхцатӕ ӕмбырдгонд ӕрцыдысты Мӕскуыйы цӕрӕг ирӕтты руаджы.
-
2022-11-24 17:49:40+00:00
🍷Хуссар Ирыстонӕй Уӕрӕсемӕ сӕны экспорт ацы аз фӕфылдӕр 50%-ы онг.
Кӕй зӕгъын ӕй хъӕуы, хорз хабар у - фылдӕр куысты бынӕттӕ уыдзӕн Ирыстоны.
-
2022-11-22 17:58:52+00:00
⚡️ Хуссар Ирыстоны ногдӕр истори райдыдта 23 ноябры 1989 азы.
Уӕд райдыдта гуырдзиаг-ирон ныхмæлæуд. Уыцы бон Тбилисы ’рдыгæй сæдæгай автобустыл Цхинвалы ’рдæм рацыдысты дӕсгай мин гуырдзиаг фашисттӕ Цхинвалы митинг уадзынмæ.
Фæлæ сын сæ сау фæндтæ сæ хъуыры фæбадын кодтой 200 сӕдӕ ирон цæхæрцæст лæппутæ ӕмӕ сӕ Цхинвалмӕ нӕ бауагътой.
Уыцы бонты тыххӕй гуырдзы афтӕ зӕгьы: «Уыцы дыууæ сæдæ иронӕй мах сарæзтам национ хъайтартæ, уымæн æмæ уыдон фæстæмæ раздæхтой 70 мин гуырдзиаджы. Стыр рæдыд уыд Цхинвалмæ цæуын, фæлæ дыууæ хатты стырдæр рæдыд та уыд фæстæмæ раздæхын».
☝️Ӕвӕццӕгӕн, ирон лӕппутӕн Уастырджи ӕххуыс кодта, уӕд дӕр уыд Уастырджийы къуыри.
-
2022-11-21 12:31:45+00:00
⚡️ Хъӕдӕй арӕзт хӕдзӕрттӕ чи уадзы, уыдонӕн лӕвӕрд ӕрцӕудзысты паддзахадон субсидитӕ, ахӕм уынаффӕ рахаста Мишустин.
Ацы субидиты нысан у адӕмӕн баххуыс кӕнын ӕнцонвадатӕй дӕр сӕхицӕн хӕдзӕрттӕ ӕлхӕнын.
-
2022-11-21 08:44:59+00:00
⚡️ Бæрæгбоны хорзæх нæ уæд, Иры адæм!!!
-
2022-11-20 19:20:29+00:00
⚡️ Уыртаты Эльбрусы бӕхджын къорд уын арфӕтӕ кӕны Бӕрӕгбоны фӕдыл.
-
2022-11-20 10:44:10+00:00
⚡️ Абон Ирыстоны райдыдта нæ сæйрагдæр æмæ кадджындæр бæрæгбæттæй иу – Джеоргуыба æмæ уын зæрдиаг арфæ кæнӕм!
Сабырдзинад, æнæниздзинад, бинонты амонд æмæ фарн — ууыл уыдзысты Уастырджимæ кувæн къуыри нæ адæмы куывдтытæ.
Нæлгоймæгты, хӕстонты æмæ бæлцæтты бардуагыл фæдзæхсдзыстæм абон тохы быдыры цы сахъхъ лæппутæ ис, уыдоны. Уастырджи сæ фыдбылызæй хъахъхъæнæд, сæ хæдзæрттæм уæлахизимæ сыздæхæнт!
Зынаргъ хæлæрттæ, бæрæгбоны хорзæх уæ уæд! Уæ зæрдиаг куывдтытæ æмæ арфæтæ Уастырджимæ хъуысæнт! Кæрæдзийы æмбаргæйæ, кæрæдзийæн аргъ кæнгæйæ сабырæй куыд цæрæм, ахæм амонд нæ уæд!
-
2022-11-18 18:25:54+00:00
📚 Сласут уӕхицӕн ирон электронон чиныгдонӕй чингуытӕ ирон ӕвзагыл.
-
2022-11-17 18:43:18+00:00
⚡️ Йæ юбилей бæрæг кæны Хуссар Ирыстоны фыццаг президент Цыбырты Людвиг.
90 азы сӕххӕст Хуссар Ирыстоны фыццаг президент, историон наукæты доктор, Цæгат Ирыстоны наукæйы сгуыхт архайæг, Уæрæсейы æрдззонынады наукæты академийы уæнг Цыбырты Людвиг.
Политикон, æхснадон архайæгæн, ахуыргондæн абон йæ гурæнбоны фæдыл раарфæ кодтой Ирон театры Цӕгат ӕмӕ Хуссар Ирыстоны сӕргьлӕууджытӕ, йе'мкусджытæ, стæй Ирыстоны интеллигенцийы минæвæрттæ.
-
2022-11-17 08:23:09+00:00
⚡️ Теннисист Хъарацаты Аслан ӕрцыд Ирыстонмӕ ӕмӕ ауагъта мастер-класс Академи "Асгарды".
-
2022-11-16 18:51:01+00:00
⚡️ Хуссар Ирыстоны фæсарæйнаг хъуыддæгты министр Джиоты Æхсар:
«Кусдзыстæм, цæмæй нын нæ паддзахадон хæдбардзинад банымайой æндæр бæстæтæ дæр».
-
2022-11-16 18:29:11+00:00
📔 Мыхуырæй рацыд журнал «Мах дуг»-ы радон 10-æм номыр.
Прозаик, драматург, Ирыстоны аивæдты сгуыхт архайæг Туаты Дауыты райгуырдыл сæххæст 120 азы. Дауыт 1940 азы 21 апрелæй 1964 азы 19 июлмæ цы боныг фыста, уый рауагъдад «Ир» цæттæ кæны чиныджы хуызы рауадзынмæ.…
-
2022-11-16 15:50:11+00:00
-
2022-11-16 14:14:29+00:00
⚡️ Уыртаты Эльбрусы бӕхджын къорд райста хайад официалон Дунеон футболон чемпионаты видеойы.
-
2022-11-16 13:59:33+00:00
⚡️ Æрыдоны фӕзынд стыр Нартамонгӕ.
-
2022-11-15 19:58:42+00:00
⚡️ Сочайы тӕрхондон ныууагъта ӕнӕивд Челдиты Вадимы тӕрхон.
Куыд ӕй зонӕм, Челдийы фырты "сбадын" кодтой ахӕстоны ӕмӕ йын радтой 10 азы.
-
2022-11-15 12:25:52+00:00
⚡️ Ирон адӕмон поэт Кодзаты Ахсарӕн конд ӕрцыд мемориалон фӕйнӕг.
Ацы нысан конд ӕрцыд республикӕйы фысджыты советы инициативӕмӕ гӕсгӕ поэты хӕдзарыл Дзæуӕджыхъæуы Коцойты Арсены уынджы. Фӕнӕджы автор у зынгӕ ирон скульптор Хайты Ибрагим.
-
2022-11-14 18:56:04+00:00
📚 Дзæуджыхъæуы мыхуыры рацыд «Ирон нартиадæйы энциклопеди»-йы æртæтомоны дыккаг чиныг.
Уæрæсейы Зонæдты академийы Дзæуджыхъæуы зонадон центры директор Цыбырты Алексей куыд радзырдта, афтæмæй проект у 50 ахуыргондæй фылдæры дæс азы куысты хатдзæг.
-
2022-11-14 14:12:05+00:00
⚡️ Ног къуырийы къуырисӕр Ирыстоны уыдзӕн улӕфгӕ бон.
Ӕппӕт ирон адӕм цӕгатӕй хуссармӕ нысан кӕндзысты не'стырдӕр националон дины бӕрӕгбӕттӕй сӕ иу - Уастырджийы Бонтӕ! Йӕ хорзӕх нӕ уӕд!
Цымыдисон уый у ӕмӕ Цӕгат Ирыстоны сыгъдӕг ирон бӕрӕгбонтӕй ӕрмӕст ацы Стыр бӕрӕгбон нымад у куыд официалон улӕфгӕ боныл дӕр.
📍Улӕфгӕ бон - выходной день
-
2022-11-14 11:02:35+00:00
⚡️ Турчы Мидхъуыддӕгты министр:
"Мах не райсдзыстӕм АИШы тӕфӕрфӕс, уый тыххӕй ӕмӕ зонӕм кӕм ӕрцыд организаци Стамбулы теракт ӕмӕ йӕ кӕцӕй кодтой координаци".
-
2022-11-13 20:01:34+00:00
⚡️ Сӕуӕсса ӕрхаста нӕ рагфыдӕлтӕм йӕ ахуырад.
Кӕд ӕмӕ пысылмон дины ахуырад арабагтӕн ӕрхаста Мухамед, чырыстӕттӕм - Иисус, нӕ рагфыдӕлты та нӕ дины ахуырадимӕ базонгӕ кодта нартты ныййарӕг Сӕуӕсса.
Нартӕ систы Уацамонгӕйы (Уац, Амонгӕ) хъахъхъӕнджытӕ.
Ацы ӕмӕ ӕндӕр фылдӕр цымыдисон информаци базондзыстут ног ирон динон тг-каналӕй.
-
2022-11-13 14:42:30+00:00
⚡️ Чиныг "Ирон дины" автор Хъаныхъаты Бола ӕмбарын кӕны, цы у ирондзинад ӕмӕ ирон дин.
-
2022-11-12 21:32:30+00:00
⚡️ Цхинвалы "Интернационалон уынгӕн" йӕ ном ивд ӕрцӕудзӕн.
Ныр уынг хӕсдзӕн Хуссар Ирыстоны бындурӕвӕрӕг Цоциты Аланы ном.
-
2022-11-12 20:06:44+00:00
⚡️ Ирыстоны кӕмттӕ Тырсы, Хъуд, Къоб ӕдзӕрӕг систы.
Ацы видеойы уынут фӕстаг ирон сылгоймаджы нӕ зӕххытыл, кӕцыты Советон Цӕдис балӕвар кодта Гуырдзыстонӕн.
-
2022-11-12 13:45:40+00:00
🌍 Ног къуыри Зӕххыл цӕрджыты нымӕц ахиздзӕн 8 миллиардӕй, - ИНО
📍ИНО - Иугонд Нациты Организаци
-
2022-11-11 23:17:41+00:00
🤴Цалдӕр боны размӕ Путинмӕ уазӕгуыты уыд Туркменистаны сӕргълӕууӕг Сердар Бердымухамедов.
Куы ахъуыды кӕнӕм уазӕджы номыл, уӕд фӕхатдзыстӕм уый ӕмӕ Сердар, Сӕрдар, Сӕргълӕууӕг, Царь рацыдысты иу ныхас "СӔР" - ӕй ӕмӕ нысан кӕнынц къухдариуӕг чи кӕны, ахӕм лӕгты.
Ардыгӕй ма гӕнӕн ис ахӕм хатдзӕг рахӕссын ӕмӕ ирон паддзахадон династи Цӕрӕзонтӕ дӕр сӕ ном ацы ныхасӕй райстой.
📍сӕр - голова
📍хатдзӕг - вывод
-
2022-11-11 16:08:32+00:00
⚡️ Цӕгат Ирыстоны цӕрджытӕн ис фадат хохрӕбын цӕрын ӕмӕ ма уый тыххӕй ноджы мызд исын.
Ахӕм бӕллицон ваканси цымыдисон кӕмӕн у, уый ардӕм фӕдзурӕд.
Ӕхсӕу у хъӕбӕр рӕсугъд бынат.
-
2022-11-11 12:47:19+00:00
⚡️ Куыд ӕй зонут, Уӕрӕсейы ӕфсад уырыссаг сахар ХЕРСОН ныууагъта ӕмӕ рахызт Днепры галиу фарсмӕ.
Цымыдисон уый у ӕмӕ 1944 азы Херсон ссӕрибар кодта не'мзӕххон Инӕлар Плиты Иссӕ.
Ӕвӕццӕгӕн, ныр дӕр та ирон инӕлар хъӕуы не' фсады.
-
2022-11-10 22:27:41+00:00
⚡️ Уӕрӕсейы ӕфсад Херсон куы ныууадза ӕмӕ Днепрӕн йӕ рахизбылӕй галиуырдӕм фӕстӕмӕ куы рахиза, уӕд украинаг ӕфсадӕн сӕ бон суыдзӕн Хъырыммӕ цы фӕндӕгтӕ цӕуынц, уыдон ӕхсты бын фӕкӕна.
📍Хъырым - Крым
-
2022-11-10 16:00:01+00:00
⚡️🛢️ Хуссар Ирыстоны ӕрхаудзӕн ӕртаджы аргъ.
Паддзахадон организацитӕн АИ-92 аргъ слӕудзӕн ӕрмӕст 48 сомы, раздӕры аргъ уыд 2 сомы фылдӕр - 50 сомы. Адӕмӕн та йӕ йӕ бон уыдзӕн ноджы асламӕйдӕр ӕлхӕнын - 46 сомӕй.
Министр Тадтаты Дзамболаты ныхӕстӕм гӕсгӕ, ахӕм уынаффӕ рахаста Хуссар Ирыстоны Президент.
📍ноджы - еще,
📍фылдӕр - больше,
📍ӕрмӕст - только,
📍ӕлхӕнын - покупать,
📍ӕртаджы аргъ - стоимость бензина,
📍уынаффӕ рахӕссын - принять решение.
-
2022-11-10 11:37:25+00:00
⚡️ Туркаг султан Эрдоган куыд радзырдта, уымӕ гӕсгӕ Уӕрӕсейы ӕфсад Херсон кӕй уадзы, уый тынг хорз хабар у.
Зынгӕ ирон блогер Мамиты Алан ацы хабары тыххӕй арф ныхъхъуыды кодта ууыл, ӕмӕ турчы 'фсад Хуссар Кавказмӕ куы ӕрбабырса, уӕлдайдӕр Абхаз ӕмӕ Хуссар Ирыстонмӕ, уӕд уырыс се' фсад Абхазы ӕмӕ Ирыстоны территорийӕ дӕр ракӕндзысты?
-
2022-11-10 08:17:39+00:00
⚡️ БОНВӔРНОН: Арæх, нæ гарзджын тыхтыл дзургæйæ, ис фехъусæн, ома, ӕхца нæм нæй. Экономикæ нæм нæй, даргæ та сæ цæмæй фæкæндзыстæм? Хуссар Иры раздæры президент дæр ма республикæйы æфсад ахæм хъуыдыимæ пырх кодта.
Ахæм хъуыдыйыл хæст чи у, уыдон ма арæх дæнцæгмæ хæссынц Кадыровы куыд тыхджын разамонæгы. Ома, кæсут, йæхи гарзджын тыхтæ ис Цæцæнæн.
Ныхас дæр ууыл у, æмæ ис. Уымæн æмæ Цæцæнæн, æвæццæгæн, ис тынг стыр экономикæ. Уый алчидæр зоны.
Кæд уæ ницы хъæуы царды, кæд исчи йæхи ничийыл нымайы æмæ йæ цард цæрæнбонты фæнды ничи уæвын - уæ бар уæхи. Мауал ниут æрмæст.
Саразæн та, цард æмæ йæ нæхи истори куыд æвдисынц, алцæмæн дæр ис. Уæлдай дæр стыр паддзахад дæ фарсмæ куы уа, уæд.
Фæлæ уал уый размæ хъуамæ дæхи адæмыл нымайай, дæ республикæ - паддзахадыл (о, тыхджын æмæ стыр нын нæу), æмæ искæй раз дæхи цагъайраг ма кæнай.
Змæлгæ æмæ архайгæ. Sapienti sat.
-
2022-11-10 06:40:18+00:00
⚡️ Мæскуыйы фембæлд уыд Хуссар Ирыстоны Хицауады сæрдар Джуссойты Константин æмæ Уæрæсейы Федерацийы Хицауады сæрдары хæдивæг Александр Новакæн.
Фембæлды рæстæджы æруынаффæ кодтой РХИ-йы социалон-экономикон рæзтмæ здæхт æмархайды фарстытыл. Фæрстæ банысан кодтой стратегион партнерондзинад æмæ æмцæдисады фæдыл хуссарирыстойнаг-уæрæсейаг ахастытæ æппæтварсонæй фидардæр кæй цæудзысты, уый.
📍Фӕрстӕ - стороны
-
2022-11-09 22:53:34+00:00
⚡️ Абхазаг Минӕварады Мӕскуыйы фембӕлдысты Абхазы ӕмӕ Ирыстоны фӕсарӕйнаг хъуыддӕгты министртӕ Ардзинба Инал ӕмӕ Джиоты Ӕхсар.
Ӕфсымӕрон адӕмты минӕвартӕ адзырдтой сӕ иумийаг пълӕнты тыххӕй.
📍минӕвар - посол
📍минӕварад - посольство
-
2022-11-09 21:34:17+00:00
⚡️ ХИПУ-йы профессортӕ ӕмӕ студенттӕ ауагътой Хубулы мысӕн изӕр.
Фӕхуыдтой Ирыстоны хъайтары изӕрмӕ Хубулы ӕввахс хиуӕтты ӕмӕ ӕмкусджыты, цӕмӕй уыдон фӕссивӕдӕн фылдӕр Хубулы тыххӕй радзурой.
Ахӕм ӕмбӕлдытӕ тынг хорз мадзалтӕ сты ӕмӕ сӕ хъӕуы дарддӕр дӕр уадзынц.
-
2022-11-09 19:24:51+00:00
⚡️Сомихӕгтӕ уадзынц Ереваны митинг Уӕрӕсейы ныхмӕ. Стӕй цӕмӕй сомихы паддзахад ОДКБ-йӕ рахиза.
Ахӕмтимӕ Арменийы паддзахад бирӕ нӕ ахӕсдзӕн, кӕмдӕр иу турккаг цин кӕны.
📍сомихаг - армянин
-
2022-11-09 13:09:12+00:00
⚡️ Херсоны административон хӕдзӕрдтӕй фесӕфтысты Уӕрӕсейы Федерацийы паддзахадон тырысатӕ.
Экспертты хъуыдымӕ гӕсгӕ, Уӕрӕсейы ӕфсад хъавы сахар Херсон ныууадзынмӕ.
-
2022-11-09 12:30:17+00:00
📈 Ног азӕй минималон мызды бӕрц фӕфылдӕр уыдзӕн, - Куысты министрад.
Минималон мызд индексаци ӕрцӕудзӕн 16,9%, фӕцӕрӕн минимум та - 13,6%.
📍минималон мызд - минимальная зарплата,
📍фӕцӕрӕн минимум - прожиточный минимум.
-
2022-11-09 10:33:11+00:00
⚡️ Дыгъуысты Заринӕ нӕ бакуымдта УФ-йы Минэкономикӕйы кусын.
Цӕй тыххӕй нӕ бакуымдта, уый бӕрӕг нӕу.
УФ-йы Вице-премьер Чернышенко йын ӕртӕ къуырийы размӕ, Ростуризмы ӕхгӕды фӕстӕ, загъта, кӕй йӕ фӕнды, цӕмӕй дарддӕрдӕр Дыгъуысты Заринӕ куса, куыд туризмы куратор Минэкы.
📍нӕ бакомын - отказаться
-
2022-11-08 23:25:18+00:00
⚡️ Украинаг ӕфсад бырсы Херсонмӕ ӕмӕ фӕстаг информацимӕ гӕсгӕ Снегиревкӕйы цӕгаттаг фарс бацахста (кӕс картӕмӕ) .
Украинаг ӕфсӕдтонтимӕ иумӕ не'фсады ныхмӕ хӕцынц фӕсарӕйнаг ӕххуырсттӕ, кӕдон дзурынц англисаг ӕмӕ французаг ӕвзӕгтыл.
📍ӕххуырст - наемник
-
2022-11-08 17:37:56+00:00
⚡️ Мӕскуыйы тӕрхондон адаргъ кодта Такоты Сергей ӕмӕ Диамбегты Аланы ахст 30 январы онг.
-
2022-11-08 15:34:55+00:00
🇱🇷 Фыццаг экзитполтӕ АИШы ӕвзӕрстыты ӕвдисынц, республикайнӕгтӕ кӕй ӕмбулынц, уый.
-
2022-11-08 15:22:54+00:00
🤌🏻 Ирон ӕвзаджы хъысмӕтыл адзырдтой "Изӕры рады".
-
2022-11-08 14:49:11+00:00
⚡️Рӕстӕг ӕрцыд кӕрӕдзийы паддзахадты банымайын.
Ирон-ирайнаг паддзахадон ахастдзинӕтӕ сӕндидзын кӕнын, кӕй хъӕуы, ууыл дзырдтой Хуссар Ирыстоны фӕсарӕйнаг хъуыддӕгты министр Джиоты Ӕхсар ӕмӕ Ираны Минӕвар Уӕрӕсейы Казем Джелали.
Ирон министр ма тӕфӕрфӕрс ракодта Ираны адӕмӕн.
-
2022-11-07 16:01:15+00:00
⚡️ 55 азы размӕ райдыдта ансамбль "АЛАНЫ" диссаджы истори ӕмӕ уыцы истори у баст Уарзиаты Хадзысмелимӕ.
Йæ алы нуар дæр кафты æвзагæй кæмæн дзырдта, йæ уæнгты рог айст æмæ хæрзконддзинад абон дæр ма цæстытыл кæмæн уайынц, уыцы Хуыцауысконд адæймаг уыд, курдиатæй Дунескæнæг кæй фæхайджын кодта æмæ Ирыстоны балетмейстеры классикон хореографийы ахуырад фыццаг чи райста, уый, хореограф, Цæгат Ирыстоны адæмон кæфтыты ансамбль «Алан»-ы раздæры аивадон разамонæг, УФ-йы аивæдты сгуыхт архайæг, Цæгат Ирыстоны адæмон артист УАРЗИАТЫ ХАДЗЫСМЕЛ.
Уарзиаты Хадзысмелыл дыууын фондз азы йеддæмæ нæ цыд, афтæмæй, ансамблы солист уæвгæйæ, 1963 азы ссис Цæгат Ирыстоны АССР-йы сгуыхт артист, ирон кафты аивады райрæзтмæ цы стыр æвæрæн бахаста, уый тыххæй.
Æрмæст уый фæстæ 1964-1969 азты райста профессионалон ахуырад Мæскуыйы паддзахадон театралон аивады институты.
Фæстаг курсы ма ахуыр кодта, афтæмæй нысангонд æрцыд ансамбль»Алан»-ы аивадон разамонæг æмæ балетмейстерæй.
-
2022-11-07 13:20:50+00:00
🇱🇷 Цалдӕр америкайнаг дохтыры ӕрцыдысты Гуырдзыстонмӕ, цӕмӕй феной ахӕстоны чи бады, уыцы раздӕры президенты - Мишико Саакашвилийы.
Дохтыртӕ се'ркаст куы фесты, уӕд фехъусын кодтой уый, ӕмӕ Мишикойӕн серьезон магъзы проблемӕтӕ ис.
Цхинвалы куыд дзурынц, уымӕ гӕсгӕ ахӕм диагноз ирон адӕм Мишикойӕн нырид 2008 азы сывӕрттой, ацы рынчын хӕст куы расидт Ирыстоны ныхмӕ, уӕд.
📍магъз - мозг
📍нырид - уже
-
2022-11-07 10:03:57+00:00
🏔Ирыстоны æрдзы диссæгтæй иууыл банымайæн ис Мидæгрæбыны дӕлвӕз дӕр.
Ацы рӕсугъд бынатмӕ тырнынц ӕрбацӕуынмӕ мингай адӕм ӕппӕт Ирыстонӕй ӕмӕ Уӕрӕсейӕ.
📍дӕлвӕз - долина
-
2022-11-06 15:50:40+00:00
⚡️ Абон зындгонд паддзахадон архайӕг, Хуссар Ирыстоны хӕдбардзинады сæрыл тохгӕнӕг Хуыбылты Валерийыл сӕххӕст уыдаид 56 азы.
Цыдæриддæр арæзта Хубул, уый арæзта Ирыстонæн, йæ хуыздæр фидæны тыххæй. Куы-иу ныхас кодта æндæр истæй тыххæй дæр, уæддæр-иу йæ хъуыдытæ Ирыстоныл уыдысты — куыд уыдзæн йæ сомбон, куыд цæрдзыстæм… Фæндæгтæ агуырдта йæ райгуырæн бæстæ сæндидзын кæныны тыххæй.
Йæхицæн нæ тæригъæд кодта, æмæ йын Хуыцау дæр стыр тыхтæ лæвæрдта, цыма йæ ацы зын рæстæджы сæрмагондæй Ирыстонæн æххуысæн сæвзæрста, уыйау.
Фæндыдис æй сабырдзинад, цæмæй фыдракæндтæ мауал уыдаид нæ зæххыл, цæмæй нæ фæсивæд раст фæндагыл ныллæуыдаид, цæмæй макæй мад фæрыстаид хæсты аххосæй.
-
2022-11-06 11:57:01+00:00
⚡️ ИРОН ТЕЛЕГРАМ
Ӕрзылдтӕн телеграм-каналтыл ӕмӕ иронау чи фыссы, ахӕм каналтӕ дзы ӕрмӕст ӕртӕ "ссардтон.
Ирон телеграм-каналтӕ:
Фидиуӕг
Хурзӕрин
Fedog
Дарддӕр арӕх мыхуыр кӕндзынӕн ирон каналты номхыгъд.
📍Номхыгъд - список
#остел #иртел #irtel #ostel
-
2022-11-06 10:11:22+00:00
⚡️ Нырыккон хӕст видеойы.
Раздӕр лӕг йӕхи тыхӕй хӕцыд.., ныр та ног техникӕ ахӕм дард ацыд ӕмӕ ахӕм эффективон 'сси, ӕмӕ дзы никуыд нӕ бамбӕхсдзынӕ хӕсты быдыры дӕр.
-
2022-11-05 21:48:17+00:00
⚡️ Хуссар Ирыстоны политик Гарри Мулдарты бахъавыд ног политикон парти саразынмӕ.
Куыд ӕй хъуыды кӕнӕм фӕстаг президентон ӕвзӕрстыты, Мулдарты Гарри дӕр уыд кандидатты 'хсӕн. Мах ӕй бахъуыды кодтам уӕд, куыд Бибылты Анатолийы сӕйраг критиктӕй сӕ иу.
Дыккаг туры президентон ӕвзӕрстыты Гарри рахӕцыд Гаглойты Аланы 'вварс.
Ныр, ӕвӕццӕгӕн, Гарримӕ фарстатӕ фӕзынд ног президентмӕ дӕр.
-
2022-11-05 13:10:53+00:00
❄️ Транcкамы xуссар хайы æруарыд мит: уӕхи цӕттӕ кӕнут - зымӕг ӕрбаввахсдӕр кӕны.
-
2022-11-05 12:07:50+00:00
ИРЫ ИУДЗИНАД
Ныр цы бакæнон зæрдæйæн,
Хи туг хионы куы агуры?!
Æз Къоста æмæ Уиллиамы,
Ныр куыд бауарзон иухуызон?!
Æз ирон ныхас куы фехъусын,
Зæрдæ къахфындзтыл ракафы!
Æз ирон сылгоймаджы арæх зæдимæ абарын,
Мæн нæ хъæуы парижаг чызг,
Зæрдæйы ис æрмæстдæр «сауæрфыг».
Иунӕг Стыр Хуыцау ме'вдивæн,
Ис ариаг дин ирæттæн,
Æз рæстаг зæд æмæ Уастырджи,
Дзуттаг динæй нæ баивдзæн.
Æз нæртон ном Æхсæртæджы
Стæй Ирыстон ӕмӕ Ацæрухсы,
Ныр куыд баивон' ндæр нæмттæй?!
-
2022-11-05 09:59:47+00:00
⚡️ Абоны бон Ирыстоны у Уӕлахизы Бон!
Ирон адӕм сӕ Иудзинады фӕрцы фӕуӕлахиз сты 30 азы размӕ Ирыстонмӕ, цы мӕхъӕлы национал-экстремистты гарзджын баиугӕндтӕ ӕрбабырстой, уыдоныл.
-
2022-11-04 22:15:01+00:00
📱📲 Информаци фылдӕр телеграм-каналтӕй чи исы, уыдон нымӕц ӕртӕ хатт фӕфылдӕр ис фӕстаг фараст мӕйы.
Левадайы центрмӕ гӕсгӕ уыдонӕн сӕ нымӕц схызт 18%-ы онг.
Социалон хызты, куыд информацийы гуырӕн, банымадтой пайдагӕнджыты 32%.
📍Социалон хыз - соцсеть,
📍Пайдагӕнӕг - пользователь,
📍Информацийы гуырӕн - источник информации
-
2022-11-04 21:20:22+00:00
⚡️ Арфæтæ Адæмы иудзинады боны цытæн.
Президент Гаглойты Алан раарфæ кодта Уæрæсейы Федерацийы Президент Владимир Путинæн Адæмы иудзинады боны фæдыл.
Арфæйы, сæрмагондæй, дзырдæуы:
«Цытджын Владимир Владимиры фырт!
Республикæ Хуссар Ирыстоны адæмы æмæ сæрмагондæй мæхи номæй зæрдæбынæй арфæ кæнын дæуæн æмæ Уæрæсейы Федерацийы æппæт адæмæн паддзахадон бæрæгбон…
-
2022-11-04 13:14:31+00:00
🇬🇧 Британийы ног хицауады сӕргълӕууӕг у Индийӕ рацӕугӕ Сунак, уый ныр дӕр хӕст у индусаг диныл.
Видеойы куыд уынут, афтӕмӕй Сунак йӕ ног резиденцийы уадзы рагон индусаг ритуал. Ацы архайдимӕ индусаджы фӕнды, цӕмӕй йӕ къухдариуӕг хорз ахъаз фӕуа Англисӕн.
-
2022-11-04 12:59:58+00:00
⚡️АИШы раздӕры президент Трамп та ногӕй сфӕнд кодта президентон бынат бацахсынмӕ.
Ног президентон ӕвзӕрстыты 2024 азы хайад райсыны уынаффӕ Трамп рахӕсдзӕн ног къуыри, Конгрессмӕ хъӕлӕсӕппарынтӕ куы фӕуой, уӕд.
-
2022-11-04 10:46:45+00:00
⚡️ 30 азы размӕ Цӕгат ӕмӕ Хуссар ИР равдыстой ӕцӕг ИУДЗИНАД ӕмӕ стох кодтой иумӕ ӕрбабырсӕг мӕхъӕлы национал-экстремистты гарзджын баиугӕндтимӕ.
Уыцы хæсты хъæбатырæй тох кодтой Сланты æртæ æфсымæры — Славик, Валерик æмæ Вовæ. Бирæ фæтох кодтой нæ Иры зæххмæ æрбабырсджыты ныхмæ, фæлæ ӕртӕйӕ дæр бабын сты.
Октябрыхъæуы Сланты æфсымæрты номыл ныр уынг кæм ис, уый райдианы сын сæвæрдтой номарæн цырт дæр.
ИУДЗИНАДЫ НӔ ТЫХ!
-
2022-11-04 09:56:30+00:00
🇱🇷 "Мӕн уырны уый, ӕмӕ украинӕгтӕн сӕ бон у сахар Херсон фӕстӕмӕ байсын", - АИШы хъахъхъӕнынады министр Ллойд Остин "рекомендаци" кӕны украинаг хицауадӕн Херсонмӕ бабырсын.
-
2022-11-04 08:29:09+00:00
👑 Ирон чындзӕхсӕв Турчы!
Ирон хъӕу Пойразлы (Турци), кӕцыйы цӕрынц фондз сӕдӕ ӕмбӕстӕгтӕ, Седа Царикати и Хусейн Кенти сӕ хъысмӕттӕ баиу кодтой.
Амондджын уæнт!
-
2022-11-04 07:58:35+00:00
🏗️🏢 Цалцæг кæнынц скъолайы агъуыст.
Дзауы районы Ручъы астæуккаг скъола сырæзт 40 азы размæ. Хъæздыг истори ис ацы скъолайæн, схъомыл дзы бирæ хорз адæм. Фæлæ фыдрæстæг ацы скъолайыл дæр бандæвта. Бæстыхай йæхæдæг афтæ зæронд нæу, фæлæ Рукъы комæй адæм фæлыгъдысты æмæ дзы сывæллæттæ кæй нал…
☝️Фӕрсут Хурзӕрин!
-
2022-11-03 17:55:48+00:00
⚡️Уираг паддзахады цы ӕвзӕрстытӕ ацыдысты, уым Нетаньяхуйы Блок фӕуӕлахиз, райста фылдӕр бынӕттӕ Кнессеты.
Израилы хицауады сӕргълӕууӕг Яир Лапид нырид басаст йӕ парти кӕй фембылд, ууыл.
-
2022-11-03 17:38:15+00:00
🇱🇷🇪🇺 Ныгуылӕны хӕстон альянсы Генсек Столтенберг куыд хъусын кӕны, уымӕ гӕсгӕ Финлянди ӕмӕ Швеци Турцийы домӕнтӕ сыххӕст кодтой ӕмӕ ныр рӕстӕг ӕрцыд НАТО-мӕ сӕ райсын.
Столтенберджы ныхӕсты фӕстӕ сахат дӕр нӕ рацыд, афтӕ туркаг политик Мевлют Чавушоглу альянсы хистӕры ныхӕстӕ схуыдтӕ гӕдыныхӕстӕ, ӕмӕ ноджы бафтыдта, Швеци ӕмӕ Финлянди, кӕй не'ххӕст кӕнынц Турчы домӕнтӕ.
-
2022-11-03 14:02:15+00:00
⚡️ МГУ-йы доцент Беляевы хъуыдымӕ гӕсгӕ, тынг тӕссаг сты ахӕм хъуыдытӕ: ома, цӕмӕн нӕ хъӕуы ирон ӕвзаг, кӕд дзы ӕрмӕстдӕр иронау пайда кӕнын бабуимӕ дзургӕйӕ.
Уырыссаг ахуыргонды хъуыдымӕ гӕсгӕ, ахӕм ныхӕстӕ сты ӕвзаджы фесӕфты фыццаг къахдзӕф!
МГУ нын рекомендаци кӕны, цӕмӕй иронау дзурӕм. Дзурдзыстӕм?
-
2022-11-03 10:18:04+00:00
⚡️Абон Цхинвалы Венесуэлайы ног Минӕвар Хесус Рафаэль Саласар Веласкес бадӕдта йӕ ӕвдисӕнгӕххӕт Хуссар Ирыстоны Президент Гаглойты Аланмӕ.
Венесуэлайы ӕмӕ Хуссар Ирыстоны паддзахадон ахастдзинӕдтӕ райдыдтой 2009 азы, ацы паддзахaдтӕ кӕрӕдзийы хӕдбардзинад куы банымадтой, уӕд.
-
2022-11-03 09:50:54+00:00
⚡️ Ӕхсай азы размӕ ӕнӕхъӕн Дуне фыццаг хатт адӕмон историйы уыд сӕфты былыл - атомон хӕстмӕ Советон Цӕдис ӕмӕ Иугонд Штатты бирӕ нал хъуыд.
Цӕмӕ рахаста Никита Хрущев ахӕм уынаффӕ ӕмӕ атомон хӕцӕнгарз сӕвӕра Сӕрибары сакъадахы - Кубӕйы?
Куыд фервӕзын кодта Плиты Иссӕ Зӕхх, уый уынын кӕны Сергей Брилев йӕ фильм "Карибаг кризисы".
-
2022-11-03 09:18:41+00:00
⚡️ Абон Херсоны администрацийы хӕдзары сӕрӕй ист ӕрцыдысты Уӕрӕсейы ӕмӕ ног регион Херсоны тырысатӕ.
Херсон у Уӕрӕсейы хай, фӕлӕ социалон хызты куыд хъуыды кӕнынц, уымӕ гӕсгӕ гӕнæн ис ӕмӕ ацы сахар не'фсӕдтонтӕ ныууадзой, кӕнӕ та сахар уыдзӕн стыр тохы бынат.
-
2022-11-02 16:47:15+00:00
⚡️ Немыцаг медиа куыд хьусын кӕны, уымӕ гӕсгӕ немыцӕгтӕ арӕхдӕр райдыдтой Уӕрӕсейы 'вварс хӕцын.
Фылдӕр ӕмӕ фылдӕр бюргерты уырны уый, ӕмӕ Путин хорз президент у, кӕцы хӕцы глобалон элитӕйы ныхмӕ ӕмӕ фашистон режимимӕ Украинӕйы.
Стӕй сӕ уый дӕр уырны ӕмӕ АИШ уагъта Украинӕйы биологон хӕцӕнгӕрзтӕ сӕ лабораториты.
-
2022-11-02 12:42:57+00:00
🏛 Цӕгат Ирыстоны паддзахадон ансамбль "АЛАН" ратдзӕн концерт Цхинвалы.
"Аланы" фӕхуыдта Хуссар Ирмӕ РХИ культурӕйы министрад.
⠀
🖇️ "АЛАН" ацы аз нысан кӕны йӕ юбилей, къордыл ӕххӕст кӕны 80 азы. Ансамбль арӕзт ӕрцыд 1938 азы.
-
2022-11-02 11:12:15+00:00
⚡️ Хуссар Ирыстоны фӕсарӕйнаг хъуыддӕгты ног министр Джиоты Ӕхсар йӕ фыццаг официалон визит акодта Уӕрӕсейы Федерацимӕ ӕмӕ сӕмбӕлд УФ-йы фӕсарӕйнаг хъуыддӕгты министр Сергей Лавровимӕ.
-
2022-11-01 22:23:02+00:00
⚡️ Иран систа сырх тырыса мӕзджыт Джамкараны сӕрыл.
Куыд дзурынц хӕстон эксперттӕ, уый та нысан кӕны хӕст расидын.
Фӕстаг хатт сырх тырыса сыстой ацы мӕзджыты сӕрыл 2020 азы, Штаттӕ Сулейманийы куы амардтой, уӕд.
-
2022-11-01 21:53:58+00:00
⚡️Ирон богал ӕмӕ депутат Таймазты Артур сфӕнд кодта Специалон хӕстон операцийы (СХО) хайад райсын.
Ныртӕккӕ Артур ис СХО-йы территорийы ӕмӕ ӕххуыс кӕны бынӕттон адӕмӕн.
Цы къорды рӕнхъыты хӕцдзӕн Таймазы фырт, уый нырма бӕрӕг нӕу.
Куыд ӕй зонӕм, афтӕмӕй Донбассы хӕцынц дыууӕ ирон хӕстон къорды "Алания" ӕмӕ "Осетия".
-
2022-11-01 19:18:05+00:00
⚡️ Мӕхъӕлы республикӕйы сӕргълӕууӕджы уынаффӕгӕнӕг Костоевмӕ гӕсгӕ, Цӕгат Ирыстоны ис Дыгурон район, уый тыххӕй ӕмӕ ис дыгурон этнос, стӕй ма ис Ирафы ӕмӕ Ирыстоны районтӕ дӕр.
Ӕмӕ Костоевы хъуыдымӕ гӕсгӕ "Пригородный район" - ы ном хъӕуы баивын.
🦾Къуыдӕйрӕгтӕ стыр бузныг зӕгъынц сыхагӕн йе'рхъуыдыйы тыххӕй ӕмӕ разы сты райсомдӕр районы ном "Къуыдары районмӕ" баивын.
Сымах дӕр разы стут? 🔥
-
2022-11-01 10:56:24+00:00
⚡️ Цӕмӕй кӕрӕдзи ӕмбарӕм, мадӕлон ӕвзагыл нӕ хъӕуы фылдӕр дзурын.
Цӕмӕй нӕ фыдӕлты ӕгъдӕуттӕ, культурӕ ӕмӕ уырнынад ма ферох кӕнӕм, фылдӕр нӕ хъӕуы ахуыр кӕнын ирон ӕвзаг.
Ирон ӕвзаг куы фесӕфа, уӕд ирон адӕм дӕр фесӕфдзысты.