-
2022-03-31 12:36:51+00:00
Депутат криминалдык топтун мүчөсү менен кайдан сүрөткө түшүп жүрөт? Элмурза Сатыбалдиев бул боюнча түшүндүрмө берди
-
2022-03-31 11:43:27+00:00
Быйыл электр энергиясы кымбаттайбы?
Бул жылы электр энергиясына болгон тарифтер өзгөрбөйт. Бул тууралуу маалымат жыйынында энергетика министри Доскул Бекмурзаев билдирди.
“Өткөн жылы 2025-жылга чейин тариф саясатын бекиткенбиз. Азыр макулдашылган план менен бара жатабыз. Быйыл тарифтерди өзгөртүү каралбайт”, — деди ал.
-
2022-03-31 09:50:43+00:00
Бишкектин мэри болом деп чыр салган Төрөхан Жунусбеков эсиңердеби?
Мына ошол киши Бишкектин сөөк коюу кызматын көрсөтүү агенттигинин (БАРУ) жетекчиси болуп дайындалды.
Төрөхан Жунусбеков "Кырк чоро" уюмунун тарапташы, "Мекенчил" партиясынын мүчөсү болчу. 2020-жылдын октябрында Садыр Жапаровду кызуу колдогондордун бири эле. Баш аламандыктар учурунда Бишкектин мэрлик кызматын ээлеп калганга аракет кылган. Жапаров президент болуп дайындалгандан кийин MegaCom компаниясынын генералдык директорунун кеңешчиси кызматына бекитилген.
А сен эмнени кыйраттың, айтчы?
-
2022-03-31 07:18:48+00:00
Исхак Масалиев Акылбек Жапаровдун сүрөтүн жарыялап "Кетет, Глеб Егорович, кетет..." - деп орус тилинде жазган.
Посттун алдына комментарий жазгандардын бири "Тилекке каршы, толтура акча менен алтынды кошо ала кетет" деп жазса, Акылбек Жапаров ага: "Айтканың үчүн жооп бериш керек", - деп комментарий калтырган. 🤪
-
2022-03-31 03:55:17+00:00
Кайсы өлкөлөр Украинанын коопсуздугуна кепилдик берүүгө даяр?
Буга чейинки эки өлкөнүн сүйлөшүүлөрүнөн кийин Украина НАТОго кирүү идеясынан баш тартууга даяр экенин билдирген. Бирок, анын ордуна гарант-өлкөлөр Украинанын коопсуздугуна кепилдик берүүгө тийиш деген. Гарант-өлкөлөр деп украина тарап: АКШ, Франция, Түркия, Германия, Канада, Польша, Израиль мамлекеттерин атаган. Алар, Украинага кол салына турган болсо, ага жардам берүүгө милдеттенет, анын катарында аскердик күчтөрү менен дагы.
Германия гарант-өлкө болуп берүүгө даяр экенин билдирди, бирок аскердик колдоо көрсөтүү боюнча үн каткан жок. Улуу Британия да өзүнө гаранттын милдеттерин алууга даярдыгын жар салды, ошол эле учурда, аскердик колдоо көрсөтүү милдетин мойнуна албай турганын ачык айтты. АКШ бул боюнча жооп ката элек.
-
2022-03-31 03:00:24+00:00
Салам, достор! Бүгүн, 2022-жылдын 31-мартында Kaktus.kg телеграмм каналын ачты. Бизге катталып, бардык жаңылыктардан кабардар болуңуз!