-
2023-02-13 22:34:06+00:00
#КК_Сэргээ
💞Сүрэхтэр кэпсэтэр кэмнэрэ...
Аан дойдуга кэмиттэн, үйэтиттэн, итэҕэллэриттэн тутулуга суох хаһан баҕарар сырдык, ыраас өйдөбүллээх эбэтэр уйулҕаны долгутар тиэмэнэн таптал иэйиитэ буолар.
Олунньу 14 күнүгэр аан дойду дьоно Тапталлаахтар күннэрин бэлиэтээн, бэйэ-бэйэҕэ тапталга билинэллэр, кэрэ тыллардаах сүрэхтэри бэрсиһэллэр, араас күрэхтэри ыыталлар. Холобур, бу күн Японияҕа саамай улаханнык хаһыытаан тапталга билиниигэ күрэх буолар. Оттон Германия кыргыттара бу күҥҥэ эрдэттэн бэлэмнэнэр эбиттэр: сибэкки иһиттэригэр луковицалары олордон баран иһит аайы уолаттар ааттарын суруйан сыһыараллар уонна сылаас камин таһыгар уураллар. Ханнык горшок луковицата эрдэ тахсар да, ол уол бу кыыс анала буолар диэн быһаараллар. Дьэ ити курдук хас дойду аайы Тапталлаахтар күннэрин араастаан бэлиэтииллэр.
Онтон саха омук бу бэлиэ күҥҥэ хайдах сыһыаннаһарый? Кэргэннииллэр уонна таптаһар сүрэхтэр Тапталлаахтар күннэрин бэлиэтииллэр дуо?
https://t.me/kiin_kyorat_gazeta
-
2023-02-13 12:25:34+00:00
🎭#САХАТЕАТРА Төрөөбүт тыл, сурук-бичик күнүнэн бар дьонун-сэргэтин эҕэрдэлээн туран *«Тылбаас тыла төрөөбүт тылы байытар"* диэн ОНЛАЙН-таһаарыытын Саха театрын YouTube-ханаалыгар киирэн көрөргүтүгэр ыҥырар.
Бу биэриигэ театр эйгэтигэр тылбаасчытынан киэҥник биллэр _СӨ үтүөлээх артыыһа Кирилл Семенов_ уонна инсценировщик, сценарист, тылбаасчыт _СӨ үтүөлээх артыыската Зоя Попова_ тылбаас эйгэтигэр үлэлэрин туһунан билиһиннэриэхпит.
✅ https://youtu.be/4jUfqxB40Z0
⬆️⬆️⬆️⬆️⬆️⬆️⬆️⬆️⬆️⬆️⬆️
-
2023-02-13 12:12:10+00:00
#КК_Кэпсээн
ХАЙА
(Сэһэнтэн быһа тардыы)
Ааптар: Валерия Потапова
Тимир сарсыардааҥҥы аһылык кэннэ саамай наадалаах малын-салын ылан баран, бөһүөлэктэн тута тахсан барбыта. Кини көхсүгэр батастаах курун кэтэ сылдьара, оттон санныгар балаакката, утуйар мөһөөччүгэ уонна ыһыга быанан уонна сиилкэнэн бааллан ыйана сылдьаллара. Биилигэр кэтэр суумкатыгар кэнники ыйдарга кичэйэн хомуйбут кумааҕылара бааллара. Буерактан тэйэн истэҕин аайы, халлаана улам алдьанан, былыттанан ыган барбыта уонна онто даҕаны суох санньыйбыт санаатын ордук холуннарбыта.
Салҕыыта: https://kiinkuorat.ru/articles/haya
https://t.me/kiin_kyorat_gazeta
-
2023-02-13 11:31:21+00:00
#КК_Поэзия
Ааптар: Татыйык Мыла
***
Ийэбиттэн мин тылым,
Итии сүппэт мин тыыным,
Илгэ дорҕоон доҕорум,
Истиҥ эрэл сэгэрим.
Иккиэ бүгэн хааларга
Иллээх кэргэн буоллаҕа,
Сэһэн-сэппэ тардыһар,
Сэргэстэһэн кэбиһэр.
Арыт ыллаан ылыахпыт,
Арыт хоһоон холбуохпут,
Ырытыһан барыахпыт,
Ыйдаах түүнү көрсүөхпүт.
Чуҥкуйбаппын кинилиин,
Чугас сылдьар аттыбар,
Чуораан тэҥэ чуопчааран,
Чуордук ситэн соһутар.
Сүтэн ылар ардыгар,
Сиик буола симэлийэр-
Күннээҕи түбүктэрбэр,
Кистии куотар түгэммэр.
Онтон эмиэ эмискэ
Омуннура тиллиэҕэ,
Иэйэр куттуун сиэттиһиэ,
Иччилэнэн эргиллиэ...
Сахам тыла барахсан,
Сайаҕасчай ийэккэм,
Сайар тыына кыттыһан,
Сылаанньыйар ис эйгэм.
https://t.me/kiin_kyorat_gazeta
-
2023-02-13 10:50:37+00:00
#КК_Тургутук
😅Ийэ тыл күнүгэр билиигин тургутан көр.
👆🏻Хайа саха остуоруйаларыгар сыһыаннаах этиилэрий?
Комментарийга эппиэккин суруй👇
PS: сорудах 3-с кылаас учуобунньугуттан😉
https://t.me/kiin_kyorat_gazeta
-
2023-02-13 10:40:38+00:00
#КК_Тургутук
😅Ийэ тыл күнүгэр билиигин тургутан көр.
👆🏻Бу тылга ханнык тыллар саспыттарый?
Комментарийга эппиэккин суруй👇
PS: сорудах 3-с кылаас учуобунньугуттан😉
https://t.me/kiin_kyorat_gazeta
-
2023-02-13 10:31:02+00:00
#КК_Тургутук
😅Ийэ тыл күнүгэр билиигин тургутан көр.
👆🏻Туохтуурдартан аат тылы таһаар. Комментарийга эппиэккин суруй👇
PS: сорудах 3-с кылаас учуобунньугуттан😉
https://t.me/kiin_kyorat_gazeta
-
2023-02-13 09:33:11+00:00
#КК_ТөрөппүтКыһата
👧🏻👦🏻Оҕолорбутун сахалыы саҥардыаҕыҥ, онуоха бэйэ-бэйэбитигэр холобур буолуоҕуҥ✊
Гуляевтар: "Оҕону тыа сириттэн тэйитимиэххэ".
https://kiinkuorat.ru/articles/o-oloru-tya-siritten-teyitimiehhe
Оҕолорун үс тылынан тэҥинэн иитэр Романовтар:
https://kiinkuorat.ru/articles/o-olorbun-s-tylynan-iitebin
Элбэх оҕолоох ийэ Алла Ноговицына: "Ийэ тыл - оҕону сайыннарар инструмент"
https://kiinkuorat.ru/articles/t-r-b-t-tyl-o-o-saydarygar-tu-alaah-instrument
Владислав Коротов сайылык саха тылын иҥэрэр туһатын туһунан:
https://kiinkuorat.ru/articles/o-o-tya-siriger-sayylyahtaah
Халан: "Тыл - толкуйдуур ньыма"
https://kiinkuorat.ru/articles/halan-tyl-tolkuyduur-nyma
Ядрихинскайдар: "Ийэ тыллаах оҕо олоххо элбэҕи ситиһэр"
https://kiinkuorat.ru/articles/iye-tyllaah-o-o-olohho-elbe-i-siti-er
Педагог Татьяна Скрябина: “Оҕотун таптыыр төрөппүт сахалыы үөрэтиэхтээх”
https://kiinkuorat.ru/articles/tatyana-skryabina-o-otun-taptyyr-t-r-pp-t-sahalyy-retiehteeh
https://t.me/kiin_kyorat_gazeta
-
2023-02-13 08:25:27+00:00
#КК_Сонун
📚 Бүгүн, олунньу 13 күнүгэр, В.Г.Белинскэй аатынан куораттааҕы библиотека, тапталлаах Белинкабыт, хапытаалынай өрөмүөн кэннэ үөрүүлээх аһыллыыта буолла👏
Библиотека ааҕааччыларын сырдаан, тупсан көрүстэ🤩👍Бэл диэтэр, кэҥээбиккэ дылы буолбут👏
Манна даҕатан эттэххэ, 1992 сыллаахха Федор Попов уул.18 нүөмэрдээх дьиэтигэр көһөрүллүөҕүттэн маннык улахан өрөмүөн ыытылла илик.
Ааспыт күһүн саҕаламмыт киэҥ далааһыннаах үлэ Саҥа дьыл иннинэ түмүктэммит. Ол тухары библиотека ааҕааччыларга аһаҕас турбута хайҕаллаах👍
Бүгүҥҥү үөрүүлээх күҥҥэ кэлэктииби Олохтоох дьаһалтаттан, култуура араас тэрилтэлэриттэн кэлэн эҕэрдэлээтилэр, баҕа санаа бастыҥын анаатылар👏💐. Ыҥырыылаах ыалдьыттар, эрэллээх ааҕааччылар кинигэ кэһиилээх кэлэн, библиотека пуондатын байытарга сэмэй кылааттарын киллэрдилэр👏 Хомус дьүрүһүйдэ, ырыа-тойук дьиэрэйдэ😍
https://t.me/kiin_kyorat_gazeta
-
2023-02-13 07:33:16+00:00
#КК_Ыйытык
🤔Норуот дьокутаата Ойуур Байбал нэдиэлэ күннэрин маннык ааттыахха диэн этиилээх:
Кэрдиис - нэдиэлэ
Аан күн
Ханыы күн
Орто күн
Чэбэр күн
Чөл күн
Сүбэ күн
Өрөбүл күн
Туох дии саныыгыт?
https://t.me/kiin_kyorat_gazeta
-
2023-02-13 06:31:06+00:00
#КК_ТускарТуһан
🔶Ийэ тыл, сурук-бичик күнүгэр М.К.Аммосов аатынан ХИФУ Математикаҕа уонна информатикаҕа института С.А.Новгородов алпаабытыгар олоҕуран ОС Windows компьютерга туруоруллар сахалыы клавиатураны оҥорбут.
🤗Бу сигэнэн киирэн хачайдааҥ: https://www.s-vfu.ru/universitet/rukovodstvo-i-struktura/vspomogatelnye-podrazdeleniya/muzei/pismenmus/novgorodov/
https://t.me/kiin_kyorat_gazeta
-
2023-02-13 05:35:41+00:00
Төрөөбүт тыл уонна сурук-бичик күнүнэн эҕэрдэлиибин! Уважаемые горожане, дорогие земляки, сердечно поздравляю вас с праздником – Днем родного языка и письменности! Благодарю за кропотливый труд наших педагогов, ученых-исследователей, деятелей культуры – всех тех, кто вносит вклад в сохранение и развитие нашего родного якутского языка, родных языков других народов, населяющих нашу многонациональную республику. Уверен, что важнейшую роль в этом вопросе играет семья, родители: мы сами должны всячески поддерживать в наших детях стремление учиться и говорить, думать и чувствовать, творить на родном языке.
В этот праздничный день, в ознаменование Года педагога и наставника в России, подписано постановление об учреждении ежегодной премии трем лучшим педагогам якутского языка, литературы и национальной культуры из городских школ в размере 100 тысяч рублей. Первые обладатели премии в 2023 году будут определены по итогам конкурса к 27 апреля, Дню Республики Саха (Якутия).
-
2023-02-13 05:20:19+00:00
#КК_Поэзия
Сэмэн Данилов
***
Алааскар эн мас үүннэрэн хааллардаххына-
Хас саас аайы сэбирдэх буолан тыллыаҥ,
Күнүҥ сирин таптаан ыллаабыт буоллаххына-
Күн аайы, күнү кытта эн тиллиэҥ.
Ийэ дойдугар тугу, ханныгы дьайаргынан-
Кырыыска да туруоҥ, ырыаҕа да ылланыаҥ,
Төрөөбүт тылгын төһө таптыыргынан
Ой дуораана буолан өлбөт үйэлэниэҥ.
Өбүгэлэргин кэриэстээбит эбит буоллаххына-
Кэлэр кэнчээри ыччаккар кэрэтик ахтыллыаҥ,
Бар дьонуҥ туһугар олорбут эбит буоллаххына-
Бар дьонуҥ кэхтибэт кэс тылыгар дуораһыйыаҥ.
https://t.me/kiin_kyorat_gazeta
-
2023-02-13 04:20:06+00:00
#КК_Сэргээ
⬆️Арчы дьиэтин тэрээһиннэригэр сылдьыаххытын сөп.
https://t.me/kiin_kyorat_gazeta
-
2023-02-13 03:37:11+00:00
#КК_Сэргээ
ИЙЭ ТЫЛ - АПТААХ КҮҮС
💬Христина Петровна Попова – биэс оҕолоох Габышевтар күн-күбэй ийэлэрэ:
Бары сахалыы сайа саҥарабыт. Дьиэбит иһигэр сахалыы кэпсэтэбит, оҕолорбут “ийэ”, “аҕа” диэн ыҥыраллар, бэйэ-бэйэлэрин “эдьиий”, “убай” дэһэллэр. Эбэлээх эһэлэрэ эмиэ ону өйүүллэр, сиэннэрин кытта наар төрөөбүт тылларынан эрэ кэпсэтэллэр. Онон оҕолорбут дьиҥнээх истиҥ эйгэлэрэ – сахалыы.
Тылларын саппааһын байыта сатаан сахалыы кинигэлэри ааҕабыт, остуоруйалары кэпсиибит, таабырыннары таайсыахпытын сөп. Кыра эрдэхтэриттэн уһуйааҥҥа төрөөбүт тылларынан иитэр бөлөххө сылдьыбыттара. Биллэн турар, тас эйгэҕэ таҕыстахтарына, төһө да сахалыы бөлөх буолбутун иһин, нууччалыы саҥарар оҕо элбэх буолар. Олортон үөрэнэллэр, ол эрэн дьиэ кэргэннэригэр, төрөппүттэригэр тирэхтээх буоланнар, ийэ тылларын ыһыктыбаттар эбит.
Салҕыыта: https://kiinkuorat.ru/articles/iye-tyl-aptaah-k-s
https://t.me/kiin_kyorat_gazeta
-
2023-02-13 02:20:10+00:00
#Бассааптан
👏Николай Атласов Москваҕа Арассыыйа Тас дьыалаларга министиэристибэтин үлэһиттэригэр саха төрүт аһын билиһиннэрэр. С.Лавров көмөлөһөөччүтэ М.Захарова астыммытын биллэрдэ.
https://t.me/kiin_kyorat_gazeta
-
2023-02-13 01:41:06+00:00
#КК_Сонун
🔶Арчы дьиэтигэр Дьокуускай куорат оскуолаларын алын кылаастарын үөрэнээччилэригэр “Абылаңнаах сахам тыла” норуот уус уран тылынан айымньытын толорууга уонна остуол оонньууларыгар хамаанданан күрэх буола турар.
Оҕолор бастакы түһүмэххэ тылынан уус уран айымньыны толорууга, иккискэ Хомуур хабылыкка күрэхтэһиэхтэрэ.
https://t.me/kiin_kyorat_gazeta
-
2023-02-13 01:20:11+00:00
Ура! Релиз приложения состоится 13 февраля! 🥳
Уже в этот понедельник наше приложение будет доступно пользователям iOS 👏👏👏
По неизвестным нам причинам Google Play не принял наше приложение к публикации. В связи с этим, было принято решение опубликоваться в RuStore, на это потребуется чуть больше недели.
Еще раз благодарим вас - наших подписчиков, всех, кто следит за нашим проектом, поддерживает и помогает нам! 💛
Подключайтесь в понедельник в 11:00 к youtube трансляции по это ссылке: https://youtube.com/live/D2DAAW03r_E?feature=share , где также пройдет презентация якутского поисковика-агрегатора Көрдөө.ру 😊
-
2023-02-13 00:47:05+00:00
📣💻Бүгүн Көрдөө.ру саайт сүрэхтэниэҕэ
Бүгүн, олунньу 13 күнүгэр, төрөөбүт ийэ тылбыт күнүгэр kerdee.ru (көрдөө.ру) диэн саҥа саайт сүрэхтэниэҕэ. Тэрээһин Дьокуускайга «Сахамедиа» холдинг медиа-киинигэр 11.00 чаастан буолуоҕа.
-
2023-02-13 00:35:11+00:00
#КК_Сонун
💠Күндү Саха дьоно!
Олунньу 13 күнүгэр «Ийэ тыл» көҥүл түмсүү, Олоҥхо Ассоциацията тэрийиитинэн «Тыл – омук тыына!» төрөөбүт тыл, сурук-бичик күнүгэр аналлаах дьоро киэһэҕэ ыҥырар:
✅ 14:00 – Кинигэ быыстапката.
✅ 16:00 - «Ийэ тылы харыстааһыҥҥа бар дьон күүһүн түмүү соруктара» төгүрүк остуол.
✅ 17:00 - Оһуохай, олоҕурбут ньыманан олоҥхону толоруу.
✅ 18:00 - Төрөөбүт тыл, сурук-бичик күнүн Дьоро киэһэтэ.
🔶Буолар сирэ: Өксөкүлээх Өлөксөй аатынан норуоттар доҕордоһууларын дьиэтэ (ДК Кулаковского)
☀️ Олунньу 13 күнүгэр
Кэлиҥ! Истиҥ! Кыттыһыҥ!
Кэлиитэ көҥүл, киириитэ босхо 👍🏻
https://t.me/kiin_kyorat_gazeta
-
2023-02-12 23:35:12+00:00
#КК_БэлиэКүн
ИЙЭ ТЫЛБЫТ КҮНҮНЭН!
👆🏻Карточкаларга төрөөбүт тылбыт туһунан бэргэн этиилэр.
Ааптар: "Айыы кыһатын" учуутала Рустам Каженкин.
https://t.me/kiin_kyorat_gazeta
-
2023-02-12 22:31:07+00:00
#КК_Поэзия
И.А. Колодезникова - Ымыы
ТЫЛЫМ — УОТТААХ ТЫМТЫГЫМ
Умсан ылыым умсулҕаммар —
Айар-тутар абылаҥмар.
Сыта түһүүм сылаанньытар,
Сөрүү тардар сөрүөтүгэр.
Тылым — уоттаах тымтыгым,
Бэйэм тыырбыт тырыыҥкам.
Тылым миэнэ — тапталым,
Талан ылбыт аналым.
Махтанабын ийэ тылбар,
Арыы-сүөгэй далбаргар,
Ааттаах-суоллаах айаҥҥар
Аргыс-доҕор гыммыккар.
Түөрэ түһэр түмүк чааспар
Өрө тардан өрүһүйээр,
Өһөн хаалбат, төлөннүрэр,
Өлөн сүппэт дьылҕалаар.
https://t.me/kiin_kyorat_gazeta
-
2023-02-12 09:01:26+00:00
#КК_Сонун
🪗Баян алыптаах дорҕооно сатараата
СӨ баянистарын, аккордеонистарын уонна гармонистарын сойууһа федеральнай реестргэ ылыллан, Юстиция министиэристибэтинэн бигэргэтиллэн, сокуонунан регистрацияланан, туспа устааптанан, тэрилтэ быһыытынан үлэлиир кыахтанна.
Бу улахан үлэни, хас даҕаны көлүөнэ дьон ыра санаатын салайааччыбыт – СӨ култууратын туйгуна, СӨ ырыаны айааччыларын сойууһун чилиэнэ, ырыаһыт, мелодист, баянист-аккомпаниатор, шоумен – Алексей Потапов сүүрэн-көтөн олоххо киллэрдэ.
Сиһилии: https://kiinkuorat.ru/articles/bayan-alyptaah-dor-oono-sataraata
https://t.me/kiin_kyorat_gazeta
-
2023-02-12 07:45:26+00:00
📺📹🎞 «Быстыбат ситим» сериал сайтка таҕыста
Сценарий — Октябрина Шестакова
Режиссер — Иван Никифоров
Сүрүн оруолларга: Туйара Федорова, Мая Охлопкова, Клавдий Афанасьев, Полина Абрамова уо.д.а.
👧🏻👧🏻Оскуолаҕа сылдьан Иванна Надяны атаҕастыыра. Кэм-кэрдии ааһан, номнуо ыал ийэлэрэ буолбут кыргыттар дьылҕа быатынан ситимнэнэн көрсө түһэллэр.
Хас да сыл усталаах хом санаа биирдэ умнуллан хаалыа дуо? Кинилэри өссө туох ситимниирий?
Сайтка сериал сыаната — 199 солкуобай, манна 16 сиэрийэ барыта киирэр.
Бу ссылканан киирэн көр👉🏻 https://nvk-online.ru/new/movie/html/category/serial/bystybat-sitim/
-
2023-02-12 06:30:23+00:00
#КК_Сонун
🤼Ичигэс илгэлээх Игидэй сиригэр хапсаҕай күрэхтэһиитэ
Таатта улууһун Игидэй нэһилиэгэр спорт бырааһынньыга буолан ааста. Улууспут нэһилиэктэриттэн чулуу, сымса спортсмен оҕолор мустан күөн көрүстүлэр.
Ол курдук, көҥүл тустууга ССРС спордун маастара, Саха сирин физкультуратын уонна спордун үтүөлээх үлэһитэ, Саха сирин үөрэҕириитин туйгуна, Саха сирин үөрэҕэриитин бочуоттаах бэтэрээнэ, РФ спорт бэтэрээнэ, саха омугу албан ааттаппыт, суон сураҕырпыт айылҕаттан айдарыылаах тренер Д.П. Коркин иитиллээччитэ, тустуу, хапсаҕай, дзюдо, самбо курдук көрүҥнэргэ ураты чаҕылхай суолу-ииһи бастакынан тэлбит, кыайыыны аҕалбыт Кычкин Николай Николаевич бирииһигэр хапсаҕайга улуус чемпионата ыытылынна.
Сиһилии: https://kiinkuorat.ru/articles/ichiges-ilgeleeh-igidey-siriger-hapsa-ay-k-rehte-iite
https://t.me/kiin_kyorat_gazeta
-
2023-02-12 05:20:19+00:00
#КК_Сэргээ
❇️Ачыкылаах, хара бараан сирэйдээх киһи ойон турар:
- Табаарыстар! – Барахов саҕалыыр – өрөбөлүүссүйэ пролетарскай диктатуратын дьулуурунан, контрреволюционнай буржуазнай уобаластааҕы сэбиэт сиртэн симэлийдэ, үүрүлүннэ. Дьокуускайга былаас барыта оробуочай дьокутааттар Сэбиэттэригэр бэрилиннэ.
Араатар тохтоон ылла. Мустубут дьон кини нууччалыы ырааһа суох саҥарарын уонна “контрреволюционнай” диэн тылы этэригэр “р” буукубаны хайдах эрэ уратытык, күүстээхтик этэрин бэлиэтии көрөллөр.
Г.М. Чудинов “На Заре” сэһэниттэн быһа тардыы.
Историк Виктор Борисов суруйуутун ааҕыҥ: САХА БИИР ЧАҔЫЛХАЙ УОЛА – ИСИДОР БАРАХОВ
https://t.me/kiin_kyorat_gazeta
-
2023-02-12 03:55:34+00:00
#КК_Сэргээ
ОЛУННЬУ 12 КҮНҮГЭР ИСИДОР БАРАХОВ ТӨРӨӨБҮТ КҮНЭ!
Бу күн барыгытын саха саарына И.Н.Барахов 125 сааһыгар аналлаах историческай уонна уус уран дьүһүйүүгэ ыҥырабыт
"Исидор Барахов уонна мин"
📍14.00 чаастан "И.Барахов тус олоҕо уонна Саха сиригэр үлэтэ" тематическай экскурсия ыытыллар. Ыытыллар сирэ: "Саха сирин аныгы историята" мультимедийнай быыстапка, 1-кы этээс, киириттэн хаҥас баар.
📍14.30 чаастан 2-с этээскэ, Конференц залга историческай уонна уус уран дьүһүйүү.
📍16.00 чаастан оһуохай. Бастакы этээскэ: холл.
🔹Буолар күнэ: олунньу ый 12 күнэ 14ч.
🔹Буолар сирэ: "Мин историям" Музейнай комплекс.
Киириитэ босхо
Аадырыһа: Ксенофонт Уткин аатынан уулусса, 5-с нүөмэрдээх дьиэ. Автобус тохтобула: Якутавтодор, 14, 17, 18 маршруттар.
https://t.me/kiin_kyorat_gazeta
-
2023-02-12 03:02:12+00:00
#КК_ТускарТуһан
🦷 Тииһи тупсарар астар
Киһи тииһин туруга 10 бырыһыана удьуоргар хайдах тиистээхтэриттэн, 90 бырыһыана хайдах көрүнэргиттэн тутулуктааҕын анал идэлээхтэр суруйаллар. Тииһи көрүнүүгэ күн аайы суунууну кытта стоматология өҥөтүнэн туһаныы киирсэр.
Тииспит бүтүн буоларыгар сөпкө аһааһын улахан оруоллаах. Тиискэ туһалаах астар бааллар:
🥕 🍎 🥒 Моркуоп, дьаабылыка, оҕурсу, сүбүөкүлэ
🧅 Петрушка, латук салаат, эриэппэ луук, укуруоп, сельдерей.
🍇 🍓 Моонньоҕон, виноград, дьэдьэн, клюква.
🌰 Миндаль, кедр эриэхэтэ, кешью эриэхэлэргэ тиискэ туһалаах аминокислоталар, сыалар-арыылар бааллар.
🧀 🥛 Сыыр, иэдьэгэй, суорат
🍊 🍋 Цитрустар: грейпфрут, лайм, апельсин.
Сиһилии: https://kiinkuorat.ru/articles/tii-i-tupsarar-astar
https://t.me/kiin_kyorat_gazeta
-
2023-02-12 01:30:59+00:00
#КК_Сонун
❇️Саха сиригэр туризмы сайыннарыы туһунан ыйытыкка кыттыҥ!
Уокуруктааҕы Предпринимательство, потребительскэй ырыынак уонна туризм департамена киин куорат олохтоохторун уонна ыалдьыттарын Саха сиригэр туризм уонна туристическай инфраструктура сайдыытын туһунан ыйытыкка кытталларыгар ыҥырар.
Ыйытыгы ааһарга аҕыйах мүнүүтэ ирдэнэр, «анонимнай» көрүҥүнэн ыытыллар.
Ити уопут саҥа эбийиэктэри тутууга уонна туристическай инфраструктура сайдыытыгар, региоммут территориятын бырайыактааһыҥҥа уонна маастар-былааҥҥа туһуламмыт үлэҕэ көмөлөһүөҕэ.
Ыйытыгы ааһарга бу сигэнэн киириллэр: https://forms.gle/nouVHW2rnPFRz9V86
https://t.me/kiin_kyorat_gazeta
-
2023-02-11 23:51:11+00:00
#КК_Сэргээ
ИЙЭ ТЫЛ - АПТААХ КҮҮС
💬Христина Петровна Попова – биэс оҕолоох Габышевтар күн-күбэй ийэлэрэ:
Бары сахалыы сайа саҥарабыт. Дьиэбит иһигэр сахалыы кэпсэтэбит, оҕолорбут “ийэ”, “аҕа” диэн ыҥыраллар, бэйэ-бэйэлэрин “эдьиий”, “убай” дэһэллэр. Эбэлээх эһэлэрэ эмиэ ону өйүүллэр, сиэннэрин кытта наар төрөөбүт тылларынан эрэ кэпсэтэллэр. Онон оҕолорбут дьиҥнээх истиҥ эйгэлэрэ – сахалыы.
Тылларын саппааһын байыта сатаан сахалыы кинигэлэри ааҕабыт, остуоруйалары кэпсиибит, таабырыннары таайсыахпытын сөп. Кыра эрдэхтэриттэн уһуйааҥҥа төрөөбүт тылларынан иитэр бөлөххө сылдьыбыттара. Биллэн турар, тас эйгэҕэ таҕыстахтарына, төһө да сахалыы бөлөх буолбутун иһин, нууччалыы саҥарар оҕо элбэх буолар. Олортон үөрэнэллэр, ол эрэн дьиэ кэргэннэригэр, төрөппүттэригэр тирэхтээх буоланнар, ийэ тылларын ыһыктыбаттар эбит.
Салҕыыта: https://kiinkuorat.ru/articles/iye-tyl-aptaah-k-s
https://t.me/kiin_kyorat_gazeta
-
2023-02-11 22:31:11+00:00
#КК_Сонун
💠Күндү Саха дьоно!
Олунньу 13 күнүгэр «Ийэ тыл» көҥүл түмсүү, Олоҥхо Ассоциацията тэрийиитинэн «Тыл – омук тыына!» төрөөбүт тыл, сурук-бичик күнүгэр аналлаах дьоро киэһэҕэ ыҥырар:
✅ 14:00 – Кинигэ быыстапката.
✅ 16:00 - «Ийэ тылы харыстааһыҥҥа бар дьон күүһүн түмүү соруктара» төгүрүк остуол.
✅ 17:00 - Оһуохай, олоҕурбут ньыманан олоҥхону толоруу.
✅ 18:00 - Төрөөбүт тыл, сурук-бичик күнүн Дьоро киэһэтэ.
🔶Буолар сирэ: Өксөкүлээх Өлөксөй аатынан норуоттар доҕордоһууларын дьиэтэ (ДК Кулаковского)
☀️ Олунньу 13 күнүгэр
Кэлиҥ! Истиҥ! Кыттыһыҥ!
Кэлиитэ көҥүл, киириитэ босхо 👍🏻
https://t.me/kiin_kyorat_gazeta
-
2023-02-11 12:35:34+00:00
#КК_Кэпсээн
📖Бу нэдиэлэ устата биһиги ханаалбытыгар тахсыбыт кэпсээни ааҕан сэргэхсийиҥ🤗
ТҮҮЛ БУОЛБУТ ОЛОХ
Ааптар: Варвара Корякина
Бастакы чааһа
БЫЛЫРГЫ НОМОХТОР УМСУЛҔАННАРА
https://kiinkuorat.ru/articles/t-l-buolbut-oloh-mistika
Иккис чааһа
ТҮҮЛ ДУУ, ИЛЭ ДУУ
https://kiinkuorat.ru/articles/t-l-buolbut-oloh
Үһүс чааһа
ТЫАҺААНЫ ДЬИКТИ КИСТЭЛЭҤЭ
https://kiinkuorat.ru/articles/t-l-buolbut-oloh-mistika-1
Төрдүс чааһа
ДЬИКТИ КӨРСҮҺҮҮ.
ТИМА ТУҺУНАН КОСТЯ КЭПСЭЭНЭ
https://kiinkuorat.ru/articles/t-l-buolbut-oloh-mistika-2
Бэһис чааһа
ТИҺЭХ СЕАНС. ЭБЭЭ БИЭРЭ КЭПСЭЭНЭ
https://kiinkuorat.ru/articles/t-l-buolbut-oloh-mistika-3
https://t.me/kiin_kyorat_gazeta
-
2023-02-11 10:35:58+00:00
#КК_Сонун
💠Күндү Саха дьоно!
Олунньу 13 күнүгэр «Ийэ тыл» көҥүл түмсүү, Олоҥхо Ассоциацията тэрийиитинэн «Тыл – омук тыына!» төрөөбүт тыл, сурук-бичик күнүгэр аналлаах дьоро киэһэҕэ ыҥырар:
✅ 14:00 – Кинигэ быыстапката.
✅ 16:00 - «Ийэ тылы харыстааһыҥҥа бар дьон күүһүн түмүү соруктара» төгүрүк остуол.
✅ 17:00 - Оһуохай, олоҕурбут ньыманан олоҥхону толоруу.
✅ 18:00 - Төрөөбүт тыл, сурук-бичик күнүн Дьоро киэһэтэ.
🔶Буолар сирэ: Өксөкүлээх Өлөксөй аатынан норуоттар доҕордоһууларын дьиэтэ (ДК Кулаковского)
☀️ Олунньу 13 күнүгэр
Кэлиҥ! Истиҥ! Кыттыһыҥ!
Кэлиитэ көҥүл, киириитэ босхо 👍🏻
https://t.me/kiin_kyorat_gazeta
-
2023-02-11 09:31:16+00:00
#КК_Сэргээ
ОЛУННЬУ 12 КҮНҮГЭР ИСИДОР БАРАХОВ ТӨРӨӨБҮТ КҮНЭ!
Бу күн барыгытын саха саарына И.Н.Барахов 125 сааһыгар аналлаах историческай уонна уус уран дьүһүйүүгэ ыҥырабыт
"Исидор Барахов уонна мин"
📍14.00 чаастан "И.Барахов тус олоҕо уонна Саха сиригэр үлэтэ" тематическай экскурсия ыытыллар. Ыытыллар сирэ: "Саха сирин аныгы историята" мультимедийнай быыстапка, 1-кы этээс, киириттэн хаҥас баар.
📍14.30 чаастан 2-с этээскэ, Конференц залга историческай уонна уус уран дьүһүйүү.
📍16.00 чаастан оһуохай. Бастакы этээскэ: холл.
🔹Буолар күнэ: олунньу ый 12 күнэ 14ч.
🔹Буолар сирэ: "Мин историям" Музейнай комплекс.
Киириитэ босхо
Аадырыһа: Ксенофонт Уткин аатынан уулусса, 5-с нүөмэрдээх дьиэ. Автобус тохтобула: Якутавтодор, 14, 17, 18 маршруттар.
https://t.me/kiin_kyorat_gazeta
-
2023-02-11 08:02:05+00:00
#КК_СытыыМуннук
❇️Саҥа сыл, саҥа сыаналар, саҥа санаалар...
Саҥа сылга үктэнээт, үгүс дьон дьиэ-уот, хомунаалынай өҥө төлөбүрүн квитанцияларын туппутунан каассаҕа тиийэн баран, кырата, “шок” ыллыбыт диэбиттэрэ. Ол оннугар быйыл, үгэс быһыытынан, от ыйынааҕы үрдээһин суох буолуохтаах. Онон ити тарыыптарбытын эһиилгигэ диэри төлүүрбүтүгэр тиийэбит.
Ас-үөл сыаната үрдүү турарын туһунан этэ да барбаккын. Ынахпыт арыыта 1050 буолбутун илэ харахпытынан көрдүбүт. Арай мантан саас, ынахтарбыт төрөөн бардахтарына, үүт дэлэйдэҕинэ, арыый түһэр ини. Куорат дьоно күөрчэх оҥостор “сливкибит” атыыга суох.
Салҕыыта: https://kiinkuorat.ru/articles/sa-a-syl-sa-a-syanalar-sa-a-sanaalar
Санааҕытын комметарийга хаалларыаххытын сөп😉
https://t.me/kiin_kyorat_gazeta
-
2023-02-11 06:50:28+00:00
#КК_МинньигэстикАһааҥ
😋Өрөбүллэргэ эриэккэс десертэри астаан көрүөххэ:
🍎 Ыһаарыламмыт дьаабылыка
🥛 Үүккэ буспут саахар
🍒Клюквалаах мусс
🍮 Халва
🍌 Банаантан желе
🍚 Ириистэн пудинг
🍓 Клубникаттан щербет
🍨 Банаантан мороженай
Сиһилии: https://kiinkuorat.ru/articles/minnigestik-a-aa-12
https://t.me/kiin_kyorat_gazeta
-
2023-02-11 05:35:23+00:00
#КК_ТускарТуһан
-
2023-02-11 04:33:11+00:00
#КК_Сонун
🇷🇺Дьокуускай куораттааҕы Эдэр армеецтары бэлэмниир кииҥҥэ (Юнармия дьиэтэ) олунньу ый устата Патриотическай иитии ыйа буола турар.
“Дьарыктанар оҕолорбутун сүрүннээн эт-хаан өттүнэн сайдыылаах уонна олоххо бэлэмнээх буола улаатарга үөрэтэбит. Ону таһынан өрөспүүбүлүкэбит, дойдубут историятын, Арассыыйа уонна Саха сирин Конституцияларын үөрэтэбит, полиция, быыһыыр сулууспа үлэлэрин ис хоһоонун кытта билиһиннэрэбит, бастакы көмө, туризм хайысхаларын кэпсиибит, суруналыыстыкаҕа уо.д.а. дьарыктыыбыт. Онон баҕалаах оҕо наһаа элбэх”, - диир Эдэр армеецтары бэлэмниир киин педагога Айсен Никитин.
https://t.me/kiin_kyorat_gazeta
-
2023-02-11 02:34:15+00:00
#КК_Сонун
🎞️"ДОХСУН" спорткомплекска "Хомуур күрэх" оонньуу буола турар.
https://t.me/kiin_kyorat_gazeta
-
2023-02-11 02:15:21+00:00
#КК_Сонун
❇️«Победа» аһымал пуондатыгар киирбит үптэн байыаннай сулууспалаахтар туһаларыгар барыта 24 мөлүйүөн 864 тыһыынча солкуобай кэриҥэ ороскуоттанна. Ол курдук, 5 мөлүйүөн 880 тыһыынча солкуобай суумалаах 6 автотырааныспар ылылынна.
15 мөлүйүөн 662 тыһыынча солкуобайга байыаннай таҥас-сап уонна олоххо-дьаһахха туттуллар табаарынай-материальнай сыаннас – утуйар мөһөөччүктэр, ичигэс ис таҥас, саппыкы, каска-шлем, «дождевиктар», көһөрүллэр аккумулятордар, электрогенератордар, перфоратордар уо.д.а. атыылаһылыннылар.
Итини сэргэ анал техническэй сириэстибэлэр – квадрокоптердар, тепловизордар, рациялар, монокулярдар уо.д.а. ылылыннылар. 1 мөлүйүөн 371 тыһыынча солкуобай биир төгүллээх материальнай көмөҕө барда.
Билиҥҥи кэмҥэ «Победа» аһымал пуондата анал байыаннай дьайыыга ыытарга аадырыстаах гуманитарнай көмөнү бэлэмниир, итини байыаннай сулууспалаахтар олунньу 13-15 күннэригэр тутуохтара.
https://t.me/kiin_kyorat_gazeta
-
2023-02-11 01:01:16+00:00
#КК_Сонун
🇷🇺2022 сыл сэтинньи 1 күнүттэн бүгүҥҥү күҥҥэ диэри «Победа» аһымал пуондатын сирэй счетугар 27 мөлүйүөн солкуобай киирдэ, итинтэн 21 мөлүйүөн солкуобайа – бүддьүөт эйгэтин үлэһиттэриттэн, сүрүннээн Олохтоох дьаһалта уонна биэдэмистибэлээх муниципальнай тэрилтэлэр үлэһиттэриттэн киирбит үп.
Департаменнар, управлениялар, Олохтоох дьаһалта салааларын, хонтуруоллуур-суоттуур палаата, территориальнай уонна куорат кытыытынааҕы салалта уорганнарын, муниципальнай хааһына тэрилтэлэрин, куорат оскуолаларын, оҕо уһуйааннарын үлэһиттэрэ биир күннээх хамнастарын аһымал пуондаҕа ыыттылар.
5 мөлүйүөн солкуобай кэриҥэ харчыны куорат территориятыгар үлэлиир хааччахтаммыт эппиэтинэстээх тэрилтэлэр, акционернай уопсастыбалар уонна биирдиилээн предпринимателлэр ыыттылар.
211 тыһыынча кэриҥэ солкуобайы Дьокуускай араас тэрилтэлэрэ биэрдилэр. Куорат олохтоохторо туора турбаттара үөрүүлээх. Ол курдук, кинилэр аһымал пуондаҕа 900 тыһыынча солкуобай кэриҥэ ыыттылар.
https://t.me/kiin_kyorat_gazeta
-
2023-02-10 23:50:21+00:00
#КК_Сонун
❇️«Победа» аһымал пуондата тиһиктээх үлэни ыытар
Судаарыстыба мобилизацияламмыт гражданнары – анал байыаннай эпэрээссийэ кыттыылаахтарын уонна дьиэ кэргэттэрин өйөөһүҥҥэ элбэх харчыны угар, ол эрэн ити үп барытыгар тиийбэт. Ол иһин, толору хааччыйар сыаллаах, 2022 сыл алтынньы ыйыгар «Победа» куораттааҕы аһымал пуондата тэриллибитэ.
«Победа» аһымал пуондатын устаабыгар олоҕуран, үбүлээһин хайысхаларынан оҥоһуллар:
🔹экипировканы, анал техническэй сириэстибэлэри, итиэннэ байыаннай олоххо-дьаһахха туттуллар тэриллэри атыылаһыы уонна тириэрдии;
🔹эмтэнии, эмптэри, медицинскэй «расходнай» матырыйааллары атыылаһыы, доруобуйаны чөлүгэр түһэрии;
🔹анал байыаннай эпэрээссийэ кыттыылаахтарын дьиэ кэргэттэригэр материальнай көмөнү оҥоруу.
https://t.me/kiin_kyorat_gazeta
-
2023-02-10 22:31:06+00:00
#КК_Дьон
🏀 Спорт оскуолаларын өрөмүөнүгэр 80 мөл.солк. көрүлүннэ
6-с №-дээх Оҕо спорт оскуолатыгар (“Стерх”) хапытаалынай өрөмүөн ыытыллыаҕа, бу эбийиэккэ эһиил “Азия оҕолоро” оонньууларын кыттааччылара волейболга күрэхтэһиэхтэрэ. 5-с №-дээх спорт оскуолата өрөмүөннэниэҕэ, онно волейболга хамаандабыт дьарыктаныаҕа, буулдьанан ытыыга күрэхтэһии буолуоҕа. 4-с №-дээх Оҕо спорт оскуолатын саалата эрэ мини-футбол стандартарыгар эппиэттиир, онон ити эбийиэк эмиэ хабыллыаҕа. Манна эбэн эттэххэ, быйыл Хатаска 7-с №-дээх Оҕо спорт оскуолата үлэҕэ киириэхтээх.
Быйыл киин куорат физкультурнай хамсааһын саҕаламмыта 95 сылын бэлиэтиир. Олохтоох дьаһалта Физкултуураҕа уонна спорка управлениетын начаалынньыга Эдуард Ефимов үлэ сүрүн соруктарын сэһэргиир: https://kiinkuorat.ru/articles/sport-oskuolalaryn-r-m-n-ger-80-m-l-solk-k-r-l-nne
https://t.me/kiin_kyorat_gazeta
-
2023-02-10 14:35:58+00:00
🥇Василий Егоров - чемпион международного турнира в Марокко☝🏼
Заслуженный мастер спорта, пятикратный чемпион России и двукратный чемпион Европы Василий Егоров победил со счетом 5:0 испанца Мартина Молина Сальвадор.
Поздравляем✊🏽✊🏽✊🏽
-
2023-02-10 12:33:04+00:00
#КК_Кэпсээн
ТҮҮЛ БУОЛБУТ ОЛОХ
(Мистика)
Ааптар: Варвара Корякина
Бэһис чааһа (Бүтүүтэ).
ТИҺЭХ СЕАНС. ЭБЭЭ БИЭРЭ КЭПСЭЭНЭ
Бу кэпсэнэр түбэлтэ Дьокуускай куоракка ХХ үйэ 30-c сылларыгар буолбут. Биһиги кырдьаҕас дьиппиэн эйгэлээх куораппыт биир дьикти сэһэнэ. Оччолорго Сэбиэскэй былаас саҥа атаҕар туран эрэр кэмэ этэ. Ол да буоллар куоракка баай-талым олохтоох, кулуттаах-чаҕардаах, маҕаһыыннардаах, көстүүнэй дьиэлэрдээх, араас дьону саататар тэрилтэлэрдээх ыаллар үгүс этилэр.
Салҕыыта: https://kiinkuorat.ru/articles/t-l-buolbut-oloh-mistika-3
https://t.me/kiin_kyorat_gazeta
-
2023-02-10 09:33:11+00:00
#КК_Күрэх
Төрөөбүт тыл, сурук-бичик күнүн көрсө “Киин куорат” хаһыат эрэдээксийэтэ Дьокуускай куорат дьаһалтатын өйөбүлүнэн көҥүл тиэмэҕэ айар күрэҕи биллэрэр.
Күрэх икки хайысханан ыытыллар:
1. Сахалыы проза – кэпсээн, сэһэн.
2. Сахалыы поэзия – хоһоон, үгэ, о.д.а.
Күрэх сыала-соруга:
1. Дьокуускай куоракка ийэ тылынан кэпсэтиини, суруйууну пропагандалааһын.
2. Ыччат ийэ тылынан хомоҕойдук уонна таба суруйуутун өйөөһүн;
3. Саха тылын эйгэтин кэҥэтии;
4. Айар үлэҕэ дьоҕурдаах дьону өйөөһүн.
Кытталлар: Саха тылын кэрэхсиир 13+ сааһыттан үөһэ ким баҕалаах.
Ирдэбиллэр:
1. Айымньыларгытын Word форматка Times New Roman сахалыы шрибинэн бэчээттээн konkurskiinkuorat@mail.ru электроннай почтаҕа ыытаҕыт.
2. "Киин куорат" хаһыат социальнай ситимнэригэр суруйтараҕыт: телеграмм https://t.me/kiin_kyorat_gazeta, «Вконтакте» https://vk.com/kiinkuorat.
Уус-уран айымньыны суруйууга сүрүн ирдэбиллэр:
1. Кэпсээн, сэһэн о.д.а. айымньы дириҥ ис хоһоонноох, баай тыллаах-өстөөх, умсугутуулаах сюжеттаах буолуохтаах.
2. Хоһоон – жанр ирдэбиллэрин тутуһар рифмалаах, тэтимнээх.
3. Ааптар бырааба тутуһуллуохтаах, плагиат көҥүллэммэт.
Үлэ ааптарын аата, аадырыһа, төлөпүөнэ толору ыйыллар.
Айымньылар “Киин куорат” хаһыакка,
kiinkuorat.ru саайтка,
“Киин куорат” телеграмм-ханаалга https://t.me/kiin_kyorat_gazeta,
“Вконтакте” https://vk.com/kiinkuorat
социальнай ситимҥэ тахсыахтара.
Үлэлэр төннөрүллүбэттэр, рецензияламматтар.
Кыайыылаахтар проза уонна поэзия жанрдарынан (1, 2, 3 миэстэ) быһаарыллаллар. Куонкурус кыайыылаахтарыгар диплом, өйдөбүнньүк бириис туттарыллар.
Болдьоҕо: 2023 с. тохсунньу 20 күнүттэн олунньу 28 күнүгэр диэри.
Күрэх түмүгэ “Киин куорат” хаһыат телеграмм-ханаалыгар, сайтыгар уонна хаһыакка тахсыаҕа.
Айар-суруйар дьоҕурдаах ааҕааччыларбыт, ийэ тыл кэскилин туһугар туруулаһар ытык-мааны дьоммут, күрэххэ көхтөөхтүк кыттыҥ, күрэх туһунан иһитиннэриини литературнай түмсүүлэргэ, доҕотторгутугар ыытыҥ!
https://t.me/kiin_kyorat_gazeta
-
2023-02-10 08:33:16+00:00
#КК_Сонун
❇️Саха Өрөспүүбүлүкэтин мас тардыһыыга Федерациятын отчуоттуур-быыбардыыр конференциятыгар номоххо киирбит Амма аатырбыт мадьыныта Анатолий Баишев Федерация бэрэсидьиэнинэн, 1-кы вице-бэрэсидьиэнинэн “АЭБ-Капитал” салайааччыта Игорь Борисов биир санаанан талылыннылар, толорооччу дириэктэринэн Егор Ермолаев дуоһунаһыгар хаалла.
2018-2022 сылларга Федерация бэрэсидьиэнинэн үлэлээн кэлбит Ил Түмэн дьокутаата Геннадий Васильев үлэтин отчуоттаата, таһаарыылаахтык үлэлээбитин иһин дэлэгээттэр махталларын ылла уонна, болдьоҕо туолбутунан, дуоһунаһыттан тохтоото.
https://t.me/kiin_kyorat_gazeta
-
2023-02-10 07:32:11+00:00
#КК_Спорт
❇️ Мас тардыһыытыгар өрөспүүбүлүкэҕэ биирдиилээн уонна хамаанданан бастыыр иһин Күүстээх Дэһээккин кэриэһигэр “Модун” спорткомплекска 23 хамаанда күөн көрүстэ.
Хамаанданан түмүккэ мэҥэ хаҥаластар бастаатылар, Уус Алдан, Хаҥалас иккис-үһүс миэстэлэри ылаттаатылар. Үөһээ Бүлүү, Амма, Таатта хамаандаларын мадьынылара эмиэ бэркэ күрэхтэстилэр.
Күрэхтэһии түмүктэрэ: https://kiinkuorat.ru/articles/sport-sonunnara-16
https://t.me/kiin_kyorat_gazeta
-
2023-02-10 06:31:06+00:00
🗣Управление общественных связей и молодежной политики Окружной администрации города Якутска совместно с Городским Центром поддержки семей военнослужащих запускают акцию «Свеча Победы» по сбору хозяйственных свечей (свечей-таблеток, можно использованных), жестяных банок из-под горошка или кукурузы (банки необходимо помыть, высушить и снять этикетки), коробок из гофрокартона для дальнейшего изготовления окопных (блиндажных) свечей для использования нашим бойцам в боевых условиях.
🔹Сбор будет происходить по адресу: ул. пр. Ленина, 15, 7 этаж, проектный офис.
🔹Если имеются сухие спиртовые таблетки, охотничьи спички, также можно принести по указанному адресу.
🔹По всем вопросам: 40-88-46, +7 (914) 267-00-19.
#СВО #СвечаПобеды #Якутск #Якутия
-
2023-02-10 05:34:06+00:00
#КК_Сонун
❇️Гиирэ спордугар оҕолор күрэхтэстилэр
Хамаанданан түмүккэ Үөһээ Бүлүү бастаата, Таатта – иккис, Нам үһүс бириистээх миэстэлэргэ тигистилэр. Дьокуускай – төрдүс, Чурапчы – бэһис, Нерюнгри – алтыс, Хаҥалас – сэттис, Бүлүү – ахсыс, Уус Алдан – тохсус, Сунтаар онус буолуталаатылар.
Бу туһунан элбэх спорт маастарын бэлэмнээбит Саха Өрөспүүбүлүкэтин үтүөлээх тренерэ Василий Николаевич Дьячковскай иһитиннэрдэ.
https://t.me/kiin_kyorat_gazeta
-
2023-02-10 04:33:11+00:00
#КК_Спорт
❇️ “Триумф” спорткомплекска 21-гэр диэри саастаах ыччаттар ортолоругар Уһук Илиҥҥэ биирдиилээн бастыыр көбүөр тэлгэннэ.
🤼♂️ Бурятия, Забайкальскай, Хабаровскай, Приморскай кыраайдар, Амурскай, Сахалинскай уобаластар уонна Саха сириттэн 120-чэ тустуук уол кытынна. Саха сириттэн Петр Адамов, Артём Слепцов, Игорь Матвеев, Кирилл Мордовской, Роман Николаев бастакы миэстэлэри ылаттаатылар. Ыарахан ыйааһыннарга ыалдьыттарбыт үчүгэй көрдөрүүлэннилэр.
https://t.me/kiin_kyorat_gazeta
-
2023-02-10 03:32:06+00:00
🗣В Якутске объявлен конкурс для педагогов
2023 год в России объявлен Годом педагога и наставника📝
Управление образования Якутска и «Дворец детского творчества им. Ф.И. Авдеевой» объявляет городской конкурс эссе «Вы – мой наставник».
💁К участию приглашаются все педагоги школ Якутска.
Объявлено три номинации:
✅«Мой наставник – мой ориентир» -принимаются работы о наставниках в настоящее время;
✅«Наставник в моей профессиональной судьбе» - принимаются работы о педагоге-наставнике, оказавшем значительное влияние на становление в профессии;
✅«Наставник – высокая миссия» - принимаются работы, раскрывающие образ идеального наставника.
Работы принимаются с 15 февраля до 15 апреля.
📪 Конкурсные работы направлять на method03@ddt-ykt.ru
📲 89841042443 – Татьяна Максимовна Герасимова
-
2023-02-10 02:32:11+00:00
#КК_Сонун
❇️ Покровскайга 26-с төгүлүн буолан ааспыт Илья Кондратьев уонна Баһылай Сэмэнэп-Күүстээх Баһыы кэриэстэригэр ыытыллыбыт Хаҥалас хапсаҕайа Монголия, Казахстан, Бурятия, Тыва, Алтай бөҕөстөрө кыттыылаах ааста.
Хатыһыылаах киирсиилэр түмүктэринэн эр дьоҥҥо Данил Аввакумов (Таатта), Айхаан Антонов (Ньурба), Константин Власов (Мэҥэ Хаҥалас), Дьулустаан Калачев (Чурапчы), Николай Николаев (Бүлүү), Никита Хабаров (Муома); бэтэрээннэргэ Владимир Степанов (Үөһээ Бүлүү), Николай Иванов (Таатта), Прокопий Петров (Хаҥалас), Платон Саввинов (Үөһээ Бүлүү), Александр Румин (Нам) бастаатылар.
https://t.me/kiin_kyorat_gazeta
-
2023-02-10 01:33:06+00:00
#КК_ТускарТуһан
💊 Сааскы авитаминоз
Авитаминоз – аан дойду нэһилиэнньэтин 80 бырыһыана көрсөр кыһалҕата. Ордук сир хотугу эргимтэтигэр тарҕаммыт ыарыы. Сайын оҕуруот аһа, фрукта син сии сатыыр буоллахпытына, кыһын буолла да, организмытыгар битэмииммит олус аҕыйаан барар эбит.
Ону биһиги аһылыктан ылыахтаахпыт. Күннэтэ иҥэмтиэлээх аһылыгы сиир буоллахпытына, эт-хаан улаханнык оҕустарбат. Киһиэхэ саамай наадалаах битэмиини илдьэ сылдьар биэс бастыҥ ас көрүҥэ баарын учуонайдар дакаастаабыттар:
🐟 Балык сыата
🥬 Тууһаммыт хаппыыста
🍫 Сакалаат
🍊Грейпфрут
🍇Хаппыт фрукта
Балар туһаларын туһунан сиһилии манна аах: https://kiinkuorat.ru/articles/saasky-avitaminoz
Туһаның, сэргээң, салҕыы тарҕатыҥ🤗
https://t.me/kiin_kyorat_gazeta
-
2023-02-10 00:34:06+00:00
#КК_Сонун
❇️Дьокутааттар Олохтоох дьаһалта отчуотун бигэргэттилэр
Олунньу 8 күнүгэр, Дьокуускай куораттааҕы Дуума дьокутааттара 45-с уочараттаах сессияҕа куорат баһылыга Евгений Григорьев Олохтоох дьаһалта 2022 сыллааҕы үлэтин туһунан отчуотун иһиттилэр уонна биир санаанан бигэргэттилэр.
45-с уочараттаах сессияҕа Дьокуускай куорат Хонтуруоллуур-суоттуур палаататын бэрэссээдэлэ Виктор Ушницкай, киин куорат прокурора Антон Николенко, СӨ Кырдьаҕастарын үрдүкү сүбэтин бэрэссэдээтэлин солбуйааччыта, 1982-1988 сылларга горисполком бэрэссэдээтэлэ, Дьокуускай куорат бочуоттаах гражданина Юрий Коркин, куорат баһылыгын солбуйааччылара, Олохтоох дьаһалта структурнай салааларын салайааччылара кытыннылар.
https://t.me/kiin_kyorat_gazeta
-
2023-02-09 23:32:06+00:00
#КК_Спорт
🥋 Екатеринбург куоракка буолан ааспыт ыччаттар ортолоругар Бүтүн Арассыыйатааҕы дзюдо күрэхтэһиитигэр Саха сирин сэттэ кыттааччылаах сүүмэрдэммит хамаандата үчүгэй көрдөрүүлэннэ.
👏Карина Ефимова 52 кг уонна Полина Иудина 78 кг – кыһыл көмүс, 48 кг Сайыына Петрова боруонса мэтээллэри ыллылар.
https://t.me/kiin_kyorat_gazeta
-
2023-02-09 22:40:14+00:00
ЧУУМПУ ДЬОЛ
Бүгүн дьиэбитигэр кими да
ыҥырыахпыт
суоҕа
Балаҕаммыт иһин
үчүгэй баҕайытык
хомунуохпут,
Оргууй сэлэһэ, чэй иһэ
Оһох иннигэр олоруохпут.
Тыал - куус,
силлиэ буурҕа барыта
Биһиги балаҕаммытын
таарыйбакка
ааһыахтара
Хоп - сип, ордук санаа,
өһүргэс,
Мин халыҥ халҕаммар
иҥнэн үлтү барыахтара.
Биһиги олоруохпут
Аан дойдуну кытта
атааннаспакка,
Баары кытта сүрэхтиин
сөпсөһөн,
Холумтан иһиттэн
күөдьүйэр
уоттан
Чуумпу дьолу төрөтөн...
Борис Павлов
-
2023-02-09 12:29:43+00:00
#КК_Кэпсээн
ТҮҮЛ БУОЛБУТ ОЛОХ
(Мистика)
Ааптар: Варвара Корякина
Төрдүс чааһа.
ДЬИКТИ КӨРСҮҺҮҮ.
ТИМА ТУҺУНАН КОСТЯ КЭПСЭЭНЭ
Биирдэ өрөбүл күн Түмэппий бибилитиэкэҕэ хойукка дылы дьарыктанан баран, оптуобус тохтобулун диэки оргууй аҕай хааман истэ.
Күн номнуо киэһэрэ охсубут. Борук-сорук иһийэ быһыытыйбыт куораты дьикти дьиримнэс салгыннаах эйгэннэн угуттаабыт. Бу борук-сорук киһини умсугутар, тардар, дьикти иэйиини үөскэтэр. Тима маннык кэми хайдах эрэ ордорор, чуумпурбут эйгэни иһиллиир, айылҕаҕа күнүс уонна түүн алтыһан ааһар ураты кэрчигиттэн дуоһуйар.
Салҕыыта: https://kiinkuorat.ru/articles/t-l-buolbut-oloh-mistika-2
https://t.me/kiin_kyorat_gazeta
-
2023-02-09 10:40:40+00:00
#КК_Сонун
💠Күндү Саха дьоно!
Олунньу 13 күнүгэр «Ийэ тыл» көҥүл түмсүү, Олоҥхо Ассоциацията тэрийиитинэн «Тыл – омук тыына!» төрөөбүт тыл, сурук-бичик күнүгэр аналлаах дьоро киэһэҕэ ыҥырар:
✅ 14:00 – Кинигэ быыстапката.
✅ 16:00 - «Ийэ тылы харыстааһыҥҥа бар дьон күүһүн түмүү соруктара» төгүрүк остуол.
✅ 17:00 - Оһуохай, олоҕурбут ньыманан олоҥхону толоруу.
✅ 18:00 - Төрөөбүт тыл, сурук-бичик күнүн Дьоро киэһэтэ.
🔶Буолар сирэ: Өксөкүлээх Өлөксөй аатынан норуоттар доҕордоһууларын дьиэтэ (ДК Кулаковского)
☀️ Олунньу 13 күнүгэр
Кэлиҥ! Истиҥ! Кыттыһыҥ!
Кэлиитэ көҥүл, киириитэ босхо 👍🏻
https://t.me/kiin_kyorat_gazeta
-
2023-02-09 09:39:06+00:00
#ВЫХОДНЫЕВСАХАТЕАТРЕ 🤩10, 11, 12 ФЕВРАЛЯ ПРИГЛАШАЕМ НА СПЕКТАКЛИ 👏🏼
🎭 10 февраля с 18:00 “КЭЭРЭКЭЭН” П. Ойунский
Повесть о легендарном прародителе четырех известных родов Таттинского улуса
🎭 11 февраля с 18:00 “МААРЫКЧААН ЫЧЧАТТАРА” Э. Эристиин
Роман охватывает период гражданской войны в Якутии. История юных комсомольцев происходит в Чурапчинском улусе и рассказывает о событиях, происходивших в реальной жизни
🎭 11, 12 февраля с 15:00 “ӨЛҮК ТАПТАЛА” М. Ефимов
Молодой парень Омуочча приезжает в заброшенную землю, где некогда жили люди и встречает девушку, которая пробуждает в сердце молодого человека пылающую любовь.…
🎭 12 февраля с 18:00 “БҮГҮН ЭБЭТЭР ХАҺАН ДА” Д. Наумов
Постановка с самого начало захватывает своим накалом. Гражданская война в Якутии набирает обороты, губя сотни жизней (спектакль посвящается к 125 летию Исидора Барахова)
➡️ Подробнее о репертуаре https://vk.com/wall712397092_512
🎫 Билеты здесь https://sakhatickets.ru
➡️касса работает с 10:00-18:00
✅«Пушкинская карта»
📲 34-13-31
-
2023-02-09 08:36:06+00:00
#КК_Сэргээ
🎬«Туундара үрүҥ аанньала» көрөөччүнү долгутта
Киин оройуоннарга төһө да медицина тэтимнээхтик сайынна диэтэрбит, ыраах улуустарга кыһалҕа билигин даҕаны элбэх. Ол кыһалҕаны быһаараары «Земскэй быраас» диэн бырайыак үлэлиир даҕаны, тустаах исписэлиис тиийбэтэ, ыарахан ыарыһахтары ыраах нэһилиэнньэлээх пууннартан аҕалар санавиациятааҕар, сиринэн суол, тырааныспар суоҕа – олохпут бүгүҥҥү көстүүтэ.
Ааспыт нэдиэлэҕэ, олунньу ый 2 күнүттэн, Дьокуускай куорат бары киинэ тыйаатырдарыгар “Туундара үрүҥ аанньала” диэн Баһылай Харысхал пьесатыгар олоҕуран уһуллубут киинэ көрөөччү дьүүлүгэр таҕыста.
👩⚕️Үйэ аҥаара анараа өттүгэр Өлөөн эргэ амбулаториятын көтүрэ сылдьан оробуочайдар былыргы саһарбыт суруктары булбуттара. Бу – Ленинград куораттан үлэлии кэлбит эдэркээн фельдшер кыыс ийэтигэр суруктара эбит... Өр кэмҥэ кини ким буоларын быһаарбатахтара...
Өлөөн туундаратыгар буолбут дьиҥнээх түбэлтэ…
https://t.me/kiin_kyorat_gazeta
-
2023-02-09 07:34:11+00:00
#КК_ТускарТуһан
🤔Баҕа санаа каартатыгар итэҕэйэҕит дуо?
Хайдах үлэлиирий?
Онно сыһыарбыт ырабыт тоҕо туолан иһэрий?
💬"Бастакы "Баҕа санаам каартатын” 17 саастаахпар дьону үтүктэн сурунаал ойууларын кырыйан оҥорбутум. Арай туран, былааннаабыт ыраларым бары э
биир-биир туолан киирэн бардылар! Соһуйуу бөҕө! Ол кэннэ эдьиийим сүбэтинэн «Секрет” диэн киинэни көрбүтүм", - диир "Баҕа санаа каартатын" тиһэр набордары оҥорон киэҥник тарҕатар Айаана Ефимова.
https://t.me/kiin_kyorat_gazeta
-
2023-02-09 06:36:06+00:00
#КК_Сонун
❇️Бастыҥ учууталлар бириэмийэлэрин ахсаана улаатта
Дойду бэрэсидьиэнэ Владимир Путин Арассыыйа бастыҥ учууталларыгар үрдүк ситиһиилэрин иһин бириэмийэни элбэтэр туһунан Ыйаахха илии баттаата. Ол туһунан докумуон быраап информациятын официальнай порталыгар таҕыста.
Бириэмийэ уопсай ахсаана 1000-тан 1250-ҥа диэри элбээтэ, төлөбүрэ федеральнай бүддьүөттэн оҥоһуллар.
Куонкуруска Арассыыйа бары регионнарын оскуолаларыгар үс сылтан итэҕэһэ суох үлэлиир, нэдиэлэҕэ 18 чаастан аҕыйаҕа суох ноҕуруускалаах учууталлар кыттыахтарын сөп.
Бириэмийэни Учуутал күнүгэр анаан туттараллар, кээмэйэ – 200 тыһыынча солкуобай.
https://t.me/kiin_kyorat_gazeta
-
2023-02-09 05:36:11+00:00
#КК_Дьон
👏👏👏Бүгүн режиссёр, сценарист, артыыс, Саха Өрөспүүбүлүкэтин култууратын туйгуна, РСФСР үтүөлээх, САССР норуодунай артыыһа Пантелеймон Васильев аатынан бириэмийэ бастакы лауреата Роман Дорофеев төрөөбүт күнэ. Киинэ эйгэтигэр режиссер, артыыс быһыытынан биллэр, 9 бырайыакка 12 үлэлээх.
💬 «Устудьуон олоҕо, артыыс үөрэҕэр да буолтун иһин, уонна тыйаатыр үлэтэ – олох тус-туспалар. Институкка үлэбит омоонун эрэ көрдөрөн бэлэмнииллэр. Үлэбин саҕалыырбар бастаан соһуччу түгэннэр бааллара. Ол курдук, биир артыыс ыалдьан хаалбыта. Онно, дьэ, улахан оскуоланы ааспытым, соһуччу наһаа элбэх оруолга түргэн баҕайытык киллэрбиттэрэ. «Ввод» диэн баар, ол аата атын артыыһы солбуйтаран түргэнник оруолга киллэрии. Улахан испэктээкиллэр буолаллар этэ, холобур, «Свободы жаркий день», «Ороһуоспа киэһэтэ», «Сааскы кэм», олорго киирбитим. Онно уопуттаах артыыстар наһаа көмөлөспүттэрэ. Кинилэр сүбэлэринэн, көмөлөрүнэн кэлэктиипкэ уонна үлэбэр үчүгэйдик киирбитим».
https://t.me/kiin_kyorat_gazeta
-
2023-02-09 04:34:12+00:00
#КК_Сэргээ
📺”Саха” НКИХ сотору саңа сериал көрдөрүөҕэ🤩
Байбаллаах Дуунньа бииргэ дьоллоохтук олорон кэллилэр. Кинилэр атахтарыгар турбут оҕолордоох, номнуо сиэннэрдээх, бэйэлэрэ кыра хаһаайыстыбалаах дэриэбинэ сэниэ ыала буолаллар. Ол эрээри олохторун оҥочото биир кэм чуумпутук устар дуо?
«ОЛОХ ОҤОЧОТО» сериалы
🗓 олунньу 27 күнүттэн
🕘 21:00 чаастан
көрүҥ! 😍
Сценарий: Октябрина Шестакова 📝
Режиссер: Марина Барашкова 🎥
😍"Саха" НКИХ сериалларын сэҥээрэн көрөр дьон элбэх. Сериаллар тустарынан сиһилии кэпсиир телеграмм ханаалга суруттарыҥ: https://t.me/sakha_serial_nvk
https://t.me/kiin_kyorat_gazeta
-
2023-02-09 03:35:11+00:00
#КК_Сонун
🏫 Муус устар ыйга куорат саамай улахан оскуолатыгар сурутуу саҕаланар
Үөрэх управлениета иһитиннэрбитинэн, Прометей дьоҕус оройуонун 39-с №-дээх саҥа оскуолатыгар муус устар 1 күнүттэн маҥнайгы кылааска сурутуу саҕаланар. Атын кылаастарга сурутуу ыам ыйыттан оҥоһуллар.
"Төрөппүттэр баҕа санааларыгар олоҕуран, булгуччу сахалыы уонна нууччалыы кылаастар баар буолуохтара",— диэн социальнай ситимнэргэ Үөрэх управлениетын начаалынньыга Мария Петрова иһитиннэрдэ.
Сокуоҥҥа олоҕуран, оскуолаҕа киирии прописканан оҥоһуллар. Аадырыстары чуолкайдааһын кулун тутар 15 күнүгэр диэри быһаарыллыахтаах.
Манна даҕатан эттэххэ, өрөспүүбүлүкэ уонна Дьокуускай саамай улахан, 990 миэстэлээх оскуолата биллиилээх судаарыстыбаннай деятель, ССРС үөрэҕириитин туйгуна Николай Иванович Шарин аатын сүгэр.
https://t.me/kiin_kyorat_gazeta
-
2023-02-09 02:35:07+00:00
#КК_Сонун
🚌 Евгений Григорьев уопсастыбаннай тырааныспар сайдыытын былаанын билиһиннэрдэ
Куорат баһылыга Евгений Григорьев, олунньу 7 күнүгэр социальнай ситимнэргэ быһа эпииргэ, Дьокуускай уопсастыбаннай тырааныспарын сайдыытын былаанын туһунан кэпсээтэ уонна олохтоохтор ыйытыыларыгар хоруйдаата.
Куорат баһылыга https://yakutsk-transport.ru/ анал сайтка уопсастыбаннай тырааныспары олохтоохторго табыгастаах оҥорууга, билиҥҥи кэмҥэ төһө элбэх пассажир айанныырын учуоттаан туран туһуламмыт бырайыак бастакы түһүмэҕин түмүктэрин көрдөрдө.
Билиҥҥи кэмҥэ Дьокуускай куорат уопсастыбаннай тырааныспарын ситимин табыгастаах оҥорор сыалтан олохтоохтор санааларын уонна этиилэрин хомуйуу салҕанар. Итиннэ кыттарга https://yakutsk-transport.ru/ сигэнэн киириллэр. Сайтка саҥа маршрут ситимин бырайыагын кытта билсиэххэ, этиилэри уонна баҕа санаалары хаалларыахха сөп.
https://t.me/kiin_kyorat_gazeta
-
2023-02-09 01:30:44+00:00
#КК_Дьон
💬Сорох дьон, кырдьык, Серошевскайы саха тылын билбэт этэ дииллэр. 12 сыл устата саха дьонун кытта бииргэ алтыһан олорон, саатар кэпсэтии тылын баһылаабыт буолан итинник элбэх матырыйаалы хомуйбута саарбаҕа суох. Саха тылларын сыыһа суруйар диэн этиилэр эмиэ соччо оруна суохтар. II-с туом рукопиһа каллиграфическай, чуолкай, ыраас буочарынан суруллубут, чэпчэкитик ааҕыллар; ааптар сатаан истибэтэх дуу, өйдөөбөтөх дуу тылларын сүһүөҕүнэн арааран биэрэр. Онон текстологическай эрэдээксийэтин оҥорорго сахалыы тыллар үксүлэрэ сөптөөхтүк бэриллибиттэр диэн сыаналыыбын.
❇️Тохсунньу ый 24 күнүгэр этнограф, суруйааччы, политсыылынай Вацлав Серошевскай “Якуты. Опыт этнографического исследования” диэн аан дойдуга саха омугун олоҕун билиһиннэрбит кинигэтин II-с туомун сүрэхтэниитэ буолан ааста. Олоҥхобут, сахабыт тылын дьылҕатын туһунан филологическай наука кандидата, СӨ П.А.Ойуунускай аатынан Судаарыстыбыаннай бириэмийэ лауреата Агафья Еремеевна Захарованы кытта сэһэргэстибит.
https://t.me/kiin_kyora
-
2023-02-09 00:36:06+00:00
#КК_Сонун
🚔Сыл саҕаланыаҕыттан 300-тэн тахса суол саахала таҕыста
Киин куоракка сыл саҕаланыаҕыттан 323 суол саахала таҕыста, ол иһигэр икки киһи өлүүлээх уонна 40 эчэйиилээх диэн иһитиннэрдэ ГИБДД пресс-сулууспата.
Тоҕус күн иһигэр 93 суол саахала таҕыста, онно 11 киһи эчэйдэ, ол иһигэр иккитэ – сокуоннай саастарын ситэ иликтэр.
Суол саахалын сүрүн биричиинэлэрэ – тырааныспарга итирик туруктаах айан, түргэн сырыы уонна суол быраабылаларын кэһии.
Суол саахалын ахсаана элбээн олунньу 6 күнүттэн куорат уулуссаларыгар ДПС эриэйдэтэ күүһүрдүлүннэ. Ураты болҕомто тырааныспар уруулугар аһыы утаҕы амсайан баран олорор суоппардарга, суол уонна пассажирдары тиэйии быраабылаларын кэһэр дьоҥҥо туһаайыллар.
https://t.me/kiin_kyorat_gazeta
-
2023-02-08 23:35:15+00:00
#КК_СулусчутСүбэтэ
💫Олунньу 9-16 күннэринээҕи гороскоп.
ИККИС ЧААҺА.
https://t.me/kiin_kyorat_gazeta
-
2023-02-08 23:33:06+00:00
#КК_СулусчутСүбэтэ
💫Олунньу 9-16 күннэринээҕи гороскоп.
БАСТАКЫ ЧААҺА.
https://t.me/kiin_kyorat_gazeta
-
2023-02-08 22:35:11+00:00
#КК_Анонс
🗞️ Бүгүн тахсыбыт "КИИН КУОРАТ" хаһыаты "Горпечать" бары киоскаларыттан булуохха сөп.
💠Олоҥхобут, сахабыт тылын дьылҕатын туһунан филологическай наука кандидата, СӨ П.А.Ойуунускай аатынан Судаарыстыбаннай бириэмийэ лауреата Агафья Еремеевна Захарова.
💠Биэс оҕолоох Габышевтар оҕолорун сахалыы иитэр ньымалара.
💪Физкултуураҕа уонна спорка управление начаалынньыга Эдуард Ефимов.
💫"Баҕа санаа каартатын" оҥорор Айаана Ефимова.
🇷🇺Эдэр армеецтары бэлэмниир киин.
🏆 Спорт сонуннара.
«Холумтан» сыһыарыыга:
🥰Күрэххэ киирбит хоһооннор.
🙂Доруобуйаны тупсарыыга сүбэлэр.
😱Саҥа мистика кэпсээн.
😋Минньигэс десертэр ырысыаптара.
🗞Сойбот сонуннар.
📰Телевидение бырагыраамата.
✍️Сахалыы сканворд.
https://t.me/kiin_kyorat_gazeta
-
2023-02-08 12:26:28+00:00
#КК_Кэпсээн
ТҮҮЛ БУОЛБУТ ОЛОХ (Мистика)
Ааптар: Варвара Корякина
Үһүс чааһа.
ТЫАҺААНЫ ДЬИКТИ КИСТЭЛЭҤЭ
Утуйа сытан уол дьикти түүлү түһээтэ. Арай мыраан үрдүгэр ыраас сиргэ турар эбит. Ыраах аллара Туймаада хочото нэлэһийэ сытар. Дьэ, дьикти - куората суох. Онон манан күрүөлээх-хаһаалаах улахан балаҕан дьиэлэр, алта, аҕыс кырыылаах дьикти тутуулар, моҕол туос ураһалар кэккэлэспиттэр, баараҕай булгунньахтар туох эрэ биллибэти, мээнэ хаптаҕай кулгаахтаахха кэпсэммэти, эмиэ да киһи дьиксинэрин, кистээбиттии күөх отунан үүнэн, дьиппиэрэн тураллар. Ньургун дьиктиргии санаата. Онтон кэннигэр чэпчэки атах тыаһа иһилиннэ. Уол эргиллэн көрбүтэ, били Таайаҕа майгынныыр дьүһүннээх, өйүгэр оҥорон көрбүт, кыыһа кэлэн мичээрдээн мичилэ турар эбит.
Салҕыыта: https://kiinkuorat.ru/articles/t-l-buolbut-oloh-mistika-1
https://t.me/kiin_kyorat_gazeta
-
2023-02-08 10:40:36+00:00
#КК_ТускарТуһан
☕️Кэрэ буоларга көмөлөһөр чэйдэр
Чэй – киһи ис туругун тупсарарын таһынан, тас көстүүбүтүгэр олус туһалаах, сөпкө истэххэ доруобуйаны тупсарар саамай туһалаах утах.
🫖Ромашкаттан чэй
Кэрэ сэбэрэлэнэргэ бастатан туран үчүгэйдик уубутун хана утуйуохтаахпыт. Үчүгэйдик утуйарга ромашкаттан оҥоһуллубут чэй көмөлөһөр. Уутун хана утуйар, сынньанар киһи тас көстүүтүттэн тута биллэр.
Аптекаҕа атыыланар ромашкаттан чэй оҥостон иһэбит, пакетиктарын харахпыт анныгар уурунан мааска оҥостобут.
🍵Күөх чэй
Тирии күнтэн харыстанар күүһүн улаатыннарар. Күн сыралҕаныгар аһара сылдьар тирии араагар тиэрдиэн сөбүн өйдүөхтээхпит.
Күөх чэйгэ баар элбэх радикаллардаах катехиннар сирэй мырчыстаҕаһын утары охсуһаллар. Бу катехиннар сирэй тириитин өлбүт клеткаларын тилиннэрэр кыахтаахтара науканан дакаастанан турар.
Атын чэйдэр туһалара манна баар: https://kiinkuorat.ru/articles/kere-buolarga-k-m-l-r-cheyder-1
Туһаның, сэргээң, тарҕатыҥ🤗
https://t.me/kiin_kyorat_gazeta
-
2023-02-08 09:37:07+00:00
#КК_Сэргээ
✍️Дьокуускайга Бүтүн Арассыыйатааҕы
«Аҕа дойдуну көмүскээччигэ сурук»
ыччат аахсыйатыгар киирбит суруктартан быһа тардан таһаарабыт.
https://t.me/kiin_kyorat_gazeta
-
2023-02-08 08:33:16+00:00
Улуу тренер Дмитрий Коркин туһунан испэктээкил үлэтэ саҕаланна 👏🏼👏🏼👏🏼
Былатыан Ойуунускай аатынан Саха театрын сыанатыгар СӨ үтүөлээх учуутала, Сэбиэскэй Сойуус, Россия уонна Саха Өрөспүүбүлүкэтин үтүөлээх тренерэ Дмитрий Петрович Коркин туһунан испэктээкил турара күүтүллэр. Испэктээкили биллиилээх режиссер Сергей Потапов туруоруоҕа, пьесаны драматург Утум Захаров суруйуоҕа.
🎭 СИҺИЛИИ https://vk.com/wall712397092_511
-
2023-02-08 07:34:06+00:00
#КК_Сэргээ
🇷🇺Дьокуускай куораттааҕы Эдэр армеецтары бэлэмниир кииҥҥэ (Юнармия дьиэтэ) олунньу ый устата Патриотическай иитии ыйа ыытыллар.
Киин ааспыт сыл балаҕан ыйыгар үлэтин саҕалаабыта.
"КИИН КУОРАТ" сарсыҥҥы нүөмэригэр Юнармия дьиэтин үлэтин туһунан сиһилии ааҕыҥ.
🎥Видеоҕа: Аптамаат саа хайдах хомулларын уонна электрическэй бинтиэпкэнэн ытыыны Эдэр армеецтары бэлэмниир киин педагога Иннокентий Горохов көрдөрөр.
https://t.me/kiin_kyorat_gazeta
-
2023-02-08 06:35:22+00:00
#КК_Сонун
❇️Бу күннэргэ Дьокуускай уокуруктарыгар ыттары дьаарбатыы быраабылатын тутуһууну хонтуруоллуур Ветеринария департаменын, уокуруктар управаларын бэрэстэбиитэллэрэ кыттыылаах эриэйдэлэр ыытыллаллар.
🐕 Ыттаах дьоҥҥо быраабылалары быһаараллар, памяткалары түҥэтэллэр.
https://t.me/kiin_kyorat_gazeta
-
2023-02-08 05:35:20+00:00
#КК_ТускарТуһан
Пакеттан аккаастаныахха
♻️Дойдубутугар оҥоһуллан тахсар пластик 3 эрэ бырыһыана переработкаҕа барар. Пластик пакет ортотунан 400 сыл сытан ымыйар.
Кумааҕы пакет айылҕаҕа буортута эмиэ элбэх. Тоҕо диэтэххэ, кумааҕы пакеты оҥорон таһаарыыга 70 бырыһыан токсичнай эттик тыынар салгыммытыгар көтөн тахсар. Онон саамай сөптөөх суол – таҥас суумкаларынан туһаныы.
Дойду үрдүнэн 26 миллиард пакет сыллата оҥоһуллан тахсар. Биир пакет ортотунан 12 мүнүүтэ эрэ туттуллар, онтон бөххө быраҕыллар.
☝🏻Пакеттан аккаастанар эмиэ сүрдээх судургу – сиэппитигэр, суумкабытыгар таҥас суумканы укта сылдьар үөрүйэҕи иҥэриниэхпитин эрэ наада. 21 күн устата боруобалаан көрүҥ эрэ, үөрэнэн хаалбыккытын билбэккэ да хаалыаххыт.
https://t.me/kiin_kyorat_gazeta
-
2023-02-08 04:35:14+00:00
#КК_МинньигэстикАһааң
ТҮРГЭННИК ОҢОҺУЛЛАР САЛААТТАР
🥗 Олус судургутук уонна сыыдамнык оҥоһуллар салааттар ырысыаптарын тускутугар туһаныҥ.
🖇️“Венеция”
Састааба: ыыһаммыт (копченай) халбаһы, оҕурсу, моркуоп, кукуруза, майонез.
Халбаһыны, оҕурсуну, моркуобу барытын биир формалаан кырбыыбыт. Кукурузаны, майонеһы эбэбит.
🖇️“Нежность”
Састааба: хаппыыста, ыыһаммыт халбаһы, чеснок, петрушка, майонез, туус.
Барытын кырбаан, чесногу олох бытархай гына кырбастаан баран, салааппытын майонезтаан кэбиһэбит.
🖇️“Суһал салаат”
Састааба: крабовай палочка, сухарик, кукуруза кэнсиэрбэтэ, пекинскэй хаппыыста, кытаанах сыыр, майонез, чеснок, хара биэрэс, туус.
Хадах баҕараргытынан кырбаан салаат оҥороҕут.
😉Өссө атын ырысыаптар манна бааллар: https://kiinkuorat.ru/articles/t-rgennik-o-o-ullar-salaattar-1
Туһаның, сэргээң, тарҕатыҥ🤗
https://t.me/kiin_kyorat_gazeta
-
2023-02-08 03:32:06+00:00
#КК_Сонун
❇️Куорат баһылыга Евгений Григорьев IT-эйгэтин бэрэстэбиитэллэрин иннигэр отчуоттаата. Көрсүһүү «IT-куб» Цифровой үөрэхтээһин киинигэр буолла.
Куорат эйгэтигэр информационнай технология сайдыытын туһунан кэпсииригэр, баһылык Дьокуускай уопсастыбаннай миэстэлэригэр 2022 сыл саҥатыгар 134 видеокамера баарын, быйыл тохсунньу ыйга эбии 200 туруоруллубутун уонна сыл устата өссө 200 былааннаммытын, уопсайа 534 камера буолуохтааҕын иһитиннэрдэ.
Былырыын 41 муниципальнай өҥө электроннай көрүҥүнэн оҥоһулунна. 2023-2024 сылларга 51 муниципальнай өҥөнү цифровой көрүҥҥэ уларытар былаан баар.
IT-эйгэтин бэрэстэбиитэллэрэ ыйытыыларын уонна этиилэрин киллэрдилэр. Ол курдук, кинилэр бөҕү арааран хомуйуу логистикатын, дистанционнай үөрэҕи саҥардыы, IT-бородуукталары үбүлээһин, предпринимательствоны өйүүр миэрэлэр, итиэннэ Үс Хатыҥҥа интэриниэти киллэрии, суотабай сибээһи тупсарыы боппуруостарын көтөхтүлэр.
https://t.me/kiin_kyorat_gazetaт
-
2023-02-08 02:37:16+00:00
🌬️🧊❄️Дьокуускайга муус уонна хаар оҥоһуктар күрэстэригэр 15 хамаанда кыттыа
Олунньу 6-11 күннэригэр 202-с дьоҕус оройуоҥҥа «Хотугу сулус» муус пааркаҕа муус уонна хаар оҥоһуктар күөн күрэстэрэ ыытыллар. Манна уопсайа 15 хамаанда кыттар: Саха сириттэн 11 уонна Хабаровскайтан, Москваттан, Тыва уонна Беларуссия өрөспүүбүлүкэтиттэн.
Быйылгы муус оҥоһукка айылҕа харыстабылын, оттон хаар оҥоһуктарга дойдуга бэриниилээх буолуу тиэмэтин арыйыахтара.
Видео: Ион Иванов
-
2023-02-08 01:35:21+00:00
#КК_ТускарТуһан
🔹Эко-бахила - улахан экономия
Оскуолаларга, уһуйааннарга бахила атыылаһан кэтэбит. Ортотунан 5 солк. буолар. Сарсыарда уонна киэһээ иккитэ ылабыт – күҥҥэ 10 солк.
Нэдиэлэҕэ 5 үлэ күнэ - 50 солк. 1 ыйга 200 солк.
Бөҕү туһунан наардааһын актыбыыстара ааҕалларынан, биир киһи ыйга 60 бахиланы туһанар – 300 солк. барыыр.
☝🏻100 киһи тигии бахиланы кэттэҕинэ, сыл устата 52000 полиэтилен бахила бөххө барбат. Бахила пластиктан оҥоһуллар буолан сүүһүнэн сыллар устата айылҕаны киртитэ сытар.
👍🏻Бахиланы бэйэбит тиктэн сылга ортотунан 3600 солк. харыстыыбыт.
Тигии бахила бөҕө-таҕа буолар.
Ордук плащевой таҥас барсар. Таҥас маҕаһыынарыгар бу матырыйаал 200 солк. саҕалаан сыаналаах. Сууйарга судургу, куурара түргэн. Тэбээн кэбистэххэ сыыһа тута тэбэнэр.
🪡🧵Быһан тигэр эмиэ судургу – 4 муннуктуу уһун синньигэс мөһөөччүк тигэн баран эрэһииҥкэлээн кэбиһэҕит.
https://t.me/kiin_kyorat_gazeta
-
2023-02-08 00:33:06+00:00
❗БИЛЛЭРИИ❗
Билэрбит курдук, олунньу 13 күнүгэр, сылын ахсын “ТӨРӨӨБҮТ ТЫЛ уонна СУРУК-БИЧИК КҮНЭ” бэлиэтэнэр. Быйылгы декада чэрчитинэн, олунньу 12 күнүгэр, бу кэлэр өрөбүлгэ, күнүс 14:30 чаастан, Өксөкүлээх Өлөксөй аатынан норуоттар доҕордоһууларын киинин көстүүнэйигэр, (уҥа диэки иккис этээс), “СилиС” түмсүү уонна “Саха Эйгэтэ” общественнай тэрилтэлэр тэрийиилэринэн
“САХА СУРУГА-БИЧИГЭ ХАҺАН, ХАННА УОННА ХАЙДАХ ҮӨСКЭЭБИТЭЙ?”
(“ИСТОРИЯ ЯКУТСКОЙ ПИСЬМЕННОСТИ”)
диэн саха дьонугар анаан лекция уонна аһаҕас кэпсэтии ыытылларын туһунан биллэрэбит. Лектор – Кузьма Федоров, “СилиС” түмсүү салайааччыта, былыргы Үрүҥ Ойууннар уурунуу суруктарын чинчийээччи, хас да кинигэ автора.
Ким баҕалаах кэлиэн сөп, киириитэ босхо.
Ыйыталаһар тел/ватсап нүөмэрэ 8 914 235 00 20
-
2023-02-07 23:40:11+00:00
#КК_ТөрөппүтКыһата
👧🏻👦🏻Оҕолорбутун сахалыы саҥардыаҕыҥ, онуоха бэйэ-бэйэбитигэр холобур буолуоҕуҥ✊
Гуляевтар: "Оҕону тыа сириттэн тэйитимиэххэ".
https://kiinkuorat.ru/articles/o-oloru-tya-siritten-teyitimiehhe
Оҕолорун үс тылынан тэҥинэн иитэр Романовтар:
https://kiinkuorat.ru/articles/o-olorbun-s-tylynan-iitebin
Элбэх оҕолоох ийэ Алла Ноговицына: "Ийэ тыл - оҕону сайыннарар инструмент"
https://kiinkuorat.ru/articles/t-r-b-t-tyl-o-o-saydarygar-tu-alaah-instrument
Владислав Коротов сайылык саха тылын иҥэрэр туһатын туһунан:
https://kiinkuorat.ru/articles/o-o-tya-siriger-sayylyahtaah
Халан: "Тыл - толкуйдуур ньыма"
https://kiinkuorat.ru/articles/halan-tyl-tolkuyduur-nyma
Ядрихинскайдар: "Ийэ тыллаах оҕо олоххо элбэҕи ситиһэр"
https://kiinkuorat.ru/articles/iye-tyllaah-o-o-olohho-elbe-i-siti-er
Педагог Татьяна Скрябина: “Оҕотун таптыыр төрөппүт сахалыы үөрэтиэхтээх”
https://kiinkuorat.ru/articles/tatyana-skryabina-o-otun-taptyyr-t-r-pp-t-sahalyy-retiehteeh
https://t.me/kiin_kyorat_gazeta
-
2023-02-07 22:36:06+00:00
#КК_Сонун
Өксөкүлээх Өлөксөй аатынан норуоттар доҕордоһууларын дьиэтэ, “Ийэ тыл” көңүл түмсүү, Олоҥхо Ассоциацията
Олунньу 13 күнүгэр
ТЫЛ - ОМУК ТЫЫНА
Төрөөбүт тыл, сурук-бичик күнүгэр ыҥырар.
https://t.me/kiin_kyorat_gazeta
-
2023-02-07 12:35:34+00:00
#КК_Кэпсээн
ТҮҮЛ БУОЛБУТ ОЛОХ
(Мистика)
Ааптар: Варвара Корякина
Иккис чааһа
ТҮҮЛ ДУУ, ИЛЭ ДУУ
Ньургун дьиэтигэр тиийбитэ, кэм-кэрдии ырааппыт этэ. Аҕата сарсыарда эрдэ турар буолан, сыппыт этэ, утуйардыы. Ийэтэ сарсыҥҥы аһылыгын бэлэмнээн баран, сойута олороро.
- Хайыы, Ньургунчук, эмиэ хойутаатыҥ дии, эбэҕин кытта былыргыны түөрэн, сэһэргэһэн, тардылыннаҕыҥ эмиэ, - дии-дии ийэтэ куукунаттан тахсан, уолун иэдэһиттэн сыллаан ылбыта.
- Ээ, ийээ, эбээни кытта ону-маны кэпсэттибит аҕай, - уол кэпсэтииттэн дуоһуйбутун биллэрбитэ.
Салҕыыта: https://kiinkuorat.ru/articles/t-l-buolbut-oloh
https://t.me/kiin_kyorat_gazeta
-
2023-02-07 11:08:22+00:00
#КК_Сонун
❄️ Дьокуускай куораттааҕы суол сулууспалара уулуссалартан, болуоссаттартан, сквердэртэн хаары күннэри-түүннэри ыраастыыллар уонна тиэйэллэр.
Олунньу 7 күнүгэр бэдэрээтчик «Якутдорстрой» АУо хаар ыраастааһыныгар суол үлэһиттэрин уонна анал тиэхиньикэни күүһүрдүллүбүт эрэсииминэн үлэлэттэ: 12 КО-806 массыынаны, 3 ДЗ-98 автогрейдер, 2 МТЗ-82 тыраахтыр, 2 «бобкэт», 21 КАМАЗ самосвал, биир фронтальнай погрузчик.
Олунньу 1 күнүттэн 7 күнүгэр диэри уопсайа 14 тыһыынча кубометр хаар полигоҥҥа тиэйилиннэ.
Кыһын саҕаланыаҕыттан суол үлэһиттэрэ 166 тыһыынча кубометртэн тахса хаары тиэйдилэр.
https://t.me/kiin_kyorat_gazeta
-
2023-02-07 08:30:34+00:00
#КК_Сонун
Өксөкүлээх Өлөксөй аатынан Норуоттар доҕордоһууларын дьиэтэ, “Ийэ тыл” көңүл түмсүү, Олоҥхо ассоциацията
Олунньу 13 күнүгэр
ТЫЛ - ОМУК ТЫЫНА
Төрөөбүт тыл, сурук-бичик күнүгэр ыҥырар.
https://t.me/kiin_kyorat_gazeta
-
2023-02-07 07:40:28+00:00
#КК_Сонун
❇️ Евгений Григорьев Автодорожнай уокурукка отчуоттаата
Өрөспүүбүлүкэтээҕи аадырыстаах бырагырааманан 41 кыбартыыраттан 126 гражданин көһөрүлүннэ, 4 дьиэ көтүрүлүннэ. Муниципальнай бырагырааманан Чернышевскай уул., 26 дьиэтэ көтүрүлүннэ. Бу дьиэни саҥа матырыйааларынан чөлүгэр түһэрэллэр.
Птицевод, Тимирязев уулуссалара, итиэннэ Речевой оскуолаҕа чугаһыыр суол өрөмүөннэннилэр. Спортивнай уонна оҕо балаһааккаларын туттулар уонна өрөмүөннээтилэр, аччыгый архитектурнай пуормалары туруордулар, 8 тиэргэн территорията тупсарылынна.
2023 уокурукка 19-с №-дээх оскуола хапытаалынай өрөмүөнэ былааннанна. Аадырыстаах бырагырааманан 78 кыбартыыраттан 212 гражданин көһөрүллэр. Уулусса-суол ситимин өрөмүөнэ, социальнай гаастааһын, канализация коллекторын, уу ситимин тутуута салҕанар, «Лена» киинэ театрын аттыгар сылаас тохтобул туруоруллуоҕа.
https://t.me/kiin_kyorat_gazetaн
-
2023-02-07 06:37:01+00:00
#КК_Сонун
❇️16:00 чаастан Дьокуускай куорат баһылыга Евгений Григорьев социальнай ситимнэринэн быһа эфиргэ тахсарын санатабыт.
ВКонтакте: https://vk.com/id710173374
Одноклассники: https://ok.ru/profile/587506492298
https://t.me/kiin_kyorat_gazeta
-
2023-02-07 05:32:21+00:00
#КК_ТускарТуһан
Киин куорат баһылыгар тус приемҥа киирэр ньымалар:
❇️ yakutsk@sakha.ru официальнай электроннай почтаҕа суруйан;
❇️ 40-80-76 төлөпүөнүнэн эрийэн;
❇️ Дьокуускай к., Ленин пр.,15 аадырыска сурук суруйан;
❇️ Олохтоох дьаһалта дьиэтигэр сайабылыанньа тиксэрэн (Дьокуускай к., Ленин пр.,15, 113 кэбиниэт,
үлэ күнүгэр 9:00-18:00 чч., эбиэт – 13:00-14:00чч.)
❇️ Бэлиэтээн эттэххэ, куорат баһылыгын тус приема эрдэттэн суруйтарыынан ыытыллар. Маныаха үөһээ ыйыллыбыт ньымаларынан суругунан сайабылыанньа ирдэнэр, сайабылыанньаҕа боппуруоһу, кыһалҕаны сиһилии ыйар, онуоха сыһыаннаах докумуоннары (баар буоллаҕына) сыһыарар, тус төлөпүөнү, электроннай аадырыһы ыйар наада.
❇️ Сайабылыанньа регистрацияланнаҕына, гражданиҥҥа тус приемҥа киирэр күнүн-дьылын туһунан иһитиннэрии кэлэр.
https://t.me/kiin_kyorat_gazeta
-
2023-02-07 04:35:18+00:00
“Артыыстар Дьокуускай туһунан хоһоон ааҕаллар” диэн көрсүһүүгэ артыыска Надежда Ушницкая ыҥырыллан сырытта🎭👏🏼🤩
Олунньу 6 күнүгэр Саха Өрөспүүбүлүкэтин үтүөлээх артыыската Надежда Ушницкая В.Г.Белинскэй аатынан кыраайы үөрэтэр библиотека “Куорат олохтооҕо” кулуубун чэрчитинэн ыытыллар “Артыыстар Дьокуускай туһунан хоһоон ааҕаллар” диэн көрсүһүүгэ ыҥырыллан сырытта. Бу библиотека Саха театрын кытта бииргэ тэрийбит бырайыактара иккис сылын ыытыллар.
Бу күн көрсүһүүгэ тэрийээччи уонна ыытааччы библиотекарь Екатерина Васильевна А.Д.Макарова аатынан Культура уонна искусство колледжын төрүт култуура салаатыгар 2-с кууруска үөрэнэр устудьуоннары ыҥырбыт. Күрсүһүү саха биллиилээх суруйааччыта, поэта, тыл үөрэхтээҕэ уонна уопсастыбаннай диэйэтэлэ Алтан Сарын төрөөбүтэ 125 сылыгар анаан Надежда Ушницкая Г.В.Баишев-Алтан Сарын “Уруккутун өйдүөбүт” кэпсээнин ааҕыытынан саҕаланна.
СИҺИЛИИ... https://vk.com/wall712397092_508
-
2023-02-07 03:45:16+00:00
#КК_ТускарТуһан
🐕 Булчут ыты хайдах билиэххэ сөбүй?
📌Тайах ордук үрүҥ-хара эриэн дьүһүннээх ыкка тохтуур.
📌Булчут ыт кус уҥуоҕун сиэбэт, эһэ этин сиир, куттас ыт эһэ этин сиэбэт.
📌Эккэ ыт булчута суох буолар.
Киһини батыһа сылдьар ыт – мөлтөх ыт.
📌Улахан саҥалаах ыт – тайахха ордук.
📌Тот ыт кыайан бултаабат. Ыты күҥҥэ биирдэ-иккитэ аһатыллар.
📌Ыты 3 сааһыгар аттыыллар. Аттаммыт ыт 13-14 сыл устата бултуур, уһуннук олорор, оттон атыыр ыт булка 10 сыл сылдьар.
📌Ыты булка уһуйарга моҕотойу, тииҥи, андаатары өлөрөн, тириитин сүлэн баран этин эрэ биэриллэр.
📌Булчут ыты ыты кытта охсуһуннарбаттар, оҕоҕо үлбүрүттэрбэттэр.
https://t.me/kiin_kyorat_gazeta
-
2023-02-07 02:34:11+00:00
Уважаемые родители (законные представители)!
Вакантные места в МБДОУ городского округа "город Якутск"
Обращаться в Управление образования г. Якутска по адресу Лермонтова 79, 2 этаж, каб. 204
Прием граждан: Вторник, Среда, Четверг.
Время: с 09:00 до 12:00 по предварительной электронной записи
⌨️Предварительная запись ведется через
Региональный портал электронных услуг Республики Саха (Якутия) (РПГУ) https://e-yakutia.ru
(Запись в ведомство – Управление образования)
-
2023-02-07 01:30:57+00:00
#КК_Сонун
❇️Бүгүн Дьокуускай куорат баһылыга Евгений Григорьев социальнай ситимнэринэн быһа эфиргэ тахсар.
🔹Олунньу 7 күнэ
⌚️16:00
ВКонтакте: https://vk.com/id710173374
Одноклассники: https://ok.ru/profile/587506492298
https://t.me/kiin_kyorat_gazeta
-
2023-02-06 23:32:11+00:00
#КК_Факт
❇️5 тыһыынчаттан тахса киһи Дьокуускай куорат дьаһалтатын отчуоттарыгар сырытта.
Отчуоттар 15 уокурукка, 10 чопчу хайысхалаах эйгэлэринэн буолан аастылар.
Олунньу 8 күнүгэр дьаһалта Дьокуускай куораттааҕы дуума иннигэр отчуоттуоҕа.
https://t.me/kiin_kyorat_gazeta
-
2023-02-06 22:35:13+00:00
#КК_Поэзия
Мин тылым
Ааптар: Николай Пахомов
Кыра сиэним, чыычааҕым,
Күнүм тахсар чаҕылым,
Хааман иһэн ыллыырдыы
Былльыгырыа сахалыы.
Удьуордарын сиэринэн
Ийээ, аҕаа диэнинэн
Саҕалыаҕа саҥатын,
Олуктуоҕа дьылҕатын.
Төрүт тылын төлкөтүн
Илдьэ кэлбит өҥөтүн
Куруук үөһээ тутуоҕа,
Арбаан өрө уунуоҕа.
Сиккиэр тыалбыт сипсиэрин,
Кини тугу кэпсиирин
Сахатытан туойуоҕа,
Арбыыр тойук буолуоҕа.
Күнү көрсөн айхаллыы
Кэпсэтиэҕэ сахалыы,
Сүүрүк тыаһын уйаргыы
Истиэ сэмээр уруйдуу.
Таптал тылын нарылыы
Сипсийиэҕэ сахалыы,
Ону саха кыысчаана
Истиэ эбээт туймаара.
Өлбөт үөстээх мин тылым,
Айыыһыттан аналым,
Ыччаттарбар бэриллиэ,
Сүппэт суола тэлэллиэ.
https://t.me/kiin_kyorat_gazeta
-
2023-02-06 14:21:20+00:00
#КК_Кэпсээн
ТҮҮЛ БУОЛБУТ ОЛОХ
(мистика)
Ааптар: Варвара Корякина
Кырдьаҕас куорат бэрт элбэх кистэлэҥнэрдээх, дьиктилэрдээх, киһи көннөрү өйүнэн сатаан тобулбат таайбараҥнардаах, сибигинэйэн кэпсэнэр ураты номохтордоох, уйулҕаны хамсатар дьикти сэһэннэрдээх.
Бу кэпсээҥҥэ ахтыллар дьикти, киһи чөл өйүнэн соччо анаарбат түбэлтэлэрэ Дьокуускай куоракка араас сылларга буолбуттара диэн Дьокуускай куорат уостан түспэт номохторун сэҥээрээччилэр кэпсииллэрин истэр этим.
Дууһам, өйүм-санаам чүөмпэ түгэҕэр эҥин эгэлгэ номохтор саһа сырыттахтара, ардыгар харахпар ааспыт кэмнэр таайбараҥ буолбут түбэлтэлэрэ тиллэн кэлэргэ дылылар...
Салҕыыта: https://kiinkuorat.ru/articles/t-l-buolbut-oloh-mistika
https://t.me/kiin_kyorat_gazeta
-
2023-02-06 10:55:42+00:00
#КК_Сонун
❇️ Октябрьскай уокурукка Олохтоох дьаһалта үлэтин үрдүктүк сыаналаатылар
Олунньу 4 күнүгэр куорат баһылыга Евгений Григорьев отчуота Октябрьскай уокурукка буолла.
2022 сылга уокурукка баар 31-с №-дээх оскуолаҕа, «Белочка», «Кэнчээри», «Умка» оҕо уһуйааннарыгар өрөмүөн ыытылынна. Хаарбах дьиэ 4 кыбартыыратыттан 15 гражданин көһөрүлүннэ. Ленин проспегын хапытаалынай өрөмүөнүн бастакы түһүмэҕин сэргэ Глухой, Жирков уулуссаларын переулоктара, Каландаришвили уулуссата өрөмүөннэннилэр. Тиэргэн территориялара тупсарылынна, спортивнай балаһааккалар тутулуннулар, оҕо балаһааккалара өрөмүөннэннилэр.
Сиһилии: https://kiinkuorat.ru/articles/oktyabrskay-uokurukka-olohtooh-da-alta-letin-rd-kt-k-syanalaatylar
https://t.me/kiin_kyorat_gazeta
-
2023-02-06 09:50:49+00:00
#КК_Сонун
❇️ Киин уокурукка сылаас тохтобул оҥоһуллар
Олунньу 2 күнүгэр ыытыллыбыт отчуокка куорат баһылыга Евгений Григорьев Олохтоох дьаһалта ааспыт сыллааҕы үлэтин түмүктэрин уонна быйылгы былааннарын кэпсээтэ.
Киин уокурук территориятыгар «Куттала суох, хаачыстыбалаах суоллар» национальнай бырайыак чэрчитинэн Ленин проспегын хапытаалынай өрөмүөнүн бастакы түһүмэҕэ ыытылынна, Щорс күөлүн кытыытынааҕы уулуссалар өрөмүөннэннилэр, 2022 сылга Поярков уулуссатын өрөмүөнэ саҕаланна. Быйыл Ленин проспегын хапытаалынай өрөмүөнүн иккис түһүмэҕэ салҕанара уонна Поярков уулуссатын өрөмүөнэ түмүктэнэрэ былааннанар.
Сиһилии: https://kiinkuorat.ru/articles/kiin-uokurukka-sylaas-tohtobul-o-o-ullar
https://t.me/kiin_kyorat_gazeta
-
2023-02-06 08:01:24+00:00
#КК_Сонун
❇️Василий Егорович Пинигин Дьокуускай куорат Строительнай уокуругун салайааччытынан ананна.
Пинигин Василий Егорович 1985 сыллаахха Саха АССР Мэҥэ Хаҥалас оройуонун Балыктаах сэлиэнньэтигэр төрөөбүтэ.
2005 сыллаахха Дьокуускайдааҕы потребительскэй кооперация торговай-экономическэй колледжын бухгалтер идэлээх, 2016 сыллаахха Иркутскай куоракка Байкаллааҕы судаарыстыбаннай университет юриспруденция салаатын бүтэрбит, 2019 сыллаахха – Дьокуускайдааҕы тыа хаһаайыстыбатын судаарыстыбаннай академиятыгар саҥалыы бэлэмнэһиини судаарыстыбаннай уонна муниципальнай салайыыга исписэлиис квалификациялаах бүтэрбитэ.
2005 – 2018 сылларга эргиэн эйгэтигэр менеджеринэн, тэрилтэлэр дириэктэрдэринэн үлэлээбит;
2018 – 2019 сылларга – Хатас нэһилиэгин дьаһалтатын юристконсультана;
2020-2023 сылларга – Хатас нэһилиэгин дьаһалтатын салайааччытын солбуйааччыта.
https://t.me/kiin_kyorat_gazeta
-
2023-02-06 06:53:47+00:00
#КК_Анонс
❇️ Өлөөн улууһун Култуураҕа управлениетын начаалынньыга Надежда Прокопьевна Николаева:
– Бу киинэ уһуллан, оҥоһуллан тахсыыта бэйэтэ туспа историялаах. 1979 сыллаахха Баһылай Харысхал Сааскылаахха көтөн иһэн Өлөөҥҥө тохтоон ааспыт. Онно Райсэбиэккэ киирэ сылдьан Өлөөн улууһун историятын интэриэһиргиирин эппит. Кини оччолорго “Эдэр коммунист” хаһыат кэрэспэдьиэнинэн үлэлиир эбит. Онуоха олохтоохтор Баһылайга биир эдэркээн быраас кыыс кэлэн үлэлии сылдьыбытын туһунан кэпсээбиттэр. Бу историяны Харысхал наһаа сэҥээрэ истибит уонна, Өлөөн туһунан иһиттэ да, куруук ол кэпсээни саныы түһэр эбит. Онтон 2016 сыллаахха пьеса суруйар.
❇️ Олунньу 2 күнүттэн киэҥ экраҥҥа тахсыбыт "Белый ангел тундры" киинэ историятын туһунан "Киин куорат" бу нэдиэлэтээҕи нүөмэригэр ааҕыаххыт.
https://t.me/kiin_kyorat_gazeta
-
2023-02-06 06:06:03+00:00
#КК_Сонун
❇️ Хатас орто оскуолатын салҕааһынын тутуу саҕаланна. Тутуу бастакы сыбаайата былырыын олунньу 12 күнүгэр саайыллыбыта. Салҕааһын 120 миэстэлээх, 5000 кв.м кэриҥэ иэннээх.
Тутар хампаанньа - "Сэттэ" ХЭТ;
Бэдэрээтчит - Федоров Игорь Валерьевич.
❇️ Быйыл Хатаска өссө биир баараҕай тутуу олоххо киирэрэ күүтүллэр - 400 олорор миэстэлээх спорт комплекса.
❇️ 2024 сылга салгыы Оҕо искусствотын дьиэтин тутуу былааннанар.
https://t.me/kiin_kyorat_gazeta
-
2023-02-06 04:38:06+00:00
#КК_СурукКиирдэ
🏫Тапталлаах оскуолабыт төрөөбүт күнэ
Олунньу 1 күнүгэр биһиги оскуолабыт төрөөбүт күнүн бэлиэтиибит. Быйыл 92 сааһын туолла. Ону тэҥэ "Педагог уонна наставник" сылын үөрүүлээхтик аһыы тэрээһинэ үрдүк таһымнаахтык ааста.
Нэһилиэкпит баһылыгын солбуйааччы А.Е.Ноговицын, оскуолабыт директора П.П.Тимофеев учууталларга, үөрэнээччилэргэ эҕэрдэ тылларын эттилэр, сэмэй бэлэхтэри туттардылар.
“Наставник – эдэр учуутал – үөрэнээччи” күрэххэ алта хамаанда кытынна. Күрэх кыттыылаахтара бары даҕаны олус талааннаахтарын көрдүбүт.
Бырааһынньыктааҕы торду оскуолабыт быйылгы выпускниктара уматтылар, минньигэс астаах бырааһынньыктааҕы эбиэт буолла. И.Е.Винокуров аатынан Намнааҕы педколледж “Бинис” устудьуоннар этэрээттэрэ олус интэриэһинэй күрэхтэри ыыттылар.
Тапталлаах учууталларбытыгар таһаарыылаах үлэни, туйгун үөрэнээччилэри баҕарабыт.
Кира Иванова, Айыына Федотова, М.К.Аммосов аатынан Хатырык орто оскуолатын 7 кылааһын үөрэнээччилэрэ.
https://t.me/kiin_kyorat_gazeta
-
2023-02-06 03:33:11+00:00
#Бассааптан
🌝🌱🌻🌺🍅🍆🍓🍉
Олунньу ыйтан ыла оҕуруотчут сүрүн түбүгэ саҕаланар, үүнээйилэрин сиэмэтин көрөр-истэр, олордор.
ОЛУННЬУ ЫЙ
1-7, 23-29 — оҕуруот аһын олордорго, көһөрөргө табыгастаах күннэр.
4-6, 21-23 — биэрэһи, баклажаны, элбэх хонуктаах помидору, дьиэтээҕи оҕурсууну бу күннэргэ олордуҥ.
1, 5-6, 27-28 — сибэккини олордуу.
2-3, 9-12, 29 — дьэдьэни олордуу.
КУЛУН ТУТАР ЫЙ
1-7, 24-31 — оҕуруот аһын олордорго, көһөрөргө табыгастаах күннэр. Ый саҥатыгар 90-100 хонуктаах помидору олордууну саҕалыыбыт, 70-80 хонуктааҕыны ый иккис нэдиэлэтигэр тылыннарабыт — 2-4, 24-27
2-7, 25-27 — баклажаны, биэрэһи олордуу.
МУУС УСТАР ЫЙ
1-6, 22-30 — оҕуруот аһын олордорго, көһөрөргө табыгастаах күннэр;
22-23, 27-28 — хаппыыста;
1, 4, 27 — сибэкки олордорго табыгастаах күннэр.
10-с чыыһылаттан саҕалаан сиэмэ хортуоппуйу араскылата таһаарабыт. Араскылаабыт хортуоппуй тахсыыта 7-10 хонугунан эрдэлиир, аһын 6-9 хонугунан урут кутар, үүнүүтэ 10-15% үрдүүр;
8-9, 24-25, 27-28 — эрдэ сииргэ анаан дьиэ түннүгэр оҕурсуну олордуохха сөп: Клавдия F1, Маринда F1, Маша, Бианка суортары. Кабачок, тыква, патиссон рассадатын олордуу.
8-9, 26-27 — арбуз, дыня, кабачок;
16-18 — эрдэ сииргэ сүбүөкүлэ рассадатын үүннэрии.
ЫАМ ЫЙА
1-5, 24-31 — оҕуруот аһын олордорго, көһөрөргө табыгастаах күннэр.
3-5, 23-25 — оҕурсу, физалис, кабачок, патиссон.
4-5, 18-20 — моркуобу олордуу.
1-4, 24-25, 29-31 — сибэккини олордуу.
7, 13-15 — сүбүөкүлэни таһырдьа олордуу.
14-15 — хортуосканы олордуу.
11-13, 17-18 — ыарыыны утары охсуһуу.
АТЫРДЬАХ ЫЙА
4, 14-28, 31 — кыһыҥҥы аһы хаһаанарга үчүгэй күннэр, эмтээх оттору, отоннору хатарыы, оҕуруот аһын хаһааныы, сир анныгар үүнэр үүнээйилэртэн уратыны.
4-5, 13-15, 22-23 — уу кутуу, эбии аһатыы.
БАЛАҔАН ЫЙА
5-6, 10-11, 14-15, 17-18 — кыһыҥҥы сибэккилэри олордорго, көһөрөргө табыгастаах күннэр, талахтары, мастары эмиэ. Уу кутуу, эбии аһатыы, ыарыыны утары охсуһуу, эмтээһин ыытыллар.
7-9, 12-14, 24-26 — сүбүөкүлэни, моркуобу, хортуоппуйу уо.д.а. хомуйуу саҕаланар.
7-9, 12-14, 24-26 — эмтээх оттору, отоннору, оҕуруот астарын хаһааныы.
АЛТЫННЬЫ ЫЙ
16-25, 29 — кыһыҥҥы аһы хаһаанарга үчүгэй күннэр.
Бу сүбэлэр "Дьүөгэлэрбэр сүбэлэр" диэн кинигэттэн ылылыннылар.
https://t.me/kiin_kyorat_gazeta
-
2023-02-06 02:35:21+00:00
#КК_Дьон
❇️Байаан дьикти тыаһынан
Тыа кыараҕас лааппытыгар урукку кэмнэргэ ас-таҥас, хаһаайыстыбаннай табаар, туттар тэрил барыта бииргэ атыыланар буолара. Уончалаах кыысчаан араас дьэрэкээн маллар быыстарыгар кимиэхэ да наадата суохха дылы турар байааны эрэ көрөөрү, түгэн көһүннэр эрэ ийэтинээн лааппыга барсара. Оттон байаан кинини сэргиир харахтарынан көрөр кыысчааны лааппы остуонньатыттан күүппүттүү көрсөрө.
«Киин куорат» хаһыат бүгүҥҥү ыалдьыта – СӨ Ыччат политикатын туйгуна, «Уопсастыбаннай хамсааһыҥҥа кылаатын иһин” анал бэлиэ хаһаайката, «Арыллыы» устуудьуйа уһуйааччыта Дагдай Байаана Бүөтүр Кыыһа: https://kiinkuorat.ru/articles/bayaan-dikti-tya-ynan
https://t.me/kiin_kyorat_gazeta
-
2023-02-06 01:23:26+00:00
Биллэрии
Саха дьоно! "Ийэ тыл" көҥүл түмсүү, Олоҥхо Ассоциацията, Өксөкүлээх аатынан Норуоттар доҕордоһууларын Дьиэтэ
олунньу 13 күнүгэр киэһэ 18:00 чааска "Тыл – омук тыына!" диэн Төрөөбүт тыл, сурук-бичик Күнүгэр аналлаах Дьоро киэһэҕэ ыҥырабыт.
Кэлиҥ! Истиҥ! Кыттыһыҥ! Кэлиитэ көҥүл. Киириитэ босхо.
Төгүрүк остуол - 16:00
Оһуохай - 17:00
Биллэриини тарҕатыҥ. Бу биллэрии өссө ситиэ-хотуо. Оччоҕо өссө тарҕатыахпыт.
-
2023-02-06 00:32:11+00:00
Күндү көрөөччүлэрбит!
Былатыан Ойуунускай аатынан #САХАТЕАТРА ОЛУННЬУ ыйтан испэктээкиллэри үс сааланан көрдөрөн саҕалыыр 👏🏼👏🏼👏🏼
🎫 Онлайн билиэттэр https://sakhatickets.ru
🏛️ Каасса күн ахсын өрөбүлэ, тохтобула суох 10:00-18:00 үлэлиир
☎️Билсэр төл: 34-13-31, 89681505602
🎭 Театрга кэлиҥ, сылдьыҥ, маанылаах ыалдьыт буолуҥ!
-
2023-02-05 23:30:21+00:00
#КК_ТускарТуһан
Олунньу 6-12 күннэригэр “Саха” НКИХ бырагыраамата:
https://kiinkuorat.ru/articles/nvk-saha-byragyraamata-olunnu-6-12-k-nneriger
https://t.me/kiin_kyorat_gazeta
-
2023-02-05 22:30:42+00:00
#КК_Сонун
Олунньу 5 күнүгэр Мерзлоткаҕа бэйдиэ сылдьар мастиф боруодаҕа майгынныыр бөдөҥ ыт тутулунна. Дьоҥҥо кутталлаах буолуон сөп кыыл сылдьарын туһунан иһитиннэрии чат-бот нөҥүө киирбит.
❇️Бэйдиэ сылдьар, дьон олоҕор кутталы үөскэтэр ыттар тустарынан иһитиннэриилэри төлөпүөнүнэн ылаллар:
☎️ЕДДС 444-564
Муниципальнай салайар киин бассаап бот үлэлэтэр:
📱8-914-261-06-98
- хаартыска, видео, аадырыс ыытаҕыт.
https://t.me/kiin_kyorat_gazeta
-
2023-02-05 09:50:38+00:00
#КК_Күрэх
Төрөөбүт тыл, сурук-бичик күнүн көрсө “Киин куорат” хаһыат эрэдээксийэтэ Дьокуускай куорат дьаһалтатын өйөбүлүнэн көҥүл тиэмэҕэ айар күрэҕи биллэрэр.
Күрэх икки хайысханан ыытыллар:
1. Сахалыы проза – кэпсээн, сэһэн.
2. Сахалыы поэзия – хоһоон, үгэ, о.д.а.
Күрэх сыала-соруга:
1. Дьокуускай куоракка ийэ тылынан кэпсэтиини, суруйууну пропагандалааһын.
2. Ыччат ийэ тылынан хомоҕойдук уонна таба суруйуутун өйөөһүн;
3. Саха тылын эйгэтин кэҥэтии;
4. Айар үлэҕэ дьоҕурдаах дьону өйөөһүн.
Кытталлар: Саха тылын кэрэхсиир 13+ сааһыттан үөһэ ким баҕалаах.
Ирдэбиллэр:
1. Айымньыларгытын Word форматка Times New Roman сахалыы шрибинэн бэчээттээн konkurskiinkuorat@mail.ru электроннай почтаҕа ыытаҕыт.
2. "Киин куорат" хаһыат социальнай ситимнэригэр суруйтараҕыт: телеграмм https://t.me/kiin_kyorat_gazeta, «Вконтакте» https://vk.com/kiinkuorat.
Уус-уран айымньыны суруйууга сүрүн ирдэбиллэр:
1. Кэпсээн, сэһэн о.д.а. айымньы дириҥ ис хоһоонноох, баай тыллаах-өстөөх, умсугутуулаах сюжеттаах буолуохтаах.
2. Хоһоон – жанр ирдэбиллэрин тутуһар рифмалаах, тэтимнээх.
3. Ааптар бырааба тутуһуллуохтаах, плагиат көҥүллэммэт.
Үлэ ааптарын аата, аадырыһа, төлөпүөнэ толору ыйыллар.
Айымньылар “Киин куорат” хаһыакка,
kiinkuorat.ru саайтка,
“Киин куорат” телеграмм-ханаалга https://t.me/kiin_kyorat_gazeta,
“Вконтакте” https://vk.com/kiinkuorat
социальнай ситимҥэ тахсыахтара.
Үлэлэр төннөрүллүбэттэр, рецензияламматтар.
Кыайыылаахтар проза уонна поэзия жанрдарынан (1, 2, 3 миэстэ) быһаарыллаллар. Куонкурус кыайыылаахтарыгар диплом, өйдөбүнньүк бириис туттарыллар.
Болдьоҕо: 2023 с. тохсунньу 20 күнүттэн олунньу 28 күнүгэр диэри.
Күрэх түмүгэ “Киин куорат” хаһыат телеграмм-ханаалыгар, сайтыгар уонна хаһыакка тахсыаҕа.
Айар-суруйар дьоҕурдаах ааҕааччыларбыт, ийэ тыл кэскилин туһугар туруулаһар ытык-мааны дьоммут, күрэххэ көхтөөхтүк кыттыҥ, күрэх туһунан иһитиннэриини литературнай түмсүүлэргэ, доҕотторгутугар ыытыҥ!
https://t.me/kiin_kyorat_gazeta
-
2023-02-05 09:01:11+00:00
#КК_Сонун
❇️Олохпут сайдыыта, таһыма хас биирдиибититтэн тутулуктаах
Судаарыстыба уонна уопсастыба биир ситим. Судаарыстыбаны уопсастыба тутан олорор. Ол эбэтэр олох сайдыыта норуоттан, норуот биир киһиттэн турар.
Уопсастыбаннай үлэни салайар дьиэ кэргэн ийэтэ, тэрилтэ салайааччыта Полина Ильинична Христофорованы кытта кэпсэтиини сэҥээрэ ааҕыаҕыҥ: https://kiinkuorat.ru/articles/olohput-saydyyta-ta-yma-has-biirdiibititten-tutuluktaah
https://t.me/kiin_kyorat_gazeta
-
2023-02-05 07:36:45+00:00
❗️Управление образования г. Якутска сообщает, что 06 февраля 2023 г. для обучающихся с 1-11 классы информация об актированном/неактированном дне будет объявлена утром по актуальным метеоданным.
В целях охраны здоровья и жизни детей в дни сильных морозов родители вправе самостоятельно принимать решение о посещении их ребенком школы.
-
2023-02-05 07:30:43+00:00
#КК_СурукКиирдэ
✍️Дьааҥыга билигин Клоун Сашуля гастроллуу сылдьар. Артыыстардаах, ырыаһыттардаах, роботтаахтар эҥин. Кылаабынайдара - Сашуля😍🤡
Ханнык да гастролердардааҕар истиҥ кэнсиэртэр диэн дэриэбинэ аайы сэҥээрбиттэр аҕай.
Аны туран оҕолору кытта сахалыы кэпсэтэ сатыыр дииллэр уонна сорохтор төрөөбүт тылларынан ыт да диэни өйдөөбөттөрүттэн кэлэйии бөҕө үһү. "Оҕолоргутун сахалыы саҥардар буолуоххутун бу!" дии-дии устунан ньиэрбинэйдээн бара сыһар дэһэллэр.😅
😔Кырдьык биһиги оҕолорбут кыра бөһүөлэктэргэ да сахалыы саҥарбат буолан эрэллэр, улуус киинин этэ да барыллыбат - ыччат баһыйар өттө сахалыы сатаан саҥарбат🤯
https://t.me/kiin_kyorat_gazeta
-
2023-02-05 05:47:06+00:00
#КК_СурукКиирдэ
🤩Олус наадалаах түмэл
Тохсунньу ый бүтүүтүгэр Дьокуускай куоракка И.Ф. Дьячковскай аатын сүгэр Ис дьыала министерствотын түмэлигэр (музейыгар) сырыттыбыт. Бу музей 1989 сыллаахха арыллыбыта. Иннокентий Федорович милиция полковнига, ис дьыала уорганнарыгар эҥкилэ суох 29 сыл үлэлээбит бэтэрээн, бу музейы төрүттээччи киһи буолар.
Биһиги "Музей доҕотторун түмэр" диэн ааттаах олус интэриэһинэй көрсүһүүгэ ыалдьыт буоллубут. Бу тэрээһин 2023 сыл “Үлэ сылынан” биллэриллибит чэрчитинэн ааста.
Музей экспонаттарын көрүү-харайыы сүрүн үлэһитэ А.И. Ярковой уонна методист С.Н .Заболоцкая биьигини үөрэ - көтө көрүстүлэр.
Кинилэр ис дьыала үлэтигэр туттуллар элбэх матырыйааллары көрдөрдүлэр, араас сылларга үлэлээн ааспыт, идэлэригэр бэриниилээх дьон туһунан кэпсээтилэр.
Быыһыыр сулууспа сотруднига, өрөспүүбүлүкэ үтүөлээх юриһа Г.Г. Алексеев Саха сирин Ис дьыала бастакы наркома С.М. Аржаков туһунан билиһиннэрдэ, ис дьыала историятын сиһилии кэпсээтэ.
Үүнэр көлүөнэ, эдэр ыччат, оскуола оҕолоро манна сылдьан милиция, полиция үлэтигэр бэриниилээх дьону кытта билсэллэрэ, кинилэртэн үтүө холобур ылаллара олус наадалаах, махталлаах дьыала.
Онон бу музей олус улахан суолталаах үлэтигэр ситиһиилэри баҕарабын.
Тамара Винокурова, педагогическай үлэ бэтэрээнэ.
https://t.me/kiin_kyorat_gazeta
-
2023-02-05 04:32:11+00:00
#КК_Сонун
❇️ 2032 сылга диэри киин куоракка хаарбах дьиэ суох буолар
2021 сыл балаҕан ыйын 8 күнүнээҕи «2032 сылга диэри Саха Өрөспүүбүлүкэтин киин куоратын – Дьокуускай куораты сайыннарыы туһунан» ыйааҕы олоххо киллэрии чэрчитинэн Ил Дархан Айсен Николаев Дьокуускай куорат Олохтоох дьаһалтатыгар куорат баһылыга Евгений Григорьев, баһылыгы солбуйааччылар, Ил Түмэн, Куорат дууматын дьокутааттара, структуралар, куорат тэрилтэлэрин салайааччылара кыттыылаах киэҥ ыҥырыылаах мунньаҕы ыытта.
Айсен Николаев иһитиннэрбитинэн, киин куорат маастар-былаанын олоххо киллэриигэ 2023-2024 сылларга 10 млрд солк. көрүллүбүт.
https://t.me/kiin_kyorat_gazeta
-
2023-02-05 03:05:12+00:00
#КК_Сонун
❇️ «Кэрэни көрбүт»: ураты быыстапка, сэдэх чахчылар
Тохсунньу 27 күнүттэн Саха Өрөспүүбүлүкэтин Национальнай художественнай музейыгар “Кэрэни көрбүт” (“Не хороните меня без Ивана”, реж. Любовь Борисова) киинэҕэ аналлаах быыстапка аһылынна.
Манна оччотооҕу кэми кэрэһилиир мал-сал, иһит-хомуос, дьоруойдар таҥастара-саптара, киэргэллэрэ-симэхтэрэ, туттар тэриллэрэ уонна, биллэн турар, музей коллекциятыттан экспонаттар, худуоһунньук Иван Попов үйэлээх үлэлэрэ, хаартыскалара, суруктара турдулар. Көрөөччүгэ, чахчы да, күндү бэлэх.
Сиһилии:
https://kiinkuorat.ru/articles/kereni-k-rb-t-uraty-byystapka-sedeh-chahchylar
https://t.me/kiin_kyorat_gazetaө
-
2023-02-05 01:31:11+00:00
#КК_Сэргээ
❇️Дьокуускайга бу күннэргэ “ARTСЕВЕРА” оҕо бэстибээлэ буолан ааста. Киин куораттан, араас улуустартан оҕолор муһуннулар.
Саха фольклорун, тылынан уус уран айымньытын хайысхатыгар кыттааччы ахсаана өрүү элбэх буолар.
Ыччат үксэ нууччалыы кэпсэтэр буолла, саха тылыттан тэйдэ диэн дьиксинэр кэммитигэр, биирдиилээн төрөппүттэр уонна үлэлэригэр бэриниилээх уһуйааччылар сыраларынан ийэ тылларын ыһыктыбакка сылдьар оҕолор эмиэ бааллар эбээт👍🏻
✊🏻Төрөөбүт тылбыт инники кэскилэ хас биирдиибититтэн тутулуктаах!
https://t.me/kiin_kyorat_gazeta
-
2023-02-05 00:03:11+00:00
⚡️Евгений Григорьев о мастер-плане Якутска, новом квартале и реконструкции главной площади города
💬На реализацию мастер-плана Якутска за два года направят 10 млрд рублей в рамках инфраструктурных бюджетных кредитов.
💬Деньги будут выделены в рамках инфраструктурных бюджетных кредитов на развитие 25 дальневосточных городов.
💬О том, на какие цели пойдут средства и как изменится жизнь горожан мы поговорили с мэром столицы республики Евгением Григорьевым.
-
2023-02-04 22:35:18+00:00
#КК_СытыыМуннук
❇️«Арыгы сокуона» түмсүүлээхпитин көрдөрдө
Статистика чахчылара кэпсииллэринэн, Саха сиригэр хас иккис буруй, сокуону кэһии итирик туруктаах сылдьан оҥоһуллар.
Өрөспүүбүлүкэбитигэр 100 тыһыынча нэһилиэнньэҕэ 1 330 киһи “алкоголизм” диэн ыарахан диагнозтааҕа биллэр. Хомойуох иһин, диспансернай кэтээн көрүүгэ сылдьыбат, ханна да учуокка турбат дьон төһөтө биллибэт.
Киин куорат дьаһалтата «Саха Өрөспүүбүлүкэтигэр арыгы бородууксуйатын биирдиилээн атыылааһын бириэмэтин, усулуобуйатын уонна миэстэтин эбии хааччахтааһын туһунан» сокуоҥҥа эбии уларытыылары киллэрэргэ нэһилиэнньэ, уопсастыбаннас өйөбүлүнэн үгүс үлэни ыытар. Ол курдук, ааспыт ый түмүгүнэн Дьокуускай олохтоохторо 10 тыһыынчаттан тахса илии баттааһыны хомуйдулар.
Ол туһунан сиһилии: https://kiinkuorat.ru/articles/arygy-sokuona-t-ms-leehpitin-k-rd-rd
https://t.me/kiin_kyorat_gazeta
-
2023-02-04 09:49:45+00:00
Сегодняшний день выдался богатым на хорошие события и встречи. Утром с участием Ил Дархана Айсена Николаева открыли новое здание Речевой школы. С 14 часов проходил отчет перед жителями Октябрьского округа, в целом люди положительно оценивают нашу работу, хотя проблемных вопросов тоже немало. Вечером, с 19 часов состоится отчет в Автодорожном округе, завершающий в ряду 15 городских территорий. Проведем его в здании новой школы №39, еще одного современного объекта образования, построенного в прошлом году в микрорайоне «Прометей».
В связи с изменением графика отчета перед жителями Автодорожного округа (перенос с пятницы), объявленный ранее на сегодня прямой эфир в соцсетях по текущим проблемам и перспективами развития общественного транспорта вынужден перенести на среду, 8 февраля. Анонс опубликуем дополнительно.
-
2023-02-04 09:01:11+00:00
#Бассааптан
😂😂😂Эһиэхэ маннык буолааччы дуо?
https://t.me/kiin_kyorat_gazeta
-
2023-02-04 07:44:06+00:00
#КК_Дьон
❇️Туана Михайлова: «Дьиэ кэргэҥҥэ бэйэ-бэйэҕэ итэҕэйии, эрэнии наада...»
Кимтэн да көмө, өйөбүл көрдөөбөккө бэйэлэрин күүстэринэн үлэлиир дьону ааҕааччы киэҥ билиитигэр таһаарар бэйэтэ туһунан умсугутуулаах. Оттон урбаан эйгэтигэр ситиһиилэнэр, хас да бизнеһи тэҥинэн үлэлэтэр, дьиэ кэргэттэрин иитэр ийэлэр – хорсун санаа биир ураты көстүүтүн тэҥэ. Маннык күүстээх санаалаах дьахталлары киһи эрэ сөҕө уонна киэн тутта көрөр.
Бүгүн биһиги туспа суоллаах-иистээх урбаанньыт, “Тайра” эрэстэрээн хаһаайката Туана Михайлованы билиһиннэрэбит: https://kiinkuorat.ru/articles/tuana-mihaylova-die-kerge-e-beye-beye-e-ite-eyii-erenii-naada
https://t.me/kiin_kyorat_gazeta
-
2023-02-04 05:45:40+00:00
#КК_ТускарТуһан
❇️Босуобуйаны анааһын бэрээдэгэ уларыйда
Оҕолоох дьиэ кэргэҥҥэ уонна хат дьахталларга биир кэлим босуобуйа 2023 сылга оҥоһуллуутун быраабылата
2023 сылтан биир кэлим босуобуйа олохтонорун туһунан биһиги хаһыаппыт сонун быһыытынан суруйан турар. Бүгүҥҥү нүөмэрбитигэр ону киэҥник наардаан, босуобуйа кээмэйин, анааһын бэрээдэгин о.д.а. билиһиннэрэбит: https://kiinkuorat.ru/articles/bosuobuyany-anaa-yn-bereedege-ularyyda
https://t.me/kiin_kyorat_gazeta
-
2023-02-04 04:50:16+00:00
#КК_Сонун
❇️Киин куорат бүддьүөтэ туризмы сайыннарыыны өйүөҕэ
Дьокуускай куорат Баһылыгын иһинэн Туризмы сайыннарыыга уопсастыбаннай сэбиэт бу сыллааҕы бастакы мунньаҕа урбаанньыттарга бэриллэр субсидия, оҕо туристическай маршруттарын үбүлээһин о.д.а. боппуруостарын көрдө.
Мунньахха СӨ Урбаан, эргиэн уонна туризм сайдыытын миниистирэ Тимур Ханды, Дьокуускай куорат баһылыгын солбуйааччы Владимир Аржаков уонна Ыалдьытымсах буолуу ассоциациятын бэрэссэдээтэлэ Татьяна Тымырова кыттыыны ыллылар.
Мунньах туризмынан дьарыктанар урбаанньыттарга куорат бүддьүөтүттэн тус сыаллаах субсидиялары анааһын, оҕо экскурсионнай маршруттарын тэрийии, үбүлээһин, куорат территориятыгар туризм объектарын кластерынан тэрийии боппуруостарын дьүүллэстилэр, 2023 сыллааҕы үлэ былаанын көрдүлэр.
https://t.me/kiin_kyorat_gazeta
-
2023-02-04 03:32:11+00:00
#КК_Сонун
❇️Евгений Григорьев үп үлэһиттэрин кытта көрүстэ
Дьокуускай куорат территориятыгар үлэлиир үп-харчы, баай-дуол тэрилтэлэрин кытта Олохтоох дьаһалта ааспыт сыллааҕы үлэтин отчуотун чэрчитинэн көрсүһүү быйыл аан бастаан буолан ааста.
Ааспыт 2022 сылга куорат бүддьүөтүн дохуоттаах чааһа сүрүннээн өрөспүүбүлүкэ бүддьүөтүттэн эбии үбүлээһин суотугар 34 % үрдээбит. Куорат бэйэтин дохуота 11 % эбиллибит. Бүддьүөт ороскуоттаах чааһа социальнай хайысхатын тутуспут.
Ил Дархан Айсен Николаев өйөбүлүнэн, 2021 сыл балаҕан ыйын 8 күнүнээҕи «Саха Өрөспүүбүлүкэтин киин куората Дьокуускай куораты 2032 сылга диэри сайыннарыы туһунан» ыйааҕын олоххо киллэрии быһыытынан өрөспүүбүлүкэ бүддьүөтүттэн эбии үбүлээһин оҥоһуллан, киин куорат тиэргэннэрин хапытаалынай өрөмүөннээһин, саҥа оптуобустары атыылаһыы курдук киэҥ далааһыннаах үлэлэр олоххо киирдилэр.
https://t.me/kiin_kyorat_gazeta
-
2023-02-04 02:02:11+00:00
#КК_ТускарТуһан
Массыанньыктар күнтэн күн элбээн, дьону албынныыр ньымалара үксээн иһэр. ИДьМ күннэтэ кэриэтэ сэрэхтээх буоларга ыҥырар, түөкүттэр албастарыгар киирэн биэрбит дьон кэпсээнин тарҕатар.
Массыанньыктар ньымалара:
🔹Төлөпүөнүнэн: "Аймаҕыҥ (оҕоҥ, ийэҥ о.д.а.) иэдээҥҥэ түбэстэ" ,– диэн эрийэллэр. Бу – кинилэр психологическай албастара.
🔹Баан, полиция (прокуратура, ФСБ о.д.а.) үлэһитэбин диэн сымыйалыыллар.
☝🏻Куттала суох счет (страховой счеттар) диэн суох. “Эн харчыгын суһаллык страховой счекка көһөрүөххүн наада”, – диэхтэрэ.
🔹Интернет саайтартан атыылаһарга сэрэхтээх буолуҥ, билбэт атыыһыккыт ыытар сигэлэринэн кииримэҥ.
Массыанньык сигэлэри ыытар, пааспар, карта нүөмэрин ирдиир, смс-код ыыт диир.
🔹Социальнай ситимнэргэ билэр дьоҥҥут аккауннарын алдьаталлар, “көмө” харчы көрдүүллэр.
🔹Фишинг. Албын саайтар нөҥүө сиэртибэттэн пин-код, пароль, CVС-код (баан картатын кэннигэр баар сыыппара) көрдүүллэр.
🔹Инвестициялар. Харчы уган, үбү түргэн кэмҥэ үксэтэргэ ыҥыраллар.
https://t.me/kiin_kyorat_gazeta
-
2023-02-04 00:48:11+00:00
#КК_Спорт
❇️Физкултуурунай хамсааһын 100 сылын чэрчитинэн А.К. Софронов 95 сааһа бэлиэтэннэ
Саха сиригэр физкултуурунай хамсааһын тэриллибитэ 100 сылын чэрчитинэн Чурапчыны “спорт туоната” дэппит Саха АССР култууратын үтүөлээх үлэһитэ, ССРС физическэй култууратын туйгуна, “Урожай” физкультурнай-спортивнай уопсастыба бочуоттаах чилиэнэ, физкултуура уонна спорт төлөннөөх пропагандиһа, уһулуччулаах салайааччыта уонна тэрийээччитэ Афанасий Кирикович Софронов 95 сылын биир дойдулаахтара чурапчылар тохсунньу 24 күнүгэр үөрүүлээх быһыыга-майгыга бэлиэтээтилэр. Хас биирдии спорт бэтэрээнэ физкултуурунай хамсааһын 100, А.К. Софронов 95 сылларын кэрэһилиир үбүлүөйдээх мэтээлинэн бэлиэтэммитэ кэрэхсэбиллээх буолла.
https://t.me/kiin_kyorat_gazeta
-
2023-02-03 22:31:01+00:00
#КК_Сонун
❇️ Аҥаар кынаппыт сарбыллыбатар ханнык
Ааспыт сыл бүтүүтэ киэҥ далааһыннаахтык ыытыллыбыт саха тылын, литературатын уонна култууратын учууталларын II-с өрөспүүбүлүкэтээҕи сийиэһин кэнниттэн төрөөбүт тылбыт сарсыҥҥытын салайса сылдьар дьон инникигэ эрэллэрэ күүһүрбүтэ.
Соторутааҕыта Ил Түмэн наукаҕа, үөрэҕириигэ, култуураҕа, СМИ уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Феодосия Габышева “Айыы кыһатыгар” Саха Өрөспүүбүлүкэтигэр саха тылын, литературатын уонна култууратын үөрэтэр Концепцияны оҥорууга сүбэ мунньаҕы тэрийэн ыытта. Манна национальнай гимназия кэлэктиибэ уонна бу үлэни сүрүннүүр тустаах хамыыһыйа чилиэннэрэ кыттыыны ыллылар.
Сиһилии: https://kiinkuorat.ru/articles/a-aar-kynappyt-sarbyllybatar-hannyk
https://t.me/kiin_kyorat_gazeta
-
2023-02-03 10:33:06+00:00
#КК_СурукКиирдэ
✅Олунньу 2 күнүгэр Дьокуускай куорат дьаһалтатыгар тылы харыстыыр-сайыннарар политика чэрчитинэн үлэлэһэр анал Хамыыһыйа бастакы мунньаҕа буолан ааста.
Оччотооҕу мээр Сардаана Авксентьеваны кытта "Ийэ тыл кэскилэ" түмсүү актыбыыстара 2020 сыллааҕы көрсүһүүбүтүгэр киин куорат таһымыгар «Тыл сүбэтин» тэрийиэххэ диэн этии киллэрбиппит. Ол этии өйөбүлү ылан, бу Хамыыһыйа тэриллибитэ. Онтон дьаҥ кэмигэр Хамыыһыйа кыайан хомуллубатаҕа, үлэ саҕаламмакка турбута.
Онон бу бастакы мунньах буолла.
Мунньаҕы баһылык социальнай хайысхаҕа солбуйааччыта Наталья Романовна Степанова көҕүлээн ыытта.
Хамыыһыйа састаабыгар Үөрэх салалтатыттан, Култуура департаменыттан уонна "Кэскил" уһуйаан сэбиэдиссэйэ Сардана Михайловна Захарова, Саха гимназия дириэктэрэ Валентина Васильевна Софронеева, куорат саха тылын учууталларын методическай холбоһугун салайааччыта Ульяна Васильевна Заболоцкая, уопсастыбаннай түмсүүттэн мин, Вилюяна Никитина, баарбыт. Ону тэҥэ эбэҥки, эбээн, нуучча тылларын исписэлиистэрэ киирбиттэр.
Кэпсэтии сүнньэ маннык буолла:
1️⃣Үлэ хайдах барыахтааҕын туһунан Наталья Романовна ыйан-кэрдэн хайысха биэрдэ. Төрөөбүт тылынан иитэр-үөрэтэр кылаастар, бөлөхтөр элбии туруохтаахтарын, ол төрөппүттэртэн эрэ буолбакка, үөрэх тэрилтэлэрин салайааччыларыттан, салалта сыһыаныттан тутулуктааҕын тоһоҕолоото.
2️⃣Үөрэх управлениетын салайааччыта Мария Петровна Петрова хас саха тылынан үөрэнэр, хас саха тылын предмет быһыытынан үөрэтэр кылаас баарын, эбээн, эбэҥки тылын үөрэтэр оҕолор ахсааннарын эттэ (сыыппараларын чуолкайдаан баран тарҕатыаҕым).
3️⃣Саха тылын учууталларыгар куорат Дьаһалтата бүддьүөттэн харчы анаан бириэмийэ олохтообут. Ол балаһыанньатын ырытыстыбыт.
4️⃣ 2023 сылга Хамыыһыйа үлэтин былаанын кыратык кэпсэттибит уонна икки нэдиэлэ иһигэр этиилэри мунньан Торум оҥоһуллуохтаах. Кыбаарталга биирдэ көрсөн үлэлиэхтээхпит.
✅Уопсастыбаннас туруорсуута олоххо киирэн үлэ дьэ саҕаламмыта олус бэрт. Саха тылыгар анаан куорат бүддьүөтүттэн харчы көрүллүбүтэ өссө хайҕаллаах суол. Ханна баҕарар буоларын курдук, барытын киһи быһаарар. Онон дьаһалтаҕа бу туһугар кыһаллан үлэлиир киһи баар буолан хамсаныы саҕаланна дии саныыбыт. Ол баһылык солбуйааччыта Наталья Романовна Степанова буолара саарбаҕа суох. Биллэн турар, барыта баһылык Евгений Григорьев өйөбүлүнэн тахсар.
Үөрэх салалтатыгар үлэлии сылдьан оччотооҕу мээр Айсен Сергеевич оҥотторбут сахалыы кылаастары, бөлөхтөрү элбэтэр куораттааҕы былаана туоларыгар уонна сүрүннээн саха тыла үөрэх эйгэтигэр сайдарын туһугар Наталья Романовна үгүс сыратын биэрэн кэллэ. Билигин уопсастыбанньыктары кыттыһыннарыылаах Тыл хамыыһыйата үлэлээбитэ эрэллээх суоллары арыйар.
Вилюяна Никитина, "Ийэ тыл кэскилэ" уопсастыбаннай хамсааһын салайааччыта.
https://t.me/kiin_kyorat_gazeta
-
2023-02-03 09:40:40+00:00
#КК_Спорт
♟️ Арассыыйа Кубога – Аҕа баһылык бирииһигэр
Саахымакка Арассыыйа Кубогын I-кы түһүмэҕэ Саха Өрөспүүбүлүкэтин Аҕа баһылыгын бирииһигэр ыытыллан, болҕомто киинигэр турда.
Сахабыт сиригэр саахымат историятыгар аан бастаан ыытыллар улахан күрэхтэһиигэ дойду 8 регионуттан биэс международнай гроссмейстер: суруналыыс Дмитрий Кряквин, оҕолорго Арассыыйа сүүмэрдэммит хамаандатын сүрүн тренерэ Михаил Кобалия, дойду саамай эдэр гроссмейстера 16 саастаах Володар Мурзин, Бурятияттан Антон Шомоев уонна Москваттан Арассыыйа Кубогын былырыыҥҥы кыайыылааҕа Борис Грачев кыттан, күрэхтэһиини киэргэттилэр.
Сахабыт сириттэн өрөспүүбүлүкэ чемпионнара, күүстээх спорт маастардара Дмитрий Егоров, Нариман Мустафин, Павел Бекетов, Владимир Таппыров, саахымакка дьоҕурдаах оҕолортон Арсений Чумаевскай, Айсен, Айтал Местниковтар, “Үрүҥ ладья” кыайыылаахтара, 2024 с. Дьокуускайга буолар “Азия оҕолоругар” кыттыахтаах спортсменнар бааллар.
https://t.me/kiin_kyorat_gazeta
-
2023-02-03 08:33:06+00:00
#КК_Сонун
❇️Үс ыйдаах санитарнай ыраастаныы биллэрилиннэ
Олунньу 1 – ыам ыйын 1 күннэригэр куорат баһылыга Евгений Григорьев дьаһалынан үс ыйдаах санитарнай ыраастаныы саҕаланна.
Дьаһал быһыытынан, уокуруктар уонна куорат нэһилиэктэрин салайааччылара анал былаан оҥостон, элбэх кыбартыыралаах олорор дьиэлэр, биирдиилээн ыаллар, тэрилтэлэр тиэргэннэрин ыраастааһыны тэрийэллэр.
❄️ Дьаһалга биирдиилээн ыаллар олбуор хаарын «Дьокуускай куорат уокуругар тупсаҕайдык дьаһанан олоруу быраабылаларын» тутуһан тиэйэллэрин быһаарыыга, өйдөтүүгэ болҕомто уурар туһунан этиллэр. Ол курдук, тиэргэн хаарын уулуссаҕа таһааран мунньуу иһин СӨ Кодексатын 6.25 ыстатыйатынан административнай эппиэтнэс баарын санатар тоҕоостоох.
Куоракка тупсаҕайдык дьаһанан олоруу быраабылаларын кэһээччилэри санитарнай ыраастаныы кэмигэр ыытыллар хонтуруоллуур эриэйдэлэр Киин куорат административнай хамыыһыйатын дьүүлүгэр таһаарыахтара.
https://cloud.mail.ru/public/fNUF/KmpSmxFQm
https://t.me/kiin_kyorat_gazeta
-
2023-02-03 07:35:32+00:00
#КК_Спорт
♟️Оҕолор саахыматы баһылыыллар
Арассыыйаҕа саахымат оонньуута өрө тутуллар. Оҕолорго “Үрүҥ ладья” Бүтүн Арассыыйатааҕы күрэхтэһии сыллата ыытыллар. Сахабыт сиригэр эмиэ үтүө үгэскэ кубулутуллан, күрэхтэһиилэр сыллата буолаллар. 14-гэр диэри саастаах Дьокуускай куорат оҕолорун түөртүү оонньооччулаах хамаандалара “Үрүҥ ладья” I-кы түһүмэҕэр күрэхтэстилэр.
Сүрүн судьуйанан Бүтүн Арассыыйатааҕы категориялаах судьуйа Гаврил Винокуров үлэлээтэ. Физико-техническэй лицей хамаандата бастаата, 2 №-дээх политехническай оскуола – иккис, куорат классическай гимназията үһүс бириистээх миэстэлэргэ тигистилэр.
https://t.me/kiin_kyorat_gazeta
-
2023-02-03 06:44:15+00:00
#КК_Дьон
Көмө мүнүүтэ да тохтообот
✊🏻Ханнык да кэмҥэ сүүскүттэн өйүүр киһилээх, эрэллээх буоллаххына, күүскэр күүс эбиллэр, санааҥ бөҕөргүүр. Биһиги бааһырбыт уолаттарбытыгар, Арассыыйа араас куораттарыгар баар байыаннай госпиталларга сытааччыларга волонтердар диэн амарах санаалаах, үтүө майгылаах, ийэлии, эдьиийдии, балыстыы кыһанар, кэтит сарыннарын эрэллээхтик тоһуйан биэрэр эр дьон уоланнарбыт аҕыйаҕа суохтар.
Ханнык да регион биһиги курдук көмөлөспөтүн, ханнык да госпитальга биһиги амарах кыргыттарбыт, ийэлии истиҥ санаалаах далбар хотуттарбыт астаабыт минньигэс астарын курдук дэлэй кэһиилээх, астаах-үөллээх, дойдубут аһын илдьэн санааларын бөҕөргөтөр, доруобуйаларын тупсарар үтүө сонуннары элбэхтэ истэн турабыт.
Сиһилии: https://kiinkuorat.ru/articles/k-m-m-n-te-da-tohtoobot
https://t.me/kiin_kyorat_gazeta
-
2023-02-03 05:36:11+00:00
#КК_Фотофакт
🚌"Жорницкай" сылаас тохтобул ыраас, ип-ичигэс👍
Бу диэки тутуу табаарын, кууһунан атыылыыр маҕаһыыннарга кэлэр-барар дьон абыраммыттар👍
https://t.me/kiin_kyorat_gazeta
-
2023-02-03 04:34:17+00:00
Саха театрын ОЛУННЬУ ыйдааҕы РЕПЕРТУАРА төрөөбүт тылга уонна сурукка-бичиккэ ананар 👏🏼👏🏼👏🏼
🎫 Билиэти ОНЛАЙН https://sakhatickets.ru сайтан атыылас
🏛️ Каасса күн ахсын өрөбүлэ, тохтобула суох 10:00-18:00 үлэлиир
☎️Билсэр төл: 34-13-31, 89681505602
🎭 Театрга кэлиҥ, сылдьыҥ, маанылаах ыалдьыт буолуҥ!
-
2023-02-03 03:38:47+00:00
💰Возраст в помощь: как и на чем могут сэкономить пенсионеры?
В редакцию «Эхо столицы» обратилась жительница Якутска Мария Васильевна Семенова:
Не так давно я стала пенсионеркой, не работаю. Получаю пенсию, а еще в некоторых магазинах и аптеках пользуюсь социальными скидками для пенсионеров. А больше ни о каких льготах для нас, пенсионеров, не знаю. Поэтому просьба разъяснить – какие льготы и права есть у нас, пенсионеров, кроме пенсии и скидок в магазинах и аптеках?
Собрали основные виды льгот в инфографике🤗
С полным списком можно ознакомиться в материале «ЭС».
Если у вас есть вопросы, пишите в наш телеграмм-бот 🦸🏻♀️🦸 @exostolicy_bot
🦹🏻♂️ «Эхо столицы» на страже ваших интересов💪🏻
-
2023-02-03 02:32:07+00:00
#КК_СурукКиирдэ
❇️ Бэҕэһээ ыкса киэһэ куорат баһылыга Евгений Николаевич Григорьев Киин уокурук олохтоохторугар отчуотугар сырыттым.
❇️ Биир чаас курдук бэрт холкутук 2022 с. мэрия үлэтин-хамнаһын сырдатта. Кэпсээнэ барыта икки улахан экран нөҥүө IT технология көмөтүнэн сырдатылынна. Онон истэргэ да, көрөргө да бэрт табыгастаах.
❇️ Киһи эрэ сөҕүөх, бачча киэһэ 19.00 чаастан 22.00 чааска диэри мунньах барда, дьон да толору саала кэлбит.
❇️ Ыйытыы- хоруй элбэхтик биэрдилэр олохтоохтор. Барытыгар Евгений Николаевич түргэнник эппиэт биэрэн истэ. Түмүгэр куорат Олохтоох дьаһалтатын үлэтигэр "үчүгэй " уонна "туйгун" сыананы биэрэбит дэстилэр уокурук олохтоохторо.
Сонуну Маргарита Егоровна Винокурова иһитиннэрдэ.
Ааптар хаартыскаҕа түһэриитэ.
https://t.me/kiin_kyorat_gazeta
-
2023-02-03 01:40:11+00:00
#КК_Сэргээ
❇️ Геннадий Петрович Сотников – театр уонна киинэ худоһунньуга, график уонна живописец, Саха театрын историятыгар ураты суолу хаалларбыт Ленинград интеллигенциятын чаҕылхай бэрэстэбиитэлэ этэ.
🖌️ 1982 сыллаахха Андрей Борисовтыын «Хаарыан хампа күөх кытылым…» испэктээккэ үлэлэспитэ. Кини толкуйа минимализм буолбута – биир соҕотох тыынан көрөөччүнү сөхтөрбүтэ.
🤩Саха театрыгар сырыттаххытына бастакы этээскэ тэриллибит худуоһунньук Геннадий Сотниковка анаммыт быыстапканы хайаан да сэргээн ааһаарыҥ.
https://t.me/kiin_kyorat_gazetaщ
-
2023-02-03 00:36:12+00:00
#КК_Сонун
❇️ Мархалары үрэхтэрин дьылҕата долгутар
Марха бөһүөлэгин олохтоохторо баһылык Евгений Григорьев иннигэр септик кыһалҕаларын, уулусса-суол ситимин өрөмүөнүн, тимир суол тутуутун кытта ситимнээх сир учаастактарын тыырыы, үрэҕи киртитии о.д.а. ыйытыылары туруордулар.
2022 сылга Мархинская, Березовая уулусса Олег Кошевой уулуссатыттан балыыһаҕа диэри кэрчигэр суол өрөмүөнэ ыытыллыбыт. 2023 сылга Можайскай уулуссатын түөрт балаһаҕа диэри кэҥэтии үлэтэ саҕаланыахтаах, “Севернай” кыбаартал суоллара тутуллуохтаах.
Газовиктар уулуссаларыгар спорт балаһааккалара турбуттар, «Дачная Марха» сылаас тохтобул үлэлин саҕалаабыт.
Өрөспүүбүлүкэтээҕи бырагырааманан 8 кыбартыыраттан 22 киһи саҥа дьиэҕэ көспүт, 2023 сылга 68 кыбартыыраны көһөрөр сорук турар.
Сиһилии: https://kiinkuorat.ru/articles/marhalary-rehterin-dyal-ata-dolgutar
https://t.me/kiin_kyorat_gazeta
-
2023-02-03 00:35:14+00:00
#КК_Дьон
❇️Евгений Гоголев: «2023 сыл өйгө-санааҕа хаалар ситиһиилэрдээх буолуо диэн эрэнэбит»
Быйылгы сыл Арассыыйа үрдүнэн Уһуйааччы сылынан биллэрилиннэ, Саха Өрөспүүбүлүкэтигэр – Үлэ сыла. Аны туран чэгиэн-чэбдик олоҕу тутуһааччыларга, чөл туругу сэргээччилэргэ, физическай култуураны сайыннарааччыларга эмиэ бэлиэ сыл. Ол курдук, Саха сиригэр физическэй култуура төрүттэммитэ 100 сыла бэлиэтэнэр.
Оттон биһиэхэ, хатастарга, И.И. Захаров аатынан Хатастааҕы 7 №-дээх оҕо спортивнай оскуолата төрүттэммитэ 20 сылын туолар. Бүгүҥҥү ыалдьыппыт, И.И. Захаров аатынан Хатастааҕы 7 №-дээх оҕо спортивнай оскуолатын дириэктэрэ, Арассыыйа уопсай үөрэхтээһинин бочуоттаах үлэһитэ, Саха Өрөспүүбүлүкэтин үөрэҕириитин туйгуна Евгений Егорович Гоголев дьэ бу үөһээ этиллибиттэргэ барытыгар дьиҥ-чахчы сыһыаннаах.
https://t.me/kiin_kyorat_gazeta
-
2023-02-02 23:38:06+00:00
#КК_ТускарТуһан
😱Судаарыстыбаттан босхо дьиэлэниэххэ сөп!
Судаарыстыбаттан босхо дьиэ көрүллэр биир ньымата – социальнай наймылаһыы.
Биллэн турар, уочарата уонунан сылларга тардыллыан сөп, ол эрээри чахчы дьиэлэнэр дьон бааллар. Судаарыстыбаттан босхо дьиэ ыларга дьиэҕэ-уокка наадыйаргытын, кыаммат ыал буоларгытын дакаастыахтааххыт. Социальнай наймылаһыы бу дьиэнэн туһанарга, дуогабарынан олорорго быраап биэрэр, ол эрэн атыылаабаккыт, нэһилиэстибэнэн биэрбэккит.
🔑Дьиэни социальнай наймылаһыы диэн тугуй?
https://t.me/kiin_kyorat_gazeta
-
2023-02-02 22:33:06+00:00
#КК_СулусчутСүбэтэ
💫 Олунньу 2-9 күннэринээҕи гороскоп.
ИККИС ЧААҺА.
https://t.me/kiin_kyorat_gazeta
-
2023-02-02 22:31:06+00:00
#КК_СулусчутСүбэтэ
💫 Олунньу 2-9 күннэринээҕи гороскоп.
БАСТАКЫ ЧААҺА.
https://t.me/kiin_kyorat_gazeta
-
2023-02-02 12:29:16+00:00
#КК_СурукКиирдэ
✍️Сылаас тохтобуллар нэьилиэнньэ5э олус наадалаахтар,тугэнинэн туьанан 2022 с бала5ан ыйыттан "Авторынок Лера" аспыттарыгар махталбын тиэрдэбин👋урукку еттугэр аьа5ас халлаан анныгар тымныыга, ардахха туран 18 номердах кэлэр-кэлбэт автобус кэтэспит буоллахпытына,билигин сылаас остановка5а кэтэьэн бу тымныы кэмнэргэ абыранныбыт. Бэйэм санаабар ессе ДК Кулаковского (аэропортуур хайыска еттугэр) итинник сылаас остановка киирэрэ эбитэ буоллар олус абыраныа этибит.
-
2023-02-02 11:24:58+00:00
#КК_Сонун
Эҕэрдэлиибит!👏
Суруйааччы Борис Павлов-Кэм айар үлэтэ саха ааҕааччытыгар киэҥник биллэр. Бу күннэргэ суруйааччы прозата нууччалыы тылбаастанан Арассыыйа таһымыгар таҕыста.
📕Кинигэ Василий Белов аатынан Бириэмийэ "Диалог" сериятыгар тахсан киэҥник тарҕанан эрэр.
Электроннай барыйаана ЛитРес сайтка тахсан хайыы үйэ сүүһүнэн ааҕааччыланна.
Литресс сайтка баар сигэтэ: https://www.litres.ru/boris-kem/ne-predat-vremya-svoe/
📚Бу күннэргэ ааптар бэйэтигэр 200 экземпляр кинигэни тутта. Сотору атыыга таһаарыа. Борис Павлов 90-ус сыллартан суруйбут уус уран кэпсээннэрин, сэһэннэрин тылбаастааһыҥҥа саха бастыҥ тылбаасчыттара Аита Шапошникова, Алексей Амбросьев, Семен Феоктистов - Сэргэх Сэмэй, Римма Крылова, Яков Титов үлэлэстилэр.
Биһиги кэммит кэрэхсэбиллээх суруйааччыта Борис Кэм айымньылара нуучча ааҕааччытыгар биһирэбили ылыа, бэйэтин суолун хаалларыа диэн эрэнэбит.
https://t.me/kiin_kyorat_gazeta
-
2023-02-02 10:33:06+00:00
#КК_Сонун
Бүгүн, олунньу 2 күнүгэр, Сталинград кыргыһыытыгар кыайыы 80 сыла
❇️ 2023 сыл олунньу ыйыгар Сталинградтааҕы кыргыһыы кыайыынан түмүктэммитэ 80 сыллаах үбүлүөйэ буоларынан сибээстээн, Сталинград көмүскэлигэр өлбүт буойуннар кэриэстэригэр кинилэр оҕолоругар, аас-туор оҕо саастарын толуйан, дойдубут бырабыыталыстыбата биир кэмнээх үгүөрү соҕус көмөнү оҥороругар этии киллэрэбин.
https://kiinkuorat.ru/articles/l-n-b-terbitin-k-ppekke
❇️ Олунньу 2 күнүгэр Кыайыы волонтердара Сталинград кыргыһыытын 80 сылынан «Высота 102.0» историческай хабааннаах интеллектуальнай оонньууну ыытыллар.
https://kiinkuorat.ru/articles/stalingrad-kyrgy-yytyn-80-sylygar-onlayn-oonnuunu-yytallar
https://t.me/kiin_kyorat_gazeta
-
2023-02-02 09:20:34+00:00
#КК_Сонун
❇️Евгений Григорьев спорт бэрэстэбиитэллэрин кытта көрсүһүүгэ:
💬«2024-2025 сылларга биһиги спордунан тиһиктээхтик дьарыктанар нэһилиэнньэ ахсаанын бүгүҥҥү 44%-тан 55% таһаарыахтаахпыт.
Бүгүн, куоракка 170 тыһыынча киһи физическэй култууранан уонна спордунан дьарыктанар буоллаҕына, икки сылынан быһа холоон 200 тыһыынча киһи чөл олоҕу систиэмэлээхтик тутуһуохтаах. Онуоха, биллэн турар, сөптөөх, аналлаах спорт саалалара баар буолуохтаахтар».
https://t.me/kiin_kyorat_gazeta
-
2023-02-02 08:33:06+00:00
Уважаемые родители (законные представители)!
Прием заявлений, постановка на учёт для зачисления в дошкольные образовательные учреждения городского округа "город Якутск", реализующие основную общеобразовательную программу дошкольного образования (детские сады) и сверка очереди осуществляются исключительно в электронном виде.
Портал государственных услуг
https://www.gosuslugi.ru/
http://e-yakutia.ru/
Портал образовательных услуг Республики Саха (Якутия): http://edu.e-yakutia.ru/
Административный регламент по ссылке
-
2023-02-02 07:50:06+00:00
"КИИН КУОРАТ" бүгүҥҥү нүөмэрэ "Горпечать" бары киоскаларыгар
-
2023-02-02 07:35:26+00:00
#КК_Сонун
✍️ Дьокуускайга Бүтүн Арассыыйатааҕы «Аҕа дойдуну көмүскээччигэ сурук» ыччат аахсыйата саҕаланна
«Аҕа дойдуну көмүскээччигэ сурук» ыччат аахсыйатыгар кыттарга быстах байыаннай эпэрээссийэҕэ кытта сылдьар буойуттарга махтал уонна өйөбүл тыллардаах сурук суруйуохха наада.
Суруктары эпэрээссийэ кыттыылаахтарыгар уонна байыаннай госпитальга эмтэнэ сытааччыларга тиэрдэллэр.
Үлэлэри маннык аадырыһынан туталлар: Ленин пр., 15, 7-с этээс, бырайыактыыр офис.
Аахсыйа болдьоҕо: олунньу 1-15 күннэрэ
🤳40-88-46,
+79248787109 (Анастасия) төлөпүөннэринэн билсиэххэ сөп.
https://t.me/kiin_kyorat_gazeta
-
2023-02-02 06:32:11+00:00
#КК_Дьон
❇️Александр Азаров: «Дуобат ыччаты кэрэҕэ эрэ сирдиир»
Сахалартан бастакы Арассыыйа гроссмейстера, Саха сирин үтүөлээх тренерэ Александр Азаров аата өрөспүүбүлүкэҕэ киэҥник биллэр. Кини Нам улууһун 1 Хомустаах нэһилиэгэр күн сирин көрбүтэ. Идэтинэн үрдүк үөрэхтээх экономист. 1993 сылтан Саха сирин сүрүн тренеринэн үрдүкү маастарыстыба оскуолатыгар үлэлиир.
1994 сыллаахха Дьокуускай куоракка ыытыллыбыт Аан дойду чемпионатыгар 3-с миэстэни ылан, сахалартан бастакынан Гроссмейстер аатын ылбыта.
Александр Гаврильевич тренер, уһуйааччы быһыытынан билигин дуобат спорда ханнык таһымҥа турарын, кыһалҕаларын, ситиһиилэрин, эдэр ыччаты, уол оҕону иитии туһунан ханнык баҕарар киһиэхэ ис сүрэҕиттэн кэпсиэн сөп: https://kiinkuorat.ru/articles/aleksandr-azarov-duobat-ychchaty-kere-e-ere-sirdiir
https://t.me/kiin_kyorat_gazeta
-
2023-02-02 05:35:18+00:00
#КК_Сонун
🚌 Сылаас тохтобуллар бүгүҥҥү туруктара
2021-2022 сылларга киин куоракка 35 сылаас тохтобул үлэҕэ киирбитэ. Бу тохтобуллар үлэлэрин «Уопсастыбаннай туоналары салайар киин» муниципальнай тэрилтэ көрөр-истэр эбээһинэстээх.
Бу күннэргэ буола турар Олохтоох дьаһалта ааспыт сыллааҕы үлэтинэн нэһилиэнньэ иннигэр отчуоттарыгар сылаас тохтобуллар туруктарыгар уонна куорат оптуобустарын маршрутугар сыһыаннаах ыйытыы ордук элбэҕинэн, ааспыт нэдиэлэҕэ баһылык Евгений Григорьев тохтобуллар туруктарын тус бэйэтинэн бэрэбиэркэлээн турар.
“Киин куорат” хаһыат бу күннэргэ сылаас тохтобулларынан эриэйдэ оҥордо. Ол туһунан сиһилии: https://kiinkuorat.ru/articles/sylaas-tohtobullar-b-g-turuktara
https://t.me/kiin_kyorat_gazeta
-
2023-02-02 04:30:44+00:00
https://youtu.be/zfN0C7wpClk
-
2023-02-02 03:36:16+00:00
#КК_Күрэх
Төрөөбүт тыл, сурук-бичик күнүн көрсө “Киин куорат” хаһыат эрэдээксийэтэ Дьокуускай куорат дьаһалтатын өйөбүлүнэн көҥүл тиэмэҕэ айар күрэҕи биллэрэр.
Күрэх икки хайысханан ыытыллар:
1. Сахалыы проза – кэпсээн, сэһэн.
2. Сахалыы поэзия – хоһоон, үгэ, о.д.а.
Күрэх сыала-соруга:
1. Дьокуускай куоракка ийэ тылынан кэпсэтиини, суруйууну пропагандалааһын.
2. Ыччат ийэ тылынан хомоҕойдук уонна таба суруйуутун өйөөһүн;
3. Саха тылын эйгэтин кэҥэтии;
4. Айар үлэҕэ дьоҕурдаах дьону өйөөһүн.
Кытталлар: Саха тылын кэрэхсиир 13+ сааһыттан үөһэ ким баҕалаах.
Ирдэбиллэр:
1. Айымньыларгытын Word форматка Times New Roman сахалыы шрибинэн бэчээттээн konkurskiinkuorat@mail.ru электроннай почтаҕа ыытаҕыт.
2. "Киин куорат" хаһыат социальнай ситимнэригэр суруйтараҕыт: телеграмм https://t.me/kiin_kyorat_gazeta, «Вконтакте» https://vk.com/kiinkuorat.
Уус-уран айымньыны суруйууга сүрүн ирдэбиллэр:
1. Кэпсээн, сэһэн о.д.а. айымньы дириҥ ис хоһоонноох, баай тыллаах-өстөөх, умсугутуулаах сюжеттаах буолуохтаах.
2. Хоһоон – жанр ирдэбиллэрин тутуһар рифмалаах, тэтимнээх.
3. Ааптар бырааба тутуһуллуохтаах, плагиат көҥүллэммэт.
Үлэ ааптарын аата, аадырыһа, төлөпүөнэ толору ыйыллар.
Айымньылар “Киин куорат” хаһыакка,
kiinkuorat.ru саайтка,
“Киин куорат” телеграмм-ханаалга https://t.me/kiin_kyorat_gazeta,
“Вконтакте” https://vk.com/kiinkuorat
социальнай ситимҥэ тахсыахтара.
Үлэлэр төннөрүллүбэттэр, рецензияламматтар.
Кыайыылаахтар проза уонна поэзия жанрдарынан (1, 2, 3 миэстэ) быһаарыллаллар. Куонкурус кыайыылаахтарыгар диплом, өйдөбүнньүк бириис туттарыллар.
Болдьоҕо: 2023 с. тохсунньу 20 күнүттэн олунньу 28 күнүгэр диэри.
Күрэх түмүгэ “Киин куорат” хаһыат телеграмм-ханаалыгар, сайтыгар уонна хаһыакка тахсыаҕа.
Айар-суруйар дьоҕурдаах ааҕааччыларбыт, ийэ тыл кэскилин туһугар туруулаһар ытык-мааны дьоммут, күрэххэ көхтөөхтүк кыттыҥ, күрэх туһунан иһитиннэриини литературнай түмсүүлэргэ, доҕотторгутугар ыытыҥ!
https://t.me/kiin_kyorat_gazeta
-
2023-02-02 02:36:06+00:00
#КК_ТускарТуһан
⬆️⬆️⬆️Оптуобуһунан барыстаахтык айанныахха🚌
Быйыл тохсунньу 1 күнүттэн куорат оптуобустарыгар айан сыаната уу харчынан – 40 солк., баан каартатынан 36 солк. диэри үрдээтэ.
Сэргээ, тарҕат, сэҥээриктэ хааллар😉
https://t.me/kiin_kyorat_gazeta
-
2023-02-02 01:37:11+00:00
#КК_Сонун
❇️Нэһилиэнньэни оптуобус сырыытын тупсарыыга кыттарга ыҥыраллар
Балтараа сылынан куорат оптуобустара атын, уларыйбыт, быдан табыгастаах маршруттарынан сүүрүөхтэрэ.
https://yakutsk-transport.ru/ сигэнэн киирэн, куорат уопсастыбаннай тырааныспарын саҥа бырайыагын кытта билсиһиэххитин уонна бэйэҕит санааҕытын, этиилэргитин суруйуоххутун сөп.
Маршруттары үс бөлөххө араарар былаан баар:
🚌 1 бөлөх – сүрүн уулуссаларынан cүүрэр маршруттар, 4-6 маршрут сылдьар;
🚌2 бөлөх — куорат кытыытыттан киин уулуссаларга киирэр оптуобустар, 5-6 маршрут сабаҕаланар;
🚌3 бөлөх — куорат биир оройуонуттан атын оройуонугар сылдьар маршруттар, манна 10-ча маршруту туруорар былаан баар.
Маннык быһаарыныыга куорат дьаһалтата улахан чинчийэр үлэ түмүгүнэн куорат оптуобустарын билиҥҥи маршруттара нэһилиэнньэ элбиирин, куорат кэҥиирин кытта дьүөрэлэспэтин иһин кэлбит.
https://t.me/kiin_kyorat_gazeta
-
2023-02-02 00:35:13+00:00
#Бассааптан
"Эн, улуу булчуккун, сүгүрэйэбин эн кыаххар, эн өйгөр. Сынньалаҥнык дойдугар бар..."
🐺Бассаапка тарҕаммыт видеоҕа булчут хас ды сылгыны тардыбыт бөрөнү тоһуурга түбэһиннэрбит.
Сиэри-туому хайа да түгэҥҥэ тутуһуллуохтаах✊🏻
https://t.me/kiin_kyorat_gazeta
-
2023-02-01 23:32:06+00:00
От всего сердца хочу выразить благодарность инициаторам акции «Тепло детских рук». Для участников спецоперации - дети, их родители и работники детсадов Якутска - собрали посылки с приятными подарками, сладкими угощениями, детскими поделками и рисунками. Сегодня коробки упаковали и погрузят в вагоны для отправки нашим бойцам зону проведения СВО, лично прослежу, чтобы все доставили по назначению – благодарю «Железные дороги Якутии» за помощь с транспортировкой. Уверен, что такая добрая и искренняя поддержка обязательно поможет нашим защитникам.
-
2023-02-01 22:29:06+00:00
#КК_Сонун
❇️Дьокуускай куорат Баһылыгын нэһилиэнньэ иннигэр отчуоттара түмүктэнэн эрэллэр.
🔹Оптуорунньук, олунньу 7 күнэ
19.00 ч.
«Биир ньыгыл Арассыыйа» партия чилиэннэрин уонна өйөөччүлэрин иннигэр отчуот
Идэлээх сойуустар дьиэлэрэ, Курашов уул., 24
🔹Сэрэдэ, олунньу 8 күнэ
Дьокуускай куорат Дууматын иннигэр отчуот
Дьокуускай куорат Олохтоох дьаһалтатын дьиэтэ, Ленин пр., 15
https://t.me/kiin_kyorat_gazeta
-
2023-02-01 11:49:52+00:00
🐶🐶🐶
Аны туран, өйдөөх ыттар күн аайы Милана Афанасьевна үлэлээн бүтэрин күүтэллэр. Оттон сороҕор хойутаары гыннаҕына, дьиэлии охсоору ыксатан, ааны, түннүгү тоҥсуйаллар. Бу өҥөлдьүһэн, кулгаахтарын чөрөтөн, кэтии-маныы олороллорун көрүҥ🤩😊😁
🐶🐶🐶
Игорь Анатольевич вахтаттан кэлэр кэтэһиилээх кэмэ - булчут ыттарга үөрүү! Булчуттаах Пухляш тыаҕа тахсаллар, айылҕалыын алтыһан, көҥүл көччүйэн, күүс-сэниэ эбинэн, хайаан да Байанайтан бэриһиннэрэн, өттүк харалаах, илии тутуурдаах төннөллөр. Тыһы ыт (ийэлэрэ) Баай кыыс хапкааҥҥа түбэһэн, үс атахтаах. Ол да буоллар, чугас эргин оҕолорун кытта тэҥҥэ сылдьыһар.
🐶🐶🐶
Бөрө хааннаах өйдөөх ыттар тустарынан истэн билэр дьон элбэх. Булчуттар ыт оҕото төрүүрүн кэтэһэллэр, эрдэттэн үлэһэллэр эбит. Сорох-сорохтор уочараттаабыппыт ыраатта, матан хаалабыт дииллэр.
Ити курдук, Баай кыыс, Булчут уонна Пухляш туһунан кылгас кэпсээммит түмүктэнэр😍🤗😌
📲 Сэргээбит буоллаххытына, доҕотторгутугар тарҕатыҥ🙌🏻🙌🏻🙌🏻
📸📹 Видео, хаартыска: Ксенофонтовтар тус архыыптарыттан.
🖊️Тиэкис: "Киин куорат" хаһыат.
☝️Ааптардары ыйаргытын умнумаҥ.
https://t.me/kiin_kyorat_gazeta
-
2023-02-01 11:49:32+00:00
#КК_Сэргээ
🐺 Амма улууһун Сулҕаччы нэһилиэгин олохтоохторо Игорь, Милана Ксенофонтовтар бөрө хааннаах ыттары иитэллэр. Эдэр ыал түөрт атахтаах доҕотторо дьиэ тас үлэтигэр көмөлөһөн, күн солото суохтар. Ол курдук дьиэ кэргэн аҕа баһылыга вахтаҕа сылдьар кэмигэр Баай кыыс, Булчут уонна Пухляш хаһаайкаларыгар таһаҕасчыттаан, мас, муус тиэйэн абырыыллар👏👍
Иччилэрэ кыра эрдэхтэриттэн үөрэппит, бастаан оҕо салааскатын соһоллор эбит. Билигин таһаҕас тиэйэр анал баалынайдаахтар🤩😁Дэриэбинэ саамай түгэҕэр, үрэх нөҥүө олорор ыалга улахан көмө диэтэҕиҥ👍🙌🏻
-
2023-02-01 08:35:29+00:00
#КК_ОлоҕуБаарынан
🏫 «Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх. 990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан ааҕан кэбиһиэххэ сөп.
Тохсунньу 31 күнүгэр “САҤА ОСКУОЛАҔА САХА ОҔОТО САЙДАР ТӨРҮТ ЭЙГЭТЭ ТЭРИЛЛИЭ ДУО?” диэн көхтөөх төрөппүттэр, ийэ тыл кэскилин туруулаһар дьон, «Прометей” оскуолатын дириэктэринэн ананыахтаах М.Л. Прокопьева, “Ийэ тыл кэскилэ” уопсастыбаннай хамсааһын актыбыыстара кыттыылаах бэрт хорутуулаах ырытыһыы буолан ааста.
Сиһилии: https://kiinkuorat.ru/articles/prometey-oskuolatygar-sahalyy-iitiini-turuorsar-t-r-pp-t-kekkete-ke-iir
https://t.me/kiin_kyorat_gazeta
-
2023-02-01 07:33:16+00:00
#КК_Факт
❇️«Үөрэҕирии» национальнай бырайыагынан 2022 сылга Дьокуускай куоракка 11 үөрэх тэрилтэтигэр хапытаалынай өрөмүөн ыытыллыбыт, 2 оскуола өрөспүүбүлүкэ уонна куорат бүддьүөттэринэн өрөмүөннэммит.
«Прометей» түөлбэҕэ 990 миэстэлээх оскуола тутулунна.
5 уонна 12 №№-дээх оскуолаларга туһааннааҕынан 274 уонна 326 миэстэлээх салҕааһыннар тутулуннулар.
Хатаска «Точка роста» эбии үөрэхтээһин киинэ, 145-с кыбаарталга К. Цеткин уул., Юнармия дьиэтэ үлэҕэ киирдилэр.
❇️Үүммүт 2023 сылга «Үөрэҕирии» национальнай бырайыак чэрчитинэн 14 үөрэх кыһатыгар, ол иһигэр 13 оскуолаҕа баараҕай үлэ ыытыллаары турар. 26 №-дээх уонна Хатас оскуолатын салҕааһыннарын тутуу түмүктэниэхтээх, 29 №-дээх оскуолаҕа салҕааһын тутуллуохтаах. Пирогов уулуссатыгар турар 4 №-дээх коррекционнай оскуоланы, Кадеттар оскуолаларын тутуу салҕанар, ДСК оройуонугар 990 миэстэлээх оскуола тутуллар.
Евгений Григорьев бэлиэтээбитинэн, киин куоракка 6 оскуола тэҥинэн тутуллар.
https://t.me/kiin_kyorat_gazeta
-
2023-02-01 06:22:16+00:00
Күрэххэ үлэ бөҕө киирэн эрэр👍🏻
Поэзияҕа, прозаҕа холонор буоллаххына хайаан да кытын✊🏻
-
2023-02-01 05:17:03+00:00
Вот он, бассейн ФОК мкр. Марха🐳
🕵🏻♀️Корреспондент "ЭС" осмотрел и новый бассейн спорткомплекса - насколько он готов к приему посетителей. Все для вас, друзья😌
Листайте карусель видео и фото - мы осмотрели не только
✅большую и малые ванну (для детей с 4 до 7 лет) с ароматом свежей хлорки и начищенными до блеска бортиками (температура воды от 28 градусов (по нормативам), помещение бассейна 32 градуса)
✅но и сухой бассейн (Зал сухого плавания, где делают разминку перед тем как зайти в воду, а также изучают разные техники плавания)
✅раздевалку, душевые кабинки и туалеты (святая святых🦨).
Выводы делайте сами 👌
Напомним, сегодня, 1 февраля, открылся новый спорткомплекс в мкр. Марха Якутска.
💯Режим работы и прейскурант цен в нашем телеграм канале.
-
2023-02-01 04:37:11+00:00
#КК_Сонун
📣❗️Дьокуускай куоракка общественнай транспорт ситимин оҥорорго дьон санаатын үөрэтии бара турар.
Чинчийиигэ бу сигэнэн кыттаҕыт: https://yakutsk-transport.ru/.
☝🏻Саҥа маршрутнай ситими кытта билсэн санааҕытын, этиилэргитин хаалларыаххытын сөп.
🚌Нэһилиэнньэ баҕа санаата хайаан да учуоттаныаҕа. Оруннаах этиилэри экспертэр үөрэтэн олоххо киллэриэхтэрэ. Этиилэри хомуйуу олунньу 5 күнүгэр диэри салҕанар.
https://t.me/kiin_kyorat_gazeta
-
2023-02-01 03:30:33+00:00
#КК_Сонун
Үөрүүлээх сонун👏
Бүгүн Мархаҕа катоктаах уонна бассейнаах спорткомплекс арыллар😍
🏊♂️ ⛸️Сыаналарын https://t.me/exostolicy бэлэмнээбитин хаартыскаларга көрүҥ👆🏻
Үлэлиир эрэһиимэ: 10:00 - 20:00.
Спорткомплекс туһунан сиһилии манна баар: https://kiinkuorat.ru/articles/kuorat-donugar-do-un-ebiyiek
https://t.me/kiin_kyorat_gazeta
-
2023-02-01 02:35:11+00:00
#КК_Сонун
❇️ "ТУОЙ-ХАЙА 2023" эстраднай ырыа күрэҕэр ыҥыраллар
Күөн күрэскэ биирдиилээн толорооччу, дуэттар, трио, кэллэктииптэр кыттыахтарын сөп.
Оҕолор уонна улахан дьон тус туһунан күрэхтэһэллэр.
Сайаапкалары олунньу 7 күнүгэр диэри электроннай почтанан туталлар: Tuoj-Haya@alrosa.ru.
Бириис пуондата - 685 тыһ. солк.
https://t.me/kiin_kyorat_gazeta
-
2023-02-01 01:31:06+00:00
#КК_ТускарТуһан
🏥Медицинскэй тэрилтэҕэ тоҕо сыһыарыллыахтаахпытый?
🔸Эмп-томп уонна ОМС-нан босхо медицинскэй өҥөнү ылар кыахтанабыт.
❇️Прописканан тута сыһыарыллар кыахтаахпыт дуо?
🔸Суох. Медицинскэй тэрилтэҕэ бэйэтигэр тиийэн "сыстыахха" наада.
❇️Оҕону онлайн халыыбынан поликлиникаҕа сыһыарыахха сөп дуо?
🔸Оҕону бэйэтин илдьэн сыһыарар эрэ табыллар.
❇️Ханнык докумуоннар наадаларый?
🔸Пааспар;
🔸СНИЛС;
🔸ОМС полиһа.
❇️14 сааһыттан кыра оҕоҕо:
🔸Төрөөбүтүн туһунан сибидиэтэлистибэтэ;
🔸сокуоннай бэрэстэбиитэл пааспара.
❇️Поликлиниканы сотору-сотору уларытыахха сөп дуо?
🔸Сылга биирдэ уларытыахха сөп. Оттон атын дойдуга көһөн барар түгэҥҥитигэр хааччах суох.
https://t.me/kiin_kyorat_gazeta
-
2023-02-01 00:36:16+00:00
#КК_Сонун
❇️Дьокуускай куорат Баһылыгын нэһилиэнньэ иннигэр отчуотун ГРАФИГА
🔹Сэрэдэ, олунньу 1 күнэ
14.00 ч.
IT эйгэтэ
Айти куб, Горькай уул., 98/1
19.00 ч.
Үп эйгэтэ
Дьокуускай куорат Олохтоох дьаһалтатын дьиэтэ, Ленин пр., 15
🔹Оптуорунньук, олунньу 7 күнэ
19.00 ч.
«Биир ньыгыл Арассыыйа» партия чилиэннэрин уонна өйөөччүлэрин иннигэр отчуот
Идэлээх сойуустар дьиэлэрэ, Курашов уул., 24
🔹Сэрэдэ, олунньу 8 күнэ
Дьокуускай куорат Дууматын иннигэр отчуот
Дьокуускай куорат Олохтоох дьаһалтатын дьиэтэ, Ленин пр., 15
https://t.me/kiin_kyorat_gazeta
-
2023-02-15 22:35:17+00:00
#КК_Анонс
🗞️ Бүгүн тахсыбыт "КИИН КУОРАТ" хаһыаты "Горпечать" бары киоскаларыттан булуохха сөп.
📖Емельян Ярославскай аатынан Саха музейа «Город Якутск: вехи истории» быыстапкатыттан киин куорат историятын туһунан элбэҕи билиэххэ сөп. Ааспыт субуотаҕа история салаатын исписэлииһэ, быыстапка куратора Сергей Геннадьевич Слепцов «Якутский кремль: история крепости» лиэксийэтин сэргии иһиттибит, ону сурукка тиһэн, ааҕааччыларбытыгар тиэртибит.
🩺Доруобуйа харыстабылын министиэристибэтин иһинэн үлэлиир Спортивнай медицина уонна медицинскэй реабилитация өрөспүүбүлүкэтээҕи киинигэр бара сырыттыбыт.
🌷🍓 Оҕуруотчуттарга: олунньу ыйга сибэккини, дьэдьэни олордуу кистэлэҥнэрин арыйдыбыт.
🍈 Пепино диэн сонун үүнээйини үүннэрэн боруобалыахха.
👍🏻Уонна да атын кэрэхсэбиллээх суруйуулары ааҕыаххыт!
https://t.me/kiin_kyorat_gazeta
-
2023-02-16 22:30:20+00:00
КҮНҮ УҺУГУННАРЫЫ
Сарсыарда ким да иннинэ
уһуктуом,
Оргууй туран үүттээх
кофе оҥостуом,
Саҥа күнү сүрэхпинэн
кэтэһэ
Эргэ кириэһилэбэр
олоруом.
Халлаан сиигэ арыллыа
тыаһа суох,
Сырдык туран кэлиэ
миигиттэн
көҥүллэппэккэ
эрэ,
Уһуктан кэлиэхтэрэ
аан дойду бары
чыычаахтара,
Көҥүл ырыалаахтара,
чуор бэлэстээхтэрэ.
Ону кытта уһуктуохтара
мин саамай
таптыыр
дьоннорум,
Хаһан эрэ, ханна эрэ
көрсүөхтээх
доҕотторум.
Кинилэр бары туспа
түбүктээх
буолуохтара,
Эн бааргар отой да
кыһаллыахтара
суоҕа,
Арай эн күлүккэр
үөрэ имнэниэҥ
Бу күнү мин
уһугуннардым
диэн.
Борис Павлов
-
2023-02-17 23:21:10+00:00
#КК_Поэзия
🤗“Киин куорат” литературнай күрэҕэр киирбит айымньылартан.
Тылчаан-уолчаан
Ийэ тылбын көтөҕөн,
Сууйуом, сотуом, бүөбэйдиэм.
Аргыар үрэр тыаллартан
Көмүскээммин хаххалыам.
Оҕо курдук кууһаммын,
Биһикчээҥҥэр сытыарыам,
Нарын-намчы ырыабын
Ыллаан оргуй утутуом.
Илэ көстөр эн түүлгэр
Саха тыллаах үгүс дьон:
Хорсун хоодуот уоланнар,
Лыҥкынаһа чообурҕуур
Кыталыкчаан кыргыттар.
Кинилэрдиин сиэттиһэн
Алаас устун сырсыаххыт,
Тиэргэн иһин толорон
Чугдаарыһа күлсүөххүт.
Көмүс күһүн кэлиитэ
Оскуолаҕа барыаххыт.
Саха төрүт тылынан
Үөрэх-билии ылыаххыт.
Уһун уруок кэнниттэн
Сэргэстэһэ дьиэлиэххит.
Дьээбэ-хообо кэпсээни
Ыһа-тоҕо кэпсиэххит.
Тулааһыҥҥа үктэнээт
«Ийээ», «а5аа»-дэһиэххит.
Эбээ сылаас бэрэскитин
Мотуйаҥҥыт үөрүөххүт.
Салгыы түүһүүр Тылчааммыт,
Ыраланар сырдыгы.
Улаатаммын, күүһүрэммин
Ситиһиэҕим элбэҕи.
Миигин билиэ хас биир саха!
Өрүү илдьэ сылдьыаҕа,
Араас дойду муннугар,
Күөнүн тутта кэпсиэҕэ.
Киһи түүһүүр ардыгар
Хара дьайдаах кутталы.
Уолчаан түүлүн быыһыгар
Көрүө атын кырдьыгы.
Арай...
Умнубуттар Тылчааны
Тумнубуттар уолчааны
Соҕотохтуу хаалларбыттар
Тоҥуй, курус дойдуга
Аргыар тымныы тыаллартан
Хаххалаабат кимэ да...
Этэ сатыыр санаатын
Ыыта сатыыр сылааһын
Ууга тааһы бырахпыттыы
Өйдөөбөтө омуга...
Иэдэс биэрдэ кэскилэ
Түһэн биэрдэ эрэлэ.
...Түүлтэн ытаан уһуктуо
Кырачаан мин Тылчааным
Оргууй ахай уоскутуом
Кууһан ылан бүөбэйдиэм
Элэ-была тылларбын
Кулгаахчааҥҥар сипсийиэм:
«Сиргэ баарым тухары
Харыстыаҕым эйиигин.
Оҕо курдук маанылаан
Сайыннарыам өрүү мин.
Бигэ турук ыларгар
Сырам-сылбам ыйаахтаах,
Кэнчээрибэр тиэрдэрбэр
Олох үрдүк аналлаах.
Дьылҕам түмүк күнүгэр
Тыыным быстар кэмигэр
Тиһэх тылым буолуоҕа
Сахам тыла барахсан».
Эрэли Идэлги, Дьокуускай.
https://t.me/kiin_kyorat_gazeta
-
2023-02-18 22:30:32+00:00
#КК_ТускарТуһан
📆Оҕуруотчут халандаара
Олунньу 16-17, 20-23 күннэрэ – ый улаатар күннэрэ, күөх тума, томат, биэрэс, оҕурсу курдук үөһэ астанар үүнээйилэри ыһарга табыгастаах.
Олунньу 28 күнэ – сир анныгар астанар үүнээйилэри олордуохха сөп.
Бу күннэргэ сибэкки бары көрүҥүн олордуохха, оҕуруот үлэтинэн ситиһиилээхтик дьарыктаныахха сөп.
https://t.me/kiin_kyorat_gazeta
-
2023-02-21 22:35:20+00:00
#КК_Анонс
🗞️ «Киин куорат» саңа нүөмэрэ бүгүн атыыга таҕыста.
🤩Бүгүҥҥү нүөмэр ыалдьыта - норуодунай суруйааччы Дмитрий Наумов.
👨🏻⚕️ Уролог, андролог-быраас Николай Григорьев.
🐂 Оҕуһу иитиини тарҕатар Хоро оҕонньор.
🇷🇺"Юнармия" ыстаабын салайааччыта Александр Кузьмин.
🪖Анал байыаннай дьайыыттан эргиллибит киһи кэпсээнэ.
❓Арыгы сокуона тугу уларытыай?
Онтон да атын сэргэх суруйуулары ааҕыҥ👍🏻
https://t.me/kiin_kyorat_gazeta
-
2023-02-22 23:30:25+00:00
#КК_Сонун
💠”Арчы дьиэтигэр” бүгүн Айыы сыдьаайдаах ИЙЭ АЛГЫҺА алкыйар.
🕐12:00 чаастан
Бу сигэнэн быһа эпииргэ холбонуохха сөп: https://youtu.be/C9UdM8Rdj8w
https://t.me/kiin_kyorat_gazeta
-
2023-02-23 22:42:28+00:00
Бүгүн олунньу 24 күнэ - Дьыл Оҕуһун иккис муоһа түһэр.
☃️Мантан ыла, кыһыҥҥы тымныы улам-улам мүлүрүйэр. Сааскы салгын лаппа биллэр буолар. Уларыйа сылдьан тыалырар. Ону мас көмнөҕүн (хаарын) түһэрэр тыал дииллэр.
🧣Ичигэстик таҥныҥ, түспүт муос уораана өссө даҕаны баар.
_______________________________
▶️Телеграм каналбытыгар суруттар✅
-
2023-02-24 22:35:13+00:00
#КК_Сэргээ
👍🏻Эрдэ турбут киһи эрчимнээх буолар. Өссө кыратык сэрээккэлиир, сөрүүн уунан душтанар буоллаххына, күн устата сэниэҥ эстибэт. Эт-сиин уһун күҥҥэ бэлэмнэнэр, түүн устата хамсаабатах хаан уонна лимфа эргиирэ күүһүрэр. Ол иһин иммунитет күүһүрэр, ол аата доруобуйаҥ биллэ тупсар.
🧘🏻Эрдэ тура үөрэнэргэ бастаан уһуктаат да, өр сыппакка, сүрҕэлдьээбэккэ атахпытыгар турабыт. Суунан-тараанан баран йога хамсаныыларын, чэпчэки сэрээккэни оҥоробут. 1-2 ыстакаан мүлүркэй ууну ыймахтыыбыт – организмы уһугуннарабыт.
🕰️Утуйар уонна уһуктар бириэмэҕит наар биир буоларыгар кыһаллыҥ.
https://t.me/kiin_kyorat_gazeta
-
2023-02-25 22:30:54+00:00
#КК_Поэзия
СААСКЫ САНАА
Күн аайы арыый да сылыйан,
Күдэрик тымныыны сыҕайан
Күүтүүлээх сааскы тыал илгийэр.
Күн, күүлэй тэппиччэ, мичийэр.
Күрдьүккэ көмүрүө кыстык хаар
Күндү таас курдук бу тырымнаан,
Күүс эбэн эрчимниир кэриэтэ,
Күлүмнүү оонньуура кэрэтэ!
Кыйаарым бэлэҕэ хаар тыына -
Кыыс кэрэ номоҕон хартыына,
Кылбаарар көрүҥэр кыттыһан
Кырыымпа уһуктан ыллаһар.
Көнньүөрбүт санаабын айхаллаан,
Көҕөрөр үрдүктэн киэҥ халлаан
Көччүйүүй диэбиттии иэйдэҕиэн,
Көй салгын тыыныахха чэбдигиэн!
Калисфена,
Дьокуускай куорат.
https://t.me/kiin_kyorat_gazeta
-
2023-02-27 10:48:05+00:00
#КК_Сонун
✌🏻Экономика үрдүкү оскуолатын чинчийиитинэн, өрөспүүбүлүкэ киин куората Арассыыйа саамай үрдүк култуурунай хапытааллаах уон куоратын иһигэр киирдэ диэн «Известия» хаһыат информационнай портала иһитиннэрдэ.
Уон иһигэр Петрозаводскай, Белгород, Томскай, Архангельскай, Вологда, Саранскай, Калининград, Екатеринбург уонна Иркутскай куораттар киирдилэр. Рейтиҥҥэ Москва 28-с миэстэҕэ тигистэ, оттон дойду «култуурунай киин куората» Санкт-Петербург – 13-с миэстэҕэ. Чинчийээччилэр этэллэринэн, итинник түмүк кыра куораттарга нэһилиэнньэ иллэҥ кэмэ элбэх буолан култуурунай инфраструктура ордук ирдэнэрин кытта сибээстээх.
https://t.me/kiin_kyorat_gazeta
-
2023-02-27 22:31:02+00:00
#КК_Поэзия
ЧӨРКӨӨХ ДАЛБАР ХОТУТТАРА
Устан ааспыт үйэттэн
Аптаах аты мэҥэстэн
Илэ кэлбит курдуктар
Толуу-мааны хотуттар.
Көрдөөх-нардаах көстүүнэй
Олус мааны муодунай
Сэлээппэтэ, киэргэлэ
Хотуттарга буолунай.
Хаарыс солко халадаай
Хаһыаччыга харчылаах,
Уобараска барсар баай
Кэбиһэрдээх, кириэстээх.
Уран тарбах ойуулаан
Куруһуба кытыылаан,
Оҕуруонан оһуордаан
Оҥорбутуон нарылаан!
Дьоһун-мааны хотуттар
Олорбуттар, турбуттар
Хаама сылдьар хаартыска,
Кэрэ кэпсэл буолбуттар...
Ытык Чөркөөх иһигэр
Дьиҥнээх олох сиэригэр
Айыыһыттар эбиттэр
Сэргэх далбар дьүөгэлэр.
Үрүҥ дьиэҕит иһигэр
Таҥас бэрдин наар тиктиҥ,
Үйэ быыһын сэгэтэр
Үгэскитин тэнитиҥ!
Арылы Дуйдаах
https://t.me/kiin_kyorat_gazeta
-
2023-02-28 22:34:06+00:00
#КК_Сонун
👏Кулун тутар 5 күнүгэр Дьокуускайга Ленин проспегынан Норуот маастарын күнүгэр анаммыт сэлэлии хаамыы буолуоҕа. Хаамыы кыттыылаахтара өрөспүүбүлүкэ территориятыгар олорор араас омуктар национальнай көстүүмнэрин кэтиэхтэрэ.
🔹Бу күн 12:00 чаастан 14:00 чааска диэри Ленин проспегын Орджоникидзе болуоссатыттан Ленин болуоссатыгар диэри кэрчигэ сабыллар.
Санатар буоллахха, Саха сирин норуоттарын төрүт үгэстэрин сөргүтэр, үйэтитэр уонна сайыннарар сыаллаах, 2012 сыллаахха өрөспүүбүлүкэ баһылыгын ыйааҕынан Норуот маастарын күнэ төрүттэммитэ уонна кулун тутар 5 күнүгэр ыытыллар буолбута. Бырааһынньык күн быыстапка-дьаарбаҥкалар, кэнсиэртэр, маастар-кылаастар ыытыллаллар, сэлэлии хаамыы буолар. Былырыыҥҥы хаамыыга 1200-тэн тахса киһи кыттыбыта.
https://t.me/kiin_kyorat_gazeta