-
2022-12-01 01:33:28+00:00
🔰🔰🔰 И. М. Сосин 1928 сыллаахха ахсынньы 1 күнүгэр үгүс элбэх айар дьоҕурдаах дьон үөскээбит Суола үрэх үрдүгэр турар Алаас Моорук нэhилиэгэр төрөөбүтэ. 2023 сылга И.М. Сосин төрөөбүтэ 95 сылыгар аналлаах араас хайысхалаах тэрээһиннэр ыытыллаллара былааннаналлар. Салгыы ➡️➡️➡️ https://elib-mk.ru/index.php/nowosti/721-surujaachchy-poet-innokentij-sosin-b-l-jdeekh-sylyn-k-rs
-
2022-12-08 09:27:43+00:00
Дьоруой аата үйэлэргэ өлбөөдүйбэт!
Ахсынньы 8 күнүгэр киэн туттар биир дойдулаахпыт, сахалартан бастакы Сэбиэскэй Сойуус Дьоруойа Федор Кузьмич Попов төрөөбүтэ 101 сылын бэлиэтиибит.
Бүгүн Майа сэлиэнньэтин олохтоохторо Дьоруой искибиэригэр мустан, дьоруойдуу хорсуннук Аҕа дойду Улуу сэриитин кыайбыт буойуннарбыт албан ааттарыгар сүгүрүйэн туран, “Дьоруой күнүн” бэлиэтээн, сибэкки дьөрбөтүн уонна венок уурдулар, ытыктаан мүнүүтэ чуумпуран турдулар.
Тэрээһиҥҥэ Майатааҕы В.П. Ларионов аатынан орто оскуола, Ф.Г.Охлопков аатынан орто оскуола, И.Г. Тимофеев аатынан лицей үөрэнээччилэрэ кыттыыны ыллылар. “Юнармия” бүтүн Арассыыйатааҕы байыаннай-патриотическай оҕо уопсастыбаннай хамсааһынын кыттылаахтара Петров Володя, Романов Коля (В.П. Ларионов аатынан Майа орто оскуолата), Шарин Саша, Борисов Андрей (Ф.Г.Охлопков аатынан Майа орто оскуолата), Шишигин Аскольд, Попов Айсен (И.Г. Тимофеев аатынан Майа лицейэ) веногу уурар чиэскэ тигистилэр.
“Майа сэлиэнньэтэ” тыа сирин түөлбэтин баһылыгын солбуйааччы Федор Белолюбскай, “Доблесть” бойобуой дьайыылар бэтэрээннэрин уопсастыбаннай түмсүүтүн аатыттан Валерий Шарин, Мэҥэ Хаҥалас улууһун Бэтэрээннэрин Сэбиэтин бэрэссэдээтэлэ Маргарита Максимова, Мэҥэ Хаҥалас уонна Уус Алдан улуустарын военнай комиссариатын үлэһитэ Афанасий Сергеев, Мэҥэ Хаҥалас улууһун үөрэҕириитин салалтатын үлэһитэ Николай Тарасов, Майа сэлиэнньэтин Бэтэрээннэрин Сэбиэтин бэрэссэдээтэлэ Павел Жирков тыл эттилэр, Дьоруой Федор Кузьмич Попов курдук дойдутугар бэриниилээх, Саха Сирин туһугар үлэлиир-хамсыыр ыччаттар тахса турдуннар диэн баҕа санааларын тириэртилэр.
Дьоруой Федор Кузьмич Попов хорсун быһыыта биһигини барыбытын, кэнчээри ыччаты төрөөбүт дойдуга муҥура суох тапталлаах, бэриниилээх буолууга үөрэтэр, кэнники сылларга суолтата дириҥээн иһэр.
Биһиги норуоппутугар Аҕа дойду Улуу сэриитигэр ситиспит улууканнаах кыайыыбыт суолтата үйэлэргэ өлбөөдүйүө суоҕа! Ким да умнуллубат, туох да умнуллубат!
“Майа сэлиэньэтэ” ТСТ дьаһалтата.
-
2022-12-13 08:23:54+00:00
МАЙА СЭЛИЭННЬЭТИГЭР 2023 СЫЛ АҔА СЫЛЫНАН БИЛЛЭРИЛЛИННЭ
Бигэ туруктаах, чэбдик олохтоох, Айыы сиэрдээх дьиэ кэргэн – омук кэскилэ. Дьиэ кэргэн туруктаах олоҕун түстэһэр, күүстээх санаалаах эр дьоммут суолтатын, дьиэ кэргэҥҥэ аҕа оруолун үрдэтэр, чөл олоҕу тутуһар, дьарыктаах буолууну ситиһэр, оҕону, ыччаты сахалыы тыыҥҥа, патриотическай өйгө-санааҕа уонна үтүө майгыга-сигилигэ иитэр сыалтан Майа сэлиэнньэтигэр 2023 сыл баһылык Алексей Иннокентьевич Неустроев уурааҕынан Аҕа Сылынан биллэриллиннэ.
Майа сэлиэнньэтин тэрилтэлэрин, түөлбэлэрин, уопсастыбаннай түмсүүлэрин, ыччаттарын, дьиэ кэргэттэрин, бары олохтоохторун Аҕа Сылын чэрчитинэн ыытыллар тэрээһиннэргэ көхтөөхтүк кыттаргытыгар ыҥырабыт!
-
2022-12-13 07:24:51+00:00
Майа сэлиэнньэтин олохтоохторун
ахсынньы 17 күнүгэр 11 чаастан Д.Ходулов аат.Норуот айымньытын дьиэтэ устубут Майа сэлиэнньэтэ төрүттэммитэ 120 аналлаах документальнай-игровой киинэ сүрэхтэниитигэр ыҥырабыт.
Киирии билиэт 200 солк.
Билиэттэри hodulov.ru саайтан уонна каассаттан атыылаһыҥ.
Каасса үлэлиир кэмэ: 10 ч.- 17 ч.
Понедельник - өрөбүлэ.
Тел. 41-439
-
2022-12-19 10:27:51+00:00
БАҺЫЛЫК ОТЧУОТА БУОЛАН ААСТА
Ахсынньы 19 күнүгэр олохтоох дьаһалта сыллааҕы үлэтин түмүгүнэн Майа сэлиэнньэтин баһылыга Алексей Иннокентьевич Неустроев отчуота буолан ааста.
Нэһилиэнньэ инньигэр отчуоту баһылык Алексей Иннокентьевич Неустроев иилээн-саҕалаан ыытта, сыллааҕы үлэ түмүгүн билиһиннэрдэ, мунньахха кэлбит нэһилиэнньэттэн, уопсастыбаннастан киирбит суолга-иискэ, уу ситимигэр, уокка, тупсаран оҥорууга, доруобуйа харыстабылыгар сыһыаннаах ыйытыктарга хоруйдаата.
Отчуокка баһылыгы социальнай эйгэҕэ солбуйааччы Татьяна Павловна Егорова, олох-дьаһах коммунальнай хаһаайыстыба уонна сир эйгэтигэр солбуйааччы Федор Федорович Белолюбскай, «Майа сэлиэнньэтэ» тыа сирин түөлбэтин депутаттарын сэбиэтин бэрэссэдээтэлэ Прокопий Васильевич Марков кыттыыны ыллылар. Мэҥэ Хаҥаластааҕы ис дьыала отделын начаалынньыга Владимир Николаевич Попов, 2-с нүөмэрдээх Майатааҕы баһаарынай чаас салайааччыта Валентин Викторович Скрябин иһитиннэрии оҥордулар.
Олохтоохтор Майа инники сайдыытыгар туһааннаах этиилэри киллэрдилэр, отчуоту үчүгэйинэн сыаналаатылар. Киирбит ыйытыктар, этиилэр боротокуолга киирдилэр.
Отчуот түмүгэр баһылык Алексей Неустроев кэлэр 2023 сылы Майа сэлиэнньэтигэр Аҕа сылынан биллэрдэ.
-
2022-12-15 02:34:22+00:00
Баһылык сыллааҕы отчуота буолуоҕа
Олохтоох дьаһалта сыллааҕы үлэтин түмүгүнэн Майа сэлиэнньэтин баһылыга Алексей Иннокентьевич Неустроев отчуота ахсынньы 19 күнүгэр Д.Ф. Ходулов аатынан норуот айымньытын дьиэтигэр 14 чаастан буолуоҕа.
Ытыктабыллаах Майа олохтоохторо! Мунньахха көхтөөхтүк кыттыһан, интириэһиргиир ыйытыктаргытыгар эппиэттэ ылыҥ, санааҕытын этиҥ, Майабыт сайдарын туһугар этиилэргитин киллэриҥ диэн ыҥырабыт!
Ыйыытыыларгытын, этиилэргитин Майа сэлиэнньэтин дьаһалтатын электроннай почтатыгар amosm2010@mail.ru эбэтэр 8(411)43-41103 нүөмэргэ эрийэн кэлэн биэриэххитин сөп.
-
2022-12-21 13:34:30+00:00
"Үнүгэс" үөрэтэр-чинчийэр киин арылынна
Бүгүн, ахсынньы 21 күнүгэр, Майатааҕы В.П. Ларионов аатынан орто оскуола иһинэн "Үнүгэс" агросфера үөрүүлээх арыллыыта буолла.
Үөрэтэр-чинчийэр киин киэҥ, сырдык дьиэтигэр үүнээйини кэтиир, оҥорон таһаарар салаалар уонна дьоҕус лаборатория үлэлиэхтэрэ.
Майа сэлиэнньэтин баһылыга Алексей Иннокентьевич Неустроев учууталлары, үөрэнээччилэри эҕэрдэлээтэ уонна оҕолор көрөн-харайан үүннэрбит сибэккилэрэ аны сайын саҥардыллан оҥоһуллубут Майа килбэйэр киинигэр турар Комсомольскай болуоссаты киэргэтиэхтэрэ диэн баҕа санаатын эттэ.
Үөрэтэр-чинчийэр, оҥорор таһаарар киин Майа сэлиэнньэтигэр, улууска агрономия, бэйэ бородууксуйатын оҥорон таһаары, тыа хаһаайыстыбата сайдарыгар тирэх буолуо диэн эрэнэбит!
-
2022-12-28 13:09:30+00:00
Майабыт сайдыытын бары бииргэ түстүүбүт!
Бу сылга биһиги бары куоластаан өйөөбүт бырайыакпыт, Новострой» түөлбэҕэ Промкомбинат искибиэрин оҥоһуллуута, «Уһук Илиҥҥэ 1000 тиэргэн» федеральнай бырагыраамаҕа уонна сэлиэнньэ иһинээҕи суоллары оҥорорго погрузчик атыылаһыыта «Олохтоох көҕүлээһиннэри өйүүр региональнай бырагыраамаҕа» кыттан, кыайыылаахтарынан таҕыстыбыт. Эһиилги сылга бырайыак олоххо киирэригэр уонна техниканы атыылаһыыга үбүлээһин көрүллүөҕэ.
Туора туран хаалбакка, олохтоох дьаһалта ыыппыт куоластааһыннарыгар көхтөөх кыттыны ылбыт биир дойдулаахтарбытыгар улахан махталбытын тиэрдэбит. Инникитин даҕаны бары түмсүүлээх буолуоҕуҥ, тапталлаах Майабыт сайдыытын бары бииргэ түстүөҕүҥ!
-
2022-12-29 16:00:16+00:00
2022 СЫЛ БАСТЫҤНАРЫН БЭЛИЭТЭЭТИБИТ
Ахсынньы 28 күнүгэр Д.Ф. Ходулов аатынан Култуура киинигэр «Майа сэлиэнньэтэ» тыа сирин түөлбэтин дьаһалтата сыл бастыҥнарын бэлиэтиир тэрээһинэ буолан ааста.
Сыл тухары сэлиэнньэҕэ, улууска ыытыллар тэрээһиннэргэ көхтөөхтүк кыттыбыт, араас хайысхаларга ситиһиилэммит дьоммутун бэлиэтээн, наҕараадалары, анал ааттары туттарыы буолла.
Ол курдук, «Саха АССР 100 сылынан» анал бэлиэнэн Аркадий Михайлович Захаров, Илья Иннокентьевич Осипов, Екатерина Серафимовна Черкашина, Анатолий Еремеевич Чичахов, Рева Михайлович Гермогенов, Павел Никифорович Дмитриев, Варвара Григорьевна Филиппова наҕараадаланнылар.
Мэҥэ Хаҥалас улууһун дьаһалтатын грамотатын туттулар Кузьма Иванович Бурнашев, Максим Дмитриевич Забровскай.
«Бигэ ыал» бэлиэнэн наҕараадаланнылар быйыл ыал буолан олорбуттара 50 сыллара буолбут Александра Павловна, Родомир Николаевич Павловтар.
Салгыы ⬇️⬇️⬇️
-
2022-12-29 06:57:59+00:00
СПОРТСМЕННАРЫ ЧИЭСТЭЭТИБИТ
Ахсынньы 28 күнүгэр Уус-Алдан улууһун Бороҕоҥ сэлиэнньэтигэр ыытыллыбыт Саха сирин норуоттарын VIII спортивнай оонньууларыгар Мэҥэ Хаҥалас улууһун сүүмэрдэммит хамаандатын састаабыгар кыттыбыт Майа олохтоохторун – спортсменнары, тренердэри чиэстиир тэрээһин буолан ааста. Салгыы⬇️
-
2022-12-30 15:24:59+00:00
МАЙАҔА САҤА ТААС ДЬИЭЛЭР ДЬЭНДЭЙДИЛЭР
Бүгүн, ахсынньы 30 күнүгэр, Майабыт сэлиэнньэтигэр «Хаарбах дьиэттэн дьону көһөрүү» бырагырааманан тутуллубут үс саҥа дьиэ үлэҕэ киирдэ.
Дьоро тэрээһиҥҥэ Ил Дархаммыт Айсен Сергеевич Николаев олохтоохтор үөрүүлэрин тэҥҥэ үллэһиннэ. Улууспут баһылыга Дмитрий Тихонов, Майа сэлиэнньэтин баһылыга Алексей Неустроев олохтоохтору эҕэрдэлээтилэр.
14 хаарбах туруктаах дьиэттэн көһөн, уопсайа 133 ыал саҥа кыбартыыра күлүүһүн тутта.
Ол курдук, толору хааччыллыылаах таас дьиэлэри: Байкалов аатынан уулусса 6 уонна Исаев аатынан 11 нүөмэрдээх дьиэлэрин «Мегинострой» уонна Исаев аатынан 1/2 нүөмэрдээх дьиэтин «Арктика-строй» тэрилтэлэр үрдүк хаачыстыбалаахтык тутан олоххо киллэрдилэр.
Тыа сиригэр дьон-сэргэ олоҕо тупсарыгар, үрдүүрүгэр улахан болҕомто ууруллан, маннык бырайыактар олоххо киириилэрэ тэтимнээхтик барарыгар дойдубут президенигэр Владимир Путиҥҥа, Ил Дархаммытыгар Айсен Николаевка, тутааччы тэрилтэлэрбитигэр махталбытын тиэрдэбит.
Саҥа дьиэ олохтоохторо Саҥа дьылы көрсө үөрүүлэрэ икки бүк үрдээтэ. Хаһаайыттары итиитик-истиҥник эҕэрдэлиибит, дьиэҕит сылаас буоллун, эйэ-дьол эҥэрдэстин!
-
2022-12-30 10:54:15+00:00
КЭРЭ КЭҺИИЛЭЭХ ХАРЫЙА
Майаҕа сыллата ыытыллар «Кэрэ кэһиилээх харыйа» аахсыйа чэрчитинэн быйыл 169 оҕо Саҥа дьыллааҕы бэлэх тутта. Майабыт түмсүүлэрэ, урбаанньыттара уонна тэрилтэлэр доруобуйаларынан хааччахтаах, кыра дохуоттаах ыаллар, ону тэҥэ анал байыаннай дьайыылар кыттыылаахтарын оҕолоругар Саҥа дьыллааҕы бэлэх оҥорон туттардылар.
Ол курдук аахсыйаҕа кыттыбыт амарах санаалаах дьоммутугар улахан махталбытын биллэрэбит:
«Түмэн» түмсүү – сал. Лукина Мария Дмитриевна, 1976 сыллаах выпусктар түмсүүлэрэ.
Салгыы ⬇️
-
2022-12-31 11:15:24+00:00
«Майа сэлиэнньэтэ» тыа сирин түөлбэтин баһылыга Алексей Иннокентьевич Неустроев Саҥа дьылынан эҕэрдэлиир 🎄