-
2023-02-24 15:31:00+00:00
#Дуо
Яхшиликлар, муҳаббат ва камтарлик касб этувчи дуо
اللهمّ إنّي أسألك فعل الخيرات و ترك المنكرات و حبّ المساكين و أن تغفلي و ترحمني و إذا أردت بقوم فتنة فتوفّني غير مفتون.
Ўқилиши: Аллооҳумма инний ас‘алука фиълал хойроот, ва таркал мункароот ва ҳуббал масаакийн, ва ан тағфиролий ва тарҳаманий, ва изаа аротта биқовмин фитнатан фатаваффаний ғойро мафтуун.
Маъноси: Эй Аллоҳ! Сендан хайрли амалларни қилишни, мункар гуноҳ ишларни тарк қилишни ва мискинларни севишни ва мени мағфират қилиб раҳм қилишингни сўрайман. Ва қачонки бир қавмни фитна қилишни ирода қилсанг мени мафтун бўлмаган холимда вафот эттир.
Термизий 3157, 3159 – р, Аҳмад 21093 – р, Молик ривояти.
-
2023-02-25 15:31:00+00:00
• Агар бировнинг ташвиши сени ҳам ташвишга солса;
- билки ҳали табиатинг тоза экан.
• Агар ўзингдан бошқаларда ҳам гўзалликни кўра олсанг;
- билки, ички дунёинг гўзал экан.
• Агар биродарлик ришталарини муҳофаза қила олсанг;
- билки, сен учун нурли йўлларда доим ҳамроҳ топилади.
• Агар ўзингдан бошқаларга ҳам яхшиликни холис қила олсанг;
- билки, сен вафога жуда яқинсан!
• Билгин:
• Айбсиз дўст қидирган ёлғиз яшайди;
• Нуқсонсиз жуфт излаган бўйдоқ ўтади;
• Қийинчиликсиз ёр истасанг... истаб юраверасан;
• Лабингни фақат икки нарсага ишлат:
- бири табассум;
- иккинчиси сукут.
• Табассум мушкул ишларни ҳал қилади;
• Сукут эса мушкул ишларни ўтказиб юборади.
Шайх Шаъровий.
🌟 @mehrob_uz 🌟
-
2023-02-27 10:07:00+00:00
Ҳанзала розияллоҳу анҳудан ривоят қилинади:
«Расулуллоҳ соллаллоҳу алайҳи васаллам: «Жаброил олдимга келса, доимо ушбу икки нарсага амр қилади: Аллоҳим менга пок ризқ бергин ва мени салоҳиятли ишга солгин дегин», дейди».
Бошқалар ривоят қилгани топилмади.
Абу Абдуллоҳ деди: нифоқ икки рангли бўлган нарсадир; яқийн ва шак, ихлос ва риё ва шунга ўхшаш. Унинг нифоқ деб номланишининг сабаби, унга иш икки эшикдан киради. Аллоҳ таолонинг эшигидан кирса ундан иймон йўли билан қабул қилинади. Нафснинг эшигидан кирса, шаҳват йўли билан қабул қилинади. Юмронқозиқнинг нафаклари — уялари ҳам шунга ўхшаш бўлади. Бир эшикдан кириб, бошқасидан чиқади. Нафақа ҳам худди шунга ўхшаш бўлади. Бир қўл билан олинади, бошқаси билан берилади.
Расулуллоҳ соллаллоҳу алайҳи васаллам Робби азза ва жалладан қалбларини нафс офатларидан поклашни сўрадилар. Сўровни улгуржи қилиб, қалбимни нифоқдан, амалимни риёдан поклагин дедилар.
-
2023-02-27 15:38:00+00:00
БОТИЛ ҲАҚҚА ЗИД СЎЗЛАРГA БЕРИЛИШ
Аёллар, ичкилик базмлари, фосиқлар давраси, бойларнинг айш-ишратлари, шоҳларнинг калондимоғлигию, ҳар хил ножойиз маросимлари ва бошқа ёқимсиз ҳолатларини ҳикоя қилиш ботил сўзларга берилиш ҳисобланади. Гуноҳга етакловчи бундай гап-сўзлар билан машғул бўлиш ҳаромдир. Одамларнинг аксарияти шунчаки «чақчақлашиб» ўтириш учун йиғиладилар. Уларнинг суҳбатлари кимларнингдир шаънини мазах қилиш ёки ботил сўзларга шўнғишдан нарига ўтмайди. Ботил сўзларга берилишнинг тури ва тармоқлари кўп. Уларни чегаралашнинг имкони йўқ. Шундай экан, улардан сақланишнинг ягона чораси - ҳатто, дин ва дунёга тегишли гапни ҳам иложи борича қисқа қилиш.
Билол ибн Ҳорис айтади:
«Расулуллоҳ соллалоҳу алайҳи ва саллам шундай дедилар: «Албатта бир киши Аллоҳ рози бўладиган сўзни «етадиган жойига етсин» деган гумонда гапирди. Аллоҳ таоло то Қиёматга қадар бу сўз туфайли (у кишига) Ўзининг розилигини ёзиб қўйди. Албатта бир киши Аллоҳнинг ғазабини келтирадиган сўзни «етадиган жойига етаверсин» деган гумонда гапирди. Аллоҳ таоло то Қиёматга қадар бу сўз туфайли (у кишига) Ўзининг ғазабини ёзиб қўйди» (Ибн Можа ва Термизий ривояти).
Бу ҳадисдан қаттиқ таъсирланган Алқама: «Билол ибн Ҳорис ривоят қилган ҳадис мени қанчадан-қанча гаплардан тўхтатиб қолди» дерди. Пайғамбар алайҳиссалом дедилар: «Албатта киши битта сўз билан суҳбатдошларини кулдириб, Ҳулкар юлдузларидан ҳам узоқроқ (яъни чуқурроқ) дўзахга қулайди» (Ибн Абу Дунё ривояти).
Абу Ҳурайра дейди: «Албатта киши хотирига келмаган бир сўзни айтади ва у сўзи туфайли Аллоҳ уни жаннати аълога кўтаради».
Пайғамбар алайҳиссалом шундай дедилар: «Қиёмат кунида хатолари энг кўп деб топилган одамлар ботилга энг кўп шўнғиган кишилардир» (Ибн Абу Дунё ривояти).
Аллоҳ таолонинг ушбу ояти ҳам шунга ишорадир: «Бизлар (ботил-беҳуда сўзларга) шўнғигувчи кимсалар билан бирга шўнғир эдик (Муддассир, 45).
«Тил офатлари» китобидан.
-
2023-02-28 15:36:00+00:00
Ибодатларнинг даражалари
Исломда ибодатлар аҳамиятига кўра даражаланади.
Биринчи галда, ҳаромдан сақланиш туради. Ҳаромга учраган киши дарҳол ундан юз ўгирса Аллоҳ унинг имониниқувватлайди. Ҳаромдан тийилиш энг афзал ибодатдир. Зеро, Исломда ҳеч ким осий бўлиб туғилмайди.
Кейингиси, фарзларни ибодатларни бажаришдир. Уларни тарк этиш гуноҳдир. Чунки фарзлар Аллоҳнинг буйруқларидир. Фарзлар унутилган, ҳаром кенг тарқалган замонда бу ишни маҳкам тутган кишининг даражаси яна ҳам баланд, ажри улуғ бўлади.
Учинчиси, ҳаромга яқин бўлган макруҳлардан тийилиш. Ҳатто бу иш вожибдан ҳам аҳамиятлидир.
Тўртинчиси, вожиб амаллар. Улар фарздан кейин тургани боис бажаришнинг савоби улуғ.
Бешинчиси, танзиҳи макруҳ (ҳалолга яқин ишлар)дан ҳам эҳтиёт бўлишдир.
Олтинчиси, таъкидланган суннатлар. Уларни тарк қилиш гуноҳ бўлмаса-да, узрсиз давомли қилмай юриш яхши эмас.
Еттинчиси, нафл ва мустаҳаблар. Бу ишлар одамнинг ихтиёрида. Қилмаса гуноҳ йўқ. Аммо қилса ажр бор.