-
2023-02-01 15:00:59+00:00
📝 Jinsiy tarbiyada nimalarga e'tibor berish kerak?
Bolalarga jinsiy tarbiya berish zarurligini ta'kidlaydiganlar so'zlariga sabab qilib jinsiy tarbiya turli tajovuzlarning oldini olishda yordam berishi mumkinligini ko'rsatadilar. Bunday tortishuvlar muammoni bartaraf qilish o'rniga uni battar chigallashtirishdan nariga o'tmaydi. Ilmiy asoslardan uzoq bo'lgan fikrlar mavzuni boshqa tomonga yo'naltirishi mumkin xolos.
Ba'zi xorijiy davlatlarda "O'smirlik davrida o'zgarishni o'rganish" kabi maktab dasturlarida bolalarga bu davrda ulardagi fiziologik, ruhiy va ijtimoiy o'zgarishlar o'rgatiladi. Aslida bunday jinsiy tarbiya darslari tajovuz va jinsiy suiiste'mol mavzularini yanada murakkablashtirmoqda. Qanday deb o'ylaysizmi?
Bir guruh o'quvchilarga jinsiy tarbiya darslarini bir xil sharoitda o'tish bolalarda sog'lom jinsiy shaxsiyatini shakillanishiga ham, turli tajovuz hodisalarini oldini olishga ham hech qanday yordam bermaydigan uslubdir. Zero, bolaga beriladigan jinsiy tarbiya asta-asta va bosqichma-bosqich amalga oshirilishi kerak. Jinsiy shaxsiyatning shakillanishidagi eng muhim narsa bolaning ruhiy va aqliy rivojlanishiga paralel ravishda "o'ta nozik" va bilinishi kerak bo'lgan darajada" qoidasi ostida jinsiy ta'lim berilishidir. Maktablarda ko'pchilikdan iborat guruhlarda qaysi bolaning qanday darajada jinsiy ma'liumotlarni o'ziga singdira olishini avvaldan bilish murakkab. Ularning bu mavzudagi dastlabki ma'lumotlari bir-biridan farqli bo'lishi tabiiy holdir. Ularga tushuntirilgan mavzular qaysi bolaga qanday shaklda ta'sir qilishini taxmin qilishi ham qiyin. Berilgan ma'lumotlar ba'zi bolalarga salbiy ta'sir qilishi mumkin. Masalan, "yomon ishlar" qilmaydigan o'smirlarning bir qismi "Yomon ish"lar mavzusidagi darsdan so'ng buni qanday narsa ekaniga qiziqib ayanan shu darsdan so'ng bunga odatlanishlari mumkinligini unutmaslik kerak.
Davomi bor...
Mezana – ilmni odob bilan o'rganamiz!
#farzandi_arjumand #odob_axloq
Kanalga ulanish: 👉 @mezanauz
-
2023-02-02 13:59:57+00:00
🫥 Boqib olgan farzandlarim bir biriga nomahrammi?
Savol: Men 20 yildan beri befarzandman, ovsinimning bolasini bir yoshligida boqib olgandim. Oradan ancha yillar o‘tganidan keyin boshqa ovsinim olamdan o‘tdi. Uning kichik qizi 3 yosh edi. Uniyam boqib oldim. Hozir o‘g‘lim 19 yosh qizim 14 yosh. Qaynonam bular bitta uyda turishi mumkin emas, amakivachchalar bir biriga nomahram deyaptilar. Farzandim yo‘qligi uchun bularni mehr berib boqib olgandim, lekin endi shuncha yil katta qilib, bularni qanaqa qilib ota-onasiga qaytarib beraman?! Iltimos, maslahat bering. Shariatda bunaqa vaziyatda qanaqa yo‘l tutish kerak? Javobingiz uchun oldindan rahmat.
Javob: Aslida ota-onasi bir o‘g‘il-qizlar ham balog‘atga yetganda ularning yotog‘ini alohida qilish kerak. Agar siz aytgan bir yoshli o‘g‘ilni emizgan bo‘lsangiz, sizga u o‘g‘il bo‘ladi. Lekin qizni razoat muddatida emizmaganingiz aniq. Chunki uni uch yoshda olgansiz. Shu uchun u sizga emizikli qiz emas. Bundan kelib chiqadiki, bu ikki farzand bir-biriga nomahram. Yotoqlarini albatta ajrating hamda satrlanmagan holatda va uyda yolg‘iz qolmasinlar! Bolalarni ota-onasiga qaytarish masalasi hammaning o‘zaro sulh va kelishuviga bog‘liq. Bolaga vasiylik bor. Buni ota onasi hal qiladi.
Alloh yanada biluvchi.
Ustoz Mubashshir Ahmad
Mezana – ilmni odob bilan o'rganamiz!
#farzandi_arjumand
Kanalga ulanish: 👉 @mezanauz
-
2023-02-06 15:01:20+00:00
📝 "Boshlang'ich refleks necha yoshda va qanday o'rgatiladi? (2-qism)
(1-qism bu yerda)
3. "Tegilishi ta'qiqlangan joylarim" refleksi.
Bolalar 4 yoshlaridan boshlab vujudlarining ba'zi qismlariga tegilishidan bezovtalanishni bilishlari lozim. Ayniqsa, genetik qismlarga tegnilganda bolada jiddiy qarshilik bo'lishi kerak. Bu shuurning uning miyyasiga joylashishi uchun ota onalar bola 4 yoshga to'lgandan so'ng, vujudning genetik qismlari bilan bog'liq harakatlarni kamaytirish kerak. Bolalar yaqin qarindoshlar va do'stlar tomonidan jinsiy organlariga tegilmasligi, ularni ko'p o'pib, ko'p quchoqlab yaxshi ko'rilmasligi lozim.
4. "Jismoniy tayziqqa qarshi turish" refleksi.
Kichik yoshdagi bolalar o'zlarining zaifliklarini va chorasizliklarini kattalarning kuchini sezganidagina anglaydi. Ota-ona va yaqinlari bolalarga ularning kuchsizligini his qildiradigan darajada katta va muvozanatsiz kuch ishlatmasliklari kerak. Ota-onalar farzandlariga ularga qarshi kuch ishlatilganda albatta, qarshilik qilish kerakligini uqtirishlari lozim. Shuning uchun bola o'zi xohlamagan vaziyatlar uchun qarshilik qilsa, uni kuch ishlatib sindirmaslik, bola o'zi ko'rsatgan qarshilikning foydasi borligini his qilishi kerak.
5. "Vujudim ko'rinmasligi kerak" tuyg'usi.
Bolalar yurishni boshlagandan so'ng ularni yalang'och holda yurishlariga yo'l qo'ymasliklari kerak. Bola o'zining kichikligini yalong'och holda yurgan shaklda eslamasligi zarur. Ayniqsa, 4 yoshdan keyin bolalar uyda yoki tashqarida yalang'och holda yurmasliklari lozim. Kiyimlarini o'zi yechib kiyishiga qo'yib berilishi kerak. Vujudning boshqalar tomonidan ko'rilishini istamagan bola kiyimining ham boshqalar tomonidan yechilishidan bezovta bo'ladi.
Davomi bor...
Mezana – ilmni odob bilan o'rganamiz!
#odob_axloq #farzandi_arjumand
Kanalga ulanish: 👉 @mezanauz
-
2023-02-07 09:52:35+00:00
📢 Arab tili aqlni mustahkamlaydi!
Umar ibn Xattob roziyallohu anhu "Arab tilini o‘rganinglar. Chunki u aqlni mustahkamlaydi va oliyjanoblikni ziyoda qiladi”, deganlar. Mezana ilm markazi esa sizga arab tilini "Alif" harfidan boshlab o‘rganish imkoniyatini taqdim etadi.
Markazimizning Usta Shirin filialida haftaning toq kunlarida (dushanba, chorshanba, juma) erkaklar uchun boshlang'ich arab tili guruhlari ochilmoqda. Shuningdek, ayol-qizlar uchun ham yangi guruhlar ochilish arafasida.
Kurslarga ro'yxatdan o'tish va batafsil ma'lumot olish uchun ushbu post izohlarida + qoldiring yoki quyidagi manzillarga murojaat qiling.
👉 Ro‘yxatdan o‘tish
Murojaat uchun telefonlar:
+998991155510
+998991155512
Manzil: Toshkent shahri, Yunusobod tumani, Bogʻiravon ko‘chasi 55-uy.
📍 Joylashuv
Mezana – ilmni odob bilan o'rganamiz!
#arab_tili
Kanalga ulanish: 👉 @mezanauz
-
2023-02-08 15:20:02+00:00
⭕️⭕️⭕️ ⭕️⭕️⭕️⭕️
🎙 Farzand tarbiyasi bo'yicha onlayn suhbatga marhamat!
"Tarbiya biz uchun yo hayot – yo mamot, yo najot – yo halokat, yo saodat – yo falokat masalasidir". Ma’rifatparvar bobomiz Abdulla Avloniyning tarbiya haqida aytgan ushbu gaplari bugungi kunda ham o'z dolzarbligini yo'qotmagan. Farzand tarbiyasi hamisha eng zaruriy masalalardan hisoblanadi.
Shu munosabat bilan Mezana ilm markazi malakali psixolog Nilufar Rashidova bilan "Farzand tarbiyasidagi muhim masalalar" mavzusida ovozli suhbat tashkil etmoqda.
📆 Ovozli suhbat o‘tkazilish vaqti: 10-fevral, soat 11:00
Mavzu bo‘yicha o‘zingizni qiziqtirgan savollarni ushbu post izohlarida yozib qoldirishingiz mumkin.
➡️ Ovozli suhbatda ishtirok etish
Mezana – ilmni odob bilan o'rganamiz!
#odob_axloq #ona_qizim #farzandi_arjumand
Kanalga ulanish: @mezanauz
-
2023-02-09 19:00:02+00:00
🌙 Juma muborak!
Rasululloh sollallohu alayhi vasallam juma kuni haqida bunday marhamat qilganlar: “Albatta bu (juma kuni) bayram kunidir. Alloh uni musulmonlar uchun (bayram) qilgan. Shunday ekan, kim jumaga yetsa, g‘usl qilsin. Agar unda xushbo‘ylik bo‘lsa, undan sepib olsin va misvokni lozim tutinglar” (Imom Ibn Moja rivoyatlari).
Yaqinlaringizga ulashing! 🚀
Kanalga ulanish: 👉 @mezanauz
-
2023-02-11 16:01:11+00:00
📝 Bolani kunduzi uxlatish kerakmi?
Ko‘pchilik oilalarda ota-ona va buvilar bolalarni kunduzi uxlashga zo‘rlashmaydi. Mayli, uxlamasa uxlamasin, deyishadi. Kunduzi uxlab olsa, kechasi uxlamay bezor qiladi, deguvchilar ham topiladi. Bolalar bog‘chasida esa albatta, majburlab bo‘lsa-da, uxlatishadi. Xo‘sh, bola kunduzi uxlashi kerakmi? Kerak bo‘lsa, nima uchun?
Pediatrlar va bolalar nevropatologlari 5-6 yashar bola kunduzi kamida 1,5-2 soat uxlashi shart degan fikrni ilgari surishadi. Bola qanchalik yosh bo‘lsa, unda uyquga bo‘lgan ehtiyoj shunchalik kuchli bo‘ladi. Mutaxassislarning fikricha, bolalar yoshiga qarab quyidagi vaqtlarda uxlashi kerak:
– yangi tug‘ilgan bola bir kunda 19 soat;
– 3-5 oylik bola 17 soat;
– olti oylik bola 15 soat;
– 9-12 oylik bola 13 soat;
– 2-3 yashar bola 12,5 soat;
– 4-5 yashar bola 11,5 soat;
– 6 yashar bola 10 soat uxlashi kerak.
Bola yorug‘ dunyoga kelgan zahoti kun bilan tunni ajrata olmaydi, u bir sutkada 4 martadan 11 martagacha uxlaydi. 1,5 yashar bo‘lganda har 4,5 soatda 1,5-2 soatdan uxlatiladi. 3 yoshga to‘lguncha 2,5-3 soat, 4-6 yoshgacha 1,5-2soat uxlaydi. Faqat 7 yoshga borib, bola organizmi tungi uyquga moslashadi. 7 yashar bola kechasi yaxshi uxlamagan bo‘lsa, maktabda toliqsa, shamollagan yoki holi qurigan bo‘lsa uni kunduzi uxlatish kerak. Shunda quvvati tezroq asl holiga keladi. Demak, bola kunduzi albatta uxlagani ma’qul. Chunki shunda bola organizmdagi eng muhim bo‘lgan uyqu va tetiklik bioritmlarni tabiatning o‘zi bir maromda ishlatadi.
Bola kunduzi uxlamasa bioritmlar uyg‘un bo‘lmay qoladi. Natijada bola jaxldor bo‘lib, tez toliqadi, asabiy-ruhiy va jismoniy rivojlanishi sekinlashadi, yaxshi o‘smaydi, immuniteti pasayib ketadi, tez-tez shamollaydigan bo‘lib qoladi, bolalar infeksiyalari salga yuqadi.
Shuningdek, shaharda yashaydigan bolalar ko‘proq uxlashi kerakligi ta’kidlanadi. Chunki mashinalarning shovqin-suroni, zararli chiqindilar bolaning asab tizimini “zaxarlaydi”, bir maromdagi hayotini izdan chiqaradi. Shuning uchun ular qishloq bolalariga qaraganda ko‘proq charchaydilar. Bola uxlab yotganda miyaning maxsus himoya oqsili ishlab chiqariladi. U esa miyani zo‘r keladigan narsalarga moslashtiradi.
Sizlarga maslahatimiz shuki 2,5 oygacha bo‘lgan chaqaloqlarni emizib bo‘lgan zaxoti uxlating. 3 oylik bolani qorni to‘ygandan so‘ng 15-20 daqiqa o‘tgach, kattarog‘ini yarim soat yoki bir soatdan so‘ng uxlating. 1,5 yoshli bolani esa kunduzi faqat bir marta uxlating. Ozroq tixirlik qiladiyu, lekin keyin ko‘nikib ketadi. Faqat har kuni ma’lum bir vaqtda, o‘rgangan joyida uxlashi maqsadga muvofiq ekanini unutmang.
Mezana – ilmni odob bilan o'rganamiz!
#farzandi_arjumand
Kanalga ulanish: 👉 @mezanauz
-
2023-02-12 16:03:04+00:00
📝 "Baʼzan inson tabiati barcha adabiyot va hunarlarni yoqtirmasligi, birortasiga ham qiziqmasligi mumkin.
Masalan, baʼzi insonlar farzandlarini tarbiya qilish uchun koʻp ter toʻkadilar, koʻp mablagʻ sarflaydilar. Lekin, orzu qilgan darajalariga erisha olmaydilar.
Shuning uchun ham bolani tarbiya qilayotgan kishi bolaga bir hunar oʻrgatmoqchi boʻlsa avvalo bolaning tabiatini taroziga solishi, qobiliyatini tekshirishi, zakovatini imtihon qilishi lozim. Shunga qarab unga hunarlarni tanlashi mumkin. Agar birorta hunarda toʻxtalsa bolaning unga qanchalik mayli va ragʻbati borligini aniqlaydi. Hamda qaraydi: u tushinib bajaryaptimi yoki yoʻq, oʻsha kasbga tegishli atama va qoʻllanmalar unga yordam beryaptimi yoki foydasi boʻlmayaptimi. Soʻngra shunga qarab qaror qabul qiladi".
Ibn Sino, "Siyosat kitobi" asari.
Kanalga ulanish: 👉 @mezanauz
-
2023-02-13 14:05:56+00:00
📝 Отанинг улуғлигини ифодаловчи кўплаб хислатлари борки, улардан баъзиларини келтириб ўтамиз.
Ота танбеҳ берганида фарзанддан жирканмайди.
Ота босим қилганида у фарзанднинг ўсишини истайди.
Ота жим турганида у фарзандининг келажаги ҳақида бош қотираётган бўлади.
Ота иқтисод қилган пайтда у ўз нафсини бутунлай енгган бўлади.
Ота қаттиққўл бўлиб қолса, демак фарзанд унинг кўрсатмаларига юрмаган бўлади.
Ота эшик хонасини қулфлаб олган пайтида йиғлаётган бўлади.
Фарзанд отага нисбатан овозини баландлатса, бундан ёмони йўқ,
Фарзанд ўзини дарбадар ва саргардон ҳолда кўрса, демак, отаси ундан ғазабланган бўлади.
Ота тўшакка чўзилиб олиб, гапирмаётган бўлса, фарзанд улкан суянчиқ тоғини йўқотиб, бўшлиққа юз тутган бўлади. У бўшлиқни хеч қандай хотира ҳам тўлдира олмайди.
#odob_axloq
Telegram | Instagram | Facebook | Twitter
-
2023-02-14 15:01:14+00:00
📝 Bolalar eshitganini aytadi, ko‘rganini qiladi
Erkak yoki ayol o‘z xulqidagi salbiy illatlarni, yomon so‘zlarni aytish asli o‘z odati ekanini bolasini tergayotgan paytida beixtiyor bildirib qo‘yishadi. Ajablanarlisi, ular buni bola tarbiyasida qattiq turish deb izohlaydilar. O‘z aybini xaspo‘shlash uchun "chakagimni ochma" deb aybni bolaning bo‘yniga ag‘darishadi.
Ota-ona, umuman, oiladagi yoshi katta kishilar farzandlarning oldida o‘ylab gapirishi, qanday so‘zlarni aytayotganini esidan chiqarmasligi, yomon so‘zlarni og‘ziga olmasligi zarurdir. Bolalar taqlidchan bo‘lgani bois ularning oldida, ayniqsa, fahsh, haqoratli so‘zlarni aytish, so‘kinish mumkin emas.
Afsuski, ba’zi ayollar og‘izga olib bo‘lmaydigan so‘zlarni aytishadi, bu esa bolani tahqirlash hisoblanadi. Tahqirlash bolaning dilini o‘ksitadi, ota-ona tomonidan noshukrlikka yo‘l qo‘yilgan bo‘ladi. Bolaning egni but, qorni to‘q bo‘lsa ham, ko‘ngli ozor topsa, bu to‘qlik unga tatimaydi. "Osmon uzoq, yer qattiq" degan kabi shu tobda u o‘zini himoyasiz, hech kimi yo‘qday his etadi.
Oradan yillar o‘tadi. Iborali qilib aytganda, og‘zidan bodi kirib-shodi chiqadigan ota-onaning farzandlari ham ana shunday yomon xulqni yuqtirib oladilar. Ota-onasidan eshitganlarini "demak, aytsa bo‘ladi" degan fikr ularning ong ostida beixtiyor muhrlanadi.
Ular avval bir-biriga, keyinchalik, tengqurlariga, undan ham keyin o‘z ota-onasiga va o‘zidan katta boshqalarga so‘kinadigan, og‘izga olib bo‘lmaydigan so‘zlarni bemalol aytadigan bo‘lib qolishadi. Keyinchalik "unday desang, falon qilaman", degan kabi koyishlar, hatto kaltaklash bilan ham ong ostidagi yozuvlarni o‘chirib bo‘lmaydi, ular jahli chiqqanida baribir aytaveradi.
Bu so‘kinishlar, yomon so‘zlar tufayli ota-onaning o‘z xulqi, farzandlarining tarbiyasizligi uchun ham ota-ona a’moliga og‘ir ayblar bitilib boraveradi. Chunki ular berilgan ne’matni o‘z vaqtida qadriga yetishmagan, bola tabiatidagi tug‘ma beg‘uborlikni uvol qilgan, yomon ibrat ko‘rsatganlardir.
Mutaxassislarning aytishicha, ba’zi ota-onalarning bolani urishi yoxud uni haddan ortiq tergashi ham ruhiy holatga salbiy ta’sir qiladi. Shunday holatlarda bolaga e’tibor qaratish juda muhim sanaladi. Bolaga mensimaslik nazari bilan emas, balki ularga xuddi kattalarga muomala qilgandek munosabatda bo‘lish juda muhim. Agar bolangizda asabiylik holatini sezgan bo‘lsangiz, albatta, bu holatga befarqlik bilan qaramaslik kerak.
Aksincha, bolada asabiylikni keltirib chiqarayotgan narsalarni o‘rganib, uning oldini olish va bolani asab kasalliklari shifokoriga ko‘rsatish lozim. Bolasini kaltak vositasida tarbiyalashni o‘ylagan ota-onalar qattiq adashadi. Chunki farzandni mehr va do‘stona munosabatlarchalik hech qanday omil to'g'ri tarbiyalashda yaqindan ko'mak bera olmaydi.
Mezana – ilmni odob bilan o'rganamiz!
#farzandi_arjumand
Kanalga ulanish: 👉 @mezanauz
-
2023-02-15 15:01:53+00:00
✅ Faqat olimlargina anglaydilar
“Kofir bo‘lgan kimsalar (Sizga): “Payg‘ambar emassan”, deydilar. Ayting: “Men va sizlarning oramizda Alloh va Kitob ilmidan xabardor bo‘lgan kishilar guvoh sifatida kifoya qilurlar”, deydi Alloh taolo Ra’d surasining 43-oyatida.
Alloh taolo Payg‘ambar alayhissalomga o‘zlarining nabiy ekanliklariga avvalo O‘zini, keyin esa kitob ilmidan xabardor kishilarni guvoh sifatida keltirishlarini buyurmoqda. Demak bu oyat Kitob ilmidan xabardor kishilarning sharafi naqadar ulug‘ ekaniga dalolat qiladi.
Boshqa bir oyatda esa: “Kitobdan xabardor bo‘lgan zot esa: “Men ko‘zing o‘zingga qaytgunicha (ko‘z ochib yumguningcha) uni senga keltirurman”, dedi”, deyiladi.
Bu oyat Sulaymon alayhissalom haqlaridagi voqeaga aloqador bo‘lib, unda Sulaymon alayhissalomning vazirlaridan biri ilmining quvvati bilan taxt(arsh)ni ko‘z ochib yumguncha olib kelishga qodir ekani bayon etilmoqda. Ya’ni, Sulaymon alayhissalomning vazirlari bu imkoniyatga ilm orqali erishgan.
Yana bir oyati karimada: “Ushbu misollarni Biz odamlar ibrat olishlari uchun ayturmiz. Lekin ulardan faqat olimlarigina anglaydilar”, deyiladi. Alloh taolo Qur’oni Karimda qirqdan ortiq zarbul masallar keltirgan bo‘lsa, ularni haqiqiy ma’noda faqat olim kishilargina anglashlarini ushbu oyat orqali bayon qilmoqda. Demak Robbimiz bizga keltirgan misollardan to‘liq, kutilganidek foyda olishimiz uchun ilm o‘rganib, olim bo‘lishimiz darkor. Salaf kishilarga Qur’ondagi ana shunday zarbul masallar o‘qib berilsa, yaxshi tushuna olmaganlari uchun “Biz olimlardan emas ekanmizda” deb maxzun bo‘lishgani hikoya qilinadi.
A’rof surasida esa: “Ey Odam avlodi! Sizlarga avratlaringizni berkitadigan libos va ziynat kiyimlarni tushirdik. Ammo taqvo libosi – ana o‘sha yaxshiroqdir”, deya marhamat qilinadi. Ba’zi ulamolar ushbu oyatdagi avratlarni berkituvchi libos – ilm, ziynat qiyimlar – iymon, taqvo libosi esa – hayodir, deb tafsir qilishgan.
“Avrat” deb insonning uyat joylari tushunilsa, “libos” deganda o‘sha joylarni berkitib turuvchi vosita tushiniladi. Ba’zi mufassirlar, jumladan Imom Gʻazzoliy ham “libos”ni “ilm”ga o‘xshatmoqdalar. Sababi ilm ham libos kabi kishining ayb-nuqsonlarini yashirib turadi.
Imom Abu Homid Gʻazzoliyning "Ihyo ulumiddin" asari asosida
Muhammad Sodiq Muhammad Ismoil tayyorladi
Mezana – ilmni odob bilan o'rganamiz!
#farzandi_arjumand #odob_axloq
Kanalga ulanish: 👉 @mezanauz
-
2023-02-16 19:00:00+00:00
🌙 Juma muborak!
Payg‘ambarimiz (sollallohu alayhi va sallam): “Sizlar uchun eng xayrli kun – juma kunidir. Shunday ekan bu kuni menga ko‘p salavotlar aytinglar, chunki bu kungi salavotlar menga ko‘rsatiladi”, deb aytganlar (Abu Dovud rivoyati).
Yaqinlaringizga ulashing! ❤
Kanalga ulanish: 👉 @mezanauz
-
2023-02-17 15:00:24+00:00
📝 Go‘daklardan o‘rgansak arziydi...
Endigina yurishni o‘rgana boshlagan go‘dak, yurishni o‘rganish mobaynida qancha ko‘p yiqilmasin, og‘riq va qiyinchilikka bardosh beradi, chidaydi. Qizig‘i, uning tajribasi yiqilishda emas, qadam tashlashda orta boshlaydi va nihoyat bemalol yurib ketadi.
Bunda go‘dak maqsadiga qarab harakat qildi va muvaffaqiyatga erishdi. Chunki uning maqsadi aniq edida.
O‘ylab qaralsa, bu biz kattalar uchun ham anchagina ibratli holat ekan.
Obidxon Abdulhamidxon
Mezana – ilmni odob bilan o'rganamiz!
Kanalga ulanish: 👉 @mezanauz
-
2023-02-19 01:00:43+00:00
📝 Bola qalbi
Bu nigohga bir boqing-a! Biz "arzimas" deb hisoblaydigan shirinlik uchun shu darajada minnatdor bo‘lish kerak ekan, demak, Alloh taoloning bizlarga berib qo‘ygan ne’matlariga qanchalar shukr qilishimiz kerakligini tasavvur qilavering. Vaholanki, bola qalbi boricha va keragicha izhor qiladi.
Obidxon Abdulhamidxon
Mezana – ilmni odob bilan o'rganamiz!
Kanalga ulanish: 👉 @mezanauz
-
2023-02-20 09:01:53+00:00
🟢 Arab tili bilan chegaralaringizni kengaytiring!
Til bilish darajasi inson dunyosining chegarasini belgilaydi deyishadi. Ya'ni siz qanchalik ko'p til bilsangiz, siz uchun chegaralar kengayaveradi. Har bir yangi tilni o'rganganda, eng kamida bitta mamlakatning odamlari, urf-odatlari, tarixi haqida batafsil o'rganish, ular bilan o'z ona tilisida suhbatlashish imkoni paydo bo'ladi.
Mezana ilm markazining Uchtepa filialida esa arab tili kurslari bo‘yicha qabul davom etmoqda. Agar sizda arab tilini o'rganish istagi bo'lsa hoziroq quyidagi raqamlarga murojaat qiling.
👉 Ro‘yxatdan o‘tish
Murojaat uchun telefonlar:
+998991155516
+998991155521
Manzil: Toshkent shahar, Uchtepa tumani, Qashg'ariy ko'chasi, 4-a uy.
📍 Joylashuv
Mezana – ilmni odob bilan o'rganamiz!
#arab_tili
Kanalga ulanish: 👉 @mezanauz
-
2023-02-21 15:00:07+00:00
📝 Oyijon, telefon bering...
Bugungi kunda ushbu jumla har bir xonadonda jaranglasa ajabmas. Bolalar uchun eng "yaxshi" ovunchoq bu smartfonlar bo'lib qoldi. Lekin ba'zi ota-onalar farzandini qanchalik ushbu gadjetlardan uzoq tutmasin, yakunda baribir ularning harakatlari befoyda bo'lib qoladi. Xo'sh, nega?
Chunki odatda har bir ota-ona farzandini smartfonlardan butunlay uzoqda saqlashni xohlaydi. Ammo XXI asrda buning imkoni yo'q. Agar o'zingiz ham telefon tutmasangiz, bolangizda ham qiziqish kamroq bo'lishi mumkin, lekin avvalo o'zimizning hayot tarzimiz ushbu gadjetlarsiz o'tmaydi. Shu o'rinda bolani smartfondan yiroqda tutib bo'lmas ekan, unda nima qilsa bo'ladi degan savol tug'ilishi mumkin. Bunda farzandingizga telefondan to'g'ri maqsadlarda, me'yorida foydalanishni o'rgatmog'ingiz lozim. Smartfon u uchun faqatgina video ko'rish, o'yin o'ynash kabi vaqt o'tkazish vositasi emas, boshqa foydali amallarni bajarsa bo'ladigan vosita ekanini anglashiga yordam berish kerak.
Hozirgi kunda o'zbek media olami ham foydali kontentlarga ega. Kuniga biror marta bolalar uchun ibratli multfilmlar tomosha qilib, bolalarga mo'ljallangan maxsus ilovalardan foydalangan farzandingizni imkon qadar nazorat qilib tursangiz, uning kelgusida "zombi" emas, ehtimol texnologiya bo'yicha mutaxassis bo'lishiga ko'mak bergan bo'lishingiz mumkin.
➡️ Farzandi arjumand kursi;
➡️ Odob-axloq kursi.
Mezana – ilmni odob bilan o'rganamiz!
#farzandi_arjumand
Kanalga ulanish: 👉 @mezanauz
-
2023-02-22 14:30:02+00:00
📢 Mezana ilm markazida ishlash imkoniyati!
Mezana ilm markazi ingliz tilidan erkak o'qituvchilari uchun vakansiya e’lon qiladi. Endi siz o'z faoliyatingizni Mezana ilm markazida davom ettirishingiz mumkin.
Qo‘yiladigan talablar:
– Ingliz tilini o‘qitish bo‘yicha tajriba;
– IELTS minimum 7.0 bo‘lishi kerak.
Yaxshi jamoaviy muhit, birgalikda o‘sish imkoniyatini qo‘ldan boy bermang!
Murojaat uchun telefon:
+998994799974
➡️ Telegramdan yozish
#ingliz_tili #vakansiya
Kanalga ulanish: 👉 @mezanauz
-
2023-02-23 19:31:17+00:00
🌙 Juma muborak!
Juma kuni kunlarning eng yaxshisi ekani haqida Payg‘ambarimiz sollallohu alayhi vasallam shunday deganlar:
“Quyosh chiqqan kunlarning eng yaxshisi jumadir! U kuni Odam yaralgan, u kuni jannatga kiritilgan, u kuni jannatdan chiqarilgan, qiyomat ham juma kunidadir”. (Imom Muslim rivoyatlari).
Yaqinlaringizga ulashing! ❤
Kanalga ulanish: 👉 @mezanauz
-
2023-02-24 15:33:02+00:00
📝 Farzandim Fotih bo‘lsin deganlarga!
Fotih Sulton Mehmet Xon bolaligida juda yaramas, to‘polonchi bir o‘quvchi edi. Dars vaqtida qilgan to‘polonlari bilan ustozi Oqshamsiddinni jahlini chiqarar edi. Ustozi unga tanbeh bersa, darhol: "Men podshohning o‘g‘liman, hech narsa qilolmaysan", deyishdan ham toymasdi.
Oqshamsiddin podshohga shikoyat etishlikni adabsizlik hisoblab, holatni II-Murotga aytishdan tortinar edi. Ammo vaqt o‘tgani sayin kichik Mehmetning qiliqlari haddan oshib, chidab bo‘lmas holga keladi. Shundan keyin noiloj podshoh II-Murotning huzuriga chiqadi.
"Podshohim, sizga aytishim zarur bo‘lgan bir xususiy masala bor. Ammo aytishdan hayo qilmoqdaman".
Podshoh: "Marhamat! Hech tortinmasdan aytaver", deydi. Bu so‘z Oqshamsiddinni xotirjam etdi va hodisani anglata boshladi.
"Podshohim! O‘g‘lingiz – jigarporangiz juda to‘polonchi. Uning dastidan darsimni o‘tolmayapman. Qachon tanbeh bersam, darhol Sizni nomingiz bilan menga tahdid qiladi".
Podshoh bir oz sukut saqlaydi. Keyin Oqshamsiddinga yaqin kelib, bir narsalarni pichirlab tushuntiradi. Podshohning so‘zlaridan Oqshamsiddin sarosimaga tushadi.
"Bu qanday reja? Buni amalga oshirish mumkin emas!" Oqshamsiddin bu reja xususidagi xavotirlarini oshkor qilishiga qaramay, podshoh, "Bu ish bo‘ladi", deydi.
Ertasi kuni Mehmet darsda yana to‘polonini boshlaydi. Ustozining tanbehiga odatdagidek, otasi bilan tahdid javobini beradi. Ayni shu payt to‘satdan eshik ochilib, podshoh ichkariga kiradi.
Bu holatdan g‘azablangan Oqshamsiddin podshohga qarab baqiradi. Bir tarsaki urib deydi: Hech kim dars vaqtida ichkariga bunday tarzda kirishi mumkin emas!
Izn so‘rab kirishi lozimligini aytib, tashqariga haydaydi. Podshoh mahjub shaklda bo‘ynini egib, uzr so‘raydi va tashqariga chiqadi.
Bu hodisa qarshisida Fotih Sulton tili kalimaga kelmay, nima qilishini bilmay qoladi. Ishongani – podshoh otasi ko‘z o‘ngida tarsaki yegan edi. Fotih Sulton Mehmetning ichki dunyosi ag‘dar-to‘ntar bo‘lgandi.
Birozdan so‘ng eshik taqillaydi va podshoh xijolatli holatda ichkariga uzr so‘rab kiradi. Reja ajoyib shaklda amalga oshgan edi.
O‘sha kundan so‘ng, Fotih Sulton Mehmet aslo yaramaslik qilmadi. Chunki ishongan tog‘lariga qor yog‘gan edi.
-----------------------------------------------------------------
Ta’lim ne ekanini II-Murot darajasida bo‘lmasa ham, kamida o‘z farzandini yanglish yo‘llarga yo‘naltirmaslik qadar idrok etadigan ota-onalarga ehtiyojimiz bor.
Unutmaylik, bolalar erka, tantiq bo‘lib tug‘ilmaydilar. Ularni diplomli, mansabli, toparmon, ammo tarbiyasiz ota-onalar taltaytiradilar.
Shoolim Shomansur
Mezana – ilmni odob bilan o'rganamiz!
#odob_axloq #farzandi_arjumand
Kanalga ulanish: 👉 @mezanauz
-
2023-02-25 15:15:29+00:00
🎙 "Mezana ilm markazida arab tili qanday o‘qitiladi?" mavzusidagi ovozli suhbat
00:00 – Kirish;
01:05 – Arab tili haqida;
05:54 – Klassik arab tili hozirgi arab tiliga asos bo‘lgan;
06:59 – Mezanada ko‘proq qaysi bosqichga e’tibor qaratiladi?
08:36 – Klassik arab tili o‘quv kursi necha bosqichga bo‘lingan?
10:07 – Fonetika kursi haqida ma’lumot;
11:06 – Grammatika bosqichi haqida ma’lumot;
12:00 – Sarf va nahv darslari;
12:45 – Arab tilidan tarjima qilish;
16:50 – Umumiy kurs necha oy davom etadi?
17:43 – Mezananing boshqa markazlardan afzalligi nima?
18:33 – Faqatgina CEFR uchun o‘qish katta xato!
23:21 – Arab tilini nima uchun o‘rganish kerak?
24:05 – E'roblashni o‘ganish uchun qaysi kitobni o‘qigan ma’qul?
26:29 – Boshlang‘ich bilimim bo‘lsa, uchinchi bosqichdan o‘qishni boshlasam bo‘ladimi?
28:04 – Mezananing Samarqandda filiali bormi?
28:37 – Boshlang‘ich arab tili qaysi kitobdan o‘qitiladi?
30:44 – O‘qish, ishdan keyin, kechki vaqtlarda ham kurslar bormi?
32:29 – Biz o‘qishga tayyorlamaymiz, o‘qitamiz!
33:15 – Mezanada necha yoshdan boshlab arab tilini o‘rganish mumkin?
36:05 – Yakunlash.
Arab tili kurslariga ro‘yxatdan o‘tish uchun izohlarda + qoldiring yoki quyidagi manzillarga murojaat qiling:
➡️ Ro‘yxatdan o‘tish (Uchtepa filiali)
➡️ Ro‘yxatdan o‘tish (Yunusobod filiali)
Mezana – ilmni odob bilan o'rganamiz!
#arab_tili
Kanalga ulanish: 👉 @mezanauz
-
2023-02-27 09:31:14+00:00
🇹🇷 Turk tilini Mezana ilm markazida o‘rganing!
Turk tilining o‘zbek tiliga yaqin ekanligi, turk yozuvi esa bizda ham foydalaniladigan lotin yozuviga asoslanganligi ushbu tilni o‘rganishda bir qancha yengilliklar beradi. Shuningdek, Mezana ilm markazida turk tilini yanada zamonaviy va qiziqarli metodlar asosida o'rganishingiz mumkin.
Markazimizning Uchtepa filialida ayollar uchun turk tili kurslariga qabul e’lon qilamiz. Darslar bir nechta kitoblar muallifi va tarjimoni, ustoz Gulbahor Abdulloh tomonidan olib boriladi.
📆 Shuningdek, siz ertalab 10:00 yoki kechki 17:00 dagi o‘zingizga qulay vaqtdagi kurslarga ro‘yxatdan o‘tishingiz mumkin.
Kurslarga yozilish uchun ushbu post izohlarida qoldiring yoki quyidagi manzillarga murojaat qiling
➡️ Ro‘yxatdan o‘tish
📞 +998991155521
📞 +998991155516
Manzil: Toshkent shahar, Uchtepa tumani, Qashg'ariy ko'chasi, 4-a uy.
📍 Joylashuv
Mezana – ilmni odob bilan o'rganamiz!
#turk_tili
Kanalga ulanish: 👉 @mezanauz
-
2023-02-27 15:00:38+00:00
"Bolalar o‘z otalaridan meros qilib oladigan uch afzal narsa bor: xushmuomalalik, odob va sadoqat".
Muhammad Zehniy
Mezana – ilmni odob bilan o'rganamiz!
#farzandi_arjumand #odob_axloq
Kanalga ulanish: 👉 @mezanauz
-
2023-02-28 15:01:23+00:00
📝 Muvaffaqiyatli tarbiya
Farzandlarni go‘zal tarbiyalashning eng qisqa yo‘li ularga Rasululloh alayhissalomni sevdirib qo‘yishdir. Chunki kishi mahbubining aytganini qiladi. U zot alayhissalom haqida esa Alloh taolo: "Albatta, Siz buyuk xulq uzradirsiz!", degan.
Shunday ekan, agar farzandlarimizni payg‘ambar alayhissalomga muhabbat qo‘ydira olsak, ular u zotning aytganini qilishadi, u zotdan o‘rnak olishadi va natijada eng go‘zal axloq bilan muzayyan bo‘lishadi.
«Hikmatlar chashmasi»dan
Ustoz Qudratulloh Sidiqmetov
➡️ Farzandi arjumand kursi;
➡️ Odob-axloq kursi.
Mezana – ilmni odob bilan o'rganamiz!
#farzandi_arjumand
Kanalga ulanish: 👉 @mezanauz