-
2023-03-01 14:38:02+00:00
Смяротнае пакаранне чыноўнікам Лукашэнкі?
Юрыст НАУ Арцём Праскаловіч у інтэрв'ю «Malanka Media».
https://youtu.be/jlSpxmJCxoE
Прынятая норма аб расстрэле за дзяржздраду — спроба кішэннага «парламента» Лукашэнкі абараніць яго ад тэндэнцый, якія могуць паўстаць у беларускім грамадстве на фоне вайны — асабліва ў асяроддзі сілавікоў і дзяржслужбоўцаў. 2020-ы год красамоўна паказаў, як некаторыя з іх могуць павесці сябе ў нестабільнай для рэжыму сітуацыі — напрыклад, у выпадку паўнавартаснага ўступлення Беларусі ў вайну супраць Украіны.
У рэчаіснасці сучасная гісторыя Беларусі пакуль не ведае прававых прэцэдэнтаў, калі быў вынесены смяротны прысуд па артыкулах, не звязаных з бандытызмам, асабліва цяжкімі злачынствамі, альбо «здзяйсненнем тэракту» ў мінскім метро. Таму крок гэты хутчэй палітычны, хоць і з выразнай «рэтраспектывай» да савецкага мінулага, калі «нядобранадзейных» дзяржслужбоўцаў сапраўды магла чакаць куля ў патыліцу.
Гэтая «рэтраспектыва» закліканая запалохаць — у рэжыма пакуль няма падстаў і неабходнасці кагосьці судзіць па новым законе, тым больш — на самай справе караць смерцю.
Калі ў вас ёсць магчымасць і жаданне падтрымаць працу каманды НАУ: https://bit.ly/38KA2y0
-
2023-03-02 15:16:49+00:00
Беларусам важна ведаць у твар злачынцаў рэжыму
«Суддзі» рэжыму нясуць адмысловую адказнасць за злачынствы супраць чалавечнасці, паколькі, будучы прафесійнымі юрыстамі, яны цалкам усведамляюць злачынны характар свайго ўдзелу ў шырокамаштабных і сістэмных рэпрэсіях супраць грамадзянскай супольнасці. Сярод такіх «суддзяў»:
Рудэнка Аляксандр Анатольевіч (01.12.1981) — намеснік старшыні суда Кастрычніцкага раёна Мінска.
Няборская Вольга Сяргееўна (14.02.1991) — «суддзя» суда Кастрычніцкага раёна Мінска.
Воўк Аляксандр Аляксандравіч (01.08.1979) — «суддзя» суда Савецкага раёна Мінска.
Гэтыя «суддзі» нясуць адказнасць за шматлікія палітычна матываваныя рашэнні суда ў дачыненні да мірных пратэстуючых, у тым ліку за вынясенне прысудаў беларусам, прызнаных палітычнымі зняволенымі. Парушэнні права на абарону і права на справядлівы суд былі зафіксаваныя падчас судовых паседжанняў пад кіраўніцтвам дадзеных «суддзяў». Такім чынам, яны нясуць адказнасць за сур'ёзныя парушэнні правоў чалавека і падрыў прынцыпу вяршэнства закона.
Гэтым і іншым «суддзям», якія знаходзяцца ў санкцыйных спісах, краіны-члены ЕС забаранілі ўезд на сваю тэрыторыю або транзіт праз яе. Таксама да іх могуць прымяняцца фінансавыя абмежавальныя меры.
Калі ў вас ёсць магчымасць і жаданне падтрымаць працу каманды НАУ: https://bit.ly/38KA2y0