-
2023-01-21 06:31:39+00:00
Ўсимликлар карантини ва ҳимояси агентлиги.
" IPM " нима ўзи..? Деган Жудаям кўплаб саволлар келяпти. Қисқача содда қилиб жавоб бераман.
Зараркунандаларга қарши уйғунлашган бошқарув (IPM) дегани, муайян экологик муҳитда зараркунандалар популяциясини (ривожланишини, тарқалишини) иқтисодий зиён этказиш даражасидан паст ушлаб туришга қаратилган зараркунандаларга қарши кураш тизими тушинилади (ФАО, 1967).
IPM тизими ўсимликларни касалликлари, зараркунандаларига қарши курашнинг иқтисодий самара берувчи, экологик мусаффоликни, инсон саломатлигини ва зарарли организмларга нисбатан самарадорлигини таъминлайдиган ижтимоий жиҳатдан мақбул усуллар: олдини олувчи-прфилактик, агротехник, физик механик, биологик ва кам заҳарли танлаб таъсир этувчи кимёвий воситаларни уйғунлаштириб амалиётда қўлланишидир.
Пировард мақсад эса тупроқ ва агробиоценозни (табиатни) ифлослантирмасдан. Аҳолини экологик тоза, турли кимёвий пестицид ва таксин қолдиқларидан холи қишлоқ хўжалиги махсулотлари билан таъминлаш ва шу йўналишда хосилдорникни кўтариш эвазига мамлакатимизда экспорт салохиятини оширишдан иборат.
Каналга уланиш 👇
-
2023-01-22 05:52:29+00:00
ҒЎЗАНИНГ ЗАРАРЛИ ОРГАНИЗМЛАРИ.
I. Минтақавий аҳамиятга эга бўлган зараркунанда ҳашаротлар:
1. Кузги тунлам;
2. Полиз шираси;
3. Тамаки трипси;
4. Ўргимчаккана;
5. Кўсак қурти ;
6. Ғўза оққаноти;
7. Ғўза қандаласи;
8. Беда қандаласи
9. Дала қандаласи
II. Mintaqaviy ahamiyatga ega bo‘lgan begona o‘tlar:
1. Оддий илдиз чириши касаллиги;
2. Ғўза гоммоз касаллиги ;
3. Қўнғир доғланиш касаллиги;
4. Вертитсиллёз вилт касаллиги;
5. Фузариоз касаллиги.
III. Минтақавий аҳамиятга эга бўлган бегона ўтлар.
Бир йиллик бегона бегона ўтлар.
• Дағал каноп ;
• Семизўт ;
• Қўйтикан ;
• Ёввойи тариқ .
Икки йиллик бегона ўтлар.
• Ажриқ ;
• Ғумай ;
• Қамиш;
• Қўйпечак ;
• Саломалайкум ;
IV. Минтақавий аҳамиятга эга бўлган фитонематодалар
• Илдиз бўртма нематодаси .
Каналга уланиш 👇
-
2023-01-23 15:57:15+00:00
Ўсимликлар карантини ва ҳимояси агентлиги томонидан Кластерлар, фермер ва дехқон хўжаликлари рабарлари, аҳоли томорқа ер эгаларига тарқатилаётган FLAYER нима.? У нима учун тарқатилмоқда.? Бундан мақсад нима.? Шу каби саволларга жавоб бериб ўтаман.
Тақдим қилинаётган (Тарқатилаётган) FLAYER - қишлоқ хўжалик экинларини экиб IPM асосида экологик тоза бўлган максимал юқори хосил олишда кўмак берувчи хар бир экин тури бўйича алоҳида маълумотлар мужассам бўлган ўқув қўлланма дастур хисобланади.
FLAYER даги QR код орқали http://karantin.uz сайтига кириб Агро кўмакчи бўлимида тайёр қўлланмалардан, фойдали контентлардан фойдаланиш мумкун. Бу сайтга кириб маълумотлар билан танишганлар фақат фойда қилади. Чунки бу ерда бефойда нарсанинг ўзи йўқ.
Мақсад: Бу FLAYER ларни тарқатиш шунчаки хўжакўрсинга эмас. Бу FLAYER лар
Ўсимликлар карантини ва ҳимояси илмий - тадқиқот институтининг "Уйғунлашган қарши кураш (IPM) тренерларини таёрлаш малака ошириш курси" ни мувафаққиятли тугатган, махсус СЕРТИФИКАТ га эга бўлган IPM тренерлари яъни Ўсимликлар карантини ва ҳимояси агентлигининг давлат инспекторлари томонида тўлиқ тушунчалар берилиб тақдим қилинмоқда.
Асосий мақсад эса IPM тизими бўйича қишлоқ хўжалиги махсулотларини етиштирувчи элита синфни шакллантириш ва бу синфга барча томорқа ер, иссиқхона эгалари, фермер ва дехқон хўжаликлари, Кластер ва коперацияларни, умуман барча қишлоқ хўжалик махсулотларини етиштирувчиларни қамраб олишдир.
📢 Диққат: Пост, муаллифнинг интелект мулки. Кўчирганда пастдаги канал линки билан улашинг.
Каналга уланиш 👇
-
2023-01-24 15:00:23+00:00
АГРОКИМЁВИЙ ХАРИТАНОМА нима..? Уни қилиш бизга нима беради.?
МИНЕРАЛ ЎҒИТЛАРНИ ТАБАҚАЛАШТИРИЛГАН ХОЛДА КИРИТИШ БЎЙИЧА АГРОКИМЁВИЙ ХАРИТАНОМА бу:
Ўзбекистон Республикаси Президентининг 2021 йилнинг 15 июлидаги “Ўсимликлар карантини ва ҳимояси агентлигини ташкил этиш тўғрисида” ПҚ-5185 сонли қарори хамда, Ўзбекистон Республикаси Президентининг 2016 йилнинг 31 декабридаги “2017 йилда қишлоқ хўжалигини минерал ўғитлар билан таъминлаш ва уларни ишлаб чиқаришни мувофиқлаштириш ва фойдаланиш самарадорлигини ошириш чора-тадбирлари тўғрисида” ПҚ-2712 сонли қароридаги “2017 йилдан бошлаб хар йили Қорақалпоғистон Республикаси ва вилоятлар жами суғориладиган ерларни камида 20 фоизи миқдоридан кам бўлмаган майдонларига агрокимёвий хаританомаларни ишлаб беришни таъминлаш” талабларига мувофиқ минерал ўғитларнинг самарадорлигини ошириш ва фойдаланишни яхлит яратиш, ягона техник ва технологик сиёсатни олиб боришда тупроқ агрокимё текширув ишлари ўтказилганлиги бўйича расмийлаштирилган асосий хужжат хисобланади.
Энди оддий қилиб тушинтираман.
АГРОКИМЁВИЙ ХАРИТАНОМА – ердан фойдаланувчи томорқа ер эгалари, иссиқхоналар, дехқон ва фермер хўжаликларида махаллий ва минерал ўғитлардан самарали фойдаланишда хар бир томорқа , иссиқхона, хар бир пайкал (контур) га бир йиллик миқдордаги ўғитларни муддатлар бўйича тақсимотини ишлаб чиқишда асосий қўлланма хисобланади. Агрокимёвий хаританомалар тупроқ таркибида мавжуд озуқа моддалар миқдорини акс эттирувчи хужжат хисобланади. Худдики маълум бир манзилга етиб боришга шайланган автомабилингиз таблосидаги датчикларига ўхшайди. Автомабилингиздаги датчик қанча ёқлғи қолди, қанча сув бор, қанча мотор мойи бор умуман барчасини кўрсатиб туради. Шу датчикларга қараб ёқилғи соласиз, мотор мойи соласиз ва хокозо. Агрокимёвий хаританома томорқа, иссиқхона ёки бирор экин экадиган далангиз тупроғининг датчигидир. Бу датчик тупроқ таркибидаги барча микро ва макро элементлар, минерал ўғитлар миқдорини кўрсатади. Шу датчикка қараб, экилган экин турини инобатга олиб минерал ва махаллий ўғитларни миқдорида бериб борасиз. Агрокимё станциялар томонидан тақдим этилаётган тавсияномаларда ушбу майдонларда жойлаштирилган экин турлари ва реъжадаги хосилдорлик бўйича минерал ўғитларнинг йиллик меъёрлари хамда хар бир ўғит бўйича агротехник муддатларда қўлланиши юзасидан илмий асосланган кўрсатма берилади. Бу хаританомани қилсангиз IPM тизими бўйича экологик тоза қишлоқ хўжалиги махсулоти етиштириш учун биринчи қадамни қўйган бўласиз.
📢 Диққат: Пост, муаллифнинг интелект мулки. Кўчирганда пастдаги канал линки билан улашинг.
Каналга уланиш 👇
-
2023-01-26 15:51:16+00:00
ҒАЛЛА ПАРВАРИШИ БЎЙИЧА ТАВСИЯЛАР.
Ҳозирги кунда Кластерлар, фермерлар ва соҳа мутахассисларининг асосий вазифалардан бири IPM тизими бўйича бошоқли дон экинлари экилган ҳар гектар майдондан юқори ва сифатли дон етиштиришдан иборат. Fалла парваришини республикамиз минтақаларининг тупроқ-иқлим шароитидан келиб чиққан ҳолда амалга ошириш муҳим аҳамиятга эга.
Эрта баҳорги озиқлантиришда АГРОКИМЁВИЙ ХАРИТАНОМА га асосланиб, азотли ўғитларнинг йиллик меъёрининг (180–210 кг, физик ҳолада) 25 фоизини бериш тавсия қилинади (соф ҳолда 150–160 кг/га). Эрта баҳорги азотли озиқлантиришни биринчи навбатда кеч экилиб, қишловдан қийинчилик билан чиққан ҳамда уруғлик учун экилган майдонларда ўтказиш мақсадга мувофиқ. Қишловга тупланмасдан кирган ҳамда қишловдан қийинчилик билан чиққан, маккажўхори ва кунгабоқар экинларидан сўнг ғалла экилган майдонларда қўшимча 100 кг. дан озиқлантириш яхши самара беради.
Эрта баҳорда тупроқ таркибидаги озиқа моддалари миқдори камайиб кетиши баробарида, ўсимлик нозик ҳолда қишдан чиқади ва озиқ моддаларга бўлган талаби ортади. Эрта баҳорги озиқлантириш кўчат қалинлигини барқарорлаштиради. Ўсимликда тупланиш жараёнини жадаллаштиради, 1 м2 майдонда 550–600 тагача маҳсулдор поя ҳосил қилишга замин яратади. Эрта баҳорги озиқлантиришни ўз муддатида ўтказиш ҳисобига ҳар гектардан 4–6 центнергача қўшимча ҳосил олишга эришилади. Эрта баҳорги озиқлантиришда азотли ўғитлар меъёрини аниқлашда, АГРОКИМЁВИЙ ХАРИТАНОМА ва ўсимликларда ўсиш жараёни бошланиши муҳим ўрин тутади.
Қишловдан чиқаётган ғалла майдонларида озиқлантириш меъёри, озиқлантирилган сана, Суспензия қилинган миқдор ва сана умуман барча агротехник тадбирларни ДАЛА ДАФТАРИ га тушириб бориш лозим. Бу жараёнларнинг аниқ вақт билан қайд этилиши, Ғалла майдонларидаги бегона ўтларга, касалликларга ва зараркунандаларга қарши ишлов бериш оптимал вақтларини белгилашда мухим омил бўлади.
📢 Диққат: Пост, муаллифнинг интелект мулки. Кўчирганда пастдаги канал линки билан улашинг.
Каналга уланиш 👇
-
2023-01-27 14:52:21+00:00
ҒАЛЛА ЕТИШТИРУВЧИЛАРИ ВА ЎСИМЛИКЛАРНИ ҲИМОЯ ҚИЛИШ МУТАХАССИСЛАРИ УЙҒОНАМИЗ.
Ха демай хаво харорати +10 градусга чиқади. Бу эса ғалла майдонларида ғалладан кўра бегона ўтларнинг ривожланиши тезлашганини билдиради ва яққол кўриниб бошлайди. Тажрибали дехқонлар ғаллани ернинг ўгай фарзанди (махсус экилгани учун), бегона ўтларни ернинг хақиқий фарзанди (ернинг ўзида уруғлари турагани ва хеч ким экмасдан ўзи кўкаргани учун) дейишади. Анамал совуқдан сўнг ернинг ўгай фарзанди ғалла нихоллари стрес холатида турган вақтда, ернинг хақиқий фарзанди хисобланган бегона ўтлар жуда тез ривожланади.
ҒАЛЛАГА БЕГОНА ЎТЛАРНИНГ ТАЪСИРИ..
Бегона ўтлар ғалладан тез ривожлангани учун, ғаллага соя солиб ўсишдан орқада қолдиради. Тупроқ хароратини соя солиб ўзининг ривожланишига қулай 2-4 градусга пасайтириши натижасида ғалла ривожланишига хисса қўшувчи фойдали микроорганизмлар ривожланишига тўсқинлик қилади, берилган сув ва озуқасига 30/70 нисбатта шерик бўлади. Яъни озуқанинг 70 % ини бегона ўтлар ўзлаштириб олади. Қўшимча харажатлар( Хайдов, ўтоқлаш, гербицид олиш ва уни сепиш) орқали рентабеллик даражасини камайтириб юборади.
Энг ёмони Бегона ўтлар ер майдонидаги ашаддий рақиби, ғалла нихоллари билан агрессив курашувчан бўлиб, бегона ўтлар илдизидан ХОЛИН ва БЛАСТОХОЛИН кимёвий моддалари ажратиб чиқаради. Бу моддалар таъсирида ғалла уруғларнинг униб чиқиш даражаси пасайиб, ўсимлик ўсишдан орқада қолади. IPM тизими бўйича бегона ўтлардан ёки қолдиқларидан далани тозаламасдан ғалла экиш мумкун эмас.
Бундан ташқари ғаллада фотосинтез жараёнини издан чиқариб ғалланинг ётиб қолишига сабаб бўлади. Бегона ўтлар ғаллага зарар берувчи зараркунандаларнинг биринчи ошёни бўлиб хизмат қилиб, зараркунандаларнинг биринчи авлоди эсон-омон талофатсиз ривожланишига замин яратади. Бу биринчи хатонинг ортидан бирданига иккинчи, учинчи, тўртинчи хатони келтириб чиқариш дейилади. Қўпол қилиб айтганда хаммаси барбод дейилади.
Вазият шу тақлид ташлаб қўйилса бегона ўтлар таъсирида 15 % дан 50 % гача хосил йўқотилишига сабаб бўлади.
Хозир нима қилиш керак.?
Зудлик билан, узоғи 5-февралгача Кластерлар,Фермер-дехқон хўжаликлари ғалла экин майдонларига Ўсимликларни ҳимоя қилиш агентлиги мутахассислари томонидан хар бир туман учун 2-3 йиллик кузатувлар, раскопка(далалардаги ерларни ковлаб бегона ўт уруғлари ва зараркунандалар ғумбаклари зичлигини аниқлаш) натижаларига асосланиб тарқалиши тахмин қилинган БАШОРАТНОМА асосида ГЕРБИЦИДЛАР, ИНСЕКТИЦИДЛАР ВА ФУНГИЦИДЛАР захирасини яратиш зарур. Бу ўз вақтида кураш чораларини кўриш имконини беради. Кимёвий препаратларни кўр кўрона захира қилиш ярамайди. Ўсимдикларни ҳимоя қилиш мутахассиси билан маслахатлашинг ёки бўлмаса, Karantin.uz сайтига кирсангиз синовдан ўтган, Ўзбекистонда ишлатилишига рухсат этилган препаратлар рўйхати келтирилган. Шу рўхатдаги препаратлардан захира қилиш тавсия этилади. Шунда қалбаки (таъсир қилмайдиган) препаратлардан суғурталанган бўласиз.
Karantin.uz сайтига Ўсимликларни крантини ва ҳимояси агентлиги томонидан тарқатилаётган FLAYER лар даги QR кодлари орқали киришингиз хам мумкун. Бу ерда сиз хохлаган барча маълумотлар берилган.
УЙҒОНАМИЗ ЎРТОҒЛАР..
📢 Диққат: Пост, муаллифнинг интелект мулки. Кўчирганда пастдаги канал линки билан улашинг.
Каналга уланиш 👇
-
2023-01-28 15:29:20+00:00
ҒАЛЛА МАЙДОНЛАРИДАГИ БЕГОНА ЎТЛАРГА ҚАРШИ КУРАШ.
(Мазза қилиб ўқийдиган пост. Жуда фойдали)
Айнан мана шу масала яъни: Ғалла майдонларидаги бегона ўтларга қарши қандай курашиш керак ?, Қандай препаратлар яхши самара беради.? Кимёвий препаратларни қандай миқдорда сепайлик ? деган саволлар билан Ўсимликларни ҳимоя қилиш мутахассислари, фермерлар, уман олганда жуда кўпчилик мурожаат қилишган. Хозир шу саволларга жавоб бериш билан бирга, жайдари қилиб керакли тавсияларни қисқача бериб ўтаман.
Аввало ГЕРБИЦИД нима.?
ГЕРБИЦИД – бегона ўтларга қарши қўлланиладиган кимёвий восита хисобланади.
Мен сизларга қайсидур кампаниянинг ГЕРБИЦИДларини реклама қилмасдан, таъсир этувчи моддасига қараб тушунтириб бераман. ГЕРБИЦИДларнинг номи хар хил бўлиши мумкин. Қайсидур компаня Али деб ном қўйса, буниси Вали деб қўяди. Буларнинг номлари шунчалар кўпки адашиб кетишингиз хеч гапмас. ГЕРБИЦИДларнинг таъсир этувчи моддасини яхшилаб билиб олсангиз сизни хеч ким чалғитолмайди. Аввало чалғимаслик учун Ўсимликлар карантини ва ҳимояси агентлигининг Karantin.uz сайтига кириб синовдан ўтказилган, таъсир этувчи моддаси миқдори текширилган, Ўзбекистон Республикасида қўллашга рухсат этилган кимёвий препаратлар РЕЕСТРИга бир кўз ташлаган маъқул. Қуйида мен ўзим шахсан тажрибамдан ўтказган таъсир этувчи моддали ГЕРБИЦИДларга тўхталаман.
БИР ЙИЛЛИК ИККИ ПАЛЛАЛИ БЕГОНА ЎТЛАРГА ҚАРШИ.
ТРИБЕНУРОН МЕТИЛ 75 % - таъсир этувчи моддали ГЕРБИЦИД - ғалла майдонларидаги жағ-жағ, ёввойи сабзи, юлдузўт, олабута, исмалоқ, бангидевона, лолақизғалдоқ, Рапс (сариқ гул), чумчуқтил, шўра, мойчечак каби бир йиллик икки паллали бегона ўтларни қириб ташлайди.
Моторли қўл пуркагич билан сепиш: 10 литр тоза сувга, 0.5 грам хисобида қўшиб 2.5 сотихга сепиш керак.
ОВХ ва Штангелли пуркагич билан сепиш: бунда 600 литр сувга 40 грамм ТРИБЕНУРОН МЕТИЛ 75 % таъсир этувчи моддали гербицид қўшиб 2 гектар майдонга ишлов бериш керак.
КЎП ЙИЛЛИК ИККИ ПАЛЛАЛИ БЕГОНА ЎТЛАРГА (ПЕЧАК)ҚАРШИ КУРАШ.
ФЛУРОКСИПИР 40 % бундай таъсир этувчи моддали ГЕРБИЦИД ғалла майдонидаги Қўйпечак ва отқулоқни қириб ташлайди.
Моторли қўл пуркагич билан сепиш: 10 литр тоза сувга, 12.5 миллилитр хисобида қўшиб 2.5 сотихга сепиш керак. Моторли қўл пуркагич соз холатда бўлиши лозим.
ОВХ ва Штангелли пуркагич билан сепиш: бунда 600 литр сувга 1 литр ФЛУРОКСИПИР 40 % таъсир этувчи моддали гербицид қўшиб 2 гектар майдонга ишлов бериш керак.
БОШОҚЛИ БЕГОНА ЎТЛАРГА (Ёввойи сули) ҚАРШИ КУРАШ.
КЛОДИНОФОП ПРОПАРГИЛ 8% бундай таъсир этувчи моддали гербицид ғалла майдонларида ашаддий кўп тарқаладиган Ёввойи сули(оқбош), Тулкидум бегона ўтларини қириб ташлайди.
Моторли қўл пуркагич билан сепиш: 10 литр тоза сувга, 10-11 миллилитр хисобида қўшиб 2.5 сотихга сепиш керак. Моторли қўл пуркагич соз холатда бўлиши лозим.
ОВХ ва Штангелли пуркагич билан сепиш: бунда 600 литр сувга 0,8-0,9 литр КЛАДИНАФОП ПРОПАРГИЛ 8 % таъсир этувчи моддали гербицид қўшиб 2 гектар майдонга ишлов бериш керак.
БИР ЙИЛЛИК ИККИ ПАЛЛАЛИ ВА БОШОҚЛИ( РАЙГРАС, СУЛИ) БЕГОНА ЎТЛАРГА ҚАРШИ КУРАШ.
МЕЗОСУЛЬФУРОН-МЕТИЛ НАТРИЙ 3% + ЙОДОСУЛЬФУРОН-МЕТИЛ НАТРИЙ 0,6% - бундай таъсир этувчи моддали гербицид ғалла майдонларида охирги йилларда ашаддий кўпайиб зарар бераётган Райграс хамда Итузум бегона ўтларини қириб ташлайди.
Моторли қўл пуркагич билан сепиш: 10 литр тоза сувга, 8-8,5 миллилитр хисобида қўшиб 2.5 сотихга сепиш керак. Моторли қўл пуркагич соз холатда бўлиши лозим.
ОВХ ва Штангелли пуркагич билан сепиш: бунда 600 литр сувга 0,6-0,7 литр МЕЗОСУЛЬФУРОН-МЕТИЛ НАТРИЙ 3% + ЙОДОСУЛЬФУРОН-МЕТИЛ НАТРИЙ 0,6% таъсир этувчи моддали гербицид қўшиб 2 гектар майдонга ишлов бериш керак.
Хар қандай КИМЁВИЙ ПРЕПАРАТНИ ғалла майдонига қўллашдан (сепишдан) олдин албатта Ўсимликларни ҳимоя қилиш мутахассиси билан маслахатлашинг. БУ ОЛТИН ҚОИДА.
📢 Диққат: Пост, муаллифнинг интелект мулки. Кўчирганда пастдаги канал линки билан улашинг.
Каналга уланиш
-
2023-01-30 15:32:11+00:00
IPM ТИЗИМИДАГИ БИОЛОГИК УСУЛ ВА УНИНГ МОХИЯТИ.
Биолабараториялар ва Биомахсулотлар нима учун керак...?
Зараркунандаларга қарши курашнинг БИОЛОГИК усули зарарли организмларнинг табиий кушандаларидан хамда микробиологик препаратлардан фойдаланишга асосланган. Бўғимоёқлиларнинг табиий кушандалари озиқланиш хусусияти жихатидан ЭНТОМОФАГЛАРГА (хашоратлар билан озиқланувчи) ёки АКАРИФАГЛАРГА (каналар билан озиқланувчи) бўлинади. БИОЛОГИК усул амалда бирор бир зараркунанда кўпайиб кетиш хавфи бўлган жойларда муайян хашорот ва каналарнинг кушандаларини сунъий равишда урчитиб тарқатиш йўли билан амалга оширилади. Бу ишларни яъни биомахсулот( энтомофаг, акарифаг)ларни сунъий урчитиб тарқатишни БИОЛАБАРАТОРИЯЛАР амалга оширади. Кўряпсизми IPM тизимининг бир бутун БИОЛОГИК кураш номли асосий бўғини БИОЛАБАРАТОРИЯЛАР зиммасида. Хозир айни дамда, хар битта қишлоқ хўжалик махсулотлари етиштирувчилари БИОЛАБАРАТОРИЯЛАРГА инвестиция киритадиган мухим палла. Зероки шу кеча кундузда БИОЛАБАРАТОРИЯЛАР мавсумга таёрланиши, зарур бўлган озуқа махсулотлари захирасини яратиши, 2023 йил мавсумга хизмат кўрсатиши учун шартномалар тузиши керак.
Хурматли Қишлоқ хўжалиги махсулотлари етиштирувчилари СИЗ ЗАРАРКУНАНДАЛАРГА ҚАРШИ ЎЗБОШИМЧАЛИК БИЛАН КИМЁВИЙ КУРАШ ЧОРАСИНИ ЭСДАН ЧИҚАРИНГ. Буни нимага ёзяпман, сизга асослаб бераман.
IPM тизимида зараркунандаларга қарши КИМЁВИЙ КУРАШ ЧОРАСИ энг охирги чора хисобланади. Унгача сиз камида 5 мартадан БИОМАХСУЛОТЛАР билан ишлашингиз керак бўлади.
Ўсимликлар карантини ва ҳимояси агентлиги инспекторлари вегитация даврида далангизни назорат қилиш вақтида энди албатта БИОМАХСУЛОТЛАРНИ тарқатганингиз тўғрисида асослантирувчи хужжатларни сўрайди. Агар Биомахсулотлар тарқатилганлиги тўғрисида Худудингиздаги БИОЛАБАРАТОРЯнинг мухрланган МАЪЛУМОТНОМАСИ бўлмаса, ўзбошимчалик билан Ўзбекистон Республикасида ишлатишга рухсат этилмаган кимёвий препарат билан ишлов берганингиз аниқланса СИЗ худудингиздаги ФИТОСАНИТАР ТОЗАЛИКНИ катта хавфга қўйган бўласиз ва маъмурий жавобгарликка тортиласиз. Айни мана шу масала Ўсимликлар карантини ва ҳимояси агентлиги директори И.К.Эргашевнинг қатъий назоратида турибди. Амалдаги тартибларга риоя этмаган қишлоқ хўжалиги махсулотлари етиштирувчиларга қонун доирасида муросасиз чора кўрилади.
Холбуки Экологик тоза, кам харажат қилиб юқори хосил олишни, экспортбоп махсулот етиштиришни мақсад қилган эканмиз ЗАРАРКУНАНДАЛАРГА ҚАРШИ КУРАШДА БИОЛАБАРАТОРЯЛАР ВА БИОМАХСУЛОТЛАРНИНГ ЎРНИ БЕҚИЁСДИР.
Шу кеча кундузда БИОЛАБАРАТОРИЯЛАРГА энг катта ёрдамни қишлоқ хўжалик махсулотлари етиштирувчилари КЛАСТЕРЛАР, ФЕРМЕР ДЕХҚОН ХЎЖАЛИКЛАРИ бера олади. Хозир сиз Биолабараторияга 1 млн сўм берсангиз, вегитация даврида сизнинг 100 млн сўмлик хосилингизни зараркунандалардан химоя қилиб беради.
Биолабаратория фаолиятини ичидан билган, Ўсимликларни химоя қилиш мутахассиси сифатида шуни айтаманки хозирдан ишларни жадаллаштирмаса мавсумга хеч қанақасига таёрланиб бўлмайди.
Хурматли КЛАСТЕРЛАР, ФЕРМЕР ДЕХҚОН ХЎЖАЛИКЛАРИ 2023 йил хосили яратилишида катта хисса қўшувчи БИОЛАБАРАТОРИЯЛАРГА бефарқ бўлмайлик.
📢 Диққат: Пост, муаллифнинг интелект мулки. Кўчирганда пастдаги канал линки билан улашинг.
Каналга уланиш