-
2023-02-01 11:04:14+00:00
📍Палітвязень Максім Сілюк выйшаў на волю пасля 795 дзён у зняволенні
Жыхара Брэста затрымалі 28 лістапада 2020 года па справе аб блакаванні чыгуначных шляхоў і развешванні пудзілаў у Брэсце. Яго абвінавацілі паводле ч. 2 арт. 339 КК за нанясенне надпісу пратэстнага характару на гандлёвы павільён і арт. 309 КК за ўстаноўку на чыгуначных шляхах металічнага провада, з прычыны чаго электрацягніку быў пададзены сігнал аб спыненні.
18 траўня 2021 года Максім асуджаны судом Ленінскага раёна Брэста на 2 гады і 6 месяцаў пазбаўлення волі ў калоніі агульнага рэжыму. Тэрмін палітвязень адбываў у шклоўскай калоніі № 17.
Як паведамляе @viasna_brest, Максім цалкам адбыў тэрмін і сёння выйшаў на волю.
-
2023-02-02 15:10:49+00:00
‼️Супраць палітзняволенай Алены Гнаук узбудзілі новую справу за "злоснае непадпарадкаванне адміністрацыі калоніі"
Палітзняволеную актывістку з Пружанаў Алену Гнаук 15 жніўня перавялі ў папраўчую калонію № 4. Нядаўна жанчыну змясцілі ў ПКТ да 24 лютага. Акрамя гэтага, яе пазбавілі амаль усіх перадач, званкоў, спатканняў і скарацілі атаварку з 3 базавых велічыняў да 1 (32 рублі).
Цяпер стала вядома, што па ініцыятыве адміністрацыі гомельскай калоніі супраць Алены ўзбудзілі крымінальную справу паводле ч. 1 арт. 411 КК за "злоснае непадпарадкаванне патрабаванням адміністрацыі калоніі".
Нагадаем, 17 чэрвеня палітзняволеную асудзілі на тры з паловай гады калоніі ва ўмовах агульнага рэжыму і штраф 3200 рублёў. Алену прызналі вінаватай па двух артыкулах КК.
💌Падтрымайце Алену лістамі салідарнасці і не забывайце класці пустыя канверты, маркі, налепкі, асадкі і паперу разам з лістом: ПК-4, 246035, г. Гомель, вул. Антошкіна, 3, 8 атрад, Алене Пятроўне Гнаук
💻 Напісаць анлайн 👉 bit.ly/3PIOcjz
-
2023-02-06 18:29:46+00:00
❗️Заснавальніка Symbal.bу Паўла Белавуса пачнуць судзіць 20 лютага
Заснавальнік крамы Symbal.by і культурніцкі мэнэджэр быў затрыманы 15 лістапада 2021. Паўла абвінавачваюць паводле ч.1 арт.356 (здрада дзяржаве), ч.1 арт.342 (актыўны ўдзел у групавых дзеяннях, якія груба парушаюць грамадскі парадак), ч.3 арт.361 (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь), ч.1 арт.361-1 (кіраўніцтва экстрэмісцкім фармаваннем).
Паводле СК, Белавус «пад выглядам культурна-гістарычнага развіцця ў розных агульнадаступных сацыяльных сетках і на сайтах распаўсюджваў ідэі беларускага нацыяналізму, мэтай якіх была змена дзяржаўнай улады ў Беларусі».
Справу Белавуса пачнуць разглядаць у Мінгарсудзе 20 лютага. Працэс будзе весці суддзя Жанна Брысіна.
💌Падтрымайце Паўла: СІЗА-1, 220030, г. Мінск, вул. Валадарскага, 2, Павел Мікалаевіч Белавус
💻 Напісаць анлайн
-
2023-02-07 12:37:33+00:00
‼️"Ключыца не так зраслася і костка ўпіраецца ў горла". Новыя сведчанні здзекаў са зняволеных у ПК-1
Праваабаронцам стала вядома, што ў 2021 годзе быў моцна збіты 58-гадовы зняволены грамадзянін Расіі Мікалай Хрол. Яму зламалі ключыцу і не аказвалі медыцынскую дапамогу. Цяпер яго косткі няправільна зрасліся і адна з іх упіраецца яму ў горла, а правая рука часткова не працуе. Каб схаваць факт збівання, адміністрацыя адправіла мужчыну ў ПКТ.
"Траўмы ў выніку гвалту хаваюцца і людзей з імі ізалююць. У большасці выпадкаў такія траўмы і наносяцца ў ШІЗА, каб не было сведак. У такіх выпадках чалавека могуць трымаць 30 і больш сутак, нават 120 (!), каб усё загаілася. Тады, вядома, нейкія лекі і дапамогу даюць, каб не памёр".
🗣Былыя вязні, у тым ліку і Вадзім Хіжнякоў, распавялі "Вясне" пра тое, як у калоніі здзекуюцца са зняволеных паводле загаду начальніка Андрэя Пальчыка і як адміністрацыя хавае наступствы жорсткага абыходжання і катаванняў 👉 bit.ly/3x00D2D
-
2023-02-08 10:33:01+00:00
😔Палітзняволенаму анархісту Дзмітрыю Дубоўскаму прысуд пакінулі ў сіле
У судзе Заводскага раёна Мінска 25 лістапада Дзмітрыю Дубоўскаму асудзілі да пяці гадоў пазбаўлення волі ў калоніі ўзмоцненага рэжыма. Паколькі раней Дубоўскага ўжо асудзілі да 18 гадоў калоніі, шляхам частковага складання пакаранняў, канчаткова яго асудзілі да 20 гадоў калоніі. Дзмітрыя абвінавачвалі паводле падзей у Мінску і Салігорску ў 2009 і 2010 гадах.
7 лютага Дзмітрыю пакінулі прысуд без зменаў, таму ў хуткім часе яго перавядуць у калонію.
💌Падтрымайце палітвязня грашовымі пераводамі, пасылкамі, тэлеграмамі: СІЗА-2. 210026, г. Віцебск, вул. Гагарына, 2, Дзмітрый Мікалаевіч Дубоўскі
💻Напісаць анлайн
-
2023-02-09 17:31:42+00:00
📍Палітвязень Іван Андрушойць — на волі
Іван — фігурант «справы ўзлому кампутарнай сістэмы Мінгарвыканкама», які знаходзіцца за кратамі ўжо 26 месяцаў. Яго абвінавацілі паводле шасці артыкулаў Крымінальнага кодэкса. Згодна з матэрыяламі крымінальнай справы, "абвінавачаныя з дапамогай шкоднаснага ПЗ атрымалі доступ да кампутарных сістэм КУП "ЦІТ Мінгарвыканкама" і ГУУС Мінгарвыканкама, што пацягнула за сабой парушэнне нармальнай працы прадпрыемстваў і дзяржорганаў, а таксама гэтыя асобы скапіявалі і выдалілі файлы розных фарматаў і ўнеслі ў іх загадзя ілжывую інфармацыю". У судзе Заводскага раёна Мінска 28 студзеня 2022 яму агучылі прысуд — 3,5 гады калоніі. Па выніках апеляцыі палітвязню змянілі прысуд — скарацілі да трох гадоў.
У траўні 2022 года Івана этапавалі ў бабруйскую калонію № 2, адміністрацыя якой змясціла Івана ў ПКТ да заканчэння тэрміну. Сёння палітвязень выйшаў на волю, адбыўшы ў зняволенні 2 гады, 2 месяцы і 4 дні.
-
2023-02-10 14:40:27+00:00
😡Палітвязня Мікалая Дзядка змясцілі ў ШІЗА на сем сутак
Стала вядома, што нядаўна адміністрацыя гродзенскай турмы № 1 змясціла палітвязня ў штрафны ізалятар на 7 сутак. Мінулыя 7 сутак ШІЗА Мікола адбыў у студзені. Прычыны — невядомыя.
Нагадаем, Міколу затрымалі 11 лістапада 2020, пасля чаго моцна збівалі і катавалі. Яго асудзілі да пяці гадоў зняволення. 28 чэрвеня палітвязню ўзмацнілі пакаранне і перавялі на турэмны рэжым. Увесь час у знявленні на яго аказваецца ціск — толькі летам ён 44 дні бесперапынна ўтрымліваўся ў ШІЗА па надуманых прычынах.
💌Падтрымайце палітвязня лістамі салідарнасці, паўтошкамі і тэлеграмамі: Турма № 1, 230023, г. Гродна, вул. Кірава, 1 Дзядку Мікалаю Аляксандравічу
💻Напісаць анлайн 👉 bit.ly/3PIOcjz
-
2023-02-11 05:52:23+00:00
⁉️Затрымалі за вывешванне нацыянальных сцягоў Беларусі і Украіны, але судзіць будуць за "экстрэмізм"
У сярэдзіне верасня сілавікі затрымалі пяць мінчукоў за тое, што яны вывесілі вялікія нацынальныя сцягі Беларусі і Украіны на фасадзе дома па вуліцы Лесі Украінкі ў Мінску. Супраць іх узбудзілі крымінальную справу за "злоснае хуліганства, здзейсненае групай асобаў" паводле ч. 2 арт. 339 Крымінальнага кодэкса і змясцілі ўсіх пад варту ў жодзінскую турму. Гэта Дзяніс Варозаў, Вячаслаў Панцюшэнка, Вольга Церах, Уладзімір Лавор і Кацярына Зарэцкая. Але пераслед затрыманых на гэтым не спыніўся. Праз два тыдні пасля іх затрымання Міністэрства ўнутраных справаў прызнала "экстрэмісцкім фармаваннем" канал у дадатку Zello, праз які камунікавалі мінчукі пры арганізацыі акцыі.
Следства па справе скончаная. Сярод інкрымінуемых артыкулаў няма "злоснага хуліганства", на падставе якога затрымалі і змясцілі пад варту палітвязняў. Цяпер пяць чалавек абвінавачваецца па больш цяжкіх артыкулах Крымінальнага кодэкса: ч.1, 3 арт. 361–1 (стварэнне і ўдзел у "экстрэмісцкім фармаванні") і ч. 2 арт. 361–4 КК (садзейнічанне экстрэмісцкай дзейнасці). Ім пагражае да 7 гадоў калоніі.
«Вясна» раней распавядала падрабязнасці гэтай справы, а юрыст Павел Сапелка каментавай яе 👉 bit.ly/3tUnxXr
"Калі няма за што "пасадзіць" любога чалавека, то можна выбраць з наяўных або стварыць для яго "экстрэмісцкае фармаванне". Таму што, вядома, вывешванне сцягоў – гэта дакладна не хуліганства ў дадзеным кантэксце, а пакараць за праяву грамадзянскай пазіцыі вельмі хацелася", – адзначаў праваабаронца.
💌Падтрымаць палітвязняў можна лістамі, грашовымі пераводамі, пасылкамі па адрасе: Следчая турма № 8, 222163, г. Жодзіна, вул. Савецкая, 22А
💻Напісаць анлайн 👉 bit.ly/3PIOcjz
-
2023-02-12 14:28:51+00:00
🗓 Агляд навінаў пра палітвязняў за тыдзень
🔹 Палітвязнямі на гэтым тыдні былі прызнаныя 20 чалавек. На дадзены момант у спісе палітзняволеных налічваецца 1441 чалавек.
Цалкам адбылі тэрміны і выйшлі на волю: Павел Дрозд, Марына Каласкова, Іван Андрушойць, Яўген Дамарацкі і Дзмітрый Новік.
🔹 На гэтым тыдні стала вядома пра прысуды па палітычна матываваных справах:
Глебу Гладкоўскаму — 5 гадоў калоніі;
Кацярыне Якаўлевай — 1 год калоніі;
Андрэю Пачобуту — 8 гадоў калоніі;
Юрыю Хрысталюбаву — 2,5 гады "хатняй хіміі";
Дзмітрыю Клімаву — 22 гады калоніі;
Уладзіміру Аўрамцаву — 22 гады калоніі;
Яўгену Мінкевічу — 1,5 года калоніі;
Юрыю Джэнжэру — 2,5 гады "хатняй хіміі";
Кацярыне Хулхачыевай — 2 гады калоніі;
Сяргею Плешкуну — 16 гадоў калоніі;
Юрыю Сельвічу — 14 гадоў калоніі;
Аляксею Кірэеву — 2 гады калоніі.
🔹Палітзняволенага філосафа Уладзіміра Мацкевіча могуць перавесці на турэмны рэжым. Суд па ўзмацненню пакарання адбудзецца 13 лютага.
🔹Палітзняволеную Вікторыю Кульшу зноў будуць судзіць за "злоснае непадпарадкаванне адміністрацыі калоніі" паводле ч. 1 арт. 411 КК.
🔹Палітзняволенай Крысціне Чаранковай пакінулі прысуд без зменаў, а скаргу без задавальнення. Хутка Крысціну этапуюць у калонію.
🔹Фігурант справы «Рабочага руху» Аляксандр Капшуль 31 снежня абвясціў галадоўку супраць парушэння заканадаўства падчас яго ўтрымання ў гомельскім СІЗА.
🔹Анархіста Яўгена Рубашку адміністрацыя калоніі змясціла ў памяшканне камернага тыпу (ПКТ) на месяц. Перад гэтым яго тройчы змяшчалі ў ШІЗА агулам на 24 дні па надуманых прычынах.
🔹Палітвязня Мікалая Дзядка змясцілі ў ШІЗА на сем сутак. Мінулыя 7 сутак ШІЗА Мікола адбыў у студзені. Прычыны — невядомыя.
🌿 Тэксты «Вясны» пра палітвязняў:
«Ключыца не так зраслася і костка ўпіраецца ў горла». Новыя сведчанні здзекаў са зняволеных у ПК-1
Ад 9 да 12 гадоў калоніі: праваабаронцам «Вясны» запрасілі тэрміны
-
2023-02-13 14:22:31+00:00
🎉Павіншуйце Ксенію Луцкіну з Днём народзінаў
Журналістка да жніўня 2020 года працавала ў Белтэлерадыёкампаніі. Пасля выбараў яна далучылася да страйку супрацоўнікаў холдынгу, а затым сышла з пазіцыі карэспандэнта тэлеканала "Беларусь 2" і ўвайшла ў асноўны склад Каардынацыйнага савета. Ксенію затрымалі 22 снежня 2020 года ў Мінску. У зняволенні ў яе пачаліся моцныя праблемы са здароўем — у яе расце пухліна ў галаўным мозгу. Вядома, што яна адмовілася пісаць прашэнне аб памілаванні на імя Лукашэнкі.
Ксенію абвінавацілі ў змове ці іншых дзеяннях, учыненых з мэтай захопу дзяржаўнай улады (ч. 1 арт. 357 КК). 28 верасня суддзя Таццяна Фалькоўская асудзіла журналістку да 8 гадоў зняволення ва ўмовах агульнага рэжыму.
14 лютага Ксенія адзначыць 39 год у гомельскай калоніі.
💌Павіншуйце Ксенію: ПК № 4. 246035, г. Гомель, вул. Антошкіна, 3, Ксеніі Алегаўне Луцкіной
💻Напісаць анлайн 👉 bit.ly/3PIOcjz
-
2023-02-14 18:30:17+00:00
❗️Палітзняволенага адваката Аляксандра Данілевіча пачнуць судзіць 10 сакавіка
Яму інкрымінуюць дапамогу ў закліках да мер абмежавальнага характару (ч. 3 арт. 361 КК) і садзейнічанне экстрэмісцкай дзейнасці (ч. 1 арт. 361-4 КК). Працэс над ім распачнецца 10 сакавіка ў Мінгарсудзе. Справу будзе весці суддзя Таццяна Фалькоўская.
Паводле следства, палітвязень са 9 жніўня 2020 па 20 траўня 2022 «шляхам дачы парадаў, указанняў, прадастаўлення інфармацыі, аказання іншай дапамогі садзейнічаў Аляксандры Герасімені і Аляксандру Апейкіну ў закліках да дзеянняў, накіраваных на прычыненне шкоды нацыянальнай бяспецы краіны».
Ён жа «падрыхтаваў і адрэдагаваў тэкст не менш як трох зваротаў ад прадстаўнікоў "статачных камітэтаў", у якіх выклаў заведама ілжывыя звесткі аб палітычнай, эканамічнай, сацыяльнай сітуацыі ў Беларусі, заклікаў кіраўніцтва замежнай кампаніі спыніць дамоўныя адносіны з беларускім контрагентам».
💌Падтрымайце палітвязня: СІЗА-1, 220030, Мінск, Валадарскага, 2 Аляксандр Станіслававіч Данілевіч
-
2023-02-15 08:33:35+00:00
📍Палітзняволеная Ганна Баран выйшала на волю з калоніі
Актывістку затрымалі ў Пружанах 13 кастрычніка 2021 года ў межах "карагоднай справы". У хуткім часе яе асудзілі да 1,5 года калоніі агульнага рэжыму. Яе абвінавацілі паводле ч. 1 арт. 342 КК ва ўдзеле 13 верасня 2020 года ў Маршы герояў у Брэсце, калі пратэстоўцы вадзілі карагод, спявалі песні і танчылі. Тады іх разагналі вадамётам, а потым узбудзілі крымінальную справу. Ганна — адзіная жанчына, якую пазбалі волі ў межах “карагоднай справы”.
Яна ўтрымлівалася ў зняволенні 1 год, 4 месяцы і 2 дні, а сёння выйшла на волю з гомельскай жаночай калоніі № 4, цалкам адбыўшы тэрмін.
"Брэсцкая Вясна" распавядала яе гісторыю
-
2023-02-16 14:16:25+00:00
🎉Павіншуйце палітвязня Дзмітрыя Абрамука з Днём народзінаў
Фігуранта берасцейскай "справы карагодаў" у красавіку этапавалі ў папраўчую калонію №1. Неўзабаве адміністрацыя калоніі перавяла яго ў ПКТ да канца тэрміну.
Нагадаем, 17 лютага 2022 года за парушэнні рэжыму ПУАТ палітвязню замянілі тры гады «хіміі» на 1 год, 1 месяц і 16 дзён калоніі. Пасля гэтага ў віцебскім СІЗА-2 за парушэнні яго змясцілі ў ШІЗА на 70 сутак.
18 лютага Дзмітрыю споўніцца 33 гады.
💌Павіншуйце палітвязня лістамі, паштоўкамі і тэлеграмамі: ПК № 1, 211440, г. Наваполацк, вул. Тэхнічная, 8, Дзмітрый Міхайлавіч Абрамук
💻 Напісаць анлайн
-
2023-02-18 10:09:32+00:00
❗️Палітвязня Мікіту Емяльянава зноў змясцілі ў ШІЗА
Актывіста анархічнага руху Мікіту Емяльянава ў сярэдзіне чэрвеня перавялі ў ваўкавыскую калонію. З таго часу яго неаднаразова змяшчалі ў ШІЗА і пазбавілі кароткатэрміновага спаткання. З 25 кастрычніка яго змясцілі ў памяшканне камернага тыпу (ПКТ). Але на наступны дзень яго закінулі ў ШІЗА на 10 сутак, пры тым, што тэрмін у ШІЗА не залічваецца ў тэрмін ПКТ.
Як паведамляе канал @Emelianov161, з 7 лютага Мікуту ў чарговы раз змясцілі ў штрафны ізалятар тэрмінам на 15 сутак. Таксама паведамляецца, што яму блакуюць ліставанне і 8 месяцаў не перадаюць са складу кнігі.
📌Нагадаем, 11 сакавіка Емяльянава асудзілі на два гады калоніі па ч. 2 арт. 411 КК (злоснае непадпарадкаванне патрабаванням адміністрацыі калоніі). Са жніўня 2021 года Мікіту змяшчалі ў карцар або ШІЗА агулам больш, чым на сем месяцаў.
💌 Падтрымайце палітвязня: ПК №11, 231900, г. Ваўкавыск, вул. Ракасоўскага, 118, Емяльянаву Мікіту Уладзіміравічу
💻 Напісаць анлайн
-
2023-02-19 08:39:37+00:00
😔Палітзняволенага Ігара Аліневіча змяшчалі ў ШІЗА ў турме
Пра гэта распавяла ягоная маці ў сацсетках:
"Роўна месяц не было лістоў. Нарэшце прыйшла паштоўка. 14 лютага толькі выйшаў з ШІЗА. З васьмі маіх лістоў атрымаў толькі два".
Нагадаем, актывіста анархічнага руху Ігара Аліневіча, асуджанага да 20 гадоў калоніі ўзмоцненага рэжыму, этапавалі з мазырскай калоніі ў жодзінскую турму 11 жніўня 2022 года. Пасля гэтага яго неаднаразова змяшчалі ў ШІЗА. На знак пратэсту ён трымаў галадоўку.
💌Падтрымайце Ігара лістамі салідарнасці, тэлеграмамі і паштоўкамі:
Турма № 8. 222163, г. Жодзіна, вул. Савецкая, 22А
Ігару Уладзіміравічу Аліневічу
💻Напісаць анлайн 👉 bit.ly/3PIOcjz
-
2023-02-21 16:26:01+00:00
🆘 Дапамога сям'і палітзняволенага
Аляксей Галоўкін з'яўляецца IT-інжынерам. Скончыў фізмат школу з залатым медалём і ВНУ на выдатна. Працаваў у сферы IT. У дзяцінстве яму быў пастаўлены складаны дыягназ — «гемафілічная поліартрапатыя».
Гродзенца асудзілі да 3 гадоў калоніі паводле арт. 366 КК (Пагроза гвалтам у дачыненні да службовай асобы) і арт. 364 КК (Гвалт альбо пагроза гвалтам у дачыненні да супрацоўнікаў органаў унутраных спраў). Апроч тэрміну зняволення, суд пастанавіў Аляксею выплату кампенсацыі маральнай шкоды пацярпелым на суму больш за 4500 тысяч рублёў. Цяпер Галоўкін знаходзіцца ў бабруйскай калоніі. Ён дрэнна ходзіць праз праблемы з суставамі. Іх давядзецца замяняць імплантамі.
BYSOL адкрыў збор для аплаты рэчавай і прадуктовых перадач, лекаў.
💵 Падтрымайце фінансава палітвязня
💌Падтрымаць палітвязня лістамі: ПК № 2. 213800, г. Бабруйск, вул. Сікорскага, 1, Аляксей Аляксандравіч Галоўкін
💻 Напісаць анлайн
-
2023-02-22 16:42:20+00:00
😔Журналіста Алеся Любянчука ў калоніі пазбавілі пасылак, перадач і спатканняў
Журналіста затрымалі 26 траўня ў вёсцы Крывічы Іўеўскага раёна. Алесь шмат займаўся дабрачыннасцю, дапамагаў дзецям-сіротам, арганізоўваў турыстычныя паходы і аднаўляў гісторыка-культурную спадчыну Наваградчыны.
Яго абвінавацілі паводле ч. 3 арт. 361-1 КК (стварэнне экстрэмісцкага фармавання або ўдзел у ім). 27 кастрычніка суддзя Алена Ананіч прызначыла палітвязню тры гады калоніі.
У пачатку лютага палітвязня накіравалі ў магілёўскую калонію № 15. Але па прыбыцці, пакуль Алесь быў на каранціне, адміністрацыя калоніі ўжо пазбавіла яго пасылак, перадач і спатканняў тэрмінам на тры месяцы за парушэнне "правілаў унутранага распарадку".
💌Адрас для падтрымкі: ПК № 15. 213105, г. Магілёў, п/а Вейна, Слаўгарадская шаша 183, Аляксандр Мікалаевіч Любянчук
💻Напісаць анлайн
-
2023-02-23 14:40:22+00:00
🤬Палітвязня Алеся Папковіча яшчэ да апеляцыі перавялі ў калонію, дзе адразу змясцілі ў ПКТ
Яна і Алеся Папковічаў затрымалі 2 верасня ў Мінску. Вядома, што Ян раней працаваў інкасатарам у «Белгазпрамбанку». У пачатку верасня браты планавалі з’ехаць у Польшчу, аднак за дзень да ад'езду былі затрыманыя сілавікамі. Алеся абвінавацілі паводле арт. 342 КК (Актыўны ўдзел у групавых дзеяннях, груба парушаючых грамадскі парадак) і асудзілі да двух гадоў калоніі.
Па інфармацыі праваабаронцаў, Алеся амаль адразу пасля суда і да разгляду апеляцыйнай скаргі перавялі ў віцебскую калонію № 3. Пры гэтым на той момант ягоны прысуд яшчэ не ўступіў у законную сілу. Там яго адразу змясцілі ў ПКТ. Пасля апеляцыі яго перавялі на каранцін. Акрамя гэта, яму далі падпісаць дакумент аб тым, што ён не збіраецца з'язджаць з Беларусі пасля вызвалення.
💌Падтрымайце палітвязня: ПК № 3. 211322, Віцебская вобласць, г.п. Віцьба, Алесь Валер'евіч Папковіч
📮Напісаць анлайн
-
2023-02-24 17:44:26+00:00
📍Палітвязня Алега Рубца 60 сутак утрымлівалі ў ШІЗА
Па рашэнні наваполацкай суддзі Вольгі Баліка палітзняволенага пінчука Алега Рубца ў чэрвені 2022 года перавялі на тры гады з калоніі ў следчую турму № 8 г. Жодзіна. У калоніі яго рэгулярга змяшчалі ў ШІЗА, а таксама ўтрымлівалі ў ПКТ.
Паводле ягоных бацькоў, 2,5 месяцы ад Алега не было ні лістоў, ні званкоў. Цяпер высветлілася, што яго на 60 закідвалі ў штрафны ізалятар.
26 лютага хлопцу споўніцца 21 год. Лісты да яго амаль не дахадзяць, але заклікаем павіншаваць яго тэлеграмай.
Нагадаем, Алега затрымалі 10 жніўня 2020 года за ўдзел у масавых беспарадках у ноч з 9 на 10 жніўня ў Пінску (ч. 2 арт. 293 КК). Пры затрыманні быў моцна збіты. 30 красавіка Рубцу прысудзілі 5,5 гадоў калоніі ўзмоцненага рэжыму.
💌Падтрымайце палітвязня: Следчая турма № 8, 222163, г. Жодзіна, вул. Савецкая, 22А, Алег Віктаравіч Рубец
💻 Напісаць анлайн
-
2023-02-27 11:10:13+00:00
🎉Павіншуйце палітвязняў з Днём народзінаў!
🔺Сяргей Бабко
🔺Міхаіл Башкатаў
🔺Павел Нікіценка
🔺Павел Аўчароў
🔺Артур Рыбін
🔺Ілля Бохан
🔺Сяргей Лапко
🔺Артур Халімончык
🔺Антон Валавік
🔺Уладзімір Кобрынец
🔺Ганна Аблаб
🔺Павел Манкіненка
🔺Марына Сачыўка
🔺Мікіта Ганчароў
🔺Генадзь Драздоў
🔺Аляксандр Жмуро
🔺Андрэй Кунцэвіч
🔺Сяргея Кірыковіча
💌Самы просты спосаб павіншаваць палітзняволеных — адправіць паштоўку. Гэта можна зрабіць праз Майстэрню паштовак салідарнасці і письмо.бел.
📲Таксама прапануем дасылаць палітвязням тэлеграмы. Гэта можна зрабіць на пошце або па нумару тэлефона 166 (толькі з гарадскога) і надыктаваць тэкст. Не забывайце падпісвацца, каб яны ведалі ад каго дайшла вестка.
-
2023-02-28 11:15:26+00:00
🎉Павіншуйце палітвязня Паўла Аўчарова з Днём народзінаў
Адміністрацыя шклоўскай калоніі № 17, дзе Павел апошні год адбываў свой тэрмін, ініцыявала ўзбуджэнне супраць палітвязня крымінальнай справы паводле ч. 2 арт. 411 КК — злоснае непадпарадкаванне патрабаванням адміністрацыі папраўчай установы.
У судзе Шклоўскага раёна 6 ліпеня Паўлу прысудзілі ў дадатак да пяці гадоў зняволення яшчэ 1,5 года ў калоніі. Таксама Аўчарову змянілі рэжым адбыцця пакарання з узмоцненага на строгі. Раней палітвязня асудзілі да пяці гадоў калоніі па шэрагу артыкулаў за падзеі 23 верасня 2020 года, калі ў Мінску прайшла інаугурацыя Лукашэнкі.
6 сакавіка Паўлу споўніцца 27 год.
💌Падтрымайце Паўла: ПК № 13. 211791, г. Глыбокае, вул. Савецкая, 205, Павел Алегавіч Аўчароў (на лістах пазначайце «каранцін»)
💻Напісаць анлайн