-
2023-02-01 14:59:04+00:00
Президент ташриф буюрадиган жойлар ичида энг яхшиси, энг самимийси, энг муҳими — мактаб.
-
2023-02-02 12:46:16+00:00
Жамият қоидаларига ҳурмат ва ижтимоий ишонч ҳақида
Жамиятдаги ўзаро ишонч, ижтимоий қоидаларга бўлган ҳурматга қараб унинг қай даражада ривожланган, қайсидир маънода “улғайган” жамият эканини билиш мумкин. Бу ишонч ва ҳурматни эса кичкина, кундалик, бир қарашда арзимагандек туюладиган белгиларга қараб аниқласа бўлади.
Ўзим билган икки жамиятни мисол қилиб келтирсам. Биринчиси: Япония. Япон жамияти ҳақида, у ерда одамлар қоидаларга ҳаддан ташқари жиддий ёндашади, ҳамма нарса китобидек бўлиши керак, деган фикр кенг тарқалган. Сиз ҳам эшитгандирсиз. Кўп айтиладиган мисол: японлар машина умуман йўқ кўчада ҳам пиёдалар учун светофор яшил бўлмагунча кутиб туришади. Ростан ҳам шундай. Токиода бир кун сайр қилсангиз, бир неча бор бунга гувоҳ бўласиз. Бу мисолни чет элликлар, жумладан баъзи ватандошларимиз ҳам, японларнинг устидан кулишда ишлатишади, чунки японларнинг “робот”лигига исботдек туюлади. Тан оламан, ўзим ҳам бошида ҳайрон қолардим, бир жойга шошиб турганимда узоқ куттирадиган светофорларда ҳамма қимирламай кутиб туриши бироз ғашимни келтирар эди.
Токио бўйлаб сайрингиз давомида яна кўрадиган нарсаларингиз: кўчаларда ахлат қутиси бўлмаса-да, ҳеч ким еган музқаймоғи ё ширинлигининг қоғозини кўчага ташламайди, сақичини туфламайди. Машиналар 99% ҳолларда қоидага риоя қилади, секин ҳайдайди ва ҳеч кимга жаҳл билан сигнал чалмайди. Поездга ҳамма навбат билан чиқади, ҳеч тирсаклаб олдинга ўтишга уринмайди. Нафақат Япония ё Осиё, балки дунёнинг энг гавжум поезд бекатлари—масалан Шинжуку ё Икебукуро—миллионлаб одам тўғри томонда юргани ва қоидаларга риоя қилгани учун муаммоларсиз ва тўхталишларсиз, юрғизилган соат каби ишлайди. Ҳамма ўз ўрнини билади ва ҳеч ким—ҳеч ким—ўзини жамиятдан устун қўймайди.
Ўтган йили салкам тўрт ой Японияда тадқиқот билан бўлиб, Англияга қайтганимда, иккала жамият орасидаги фарқни яққол ҳис қилдим. Пандемиядан олдинги даврда йилига камида бир марта, бир ҳафта-ўн кун давомида Японияга борардим, аммо бу қисқа вақт бўлгани учунми, ўзимга таниш бўлган Япония ҳаёт тарзига тўлиқ ўрганиб улгурмаган бўлсам керак. Қисқаси, Англияга келиб, биринчи бўлиб сезганим—кўчаларнинг нақадар ифлослиги бўлди. Японияга кетишдан олдин шунча йил яшаб, бунга аҳамият бермаганимга хайрон қолдим. Кейинги бир ҳафта ичида бошқа фарқлар ҳам кўзга ташлана борди: ҳайдовчиларнинг майда қоида бузишлари, хизмат кўрсатиш соҳаси ишчиларининг қўполлиги ва ҳоказо. Аммо энг кўп сезганим—мен бўлмаган тўрт ойгина муддат ичида одамлар янада жаҳлдор ва сабрсизроқ бўлгандек, ҳатто безбетлашгандек, бир-бирига олдингидек ишонмайдиган, кундалик вазиятларда бошқаларга меҳр-оқибати камайгандек туюлди.
Ўша ойларда барча газета ва ТВ каналлари ошиб кетаётган бензин ва газ нархларини муҳокама қилиб, “келаётган инқироз” ҳақида жар солар эди. Аммо янгилик ўқимайдиган мен газеталарсиз ҳам бу инқирозни ҳис қилдим, унинг кичик белгиларини кўрдим, дея оламан. Албатта, жамиятдаги вазият охирги бир неча йил—Брексит, кейин эса коронавирус натижасида—ёмонлашиб келаётгани ҳеч кимга сир эмасди. Менимча анча тартибли ва қоидаларга амал қилинадиган жамиятда бирмунча яшаб келмаганимда ҳам буларни ҳис қилган бўлардим. Аммо инқирознинг кичик белгиларига бу даражада диққат қилмаган бўлардим балки.
Юқорида ёзганим ижтимоий ишонч ва қоидаларга ҳурмат аслида ўзбек тилидаги “меҳр-оқибатга” яқин тушунча. Битта фарқ бор: атрофдагиларга меҳрли бўлиш ёки бўлмаслик аслида танловдир. Аммо қоидаларга риоя қилиш ва бошқа фуқароларга ишонч билан ёндашиш жамиятда тартибнинг муҳим шарти. Меҳрибон бўлмасдан ҳам ҳурмат қилиш мумкин, чунки қоидаларга ҳамма амал қилса, охир-оқибат бундан ҳамма фойда кўради. Онда-сонда машинаси йўқ кўчада светофор кутиб қолса-да 😊
Каналга обуна бўлиш ➡️ https://t.me/profsherzod
Мақола маъқул бўлса, яқинларингиз билан бўлишинг 👍
-
2023-02-06 09:41:34+00:00
Ўтган ҳафтада болалар хавфсизлиги, бегоналардан қандай ҳимоя қилиш бўйича тармоқда муҳокамалар жуда кўпайди.
Афсуски, бизда ота-оналар болалар билан бу ҳақда батафсил гаплашмайди, мактабда болаларга кутилмаган вазиятларда ўзини қандай тутиш бўйича аниқ инструкция ўргатилмайди.
Видеода дугонамнинг қизи-Сабина. У Хитойда боғча ва бошланғич мактабга борган. Хитойда ота-онаси назоратида келиб-кетиш мажбурий бўлса-да, боғча ёшиданоқ болалар билан шахсий ҳимоя ҳақида гаплашилади. Кеча шу видеони жўнатганда ҳатто ўзим ҳам болаларим билан бу мавзуда гаплашмаганимни билдим.
10 ёшли Сабинанинг ўрганганларидан:
- Тананинг “ўта шахсий” қисмларига боланинг онасидан бошқа одам тегиниши мумкин эмас! Ҳатто отаси, қариндошлари, ўқитувчи, доктор ҳам.
- Бола шундай ҳолат содир бўлса, албатта онасига айтиши керак.
- Агар бола савдо маркази ёки кўчада йўқолиб қолса, бақирмасдан, йиғламасдан, худди бир ўзи келгандек дўконга кириши ва ўша ерда ишлайдиган одам, масалан кассирга айтиши керак.
- Кўчада банан, ширинлик бераман деб бегона одам келса гаплашмаслик, қўлидан ушлаб кетмоқчи бўлса, қўлини қаттиқ тишлаш, бор овози билан бақириш, ота-онасининг исмини айтиб чақириш ва одамлар кўп бўлган томонга қочиш керак.
Интернетда болалар билан бундай мулоқотларни қандай олиб бориш ҳақида инструкциялар жуда кўп.
3-4 кун ичида жуда кўпчилик билан гаплашиб, дардлашиб билдимки, болаларни фақат кўчадаги бегоналардан эмас, баъзан яқин одамлардан ҳам ҳимоя қилиш керак. Улар таниш, қариндош бўлса-да ёш ўғил-қиз билан ёлғиз қолдирмаслик керак. Катталар ҳамиша тўғри, катталар ҳамиша ҳақ ишларни қилади деган тушунчани болага сингдириш хато. Болалар баъзан бизнинг шу догматик фикрларимиз қурбони бўлиши мумкин.
Фарзандларимизни ёмон кўзлардан Ўзи асрасин!
-
2023-02-07 07:08:15+00:00
Қизлар, 8-9, 15-16, 22-23 февраль кунлари Chorsu GOLD Centerда тилла буюмлар ярмаркаси бўларкан!
Тилла-кумуш, бриллиантга қизиқмаган одам бўлмаса керак. Буёғи 8 март ҳам яқин😅
Борийлу!
-
2023-02-09 11:53:15+00:00
Аброр Зоҳидов ёзяпти:
Нега вайроналар остидан болалар кўпроқ омон чиқишади?
Зилзилалар вайроналари тагидан болалар чиқариб олиниши манзаралари ҳаммамизнинг кўзимизни ёшларга тўлдиради. Ўйлаб кўрадиган жиҳат – нега ёши катталарга нисбатан гўдаклар кўпроқ омон қолишади?
Балки бундан хабардордурсиз. Мен ҳам билганим ва ақлим етганича жавоб беришга ҳаракат қиламан:
Аввало Аллоҳнинг ўша болага марҳамати бу. Иккинчидан, ота-оналарнинг биринчи ҳаракати боласини бағрига босиш, хавфсизлигини таъминлаш бўлади. Бу омил ҳам жиддий роль ўйнайди.
Учинчидан, болалар жуссаси кичик бўлгани учун бурчакларга, кичик жойларга тушиб қолишади, яъни майда тирқишларга ҳам сиғиб кетишади.
Ва ниҳоят, тўртинчи муҳим жиҳат – гўдаклар ўзлари тушиб қолган ҳолат даҳшатини англаб етишмайди. Жисмоний ва руҳий азоблар уларнинг хотирасига ёзилмайди, оғриқ ва умидсизлик уларни тушкунликка туширмайди, ҳаёт илинжи сўниб қолмайди…
-
2023-02-10 18:00:50+00:00
Туркия зилзиласидан видеолар қўйиб бузилган кўнгилларни бузгим, бир дардингизни минг қилгим келмаганди.
Аммо ҳозир буни бошқа руҳиятда кўрдим.
Салкам 5 кун, 102 соат оғир бетонлар, неча қават вайроналар остида гўё тирик бўла туриб қабрда ётгандек ётасан. Одатда шунчаки 4-5 кун сув ичмаган одам тирик қолиши даргумон. Яна совуқ, очлик, қоронғулик, иложсизлик, ваҳшатни англаш…
Аммо Ўзига осон. Кадарингда мўъжиза ёзилган бўлса, яна қайта туғилиш бахти насиб қилади. Ўн минглаб одамлар ичида сен қоласан тирик бўлиб.
Шу 32 ёшли йигит қанчалар бахтли. Уни ҳаётда ҳали кўп қийнайдиган, тушкунликка туширадиган воқеалар, йўқотишлар, хафсаласи пир бўлишлар бўлар эҳтимол. Аммо у энди аниқ билса керак яшаш шанси олдида булар ҳаммаси бир тугмачалик, чақачалик аҳамиятсиз эканини…
Қанчалар ғалати эшитилмасин, шу йигит қутқарилганида ичдан кечирганини ҳис қилгим ва ҳаётнинг ҳамма изтиробларидан баландроқ бу туйғуни туйгим келди.
-
2023-02-13 17:55:57+00:00
***
Olamda boshqa hech
O’zbekiston yo’q.
Mirzo Kenjabek
Vatan qani, sevgi qani, iymon qani,
Biz ishongan, biz sig’ingan yolg’on qani,
Shior qani, qadr qani, inson qani,
Quyosh qani, ko’z yosh qani, osmon qani?
Qismatimiz yo’qlikmidi, nochorlikmi,
O’z yerida qullikmidi, xor-zorlikmi,
Epladingiz, do’ndirdingiz tujjorlikni,
Nega jimsiz? Itlar qani, karvon qani?
Qo’rqamanki, bundan battar chog’lar kelur,
Yo’limizga siz qazigan chohlar kelur,
Dengiz-dengiz, to’lqin-to’lqin “oh”lar kelur,
Xalq qayerda, kuch qayerda, Cho’lpon qani?
Otay desam, qo’limdagi toshim yetmas,
Yig’lay desam, ko’zimdagi yoshim yetmas.
Qolay desam, bu tahqirga doshim yetmas,
Ketay desam, boshqa O’zbekiston qani?!
✍️ Mehrinoz
-
2023-02-14 03:56:17+00:00
Шу видеога ҳам бир пасда 3 йил бўлибди.
Болалар тез катта бўляпти. Ўзимиз ҳам.
Заҳириддин Муҳаммад Бобур хотираси эса 540 йилдан буён яшаяпти.
Бобурнинг ҳатто ошиқона ёзган ғазал ва рубоийлари ҳам менга Ватан муҳаббати ва соғинчи ҳақида ёзилгандек туюлаверади.
Шоҳларнинг шоири ва шоирларнинг шоҳи Аллоҳ раҳматида бўлсин.
Менга Бобурни танитган ва “Юлдузли тунлар” асари орқали севимли қилган улуғ ёзувчи Пиримқул Қодировнинг ҳам жойлари жаннатда бўлсин.
-
2023-02-16 14:16:42+00:00
Жиддий ва қатъий жазолар керак
Сизларгаям шундай туюляптими: сўнгги вақтларда ожизларга нисбатан жиноятлар кўпайган.
Менимча, яна нимадир хато қилиняпти.
Жазони либераллаштириш экан деб роса эркалатиб юборишди.
12 яшар Муслима фоижиаси, кечаги 4 та эркак томонидан таҳқирланган аёл воқеаси – ҳар иккисида ҳам аввал қамалиб чиққан шахслар иштирок этган. Улар жазоланиб эсини йиғмабди, демак ё етарлича қаттиқ жазоланмаган, ёки жазодан тарбияланмаган – самарасиз жазоланган.
Бекорга одамлар орасида “барибир амнистияга тушиб, чиқиб келади” деган гап тарқалмайди.
Бекорга Муслиманинг онаси зўравонни “кўчириб юборинглар бу маҳалладан, эртага бошқа қизларим мактабга чиққанида қамоқдан чиқиб келадими” демади.
Аслида жазоларамиз енгил эмас, лекин ўзини яхши тутганлар жазодан муддатидан олдин озод бўлиши ёки енгилроғи билан алмаштирилиши мумкин. Масалан, 6 йилга қамалган одамнинг жазоси 2 йилга қолмасдан ахлоқ тузатиш ишларига алмаштирилиши, яъни озодликка чиқарилиши мумкин.
Осон қутулишяпти.
Солиштириш учун:
АҚШда ҳар 100 минг кишига 629 нафар маҳбус тўғри келади, Россияда 324, Қозоғистонда 177. Ўзбекистонда атиги 74. Нима, биз АҚШданам зўр, тартибли, жиноятчилик жиловланган мамлакатмизми? Мен қамоқда маҳбуслар кўп бўлсин демаяпман, асли ҳибсда ўтириши керак бўлганлар кўчада бемалол юриб, ваҳший жиноятларни қилиб, одамларнинг тақдирига зомин бўлмасин демоқчиман.
Жавобгарлик муқаррарлиги ва жазоларнинг етарли даражада таъсирчанлиги жамиятни тарбиялайди. Одамлар кўради, биттасининг умрига нуқта қўйган ё жиддий зарар етказган шахс етарли жазо оляптими ё бир неча йилдан кейин чиқиб келиб яна кайф-сафода юрибдими? Хулоса чиқаради. Шунга қараб жиноятлар камаяди ё кўпаяди.
Бизга таъсирчан ва самарадор жазолар керак.
-
2023-02-18 12:17:01+00:00
19 февраль, якшанба куни соат 18:30 да “O‘zbekiston 24” телеканали ҳамда Президент матбуот хизматининг Facebook ва Youtube'даги расмий саҳифаларида "Цивилизациялар мероси: абадият карвонлари ортидан" ҳужжатли фильмини томоша қилинг.
Фильм Парижда бўлиб ўтаётган Ўзбекистоннинг бой маданий меросига бағишланган иккита йирик экспозиция ҳақида ҳикоя қилади. Улардан бири машҳур Луврда ташкил этилган. Мураккаб ва ноёб лойиҳа Ўзбекистон Президенти Шавкат Мирзиёевнинг шахсий ташаббуси ва қўллаб-қувватлаши туфайли амалга ошди.
—
Смотрите в воскресенье, 19 февраля в 22:30 часов документальный фильм "Наследие цивилизаций: за караваном вечности" на телеканале “O‘zbekiston 24” и официальных страницах пресс-службы Президента в Facebook и Youtube.
Картина рассказывает о проходящих в Париже двух крупных экспозициях, посвященных богатому культурному наследию Узбекистана. Одна из них организована в знаменитом Лувре. Реализация сложного и уникального проекта стала возможна благодаря личной инициативе и поддержке Президента Узбекистана Шавката Мирзиёева.
Prezident.uz|Facebook|Instagram|YouTube|Twitter
-
2023-02-24 15:55:44+00:00
"Мен ҳар куни ўқийман, интернетни ҳам ўқийман. Ким қандай гапирган. Вақтим борича, қўлимга қалам олиб, ўзимга ёзиб оламан. Барибир 10 та фикрдан 9 таси тўғри бўлиб чиқади. Бу тўғри йўналишми? Агар бизда (ОАВ) ёпиқ бўлса, сизларни ҳам ҳеч ким эшитмайди" деган Шавкат Мирзиёев Янги Батош маҳалласидаги 71-мактабда ўқитувчилар, фахрийлар билан суҳбатда.
https://t.me/Press_Secretary_Uz/2940
-
2023-02-25 17:24:55+00:00
Шу вақтда Тошкент кўчаларига энди тош ётқизилаётган эди. Баъзи кўчалар трамвайга мослаб кенгайтирилиб, трамвай юргазилган бўлса ҳам бир изли, яъни бир томонга юрадиган, ҳар қаерда тўқнаш келадиган трамвайни ўтказиб, кутиб турадиган жойлари бор эди. Ҳали Кўкча даҳасига трамвай келмаганди. Машиналар эса мутлақо йўқ деса ҳам бўлади. Бир ҳафта, икки ҳафтада битта машина ё кўрардинг, ё йўқ. У ҳам юк машинаси, одам ташийдиган машиналар мутлақо йўқ эди. Фақат деҳқонлар молини ташийдиган “Қўқон арава” ва онда-сонда шалдироқ “мужик арава” лар бўларди. Ўрдадан у томони Янги шаҳар дейиларди, у томонда извош арава юрарди. Шунинг учун эрталаб биз томондан (Кўкчадан) Чорсугача (Чорсуда трамвай бор эди) тўда-тўда пиёда кетаётган ишчиларни кўриш мумкин эди. Кўкчаликларни “пешонаси ялтироқ” дейишарди. Чунки, Кўкча аҳолиси эрталаб ишга-тирикчиликка кетаётганда чиқаётган қуёшнинг тикка нуридан пешоналари ялтираб кетишарди. Кечки пайт ишдан қайтаётганда Чорсудан то уйларига келгунча ботаётган қуёшнинг нури яна пешоналарига тушиб қиздирарди.
Кўкчанинг ҳозирги трамвай юрадиган кўчасига тош ётқизилган эди, холос. Бошқа кўчалар арава юрганида гупчагича ёзда тупроқ, қишда эса лойга ботарди. Баъзи тор кўчаларда арава ўтиб қолса йўловчи бирор эшикка ёпишиб туриб, йўл бермаса, арава ғилдираги ёки ўқи билан уриб кетиши мумкин эди. Ёз ойлари кўчалар тупроқ бўлса ҳам супириб қўйиларди. Кўпчилик одамлар ялангоёқ юрарди. Фақат қишдагина маҳси-калишнинг ўзинигина киярди. Пайпоқ кийиш мутлақо одам эмасди. Уйлар ҳаммаси полсиз, тупроқли бўлиб танча қуриларди. Мана шу танчага ўтин қалаб олов ёқиларди, сўнгра чўғи иссиғида исиниб, сўнгра совуқ ўринга кириб ётиларди. Қиш ойларида кўпинча кўчаларга чиқмасдик ҳам.
Кунлардан бир куни...
давоми эртага
-
2023-02-26 16:57:10+00:00
#урушнинг_тўртта_дафтари рукнида бериб борилаётган ҳикояларни ўқиб, муносабат ва миннатдорлик билдирган барчага кўп раҳмат айтаман.
Ушбу реал воқеалар қаҳрамони ва муаллифи Сирожиддин бобони ўқийману у киши бошидан кечирганини катта илҳақлик билан кўплар ўқишини истаганини сезиб тураман. Аллоҳ охиратларини обод қилсин, раҳматини ёғдирсин, дуолар ва раҳматлар шу инсонга тегишли.
-
2023-02-27 17:56:32+00:00
- Илтимос, менга навбатчи командирни чақириб бер, зарур ишим бор.
- Нима ишинг бор? Дежурный дам оляпти, уни безовта қилмайман.
Мен унга ялина бошладим. Шу пайт дежурный командир келиб қолди, фонари билан чодирга кирди.
- Қандай қилиб пулемётни олдириб қўйдиларинг?
Ҳаммасини бир бошдан айтиб бердим, айбим йўқ, ухлаб қолган соқчи командирнинг ҳамшаҳари эди, айбни менга юклаб, уни қутқариб қолмоқчига ўхшайди, дедим. Илтимос, батальон командирига хабар берсангиз, сўроқ қилсин, аҳволимни тушунар, дедим.
Командир кетди, мен яна қоронғу чодирда даҳшат ичида кутиб ўтирдим. Анчадан сўнг дежурный билан командир келди. Яна унга вазиятни айтиб бердим. Командир соқчини олиб келиб, сўроқлаб воқеани аниқлаштиргач, уни қамаб қўйиб, мени чиқариб юборди...
Тонггача уйқу келмади кўзга... Эрталаб уруш бошланиши керак эди...
Бироқ, нонуштадан сўнг янги буйруқ олингани ҳақида хабар келди. Бессарабия чегарасидан ўқ узмай байроқ кўтариб кириб боришимиз мумкин. Лекин ҳарбий ҳолатда эканимизни унутмаслигимиз кераклиги тушунтирилди. Танкларимизни ҳайдаб чегара кўпригидан ўтаётганимизда шундай ҳаяжонланиб кетдикки, гўё бошқа дунёга кириб келаётгандек. Кўп юрмай йўлларда қуроллари ташлаб таслим бўлаётган тўда-тўда румин аскарларини кўрдик. Уларнинг кўпчилиги бессарабликлардан армияга олинган ҳарбийча кийинган солдатлар эди. Марказий шаҳар Кишинёв томон тезлик билан борар эдик. Йўлимиздаги кичик шаҳар ва қишлоқлар аҳолиси йўл ёқасида тизилишиб гул тутиб томоша қилиб, бизни кузатишар эди. Туш вақтида овқатланишга тўхтадик, катта-кичик ерли халқ-молдаванлар атрофимизни ўраб олишди. Улар славян тилда сўзлашгани учун рус тилини билган одам уларни тушуниши қийин эмасди.
Руминлар бессарабларга Совет армияси ҳақида бўлмағур сўзларни тарқатиб, бизни ўқўтмас танкларимизни фанерадан ишланган деб миш-мишлар тарқатишган экан. Танкларимизни чертиб кўриб, бармоқлари оғриганидан сўнг ҳайрон бўлиб қарашарди. Биз катта-кичик болғалар билан у ер, бу ерини тузатаётганимзида оғизлари очилиб қоларди.
Мамлакатлари паст-баландлик, ясси қирликлардан иборат бўлиб, узоқдан денгиз тўлқинини эслатарди. Узоқда кичик хуторлар, қишлоқлар тепалик ёнбағирларига жойлашган бўлиб, ҳар қайси деҳқоннинг ери ўзига хос бўлиб, узоқдан ола байроқ тусини эслатарди. Халқи жуда содда, биз турган жойга қишлоқлардан тухум тандирга ўхшаган ўчоқда бутун қўйни сихга қадаб пиширилган ва бошқа овқатлар пишириб олиб келишибди. Бизнинг пулимизни улар, уларнинг нархини биз билмасдик. Бизда унча кўп пул бўлмасди, чунки ойига 10 сўм аскарлар олса, биз кичик командирлар 12 сўм олар эдик. Лекин улар биз уларни руминлар қўлидан озод қилаётганимиз учун ҳам оёғимиз остига йиқилгудек бўлишарди.. Бундан буён бизнинг пулимиз-румин пулининг ўрнини босишини билиб қандай бўлмасин бизнинг пулимиздан олишга ҳавас қилишарди. Оз берсак ҳам хурсанд бўлишарди, кўп берсак ярмини қайтариб беришарди.
Чегарадан анча узоқлашганимиздан сўнг Бельцы шаҳрини ёқалаб ўтиб кетдик. Кишинёвга яқинлашиб қолгандик. Кўчалар текис бўлгани билан паст-баланд қирликларни кесиб, кескин бурилишлардан ўтишга тўғри келарди. Ҳар 3-4 соатда алмашлаб танк ҳайдардик. Шундай пайтда хаёлим қочдими, тўсатдан бурилишга келганимни биламан, танкани буришга улгуролмай қолдим. Шув этиб учиб кетдик, танкимиз гурсиллаб қир ён бағрига тегиб думалаб кетди. Танк ичида яхши боғланмаган нарсалар ағдар-тўнтар бўлиб, оёғимиз осмондан бўлиб, то ўзимизни ўнглаб олгунимизча бир неча ўн марта думалаб, салкам терак бўйи келадиган жарликка қулиб тушдик...
давоми эртага
#урушнинг_тўртта_дафтари
-
2023-02-28 18:45:04+00:00
Айтгандек, 15 дақиқадан кейин баҳор келармиш.