-
2022-12-21 14:00:27+00:00
Лепш патраціць палову дня на бяспеку, чым трапіць на некалькі гадоў за краты
У кантэксце таго, што беларусам працягваюць даваць вялікія турэмныя тэрміны за фотаздымкі з пратэстаў, нагадваем пра правілы бяспекі.
— Нават калі вам здаецца, што ваш тэлефон ужо максімальна чысты, перагледзьце лсітаванні за 2020 год.
— Калі вас выклікаюць на «размовы» ў міліцыю, прасіце даслаць вам афіцыйную павестку.
— Памятайце, што падчас допыту вы можаце адмовіцца даваць паказанні супраць сябе і сваіх блізкіх.
— Памятайце, што вы можаце проста не памятаць усіх падрабязнасцяў падзей 2020. Не трэба ў міліцыі казаць нічога лішняга, нават калі гэта проста «размова не для пратаколу».
— Калі вы сумняваецеся, ці чысты ваш тэлефон, то лепш пераўсталяваць яго да завадскіх налад.
У Рухбоце ёсць гатовы марафон бяспекі, дзе вы можаце пакрокава атрымаць інструкцыі, як зрабіць бяспечнымі свае кампутары і тэлефоны.
Як прайсці Марафон бяспекі?
1. Для гэтага трэба перайсці ў чат-бот.
2. Абраць у галоўным меню мову і месцазнаходжанне (Беларусь альбо замежжа).
3. А затым — Марафон бяспекі.
Лепш прысвяціць некалькі гадзін на гэтыя дзеянні і заставацца на волі.
Увага! Рухбот нядаўна прызналі экстрэмісцкім, таму праходзьце заданні ў бяспечным месцы, а потым прагледзьце інструкцыю, як безслядоўна выдаліць бот з тэлеграма.
-
2022-12-20 14:29:46+00:00
🕊"Пачуваюся спакойнай і ўпэўненай, дзякуючы падтрымцы людзей", — Наталля Дуліна з-за кратаў
Былую выкладчыцу МДЛУ затрымалі 3 кастрычніка ў межах крымінальнай справы за ўдзел у пратэстах (арт. 342 Крымінальнага кодэксу). Публікуем вытрымкі з ліста Наталлі:
"Мне очень приятно, что обо мне заботятся, это придает мне сил, убеждает в моей правоте и наполняет меня решимостью. И это помогает мне принять правильное решение и ничего не бояться. Ни о чем не жалею и знаю, что правота на моей стороне.
У меня здесь много свободного времени, сами понимаете. И я много думаю, обдумываю все, что нужно сделать и сказать. Чувствую себя спокойной и уверенной, благодаря поддержке людей, которые желают мне добра и разделяют мои ценности.
...Хожу на прогулку каждый день, дышу свежим воздухом. Очень приятно ходить по свежему белому снежку".
💌Падтрымайце Наталлю грашовымі пераводамі, пасылкамі і тэлеграмамі: СІЗА-1, 220030, Мінск, Валадарскага, 2, Наталля Алегаўна Дуліна
💻 Напісаць анлайн
-
2022-12-14 11:41:03+00:00
Працэс адбору ў КР завершаны на 80%. Ёсць і вострыя моманты
Працягваем празрысты працэс рэформы Каардынацыйнай рады і трымаем вас у курсе ўнутраных працэсаў. На сёння мы ўжо верыфікавалі ўсе заяўкі арганізацый і свабодных вылучэнцаў.
Як праходзіла верыфікацыя?
Падчас верыфікацыі працоўная каманда правярала чалавека па сваіх каналах, а пры неабходнасці звязвалася з асобай, пазначанай як верыфікатар. Гэта заняло шмат часу, але бяспека ўсіх сяброў і сябровак КР — самая важная рэч. Мы не можам дазволіць сабе ўцечкі інфармацыі.
Працэс адбору арганізацый завершаны на 80%, рашэнні аб прыняцці прымаюцца калегіяльна прамым галасаваннем дзейных сяброў і сябровак КР.
А што за вострыя моманты?
Як у любой дэмакратычнай структуры, не абыходзіцца і без вострых момантаў: зараз абмяркоўваецца, як прымаць у КР дыяспаральныя структуры. Справа ў тым, што заяўкі дасылалі парасонавыя дыяспаральныя арганізацыі і лакальныя суполкі актывістаў і актывістак замежных гарадоў.
Мы вырашылі абраць новых сяброў і сябровак якасна і павольна, а не хутка і без праверкі. Каардынацыйная рада імкнецца да таго, каб яе новы склад быў актыўным дзейным органам, здольным апрацоўваць запыты розных беларусаў і беларусак і дапамагаць ім набліжаць Новую Беларусь.
-
2022-12-09 18:11:57+00:00
Лекцыя Мікалая Кванталіані «Тонкасці экстрэмізму: чым гэта пагражае і як засцерагчы сябе?»
Прама зараз «Рухбот» запрашае ўсіх далучыцца да лекцыі эксперта па лічбавай бяспецы Мікалая Кванталіані, на якой вы даведаецеся:
— Што азначае прызнанне «Рухбота» экстрэмісцкімі матэрыяламі?
— Якія пагрозы гэта нясе для ўдзельнікаў і ўдзельніц?
— Якія меры важна распачаць, каб абараніць сябе ў Тэлеграм?
Далучыцца можна па спасылцы прама зараз.
Самае галоўнае зараз — гэта прымаць неабходныя меры бяспекі, пра якія і раскажа Мікалай.
-
2022-12-09 17:51:30+00:00
Падтрымаць Алеся Бяляцкага ў Міжнародны дзень правоў чалавека
Заўтра, у Міжнародны дзень правоў чалавека, адбудзецца цырымонія ўручэння Нобелеўскай прэміі міру. У гэтым годзе яе атрымалі кіраўнік «Вясны» Алесь Бяляцкі, украінскі «Цэнтр грамадзянскіх свабод» і расейскі «Мемарыял».
Лаўрэат Нобелеўскай прэміі не зможа патрапіць на цырымонію ўручэння, бо ўжо больш за 15 месяцаў знаходзіцца за кратамі. Праваабаронцу пагражае ад 7 да 12 гадоў зняволення.
Каб падтрымаць Алеся Бяляцкага і выказаць яму сваю падзяку за шматгадовую барацьбу, «Вясна» запрашае на сумесныя прагляды анлайн-трансляцыі з цырымоніі Нобелеўскай прэміі міру ў розных гарадах: Вільня, Варшава, Гданьск, Прага, Тбілісі і Лондан. Падрабязней пра месца і час — па спасылцы.
І яшчэ адна добрая навіна: была надрукавана і паедзе ў Осла кніга «Алесь Бяляцкі на Свабодзе» — зборнік асобных інтэрв'ю праваабаронцы, фрагменты дыскусіяў, рэпартажы пра ягоную дзейнасць пачынаючы з 90-х гадоў, думкі сяброў і паплечнікаў. Кнігу можна спампаваць: па спасылцы.
Нагадаем, што вы можаце падтрымаць Алеся Бяляцкага па адрасе: СІЗА-1, 220030, Мінск, Валадарскага, 2, Аляксандру Віктаравічу Бяляцкаму.
Гэта могуць быць лісты, тэлеграмы, пасылкі альбо грашовы перавод. А дасылаць лісты анлайн можна праз Майстэрню паштовак салідарнасці.
-
2022-12-08 13:48:25+00:00
«Больш турбуюся пра людзей у Беларусі». Юлія Міцкевіч аб завочных судах
СК пачаў працэс спецыяльнай вытворчасці ў дачыненні да прадстаўнікоў Кардынацыйнай рады. Як да гэтага ставяцца сябры КР?
– Абсалютна спакойна, таму што ўсё гэтае мае ўмоўную юрыдычную сілу, – адказвае Юлія Міцкевіч. – Такім чынам рэжым і асабіста Лукашэнка ў чарговы раз хочуць запужаць, каб паказаць, што нават знаходзячыся за мяжой, вы ад нашага правасуддзя не сыдзеце. Мы ведаем, што ў Беларусі прававы дэфолт і, адпаведна, я дакладна не баюся завочных судоў. Пазбавяць грамадзянства? Усё роўна гэта будзе хутка адноўлена. Які б там стэрміг не прысудзілі, ён будзе адменены, як толькі зменіцца рэжым у Беларусі.
Пры гэтым сяброўка КР дадае, што больш турбуецца за людзей у Беларусі, якія знаходзяцца пад крымінальным пераследам за сваю актывісцкую дзейнасць:
– Са свайго боку, як сяброўка КР і як грамадская і палітычная актывістка, я раблю сваю працу, каб яны не сядзелі ўвесь тэрмін, каб гэты рэжым як мага хутчэй пацярпеў паразу і мы ўсе вярнуліся ў родную Беларусь.
-
2022-12-07 10:45:04+00:00
Чым павінны займацца беларусы_кі ў Кантактнай групе па супрацоўніцтве паміж Радай Еўропы і Беларуссю? Збіраем вашыя прапановы
У 2022 годзе рашэннем Камітэта Міністраў Рады Еўропы была створаная Кантактная група па супрацоўніцтве паміж Радай Еўропы і Беларуссю. Падрабязней пра тое, як яна працуе і для чаго патрэбная па спасылцы: https://t.me/tsikhanouskaya/2923.
У склад групы ўвайшлі прадстаўнікі і прадстаўніцы дэмакратычных сілаў і грамадзянскай супольнасці Беларусі. Кантактная група будзе дзейнічаць на прынцыпах празрыстасці ва ўзаемадзеянні з шырокім колам грамадскіх ініцыятываў Беларусі.
Кантактнай групай ужо вызначаныя магчымыя тэмы супрацоўніцтва з Радай Еўропы. У вас ёсць магчымасць ацаніць актуальнасць гэтых тэмаў, прапанаваць як канкрэтныя дзеянні па пазначаных кірунках, так і дадатковыя тэмы, якія вам падаюцца важнымі.
Пераходзьце па спасылцы і выбірайце задачы для кантактнай групы: https://cutt.ly/A12wWJ2.
-
2022-12-06 12:03:15+00:00
❗️Мы экстрэмісты, але гэта нармальна
Сёння мы даведаліся, што наш канал, чат і бот прызналі «экстрэмісцкімі матэрыяламі».
Што важна ведаць Рухботаўцам:
⏺Для тых, хто ў Беларусі, рэпост, падпіска ці лайк могуць пагражаць вам адміністрацыйнай адказнасцю. Але ў канале, чаце и боце не бачна, хто дакладна падпісан і ставіць лайкі.
Таксама нагадваем, што наш чат-бот не збірае ніякіх асабістых дадзеных пра вас і ваш аккаунт.
И не забывайце пра наш пост пра тое, як схаваць выкарыстанне бота.
⏺Калі вы не ў Беларусі, то можаце падтрымаць наш праект падпіскамі і рэпостамі. Мы будзем вельмі ўдзячны, і гэта будзе важны ўнёсак у нашу агульную справу.
Памятайце пра бяспеку!
Пра асноўныя меры лічбавай бяспекі можна почытаць вось тут і тут. А дадатковыя крыніцы па тэме — тут.
І як звычайна, прызнанне нас экстрэмісцкімі матэрыяламі — чарговы доказ, што нашы з вамі «маленькія справы» зусім не маленькія, а маюць вялікае значэнне. Таму працягваем!
Дзякуй, што застаемся разам ❤️
-
2022-12-05 18:36:52+00:00
Маша Калеснікава пабачылася з бацькам
Сёння адбылося 10-хвіліннае спатканне Аляксандра Калеснікава з дачкой. Яно адбывалася пад наглядам лекараў і супрацоўнікаў калоніі. На фотаздымку са спаткання, які быў апублікаваны праўладнымі тэлеграм-каналамі, Маша як і заўсёды ўсміхаецца.
На выходных пасля аперацыі Марыю перавялі з гомельскай лякарні хуткай дапамогі ў медстацыянар калоніі. Яшчэ як мінімум 10 дзён яна будзе знаходзіцца пад назіраннем лекараў. Яе дыягназ – прабадная язва.
Маша прасіла перадаць лекарам, якія выратавалі яе жыццё, вялікі дзякуй.
-
2022-12-05 13:59:28+00:00
Увага! Далейшыя крокі рэформы КР
Дагэтуль мы ўжо пісалі пра далейшыя этапы рэфармавання Каардынацыйнай рады. Сёння раскажам трошкі падрабязней, што нас чакае на гэтым тыдні.
У сувязі з тым, што мы працягнулі тэрмін падачы заявак, мы таксама працягваем тэрмін іх апрацоўкі і далейшых этапаў рэформы.
Што нас зараз чакае?
— На гэтым тыдні КР скончыць апрацоўку заявак ад прадстаўнікоў і прадстаўніц арганізацый і яны атрымаюць лісты з вынікамі. Таксама мы завершым верыфікацыю свабодна вылучаных кандыдатаў і кандыдатак.
— Такім чынам, фармуецца пераходная Каардынацыйная рада у складзе мінулых чальцоў і прадстаўнікоў і прадстаўніц арганізацый. Пераходны склад КР вырашыць, хто са свабодна вылучаных кандыдатаў і кандыдатак далучыцца да новага складу КР.
— Апасля будзе анансаваны дзень агульнага паседжання новага складу КР.
Застаемся на сувязі!
-
2022-12-05 09:12:41+00:00
Сутнасць: дапускаць адэкватных атлетаў да спаборніцтваў. Пра працоўную групу ў справе спартовых санкцыяў
Рада Украіны ў партнёрстве з Беларускім фондам спартовай салідарнасці стварылі працоўную групу, якая будзе дапускаць атлетаў да міжнародных стартаў па прынцыпах маральнага кодэксу, а не па нацыянальнай прыналежнасці.
Структура створана для таго, каб удасканаліць санкцыйны падыход. Справа ў тым, што ў спартовым свеце шмат нюансаў. Мы ведаем, што ў Беларусі ёсць спартоўцы, у тым ліку з нацыянальных зборных, якія выступілі ў 2020 годзе супраць гвалту і пасля былі рэпрэсаваны. Пазбавіць іх магчымасці ўдзельнічаць у спаборніцтвах – несправядлівы ўдар у спіну па такіх людзях. З другога боку, мы ведаем, што зараз, напрыклад, у тэнісісткі Арыны Сабаленка, якая адкрыта падтрымала рэжым і ваенны напад Рассіі, ёсць усе магчымасці каб удзельнічаць індывідуальна ў міжнародных спаборніцтвах.
Каб вырашаць такія спорныя моманты і была створана працоўная група. Спартоўцы, якія ўваходзяць у Каардынацыйную раду вітаюць такі падыход і гатовы дзяліцца сваім досведам у межах працоўнай групы па спартовых санкцыях.
– Насамрэч мы ведаем, што праца над арганізацыяй такой камісіі вядзецца ўжо каля года, але вайна тут унесла свае карэктывы. У цэлым, працэс ужо запушчаны. На дадзены момант створаную працоўную камісію зацвердзіла РАДА Украіны, – каментуюць прадстаўнікі КР, якія ўдзельнічаюць у новай ініцыятыве. – Сутнасць не ў тым каб адхіляць, а ў тым каб дапускаць адэкватных спартоўцаў, то бок дзейнічаць па маральным кодэксе пры допуску атлетаў да стартаў, – падсумоўваюць сябры КР.
Ужо 6 снежня адбудзецца паседжанне выканкаму Міжнароднага алімпійскага камітэту да якога працоўная група плануе падрыхтаваць свае прапановы.
-
2022-12-03 11:00:42+00:00
Ці трэба спрабаваць абскарджваць прысуды?
Паразмаўлялі з юрыстам і сябрам КР Міхаілам Кірылюком на што гэта ўплывае абскарджанне прысудаў і калі варта гэтым займацца. Эксперт лічыць, што ў гэтым можа быць сэнс па трох прычынах:
1. Абскарджанне прысудаў можа дапамагчы «пацягнуць час», калі чалавек утрымліваецца не ў следчым ізалятары. Бо ў ізалятары, як часцей за ўсё кажуць, умовы значна меней лагодныя, чым у турме.
2. Ёсць прыклады, калі пасля абскарджання выносяць больш мяккія рашэнні. Такіх прыкладаў няшмат, але ўсё ж такі яны ёсць.
3. Гэта патрэбна дзеля таго, каб збіраць доказы злачынстваў і інфармацыю пра ўдзел людзей датычных да катаванняў беларусаў і беларусак.
– Такім чынам, пры абскарджанні ўсё ж ёсць верагоднасць змякчэння прысуду. Відавочна, невялікая, але ёсць. Але калі нават не спрабаваць абскардзіць, то верагоднасць увогуле нуль, – падсумоўвае юрыст.
-
2022-12-02 16:34:07+00:00
Дзяржава ў смартфоне. Пачалося бэта-тэставанне аплікацыі «Новая Беларусь»
«Новая Беларусь» – платформа, дзе змогуць гуртавацца беларусы і беларускі, каб атрымліваць дапамогу, шукаць і прапаноўваць працу, разам бавіць час, ладзіць праекты і прымаць супольныя рашэнні.
– Самае галоўнае – гэта людзі. Таму пачынаць падобныя платформы можна і трэба з аб'яднання людзей разам, узаемападтрымкі, вырашэння агульных ці асабістых праблем. Нам трэба прайсці разам доўгі шлях, і зрабіць гэта можна толькі адчуваючы беларуса і беларуску поплеч, – расказвае аб мэце праекта адзін з яго заснавальнікаў Павел Лібер.
Праца па стварэнні платформы працягваецца больш за год. Зараз ужо ёсць блокі з навінамі, гайдамі па рэлакацыі, медычнымі і юрыдычнымі сэрвісамі, культурніцкімі падзеямі, бізнесамі і магчымасцю праводзіць апытанні.
Пакуль Digital Belarus запушчаны ў тэставай версіі. Гэта амбітны праект, які будзе ўдасканальвацца пры дапамозе яго карыстальнікаў.
Спасылкі на аплiкацыю:
Play Market
App Store
-
2022-12-02 13:46:17+00:00
❗️Палітвязня Максіма Знака змясцілі ў ПКТ
Пра гэта паведамляе @defendersbelarus. У памяшканні камернага тыпу вязні маюць права атаварвацца у месяц толькі на 32 рублі, атрымваць адну бандэроль на паўгода і выходзіць на шпацыр на 30 хвілін. Таксама вядома, што перад гэтым адміністрацыя віцебскай калоніі тройчы змяшчала Максіма ў штрафны ізалятар.
Нагадаем, палітзняволеных Максіма Знака і Марыю Калеснікаву абвінавачвалі ў спробе захопу ўлады, публічных закліках да дзеянняў, скіраваных на прычыненне шкоды нацыянальнай бяспецы, і стварэнні экстрэмісцкага фарміравання. 6 верасня суддзя Сяргей Епіхаў асудзіў Знака да 10 гадоў калоніі.
💌 Заклікаем вас падтрымаць Максіма лістамі салідарнасці, тэлеграмамі і паштоўкамі: ПК № 3, 211322, Віцебская вобласць, г.п. Віцьба, Максіму Аляксандравічу Знаку
💻Напісаць анлайн
-
2022-12-27 12:02:27+00:00
Прысуд журналістцы Ксеніі Луцкіной пакінулі без зменаў
Вярхоўны Суд 27 снежня разглядзеў апеляцыйную скаргу палітзняволенай Ксеніі Луцкіной. Прысуд пакінулі без зменаў, а скаргу без задавальнення. Хутка Ксенію перавядуць у калонію.
Нагадаем, былую журналістку Белтэлерадыёкампаніі асудзілі да 8 гадоў калоніі. У зняволенні ў яе пачаліся моцныя праблемы са здароўем — у яе расце пухліна ў галаўным мозгу. Вядома, што яна адмовілася пісаць прашэнне аб памілаванні на імя Лукашэнкі.
💌Падтрымайце Ксенію: СІЗА-3. 246003, Гомель, Кніжная, 1А, Ксеніі Алегаўне Луцкіной
💻Напісаць анлайн 👉 bit.ly/3PIOcjz
-
2022-12-27 08:42:01+00:00
«Я не здаюся, і гэта самае важнае, што я магу тут зрабіць». Сіла людзей за кратамі
Утрыманне ў штрафных ізалятарах, пазбаўленне лістоў і спатканняў, холад і антысанітарныя ўмовы – рэжыму мала, што палітзняволеныя ўжо за кратамі, бо яму зразумела, што гэтых людзей нават кратамі не спыніць.
Кожны дзень мы атрымліваем новыя звесткі аб ціску на людзей у турмах і ад гэтых навін проста апускаюцца рукі. Робім для вас падборку цытат палітзняволеных, каб паказаць, што ім надае сілы.
Трымайцеся, сябры. Зараз проста самыя доўгія ночы.
-
2022-12-28 16:54:31+00:00
Як павіншаваць палітвязняў падчас святаў?
За кратамі за сваю прагу свабоды і справядлівасці зараз знаходзяцца 1450 палітвязняў. І вельмі важна, каб кожны і кожная з нас прысвяцілі трошкі свайго часу таму, каб стварыць для гэтых людзей маленькі святочны цуд і павіншаваць са святамі!
У картках дзелімся варыянтамі, якім чынам можна стварыць святочны настрой палітзняволеным!
Адрасы вязняў можна знайсці на «Вясне» альбо «пасябраваць» са зняволенымі праз politzek.me.
Давайце створым для нашых герояў адчуванне свята і падзелімся цеплынёй.
Яшчэ больш варыянтаў падтрымкі можна знайсці ў цудоўным сумесным артыкуле ад медыя «Сойка» і цэнтра «Вясна».
-
2022-12-31 15:02:18+00:00
Прэмія Бяляцкага, крыжыкі супраць вайны і спісы тэрарыстаў. Якім быў 2022?
Беларусы, нягледзячы на тое, што ў нас забралі магчымасць святкаваць і радавацца без усякіх «але», гэты складаны год заканчваецца.
У 2022 мы з вамі збіраліся на антываенныя акцыі, не галасавалі за новую канстытуцыю, перасталі здзіўляцца далучэнню ўсё новых медыя да спісу экстрэмісцкіх. Нашы сэрцы баляць ад выракаў на доўгія тэрміны палітвязням і радуюцца прэміі міру Алеся Бяляцкага.
У 2022 нас працягвалі саджаць на суткі за каментары і лайкі, нас выклікалі на допыты і прыязджалі да нас на працу.
Нас пужалі тэрарыстычнымі артыкуламі і пазбаўленнем роднага грамадзянства.
Але мы вытрымалі гэты год. Мы не схаваліся ў падвалах і не глядзім у вакно з чаканнем Новай Беларусі. Мы пішам лісты, данацім, валанцёрым, ездзім у госці да сваякоў палітвязняў, выконваем заданні РухБота і вышукаем праўдзівую інфармацыю.
У 2022 годзе Каардынацыйная рада пачала сваю рэформу, каб у 2023 яшчэ больш эфектыўна працаваць, аб’ядноўваючы вольных беларусаў у іх няспынным руху да дэмакратычнай і незалежнай краіны.
З новым годам, сябры!
Ваша Каардынацыйная рада.