Chats Search Engine

2023-01-01 18:28:01+00:00

Падзеі 1 студзеня ў Беларусі і вакол яе

☀️ У першы дзень 2023 году ў Беларусі пабіты тэмпэратурны рэкорд студзеня за ўвесь пэрыяд мэтэаназіраньняў

🥷 У Расеі шукаюць 6 дэзэртыраў, якія ўцяклі з ПВК «Вагнэр», сярод іх грамадзянін Беларусі

❌ Кіраўнік выведкі Ўкраіны цьвердзіць, што Беларусь закрые мяжу для выезду расейцаў

👲 Былы афіцэр расейскага ФСБ Ігар Стралкоў лічыць, што у 2023 годзе «Беларусь у любым выпадку будзе ўцягнутая ў ваенныя дзеяньні»

🥸 Аляксандар Лукашэнка падпісаў першы ў новым годзе ўказ, якім абвясьціў 2023-ці «годам міру»

2023-01-01 17:34:30+00:00

Гіркін-Стралкоў: «Ніхто Лукашэнку ніколі не прабачыць. Яго і да Гаагі не давязуць»

«Цяпер беларусы замерлі ў трывожным чаканьні: апынецца Беларусь у стане вайны ці не?» – разважае ў відэаблогу на сваім тг-канале былы афіцэр расейскага ФСБ Ігар Стралкоў.

На ягоную думку, у 2023 «Беларусь у любым выпадку будзе ўцягнутая ў ваенныя дзеяньні», калі нават не падтрымае сваімі ўзброенымі сіламі Расею ў гэтай вайне, рана ці позна, на думку Стралкова, адбудзецца ўварваньне з боку Ўкраіны ў Беларусь.

«Ніхто Лукашэнку ніколі не прабачыць, і яго таксама чакае ў лепшым выпадку Гаага – у выпадку паразы Расеі, а больш верагодна, што да Гаагі яго не давязуць», – кажа Стралкоў.

Ён ня лічыць мабілізацыю ў Беларусі верагоднай. «Магчыма, з тае прычыны, што кадравае войска – гэта адно, а прызваць значную частку насельніцтва, якое не цалкам ляяльнае – мяркую, што Лукашэнка на гэта ня пойдзе. Нават калі вайна будзе весьціся на тэрыторыі Беларусі», – кажа ён.

https://rferl.link/YX6a

2023-01-01 15:15:04+00:00

Харватыя стала Шэнгенскай краінай і перайшла на эўра. Што гэта дасьць беларусам

Харватыя з 1 студзеня ўступіла ў Шэнгенскую зону, стаўшы 27-м удзельнікам аб'яднаньня, паміж краінамі якога няма памежнага кантролю.

Цяпер беларусы, у якіх ёсьць шэнгенская віза, будуць мець магчымасьць уяжджаць у Харватыю і свабодна перамяшчацца ў межах Шэнгенскай зоны. Краіна таксама атрымала права выдаваць шэнгенскія візы.

Акрамя таго, Харватыя далучылася да зоны эўра і пачала выкарыстоўваць адзіную эўрапейскую валюту замест нацыянальнай валюты куна. Яна стала 20-й з 27 краін, якія перайшлі на эўра.

https://rferl.link/ZnA5

2023-01-01 14:16:01+00:00

У Расеі шукаюць 6 дэзэртыраў, якія ўцяклі з ПВК «Вагнэр», сярод іх грамадзянін Беларусі

Мабілізаваныя былыя зьняволеныя са зброяй зьбеглі з навучальнага цэнтру ПВК «Вагнэр» у Краснадонскім раёне Луганскай вобласьці. Сярод іх трое грамадзян Узбэкістану і па адным з Расеі, Беларусі і Кіргізстану.

Паводле дадзеных «Царьграда», найміты павінны былі адправіцца ў зону баявых дзеяньняў. Мяркуецца, што былыя вязьні могуць знаходзіцца на тэрыторыі Растоўскай вобласьці. Кіраўнік ПВК Прыгожын паведаміў, што «ў яго ёсьць уся неабходная інфармацыя».

6 сьнежня пад Навашахцінскам уцёк найміт ПВК «Вагнэр», параніў паліцыянта і потым суткі хаваўся. Яго затрымалі і завялі справу, ён у СІЗА.

https://rferl.link/JW3k

2023-01-01 13:33:01+00:00

Зяленскі ў навагоднім звароце назваў 2023 год годам перамогі Ўкраіны

Прэзыдэнт Украіны Ўладзімір Зяленскі і ягоная жонка Алена павіншавалі жыхароў краіны з Новым годам.

«Жадаць сёньня цудаў? Украінцы ўжо даўно робяць іх самі. Жадаць сапраўдных сяброў? Мы ўжо дакладна даведаліся, хто імі зьяўляецца», – цытуе словы прэзыдэнцкай пары тг-канал Zelenskiy/Official. 2023 Зяленскія называюць годам перамогі Ўкраіны ў вайне.

Замежныя лідэры і палітыкі згадвалі Ўкраіну ў сваіх навагодніх зваротах. Прэзыдэнт Францыі Эманюэль Макрон заявіў, што яго краіна будзе нязьменна падтрымліваць украінцаў у 2023 годзе. Былы прэм'ер Вялікабрытаніі Барыс Джонсан у сваім навагоднім віншаваньні ў твітары адзначыў, што прэзыдэнт Расеі Ўладзімір Пуцін прайграе вайну.

2023-01-01 12:55:36+00:00

Суд у «справе Tut.by» пачнецца 9 студзеня

Справу супраць кіраўнікоў і журналістаў парталу Tut.by пачнуць разглядаць 9 студзеня ў Менскім гарадзкім судзе. Судовы працэс ад самага пачатку будзе разглядацца ў закрытым рэжыме. Судзьдзя — Валянціна Зянькевіч, піша Вясна.

Цяпер пад вартай утрымліваюць галоўную рэдактарку Марына Золатава і былая генэральная дырэктарка Людміла Чэкіна. Раней Вользе Лойцы, Алене Талкачовай і Кацярыне Ткачэнцы зьмянілі меру стрыманьня.

У залежнасьці ад ролі кожнай, іх вінавацяць паводле чатырох артыкулаў Крымінальнага кодэксу: арт. 243 (Ухіленьне ад выплаты сум падаткаў, збораў), арт. 130 (распальваньне варожасьці), арт. 361 (Заклікі да санкцый, іншых дзеяньняў, накіраваных на прычыненьне шкоды нацыянальнай бясьпецы Рэспубліцы Беларусь) і арт. 342 (Актыўны ўдзел у групавых дзеяньнях, што груба парушаюць грамадзкі парадак).

2023-01-01 12:40:13+00:00

«А калі выбавіць з-за мяжы ня ўдасца — выкрасьці і даставіць сілай». Завочныя суды над «беглымі» — гэта толькі пачатак

Першыя завочныя суды над «беглымі», якія адбыліся ў канцы сьнежня, ня выклікалі таго прапагандысцкага эфэкту, на які, відавочна, разьлічвала ўлада.

https://rferl.link/XjaL

2023-01-01 11:48:15+00:00

Наступствы абстрэлаў Херсону і Кіева

У навагоднюю ноч расейскія войскі абстралялі Херсонскую абласную лякарню (фота 1 і 2). Пацярпелых няма. Фотаздымкі апублікавалі ўкраінскія ратавальнікі.

Reuters апублікавала фотаздымкі з Кіева, наступствы расейскіх абстрэлаў 31 сьнежня 2022 году. Абстрэлаў зазналі і іншыя рэгіёны. У Хмяльніцкім памерла 22-гадовая дзяўчына, якая напярэдадні атрымала траўмы пры абстрэле.

Вайна ва Ўкраіне доўжыцца ўжо 311-ы дзень. Расейцы рэгулярна атакуюць жылыя кварталы гарадоў і энэргасыстэму суседняй краіны.

2023-01-01 10:54:47+00:00

Палітзвязьня Юрыя Касьцюка будуць судзіць 10 студзеня

Справу будзе разглядаць судзьдзя Берасьцейскага абласнога суду Сьвятлана Крамянеўская, піша Вясна. Касьцюка абвінавачваюць паводле арт. 361-4 КК («садзейнічаньне экстрэмісцкай дзейнасьці»). Падставай пракуратура назвала тое, што Юры дапамагаў іншым палітвязьням: папрасіў знаёмых адкрыць польскую банкаўскую картку, куды атрымліваў грошы, якія пасьля накіроўваў сваякам палітвязьняў.

Раней Касьцюк адбыў тэрмін за «зьнявагу дзяржаўных сымбаляў» і 6 студзеня 2022 выйшаў на волю. А ўжо 15 лютага яго затрымаў КДБ з нагоды ўдзелу ў тэлеграм-чаце «Волейбол по выходным». Хлопец зьехаў у Расею, аднак яго затрымалі ў Сочы. Пазьней мужчыну таемна вывезьлі ў Беларусь.

2023-01-01 10:21:58+00:00

Сустрэча 2023 году ў сьвеце. ФОТА

1 — Атэны (Грэцыя)

2 — Бішкек (Кіргізстан)

3 — Джакарта (Інданэзія)

4 — Лёндан (Вялікая Брытанія)

5 — Нью-Дэлі (Індыя)

6 — Нью-Ёрк (ЗША)

7 — Парыж (Францыя)

8 — Пхэньян (Паўночная Карэя)

9 — Рыа-дэ-Жанэйра (Бразылія)

10 — Сыднэй (Аўстралія)

2023-01-01 09:39:36+00:00

Самае цёплае 1 студзеня

У першы дзень 2023 году ў Беларусі пабіты тэмпэратурны рэкорд студзеня за ўвесь пэрыяд мэтэаназіраньняў, прычым другі год запар. Тэрмомэтар паказаў абсалютны максымум студзеня: на захадзе краіны паветра прагрэлася да 12—14 градусаў вышэй за нуль пры экстрэмуме месяца 11,9 (22 студзеня 1993 году ў Высокім).

Іншыя тэмпэратурныя рэкорды: https://rferl.link/WXbZ

2023-01-01 08:49:53+00:00

Наша здароўе ТЭСТ

Пачнем Новы год з клопату пра здароўе і ўласны арганізм — па-беларуску.

https://rferl.link/MxYb

2023-01-01 07:56:01+00:00

Новае непаразуменьне паміж Нямеччынай і Польшчай, цяпер вакол АЭС

Улады адразу чатырох фэдэральных земляў Нямеччыны выступілі супраць таго, каб Польша будавала АЭС. У Варшаве такі пратэст немцаў сустрэў нэгатыўную рэакцыю ад усіх палітычных сілаў.

У чым сутнасьць нямецкіх прэтэнзій і чаму польскія палітыкі гавораць пра іншых суседзяў? Чытайце падрабязнасьці: https://rferl.link/o5ga

2023-01-01 07:09:33+00:00

👆🏾Запытайся ў Дубаўца. Дык у чым усё ж такі беларуская нацыянальная ідэя?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Здавалася б, колькі людзей, столькі меркаваньняў, ужо і кнігі напісаныя пра гэта. Але так бывае, што адказ насамрэч просты і ляжыць на паверхні. Наша нацыянальная ідэя ў тым, што мы — беларусы. Яна такая самая, як і ў іншых народаў.

Толькі ў адрозьненьне ад многіх іншых мы ня можам пакуль гэтую сваю ідэю рэалізаваць. Ані ў сэнсе мовы, ані ў сэнсе незалежнасьці, ані ў сэнсе свабоды. І таму адна простая ідэя рассыпаецца на многія адказы менавіта пра тое і там, дзе рэалізаваць пакуль не ўдаецца.

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-01 06:54:43+00:00

За навагоднюю ноч украінскія СПА зьбілі над Кіевам 23 дроны

Украінскія праваахоўнікі паказалі абломкі іранскага дрону-камікадзэ, які ўначы ляцеў на Кіеў, расейскія войскі пакінулі на ім «прывітаньне», напісаў кіраўнік Нацпаліцыі Кіеўшчыны Андрэй Небітаў у тэлеграме.

У навагоднюю ноч па ўсёй Украіне аб’яўлялі паветраную трывогу.

Удзень 31 сьнежня Расея нанесла ракетны ўдар па Ўкраіне. Паводле зьвестак Узброеных сіл Украіны, Расея атакавала 20 крылатымі ракетамі, 12 зь якіх зьбілі ўкраінскія вайскоўцы.

У Кіеве ў выніку атакі адбыліся разбурэньні ў чатырох раёнах гораду. Адзін чалавек загінуў, яшчэ 21 пацярпеў. Выбухі таксама прагрымелі ў Хмяльніцкім, Запарожжы і Мікалаеве.

2023-01-01 06:25:17+00:00

Вітаем чытачоў Свабоды ў новым, 2023 годзе!

1 студзеня ў гісторыі:

1919 — апублікаваны маніфэст аб стварэньні БССР.

1919 — у Вільні пачала працу беларуская гімназія (працавала да 1944, на фота яе былы будынак).

1929 — у Менску адкрылі Акадэмію навук БССР.

1956 — адбылася першая перадача тэлевізійнага цэнтру ў Менску.

1967 — заснавана галоўная рэдакцыя Беларускай Савецкай Энцыкляпэдыі.

Нарадзіліся:

1861 — Яўхім Карскі, заснавальнік беларускага мовазнаўства і літаратуразнаўства.

1909 — Сьцяпан Бандэра, украінскі палітычны дзеяч.

1920 — Барыс Рагуля, дзеяч беларускага нацыянальнага руху ў 1940-я, з 1971 году намесьнік старшыні Рады БНР.

1937 — Станіслаў Багданкевіч, эканаміст, былы старшыня Нацбанку Беларусі.

1938 — Данута Бічэль-Загнетава, беларуская паэтка.

1945 — Вольга Іпатава, беларуская пісьменьніца.

1952 — Юры Захаранка, беларускі палітык, зьніклы ў 1999 годзе.

1961 — Ігар Гермянчук, дэпутат Апазыцыі БНФ у Вярхоўным Савеце 12-га скліканьня, рэдактар газэты «Свабода».

2023-01-02 19:35:11+00:00

Латушка: Пашырэньне санкцый не наблізіць, а аддаліць уступленьне Менску ў вайну

Намесьнік старшыні Аб'яднанага пераходнага кабінэту лічыць памылковай думку, што ўзмацненьне жорсткасьці санкцый з боку Захаду супраць уладаў Беларусі «можа штурхнуць Лукашэнку да поўнамаштабнай вайны» з Украінай.

«ВПК Расеі і рэжыму разам выкарыстоўваюць беларускія межы з ЭЗ для абыходу сэктаральных санкцый»

https://rferl.link/VXOx

2023-01-02 19:00:29+00:00

Галоўнае за 2 студзеня

🔸 Валер Сахашчык апублікаваў здымак з галоўнакамандуючым Узброенымі сіламі Ўкраіны Валерыем Залужным. Што вядома

🔸 У Беларусі ўвялі абавязковую атэстацыю гідаў і аўдыёгідаў.

🔸 Што беларускія экспэрты прагназуюць на 2023 год?

🔸 Польшча зьняла забарону на наведваньне 200-мэтровай зоны ля мяжы зь Беларусьсю.

🔸 Генэральны сакратар NATO паабяцаў дапамагаць Украіне да перамогі.

🔸 Віцебскі арт-мэнэджэр і музыка ня выйшаў на волю пасьля «сутак».

2023-01-02 17:37:16+00:00

Уладзімер Булаўскі ня выйшаў на волю пасьля «сутак»

Мужчына знаходзіцца за кратамі з 14-га снежня мінулага году, піша « Вясна».

Паводле інфармацыі праавабронцаў, віцебскі арт-мэнэджэр асуджаны на чарговы адміністрацыйны арышт

2023-01-02 17:03:01+00:00

Гаспадар баранавіцкай крамы нацыянальнай сымболікі «Росквіт» быў вымушаны пакінуць Беларусь

Юры Казакевіч цяпер знаходзіцца ў бясьпецы. Пра гэта ён расказаў BPN.

«На працягу апошніх двух гадоў мяне перасьледавалі ня толькі таму, што я пратэставаў. Было стабільнае адчуваньне, што ціск зьвязаны менавіта з работай крамы», — адзначыў Казакевіч.

Паводле яго словаў, пачаліся праверкі ад ДФР. пагрозы завесьці крымінальныя справы.

2023-01-02 16:20:10+00:00

Зьявілася відэа з часова акупаванай Макееўкі, куды ў навагоднюю ноч ударылі ракеты комплексу HIMARS

2023-01-02 15:41:19+00:00

Ініцыятыва «Белыя халаты»: Мы ідзём да гуманітарнай катастрофы ў сыстэме аховы здароўя

Прадстаўнік ініцыятывы расказаў пра пэсымістычныя прагнозы беларускай мэдыцыны:

https://rferl.link/aLdD

2023-01-02 14:39:34+00:00

«Гэта ня першая іх сустрэча». Што вядома пра перамовы Сахашчыка і Залужнага

Прадстаўнік Аб’яднанага пераходнага кабінэту ў абароне і нацыянальнай бясьпецы Валер Сахашчык у сваіх сацыяльных сетках апублікаваў здымак з галоўнакамандуючым Узброенымі сіламі Ўкраіны Валерыем Залужным.

З крыніцаў, блізкіх да спадара Сахашчыка, нам стала вядома, што гэта ня першая сустрэча між Сахашчыкам і Залужным. Валера Сахашчыка прымаюць ва Ўкраіне на вельмі высокім узроўні. Расказваем, што пра яе вядома:

https://rferl.link/YXov

2023-01-02 13:22:52+00:00

Як паведамляе Міністэрства абароны Расеі, у Макееўцы загінулі 63 расейскія вайскоўцы. Аднак украінскі бок сьцьвярджае, што загінулых значна больш.

Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, пакуль немагчымая.

2023-01-02 13:12:19+00:00

У гандлёвых сетках «ОМА», «Востраў чысьціні і смаку», «Мацярык», «Эўраопт» праблемы з працай касавага абсталяваньня.

Некаторыя крамы зачыненыя з ранку 2 студзеня.

«Праблемы з касавым абсталяваньнем, якое пастаўляе і абслугоўвае „Тусон“. Фіскальны рэгістратар не ўстанаўлівае бягучы час на касе, супрацоўнікі „Тусона“ вырашыць праблему ня могуць», – паведамляе @zerkalo_io.

Таксама чытачы скардзяцца на падобныя праблемы з крамамі «Спортмастер», на некаторых запраўках сеткі «Газпрамнафта» і «Беларуснафта».

2023-01-02 12:58:12+00:00

У Расеі пракамэнтавалі інцыдэнт у Макееўцы.

Паводле «праваахоўных органаў ДНР», украінскія вайскоўцы вылічылі расейскіх салдатаў па высокай сотавай актыўнасьці.

Расейскі бок не называе колькасьць сваіх забітых вайскоўцаў, параненых, паводле іхніх падлікаў, больш за 15.

Украінскі бок заявіў пра каля 400 забітых расейцаў і каля 300 параненых.

Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, пакуль немагчымая.

2023-01-02 11:45:01+00:00

85% украінцаў супраць любых тэрытарыяльных саступак Расеі, нягледзячы на яе ракетныя атакі.

Такія выікі сацыялягічнага апытаньня ўкраінцаў.

Толькі 8% лічаць, што дзеля дасягненьня міру і захаваньня незалежнасьці можна адмовіцца ад некаторых тэрыторый.

https://rferl.link/jJny

2023-01-02 10:40:39+00:00

Аднавіў працу сайт беларускай экспэртнай ініцыятывы «Наше мнение», які ў 2003-м заснаваў Аляксандар Фядута.

«Гэта значыць, што рэпрэсіі, пасадкі і выцісканьне незадаволеных за мяжу не спыняе нашай дзейнасьці».

https://rferl.link/QAoB

2023-01-02 09:47:01+00:00

Кацярыну ў музэй, Суворава — на пераплаўку. Як зьнікаюць сымбалі расейскага імпэрыялізму

Здаецца, многія і ў Беларусі ўжо зразумелі, што Ленін і Калінін, а пагатоў Сталін і Дзяржынскі, павінны быць прыбраныя з пачэсных месцаў у цэнтрах гарадоў. Бо гэтыя людзі не заслугоўваюць ушанаваньня, а мастацкая і гістарычная каштоўнасьць канкрэтных помнікаў не губляецца ад знаходжаньня ў музэі.

Блог Алеся Чайчыца.

https://rferl.link/2VjR

2023-01-02 09:15:14+00:00

У Ватыкане пачалося разьвітаньне з Папам Рымскім на пэнсіі Бэнэдыктам XVI.

Ягонае цела без труны знаходзіцца ў базыліцы сьвятога Пятра. Чарга людзей, якія прыйшлі разьвітацца з былым кіраўніком Каталіцкай царквы, расьцягнулася па ўсёй плошчы сьвятога Пятра.

Бэнэдыкт XVI памёр ва ўзросьце 95 гадоў 31 сьнежня. Ён стаў Папам, які пражыў даўжэй за ўсіх іншых.

Ёзаф Ратцынгер (сапраўднае імя Папы Рымскага) кіраваў Каталіцкай царквой зь 2005 да 2013 году. Ён добраахвотна адмовіўся ад пасады і пайшоў на пэнсію па стане здароўя. Такое адбылося ўпершыню за амаль 600 апошніх гадоў.

Фота Reuters, AP

https://rferl.link/792k

2023-01-02 08:53:01+00:00

Інфляцыя сёлета ў Беларусі складзе 6%.

Такі прагноз на год зрабіў прэм'ер-міністар Раман Галоўчанка.

Летась у верасьні, зь ягоных словаў, рост цэнаў разагнаўся да 18%, але яго спынілі.

https://rferl.link/LE9O

2023-01-02 08:16:12+00:00

БЧБ-сьцяжок на пінжаку, сын Альгерд, «служыў у спэцназе».

Расказваем гісторыю любімага гісторыка Лукашэнкі.

https://rferl.link/By99

2023-01-02 07:31:01+00:00

У Беларусі ўвялі абавязковую атэстацыю гідаў і аўдыёгідаў.

Расказваем, якія яшчэ навацыі ў законе «Аб турызьме».

https://rferl.link/XjQm

2023-01-02 07:10:40+00:00

👆🏾Запытайся ў Дубаўца. Ці чужыя беларусам эўрапейскія каштоўнасьці?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Галоўныя эўрапейскія каштоўнасьці — гэта свабода, правы чалавека і вяршэнства закону. Прапаганда атаесамляе „эўрапейскія каштоўнасьці“ найперш з аднаполымі шлюбамі.

Між тым, правы чалавека — гэта найперш пра права на жыцьцё. Падумайце, ці маеце вы такое права, калі дзьверы ў вашу кватэру выбівае губопік? Дзе тая недатыкальнасьць асобы ці прэзумпцыя невінаватасьці, дзе свабода выказваньня думкі і выбару, якія і ёсьць эўрапейскімі каштоўнасьцямі? І дзе тое „иногда не до законов“, якім кіруецца ўзброены рэжым…

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-02 06:39:01+00:00

Чаго чакаць ад 2023 году?

🔸Ці пашлюць беларусаў ваяваць?

🔸Ці скончыцца вайна?

🔸Які будзе курс рубля?

Гэтыя і іншыя пытаньні мы задалі 20 экспэртам напярэдадні Новага году ў нашай традыцыйнай анкеце прагнозаў.

У сьнежні 2023 году мы падвядзем вынікі і вызначым, хто найлепш пацэліў у сваіх прадказаньнях.

https://rferl.link/3ew7

2023-01-02 06:18:58+00:00

У навагоднюю ноч у акупаванай Макееўцы на Данбасе ўкраінскія вайскоўцы забілі, паводле розных ацэнак, дзясяткі або сотні расейскіх мабілізаваных.

Расейскія салдаты месьціліся ў мясцовай вучэльні, па якой украінскія сілы нанесьлі ўдар.

Упраўленьне стратэгічных камунікацый Ўзброеных сілаў Украіны кажа пра 400 забітых і 300 параненых. Пракрамлёўскія каналы паведамляюць пра дзясяткі забітых. Афіцыйна расейскі бок не камэнтаваў гэты выпадак.

Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, пакуль немагчымая.

2023-01-02 06:00:06+00:00

Сахашчык сустрэўся з Залужным.

Фота з кіраўніком Узброеных сілаў Украіны Валерыем Залужным апублікаваў прадстаўнік Аб'яднанага пераходнага кабінэту дэмакратычных сілаў Беларусі Валер Сахашчык з подпісам «Плян гатовы».

2023-01-02 05:37:05+00:00

Чалом-здароў!

2 студзеня 1518 году Францішак Скарына выдаў у Празе Эклезіяст.

У 1839 годзе ​Люі Дагер зрабіў першы фатаздымак Месяца.

У 1981 годзе ў Менску заснавалі выдавецтва «Юнацтва».

Пачаўся 313-ы дзень поўнамаштабнай вайны Расеі супраць Украіны.

2023-01-03 20:48:08+00:00

«Беларускі Гаюн»: у Беларусь зноў прыляцеў расейскі самалёт-наводчык, як і 24 лютага

Паводле інфармацыі каналу, у 21:25 на аэрадром у Мачулішчах прызямліўся борт ДРЛА Іл-76 А-50У з рэгістрацыйным нумарам RF-50608. Папярэдні раз ён прылятаў у Беларусь 24 лютага 2022 году. Гэтыя самалёты выяўляюць цэлі і даюць кропкі для ўдараў пілётам зьнішчальнікаў.

«Самалёты такога тыпу выкарыстоўваюцца ў пары з МіГ-31К для выяўленьня нашых сыстэм СПА», — адзначае ўкраінскі тг-канал «Труха».

2023-01-03 20:39:43+00:00

Латушка заявіў, што ягоныя запыты з нагоды завочнага суду над ім праігнаравалі

«Я зьвяртаўся з просьбай паінфармаваць мяне і прадставіць копію абвінаваўчага заключэньня — адказу не атрымаў. Прасіў адваката выйсьці на сувязь — адказу не было. Зрабіў адвод адвакату, бо не лічу, што ён можа абараняць мае інтарэсы — адказу не атрымаў. Прапанаваў Zoom як сродак сувязі, каб узяць асабіста ўдзел у гэтым судовым пасяджэньні — адказу не атрымаў», — расказаў Павал Латушка.

Паўла Латушку, Сьвятлану Ціханоўскую і іншых фігурантаў справы КР пачнуць судзіць завочна ў рамках «спэцвытворчасьці» 17 студзеня.

2023-01-03 20:22:05+00:00

«Беларусам патрэбная ўласная песьня». 8 цытатаў Данчыка, якому сёньня споўнілася 65 гадоў

Багдан Андрусышын (Данчык) — журналіст, грамадзкі дзеяч, легендарны беларускі сьпявак 90-х з Амэрыкі, нашчадак сям’і Луцкевічаў (яго бабуля — Яніна Каханоўская, пляменьніца заснавальнікаў БНР Антона і Івана Луцкевічаў). Як музыка выдаў 6 альбомаў беларускіх песень. Як журналіст працаваў на Радыё Свабода з 1992 году.

Сабралі найбольш цікавыя выказваньні Данчыка зь ягоных перадачаў, блогаў, інтэрвію і падкастаў на Свабодзе:

https://rferl.link/DnR3

2023-01-03 19:57:12+00:00

Намесьнік кіраўніка Абʼяднанага пераходнага кабінэту Валер Кавалеўскі знаходзіцца з працоўным візытам у Вашынгтоне

У яго заплянаваныя сустрэчы ў Пэнтагоне, Дзярждэпартамэнце і Радзе нацыянальнай бясьпекі ЗША, у камітэтах замежных спраў абедзьвюх палат Кангрэсу, а таксама ў аналітычных цэнтрах і зь беларускай дыяспарай.

Асноўныя тэмы абмеркаваньня — падтрымка беларусаў у справе абароны незалежнасьці і сувэрэнітэту Беларусі і каардынацыя дзеяньняў на міжнароднай арэне ў гэтай справе; меры рэагаваньня на пашырэньне ўдзелу рэжыму Лукашэнкі ў расейскай агрэсіі супраць Украіны; павелічэньне дапамогі ЗША для беларускай грамадзянскай супольнасьці.

2023-01-03 19:24:52+00:00

Reuters: міжнародныя страхавальнікі адмаўляюцца мець справу зь Беларусьсю

Кампаніі, якія страхуюць рызыкі страхавальнікаў, больш ня будуць уключаць у полісы Беларусь, Расею і Ўкраіну, вынікае са справаздачы страхавога брокера Gallagher Re International, зь якой азнаёмілася Reuters. Паколькі перастрахоўвальнікі ня хочуць падпісваць полісы, то і страхавальнікі, якія пазбаўляюцца магчымасьці гарантаваць свае рызыкі, ня схільныя працаваць на нестабільным рынку.

Раней найбуйнейшыя сусьветныя страхавальнікі суднаў — American, North, UK і West — адмовіліся страхаваць ваенныя рызыкі ў Расеі, Беларусі і ва Ўкраіне. Такое ж рашэньне прынялі і японскія кампаніі.

2023-01-03 18:56:37+00:00

Галоўнае за 3 студзеня

👨🏻‍⚖️ Прызначылі суд над Сьвятланай Ціханоўскай і яе паплечнікамі

🎭 З опэрнага тэатру за грамадзянскую пазыцыю звольнілі ўжо чацьвёртага дырыгента

🚑 Аляксандар Фядута трапіў у турэмную бальніцу

✍🏻 Лукашэнка падпісаў указ аб новых правілах прыёму ў ВНУ, увёў льготы для сілавікоў

🇵🇱 Нацыянальная польская віза для беларусаў зноў стала платнай

2023-01-03 18:13:37+00:00

Лукіская турма ў цэнтры Вільні стала «музэем і зонай мастацтва». Параўноўваем яе зь менскай «Валадаркай»

Лукіскую турму ў цэнтры Вільні закрылі амаль 2 гады таму і перадалі ў арэнду прыватнай кампаніі. Цяпер там «зона мастацтва і музэя». Дырэктар новай прасторы «Лукіская турма 2.0» Повілас Ажэліс лічыць, што трансфармацыя месцаў — вельмі важная рэч. «Вы не павінны нішчыць і руйнаваць гэтыя будынкі. Вы павінны зьмяніць настрой гэтага месца, і яно таксама будзе сымбалем, сымбалем таго, як цяпер можна пераадолець мінулае і перайсьці на іншы ўзровень».

Журналіст Свабоды, былы палітвязень Алег Грузьдзіловіч наведаў музэй і крэатыўную прастору ў Лукіскай турме, параўнаў гэтае месца зь менскай «Валадаркай»:

https://youtu.be/M8DwLpyK77c

2023-01-03 17:30:09+00:00

«Гэта быў самы цяжкі зварот, бо ў такія часы знайсьці словы вельмі складана». Расказваем падрабязнасьці пра навагодні зварот Ціханоўскай

Зварот Ціханоўскай сабраў каля 250 тысяч праглядаў на Youtube-канале яе прэс-службы. Гэта ня лічачы стрымаў і тэлеграм-пляцовак. На новы 2022 год Ціханоўская выступала разам з камандай беларусаў. Сёлета было вырашана, каб яна выступала адна.

«Наша каманда разумела, што гэта сур’ёзная нагода, каб зьвярнуцца ня толькі да прыхільнікаў, але і да тых, хто не цікавіцца дэмакратычнымі сіламі. Але вельмі цікавіцца тым, каб на іхныя дамы не пачалі падаць бомбы, а паліцы ў крамах выглядалі не як у Савецкім Саюзе», — кажа Наста Рагатко, кіраўніца аддзелу камунікацый Офісу Сьвятланы Ціханоўскай.

Свабода пагутарыла з аўтаркамі прамовы і даведалася падрабязнасьці яе стварэньня:

https://rferl.link/gOBO

2023-01-03 16:47:37+00:00

Абавязковы экзамэн замест выпускных і льготы для «мэтавікаў»: зьмены ў правілах паступленьня ў ВНУ і каледжы

3 студзеня Лукашэнка падпісаў указ, які зацьвярджае новыя правілы паступленьня. Расказваем падрабязна, што мяняецца:

https://rferl.link/R2Jx

2023-01-03 16:23:45+00:00

З опэрнага тэатру за грамадзянскую пазыцыю звольнілі ўжо чацьвёртага дырыжора

Алега Лесуна звольнілі ў канцы сьнежня. Ён быў дырыжорам Тэатру опэры і балета Беларусі З 1999 году, у яго рэпэртуары —23 опэры і 13 балетаў.

Пачынаючы з 2020 году, Нацыянальны тэатар опэры і балету Беларусі давялося пакінуць дырыгентам Вячаславу Чарнуха-Волічу, Андрэю Галанаву і Івану Касьцяхіну. Ад таго часу тэатар згубіў яшчэ шмат супрацоўнікаў, вядомых далёка па-за межамі Беларусі.

2023-01-03 15:47:36+00:00

Каманда Зяленскага робіць стаўку на полк імя Каліноўскага, — украінскі экспэрт Магда

Украінскі палітоляг, дырэктар Інстытуту сусьветнай палітыкі Яўген Магда ў інтэрвію Свабодзе адказвае на пытаньне, ці сапраўды Кіеў чакае ўварваньня з тэрыторыі Беларусі, прагназуе, ці адбудзецца сёлета сустрэча Ціханоўскай зь Зяленскім, і тлумачыць, як зараз успрымае беларусаў звычайны ўкраінец:

https://rferl.link/aL3Y

2023-01-03 15:13:10+00:00

Ціханоўскую запрасілі выступіць на Сусьветным эканамічным форуме, які пройдзе ў Давосе з 16 па 20 студзеня

Сьвятлана Ціханоўская будзе выступаць на галоўнай сцэне разам з кіраўнікамі дзяржаў, яна плянуе зьвярнуць увагу на ролю Беларусі ў новай архітэктуры бясьпекі ў Эўропе, недапушчэньне выкарыстаньня беларускай тэрыторыі ў вайне супраць Украіны, сытуацыю з палітвязьнямі і палітычныя рэпрэсіі, паведамляе яе прэс-служба.

Афіцыйныя беларускія дэлегацыі не запрашалі да ўдзелу ў давоскім Эканамічным форуме з 1992 году, калі Беларусь прадстаўляў Станіслаў Шушкевіч.

У Беларусі 17 студзеня пачнуць завочны суд над Ціханоўскай, Латушкам і прадстаўнікамі Каардынацыйнай рады.

2023-01-03 14:51:27+00:00

Аляксандар Фядута трапіў у турэмную бальніцу

Ён трапіў туды амаль адразу пасьля пераводу ў магілёўскую калёнію, паведамляе @nashaniva. У палітвязьня абвастрыліся праблемы з сэрцам, зьявіліся ацёкі.

Фядуту прызналі вінаватым у «змове з мэтай захопу дзяржаўнай улады неканстытуцыйным шляхам» і асудзілі да 10 гадоў зьняволеньня.

2023-01-03 14:47:17+00:00

Выдача нацыянальнай польскай візы для беларусаў зноў стала платнай, консульскі збор — 35 эўра

Рашэньне аб спагнаньні консульскага збору прынята на год — да 31 сьнежня 2023 году, потым яго могуць перагледзець. У выпадку адмовы ў візе аплата не вяртаецца, пры падачы ў візавы цэнтар — дадатковы сэрвісны збор 11 эўра.

Выключэньні (вызваленыя ад аплаты збору):

▫️ тыя, хто прэтэндуе на гуманітарную візу;

▫️непаўналетнія 12-18 гадоў;

▫️тыя, хто прэтэндуе на візу на падставе «карты паляка»;

▫️асобы да 25 гадоў, якія наведваюць сэмінары, канфэрэнцыі, спартыўныя, культурныя або адукацыйныя мерапрыемствы, арганізаваныя некамэрцыйнымі арганізацыямі.

2023-01-03 14:28:08+00:00

У Менску тралейбус урэзаўся ў фуру

Пацярпелі 6 чалавек, сярод іх — 37-гадовая кіроўца тралейбуса. Дарослыя шпіталізаваныя ў Бальніцу хуткай мэдыцынскай дапамогі, дзіця ў РНПЦ нэўралёгіі і нэўрахірургіі, іх абсьледуюць і надаюць дапамогу, паведамляе Мінздароўя.

Фура спынілася ў крайняй правай паласе па вул. Акадэмічнай праз тэхнічную няспраўнасьць, піша СК.

2023-01-03 14:13:37+00:00

У Беларусі з ІТ-сэктару за 11 месяцаў 2022 году звольніліся 15,4 тысячы супрацоўнікаў

У Беларусі назіраецца імклівы адток супрацоўнікаў сфэры інфармацыйных тэхналёгій і абслугоўваньня. У параўнаньні са студзенем–лістападам 2021 году на працу ў ІТ-сэктар прынялі на 31,9 % менш супрацоўнікаў, а колькасьць звальненьняў павялічылася на 77,6%.

Найчасьцей беларускія ІТ-кампаніі і спэцыялісты пераяжджалі ў Польшчу і Літву.

2023-01-03 13:46:42+00:00

Ва Ўкраіне арыштавалі маёмасьць «Белінтэртранс» і завялі справу супраць яго службовых асобаў

Арыштавалі 32 чыгуначныя вагоны, 11 зь якіх былі зарэгістраваныя на юрыдычных асобаў Беларусі, іншыя належалі расейскім кампаніям. Украінскія сьледчыя расьсьледуюць справу паводле ч. 4 арт. 191 КК Ўкраіны — прысабечваньне або растрата чужой маёмасьці, у вялікіх памерах падчас ваеннага або надзвычайнага становішча.

«Белінтэртранс» цяпер найбольшы ў Беларусі транспартна-лягістычны цэнтар, які надае экспэдытарскія паслугі, а таксама свае тэрміналы і склады пад захоўваньне грузаў, мае шэраг прадстаўніцтваў у замежжы.

https://rferl.link/vjAE

2023-01-03 13:17:02+00:00

У Бразыліі разьвітваюцца са славутым футбалістам Пэле.

Легенда сусьветнага футболу памёр 29 сьнежня пасьля працяглай барацьбы з ракам. Разьвітацца зь ім прыйшлі сотні тысяч людзей. Па ўсёй Бразыліі абвясьцілі жалобу.

Больш фота: https://rferl.link/pRjb

2023-01-03 12:58:02+00:00

На вырашэньне «касавай праблемы» міністэрства па падатках і зборах Беларусі адвяло 10 дзён.

Збой касавых апаратаў у гандлёвых сетках, якія ўсталявала кампанія «Тусон», зьвязаны з праблемамі ў праграмным забесьпячэньні. Спэцыялісты ня могуць гарантаваць хуткага аднаўленьня працы касавых апаратаў.

https://rferl.link/0mdg

2023-01-03 12:27:01+00:00

«Год міру і стварэньня» ў разгар вайны і разбурэньня. Лукашэнка пераходзіць на мову Оруэла

2023 год аб’явілі «Годам міру» ў той самы момант, калі Беларусь усяляк падтрымлівае вайну Расеі супраць Украіны. Ды і ўнутраны канфлікт набывае формы халоднай грамадзянскай вайны, хоць ва ўказе згадваецца пра «згоду ў беларускім грамадзтве». І пра стварэньне неяк цяжка гаварыць ва ўмовах сучаснай Беларусі.

Блог Валера Карбалевіча.

https://rferl.link/xlQL

2023-01-03 12:04:09+00:00

Стала вядома, якія тэрміны далі Лівянтам падчас адміністрацыйнага суду.

Як стала вядома Свабодзе,

Яўген Лівянт атрымаў 14 дзён арышту,

Юлія ЛІвянт — 15 дзён,

Ганна Лівянт — 14 дзён.

Аляксея Іванова забралі 30 сьнежня, яго асудзілі на 14 сутак адміністрацыйнага арышту.

Малодшая дачка Лівянтаў Галіна знаходзіцца дома.

Цэнтар «Сто баллов» працягвае працаваць.

Паводле інфармацыі «Вясны», Яўгена асудзілі 29 сьнежня за «дробнае хуліганства».

2023-01-03 11:45:02+00:00

Дачка Яўгена Лівянта Ганна працуе бізнэс-аналітыкам у польскім філіяле EPAM, піша dev.by.

Сям'ю Лівянтаў затрымалі ў адзін дзень, 27 сьнежня. Рашэньне суду пакуль невядомае. Сваякі, паводле папярэдняй інфармацыі, знаходзяцца на Акрэсьціна.

У Лівянтаў ёсьць таксама малодшая дачка Галіна. upd. Яна знаходзіцца дома.

Фота з Facebook Юліі Лівянт. На фота сямʼя Лівянтаў з дзьвюма дачкамі.

https://rferl.link/vjB8

2023-01-03 11:22:33+00:00

Саўладальніка адукацыйнага цэнтра «100 баллов» Аляксея Іванова таксама затрымалі.

На відэа сілавікі прымусілі яго назваць свой даход за год і «прызнацца» ва «удзеле ў акцыях пратэсту» у 2020 годзе, піша «Вясна».

Раней стала вядома пра затрыманьне рэпэтытара Яўгена Лівянта, ягонай жонкі Юліі, іхняй старэйшай дачкі Ганны і ейнага мужа Мікіты Дразда.

https://rferl.link/vjB8

2023-01-03 11:16:02+00:00

Праваслаўны мітрапаліт Веньямін узнагародзіў граматай начальніка калёніі № 14 у Навасадах Барысаўскага раёну.

Там сядзяць найменей 6 палітвязьняў: Зьміцер Дашкевіч, Сяргей Дзяцук, Міхаіл Зубкоў, Пятро Канстанцінаў, Яўген Кузьмянкоў, Станіслаў Міхайлаў, заўважыў @pozirkonline.

Праваслаўны ярарх правёў богаслужбу ў турэмным храме, паведамляе прэс-служба Беларускага экзархата РПЦ. Архіярэйскія граматы атрымалі начальнік ПК № 14 палкоўнік Юры Васілевіч і камандзір 740-га зэнітнага ракетнага палка палкоўнік Андрэй Сарока.

2023-01-03 10:49:54+00:00

Жонку Яўгена Лівянта Юлію Лівянт таксама затрымалі адначасна з дачкой.

Яна на Акрэсьціна, паведамляе «Зеркало».

2023-01-03 10:45:06+00:00

Зьявіліся новыя правілы паступленьня ў вышэйшыя вучэльні.

Без уступных іспытаў плянуюць залічваць:

🔸пераможцаў міжнародных і рэспубліканскіх алімпіядаў,

🔸пераможцаў унівэрсытэцкіх алімпіядаў пры паступленьні ў гэтыя ВНУ,

🔸выпускнікоў Нацыянальнага дзіцячага тэхнапарку па рэкамэндацыі наглядальнай рады,

🔸выпускнікоў ліцэяў пры ўнівэрсытэтах пры паступленьні ў гэтыя ўнівэрсытэты,

🔸асобаў, якія здалі адзіны дзяржаўны іспыт у РФ (пры паступленьні на платную форму навучаньня).

Па-за конкурсам будуць залічваць:

🔹дзяцей вайскоўцаў і сілавікоў, якія сталі інвалідамі на службе,

🔹выхаванцаў ваенна-патрыятычных клюбаў пры паступленьні ў ВНУ Мінабароны, МУС, Памежнага камітэта і на ваенныя факультэты.

🔻Уводзяць асаблівыя ўмовы паступленьня на спэцыяльнасьці для Ўзброеных Сіл, транспартных войскаў і органаў памежнай службы. Туды трэба будзе здаць толькі два прадметы: мова і адзін профільны прадмет у форме ЦЭ або ЦТ.

2023-01-03 10:30:55+00:00

Сама меней 55 чалавек пакаралі па палітычных матывах ў Беларусі ў сьнежні.

🔸268 гадоў турмы.

🔸160 тысяч рублёў штрафаў.

Больш лічбаў: https://rferl.link/79Da

2023-01-03 09:53:28+00:00

Хакеры сьцьвярджаюць, што дабраліся да мэдычнай інфармацыі пра Лукашэнку.

Група, якая называе сябе «Аб’яднаны штаб супраціву», заявіла пра ўзлом сайту «галоўнай клінікі Лукашэнкі».

Атака на Рэспубліканскі клінічны мэдычны цэнтар, паводле іх, адбылася 31 сьнежня 2022 году. У выніку хакеры нібыта атрымалі мэдычную інфармацыю пра Лукашэнку і ягоную сямʼю. Адзін з пунктаў аналізу — як Лукашэнка (не) здаваў ПЦР-тэсты перад сустрэчамі з Пуціным.

Яны апублікавалі на сайце клінікі свой зварот. Галоўная тэма — палітвязьні. У тым, што беларусы застаюцца за кратамі, хакеры вінавацяць Лукашэнку, а таксама апазыцыю, у прыватнасьці Ціханоўскую і Латушку. Ім закідаюць намер весьці перамовы зь беларускім кіраўніцтвам.

«Аб'яднаны штаб супраціву» паабяцаў сам вызваліць палітвязьняў і памяняць уладу ў Беларусі.

«Зіма вашая — лета нашае», — напісалі яны ў адрас Лукашэнкі.

2023-01-03 09:33:01+00:00

Ці захаваюць уладу Лукашэнка і Пуцін: прагнозы беларускіх экспэртаў на 2023 год

Свабода, як і ў папярэднія гады, зьвярнулася да шэрагу экспэртаў з прапановай спрагназаваць, чаго чакаць беларусам у годзе, які толькі пачаўся.

У канцы году мы вернемся да гэтай анкеты і паглядзім, чые прагнозы аказаліся найбольш трапнымі.

Сёньня публікуем другую частку экспэртных прагнозаў на 2023 год.

https://rferl.link/dlaJ

2023-01-03 09:15:02+00:00

У Менску працягваецца фэстываль духоўнай музыкі «Калядныя вечары на Залатой Горцы».

Праграма разьлічана да 21 студзеня. Фэстываль праходзіць у касьцёле сьвятога Роха.

https://rferl.link/4VRx

2023-01-03 08:50:03+00:00

Як вызваліць палітвязьняў: спрэчка Мацукевіча і Шрайбмана

🔸Ці ёсьць умовы для ўгоды паміж Захадам і Лукашэнкам наконт вызваленьня палітвязьняў?

🔸Ці магчымыя мірныя перамовы ў Беларусі?

🔸Якой павінна быць пазыцыя дэмакратычных сілаў адносна перамоваў паміж рэжымам і Захадам?

Наконт гэтых пытаньняў на канале Свабода Premium спрачаюцца старшы аналітык Цэнтру новых ідэй, былы дыплямат Павал Мацукевіч і палітычны аналітык Арцём Шрайбман.

https://rferl.link/nQdX

2023-01-03 08:31:02+00:00

У Гомлі пачаўся закрыты суд за фота аэрадрома Зябраўка і «здраду дзяржаве».

Жыхару вёскі Зябраўка Гомельскага раёна Яўгену Глушкову пагражае да 15 гадоў калёніі.

https://rferl.link/EdWZ

2023-01-03 08:09:19+00:00

Затрымалі дачку рэпэтытара Яўгена Лівянта Ганну.

Яе затрымалі разам з мужам Мікітам Драздом пры вяртаньні з Польшчы ў сьнежні 2022 году, піша @mediazona_by.

У відэа сілавікоў жанчына кажа, што ў 2020 годзе ўдзельнічала ў «несанкцыянаваных масавых мерапрыемствах».

Вядомага рэпэтытара Яўгена Лівянта затрымалі 28 сьнежня. Яму закідаюць «удзел у пратэстах» і «распаўсюд экстрэмізму».

https://rferl.link/vjB8

2023-01-03 08:03:01+00:00

Курс наяўнага даляра да беларускага рубля ў сьнежні вырас на 12%, за год – на 5,9%.

За апошнія 10 гадоў наяўны даляр падаражэў у 3,15 разоў.

https://rferl.link/eOm1

2023-01-03 07:44:01+00:00

Жыхар Кіева спрабаваў выкрасьці графіці Бэнксі ва Ўкраіне

Яму пагражае да 12 гадоў турмы.

Малюнак вядомага брытанскага стрыт-мастака «Жанчына ў процівагазе» ацэньваюць у 244 тысячы даляраў.

Паводле ўкраінскіх мэдыя, малюнак зрэзалі са сьцяны дома ў Гастомлі пад Кіевам 2 сьнежня.

Злачынец спрабаваў перавезьці графіці з дапамогай драўляных дошак і поліэтылену. Аднак дзякуючы паказаньням мясцовых жыхароў і дзеяньням сілавікоў твор вярнулі.

У справе праходзяць 8 чалавек, якія садзейнічалі выкраданьню.

2023-01-03 07:25:16+00:00

Збой у працы касавага абсталяваньня ў шэрагу сеткавых беларускіх крамаў працягваецца.

Яго абяцаюць выправіць цягам сёньняшняга дня.

Збой пачаўся 2 студзеня.

https://rferl.link/9Mnz

2023-01-03 07:10:39+00:00

👆🏾Запытайся ў Дубаўца. Калі беларусы-уцекачы змогуць вярнуцца дадому?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Як ні парадаксальна гэта гучыць, тады, калі перастануць мець на гэта надзею — надзею на цудоўныя перамены. Калі будуць спадзявацца толькі на сябе і сваіх блізкіх, а гэта значыць, калі будуць мацаваць супольнасьць, пераходзіць на беларускую мову і рабіць добрыя справы, хоць бы і самыя дробныя, але кожны дзень.

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-03 06:55:58+00:00

У Мінабароны Беларусі паскардзіліся, што заходнія краіны беспадстаўна бачаць у Беларусі суперніка.

«Кіраўнікі так званыя эўрапейскіх дзяржаў — яны недамоваздольныя. Бо яны ня могуць самі прымаць якія-небудзь рашэньні... На вучэньнях з Расеяй мы адпрацоўваем вайну з NATO».

https://rferl.link/gOdy

2023-01-03 06:39:02+00:00

Публікацыі Свабоды, якія выйшлі на вялікіх выходных:

👉🏾 «Гэта ня першая іх сустрэча». Што вядома пра перамовы Сахашчыка і Залужнага

👉🏾 БЧБ-сьцяжок на пінжаку, сын Альгерд. Расказваем гісторыю любімага гісторыка Лукашэнкі

👉🏾Вайна, палітвязьні, прызнаньне Ціханоўскай: прагнозы беларускіх экспэртаў на 2023 год

👉🏾 «А калі выбавіць з-за мяжы ня ўдасца — выкрасьці і даставіць сілай». Завочныя суды над «беглымі» — гэта толькі пачатак

👉🏾 «Важна данесьці палякам, што беларусы не „саветы“, а сучасны народ». Зьявілася адукацыйная онлайн-гульня пра беларускія пратэсты

👉🏾 Кіраўнік Свабоднага тэатру Мікалай Халезін: «Мы хочам стварыць глябальны беларускі прадукт»

👉🏾 Кацярыну ў музэй, Суворава — на пераплаўку. Як зьнікаюць сымбалі расейскага імпэрыялізму

👉🏾 Чаму Бэнэдыкт XVI мог бы навучыць Лукашэнку (і ня толькі)

👉🏾 Наша здароўе. ТЭСТ

2023-01-03 06:22:01+00:00

У Беларусі пачалі выпускаць марозіва бяз цукру і ляктозы.

У яго паніжаная калярыйнасьць. Яго могуць ужываць людзі, якія прытрымліваюцца дыетычнага харчаваньня, у тым ліку хворыя на цукровы дыябэт і ляктозную недастатковасьць.

Марозіва распрацавалі спэцыялісты Інстытута мяса-малочнай прамысловасьці. Яго ўжо выпусьцілі больш за 100 тон, піша БелТА.

На ўпакоўцы буйнымі літарамі напісана, што прадукт зьмяшчае сарбіт.

2023-01-03 05:54:08+00:00

Генштаб Украіны: украінскія сілы нанесьлі ўдары ў Херсонскай вобласьці, страты расейцаў – каля 500 параненымі і забітымі.

🔸«Падразьдзяленьні Ўзброеных сілаў Украіны канстатавалі агнястрэльнае паражэньне жывой сілы і баявой тэхнікі праціўніка ў паселішчы Чулакоўка Херсонскай вобласьці», – заяўляе Генштаб.

Паводле яго, гэта адбылося 31 сьнежня, там паўтысячы ахвяраў.

🔸01 студзеня ўкраінскія вайскоўцы ўдарылі па расейскіх у раёне паселішча Фёдараўка Херсонскай вобласці, колькасць стратаў расейскага боку невядомая.

Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, пакуль немагчымая.

Ілюстрацыйнае фота, Херсон, 24 сьнежня 2022 году

2023-01-03 05:40:39+00:00

Сёньня ў Беларусі сіноптыкі абвясьцілі аранжавы ўзровень небясьпекі.

Ранкам і днём у многіх раёнах чакаецца ўзмацненьне заходняга ветру парывамі да 15-20 м/с.

МНС папярэджвае, што могуць абарвацца лініі сувязі і электраперадач, адключыцца электрычныя падстанцыі ў паселішчах, абваліцца слаба ўмацаваныя канструкцыі, дахі будынкаў, упасьці дрэвы.

Праз павышаную тэмпэратуру растае сьнег, у выніку магчымыя затапленьні ад рэк і адталых водаў. Праз паслабленьне трываласьці лёду вырастае небясьпека няшчасных выпадкаў.

2023-01-03 05:11:51+00:00

Чалом-здароў!

3 студзеня 1906 году ў Менску пачалі выдаваць расейскую нацыяналістычную газэту «Минское слово».

У 1959 годзе Аляску прызналі 49-м штатам ЗША.

Сёньня спаўняецца 65 гадоў Багдану Андрусышыну (Данчыку), журналістку і сьпеваку (на фота). Ён нарадзіўся ў Нью-Ёрку, скончыў Унівэрсытэт Нью-Ёрку са ступеньню бакаляўра журналістыкі. Працаваў на Свабодзе з 1992 да 2021 году. Як музыка, выдаў 6 альбомаў беларускіх песень.

Пачаўся 314-ы дзень поўнамаштабнай вайны Расеі супраць Украіны.

2023-01-04 20:55:30+00:00

У Беларусі вырасьлі штрафы. За лаянку і курэньне ў забароненых месцах — да 1110 рублёў, за самавольную перапляніроўку — да 1850 рублёў

З 1 студзеня ў Беларусі да 37 рублёў павысілі базавую велічыню. Зь яе ростам павялічыліся і некаторыя штрафы, дапамогі і стыпэндыі. Што павялічылі і наколькі:

https://rferl.link/WXlO

2023-01-04 20:34:37+00:00

Кампанію Meta, якая валодае сацсеткамі Facebook і Instagram, аштрафавалі на 390 мільёнаў эўра

Пра гэта заявіла ірляндзкая кампанія-рэгулятар у галіне абароны пэрсанальных дадзеных DPC. Апроч аплаты штрафу, Meta загадалі зьмяніць свае правілы абыходжаньня з асабістымі дадзенымі на працягу 3 месяцаў. Па ацэнках DPC, Meta залішне свабодна распараджаецца асабістай інфармацыяй падпісантаў і выкарыстоўвае ў рэклямных мэтах дадзеныя, якія мусяць быць канфідэнцыйнымі па законах ЭЗ.

Meta і прыналежныя ёй Facebook і Instagram ужо неаднойчы штрафавалі ў ЭЗ за занадта вольнае па эўрапейскіх законах абыходжаньне з асабістымі дадзенымі падпісантаў.

2023-01-04 20:10:41+00:00

ГУБАЗіК затрымаў падлеткаў 13 і 15 гадоў. Сілавікі назвалі іх «зародкамі нэанацызму»

«Займаліся прапагандай нацызму ў TikTok, распальвалі сацыяльную варожасьць у адносінах да рускай нацыі. Адзін зь іх усяляк піярыць бчб-дзьвіжуху ў сетцы», — гаворыцца ў паведамленьні сілавікоў. Супрацоўнікі ГУБАЗіК паказалі і «доказы злачынства» — тры нібыта знойдзеныя ў іх сацсетках карцінкі. Што было з падлеткамі пасьля затрыманьня, сілавікі не паведамляюць, заўважыла @zerkalo_io.

2023-01-04 19:24:39+00:00

Што стаіць за арыштамі мэдыкаў і прадстаўнікоў замежных фармакампаній і як гэта адаб’ецца на пацыентах? Расьсьледаваньне Свабоды

Генпракуратура заявіла, што выявіла схему схаванага подкупу мэдыкаў замежнымі фармацэўтычнымі кампаніямі з мэтай прасоўваньня іх на мэдычным рынку. Сілавікі заявілі пра шэраг затрыманьняў.

Свабода паспрабавала разабрацца, што стаіць за заявамі і арыштамі, як гэта адаб’ецца на наяўнасьці лекаў замежнай вытворчасьці і на агульнай атмасфэры ў сыстэме аховы здароўя Беларусі:

https://rferl.link/dlvk

2023-01-04 19:08:46+00:00

Галоўнае за 4 студзеня

💰 У 2023 годзе ў Беларусі павялічылі шэраг падаткаў. Зьмены закрануць многіх

👨🏼‍⚕️ У Беларусі ўвялі абавязковы для ўсіх мэдагляд

🕵🏻‍♂️ Ва Ўкраіне затрымалі ўкраінца, які працаваў на спэцслужбы Беларусі. У Польшчы будуць судзіць беларуса і расейца, якіх падазраюць у шпіянажы на ГРУ

🧑🏻‍💻 Хакеры заявілі, што ўзламалі сайт «Лечкамісіі». У клініцы кажуць, што «ніхто нічога ня ўзломваў»

🧒🏼Дачка палітвязьняў 4-гадовая Паўліна Лосік сьвяткуе дзень народзінаў без бацькоў. Яе маці Дар’ю пачнуць судзіць 18 сьнежня

👮🏻‍♂️ Мінімум 6 380 затрыманых: вынікі адміністрацыйнага перасьледу беларусаў у 2022 годзе

🗣 Прагнозы экспэртаў Свабоды: 2023-і — год паўзы

2023-01-04 18:34:04+00:00

Вырасьлі консульскія зборы на паслугі, якія можна атрымаць у дыпляматычных прадстаўніцтвах Беларусі за мяжой

▫️ Так, збор за рэгістрацыю шлюбу цяпер складае 100 эўра (раней 50 эўра),

▫️ скасаваньне шлюбу — 200 эўра (раней 50),

▫️выхад з грамадзянства — 400 эўра (раней 250),

▫️зьмяніць прозьвішча — 200 эўра (раней 70),

▫️ атрымаць або абмяняць пашпарт — 50 эўра (раней - 40),

▫️апастыль на дакумэнце — 50 эўра (раней — 35), столькі ж — запыт дакумэнта з-за мяжы ці атрыманьне даведкі;

▫️ афармленьне завяшчаньня — 100 эўра (раней 35).

2023-01-04 17:56:15+00:00

CNN: У зьбітым ва Ўкраіне іранскім бесьпілётніку Shahed знайшлі больш за дзясятак камплектуючых заходніх кампаній

CNN спасылаецца на ацэнкі ўкраінскай выведкі, перададзеныя амэрыканскім чыноўнікам. Так, з 52 ідэнтыфікаваных кампанэнтаў дронаў 40 вырабляліся 13 рознымі амэрыканскімі кампаніямі, астатнія 12 — гэта кампаніі ў Канадзе, Швайцарыі, Японіі, Тайвані і Кітаі.

Імаверна, іранскія кампаніі, якія трапілі пад санкцыі, пасьпяхова абыходзяць абмежаваньні. Няма доказаў, што нейкая амэрыканская кампанія парушае закон і сьвядома экспартуе тэхналёгіі бесьпілётнікаў. Экспэрты кажуць, што Расеі і Ірану нашмат прасьцей стварыць падстаўныя кампаніі для закупу тавараў, чым уладам заходніх краін іх выкрыць.

2023-01-04 17:19:17+00:00

«Просіць падручнікі, значыць, мае пляны на будучыню». Навіны былых гомельскіх журналістаў, якія трапілі за краты

13 верасьня ў Гомлі затрымалі гісторыка і краязнаўцу, былога журналіста Яўгена Меркіса, ён дагэтуль у СІЗА. 6 сьнежня ў Гомлі затрымалі былую журналістку Ларысу Шчыракову.

Свабода даведалася пра навіны ад іх:

https://rferl.link/nQRb

2023-01-04 16:50:08+00:00

Дар'ю Лосік пачнуць судзіць 18 студзеня

Справу палітзьняволенай бадуць разглядаць у Берасьцейскім абласным судзе. Працэс будзе весьці судзьдзя Мікалай Грыгаровіч, даведалася «Вясна».

2023-01-04 16:39:34+00:00

Мінімум 6 380 затрыманых: вынікі адміністрацыйнага перасьледу беларусаў у 2022 годзе

Па зьвестках праваабаронцаў «Вясны», агулам за 2022 год было затрымана ня менш за 6381 чалавек — гэта мінімум 17 чалавек у дзень. Зь іх амаль паўтары тысячы — жанчыны, яшчэ каля пяці тысяч — мужчыны. Было затрымана ня менш за 15 непаўнагадовых дзяцей.

Беларускія суды прызначылі сама меней 938 штрафаў на агульную суму ў 888 224 рублі (амаль 325 тысяч даляраў) і 2 274 арыштаў — на ўсіх 28 804 сутак (амаль 78 гадоў).

Больш пра рэпрэсіі ў 2022 годзе — у інфаграфіцы @viasna96 👆🏻, а таксама 👉🏻 па спасылцы

2023-01-04 15:52:39+00:00

«Аскепак гранаты чэрап бы не прабіў, але было б непрыемна». Беларускага добраахвотніка «Тора» параніла на фронце на Новы год

Беларускі батальён «Волат» цяпер на перадавой. Хлопцы не называюць кірунак (дэталі раскрываць забаронена), але кажуць, што там адбываюцца важныя баі. 31 сьнежня адразу двое «каліноўцаў» атрымалі раненьні.

Як расказваў Свабодзе 25-гадовы пінчук Кірыл «Тор» Іваноў, адзін з аскепкаў прыляцеў яму ў шалом, некалькі трапілі ў бронекамізэльку, самае значнае раненьне — аскепак трапіў у сьцягно. Цяпер Кірыл на лячэньні.

Пагутарылі зь ім пра раненьне і пра тое, як ваяры адзначылі на Новы год:

https://rferl.link/3enX

2023-01-04 15:18:36+00:00

Палітвязьню Ігару Лосіку не дазваляюць ліставацца з жонкай Дар’яй, пакуль яна ў СІЗА

У лістах Ігар Лосік піша, што вельмі перажывае за Дашу. Просіць як мага больш пісаць пра яе, якія ў яе навіны. Лісты ад Ігара даходзяць толькі ягоным бацькам. Пакуль Дар’я ў СІЗА, а муж у калёніі, ліставаньне паміж імі забаронена.

Дачка палітзьняволеных Ігара і Дар’і Лосікаў сустракае трэці дзень народзінаў бяз бацькі, першы — і бяз маці. На сваё 4-годзьдзе дзяўчынка сама ўпрыгожыла сьвяточны торт. Расказваем апошнія навіны ад сям'і Лосікаў:

https://rferl.link/zZ7b

2023-01-04 14:41:59+00:00

«Немагчымасьць падняць цэны пагоршыла сытуацыю». Адкуль у «Віталюра» праблемы з пазыкамі і жаданьне здаць нерухомасьць у арэнду

Адзін з буйнейшых рытэйлераў у Беларусі мае даўгі перад пастаўшчыкамі і зьбіраецца здаваць амаль усе свае крамы ў арэнду канкурэнтам. Разьбіраемся, што да гэтага прывяло і чаго чакаць далей:

https://rferl.link/eOlY

2023-01-04 14:14:00+00:00

Кіраўнік украінскай выведкі анансаваў «вялікі наступ» Украіны вясной і заявіў, што баі ў сакавіку будуць самымі лютымі

Наступ будзе адбывацца па ўсёй тэрыторыі Ўкраіны, ад Крыму да Данбасу, бо мэта Ўкраіны — вяртаньне да межаў 1991 году, заявіў у інтэрвію ABC News Кірыл Буданаў. Таксама ён сказаў, што напады на тэрыторыі Расеі будуць адбывацца ўсё «глыбей і глыбей». Ці стаіць за гэтым Украіна, ён паабяцаў пракамэнтаваць толькі пасьля заканчэньня вайны.

2023-01-04 13:53:20+00:00

Беларускі бізнэсовец расказаў аб рэпрэсіях сілавікоў за данаты ўкраінскаму войску

У канцы лютага 42-гадовы Аляксандар пералічыў каля 2 тыс. эўра для Ўзброеных сіл Украіны. Пасьля гэтага яго забралі на размову ў КДБ, а потым абвясьцілі падазраваным у фінансаваньні тэрарызму. У дадатак у мужчыны арыштавалі маёмасьць — кватэру, бізнэс, асабістыя рахункі і нават картку 10-гадовага сына з інваліднасьцю.

Мужчына пасьпеў зьехаць разам зь сям’ёй. Але сілавікі ўзяліся за яго бацькоў: настойліва патрабуюць, каб яны ўгаварылі сына вярнуцца ў краіну. Падрабязьней:

https://rferl.link/WXgO

2023-01-04 13:27:01+00:00

Фрагмэнт зь ліста Мікалая Статкевіча жонцы ад 29 сьнежня, калі ён выйшаў з штрафнога ізалятару.

«Я там хаджу, бо месца там не раўнуй болей, чым у адзіночках. Тым болей што ў маёй цяперашняй камэры, як ні скарочвай крок, болей за чатыры ад вакна да дзьвярэй не атрымоўваецца.

Ды й „бонусаў“ у 5-7 см у шырыню, які быў паверхам вышэй, таксама няма. Бо сьцены таўсьцейшыя. Затое цяплей...

Падзякуй ад мяне усім, хто спрабаваў павіншаваць мяне, хто маліўся за нас».

https://rferl.link/yR7R

2023-01-04 13:05:02+00:00

СБУ заявіла, што затрымала пад Чарнігавам ўкраінца, які працаваў на спэцслужбы Беларусі

Паводле СБУ, ён дапамагаў украінцам прызыўнога ўзросту выехаць з краіны, а таксама зьбіраў інфармацыю аб дысьлякацыі і перамяшчэньні ўкраінскіх войскаў.

https://rferl.link/Oako

2023-01-04 12:42:01+00:00

А КАБ ЦЯБЕ ЦЯ́МІЛА! Зычэньні добра здаць экзамэн — па-беларуску

Хтосьці акурат здае (або прымае) сэсію.

У Расеі скажуць: „Ни пуха ни пера!“.

У германскіх мовах тут мэдычная карта траўматоляга: па-ангельску Break a leg! — ‘зламі нагу!’. Па-нямецку яшчэ горш: Hals- und Beinbruch! — ‘зламі шыю і нагу!’.

Беларускія зычэньні ўдачы зьвязаныя з рамяством, напрыклад: Рыбно вам! — Хоць ня рыбна, ды юшна!.

Або: А каб цябе ця́міла! Слова цяміць мае два значэньні — або ‘прапасьці’, або — ‘быць разумным, кемлівым’. Такі двухсэнсоўны жартоўны праклён пасуе студэнтам.

Больш падрабязна ў артыкуле https://rferl.link/2VG0

2023-01-04 12:21:00+00:00

Спадарожнікавыя фота Макееўкі да ўдару і пасьля.

Першае фота — 20 сьнежня 2022 году

Другое фота — 2 студзеня 2023 году

У навагоднюю ноч ўкраінскія вайскоўцы нанесьлі ўдар па вучэльні ў акупаваным украінскім горадзе Макееўка Данецкай вобласьці, дзе месьціліся расейскія салдаты. Паводле расейскага боку, загінула 89 расейцаў, паводле ўкраінскага – каля 400.

Фота Planet Labs

Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, пакуль немагчымая.

2023-01-04 11:58:51+00:00

Мужчын ад 18 ад 60 гадоў просяць прыйсьці ў вайсковы камісарыят Барысава.

Адпаведны бягучы радок зьявіўся на аўтавакзале райцэнтра.

«Усім грамадзянам мужчынскага полу ад 18 да 60 гадоў неабходна прыбыць у вайсковы камісарыят або сельскі выканаўчы камітэт для ўдакладненьня ўліковых зьвестак», – пераказвае словы звароту @zerkalo_io.

✋🏾Калі вы бачылі падобныя звароты ў вашым паселішчы або вам ёсьць, што расказаць пра сытуацыю з «удакладненьнем зьвестак», напішыце нам, калі ласка, на @SvabodaBelarus або на Signal (нумар +380502605369).

Таксама можаце скарыстацца звышбясьпечным каналам сувязі з рэдакцыяй праз плятформу Globaleaks.

Дзякуем за дапамогу!

2023-01-04 11:39:01+00:00

Эдуард Бабарыка стаў рэкардсмэнам Беларусі ў знаходжаньні ў СІЗА падчас папярэдняга сьледзтва — 2,5 года.

🔸 Спатканьні з «топавымі» зьняволенымі праходзяць у пакоі для асабліва небясьпечных злачынцаў. Памяшканьне падзелена перагародкай, у якой ёсьць плястыкавае акенца і яшчэ сетка-рабіца.

🔸 Эдуард шмат чытае, навучыўся клясна маляваць.

https://rferl.link/yR7R

2023-01-04 11:20:01+00:00

Расейскія партызаны спынілі вайсковыя цягнікі ў ноч на 4 студзеня, — украінская выведка.

Сёлета гэта ўжо прынамсі шосты выпадак зьнішчэньня блёкаў сыгналізацыі, цэнтралізацыі і блякаваньня на чыгунцы ў розных рэгіёнах Расеі.

Летась іх было ў Расеі каля 40, паводле ўкраінскай выведкі.

https://rferl.link/DnQe

2023-01-04 10:59:01+00:00

«Заводзіў патрэбныя сувязі, працуючы ў арганізацыі, дзе вучаць скакаць з парашутам».

У Польшчы перадалі ў суд справу беларуса і расейца, якіх падазраюць у шпіянажы на расейскае ГРУ. У пракуратуры адзначылі, што яны шпіёнілі зь 2017 па красавік 2022 году.

https://rferl.link/vjvy

2023-01-04 10:37:01+00:00

Герасіменя запусьціла дабрачынны збор, каб вучыць плаваньню ўкраінскіх дзяцей-уцекачоў

Праект Аляксандры разьлічаны на паўгода. Агульная сума для збору ахвяраваньняў — 6445 эўра.

https://rferl.link/VX90

2023-01-04 10:15:05+00:00

2023-і — год паўзы. Прагнозы экспэртаў Свабоды

Які дух часу паводле экспэртаў Свабоды, чаго яны ў сярэднім ці ў большасьці чакаюць у 2023 годзе?

Ляйтматыў гэтых чаканьняў — што па вялікім рахунку сёлета ў Беларусі нічога ня зьменіцца. На першы погляд, гэта дзіўна — краіна ўцягнутая ў вір вайны. Але мо прычына менавіта ў гэтым.

Юры Дракахруст аналізуе прагнозы экспэртаў на год.

https://rferl.link/4V2G

2023-01-04 09:58:01+00:00

«Вораг захоўвае вайсковую прысутнасьць у памежных раёнах, прыкмет фармаваньня наступальных груповак ня выяўлена».

Вайсковыя кіраўнікі ЗША і Ўкраіны абмеркавалі ваенныя пагрозы з тэрыторыі Беларусі.

«Сытуцыя на мяжы з Рэспублікай Беларусь цалкам кантраляваная», — паведаміў Валер Залужны.

https://rferl.link/OaYA

2023-01-04 09:37:57+00:00

Паўліне Лосік споўнілася чатыры гады.

Зь іх 2,5 гады яна ня бачылася ўжывую з татам і 2,5 месяцы — з мамай. Свой дзень народзінаў Паўліна сустрэла з бабулямі і дзядулямі.

Яе бацькі Ігар і Дар'я застаюцца за кратамі.

https://rferl.link/myY9

2023-01-04 09:12:01+00:00

У Беларусі ўвялі абавязковы мэдагляд зь 1 студзеня. Нават, калі няма скаргаў на здароўе.

Займацца мэдаглядамі будуць дактары па месцы жыхарства. Праходзіць іх мусяць усе: ад дзяцей да людзей сталага ўзросту.

https://rferl.link/6O8Z

2023-01-04 08:55:01+00:00

Брытанская выведка: побач са зьнішчаным месцам дысьлякацыі расейцаў у Макееўцы здэтанавалі боепрыпасы

Яны павялічылі страты.

Гэты інцыдэнт сьведчыць, што непрафэсійная практыка стварае перадумовы для высокага ўзроўню стратаў у расейскім войску.

https://rferl.link/MxM3

2023-01-04 08:31:01+00:00

Што вядома пра доктарку, якая нібыта робіць Лукашэнку PCR-тэсты на ковід

Хакеры заявілі, што ўзламалі сайт «Лечкамісіі». У сеціва трапілі дакументы, якія хакеры называюць вынікамі PCR-тэстаў Аляксандра і Мікалая Лукашэнкі. Амаль на ўсіх іх пазначанае прозьвішча Алены Качанкі.

https://rferl.link/qkYW

2023-01-04 08:18:01+00:00

У Беларусі ў 2023 годзе ўзьнялі шэраг падаткаў.

Зьмены закрануць многіх: прадпрымальнікаў, фізычных асобаў, якія працуюць без ІП, уласьнікаў кватэраў, гаспадароў сабак і іншых.

https://rferl.link/bOYv

2023-01-04 07:59:01+00:00

«Дыктатара Лукашэнку павінны судзіць». Ціханоўская адрэагавала на інфармацыю пра «завочны суд» над ёй і паплечнікамі.

«Гэта ганьба! Мы ўсе ведаем, што дыктатара Лукашэнку павінны судзіць за захоп улады, дзяржаўную здраду і злачынствы супраць чалавечнасьці», – напісала яна.

Суд над Сьвятланай Ціханоўскай, Вольгай Кавальковай, Сяргеем Дылеўскім, Марыяй Мароз і Паўлам Латушкам пачнецца 17 студзеня ў будынку Менскага гарадзкога суду. Усе фігуранты знаходзяцца за межамі Беларусі.

У гэтыя дні Ціханоўская будзе на міжнародным эканамічным форуме ў Давосе, які пройдзе 16–20 студзеня. Яна будзе там першай прадстаўніцай Беларусі за 30 гадоў.

2023-01-04 07:42:01+00:00

За «спробу падпалу дома дэпутата Гайдукевіча» амаль 1,5 года за кратамі трымаюць цэлую сям’ю

Гэта сям’я Вайцяховічаў: муж і жонка Віталь і Вольга, іх сын Уладзіслаў і ягоная жонка Анастасія.

Фігурантаў унесьлі ў «сьпіс тэрарыстаў», хаця суд нават не пачаўся.

https://rferl.link/GLpQ

2023-01-04 07:25:03+00:00

Мінабароны РФ: колькасьць загінулых у Макееўцы павялічылася да 89 чалавек.

Украінскі бок ад пачатку называў лічбу ахвяраў сярод расейцаў: каля 400 забітых і каля 300 параненых.

У навагоднюю ноч украінскія вайскоўцы нанесьлі ўдар па вучэльні ў акупаванай Макееўцы на Данбасе, дзе месьцілася вялікая колькасьць расейскіх мабілізаваных.

Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, пакуль немагчымая.

2023-01-04 07:10:39+00:00

👆🏾Запытайся ў Дубаўца. Чаму пакаленьне 70+ жадае аб’яднаньня не з Эўропай, а з Расеяй, якая за Масквой і Піцерам жыве горш, чым Беларусь?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Жыве горш, але „панятна“. І рэч ня толькі ў мове. Яны ніколі не бывалі на Захадзе. Яны ня маюць прывабнай візіі эўрапейскага жыцьця, бо глядзяць расейскі тэлевізар. Яны не ўсьведамляюць сябе эўрапейцамі, бо не ўсьведамляюць сябе беларусамі.

Гэта рудымэнт расейскага рабства: „Никогда хорошо не жили и не надо!“ А сьвядомаму беларускаму чалавеку 70+ адразу ўсяго бракуе — мовы, праўды, свабоды… І як ён будзе хацець аб’яднаньня з Расеяй, калі яна разам з гэтым рэжымам у яго ўсё гэта адбірае?

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-04 06:43:21+00:00

Публікацыі Свабоды, якія выйшлі 3 студзеня:

👉🏾 «Гэта быў самы цяжкі зварот, бо ў такія часы знайсьці словы вельмі складана». Расказваем падрабязнасьці пра навагодні зварот Ціханоўскай

👉🏾 Каманда Зяленскага робіць стаўку на полк імя Каліноўскага, — украінскі экспэрт Магда

👉🏾 «Год міру і стварэньня» ў разгар вайны і разбурэньня. Лукашэнка пераходзіць на мову Оруэла

👉🏾 Ці захаваюць уладу Лукашэнка і Пуцін: прагнозы беларускіх экспэртаў на 2023 год

👉🏾 Як вызваліць палітвязьняў: спрэчка Мацукевіча і Шрайбмана

👉🏾 «Беларусам патрэбная ўласная песьня». 8 цытатаў Данчыка, якому сёньня споўнілася 65 гадоў

👉🏾 Лукіская турма ў цэнтры Вільні стала «музэем і зонай мастацтва». Параўноўваем яе зь менскай «Валадаркай». ВІДЭА

2023-01-04 06:04:09+00:00

У Беларусі стварылі адзіны рэестар дамоў, што пустуюць

Да таго ж Міністэрства архітэктуры і будаўніцтва плянуе завяршыць работы на ўсіх даўгабудах да канца пяцігодкі. Такую задачу паставіў Лукашэнка.

https://rferl.link/yR3L

2023-01-04 05:29:18+00:00

Чалом-здароў!

4 студзеня 1591 году Слонім атрымаў герб.

У 1925 годзе ў Менску прайшоў І-ы Усебеларускі зьезд настаўнікаў.

380 год таму нарадзіўся ангельскі фізык Ісаак Ньютан.

71 год сёньня мог бы споўніцца Юрыю Захаранку (на фота), былому міністру ўнутраных справаў Беларусі, выкрадзеным у 1999 годзе.

Сёньня свой дзень нараджэньня адзначае палітвязень Глеб Раманаў.

Пачаўся 315-ы дзень поўнамаштабнай вайны Расеі супраць Украіны.

2023-01-05 20:55:41+00:00

Некалькі ваяроў палка Каліноўскага атрымалі раненьні ў ходзе баявых задач на ўсходзе Ўкраіны

Сярод іх — кіраўнік «Маладога фронту» Дзяніс Урбановіч з пазыўным Ваўкалак, паведамляе прэс-служба палка. Байцоў эвакуявалі і своечасова надалі мэдыцынскую дапамогу, цяпер іх жыцьцю нічога не пагражае. Яны знаходзяцца ў шпіталі.

Група эвакуацыі атрымала кантузіі. Падрабязнасьці полк абяцае апублікаваць пазьней.

2023-01-05 20:16:39+00:00

#Слоўнічак: ШАПКІ

У мароз беражэм галаву!

У беларускай традыцыі ёсьць розныя зімовыя галаўныя ўборы (і з футра, і з воўны), гістарычныя назвы некаторых пасуюць і сучасным фасонам. (А шалік тут з наваротамі))

2023-01-05 19:54:40+00:00

Новая дапамога Ўкраіне ад Захаду:

🇩🇪 Нямеччына перадасьць Украіне яшчэ адну батарэю ЗРК «Патрыёт» (на фота) і бронетранспартэры «Мардэр», 🇺🇸 ЗША — бронетранспартэры «Брэдлі», дамовіліся прэзыдэнт ЗША Байдэн і канцлер Нямеччыны Шольц.

🇩🇪 + Нямеччына ўжо перадала Ўкраіне новы пакет вайсковай дапамогі (у ім, сярод іншага, сыстэмы для барацьбы з дронамі).

🇫🇷 Францыя паабяцала даць Украіне лёгкія танкі AMX-10RC і бронетранспартэры «Бастыён» — гэта першы выпадак, калі ўкраінскія вайскоўцы атрымаюць заходнія танкі.

🇳🇴 Нарвэгія адправіла Ўкраіне 10 тысяч артылерыйскіх снарадаў.

🇵🇱 З Польшчы ў Адэскую вобласьць прыбыла гуманітарная дапамога, у тым ліку генэратары, абагравальнікі і кансэрвы.

2023-01-05 19:31:28+00:00

🎄У зьняволенага журналіста Дзяніса Івашына забралі навагодні малюнак — за «няправільныя» колеры шарыкаў на ялінцы

Як распавяла жонка палітзьняволенага Вольга, Івашын намаляваў да сьвятаў ялінку з жоўта-блакітнымі гірляндамі і белымі ды чырвонымі шарамі. «Супрацоўнікі гарадзенскай вязьніцы нэўтралізавалі пагрозу найэфектыўнейшым чынам: забралі малюнак», — піша Вольга.

Гарадзенскі журналіст Дзяніс Івашын за кратамі ўжо 665 дзён, 36 зь іх — безь лістоў.

2023-01-05 18:59:40+00:00

Галоўнае за 5 студзеня

👨🏻‍⚖️ Пачаўся суд над нобэлеўскім ляўрэатам Бяляцкім і іншымі лідэрамі «Вясны»

✍🏻 Лукашэнка падпісаў закон аб пазбаўленьні грамадзянства за «экстрэмізм»

🇷🇺 Расея нарошчвае сваю вайсковую групоўку ў Беларусі

🏸 Беларускім тэнісістам дазволілі ўдзельнічаць у турніры Australian Open

👮🏻‍♂️ Хроніка перасьледу: вынесьлі прысуды лідэрам прафсаюзу РЭП Арэшку, Берасьневу, Фядынічу; пасьля малітвы за абаронцаў Украіны затрымалі праваслаўнага сьвятара

🙍🏻‍♂️Суд над журналістам Пачобутам зноў перанесьлі

2023-01-05 18:22:41+00:00

«Такога вычварнага падыходу да закону не было ніколі». Што казалі вясноўцы пра рэпрэсіі ў Беларусі

У Менску пачалі судзіць праваабаронцаў «Вясны»: нобэлеўскага ляўрэата Алеся Бяляцкага, Валянціна Стэфановіча і Ўладзімера Лабковіча. Прыгадваем, што яны гаварылі пра рэпрэсіі ў Беларусі, сваю працу і страхі да свайго арышту:

https://youtu.be/oYbWU2l3Asg

2023-01-05 17:51:40+00:00

«Мару пасьля вайны прыехаць у Беларусь і служыць на беларускай мове». Сьвятар — пра вайну і службы ў акопах

🗣 «Тыя, хто перажыў акупацыю, абстрэлы, сьмерць пабрацімаў, не пытаецца „Дзе Бог, або ён ня бачыць?“. Пра гэта пытаюцца толькі тыя, хто ведае пра вайну па тэлевізары. Бог — з намі, і мы гэта бачылі».

Паразмаўлялі са сьвятаром зь беларускімі каранямі Яўгенам Ордам (на фота ў цэнтры), які служыць на вайне:

https://rferl.link/EdJg

2023-01-05 17:29:51+00:00

Вынесьлі прысуд па справе аб «бруднай вадзе» ў 4 раёнах Менску ў чэрвені 2020 году

Вінаватымі прызналі зьменнага інжынэра-тэхноляга «Менскводаправоду» і інжынэра раёну па эксплуатацыі водаправодных сетак № 3, якія з 23 па 24 чэрвеня 2020-га «неналежным чынам выканалі свае службовыя абавязкі», што нанесла ўрон дзяржаўнай маёмасьці на суму амаль 595 тысяч рублёў, «прычыненьне шкоды здароўю людзей і іншыя цяжкія наступствы».

Зьменнага інжынэра-тэхноляга асудзілі на 4 гады «хатняй хіміі», другога інжынэра вызвалілі ад крымінальнай адказнасьці.

2023-01-05 17:10:17+00:00

Ва Ўкраіне адрэагавалі на загад Пуціна аб «калядным перамір’і»

«РФ павінна пакінуць акупаваныя тэрыторыі — толькі тады ў яе пачнецца „часовае перамір’е“. Крывадушнасьць пакіньце сабе», — напісаў у Twitter дарадца кіраўніка офіса Зяленскага Міхаіл Падаляк.

UPD. Сакратар РНБА Аляксей Данілаў заявіў, што Ўкраіна ня будзе весьці ніякіх перамоваў з Расеяй аб перамір'і: «Мы на нашай зямлі будзем рабіць тое, што лічым неабходным».

2023-01-05 16:45:08+00:00

«Расейскае слова — зброя, зь якой страляюць у беларусаў і ўкраінцаў». Коўшык пра мову суду над Бяляцкім

Прадстаўніца Аб’яднанага пераходнага кабінэту ў справе нацыянальнага адраджэньня Аліна Коўшык у эфіры Свабоды Premium камэнтуе колішнюю заяву Юрася Беленькага пра тое, што «калі ты гаворыш па-расейску, ты ў войску акупанта і страляеш у свой народ», расказвае пра ініцыятывы і пляны на 2023-ці Год беларускай мовы і тлумачыць, чаму беларуская мова — гэта ня толькі зброя, але і абарона:

🎥 Відэа гутаркі: https://youtu.be/TQZnFy-s2A0

✍🏻 Тэкст: https://rferl.link/QAxw

2023-01-05 16:14:40+00:00

Латвійская контравыведка затрымала шэф-рэдактара расейскага агенцтва Sputnik

Марата Касема арыштавалі ў Рызе, яго падазраюць ў парушэньні санкцыйнага рэжыму. Sputnik піша, што іх супрацоўніку таксама маглі прад’явіць абвінавачаньне ў шпіянажы; іншыя крыніцы гэта не пацьвярджаюць. Касем мае латвійскае грамадзянства, прыехаў у краіну ў канцы сьнежня.

Эўразьвяз у сакавіку 2022 году забараніў працу на тэрыторыі краін ЭЗ агенцтва Sputnik і тэлеканалу RT.

2023-01-05 16:07:44+00:00

Лукашэнка падпісаў законапраект аб пазбаўленьні грамадзянства «экстрэмістаў»

Ён набудзе сілу праз паўгода пасьля афіцыйнага апублікаваньня. Папраўкі ў зьмяшчаюць норму аб пазбаўленьні грамадзянства Беларусі тых, хто асуджаны за «экстрэмісцкую дзейнасьць» і знаходзіцца за межамі краіны.

Таксама папраўкі прадугледжваюць абавязковае прыняцьце прысягі Беларусі пры ўступленьні ў грамадзянства, абавязак інфармаваць улады краіны аб атрыманых за мяжой віду на жыхарства, іншых замежных дакумэнтаў і г.д.

2023-01-05 15:32:40+00:00

Украінскія ўлады: Бахмут разбураны больш чым на 60%

Расейскія войскі ніяк ня могуць узяць горад, але рэгулярна прыносяць яму ўсё большыя разбурэньні. Наступ на горад працягваецца ўжо паўгода. У горадзе пражываюць болей за 80 тысяч чалавек. Як цяпер выглядае горад — на відэа.

2023-01-05 15:12:22+00:00

Пуцін даручыў увесьці рэжым спыненьня агню па ўсёй лініі баявога судакрананьня бакоў ва Ўкраіне з 12:00 6 студзеня да 24:00 7 студзеня, заявілі ў Крамлі

«Заклікаем украінскі бок аб'явіць рэжым спыненьня агню і даць магчымасьць грамадзянам наведаць службы», — гаворыцца ў паведамленьні.

Раней кіраўнік РПЦ патрыярх Кірыл заклікаў спыніць агонь ва Ўкраіне на Раство; у Кіеве назвалі гэтую ініцыятыву «цынічнай пасткай і элемэнтам прапаганды».

2023-01-05 14:33:53+00:00

«Выразаць неляяльных прыватнікаў». Чаму аўтакраты ня любяць прыватны бізнэс

Валер Карбалевіч — пра тое, як у Беларусі і ў Кітаі назіраецца паскарэньне таталітарных тэндэнцый, здушэньне ўсялякай альтэрнатывы, узмацняецца кантроль дзяржавы за грамадзкімі працэсамі:

https://rferl.link/YXWm

2023-01-05 14:00:31+00:00

У Беларусь працягваюць прыбываць расейскія вайскоўцы, узбраеньне, ваенная і спэцтэхніка — у рамках «нарошчваньня рэгіянальнай групоўкі войскаў»

Зь імі плянуюць правесьці баявое зладжваньне; акрамя гэтага, адбудуцца супольныя лётна-тактычныя вучэньні авіяцыйных падразьдзелаў Беларусі і Расеі, паведамляе Мінабароны.

Таксама ў Беларусь «у адпаведнасьці з плянам пераўзбраеньня» прыбыла чарговая партыя новых БТР-82A, БТР-80К, браніраваных мэдыцынскіх і рамонтна-эвакуацыйных машын, якая паступіць у беларускія вайсковыя часткі (👆🏻на відэа).

https://rferl.link/LEkR

2023-01-05 13:42:22+00:00

Украінскія кампаніі зьвяртаюцца ў суды, каб вярнуць грошы за сарваныя вайной беларускія кантракты

Украінскія кампаніі спрабуюць праз суд абавязаць беларускіх вытворцаў і пастаўшчыкоў вярнуць пералічаныя ім грошы за прадукцыю, якую не змаглі атрымаць праз пачатак вайны. Найбольш даўгоў — у машынабудаўнікоў. Найменш шанцаў вярнуць грошы маюць кампаніі, якія падпісвалі кантракты ня з «дочкамі» беларускіх прадпрыемстваў ва Ўкраіне, а тымі, што знаходзяцца ў Беларусі.

Свабода расказвае пра найбуйнейшыя судовыя справы:

https://rferl.link/GLXD

2023-01-05 13:16:53+00:00

Беларускі аўтарынак у 2022 годзе скараціўся амаль у 3 разы

Агулам летась дылеры Беларускай аўтамабільнай асацыяцыі прадалі 17234 аўтамабілі (у т.л. 14843 легкавыя) — па выніках году продажы аўтамабіляў у скараціліся ў 2,7 разы. Па выніках 2022 году Geely стала лідэрам рынку з 4355 праданымі машынамі, на другім месцы Lada — 3782 аўтамабіля, KІА — 1462 аўтамабіля.

2023-01-05 12:29:04+00:00

Падсудны праваабаронца: «Нават у Кітаі, у М’янме нобэлеўскія ляўрэаты выходзілі на волю»

Зьміцер Салаўёў, чацвёрты абвінавачаны ў справе праваабаронцаў «Вясны», які знаходзіцца за межамі Беларусі і якога судзяць завочна, пракамэнтаваў пачатак працэсу:

https://rferl.link/w6pn

Ніхто зь фігурантаў справы «Вясны» не прызнаў за сабой віны. У судзе абвешчаны перапынак да заўтра, працэс пачнецца ў 10:30.

2023-01-05 11:43:31+00:00

Раніцай у Санкт-Пецярбургу загарэўся завод «Беларусь-МТЗ», два чалавекі загінулі

Агонь ахапіў 420 кв. мэтраў у памяшканьні на Пулкаўскай шашы, паведамляе «Фонтанка» са спасылкай на МНС Расеі.

Нагадаем, сёньня Лукашэнка запатрабаваў паскорыць будаўніцтва беларускіх партоў у Расеі.

2023-01-05 11:21:37+00:00

Амаль 100 тысяч чалавек сабраліся на плошчы Сьвятога Пятра ў Ватыкане, каб узяць удзел у цырымоніі пахаваньня Папы Бэнэдыкта XVI.

95-гадовы Бэнэдыкт памёр 31 сьнежня ў манастыры ў Ватыкане, дзе жыў пасьля свайго адрачэньня ў 2013-м.

Фота: Reuters

2023-01-05 10:20:01+00:00

«Гуляе ў кампутарныя гульні пад дзіўным нікам». ГУБАЗіК затрымаў сьвятара Дзяніса Карасьцялёва за малітву за абаронцаў Украіны

«Вясна» праведамляе пра затрыманне сьвятара, які ў менскім храме «маліўся за воінаў і абаронцаў Украіны».

Як пішуць сілавікі, сьвятар «мае нацыяналістычныя тату, распаўсюджвае бчб-сымболіку і адпаведныя ідэі, а таксама гуляе ў кампутарныя гульні пад дзіўным нікам».

2023-01-05 10:11:04+00:00

Колькі ў Беларусі палітвязьняў — 1446 ці 1720? Тлумачаць прыхільнікі двух падыходаў

Ці могуць тыя, хто ўжываў гвалт, лічыцца палітвязьнямі, і ці павінны праваабаронцы ісьці насустрач просьбам зьняволеных выключаць іх са сьпісаў палітвязьняў?

З гэтымі пытаньнямі мы зьвярнуліся да юрыста Праваабарончага цэнтру «Вясна» Паўла Сапелкі і лідэра ініцыятывы dissidentby Вячаслава Касінерава.

https://rferl.link/GLaD

2023-01-05 09:10:58+00:00

Пазьняк: «Эўропу і Ўкраіну павінна хваляваць пытаньне, як разлучыць „сіямскіх блізьнятаў“ — Пуціна з Лукашэнкам»

Лідэр Кансэрватыўна-Хрысьціянскай партыі БНФ заклікаў заходнія краіны і Ўкраіну зьмяніць тактыку адносна ўладаў Беларусі і беларускага народу. Ён прапанаваў абмен палітвязьняў на зьняцьце санкцый.

Таксама Пазьняк выказаўся і пра ўкраінскі бок, які сваімі абразамі можа штурхаць беларусаў да падтрымкі Расеі:

https://rferl.link/nQD4

2023-01-05 08:34:33+00:00

Працэс праходзіць у адкрытым рэжыме. Усіх прысутных запісалі ў асобны спіс. На суд прыйшлі прадстаўнікі дзяржаўных СМІ і прапагандысты. Алесь Бяляцкі, Уладзь Лабковіч і Валянцін Стэфановіч размаўляць з судзьдзёй Марынай Запасьнік на беларускай мове. На працэсе праваабаронцы заявілі хадайніцтвы, сярод якіх весьці судовы працэс на беларускай мове і зьняць кайданкі, бо гэта прыніжае іх годнасьць. Інтарэсы на судзе Зьмітра Салаўёва прадстаўляе прызначаны сьледзтвам адвакат. Запасьнік не задаволіла першае хадайніцтва, а другое нават не разглядала.

У справе праходзяць каля 100 сьведак, было праведзена 120 ператрусаў па ўсёй краіне

2023-01-05 08:13:17+00:00

Так выглядаюць нобэлеўскі ляўрэат Алесь Бяляцкі ды іншыя палітзняволеныя праваабаронцы «Вясны», якія зь ліпеня 2021 году знаходзяцца за кратамі.

Фота публікуе БелТА

2023-01-05 08:04:41+00:00

Вынесьлі чарговыя выракі актывістам беларускіх незалежных прафсаюзаў

🔹Генадзю Фядынічу — 9 гадоў пазбаўленьня волі ва ўмовах узмоцненага рэжыму;

🔹Васілю Берасьневу — 9 гадоў пазбаўленьня волі ва ўмовах узмоцненага рэжыму;

🔹Вячаславу Арэшку — 8 гадоў пазбаўленьня волі ва ўмовах агульнага рэжыму.

Па гэта паведамляе «Вясна»

2023-01-05 07:40:05+00:00

У Менску пачынаецца працэс «Вясны» і нобэлеўскага ляўрэата Бяляцкага

Справу Бяляцкага, Стэфановіча, Лабковіча і Салаўёва (завочна) пачынаюць разглядаць у Менску. Ім пагражае ад 7 да 12 гадоў зьняволеньня. Сабралі цікавыя факты і выказваньні аб праваабаронцах, у тым ліку пра нобэлеўскага ляўрэата Алеся Бяляцкага:

https://rferl.link/3ejp

2023-01-05 07:10:38+00:00

Запытайся ў Дубаўца. Почему только в 2020 году народ проснулся? Раньше многие бастовали, но это затухло. У нас есть надежда на изменения? Мы можем сейчас всё изменить?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Звычайна я згадваю распад СССР. Перад тым, напэўна, не было ніводнага чалавека, які б меў на гэта спадзеў і зьвязваў з гэтым распадам свае жыцьцёвыя пляны. Але мноства людзей, кожны на сваім месцы, хай сабе невялікімі штодзённымі справамі набліжала гэты распад.

Выснова: не рабеце стаўку на цуд, ня зьвязвайце з цудоўнымі пераменамі ваш асабісты заўтрашні дзень, але рабеце штодня хай сабе малыя добрыя справы. Напрыклад, пачынайце ўжываць беларускія словы. Толькі тады ўсё можа зьмяніцца.

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-05 06:45:01+00:00

Публікацыі Свабоды, якія выйшлі 4 студзеня:

👉🏾 Хакеры заявілі, што ўзламалі сайт «Лечкамісіі». Што вядома пра доктарку, якая нібыта робіць Лукашэнку PCR-тэсты на ковід

👉🏾 Паўліне Лосік споўнілася 4 гады, яе бацькі застаюцца за кратамі: Ігару Лосіку не дазваляюць ліставацца з жонкай Дар’яй

👉🏾 Беларускага добраахвотніка «Тора» параніла на фронце на Новы год

👉🏾 Што стаіць за арыштамі мэдыкаў і прадстаўнікоў замежных фармакампаній і як гэта адаб’ецца на пацыентах? Расьсьледаваньне Свабоды

👉🏾 Прагнозы экспэртаў Свабоды: 2023-і — год паўзы

👉🏾 Разьбіраемся, адкуль у «Віталюра» праблемы з пазыкамі і жаданьне здаць нерухомасьць у арэнду

👉🏾 «Просіць падручнікі, значыць, мае пляны на будучыню». Навіны былых гомельскіх журналістаў, якія трапілі за краты

2023-01-05 06:38:54+00:00

ГУБАЗіК затрымаў падлеткаў 13 і 15 гадоў і абвінаваціў іх у «нацызьме» і «распальваньні сацыяльнай варожасьці ў адносінах да расейскай нацыі»

Пра гэта паведамілі самі сілавікі ў адным са сваіх неафіцыйных тэлеграм-каналаў. Там яны апублікавалі фатаграфію падлеткаў, затрыманых і дастаўленых у невядомую ўстанову ці пастарунак, закрыўшы ім твары. Яны назвалі іх «зародкамі нэанацызму».

«Займаліся прапагандай нацызму ў TikTok, распальвалі сацыяльную Таксама ГУБАЗіК паказаў «доказы» — тры нібыта знойдзеныя ў сацсетках падлеткаў карцінкі. Адна зьяўляецца мэмам на тэму так званай «перамогі» і «ўра-патрыятызму» ў Расеі, другая зьвязана з той жа тэмай: на ёй намаляваны чалавек састарэлага веку у вайсковай форме Трэцяга рэйху, графічныя свастыкі і надпіс «вэтэраны дзякуй вам вялікі». На трэцяй фатаграфіі звычайная камізэлька зь бел-чырвона-белымі значкамі.

Што цяпер пагражае падлеткам ці іхным бацькам, у ГУБАЗіК не паведамляюць.

2023-01-05 06:03:39+00:00

Бязьвіз у 1990-я, сустрэча Гавэла з Быкавым і Бяляцкім, падтрымка грамадзкай супольнасьці і культуры. Як разьвіваліся дыпадносіны Беларусі і Чэхіі

30 гадоў таму, 5 студзеня 1993-га, былі ўсталяваныя дыпляматычныя адносіны паміж Чэскай Рэспублікай і Рэспублікай Беларусь. Пачытайце, што было пазытыўнага і нэгатыўнага за гэты час паміж дзьвюмя краінамі і як дзейны прэзыдэнт Чэхіі ўжо ў Менску адмовіўся сустракацца з Лукашэнкам. Піша Сяргей Навумчык:

https://rferl.link/WXZ6

2023-01-05 05:10:02+00:00

Вітаем!

5 студзеня 1104 году нарадзілася княжна і асьветніца Эўфрасіньня Полацкая.

Гэты дзень у гісторыі Беларусі:

1919 — Менск абвешчаны сталіцай савецкай Беларусі.

1938 — пісьменьніку Максіму Гарэцкаму прысудзілі расстрэл.

1938 — расстраляны краязнавец, пэдагог і палітычны дзеяч Міхась Адзярыха.

1905 — нарадзіўся Ўладзімер Стральцоў, беларускі й расейскі кінарэжысэр-дакумэнталіст.

Сёньня дзень памяці народнага пісьменьніка Беларусі Івана Чыгрынава.

2023-01-06 20:49:11+00:00

Віншуем з Куцьцёй тых, хто адзначае сьвяты паводле юльянскага календара. Граматычная памятка — на тэму!

2023-01-06 20:09:08+00:00

Расейскі алігарх Раман Абрамовіч перапісаў на дзяцей $4 мільярды напярэдадні ўварваньня Расеі ва Ўкраіну

У распараджэньні выданьня The Guardian апынуліся дакумэнты, паводле якіх алігарх за 3 тыдні да вайны перапісаў на семярых сваіх дзяцей (малодшаму зь якіх 9 гадоў), актывы зьвязаных зь ім траставых кампаній: нерухомасьць, парк супэр’яхтаў, верталёты і прыватныя самалёты.

Згодна з дакумэнтамі, да лютага 2022 году Абрамовіч быў адзіным бэнэфіцыярам як мінімум 10 трастаў на Кіпры і востраве Джэрзі, але 4 лютага бэнэфіцыярамі былі прызначаныя яго дзеці.

2023-01-06 19:43:56+00:00

ЗША абвясьцілі пра новы пакет вайсковай дапамогі Ўкраіне на 3 мільярды даляраў

У пакет увайшлі, сярод іншага, баявыя машыны пяхоты M2 Bradley (на фота), бронетранспартэры, самаходныя гаўбіцы, новыя боепрыпасы да ракетна-артылерыйскіх сыстэмаў HIMARS і інш.

2023-01-06 19:03:40+00:00

Ціханоўская ў калядным віншаваньні да 7 студзеня пажадала беларусам заканчэньня вайны і крызісу

«У гэтую куцьцю я хачу пажадаць ня проста дабрабыту і шчасьця. Я жадаю вам, каб вайна, у якую ўцягваюць нашу краіну, скончылася — і скончылася перамогай дабра. Я жадаю вам, каб скончыўся палітычны і эканамічны крызіс, празь які больш за 2 гады растуць цэны і падаткі, пусьцеюць паліцы крамаў і кашалькі беларусаў», — кажа Сьвятлана Ціханоўская.

2023-01-06 19:02:13+00:00

Галоўнае за 6 студзеня

✍🏻 У Беларусі таемна прынялі закон аб канфіскацыі маёмасьці за «недружалюбныя дзеяньні» супраць краіны

👨🏻‍⚖️ Працягваецца суд над нобэлеўскім ляўрэатам Бяляцкім і іншымі лідэрамі «Вясны». Расказваем пра судзьдзю і пракурора ў працэсе

👥 Лукашэнка сустрэўся на палігоне з расейскімі салдатамі: «Робім агульную справу». Як выглядае вайсковы лягер на палігоне: спадарожнікавыя здымкі

6 студзеня ў Беларусь прыбылі адразу 2 эшалёны з расейскай вайсковай тэхнікай

👨🏻‍💻У Беларусі ўзаконілі пірацтва кампутарных праграмаў, фільмаў, музыкі і тэлеперадач

📂 Прынялі адразу тры рэпрэсіўныя законы ў дачыненьні ўласьнікаў кампаній з замежным капіталам

👮🏻‍♂️ Хроніка перасьледу 6 студзеня

2023-01-06 18:50:55+00:00

У Беларусь завезьлі 15 вагонаў расейскіх вайскоўцаў, — сьцьвярджае „Супольнасьць чыгуначнікаў Беларусі“

Паводле інфармацыі каналу, уначы з 5 на 6 студзеня ў 02:10 праз станцыю Смаленск у бок Беларусі прайшоў спэцыяльны цягнік, у складзе якога было каля 15 пасажырскіх вагонаў (у асноўным пляцкартных) з асабовым складам арміі РФ.

Мінабароны Беларусі сёньня паведамляла пра «працяг нарошчваньня рэгіянальнай групоўкі войскаў Беларусі і Расеі».

2023-01-06 18:09:42+00:00

«Экстрэмістаў» знайшлі ў 1000 разоў больш, чым вырабілі верталётаў. Параўноўваем рэпрэсіўную вытворчасьць з прамысловай

5000 крымінальных спраў за «злачынства экстрэмісцкай скіраванасьці» завялі ў Беларусі ў мінулым годзе. Параўноўваем гэтую лічбу з выпускам у прамысловасьці ды іншымі паказчыкамі:

https://rferl.link/l4md

2023-01-06 17:44:11+00:00

Як выглядае вайсковы лягер на палігоне, які сёньня наведаў Лукашэнка, на спадарожнікавых здымках

На здымках за 1 студзеня, яшчэ перад візытам Лукашэнкі, відаць вялікі намётавы лягер, некалькі стаянак для тэхнікі — ўсё гэта на плошчы ня менш як 260 тыс. м² — гэта прыкладна як 36 футбольных палёў.

На здымку за 2 сьнежня 2022 году можна разгледзець сам палявы лягер і стаянкі для тэхнікі. Зь лістапада 2022 году зьнешне і тэрытарыяльна лягер значна не зьмяніўся. Па-ранейшаму дзейнічае палявы шпіталь і навучальны цэнтар.

Па здымках заўважна, як паступова зьяўляецца ўсё больш вайсковай тэхнікі і месцаў стаянкі для яе.

https://rferl.link/QAqq

2023-01-06 17:14:43+00:00

Армія Ўкраіны ўпершыню трапіла ў топ-15 наймацнейшых у сьвеце паводле Global Firepower. Беларускае войска — на 60-м месцы

Узброеныя сілы Ўкраіны ўпершыню ў гісторыі ўвайшлі ў топ-15 рэйтынгу войскаў сьвету, які складаюць экспэрты Global Firepower. Год таму армія Ўкраіны займала 22-е месца, сёлета — 16-е (абышла арміі Ірану, Ізраілю, Аўстраліі, Саудаўскай Арабіі, Гішпаніі, Тайваню і Нямеччыны).

Беларусь у сёлетнім рэйтынгу GFP займае 60-е месца, паміж Марока і Баўгарыяй (у 2021-м — 50-е, у 2019-м — 39-е).

Топ-15: ЗША, Расея, Кітай, Індыя, Вялікая Брытанія, Паўднёвая Карэя, Пакістан, Японія, Францыя, Італія, Турэччына, Бразылія, Інданэзія, Эгіпет, Украіна.

2023-01-06 16:47:43+00:00

🇵🇱 У Польшчы беларусаў ужо больш, чым жыхароў у Рэчыцы

На 30 лістапада 2022 году ў Польшчы жылі 68 684 грамадзян Беларусі — гэта больш, чым жыхароў у Рэчыцы (амаль 67 тысяч). Зь іх 30,4 тыс. маюць сталы дазвол на жыхарства, 28 тыс. — часовы, 3 682 — дадатковую абарону. Па міжнародную абарону з 9 жніўня 2020-га ў Польшчу зьвярнуліся 5 534 грамадзяніны Беларусі.

Польшча зафіксавала 2 пікі міграцыі беларусаў: пасьля выбараў 2020-га і пасьля пачатку вайны ва Ўкраіне.

2023-01-06 16:14:05+00:00

«За 20 гадоў маёй працы такога не было ні разу». Адвакаты пра тое, чаму зь Бяляцкага не зьнялі кайданкі

Здымкі з суду, дзе нобэлеўскі ляўрэат Алесь Бяляцкі і яго паплечнікі знаходзяцца ў клетцы з кайданкамі на руках, выклікалі недаўменьне і абурэньне. Пагаварылі з адвакатамі пра тое, што за гэтым стаіць і ці бывала такое раней:

https://rferl.link/vjyv

2023-01-06 15:50:29+00:00

У 2022 годзе палітвязьняў асудзілі ў крымінальных справах на 2 501 год і тры месяцы, — «Вясна»

▫️ 942 «палітычныя» прысуды летась вынесьлі мужчынам, 300 — жанчынам. Да пазбаўленьня волі прысудзілі 636 чалавек.

▫️452 гады і 2 месяцы так званай «хіміі» — агулам прысудзілі 190 асуджаным.

▫️ 893 гады і 6 месяцаў «хатняй хіміі» — агулам атрымалі 373 чалавекі.

▫️ 24 асобам прызначылі арышт (разам 5 гадоў і 7 месяцаў), 1 — 6 месяцаў пазбаўленьня волі ўмоўна.

▫️ Для 12 асуджаных прысуд зьвёўся да штрафу. Агульная сума — 76 160 рублёў.

2023-01-06 15:14:36+00:00

«Пад яго падпадае любы крок любой асобы». Што парушае новы закон «Аб канфіскацыі маёмасьці»

У Беларусі прынялі закон «Аб канфіскацыі маёмасьці». Разьбіраемся разам зь юрыстамі, каго ён можа закрануць і якія беларускія законы парушае:

https://rferl.link/dlq4

2023-01-06 14:43:45+00:00

Пасьля суду ў «справе Вясны» затрымалі расейскую праваабаронцу — ёй прысудзілі 15 дзён арышту

Праваабаронца і журналістка Кацярына Яньшына прыехала на суд як незалежная назіральніца. Учора на выхадзе з залі суду яе затрымалі некалькі чалавек «для гутаркі». Паводле аховы суду, Кацярына нібыта парушала парадак падчас пасяджэньня — рабіла фота і вяла трансьляцыю.

Ноч Кацярына правяла ў ІЧУ. Сёньня судзьдзя Тацяна Мотыль з суду Маскоўскага раёну прызначыла ёй 15 дзён арышту за «дробнае хуліганства», паведамляе @polniypc.

2023-01-06 14:19:04+00:00

За камэнтары 2020 году затрымалі берасьцейца, які вярнуўся з Польшчы

Сілавікі сьцьвярджаюць, што ён у 2020 годзе «заклікаў зьдзяйсьняць гвалт над сілавікамі» і «актыўна ўдзельнічаў у масавых беспарадках, якія суправаджаліся насільлем, пагромамі, падпаламі» і «яму пагражае ад 5 да 12 гадоў турмы». Па інфармацыі @nashaniva, затрыманы — 28-гадовы Радзівон Качаткоў.

2023-01-06 13:45:49+00:00

Фотафакт: расейская тэхніка ў зімовай камуфляжнай размалёўцы, пазначаная літарай «Z» на палігоне Обуз-Лясноўскі, куды сёньня прыяжджаў Лукашэнка.

Фота Мінабароны Беларусі

2023-01-06 13:26:41+00:00

Мужа праваабаронцы Марфы Рабковай зноў арыштавалі на 10 дзён

Вадзіма Жаромскага затрымалі 22 сьнежня ў яго дома ў Менску і асудзілі на 15 дзён арышту за «непадпарадкаваньне» міліцыянтам. Сёньня ён мусіў выйсьці на волю, але, як даведаліся праваабаронцы, яго перазатрымалі і асудзілі яшчэ на 10 сутак, піша @viasna96.

Сёньня ў СІЗА-1 трэці год запар адзначае дзень народзінаў ягоная жонка — каардынатарка валянтэрскай службы «Вясны» Марфа Рабкова, якую асудзілі да 15 гадоў калёніі.

2023-01-06 12:51:01+00:00

Судзіла Някляева, быў абвінаваўцам у справе «Рэгнума». Што вядома пра судзьдзю і пракурора ў працэсе нобэлеўскага ляўрэата Бяляцкага

Ленінскі суд Менску 5 студзеня пачаў разгляд крымінальнай справы супраць праваабаронцаў Алеся Бяляцкага, Валянціна Стэфановіча, Уладзя Лабковіч і завочна Зьмітра Салаўёва. Алесь Бяляцкі — гэта ляўрэат Нобэлеўскай прэміі міру за 2022 год.

Вядзе працэс судзьдзя Марына Запасьнік, дзяржаўным абвінаваўцам у справе выступае Аляксандар Кароль.

Паглядзелі, што вядома пра Марыну Запасьнік і Аляксандра Караля.

https://rferl.link/vj4v

2023-01-06 12:37:01+00:00

Вярхоўны суд у закрытым працэсе пакінуў у сіле выракі фігурантам «справы БелаПАН»

6 кастрычніка галоўнаму рэдактару і дырэктару БелаПАН Ірыне Леўшынай прысудзілі 4 гады калёніі, былому дырэктару выданьня Дзьмітрыю Наважылаву — 6 гадоў, былому намесьніку дырэктара, мэдыямэнэджару Андрэю Аляксандраву — 14, жонцы Аляксандрава Ірыне Злобінай — 9.

Вярхоўны суд па выніках закрытага пасяджэньня 6 студзеня пакінуў у сіле прысуды абвінавачаным у «справе БелаПАН». Паводле інфармацыі BPN, нязначна зьменены толькі некаторыя фармулёўкі, якія не паўплывалі на тэрміны зьняволеньня.

2023-01-06 12:04:21+00:00

6 студзеня ў Беларусь прыбылі адразу два эшалёны з расейскай вайсковай тэхнікай

Мінабароны Беларусі чарговым разам паведаміла, што «ў рамках гарантаваньня ваеннай бясьпекі саюзнай дзяржавы працягваецца нарошчваньне рэгіянальнай групоўкі войскаў Рэспублікі Беларусь і Расейскай Фэдэрацыі».

https://rferl.link/mywz

2023-01-06 11:09:01+00:00

Нядаўна памежная служба Польшчы чарговым разам абвінаваціла беларускіх памежнікаў у дапамозе нерэгулярным мігрантам у пераходзе мяжы.

Польская памежная варта апублікавала відэа, запісанае 3 студзеня на ўчастку памежнага атрада ў Чарамху. На ім відаць, як людзі ў форме беларускіх памежнікаў суправаджаюць невядомых людзей у цёмным, цывільным адзеньні з заплечнікамі. Польскае ведамства абвінаваціла беларускіх калег у дапамозе нерэгулярным мігрантам у пераходзе мяжы.

Беларускі памежны камітэт адрэагаваў на гэтыя абвінавачаньні, якія называў дэзынфармацыяй грамадзкасьці, і выклаў сваё відэа з пытаньнямі да польскага боку.

«Суправаджэньне асоб на беларускай тэрыторыі не зьяўляецца супрацьпраўным дзеяньнем. А дзе на кадрах доказы перамяшчэньня замежнікаў праз загароду?»

Таксама беларускі бок сьцьвярджае, што палякі наўмысна хаваюць свае дзеяньні ў дачыненьні да мігрантаў, таму, у тым ліку, камэры назіраньня нездарма «перастаюць працаваць на самых „цікавых“ момантах».

2023-01-06 10:22:18+00:00

У КДБ паведамілі, што з 5 студзеня пачалася праверка гатоўнасьці дзяржаўных органаў да рэагаваньня на акты тэрарызму. Вучэньні праходзяць на тэрыторыі Менскай і Віцебскай абласьцей з выкарыстоўваньнем вайсковай тэхнікі.

2023-01-06 10:22:01+00:00

Пляны ўраду на 2023 год маларэалістычныя. Сёлета можна зноў чакаць стагнацыі і нулявога росту эканомікі, — эканаміст Крук

Эканамст Зьміцер Крук ў інтэрвію Свабодзе аналізуе галоўныя тэндэнцыі ў беларускай эканоміцы, тлумачыць, чаму і як улады будуць падвышаць унутраны попыт, і дае эканамічны прагноз на 2023 год.  https://rferl.link/kOMy

2023-01-06 09:58:01+00:00

У Херсоне расейскія вайскоўцы абстралялі другую пажарную частку за два дні. Намесьнік начальніка ТГ Цімашэнка паведамляе, што ёсьць загінулыя і параненыя, зафіксавана як мінімум 4 выбухі.

Побач з абстралянай пажарнай часткай гарэў дом у прыватным сэктары.

2023-01-06 09:32:01+00:00

Лукашэнка прыляцеў на Обуз-Лясноўскі палігон, дзе трэнуюцца вайскоўцы Беларусі і Расеі

Аляксандру Лукашэнку далажылі аб «завяршэньні баявога зладжваньня частак і злучэньняў рэгіянальнай групоўкі войскаў», паведаміла ягоная прэс-служба.

Паводле неназванага прадстаўніка расейскіх Узброеных сілаў, былі праведзеныя сумесныя вучэньні мотастралковых і танкавых падразьдзяленьняў, спэцыяльных войскаў і СПА.

Таксама ён заявіў, што на гэтым этапе расейскія падразьдзяленьні гатовыя да выкананьня задачаў па прызначэньні.

2023-01-06 09:18:00+00:00

У Беларусь прыбыў чарговы эшалён з расейскай вайсковай тэхнікай

На фота, апублікаваных Міністэрствам абароны Беларусі, відаць, што частка машын пазначаная літарай Z — адным са знакаў ваеннай агрэсіі Расеі ва Ўкраіне.

Паводле ведамства, тэхніка прыбывае дзеля «гарантаваньня вайсковай бясьпекі саюзнай дзяржавы».

2023-01-06 08:56:01+00:00

«60-гадовы нобэлеўскі ляўрэат у клетцы ў кайданках». Як сусьветныя СМІ пішуць пра «суд» над Бяляцкім і паплечнікамі

https://rferl.link/nQM7

2023-01-06 08:45:59+00:00

У Беларусі ўзаконілі пірацтва кампутарных праграмаў, фільмаў, музыкі і тэлеперадач

Закон, прыняты 3 студзеня, падпісаны Аляксандрам Лукашэнкам, 6 студзеня яго апублікавалі на праўным партале.

Ён дапускае выкарыстаньне без дазволу абʼектаў інтэлектуальнай уласнасьці права ўладальнікаў зь дзяржаваў, якія ўчыняюць «недружалюбныя дзеяньні супраць Беларусі».

Дзеяньне закона распаўсюджваецца на кампутарныя праграмы, фільмы, музычныя творы і тэлеперадачы. Новы парадак набывае моц праз 10 дзён пасьля апублікаваньня і будзе дзейнічаць да 31 сьнежня 2024 году.

2023-01-06 08:19:29+00:00

Сабралі рэакцыі сусьветных мэдыя на суд над Алесем Бяляцкім і праваабаронцамі «Вясны».

Нагадаем, у Менску пачалі судзіць праваабаронцаў «Вясны»: нобэлеўскага ляўрэата Алеся Бяляцкага, Валянціна Стэфановіча і Ўладзімера Лабковіча, якія зь ліпеня 2021 году знаходзяцца за кратамі.

Ім пагражае ад 7 да 12 гадоў зьняволеньня.

2023-01-06 07:55:04+00:00

Белы дом: Прыгожын хоча атрымаць кантроль над шахтамі ў раёне Бахмуту

Злучаныя Штаты лічаць, што ўладальнік прыватнай расейскай вайсковай кампаніі «Вагнэр» Яўгеній Прыгожын зацікаўлены ў кантролі над здабычай солі і гіпсу з шахтаў у навакольлях Бахмуту.

Пра гэта 5 студзеня заявіў афіцыйны прадстаўнік Белага дому.

Ён дадаў, што адміністрацыя ЗША мае інфармацыю пра тое, што «апантанасьць» Расеі і Прыгожына захопам Бахмуту, сярод іншага, абумоўлена фінансавымі матывамі.

Паводле зьвестак адміністрацыі ЗША, за час вайны ва Ўкраіне загінулі больш за 4100 наймітаў з кампаніі «Вагнэр», у тым ліку ў баях за Бахмут — звыш 1000 чалавек.

2023-01-06 07:40:01+00:00

Пайшоў з жыцьця пінскі актывіст і былы дэпутат мясцовага гарадзкога савету Алесь Аўсеенка

Алесь быў сябрам руху «За свабоду», а ў Пінскім гарадзкім савеце засядаў з 1990 па 1999 год.

Пра сьмерць паведамілі на старонцы руху «За свабоду».

Разьвітаньне з Алесем Аўсеенкам адбудзецца сёньня з 12:00 да 12:30 на Пінскіх гарадзкіх могілках у Пасянічах.

Фота: media-рolesyе.bу

2023-01-06 07:10:40+00:00

👆Запытайся ў Дубаўца. Алесь Бяляцкі папрасіў, каб паседжаньне суду над ім было на беларускай мове. Суд адмовіў, бо «ў нас дзьве дзяржаўныя мовы». Ці меў суд права адмовіць?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Ня меў. Дзяржаўны чыноўнік абавязаны валодаць дзьвюма дзяржаўнымі мовамі (на тое яны і дзяржаўныя). Інакш судзьдзя парушае закон і правы падсуднага, пра што і заявіў Бяляцкі — ён у поўнай меры не зразумеў, у чым яго абвінавачваюць. Што да грамадзяніна, дык на яго гэты абавязак не пашыраецца. Ён мае права гаварыць і разумець толькі па-беларуску ці толькі па-расейску. Дэ-факта судзьдзі ў Беларусі не валодаюць беларускай мовай, часам у суд запрашаюць перакладчыка. Пра што таксама прасіў Бяляцкі. Але і ў гэтым судзьдзя адмовіла.

❓ Задайце ваша пытаньне. Telegram: @SvabodaBelarus_bot; Signal: +380502605369

2023-01-06 06:50:01+00:00

Кангрэсмэны ЗША тры дні запар ня могуць выбраць сьпікера Палаты прадстаўнікоў

Апошні раз падобнае здаралася ў сярэдзіне ХІХ стагодзьдзя.

https://rferl.link/l4lq

2023-01-06 06:15:05+00:00

«Ва ўсім вінаваты Тut.bу». Расказваем пра Марыну Золатаву і Людмілу Чэкіну

Справу кіраўнікоў і журналістаў парталу Тut.bу пачнуць разглядаць 9 студзеня ў Менскім гарадзкім судзе. Судзьдзя — Валянціна Зянькевіч. Ужо абвешчана, што працэс будзе ісьці ў закрытым рэжыме.

https://rferl.link/YXM0

2023-01-06 05:54:33+00:00

Улады Беларусі таемна прынялі закон, які дазваляе канфіскаваць маёмасьць

Уначы на 6 студзеня на Нацыянальным прававым інтэрнэт-партале апублікавалі закон «Аб канфіскацыі маёмасьці», які тлумачыцца неабходнасьцю неадкладнага і эфэктыўнага рэагаваньня на актуальныя пагрозы нацыянальным інтарэсам Беларусі.

Цяпер любая рухомая і нерухомая маёмасьць фізычных і юрыдычных асобаў, якія «зьдзейсьнілі або заклікалі замежныя дзяржавы да недружалюбных дзеяньняў у адносінах да Беларусі, можа быць канфіскаваная на карысьць дзяржавы».

Рашэньне аб неабходнасьці прыняцьця меры ў адказ з дапамогай канфіскацыі аб’ектаў права ўласнасьці прымаецца Саветам Міністраў Рэспублікі Беларусь, гаворыцца ў дакумэнце. Пасьля чаго Дзяржаўны камітэт па маёмасьці павінен будзе зьвярнуцца ў Эканамічны суд Менску з заявай. Яна павінна быць разгледжана на працягу месяца. Рашэньне суду можна будзе абскардзіць у «вызначаным законам парадку».

Закон набывае моц 16 студзеня.

2023-01-06 05:28:33+00:00

Вітаем!

6 студзеня 1892 году нарадзіўся Адам Станкевіч, беларускі каталіцкі сьвятар, грамадзкі і культурны дзяяч, асьветнік, культуроляг, выдавец і публіцыст.

Гэты дзень у Беларускай гісторыі:

1582 — заключаны Ям-Запольскі мір, якім скончылася Інфлянцкая вайна.

1950 — пачалася рэгулярная трансьляцыя праграмаў Беларускай рэдакцыі Радыё Ватыкану.

1900 — нарадзіўся Аляксандар Адамовіч, дзяржаўны дзеяч, ахвяра сталінскіх рэпрэсіяў.

У памяці:

Магдалена Радзівіл, беларуская мэцэнатка.

Юрка Віцьбіч, беларускі пісьменьнік, дзеяч беларускай эміграцыі.

Янка Юхнавец, беларускі паэт.

2023-01-08 21:06:00+00:00

Анархісты распрануліся каля пасольства Беларусі ў Варшаве на знак салідарнасьці з праваабаронцай Настай Лойкай.

На іхніх сьпінах напісана #Free Наста Лойка. Сёньня ў Варшаве было +3...+4°C.

Раней стала вядома, што ў ЦІП на Акрэсьціна Насту выгналі на мароз бязь верхняй вопраткі і пратрымалі там каля 8 гадзінаў. У выніку яна захварэла.

Падставай стала тое, што Наста заступілася за зьняволеных, якіх надта доўга трымалі на марозе перад паездкай на працу.

Фота чытачоў Свабоды

2023-01-08 19:44:59+00:00

Генштаб ВС Украіны: «Росгвардия» расстраляла ў Запарожжы сваіх вайскоўцаў, якія плянавалі здацца ў палон

Паводле інфармацыі ўкраінскіх вайскоўцаў, для падтрыманьня вайсковай дысцыпліны і недапушчэньня панікі сярод асабовага складу акупацыйных войскаў, якія дзейнічаюць у Запароскай вобласьці, праціўнік залучыў падразьдзелы «Росгвардии». 5 студзеня ў раёне населенага пункта Чыстапольле расстралялі 6 чалавек. Як паведамляе Генэральны штаб, мужчыны выказалі намер здацца ў палон сілам абароны Ўкраіны. https://rferl.link/o5EB

2023-01-08 18:59:59+00:00

Расея ўтварыла ва Ўкраіне найбольшае ў сьвеце міннае поле плошчай 250 тысяч квадратных кілямэтраў

Пра гэта заявіў заявіў прэм'ер-міністар Украіны Дзяніс Шмыгаль у інтэрвію паўднёвакарэйскаму агенцтву Yonhap.

250 000 квадратных кілямэтраў — гэта ня толькі плошча Карэйскага паўвострава (каля 221 000 км²), але і плошча Румыніі (каля 238 000 км²) або Вялікабрытаніі (каля 244 000 км²). https://rferl.link/gObD

2023-01-08 18:19:59+00:00

Асноўныя падзеі 8 студзеня

У Беларусь прыбыў «авіяцыйны складнік зь ліку Ваенна-касьмічных сіл Узброеных сіл РФ»

Слонімскі журналіст і літаратуразнавец Сяргей Чыгрын выйшаў на волю пасьля 22 сутак арышту

Памёр 32-гадовы жыхар Наваполацку, якому ў жніўні 2020 ў ногі прыляцела міліцэйская граната

Суд у Баўгарыі адмовіўся выдаць уладам Беларусі ўкраінскага добраахвотніка, экстрадыцыі якога яны дамагаліся праз Інтэрпол

Чыноўнікі зацьвердзілі новы спосаб, як сабраць грошай з «дармаедаў»

Савет Рэспублікі дэ-факта прызнаў сэпаратысцкія ўтварэньні «ДНР» і «ЛНР»

Памёр былы дырэктар Коласаўскага тэатру Рыгор Шацько

2023-01-08 17:39:59+00:00

У Беларусь прыбыў «авіяцыйны складнік зь ліку Ваенна-касьмічных сіл Узброеных сіл РФ». Мінабароны паведаміла дату авіяцыйных вучэньняў

Сумесныя лётна-тактычныя вучэньні авіяцыйных падразьдзяленьняў Узброеных Сіл Беларусі і Расеі, якія ўваходзяць у склад «рэгіянальнай групоўкі» войскаў, пройдуць у Беларусі з 16 студзеня па 1 лютага, паведаміла прэс-служба беларускага Мінабароны.

«Падчас правядзеньня лётна-тактычных вучэньняў будуць задзейнічаныя ўсе аэрадромы і палігоны ВПС і войскаў СПА Узброеных Сіл Беларусі», — паведамілі ў Мінабароны. https://rferl.link/ByY5

2023-01-08 16:59:58+00:00

Суд у Баўгарыі адмовіўся выдаць уладам Беларусі ўкраінскага добраахвотніка Дзьмітра Трафімчука, экстрадыцыі якога яны дамагаліся праз Інтэрпол

Трафімчука затрымалі 19 лістапада 2022 году на мяжы пры спробе ўехаць у Баўгарыю з Румыніі праз тое, што ён у вышуку Інтэрполу на запыт Беларусі. Згодна з заявай уладаў Беларусі, Дзьмітро нібыта быў замяшаны ў схеме крадзяжу асабістых і банкаўскіх рэквізытаў замежных грамадзян. З словаў Дзьмітра і яго жонкі, справа была сфабрыкаваная, а доказы падтасаваныя.

У шэрагу гарадоў Баўгарыі пасьля арышту прайшлі акцыі пратэсту ў яго абарону. 30 сьнежня летась раённы суд гораду Русэ разгледзеў запыт аб экстрадыцыі і адмовіў у ім. https://rferl.link/2VBZ

2023-01-08 16:15:57+00:00

У горадзенскай турме ад пнэўманіі памёр вязень

Пра гэта паведамляе праваабарончы цэнтар «Вясна» са спасылай на музыку Аляксандра Дзянісава.

«Пайшоў з жыцьця наступны горадзенскі нефармал. Руслан „Руслапас“ Карчаўлі. Памёр у гарадзенскай турме. Узялі і пасадзілі за марыхуану. Не зрабілі добрага агляду. Памёр ад пнэўманіі», —напісаў Дзянісаў.

Нядаўна ў Гомельскай жаночай калёніі памерла асуджаная. Праваабронцы з спасылкай на лекараў паведамлялі, што прычынай сьмерці зьняволенай стала несвоечасовае аказаньне ёй мэдычнай дапамогі.https://rferl.link/1A25

2023-01-08 15:31:53+00:00

Слонімскі журналіст і літаратуразнавец Сяргей Чыгрын выйшаў на волю пасьля 22 дзён арышту

Чыгрына затрымалі 16 сьнежня, суд Слонімскага раёна прызначыў яму 7 дзён арышту — інкрымінавалі перапосты з «экстрэмісцкіх рэсурсаў», хоць калегі зьвязвалі кару з ранейшай працай у недзяржаўных мэдыя.

23 сьнежня літаратара не выпусьцілі на волю, прысудзіўшы яшчэ 15 содняў адміністрацыйнага арышту. Цяпер Сяргей на волі, паведамляе праваабарончы цэнтар «Вясна».https://rferl.link/XjkQ

2023-01-08 14:40:23+00:00

«Пакажам усяму сьвету, што Армэнія была акупаваная расейскімі войскамі». На акцыі пратэсту ля расейскай базы ў Гюмры затрымалі 100 чалавек

Дэманстранты заблякавалі дарогу да расейскай ваеннай базы. Яны патрабуюць, каб расейскі кантынгент аднавіў рух па Лачынскім калідоры ў самаабвешчаным Нагорным Карабаху (армянская назва — Арцах).

У выпадку, калі расейскія міратворцы ня будуць рабіць актыўных дзеяньняў, дэманстранты гатовыя аб’явіць іх «акупантамі». «Мы пакажам усяму сьвету, што Армэнія, уключаючы Арцах, была акупаваная расейскімі войскамі, а менавіта 102-й базай», — заявіў сябра рады «Нацыянальнага дэмакратычнага полюсу» Вазэ Гаспар’ян. https://rferl.link/3e8m

2023-01-08 13:32:09+00:00

Арастовіч: Павелічэньне кантынгенту РФ у Беларусі «не выглядае як паўнавартасная падрыхтоўка» да наступу на Ўкраіну зь беларускай тэрыторыі

Пра гэта заявіў няштатны дарадца офісу прэзыдэнта Ўкраіны Аляксей Арастовіч у эфіры ютуб-каналу «Фейгін Live».

Паводле яго, на тэрыторыі Беларусі праводзіцца падрыхтоўка расейскіх вайскоўцаў для перакіданьня на іншыя кірункі. https://rferl.link/0mZ7

2023-01-08 12:31:02+00:00

Блізкія мовы, падобныя словы? Асьцярожна! Моўны ТЭСТ

Часам падобныя словы ў розных мовах азначаюць зусім рознае. Вы ж, пэўна, ведаеце, што беларускія конікі ўначы сьпяваюць, а трусікі грызуць моркву? Гэты моўны тэст нескладаны, ён можа быць пасткаю хіба для пачаткоўцаў, але будзьце пільныя!

https://rferl.link/bORl

2023-01-08 11:32:17+00:00

Міністар культуры Літвы заявіў пра неабходнасьць «карантыну расейскай культуры»

Сіманас Кайрыс лічыць, што ў будучыні запатрабаванасьць расейскай культуры ў ягонай краіне зьменшыцца, паколькі ўсё менш моладзі валодае расейскай мовай.

🎙«Ідзе вайна, тут наша роля павінна быць актыўнай».

🎙«Мы ўжо мусім выйсьці з той фазы, калі думаем, што рабіць з расейскай культурай, яе знакамітымі прадстаўнікамі. Гэтае пытаньне ня мае значэньня. Чым больш мы надаём гэтаму ўвагі, тым больш, самі таго не жадаючы, будзем карміць расейскую прапаганду».

🎙«Разумеючы, што культуру выкарыстоўваюць як зброю, мы павінны мець імунітэт»

Што яшчэ сказаў Кайрыс: https://rferl.link/VXwb

2023-01-08 11:14:01+00:00

Памёр былы дырэктар Коласаўскага тэатру Рыгор Шацько

Ён узначальваў тэатар у Віцебску з 1997 па 2012 гады.

https://rferl.link/myWB

2023-01-08 10:46:02+00:00

Урад зацьвердзіў палажэньне аб парадку і ўмовах выдачы дакумэнтаў адносна культурных каштоўнасьцяў

Дакумэнт вызначае парадак і ўмовы выдачы заключэньня (дазвольнага дакумэнту) на вываз культурных каштоўнасьцяў, а таксама пісьмовага паведамленьня аб тым, што такі дакумэнт не патрабуецца.

https://rferl.link/xl9J

2023-01-08 10:03:02+00:00

Нямецкая паліцыя заявіла, што прадухіліла тэракт

У Нямеччыне ў Рурскім рэгіёне арыштавалі 32-гадовага іранца, падазраюць у падрыхтоўцы нападу з выкарыстаньнем сьмяротных хімічных рэчываў, пра што заявілі паліцыя і пракуратура. Яны заявілі, што мужчыну падазраюць у падрыхтоўцы сур’ёзнага нападу на глебе ісламскага экстрэмізму, за што ён нібыта атрымаў моцнадзейныя таксіны — цыянід і рыцын, піша DW. Таксама затрымалі, меркавана, ягонага брата.

Тэракт з ужываньнем рыцыну здольны прывесьці да вялікай колькасьці ахвяр. Чатыры гады таму паліцыя затрымала ў Кёльне тунісца і яго нямецкую жонку, якія самастойна вырабілі рыцын у сваёй кватэры і зрабілі тэставы выбух. Пару асудзілі на працяглыя тэрміны пазбаўленьня волі. Экспэрты высьветлілі, што выраблены імі рыцын мог забіць 13,5 тысяч чалавек.

2023-01-08 09:44:13+00:00

Юбілей Барыса Хамайды

Сёньня 75-годзьдзе адзначае грамадзкі актывіст, распаўсюднік незалежнай прэсы зь Віцебску Барыс Хамайда.

Адзін з самых вядомых апазыцыянэраў Віцебску неаднаразова перасьледаваўся міліцыяй, яму прысуджалі штрафы, шмат разоў вазілі ў пастарунак, а ён шторазу вяртаўся на сваё месца ля "сіняга дому" ў Віцебску.

Сёньняшні юбіляр у інтэрвію Свабодзе прызнаваўся, што толькі хвароба замінала яму выходзіць на звыклае месца, дзе ён распаўсюджваў нацыянальную прэсу і літаратуру пад парасонам у нацыянальных колерах.

2023-01-08 08:44:56+00:00

МЗС Польшчы выпусьціла відэа ў падтрымку беларускай мовы

У МЗС Польшчы адзначылі, што ўлады ў Беларусі вядуць змаганьне супраць нацыянальнай мовы, а здушэньне беларускай азначае прыніжэньне годнасьці беларусаў.

Успомнілі ў відэа і Алеся Бяляцкага, які на пачатку палітычнага працэсу над ім запатрабаваў весьці працэс на нацыянальнай мове, а не на расейскай.

https://rferl.link/JW47

2023-01-08 08:22:02+00:00

У Мэксыцы сутыкнуліся два цягнікі мэтро, ёсьць ахвяры

У Мэхіка адзін зь цягнікоў урэзаўся ў перадапошні вагон іншага цягніка на 3-й лініі сталічнага мэтро. Вагон пагнуўся, многія людзі апынуліся на падлозе ад моцнага ўдару. Адбылося задымленьне. Як мінімум адзін чалавек загінуў, 41 паранены.

Хуткай дапамогі некаторыя пасажыры чакалі каля паўгадзіны. Ім дапамагалі выбрацца вонкі іншыя пасажыры, якія менш пацярпелі ў аварыі.

У траўні 2021 году ў мэтро Мэхіка ўжо адбылася трагедыя, тады ахвяр было нашмат больш. Пасьля падзеньня эстакады 26 чалавек загінулі, каля сотні атрымалі раненьні.

Фота: Reuters і твітэр мэра Мэхіка Клаўдыі Шайнбаўм

2023-01-08 07:47:01+00:00

Інстытут вывучэньня вайны: расейцы далёкія ад таго, каб атачыць Бахмут

У сьвежым аналізе ISW гаворыцца аб тым, што расейскія войскі маюць частковы посьпех каля Саледару, але не ўзялі яго. Украінскія сілы паведамляюць аб тым, што Саледар пад іх кантролем. Побач з горадам ідуць напружаныя баі.

У Інстытуце тлумачаць, што для эфэктыўнага перакрыцьця ўкраінскіх наземных камунікацый у Бахмуце акупантам неабходна ўсталяваць кантроль над дзьвюма трасамі. Першая — Т0513 ад Сіверску да Бахмуту. Зараз гэта 7 км на захад ад самага далёкага пацьверджанага пункту расейскага наступу ў Саледары. Другая — траса Е40 ад Славянску да Бахмуту. Гэта за 13 км ад самага далёкага пункту пацьверджанага наступу расейцаў у раёне Саледару.

2023-01-08 07:10:38+00:00

👆🏾Запытайся ў Дубаўца. Як ставіцца да калябарантаў, якія ў часе вайны праводзілі беларусізацыю пад сапагом нацысцкай Нямеччыны? Ворагі яны нам ці наадварот?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Слова „калябарацыя“ ў ВКЛ, як і на лаціне, адкуль яно прыйшло, як і ў сёньняшнім дэмакратычным сьвеце — гэта проста супрацоўніцтва, а ня „здрада, супраца з ворагам сваёй радзімы і народа“, як у расейскай і савецкай прапагандзе. Але гаворка найперш не пра словы, а пра справы, ці добрыя, ці злачынныя.

Беларусізацыя — гэта заўсёды нацыянальны інтарэс беларусаў. І ня важна, пад якім ботам, нацысцкім ці, скажам, сталінскім. Той, хто праводзіць беларусізацыю, гэта асьветнік, які робіць сваю нацыю мацнейшай і ніякім чынам для сваёй нацыі ня можа быць ворагам.

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-08 06:45:46+00:00

Чалом-здароў!

8 студзеня 1919 году Менск абвясьцілі сталіцай БССР. А ў 1954 годзе ў Беларусі зьліквідавалі вобласьці: Бабруйскую, Баранавіцкую, Палескую з цэнтрам у Мазыры, Пінскую і Полацкую.

У гэты дзень нарадзіліся

1848 — Якуб Наркевіч-Ёдка, беларускі фізык, мэдык, біёляг

1911 — Уладзімер Дудзіцкі, беларускі паэт, дзяяч беларускай эміграцыі.​

1924 — Алесь Савіцкі, беларускі пісьменьнік.

1936 — Генадзь Каханоўскі, беларускі гісторык.

На фота: Зоська Верас, Аляксей Пяткевіч і Генадзь Каханоўскі.

2023-01-07 19:11:00+00:00

Улады Ўкраіны паведамілі аб расейскіх атаках — нягледзячы на «перамір’е»

Кіраўнік вайсковай адміністрацыі Данецкай вобласьці Павел Кірыленка, у прыватнасьці, прывёў зьвесткі, што расейскія войскі цягам содняў абстралялі ў рэгіёне шэраг паселішчаў.

Кіраўнік Луганскай абласной вайсковай адміністрацыі Сяргей Гайдай таксама сьцьвярджае, што расейскія войскі не спынялі атакі.

https://rferl.link/3ezG

2023-01-07 17:39:03+00:00

І яшчэ адно каляднае віншаваньне, ад праваслаўнага архіяпіскапа, які адлучыў Лукашэнку ад Царквы:

«Маскоўскія агрэсары выдаюць сябе за хрысьціянаў, а паводзяцца як сатаністы, што стагодзьдзямі чынілі генацыд беларусаў і іншых народаў, і цяпер пагражаюць усяму цывілізаванаму сьвету. Як некалі малое Дзіця Ісус перахоўваўся на Чужыне ад Ірада, так і цяпер сотні тысяч уцекачоў апынуліся на выгнаньні з прычыны перасьледу іх уладай самазванца-ірада ў Беларусі, які ёсьць служкаю Крамля». — піша ў звароце Сьвятаслаў Логін.

Падрабязна: https://rferl.link/my2B

2023-01-07 17:00:33+00:00

«Бог абраў слабое, каб пасароміць моцнае». На што зьвярнуў увагу ў калядным віншаваньні мітрапаліт Веніямін

Мітрапаліт Менскі і Заслаўскі зьвярнуўся да вернікаў і духоўных асобаў Беларускай праваслаўнай царквы (Маскоўскі патрыярхат) з нагоды Калядаў:

«Часам нам здаецца, што ад нас мала што залежыць, што ўсё ў нашай гісторыі вырашаецца «моцнымі гэтага сьвету». Але Госпад нарадзіўся ня ў царскіх харомах, а ў простай пячоры, быў пакладзены ў ясьлі для жывёлы і тым самым паказаў, што «слабое сьвету абраў Бог, каб пасароміць моцнае», — сказаў Веніямін.

У канцы ён пажадаў, каб мір і згода «былі ў кожным доме, сям’і, ва ўсёй нашай Айчыне і за яе межамі».

Больш: https://rferl.link/aLVJ

2023-01-07 15:45:31+00:00

На «Лініі Сталіна» працуе калядная рэзыдэнцыя Дзеда Мароза. Вось як гэта выглядае

«Нягледзячы на марознае надвор’е, атмасфэра была цёплай і сьвяточнай. Юныя госьці расказвалі вершы Дзеду Марозу і атрымлівалі за гэта падарункі», — паведамляе Міністэрства абароны.

Больш фатаздымкаў: https://rferl.link/WXqW

2023-01-07 14:52:05+00:00

МУС пахвалілася, што парадак падчас калядных богаслужэньняў забясьпечвалі дадатковыя нарады міліцыі

МУС апублікавала прэс-рэліз, у якім сьцьвярджае, што міліцыянты «не дапусьцілі надзвычайных здарэньняў» і «гарантавалі бясьпеку грамадзян» падчас богаслужэньняў у ноч з 6 на 7 студзеня.

Падрабязьней: https://rferl.link/YXvM

2023-01-07 13:30:56+00:00

МОЎНЫ ЭТЫКЕТ ЗАСТОЛЬЛЯ

На чараду сьвятаў патрэбныя беларускія формулы этыкету — для запрашэньня, гасьцяваньня, частаваньня. Традыцыйна і паважныя, і жартоўныя, і зьедлівыя.

• Сыгналаў для частаваньня маем на выбар: Смачнога! Сыць Божа! Смачна есьці!

• Ад госьця — камплімэнты гаспадыні: Гэткі боршчык зьясі й горшчык! Ой, ці зь перцам, ці ня зь перцам, абы з шчырым сэрцам! Гаспадыня, ці яшчэ нясі, ці фартухом трасі!

• Зважаем на дамаганьні нацыянальна сьведамага госьця: Дай сала хлеб даесьці! :-)

• Паважаем высокую культуру гасьцей: Госьцікі, калі вам мала, каб вас парвала! ;-)

• А госьці ў сваю чаргу дзякуюць: Дзякуй таму, хто еў і каму падавалі. І г. д. ;-)

Больш падрабязна — у артыкулах пра застольны этыкет https://rferl.link/0mqp і пра апошнюю чарку https://rferl.link/VXeb

2023-01-07 12:43:41+00:00

1446 палітвязьняў на канец 2022 году, сярод іх 74 — з інваліднасьцю і цяжкімі захворваньнямі і 25 пэнсіянэраў, — статыстыка праваабаронцаў за 2022 год

Цягам мінулага году палітвязьнямі прызналі 889 чалавек — на волю выйшлі ж толькі 253 палітвязьні. Сярод іншага, леетась за кратамі заставаліся 108 дзеячаў культуры, 32 прадстаўнікі мэдыя, 6 адвакатаў, 6 праваабаронцаў «Вясны». 70 чалавек пазбаўленыя волі на 10 і больш гадоў.

Больш лічбаў — у інфаграфіцы👆🏻 @viasna96 і па спасылцы >>

2023-01-07 11:56:04+00:00

Расейскія войскі не спынялі напады ў дзень «перамір’я», паведамляюць улады Ўкраіны. У Расеі адмаўляюць

Паводле мясцовых уладаў і Офіса Генпракурора Ўкраіны, за 6 студзеня 2 чалавекі загінулі і 13 атрымалі раненьні ў выніку расейскіх артылерыйскіх абстрэлаў Бахмуту і Бахмуцкага раёнаў; расейцы 39 разоў абстралялі Херсонскую вобласьць (загінуў 1 чалавек, 7 параненыя); працягваліся абстрэлы і атакі ўкраінскіх пазыцый і на Луганшчыне.

Мінабароны Расеі на гэта заявіла, што расейскае войска выконвае рэжым спыненьня агню ўздоўж усёй лініі баявога судакрананьня, але Кіеў вядзе абстрэлы.

https://rferl.link/JWJ7

2023-01-07 11:33:03+00:00

Украінская выведка: новая хваля мабілізацыі ў Расеі пачнецца пасьля навагодніх сьвятаў, прызавуць каля паўмільёна чалавек

Мабілізацыя ў Расеі працягнецца 15 студзеня, заявіў The Guardian намесьнік кіраўніка ўкраінскай выведкі Вадзім Скібіцкі. На яго думку, новых мабілізаваных прыцягнуць для ўдзелу ў наступальных апэрацыях вясной і летам на ўсходзе і поўдні Ўкраіны.

Расейскі бок адмаўляе неабходнасьць новай мабілізацыі.

2023-01-07 11:00:55+00:00

Ці будзе «Вясна» бараніць Лукашэнку, мэтады ціску з боку КДБ, значнасьць Васіля Быкава і беларускай мовы. 10 цытатаў Алеся Бяляцкага

З нагоды суда над старшынём Праваабарончага цэнтру «Вясна», ляўрэатам Нобэлеўскай прэміі міру Алесем Бяляцкім, які цяпер праходзіць у Менску, склалі падборку цікавых выказваньняў праваабаронцы розных гадоў:

https://rferl.link/w6ob

2023-01-07 10:29:19+00:00

Марыя Калесьнікава даcюль знаходзіцца ў санчастцы гомельскай калёніі

Па інфармацыі ад зьняволеных, Марыю яшчэ не перавялі ў атрад, «стан яе не вельмі добры, зусім худая», піша @prisoners_spring96.

28 лістапада Калесьнікава трапіла ў рэанімацыю шпіталя хуткай дапамогі, ёй зрабілі ляпараскапічную апэрацыю. Пасьля апэрацыі першапачаткова паведамлялі, што Калесьнікава застанецца ў шпіталі да 5 сьнежня.

2023-01-07 09:38:43+00:00

Надышлі Каляды! ТЭСТ

Калядная парá — час таямнічых і вясёлых зімовых сьвятаў. Ці ўмеем расказаць пра іх па-беларуску? — Праверце сябе, прайдзіце тэст Свабоды:

https://rferl.link/6B12

2023-01-07 09:00:00+00:00

Лукашэнка заявіў, што «надышоў час зрабіць крок насустрач людзям, якія памыліліся і зьехалі зь Беларусі»

«Настаў час, калі мы, прадстаўнікі ўлады, і вы павінны зрабіць крок насустрач гэтым людзям, якія памыліліся. І будзе па-нашаму, па-праваслаўнаму, калі мы гэты крок насустрач зробім», — заявіў Лукашэнка падчас наведваньня Сьвята-Елізавецінскага манастыра (які адкрыта падтрымлівае расейскую ўзброеную агрэсію ва Ўкраіне).

Апошнім часам сілавікі ўсё часьцей затрымліваюць беларусаў, што вяртаюцца з-за мяжы. Так, паводле праваабаронцаў, уначы 19 сьнежня з аўтобуса на мяжы з Польшчай зьнялі каля дзесяці чалавек, іх забраў АМАП.

2023-01-07 08:36:41+00:00

«Дабаўце кожнаму зь „неверагодных“ яшчэ пару гадоў турмы». У Беларусі завяршаецца транзыт у таталітарызм

🗣 «У 2019-м і на пачатку 2020-га многія беларусы чакалі будучага абяцанага Лукашэнкам транзыту ўлады і разьлічвалі на хуткую лібэралізацыю.

Сёньня, на пачатку 2023-га, беларускія грамадзяне становяцца сьведкамі і ўдзельнікамі транзыту зусім іншага кшталту: той рэжым, які больш як 2 дзесяцігодзьдзі існаваў у форме параўнальна лагоднага аўтарытарызму, канчаткова ператвараецца ў паўнавартасны таталітарны рэжым сталінскага тыпу».

Віктар Багдзевіч — пра галоўны вэктар, у якім будзе рухацца Беларусь у найбліжэйшы час:

https://rferl.link/aLO0

2023-01-07 07:52:42+00:00

✍🏻 Лукашэнка выдаў сакрэтны ўказ «Аб бюджэтным фінансаваньні»

Указ ад 30 сьнежня афіцыйна апублікаваны сёньня, ён уносіць зьмены ў раней выдадзеныя ўказы, аднак іх пералік засакрэчаны — амаль ва ўсіх пунктах стаіць подпіс «для службовага карыстаньня». Указ набыў моц пасьля яго падпісаньня.

2023-01-07 07:31:42+00:00

Палата прадстаўнікоў ЗША з 15-й спробы выбрала сьпікера — ім стаў рэспубліканец Кэвін Макарці

Дэбаты аб выбраньні новага сьпікера працягваліся 4 дні. Галасаваньне праводзілі 15 разоў, бо група радыкальных рэспубліканцаў адмаўлялася падтрымаць аднапартыйца. Апошні раз сьпікера Палаты прадстаўнікоў не ўдалося выбраць зь першага разу 100 гадоў таму: у 1923 годзе на гэта спатрэбілася 9 тураў.

Сьпікер Палаты прадстаўнікоў ЗША — трэцяя паводле значнасьці пасада ў ЗША. Папярэднім сьпікерам была дэмакрат Нэнсі Пэлосі. У лістападзе 2022 году яна аб’явіла пра адстаўку.

2023-01-07 07:10:41+00:00

👆🏻Запытайся ў Дубаўца. Для чаго Лукашэнка нарошчвае прысутнасьць расейскіх войскаў у Беларусі?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Ён зразумеў, што народ перарос яго і рэальнай падтрымкі сярод беларусаў у яго няма, што ягоная ўлада імкліва звужаецца да крэсла дырэктара саўгаса, зь якога ён калісьці стартаваў. А ў саўгасе «твае» людзі — твае галоўныя ворагі і, калі што, ты выклікаеш падтрымку звонку — міліцыі, арміі, Крамля. Расейскія афіцэры, што расьсяліліся цяпер у Беларусі, адкрыта кажуць: а з чаго вы ўзялі, што мы пойдзем на Ўкраіну? Мы вас прыехалі «усмирять». І, дарэчы, калі яны ўсё ж пойдуць на Ўкраіну, гэтым разам Украіна пагоніць іх назад, у Беларусь. Для дырэктара саўгаса гэта будзе, вядома ж, найгоршы сцэнар.

❓ Задайце ваша пытаньне. Telegram: @SvabodaBelarus_bot; Signal: +380502605369

2023-01-07 06:03:29+00:00

Суд над нобэлеўскім ляўрэатам. Чаму праваабаронцаў прыраўноўваюць да тэрарыстаў

«Рэжым хоча зьнішчыць праваабарончы рух як інстытут. Бо абаронцы правоў чалавека — ня толькі скрупулёзныя хранікёры палітычнага перасьледу, якія фіксуюць факты, падзеі, чыноўнікаў, засьвечаных у рэпрэсіях, лічаць ахвяраў. Яны яшчэ ўвасабляюць грамадзянскую салідарнасьць, дэманструюць, што палітвязьні не застаюцца па-за ўвагай, пра іх ведаюць, іх падтрымліваюць, часткова нават фінансава.

Вынішчэньне самой ідэі салідарнасьці, структур, якія яе ўвасабляюць, – важная задача рэжыму», — аналітык Валер Карбалевіч — пра суд над «вясноўцамі»:

https://rferl.link/4VlD

2023-01-07 04:31:41+00:00

Добрай раніцы, сябры! І сьветлага Раства ўсім, хто сьвяткуе сёньня!

7 студзеня адзначаецца Раство Хрыстова паводле Юліянскага календара. У гэты дзень пачыналі хадзіць пераапранутыя калядоўнікі. Яны сьпявалі песьні, а гаспадары павінны былі запрасіць іх у хату і пачаставаць.

7 сьнежня дзень нарадзіліся:

▫️1897 — Язэп Адамовіч, старшыня Савету народных камісараў БССР, часы ягонага кіраваньня (1924–1927 гг.) праводзілася дзяржаўная палітыка беларусізацыі

▫️ 1910 — Канстанцін Заслонаў, адзін з арганізатараў савецкага партызанскага руху на тэрыторыі Беларусі.

▫️ 1963 — Мікалай Аўтуховіч (1963), грамадзкі дзеяч, палітвязень, асуджаны да 25 гадоў пазбаўленьня волі.

Сёньня 318-ы дзень вайны Расеі супраць Украіны.

2023-01-12 21:04:51+00:00

Крэмль рэкамэндаваў кіраўнікам расейскіх рэгіёнаў «максымальна публічна» зьезьдзіць у зону вайны з Украінай перад выбарамі сёлета ў верасьні.

Рэкамэндацыя тычыцца кіраўнікоў рэгіёнаў, у якіх чакаецца выбарчая кампанія.

Пра гэта піша расейскае выданьне «Вёрстка» са спасылкай на ананімныя крыніцы.

https://rferl.link/6nge

2023-01-12 20:27:51+00:00

Дэмакратычныя сілы «гатовыя разглядаць любыя формы перамоваў» аб вызваленьні палітвязьняў, заявіла Ціханоўская

«Мы гатовыя ў любы момант весьці дыялёг з усімі зацікаўленымі бакамі, у тым ліку пачаць перамовы з прадстаўнікамі рэжыму, каб вырашаць пытаньні ўмоваў утрыманьня і/або вызваленьня палітычных закладнікаў», — дадала Ціханоўская.

https://rferl.link/MXdE

2023-01-12 19:53:01+00:00

Першы вядомы палітвязень выйшаў на волю па цяперашней амністыі.

53-гадовага тэлемайстра з Баранавічаў Пятра Зіневіча асудзілі на «хімію» за «паклёп» на сілавіка.

https://rferl.link/eXA9

2023-01-12 19:24:01+00:00

Маркелаў зьбіраецца працягваць кампанію супраць ІКЕА і кажа, што «не для таго праводзіў гэтую акцыю, каб плаціць».

Актывіст Пятро Маркелаў расказаў Свабодзе, што яго зноў выклікалі ў паліцыю, дапыталі, зьнялі адбіткі пальцаў, узялі ДНК, а таксама паказалі дакумэнт, у якім ІКЕА ацаніла нанесеную ёй шкоду. Маркелаў выказаў фармальную згоду кампэнсаваць шкоду.

https://rferl.link/obZM

2023-01-12 18:52:01+00:00

Стартаваў адукацыйны праект «Васьміног» для беларускіх дзяцей унутры краіны і за мяжой.

«Доступ да сучасных і свабодных ад ідэалёгіі школьных ведаў».

Сёньня ў Вільні адбылася прэзэнтацыя праекту. Расказваем, што гэта такое і чаму гэта важна.

https://rferl.link/p17W

2023-01-12 18:17:01+00:00

Галоўнае за 12 студзеня:

🔗 У Менску затрымалі сьледчага, які вёў «справу Tut.by»

👉🏾 Андрэй Аляксандраў сустрэўся з бацькам. Ён і ягоная жонка Ірына Злобіна ўжо два гады за кратамі

⏳ Экс-міністру лясной гаспадаркі Віталю Дрожжу прысудзілі 7,5 года калёніі

🐈‍⬛ Ідэя Карпянкова, кіруе «красавец». Што за дзіцячы вайскова-патрыятычны клюб «Рысь» узнагародзіў Лукашэнка

🇺🇦 Вярхоўная Рада дазволіла беларускім добраахвотнікам служыць ва Ўкраіне па кантракце

🇵🇱 Візу «Poland. Business Harbour» можна будзе аднавіць у Польшчы. Але за паездкі ў Беларусь яе могуць ануляваць

❗️Украіна спыніла новыя санкцыі Эўразьвязу супраць Менску? Рэакцыі Кіеву, Брусэлю і Ціханоўскай

2023-01-12 17:43:55+00:00

Лукашэнка прызначыў на высокую пасаду ў міністэрстве абароны чарговага выпускніка расейскай вайсковай вучэльні.

🔸Новаму начальніку галоўнага ўпраўленьня баявой падрыхтоўкі Ўзброеных Сіл Аляксандру Басу 51 год.

🔸Атрымаў званьне генэрал-маёра за 3 дні да поўнамаштабнага ўварваньня Расеі ва Ўкраіну.

🔸Уваходзіць у санкцыйныя сьпісы Эўразьвязу і шэрагу іншых краін.

🔸Скончыў Чалябінскую вышэйшую танкавую камандную вучэльню.

https://rferl.link/2gDA

2023-01-12 17:03:41+00:00

IKEA патрабуе зь Пятра Маркелава 8,5 тысяч эўра кампэнсацыі за шкоду падчас ягонай акцыі.

Пра гэта Маркелаў паведаміў у Instagram.

Летась у лістападзе беларус Пятро Маркелаў, які цяпер жыве ў Чэхіі, правёў акцыю ў мэблевай краме IKEA. Пасек дзьве тумбачкі сякерай, абліў іх фарбай і праз рупар па-ангельску абвясьціў, што робіць гэта, бо пратэстуе супраць супрацоўніцтва швэдаў з уладамі Беларусі.

Што адбылося раней: https://rferl.link/2bED

2023-01-12 16:35:51+00:00

Гуркі +51%, памідоры +43%. У Беларусі зноў пачалі расьці цэны.

Дагэтуль два месяцы яны зьніжаліся. Разьбіраемся, што падаражэла.

https://rferl.link/QBgw

2023-01-12 16:07:50+00:00

Беларускія добраахвотнікі змогуць служыць ва Ўкраіне паводле кантракту.

Ва Ўкраіне ўхвалілі законапраект №8098, які пашырае правы замежных добраахвотнікаў ва Ўкраіне, паведаміў у Facebook дарадца Ціханоўскай Франак Вячорка.

За законапраект прагаласаваў 321 дэпутат Вярхоўнай Рады, паведаміў дэпутат Яраслаў Жалязьняк.

«Закон дазваляе замежным, у тым ліку беларускім добраахвотнікам легальна знаходзіцца на тэрыторыі Ўкраіны і атрымліваць украінскае грамадзянства ў спрошчаным парадку», – напісаў Вячорка.

https://rferl.link/3G3p

2023-01-12 16:01:01+00:00

Што стаіць за арыштам Андрэя Дзьмітрыева?

Камэнтуе палітычны аглядальнік Аляксандар Класкоўскі.

11 студзеня стала вядома, што затрымалі экс-кандыдата ў прэзыдэнты Андрэя Дзьмітрыева. Ягоны адвакат паведаміў, што той у турме на Акрэсьціна.

ГЛЯДЗІЦЕ ЦЯПЕР НА YOUTUBE

2023-01-12 15:35:01+00:00

Візу «Poland. Business Harbour» можна будзе аднавіць у Польшчы.

Але за паездкі ў Беларусь яе могуць ануляваць.

Віза будзе даваць магчымасьці, якіх няма пры наяўнасьці звычайнай гуманітарнай візы. Аплата збору за яе выдачу не прадугледжана.

https://rferl.link/xkb4

2023-01-12 15:11:01+00:00

Лукашэнкаўскія ці савецкія рэпрэсіі? Паспрабуйце вызначыць па цытатах

Цяперашнія абвінавачаньні беларусам і сьведчаньні зьняволеных часам можна зблытаць з цытатамі пра рэпрэсіі сталінскага часу.

Паспрабуйце адказаць, што ў якім годзе апублікавана.

https://rferl.link/3GxX

2023-01-12 14:48:01+00:00

«Фіксаваліся факты ўезду агентаў КДБ».

Літоўскія спэцслужбы засьцерагаюць грамадзян ад паездак у Беларусь.

Некаторыя літоўскія грамадзяне наведваюць Беларусь па «бязьвізе», арганізаваным рэжымам Лукашэнкі. Але спэцслужбы краіны папярэджваюць, што рабіць гэта небясьпечна, існуе рызыка трапіць у рукі беларускай або расейскай выведкі.

https://rferl.link/p1qW

2023-01-12 14:25:35+00:00

Справу Валера Цапкалы перадалі ў суд. Неўзабаве над ім пачнецца «завочны працэс».

Яго вінавацяць у тым, што ён атрымаў хабар больш за 150 тысяч эўра, калі быў дырэктарам ПВТ. Гэта нібыта была падзяка за тое, што ён выбраў пэўную кампанію на генпадрадчыка будаўнічых работ.

Гэтыя грошы Цапкала, як сьцьвярджае Генпракуратура, патраціў на будаўніцтва свайго дома і адпачынак разам зь сям'ёй у Крыме.

Таксама яму закідаюць:

🔸«заклікі да да захопу дзяржаўнай улады, акту тэрарызму, іншых дзеяньняў, накіраваных на прычыненьне шкоды нацыянальнай бясьпецы Беларусі»;

🔸«стварэньне экстрэмісцкага фармаваньня і кіраўніцтва ім»;

🔸«фінансаваньне экстрэмісцкай дзейнасьці»;

🔸«паклёп і публічную абразу Лукашэнкі»,

🔸«дыскрэдытацыю Рэспублікі Беларусь».

2023-01-12 13:58:20+00:00

«Мы разумеем, што ўлады Ўкраіны ня хочуць правакаваць Лукашэнку».

Ціханоўская пракамэнтавала інфармацыю пра тое, што Беларусь ня трапіла ў апошні пакет санкцый ЭЗ нібыта на просьбу Ўкраіны.

Яна выказала думку, што спроба не правакаваць Лукашэнку — ня спыніць яго, і нагадала пра напад на Ўкраіну з тэрыторыі Беларусі.

«Лукашэнка ніколі не трымае слова і будзе рабіць тое, што скажа Расея. Ён не выпадкова апынуўся ў такой сытуацыі. Ён не закладнік і не ахвяра — ён абраў інтэграцыю з Расеяй яшчэ ў 90-х», — напісала Ціханоўская.

На ейную думку, саступкі Лукашэнку «ствараюць для яго пачуцьцё беспакаранасьці».

2023-01-12 13:21:11+00:00

У МЗС Украіны абверглі, што Беларусь не ўключылі ў апошні санкцыйны пакет Эўразьвязу на просьбу Ўкраіны.

«Нагадаю, што за падтрымку агрэсіі РФ супраць Украіны ў дачыненьні да Беларусі ўвялі шэраг пэрсанальных (рэжым Лукашэнкі, вайсковае камандаваньне, прапагандысты, 25 дзяржаўных органаў і прадпрыемстваў беларускай вайсковай прамысловасьці, у прыватнасьці Міністэрства абароны і Камітэт дзяржаўнай бясьпекі, а таксама 8 беларускіх прадпрыемстваў) і сэктаральных санкцый (Цэнтральны банк і яшчэ 4 беларускія банкі, забарона на пастаўкі тавараў падвойнага прызначэньня, паслуг, дэпазытаў, эўра, угнаеньняў, а таксама забарона дзейнасьці грузавых апэратараў), напісаў сьпікер МЗС Украіны Алег Ніколенка.

Зь ягоных словаў, унутры ЭЗ цяпер няма кансэнсусу што да санкцый, але Ўкраіна і ейныя партнэры працуюць над тым, каб зрабіць максымальна зьмястоўным дзясяты пакет санкцый ЭЗ.

2023-01-12 13:03:01+00:00

Домрачава выказалася за «спорт па-за палітыкай» і заявіла, што адхіленьне беларусаў і расейцаў ад спаборніцтваў ня скончыць вайну

Чатырохразовая алімпійская чэмпіёнка, вядомая беларуская біятляністка Дар’я Домрачава ў інтэрвію часопісу НАК Беларусі выказалася пра вайну, стаўленьне да палітыкі і свайго жыцьця.

https://rferl.link/AGJM

2023-01-12 12:40:06+00:00

«Дадатковы інструмэнт, каб адсочваць іншадумцаў». Размова з дарадцай Ціханоўскай у пытаньнях адукацыі

Паводле новых правілаў, атэстацыя школьнікаў у 2023 годзе будзе праходзіць у форме адзінага цэнтралізаванага экзамэну (ЦЭ). Выніковая атэстацыя будзе адразу выпускной і ўступнай, а вынікі выпускных іспытаў будуць залічвацца пры паступленьні ва ўстанову вышэйшай адукацыі.

Дарадца Сьвятланы Ціханоўскай у пытаньнях адукацыі і навукі Тацяна Шчытцова лічыць, што гэтыя рэформы носяць толькі касмэтычны характар і да ніякіх грунтоўных зьменаў не вядуць. Да таго ж, мяркуе яна, новы альгарытм паступленьня ў ВНУ стаў больш складаным, у ім шмат нюансаў і ўмоваў.

https://rferl.link/0GOM

2023-01-12 12:00:25+00:00

Новы судовы працэс у справе Юрыя Чыжа аб’явілі закрытым

Аб закрытым рэжыме папрасіў пракурор, матываваўшы тым, што ў пастанове аб прыцягненьні Чыжа ў якасьці абвінавачанага і матэрыялах крымінальнай справы ёсьць інфармацыя для службовага карыстаньня, якую нельга абнародаваць.

Пры гэтым да канца не зразумела, якія артыкулы засталіся ў абвінавачаньні, а якія адтуль прыбралі.

https://rferl.link/EMYg

2023-01-12 11:32:01+00:00

Human Rights Watch: «Улады Беларусі ня здолелі правесьці эфэктыўнае расьсьледаваньне катаваньняў мірных пратэстоўцаў у 2020 годзе»

Аўтарытэтная праваабарончая ініцыятыва падвяла вынікі 2022 для Беларусі. Паляпшэньняў не знайшлі. Нягледзячы на пастановы і рэзалюцыі аўтарытэтных міжнародных арганізацый, улады дзяржавы на чале з Аляксандрам Лукашэнкам сыстэматычна ігнаруюць міжнароднае права і звароты да сябе.

https://rferl.link/JgEv

2023-01-12 11:11:01+00:00

Яшчэ аднаго беларускага прадпрымальніка за дапамогу Ўкраіне затрымаў ГУБАЗіК 

У адным зь неафіцыйных тэлеграм-каналаў ГУБАЗіК зьявілася паведамленьне аб затрыманьні прадпрымальніка ў Гомлі і відэа жорсткага абыходжаньня зь ім. Арышт праводзіў ГУБАЗіК пры падтрымцы атраду АМАП у поўнай амуніцыі. Сілавікі ўварваліся ў кватэру, павалілі гаспадара на падлогу, сьцягнулі рукі за сьпінай кайданкамі.

Як піша гомельскае выданьне «Флагшток», імя затрыманага прадпрымальніка Юры Ташкінаў. У сацыяльных сетках ён выказваўся супраць вайны ва Ўкраіне і публікаваў справаздачы аб гуманітарнай дапамозе жыхарам украінскага памежжа, якія трапілі пад расейскую акупацыю ў пачатку вясны 2022 году.

На відэа, зьнятым пад ціскам, прадпрымальнік кажа, што нібыта рабіў ахвяраваньні ў фонд BySol. Паводле сілавікоў, грошы «ішлі на рахункі прыватных тэрарыстычных арганізацый, якія ўдзельнічаюць у баявых дзеяньнях на тэрыторыі Ўкраіны».

2023-01-12 10:53:42+00:00

Затрыманы начальнік упраўленьня па расьсьледаваньні злачынстваў у фінансава-крэдытнай сфэры СК Беларусі

Зьміцер Даліннік вядомы тым, што ўзначальваў сьледчую групу ў «справе Тut.bу», паведамляе «Зеркало». Паводлое выданьня, яго затрымалі за хабар яшчэ ў лістападзе.

2023-01-12 10:33:01+00:00

Эўразьвяз ня ўводзіць санкцыі супраць рэжыму Лукашэнкі на патрабаваньне Ўкраіны

Пра гэта паведаміў журналіст Свабоды Рыкард Юзьвяк у Twitter.

Паводле яго, патрабаваннье Ўкраіны аб адсутнасьці санкцый супраць рэжыму ў Беларусі, гэта адна з прычын, празь якую рэжым Лукашэнкі ня патрапіў пад санкцыі ЭЗ разам з РФ у апошніх санкцыйных пакетах.

2023-01-12 10:13:01+00:00

Помста як жыцьцёвае крэда. Чаму аналітыкі памыляюцца, калі спрабуюць вытлумачыць паводзіны Лукашэнкі толькі рацыянальнымі матывамі

У дзеяньнях Аляксандра Лукашэнкі палітычныя аналітыкі найчасьцей шукаюць рацыянальныя тлумачэньні, выпрацоўваюць прагнозы, зыходзячы зь ягоных імаверных палітычных і асабістых інтарэсаў. І вельмі часта памыляюцца. Чаму? Разважае Сяргей Навумчык https://rferl.link/m13O

2023-01-12 09:41:01+00:00

Ідэя Карпянкова, кіруе «красавец»

Сярод ляўрэатаў штогадовай прэміі «За духоўнае адраджэньне» і спэцпрэміі Лукашэнкі сёлета апынуўся вайскова-патрыятычны клюб «Рысь», які дзейнічае пры частцы 3214 унутраных войскаў.

Свабода паглядзела, што вядома пра гэтую структуру, хто ёй кіруе і апякуецца.

https://rferl.link/8n0a

2023-01-12 09:09:01+00:00

«Распаўсюджваў ідэі беларускага нацыяналізму, мэтай якіх зьяўлялася зьмена дзяржаўнай улады ў Беларусі»

Цяперашнія абвінавачаньні беларусам і сьведчаньні зьняволеных часам можна зблытаць з цытатамі пра рэпрэсіі сталінскага часу. Паспрабуйце адказаць, што ў якім годзе апублікавана.

https://rferl.link/3GxX

2023-01-12 08:44:02+00:00

«Бедункевіч з ГУБАЗіКу сказаў: „Забудзься пра правы чалавека, пакуль ты ў мяне ў руках“»

Былая палітзьняволеная пра 2,5 года за кратамі

https://rferl.link/aX85

2023-01-12 08:21:01+00:00

Спадарожнікавыя здымкі Салядару дазваляюць ацаніць маштабы разбурэньня

Як сказаў карэспандэнтам @svoboda_radio камандзір батальёну «Свабода», пасьля жорсткіх баёў горадам яго ўжо не назавеш, «там неўзабаве ня тое што цэлага будынка — цэлай цагліны не застанецца».

Першыя фатаграфіі былі зробленыя Maxar летам 2022 года, другія — нядаўна, 10 студзеня.

Паводле зьвестак украінскіх уладаў, у горадзе застаюцца амаль 560 мірных жыхароў, у тым ліку 15 дзяцей. У абласной адміністрацыі кажуць, што да закрыцьця гораду праз актыўныя баявыя дзеяньні людзі ня мелі жаданьня зьяжджаць. У суседнім Бахмуце засталося менш за 8 тысяч чалавек, але эвакуацыя ўсё яшчэ магчымая.

2023-01-12 07:33:02+00:00

11 студзеня прэс-служба кіраўніка ПВК «Вагнэр» Прыгожына і тэлеграм-каналы, зьвязаныя зь ім паведамілі, што ў горадзе Салядар Данецкай вобласьці, за які ў апошнія дні вядуцца баі, знайшлі цела брытанскага валянтэра, які прапаў раней. Аднак пацьверджаньня гэтай інфармацыі зь іншых крыніц няма.

«Мы падтрымліваем сем’і двух брытанцаў, зьніклых ва Ўкраіне. Мы ў курсе апошніх паведамленьняў і падтрымліваем кантакт з украінскімі ўладамі», — заявіў прэс-сакратар МЗС Вялікай Брытаніі, паведамляе Sky News.

9 студзеня ўкраінскія СМІ з спасылкай на прэс-службу Нацпаліцыі паведамілі, што ў Данецкай вобласьці праваахоўнікі шукаюць двух брытанскіх добраахвотнікаў, Эндру Бэгшоў і Крыстафэра Пэры. Адзначалася, што раніцай 6 студзеня добраахвотнікі выехалі з Краматорску ў Салядар, і з таго часу сувязь зь імі абарвалася.

Салядар цяпер — адзін з самых гарачых пунктаў на фронце. Паводле зьвестак уладаў, у горадзе застаюцца амаль 560 мірных жыхароў, у тым ліку дзеці.

2023-01-12 07:10:00+00:00

👆🏾Запытайся ў Дубаўца. Чаму Бог дапускае войны?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Бог не ваюе, не нападае і „дапускае ўсё ўвогуле“, што дазваляе сабе чалавек. Бог раіць: „Усё тое, што ты хочаш, каб іншыя людзі рабілі табе, тое і ты рабі ім“? Адэкватны чалавечы сьвет кіруецца гэтым імпэратывам. Ягоны сэнс — у роўнасьці.

Цяжка ўявіць, каб сёньня Літва напала на Польшчу, а Францыя на Італію. Чаму гэта немагчыма? Бо краіны і народы сталі глядзець на сябе, як на іншых і роўных зь іншымі.

Дыктатары, якія пачынаюць агрэсію, кіруюцца чым заўгодна, толькі ня роўнасьцю зь іншымі і ня Боскімі законамі.

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-12 06:52:01+00:00

«На Беларусь могуць напасьці, нам трэба бараніцца». Ці рыхтуе прапаганда беларусаў да вайны?

Мэдыяэкспэрт Паўлюк Быкоўскі аналізуе апошнія павевы і наратывы беларускай афіцыйнай прапаганды, ацэньвае ступень яе сынхранізацыі з крамлёўскай і адказвае на пытаньне, да чаго рыхтуе прапаганда беларусаў.

https://rferl.link/2gOD

2023-01-12 06:18:01+00:00

Словы дня: biełaruskaja łacinka

Чатыры стагодзьдзі беларусы прыстасоўвалі рымскія літары да сваіх гукаў. Пасьпяхова прыстасавалі. Лацінка — такое самае беларускае пісьмо, як і кірыліца. Але нездарма беларускую лацінку забаранялі і цар, і саветы, і ўрэшце забараняе цяперашняя ўлада.

https://rferl.link/Z5Qj

2023-01-12 05:38:01+00:00

Чалом-здароў!

12 студзеня 1941 году ў расейскім Сьвярдлоўску (сучасны Екацерынбург) нарадзіўся Ўладзімер Мулявін, народны артыст Беларусі і СССР. У 1968 годзе Мулявін заснаваў пры Белдзяржфілярмоніі вакальна-інструмэнтальны ансамбль «Лявоны», які праз 2 гады быў перайменаваны ў «Песьняры».

Гэты дзень у гісторыі Беларусі:

1591 — Менск атрымаў герб гораду — у блакітным полі жаночая постаць паміж двума анёламі і херувімамі.

1895 — у Менску пачала працаваць першая электрастанцыя, якую прынята лічыць найбуйнейшай у Беларусі зь ліку муніцыпальных. У 2011 годзе электрастанцыю зьнішчылі, каб будаваць гатэль «Кемпінскі».

У гэты дзень нарадзіліся:

Казімер Смулька (1894), сьвятар; у 1920–1930-х перасьледаваны бальшавіцкімі й польскімі ўладамі.

Язэп Малецкі (1906), беларускі грамадзкі дзеяч, мэмуарыст, рэдактар і выдавец.

Вераніка Чаркасава (1959), беларуская журналістка (забітая 20 кастрычніка 2004 году).

Пачаўся 323-і дзень поўнамаштабнай вайны Расеі супраць Украіны.

2023-01-11 20:28:01+00:00

10 фактаў пра Паўла Белавуса, якога вінавацяць у «нацыяналізме»

Чым вядомы Павал Белавус, якога вінавацяць у «здрадзе дзяржаве і кіраваньні экстрэмісцкім фармаваньнем»? Расказваем, што важнага ён зрабіў для Беларусі.

https://youtu.be/Vk8pSEsStII

2023-01-11 19:56:01+00:00

Сетка «ВКонтакте» заблякавала старонку Радыё Свабода

Ад сёньня і ў Беларусі не адкрываецца старонка Радыё Свабода ў расейскай сацсетцы «ВКонтакте». Старонку заблякавалі на падставе рашэньня Міністэрства інфармацыі Беларусі.

Матэрыялы Свабоды можна чытаць і глядзець на іншых сацыяльных сетках:

📌 Instagram https://www.instagram.com/radiosvaboda/

📌 Facebook https://www.facebook.com/svaboda.org

📌 Youtube https://www.youtube.com/user/svabodavideo

📌 Twitter https://twitter.com/svaboda

📌 TikTok https://www.tiktok.com/@radio_svaboda

2023-01-11 19:35:27+00:00

Сілавікі затрымалі экс-кандыдата ў прэзідэнты Андрэя Дзмітрыева, распавяла @mediazona_by яго калега. Пазьней адвакат Дзьмітрыева паведаміў ягоным калегам, што той знаходзіцца на Акрэсьціна. Падрабязнасьці затрыманьня пакуль невядомыя.

2023-01-11 19:01:07+00:00

Галоўнае за 11 студзеня

📌 «Праваабаронцай 2022 году» назвалі палітзьняволеную Насту Лойку, «журналістам году» — Аксану Колб

📌 Палітзьняволены журналіст Дзяніс Івашын захварэў у карцэры, яго перавялі ў карантын

📌 Айцішнікам, якія данацілі ў фонды салідарнасьці, КДБ прапануе адкупіцца «ўнёскамі на дабрачыннасьць»

📌 Суд у Бярозе адмяніў вырак за абразу сілавікоў: мінуў тэрмін даўнасьці

📌 Ціханоўская ініцыявала міжнародны фонд у падтрымку рэпрэсаваных беларусаў

📌 Чалец Савету рэспублікі агучыў умовы для вяртаньня ў Беларусь палітычных эмігрантаў

📌 «УКантакце» блякуе суполкі беларускіх недзяржаўных арганізацый і незалежных СМІ

📌 Афіцыйна: Пандэмія каранавірусу ў Беларусі скончылася, пачалася «трыдэмія»

2023-01-11 18:39:01+00:00

Як КДБ вылічвае тых, хто данаціў у фонды салідарнасьці. Вэрсія: Вінаваты Фэйсбук

КДБ цьвердзіць, што мае ў распараджэньні сьпісы праграмістаў з ІТ-кампаній, якія данацілі ў фонды салідарнасьці ў 2020-2021 гадах. Такім людзям КДБ прапануе цяпер загладзіць віну, «добраахвотна» перавёўшы грошы на дабрачынныя мэты дзяржаўным установам, прычым у 10 разоў большым памеры, чым быў «данат». Як спэцслужбы вылічваюць донараў?

На запыт КДБ беларускія банкі далі спэцслужбам інфармацыю пра плацяжы зь беларускіх картак Фэйсбуку ад жніўня 2020 году. «Нашай Ніве» стала вядома пра «дзірку» ў бясьпецы Фэйсбуку, якая дазваляе вызначыць, хто пераводзіў грошы ў фонды салідарнасьці.

2023-01-11 18:12:01+00:00

У ЗША адмянілі або затрымалі больш за 5000 унутраных авіярэйсаў

У ноч на сераду ў ЗША адбыўся буйны збой у кампутарнай сыстэме NOTAM, якая выкарыстоўваецца ў грамадзянскай авіяцыі. У выніку былі адмененыя або затрыманыя ўсе ўнутраныя авіярэйсы ў краіне — усяго каля 5800 вылетаў.

Авіязносіны аднавілі да 9 раніцы, аднак поўнае аднаўленьне раскладу палётаў можа заняць яшчэ некалькі дзён. Авіякампаніі просяць пасажыраў сачыць за зьменамі на сайтах аэрапортаў.

2023-01-11 17:30:34+00:00

З гэтага году не занятыя ў эканоміцы беларусы зноў падпадуць пад «падатак на дармаедзтва», але ня ўсе і не адразу.

Справа ў тым, што ў Падатковы кодэкс унесьлі некаторыя зьмены — падатковая інспэкцыя будзе правяраць розьніцу паміж выдаткамі і прыбыткамі тых беларусаў, хто афіцыйна не працуе безь перапынку 5 гадоў.

Для такіх катэгорый не занятых у эканоміцы ў прыбыткі ня будуць уключаць падараваныя грошы, пазыкі, а таксама грошы, якія перадалі на захаваньне.

Прыгадваем, як уводзілі падатак на дармаедзтва і што з гэтага выйшла.

2023-01-11 16:57:01+00:00

СМІ: айцішнікам, якія данацілі ў фонды салідарнасьці, КДБ прапануе адкупіцца «ўнёскамі на дабрачыннасьць»

Двое кіраўнікоў кампаній-рэзыдэнтаў ПВТ распавялі рэдакцыі dev.by, што некалі данацілі ў фонды салідарнасьці, а цяпер самі зьявіліся ў КДБ, расказалі пра гэта і ў якасьці кампэнсацыі заданацілі ў дзяржаўныя арганізацыі.

Супрацоўнікі КДБ нібыта прапанавалі ім зрабіць «добраахвотныя» дабрачынныя ўнёскі, на выбар: «у дзіцячыя дамы, госьпісы, спэцшколы і падобныя ўстановы» ў 10-кратным памеры ранейшага данату ў фонды салідарнасьці.

Кіраўнікам паказалі таксама сьпісы іх супрацоўнікаў, якія данацілі ў фонды, у выніку тыя пераканалі сваіх падначаленых адкупіцца ад магчымага перасьледу гэткім жа чынам.

2023-01-11 16:28:01+00:00

«Легалізуючы пірацтва, Лукашэнка „страляе па Валожыне“». Тлумачэньне эканаміста Яраслава Раманчука

Закон аб інтэлектуальнай уласнасьці (дакладней, аб яе скасаваньні), які Лукашэнка падпісаў, — гэта нашмат больш разбуральны ўдар па беларускай эканоміцы, чым любыя санкцыі. Гэта стрэл па Бабруйску, па Валожыне, па ўсіх вёсках і гарадах Беларусі — малых і вялікіх.

Гэтак лічыць эканаміст Яраслаў Раманчук, які адказаў на пытаньні Юрыя Дракахруста на канале Свабода Premium.

2023-01-11 16:00:01+00:00

Ці трэба верыць заклікам вяртацца «беглым»? Адказвае Яніна Сазановіч з праекту «Карнікі Беларусі». ГЛЯДЗІЦЕ ЦЯПЕР НА YOUTUBE

Чалец Савета Рэспублікі Алег Дзьячэнка заклікаў нязгодных з рэжымам беларусаў, якія зьехалі за мяжу, вярнуцца ў Беларусь. Але для гэтага яны павінны «раскаяцца» і «стварыць дастойны плён пакаяньня». Яніна Сазановіч, заснавальніца праектаў «Дзікае паляваньне» і «Карнікі Беларусі», у інтэрвію Свабодзе адказвае на пытаньні, пры якіх умовах можна вяртацца ў Беларусь і па чым можна будзе зразумець, што заклікі ўладаў шчырыя. https://youtu.be/hbrAM_81i08т

2023-01-11 15:58:01+00:00

Начальніка генштабу Расейскіх узброеных сілаў Валерыя Герасімава прызначылі камандаваць групоўкай, якая вядзе вайну ва Ўкраіне. Ранейшы камандуючы Сяргей Суравікін будзе ягоным намесьнікам, паведамляе Міністэрства абароны Расеі.

2023-01-11 15:23:00+00:00

Апытаньне ва Ўкраіне: 94% ня вераць Лукашэнку, лідэр даверу — прэзыдэнт Польшчы Дуда

Ва Ўкраіне правялі апытаньне наконт эўрапейскай, эўраатлянтычнай інтэграцыі, склалі сьвежы рэйтынг даверу і недаверу палітыкам і актуалізавалі дадзеныя па меркаваньнях жыхароў Украіны адносна міжнародных арганізацый і аб’яднаньняў.

https://rferl.link/g55O

2023-01-11 14:35:00+00:00

Ціханоўская ініцыявала міжнародны фонд у падтрымку рэпрэсаваных беларусаў

Грошы пойдуць на аплату адвакатаў, падтрымку сем’яў і рэабілітацыйныя праграмы.

https://rferl.link/GYYQ

2023-01-11 14:06:00+00:00

Прэзыдэнты Ўкраіны, Літвы і Польшчы сустрэліся ў Львове.

Уладзімір Зяленскі, Гітанас Наўседа і Анджэй Дуда падпісалі дэклярацыю прэзыдэнтаў Люблінскага трохкутніка і зрабілі ўжо традыцыйнае фота ў стылі «адзін за ўсіх і ўсе за аднаго».

Дуда заявіў, што Польшча перадасьць Украіне роту нямецкіх танкаў Leopard.

Фота з Twitter канцылярыі прэзыдэнта Польшчы

https://rferl.link/4nnG

2023-01-11 13:51:01+00:00

«Журналістам 2022 году» стала рэдактар газэты «Новы час» Аксана Колб.

Прэміі за год уручыла беларуская праваабарончая супольнасьць.

🔸«Праваабронцай году» абралі Насту Лойку,

🔸«Ініцыятывай году» — Міжнародны камітэт па расьсьледаваньні катаваньняў у Беларусі.

Гэтую прэмію ўручаюць штогод за дасягненьні ў галіне правоў чалавека.

https://rferl.link/nJQA

2023-01-11 13:30:21+00:00

«Хай правядуць за мяжой мітынгі за зьняцьце санкцый».

Чалец Савету рэспублікі агучыў умовы для вяртаньня ў Беларусь палітычных эмігрантаў. Паводле яго, трэба «стварыць годны плён пакаяньня» і «зрабіць крокі насустрач нашай краіне».

https://rferl.link/XpjW

2023-01-11 12:59:00+00:00

Зяленскі расказаў пра сваё бачаньне сытуацыі ў Беларусі і на ўкраінска-беларускай мяжы.

«Разумеем, што, апроч моцных заяў, мы нічога магутнага там ня бачым, аднак мусім быць падрыхтаваныя як на мяжы, так і ў абласьцях».

Прэзыдэнт Украіны сёньня ў Львове правёў каардынацыйную нараду аб стане забесьпячэньня аховы дзяржаўнай мяжы і актуальнай сытуацыі зь бясьпекай у паўночна-заходніх абласьцях Украіны.

https://rferl.link/aXLY

2023-01-11 12:31:00+00:00

У Беларусі зьявіўся афіцыйны пераклад Крымінальна-выканаўчага кодэксу на беларускую мову.

Усяго з пачатку працы адмыслова заснаванай экспэртнай рады на беларускую мову пераклалі 16 заканадаўчых актаў.

Усе іншыя законы напісаныя выключна на расейскай, нягледзячы на дэкляраваную ў Канстытуцыі Беларусі роўнасьць дзьвюх дзяржаўных моваў.

https://rferl.link/AGAY

2023-01-11 12:05:00+00:00

Амэрыканскі гісторык Тымаці Снайдэр лічыць, што Расея ў цяперашняй вайне праводзіць «амбітную палітыку расавай трансфармацыі».

Прапануем вашай увазе ягоныя думкі.

«З тэрыторый, акупаваных Расеяй, было дэпартавана каля трох мільёнаў чалавек, у асноўным маладыя жанчыны і дзеці... Лёгіка ў тым, што гэтым жанчынам давядзецца выйсьці замуж за расейскіх мужчын, а дзеці вырастуць расейцамі».

https://rferl.link/XpG6

2023-01-11 11:31:38+00:00

Азараў: Прарасейскіх сілавікоў пасьля пераменаў трэба звольніць, паставіць на ўлік і назіраць за імі

Салдатаў беларускай арміі індактрынуюць ідэямі «русского мира», каб псыхалягічна падрыхтаваць да вайны супраць Украіны. Да такой высновы прыйшла арганізацыя ByPol пасьля аналізу працы ідэолягаў Міністэрства абароны.

Пра гэта ў інтэрвію Свабодзе расказаў кіраўнік ByPol і прадстаўнік Аб’яднанага пераходнага кабінэту ў пытаньнях аднаўленьня правапарадку Аляксандар Азараў.

https://rferl.link/lL4L

2023-01-11 11:08:00+00:00

Папа Францішак памаліўся перад абразом Маці Божай Жыровіцкай.

Копію абраза выставілі падчас агульнай аўдыенцыі ў Ватыкане 11 студзеня. Пантыфік правёў перад ёй некалькі хвілін у малітве за Ўкраіну.

Абраз Маці Божай Жыровіцкай беларускія грэка-каталікі ўшаноўваюць як Валадарку Беларускага Народу. Гэтую выяву Багародзіцы шануюць таксама ўкраінскія вернікі.

https://rferl.link/eXO1

2023-01-11 10:40:00+00:00

Супрацоўнік Symbal.by расказаў, як крама і Павал Белавус, якога вінавацяць у «здрадзе дзяржаве», перасякаліся зь дзяржавай.

На працягу дзесяці гадоў дзейнасьці, якія фігуруюць у абвінавачаньні, Павал Белавус і Symbal.by імкнуліся супрацоўнічаць і зь дзяржаўнымі інстытутамі. Белавуса паказвалі на дзяржаўнай тэлевізіі, а мерапрыемствы давалі праводзіць у цэнтры Менску.

«Была кулюарная сустрэча з кіраўніцтвам БРСМ».

https://rferl.link/O9az

2023-01-11 10:09:01+00:00

Рэдкі выпадак — суд у Бярозе адмяніў вырак за абразу сілавікоў.

Прычына — мінуў тэрмін даўнасьці.

Жыхара Менску Рамана Коржыка абвінавачвалі ў тым, што ён пісаў у тэлеграм-чатах абразьлівыя камэнтары пра шасьцярых супрацоўнікаў МУС у кастрычніку-сьнежні 2020 году.

https://rferl.link/JgMq

2023-01-11 09:47:00+00:00

Паглядзіце, як беларусы ў Сан-Францыска ажанілі Цярэшку.

«Жаніцьба Цярэшкі» – традыцыйная беларуская гульня, калі хлопцы «жэняцца» зь дзяўчатамі. Яна лічылася рэпэтыцыяй вясельных абрадаў. Звычайна яе праводзілі ў час калядных сьвятаў.

Імпрэзу зладзіў Сяржук Доўгушаў і беларусы Сан-Францыска.

Фота Натальлі Парфёнавай, Аляксандра Ждановіча

2023-01-11 09:17:00+00:00

Які грамадзкі лад стварае Лукашэнка ў Беларусі пасьля 2020 году?

🔸 Ці зьяўляецца сучасная палітычная сыстэма ў Беларусі таталітарнай?

🔸 Наколькі цяперашнія парадкі ў Беларусі падобныя да працэсаў, якія адбываюцца ў Турэччыне, М’янме, Іране?

🔸 Як доўга можа пратрымацца цяперашні ўзровень рэпрэсіўнасьці беларускага рэжыму?

Абмяркоўваюць гісторык Аляксандар Пашкевіч і палітычны аглядальнік Свабоды Валер Карбалевіч.

https://rferl.link/obRA

2023-01-11 08:55:00+00:00

Расейская авіяцыя прыбыла ў Беларусь для вучэньняў, а не для падрыхтоўкі новага наступу на Ўкраіну, — брытанская выведка

«Нягледзячы на тое, што Расея трымае ў Беларусі вялікую колькасьць сілаў, яны ў асноўным задзейнічаныя на вучэньнях. Наўрад ці яны складуць надзейную наступальную сілу», — робіць выснову выведка Вялікай Брытаніі.

Сумесныя беларуска-расейскія вучэньні пройдуць у Беларусі з 16 студзеня да 1 лютага.

https://rferl.link/m1XG

2023-01-11 08:32:00+00:00

Сахашчык мяркуе, што ў Беларусі ствараюць аналяг ПВК «Вагнэр».

Беларускае ахоўнае прадпрыемства «ГардСэрвіс», адзінае, якому ўказам Лукашэнкі дазволена мець агнястрэльную зброю, у разы павялічыла колькасьць супрацоўнікаў і рыхтуецца да ўдзелу ў ваенных дзеяньнях, расказаў выданьню DW прадстаўнік Аб'яднанага пераходнага кабінэта Валер Сахашчык.

Паводле ягонай інфармацыі, пэрсанал «ГардСэрвіс» трэнуецца ўжо некалькі месяцаў на некалькіх беларускіх палігонах.

Зь ягоных словаў, апошнім часам значна вырасла колькасьць супрацоўнікаў, іх цяпер нібыта больш за тысячу чалавек.

2023-01-11 08:13:00+00:00

Латвія скасавала дамову зь Беларусьсю аб узаемных паездках

Ад верасьня 2023 году грамадзяне Латвіі змогуць знаходзіцца ў Беларусі без рэгістрацыі толькі да 10 дзён, паведаміла МУС Беларусі. Раней тэрмін быў да 30 дзён.

https://rferl.link/zq4A

2023-01-11 07:50:00+00:00

Улады ліквідуюць міжнароднае грамадзкае аб’яднаньне «Місія дапамогі зьняволеным».

Яно дзейнічае ў Беларусі з 2000 года.

Разгляд пазову Міністэрства юстыцыі праходзіць у Вярхоўным судзе 11 студзеня.

https://rferl.link/6nBD

2023-01-11 07:25:00+00:00

Публікацыі Свабоды, якія выйшлі 10 студзеня:

👉🏾 КДБ — 10 000, ахова Лукашэнкі — больш за 1000. Колькі людзей працуе ў розных спэцслужбах Беларусі

👉🏾 Польскай пісьменьніцы на 20 год забаранілі ўезд у Беларусь

👉🏾 «Агучыць адну лічбу, прыхаваць іншую». Як чыноўнікі маніпулююць статыстыкай

👉🏾 Ня проста ахвяры, а змагары. Чаму зварот родных палітвязьняў — гэта добры знак для Беларусі

👉🏾 «Для людзей ва ўзросьце такія прысуды як пажыцьцёвае зьняволеньне». За што пакаралі вялікімі тэрмінамі прафсаюзных лідэраў

👉🏾 «Чорны туліпан» для расейскай арміі. Ці шкадаваць акупантаў, якія тысячамі гінуць ва Ўкраіне?

👉🏾 Судзяць за «беларускі нацыяналізм» і «мэту зьмяніць дзяржаўную ўладу». Беларусь вярнулася у 1930-я

2023-01-11 07:10:04+00:00

👆🏾 Запытайся ў Дубаўца. Як адрэагуе сьвет, калі Лукашэнка дасьць нашы тэрыторыі Расеі для паўторнага нападу на Ўкраіну?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Сьвет ужо адрэагаваў, назваўшы Лукашэнку суагрэсарам. Тут нічога ня зьменіцца. Адбудзецца яшчэ адзін моцны ўдар па іміджы беларусаў і па стаўленьні да нас украінцаў. З гэтым мы таксама ўжо знаёмыя.

Новая рэальнасьць можа пачацца тады, калі Лукашэнка пашле ва Ўкраіну сваю армію. Калі з Украіны ў Беларусь паплывуць труны армейцаў, калі армейцы павернуць зброю і пяройдуць на ўкраінскі бок, калі полк Каліноўскага ператворыцца ў армію і рушыць на Дразды і „Валадарку“.

З гістарычнага гледзішча ўсё гэта магло б адкрыць мірную і пазытыўную пэрспэктыву для Ўкраіны, Беларусі, а нават і для Расеі.

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-11 06:55:00+00:00

Кітай дапаможа Беларусі на 50 млн даляраў (350 млн юаняў).

Гэтыя грошы пойдуць на тое, каб дабудаваць футбольны стадыён у Менску ў раёне вуліцы Ванеева і басэйн у Менску.

Нацыянальны футбольны стадыён меліся пабудаваць яшчэ да 2018 году. Першапачаткова разьлічвалі, што гэтым будуць займацца кампаніі Юрыя Чыжа, аднак потым перадалі праект кітайцам.

2023-01-11 06:39:00+00:00

Амаль 1500 работнікаў Запароскай АЭС адмовіліся атрымаць расейскія пашпарты. Ім забаранілі доступ да прадпрыемства.

Яны таксама адмовіліся падпісаць кантракт з «Росатом». У гэтых супрацоўнікаў забралі пропускі на атамную станцыю, паведамляе Генштаб Украіны.

На іхняе месца акупацыйная адміністрацыя шукае новых работнікаў. Будучым працаўнікам рыхтуюць жытло шляхам «нацыяналізацыі» кватэр мясцовых жыхароў, якія зьехалі.

2023-01-11 06:16:33+00:00

Улады Беларусі знайшлі падставу, каб прыбраць лацінку з вуліц.

Дзяржаўны камітэт па маёмасьці Беларусі разьмясьціў адказ на звароты беларусаў пра лацінку. Паводле яго, транслітэрацыя геаграфічных назваў Беларусі літарамі лацінскага альфабэта дапускаецца «толькі пры стварэньні ў Беларусі на замежных мовах картаграфічных і іншых твораў, прызначаных для міжнароднага карыстаньня».

Камітэт спасылаецца на закон «Аб геаграфічных найменьнях».

Трансьлітарацыю геаграфічных назваў на аснове лацінкі ў Беларусі хочуць скасаваць. Канчатковае рашэньне яшчэ не прынялі.

2023-01-11 05:54:13+00:00

Экспарт тавараў у Беларусі летась зьнізіўся на 4,2%, імпарт — на 8,5%.

Гэта зьвесткі за няпоўны мінулы год у параўнаньні з папярэднім.

Аднак інфармацыю па таварах і краінах Белстат не дае.

https://rferl.link/GYQm

2023-01-11 05:20:54+00:00

Чалом-здароў!

11 студзеня 1386 году пасольства польскай шляхты падпісала ў Ваўкавыскім замку дамову зь Ягайлам, згодна зь якой ён атрымліваў польскі трон ды браў шлюб зь Ядвігай.

У 1862 годзе выйшла першая нелегальная беларускамоўная газэта «Мужыцкая праўда».

У 1907 годзе рашэньнем віленскага суду забаранілі выдаваць першую легальную беларускую газэту «Наша доля». Усяго выйшла 6 нумароў. Палова накладу друкавалася кірыліцай, а палова – лацінкай.

Сёньня свой дзень нараджэньня адзначае палітвязень Віталь Лойка.

Пачаўся 322-і дзень поўнамаштабнай вайны Расеі супраць Украіны.

2023-01-10 20:46:45+00:00

Ня проста ахвяры, а змагары. Чаму зварот родных палітвязьняў — гэта добры знак для Беларусі

Блогерка Наста Захарэвіч — пра зварот родных палітвязьняў:

«Дзяржаўныя прапагандысты могуць і, хутчэй за ўсё, выкарыстаюць зварот родных палітвязьняў у якасьці аргумэнту, нібыта людзі больш не давяраюць дэмакратычным сілам, сярод пратэстоўцаў ёсьць вялікі раскол, а жаданьне перамоваў — сынонім шкадаваньня пра самі пратэсты. І дужа важна, каб мы з вамі не павяліся на гэтыя хітрыкі прапаганды.

Пошук новых стратэгій — гэта добра і правільна, а жаданьне родных палітвязьняў займаць актыўную пазыцыю — знак таго, што рэжыму не ўдаецца ўсіх запужаць»:

https://rferl.link/QBRB

2023-01-10 20:18:00+00:00

У баях пад Бахмутам ва Ўкраіне загінуў завэрбаваны ПВК «Вагнэр» 30-гадовы беларус Аляксей Цішкевіч з Брагіна, піша «Белсат»

З крыніц, блізкіх да сям’і, «Белсат» высьветліў, што Цішкевіч загінуў 26 лістапада ад стрэляна-аскепкавага раненьня. Аб яго гібелі родным паведамілі толькі 3 студзеня 2023. Бацька Аляксея сам езьдзіў у Варонеж, каб забраць цынкавую труну зь целам сына. 8 студзеня яго пахавалі ў вёсцы Вуглы Брагінскага раёну, на радзіме бабулі.

Як Цішкевіч апынуўся ў падразьдзяленьнях ПВК пад Бахмутам, дакладна не вядома. Па непацьверджанай інфармацыі, ён трапіў у наёмнікі з калёніі, дзе мусіў адбыць 15 гадоў паводле «наркатычнага» артыкулу. У Беларусі яго двойчы судзілі за кватэрныя крадзяжы.

https://rferl.link/VBbn

2023-01-10 19:54:45+00:00

🇺🇦 ААН пацьвердзіла гібель амаль 7 тысяч мірных жыхароў ва Ўкраіне

Упраўленьне вярхоўнага камісара ААН па правах чалавека пацьвердзіла гібель 6952 чалавек і 11144 выпадкі раненьняў сярод мірнага насельніцтва ва Ўкраіне ў з пачатку поўнамаштабнага ўварваньня Расеі. Толькі з 1 па 9 студзеня — 34 сьмерці і 101 параненага.

У ААН падкрэсьліваюць, што рэальная колькасьць загінулых значна большая, бо ёсьць затрымкі ў атрыманьні інфармацыі зь месцаў актыўных баёў, і многія паведамленьні яшчэ трэба пацьвердзіць.

2023-01-10 19:26:45+00:00

У Менску асудзілі старшага прапаршчыка, які страляў у падначаленых з пнэўматычнага пісталета, выкарыстоўваў супраць іх спэцсродкі і зьбіваў

Ад дзеяньняў камандзіра роты адной з вайсковых частак зь лютага 2021 да студзеня 2022 году пацярпелі 18 вайскоўцаў тэрміновай службы, паведамляе пракуратура Менску. Так ён спрабаваў «падтрымліваць дысцыпліну і дамагацца выкананьня загадаў».

Прапаршчыку прысудзілі 5 гадоў зьняволеньня, штраф у 4,8 тыс. рублёў і пазбавілі вайсковага званьня. Ён патрапіў пад амністыю — тэрмін пакараньня скарацілі на 1 год.

2023-01-10 19:05:45+00:00

Галоўнае за 10 студзеня

👨🏻‍⚖️ Суд ізноў адмовіў зьняць кайданкі зь Бяляцкага і яго паплечнікаў, для Ўладзімера Лабковіча выклікалі «хуткую»

🙍🏻‍♀️Ціханоўская агучыла прыярытэты палітыкі дэмакратычных сілаў на 2023 год

❌ Соф’і Сапезе адмовілі ў памілаваньні, нягледзячы на выплату грашовай кампэнсацыі ў 167 500 рублёў

🇪🇺 ЭЗ анансаваў новыя санкцыі супраць уладаў Беларусі за падтрымку РФ ў вайне з Украінай

📚 Выдавецтва «Янушкевіч» пазбавілі ліцэнзіі ў Беларусі

👫 У Вільні адкрылі бюро Радыё Свабода

2023-01-10 18:37:09+00:00

«У горадзе Скарыны і Каліноўскага». У Вільні адкрылася бюро Радыё Свабода

На адкрыцьці прысутнічалі прэзыдэнт Літвы Гітанас Наўседа, прэзыдэнт RFE/RL Джэймі Флай і лідэрка дэмакратычных сілаў Беларусі Сьвятлана Ціханоўская.

Віленскі офіс прыняў журналістаў, вымушаных пакінуць Беларусь. У ліпені 2021 году сілавікі разграмілі менскі офіс Свабоды. Улады прызналі Радыё Свабода «экстрэмісцкай арганізацыяй», двое журналістаў — Ігар Лосік і Андрэй Кузьнечык — па-ранейшаму за кратамі.

Рэпартаж з адкрыцьця офісу:

https://rferl.link/EMg1

2023-01-10 17:58:45+00:00

Вядомага рэпэтытара Лівянта асудзілі другі раз

Як стала вядома Свабодзе, Яўгена Лівянта асудзілі па адміністрацыйным артыкуле і дадалі яму 10 дзён арышту.

Першы раз заснавальніка рэпэтытарскага цэнтра «100 баллов» затрымалі 28 сьнежня і асудзілі на 14 дзён арышту за нібыта «дробнае хуліганства». Таксама затрымалі і асудзілі жонку і дачку Лівянта і саўладальніка цэнтру «100 баллов» Аляксея Іванова.

2023-01-10 17:43:44+00:00

Ціханоўская агучыла прыярытэты палітыкі дэмакратычных сілаў на 2023 год

1️⃣ Прадухіліць удзел Беларусі ў вайне ва Ўкраіне; для гэтага дэмсілы плянуюць дабівацца ўзмацненьня санкцый супраць рэжыму Лукашэнкі.

2️⃣ Падтрымка беларусаў: працягваць стварэньне фондаў у падтрымку рэпрэсаваных і іх сем’яў, для рэабілітацыі экс-палітвязняў, падтрымка НДА, СМІ, візавыя пытаньні.

3️⃣ Узмацненьне ўплыву дэмсілаў унутры Беларусі і абмеркаваньне беларускага пытаньня на ўсіх узроўнях за мяжой.

4️⃣ Пашырэньне адукацыйных, культурных, асьветніцкіх праектаў, накіраваных на прасоўваньне беларускай мовы, гісторыі. Падрабязьней:

https://rferl.link/Y5xv

2023-01-10 17:08:23+00:00

«Агучыць адну лічбу, прыхаваць іншую». Як чыноўнікі маніпулююць статыстыкай

Беларускія чыноўнікі час ад часу называюць нібыта пазытыўныя лічбы ў эканоміцы Беларусі. Аднак гэты рост яны бачаць часьцяком там, дзе яго няма. Глядзім на 4 канкрэтных прыкладах:

https://rferl.link/VB6n

2023-01-10 16:35:32+00:00

Мінабароны аб'явіла пра завяршэньне зьверкі дадзеных ваеннаабавязаных, якую праводзілі зь сярэдзіны кастрычніка

Сьцьвярджаецца, што зьверку прайшлі больш за 95% ваеннаабавязаных, што «дазволіла ўдакладніць у грамадзян інфармацыю, неабходную ва ўмовах існай ваенна-палітычнай абстаноўкі».

2023-01-10 16:18:37+00:00

Кіраўніца МЗС Нямеччыны Аналена Бэрбок прыехала ў Харкаў

Яе візыт раней не анансаваўся. Бэрбок стала першым чальцом нямецкага ўраду, які наведаў усход Украіны пасьля пачатку расейскага ўварваньня. Бэрбок паабяцала Ўкраіне новыя пастаўкі зброі, а таксама дапамогу ў падрыхтоўцы да ўступленьня ў Эўразьвяз, піша Reuters.

Фота: t.me/synegubov

2023-01-10 15:42:45+00:00

Судзяць за «беларускі нацыяналізм» і «мэту зьмяніць дзяржаўную ўладу». Беларусь вярнулася у 1930-я

🗣 «У абвінавачваньні Паўла Белавуса упершыню пасьля сталінскіх часоў у найноўшай беларускай гісторыі фраза „беларускі нацыяналізм“ гучыць не ў палітычным ці публіцыстычным, а ў юрыдычным, прававым кантэксьце. Вядома, калі тое, што адбываецца ў Беларусі, дапушчальна называць тэрмінам „права“».

Сяргей Навумчык — пра суд над заснавальнікам Symbal.by:

https://rferl.link/vG2w

2023-01-10 15:19:46+00:00

Палітзьняволенай грамадзянцы РФ Соф’і Сапезе адмовілі ў памілаваньні

Пра гэта распавёў @mediazona_by яе адвакат Антон Гашынскі. Паводле яго, далей плянуюць прасіць, каб яе адправілі адбываць пакараньне ў Расею.

Соф'і Сапезе прысудзілі 6 гадоў калёніі (ёй паставілі ў віну адміністраваньне тэлеграм-каналу «Чорная кніга Беларусі», які ўлады прызналі «экстрэмісцкім»). Яе затрымалі 23 траўня 2021 году разам з Раманам Пратасевічам падчас прымусовай пасадкі самалёта Ryanair у Менску.

2023-01-10 14:49:45+00:00

Беларускія, расейскія і грузінскія добраахвотнікі ў Бахмуце Данецкай вобласьці, дзе ідуць самыя жорскія баі з расейскімі войскамі.

Фота: Оперативний ЗСУ

2023-01-10 14:37:38+00:00

❌📚 Выдавецтва «Янушкевіч» пазбавілі ліцэнзіі

Выдавецтва пазбавілі ліцэнзіі ў судовым парадку, паведамляе @newknihauka. Як мяркуецца, упершыню ў гісторыі Беларусі быў прыменены артыкул 33 Закона аб выдавецкай справе, які рэглямэнтуе выпадкі, калі выдаўца могуць пазбавіць ліцэнзіі.

У траўні сілавікі прыйшлі з вобшукам у новую кнігарню выдавецтва «Янушкевіч» — «Кнігаўка». Яго заснавальнік Андрэй Янушкевіч, пасьля амаль месяца арышту і закрыцьця кнігарні быў вымушаны пакінуць Беларусь. У кастрычніку «Белкніга» разарвала дамовы з выдавецтвам.

2023-01-10 14:19:24+00:00

Летась за спробу ўступіць у полк Каліноўскага асудзілі 7 беларусаў

Такую лічбу назваў намесьнік генпракурора Аляксей Стук. Пяцёра зь іх былі затрыманыя ў прымежнай зоне пры спробе перасячэньня беларуска-ўкраінскай мяжы, дваіх затрымалі, калі яны паспрабавалі запісацца ў полк праз інтэрнэт. Усіх асудзілі да пазбаўленьня волі.

Паводле генпракурора, асуджаныя — ад 18 да 50 гадоў, прадстаўнікі розных сацыяльных груп і прафэсій. Адзін з абвінавачаных выхоўваў дваіх малалетніх дзяцей.

2023-01-10 13:49:57+00:00

Працяг суду над лідэрамі «Вясны»: у суд выклікалі «хуткую» для праваабаронцы Уладзімера Лабковіча

На пачатку пасяджэньня Ўладзь Лабковіч заявіў хадайніцтва аб перапынку ў сувязі з дрэнным самаадчуваньнем. Судзьдзя Марына Запасьнік, зьвязаўшыся з супрацоўнікамі СІЗА, вырашыла, што Лабковіч у стане ўдзельнічаць у працэсе.

Валянцін Стэфановіч зноў запатрабаваў зьняць з праваабаронцаў кайданкі — судзьдзя зноў ня стала разглядаць хадайніцтва. Стэфановіч заявіў адвод суду, бо ён парушае іх правы. Запасьнік адхіліла і гэта хадайніцтва.

UPD. Пасьля перапынку на абед Лабковіч зноў паскардзіўся, што кепска сябе адчувае, і запатрабаваў, калі не абвесьцяць перапынак, выклікаць «хуткую», што і было зроблена. Мэдыкі агледзелі яго і заявілі, што ён можа ўдзельнічаць у паседжаньні, піша @euroradio.

2023-01-10 13:22:01+00:00

Польскай пісьменьніцы на 20 год забаранілі ўезд у Беларусь

Польская пісьменьніца Мая Вольны хацела наведаць Беларусь па бязьвізавым рэжыме, які ўлады ўвялі як «пацьвярджэньне адкрытасьці краіны, накіраванасьці на добрасуседзтва і ўмацаваньне міжнацыянальных сувязяў».

Яна плянавала наведаць Пінск, дзе ў міжваенны пэрыяд жылі і працавалі яе дзяды, а таксама пабачыць мясьціны, зьвязаныя зь вядомым польскім рэпартэрам Рышардам Капусьціньскім, які нарадзіўся ў Пінску. У Менску Вольны плянавала сустрэцца зь беларускімі праваабаронцамі і інтэлектуаламі.

У Пінск Мая Вольны ехала аўтобусам з Варшавы. У Берасьці ў яе пачаліся праблемы: https://rferl.link/MX4p

2023-01-10 12:50:03+00:00

Улады праз паўгода уводзяць у дзеньне закон аб пазбаўленьні грамадзянства асуджаных за эстрэмізм.

Разабраліся, за якія артыкулы і каму гэта патэнцыйна пагражае.

Прысуд не азначае аўтаматычнага пазбаўленьня пашпарту. Фінальнае рашэньне будзе прымаць Лукашэнка.

https://rferl.link/m1l0

2023-01-10 12:24:01+00:00

«Я вывезла цела сына ў багажніку».

Украінская служба BBC апублікавала гісторыі дзьвюх маці загінулых украінскіх вайскоўцаў, абставіны вяртаньня целаў якіх могуць шакаваць.

https://rferl.link/wq5m

2023-01-10 11:59:01+00:00

Гомельскі хімзавод пазбавіўся 95% экспарту праз расейскі напад на Ўкраіну.

Завод пераарыентаваўся на расейскі рынак.

https://rferl.link/Z5pd

2023-01-10 11:35:23+00:00

Па 12 гадоў для фігурантаў «справы Чорнай кнігі Беларусі» запрасіў пракурор на «завочным судзе».

Яніну Сазановіч, Дзьмітрыя Навошу, Данііла Багдановіча, Вольгу Высоцкую і Валерыю Занямонскую абвінавачваюць у «распальваньні варожасьці», «зьліве зьвестак пра сілавікоў і чыноўнікаў», паведаміла «Вясна».

КДБ унёс фігурантаў у «тэрарыстычны сьпіс». Прысуд абвесьцяць 17 студзеня.

2023-01-10 11:21:01+00:00

КДБ — 10 000, ахова Лукашэнкі — больш за 1000.

Паглядзелі, колькі людзей працуе ў розных спэцслужбах Беларусі.

https://rferl.link/R5Yv

2023-01-10 11:06:01+00:00

Сілавікі зьнішчылі дакумэнты беларуса, каб ён не паехаў зноў працаваць у Польшчу.

Яго затрымалі, калі ён прыехаў у Беларусь да сям'і.

«У ГУБАЗіКу ўсе ягоныя тры дакумэнты — пашпарт, працоўную дамову і „карту паляка“ — зьнішчылі ў шрэдэры са словамі: „Папрацаваў там, папрацуеш тут“».

https://rferl.link/QBmB

2023-01-10 10:37:01+00:00

«Чорны туліпан» для расейскай арміі. Ці шкадаваць акупантаў, якія тысячамі гінуць ва Ўкраіне?

«І страшней за ўсё, што сьмерць тых 600 расейскіх салдатаў у Макееўцы ў навагоднюю ноч 2023 году для Ўкраіны і для ўсяго сьвету, які яе падтрымлівае, ёсьць добрай навіной».

Блог Алеся Чайчыца.

https://rferl.link/EMXJ

2023-01-10 10:09:01+00:00

Улады Беларусі сёньня праз суд ліквідуюць Таварыства аховы помнікаў гісторыі і культуры.

Гэта адна з найстарэйшых культурна-гістарычных арганізацый у Беларусі. Яе заснавалі ў 1966 годзе.

https://rferl.link/Y5ja

2023-01-10 09:41:01+00:00

«Для людзей ва ўзросьце такія прысуды як пажыцьцёвае зьняволеньне».

Меркаваньне актывіста, за што пакаралі вялікімі тэрмінамі прафсаюзных лідэраў.

«Складаецца такое ўражаньне, што рэжым рыхтуецца да нейкіх падзей і таму „выключае“ патэнцыйных папулярных асобаў, якія маюць харызму, умеюць працаваць і размаўляць зь людзьмі, павесьці іх за сабой».

https://rferl.link/MXeb

2023-01-10 09:12:01+00:00

«Расейцы наступаюць па целах сваіх жа салдатаў».

Расказваем, што адбываецца ва ўкраінскім Салядары на Данбасе і чаму гэты горад стратэгічна важны.

«Салядар знаходзіцца за 10 кілямэтраў на поўнач ад Бахмута, захоп якога, імаверна, застаецца галоўнай бліжэйшай апэратыўнай мэтай Расеі».

https://rferl.link/p15G

2023-01-10 08:43:01+00:00

«Для вызваленьня нашых родных робіцца недастаткова».

Сваякі палітвязьняў выступілі са зваротам.

«Калі сёньня ёсьць магчымасьць выратаваць хаця б аднаго чалавека — мы павінны гэта зрабіць».

https://rferl.link/O9GX

2023-01-10 08:14:57+00:00

«Працуючы ў лякарні, Алена Іванаўна хавала шмат габрэйскіх дзяцей».

Гісторыя зьняволеньня рэдактаркі Tut.by Марыны Золатавай і ейнай прабабкі. Абедзьве сядзелі ў адным менскім СІЗА з розніцай у 80 гадоў.

https://rferl.link/8nd0

2023-01-10 07:49:01+00:00

✋🏾Пошук! Адгукніцеся, калі ласка, калі вас у апошні час выклікалі ў сілавыя ведамствы за данаты BySol, ByPol, ByHelp.

Гэта ананімна. Хочам задаць вам некалькі пытаньняў.

Калі гэта вы,напішыце нам на @SvabodaBelarus або на Signal (нумар +380502605369).

Таксама можаце скарыстацца звышбясьпечным каналам сувязі з рэдакцыяй праз плятформу Globaleaks.

Дзякуем за дапамогу!

2023-01-10 07:27:00+00:00

Беларусы з «гуманітарным ВНЖ» таксама змогуць атрымаць польскі праязны дакумэнт для іншаземца.

Яго выдаюць на 1 год. Ён замяняе сабой у паездках за мяжу пашпарт грамадзяніна, калі дакумэнт страчаны, пашкоджаны ці непрыдатны для выкарыстаньня, а атрымаць новы чалавек ня можа праз рызыку рэпрэсій на радзіме.

https://rferl.link/0GBv

2023-01-10 07:10:41+00:00

👆🏾Запытайся ў Дубаўца. Якім чынам у Беларусі можа зьмяніцца моўная сытуацыя?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Карэнна зьмяніць сытуацыю без спрыяльнай палітыкі дзяржавы немагчыма. Але. Гэтую зьмену палітыкі павінна рыхтаваць грамадзтва, кожны з нас мусіць пашыраць беларускую мову. Пачынаючы зь сябе.

Вы гаворыце па-расейску? Ну вось проста забудзьце словы-маячкі „русского мира“: „здравствуйте“ і „до свиданья“. Кажыце „добры дзень“ і „бывайце“. І вы ўжо адчуеце, як ачысьцілася ваша моўная экалёгія. Хоць, здавалася б, дробязі. Вам ужо лягчэй будзе ў сваю гутарковую мову ўводзіць беларускія словы: дзякуй, калі ласка, напрыклад. І так крок за крокам прыйдзе вызваленьне. Чытайце па-беларуску і вучыце дзяцей па-беларуску.

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-10 06:58:54+00:00

Адваката Аляксандра Данілевіча будуць судзіць у тым ліку за падрыхтоўку лістоў на адрас нарвескай кампаніі «Yara».

Яна ў выніку спыніла супрацоўніцтва зь Беларусьсю.

Данілевіча вінавацяць у «Закліках да дзеяньняў, скіраваных на прычыненьне шкоды нацыянальнай бясьпецы РБ» (артыкул 361 КК).

2023-01-10 06:28:59+00:00

Пачаць пазбаўляць грамадзянства плянуюць праз 6 месяцаў.

Паводле новага закону, пазбаўляць грамадзянства хочуць «экстрэмістаў», якія зьехалі за мяжу.

Стала вядома, што пад «экстрэмістаў» у гэтым выпадку падпадаюць беларусы, якіх прызналі вінаватымі ў парушэньні 40 артыкулаў Крымінальнага кодэксу. Яны датычаць, у тым ліку, «рэйкавых партызанаў» і добраахвотнікаў, якія ваююць у іншых дзяржавах.

Грамадзяне Беларусі, якія атрымалі грамадзянства іншай дзяржавы або від на жыхарства мусяць паведаміць пра гэта ў органы ўнутраных справаў або дыпляматычныя службы цягам трох месяцаў пасьля атрыманьня.

2023-01-10 05:52:30+00:00

Заснавальнікі фонду BySol і ByHelp выключаюць выцек зьвестак донараў фонду зь іхных базаў зьвестак.

Андрэй Стрыжак і Аляксей Лявончык дапускаюць, што інфармацыю пра тых, хто ахвяраваў у фонд зь беларускіх картак, выдалі сілавікам беларускія банкі.

А прыйшлі менавіта да айцішнікаў, каб спагнаць зь іх больш грошай.

«У нас дагэтуль асноўная частка аплатаў адбываецца ўнутры краіны. Мы па-ранейшаму можам дастаўляць у Беларусь дзясяткі тысяч у тыдзень гатоўкай... У нас між тым 725 дзён бяз арыштаў», – напісаў Лявончык.

Стрыжак прапанаваў тым, каго выклікаюць на гутаркі, выяжджаць зь Беларусі.

2023-01-10 05:20:24+00:00

Чалом-здароў!

10 студзеня 1569 году ў Люблінскім замку пачалося паседжаньне сэйму, якое папярэднічала Люблінскай уніі.

У 1946 годзе ў Лёндане пачалася першая сэсія Генэральнай асамблеі ААН. У цэнтральнай залі Ўэстмінстэрскага палацу сабраліся дэлегацыі 51 краіны, якія падпісалі Статут ААН.

У 1972 годзе ў вёсцы Вязынка адкрылі Купалаўскі мэмарыяльны запаведнік.

Пачаўся 321-ы дзень поўнамаштабнай вайны Расеі супраць Украіны.

2023-01-09 20:32:26+00:00

❗️Асноўныя падзеі панядзелка, 9 студзеня

👉 Пачаўся закрыты суд над Tut.by, на лаве падсудных Марына Золатава і Людміла Чэкіна

👉 Трох фігурантак «справы Tut.by» абвясьцілі ў вышук, бо яны не прыйшлі на працэс. А яны ўжо за мяжой

👉 «Распаўсюджваў ідэі беларускага нацыяналізму». Заснавальніка Symbal.by Белавуса вінавацяць у «здрадзе дзяржаве»

👉 «Рэйкаваму партызану» Мельніку, якому пры затрыманьні прастрэлілі калені, прысудзілі 13 гадоў калёніі

👉 Генэральны штаб Украіны: Расея перакідвае ў Беларусь для навучаньня сваіх вайскоўцаў старую тэхніку

👉 Новы напад зь Беларусі разглядаюць толькі як пытаньне часу, — аналітык Гудзонскага інстытуту

👉 У Літве пацьвердзілі, што беларусам адмаўляюць ва ўезьдзе праз адказы на пытаньні ў анкетах, сярод якіх «Чый Крым?»

2023-01-09 20:01:19+00:00

Новы напад зь Беларусі разглядаюць толькі як пытаньне часу, — аналітык Гудзонскага інстытуту

«Новы наступ на Ўкраіну з тэрыторыі Беларусі ў Кіеве разглядаюць не як пытаньне, ці гэта адбудзецца, а як пытаньне, калі гэта адбудзецца. Нападнікам не абавязкова дзейнічаць цалкам пасьпяхова. Дастаткова прымусіць украінцаў перакінуць туды сілы зь іншых участкаў фронту». — лічыць Люк Кофі.

Дасьледчык Гудзонскага інстытуту (Hudson Institute) у ЗША, адказаў на пытаньні Свабоды пра ролю Беларусі ў расейскай вайне супраць Украіны і пра магчымыя далейшыя сцэнары гэтай вайны.

Цалкам: https://rferl.link/p1pX

2023-01-09 19:28:55+00:00

КДБ «запрашае на размову» ацішнікаў, якія ахвяравалі грошы ў ByPol і BySol

Дзьве не зьвязаныя адна з адной крыніцы ў адной з буйных ІТ-кампаніяў паведамілі выданьню Dev.by, што кіраўніцтва праводзіць гутаркі з супрацоўнікамі, якія данацілі ў фонды, у прыватнасьці, у ByPol і BySol.

Больш: https://rferl.link/kLZO

2023-01-09 18:43:58+00:00

У Беларусі паказваюць пірацкую копію новага фільму Джэймса Кэмэрана «Аватар: Шлях вады»

Спыталі ў экспэртаў, наколькі этычна глядзець пірацкае кіно і чым такія паказы пагражаюць беларускаму пракату: «Гэта парушэньні правоў і непавага да працы людзей».

Падрабязна: https://rferl.link/D2Ym

2023-01-09 18:17:28+00:00

Рэпэр Сярога наведаў Сувораўскую вучэльню і асудзіў тэхналёгіі, якія «прымушаюць салдата сумнявацца, ці варта націскаць на курок»

Музыка, які ў 2019 годзе зьбіраўся атрымаць украінскае грамадзянства, паколькі цаніў Ўкраіну за свабоду, цяпер выступае на праўладных прапагандысцкіх шоў у Беларусі.

Сувораўскую вучэльню ён пахваліў за «дух вялікай савецкай дзяржавы» і праваслаўны храм на яе тэрыторыі.

На яго думку, супраць моладзі цяпер вядуць вайну і зь дзяцінства пазбаўляюць права крытычна думаць, не дазваляюць карыстацца досьведам мінулага, у выніку чаго маладыя ня ведаюць, хто іхны вораг.

Больш: https://rferl.link/VBDQ

2023-01-09 17:05:45+00:00

Абвясьцілі вышук трох фігурантак «справы Tut.by», бо яны не прыйшлі на суд. А яны ўжо за мяжой

Алену Таўкачову, Вольгу Лойку і Кацярыну Ткачэнку затрымалі 18 траўня 2021 года ў межах крымінальнай справы, пачатай супраць Tut.by за «ухіленьне ад выплаты падаткаў у асабліва буйным памеры» , але потым ім зьмянілі меру стрыманьня.

Паводле інфармацыі з розных крыніц, пасьля вызваленьня з-пад варты яны пакінулі Беларусь.

Больш тут: https://rferl.link/vGw5

2023-01-09 15:43:34+00:00

Праўладныя арганізацыі хочуць усталяваць мэмарыял у гонар зьнесеных за мяжой «рускіх» помнікаў. Прапанавалі і месца

«Ці не ініцыяваць нам помнік зьнесеным помнікам? Каб прадэманстраваць, што мы займаем пазыцыю зьберажэньня, а не разбурэньня, — заявіў старшыня «Белай Русі» .

Варта нагадаць, што ў самой Беларусі на працягу апошняга году адбылося шмат выпадкаў разбурэньня мэмарыялаў Арміі Краёвай — антынацысцкага польскага супраціву часоў Другой сусьветнай вайны. Разбураліся і магілы, дзе ляжаць парэшткі загінулых людзей.

Больш: https://rferl.link/zq2J

2023-01-09 15:04:50+00:00

Як і навошта Беларусь ператвараецца ў пірацкую гавань на ўсходзе Эўропы

Палітычны аглядальнік Свабоды Валер Карбалевіч піша пра тое, чаму ўлады жорстка абсякаюць ніткі, якія злучаюць краіну з цывілізаваным сьветам, добраахвотна адгароджваюцца ад працэсу глябалізацыі і выкідаюць сябе з глябальнай эканомікі.

Падрабязна: https://rferl.link/9GzG

2023-01-09 14:07:01+00:00

У Літве пацьвердзілі, што беларусам адмаўляюць ва ўезьдзе праз адказы на пытаньні ў анкетах, сярод якіх «Чый Крым?»

У Літве згодныя з тым, што ня трэба аднолькава ставіцца да ўсіх грамадзян Беларусі, варта ацэньваць кожны выпадак асобна.

https://rferl.link/JgDD

2023-01-09 13:39:37+00:00

Справу Паўла Белавуса, стваральніка крамы symbal.by, неўзабаве перададуць у суд.

Паводле вэрсіі сілавікоў, ён «кіраваў экстрэмісцкім фармаваньнем» «Беларуская Рада культуры».

Грамадзкую і культурную дзейнасьць Паўла сьледчыя расцанілі як «10-гадовую падрыхтоўку да зьмены дзяржаўнай улады неканстытуцыйным шляхам». Яму закідаюць і тое, што ён у сетках «распаўсюджваў ідэі беларускага нацыяналізму» і атрымліваў грошы на свае праекты з-за мяжы.

Артыкулы:

🔸«здрада дзяржаве» (да 15 гадоў калёніі);

🔸«арганізацыя і падрыхтоўка дзеяньняў, якія груба парушаюць грамадзкі парадак» (да 4 гадоў калёніі);

🔸«заклікі да дзеяньняў, накіраваных на прычыненьне шкоды нацыянальнай бясьпецы РБ» (да 12 гадоў калёніі);

🔸«кіраўніцтва экстрэмісцкім фармаваньнем (да 7 гадоў калёніі).

https://rferl.link/2gMX

2023-01-09 13:21:00+00:00

Ліст Марыі Калесьнікавай дайшоў ейнаму бацьку Аляксандру.

Яна ўсё яшчэ знаходзіцца ў санчастцы, перадае канал Віктара Бабарыкі.

🔸 «Зьявілася магчымасьць хадзіць-шпацыраваць каля гадзіны ў дзень – я паволі нарошчваю тэмп і колькасьць крокаў – сёньня 5000, гэта сапраўдны рэкорд для мяне, бо з 29/11 да апошняга тыдня я амаль ня рухалася».

🔸 «У мяне яшчэ ня ўсё ў парадку, але я настроена пазытыўна і аптымістычна і маю намер быць здаровай!».

🔸 «Таму рыхтуйся: твае дранікі і шашлыкі ў мяне нумар 1 у будучым мэню 🙂».

🔸 «Я заўсёды думаю пра вас з Таняй, гэтыя думкі мяне саграваюць і я нават часам забываю, дзе я знаходжуся! Таму я заўсёды побач! Люблю і моцна абдымаю! Усё будзе добра! Твая дачка ❤️».

2023-01-09 12:59:53+00:00

«Сяргей проста напісаў тады на ангельскай мове „f...ck war, Kiev is in my heart“. І больш нічога», — расказала крыніца Свабоды.

Расказваем, што вядома пра затрыманьне топ-мэнэджара «Беларуснафты».

«Патупчыку першапачаткова далі 15 сутак. Усе маўчалі, бо думалі, што яго адпусьцяць пасьля сутак».

Былі затрыманыя і іншыя супрацоўнікі «Беларуснафты» з Гомля і Рэчыцы, але ў іхнім выпадку «абышлося» суткамі і звальненьнем.

https://rferl.link/3GRg

2023-01-09 12:36:00+00:00

«Затрыманых, якія прайшлі праз ГУБАЗіК, білі ў 60-70% выпадкаў».

Былыя арыштанты распавялі «Вясьне» пра ўмовы ўтрыманьня ў менскім ЦІП на Акрэсьціна ў сьнежні.

Паводле іх, асноўная маса людзей на Акрэсьціна — гэта тыя, хто затрымліваецца за камэнтары, рэпосты, фота са сьцягамі. Ёсьць тыя, каго затрымлівалі пры перасячэньні мяжы.

https://rferl.link/AGE0

2023-01-09 11:53:02+00:00

Аднаму зь вязьняў горадзенскай турмы не дазволілі паслаць калядную паштоўку зь віншаваньнямі па-польску.

Таксама вязьням не даходзяць лісты з Польшчы.

Палітзьняволены журналіст Андрэй Пачобут раней паведамляў пра падобны выпадак.

https://rferl.link/eXyk

2023-01-09 10:47:01+00:00

Расея перакідвае ў Беларусь для навучаньня сваіх вайскоўцаў старую тэхніку, — Генштаб Украіны

«Значная колькасьць узбраеньня і вайсковай тэхнікі, што прыбывае для навучаньня асабовага складу супраціўніка ў Рэспубліку Беларусь з Расейскай Фэдэрацыі, зьнятая з доўгатэрміновага захоўваньня і патрабуе абслугоўваньня. Да працы на гэтай тэхніцы залучаюцца беларускія вайскоўцы».

https://rferl.link/6O2B

2023-01-09 10:15:00+00:00

«Кубак Сьветы», альбо Як можна адначасова ненавідзець і ўладу, і апазыцыю

«Паглядзіце, якія ў іх машыны, паглядзіце, у што яны апранутыя, паглядзіце, дзе яны правялі свой адпачынак». Чаму ў беларускім грамадзтве шмат тых, хто не давярае ні ўладзе, ні апазыцыі?

Блог Віталя Цыганкова.

https://rferl.link/aL2d

2023-01-09 09:52:01+00:00

Затрымалі намесьніка гендырэктара «Беларуснафты» Сяргея Патупчыка, паведамляе «Наша ніва».

Гэта сын былога міністра энэргетыкі.

Разам зь ім забралі некалькі мэнэджараў «Беларуснафты» з Гомля і Рэчыцы.

Прычына невядомая.

2023-01-09 09:38:00+00:00

Трансьлітарацыю геаграфічных назваў на аснове лацінкі хочуць скасаваць.

Рэспубліканская рада па гістарычнай палітыцы ўгледзела ў ёй «навязваньне з дапамогай лацінізацыі беларускай мовы заходніх лібэральных каштоўнасьцяў і культурных традыцый», а таксама загаварыла пра тое, што лацінка «з XVI стагодзьдзя выкарыстоўваўся ў мэтах палянізацыі беларусаў разам з навязваньнем каталіцтва».

https://rferl.link/VXW7

2023-01-09 09:11:01+00:00

Дзесяць чалавек. Столькі расейцаў легальна заехалі ва Ўкраіну пасьля ўвядзеньня візавага рэжыму з Расеяй

«У асноўным гэта жанчыны і дзеці».

Візавы рэжым для грамадзян Расеі ўвялі ва Ўкраіне летась зь 1 ліпеня.

https://rferl.link/myx5

2023-01-09 08:52:01+00:00

«Ня больш за 10 тысяч» чалавек працуюць у КДБ Беларусі.

Такую лічбу назваў расейскі часопіс «Разведчик», які належыць Службе зьнешняй выведкі РФ, заўважыла выданьне Reform.by.

2023-01-09 08:29:01+00:00

22 грузавыя цягнікі і 17 пасажырскіх здолеў затрымаць «рэйкавы партызан» зь Менскага раёну.

Ён, паводле вэрсіі пракуратуры, падпаліў рэлейную шафу ў Барысаўскім раёне ў ноч з 24 на 25 сакавіка 2022 году.

Яму далі 13 гадоў калёніі. У «партызана» забралі аўтамабіль Peugeot і мабільны тэлефон «у даход дзяржавы».

Гаворка ідзе пра Віталя Мельніка, якому прастрэлілі калені пры затрыманьні, удакладняе «Вясна».

Раней паведамлялася, што Мельніку далі 16 гадоў калёніі, аднак пракуратура заявіла, што тэрмін на 3 гады меншы.

2023-01-09 08:11:01+00:00

Адзінаццаць беларускіх добраахвотнікаў атрымалі раненьні.

Добраахвотнікі палка Каліноўскага ўдзельнічалі ў дзьвюх буйных апэрацыях на ўскрайку Бахмуту 31 сьнежня і 3-4 студзеня.

31 сьнежня 6 чалавек былі параненыя: двое з асколачнымі раненьнямі і чацьвёра – з кантузіяй рознай ступені, расказала камандзір эвакуацыйнай групы батальёна «Волат» «Север».

3 і 4 студзеня пяцёра чалавек атрымалі раненьні: трое з кулявымі раненьнямі, адзін — з асколачным і яшчэ адзін — з кантузіяй.

Што мы пісалі раней: «Трапіла куля проста ў грудзі». Дзяніс Урбановіч расказаў пра сваё трэцяе раненьне на фронце

2023-01-09 07:49:35+00:00

Яшчэ фота Марыны Золатавай і Людмілы Чэкінай перад працэсам у справе Tut.by.

Яны знаходзяцца за кратамі 1 год і амаль 8 месяцаў.

Фота БелТА

https://rferl.link/o5LB

2023-01-09 07:45:43+00:00

Марына Золатава і Людміла Чэкіна ў судзе.

Скрыншот з sb.by

https://rferl.link/o5LB

2023-01-09 07:29:01+00:00

На лаве падсудных у справе Tut.by будуць Марына Золатава і Людміла Чэкіна.

Яшчэ тры фігуранткі справы — Вольга Лойка, Алена Талкачова і Кацярына Ткачэнка, але на судзе іх ня будзе, яны за мяжой.

Працэс мае пачацца а 10:30.

Справу разглядае Валянціна Зянькевіч.

https://rferl.link/o5LB

2023-01-09 07:10:41+00:00

👆Запытайся ў Дубаўца. Што такое «масавыя беспарадкі»?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Многія ўдзельнікі мірных маршаў зьвярталі ўвагу, што «масавыя беспарадкі» пачыналіся толькі тады, калі зьяўлялася і пачынала «працаваць» міліцыя.

Паводле закону масавыя беспарадкі (праз коску) павінны суправаджацца пагромамі. Інакш гэта ня масавыя беспарадкі, а мірны марш, які, паводле Канстытуцыі, міліцыя павінна ахоўваць. Але для так званых судоў закон што дышла. Адсюль гэтыя пакараньні за «выхад на праезную частку», «спыненьне транспарту», які ў часе маршаў проста не хадзіў. То бок быў спынены, але ня тымі, хто выйшаў на марш, а гарадзкімі ўладамі.

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-09 06:49:01+00:00

У Бабруйску затрымалі намесьніка дырэктара аднаго з заводаў.

40-гадовага начальніка вінавацяць у тым, што ён атрымаў хабараў на 41 тысячу рублёў.

Паводле МУС, з кастрычніка мінулага года ён рэгулярна атрымліваў грошы ад кіраўніка камэрцыйнай арганізацыі, які пастаўляла камплектуючыя для вытворчасьці. На абодвух завялі крымінальныя справы.

2023-01-09 06:38:01+00:00

Публікацыі Свабоды, якія выйшлі на выходных:

👉🏾 Суд над нобэлеўскім ляўрэатам. Чаму праваабаронцаў прыраўноўваюць да тэрарыстаў

👉🏾 Ці будзе «Вясна» бараніць Лукашэнку, мэтады ціску з боку КДБ, значнасьць Васіля Быкава і беларускай мовы. 10 цытатаў Алеся Бяляцкага

👉🏾 «Дабаўце кожнаму зь „неверагодных“ яшчэ пару гадоў турмы». У Беларусі завяршаецца транзыт у таталітарызм

👉🏾 Запытайся ў Дубаўца. Чаму пакаленьне 70+ жадае аб’яднаньня з Расеяй, пра беларускую нацыянальную ідэю і эўрапейскія каштоўнасьці

👉🏾 Блізкія мовы, падобныя словы? Асьцярожна! Моўны ТЭСТ

2023-01-09 06:20:02+00:00

Сёньня пачынаецца закрыты суд над 5 супрацоўніцамі Tut.by.

Рэдакцыя Zerkalo.io апублікавала зварот напярэдадні працэсу.

«Зробім усё, каб хлусьня ня стала ісьцінай».

https://rferl.link/jJ5d

2023-01-09 05:54:32+00:00

У Бразыліі пачаліся беспарадкі прыхільнікаў былога прэзыдэнта краіны Жаіра Балсанару.

Пратэстоўцы ўварваліся ў будынак Кангрэса.

Паліцыя затрымала сама меней 400 чалавек. Сам Балсанару асудзіў дзеяньні пратэстоўцаў.

https://rferl.link/XjRQ

2023-01-09 05:21:08+00:00

Чалом-здароў!

9 студзеня 1993 году будынак менскага Архікатэдральнага касьцёлу Імя Найсьвяцейшай Дзевы Марыі (на фота) вярнулі каталікам Менску.

У 1996 годзе пачаў працу Вярхоўны Савет Рэспублікі Беларусь 13-га скліканьня. Яго абралі ў 1995 годзе і лічаць апошнім дэмакратычным парлямэнтам Беларусі.

У 1951 годзе афіцыйна адчынілі будынак штаб-кватэры ААН у Нью-Ёрку.

Сёньня свой дзень нараджэньня адзначае палітвязень Яўген Хар'янаў.

Пачаўся 320-ы дзень поўнамаштабнай вайны Расеі супраць Украіны.

2023-01-14 19:30:00+00:00

Чыгуначнікі: у Беларусь прыбылі яшчэ два эшалёны з расейскімі вайскоўцамі і вайсковай тэхнікай

Тэлеграм-канал «Супольнасьць чыгуначнікаў Беларусі» паведамляе, што ў краіну прыбылі два эшалёны з расейскімі вайскоўцамі і тэхнікай.

Як падлічылі чыгуначнікі, яны прывезьлі ў краіну каля 200 расейскіх вайскоўцаў і 91 адзінку тэхнікі.

Тэлеграм-канал паведамляе, што эшалёны адправілі з станцыі Канцеміраўка (Варонеская вобласьць) 8 і 9 студзеня. https://rferl.link/by4l

2023-01-14 18:45:00+00:00

Колькасьць пацярпелых у выніку атакі расейскіх войскаў на Дніпро вырасла да 60 чалавек

Пра гэта паведаміў кіраўнік Днепрапятроўскай абласной вайсковай адміністрацыі Валянцін Разьнічэнка. Раней паведамлялі пра 40 пацярпелых.

«Зь іх 12 дзяцей. Выратавальная апэрацыя працягваецца», — сказаў Разьнічэнка.

Паводле апошніх зьвестак, загінулі пяць чалавек. Улады дапускаюць, што ахвяраў папраўдзе больш, бо выратавальныя апэрацыі працягваюцца. https://t.me/svoboda_radio/14131

2023-01-14 18:27:01+00:00

У першым туры прэзыдэнцкіх выбараў у Чэхіі перамог экс-кіраўнік Вайсковага камітэту NATO Пэтр Павэл

Паводле апошніх зьвестак, адстаўны генэрал Пэтр Павэл набірае 35,27% галасоў, абагнаўшы асноўнага канкурэнта — былога прэм’ер-міністра Чэхіі Андрэя Бабіша — з 35,12% галасоў. Другі тур праз два тыдні.

Бабіш — былы прэм'ер, цяпер лідэр найбуйнейшай апазыцыйнай партыі, мільярдэр. На гэтым тыдні суд апраўдаў яго ў справе аб махлярстве з датацыямі Эўразьвязу. Ядро выбарнікаў Бабіша — пэнсіянэры і людзі зь невысокімі даходамі.

Пэтр Павэл — кадравы вайсковец, першы ў гісторыі Чэхіі і краін былога савецкага блёку кіраўнік Вайсковага камітэту NATO (у 2015–2018 гадах). Займае жорсткую пазыцыю што да расейскага ўварваньня ва Ўкраіну, выступае за заходнюю арыентацыю Чэхіі, пры гэтым апэлюе і да патрыятычных пачуцьцяў. Яго падтрымліваюць прыхільнікі правых, кансэрватыўных і лібэральных поглядаў. https://rferl.link/p10j

2023-01-14 17:45:00+00:00

Улады ліквідуюць грамадзкае аб’яднаньне «Беларуская асацыяцыя ахвяраў палітычных рэпрэсій 20–80-х гадоў»

Пазоў Мінюста аб гэтым пачне разглядаць Вярхоўны суд 3 лютага.

Арганізацыя існуе з 1992 году, ставіць сваёй мэтай аказаньне прававой, матэрыяльнай, сацыяльна-бытавой і іншай дапамогі пацярпелым ад палітычных рэпрэсій, займаецца ўшанаваньнем памяці ахвяраў рэпрэсій і асьветніцкай дзейнасьцю.https://rferl.link/JgV7

2023-01-14 16:40:00+00:00

Асноўныя падзеі 14 студзеня

Расейскія войскі другі раз за дзень абстрэльваюць Украіну. У Дняпры ракета патрапіла ў шматпавярховік, ёсьць загінулыя і параненыя

Улады ліквідуюць Беларускую асацыяцыю ахвяраў палітычных рэпрэсій

Сахашчык расказаў пра фармаваньне новай беларускай вайсковай часткі, якая будзе знаходзіцца пад камандаваньнем УСУ

Галоўную рэдактарку сайту «Аўтабізнэс» асудзілі на паўтара году калёніі

Зьявіўся відэазварот Андрэя Дзьмітрыева, запісаны раней на выпадак арышту

Улады Літвы пачалі разглядаць магчымасьць выдачы дакумэнтаў беларускім грамадзянам, якія ня могуць абнавіць свой пашпарт

2023-01-14 16:03:21+00:00

У Дніпро пад абстрэл расейскімі ракетамі трапіў шматкватэрны дом. Кіраўнік Днепрапятроўскай вобласьці Валянцін Разьнічэнка піша пра 5 загінулых, 27 параненых, сярод іх 6 дзяцей. Усе шпіталізаваныя.

2023-01-14 15:45:00+00:00

Сахашчык: Мы фармуем новую беларускую вайсковую частку, якая будзе знаходзіцца пад камандаваньнем УСУ

Прадстаўнік Аб’яднанага пераходнага кабінэту ў справе абароны і нацыянальнай бясьпецы Валер Сахашчык у інтэрвію журналісту Мікіту Мелказёраву ён расказаў аб сустрэчы з галоўнакамандуючым ВСУ Валерыем Залужным і аб фарміраваньні новай беларускай вайсковай частцы ва Ўкраіне.

— У адрозьненьне ад фармаваньняў, якія былі раней, гэтая частка ўжо валодае даволі сучаснай і эфэктыўнай сыстэмай разьведкі, сыстэмай кіраваньня войскамі, сыстэмай сувязі і сродкамі агнявога паражэньня. Такая вайна, якую вядзе полк Каліноўскага, батальён «Тэрор», «Пагоня» — гэта не зусім тое, што нам трэба. Гэта часам прыводзіць да неапраўданых ахвяр. Воінскае фарміраваньне павінна мець усе элемэнты арміі XXI стагодзьдзя, прычым на якасным узроўні, які дазваляе мець перавагу над супернікам, — кажа Сахашчык.https://rferl.link/2g8J

2023-01-14 15:02:00+00:00

Галоўную рэдактарку сайту «Аўтабізнэс» асудзілі на паўтара года калёніі

Юлію Мудрэўскую асудзілі на паўтара года пазбаўленьня волі ў калёніі, паведамляе праваабарончы цэнтр «Вясна». Дата вынясеньня прысуду невядомая.

У апублікаваным у праўладных тэлеграм-каналах летась у чэрвені відэароліку жанчына на камэру казала, што ўдзельнічала ў несанкцыянаваных мерапрыемствах у жніўні і верасьні 2020 году зь перакрыцьцем дарог. https://rferl.link/198o

2023-01-14 14:35:08+00:00

Расейскія войскі другі раз за дзень абстрэльваюць Украіну

Удзень у суботу, 14 студзеня, ва Ўкраіне зноў прагучалі сыгналы аб маштабных авіяналётах, у многіх раёнах чуваць выбухі, працуюць сілы супрацьпаветранай абароны, паведамляюць мясцовыя тэлеграм-каналы абласных ваенных адміністрацый.

Расейскія войскі атакавалі Кіеў і Кіеўскую вобласьць, Мікалаеўскую вобласьць, Адэсу. Украінскія вайскоўцы паведамілі пра выбухі ў Крывым Рогу, Днепрапятроўскай, Сумскай і Віньніцкай абласьцях.

Мэр Львова Андрэй Садавы ў тэлеграме папярэдзіў гараджан аб высокай верагоднасьці ракетнага ўдару па горадзе.https://rferl.link/wqXb

2023-01-14 13:50:22+00:00

«Да перамогі чалавечага над нечалавечым». Пра што кажа Андрэй Дзьмітрыеў у відэазвароце, запісаным на выпадак арышту

14 студзеня на старонцы палітыка Андрэя Дзьмітрыева ў Фэйсбуку быў апублікаваны відэазварот, які ён запісаў у 2022 годзе «на асаблівы выпадак».

У сваім звароце былы кандыдат на прэзыдэнта заклікае сваіх прыхільнікаў «ня падайце духам, дапамагаць адзін аднаму», а таксама палітвязьням і іх блізкім. «У цёмныя часы лепш трымацца разам», перакананы палітык.

https://rferl.link/yojv

2023-01-14 12:50:43+00:00

У Італіі выйшла кніга пра цяжкія адносіны паміж двума Папамі

Аўтарам кнігі стаў шматгадовы асабісты сакратар нядаўна памерлага Бэнэдыкта XVI. Ён паказаў, наколькі напружанымі былі адносіны паміж Папам на спачынку і яго пераемнікам Францішкам.

https://rferl.link/QBjR

2023-01-14 12:25:18+00:00

«Зь вітамінаў — адзін нясьпелы яблык за лета». Былыя турэмны лекар і палітвязень пра хваробы і мэдыцыну за кратамі

У эфіры Свабоды Premium з былым палітвязьнем Алегам Грузьдзіловічам і былым турэмным лекарам Васілём Завадзкім абмяркоўваем стан турэмнай мэдыцыны, гаворым пра тое, якія хваробы найчасьцей напатыкаюць вязьняў, і спрабуем даць парады, як можна захаваць ці падтрымаць здароўе за кратамі.

https://rferl.link/9GYO

2023-01-14 11:21:00+00:00

Кіргізстан і Таджыкістан удакладнілі яшчэ 625 км мяжы

Дзьве сярэднеазіяцкія дзяржавы маюць даўні памежны канфлікт, які на кароткі час перарастаў у збройны. 14 студзеня адбылася тэлефонная размова прэзыдэнта Кіргізстану Садыра Жапарава з прэзыдэнтам Таджыкістану Эмамалі Рахмонам. Гэта адбылося на 30-годзьдзе ўстанаўленьня дыпляматычных дачыненьняў паміж дзьвюма дзяржавамі.

У ходзе размовы закранулі тэму ўдакладненьня межаў, адзначыўшы «прагрэс, які намеціўся апошнім часам на двухбаковых перамовах і даў магчымасьць выканаць праектнае апісаньне каля 625 км, што складае 63 % ад агульнай працягласьці».

Працягласьць мяжы Кіргізстану з Таджыкістанам складае 972 кілямэтры, 682 зь якіх вызначаныя, а 290 застаюцца спрэчнымі.

2023-01-14 10:30:19+00:00

Навіны палітвязьняў: ГУБАЗіК прасіў удзелу ў допытах «вясноўцаў»; ціск на фігурантаў «справы Аўтуховіча»

У горадзенскай турме асуджаным абвінавачаным у «справе Аўтуховіча» пагражаюць карцарам, прымушаюць распранацца ў халодным памяшканьні, штурхаюць і б’юць.

Ёсьць навіны і ў справе праваабаронцаў. Валянцін Стэфановіч заявіў, што ГУБАЗіК прасіў у КДБ і МУС дазволу на ўдзел у допытах.

Падрабязьней па спасылцы: https://rferl.link/vGDv

2023-01-14 09:32:56+00:00

«На Захадзе ўпэўніліся, што Лукашэнка ваяваць не жадае. Але не перакананыя, што ён сам прымае рашэньні»

Гісторык зь Нямеччыны Аляксандар Фрыдман канстатуе, што Захад не зьбіраецца весьці перамовы з Лукашэнкам наконт палітзьняволеных, аналізуе стаўленьне Нямеччыны да паставак зброі Ўкраіне і лічыць, што магчымае ўступленьне Беларусі ў вайну — галоўнае на сёньня пытаньне.

https://rferl.link/g5ZA

2023-01-14 09:03:28+00:00

На прыладах iOS заблякавалі тэлеграм-каналы ГУБАЗіКа

Цяпер, пры спробе перайсьці ў адзін з такіх каналаў на прыладзе iOS, карыстальнік бачыць паведамленне пра тое, што канал недаступны з-за парушэньня правілаў.

Гаворка ідзе пра каналы «Центр Э» і «Сводочки Центра», паведамляе тэлеграм-канал праваабарончага цэнтру «Вясна», рэсурсы якога, у сваю чаргу, улады абвясьцілі «экстрэмісцкімі»

На мінулым тыдні з-за парушэньня правілаў на iOS заблякавалі тэлеграм-каналы праўладнай і прарасейскай актывісткі Вольгі Бондаравай і «Сводок Центра».

2023-01-14 08:34:49+00:00

Затрымліваюць менскіх бармэнаў?

Паводле папярэдняй інфармацыі, якую публікуе «Вясна», сілавікі ў Менску затрымалі як мінімум трох бармэнаў. Сярод іх, верагодна, бар-мэнэджар Яўген Кузьняцоў — інфармацыя пра яго затрыманьне зьявілася днямі ў сацсетках.

Затрыманьні бармэнаў могуць быць зьвязаныя з адным з унутраных чатаў — сілавікі нібыта прыходзяць да ўсіх яго ўдзельнікаў.

2023-01-14 08:09:30+00:00

Ракетная атака на Кіеў

Раніцай 14 студзеня расейскія войска абстрэльваюць ракетамі Кіеў, вядома пра атаку на Дняпроўскі раён. Улады просяць людзей заставацца ў сховішчах і па магчымасьці не ўключаць ніякія прылады ў сетку з-за перабояў з электрычнасьцю. Ёсьць паведамленьні пра пашкоджаньне на адным з аб'ектаў крытычнай інфраструктуры, аднак падрабязнасьцяў няма.

Паветраную трывогу абвясьцілі таксама ў Чарнігаўскай вобласьці.

2023-01-14 07:10:00+00:00

👆🏾Запытайся ў Дубаўца. Ці сапраўды Беларусь цяпер пад маскавіцкай акупацыйнай адміністрацыяй?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— „Акупацыя — гэта захоп чужой тэрыторыі з ужываньнем збройнай сілы, а таксама час гэтага стану“. У нас адбыўся сілавы захоп улады Лукашэнкам, тысячы палітвязьняў, расейскія войскі на тэрыторыі, русіфыкацыя…

Але ці гэта найперш наша ўнутраная праблема ці міжнародная? Калі ўнутраная, тады Беларусь захоўвае сваю прызнаную юрысдыкцыю, хоць і перажывае крызіс. Калі міжнародная — параўнайце з Данбасам ці Крымам, лёс якіх будуць вырашаць ужо не яны. Можа быць, мы перабольшваем свой сёньняшні цяжкі стан у вачох сьвету, чым самі сабе закладаем міну ў будучыні? Вылекаваць краіну адно, перамагчы Расею — іншае.

Думкі, выказаныя ў аўтарскіх рубрыках, не абавязкова адлюстроўваюць пазыцыю рэдакцыі.

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-14 07:01:27+00:00

Як адрозьніць сымптомы грыпу, ковіду, сынтыцыяльнага вірусу і прастуды. Парады

Мэдыкі, найперш, зьвярнулі ўвагу, што сымптомы грыпу, ковіду, рэсьпіраторна-сынтыцыяльнага вірусу (РСВ) і прастуды (хваравітага стану, выкліканага пераахалоджваньнем), шмат у чым супадаюць. Але ёсьць і адрозьненьні.

https://rferl.link/5jYo

2023-01-14 06:32:47+00:00

Чалом-здароў!

Сёньня 14 студзеня. У гэты дзень нарадзіліся:

1893 — Канстанцыя Буйло, паэтка.

1916 — Уладзіслаў Чарняўскі, каталіцкі сьвятар, перакладчык Бібліі і катэхізісу на беларускую мову.

1920 — Мікола Аўрамчык, паэт.

1926 — Янка Філістовіч, удзельнік беларускага падпольнага антысавецкага руху (на фота).

1939 — Васіль Шаранговіч, мастак, майстар кніжнай і станковай графікі.

1942 — Вера Вярба, беларуская паэтка і перакладчыца.

2023-01-15 19:41:41+00:00

Вайсковец РФ падарваў гранату ў Белгарадзкай вобласьці, ёсьць загінулыя і зьніклыя бязь вестак

Паводле інфармацыі расейскага выданьня «База», выбух адбыўся ў будынку сельскага дому культуры, дзе разьмяшчаліся расейскія вайскоўцы. Адзін з вайскоўцаў зь ня высьветленай пакуль прычыны ўзарваў гранату РГД-5. Пасьля выбуху ў будынку здэтанавалі боепрыпасы і пачаўся пажар.

Паводле «Базы», пацярпелі 10 чалавек. ТГ-канал «112» піша аб 16 пацярпелых і васьмі зьніклых безь вестак вайскоўцах.

https://rferl.link/MXL4

2023-01-15 19:15:02+00:00

Найважнейшае за 15 студзеня

🔸Колькасьць загінулых ад атакі на жылы дом у Дніпры вырасла да 29 чалавек, 73 — параненыя

🔸У сьпіс асоб, супраць якіх прэзыдэнт Украіны ўвёў санкцыі, трапілі беларускія прапагандысты, у тым ліку Азаронак і Тур

🔸Улады Бабруйску могуць забраць касьцёл у мясцовых каталікоў. Пробашч паведаміў, што з 1 лютага парафія будзе арандаваць памяшканьне ў гораду

🔸Выйшаў паўгадзінны фільм пра полк імя Кастуся Каліноўскага

🔸У Беларусі прызналі «экстрэмісцкім» адно паведамленьне ў чаце, якое пакінулі 2,5 гады таму

🔸З пачатку 2023 году мігранты больш за тысячу разоў спрабавалі нелегальна трапіць у ЭЗ зь Беларусі

🔸У Літве затрымалі рэкордную з 2000 году партыю кантрабандных цыгарэт зь Беларусі

🔸«Ты ня бойся, мы цябе не балюча зарэжам». Што Лукашэнка разумее пад «крокамі насустрач беглым»

2023-01-15 18:54:33+00:00

Чаму добраахвотнікі зь Беларусі ваююць з Расеяй ва Ўкраіне? Выйшаў паўгадзінны фільм пра полк імя Кастуся Каліноўскага

Журналісты праекту «Донбас Реалии» Ўкраінскай службы Радыё Свабода апублікавалі фільм пра беларускі полк імя Кастуся Каліноўскага, які з 24 лютага 2022 году ваюе ва Ўкраіне супраць расейскіх акупантаў.

https://rferl.link/dXZ6

2023-01-15 18:05:04+00:00

У сьпіс асобаў, супраць якіх прэзыдэнт Украіны ўвёў санкцыі, трапілі беларускія прапагандысты, у тым ліку Азаронак і Тур

Санкцыі ўхваленыя Радай нацыянальнай бясьпекі і абароны некалькі дзён таму і сёньня ўведзеныя ў дзеяньне адмысловым указам прэзыдэнта Ўкраіны Ўладзіміра Зяленскага. Агулам у сьпіс трапілі 198 асобаў, пераважна грамадзян Расеі зь ліку дзеячоў культуры і мэдыясфэры.

У сьпіс, паводле BPN, таксама ўключылі чатырох грамадзян Беларусі. Гэта прапагандысты Рыгор Азаронак і Ігар Тур, а таксама генэральны дырэктар праўладнага тэлеканалу СТВ Аляксандар Асенка і праўладны палітоляг Аляксандр Шпакоўскі. На кожнага накладзена 14 відаў санкцыяў.

https://rferl.link/O9wO

2023-01-15 17:22:45+00:00

Колькасьць загінулых ад атакі на жылы дом у Дніпры вырасла да 29 чалавек, 73 — параненыя

На 19:30 менскага часу 15 студзеня колькасьць загінулых у выніку расейскага ракетнага ўдару 14 студзеня па жылым доме ў Дніпры вырасла да 29 чалавек, сярод іх 15-гадовая дзяўчына.

«Варожая ракета забіла 29 чалавек. 73 — параненыя, зь іх 13 дзяцей, 30 параненых у шпіталі, 12 — цяжкія», — паведаміў кіраўнік абласной вайсковай адміністрацыі Валянцін Разьнічэнка.

2023-01-15 16:41:25+00:00

Вялікая Брытанія афіцыйна заявіла, што паставіць Украіне танкі Challenger 2 і самазарадныя гаўбіцы AS90

Вялікая Брытанія ўжо ў найбліжэйшыя тыдні паставіць Украіне 14 цяжкіх танкаў Challenger 2. Пра гэта гаворыцца ў заяве брытанскага ўраду. Брытанія, такім чынам, стане першай краінай, якая паставіць Украіне танкі заходняй вытворчасьці.

Пра гэта аб’яўлена ў часе дыскусіяў сярод альянтаў па NATO аб пастаўцы Ўкраіне іншага тыпу танкаў — нямецкіх «Леапард-2». Аб гатоўнасьці адправіць іх Кіеву для супрацьдзеяньня расейскаму ўварваньню заявілі Польшча і яшчэ шэраг краін. Нямеччына пакуль афіцыйна не дала на гэта неабходнай згоды. Шэраг камэнтатараў разглядаюць рашэньне Лёндана як крок, накіраваны і на тое, каб падштурхнуць Бэрлін да больш рашучых дзеяньняў.

https://rferl.link/GYV4

2023-01-15 15:53:00+00:00

Улады Бабруйску могуць забраць касьцёл у мясцовых каталікоў

Пасьля нядзельнай службы 15 студзеня пробашч паведаміў, што з 1 лютага парафія будзе арандаваць памяшканьне бабруйскага касьцёлу Беззаганнага Зачацьця Найсьвяцейшай Дзевы Марыі ў гораду для набажэнстваў, піша belsat.eu

Паводле ксяндза, тэрмін арэнды паўгода, але цана пакуль невядомая. За гэты час улады будуць вырашаць, што рабіць з касьцёлам далей і ці перадаваць яго парафіі. Цяпер вернікі абавязаныя вызваліць усе памяшканьні, якія не выкарыстоўваюцца для набажэнстваў. Ішлося нават пра тое, што трэба разабраць арганы. Сытуацыя нагадвае падзеі вакол Чырвонага касьцёлу ў Менску.

https://rferl.link/B8a5

2023-01-15 14:58:46+00:00

Украіна за час вайны ня зьбіла ніводнай з 210 ракет Х-22, якія Расея выпусьціла па яе тэрыторыі, і якая трапіла ў жылы дом у Дніпры

«14 студзеня 2023 зь пяці далёкіх бамбавікоў Ту-22М3 Вайскова-касьмічных сіл Расеі па тэрыторыі Ўкраіны было выпушчана пяць крылатых ракет Х-22. Пускі ажыцьцяўляліся з Курскай вобласьці і з акваторыі Азоўскага мора. Адна з ракет Х-22, запушчаная з раёну Курскай вобласьці каля 15 гадзін 30 хвілін 14 студзеня 2023 году, трапіла ў шматпавярховік», — заявіў камандуючы ўкраінскімі Вайскова-паветраных сіламі Мікалай Аляшчук.

«Узброеныя сілы Ўкраіны ня маюць агнявых сродкаў, здольных зьбіваць гэты тып ракет, — дадаў ён. — З пачатку ваеннай агрэсіі Расеі па тэрыторыі Ўкраіны было выпушчана больш за 210 ракет гэтага тыпу. Ніводная ня зьбітая сродкамі супрацьпаветранай абароны».

https://rferl.link/D26z

2023-01-15 13:41:47+00:00

Беларусы Бэльгіі сабраліся на Шчодрыкі ў Брусэлі. «Каб хоць дзе сілы чэрпаць, падтрымаць адзін аднаго, пажадаць лепшага году і перамогі і каб успомніць свае традыцыі. Было цёпла і ўтульна, таму што мы былі РАЗАМ!» — пішуць нам удзельнікі сустрэчы.

Фота і відэа чытачоў @radiosvaboda

2023-01-15 12:56:42+00:00

Экс-камандзір ПВК «Вагнэр» папрасіў палітычнага прытулку ў Нарвэгіі і хоча даць паказаньні супраць Прыгожына

Пад аховай былога «вагнэраўца» Андрэя Мядзьведзева даставілі ў сталіцу Нарвэгіі Осла, дзе пасялілі ў цэнтры для парушальнікаў міграцыйнага заканадаўства. Працэдуру атрыманьня прытулку ўжо запусьцілі. У Нарвэгіі Мядзьведзеў мае намер даць паказаньні супраць кіраўніка ПВК «Вагнэр» Яўгена Прыгожына:

https://rferl.link/xkXm

2023-01-15 12:10:16+00:00

😁 Беларусь ачоліла сусьветны рэйтынг найбуйнейшых спажыўцоў бульбы ў сьвеце

Паводле рэйтынгу, складзенага міжнароднай адукацыйнай анлайн-плятформай RankingRoyals, у Беларусі за год зьядаюць па 178,3 кг бульбы на душу насельніцтва, другое месца заняла Ўкраіна — 131,3 кг бульбы на душу насельніцтва, трэцяе — Латвія, 123,8 кг на год.

2023-01-15 11:30:40+00:00

З пачатку году мігранты ўжо больш за тысячу разоў спрабавалі нелегальна трапіць у ЭЗ зь Беларусі

За апошнія 2 тыдні, з пачатку сьнежня, зафіксавана 1 019 спробаў незаконнага пранікненьня ў Эўразьвяз зь беларускай тэрыторыі (у Польшчу — 634, Латвію — 253, Літву — 132).

2023-01-15 10:38:08+00:00

У Грузіі памёр вядомы актор Вахтанг Кікабідзэ. Яму было 84 гады

Вахтанг Кікабідзэ — грузінскі актор, кінарэжысэр, сцэнарыст, сьпявак і аўтар песень, а таксама палітычны дзяяч; народны артыст Грузіі, заслужаны артыст Украіны.

З часоў расейска-грузінскай вайны 2008 году Кікабідзэ не выступаў у Расеі. Ён асудзіў і анэксію Крыму, і расейскае ўварваньне ва Ўкраіну ў 2022 годзе.

2023-01-15 10:29:01+00:00

У Ровенскай вобласьці Ўкраіны, якая мяжуе зь Беларусьсю, замінавалі ўвесь памежны пэрымэтр

Ля мяжы зь Беларусьсю працягваюць узводзіць фартыфікацыйныя збудаваньні, абсталёўваюць супрацьтанкавыя равы. Паводле кіраўніка абласной вайсковай адміністрацыі Віталя Коваля, у гэтым штодзень дапамагаюць і мясцовыя жыхары.

«У нашым рэгіёне ўвесь памежны пэрымэтр замінаваны. Да таго ж поўнач Ровенскай вобласьці — цалкам лясы і балоты. Толькі вар’ят адважыцца лезьці ў гэты, як мы завем, Палескі кацёл. Поўнач Ровеншчыны стане крывавым балотам, калі Расея адкрые яшчэ адзін фронт з боку Беларусі», — піша ён.

2023-01-15 09:42:31+00:00

У Беларусі прызналі «экстрэмісцкім» адно паведамленьне ў чаце, якое пакінулі 2,5 года таму

У Рэспубліканскім Сьпісе экстрэмісцкіх матэрыялаў зьявілася пазнака, што суд Дзяржынскага раёну 6 студзеня 2023 году прызнаў «экстрэмісцкімі матэрыяламі» паведамленьне, разьмешчанае 14 жніўня 2020 году карыстальнікам «Даша» ў тэлеграм-чаце «Попутчики Дзержинска, Фаниполя». Гэта быў рэпост паведамленьня з анонсам мірнай акцыі пратэсту.

У 2021–2022 гг. «экстрэмісцкімі матэрыяламі» прызналі інфармацыйную прадукцыю 778 тэлеграм-каналаў і іншых інтэрнэт-рэсурсаў, больш за 300 тэлеграм-каналаў і чатаў прызналі экстрэмісцкімі фармаваньнямі.

2023-01-15 08:49:47+00:00

✍🏻 Загадкавыя беларускія словы. ТЭСТ

Запас словаў у беларускай мове багаты, дастатковы, каб апісаць усё на сьвеце — і прадметы, і зьявы, і пачуцьці. Але нямала беларускіх словаў незаслужана прызабытыя. Вось што значыць «намíтусь»? Адказ даведаецца той, хто пройдзе тэст Свабоды:

https://rferl.link/Jg77

2023-01-15 07:58:25+00:00

«Ты ня бойся, мы цябе не балюча зарэжам». Што Лукашэнка разумее пад «крокамі насустрач беглым»

🗣 «Міласэрнасьць па-бандыцку — яна такая: як пісалі калісьці ў пратаколах савецкія сьледчыя, «з асаблівым цынізмам». Калі Лукашэнка пасьля ўсяго, што адбылося, наважыцца і трэці раз гаварыць што-небудзь пра «крокі насустрач зьбеглым», гэта ўжо, напэўна, ня выкліча нічога, апроч рогату. Чалавек, які адной рукой жагнаецца на абразы ў царкве, а ў другой трымае кайданкі і гумавую дубіну, на іншую рэакцыю наўрад ці можа разьлічваць».

Віктар Багдзевіч — пра абяцаньне Лукашэнкі зрабіць «крок насустрач людзям, якія памыліліся»:

https://rferl.link/wqdb

2023-01-15 07:10:00+00:00

👆🏾Запытайся ў Дубаўца. Армяне ці азэрбайджанцы? Які народ нам большы саюзьнік? Гледзячы на ўкраінцаў, азэрбайджанцы бліжэй, хоць і мусульмане з дыктатурай. Армяне хоць і ў АДКБ, але Расею, як мне здаецца, не падтрымліваюць. Калі ўкраінец за Азэрбайджан, то каго лепей падтрымаць беларусу?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

— Гэта пытаньне з „канфрантацыйнай этыкі“, якая для цывілізаванага сьвету, спадзяюся, адышла ў гісторыю. Мне асабіста ў кожным народзе цікава разгледзець свой.

А падтрымліваць заўсёды трэба таго, каму горш, хто цярпіць, з кім абышліся несправядліва. Яскравы прыклад — паэтычныя пераклады беларускі Насты Кудасавай з удмурцкай мовы, дзеля выратаваньня якой спаліў сябе навуковец Альберт Разін.

Думкі, выказаныя ў аўтарскіх рубрыках, перадаюць погляды саміх аўтараў і не абавязкова адлюстроўваюць пазыцыю рэдакцыі.

❓ Задайце вашае пытаньне. Telegram: @SvabodaBelarus_bot; Signal: +380502605369

2023-01-15 06:50:39+00:00

У Літве затрымалі рэкордную з 2000 году партыю кантрабандных цыгарэт зь Беларусі

Кантрабандныя цыгарэты перавозілі чыгункай, іх затрымалі ў Вільні — 672 тысяч пачкаў нелегальных цыгарэт на суму больш за 2,6 мільёна эўра. Яны былі схаваныя ў вялікіх мяхах з насеньнем сланечніка.

2023-01-15 06:01:47+00:00

UPD. Колькасьць загінулых у выніку атакі расейскіх войскаў на жылы дом у Дніпры вырасла да 20 чалавек

Яшчэ 73 параненыя — больш за 40 зь іх знаходзяцца ў шпіталях, 4 — у рэанімацыі, у цяжкім стане. Ратавальнікі працягваюць працу, лёс больш як 40 чалавек пакуль не невядомы. У выніку атакі разбураныя 72 кватэры, пашкоджаныя больш за 230, паведаміў кіраўнік Днепрапятроўскай абласной адміністрацыі Валянцін Рэзьнічэнка.

2023-01-15 05:31:14+00:00

Добрай нядзелі, сябры!

Дата дня: 15 студзеня 1994 году прэзыдэнт ЗША Біл Клінтан наведаў Беларусь з афіцыйным візытам.

Таксама ў гэты дзень

▫️ 1919 — Марк Шагал заснаваў Віцебскую народную мастацкую вучэльню.

▫️ 1991 — у Менску заснавалі Нацыянальны дзяржаўны гуманітарны ліцэй імя Якуба Коласа.

▫️ 2001 — Джымі Ўэйлз і Лары Сангер заснавалі Вікіпэдыю.

У гэты дзень нарадзіліся Мальер (1662), камэдыёграф Францыі, стваральнік клясычнай камэдыі; Соф’я Кавалеўская (1850), расейскі матэматык і мэханік, 1-ая ў сьвеце жанчына-прафэсар; Заір Азгур (1908), беларускі скульптар; Марцін Лютэр Кінг (1929), барацьбіт за роўныя правы для афраамэрыканскіх грамадзянаў ЗША; Янка Сіпакоў (1936), беларускі пісьменьнік.

Сёньня 325-ы дзень вайны Расеі супраць Украіны.

2023-01-16 20:50:13+00:00

Звольненага з маскоўскага тэатру за антываенныя выказваньні расейскага актора заменіць беларус, які граў у фільме «Жыве Беларусь!»

Народнага артыста Расеі, зорку сэрыялу «Кухня» і мноства фільмаў Дзьмітрыя Назарава днямі звольнілі з расейскага Маскоўскага мастацкага тэатру імя Чэхава (МХАТ) за антываенныя выказваньні.

Цяпер стала вядома, што ў ролі Воланда ў спэктаклі «Майстар і Маргарыта» яго заменіць беларускі актор Анатоль Кот.

https://rferl.link/g51o

2023-01-17 20:59:49+00:00

Мінздароўя пасьля «справы фармацэўтаў» зьмяніла правілы інфармаваньня мэдыкаў прадстаўнікамі фармкампаній

Цяпер апошнія могуць вусна расказваць аб медпрэпаратах толькі на мерапрыемствах, вызначаных Мінздароўя (канфэрэнцыях, сымпозіюмах і г.д.), разьмяшчаць інфармацыйныя матэрыялы на такіх мерапрыемствах ці дасылаць іх мэдыкам у электронным ці папяровым выглядзе, але без наведваньня ўстановы аховы здароўя.

Правілы зьмянілі пасьля таго, як Генпракуратура расказала аб выкрыцьці схемы схаванага подкупу мэдыкаў замежнымі фармацэўтычнымі кампаніямі — за рэкамэндацыі пацыентам выкарыстоўваць пэўныя прэпараты.

2023-01-18 20:45:18+00:00

ЗША вылучаць 125 млн даляраў на рамонт украінскай энэргасыстэмы

Пра гэта заявіла кіраўніца USAID Саманта Паўэр, піша АР. Сродкі пойдуць на закуп абсталяваньня для сыстэм вода- і цеплазабесьпячэньня гарадоў Украіны, газавыя турбіны, трансфарматары і іншае абсталяваньне. Паўэр падкрэсьліла, што грошы выдзеляць звыш той сумы дапамогі Ўкраіне, якую ўхваліў Кангрэс ЗША ў сьнежні 2022-га.

Пасьля сэрыі расейскіх удараў па інфраструктуры Ўкраіны яна можа генэраваць толькі каля чвэрці ад неабходнай колькасьці электраэнергіі.

2023-01-19 20:53:48+00:00

«„Сацыяльна арыентаваная дзяржава“ цяпер прыносіць дзецям менавіта гэта — боль, сьлёзы і адчай». Наста Захарэвіч — пра трагедыю Паўліны Лосік

«4-гадовая Паўліна часова засталася і бяз таты, і бяз мамы, бо яны цяпер палітвязьні. Як у кожнага дзіцяці, у яе ёсьць свае штодзённыя рытуалы — тое, што яе супакойвае і радуе. Дарʼя дакладна ведала, як дапамагчы дачцэ, калі той было кепска. Ці гэтак жа здолеюць рабіць бабулі і дзядулі? Я ня ведаю. І жахліва ўжо тое, што гэтае пытаньне ўвогуле паўстае»:

https://rferl.link/Y58m

2023-01-20 20:44:53+00:00

Дасьледаваньне: менш за 9% заходніх кампаній сышлі з Расеі пасьля ўварваньня ва Ўкраіну

Дасьледнікі швайцарскага Ўнівэрсытэту Санкт-Галену падлічылі, што на момант уварваньня Расеі ва Ўкраіну ў Расеі актыўна працавалі 2405 даччыных кампаній, якія належалі 1404 кампаніям з краін ЭЗ і G7. Менш за 9% зь іх вывелі хаця б 1 дачку з расейскага рынку.

Кампаніі ЗША больш ахвотна пакідалі Расею, чым іншыя заходнія фірмы. Амаль 18% амэрыканскіх даччыных кампаній цалкам спынілі дзейнасьць у РФ пасьля пачатку вайны — у параўнаньні з 15% японскіх і толькі 8,3% эўрапейскіх.

2023-01-22 18:00:19+00:00

Галоўнае за 22 студзеня

📌 Зьмяніліся правілы куплі-продажу ўжываных аўтамабіляў

📌 Канал «Супольнасьць чыгуначнікаў Беларусі» паведаміў, што 15-гадовага брата адміністратара фактычна ўзялі ў закладнікі

📌 Украінскі спэцназ правёў вучэньні каля мяжы зь Беларусьсю

📌 У Варшаве прайшоў устаноўчы сход ініцыятывы «Інстытут беларускай кнігі»

📌 Бацька Мікалая Дзядка расказаў, як сын сустрэў 800-ы дзень за кратамі

📌 Ціханоўская на 160-годзьдзе паўстаньня Каліноўскага: «Вольны душой чалавек змог запаліць іскру народу»

2023-01-23 19:40:07+00:00

Чаго хочуць і на што здольныя новыя беларускія эмігранты?

Ледзь не палова актыўнай часткі новай беларускай дыяспары — людзі ў веку 31–40 гадоў. Большасьць гэтай групы дыяспары пільна сочыць за падзеямі ў Беларусі і актыўна аказвае дапамогу беларусам і ўкраінцам. 42% апытаных актыўных эмігрантаў хацелі б вярнуцца ў Беларусь.

Вынікі апытаньня беларусаў-эмігрантаў у мэсэнджарах прааналізаваў Юры Дракахруст і зрабіў некалькі высноваў:

https://rferl.link/R1m8

2023-01-24 20:52:56+00:00

🎭 На кінафэстывалі ў Бэрліне пакажуць мастацкі фільм пра беларуса ў Замежным легіёне

Фільм «Disco Boy», створаны сумесна студыямі з Італіі, Францыі і Польшчы, трапіў у асноўную конкурсную праграму нямецкага кінафэстывалю Бэрлінале. У ім расказваецца гісторыя беларуса, які запісваецца ў Замежны легіён, каб атрымаць пашпарт Францыі:

https://rferl.link/nWkO

Фота: Fare Film / farefilm.it

2023-01-27 20:52:58+00:00

Саюзьнікі перададуць Кіеву агулам 321 танк, заявіў амбасадар Украіны ў Францыі

«Тэрміны пастаўкі ў кожным выпадку розныя», — адзначыў Вадзім Амельчанка ў інтэрвію BFM, піша @dwglavnoe.

➕ Тым часам Польшча заявіла, што плянуе адправіць Украіне яшчэ 60 сучасных танкаў у дадатак да ўжо абяцаных 14 «Леапардаў».

2023-01-28 18:55:58+00:00

Галоўнае за 28 студзеня

🚧 «Мы вярталіся на радзіму, а вярнуліся ў турму». Што чакае ў Беларусі тых «зьбеглых», якія павераць абяцаньням Лукашэнкі

👨‍🎓 Кіраўнік «Нівы» і Радыё Рацыя: «Маёй першай нацыянальнай школай была вясковая вуліца і лавачка»

🧭 Моўны навігатар: TikTok па-беларуску

🎾 Беларуска Арына Сабаленка выйграла Australian Open

🕯 Беларускага добраахвотніка Эдуарда Лобава, які загінуў пад Вуглядарам, пахаваюць у Варшаве

🎸 Затрымалі гомельскага барда Андрэя Мельнікава

📸 «Ідэнтычнасьць, якая растае». У Вільні адкрылася фотавыстава пра літоўцаў Беларусі. ФОТА

2023-01-29 20:20:00+00:00

«Талібан» забараніў дапускаць жанчын да ўступных іспытаў у ВНУ

У Афганістане налічваецца 40 дзяржаўных і 150 прыватных унівэрсытэтаў. Найбліжэйшыя прыёмныя іспыты ў афганскіх ВНУ павінны прайсьці ў канцы лютага.

Раней, у сьнежні 2022 году, у Афганістане быў прыпынены доступ ва ўнівэрсытэты для ўжо залічаных студэнтак. Таксама талібы забаранілі жанчынам працаваць у няўрадавых арганізацыях — іх у краіне каля 180. «Талібан» таксама закрыў дзяўчатам доступ у старшыя клясы ў большасьці школ.

https://rferl.link/7azy

2023-01-30 20:42:01+00:00

Палітвязень, былы сьледчы Аляксандр Антанюк цалкам адбыў тэрмін і выйшаў на волю

Пра гэта паведамляе «Вясна».

Аляксандру Антанюку далі 1,5 года калёніі па берасьцейскай «карагоднай справе». Ён працаваў сьледчым да 2020 году, пасьля чаго звольніўся.

У сваім апошнім слове на судзе ён паведаміў, што яго затрымлівалі брутальна, «як Пабла Эскабара, не хапала толькі верталёту».

2023-01-31 20:51:22+00:00

Генпракурор РФ прызнаў, што ў Расеі незаконна мабілізавалі больш за 9 тысяч чалавек

Іх, па словах чыноўніка, вярнулі дадому.

Мабілізаваныя на вайну расейцы і іх сваякі раней скардзіліся, што ваенкаматы «грабуць усіх» — тых, хто ніколі не служыў у войску, пасьля апэрацый, інсультаў, інфарктаў, інсуліназалежных дыябэтыкаў і нават людзей, якія зь цяжкасьцю перасоўваюцца пасьля траўмаў.