-
2023-02-06 14:59:03+00:00
7-8 февраль кунлари Туркия жануби-шарқи, шарқи ва марказий ҳудудларида қор ёғиши кутилмоқда.
Туркия метеорология хизматига кўра, келаётган икки кунликда Туркия нам ҳаво оқимлари таъсирида бўлади. Кўплаб ҳудудларда ҳаво ҳарорати ноль даражадан пасайиб, қор ёғади.
Зилзиладан талофат кўрган турк қардошлар бу тун совуқ ва қорли об-ҳаво омилидан ҳам бироз азият чекадилар.
-
2023-02-08 13:30:22+00:00
Пойтахтда бош режа бўлмагунча, янги қурилишларга мораторий эълон қилинади.
Давлатимиз раҳбари қурилишга рухсат берилганда, мавжуд инфратузилмага юклама бўйича аниқ ҳисоб-китоб қилинмаётгани, яшил майдонлар ташкил қилиш ишлари қурилишлар билан ҳамоҳанг олиб борилмаётганини танқид қилди.
Шу боис, шаҳарнинг бош режаси тасдиқланмагунча янги қурилишларга мораторий эълон қилиниши таъкидланди.
2023 йилда Тошкент шаҳрининг яшиллик даражасини 28 фоизга етказиш вазифаси қўйилди.
Шу мақсадда 100 гектар майдонда янги боғ ташкил қилинади. “Тошкент яшил белбоғи” лойиҳаси бошланиб, баҳор мавсумида 525 минг туп дарахт ва буталар, 20 миллион туп гул кўчатлари экилади.
-
2023-02-09 19:05:10+00:00
Ефрет дарё ҳавзасидаги "Отатурк" сув омбори тўғонида ҳам зилзилалардан сўнг ёриқлар пайдо бўлган.
48.7 км³ ҳажмга эга 'Отатурк' сув омбори тўғонида ҳам ёриқлар вужудга келиб, хохлаган пайт сув тошқинлари хавфини оширади.
Сув омборидан пастда Ефрет дарасидаги баъзи аҳоли пунктлари хавқсиз ҳудудга эвакуация қилинган.
-
2023-02-10 12:21:52+00:00
Туркиядаги зилзила геофизик қуроллар ёрдамида сунъий яратилганми?
Анчадан буён сунъий таъсир ёрдамида кенг масштабли об-ҳавони ўзгартириш ва зилзила ҳосил қилиш ҳақида турли қарашлар мавжуд. Булар фанда геофизик ва иқлим қуроллари деб аталади. Ва охирги пайтда бу каби қуроллар атмосферанинг ионасферасига таъсир этиш орқали юзага келтириш мумкинлиги келтириб ўтилади. Туркиядаги зилзила ҳам ана ўша туфайли юз берди деган қарашлар интернет оламида портламоқда.
Каналимиздаги ёш сейсмолог тадқиқотчи синглимиз ёзяпти:
Техноген (инсон таъсири) зилзилалар - инсоннинг муҳандислик фаолияти билан боғлиқ бўлган зилзилалардир. Лекин уларнинг таъсир доираси ва кучи жуда даражада юқори бўлмайди. Туркиядаги зилзила эса бу турдаги зилзилага кирмайди. У тектоник зилзилалар турига киради. Туркия плиталар кесишмасида жойлашгани ва уларнинг ҳаракати билан зилзила содир бўлган.
Зилзилани прогноз қилишга келсак, олимлар жуда кўплаб зилзилаларни прогноз қилишга ҳаракатда бўлганлар ва ҳозир ҳам бу уринишлар давом этмоқда. Айримлари муваффақиятли, айримлари муваффақиятсиз якун топган.
Масалан, 1978 йилдаги Олой, 1980 йилдаги Назарбек, 1984 йилдаги Поп зилзилаларини ўзбек сейсмологлари гидрогеосейсмологик усул ёрдамида олдиндан айта олишган. Яна орада прогноз қилинган кўплаб зилзилалар ўзини оқламаганлари ҳам бор.
-
2023-02-13 18:23:46+00:00
16 февраль кундузи 12 соатликда республика бўйлаб кутилаётган ёғингарчилик картаси.
Қашқадарё, Самарқанд, қисман Навоий, Жиззах ҳамда Фарғона водий вилоятларида 'яхшигина' ёғингарчилик бўларкан.
Умуман олганда, Ўзгидромет прогнозларига кўра, ҳафта давомида республика бўйлаб жойларда вақти-вақти билан ёмғир ёғади. Ҳарорат бўйича шимолдан ташқари барча вилоятларда тунлари ҳам ноль даражадан юқори илиқ ҳарорат кутилади.
Ўзгидрометнинг ''COSMO_CA'' миллий оператив прогностик модели
-
2023-02-14 17:19:28+00:00
Пойтахт Тошкентда кетма-кет уч кун ёмғир ёғиши кутилмоқда. 💧💦
Ўзгидромет прогнозига кўра, Тошкент шаҳрида 15-16-17 февраль кунлари вақти-вақти билан ёмғир ёғиши мумкин.
16 феврал тушдан сўнг кўп миқдорда ёмғир ёғиши прогноз қилинмоқда. 💦
-
2023-02-16 16:17:00+00:00
Фавқулодда вазиятлар вазирлиги ҳамда Мудофаа вазирлиги куч ва воситалари Қамчиқ довонида мажбуран қор кўчириш ишларини амалга оширди.
ФВВга кўра, Қамчиқ довони автомобил йўлига туташ 5 та қор кўчиши мумкин бўлган тоғ ёнбағрида тўпланган юқори хавфга эга қор массаларига бир нечта снарядлар отилиб, мажбурий қор массаси туширилган.
-
2023-02-18 15:33:19+00:00
Сўровнома соат 17:30 да ёпилди.
Ҳозирда геомагнит кучининг пассив даври кузатиляпти. Соат 17.00 га қадар эса магнит бўронининг 4-5 баллик G3 даражаси кузатилиши прогноз қилинганди.
Мазкур ҳодисанинг инсон организимига таъсири бўйича ўтказилган сўровномада 1345 киши қатнашди. Уларнинг 41 %и 5 баллик магнит бўрони таъсирини ўзида ҳис қилмаган.
Сўровномада иштирок этган 28% киши магнит бўронини таъсирини кучлироқ сезишган.
-
2023-02-19 06:01:32+00:00
Келаётган ҳафтанинг иш кунлари қуруқ ва баҳорий юқори ҳарорат қаршисида ўтади.
Ўзгидромет прогнозларига кўра, Жума кунига қадар республика бўйлаб ёғингарчилик кутилмайди. Душанба куни жойларда +14 +20 даража, сешанба куни эса +17 +22 даража илиқ бўлиши кутилмоқда. Чоршанба куни жойларда бироз ҳарорат пасаяди. Пайшанба куни эса яна ҳарорат кўтарилади.
Ўзгидрометда келгуси беш кунлик учун аниқ муддат ва аниқ об-ҳаво ҳодисаларини кўрсатиб прогноз бериш ваколати мавжуд эмас. Шунинг учун янги ҳафтанинг дам олиш кунлари ҳақида ҳозирда ишонарли об-ҳаво прогнозлари йўқ. Кейинроқ тузилади.
Аммо, Ўзгидрометнинг "Meteoinfokom" тузилмаси маълумотига кўра, Тошкент шаҳри келаётган ҳафтанинг жума ва дам олиш кунлари бироз ёмғирли ва совуқроқ ҳаво қаршисида ўтиши ойдинлашади.
Юқоридаги картада ҳам ҳафта сўнгида жойларда ғарбдан кириб келаётган нам ҳаво оқими таъсири ва ундан сўнг ҳароратнинг бироз пасайишини прогноз қилиш мумкин.
-
2023-02-20 20:08:54+00:00
Хатайдаги кучли зилзила туфайли 3 киши ҳалок бўлган, 213 киши яраланган.
Туркия Ташқи ишлар вазири.
-
2023-02-22 14:40:44+00:00
Ўзбекистон қишлоқ хўжалигида иқлим ўзгаришига қарши мувофиқлашган миллий кураш йўқ.
Европа Иттифоқининг ASK дастури иқлим ўзгаришининг Ўзбекистон аграр секторига таъсирини таҳлил қилган. Лойиҳа раҳбари Адриан Нилнинг gazeta.uz га маълум қилишича, мамлакат қишлоқ хўжалигида иқлим ўзгаришига қарши мувофиқлашган миллий кураш мавжуд эмас. Шу боис соҳада қилинаётган ишлар натижаси сезиларли эмас.
Мақолани ўқий туриб, лойиҳа раҳбари билан бўлган суҳбат матнини тўртта қисмга бўлиб ёзиб чиқиш мумкин экан. Қишлоқ хўжалик секторида амалга оширилган ижобий ва салбий ҳолатлар, прогнозлар ва келгуси давр учун таклифлар.
Лойиҳанинг эксперт гуруҳи республиканинг учта ҳудудида (Қорақалпоғистон Республикаси, Қашқадарё ва Фарғона водий вилоятлари) илмий тадқиқот ишларини олиб борган. AquaCrop, SPHY ва WEAP моделларидан фойдаланиб, 2059 йилга қадар 4 та сценарий — ўрта, иссиқ-қуруқ, илиқ-нам ва қуруқ иқлим ўзгариши таъсирларининг мазкур ҳудудлардаги асосий экинлар, боғдорчилик, чорвачилик ва қишлоқ хўжалигини суғориш сувларига таъсири прогнозларини ишлаб чиққан.
Салбий ҳолатлар
➖ мамлакат қишлоқ хўжалигида собиқ Совет Иттифоқидан мерос қолган марказий режалаштириш сиёсати муайян даражада мавжуд.
➖ давлат фермерга маслаҳат ва кўмак бериши зарур, буйруқ ва кўрсатма эмас.
➖ аграр секторида 2011 йили жаҳон банки томонидан ўтказилган иқлим ўзгариши оқибатларига оид охирги халқаро тадқиқот хулосалари нима учундир кейинги сиёсий ҳаракатларга сабаб бўлмаган, қандай бўлса, шундайлигича қоғозда қолиб кетган.
➖озиқ-овқат хавфсизсизлик масалаларига масъул қишлоқ хўжалиги, сув хўжалиги вазирликлари ҳамда ўсимликлар карантини ва ҳимояси тузилмалари қишлоқ хўжалиги секторидаги амалга оширилаётган инновацион усуллари биргаликда узвий бир бирини тўлдирмайди. Уларни бирлаштириб турувчи мувофиқлаштирувчи тузилма мавжуд эмас.
Ижобий ҳолатлар:
➖ битта экинга асосланган деҳқончиликдан аста-секин диверсификацияга ўтиляпти.
➖ жуда кам сонли фермерлар иқлим ўзгаришлари билан ҳисоблашиб, томчилатиб, ёмғилатиб сув иқтисод қилувчи технологиялар ҳамда секторда илмий тадқиқот натижалари асосида қишлоқ хўжалиги маҳсулотларини етиштириш босқичига ўтган.
Прогнозлар:
➖ уч тадқиқот объектида 2050 йилга келиб, ҳарорат 1 дан 2,5 даражагача ошиши, ёғингарчилик +/-20 фоиз ўзгариши ва ойлик суғориш учун сув 20−35 фоизга камайишини;
➖ иқлим ўзгаришидан келиб чиқадиган инсон фаолияти ва экотизимларни баҳолаш орқали картошканинг ҳосилдорлиги 50 фоизгача пасайишини;
➖ пахта, буғдой, олма, картошка ва помидор экинлари ҳосилдорлиги Қашқадарё ва Қорақалпоғистонда иссиқ-қуруқ сценарий бўйича 12−50 фоизгача камайишини;
➖Фарғона вилоятида иссиқ ва қуруқ сценарий бўйича ҳудудларида кузги буғдойнинг 15-35 %, илиқ-нам сценарий бўйича экинлар ва минтақалар комбинацияси ҳосилнинг 10 фоизга пасайишини;
➖ яйлов ва беда ҳосилдорлиги кўп ҳолларда юқори бўлиши, айниқса, беда ҳосили иқлимга чидамли экани, Қашқадарёдаги лалми яйловлар ҳосилдорлиги иссиқ-қуруқ сценарийда ҳам 50 фоиздан ошишини;
➖ 2059 йилга бориб Ўзбекистонда сой ирмоқлар қисқариши ёки йўқолиб кетишини кўрсатади.
Таклифлар:
➖ иқлим ўзгариши бўйича таҳлилларга асосланган тадқиқотлар тез-тез ўтказилиши, ҳукумат эса ўз сиёсат дастурлари, чора-тадбирларини шу тадқиқот хулосаларига асослаган ҳолда ишлаб чиқиши;
➖ фермер ва деҳқонлар иқлим ўзгаришига қарши чора кўришдан олдин, ердан фойдаланиш ҳуқуқини амалда ҳис қилиши, ўзи хоҳлаганидек ишлаши;
➖ нима қилишни, қаерга боришни ва кимдан маслаҳат сўрашни билмаган деҳқонга юқоридан илмий тадқиқот ишлари хулосасига зид кўрсатма эмас, илмга асосланган маслаҳат берилиши;
➖аграр секторда иқлим ўзгариши бўйича доимий ишлайдиган мувофиқлаштирувчи тузилма тузилиши керак.
-
2023-02-23 18:05:23+00:00
Сарез кўли дамбасида вазият барқарор.
Ижтимоий тармоқдаги Uncha-Muncha телеграм канали хабарига кўра, зилзиладан сўнг Сарез кўли дамбасида вазият барқарор.
Кўл атрофида чанг-ғубор ҳодисаси кузатилмоқда.
Афтидан видео олинган мазкур жой Сарез кўли дамбаси яқинидаги Тожикистон фавқулодда хизмати кузатув станция ҳудуди ҳисобланади.
-
2023-02-24 15:19:40+00:00
Японлар кучли зилзила ва ҳалокатли сув тошқинларидан ҳимояланувчи ҳимоя капсуласини яратишди.
-
2023-02-25 12:51:05+00:00
🕔 17:00
Айни дақиқаларда пойтахт Тошкент ҳавоси сифат даражаси Ҳелсинки, Ванковер, Берлин ҳамда Лондон шаҳарлари ҳавоси каби тоза. Мазкур шаҳарлар ҳавоси сифат даражаси билан дунё шаҳарлари рейтингини бўлишиб турибди.
Ёғингарчиликдан сўнг, пойтахт аҳолиси ташқи муҳитда тоза ҳаво оғушида оилавий сайрни амалга оширишлари мумкин.
-
2023-02-27 08:18:05+00:00
Шимол қутб ёғдулари.
Айни кунларда Ерда геомагнит бўронларининг фаоллашуви шимолий қутб дорираси атрофида қутб ёғдулари ҳодисасини келтириб чиқармоқда.
Мазкур ҳодиса Россиянинг шимолий йирик аҳоли яшаш ҳудудларига яқинроқ ҳудудларда ҳам ёрқин кузатилмоқда.
-
2023-02-28 17:23:22+00:00
Turkiyada yuz bergan zilzilalar hudud infrastrukturasiga qanchalik ta‘sir ko‘rsatgani tungi vaqtdagi kosmik suratlarda ham yaqqol namoyon bo'lmoqda.
Birinchi suratda zilzila bo‘lishidan oldingi chiroqlari yorug‘ Antakia tasvirlangan. Ikkinchi suratda esa chiroqli shahar manzarasi o‘rnini zulmat qoplagan.
Manba: EA NASA