-
2023-02-23 10:31:38+00:00
#Савол_жавоб
Савол:
Чет давлат фуқаролигидан чиқишни расмийлаштирмаган ҳолда Ўзбекистон Республикаси фуқаролигини олишга ҳуқуқий асослар мавжудми?
Жавоб:
“Ўзбекистон Республикасининг фуқаролиги тўғрисида”ги қонуннинг 21-моддаси (Ўзбекистон Республикасининг фуқаролигига алоҳида тартибда қабул қилиш)га асосан Ўзбекистон Республикаси Президенти миллий манфаатлардан келиб чиқиб, чет давлатларнинг фуқароларига ва фуқаролиги бўлмаган шахсларга ушбу Қонуннинг 19 ва 20-моддалари талаблари қўлланилмаган ҳолда Ўзбекистон Республикасининг фуқаролигини бериши мумкин. Яъни, чет давлатларнинг фуқароларига чет давлат фуқаролигидан чиқишни расмийлаштирмаган ҳолда Ўзбекистон Республикаси фуқаролиги берилиши мумкин.
Ўзбекистон Республикасининг фуқаролигига қабул қилиш тўғрисидаги илтимоснома Ўзбекистон Республикаси Президенти номига ариза берувчи томонидан шахсан берилади (Қонуннинг 37-моддаси).
Қонуннинг 4-моддаси мазмунига кўра, Ўзбекистон Республикаси фуқаролигига қабул қилиш тўғрисидаги қарорлар Ўзбекистон Республикаси Президенти томонидан фармонлар тарзида қабул қилинади ва имзоланган кундан эътиборан кучга киради.
Демак, сизнинг ҳолатингизда Ўзбекистон Республикаси фуқаролигини олишга ҳуқуқий асослар мавжуд.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-23 05:35:08+00:00
Дастлабки терговни ўтказиш ва уни тўхтатиб туриш асослари қандай?
Жиноят процессуал қонунчилигига кўра, прокуратура, ички ишлар органлари ва давлат хавфсизлик хизмати терговчилари дастлабки тергов ҳаракатларини амалга оширади.
Дастлабки тергов жиноят иши қўзғатилган кундан бошлаб уч ойдан ошмаган муддатда тамомланиши лозим. Аммо, мазкур муддат жиноят ишининг ҳажми ва мураккаблигига қазараб Қорақалпоғистон Республикаси прокурори ёки вилоят, Тошкент шаҳар прокурори ва унга тенглаштирилган прокурор томонидан беш ойгача, Ўзбекистон Республикаси Бош прокурори ёки унинг ўринбосарлари томонидан етти ойгача узайтирилиши мумкин.
Жиноят процессуал кодексининг 364-моддасига мувофиқ қуйидагилар дастлабки терговни тўхтатишга асос бўлади:
- иш бўйича айбланувчи тариқасида иштирок этишга жалб қилиниши лозим бўлган шахс аниқланмаган;
- айбланувчининг қаерда эканлиги номаълум бўлган;
- айбланувчи Ўзбекистон Республикаси ҳудудидан чиқиб кетган, башарти унинг терговга келишини таъминлаш имконияти бўлмаса;
- айбланувчи ишни юритишда унинг иштирок этишини истисно этадиган оғир ва давомли, лекин даволаб бўладиган касалликка чалинган ҳоллар.
Дастлабки терговни тўхтатиш тўғрисида терговчи қарор чиқаради ва унинг нусхасини прокурорга юборади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-22 12:31:34+00:00
#Биласизми
Автотранспорт воситасини бошқариш ҳуқуқини берувчи электрон ишончнома расмийлаштирганлик учун давлат божи унинг амал қилиш муддатидан келиб чиққан ҳолда ишончномани нотариал тасдиқлаш учун ўрнатилган давлат божига нисбатан қуйидаги фоизларда ундирилиши белгиланган:
- 1 ойгача бўлган муддатга – 10 фоиз;
- 6 ойгача бўлган муддатга – 50 фоиз;
- 3 йилгача бўлган муддатга – 100 фоиз.
❗️Автотранспорт воситасини бошқариш ҳуқуқини берувчи электрон ишончномани нотариал тасдиқлаш талаб этилмайди ва у ЙПХ ходимлари томонидан электрон текширилади.
📌 Маълумот учун: Ишончномаларни my.gov.uz орқали электрон расмийлаштириш йўлга қўйилган.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-22 10:31:49+00:00
#Савол_жавоб
“Суд қарори устидан қандай шикоят қилсам бўладими?”
Савол:
Жиянимга нисбатан 10 йил муддатга озодликдан маҳрум қилиш жазоси тайинланган. Дастлабки тергов ва биринчи инстанция суди томонидан асоссиз айбловлар қўйилган. Суд ҳукми ҳали қонуний кучга кирмади. Бундай вазиятда қандай йўл тутиб, жиянимни озодликка чиқишига ҳаракат қилсам бўлади.
Жавоб:
Мазкур жиноят иши бўйича жиянингиз судланувчи сифатида Ўзбекистон Республикаси Жиноят-процессуал кодексининг 46-моддасига асосан бошқа ҳуқуқлар қаторида суднинг ҳаракатлари ва қарорлари устидан шикоятлар келтириш ҳуқуқига эга.
Юқоридаги қонун талабидан келиб чиқиб, суд ҳукмидан норози бўлган тақдирда, жиянингиз ёки унинг ҳимоячиси томонидан апелляция шикояти берилса, суд ҳукмининг қонунийлиги, асослилиги ва адолатлилиги апелляция тартибида текшириб чиқилиши мумкин.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-22 10:12:21+00:00
#Савол_жавоб
Савол:
Менга йўл харакати қоидаларни бузганлигим учун МИБдан қарор келиб, унга кўра ҳуқуқбузарлик содир этганлигим учун 150 000 сўм жарима ундирилиши билан бир вақтда қўшимча 7 500 сўм ижро йиғими ҳам ундирилиши тўғрими?
Жавоб:
“Суд ҳужжатлари ва бошқа органлар ҳужжатларини ижро этиш тўғрисида”ги қонуннинг 77-1-моддасига асосан давлат ижрочиси томонидан ижро ҳужжатларини мажбурий ижро этиш бўйича ҳаракатлар амалга оширилганлиги учун қарздордан ижро йиғими ундирилади.
Мазкур модданинг 3-қисмига кўра, ижро йиғимининг миқдори ва ундирилиш тартиби қонунчиликда белгиланади.
Ўзбекистон Республикаси Президентининг 2020 йил 24 ноябр “Суд ҳужжатлари ва бошқа органлар ҳужжатларини ижро этиш тизимини янада такомиллаштириш чора-тадбирлари тўғрисида”ги ПФ-6118-сон Фармонинг 14-банди “в” кичик бандига мувофиқ мулкий тусга эга бўлган ижро ҳужжатлари бўйича ундириладиган ижро йиғими:
ундирув суммаси 1 000 базавий ҳисоблаш миқдоридан ортиқ бўлмаган ижро ҳужжатлари бўйича – ундирилаётган сумманинг 5 фоизи;
ундирув суммаси 1 000 базавий ҳисоблаш миқдоридан ортиқ бўлган ижро ҳужжатлари бўйича – ундирилаётган сумманинг 2 фоизи миқдорида ўрнатилади.
Демак, сизнинг ҳолатингизда 150 000 сўм жаримадан ташқари 7500 миқдоридаги (5%) ижро йиғими ундирилиши тўғридир.
"⚖️ VERUM" адвокатлик фирмаси — сизнинг ҳуқуқларингиз ҳимоячиси!
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-22 03:30:22+00:00
Мажбуриятда тарафлар ўзгариши мумкинми?
Мажбуриятда қатнашувчи кредитор ҳам, қарздор ҳам бошқа шахслар билан алмашинишлари мумкин.
Мажбуриятни бажаришда иштирок этаётган тарафлар ўринларини бошқа шахс билан алмашинишларига қонун бўйича йўл қўйилади.
Кредиторнинг ҳуқуқлари бошқа шахсга ўтиши учун, агар қонун ёки шартномада бошқача тартиб назарда тутилмаган бўлса, қарздорнинг розилиги талаб қилинмайди.
Баъзи ҳолларда, талаб қилиш ҳуқуқини ўтказишга шартнома бўйича ҳам йўл қўйилмайди. Масалан, умрбод таъминлаш шарти билан уй-жой (квартира)ни бошқа шахсга берган шахс ўзининг талаб қилиш ҳуқуқини бошқа шахсга ўтказа олмайди.
Қарздорнинг ўз қарзини бошқа шахсга ўтказишига фақат кредиторнинг розилиги билан йўл қўйилади (ФК 322-модда). Қарздор учун қайси кредиторга нисбатан мажбуриятни бажаришнинг фарқи йўқ бўлса ҳам, кредитор учун ким янги қарздор бўлишининг аҳамияти бор.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-21 10:31:34+00:00
#Савол_жавоб
Ногиронлиги бўлган шахсларга солиқ тўлашда имтиёзлар борми?
Мен уруш ногирониман, яқинда янги уй сотиб олдим. Уруш ногиронларига мулк солиғини тўлашда имтиёзлар бор деб эшитгандим. Шу ростми?
Солиқ кодексининг 421-моддасига кўра, уруш ногиронлари ва қатнашчилари, шунингдек доираси қонунчилик билан белгиланадиган, уларга тенглаштирилган шахсларнинг мулки мол-мулк солиғи солишдан озод этилади.
Ушбу имтиёз уруш ногиронининг (қатнашчисининг) тегишли гувоҳномаси ёки мудофаа ишлари бўйича бўлимнинг ёхуд бошқа ваколатли органнинг маълумотномаси асосида, ногиронлиги бўлган бошқа шахсларга (қатнашчиларга) ногиронлиги бўлган шахснинг (қатнашчининг) имтиёзларга бўлган ҳуқуқи тўғрисидаги гувоҳномаси асосида берилади.
Демак, сиз мол-мулк солиғини тўлашда имтиёзга эгасиз. Ушбу имтиёздан фойдаланиш учун тегишли гувоҳномангизни ҳудудингиздаги солиқ органига тақдим қилишингиз керак.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-21 03:30:32+00:00
Жиноят процессида қўлланиладиган эҳтиёт чораларининг мақсади ва унинг турлари ҳақида биласизми?
Эҳтиёт чораси - айбланувчи, судланувчи суриштирувдан, дастлабки терговдан ва суддан бўйин товлашининг олдини олиш; унинг бундан буёнги жиноий фаолиятининг олдини олиш; унинг иш бўйича ҳақиқатни аниқлашга ҳалал берадиган уринишларига йўл қўймаслик; ҳукмнинг ижро этилишини таъминлаш мақсадида қўлланилади.
Жиноят процессуал кодексининг 237-моддасига биноан қуйидаги эҳтиёт чоралари мавжуд:
- муносиб хулқ-атворда бўлиш тўғрисида тилхат;
- шахсий кафиллик, жамоат бирлашмаси ёки жамоанинг кафиллиги;
- гаров;
- уй қамоғи;
- қамоққа олиш;
- вояга етмаганларни кузатув остига олиш учун топшириш;
- ҳарбий хизматчининг хулқ-атвори устидан қўмондонлик кузатуви.
Алоҳида ҳолларда, ишни судга қадар юритиш босқичида ушлаб турилган гумон қилинувчига нисбатан суд томонидан қамоққа олиш, уй қамоғи ёки гаров тарзидаги эҳтиёт чоралари қўлланилиши мумкин.
Шуни алоҳида таъкидлаб ўтиш жоизки, бир шахсга нисбатан бир вақтнинг ўзида ана шу чоралардан фақат биттаси қўлланилишига йўл қўйилади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-20 14:31:00+00:00
Иқтисодий суд муҳокамасида яраштириш тартиби борми?
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-20 13:14:00+00:00
#Муҳокамага_қўйилган_қонун_лойиҳалари
Бугун regulation.gov.uz порталида Ўзбекистон Респyбликаси Вазирлар Маҳкамасининг "Ўзбекистон Республикаси Давлат чегараси орқали жисмоний шахслар ҳаракатланиши ҳамда улар томонидан товар ва транспорт воситаларини олиб ўтиш жараёнларини янада соддалаштириш тўғрисида"ги қарори лойиҳаси жамоатчилик муҳокамасига қўйилди.
Мазкур қарор лойиҳаси билан Транспорт воситаларининг “Электрон навбат” интерактив тизимидан фойдаланган ҳолда божхона чегарасини кесиб ўтиши ва ушбу тизимдан фойдаланишда давлат хизматини кўрсатишнинг Регламенти тасдиқланмоқда.
Регламенгга мувофиқ кўрсатиладиган давлат хизматидан фойдаланиш учун ваколатли шахс интернет тармоғидан фойдаланган холда интерактив хизмат ёрдамида онлайн режимида электрон навбат олиши мумкин.
Интерактив хизматдан фойдаланганлик учун йиғим битта транспорт воситасига:
юк автотранспорт воситаси (юкли, юксиз, оғир вазнли, катта ҳажмли, махсус транспортлар) учун – БҲМнинг йигирма беш фоизи;
енгил автотранспорт, мото ва бошқа шу каби транспорт воситалари учун (йўловчилар бундан мустасно) – БҲМнинг ўн беш фоизи миқдорида.
Интерактив хизмат бўйича буюртма қилинган вақтга қадар бекор қилиниши мумкин. Бунда бекор қилиш натижасида тўланган йиғимнинг 70 фоизи миқдорида тўловни қайтариш амалга оширилади.
“Электрон навбат” интерактив хизматидан фойдаланадиган шахс:
1️⃣ Интерактив хизматдан фойдаланиш учун ДБҚ веб сайтида (сustoms.uz) рўйхатдан ўтади;
2️⃣ Электрон сўровнома бандларини тўлдиради;
3️⃣ Навбат олиш учун оферта шартнома билан танишади ва тасдиқлайди;
4️⃣ Тўланиши лозим бўлган йиғимни тўлайди ва мурожаатномани юборади.
“Электрон навбат” интерактив хизмати тақдим этилган маълумотлар ва тўлов суммаси ахборот тизимидан форматли-мантиқий назоратдан ўтади. Ижобий ўтган мурожаат қабул қилинади, номувофиқ бўлганда шахсга тўғри тақдим этиш учун қайтарилади.
Қабул қилинган мурожаат бўйича навбатга қўйилганлиги тўғрисида QR-код (матрик штрихли код) акс этган “Навбат варақаси” юборилади.
❗️https://regulation.gov.uz/oz/d/76477 ҳавола орқали қарор лойиҳаси муҳокамасида иштирок этишингиз мумкин.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-20 03:31:14+00:00
Муаллифлик ҳуқуқлари бузилганида ҳуқуқбузарга нисбатан қандай чоралар қўлланиши мумкин? Муаллиф ўз ҳуқуқларини ҳимоя қилиш учун қандай йўл тутиши лозим?
Аввало, муаллифлик ҳуқуқи ва турдош ҳуқуқларни бузган шахсларга нисбатан ЎзР МЖТКнинг 177-1-моддасига асосан, ҳуқуқбузарлик хусусиятига қараб контрафакт маҳсулотларни мусодара қилиб БҲМнинг 1 баробаридан 20 баробаригача жарима солиш шаклидаги маъмурий жазо қўлланиши назарда тутилган;
Бундан ташқари муаллиф ЎзРнинг “Муаллифлик ҳуқуқи ва турдош ҳуқуқлар тўғрисида”ги қонунига асосан қуйидаги усуллар орқали ўзининг фуқаролик ҳуқуқларини ҳимоя қилиши мумкин:
ҳуқуқларини тан олинишини талаб қилиш. Яъни муаллиф талаби қаноатлантирилиши учун у муайян асар ўзига тегишли эканлигини асословчи далиллар тақдим этиши талаб этилади. Шундан сўнг унинг муаллифлик ҳуқуқи тан олиниб, ҳуқуқлари муҳофаза қилинади;
ҳуқуқ бузилишидан олдинги ҳолатни тиклашни ва ҳуқуқни бузадиган ёки унинг бузилиши хавфини юзага келтирадиган ҳаракатларни тўхтатишни талаб қилиш. Масалан, шу асосда муайян қўшиқчи томонидан муаллиф розилигисиз шер матнидан фойдаланиб турли тадбирлар ўтказишни ёки ижтимоий тармоқлардаги саҳифаларга жойлаштирилган қўшиқни олиб ташлашни талаб қилиш мумкин;
муаллиф фуқаролик муомаласининг одатдаги шароитларида олиши мумкин бўлган, лекин ололмай қолган даромади миқдоридаги зарарларнинг ўрнини қоплашни талаб қилиш. Агар ҳуқуқбузар муаллифлик ҳуқуқи ёки турдош ҳуқуқларни бузиш оқибатида даромадлар олган бўлса, ҳуқуқ эгалари бошқа зарарлар билан бир қаторда бой берилган фойдани бундай даромадлардан кам бўлмаган миқдорда ундириши мумкин бўлади. Ушбу чора, масалан, муайян кинофилм, кўнгилочар консерт дастурларини тақдим этувчи жамоалар консертлари ёки аудиодарсликларнинг аудио-видео ёзувлари тарқатиб юборилганида қўлланиши мумкин;
зарарлар етказилиши фактидан қатъи назар, ҳуқуқбузарликнинг хусусияти ва ҳуқуқбузарнинг айби даражасидан келиб чиқиб иш муомаласи одатларини ҳисобга олган ҳолда зарар қопланиши ўрнига базавий ҳисоблаш миқдорининг йигирма бараваридан минг бараваригача миқдорда тўланиши лозим бўлган товонни тўлашни талаб қилиш. Ушбу усул муаллиф ҳуқуқларини ҳимоя қилишни осонлаштириш мақсадида қонунчиликка киритилган. Бунга асосан муаллиф ўзига етказилган зарар миқдорини исботлаб бериши шарт эмас;
Бундан ташқари муаллиф ўз ҳуқуқлари бузилган тақдирда, ҳуқуқбузардан маънавий зиён қопланишини талаб қилишга ҳақлидир.
Асарларнинг контрафакт нусхалари, шунингдек уларни тайёрлаш ва такрорлашда фойдаланиладиган материаллар ва асбоб-ускуналар ҳамда содир этилган ҳуқуқбузарликнинг бошқа воситалари қонунчиликка мувофиқ суд тартибида мусодара қилинади.
Асарларнинг ва турдош ҳуқуқлар обектларининг мусодара қилинган контрафакт нусхалари йўқ қилиниши керак, уларни ҳуқуқ эгасига унинг илтимосига биноан топшириш ҳоллари бундан мустасно.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-19 11:00:02+00:00
#Биласизми
Фирибгарлик учун қандай жазо белгиланган?
⚠️ Фирибгарлик – бу ўзганинг мулкини ёки мулкга бўлган ҳуқуқини алдаш ёки ишончни суиистеъмол қилиш йўли билан қўлга киритишдир.
Фирибгарлик учун жиноий жавобгарлик белгиланган. Жиноят кодексига кўра, ушбу жиноятни содир этган шахс:
▫️БҲМнинг 50 бараваридан 100 бараваригача (15 млн сўмдан 30 млн сўмгача) миқдорда жарима;
▫️2 йилгача ахлоқ тузатиш ишлари;
▫️1 йилдан 3 йилгача озодликни чеклаш;
▫️3 йилгача озодликдан маҳрум қилиш билан жазоланиши мумкин.
📌 Шунингдек, фирибгарликнинг миқдори, такрорийлиги, содир этган шахслар, содир этиш воситасидан келиб чиқиб жавобгарлик чораси оғирлашиши мумкин.
Фирибгарлик бир гуруҳ шахслар томонидан олдиндан тил бириктириб содир этилган бўлса:
▫️БҲМнинг 100 бараваридан 300 бараваригача (30 млн сўмдан 90 млн сўмгача) миқдорда жарима;
▫️3 йилгача ахлоқ тузатиш ишлари;
▫️3 йилдан 5 йилгача озодликни чеклаш;
▫️3 йилдан 5 йилгача озодликдан маҳрум қилиш билан жазоланади.
Фирибгарлик компьютер техникаси воситаларидан фойдаланиб, хизмат мавқеидан фойдаланиб содир этилган бўлса:
▫️ БҲМнинг 300 бараваридан 400 бараваригача (90 млн сўмдан 120 млн сўмгача) миқдорда жарима;
▫️ 2 йилдан 3 йилгача ахлоқ тузатиш ишлари;
▫️ муайян ҳуқуқдан маҳрум этилган ҳолда 5 йилдан 8 йилгача озодликдан маҳрум қилиш билан жазоланади.
Фирибгарлик уюшган гуруҳ томонидан ёки унинг манфаатларини кўзлаб содир этилган бўлса:
▫️БҲМнинг 400 бараваридан 600 бараваригача (120 млн сўмдан 180 млн сўмгача) миқдорда жарима;
▫️ 8 йилдан 10 йилгача озодликдан маҳрум қилиш билан жазоланади.
❗️Етказилган моддий зарарнинг ўрни қопланган тақдирда озодликни чеклаш ва озодликдан маҳрум қилиш тариқасидаги жазо қўлланилмайди.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-19 03:30:49+00:00
Суғурта ташкилоти жавобгарлиги мажбурий суғурталанган ҳайдовчига суғурта товонини тўла ҳажмда тўлаб берадими?
Транспорт воситалари эгасининг фуқаролик жавобгарлигини мажбурий суғурта қилиш шартномасига кўра суғурталовчи суғурта ҳодисаси содир бўлганда жабрланувчиларга уларнинг ҳаёти, соғлиғи ва (ёки) мол-мулкига ушбу суғурта ҳодисаси оқибатида етказилган зарарнинг ўрнини шартномада шартлашилган ҳақ (суғурта мукофоти) эвазига суғурта пули доирасида қоплаш мажбуриятини олади
Мажбурий суғурта шартномаси 1 йил муддатга тузилади.
Мажбурий суғурта қилиш бўйича суғурта пули, яъни суғурталовчи ташкилот тўлаб бериши мумкин бўлган сумма ҳажми — 40 миллион сўмни ташкил этади. Бунда ЙТҲ натижасида жабрланувчининг мол-мулкига зарар етказилган бўлса, суғурта пулининг, яъни 40 миллион сўмнинг 35 фоизидан, яъни 14 млн сўмдан ошмайдиган миқдорда, жабрланувчининг ҳаёти ёки соғлиғига зарар етказилганда 65 фоизидан, яъни 26 млн сўмдан ортиқ бўлмаган миқдорда суғурта товони тўлаб берилади.
Зарарнинг ушбу суммадан ошадиган қисми, шунингдек жабрланувчига етказилган маънавий зарар ва бой берилган фойда суғурта ташкилоти томонидан компенсация қилинмайди.
Яна бир нарсага эътибор қаратиш керак. Қонунчиликда суғурта ташкилоти жабрланувчига тўлаб берилган суғурта товонини суғурта қилдирувчидан, жавобгарлиги суғурталанган шахсдан, яна ҳам соддароқ қилиб айтганда, ҳайдовчидан регресс тартибида қайта ундириб олиши мумкин бўлган ҳолатлар мавжуд.
Масалан, ҳайдовчи қасддан ҳаракат қилиб жабрланувчининг ҳаёти, соғлиғи ва (ёки) мол-мулкига зарар етказган бўлса, сугурта ташкилоти толанган суммани ундан қайтариб ундириб олиши мумкин.
Зарар транспорт воситаси мазкур шахс томонидан мастлик ҳолатида ёки гиёҳвандлик воситалари, психотроп моддалар ёки шахснинг ақл-идрокига таъсир кўрсатувчи бошқа моддалар таъсири остида бошқарилаётганда етказилган бўлса, ҳам шундай оқибат келиб чиқади.
Бундан ташқари транспорт воситасини бошқариш ҳуқуқига эга бўлмаган шахс томонидан зарар етказилганида ёки ҳайдовчи йўл-транспорт ҳодисаси содир бўлган жойдан яширинган ҳолларда ҳам суғурта ташкилоти жабрланувчига тўлаб берилган суммаларни қайта ундириб олишга ҳақли бўлади.
Шу каби яна бир қатор ҳолатлар қонунчиликда назарда тутилганки, бундай ҳолатлар суғурта ташкилотига тўланган суғурта товонини регрэсс тартибида қайтариб олиш имконини назарда тутади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-18 14:31:04+00:00
Тадбиркорлик субъектининг қайси вакили судда ишончномасиз иштирок этиши мумкин?
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-18 03:30:40+00:00
Сизнинг давлат органлари, ташкилот ва унинг мансабдор шахсларига йўллаган мурожаатларингиз қабул қилиниши ва кўриб чиқилиши шарт.
“Жисмоний ва юридик шахсларнинг мурожаатлари тўғрисида”ги қонуннинг 18-моддасига мувофиқ, мурожаатлар давлат органлари, ташкилотлар ва уларнинг мансабдор шахслари томонидан қабул қилиниши ва кўриб чиқилиши шарт.
Мурожаатлар (ариза ва шикоятлар) келиб тушган кундан эътиборан ўн беш кун ичида , қўшимча ўрганиш ва текшириш, қўшимча ҳужжатларни сўраб олиш талаб этилганда эса, бир ойгача муддатда кўриб чиқилади. Мазкур мурожаат тегишли давлат органининг, ташкилотнинг раҳбари томонидан истисно тариқасида узоғи билан бир ойгача узайтирилиши мумкин, бу ҳақда мурожаатчига хабар қилинади.
Сизнинг ушбу ҳуқуқингиз бузилиши, Маъмурий жавобгарлик тўғрисидаги кодекснинг 43-моддаси ёки Жиноят кодексининг 144-моддаси билан жавобгарликни келтириб чиқаради.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-17 13:30:40+00:00
#Қонунчиликдаги_янгиликлар
❗️Маҳкумларнинг жазони ўташ даврида бажарадиган иши пенсия тайинлашда иш стажига қўшилади
Президент томонидан имзоланган Қонун билан айрим қонун ҳужжатларига маҳкумларнинг ҳуқуқлари ва қонуний манфаатларини ишончли ҳимоя қилишга қаратилган ўзгартиш ва қўшимчалар киритилди
✅ “Фуқароларнинг давлат пенсия таъминоти тўғрисида”ги қонунга киритилган қўшимчага кўра, озодликдан маҳрум этишга ҳукм қилинган шахсларнинг жазони ижро этиш муассасаларида жазони ўташ даврида бажарадиган ҳар қандай иши, агар ушбу иш бажарилган давр учун жазони ижро этиш муассасаси томонидан ижтимоий солиқ тўланган бўлса, пенсия тайинлашда иш стажига қўшиб ҳисобланади.
Шунингдек, “Жиноят-ижроия кодекси”га маҳкумларнинг тузалиш йўлига ўтганлигини аниқлаш мезонлари киритилди.
Маҳкумларнинг тузалиш йўлига ўтганлиги комиссия томонидан ҳар чорак якунларига кўра қуйидаги мезонлардан бири асосида белгиланади:
- маҳкумнинг меҳнатга виждонан муносабатда бўлиши, белгиланган меҳнат нормаларини бажариши, онгли равишда мустақил ишлаш кўникмаларининг шаклланганлиги, ўқишга ва касб-ҳунар ўрганишга қизиқиши;
- маҳкумнинг жазони ижро этиш муассасаларида ташкил этиладиган маданий-маърифий тадбирлардаги иштироки, унинг ташаббуси, бошқа маҳкумларга ибрат бўлишга интилиши;
- маҳкумнинг жазони ижро этиш муассасасида ўрнатилган ички тартиб-қоидаларига риоя этиши, маҳкумга нисбатан рағбатлантириш чоралари қўлланилганлиги, унга интизомий жазо чораси қўлланилмаганлиги.
❗️Маҳкумни тузалиш йўлига ўтган ёки ўтмаган деб топиш тўғрисидаги хулоса комиссия томонидан расмийлаштирилади ва маҳкумнинг шахсий йиғмажилдига қўшиб қўйилади.
Қонун 16 февралдан эътиборан кучга кирди.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-17 11:59:29+00:00
"VERUM" жамоасининг профессионал тайёргарлик машғулотларидан лавҳалар. Бизнинг адвокатлар ўз устларида ишлаб, доимий равишда билим ва малакаларини ошириб борадилар.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-17 03:30:49+00:00
Қандай асосларга кўра тергов ҳаракатларини видеоконференсалоқа режимида ўтказишга йўл қўйилади?
Жиноят процессуал қонунчилигига кўра, гувоҳлар, жабрланувчилар, гумон қилинувчилар ва айбланувчилар иштирокидаги тергов ҳаракатлари (сўроқ, шахсларни ва нарсаларни таниб олиш, юзлаштириш) мазкур шахсларни улар турган жойдаги ёки яшаш жойидаги вилоятнинг ёки туманнинг ёхуд шаҳарнинг ҳуқуқни муҳофаза қилувчи органига ёки судига чақирган, техник воситалардан фойдаланган ҳолда видеоконференсалоқа режимида ўтказилиши мумкин.
Ўзбекистон Республикаси Жиноят процессуал кодексининг 91-2 моддасига мувофиқ қуйидаги ҳолатларда тергов ҳаракатларини видеоконференсалоқа режимида ўтказишга йўл қўйилади:
- шахснинг жиноят ишини тергов қилаётган органга ёки тергов ҳаракати ўтказилаётган жойга соғлиғининг ҳолатига ёки бошқа узрли сабабларга кўра бевосита келиш имконияти бўлмаганда;
- жиноят процесси иштирокчиларининг хавфсизлигини таъминлаш зарурати туғилганда;
- кечиктириб бўлмайдиган тергов ҳаракатлари ўтказилганда;
- тергов ҳаракатини ўтказиш қийинлашиши ёки ортиқча харажатлар келтириб чиқариши мумкинлиги ҳақида асосли сабаблар мавжуд бўлганда.
Юқоридаги асослар мавжуд бўлганда суриштирувчи, терговчи, прокурор ёки суд тегишли қарор чиқаради. Ҳамда тергов ҳаракатларини видеоконференсалоқа режимида ўтказишда фойдаланиладиган техник воситалар ва ускуналарига нисбатан минимал талабларлар қонун билан белгиланади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-16 14:31:38+00:00
Сиз ички ишлар ходими ҳаракатларидан норозимисиз Улар сизнинг аризангизни ёки мурожаатингизни эътиборсиз қолдириб, вазифасига совуққонлик билан қараяптими?
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-16 13:19:06+00:00
#Савол_жавоб
Жиноят ишида яқин қариндошлар ҳимоячи бўла оладими?
Мен ўғлимга нисбатан тергов органи томонидан юритилаётган жиноят ишида ўғлимнинг ҳимоячиси сифатида ўзим қатнашмоқчиман. Шундай қила оламанми? Қила олсам буни қандай тартибда амалга оширишим мумкин?
Ҳимоячи гумон қилинувчиларнинг, айбланувчиларнинг, судланувчиларнинг ҳуқуқлари ва қонуний манфаатларини қонунда белгиланган тартибда ҳимоя қилишни амалга ошириш ҳамда уларга зарур юридик ёрдам кўрсатиш ваколатига эга бўлган шахсдир.
Жиноят процессуал кодексининг 49-моддасига кўра, жиноят иш бўйича ҳимоячи сифатида адвокатлар ҳамда гумон қилинувчининг, айбланувчининг, судланувчининг яқин қариндошларидан бири ёки қонуний вакили иштирок этиши мумкин.
Гумон қилинувчининг, айбланувчининг, судланувчининг яқин қариндошлари ёки қонуний вакилларидан бирининг адвокат билан бир қаторда ҳимоячи сифатида иштирок этишига гумон қилинувчининг, айбланувчининг, судланувчининг илтимосномаси бўйича суриштирувчининг, терговчининг қарори ёки суд ажримига биноан йўл қўйилиши мумкин.
Бунда шуни эътиборга олиш лозимки, яқин қариндош ёки қонуний вакилнинг иш бўйича ҳимоячи сифатида фақат адвокат билан бирга қатнашишига йўл қўйилади.
Шу сабабли, сиз ишда ҳимоячи сифатида ёлғиз ўзингиз эмас, балки адвокат билан биргаликда қатнашиш ҳуқуқига эгасиз. Бунинг учун эса, сиз терговчига ишда ҳимоячи сифатида иштирок этишига рухсат бериш ҳақидаги қарор чиқаришини сўраб мурожаат қилишингиз лозим.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-16 06:01:37+00:00
"VERUM LAW FIRMʼʼ адвокатлик фирмаси Ўзбекистон Республикаси ҳудудида жисмоний ва юридик шахсларга малакали юридик ёрдам кўрсатишга ихтисослашган замонавий ва жадал ривожланаётган адвокатлик фирмасидир.
📌 Бизнинг хизматлар:
- Мерос;
- Кўчмас мулк;
- Уй-жой бўйича адвокат;
- Автоюрист;
- Жиноий ва иқтисодий ишлар бўйича адвокат;
- Оилавий низолар ва фуқаролик ишлари бўйича адвокат;
- Хужжатлар бўйича юридик ҳулоса бериш;
- Корхоналар учун аутсорс-юрист ва бошқа ҳуқуқий хизмат турлари мавжуд.
Сиз учун ҳал қилиб бўлмайдиган муаммо биз учун кундалик ҳолатдир!
Мурожаат учун: @advokatlik_xizmati
Обуна бўлинг: 👉 @Verumlf_uz
📍Тошкент шаҳар, Юнусобод тумани, A.Қодирий кўчаси 58А уй. ☎️ +998712310100
-
2023-02-15 12:31:07+00:00
#Биласизми
Маъмурий жавобгарлик тўғрисидаги кодекснинг 45-моддасига мувофиқ, турар жойга унда истиқомат қилувчиларнинг хоҳиш-иродасига хилоф равишда ноқонуний тарзда кириш, мансабдор бўлмаган шахс томонидан содир этилган бўлса, —
БҲМнинг учдан бир қисмидан бир бараваригача (100 минг сўмдан 300 минг сўмгача) миқдорда жарима солишга сабаб бўлади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-15 11:32:57+00:00
#Қонунчиликдаги_янгиликлар
❗️Тадбиркорлик субъектлари учун имтиёзлар
“Тадбиркорлик субъектларини тоифаларга ажратиш мезонлари ҳамда солиқ сиёсати ва солиқ маъмуриятчилигини янада такомиллаштириш чора-тадбирлари тўғрисида”ги Президент фармони қабул қилинди (10.02.2023 й).
Фармонга кўра, тадбиркорлар қуйидаги мезонлар асосида тоифаларга ажратилди:
🔹кичик тадбиркорлик субъектлари:
▫️якка тартибдаги тадбиркорлар;
▫️микрофирмалар – таъсисчилари жисмоний шахслар бўлган ҳамда жами даромади йил давомида 1 миллиард сўмгача бўлган тадбиркорлар;
▫️кичик корхоналар – жами даромади йил давомида 1 миллиарддан 10 миллиард сўмгача бўлган тадбиркорлар;
🔹 ўрта тадбиркорлик субъектлари – жами даромади йил давомида 10 миллиарддан 100 миллиард сўмгача бўлган тадбиркорлар;
🔹 йирик тадбиркорлик субъектлари – жами даромади йил давомида 100 миллиард сўм ва ундан юқори бўлган тадбиркорлар.
2023 йил 1 апрелдан:
- 1 йилда бир маротаба ўрта тадбиркорлик субъектларига мол-мулкни суғурта қилиш харажатларининг 50 фоизигача, бироқ БҲМнинг 20 бараваридан ошмаган (6 млн сўмгача) қисми қоплаб берилади;
- даромади 10 миллиард сўмдан кам бўлмаган тадбиркорлар учун давлат харидларида 20 фоизлик квота жорий этилади;
- давлат харидларида энг яхши таклифларни танлаш ва тендер савдоларида иштирокчилар таклифларини баҳолашда ҚҚС суммаси инобатга олинмайди;
- юқори қўшилган қийматли мис маҳсулотларини экспорт қилувчи корхоналарнинг маҳсулотлар ишлаб чиқариш ва уларни ташқи бозорга сотиш билан боғлиқ харажатларини экспорт қийматининг 6 фоизигача қоплаш тартиби бекор қилинади.
Шунингдек, тўлов хизматларини кўрсатувчи ташкилотлар жисмоний шахслар ўртасида пул ўтказмалари амалга оширилганда, уларга кўрсатилган хизматлар учун (олинган ҳақ, комиссия учун “0” сўм бўлган тақдирда ҳам) электрон ҳисобварақ-фактуралар тақдим этади ва расмийлаштиради.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-15 10:57:01+00:00
#Савол_жавоб
Иш берувчи ходимга нисбатан интизомий жазо қўллашдан олдин ёзма равишда тушунтириш хати олиши шартми?
Иш берувчи ходимга меҳнат интизомини бузганлиги учун Меҳнат кодексида белгиланган интизомий жазо чораларини (ҳайфсан, жарима, меҳнат шартномасини бекор қилиш) қўллашга ҳақли.
Амалдаги меҳнат кодексининг 182-моддасига кўра, интизомий жазо қўлланилишидан аввал ходимдан ёзма равишда тушунтириш хати талаб қилиниши лозим.
Интизомий жазони қўлланишда содир этилган ножўя хатти-ҳаракатнинг қай даражада оғир эканлиги, шу хатти-ҳаракат содир этилган вазият, ходимнинг олдинги иши ва хулқ-атвори ҳисобга олинади.
❗️Ходим қўлланилган интизомий жазодан норози бўлган тақдирда 3 ой муддат ичида судга ёки меҳнат низолари комиссиясига мурожаат этишга ҳақли.
Ходимлар меҳнатга доир ҳуқуқий муносабатлардан келиб чиқадиган талаблар бўйича судга мурожаат қилганларида суд харажатларини тўлашдан озод этиладилар. (Давлат божи тўғрисидаги қонуннинг 8-моддаси)
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-15 08:43:59+00:00
Мурожаат қолдириш учун аввал каналимизга аъзо бўлишингиз керак.
-
2023-02-15 03:30:54+00:00
Битим ва шартномалар билан боғлиқ энг кўп учрайдиган муаммолар
Фуқаролик қонунчилигига биноан фуқаролик муомаласи иштирокчилари томонидан уй-жойга оид турли хил битимлар тузилиши мумкин (олди-сотди, ҳадя, айирбошлаш, ижара ва бошқа). Бунда битим иштирокчиларидан талаб қилинадиган асосий шартлардан бири – бу ушбу битимнинг мазмуни қонун ҳужжатларининг талабларига мувофиқ келиши, шунингдек ҳуқуқ-тартибот ёки ахлоқ асосларига атайин қарши мақсадда тузилмаган бўлиши лозимдир.
Умуман олганда, битимлар деб - фуқаролар ва юридик шахсларнинг фуқаролик ҳуқуқ ва бурчларини белгилаш, ўзгартириш ёки бекор қилишга қаратилган ҳаракатларига айтилади.
Битимлар тузиш ва уларнинг ҳақиқий эмаслиги билан боғлиқ низоларни кўришда ушбу тоифадаги ишлар Фуқаролик кодексининг 9-бобида назарда тутилган, яъни фуқаролик ҳуқуқ ва бурчларини вужудга келтирувчи битимлар ҳақидаги қоидалар ҳамда айрим битим турларини тартибга солувчи Фуқаролик кодекси ва махсус қонун нормалари асосида ҳал қилинади.
Фуқаролик кодексининг 9-бобида назарда тутилган бир тарафлама битимларга нисбатан мажбуриятлар ва шартномалар тўғрисидаги умумий қоидалар қўлланилади. Шунингдек ушбу бобда назарда тутилган икки ва кўп томонлама битимлар (шартномалар)га тааллуқли қоидалар мазкур кодекснинг 26, 27, 28-бобларида назарда тутилган шартномалар тузиш, ўзгартириш ва бекор қилиш ҳақидаги қоидалар билан тўлдирилади.
Битимларни ҳақиқий деб топиш ҳақидаги даъволарни кўришда ҳақиқатан ҳам тарафлар ўртасида битим тузиш ҳақида келишув бўлганлиги, битим шартларининг тўлиқ ёки қисман бажарилганлиги ва битимни нотариал тасдиқлашга моънелик қилган сабабларни аниқланади.
Ўзбекистон Республикаси Фуқаролик кодексининг 112-моддасига мувофиқ битимнинг қисман ёки тўлиқ бажарилганлиги ҳақидаги ёзма далиллар мавжуд бўлганда ёхуд жавобгар томонидан битим тузилганлиги тан олинганда судлар ҳар қандай битимларни эмас, фақатгина қонунда нотариал тасдиқланиши ёки давлат рўйхатидан ўтказилиши талаб қилинадиган битимларни ҳақиқий деб топишлари мумкин.
Башарти қонун ёки мажбуриятларнинг айрим турларини тартибга солувчи Фуқаролик кодекси нормаларида бошқача тартиб белгиланган бўлмаса, битимларни ҳақиқий эмас деб топиш тўғрисидаги талаблар бўйича умумий даъво муддати - уч йил.
Бунда Фуқаролик кодексининг 160-моддаси талабига мувофиқ даъво муддатининг тўхтатилиши, узилиши ва тикланиши ҳақидаги ушбу кодексининг 156, 157, 159-моддалари қоидалари, агарда қонунда бошқача тартиб белгиланган бўлмаса, мажбуриятларнинг айрим турларига ҳам тааллуқлидир.
Битимларга оид низоларни кўришда шартномани ҳақиқий эмас деб топиш ва шартномани бекор қилиш тушунчаларини бир-биридан фарқлаш лозим. Ўзбекистон Республикаси Фуқаролик кодексининг 9-боби, 113-126-моддаларида кўзда тутилган битимларнинг ҳақиқий эмаслигини тартибга солувчи нормаларда баён этилган асослар бўйича шартномаларнинг ҳақиқий эмас деб топилишига йўл қўйилади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-14 14:31:48+00:00
Интеллектуал мулк ҳуқуқига доир яна бир ўзига хос жиҳат бу - очиқ лицензия деган тушунча мавжуд.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-14 11:30:13+00:00
#Биласизми
“ЁШЛАР ДАФТАРИ”ГА КИРИТИЛГАН ЁШЛАРГА ҚАНДАЙ ИМТИЁЗЛАР БОР?
Туман (шаҳар) “Ёшлар дафтари” жамғармаси маблағларидан:
➖ моддий аҳволи оғир ёшларга базавий ҳисоблаш миқдорининг 4 бараваригача миқдорда бир марталик моддий ёрдам кўрсатиш;
➖ давлат ва нодавлат таълим ташкилотларида автомототранспорт воситалари ҳайдовчиларини тайёрлаш ўқув курси харажатларини қоплаш учун БҲМнинг 4 бараваригача миқдорда субсидия ажратиш;
➖ тадбиркорлик фаолияти ҳамда ўзини ўзи банд қилиш мақсадида нотурар жойнинг 12 ойгача ижара харажатларини кўпи билан бир йилда 30 фоиз, бироқ БҲМнинг 25 бараваригача миқдорда қоплаш;
➖ мамлакатимиздаги профессионал ва олий таълим муассасаларида таълим олаётган, “Темир дафтар”га киритилган оилалар фарзандларининг, шунингдек, “Ёшлар дафтарига” киритилган ёшларнинг тўлов-контракт суммасининг 50 фоизигача, аммо БҲМнинг 50 бараваридан ошмаган миқдорда тўлаб бериш;
Шунингдек, қонунчиликда яъна бир қатор имтиёзлар белгилаб қўйилган.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-14 03:30:34+00:00
Шахс қанча муддатга ушлаб турилиши мумкин?
Жиноят процессуал кодекси 226-моддасига асосан жиноят ишида гумон қилинган шахсни ушлаб туриш муддати шахс амалда ушланган пайтдан (эркин ҳаракатланишга бўлган ҳуқуқларнинг ҳақиқий чекланган пайти) эътиборан кўпи билан қирқ саккиз соатни ташкил этади. Суриштирувчи, терговчи ёки прокурор томонидан зарур ва етарли асослар тақдим этилганда ушлаб туриш суднинг қарори билан қўшимча равишда қирқ саккиз соатга узайтирилиши мумкин.
Ушлаб туриш муддати тугагунга қадар ва асослар мавжуд бўлганда шахс айбланувчи тариқасида ишда иштирок этишга жалб қилиниши, унга айб эълон қилиниши, тегишли тартибда сўроқ қилиниши (ЖПК 109 — 112-моддаларидаги бўйича) ва эҳтиёт чорасини танлаш ҳақидаги масала ҳал қилиниши лозим. (ЖПК 236 — 240-моддалари қоидаларига амал қилган ҳолда)
Алоҳида ҳолларда, ушлаб турилган гумон қилинувчига нисбатан суд томонидан қамоққа олиш, уй қамоғи ёки гаров тарзидаги эҳтиёт чоралари қўлланилиши мумкин. Бунда гумон қилинувчига у ушланган кундан эътиборан ўн кун ичида айблов эълон қилиниши керак. Акс ҳолда эҳтиёт чораси бекор қилинади ва шахс қамоқдан ёки уй қамоғидан озод этилади, гаров эса гаровга қўювчига қайтарилади. Жиноят иши қўзғатилганидан кейин ва ушлаб туришнинг бутун муддати мобайнида ишни юритиш ўзига тааллуқли бўлган суриштирувчи ва терговчи жиноятни содир этиш ҳолатларини аниқлаш, ушлаб туришнинг асосли эканлигини текшириш учун ўз ваколатлари доирасида тергов ҳаракатлари ўтказиши мумкин.
Шахсни маьмурий йўл билан ушлаб туриш муддатлари Маьмурий жавобгарлик тўғрисидаги кодекс 288-моддасига асосан уч соатдан ортиқ давом этиши мумкин эмас. Айрим ҳолларда алоҳида зарурат муносабати билан Ўзбекистон Республикаси қонун ҳужжатларида маъмурий йўл билан ушлаб туришнинг бошқача муддатлари белгиланиши мумкин.
Чегара тартибини ёки Ўзбекистон Республикаси давлат чегараси орқали ўтиш пунктларидаги тартибни бузган шахслар баённома тузиш учун уч соатгача муддатга ушлаб турилиши мумкин, ҳуқуқбузарнинг шахсини ва ҳуқуқбузарлик ҳолатларини аниқлаш учун зарур бўлган ҳолларда эса — ушлаш пайтидан бошлаб йигирма тўрт соат ичида прокурорга ёзма тарзда маълум қилиб, уч суткагача ёки ҳуқуқбузарда ўзининг шахсини тасдиқловчи ҳужжат бўлмаса, прокурорнинг санкцияси билан ўн суткагача муддатга ушлаб турилиши мумкин.
Маьмурий жавобгарлик тўғрисидаги кодекс 288-моддаси 3-қисмида назарда тутилган тегишли маъмурий ҳуқуқбузарликни содир этган ёхуд ўзининг шахси тўғрисидаги маълумотларни яширган шахслар ҳуқуқбузарлик тўғрисидаги иши жиноят ишлари бўйича суд ёки ички ишлар органи бошлиғи (бошлиқ ўринбосари) томонидан кўриб чиқилгунга қадар, лекин 24 соатдан кўп бўлмаган муддатга ушлаб турилиши мумкин. Маъмурий йўл билан ушлаб туриш муддати ҳуқуқбузарни баённома тузиш учун олиб келиш пайтидан бошланади, маст ҳолдаги шахслар учун эса — улар ҳушёр тортган вақтдан бошланади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-13 17:21:54+00:00
Ассалому алайкум, азиз дўстлар ва ҳурматли тадбиркорлар!
Сизга зудлик билан шартнома, судга даъво ёки бошқа ҳуқуқий ҳужжат тайёрлаш керакми? Суд жараёнига тайёргарлик кўришни ва ўз ҳуқуқларингизни қандай ҳимоя қилишни билмаяпсизми?
Унда Сиз VERUM мутахассисларига мурожаат қилинг ва саволларингиз бўйича мутлақо бепул маслаҳат олинг.
☎️ (71) 231 01 00
-
2023-02-13 12:56:10+00:00
#Биласизми
СУДЛАНГАНЛИК ҲОЛАТИ ҚАЧОН ТУГАТИЛАДИ?
❗️Шахснинг судланганлик ҳолати қуйидаги пайтларда тугалланади:
🔹 шартли ҳукм қилинганларга нисбатан – синов муддати тугаган кундан бошлаб;
🔹 мажбурий жамоат ишлари, хизмат бўйича чеклаш ёки интизомий қисмга жўнатиш тарзидаги жазоларини ўтаб чиққач;
🔹 жарима жазоси ижро этилган кундан кейин, шунингдек муайян ҳуқуқдан маҳрум қилиш ёки ахлоқ тузатиш ишлари жазолари ўталганидан кейин – 1 йил ўтгач;
🔹 озодликни чеклаш жазоси ўталганидан кейин – 2 йил ўтгач;
🔹 5 йилдан кўп бўлмаган муддатга озодликдан маҳрум қилиш жазоси ўталганидан кейин – 4 йил ўтгач;
🔹 5 йилдан ортиқ, лекин 10 йилдан кўп бўлмаган муддатга озодликдан маҳрум қилиш жазоси ўталганидан кейин – 7 йил ўтгач;
🔹 10 йилдан ортиқ, лекин 15 йилдан кўп бўлмаган муддатга озодликдан маҳрум қилиш жазоси ўталганидан кейин – 10 йил ўтгач.
☝️ Меҳнат кодексига кўра, муқаддам судланган шахсларни ишга қабул қилмаслик (бундан қонунчиликда назарда тутилган ҳоллар мустасно), ёхуд шахсларни уларнинг яқин қариндошлари судланганлиги муносабати билан ишга қабул қилмаслик мумкин эмас.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-13 03:30:12+00:00
❗️Ижарага берувчининг рухсатисиз мол-мулкни яхшилашни амалга оширманг!
“Ижара тўғрисида”ги Қонуннинг 11-моддасига асосан ижарачи, башарти шартномада ўзгача шартлар кўзда тутилмаган бўлса, ижарага олинган мол-мулк таркибига унинг қийматини оширадиган ўзгартишларни мустақил равишда киритиш, мол-мулкни реконструкциялаш, кенгайтириш, техник жиҳатдан қайта қуроллантиришга ҳақлидир.
Ижарага олинган мол-мулк, башарти, ижарага берувчининг ижозати билан яхшиланган бўлиб, ижара шартномасида ўзгача шартлар кўзда тутилмаган бўлса, шартноманинг амал қилиш муддати тугаганидан сўнг ёки шартнома бекор қилингач, ижарачи ана шу мақсад йўлида сарфлаган барча харажатлари қайтарилишини талаб қилиш ҳуқуқига эгадир.
Эътибор беринг! Ижарага берувчининг рухсатисиз амалга оширилган яхшилашлар, агар уларни ижарага берилган мол-мулкка зарар етказмаган ҳолда ажратиб олиш мумкин бўлмаса, шартноманинг амал қилиш муддати тугагач ёки шартнома бекор қилингач, ижарага берувчига текинга ўтади.
Ижарага берувчининг рухсатисиз амалга оширилган яхшилашларни ижарага берилган мол-мулкка зарар етказмаган ҳолда ажратиб олиш мумкин бўлса, ижарага берувчи уларнинг таннархини тўлашга рози бўлмаса, бундай ҳолда ижарачи уларни ўзига олиши мумкин.
Демак, сиз ижара шартномасида ўзгача шартлар кўзда тутилмаган бўлса, ижарага олинган мол-мулк таркибига унинг қийматини оширадиган ўзгартишларни мустақил равишда киритиш, мол-мулкни реконструкциялаш, кенгайтириш, техник жиҳатдан қайта қуроллантиришга ҳақлисиз, фақат бу ҳақида ижарага берувчинини олдиндан огоҳлантириб, уни розилигини олишингиз талаб этилади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-12 14:31:34+00:00
Эндиликда сиз уйдан чиқмасдан туриб ўз муаммоларингизни ҳал қилишингиз мумкин.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-12 03:30:53+00:00
Мулкдор турар-жойни сотганида, ижара шартномаси бекор қилинадими?
Ўзбекистон Республикаси Фуқаролик кодексининг 600-моддасига кўра уй-жойни ижарага бериш шартномасига биноан бир тараф – ижарага берувчи бошқа тараф – ижарага олувчига уй-жойда яшаш учун уни ҳақ эвазига эгалик қилиш ва фойдаланишга топшириш мажбуриятини олади.
Мазкур Кодекснинг 604-моддасида эса қуйидагича қоида назарда тутилган, яъни ижара шартномаси бўйича эгаллаб турилган уй-жойга бўлган мулк ҳуқуқининг бошқа шахсга ўтиши, жумладан, турар жойнинг бошқа шахсга сотилиши ижара шартномасининг ўзгартирилиши ёки бекор қилинишига олиб келмайди. Бунда янги мулкдор илгари тузилган ижара шартномаси шартлари асосида ижарага берувчига айланади.
Бундан келиб чиқадики, ижара шартномаси талабалар ёки турар-жойга эҳтиёжи бор бошқа шахслар билан, масалан, бир йил муддатга тузилиб, бу муддат тугамасдан олдин мулкдор турар-жойни бошқа шахсга ўтказиб берадиган ҳолатларда ижара шартномаси бекор қилиниши, ижарачилар уйдан чиқарилиб бошқа турар-жой қидиришга мажбур қилиниши мумкин эмас.
Шу ўринда шартли битимларга ҳам тўхталиб ўтиш мақсадга мувофиқ. Бу масала ФКнинг 104-моддаси билан тартибга солинади. Унга кўра, агар тарафлар ҳуқуқ ва бурчларнинг бекор бўлишини юз бериши ёки бермаслиги номаълум бўлган ҳолатга боғлиқ қилиб қўйсалар, бундай битим бекор бўлиш шарти билан тузилган битим ҳисобланади. Яъни тарафлар ижара шартномаси тузаётган пайт турар-жой сотилганида ижара шартномаси бекор қилиниши ҳақидаги шартни назарда тутишлари мумкин. Бундай ҳолатларда ижара муддати тугамасдан аввал мана шу шарт юз берса, яъни турар-жой сотиладиганда ижара шартномасини бекор қилиш мумкин бўлади.
Демак, умумий хулоса чиқарадиган бўлсак, умумий қоидага кўра турар-жойнинг сотилиши ижара шартномасини бекор қилишга асос бўлмайди. Бироқ шартнома тузилаётган пайтда тарафлар бу ҳақда келишган бўлсалар, турар-жойнинг сотилиши ижара шартномасини бекор қилишга олиб келади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-11 10:55:49+00:00
#Савол_жавоб
Ассалому алайкум. Мен 90 ёшдан ошган бувимга қарайман ва ҳеч қаерда ишламайман. Буни иш стажига ўтади деб эшитдим, шу ростми?
❗️ Жавоб
“Фуқароларнинг давлат пенсия таъминоти тўғрисида”ги қонуннинг 37-моддасида иш стажига қўшиб ҳисобланадиган меҳнат фаолияти турлари санаб ўтилган.
Унга кўра, I гуруҳ ногиронлиги бўлган шахсга ёки 18 ёшгача бўлган, ногиронлиги бор болага, шунингдек (даволаш муассасасининг хулосасига кўра) ўзгаларнинг парваришига муҳтож бўлган 80 ёшга тўлган қарияларга қараб турилган вақт иш стажига киради.
☝️ Лекин, мазкур шахслар ижтимоий солиқ тўлаб келаётган бўлишлари керак бўлади.
Демак, сиз бувингизга қараб турган пайтизда ижтимоий солиқ тўлаётган бўлишингиз ва бувингизни ҳақиқатдан ўзганинг парваришига муҳтож эканлиги ҳақида даволаш муассасасининг хулосаси бўлган тақдирда, иш стажига киритилади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-10 14:31:02+00:00
Тадбиркорлик субъектлари ўртасидаги низоларни ҳал қилиш усуллари, уларнинг шакллар ва тартиби тўғрисида қанчалик маълумотга эгасиз
Ушбу суҳбатда бу ҳақида батафсил фикр юритилган.
Суҳбатнинг тўлиқ қисмини ушбу ҳавола орқали YouTube каналимизда томоша қилинг:
https://youtu.be/qK2ttwQ4Jd8
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-10 12:32:33+00:00
#Биласизми
Маъмурий жавобгарлик тўғрисидаги кодекснинг 136-моддасига мувофиқ, ҳайдовчи мастлик ҳолати бўйича текширувдан бўйин товласа, 1 йилу 6 ойдан 3 йилгача бўлган муддатга транспорт воситасини бошқариш ҳуқуқидан маҳрум қилинади ва БҲМнинг ўн беш баравари (4млн 500 минг сўм) миқдорида жарима солишга сабаб бўлади.
➡️ Худди шундай ҳуқуқбузарлик транспорт воситаларини бошқариш ҳуқуқи бўлмаган шахс томонидан содир этилса, 9 млн сўм миқдорида жарима ёки 15 сутка маъмурий қамоқ жазоси қўлланилади.
☑️ Мазкур ҳуқуқбузарликнинг мопед, велосипед ҳайдовчи, уловли аравани бошқариб борувчи шахс томонидан содир этилиши БҲМнинг 3 баравари (900 минг сўм) миқдорида жарима солишга сабаб бўлади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-10 03:30:24+00:00
Мажбурият муносабатларининг субъектлари кимлар?
Мажбуриятда қатнашувчи тарафларнинг бири мажбуриятни бажарилишини талаб қилувчи субъект – кредитор, иккинчиси мажбуриятни бажарувчи субъект – қарздор деб аталади. Мажбурият айнан ушбу икки субъектнинг ўзаро муносабатидан вужудга келади. Шу сабабли улар мажбурият муносабатларининг асосий субъекти сифатида эътироф этиладилар.
Мажбуриятда қарздор ва кредитор бўлиб иштирок этувчилар, фуқаролик ҳуқуқлари ва мажбуриятларига эга бўла оладиган шахслар бўлишлари керак. Мажбуриятга оид муносабатларда кредитор ва қарздор сифатида фуқаролар, юридик шахслар, шунингдек, баъзи ҳолларда Ўзбекистон Республикаси ҳам субъект бўлиб иштирок этиши мумкин.
Одатда, ҳар бир мажбуриятда икки тараф – кредитор ва қарздор қатнашади. Аммо баъзи ҳолларда мажбуриятда кредитор ёки қарздор тарафида ёхуд ҳар икки тарафда ҳам бир неча шахслар иштирок этишлари мумкин. Бундай мажбуриятлар кўп шахсли мажбуриятлар ҳисобланади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-09 12:31:06+00:00
#Биласизми
Оила кодексига кўра, қуйидаги ҳолларда никоҳ тузишга йўл қўйилмайди:
● никоҳланувчилардан биттаси бошқа никоҳда турган бўлса;
● никоҳланувчилар насл-насаб шажараси бўйича тўғри туташган қариндошлар бўлса (невара ва бобо, буви ўртасида, фарзанд ва ота-она ўртасида);
● туғишган ва ўгай ака-укалар билан опа-сингиллар ўртасида никоҳ тузилаётган бўлса;
● фарзандликка олувчилар билан фарзандликка олинганлар ўртасида никоҳ тузилаётган бўлса;
● никоҳланувчилардан бири руҳий касаллик сабабли суд томонидан муомалага лаёқатсиз деб топилган бўлса.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-09 10:31:24+00:00
#Савол_жавоб #Меҳнат
ХОДИМГА ТЎЛАНГАН ОРТИҚЧА ИШ ҲАҚИ ҚАЙТАРИБ ОЛИНАДИМИ?
Иш берувчи мендан иш ҳақи ортиқча берилганлиги важи билан иш ҳақини қайтариб беришимни сўраяпти. Қандай ҳолатда мен иш ҳақини қайтариб беришим керак?
Меҳнат қонунчилигига кўра, иш ҳақини қайтариб олиш мумкин бўлган ҳолатлар қатъий белгилаб қўйилган.
Хусусан, Меҳнат кодексининг 279-моддасига мувофиқ, ҳисоб-китобларда йўл қўйилган хато оқибатида тўланган ортиқча тўловлар қайтариб олиниши мумкин.
Шунингдек, ходимнинг берган ёлғон маълумотлари ёки тақдим этган сохта ҳужжатлари оқибатида тўланган суммалар, суднинг қарори ёки ҳукми асосида ундириб олинади.
☝️ Аммо, қуйидаги ҳолатларда ортиқча тўланган тўловлар қайтариб олиниши мумкин эмас:
➖ иш берувчи томонидан ихтиёрий равишда тўланган суммалар;
➖ қонунни нотўғри қўлланиш оқибатида тўланган ортиқча иш ҳақи.
Демак, ҳисоб-китобларда йўл қўйилган хатолар ва ходимнинг берган ёлғон маълумотлари ёки тақдим этган сохта ҳужжатлари оқибатида тўланган суммалар қайтариб олиниши мумкин.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-09 03:31:03+00:00
Озодликдан маҳрум этишга ҳумк қилинган маҳкумлар билан учрашиш мумкинми ва у қандай амалга оширилади?
Озодликдан маҳрум этишга ҳукм қилинган маҳкумларга яқин қариндошлари ва бошқа шахслар билан учрашишга йўл қўйилади.
Жиноят-ижроия кодексининг 76-моддасига мувофиқ, учрашувлар қисқа ва узоқ муддатли учрашувларга бўлинади.
Қисқа муддатли учрашув тўрт соатгача бўлган муддатга тайинланади.
Узоқ муддатли учрашув маҳкумнинг яқин қариндошлари билан муассаса ҳудудида ёки унинг ташқарисида улар билан бирга яшаш ҳуқуқи билан берилади. Агар узоқ муддати учрашувга муассаса ҳудудида рухсат берилган бўлса – бир суткадан уч суткагача, муассаса ташқарисида эса - уч суткадан беш суткагача берилади.
Қисқа муддатли ва узоқ муддатли учрашув миқдори жазони ижро этиш муассасасининг тартиб турига ҳамда маҳкум сақланаётган шароитга қараб белгиланади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-08 14:31:14+00:00
Тасаввур қилинг ҳайдовчилик гувоҳномангиз қолиб кетди. Бундай вазиятда ДАН ходими сизни жаримага тортишга ҳақлими?
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-08 12:31:40+00:00
#Биласизми
Пиёдалар ўтиш жойида ҳаракатланаётганда:
➖ телефондан фойдаланиш;
➖ китобларни ёки даврий нашрларни ўқиш;
➖ видеоматериалларни томоша қилиш;
➖ аудиоматериалларни эшитиш;
➖ эътиборни чалғитадиган бошқа электрон воситалардан фойдаланиш;
❗️Шунингдек, йўлнинг ҳаракат қисмини белгиланмаган жойлардан кесиб ўтиш -
БҲМнинг учдан бир қисми (100 минг сўм) миқдорида жарима солишга сабаб бўлади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-08 10:31:47+00:00
#Савол_жавоб
ЛИЗИНГ ОБЪЕКТИНИ ГАРОВГА ҚЎЙСАМ БЎЛАДИМИ?
Мен лизинг шартномаси асосида транспорт воситасини лизинг берувчидан олганман. Келгусида шу транспорт воситасини гаровга қўйсам бўладими?
Фуқаролик кодексининг 595-моддаси 3-қисмига кўра лизинг шартномасида назарда тутилган тақдирда, лизинг олувчи бошқа мажбуриятларнинг бажарилиши таъминоти сифатида лизинг объектини мазкур объект қийматининг лизинг берувчига тўланиши лозим бўлган лизинг тўловларининг қолган суммасидан ортиқ бўлган қисми бўйича бериши мумкин.
Демак, агар сиз билан лизинг берувчи ўртасида тузилган лизинг шартномасида транспорт воситасини гаровга қўйиш мумкинлиги назарда тутилган бўлса, гаровга қўйишингиз мумкин.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-08 05:01:00+00:00
#Муҳокамага_қўйилган_қонун_лойиҳалари
Ўзбекистон Республикаси Президентининг “2022–2026 йилларга мўлжалланган Янги Ўзбекистоннинг
Тараққиёт стратегиясини “Инсонга эътибор ва сифатли таълим йили”да амалга оширишга оид Давлат дастури тўғрисида”ги Фармони ва Давлат дастури лойиҳаси жамоатчилик муҳокамасига қўйилди.
Лойиҳага кўра:
2023 йил 1 июндан бошлаб республиканинг барча аҳоли пунктларида транспорт воситалари ҳаракатланишининг энг юқори тезлиги соатига 70 километрдан 60 километргача туширилади;
2023 йил 1 мартдан бошлаб ногиронлик идоралараро электрон маълумотлар алмашинуви асосида фуқаролар касаллигининг оғирлиги ва унинг асоратларидан келиб чиқиб уларнинг иштирокисиз белгиланади;
2023 йил 1 сентябрдан бошлаб ҳар бир туман (шаҳар)нинг биттадан умумий ўрта таълим муассасасида ўқувчиларни иккита хорижий тил ва битта касб-ҳунарга ўргатиш амалиёти босқичма-босқич йўлга қўйилади;
Шунингдек, тадбиркорлик субъектларининг ҳуқуқий ҳимоясини янада кучайтириш ва жавобгарлигини либераллаштириш мақсадида 2023 йил 1 мартдан бошлаб тадбиркорлик субъектларига нисбатан янги турдаги жавобгарлик ва жазо чораларини жорий этишга бир йиллик мораторий ўрнатилмоқда.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-08 03:30:27+00:00
#Янги_меҳнат_кодекси
Ишдан четлаштиришнинг турлари.
Янги таҳрирдаги Меҳнат кодексида ишдан четлаштириш асосан иккита йўналишга бўлинмоқда. Бу ҳақида янги МКнинг 151-моддасида айтилмоқда.
Биринчиси, ишдан четлаштириш иш берувчи учун мажбурий бўлган ҳолатлар;
Иккинчиси, ишдан четлаштириш иш берувчи учун ҳуқуқ (ихтиёрий) бўлган ҳолатлар.
Ходимни ишдан четлаштириш мажбурий бўлган ҳолатларга қуйидагилар киради:
1. Қонунчиликка мувофиқ ваколатли давлат органларининг талабига кўра;
2. Алкоголли ичимликдан, гиёҳвандлик ёки токсик модда таъсиридан мастлик ҳолатида ишга келганида ёки ишда бўлганида;
3. Меҳнатни муҳофаза қилиш соҳасида ўқувдан ҳамда билим ва кўникмалари текширувдан ўтмаганда;
4. Мажбурий тиббий кўрикдан ўтмаганда;
5. Ходим томонидан меҳнат шартномасида шарт қилиб кўрсатилган ишни бажариш учун тиббий хулосага мувофиқ қарши кўрсатмалар аниқланганда;
6. Тиббий хулосага мувофиқ соғлиғининг ҳолатига кўра тўрт ойгача муддатга вақтинча бошқа ишга ўтказишга муҳтож бўлган ходимни ўтказиш рад этилганда ёхуд иш берувчида иш мавжуд эмаслиги муносабати билан бундай ходимга тегишли ишни таклиф этиш мумкин бўлмаганда;
7. Ходим меҳнат тўғрисидаги қонунчиликка ёки меҳнатни муҳофаза қилиш қоидаларига мувофиқ фойдаланилиши шарт бўлган шахсий ва (ёки) жамоавий ҳимоя воситаларидан фойдаланмаганда.
Ходимни ишдан четлаштириш иш берувчининг ҳуқуқи (ихтиёрий) бўлган ҳолатларга қуйидагилар киради:
1. Ходим карантинли ва одам учун хавфли бошқа юқумли касалликлар таҳдиди мавжуд бўлганда Бош давлат санитария врачининг қарори асосида профилактик эмлашдан ўтишни рад этган тақдирда;
2. Хизмат текшируви давомида, агар ходимнинг ишда бўлиши текширувга халақит беради деган асосли тахминлар мавжуд бўлса.
Эслатиб ўтамиз, Янги Меҳнат кодекси 2023 йил 30 апрель санасидан кучга киради.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-07 13:40:49+00:00
#Қонунчиликдаги_янгиликлар
Автомактаблар учун лицензия ИИВ томонидан берилади
Ўзбекистон Республикасининг “Давлат божи” тўғрисидаги қонунига ўзгартиш ва қўшимчалар киритилди.
Унга кўра:
Ҳайдовчилар тайёрлаш ҳамда қайта тайёрлаш бўйича лицензия учун БҲМнинг 10 баравари (3 млн. сўм) миқдорида давлат божи ундирилади.
Шунингдек, ҳайдовчиларни тайёрлаш учун лицензияни Ички ишлар вазирлиги беришини инобатга олган ҳолда бошқа нодавлат таълим фаолиятини лицензиялаш устунида (29-устун) ҳайдовчиларни тайёрлаш истисно эканлиги белгилаб ўтилди.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-07 12:31:26+00:00
#Биласизми
Алкоголли маҳсулотларни ва тамаки маҳсулотларини сотаётган сотувчи кўриниши йигирма ёшдан кичик кўринган харидордан унинг ёшини тасдиқловчи ҳужжатни кўрсатишни талаб қилиши, ҳужжат мавжуд бўлмаган тақдирда эса алкоголли маҳсулотларни ва тамаки маҳсулотларини сотишни рад этиши шарт.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-07 10:31:01+00:00
#Савол_жавоб
СУД МАЖЛИСИ ЗАЛИДАН ЧИҚАРИБ ЮБОРИШ МУМКИНМИ?
Кўплаб фуқаролар мени суд залидан чиқариб юборди, судьяни бундай қилиши мумкинми деб сўрашади.
Фуқаролик процессуал кодексининг 143-моддасига кўра, суд мажлиси залидан чиқариб юбориш процессуал мажбурлов чораси ҳисобланади.
Суд мажлисида тараф ёки учинчи шахс тартибни бузган тақдирда, суд тартиббузарни ишни кўришнинг ҳамма вақтига ёхуд унинг бир қисмига мажлис залидан чиқариб юбориши мумкин. Вақтинча чиқариб юборилган шахс суд мажлиси залига қайтадан қўйилганда раислик қилувчи уни залда йўқ бўлганда амалга оширилган процессуал ҳаракатлар билан таништиради.
Дастлаб, ишни муҳокама қилиш вақтида тартибни бузган шахсни раислик қилувчи суд номидан огоҳлантиради ва тартибни яна бузса суд мажлиси залидан чиқариб юборилади.
Демак, судя суд тартибини бузган тараф ёки учинчи шахсни суд мажлиси залидан чиқариб юбориши мумкин.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-07 03:30:11+00:00
Қонунчиликда рецидив жиноят тушунчаси
Рецидив жиноят бир неча жиноят турлари ичида энг хавфлиси бўлиб, у шахс томонидан жиноий хулқ-атвор давом эттирилаётганлигидан далолат беради.
Шахснинг илгари қасддан содир этган жинояти учун судланганидан кейин қасддан янги жиноят содир этиши рецидив жиноят деб топилади.
Рецидив жиноят деб топиш учун шахс томонидан муқаддам содир этган жинояти учун судлангандан сўнг янги жиноят содир этилганлиги талаб этилиши туфайли охирги жиноят содир этилган вақтни аниқлаш муҳим аҳамиятга эга.
Жиноятнинг ижтимоий хавфлилик даражаси ва муайян жиноятлар учун судланиш сонидан келиб чиқиб, қонун рецидив жиноятни уч турга — оддий, хавфли ва ўта хавфли рецидивга бўлади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-06 14:31:41+00:00
Ҳуқуқий муҳофазага олинган интелектуал мулк обектлари хусусан товар белгилари, ихтиролар ёки дастурий таъминот маҳсулотларидан бошқа шахслар ҳам фойдаланиши мумкинми?
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-06 12:31:35+00:00
#Биласизми
Тадбиркорлик субектларининг фаолиятини текширишда назорат қилувчи органлар мансабдор шахсларининг тадбиркорлик субектлари фаолиятини текширишга киришишига мазкур шахсларда назорат қилувчи органнинг текшириш мақсадлари, текширувчи мансабдор шахслар таркиби, текширув ўтказиш муддатлари, Текширувларни электрон рўйхатга олиш ягона тизимидаги рўйхатга олиш рақами кўрсатилган буйруғининг кўчирма нусхаси, шунингдек текширувчи мансабдор шахсларнинг текширувлар ўтказишга рухсат берилганлиги тўғрисидаги махсус гувоҳномаси ҳамда шахсини тасдиқловчи гувоҳномаси бўлган тақдирда йўл қўйилади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-06 10:31:25+00:00
#Савол_жавоб #Меҳнат
ИШ ВАҚТИДАН ТАШҚАРИ ИШНИНГ ЭНГ КЎП МУДДАТИ ҚАНЧА?
Иш раҳбарим мени кўп ҳолларда иш вақтидан ташқари ишларга жалб этади. Аслида ходим иш вақтидан ташқари ишга қанча вақт жалб этилиши мумкин?
Меҳнат кодексининг 125-моддасига кўра иш вақтидан ташқари ишнинг муддати ҳар бир ходим учун сурункасига икки кун давомида тўрт соатдан (меҳнат шароити оғир ва зарарли ишларда — бир кунда икки соатдан) ва йилига бир юз йигирма соатдан ортиқ бўлмаслиги лозим.
Демак, иш вақтидан ташқари ишнинг энг кўп муддати сурункасига икки кун давомида тўрт соатдан ва йилига бир юз йигирма соатдан ортиқ бўлмаслиги лозим.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-06 07:03:56+00:00
⚡️ Тадбиркорлар солиқ қарзига пеня ҳисоблаш вақтинча тўхтатилди
Президент қарорига кўра, тадбиркорларнинг солиқ қарзига пеня ҳисоблаш 1 апрелгача тўхтатилади. Тадбиркорлар 2022 йил декабрь ва 2023 йил январь-февраль ойларида давлат мулкидан фойдаланганлик учун ижара тўловини 1 мартдан 1 июлгача тенг улушларда бўлиб тўлаши мумкин.
Тадбиркорларга юбориб қўйинг!
Бизни кузатишда давом этинг 👇
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-06 03:30:10+00:00
Мажбурият нима?
Мажбурият бу фуқаролик ҳуқуқий муносабат бўлиб, унга асосан бир шахс яъни қарздор бошқа бир шахс – кредитор фойдасига муайян бир ҳаракатни амалга оширишга (масалан, бирор ишни бажариш, хизматлар кўрсатиш, мол-мулкни топшириш каби) ёки муайян ҳаракатни амалга оширишдан ўзини сақлашга мажбур бўлади. Кредитор қарздордан ўзининг мажбуриятларини бажаришни талаб қилишга ҳақлидир.
Мажбуриятлар шартномали ёки шартномасиз бўлиши мумкин.
Шартномавий муносабатлардан вужудга келувчи ва тарафларнинг эрк-иродасини намоён этиш орқали юзага келадиган мажбуриятлар шартномали мажбуриятлар ҳисобланади.
Шартномасиз мажбуриятлар эса шахснинг эрк-иродасидан ташқарида юз беради ёки бир томонлама ҳаракат натижасида келиб чиқади.
Бундан ташқари мажбуриятлар бир томонлама ёки икки томонлама бўлиши мумкин.
Агар мажбуриятда қатнашувчи томонларнинг бирида фақат талаб қилиш ҳуқуқи, иккинчи томонда эса фақат мажбурият бўлса, бундай мажбурият бир томонлама мажбурият ҳисобланади. Масалан қарз шартномасида қарз берган шахс қарзнинг қайтарилишини талаб қилиш ҳуқуқига эга бўлса, қарздор ўз зиммасига олган қарзини қайтаришга мажбурдир.
Агар ўзаро ҳуқуқий муносабатда қатнашувчиларнинг ҳар бири ҳам ҳуқуқ, ҳам мажбуриятга эга бўлса, бундай мажбуриятлар икки томонлама мажбуриятлар ҳисобланади. Аксарият мажбуриятлар икки томонлама бўлади, масалан, олди-сотди, ижара, пудрат каби шартномаларни икки томонлама мажбурийтга мисол қилиш мумкин.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-05 12:31:15+00:00
#Биласизми
Фуқаролар ўртасида қарз шартномаси, агар бу қарзнинг суммаси БҲМнинг 10 бараваридан (3 млн сўмдан) ортиқ бўлса, оддий ёзма шаклда тузилиши шарт, шартномадаги тарафлардан бири юридик шахс бўлганида эса суммасидан қатъи назар, ёзма шаклда тузилиши шарт.
Агар қарз олувчининг тилхати ёки унга қарз берувчи томонидан муайян сумма ёки муайян миқдордаги ашёлар топширилганлигини тасдиқлайдиган бошқа ҳужжат мавжуд бўлса, қарз шартномаси ёзма шаклда тузилган ҳисобланади.
Агар қарз мажбурияти қарз олувчи томонидан берилган вексель, облигация ёки қарз суммасини ва қарз берувчининг уни ундириб олиш ҳуқуқини белгилайдиган бошқа қимматли қоғоз билан тасдиқланган бўлса, қарз шартномасининг ёзма шаклига риоя қилинган ҳисобланади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-05 10:30:57+00:00
#Савол_жавоб #Давлат_божи
СУДГА ҚАНЧА ДАВЛАТ БОЖИ ТУЛАЙМАН?
Мени иш берувчимиз ноқонуний равишда ишдан бўшатди, судга мени ишга тиклашини сўраб мурожаат этмоқчиман, бунинг учун мен қанча давлат божи тўлайман?
❗️ Жавоб
“Давлат божи тўғрисида”ги қонуннинг 8-моддасида, фуқаролик ишлари бўйича судларда давлат божини тўлашдан озод этилган шахслар санаб ўтилган. Мазкур модданинг биринчи қисмига кўра, иш ҳақини ундириш тўғрисидаги даъволар ва меҳнат ҳуқуқлари муносабатларидан келиб чиқадиган бошқа талаблар юзасидан судга мурожаат қилинганда даъвогардан давлат божи ундирилмайди.
Демак, сиз ишга тиклаш масаласида судга мурожаат қилсангиз сиздан давлат божи ундирилмайди.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-05 03:31:02+00:00
Озодликдан маҳрум этилган шахслар ҳам сайловда иштирок эта оладими?
Сайлов қонунчилигига кўра сайлов куни ўн саккиз ёшга тўлган Ўзбекистон Республикаси фуқаролари сайлаш ҳуқуқига эга ҳисобланади. Аммо қонунчиликка мувофиқ баъзи фуқароларнинг сайловларда иштирок этиши чекланган.
Хусусан, Сайлов кодексининг 5-моддаси учинчи қисмига кўра оғир ва ўта оғир жиноятлар содир этганлиги учун суднинг ҳукми билан озодликдан маҳрум этиш жойларида сақланаётган шахслар сайловда иштирок этолмайдилар. Шунингдек суд томонидан муомалага лаёқатсиз деб топилган фуқаролар ҳам сайловларда иштирок этиш ҳуқуқига эга эмас.
Ҳамда, Жиноят-ижроия кодексининг 9-моддасида ижтимоий хавфи катта бўлмаган ва унча оғир бўлмаган жиноятлар содир этганлиги учун озодликдан маҳрум этиш жойларида сақланаётган маҳкумлар Ўзбекистон Республикаси Президенти, Ўзбекистон Республикаси Олий Мажлиси Қонунчилик палатаси депутатлари, халқ депутатлари вилоят, туман ва шаҳар Кенгашлари депутатлари сайловларида ҳамда референдумда иштирок этиш ҳуқуқига эгалиги белгилаб қўйилган.
Демак, шахс оғир ёки ўта оғир жиноят содир этиб озодликдан маҳрум этилган бўлмаса, озодликдан маҳрум этиш муассасасида сақланаётган бўлса ҳам сайловларда иштирок этиши мумкин.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-04 12:30:59+00:00
#Биласизми
Қонунчиликка кўра, ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик 300 минг сўмдан 1,5 млн сўмгача жарима солишга сабаб бўлади.
Шунингдек, болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиш БҲМнинг 10 бараваридан 15 бараваригача (3 млн сўмдан 4,5 млн сўмгача) миқдорда жарима солишга сабаб бўлади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-04 10:31:39+00:00
КОРХОНА АВТОМОБИЛИДА "КИРА" ҚИЛИШ МУМКИНМИ?
Мен бир корхонада ҳайдовчи лавозимида ишлайман, ишдан бўш вақтда корхона машинасида кира қилиб тураман. Бунинг учун жавобгарлик мавжуд эмас, тўғрими?
Албатта мавжуд, сиз фойдаланаётган автомобил сиз ишлаётган корхонага тегишли ва унинг мулки ҳисобланади.
Маъмурий жавобгарлик тўғрисидаги Кодекснинг 141-моддасига асосан эса ҳайдовчиларнинг корхоналар, муассасалар ва ташкилотларга қарашли транспорт воситаларидан шахсий бойлик орттириш мақсадида фойдаланиши — базавий ҳисоблаш миқдорининг икки баравари (ҳозирда 600 минг сўм) миқдорида жарима солишга сабаб бўлади.
Демак, сиз корхона томонидан берилган автомобилдан фойдаланиб пул ишлашингиз корхонага қарашли транспорт воситасидан шахсий бойлик орттириш мақсадида фойдаланиш ҳисобланади ва сизни жавобгарликка тортиш учун асос бўлади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-04 05:31:27+00:00
#Муҳокамага_қўйилган_қонун_лойиҳалари
Ўзбекистон Республикасининг “Электрон тижорат тўғрисида”ги Қонуни қабул қилинганлиги муносабати билан “Электрон тижоратда амалга ошириш чоғида муомаладан олиб қўйилган ёки муомаласи чекланган товарлар (ишлар, хизматлар) рўйхатини тасдиқлаш ҳақида” ги Вазирлар Маҳкамаси қарори муҳокамага қўйилди.
Мазкур қарор лойиҳаси билан электрон тижоратда амалга ошириш чоғида муомаладан олиб қўйилган ёки муомаласи чекланган товарлар (ишлар, хизматлар) рўйхати тасдиқланмоқда.
Электрон тижорат шаклида товарларни сотиш (ишларни бажариш ва хизматлар кўрсатиш) билан шуғилланувчи электрон тижорат субъектлари аҳоли билан пулли ҳисоб-китобларни амалга оширишда қуйидаги мажбуриятларга эга:
➖ харидорларга фискал белгили электрон чек тақдим қилиш;
➖ харидорларга фискал белгили электрон чек тақдим қилиш учун операторнинг махсус ахборот тизими билан интеграция қилиш.
regulation.gov.uz/oz/d/75716 ҳавола орқали қарор лойиҳаси муҳокамасида иштирок этишингиз мумкин.
Эслатиб ўтамиз: муҳокама 17-февралгача давом этади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-04 03:30:15+00:00
#Янги_меҳнат_кодекси
Спортчиларни ишдан бўшатишга оид қўшимча асослар ҳақида.
Янги таҳрирдаги Меҳнат кодексида спортчи ходимлар билан меҳнат шартномасини бекор қилишнинг алоҳида қўшимча асослари назарда тутилмоқда.
Янги Кодекснинг 503-моддасига 14-қисмига кўра, спортчи билан тузилган меҳнат шартномасини бекор қилиш учун МК ва бошқа қонунларда кўрсатилганидан ташқари қуйидагилар ҳам асос бўлиши мумкин:
1) 6 ой ва ундан кўп муддатга спортдан четлаштирилганда;
2) халқаро допингга қарши ташкилотлар тасдиқлаган допингга қарши қоидаларнинг спортчи томонидан бузилганда, шу жумладан бир марта бузилганда.
Мисол учун, қайсидир футбол клубининг футболичиси мавжуд қоидаларни қўпол бузса ва у дейлик, 8 ойга футболдан четлаштирилса, клуб у билан тузилган шартномани янги МКнинг 503-моддаси 14-қисми 1-бандига асосан бекор қилиши мумкин бўлади.
Ушбу қоидалар 2023 йил 30 апрель кунидан амалга киритилади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-03 12:31:20+00:00
#Биласизми
Оммавий ахборот воситаларидан жиноий ва бошқа жавобгарликка сабаб бўладиган ҳаракатларни содир этиш учун фойдаланилишига йўл қўйилмайди.
Журналистлар шахснинг ҳуқуқлари ва эркинликларини, шаъни ва қадр-қимматини ҳурмат қилиши шарт ҳамда ўз касбига доир ахборотдан шахсий мақсадларда фойдаланиши мумкин эмас.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-03 12:15:21+00:00
#Қонунчиликдаги_янгиликлар
"Ўзбекистон Республикаси Қуролли Кучларини қуроллантириш ва мудофаа саноати соҳасида давлат бошқарувини такомиллаштириш бўйича чора-тадбирлар тўғрисида”ги Президент фармони қабул қилинди.
Фармонга мувофиқ, Ўзбекистон Республикаси Қуролли Кучларини қуроллантириш бўйича давлат комиссияси ташкил этилади. У махсус органларни қурол-яроғ, ҳарбий ва махсус техника билан таъминлашнинг яқин, ўрта ва узоқ истиқболларини белгилайди, ҳамда бир қатор бошқа вазифаларни амалга оширади.
Шунингдек, Мудофаа саноати давлат қўмитаси негизида Мудофаа вазирлиги ҳузуридаги Мудофаа саноати агентлиги ташкил этилади. Инвестициялар, саноат ва савдо вазирлиги ҳузурида эса хорижда ишлаб чиқариладиган харбий маҳсулотларни харид қилиш, экспорт қилиш билан шуғулланувчи O'ztextreyd давлат унитар корхонаси ташкил этилади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-03 10:31:02+00:00
ЖИНОЯТ ЧЕТ ЭЛДА СОДИР ЭТИЛСА...
Ўзбекистон Республикаси фуқароси бошқа давлат худудида жиноят содир этиб, жиноий оқибат Ўзбекистон худудида юз берса, шахс қайси давлат қонунчилигига кўра жавобгарликка тортилади?
Ўзбекистон Республикаси жиноят қонунчилигининг ҳудудий қўлланиш доираси Жиноят кодексининг 11-моддасида белгиланган. Унда баён этилган қоидалар ҳудудий тамойилни ифода этади, яъни қайси давлат ҳудудида жиноят содир этилган бўлса, ўша давлатнинг жиноят кодекси қўлланиши тамойили кўрсатилади. Шунга мувофиқ, Ўзбекистон ҳудудида жиноят содир этган барча шахслар, улар қайси давлат фуқароси бўлишидан қатъи назар ёки фуқаролиги бўлмаслигига қарамай, фақат Ўзбекистон Республикаси Жиноят кодекси бўйича жавобгарликка тортилади.
Қилмиш:
- Ўзбекистон ҳудудида бошланган, тамомланган ёки тўхтатилган бўлса;
- Ўзбекистон ҳудудидан ташқарида содир этилиб, жиноий оқибати эса, Ўзбекистон ҳудудида юз берган бўлса;
- Ўзбекистон ҳудудида содир этилиб, жиноий оқибати эса, Ўзбекистон ҳудудидан ташқарида юз берган бўлса;
- бир неча қилмишлардан иборат ёки бошқа қилмишлар билан биргаликда содир этилган бўлиб, унинг бир қисми Ўзбекистон ҳудудида юз берган бўлса, Ўзбекистон ҳудудида содир этилган жиноят деб топилади.
Демак, Ўзбекистон Республикаси фуқароси бошқа давлат худудида жиноят содир этиб, жиноий оқибат Ўзбекистон худудида юз берса, қилмиш Ўзбекистон ҳудудида содир этилган жиноят деб топилади. Жиноят содир этган шахс Ўзбекистон Республикаси жиноят қонунчилигига кўра жавобгарликка тортилади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-03 03:30:31+00:00
Иқтисодий суд муҳокамасида яраштириш тартиби борми?
— Ҳозирги кунда иқтисодий ишлар бўйича суднинг иш юритувида даъвогар – МЧЖнинг жавобгар – МЧЖга нисбатан хизмат кўрсатиш шартномаси юзасидан қарздорликни ундириш бўйича иқтисодий иш кўрилмоқда. Мен жавобгар МЧЖ раҳбари бўлиб, даъвогар билан ўзаро келишиб низони ҳал қилмоқчиман. Иқтисодий суд муҳокамасида қандай яраштириш тартиблари мавжуд? Уларнинг фарқи нима?
— Иқтисодий процессуал кодекснинг 131-моддасига кўра яраштириш тартиб-таомиллари келишув битими ёки медиатив келишувдан иборат.
Уларнинг фарқи:
1. Келишув битими суднинг ҳар қандай босқичида ва суд ҳужжатини ижро этиш жараёнида тузиш мумкин. Медиатив келишув эса биринчи инстанция судида суд алоҳида хонага киришдан олдин тузилиши мумкин.
2. Келишув битими суд ҳужжатига тенглаштирилади. Агар бир тараф ўз зиммасига олган мажбуриятни бажармаса, суд ижро варақа беради. Медиатив келишув тузилгандан кейин бир тараф ўз мажбуриятини бажармаса, иккинчи тараф умумий тартибда яна судга даъво билан чиқади.
3. Келишув битими тузилганда тарафлар (асосан жавобгар) суд харажатини ўз зиммасига олади. Медиатив келишув бўйича эса суд даъвогар томонидан тўланган давлат божини қайтаради.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-02 14:31:26+00:00
Жиноий жазо ҳамда унинг турлари
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-02 12:31:44+00:00
#Биласизми
Терговга қадар текширув, суриштирув, дастлабки тергов, прокуратура органлари ва суд томонидан шахсга нисбатан ҳар қандай қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш натижасида етказилган зарар давлат томонидан тўла ҳажмда қоплаб берилади.
Асос: Фуқаролик кодекси 991-модда
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-02 12:12:44+00:00
ҲАДЯ ҚИЛИНГАН УЙНИ СОТИШ МУМКИНМИ?
Уйимни опамнинг номига ҳадя қилиб ўтказмоқчиман, ҳадя қилинган уйни кейинчалик сота оладими?
Ҳа, уйни опангизнинг номига ҳадя қилишингиз мумкин. Фуқаролик кодексининг 502-моддасига кўра, ҳадя шартномасига мувофиқ бир тараф – ҳадя қилувчи бошқа тараф – ҳадя олувчига ашёни текинга мулк қилиб беради ёки бериш мажбуриятини олади.
Мол-мулк ҳадя қилинганда ҳадя қилувчининг ҳадя қилинаётган мол-мулк ёки ашёга тегишли мулкий ҳуқуқлари ҳам ҳадя олувчига ўтади.
Фуқаролик кодексининг 164-моддасида мулк ҳуқуқи тушунчасига таъриф берилган. Мулк ҳуқуқи шахснинг ўзига қарашли мол-мулкка ўз хоҳиши билан ва ўз манфаатларини кўзлаб эгалик қилиш, ундан фойдаланиш ва уни тасарруф этиш, шунингдек ўзининг мулк ҳуқуқини, ким томонидан бўлмасин, ҳар қандай бузишни бартараф этишни талаб қилиш ҳуқуқидан иборатдир.
Шунга асосан, уй бошқа шахсга ҳадя қилинганда, мулкий ҳуқуқлар ҳадя олувчига ўтади ва у хоҳлаган пайтиша уйни сотиши мумкин. Ҳадя шартномасида уйни сотиб юбормаслик шарти кўрсатилган ҳоллар бундан мустасно.
Эслатиб ўтамиз, кўчмас мулкни ҳадя қилиш шартномаси нотариал тасдиқланиши ва давлат рўйхатидан ўтказилиши лозим.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-02 03:30:31+00:00
Шартноманинг ҳақиқий эмаслиги ва шартномани бекор қилишнинг ўзаро фарқи:
а) битимнинг ҳақиқий эмаслигига асос унинг ноқонунийлигидир. Бекор қилишга эса унинг қонунийлиги низолашилмасдан шартномани бекор қилишга сабаб бўладиган ҳолатларнинг юзага келиши асос бўлади;
б) шартномани бекор қилиш у амалда бўлган вақтдаги ўзаро ҳуқуқ ва мажбуриятларга таъсир этмасдан, фақатгина келгусидаги ҳуқуқ ва мажбуриятларга тааллуқлидир.
Айрим тоифадаги битимларни тузиш тартиби ва шартлари мажбуриятларнинг айрим турлари тўғрисидаги Фуқаролик кодекси қоидалари ва махсус қонунлар билан тартибга солинишини ҳисобга олиб, битим шакли ва тузилиши тартиби қоидаларига риоя қилмаслик, тўғридан-тўғри қонун қоидаларида ва қонунчилик актларида кўрсатилган ҳолатлардагина Фуқаролик кодексининг 115 ва 116-моддалари асосида битимнинг ҳақиқий эмаслигини келтириб чиқаради.
Ўзбекистон Республикаси Фуқаролик кодексининг 114-моддаси, 2-қисмига мувофиқ, битим ҳақиқий бўлмаганида тарафларнинг ҳар бири бошқасига битим бўйича олган ҳамма нарсани қайтариб бериши, олинган нарсани аслича қайтариб бериш мумкин бўлмаганида эса, агар битим ҳақиқий эмаслигининг бошқа оқибатлари қонунда назарда тутилмаган бўлса, унинг қийматини пул билан тўлаши шарт. Битим ҳақиқийлиги низолашилганда тарафларнинг битим шартлари доирасидан ташқаридаги муносабатлари ҳуқуқий аҳамиятга эга эмас.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-01 14:31:12+00:00
#Биласизми #интеллектуал
Қонунчиликка кўра, муаллифнинг вафотидан сўнг унинг ижодидаги барча асарларнинг мулкий ҳуқуқлари 70 йилда унинг меросхўрларига ўтади ва 70 йилдан сўнг асарлар ижтимоий мулкка айланади.
Муаллифнинг шахсий номулкий ҳуқуқлари муддатсиз ҳимоя қилинади, аммо улар мерос бўйича ўтмайди, лекин муаллифнинг меросхўрлари кўрсатилган ҳуқуқларни ҳимоя қилишга ҳақлидир.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-01 11:36:18+00:00
ҚЎШНИМГА НИСБАТАН ҚОНУНИЙ ЧОРА БОРМИ?
Савол:
Қўшним туни билан эрталабгача телевизорни баланд овозда қўйган ҳолда бизга тинчлик бермаяпти, бир неча марта огоҳлантирганимизга қарамай бу ҳол давом этиб келмоқда. Қўшнимизга нисбатан қандай қонуний чора қўлласак бўлади?
Жавоб:
Ўзбекистон Республикаси Маъмурий жавобгарлик тўғрисидаги кодекс 192-моддасига (Маиший шовқинга қарши кураш талабларини бузиш) асосан тунги вақтда — соат 23.00 дан 06.00 гача — фуқароларнинг осойишталиги ва нормал дам олишини бузиш, яъни баланд овоз билан қўшиқ айтиш, мусиқа чалиш, товуш сигналлари бериш, хонадонларда, турар жойларнинг йўлаклари ва эшикларида, кўчаларда овози баланд қилиб қўйилган телевизорлар, радиоприёмниклар, магнитофонлар ва овоз чиқарувчи бошқа аппаратуралардан фойдаланиш, турар жой биноларида ва улардан ташқарида жуда зарур бўлмагани ҳолда шовқин чиқарувчи ишлар қилиш, шунингдек маиший шовқинга қарши кураш талабларини бузувчи бошқа ҳаракатларни содир этиш — фуқароларга базавий ҳисоблаш миқдорининг учдан бир қисми, мансабдор шахсларга эса — учдан бир қисмидан иккидан бир қисмигача миқдорда жарима солишга сабаб бўлади.
Демак, сиз ҳолат юзасидан яшаб турган маҳаллангиздаги профилактика нозирига ҳамда яшаш ҳудудингиздаги ички ишлар бўлимига мурожаат қилишингиз лозим.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-01 03:30:39+00:00
Жазодан амнистия ёки афв акти асосида озод қилиш тартиби қандай амалга оширилади?
Жиноят қонунчилигига кўра, ҳукм этилган шахс амнистия акти ёки афв этиш асосида асосий ва ижро этилмаган қўшимча жазолардан озод қилиниши ёхуд жазодан муддатидан илгари шартли равишда озод қилиниши ёки унга тайинланган жазонинг ўталмай қолган қисми енгилроқ жазо билан алмаштирилиши мумкин.
Жиноят-ижроия кодексининг 166-моддасига мувофиқ, амнистия ёки афв этиш асосида жазодан озод қилиш учун жазони ижро этиш муассасасининг ёки жазони ижро этувчи бошқа органнинг маъмурияти тегишли асос бўлган тақдирда, маҳкумга нисбатан амнистия актини қўллаш тўғрисидаги илтимосномани судга киритиш ҳақида прокурорга тақдимнома юбориши шарт.
Жиноят процессуал кодексининг 536-1 моддасига асосан, жазони ижро этиш муассасасининг ёки жазони ижро этувчи бошқа органнинг маъмурияти томонидан келиб тушган тақдимномага асосан, прокурор илтимоснома билан маҳкумнинг жазони ўташ жойидаги жиноят ишлари бўйича туман (шаҳар) судининг, ҳудудий ҳарбий судига мурожаат этади.
Афв этиш тўғрисидаги илтимоснома бериш учун Жиноят кодексининг 76-моддасида бир қанча шартлар белгиланган:
Афв этиш тўғрисидаги илтимоснома умрбод озодликдан маҳрум қилишга ҳукм этилган шахс томонидан у тайинланган жазонинг йигирма беш йилини ҳақиқатда ўтаб бўлганидан кейин, агар жазони ўташ даврида маҳкум қатъий тузалиш йўлига ўтган, белгиланган тартибни бузганлик учун интизомий жазо олмаган, меҳнат ва ўқишга нисбатан виждонан муносабатда бўлаётган, тарбиявий тадбирлар ўтказишда фаол иштирок этаётган тақдирда эса, тайинланган жазонинг йигирма йилини ҳақиқатда ўтаб бўлганидан кейин берилиши мумкин.
Афв этиш тўғрисидаги илтимоснома узоқ муддатга озодликдан маҳрум қилишга ҳукм этилган шахс томонидан у тайинланган жазо муддатининг йигирма йилини ҳақиқатда ўтаб бўлганидан кейин, агар жазони ўташ даврида маҳкум қатъий тузалиш йўлига ўтган, белгиланган тартибни бузганлик учун интизомий жазо олмаган, меҳнат ва ўқишга нисбатан виждонан муносабатда бўлаётган, тарбиявий тадбирлар ўтказишда фаол иштирок этаётган тақдирда эса, тайинланган жазонинг ўн беш йилини ҳақиқатда ўтаб бўлганидан кейин берилиши мумкин.
Президент амнистия тўғрисидаги ҳужжатларни қабул қилиш ҳақида Ўзбекистон Республикаси Олий Мажлисининг Сенатига тақдимнома киритади ва Ўзбекистон Республикасининг судлари томонидан ҳукм қилинган шахслар афв этилади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-24 15:00:13+00:00
Ижро ҳужжатининг қайси талаблари дарҳол ижро этилиши лозим бўлади.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун:
Обуна бўлинг: 👉 @Verumlf_uz
-
2023-02-25 14:15:41+00:00
#Биласизми
Шахснинг қадр-қиммати камситилишига ёки унинг обрўсизлантирилишига олиб келадиган ёлғон ахборотни тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш БҲМнинг 50 баравари (15 млн. сўм) миқдорида жарима солишга сабаб бўлади.
Асос: Маъмурий жавобгарлик тўғрисидаги кодекс 202-2-модда
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-27 07:11:36+00:00
Жиноят процессида гувоҳнинг ҳуқуқ ва мажбуриятлари
Жиноят иши бўйича аниқланиши лозим бўлган бирор ҳолатни билиши мумкин бўлган ҳар қандай шахс гувоҳ сифатида кўрсатув бериш учун чақирилиши мумкин. Жиноят процессида гувоҳнинг ҳуқуқ ва мажбуриятлари Жиноят-процессуал кодекси 66-моддасида кўрсатилган:
Унга кўра гувоҳ қуйидаги ҳуқуқларга эга:
- адвокатнинг юридик ёрдамидан фойдаланиш;
- тергов ҳаракатларида адвокат билан бирга иштирок этиш;
- сўроқ юритилаётган тилни билмаса ёки етарлича билмаса, ўз она тилида кўрсатувлар бериш ва бу ҳолда таржимон хизматидан фойдаланиш;
- унинг сўроқ қилинишида иштирок этувчи таржимонни рад қилиш;
- кўрсатувларини ўз қўли билан ёзиб бериш;
- ўзига қарши кўрсатув бермаслик; сўроқ баённомаси билан танишиш, унга қўшимча ва ўзгартишлар киритиш;
- кўрсатувлар беришда ёзма белгилар ва ҳужжатлардан фойдаланиш;
- ўз манфаатларини ҳимоя қилиш учун, суриштирувчининг, терговчининг, прокурорнинг ва суднинг ҳаракатлари ҳамда қарорлари устидан шикоятлар келтириш ҳуқуқига эга.
Гувоҳ қуйидаги мажбуриятларни бажариши шарт:
- суриштирувчи, терговчи, прокурор ва суднинг чақирувига биноан ҳозир бўлиши;
- иш бўйича ўзига маълум ҳамма нарса ҳақида ҳаққоний сўзлаб бериши;
- берилган саволларга жавоб қайтариши; иш бўйича ўзига маълум бўлган ҳолатларни сўроқ қилувчининг рухсатисиз ошкор этмаслиги;
- ишнинг тергови ва суд мажлиси вақтида тартибга риоя этиши шарт.
Гувоҳ била туриб ёлғон кўрсатув берганлиги учун ёки терговга қадар текширув, суриштирув олиб бориш, дастлабки тергов вақтида ёки судда кўрсатув беришдан бош тортганлиги учун Жиноят кодексининг 238 ва 240-моддаларига асосланиб жиноий жавобгарликка тортилиши ҳақида огоҳлантирилади.
Гувоҳ жиноят ишини юритиш муносабати билан суриштирувчи, терговчи, прокурор, суд томонидан белгиланган тартибда чақирилган тақдирда айнан кўрсатилган вақтда ҳозир бўлишлари шарт. Гувоҳ узрсиз сабабга кўра келмаган тақдирда, мажбурий равишда олиб келиниши мумкин.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-27 14:30:00+00:00
"Свет ўчди телевизорим куйди, Свет ўчди корхонам, заводим иши тўхтаб қолди" дейдиган фуқаролар ва юридик шахслар диққатига. Ушбу ҳолатда етказилган зарар асосли бўлса, уларни ундириб олиш ҳуқуқингиз бор.
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz
-
2023-02-28 11:31:41+00:00
#Биласизми
Янги Меҳнат кодексига кўра, меҳнат шартномасини ўзгартириш асослари қуйидагилардан иборат:
- меҳнат шартларининг ўзгариши;
- ходимнинг бошқа ишга ўтказилиши;
- иш берувчининг бошқа жойга кўчиши муносабати билан жойнинг ўзгариши;
- ходимнинг бошқа иш берувчига вақтинча хизмат сафарига юборилиши;
- меҳнат шартномасида шарт қилиб кўрсатилган иш жойининг ўзгариши.
Янги меҳнат кодекси 133-модда
"⚖️ VERUM" адвокатлик фирмаси — сизнинг ҳуқуқларингиз ҳимоячиси.
Мурожаат учун: @advokatlik_xizmati
Обуна бўлинг: 👉 @Verumlf_uz