-
2019-09-30 15:07:14+00:00
Андижон шаҳридаги Zahiriddin Muhammad Bobur Universal Academy нодавлат таълим муассасасида 30 сентябрь куни 82 нафар ўқувчи ва ўқитувчилар овқатдан заҳарланган.
Маълумотларга кўра, 30 сентябрда мактабга келган ўқувчилар сони 217 нафарни ташкил этган. Тушлик пайтида 75 нафар ўқувчи ҳамда 7 нафар ўқитувчи овқатдан заҳарланган.
Соат 19:00 ҳолатига кўра заҳарланганлардан 12 нафар ўқувчи вилоят кўп тармоқли болалар шифохонасига, 14 нафар ўқувчи ва 3 нафар ўқитувчи Республика шошилинч тез тиббий ёрдам маркази Андижон филиалига ҳамда 49 нафар ўқувчи ва 4 нафар ўқитувчи вилоят юқумли касалликлар шифохонасига олиб келинган.
Ҳозирда заҳарланган ўқувчи ва ўқитувчилар шифокор назоратида бўлиб, уларнинг соғлиғи яхшиланмоқда.
-
2019-09-29 12:20:14+00:00
https://bit.ly/2mCfa45
-
2019-09-28 17:06:46+00:00
#муносабат
САМАРҚАНДДА МАКТАБ ЎҚУВЧИЛАРИГА ВАҲШИЙЛИК ҚИЛИНМАГАН
Ижтимоий тармоқларда Самарқанд вилояти Ургут тумани Бешкапа маҳалласидаги 47-умумтаълим мактабининг 11-синф ўқувчиларининг сочи мактаб директори ўринбосари Ш.О. томонидан олинганлиги тўғрисидаги хабар тарқалди.
Мазкур ҳолатга ойдинлик киритиш мақсадида Самарқанд вилояти халқ таълими бошқармаси ҳамда Ургут тумани халқ таълими бўлими томонидан ишчи гуруҳ ташкил қилиниб, ўрганиш ишлари олиб борилди.
Жорий йилнинг 27 сентябрь куни учинчи соат дарс вақтида Ургут туманидаги 47-умумтаълим мактабининг маънавий-маърифий ишлар бўйича директор ўринбосари Ш.О. мактаб ўқувчиларининг одоб-ахлоқ қоидаларига риоя қилаётганликларини ўрганиш мақсадида 11-синф ўқувчиларининг хонасига кирган.
Ўрганиш жараёнида маълум бўлишича, Ш. О. ўқув йилининг бошида ушбу синф ўқувчилари билан учрашиб, тартиб-интизомга риоя қилмаган, сочи ўсиб кетган ва тозаликка риоя қилмаган ўқувчиларни огоҳлантириб, уларга ўзларини тартибга солиб олиши учун икки ҳафта муҳлат берганлиги аниқланди. Бироқ шундай бўлсада воқеа содир бўлган кунга қадар мактабнинг 11-синф ўқувчиси О.Х. сочини олдирмаган.
Ўқувчи О.Х. билан бўлиб ўтган суҳбат жараёнида директор ўринбосари уни бир неча бор сочини олиб келишини айтиб огоҳлантирганлигини, бошқа бирорта ўқувчини сочини кесмаганлигини айтиб, 4 нафар ўқувчини сочи олинди, деб тарқалган хабар нотўғри эканлигини билдирди.
– Ўқитувчи мени бир неча бор огоҳлантиришига қарамасдан, сочимни олдирмадим. Шу сабабли ҳам ўқитувчи менинг сочимни озгина кесиб қўйди. Шундан сўнг жаҳл устида билмасдан ижтимоий тармоқда ҳолат акс этган расмни юбордим. Мен расмларни ижтимоий тармоқларда тарқаб кетишини кутмагандим. Мени ҳеч кимга эътирозим йўқ. Ўқитувчиларимни ҳурмат қиламан. Уларнинг касб байрами олдидан бундай ҳолга солиб қўйганим учун ўзим хижолатдаман ва бунинг учун улардан узр сўрайман, - дейди ўқувчи О.Х.
Мактаб директори ўринбосари Очилов Шуҳрат билан бўлиб ўтган суҳбат жараёнида ҳақиқатда ўқув йили бошланиши билан ўқувчиларни ўзини тутишига, кийинишига, одоб-ахлоқига эътибор қаратишини билдирган. Хусусан, директор ўринбосари ва 11-“А” синф ўқувчилари ўртасида бўлиб ўтган суҳбат жараёнида белгиланган муддат ичида ўқувчилар сочини талаб бўйича олдирмаса, ўзи олиб ташлашини айтган. Ўқувчилар бунга рози бўлишган.
11-“А” синф ўқувчилари билан суҳбат жараёнида улар ҳам фақатгина О.Х.нинг сочи ўсганлиги учун фақат уни сочи олинганлиги, бошқа ҳеч қайси ўқувчининг сочи олинмаганлигини тасдиқлашди. Қолаверса, ўқитувчи ўқувчига ҳеч қандай ваҳшийлик қилмаган. Бор-йўғи сочининг иккита жойи олинган, холос. Ижтимоий тармоқ сайтлари шунчаки эътибор торттириш мақсадида ҳолатни бўрттириб талқин қилинганлиги аниқланди.
Айрим сайтларда Ургут туман халқ таълими бўлими мудири Ғайрат Абдиев ҳолатни бости-бости қилиш учун ҳаракат қилганлиги тўғрисида айтилган.
Бироқ, тарқалган хабарлар ҳеч қандай асосга эга эмаслигини маълум қиламиз. Боиси вилоят халқ таълими бўлими ишчи гуруҳи таркибида журналистлар ҳам бўлиб, мазкур ҳолат бевосита уларнинг иштирокида ўрганиб чиқилди.
Хусусан, Ургут тумани халқ таълими бўлими мудири Ғ.Абдиев ва ишчи гуруҳи иштирокида мактаб ўқитувчилари билан йиғилиш ўтказаётганлиги, йиғилишда юқорида қайд этилган ҳолат атрофлича муҳокама қилинаётганлигига гувоҳ бўлишди. Қолаверса, Ургут тумани халқ таълими бўлими мудири Ғ.Абдиевга воқеа юзасидан расмий изоҳ олиш учун ҳеч қайси журналист қўнғироқ қилмаган.
Самарқанд вилоят ХТБ матбуот хизмати.
Каналга уланиш:
-
2019-09-25 08:49:30+00:00
Ижтимоий тармоқларда UzAuto Motors компанияси эълон қилган акция бўйича ўқитувчилар муаммога дуч келаётгани ҳақида маълумотлар тарқатилди.
Ўзбекистон Республикаси Халқ таълими вазирлиги UzAuto Motors компанияси билан мазкур масала бўйича музокара олиб борди.
Музокара натижасига кўра, ушбу масалага ойдинлик киритилди. Яъни, умумтаълим мактаб ўқитувчиси иш жойидан олиб борган маълумотномани дилерлар қабул қилади.
-
2019-09-25 06:31:25+00:00
Ўзбекистон Республикаси Вазирлар Маҳкамасининг 2018 йил 15 августдаги “Давлат умумий ўрта таълим муассасалари ўқувчиларини замонавий мактаб формаси билан таъминлаш чора-тадбирлари тўғрисида”ги 666-сонли қарори бўйича аҳоли ўртасида баъзи тушунмовчиликлар келиб чиқмоқда.
Мазкур қарор билан замонавий мактаб формаси жорий этилиши кўзда тутилган эди. Сўнгра замонавий ягона форманинг жорий этилиши 2024-2025 ўқув йилига қадар кечиктирилди.
Шу билан бирга, қарор билан “Давлат умумий ўрта таълим муассасалари ўқувчилари учун замонавий ягона мактаб формасини жорий этиш тартиби тўғрисидаги” низом тасдиқланган. Мазкур низом ҳозирда ҳам кучда. Низом ўқувчиларнинг форма кийиши бўйича талабларни белгилаб беради.
-
2019-09-23 17:38:06+00:00
“Кимнинг мусибати кимнинг қувончи?”
Ижтимоий тармоқларда “Самарқандда 15-ёшли қиз ўзини осди. Уни таъзиясига ота-онаси чет давлатда ишда бўлганлиги сабабли қатнаша олишмади.” сарлавҳаси остида хабар тарқалди.
Маълум бўлишича, Самарқанд вилояти Пахтачи тумани “Истиқбол” маҳалласида яшовчи 4-умумтаълим мактабининг 8-“А” синф ўқувчиси М.Ш. ўзи яшаб турган уйнинг ертўласида бўйин қисмидан ўзини осиб, ўз жонига қасд қилган.
М.Ш. онаси М.Х. билан бирга бувисининг уйида яшаган. Ота-она ажрашиб кетишган. М.Ш. отаси М.Б. билан яшамаган. Онаси М.Х.нинг айтишича марҳуманинг отаси ҳозирда Туркия давлатида яшайди.
Пахтачи туман прокуратурасининг хизмат текшируви ўтказиш ҳақидаги хатига асосан 2019 йил 21 сентябрь куни Пахтачи тумани ХТБ психологи М.Рашидова ва Нарпай тумани ХТБга қарашли 50-умумумий ўрта таълим мактаби амалиётчи психологи А.Холматовлар марҳума М.Ш. отасини қаттиқ соғиниши ва стресс ҳолатига тушиб қолиши натижасида ўз жонига қасд қилган деган хулосага келишган.
Ўрганиш натижаларидан аниқланишича М.Ш. синфдошларига меҳрибонлиги, меҳнатсеварлиги, хушмуомалалиги учун мактаб раҳбарияти ва синфдошлари ўртасида алоҳида ҳурматга эга бўлган. Мактабда “Ёш китобхон” ва рус тили тўгарагига қатнашган. М.Ш. феъл атворига кўра табиатан оғир, “Меланхолик” темперамент типига мос бўлган. Онасининг ёлғиз фарзанди, отасиз тарбияланган. Оилавий аҳволи яхши бўлган.
М.Ш 17-сентябрь куни мактабга келмаган. Унинг 2-соат дарсдан жавоб олиб кетганлиги нотўғри бўлиб, шунингдек онаси М.Х.
3 йилдан буён чет элга чиқмасдан бирга яшаб келаётган бўлган ва таъзиясида иштирок этган.
Юқоридагилардан аниқланишича ижтимоий тармоқлар нотўғри ва асосланмаган маълумот тарқатишган. Бундай хабар тарқатган хориж ОАВлари ўз йўлига, бироқ юртимиздаги айрим ОАВларнинг манбалари бундай хабар тарқатишларидан нима наф?
Самарқанд вилояти
Пахтачи тумани ҳокимлиги
ахборот хизмати
Пахтачи туман Халқ таълими бўлими
-
2019-09-23 14:24:03+00:00
https://telegra.ph/Pajari%D2%9Bda-%D1%9E%D2%9Buvchini-urgan-%D2%B3olat-ishchi-guru%D2%B3-tomonidan-%D1%9Erganildi-09-23
-
2019-09-19 12:29:03+00:00
Интернет нашрларидан бири Халқ таълими вазирининг танқид бўйича изоҳини бир қисмини келтирган ҳолда нотўғри талқин қилган.
2018 йилда Халқ таълими вазири Шерзод Шерматов ўз Facebookʼ саҳифасида мактаб формаси бўйича ТВда берилган репортажга муносабат билдирган. Унда ўқитувчи ва ўқувчиларнинг кийимлари танқид қилинган эди.
Журналистлар танқид қилганда болаларнинг юзини беркитишмаган. Вазир ўз изоҳида шуни назарда тутган. Қуйида ўша изоҳнинг тўлиқ матни ҳавола этилади:
Халқ таълими тизимидаги фаолиятимизнинг биринчи кунларида мактабларда жуда кўп муаммолар йиғилиб қолганлиги, улар қолиб иккинчи даражали бўлган форма ҳақида жуда кўп муҳокамалар бўлаётгани ҳақида айтиб ўтган эдик.
Лекин, афсуски, ҳалигача шу масала муҳокамада. Менимча, ушбу масалага нуқта қўйиш вақти келди.
Журналистлардан илтимос, биргаликда ўқитувчиларимиз обрўсини оширишга ҳаракат қилайлик, обрўсини тўкишга эмас. Ўзи шундоқ ҳам яхши ўқитувчи топиш қийин. Агарда қандайдир кийимига эътироз бўлса, уни оммага муаммо қилиб кўрсатгандан кўра ўқитувчини ўзига айтиб қўйиш яхшироқ бўларди.
Ўзи умуман, телевидение орқали кимнидир рухсатисиз танқид қилинаётганда иқтисодий ривожланган давлатлардагидек имкони борича уни таниб бўлмайдиган қилиб юзини кўрсатмасдан амалга ошириш тўғри бўлади, айниқса ёш болаларга бу жуда салбий таъсир қилади.
-
2019-09-17 10:32:22+00:00
Мактабларда ўқувчиларни ўрнатилган тартибдаги кийимда келмаганлиги учун ўқув муассассасига киритилмаслик ҳолатлари учрамоқда.
Таъкидлаш лозимки, ўқувчининг ташқи кўринишига қўйилган талаблар Ўзбекистон Республикаси Вазирлар Маҳкамасининг 2018 йил 15 августдаги “Давлат умумий ўрта таълим муассасалари ўқувчиларини замонавий мактаб формаси билан таъминлаш чора-тадбирлари тўғрисида”ги 666-сонли қарори, Халқ таълими вазирлигининг “Умумий ўрта таълим мактаб ўқувчиларининг одоб-ахлоқ қоидалари тўғрисида” ги 2013 йил 28 февралидаги 74-буйруғи ва “Умумий ўрта таълим мактабларининг ички тартиб қоидаларини такомиллаштириш тўғрисида”ги 2012 йил 7 июндаги 177-буйруғи билан белгиланган.
Ўқувчилардан мазкур талабларни бажариш талаб этилади. Ота-оналар эса талабларнинг бажарилишини назорат қилишлари лозим.
Шуниндек, мазкур талаблар бажарилмаганида ўқувчиларни мактаб ҳудудига ёки дарсга киритмаслик бўйича ҳужжатда ҳеч қандай банд кўрсатилмаган.
Ўқувчиларнинг мактаб формасини кийиш ёки ташқи кўриниш тартибига риоя қилмаслиги таълим муассасасининг ички тартиб-қоидаларини бузиш, деб баҳоланади. Бундай ўқувчиларга қуйидаги чоралар қўлланиши мумкин:
• огоҳлантириш;
• кундалик дафтарига қайд этиш;
• тушунтириш ишларини олиб бориш учун ота-онасини хабардор қилиш;
• фуқароларнинг ўзини ўзи бошқариш органлари ва таълим муассасасидаги йиғилишда ота-оналар иштирокида муҳокама қилиш.
Халқ таълими вазирлиги томонидан ўрнатилган талабларга риоя қилиш бўйича жойлардаги масъулларга кўрсатмалар берилди.
-
2019-09-17 09:55:50+00:00
Ижтимоий тармоқларда эълон қилинган Ургут туманидаги 27-умумтаълим мактабининг 7-синф ўқувчиси Ж.М ҳамда шу мактабнинг математика фани ўқитувчиси З.А. ўртасидаги ҳодиса бўйича Самарқанд вилояти халқ таълими бошқармаси қуйидагиларни маълум қилади.
Мазкур ҳолат жорий йилнинг 13 сентябрь куни соат 16-25 лар атрофида, 7-“В” синфида математика дарси вақтида содир этилган.
Ўқувчи Ж.М. дарсга эътибор қаратмай, синфдошлари билан шўхлик қилган ҳамда ўқитувчига гап қайтарган.
Математика фани ўқитувчиси З.А. ўқувчи Ж.М.ни ўқитувчилар хонасига олиб бориш вақтида ўқувчи қиз ўқитувчига гап қайтарган. Ўқитувчи жаҳл устида ўқувчини урган.
Бундан ташқари, ушбу мактабнинг математика фани ўқитувчиси М.О. йўлакдаги ўқитувчи ва ўқувчи ўртасидаги низога аралашмасдан лоқайдлик қилган.
Мазкур ҳолат бўйича, иккала ўқитувчига нисбатан суриштирув ишлари олиб борилади ва Ўзбекистон Республикаси қонунчилиги доирасида чора кўрилади.
Шу билан бирга, мактаб раҳбарияти педагоглар билан йиғилиш ўтказади ва бундай ҳолат такрорланмаслиги учун тушунтириш ишларини олиб боради.
Дарсга эътиборли бўлмагани ва дарс жараёнига халақит бергани, ўқитувчига гап қайтаргани учун ўқувчи Ж.М.га чора кўриш мақсадида, мазкур ҳолат Вояга етмаганлар ишлари бўйича идоралараро комиссия томонидан кўриб чиқилади.
-
2019-09-16 07:34:42+00:00
«Маърифат» газетасида чоп этилган «O‘ttizinchi» o‘gaymi? yoki kichik maktabning katta muammosi» сарлавҳали мақола бўйича қуйидагиларни қайд этиш лозим.
13 сентябрь куни Халқ таълими вазирлигининг расмий веб сайтида “Ҳудудларда мактабларни таъмирлаш ва жиҳозлаш ҳокимиятлар томонидан амалга оширилади” сарвлаҳаси остида маълумот чоп этилган.
Унда мактабларни қуриш, таъмирлаш ва реконструкция қилиш ҳамда жиҳозлаш маҳаллий ҳокимиятлар ваколатида эканлиги эслатиб ўтилган.
-
2019-09-12 14:35:34+00:00
Ижтимоий тармоқларда Зарафшон мактабидаги ҳолат бўйича изоҳ берилди. Халқ таълими вазирлиги ахборот хизмати билан ижтимоий тармоқ вакиллари, жумладан Davletovuz канали боғланмаган ва уларга вазирлик ҳеч қандай изоҳ бермаган.
Эслатиб ўтамиз, мактабларнинг моддий-техник базасини мустаҳкамлаш ва уларнинг фаолиятини янада яхшилаш маҳаллий ҳокимиятлар ваколатига киради.
Вазирлик ахборот хизмати билан боғланган Kun.uz ва Daryo.uz вакилларига мазкур масала Халқ таълими вазирлиги ваколатига кирмаслиги маълум қилиниб, вилоят матбуот хизмати билан боғланиш бўйича тавсиялар берилган.
-
2019-09-10 09:26:35+00:00
«Ўзбекистон Республикасининг конституциявий суди тўғрисида»ги қонунига қўра, Ўзбекистон Республикасининг Конституциявий суди қонун чиқарувчи ва ижро этувчи ҳокимият ҳужжатларининг Конституцияга мувофиқлиги тўғрисидаги ишларни кўриб чиқиш бўйича доимий фаолият кўрсатувчи суд ҳокимияти органидир.
Конституциявий суд Ўзбекистон Республикаси қонунларининг ва Ўзбекистон Республикаси Олий Мажлиси палаталари қарорларининг, Ўзбекистон Республикаси Президенти фармонлари, қарорлари ва фармойишларининг, ҳукумат, маҳаллий давлат ҳокимияти органлари қарорларининг, Ўзбекистон Республикаси давлатлараро шартномавий ва бошқа мажбуриятларининг Ўзбекистон Республикасининг Конституциясига мувофиқлигини аниқлайди.
Согласно закону «О Конституционном суде Республики Узбекистан», Конституционный суд Республики Узбекистан является постоянно действующим органом судебной власти по рассмотрению дел о конституционности актов законодательной и исполнительной власти.
Конституционный суд определяет соответствие Конституции Республики Узбекистан законов Республики Узбекистан и постановлений палат Олий Мажлиса Республики Узбекистан, указов, постановлений и распоряжений Президента Республики Узбекистан, постановлений правительства, решений местных органов государственной власти, межгосударственных договорных и иных обязательств Республики Узбекистан.
-
2019-09-07 06:19:35+00:00
Prezident maktablariga oʻqishga kirgan oʻquvchilarning ota-onalari bilan uchrashuv
https://pm.xtv.uz/prezident-maktablariga-o%ca%bbqishga-kirgan-o%ca%bbquvchilarning-ota-onalari-bilan-uchrashuv/
-
2019-09-06 10:03:43+00:00
Ижтимоий тармоқларда Kundalik тизими бўйича турли маълумотлар чоп этилди. Қуйида мазкур саволларга изоҳ берилди: https://kundalik.com/news/22