-
2021-04-29 05:10:39+00:00
👩🏻🏫 Умумтаълим мактабларда ахборот коммуникация технологиялари, интернет ва рақамлаштириш қай даражада?
⏳Кутилган натижалар ва истиқболдаги режалар
〰️〰️〰️
Бугун, 29 апрель куни соат 14:00 да АОКАда бўлиб ўтадиган матбуот анжуманида шу каби муҳим саволларга жавоб олишингиз мумкин.
▪️Иштирок этади: Халқ таълими вазирлиги мутасаддилари
〰️〰️〰️
📢 Саволларни @Rasmiy_aloqabot га жўнатишингиз мумкин.
🎤 ОАВ ходимлари таклиф этилади.
https://t.me/aoka_uz
-
2021-04-28 17:57:47+00:00
Чироқчида пиёдалар йўлакчасида ЙТҲ содир бўлган ҳудудда мактаб қурилиши бу йилги дастурга киритилган ва бундан аҳоли хабардор қилинган эди
Хабарингиз бор, 21 апрель куни Қашқадарёнинг Чироқчи туманида А-378 «Самарқанд—Ғузор» йўлидан Самарқанд томон ҳаракатланиб келаётган Isuzu юк машинаси пиёдалар йўлакчаси орқали йўлни кесиб ўтаётган болани уриб юборган.
Халқ таълими вазири ўринбосари Иброҳим Жўраев ушбу ҳудудда бўлиб ҳолатни ўрганди.
Маълум бўлишича, бола мазкур мактабга тайёрлов гуруҳига қатнаётганда пиёдалар йўлакчасидан йўлни кесиб ўтаётган вақтда ЙТҲда ҳалок бўлган.
Айтиш жоизки, Ўзбекистон Республикаси Президентининг 2020 йилнинг 12-13 ноябрь кунлари Қашқадарё вилоятига ташрифи доирасида ажратилган қўшимча маблағ ҳисобига мазкур ҳудудда 99-мактаб филиали ўрнига 176 ўринли тўлақонли мактаб янги ўқув йилигача қурилиши режага киритилган ва бу ҳақда ҳудуд аҳолиси хабардор бўлган. Айни дамда мактабнинг лойиҳа-смeта ҳужжатлари тайёр ва мактаб қурилиши бўйича тендерга қўйилган.
Янги мактаб қурилиши натижасида “Истиқлол” маҳалласининг болалари йўлни кесиб ўтмасдан ўзининг ҳудудидаги мактабга қатнаш имкони бўлади ва ушбу мактаб филиалига тўлақонли мактаб мақоми берилади.
Фурсатдан фойдаланиб, азиз ота-оналардан фарзандингизни серқатнов йўллардан мактабга боришида назоратга олишингизни, ҳайдовчилардан эса пиёдалар йўлакчаларига яқинлашганда тезликни камайтириб, диққатни оширишни, йўл ҳаракати қоидаларига амал қилишларини сўраб қоламиз.
-
2021-04-28 05:57:50+00:00
БИР КУНДА 9343 НАФАР ЎҚИТУВЧИ КОРОНАВИРУСГА ҚАРШИ ЭМЛАНДИ
Соғлиқни сақлаш вазирлиги Жамоатчилик билан алоқалар бўлими берган маълумотларга кўра, 27 апрель куни мактаб ўқитувчиларини ҳам коронавирусга қарши эмлаш бошланган.
Шу куннинг ўзида 9343 нафар ўқитувчи корнавирусга қарши вакцина қабул қилган.
Илк кунда мактаб ўқитувчиларининг 22 фоизи AstraZeneca, 78 фоизи ZF-UZ-VAC2001 билан эмланган.
-
2021-04-26 14:00:32+00:00
#ХУШХАБАР
55-Халқаро Менделеев кимё олимпиадасида 7 нафар ўқувчининг барчаси ғолибликни қўлга киритди
2021 йил 20-26 апрель кунлари 28 та давлат ўқувчилари ўртасида 55-Халқаро Менделеев кимё олимпиадаси онлайн тарзда ўтказилди. Ўзбекистон шарафини мазкур олимпиадада 7 нафар ўқувчи ҳимоя қилиб, 7 нафари ҳам медаль соҳиби бўлди.
Олимпиадада Австрия, Хитой, Туркия, Россия, Саудия Арабистони, Исроил, Хорватия, Венгрия ва бошқа мамлакат жамоалари билан бирга мамлакатимиз терма жамоаси ҳам иштирок этди. Халқаро олимпиада Халқ таълими вазирлигининг Фан олимпиадалари бўйича иқтидорли ўқувчилар билан ишлаш департаменти томонидан Тошкент шаҳри Юнусобод тумани 9-Ахборот технологияларга ихтисослаштирилган мактабда ўтказилди ва жараёнлар ташкилий қўмита томонидан жами 17 та вебкамера ва микрофонлар орқали кузатиб борилди.
Халқаро олимпиада иккита назария турда ўтказилди. Илк босқичда барча иштирокчилар 8 та мажбурий масала ишлаган бўлса (жами 80 балл), иккинчи босқичда кимё фанининг 5 бўлимига оид 15 масаладан ихтиёрий 5 тасини ишлаш талаб қилинди (жами 75 балл). Икки босқич натижаларига кўра ғолиб ўқувчилар аниқланди.
Якуний натижаларга кўра ватанимиз шарафини ҳимоя қилган ўқувчиларимиз 1 та олтин, 4 та кумуш ва 2 та бронза медаллари билан тақдирланди.
Ўтган йилги 54-Халқаро Менделеев кимё олимпиадасида Ўзбекистон терма жамоаси 1 та олтин ва 5 та бронза медалини қўлга киритган эди.
Ғолиб иштирокчиларга дипломлар ва медаллар ҳамда совға қилинадиган китоблар ташкилий қўмита томонидан почта орқали жўнатилади.
Маълумот учун: Бугунги кунгача Ўзбекистон терма жамоасининг ҳисобида 7 та олтин, 20 та кумуш ва 51 та бронза медаллари мавжуд.
55-Халқаро Менделеев кимё олимпиадасида совриндор ўринларни қўлга киритган ўқувчилар
🥇Олтин медаль – 1 та
Фирдавс Собиров – Бухоро шаҳар 35-умумий ўрта таълим мактаби ўқувчиси.
🥈Кумуш медаль – 4 та
Азимжон Жамолов – Абу Али ибн Сино номидаги ёш биологлар ва кимёгарлар ихтисослаштирилган мактаб-интернати ўқувчиси;
Собиржон Аманов – Тошкент педиатрия тиббиёт институти академик лицейи ўқувчиси;
Нафиса Нормуродова – Тошкент педиатрия тиббиёт институти академик лицейи ўқувчиси;
Дурдона Мухтархўжаева – Абу Али ибн Сино номидаги ёш биологлар ва кимёгарлар ихтисослаштирилган мактаб-интернати ўқувчиси.
🥉Бронза медаль – 2 та
Икромиддин Боймаҳаммадов – Абу Али ибн Сино номидаги ёш биологлар ва кимёгарлар ихтисослаштирилган мактаб ўқувчиси;
Бегзод Рўзибоев – Тошкент педиатрия тиббиёт институти академик лицейи ўқувчиси.
-
2021-04-22 17:44:02+00:00
🔹Жорий йилнинг 19 апрель куни ижтимоий тармоқлар орқали Шофиркон туманидаги 45-умумий ўрта таълим мактаби жисмоний тарбия фани ўқитувчисининг дарс жараёнида ўқувчилар билан қўпол муносабатда бўлганлиги акс этган видео тарқатилган эди.
Батафсил 👉https://telegra.ph/buxoro-vxtb-uz-04-20
✅Бухоро вилояти халқ таълими бошқармаси каналига аъзо бўлинг: 👉 buxorovxtb
-
2021-04-22 07:33:56+00:00
Бугун, 22 апрел куни АОКА мажлислар залида Халқ таълими вазирлиги ахборот хизмати раҳбари Лайло Рустамова иштирокида брифинг ташкил этилади.
● Мавзу: Умумтаълим мактабларининг карантин туфайли ёпилаётгани, бу жараёнда ўқув жараёнларини ташкил этиш масалалари
● Вақти: 17:00
-
2021-04-22 06:40:01+00:00
Ситуация, произошедшая в школе №110 изучена. Просим родителей перед тем, как обвинять педагогов и очернять школу, тщательно проверять информацию, а также больше уделять времени воспитанию своих детей (пожалуйста, ознакомьтесь с видеозаписью)
К сожалению, некоторые родители вместо того, чтобы уделять время на воспитание своего ребенка, предпочитают обвинять учителя и школу, и вмешиваться в работу педагогов, особенно педагогов мужчин, которых и так в школе считанное количество.
Ситуация в школе №110, о которой несколькими днями ранее написали многие СМИ, ссылаясь на публикацию блогера, спровоцировала шквал критики, многие СМИ и пользователи социальных сетей поспешили обвинить систему народного образования и оскорбить учителей.
Учитывая бурную дискуссию, было решено выставить полное видео ситуации (в целях скрытия личности детей некоторые кадры размыты). Пожалуйста, смотрите и делайте выводы сами!
Инцидент на видео произошел, когда заместитель директора и учитель начальной допризывной подготовки увидев, как ученик играет мобильный телефон и проявляет неуважение к уроку были вынуждены войти в класс.
После обсуждения ситуации с телефоном, педагоги, призвав детей к порядку провели разъяснительную работу касательно норм поведения в классе, уважения к учителю, внимания к уроку, недопущения к уроку в спортивной одежде.
На видео видно, что ситуация длилась 9 минут, а не 20 минут, как было отмечено в посте блогера. Хотелось бы, чтобы защитник узбекского языка, утверждающий, что урок узбекского языка был прерван, увидев поведение и отношение детей к педагогу, также призовет детей и родителей к необходимости уважения занятий узбекского языка и учителя.
Поведение учеников на видео показывает, что некоторым родителям необходимо всерьез подумать о воспитании своих детей.
Если внимательно посмотреть видео, то можно увидеть, что учитель до конца урока не упоминал тему, вызвавшую бурное обсуждение. Тема была поднята, уже после звонка, на перемене, в виде ответа на вопрос ученицы о том, почему они обращают внимание на одежду.
Из-за негативного поведения учеников, двое мужчин-учителей немного погорячились, и в какой-то момент повели себя некорректно, по данной ситуации заместителю директора было объявлено предупреждение, чтобы не допускать подобной ситуации в будущем.
Как можно увидеть на видео, педагог не выступал с лекцией, описанной в посте блогера и тем более никто не измерял и не фотографировал носки детей. Ранее мы сообщали, что министерство не давало никаких поручений школам по этому поводу.
Пользуясь выражением "Чёрный пиар - тоже пиар", блогер осознанно или неосознанно подняла резонансную тему, которая в итоге повлекла ряд недопониманий и оскорблений.
Уважаемые блогеры и представители СМИ, просим вас при написании постов на тему школы, обдумывать материал и самое главное проверять факты. Так-как, сегодня на волне хайпа, в интернете зачастую публикуется непроверенная информация, которая может негативно повлиять на психику детей и стать причиной семейных конфликтов.
В своем следующем посте блогер написала о малом количестве учителей-мужчин в школах.
На видео видно, что педагоги неравнодушны к воспитанию и будущему учеников.
А из-за непроверенных фактов и общественного давления, система образования может потерять и оставшихся педагогов мужчин.
Уважаемые родители, когда Ваш ребенок жалуется на учителя, просим перед принятием мер, полностью изучать ситуацию, а не голословно обвинять педагогов. Напоминаем, что, чувства уважения к педагогам школы должно прививаться дома.
При этом, если есть подозрение, что в школе происходит что-то, что может навредить Вашему ребенку, просим сначала обратиться к администрации школы или в соответствующие органы, а не публиковать непроверенную информацию и не клеветать на коллектив школы.
Ведь как сказано нашим предком, просветителем Абдуллой Авлони: «Воспитание для нас - вопрос жизни или смерти, спасения или гибели, счастья или беды…»
-
2021-04-22 06:40:01+00:00
ўқувчилар тарбиясига бефарқ эмаслигини, уларнинг келажаги учун куюниб гапираётганига гувоҳи бўлишингиз мумкин. Хўш, агар ҳар биримиз эркак ўқитувчи бераётган тарбияга мана шундай аралашадиган бўлсак, у ҳолда бор эркак ўқитувчиларни ҳам таълим тизимидан совутиб қўймаймизми?
Ҳурматли ота-оналарга фарзанди уйга гап ташиб келганида ўқитувчини ноҳаққа чиқариб, унга қўшилиб ўқитувчини ёмонламасдан, балки устозини ҳурмат қилишни уқтириш зарурлигинини англаб етишса нур устига аъло нур бўлишини айтмоқчи эдик. Мабодо мактабда қандайдир салбий ҳолат юз берди деб гумон қилинса, ҳолатни ўрганмасдан, интернетда шов-шув кўтариш ўрнига, мактаб раҳбариятига ёки тегишли органларга мурожаат қилиш тўғрироқ бўлар эди.
Зеро, Абдулла Авлоний айтганидек, «Тарбия биз учун ё ҳаёт, ё мамот, ё нажот – ё ҳалокат, ё саодат – ё фалокатдир».
-
2021-04-22 06:40:01+00:00
110-мактабдаги ҳолат тўлиқ ўрганилди. Ота-оналардан бола мактабдан уйга олиб келаётган гапни тагига етмасдан, ўқитувчи ва мактабнинг обрўсини тўккандан кўра, унинг тарбиясига кўпроқ эътибор қаратишларини сўраймиз! (Тўлиқ видеони кўриб, хулоса қилинг!)
Афсуски, баъзи ота-оналар фарзандининг тарбияси билан шуғулланиш ўрнига уни ортиқча эркалатиб, ўқитувчи ва мактабни айблаб, айниқса бугун ўзи етарли бўлмаган эркак ўқитувчиларни ишига халал беришни афзал кўрмоқда. Блогер томонидан шов-шув қилиб кўтарилган ва тизим имижига жуда салбий таъсир қилган 110-мактабдаги ҳолат ўрганилди. Ҳолат жуда кенг муҳокамаларга сабаб бўлгани учун, ўша куни дарс вақтида юз берган синфдаги видеотасвир тўлиқ намойиш этилмоқда (болалар шахсини беркитиш учун тасвирнинг айрим жойлари хиралаштирилган). Марҳамат, кўриб, ўзингиз хулоса қилинг!
Видеотасвирдаги ҳолат 110-умумтаълим мактабининг чақирувга қадар бошланғич тайёргарлик фани ўқитувчиси ҳамда директор ўринбосари ўқувчининг телефон ўйнаб ўтирганини ҳамда ўқитувчига нисбатан ҳурматсизликни кўриб, синфга киришга мажбур бўлган вақтида юз берган. Телефон билан боғлиқ ҳолат муҳокама қилинганидан сўнг улар томонидан болалар тартибга чақирилган ҳамда ўқувчиларнинг ўзларини дарсда тутишлари, ўқитувчига ҳурмат, дарсга эътибор қилиш, жисмоний тарбия кийимида дарсда ўтирмаслик каби масалалар бўйича тушунтириш берилган. Видеотасвирдан бу ҳолат блогер айтганидек 20 дақиқа эмас, 9 дақиқа давом этгани кўриниб турибди. Ўзбек тили дарси бузилди деб жар солаётган ўзбек тили ҳимоячиси, ўқувчиларнинг ўзбек тили ўқитувчисини ва дарсни қанчалик беҳурмат қилаётганини ҳам ушбу видеодан холис ўрганиб, ота-оналарни ҳам ўз фарзандлари тарбиясига эътиборлироқ бўлишга чақиришини истаб қолардик.
Видеодаги ўқувчиларнинг юриш-туришидан тортиб, ўзини тутишигача хатти-ҳаракатлари ота-оналардан бола тарбиясига яна бир карра эътиборлироқ бўлиш лозимлигини талаб қилади.
Видеотасвирни диққат билан кузатадиган бўлсак, ўқитувчи томонидан дарс сўнггигача муҳокамаларга сабаб бўлган мавзу ҳақида сўз бормаганига гувоҳ бўлиш мумкин. Муҳокамаларга сабаб бўлган мавзу эса танаффусга қўнғироқ чалинганидан сўнг ўқитувчи томонидан ўқувчи қизнинг нега бундай кийимга эътибор қилаяпсизлар деган мазмундаги саволига жавоб тарзидаги шахсий фикри сифатида айтилганлиги маълум бўлди. Ўқувчиларнинг хатти-ҳаракатлари туфайли 2 нафар эркак ўқитувчи бироз қизишиб гапирган ва директор ўринбосар келгусида бундай ҳолатга йўл қўймаслик бўйича огоҳлантирилган. Лекин видеодан кўриниб турибдики, атайлаб шов-шув қилинган мавзу бўйича ўқитувчи кириб дарсда маъруза қилмаган ва болалар пайпоғини ўлчаб расмга олмаган. Бу бўйича вазирлик томонидан мактабларга ҳеч қандай топшириқ бўлмаганлигини ҳам аввал маълум қилганмиз.
Блогер ўз постида “қора пиар ҳам пиар” деб ўзи ушбу болалар учун кераги йўқ бўлган ҳамда бизнинг жамиятимизда муҳокама қилиниши зиддиятларни келтириб чиқарадиган мавзуда жуда катта резонансга сабаб бўлиб қолди, билибми ёки билмай, бу бизга қоронғу.
Ҳурматли блогерлар ва ОАВ вакилларидан фарзандларимиз тарбиясига салбий таъсир қиладиган ҳамда мактаб ва муаллим нуфузига путур етказадиган мавзуларни кўтаришда эҳтиёт бўлишларини сўраб қолардик. Зеро, бундай муҳокамалар, бу каби мавзуларни одатий ҳолга айланиб кетишига, оилавий қадриятларимизга ва фарзандларимиз тарбиясига путур етказишига сабаб бўлади.
Ушбу блогер ўзининг кейинги постида мактабларда эркак ўқитувчилар тобора камайиб бораётгани ҳақида сўз юритган. Видеода 2 нафар эркак педагогнинг
-
2021-04-20 17:17:47+00:00
Президент матбуот котиби Қорақалпоғистон Республикаси Вазирлар Кенгаши ва вилоят ҳокимликлари ахборот хизматлари раҳбарлари билан учрашди.
Учрашувда уларнинг фаолияти, ҳудудлардаги ўзгаришларнинг ёритилиши, оммавий ахборот воситалари ва ижтимоий тармоқлар билан ишлаш даражаси муҳокама қилинди.
ОАВ ва блогерлар билан алоқаларни етарлича йўлга қўймаган, танқидий материалларга тезкор муносабат билдирмаган ахборот хизматлари қайд этилиб, уларга кўмаклашиш чоралари белгиланди.
Учрашувга вазирлик ва идораларнинг матбуот котиблари ҳам чақирилиб, марказий ва ҳудудий ахборот хизматлари ўртасида ўзаро боғлиқлик механизми ташкил этилди.
Шундай форматдаги учрашувларни мунтазам ўтказиб туришга келишиб олинди.
Facebook|Instagram|Twitter
-
2021-04-20 03:56:22+00:00
Ижтимоий тармоқларда тарқалган “Китоб туманидаги 5-Меҳрибонлик уйини тугатиш керак! Болалар жуда ёмон шароитда яшашмоқда!” номли мақолага Қашқадарё вилояти халқ таълими бошқармаси муносабати:
Бугунги кунда Китоб туманидаги 5-Меҳрибонлик уйида 65 нафар (шундан қизлари 28 нафар) тарбияланувчилар бўлиб, уларнинг 15 нафари чин етимларни ташкил этади.
Китоб туманидаги 5-Меҳрибонлик ўйида тиббиёт, стомотология, беморларни алоҳидалаш хоналарининг таги бетон қопламали эканлиги, болаларнинг бўш вақтини ўтказиш учун муассасада етарли шароитлар мавжуд эмаслиги, мебеллар эскирганлиги, соғлом овқатлантиришдаги камчиликлари, овқатланиш меъёрларига амал қилинмаганлиги, санитария-гигиена талабларига риоя этилмаганлиги каби камчиликлар қайд этилган.
Китоб туманидаги 5-Меҳрибонлик уйи 1958 йилда ташкил этилган бўлиб, мослаштирилган биноларда жойлашган, 125 ўринга мўлжалланган.
Ҳолат юзасидан ўз вазифасига совуққонлик билан қараган Меҳрибонлик уйи директори ва омбор мудири Ўзбекистон Республикаси Меҳнат кодексининг тегишли бандларига асосан ўз лавозимларидан озод этилган.
Қашқадарё вилояти халқ таълими бошқармаси Ахборот хизмати
https://t.me/qashqadaryo_vxtb
-
2021-04-19 16:20:36+00:00
🔹Жорий йилнинг 19 апрель куни ижтимоий тармоқлар орқали Шофиркон туманидаги 45-умумий ўрта таълим мактаби жисмоний тарбия фани ўқитувчисининг дарс жараёнида ўқувчилар билан қўпол муносабатда бўлганлиги акс этган видео тарқатилди.
🔹Айни пайтда Бухоро вилояти халқ таълими бошқармаси ишчи гуруҳи томонидан мазкур видео бўйича ўрганиш ишлари олиб борилмоқда. Мавжуд ҳолатга аниқлик киритилгач, бу борадаги батафсил маълумотлар тақдим этилади.
✅Бухоро вилояти халқ таълими бошқармаси каналига аъзо бўлинг: 👉 buxorovxtb
-
2021-04-17 09:46:04+00:00
Садио Маненинг синиқ айфони ортидаги ҳақиқат...
Ливерпул жамоаси аъзоси Садио Маненинг қўлидаги экранига дарз тушган айфон кўпчиликнинг диққатини тортди. Кунига 20 минг доллар топадиган футболчини зиқналикда ҳам айблашди. Бунга нисбатан Садионинг муносабати кўпчиликни таъсирлантирди.
«Менга қимматбаҳо айфон ёки ўнталаб феррари, йигирматалаб бриллиант соат ёки шахсий самолётларим бор-йўқлигига қараб баҳо беришларини истамас эдим. Ҳаётимда оғир дамлар бўлди -- очликдан қийналган, далада меҳнат қилиб, кун кўрган кунларимдан улар бехабар бўлишса керак. Бугун эса футболдан топаётган пулим билан қийинчиликда яшаётганларга ёрдам беряпман, мактаблар қуриб, стадионлар тиклаяпман.
Ҳар ойда Сенегалда жойлашган қишлоғимдаги оилага 70 евродан пул ажратаман. Қимматбаҳо машина, данғиллама уй, саёҳатнинг менга кераги йўқ. Мен учун ҳаёт моҳияти -- топганимни бошқалар билан бўлишишдир.»
* * *
"Биз ғалаба қозонамиз" китобида ибратли умр тамойилларини ўқинг.
-
2021-04-16 12:44:49+00:00
Ижтимоий тармоқларда Тошкентдаги мактаблардан бирида дарс пайтида юз берган ҳолат юзасидан
МУНОСАБАТ
Ижтимоий тармоқларда блогер Шахноза Соатова томонидан Тошкентдаги мактаблардан бирида дарс пайтида юз берган ҳолат юзасидан пост эълон қилинди. Мазкур ҳолат бугун интернет тармоғида кенг муҳокамаларга сабаб бўлди.
Дастлаб, Халқ таълими вазирлиги томонидан келтирилган ҳолат юзасидан мактабларга ҳеч қандай топшириқ берилмаганлигини маълум қиламиз.
Шу ўринда мазкур ҳодиса Миробод туманидаги 110-мактабда бўлиб ўтганлиги аниқланган ва ҳозирда ҳақиқий ҳолат бўйича ўрганиш ишлари олиб борилмоқда.
-
2021-04-13 15:28:40+00:00
Чироқчида калтакланган ўқитувчи иши бўйича жиноий иш қўзғатилди, жазо муқаррарлиги таъминланади
134-умумий ўрта таълим мактабининг инглиз тили фани ўқитувчисининг калтакланганлиги ҳолати юзасидан Чироқчи туман ИИО ФМБ ҳузуридаги тергов бўлими томонидан 2021 йил 13 апрель куни Ўзбекистон Республикаси ЖКнинг 277-моддаси 2-қисми “б” банди билан жиноят иши қўзғатилди.
Тергов бўлими томонидан аниқланишича, Чироқчи тумани Умакай МФЙ, Умакай қишлоғида яшовчи фуқаролар О.Ж, О.Н ва Х.Б. жамиятда юриш-туриш қоидаларини қасддан менсимасдан 2021 йил 6 апрель куни соат 12:30 ларда жамоат жойи ҳисобланган Чироқчи туманида жойлашган 134-сонли умумий ўрта таълим мактаб ҳудудида гуёки укаси, шу мактабдаги 6-“А” синф ўқувчиси О.Мга асоссиз қониқарсиз икки баҳо қўйганлигини баҳона қилиб, ўзининг жисмоний устунлигини кўрсатиб қўйиш мақсадида хеч бир сабабсиз мактаб ўқитувчисининг танасининг юз қисмига бир неча маротаба қасддан уриб, безорилик қилган.
Ҳозирги кунда жиноят иши юзасидан тергов ҳаракатлари олиб борилмоқда.
Шу ўринда бугунги кунда жамиятимизда ўқитувчиларнинг нуфузи ва мақомини ошириш давлатимиз сиёсатининг устувор йўналиши эканлигини, ўқитувчиларнинг касбий фаолиятига бу каби ноқонуний аралашувлар албатта жазосиз қолмаслигини эслатиб ўтамиз.
-
2021-04-13 04:10:08+00:00
Жорий йилнинг 12 апрель кунги ижтимоий тармоқларда тарқалган “Андижон мактабларида ССВ таъқиқлаган дезинфекция туннели ўрнатиш буюрилди” сарлавҳаси остидаги хабарларга жавобан вилоят халқ таълими бошқармаси қуйидагиларни маълум қилади:
Андижон вилояти халқ таълими бошқармаси ва ундаги масъул ҳодимлар томонидан умумтаълим мактабларига дезинфекцион туннелларни ўрнатиш юзасидан ҳеч қандай топшириқ берилмаган.
Қолаверса, хабардаги суратлар бир йил олдинги суратлар эканлиги, ҳозирда умумтаълим мактабларида дезинфекцион туннеллар фаолияти мавжуд эмаслигини билдириб, ижтимоий тармоқларда тарқатилган мазкур хабар асоссиз (FAKE) эканлигини таъкидлаймиз.
Андижон вилояти халқ таълими бошқармаси матбуот хизмати
-
2021-04-12 23:46:02+00:00
Муқаддас Рамазон ойи барчамизга муборак бўлсин!
Юртимиздан, хонадонларимиздан файз, қут барака аримасин.
Муборак ойда қилган барча орзу-ниятларингиз амалга ошсин!
-
2021-04-09 10:00:57+00:00
#Online
Айни дақиқаларда Халқ таълими вазирлигида “ЯНГИ ЎЗБЕКИСТОН УСТОЗЛАРИ” ЛОЙИҲАСИ тақдимоти бошланади.
Унда таълим сифати паст бўлган мактабларга бошқа ҳудудлардан бориб ишлайдиган махоратли педагогларни танлаш, устамалар белгилаш тартиби каби муҳим масалалар муҳокама этилади.
Тақдимотни қуйидаги ҳавола орқали томоша қилиб, ўзингизни қизиқтирган саволларни йўллашингиз мумкин:
https://www.facebook.com/events/136775291728369
-
2021-04-09 04:17:41+00:00
Ижтимоий тармоқда тарқалган Бўка туманидаги 49-сонли умумтаълим мактабининг филиали бузилиши юзасидан тарқалган видеомурожаатга МУНОСАБАТ
Тошкент вилояти Бўка тумани халқ таълими бўлими томонидан ишчи гуруҳ тузилиб, вазият юзасидан ўрганиш ишлари олиб борилди. Ўрганиш юзасидан шуни маълум киламизки, Бўка туманидаги 49-сонли умумтаълим мактабнинг филиали, 1980 йилда пахсадан қурилган бўлиб, фойдаланишга яроқсиз, таъмирталаблиги учун 2020 йилда вақтинча фаолияти тўхтатилган.
Туман ҳокимлигига 49-мактаб филиал ўқув биноси ўрнида ўқув биноси қурилиши кераклиги бўйича 07.01.2021 йил № 88 сонли хат берилган. Туман ҳокимлиги бугунги кунда мактаб филиалига маҳаллий бюджет маблағлари ҳисобидан 90 млн. сўм маблағ ажратилиши режалаштирилган. Ҳозирги кунда Қорақудуқ МФЙ да жойлашган 49-мактаб филиали 52 нафар ўқувчилари мактабнинг асосий биносига бориб давом эттирмоқда. 49-мактаб филиали ва мактабнинг асосий биноси ўртасидаги масофа 3 км 300 метр ташкил этади. 49-мактаб 2017 йили жорий таъмирланган бўлиб, мактабда компютер жиҳозлари ва спорт майдончаси ҳар-хил турдаги тўгараклар ўқувчиларни керакли таълим олиши учун барча шароитлар яратилган.
-
2021-04-08 07:35:36+00:00
Директорам двух школ вручили подарок Президента - автомобили «Spark»
Директорам 39-й общеобразовательной школы Кунградского района Республики Каракалпакстан и школы №2 Карманинского района Навоийской области в рамках проекта «One Million Uzbek Coders» («Один миллион программистов») были вручены подарки Президента — автомобили «Spark».
Директора награждены за высокие результаты своих учеников в программировании проекта Uzbekcoders.
На сегодняшний день из 1074 учеников школы №39 Кунградского района 820 уже получили сертификаты проекта. Следует отметить, что в настоящее время в Каракалпакстане насчитывается 727 общеобразовательных школ, 416 из которых оснащены современными компьютерами, 642 школы (88%) оптиковолоконным интернетом.
В Навоийской области в настоящее время современное программирование изучают более 35 тысяч учащихся школ, 18 567 из которых уже получили сертификаты по проекту «Один миллион программистов».
В рамках проекта ряд учителей по информационным технологиям из вышеуказанных школ награждены нагрудным знаком «Халқ таълими аълочиси», ноутбуком и почетными грамотами.
Следует отметить, что в рамках проекта остальные директора школ также имеют возможность получить автомобиль, приняв активное участие в проекте «Один миллион программистов», обучив своих учеников программированию посредством Uzbekcoders.uz.
-
2021-04-08 07:04:09+00:00
2 кунда 2 та мактаб директорига автомобиль топширилди
Кеча Қорақалпоғистон Республикаси Қўнғирот туманидаги 39-умумтаълим мактаби директори Сеиткамол Ешмуратов, бугун эса Навоий вилояти Кармана туманидаги 2-сон умумтаълим мактаби раҳбари Турсуной Халилова “Президент совғаси” Spark автомобили билан тақдирланди.
Автомобиль мактаб раҳбарларининг “Бир миллион дастурчи” лойиҳасида ўқувчиларига бугун ва келажакнинг энг талабгир соҳаларидан бири саналган дастурлаш бўйича билимларини олишда кўрсатган юқори кўрсаткичлари учун тақдим этилди.
Айрим мактабларга борганда мактабга берилган компьютерлар ишлатилмаётганлигини гувоҳи бўламиз, ваҳоланки, берилган имкониятлардан кенг фойдаланган ҳолда мана шундай имкониятларни қўлга киритиш мумкин.
Ҳурматли мактаб раҳбарлари!
Сизда ҳам шундай имконият бор, лойиҳа ҳали давом этади. Ўқувчиларингизни ахборот коммуникация технологиялари бўйича билимларини оширишларига имкон беринг.
Uzbekcoders.uz билан ўқувчиларингизга дастурлашни ўргатинг ва автомобиль соҳиби бўлинг!
-
2021-04-08 06:15:04+00:00
Айни дамда Навоий вилояти Кармана туманидаги 2-мактаб директорига "Президент совғаси" - SPARK автомобилини тақдим этиш тантанали маросими бўлиб ўтмоқда.
Мазкур жараённи жонли эфир орқали томоша қилинг👇👇
https://www.facebook.com/SherzodXotamovichShermatov/videos/125605196208026
-
2021-04-07 12:12:40+00:00
Президент матбуот котиби Шерзод Асадов давлат идоралари матбуот котиблари билан очиқ мулоқот ўтказди
Президент матбуот котиби Шерзод Асадов бугун АОКАда барча вазирлик ва идора матбуот хизмати раҳбарлари билан учрашиб, Ахборот хизматларининг фаолиятини янада такомиллаштириш, очиқликни таъминлаш ва жамоатчилик билан алоқалар масалаларини муҳокама қилди.
Шерзод Асадов сўнгги йилларда мамлакатимизда мутлақо янги - давлат идоралари ва ташкилотларининг матбуот котиблари институти шаклланганлигини, уларга кенг ваколат ва имкониятлар тақдим этилганини алоҳида қайд этар экан, эндиликда матбуот хизматлари томонидан аҳолига тезкор, тўғри ва тўлиқ маълумотлар, танқидларга муносабатлар билдирилиши зарурлиги таъкидланди.
Мулоқот давомида Президент матбуот хизмати юқоридаги ишларни амалга ошириш ишларида матбуот котиблари учун доимо очиқ эканлигини қайд этди. Президент матбуот котиби билан давлат идоралари матбуот котиблари ўртасида тўғридан-тўғри алоқани ўрнатилиши келишиб олинди.
-
2021-04-07 11:18:42+00:00
Қорақалпоғистондаги мактаб директорига “Президент совғаси” — “Спарк” автомобили совға қилинди
Қорақалпоғистон Республикаси Қўнғирот туманидаги 39-умумтаълим мактаби ўқувчилари ахборот технологияларидан фойдаланиб, дастурлаш бўйича юқори кўрсаткич қайд этгани учун мактаб директори Сеиткамол Ешмуратов «Бир миллион дастурчи» лойиҳаси доирасида Президент совғаси «Спарк» автомобили билан тақдирланди.
Мактабнинг бир гуруҳ педагоглари “Бир миллион дастурчилар” лойиҳаси бўйича эришган ютуқлари учун Қорақалпоғистон Республикаси Халқ таълими вазирлигининг “Халқ таълими аълочиси” кўкрак нишони ва Халқ таълими вазирлигининг Фахрий ёрлиғи ҳамда замонавий ноутбуклари билан тақдирланди.
Ҳозирги кунга қадар Қорақалпоғистон Республикасида «Бир миллион дастурчи» лойиҳаси доирасида 25 мингдан ортиқ ўқувчилар рўйхатдан ўтиб, замонавий дастурлаш йўналишларини ўрганмоқда. Шундан Қўнғирот туманидаги 39-сон мактабида таҳсил олаётган 1 074 нафар ўқувчининг 820 нафари (76 фоизи) сертификатга эга.
-
2021-04-06 09:07:13+00:00
“Замонамиз қаҳрамонлари” лойиҳасининг навбатдаги ғолиблари тақдирланди
“Замонамиз қаҳрамонлари” лойиҳасининг навбатдаги ғолиби “Дарё.уз” нашри мухбири Хонзодабегим Аъзамова Халқ таълими вазирлиги томонидан ноутбук билан тақдирланди. Хонзодабегим трендга олиб чиққан Яккасарой тумани 89-мактабнинг 71 ёшли жисмоний тарбия ўқитувчиси Нурхон Мўминова эса “Халқ таълими аълочиси” кўкрак нишони билан тақдирланди.
30 йил давомида шу соҳада фаолият юритган Нурхон Мўминованинг фаолияти кўплаб ижтимоий тармоқ фойдаланувчиларининг эътирофларига сазовор бўлди.
Сизнинг ҳам атрофингизда ҳам ана шундай фидоий устозлар бор ва сиз уларни танийсиз. Уларнинг фаолиятини ижтимоий тармоқларда трендга чиқаринг ҳамда ноутбук соҳиби бўлинг.
Лойиҳа давом этади!