-
2021-07-23 14:05:21+00:00
Ота-она ҳамфикрлиги ва болага тўғри муносабат — тарбиядаги айрим жиҳатлар ҳақида
Ота-оналик олий бахт ва шу билан бирга улкан масъулият ҳамдир. Фарзандни азиз неъмат сифатида қабул қилиб, унга чиройли тарбия бериш ўзига яраша билим ва қунт талаб қилади.
👉 Мақолани ўқиш
📹 Тўлиқ видеони кўриш
Kun.uz Telegram каналлари👇
Ўзбекча | O‘zbekcha | Русская
-
2021-07-23 13:30:51+00:00
#Хушхабар
5 ЙИЛДА ИЛК БОР ХАЛҚАРО МАТЕМАТИКА ОЛИМПИАДАСИДА МАКТАБ ЎҚУВЧИСИ ҒОЛИБ БЎЛДИ
Энг нуфузли олимпиадалар сирасига кирувчи 62-Халқаро Математика олимпиадаси (IМО) натижалари эълон қилинди.
Якуний натижаларга кўра,
Диёрбек Толипов — Бухоро вилояти 5-ИДУМ ўқувчиси кумуш медаль;
Олимжон Олимов — Бухоро вилояти Халқаро математика мактаби ўқувчиси бронза медални қўлга киритди.
Шунингдек Бухоро вилояти Халқаро математика мактаби ўқувчиси Дониёр Исмоилов имтиёзли дипломни қўлга киритди.
Бу йилги олимпиада 14-24 июль кунлари Россия Федерацияси томонидан ташкиллаштирилди. Унда дунёнинг 110 давлатидан 623 нафар ўқувчилар иштирок этди.
Халқ таълими вазирлиги мазкур ғалаба билан ўқувчиларни, уларга тарбия ва билим берган ўқитувчиларини ҳамда ота-оналарини муборакбод этади!
Эслатиб ўтамиз, шу кунларда ўзбекистонлик ўқувчилар нуфузли олимпиадалар сирасига кирувчи Халқаро биология, физика ҳамда кимё олимпиадаларида ҳам юртимиз шарафини ҳимоя қилмоқда.
-
2021-07-23 06:41:32+00:00
Президент сайлови: сайлов кампанияси бошланди
2021 йил 23 июль куни Ўзбекистон Республикаси Марказий сайлов комиссиясининг навбатдаги мажлиси бўлиб ўтди. Унда йирик сиёсий жараён Ўзбекистон Республикаси Президенти сайловига старт берилди.
Тадбирда сиёсий партиялар раҳбарлари, фуқаролик жамияти институтлари ва оммавий ахборот воситалари вакиллари иштирок этди. Унда Марказий сайлов комиссияси 2021 йилнинг 24 октябрь санасини Ўзбекистон Республикаси Президенти сайлови куни, деб белгилади. Сайлов кампанияси 23 июлдан бошланиши эълон қилинди.
Президент сайлови шу йил 8 февралда Ўзбекистон Республикаси Конституциясининг 117-моддасига киритилган ўзгартишга мувофиқ, октябрь ойида бўлиб ўтади.
Каналга уланиш:
http://t.me/electionsuz
-
2021-07-23 06:02:24+00:00
#Diqqat_Ochiq_muloqot
САНОҚЛИ ДАҚИҚАЛАРДА!
‼️МАКТАБЛАРГА ҚЎШИМЧА МАБЛАҒ ЖАЛБ ЭТИШ ИМКОНИЯТЛАРИ
👩🏫 Халқ таълими вазирлиги томонидан Ўзбекистон Республикасининг “Очиқ бюджет” портали Openbudget.uz орқали халқ таълими тизимидаги таълим муассасаларига қўшимча маблағ ажратиш имкониятлари мавзусида очиқ мулоқот ташкил этилмоқда.
Очиқ мулоқот ўтказилиш жойи: Халқ таълими вазирлигининг Фейсбук ижтимоий тармоғидаги расмий саҳифаси
Ўтказиб юборманг!
-
2021-07-22 14:56:29+00:00
#Хушхабар
10-СИНФ ЎҚУВЧИСИ FIDE-2021 ЖАҲОН КУБОГИ МУСОБАҚАСИДА НИДЕРЛАНДИЯЛИК МАШҲУР ГРОССМЕЙСТЕРНИ МАҒЛУБ ҚИЛДИ
Яшнобод тумани халқ таълими бўлими тасарруфидаги 152- сонли мактабнинг 10-синф ўқувчиси, 16 ёшли шахматчимиз Нодирбек Абдусатторов FIDE-2021 Жаҳон кубоги мусобақасида ўзидан 10 ёш катта бўлган нидерландиялик машҳур гроссмейстер Аниш Гирини 3-1 ҳисобида мағлубиятга учратиб, кейинги босқичга йўл олди.
-
2021-07-17 18:43:07+00:00
⚡️Тезкор
18 ЁШДАН КАТТА БЎЛГАН БИР ҚАНЧА АҲОЛИ ҚАТЛАМЛАРИ КОРОНАВИРУС ИНФЕКЦИЯСИГА ҚАРШИ ОММАВИЙ ЭМЛАНИШИ ШАРТ
Республика махсус комиссиясининг юртимизда коронавирус инфекцияси билан боғлиқ эпидемиологик вазият барқарорлигини таъминлашда кўрилаётган чораларни мувофиқлаштириш масалалари бўйича кенгайтирилган йиғилиши бўлиб ўтди.
Унда мамлакатимиздаги эпидемиологик ҳолат ҳудудлар кесимида таҳлил қилинди. Касалликнинг кенг тарқалишини олдини олиш мақсадида фуқароларни карантин қоидаларига риоя қилиш борасидаги масъулиятини ошириш бўйича вазифалар белгиланди.
Йиғилишда айтилганидек, Жаҳон соғлиқни сақлаш ташкилоти ҳамда халқаро экспертлар коронавирусга қарши курашиш ва унинг янги тўлқинларини олдини олиш оммавий вакцинация орқали муваффақиятли ташкил этилиши мумкинлигини таъкидламоқда. Шу муносабат билан сўнгги вақтда дунё миқёсида коронавирусга қарши мажбурий вакцинация амалиёти кенг жорий этилмоқда.
Юртимиз қонунчилигида ҳам “Аҳолининг санитария-эпидемиологик осойишталиги тўғрисида”ги қонунга мувофиқ, Ўзбекистон Республикаси Бош давлат санитария врачи атрофдагилар учун хавф туғдирувчи юқумли ва паразитар касалликлар пайдо бўлиши ҳамда тарқалиши хавфи бўлган тақдирда тегишли санитария-гигиена ва эпидемияга қарши тадбирлар ўтказиш тўғрисида қарорлар чиқариш ваколатига эгалиги кўзда тутилган.
Ушбу қонуннинг 30-моддасида санитария-гигиена тадбирлари ва эпидемияга қарши тадбирлар мажмуига профилактик эмлашлар ўтказиш ҳам киритилган.
Юқоридагиларни инобатга олиб, Ўзбекистон Республикаси Бош давлат санитария врачи, Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиевнинг “Ўзбекистон Республикаси аҳолиси ўртасида коронавирус инфекциясининг тарқалиб кетишини олдини олиш бўйича чора-тадбирларни янада кучайтириш тўғрисида” қарори қабул қилинди.
Шунингдек, Ўзбекистон Республикаси Бош давлат санитария врачи томонидан 2015 йил 15 мартда тасдиқланган 0239-07-сонли “Юқумли касалликлар иммунопрофилактикаси” санитария қоидалари ва нормаларидаги эпидемиологик кўрсатма асосида эмлаш жадвалига коронавирус инфекциясига қарши эмлаш тартиби юзасидан қўшимча киритилди.
❗️Унга асосан:
📌 2021 йил 1 сентябргача 18 ёшдан катта бўлган қуйидаги тоифа ёки гуруҳдаги аҳоли қатлами коронавирус инфекциясига қарши 1-доза вакциналари;
📌1 октябргача 2-доза вакциналари;
📌1 ноябргача 3-доза вакциналари билан оммавий эмланиши (саломатлиги бўйича қарши кўрсатма бўлган ҳоллар бундан мустасно) шартлиги белгиланди.
Улар қуйидагилар:
▶️ аҳоли билан мулоқотга кирувчи барча турдаги хизмат кўрсатиш объектларининг (давлат хизматлари марказлари, почта бўлинмалари, банклар, лизинг ташкилотлари, нотариуслар, суғурта компаниялари, гўзаллик салонлари, сартарошхоналар ва бошқаларнинг) ходимлари;
▶️ барча турдаги савдо объектларининг (озиқ-овқат, хўжалик моллари, кийим-кечак дўконларининг, дорихоналарнинг ва бошқаларнинг) ходимлари;
▶️ спорт мактабларининг ҳамда спорт иншоотларининг ходимлари;
▶️ маданий ҳамда кўнгилочар объектларнинг ва дам олиш масканларининг ходимлари;
▶️ меҳмонхоналарнинг, уй меҳмонхоналарининг, хостелларнинг, отелларнинг, ётоқхоналарнинг ва кемпингларнинг ишчи-ходимлари;
▶️ йўловчи ташиш билан шуғулланувчи давлат ва нодавлат ташкилотларнинг ходимлари;
▶️ давлат ва нодавлат таълим муассасаларининг ходимлари;
▶️ ҳарбий хизматчилар;
▶️ умумий овқатланиш корхоналарининг, хусусан, жамоат жойларида жойлашган тезкор овқатланиш шохобчаларининг, чойхоналар, тўйхоналар, кафелар ва ресторанларнинг ходимлари, шу жумладан, маҳсулотларни етказиб бериш билан шуғулланувчилар;
▶️ барча турдаги давлат ва нодавлат тиббиёт ва тиббий-ижтимоий объектларнинг ходимлари;
▶️ коммунал хизмат соҳаси ходимлари;
▶️ алоқа ва телекоммуникация объектларининг ходимлари;
▶️ давлат ҳокимияти ва бошқаруви органларининг ходимлари;
▶️ ҳуқуқни муҳофаза қилувчи органларининг ходимлари.
Соғлиқни сақлаш вазирлиги
Матбуот хизмати.
▶️@ssvuz
-
2021-07-15 14:09:09+00:00
Айни дамда Тошкентда бўлиб ўтаётган “Марказий ва Жанубий Осиё: минтақавий боғлиқлик. Таҳдидлар ва имкониятлар” мавзусидаги олий даражали халқаро конференция доирасида Ўзбекистонга дунёнинг 27 та давлатидан 80 га яқин хорижий журналистлар ташриф буюрган.
Улар бугунги кунда Ўзбекистонда турли соҳаларда олиб борилаётган ислоҳотлар ва ўзгаришлар билан танишиш баробарида давлат ташкилотларининг фаолиятини ўрганмоқда.
Куни кеча германиялик журналист, "N-Ost" Янгиликлар агентлиги мухбири Эдда Шлагерга ҳамкасби сифатида ҳамроҳлик қилдим. У билан Ўзбекистон Республикаси Инновацион ривожланиш вазирлигида бўлдик. Германиялик ҳамкасбимда вазирликнинг замонавий ва инновацион дизайни ўзгача таасурот қолдирди. Инновацион ривожланиш вазири Иброҳим Абдураҳмонов билан бўлган сухбат давомида эса Ўзбекистонда инновацион ривожланиш билан боғлиқ амалга оширилаётган ишлари билан қизиқди.
Бугун Эдда билан Ўзбекистон Республикаси Президенти ҳузуридаги Стратегик ва минтақалараро тадқиқотлар институти директорининг биринчи ўринбосари Акрамжон Неъматов билан учрашдик. Институт раҳбариятининг Эдда билан соф немис тилидаги сухбати у учун кутилмаган совға бўлди. Унинг ҳайрати ва ҳурсандчилигининг чеки йўқ эди, у ўзбекистонлик инсоннинг унинг она тилида жуда равон гапиришидан ўзининг ҳайратини яшириб ўтирмади. “Ўзбекистонликларнинг бу даражада немис тилида сўзлаша олишини умуман кутмагандим, бугун мен ўзим жуда истаган муҳим мавзуда чет эллик инсон билан менинг она тилимда сухбатлашишга муваффақ бўлдим, бу мен учун узоқ вақтга етадиган таасурот бўлиб қолади" — дейди Эдда.
Тўғриси, чет эллик ҳамкасбимнинг менинг юртдошларим ҳақидаги илиқ таасуротлари ва юқори баҳосидан ғурурга тўлдим.
Умуман олганда “Марказий ва Жанубий Осиё: минтақавий боғлиқлик. Таҳдидлар ва имкониятлар” мавзусидаги олий даражали халқаро конференция биз журналистларга чет эллик ҳамкасбларимиз билан мулоқотда бўлиш, тажриба алмашиш учун ажойиб имконият бўлди десак муболаға бўлмайди.
-
2021-07-14 12:34:23+00:00
«Қоракўл мактаби» асосчиси Тўхтамурод Жумаев вафоти муносабати билан Халқ таълими вазирлиги чуқур ҳамдардлик изҳор қилади
Қарийб 60 йил давомида моҳир ўқитувчи ва тажрибали раҳбар сифатида таълим тизимида самарали меҳнат қилиб, мамлакатимизнинг маънавий-маърифий салоҳиятини юксалтиришга муносиб ҳисса қўшган “Қоракўл мактаби” асосчиси Тўхтамурод Жумаев вафот этди.
Чорак аср давомида умрини ёш авлодга бағишлаб, уларнинг қалбига эзгулик ёғдусини жо этиб келган фидойи педагог болаларга билим беришни, ёш қалбларда илмга меҳр уйғотишни ҳаётининг мазмуни деб билган.
Ўзбекистон Республикаси мустақилликка эришган кунлардан бошлаб умумтаълим мактабларида ўқув услубий самарадорлигини ошириш мақсадида биринчилардан бўлиб иқтисослаштирилган иқтидорли болалар мактаб-интернатини ташкил қилди. 1991-2009 йилларда иқтидорли, истеъдодли ўқувчилар билан ишлаш, уларни қўллаб-қувватлаш ва рағбатлантириш борасида ибратли ишларни амалга ошириб, Республикамизда алоҳида ўринга эга бўлган Бухоро вилоятидаги халқаро математика фанига ихтисослаштирилган «Қоракўл мактаби» асосчиси сифатида таълим муассасини жаҳонга танитди.
Ҳозирга қадар лицейнинг 3114 нафар битирувчиси, республика олий ўқув юртларида, 56 нафари эса хорижий давлатлар университетларида таҳсил олган. Лицейнинг ўқувчилари сўнги йилларда жаҳон ва халқаро фан олимпиадаларида совринли ўринларни эгаллаб Ватанимиз номини дунёга танитмоқдалар.
“Ўзбекистон Республикаси халқ ўқитувчиси”, “Эл-юрт ҳурмати” ордени ва “Буюк хизматлари учун” ордени соҳиби Тўхтамурод Жумаев мураббий-методист сифатида “Ўқувчилар билимидаги бўшлиқларни аниқлаш ва уларни бартараф этиш усуллари”, “Замонавий дарсни ташкил этиш йўллари”, “Мактабда ички назоратни ташкил қилиш” сингари 7 та методик қўлланмаси чоп эттирган.
Тўхтамурод Жумаев тажрибали ва изланувчан педагог, самимий инсон, фидоий ва жонкуяр устоз сифатида барчамизнинг хотирамизда абадий сақланиб қолади.
Халқ таълими вазирлиги Тўхтамурод Жумаевнинг яқинларига ва оила аъзоларига чуқур ҳамдардлик изҳор қилади.
-
2021-07-09 16:13:13+00:00
Махсус репортаж | Вакцина қабул қилиш - энг тўғри қарор
#9july #uzbekiston24
mtrk.uz | Youtube | Facebook | Telegram | uztv.tv
-
2021-07-08 12:40:59+00:00
Айрим ўқитувчиларнинг меҳнат таътили пуллари кечиккани билан боғлиқ мурожаатлар ўрганиб чиқилди
Шу кунларда Халқ таълими вазирлигининг ижтимоий тармоқлардаги саҳифалари орқали ўқитувчилар томонидан айрим ҳудудларда меҳнат таътили пуллари кечиктирилаётганлиги юзасидан мурожаатлар келиб тушмоқда.
Вазирлик томонидан мазкур мурожаатлар ўрганилганда, муаммо юзага келишига асосий сабаб аксарият ҳолларда барча ходимларга бирданига меҳнат таътили берилгани маълум бўлди (ўқитувчиларни меҳнат таътилига чиқариш режага кўра босқичма-босқич амалга оширилиши белгиланган).
Бугунги кунда, мазкур масалани тезкор ҳал этиш ҳамда муаммони бартараф этиш мақсадида, ҳудудлардан олинган ҳисоб-китоб ва талабномаларга асосан Халқ таълим вазирлиги томонидан Молия вазирлиги билан биргаликда зарур маблағларни етарли даражада ажратиш чоралари кўрилди.
Умумтаълим мактаблари ходимларига белгиланган тўловлар эртага (жума куни) ва душанба тушлик вақтигача тўлиқ амалга оширилишини маълум қиламиз.
Ундан кейин ҳам шу масала бўйича муаммолар қолиб кетган тақдирда, 12 июль куни тушликдан сўнг Вазирликнинг ишонч телефон рақами 71 202 09 09 ёхуд ижтимоий тармоқлардаги расмий саҳифаси орқали мурожаат қилишингиз сўралади.
-
2021-07-08 09:17:23+00:00
ЎҚУВЧИЛАРНИНГ МАКТАБ ФОРМАСИНИ КИЙИШ ТАРТИБИ ВА ТАЛАБИ ЎЗГАРМАЙДИ
Ўзбекистон Республикаси Халқ таълими вазирлигининг ХАБАРНОМАСИ
Жорий йилнинг 5 июль куни “Виждон эркинлиги ва диний ташкилотлар тўғрисида" қабул қилинган янги таҳрирдаги Қонун ОАВ вакиллари ҳамда ижтимоий тармоқ фойдаланувчилари томонидан умумтаълим мактаблари ўқувчиларининг кийиниш маданияти, хусусан ўқувчи-қизларни мактабда бош кийимда юриши ҳамда ўғил бола ўқувчиларнингсоқол қўйган ҳолда мактабга келишлари масаласида турли саволларни келтириб чиқармоқда.
Шуларни инобатга олган Халқ таълими вазирлиги қуйидагиларни маълум қилади:
БАТАФСИЛ: 👉https://bit.ly/3ADiIE8
Халқ таълими вазирлигининг расмий саҳифаларига уланиш
Telegram | Youtube | Facebook | Instagram
-
2021-07-05 07:29:12+00:00
https://youtu.be/3t6QrS80L8A
-
2021-07-05 04:46:01+00:00
‼️Ҳурматли ОАВ вакиллари!
Бугун, 5 июль куни АОКАда умумтаълим мактабларнинг 1-синфига ҳамда ихтисослашган мактабларга қабул юзасидан матбуот анжумани ташкил этилади
● Мавзу: Умумтаълим мактабларнинг 1-синфига ҳамда ихтисослашган мактабларнинг 5 ва 7-синфларига қабул бўйича саволлар ва мурожаатлар юзасидан
● Вақти: 12:00
● Жойи: АОКА мажлислар зали
● Иштирок этади:
Рустам Каримжонов — Халқ таълими вазири ўринбосари
Эркин Муродов — Умумий ўрта таълим муассасалари фаолиятини мувофиқлаштириш бошқармаси бошлиғи
Пўлат Калдибеков - Инновация, технология ва стратегия Маркази директори ва бошқа масъул ходимлар.
Мавзу юзасидан қизиқиш билдирган барча ОАВ вакиллари таклиф этилади.
Манзил: Тошкент ш, Навоий кўчаси, 30-уй, АОКА анжуманлар зали (4-қават)
-
2021-07-04 06:56:10+00:00
Жорий йилнинг 4 июль куни ижтимоий тармоқларда Бўстон туманидаги 25-сонли умумтаълим мактабида текширувлар учун пул йиғилган мавзусида тарқалган аудиоёзувлар Андижон вилояти халқ таълими бошқармаси томонидан ўрганилмоқда ҳамда назоратга олинганлигини маълум қиламиз.
Дастлабки ўрганиш жараёнида мазкур аудиоёзувлар 2019 йилда ёзиб олинган эски аудиоёзувлар эканлиги маълум бўлди.
Мазкур ҳолатни атрофлича ўрганиш мақсадида ишчи гуруҳ фаолияти йўлга қўйилган ва ўрганишлар натижалари бўйича батафсил маълумот берилишини билдириб ўтамиз.
-
2021-07-02 07:46:45+00:00
#мен_вакцина_олдим
Ўтган йили юртимизда Ковид тарқалганида ҳаёлимга келган биринчи нарса қанийди тезроқ шунга вакцина кашф қилинганида, неча пул бўлсаям ўзим ва оилам учун олган бўлардим, деб ўйлаганман... Мана бугун шу ниятимга етдим.
Одамларимиз орасида ўзи вакцинага ишонмайдиганларни кўп, нафақат бу вакцина, балки болаларни миллий эмлаш календарида белгиланган бепул вакциналарни олмай фарзандининг ҳуқуқини поймол қиладиган ота-оналаримиз ҳам бор афсуски.
Ўзимга келсак, шахсан мен Соғлиқни сақлаш вазирлиги томонидан тавсия этилган барча вакциналарга ишонаман ва уларни қабул қилганман. Бундан ташқари ҳар йили ўзим ва яқинларим учун мавсумий Гриппга қарши вакцина оламан ва бу доим ўз самарасини берган.
Қачонки барча аҳоли эмланмаса бу балодан қутулмаймиз, биз ниқобни ечмаймиз. Шунга барчани вакцина олишга чақирган бўлардим.
Дарвоқе фурсатдан фойдаланиб, 47-Оилавий поликлиника шифокорларига хушмуомалалик ва эътибор учун алоҳида раҳмат.