-
2022-03-30 05:06:00+00:00
Ижтимоий тармоқларда тарқалаётган Сирдарё вилояти Гулистон шаҳрининг 5-сонли мактаб ўқувчилари ўртасидаги юзага келган келишмовчилик деб айтилаётган ҳолат айни дамда мутасаддилар томонидан ўрганилмоқда.
Шу ўринда ота-оналардан бундай салбий ҳолатлар юз бермаслиги учун фарзандлари тарбиясига эътиборли бўлишларини сўраб қоламиз!
-
2022-03-24 08:06:35+00:00
Миришкор туманида ўқувчи қизнинг вафот этганлиги юзасидан дастлабки МАЪЛУМОТ
Халқ таълими вазирлиги Ахборот хизмати томонидан олинган дастлабки маълумотларга кўра, вафот этган қиз 2005 йилда туғилган бўлиб, Миришкор туманидаги 33-мактабнинг 10-синфида таҳсил олган. У болалигидан тутқаноқ (эпилепсия) билан хасталанган бўлган. Ўқувчини ҳушидан кетиш ҳолати кузатилган вақтида мактаб маъмурияти томонидан Шошилинч тез тиббий ёрдамга мурожаат қилинган.
Ҳозирда тегишли органларнинг масъуллари томонидан ўрганиш ишлари амалга оширилмоқда. Ҳолат юзасидан қўшимча маълумот берилади.
-
2022-03-18 09:28:14+00:00
Ўқитувчилар ота-оналар ҳақида...
Аксарият ҳолларда ижтимоий тармоқларда айрим ота-оналарнинг ўқитувчиларни муҳокама қилаётганликлари ҳолатига дуч келамиз, лекин ўзимиз қандай ота-она эканлигимиз ҳақида ҳеч ўйлаб кўрганмизми?
Халқ таълими вазирлиги Ахборот хизмати ўқитувчиларнинг ота-оналар тўғрисидаги фикрлари билан қизиқди. Хўш, улар бугунги ота-оналар ҳақида нима дейди?
Уларнинг сўзларига қулоқ тутинг, эҳтимол, бу сизга келажагингиз бўлмиш фарзанд тарбиясида йўл қўяётган хатоларингиз устида яна бир бор ўйлаб кўришга ҳамда масъулиятингизни оширишингизга оз бўлсада туртки бўлар.
-
2022-03-18 07:41:13+00:00
Ҳурматли мактаб раҳбарлари ва ўқитувчилар!
Ижтимоий тармоқларда Наврўз байрамлари тадбирларида ўқувчиларнинг юпун кийинган ҳолда турли саҳна кўринишларини ижро этаётганлиги акс этган суратлар тарқалмоқда.
Халқ таълими вазирлиги томонидан аввал ҳам бир неча бор турли маънавий-маърифий тадбирларни об-ҳаво шароитидан келиб чиққан ҳолда ўтказиш, болалар билан суратлардаги каби ҳолатлар юзага келишига йўл қўймаслик ҳақида бир неча бор огоҳлантириш берилган ва бундай ҳолатларга йўл қўйган масъул шахсларга чоралар ҳам қўлланилган.
Шунга қарамай ҳали ҳамон жойларда бундай нохуш ҳолатлар афсуски давом этмоқда.
Айни дамда фотосуратлардаги ҳолатлар қайси мактаб томонидан йўл қўйилганлиги ўрганилмоқда.
Фурсатдан фойдаланиб бошқа мактаблар тегишли хулоса чиқарган ҳолда бундай ҳолатларга йўл қўймасликлари қатъий талаб этилади.
-
2022-03-11 12:14:06+00:00
Халқ таълими вазирлиги АОКАнинг Ахборот хизмати раҳбарлари фаолияти самарадорлиги рейтингида 95,6 балл тўплаб, 1-ўринни эгаллади
Халқ таълими вазирлиги Ахборот хизмати Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги рейтингида 139 та республика даражасидаги ташкилот ва идоралар ичида энг юқори кўрсаткични (95,6 балл) қайд этиб, 1-ўринни эгаллади.
АОКА томонидан республика даражасидаги 139 та вазирлик ва ташкилотлар, Қорақалпоғистон Республикаси Вазирлар Кенгаши, вилоятлар, Тошкент шаҳри ҳамда 206 та туман ва шаҳар ҳокимликлари, жами 359 нафар матбуот котибининг 2021 йил II ярим йилликдаги фаолияти самарадорлиги ўрганилди.
Хусусан, Халқ таълими вазирлиги ахборот хизмати ахборотни замонавий формат, онлайн ва кенг қамровли усулда оммавий ахборот воситалари орқали фойдаланувчиларга инфографика, фото, аудио, видео ва матн шаклларида, муайян белгиланган вақт оралиғида етказиб бериш мезонларига кўра, 95,6 балл тўплашга муваффақ бўлди.
Маълумот учун, Халқ таълими вазирлиги Ахборот хизмати томонидан 2021 йилнинг 2-ярим йиллиги давомида 27 та матбуот анжуманлари, брифинглар, пресс-тадбирлар ўтказилган. 1000 дан ортиқ теле-радио каналлар, газета ва бошқа ОАВларда вазирлик фаолиятига оид материаллар эълон қилинди. ОАВ воситалари ва ижтимоий тармоқларда эълон қилинган 300 га яқин танқидий материаллардаги муаммолар ҳал этилиб, ахборот хизмати томонидан жавоб тақдим этилган. Шу билан бирга, хорижий оммавий ахборот воситаларида 50 дан зиёд материаллар эълон қилинган.
-
2022-03-04 05:57:03+00:00
📢Бугун, 4 март куни ўтказилиши режалаштирилган Матбуот анжумани:
● Мавзу: Maktab.uz таълим платформаси тақдимоти, мактаб ўқувчилари учун яратилган бошқа таълим платформалари
● Вақти: 16:00
● Иштирок этади: Халқ таълими вазири ўринбосари ва мутасаддилар
〰️〰️〰️
✏️ Саволларни @Rasmiy_aloqabot га жўнатишингиз мумкин. ОАВ ходимлари таклиф этилади.
https://t.me/aoka_uz
-
2022-03-01 14:02:36+00:00
Ўқитувчи шундай инсонки, у биргина ҳаракати билан ўқувчисининг ҳаётида из қолдириб, умрбод унинг дуоларида яшаши мумкин.
Абдукарим МИРЗАЕВ унинг ҳаётида из қолдирган марҳум устози ҳақида сўзлаб берди ва буни ўқитувчи фидойилигининг бир намунаси деб атади.
Абдукарим Мирзаев ўқитувчи ўқувчисининг тут егиси келаётганини кўриб, ўзининг бир дона кўйлаги борлигини ўйламасдан дарахтдан ўқувчисига тут териб берган ва эртаси куни ўша бир дона доғ бўлган кўйлаги билан мактабга келганини эслади. У ўқитувчисининг шу ҳаракати унга бир умр ўрнак бўлганини хотирлади.