-
2018-09-30 17:27:05+00:00
Ўқитувчилик фаолиятим ҳақида (2-қисм)
4-10-методлар
👉 https://telegra.ph/Uqituvchi-2-09-30
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-30 14:20:29+00:00
Шавкат Мирзиёев ва Зироатхон Мирзиёева Тожмаҳалда.
-
2018-09-30 03:45:55+00:00
Ўқитувчилик фаолиятим ҳақида
Кўпчиликка маълум, бундан 4-5 йиллар олдин Тошкент давлат юридик университетида ўқитувчи бўлиб ишлаганман. Ва кўпчилик ҳалиям ўша ерда ишлайди, деб ўйлайди негадир.
Кейинчалик ўқитувчиликни қумсаб, бу ҳақида Xushnudbek.uz сайтида мақолалар ёзгандим. Бугунги байрам арафасида ўша 2 та мақолам ёдимга тушиб, Сизлар билан улашгим келди.
Бунда асосан ўқитувчилик фаолиятим давомида қўллаган методларим ҳақида гапириб берганман. Иккаласи ҳам жуда узун мақола бўлганлиги сабабли, 2 кун давомида қисқа парчаларни бўлиб-бўлиб эълон қилиб бораман, тўғри тушунасизлар деган умиддаман.
Ўқитувчилик фаолиятим ҳақида (1-қисм)
👉 https://telegra.ph/Uqituvchi-1-09-30
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-29 08:23:05+00:00
Тошкент вилоятининг 95% пахта далаларида 1-терим кетмоқда. 1 кг терилган пахта учун 950 сўм берилади.
Имкони бўлганлар ихтиёрий равишда теримга чиқишса 1 кунда 100 минг сўмгача бемалол топиши мумкин.
-
2018-09-28 16:28:04+00:00
Шавкат Мирзиёев ўқитувчи ва мураббийларга табрик йўллади.
«Сиз, азизларни, сизларнинг тимсолингизда ўз ҳаётини ёш авлод тарбиясидек шарафли ишга бағишлаган барча юртдошларимизни 1 октябрь – Ўқитувчи ва мураббийлар куни билан самимий муборакбод этаман.
Ушбу қутлуғ айёмда сизларнинг шаънингизга энг гўзал сўзлар, эзгу тилакларимизни изҳор этар эканмиз, барчамизнинг камол топишимиз, жамиятда муносиб ўрин эгаллашимизда бор билим ва тажрибасини, қалб ҳароратини бахш этиб келаётган меҳридарё устозларимизга чин юракдан миннатдорлик билдирамиз», - дейилади табрикда.
Манба: president.uz/uz/2049
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-27 15:01:47+00:00
Мана бу зўр бўлибди лекин. Хориждаги баҳолаш тизимини ўзимизники билан таққослама жадвали. Илгари расмий шкала йўқ эди, айниқса хориждан перевод қилаётганлар қийналарди. Ишлаб чиққанлар барака топсин.
-
2018-09-27 13:55:31+00:00
Парламент сўровига беписандлик
Олий Мажлис Сенати раиси Ниғматилла Йўлдошев сенатор сўровларига беписандлик билан қаралиши борасида ҳукуматдан изоҳ сўради, деб хабар берди Kun.uz мухбири.
«Айрим вазирлик ва идоралар раҳбарлари парламент билан муносабатларга қонун талаби асосида ёндашмаяпти», – деди Йўлдошев 27 сентябрь куни иш бошлаган Сенат ялпи мажлисида.
Хусусан, Сенат қўмитаси раисининг ўринбосари томонидан 15 август куни пойтахтдаги маданият ва истироҳат боғларидаги жиддий камчиликлар юзасидан маданият вазири Бахтиёр Сайфуллаевга сенатор сўрови юборилган.
Сенат раисининг сўзларига кўра, ушбу сўровга вазирликнинг жавоби 40 кундан сўнг келган. Бунинг устига, бирорта ҳам саволга тайинли жавоб олинмаган.
«Вазир ўринбосари имзоси қўйилган ярим варақлик жавоб Сенатга эмас, Олий Мажлис Қонунчилик палатасига юборилган», – деди у.
Йўлдошев Маданият вазирлиги мутасаддиларини қонунларни билмаслик ва масъулиятсизликда айблади.
«Вазирликнинг масъул шахслари сенаторлар қаерда ишлашларини билмасликлари уларнинг қонунни билмасликларини намойиш қилади», – деди у.
«Ўзингиз ўйланг, Маданият вазирлиги масъул ходимлари халқ вакилларига нисбатан шундай муносабатда бўлса, уларнинг давлат сиёсати моҳиятини тўлиқ англаб етганига, зиммасига юклатилган муҳим вазифаларни амалга оширишига ким кафолат беради? Биз бу масала бўйича вазирлик, шунингдек, ҳукуматдан изоҳ кутамиз», – деди Йўлдошев.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-27 13:41:35+00:00
Жорий йилнинг 18-19 октябрь кунлари Россия Федерацияси Президенти Владимир Путин расмий ташриф билан Тошкентга келади, дея хабар бермоқда ТИВ.
Kun.uz
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-27 13:04:17+00:00
Хабар қилишларича, Тошкент метроси "Новза" бекатида метро тагига бир талаба йигит бехосдан тушиб кетибди. Асосийси воқеа яхшилик билан тугабди, талабанинг соғлиғига жиддий зиён етмабди, Худога шукр.
Хабарни ўқиб, Италиянинг Турин метроси ёдимга тушиб кетди. У ўзига хослиги билан қолган шаҳарлардаги метролардан ажралиб туради. Метро бекатидаги поездлар йўли тўлиқ ойна билан ўралган. Қачонки поезд бекатга кириб келиб, тўхтагандан кейин поезд эшиклари билан бекат эшиклари бир пайтда параллел равишда очилади. Худди лифт эшикларининг ишлаш принципига ўхшайди бу. Демак, поездлар ҳар доим автомат равишда битта нуқтага келиб тўхтайди, йўқса эшиклар бир-бирига мос келмай қолади. Бундай метро бекатида кимнидир поезд йўлига тушиб кетиши назарий жиҳатдан ҳам мумкин эмас. Хавфсиз ва ишончли, шундай эмасми?
Бизда ҳам албатта шунақа бўлсин демоқчи эмасман, бунга эҳтиёж ҳам йўқ, менимча. Шунчаки, эсимга тушганда маълумот учун айтдим-қўйдимда.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-27 12:37:56+00:00
Ўзбекистон ОТМларида 1 пайтда 2 хил баҳолаш тизими бўлади
Бугун ОТМлар 5 баҳолик тизимга ўтгани ҳақида хабар берилганди. Низомнинг тўлиқ матни Lex.uz сайтида эълон қилинди.
Энг қизиғи бу тизим фақат 1-курслар учун тааллуқли экан. 2 ва ундан юқори курслар 100 баллик тизимда баҳоланаркан.
Савол: бунақа омихта тизимни нима кераги бор? Нима учун ягона тизим ўрнатиб қўя қолинмади? Кимдир тушунтириш берадими бу ҳақида?
Ҳаммадан ҳам ўқитувчиларга ноқулай бўлибди, ўзи қоғозбозликдан қийналиб кетишганди, энди уларга яна ортиқча иш яратишибди. Икки хил стандартда баҳолаш турли чалкашликларни келтириб чиқариши табиий.
Низом лойиҳаси порталга муҳокамага қўйилганда, айнан мана шу бандга эътироз билдиришган эди. Республикада бир хил тизим бўлсин, деган таклиф қолдирилган эди. Бошқа лойиҳаларда бўлгани каби, бундай таклифлар ҳеч бир изоҳларсиз инобатга олинмади. Унда лойиҳани муҳокамага қўйишдан нима фойда?
Майли, бизни халқ кўникувчан. Талабаларни, айниқса ОТМдаги ўқитувчиларни жони темирдан. Ҳар нарсага кўниб, кўникиб кетаверишади.
Шунча йилдан буён чала кирилл ва чала лотин ёзувларида ёзиб юрибмиз, бир жойимиз кам бўлиб қолгани йўқку, бир пайтда амал қиладиган 100 баллик рейтинг ва 5 баҳолик тизимни ҳам зиёни йўқдир. Тағин ким билсин.
Ҳа, айтганча, айрим ОТМларда модул тизими ҳам йўлга қўйилган ва 5 баҳолик тизим Низомидаги қоидалар ушбу ОТМларга тадбиқ этилмаслиги белгиланган. Яна айрим ОТМлар (ТДЮУ, ТАТУ) кредит тизимига ўтишган. Гарчи модул ва кредит тизимлари алоҳида эмас, аксинча бир-бирини тўлдирувчи тизим бўлса ҳам, ҳали айрим ОТМлар ўзларида ушбу тизимларни тўлиқлигича ўрнатиб улгуришмади. Вақт ўтиши билан жой-жойига тушадиган жараён бу. Майли, ҳозир қийналсак ҳам, қолган ОТМларни ҳам секин-аста кредит тизимига ўтказишни бошлаш керак. Бошида қийин бўлади, тушунарсиз бўлади, балки озгина "бардак" ҳам бўлар. Лекин келгусида фойдаси тегади, менимча. Албатта буларнинг барчаси ИМХО.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-27 07:07:49+00:00
Сенат "Давлат божхона хизмати тўғрисида"ги қонуннинг янги таҳририни маъқуллабди. Эски таҳрирдаги қонун 1997 йилда қабул қилинган эди.
-
2018-09-27 05:41:54+00:00
Мажбурий обуна балосидан қачон қутилар эканмиза? Ҳар куни ўнлаб шу каби хатлар оламан. "Ойлик иш ҳақимдан обунага ушлаб қолишди, шу мумкинми?" деган мазмунда.
Мана ҳозиргина Андижон вилоятидаги тиббиёт бирлашмасида ишлайдиган бир аёл телефон қилди. "Ёлғиз онаман, ўзим 2-гуруҳ ногирониман. Катта ўғлим ва келиним контрактда ўқийди, менинг маошим, ўғлимнинг маоши ва стипендияси ҳамда келинимнинг маошига 5 киши кун кечирамиз. Ишхонамда 2-ярим йилликнинг обунаси учун ойлигимдан пул ушлаб қолишяпти. Раҳбарларга Худони зорини қилдим, илтимос ушлаб қолманглар, 100 минг пул ҳам мен учун тиллога тенг, деб. Лекин қулоқ солишмади. Фарзандини контрактига пул ўтказаётган ходимлардан ҳеч нарса ушлаб қолинмайди, деб эшитгандим, обунага ушлаб қолишлари тўғрими?"
Бу ерда опамиз 26 ёшга тўлмаган фарзандининг контракти учун ойликдан ўтказилганда даромад солиғи ушланмаслиги ҳақидаги қоидани назарда тутмоқдалар. Эътиборли томони, содда халқмизда - агар контрактга пул ўтказмаганларида обуна ҳам мажбурий, тўлашга мажбурмиз деб, индамай кетаверардилар.
ОБУНА МАЖБУРИЙ ЭМАС!
ҲЕЧ КИМ СИЗНИНГ ОЙЛИК ИШ ҲАҚИНГИЗДАН ОБУНА УЧУН УШЛАБ ҚОЛИШИГА ҲАҚҚИ ЙЎҚ!
Фақат Сизнинг розилигингиз билангина обуна учун ушлаб қолиш мумкин. Шу сабабли, мабодо рози бўлмасангиз, бирор ҳужжатга имзо қўйманг (сабаби кўп жойларда алдаб, қўрқитиб, ялиниб имзо қўйдириб олишади).
Мени бир нарса қизиқтирадида, яқин 50-100 йилларда фақат мажбурий обунадан кун кўришга ўрганган, лекин ўзи ўқиш тугул, бошқа ишга ҳам арзимайдиган айрим газета ва журналларимиз ўз қилмишларидан уялиб, виждони қийналиб, газеталарни ўз хоҳишлари билан ёпишармикин ёки шунақа халқни пулига мазахўрак бўлиб юраверишармикин...
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-27 05:09:00+00:00
Ниҳоят ОТМларда янги баҳолаш тизими тасдиқланибди
Ўқув йили бошланганига салкам 1 ой тўлай деганда, олий таълим 100 баллик рейтинг тизимидан 5 баҳолик тизимга расман ўтди. Бу ҳақида "Ҳуқуқий ахборот" канали хабар бермоқда.
2 ҳафталар олдин каналимда айнан шу масалани кўтариб чиққан эдим, яъни нима учун ҳалигача баҳолаш тизими тасдиқланмаяпти, ахир ўқув жараёнлари бошланиб кетдику, деб. Майли, ҳечдан кўра, кеч дейишадику, асосийси Низом расман кучга кирибди (таълимдаги кечикишлар ҳақида алоҳида мақола ёзгим бор).
Демак, Олий таълим муассасаларида талабалар билимини назорат қилиш ва баҳолаш тизими тўғрисидаги низом Адлия вазирлигида давлат рўйхатидан ўтказилибди. Низомга мувофиқ:
👉 талабалар билимини назорат қилиш оралиқ ва якуний назорат турларини ўтказиш орқали амалга оширилади (жорий назоратлар бекор қилинди);
👉 оралиқ назорат ҳар бир фан бўйича 2 мартагача ўтказилиши мумкин;
👉 якуний назорат тури семестр якунида (тиббиёт олий таълим муассасаларида фан якунида) ўтказилади;
👉 талабаларнинг билими 5 баллик тизимда баҳоланади;
👉 тегишли фан бўйича ўқув машғулотларини олиб борган профессор-ўқитувчи якуний назорат турини ўтказишда иштирок этиши тақиқланади;
👉 оралиқ назоратни топширмаган ёки “2” баҳо олган талаба якуний назорат турига киритилмайди;
👉 якуний назоратга кирмаган ёки киритилмаган, шунингдек ушбу “2” баҳо олган талаба академик қарздор ҳисобланади;
👉 бир кунда 1 тадан ортиқ фан бўйича якуний назорат тури ўтказилмайди;
👉 баҳолаш натижасидан норози бўлган талабалар натижа эълон қилинган вақтдан бошлаб 24 соат давомида факультет декани томонидан ташкил этиладиган Апелляция комиссиясига апелляция бериш ҳуқуқига эга.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-26 16:15:58+00:00
Воқеа қандай бўлган?
Хабар қилинишича, ҳодиса кеча, 25 сентябрь куни содир бўлган. Уйнинг 10-қаватида яшайдиган болакай уйда ёлғиз қолган. У кўчага чиқмоқчи бўлган, аммо эшик ёпиқ бўлган. Шундан сўнг у ойнанинг ҳашоратлардан сақловчи тўрини йиртмоқчи бўлиб йиқилиб кетган ва карнизга осилиб қолган.
Одамлар осилиб турган болакайни кўриб, ёрдамга шошилишган. Гувоҳларнинг айтишича, 10-қаватга чиқиш фойдасизлигини англаб етишгач, адёл тутганча пастда туришган.
Бир қават пастда яшовчи қўшни Артем Карев эса тасодифан шовқинни эшитиб айвонга чиққан ва осилиб турган болани кўрган. Бола тушиб кетаётганда эса уни ушлаб қолган.
«Биринчи бор шундай ҳолатга тушишим. Яхшилаб ўрнашиб олиб қўлимни унга тўғриладим. У 15 сонияча осилиб турди ва тушиб кетди. У менинг қаватимгача уч метрча тушгунича уни муваффақиятли ушлаб қола олдим», — дейди Артем. Айтишича, ўша куни у учун дам олиш куни бўлган.
Бола қутқарилиши билан воқеа жойига ўт ўчирувчилар етиб келишган. Унга тиббий ёрдам кўрсатиш зарурияти туғилмаган. Бола ота-онасига топширилган.
Илтимос, ҳурматли ота-оналар, болаларни ёлғиз ва қаровсиз қолдириб кетманг.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-26 16:02:24+00:00
Кеча Қозоғистонда қаровcиз қолган 7 яшар болакай 10-қаватдан тушиб кетаётганда шукрки қўшниси ушлаб қолган!
Болаларни қаровсиз қолдирманг
Каналга уланиш
https://t.me/joinchat/AAAAAEe1KDC7Hm03UPVooQ
-
2018-09-26 08:43:05+00:00
Таълим сифатини назорат қилиш давлат инспекцияси: ОТМлар рейтинги бекор қилинмаган, Адлия вазирлигининг барча важлари ҳам ҳақиқатга тўғри келмайди
Таълим сифатини назорат қилиш давлат инспекцияси Таълим муассасалари миллий рейтинги бўйича қўшма қарор ижродан қайтарилганлиги бўйича берилган маълумотга ўз муносабатини билдирди.
Муносабатда айтилишича, ҳақиқатдан ҳам, Адлия вазирлиги томонидан қўшма қарор рўйхатдан ўтказилмаганлиги сабабли уни ижродан қайтариш бўйича кўрсатмалар берилган. Лекин Адлия вазирлигининг Таълим сифатини назорат қилиш давлат инспекциясига йўллаган расмий хатида, рейтинг методикаси, кўрсаткичларига нисбатан ҳеч қандай эътирозлар келтирилмаган.
Бундан ташқари, бир қатор ОАВлар томонидан рейтинг натижалари бекор қилиниши бўйича берилган хабарлар асоссиз эканлиги таъкидлаб ўтилган.
Шунингдек, Адлия вазирлигининг расмий сайтидаги хабарда ҳам рейтинг натижалари бекор қилинганлиги тўғрисида ҳеч қандай маълумот берилмаган.
Инспекция Адлиянинг хабарида берилган айрим жиҳатларга аниқлик киритган.
Биринчидан, расмий рейтингни белгилаш бўйича тегишли норматив-ҳуқуқий базанинг йўқлиги ҳақидаги важга Инспекция унча қўшилмайди. Чунки Вазирлар Маҳкамасининг 29.12.2012й.даги 371-сонли қарори билан ОТМларнинг рейтингини ҳисоблаш мезонлари тасдиқланган бўлиб, Давлат инспекцияси томонидан ҳисобланган рейтингнинг аксарият индикаторлари айнан шу қарорда мавжуд.
Қарорга ўзгартириш киритишдан олдин, жорий йилда тажриба-синов тариқасида рейтинг ҳисоблашган.
Иккинчидан, барча ОТМлар ҳам рейтинг расман нашр этилгунича ўтказилган тадқиқот ва рейтинг натижалари ҳақида хабардор бўлмаганлиги ҳам нотўғри.
Чунки Давлат инспекцияси 2018 йил январь ойида барча ОТМларга рейтинг индикаторлари ҳақида таклифлар сўраб мурожаат қилган.
Апрел ойида методика тўғрисидаги маълумотлар расмий сайт ва Фейсбукда эълон қилинган.
Рейтинг натижаларининг эълон қилинишидан 3 ҳафта аввал, Давлат инспекцияси томонидан расмий хат билан ҳар бир ОТМга уларга тегишли дастлабки хулосалар танишиш учун расман тақдим этилган ва ОТМларга эътирозлар бўлса асослантирувчи ҳужжатларни тақдим этиш имконияти берилган.
Учинчидан, рейтингда фоиз кўрсатгичларига эмас, сон кўрсатгичларига қаратилганлиги важи ҳам ҳақиқатга тўғри келмайди, демоқда Инспекция.
Рейтингни аниқлашда ОТМлар фаолиятидаги ютуқларнинг ҳар бир профессор-ўқитувчига ёки талабага тўғри келадиган улуши (%да) ҳисобга олинган.
Тўртинчидан, тадқиқот бир ёқлама ва фақат олий ўқув юртларнинг илмий-тадқиқот фаолиятини таҳлил этишдан иборат бўлиб қолганлигига ҳам қўшилиб бўлмайди.
Рейтинг тизимида профессор-ўқитувчиларнинг илмий фаолиятига 34%, ўқув-услубий ишлар ва ўқитиш сифатига 30%, талабалар билими ва битирувчилар сифатига 28%, фаолиятда АКТни қўллаш ва моддий-техник таъминланганликка 8% ажратилган. Кўриниб турибдики, тадқиқот фақатгина илмий-тадқиқот натижаларига асосланмаган.
ОТМлар рейтингини белгилашда белгиланган мезонлар халқаро тажрибаларга асосланган, хусусан Times Higher Education, QS World University Rankings, BGU, U-Multi rank каби халқаро рейтинг агентликларининг амалдаги индикаторларига мос келадиган индикаторлар миллий рейтингда ҳам мавжуд.
Таълим муассасалари рейтингини аниқлаш Вазирлар Маҳкамасининг 2017 йил 18 июлдаги 515-сонли қарори билан Таълим сифатини назорат қилиш давлат инспекциясига вазифа қилиб топширилган.
Шунинг учун, жорий йилда эълон қилинган натижалар ўз кучида қолишини маълум қиламиз, дейди Инспекция.
Бундан ташқари, рейтинг олий таълим тизимидаги ҳолатни акс эттирувчи кўзгу эканлигини ва унинг натижалари информатив характерда бўлишини эслатиб ўтамиз. Рейтинг натижалари ОТМларга нисбатан чора кўрилишини назарда тутмайди, улар фақатгина ОТМларга келгусидаги фаолиятини белгилашга ёрдам бериши мумкин, - дейилади расмий муносабатда.
P.S.: Давлат органларининг матбуот орқали мунозарага киришишини кузатиш қандай ажойиб. Адлиядан жавоб кутамиз :)
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-26 04:45:31+00:00
Муборак тумани ҳокими ёрдамчиси ва туман молия бўлими раҳбари қурилиш компаниясидан 21 млн сўм пора олаётганда қўлга тушди.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-25 15:49:04+00:00
Кун.уз мақоласи бўйича пахта завод директорига интизомий жавобгарликка доир иш қўзғатилди
Бугун Kun.uz сайтида "Бешариқда пахта пунктлари ҳосилни қабул қилмаяпти, фермерлар сарсон бўлмоқда" номли мақола эълон қилинган эди.
Мақолада Фарғона вилояти Бешариқ туманидаги фермер хўжаликлари томонидан терилган ҳосилни пахта тайёрлов масканлари қабул қилишда сунъий равишда сусткашлик қилишаётгани баён қилинганди.
Мазкур мақолада қайд этилган масала Фарғона вилояти прокуратураси томонидан ўрганиб чиқилган.
Бугунги кунгача Бешариқ туманида 670 тонна пахта қабул қилинган бўлиб, шундан 400 тоннаси Бешариқ пахта тозалаш заводи қошидаги пахта қабул қилиш масканига, 120 тоннаси "Рапқон" ва 150 тоннаси "Яккатут" қабул қилиш масканларига қабул қилинган.
Шунингдек, бугун соат 16-00 да завод қошидаги пахта қабул қилиш масканида пахта топшириш учун 39 та тиркамаларда 97 тонна, "Рапқон" масканида 4 та тиркамада 13 тонна, "Яккатут" масканида эса 6 та тиркамада 21 тонна ортилган пахталар мавжуд бўлиб, навбат асосида қабул қилинаётганлиги аниқланди.
Бундан ташқари 23 сентябрь куни завод қошидаги пахта қабул қилиш маскани томонидан 444 тонна пахта қабул қилиниб, 15 та тиркамадаги 38 тонна пахтани асоссиз равишда қабул қилишни рад қилганлиги учун завод директори К.Юлдашевга нисбатан интизомий жавобгарликка доир иш қўзғатилиб, кўриб чиқиш учун Фарғона "Пахтасаноаттерминал" АЖ раисига юборилди.
Келгусида бу каби сунъий навбатларнинг олдини олиш бўйича тегишли чоралар кўрилди.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-25 15:25:00+00:00
#Қонунчиликдаги_янгиликлар
Тошкент шаҳри ва Тошкент вилоятига доимий прописка қилиш тартиби такомиллаштирилди
Ўзбекистон Республикаси фуқароларини Тошкент шаҳри ва Тошкент вилоятида доимий прописка қилиш тартиби тўғрисидаги йўриқномага киритилган ўзгартиришлар Адлия вазирлигида рўйхатдан ўтказилди.
Ўзгартиришларга асосан, эндиликда доимий пропискага қўйиш учун турар жой, васийлик ёки ҳомийликни тасдиқлайдиган ҳужжатлар, никоҳ тузилганлик, туғилганлик тўғрисидаги гувоҳномалар нусхаларини нотариал тасдиқлатиш шарт эмас.
Рўйхатнинг 5-банди бўйича (пропискадаги шахсга уйланган ёки турмушга чиққан) пропискага киришда эр-хотиннинг камида бир йил биргаликда яшаётганлиги тўғрисидаги маълумотномани тақдим этиш талаби ҳам бекор қилинди.
Бундан ташқари, ўзгартириш билан Рўйхатнинг 5-банди бўйича (пропискадаги шахсга уйланган ёки турмушга чиққан) прописка қилинган шахс бир йил ичида никоҳи бекор қилинса олинган доимий пропискани йўқотиши белгиланди.
Шунингдек, ташкилот раҳбари илтимосномаси асосида доимий пропискага эга бўлган шахс, худди шундай илтимоснома киритиши мумкин бўлган бошқа ташкилотга ишга ўтган тақдирда, унинг пропискаси бекор қилинмайди.
Бунинг учун фуқаро бир ой муддат ичида иш жойидан берилган маълумотни ички ишлар органларига (паспорт столга) тақдим этиши лозим.
Пропискага кирган шахсларнинг оила аъзоларини пропискага киритиш тартиби ҳам аниқлаштирилди.
Хусусан, Рўйхатнинг 5-банди асосида (пропискадаги шахсга уйланган ёки турмушга чиққан) прописка қилинадиган фуқароларнинг олдинги никоҳидан ёки никоҳсиз туғилган фарзандлари (ўз оиласига эга бўлмаган) доимий прописка қилинади.
Худди шундай, Рўйхатнинг 9 – 12-бандлари (республика аҳамиятидаги ташкилотларга ишга кирган, сайланган шахслар) прописка қилинган фуқароларнинг улар билан бир вақтда доимий пропискани расмийлаштирмаган оила аъзоларини (эри, хотини, шунингдек ўз оиласи бўлмаган фарзандлари) доимий прописка қилиш, турар жой майдони мулкдорининг розилиги билан тегишли равишда амалга оширилади.
Ўзгартиришларга мувофиқ Рўйхатнинг 2-банди асосида (қариндошлик асосида) прописка қилинган фуқароларнинг қариндошлари (хотини ёки эри, ўз оиласига эга бўлмаган вояга етган болалар ҳамда эр-хотиннинг вояга етмаган болалари бундан мустасно) Тошкент шаҳри ва Тошкент вилоятига доимий прописка қилинмаслиги белгиланди.
Каналга уланиш 👇👇👇
https://t.me/huquqiyaxborot
-
2018-09-25 13:45:45+00:00
Мана шу 👆 қарор лойиҳаси тасдиқланибди ҳамда Қўқон шаҳрида Ислом Каримов номидаги Тошкент давлат техника университетининг Қўқон филиали ташкил этилди.
Фақат лойиҳадагидан айрим ўзгаришлар бор. Масалан, лойиҳада фақат Фарғоналик абитуриентлар дейилган бўлса, тасдиқланган вариантда Андижон, Наманган ва Фарғона вилоятларига ҳам амал қилади.
Бу нима дегани?
Андижон, Наманган ва Фарғона вилоятларида доимий прописка қилинган, республика ОТМларига қарорда белгиланган таълим йўналишларининг мос ва турдош таълим йўналишларига ҳужжат топширган ва тест синовлари натижаларига кўра ўқишга кира олмаган, бироқ тўплаган баллари энг юқори баллнинг 30 фоизи (56,7 балл)дан кам бўлмаган абитуриентлар ТДТУнинг Қўқон филиалига кириши мумкин.
Филиал Қўқон қурилиш ва иқтисодиёт касб-ҳунар коллежида ўз фаолиятини бошлайди. Коллеж ўқувчилари эса ўқишни битиргунларига қадар ўқув жараёнини Филиал биноларида давом эттиради. Яъни бир пайтда битта бинода ҳам ОТМ талабалари, ҳам коллеж ўқувчилари ўқишади.
Қолган ўзгаришлар йўқ. Ҳаммаси тепадаги постда ёзилгандай тартибга солинади.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-25 13:39:31+00:00
Қўқонда очиладиган Техника университетининг филиали ҳақида
Норматив-ҳуқуқий ҳужжатлар лойиҳалари муҳокамаси порталида “Ислом Каримов номидаги Тошкент давлат техника университети Қўқон филиалини ташкил этиш тўғрисида”ги Президент қарори лойиҳаси муҳокама учун жойлаштирилди.
Агар қарор тасдиқланадиган бўлса, унда Фарғона вилоятида доимий яшаётган (доимий прописка қилинган) ҳамда жорий йилда ОТМларга белгиланган 5 та йўналиш бўйича ҳужжат топшириб, тест синови натижаларига кўра ўқишга кира олмаган, бироқ тўплаган баллари энг юқори баллнинг 30% дан (56,7 балл) кам бўлмаган абитуриентлар мазкур Филиалга ўқишга қабул қилинади.
Жорий йилда квоталар фақат тўлов-контракт учун очилган, грант йўқ.
Кўпчилик савол йўллаб, абитуриент айнан қайси йўналишларга ҳужжат топширган бўлиши керак, дея сўрашмоқда. Булар қуйидагилар:
1) Электроника ва асбобсозлик (тармоқлар бўйича) - (шифр: 5310800);
2) Электр техникаси, электр механикаси ва электр технологиялари (тармоқлар бўйича) (шифр: 5310700);
3) Технологик машиналар ва жиҳозлар (тармоқлар бўйича) (шифр: 5320300);
4) Материалшунослик ва янги материаллар технологияси (тармоқлар бўйича) (шифр: 5320100);
5) Электрон аппаратуралар ишлаб чиқариш технологияси (шифр: 5321900).
Фақат мана шу йўналишга ҳужжат топшириб, ўқишга кира олмаган фарғоналик абитуриентларгина ТДТУнинг Қўқон филиалига киришлари мумкин.
Жами 125 та квота ажратилган.
Агар ўқимоқчи бўлганлар 125 тадан кўпроқни ташкил қилса, унда нима бўлади?
Бундай вазиятда ўқишдан неча балл олиб йиқилганига қаралади ва каттароқ балл тўплаганларга устунлик берилади.
Лойиҳадан англашиладики, ДТМ 15 августдан кейин шу 5 та йўналишларга ҳужжат топшириб йиқилган барча фарғоналик абитуриентларнинг рўйхатини баллар кетма-кетлигига риоя этган ҳолда Филиалга етказади. Уёғига Филиалдагилар энг юқори баллдан бошлаб, абитуриентлар билан боғланади. Юқори балл олганлардан кимдир ўқишни рад этса, унда кейинги ўриндаги абитуриентга имконият берилади. Тушунишимча, қабул шунақароқ тартибда бўлади.
Каналга уланиш: 👇
https://t.me/xushnudbek
-
2018-09-25 08:07:19+00:00
Ижтимоий тармоқларда роса "айланган" пахтага оид Телеграмдаги хабарнинг скриншоти ёдингиздами? Унда Ёшлар иттифоқининг бир тумандаги етакчиси ҳамма мактаб етакчиларини пахтага оммавий чақирган, агар эрталаб соат 7:00 га 1 тадан одам олиб кела олмаса, ўрнига 100 минг сўм пул беришни сўраган, топшириқни бажармаганлар дарҳол лавозимидан озод қилинишини огоҳлантирган эди.
Айни шу скриншот бўйича тегишли ташкилотлар суриштирув олиб боришди. Телеграмдаги хабар ҳақиқийлигини аниқланмади, бироқ бошқа қўшимча ҳолатлар маълум бўлган. Шу сабабли туман етакчиси Маъмурий жавобгарлик тўғрисидаги кодекснинг 51-моддаси (меҳнатга маъмурий тарзда мажбурлов) билан жавобгарликка тортилган.
Воқеанинг батафсил тафсилотлари билан бироздан кейин ўртоқлашишга ҳаракат қиламан.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-25 07:22:56+00:00
Махсус синовларсиз нострификация қилинадиган ОТМлар рўйхати янгиланди
Дунёнинг етакчи рейтинг агентликлари томонидан энг яхши олий таълим муассасалари рейтинглари янгиланганлигини инобатга олиб, янги ТОП-500 талик ОТМлар рўйхати шакллантирилди.
Янгиланган рўйхатга асосан махсус синовларсиз нострификация қилинадиган Қозоғистон ОТМлари 4 тадан 5 тага, Россия Федерацияси ОТМлари эса 13 тадан 15 тага ошди.
Батафсил рўйхатлар билан қуйидаги ҳаволалар орқали танишиш мумкин:
THE рейтинг бўйича 500 талик
ARWU рейтинг бўйича 500 талик
QS рейтинг бўйича 500 талик
💾 PDF файлда юклаш:
THE бўйича PDFни юклаш
ARWU бўйича PDFни юклаш
QS бўйича PDFни юклаш
Манба: tdi.uz
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-25 04:48:34+00:00
Газета.уз нашри "Ўзавтосаноат" раҳбари Шавкат Умрзоқов билан катта ва мазмунли интервью уюштирибди. Формати ҳам ажойиб. Ўқишли чиқибди жуда. Сизга ҳам илиндим.
https://www.gazeta.uz/ru/2018/09/24/umurzakov/
-
2018-09-24 20:09:20+00:00
Лука Модрич ФИФА версияси бўйича йилнинг энг яхши ўйинчиси бўлди. У ЖЧ2018да ҳам энг яхши бўлувди.
2008 йилдан буён 1-марта Роналду ёки Мессидан бошқа футболчи йил яхшиси бўлди.
Модрич - молодец!
-
2018-09-24 17:47:17+00:00
Кайфиятни кўтарамиз, личкага келган хат
#муштарийдан_мактуб
Охирги постингизни ўқиб, бир ҳазил эсга тушиб кетти:
Маҳалла оқсоқоли интервью беряпти:
Маҳалламизда ўтган йили ёшлар ўртасида ўғрилик жинояти ҳолати кўпайиб кетди. Биз буни олдини олиш мақсадида йиғилиш ўтказиб, ёшлар билан гаплашдик, улар ўғрилик қилаётганда бошқа қўлга тушмасликка ваъда беришди 😂
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-24 17:29:08+00:00
Менимча, келгусида ОТМлар рейтингини аниқлаётган пайти албатта коррупция ҳолатлари ҳам инобатга олиниши керак.
Масалан, жорий йилги "сезон"да ЎзМУдан бирданига 2 киши қўлга тушди. Дастлаб Демократик давлат қурилиш назарияси ва амалиёти кафедраси доценти Д.Х. сиртқи бўлимга киритишни ваъда қилиб, 6000 доллар олаётганда қўлга тушганди.
Бу воқеадан сал ўтиб, ЎзМУда ҳам проректор, ҳам декан лавозимида ишлаб келаётган (биттасида в.б. эди) А.Қ. ва унинг муовини магистатурага киритиб қўйишни ваъда қилиб, 2 минг доллар олаётганда қўлга тушганди.
@davletovuz каналининг баъзи манбаларга таяниб ёзишича, бу кимсалар азалдан шу ишни касб қилган. Кўплаб талабаларни “шилиб келишган”. Яъни талабаларни атайин “недопуск” қилишиб, маълум миқдорда — энг кам иш ҳақидан кўп — пул олиб келган.
ОТМлар рейтингида эса ЎзМУ 1-ўринда эканлиги эълон қилинган эди. Қанақа қилиб проректор, декан, замдекан, доцент даражасидаги ходимлари коррупционер бўлган ОТМ бунақа рейтингларда пешқадам бўлиши керак? Бу ақлга сиғмайдику.
Ўшанчун келгусида рейтинг тузишда бошқачароқ тизим ишлаб чиқиладиган бўлса, унда албатта коррупция жинояти аниқланган ҳар бир ҳолат учун ОТМларга катта жарима рейтинглари қўллашни йўлга қўйиш керак. Керак бўлса, 1-2 йилга рейтингдан четлатиш ёки кучли 50 таликка ҳам кирмайдиган қилиш керак уларни.
Албатта айтишингиз мумкин, порахўрлар ҳар бир (!) ОТМда борку, бунақада рейтингда ҳеч ким қолмайдику, деб. Аммо қўлга тушмаган ўғри эмас. Жарима очколарни аниқланган конкрет фактлар, очилган жиноят ишлари бўйича бериш мақсадга мувофиқ, менимча.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-24 16:27:46+00:00
Адлия вазирлиги тақдимномаси асосида ОТМлар рейтинги бекор бўлди
Хабарингиз бор, яқинда Вазирлар Маҳкамаси ҳузуридаги Таълим сифатини назорат қилиш давлат инспекцияси ва Олий ва ўрта махсус таълим вазирлиги томонидан республикамиздаги 57 та олий таълим муассасалари рейтинги тузиб чиқилган эди.
Бу рейтинг ижтимоий тармоқларда жиддий эътирозларга сабаб бўлгач, Адлия вазирлиги рейтинг белгилаш жараёнини ўрганибди ва қуйидаги жиддий нуқсонларни аниқлабди:
👉 рейтинг белгилаш бўйича норматив-ҳуқуқий база йўқ, яъни бирорта ҳуқуқий асоси белгиланмаган;
👉 2 ташкилотнинг қўшма қарори эса Адлия вазирлигида ҳуқуқий экспертиза ва давлат рўйхатидан ўтказилмаган. Шу боис, у юридик кучга эга эмас ва ҳеч қандай ҳуқуқий оқибатларга олиб келмайди;
👉 рейтинг натижаларини тузишда ноаниқлик ва ошкорасизлик бўлган;
👉 хусусан ОТМда дарс берадиган хорижий ўқитувчилар индикаторини ҳисоблашди ҳаттоки “бир кунлик”, “бир ҳафталик” хорижий мутахассислар ҳам ҳисобга олинган;
👉 рейтингда фоиз кўрсатгичлари эмас, сон кўрсатгичлари инобатга олинган. Бу ўз-ўзидан, кўп сонли факультетлар, педагоглар ва талабаларга эга бўлган ОТМларга устунлик берган;
👉 гарчи ОТМларнинг барча йўналишларини комплекс ва ҳар томонларма ўрганишда (ўқув жараёнини ташкиллаштириш, ўқув-услубий ҳужжатлар сифати, талабалар қониққанлиги, ишга жойлашиш даражаси, иш берувчиларнинг баҳоси) объектив тўсиқлар бўлмасада, тадқиқот бир ёқлама ва фақат ОТМларнинг илмий-тадиқот фаолиятини таҳлил этишдан иборат бўлиб қолган;
👉 барча ОТМлар ҳам рейтинг расман нашр этилгунича ўтказилган тадқиқот ва рейтинг натижалари ҳақида хабардор бўлмаган. Бу ўз навбатида, тадқиқотнинг айрим жиҳатларини кўриб чиқиш ва аниқлаш имконсизлигига сабаб бўлди;
👉 бундай ёндашув умумқабул қилинган халқаро стандартлар ва тамойилларга, хусусан, Рейтинг бўйича халқаро эксперт гуруҳи (International Ranking Expert Group, IREG) томонидан тасдиқланган Олий ўқув юртлари рейтингини белгилаш бўйича Берлин принципларига тўғри келмайди.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-24 13:41:21+00:00
Мининфоком 1 ой ичида Тошкент телеминораси устунларини бўяб, унга тунги ёритиш мосламалари ўрнатаркан. ЎзА
P.S.: 1 марта чиққанман, ўта расво ресторани бор тепада. Аммо Тошкент юқоридан жуда чиройли.
-
2018-09-24 06:30:41+00:00
Пахта йиғим-терими мавсумида терим отряди раҳбарларига отряд томонидан терилган 80 тонна пахта хом ашёси учун 1 миллион сўм ва 80 тоннадан ошган ҳар бир тонна пахта учун 50 минг сўмдан иш ҳақи тўланади. Терим отрядида 80-100 киши борлигини ва ҳар бир теримчи ўртача 70 килодан теради деб ҳисобга олсак, тахминан 2 ҳафтада отряд бемалол 80 тоннани териб қўяди.
Мабодо терим отряди мавсум давомида 80 тоннадан кам пахта терган тақдирда, отряд раҳбарларига иш ҳақи амалда терган пахта хом ашёси миқдорига мутаносиб равишда тўлаб берилади.
Эслатиб ўтаман, 1 кг пахта терганлиги учун теримчиларга биринчи теримда 650 сўм, 2-теримда 850 сўм, 3-теримда 1000 сўм иш ҳақи тўланади.
Аҳоли кам бўлган ҳудудлар учун терим пули янада кўпроқ белгиланган. Бунда 1-терим учун 950 сўм, 2-терим учун 1150 сўм, 3-терим учун 1300 сўм ҳақ тўланади.
Бу нарх қуйидаги ҳудудлар учун амал қилади:
Жиззах, Сирдарё, Тошкент вилоятларининг барча туманлари;
Қашқадарё вилоятининг Косон, Муборак, Нишон ва Касби туманлари;
Сурхондарё вилоятининг Қизириқ ва Музработ туманлари.
Ишсиз ёки асосий ишидан бўш вақтда теримда иштирок этган аҳоли пахта терими орқали бир ойда тахминан 2-3 млн сўм даромад қилиш мумкин. Бекорчиликдан кўра, бемалол ўйлаб кўришга арзийдиган ҳалол меҳнат бу. Кунига 25 соат, ҳафтасига 8 кун ишлаётган кўплаб давлат хизматчилари ҳам бунча ойлик олишмайди, масалан.
Ёки маҳаллалардаги уддабурон кишилар терим отряди ташкил этиб, қишлоғидаги, маҳалласидаги 80-100 нафар аҳолини тўплаб, битта отряд шаклида далаларда пахта теришни йўлга қўйса, юқорида айтилганидек, яна қўшимча ойлик ҳам олишлари мумкин.
Лекин буларнинг барчаси ИХТИЁРИЙ бўлиши керак.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-22 16:15:55+00:00
https://kun.uz/76128846
-
2018-09-22 10:53:03+00:00
Пахта ҳақида тушган мурожаатларни айни жойига чиқиб ўрганиш мақсадида Сирдарёга келдик.
Пахта жуда чиройли очилибди. Иш ўз йўлигаю, кечгача 50 кило пахта териб, 50 минг сўм пул ишлаб кетсаммикин 😀
-
2018-09-22 05:00:34+00:00
Коттон Кампейн қанақа ташкилот ўзи?
Юқоридаги хабарда роса Коттон Кампейн ҳақида гапирибману, у ўзи қанақа ташкилотлигини айтмабман. Коттон Кампейн - халқаро коалиция бўлиб, 2008 йили ташкил этилган. Унга 38 та ташкилот аъзо, улар орасида бизнес ва инвестицион компаниялар, меҳнат ва мустақил ҳуқуқ ҳимоячиларининг (правозащитники) ташкилотлари бор.
Масалан, «Хьюман Райтс Вотч», «Эзгулик», «Фридом Юнайтед» ва Ўзбек-герман форуми каби инсон ҳуқуқларини ҳимоя қилиш ташкилотлари бор.
Коттон Кампейн бир неча йиллардан буён пахта далаларида болалар ва мажбурий меҳнатнинг олдини олиш бўйича курашиб келади. Ўзбекистон ва Туркманистон уларнинг доимий “нишони”.
Ўзбекистонга бойкот ва мониторинг
Агар ёдингизда бўлса, 2009 йили Коттон Кампейн Ўзбекистоннинг текстиль ва пахта маҳсулотларига бойкот эълон қилиш чақириғи билан чиқди. Бойкотга 170 дан ортиқ жаҳоннинг машҳур брендлари ва компаниялар қўшилди. Улар орасида Adidas, Gucci, IKEA, Levi Strauss & Co, Nike, Yves Saint Laurent, Zara каби брендлар ҳам бор эди.
2013 йилдан буён ҳар йили Жаҳон банки, Халқаро меҳнат ташкилоти ва Ўзбекистон ўртасида учинчи томон мониторинги амалга оширилади, яъни Жаҳон банки молиялаштиради, ХМТ мутахассислари пахта мавсумида Ўзбекистон далаларида мониторинг ўтказади. Мана шу мониторинг бошланишининг сабабларидан бири ҳам Коттон Кампейннинг тинимсиз равишда Жаҳон банкидан Ўзбекистонга ажратиладиган кредит траншларини тўхтатиш ёки борини ҳам қайтариб олиш талабини қўйиши бўлган.
Коттон Кампейннинг тарихий ташрифи
Жорий йилнинг май ойида “Cotton Campaign” делегацияси биринчи марта Ўзбекистонга ташриф буюрди. Бу тарихий ташриф эди. Аммо минг афсуски ўзимизининг ОАВдан бу ҳақида маълумот берилмади (балки мен кўрмагандирман). Фақатгина “Америка овози” нашридан Навбаҳор Имомова ушбу ташриф ҳақида алоҳида репортаж тайёрлаганини кўрдим.
Энг қизиғи, Коттон Кампейннинг Ўзбекистонга ташрифи давлатимиз раҳбарининг АҚШ сафари олдидан бўлиб ўтган эди.
Ташриф давомида Коттон Кампейннинг йирик делегацияси (10 дан ортиқ аъзо) Ўзбекистондаги давлат ва нодавлат ташкилотларида учрашувлар ўтказди, мажбурий меҳнат ва пахта йиғим терими бўйича жиддий муҳокамалар бўлган эди.
Бугунги муносабат қандай?
Коттон Кампейн бугунги Ўзбекистонни илиқ қарши олмоқда. Бунга бир қанча сабаблар бор.
1-дан, Шавкат Мирзиёевнинг БМТдаги нутқи улар томонидан қўллаб-қувватланди;
2-дан, улар билан диалогга киришилгани, ҳамкорлик қилишга мойиллик билдирилгани. Ёдингизда бўлса, 2017 йил октябрь ойида Ўзбекистон ҳукумати 13-Халқаро пахта ярмаркасига Коттон Кампейн делегациясини ҳам таклиф қилганди. Лекин айрим сабабларга кўра, улар кела олишмаган. Мана, май ойида уларга расмий ташриф билан келишга рухсат берилди. Диалог – бу муаммонинг ярми ечилди дегани, менимча.
3-дан, охирги 1 йил ичида мажбурий меҳнатга чек қўйилишига оид ҳукуматнинг қатъий позицияси билдирилаётгани.
Юқорида айтганимдай, Коттон Кампейннинг Ўзбекистонга эътирозлари агрессивликдан анча юмшоқ характерга ўтган. Улар кўпроқ мавжуд муаммоларга тавсиялар беришни маъқул кўришмоқда. Чунки аввал айтилган тавсиялар уммонга отилган тошдек изсиз кетар эди, бугун эса уларни эшитишаётгани, улар билан мулоқот қилишаётгани вазиятни анча ижобий томонга ўзгартирган, лекин ҳозирча бутунлайга эмас.
Изоҳ: Суратда Коттон Кампейннинг Ўзбекистондан очилмайдиган сайтининг скриншоти
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-22 04:00:39+00:00
Пахта санкцияси ҳақида
Кеча ОАВда АҚШ Ўзбекистон пахтаси маҳсулотларини болалар меҳнати орқали етиштирилган маҳсулотлар рўйхатидан чиқаргани ҳақида хабарлар берилди. Шу ҳақида икки оғиздан сал кўпроқ гапирмоқчиман.
Бу анча олдин маълум бўлган ва расман эълон қилиниши кутилаётган хабар эди. Чунки ушбу қарорга эришиш осон бўлгани йўқ. Йиллар давомида тизимли равишда амалга оширилган ишлар самараси бўлди. Бу ҳақида гапирса гап кўп. Ўзбекистондаги мажбурий меҳнат ҳолати ва унга қарши курашиш йўли ҳақида бутун бошли илмий иш қилса бўлади.
2016 йил декабрь ойида Европарламентнинг Ўзбекистонга нисбатан қўйилган айрим санкцияларини юмшатиш ҳақидаги қароридан сўнг, кеча эълон қилинган АҚШ Меҳнат вазирлигининг "пахта амнистияси" аҳамияти жиҳатидан энг қувонарли хушхабар дейиш мумкин. Энди Ўзбекистон олдида “Cotton Campaign” (Коттон Кампейн) халқаро ташкилоти эълон қилган яна бир йирик санкцияни бекор қилиш вазифаси турибди.
АҚШ Меҳнат вазирлигининг қарори кутилган янгилик деганимнинг сабаби, агар сезган бўлсангиз охирги 2 йилда айнан мажбурий меҳнат ҳақида кўп гапирилмоқда. Масалан, ўтган йили Президент Шавкат Мирзиёевнинг БМТ минбаридан туриб “мажбурий меҳнат” иборасини алоҳида таъкидлаганини ўзи катта сигнал эди. Шунингдек, АҚШ сафари арафасида, сафар давомида ва ундан кейин ҳам бу бўйича қатор муҳокамалар бўлганди.
Июль ойининг охирида эса АҚШ Меҳнат вазирлиги Давлат департаменти ва АҚШ Миллий хавфсизлик вазирлигини билан ўтказган маслаҳатлардан сўнг, Ўзбекистонда пахта етиштиришда болалар меҳнатидан фойдаланиш камайган, деган хулосага келганди. Расмий ҳисобот эса кеча эълон қилинди.
Агар кимдир ғарб ОАВсини кузатган бўлса, Коттон Кампейн АҚШ Меҳнат вазирлигига мактуб юбориб, унда ҳукуматнинг болалар меҳнати ҳисобига етиштирилган маҳсулотлар рўйхатидан ўзбек пахтасини чиқариб юборгани қарорига нисбатан ўз норозилигини билдиргани ҳақида ҳам хабарлар тарқалганди (албатта бундай хабарларни бизнинг ОАВлардан топиш қийин).
Гарчи Коттон Кампейн АҚШ Меҳнат вазирлигининг қарорига қўшилмаслигини баралла айтаётган бўлсада, бу эътироз мазмунан эмас, кўпроқ формал характерга эга. Чунки Коттон Кампейннинг ўзи ҳам Ўзбекистонда болалар меҳнати хавфи аллақачон бартараф этилганини яхши англаб турибди. ХМТ ўтказадиган халқаро мониторингчилар 2014 йилдан буён болалар меҳнати юртимизда кун тартибидан олингани ҳақида хулоса бериб келади.
Сизу бизга сир эмас, бу қандайдир баландпарвоз гап ҳам эмас, ҳақиқатдан болалар меҳнати яккам дуккам ҳолатда айрим жойларда учрамаса, охирги 5 йил ичида буни деярли ҳеч қаерда кўрмаймиз. Асосий муаммо фақат мажбурий меҳнатда бўлиб турибди холос.
Савол туғилиши мумкин, нима учун бола меҳнати хавфи минимумга туширилганини 2014 йилдаёқ халқаро мониторингчилар айтган бўлса ҳам, АҚШ Меҳнат вазирлиги буни энди тасдиқлаяпти? Сабаби оддий, бу сиёсий тизим билан чамбарчас боғлиқ эди. Шунчалар ёпиқ эдикки, ҳаттоки халқаро мониторинг натижаларига ҳам шубҳа билан қаралар ёки катталарнинг мажбурий меҳнатининг аянчили аҳволининг тарозиси бу паллани ҳам босиб кетар эди.
Бугунга келиб, вазият ўзгаргач, АҚШ Меҳнат вазирлигининг кечаги қарори мантиқан бугунги ҳолатга мос келади. Юртимизда мажбурий меҳнат элементлари ҳам худди болалар меҳнати каби тугатилса ёки хавф минимум даражага туширилса, Ўзбекистонга қўйилган бошқа санкциялар ҳам яқин орада бекор қилинишидан умидвормиз. Хусусан, Коттон Кампейн санкциялари ҳам...
Бу бўйича ишлар олиб борилмоқда.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-21 12:37:38+00:00
Ўзбекистон илк марта Осиё ўйинларига мезбонлик қилиши мумкин
Ўзбекистон йирик спорт турнирларига мезбонлик қилишни режалаштирмоқда.
Бу ҳақда бугун, 21 сентябрь куни Осиё ўйинлари совриндорларини тақдирлаш маросимида қатнашган Ўзбекистон Республикаси бош вазири Абдулла Арипов маълум қилган.
«Kun.uz» мухбирининг хабар беришича, ҳукумат раҳбари тадбир якунида сўзга чиқиб, 20 сентябрь куни бўлиб ўтган йиғилишда президент Шавкат Мирзиёев томонидан шу тўғрисида топшириқ бўлганини айтган.
«Кеча, муҳтарам Шавкат Миромонович спорт мутасаддилари ва ҳукумат раҳбарлари билан ўтказилган йиғилишда келгусида йирик спорт кластери қуришга тайёргарлик кўриш ва бу кластер бизга жаҳон даражасидаги энг жиддий мусобақаларни ўтказиш имконини бериши кераклиги тўғрисида вазифа топширди», - дея маълум қилган Абдулла Арипов.
«Келгусида турли спорт турлари бўйича Осиё ва жаҳон чемпионатларини ўтказиш, шунингдек вақти келиб Осиё ўйинлари мезбонлиги учун курашиш бўйича топшириқ олганмиз», - дея қўшимча қилган Ўзбекистон бош вазири.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-21 11:45:00+00:00
Хайрия акциясига яна 5 млн сўм маблағ келиб тушди
3 кун олдин бир талаба укамизнинг контракт пулини хайрия ёрдамида тўлаганимиз ҳақида маълумот берган эдим. Буни қарангки, ушбу маълумотдан кейин хайрия акциясига келиб тушаётган пуллар миқдори кескин ошиб кетди ва 3 кунда салкам 5 млнга кўпайди.
Ва жами йиғилган пул ҳозирда 7 ярим миллион сўмни ташкил қилмоқда. Демак, яна уёқ-буёғи билан 1 млн сўмча маблағ йиғилса, бемалол яна 2 нафар эҳтиёжманд талабанинг контрактини тўлашга ёрдам бериш имконимиз бўлади, насиб қилса. Тез орада улар ҳақида ҳам маълумот бераман.
Барчанинг эҳсонларини даргоҳида қабул қилган бўлсин.
Қуйидаги пластик карточкасига 💳 эҳсонингизни ўтказишингиз мумкин:
8600 3104 0666 3526
(Алоқабанк)
Карта Хушнуд Худайбердиев номига очилган.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-21 10:37:00+00:00
Меҳнат ихтиёрий бўлиши керак!
Сизни пахта теримига чиқишга мажбурлашса ёки иш ҳақингиздан пул ушлаб қолишса, унда дарҳол 1092 ёки 71-200-06-01 ишонч телефонларига қўнғироқ қилинг.
-
2018-09-21 05:28:33+00:00
Журналистлар орасида дув-дув гап.
Кеча ОАВ соҳаси бўйича катта йиғилиш бўлибди. Йиғилишда иштирок этган журналистларнинг кайфияти чоғ. Айтишларича, соҳада катта ўзгаришлар бўлар экан. Журналистларга турли имтиёзлар, масалан, имтиёзли ипотека ва автокредитлар, Тошкентдан прописка (мана шу нарсани имтиёз дейишларини сира ҳазм қила олмайман) ва яна бошқа ҳуқуқлар берилиши кутилмоқда. Журналистларнинг муаммоларини ўрганадиган (тинглайдиган) ва ҳал қилишга ваколатли бўлган жамоатчилик тузилмаси ташкил этилиши ҳам мумкин. "Бизнинг кўксимизга ҳам шамол тегадиган кунлар бор эканку", - дея хурсанд юришибди журналистлар.
Хуллас, янгиликлар кўп дейишмоқда. Расмий хабарларни кутиб қоламиз.
Айтганча, кеча "Ахборот" дастури орқали халқимизга яхши таниш бўлган тележурналист Фарҳод Маҳмудов Президент маслаҳатчиси - Оммавий ахборот воситалари, маънавият ва маърифат, маданият, санъат ва ижодий ташкилотларни ривожлантириш масалалари хизматининг раҳбарига ўринбосар бўлгани хабар қилинган эди.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-21 05:15:48+00:00
Нафақат милиция ходимларига, балки прокуратура ходимларига ҳам пора таклиф қилманг!
«Агробанк»нинг Томди туман филиали собиқ бошқарувчисининг иши Бош прокуратура ҳузуридаги Департамент томонидан кўриб чиқилаётган бўлган. Собиқ банкир унга нисбатан жиноят иши қўзғатмаслик ва ишни ўз фойдасига ҳал қилиб бериш учун Департаментнинг Томдидаги бошлиғига 1000 доллар пора таклиф қилган. Ва охири шунинг 500 долларини бераётганида қўлга олинган.
Миробод туманида яшовчи Департаментнинг туман бўлими инспектори билан учрашиб, унинг бир қариндошига нисбатан жиноят иши қўзғатмай (унинг айби нималиги айтилмаган), ишни босди-босди қилиб юбориш учун 500 доллар пора таклиф қилган. У порани Департаментнинг Миробод туман бўлими биноси олдида бераётганида қўлга олинган.
Қўқондаги Департамент шаҳар ветеринария бўлимида қонунбузарликларга йўл қўйилганини аниқлаган — бундай ҳолатда, албатта, жиноят иши қўзғатмаса бўлмайди. Лекин шаҳар бош ветеринари ишни тинчгина ҳал қилиш учун Қўқондаги Департаментнинг бошлиғига 1 миллион сўм пора таклиф қилган. У пулни Департаментнинг Қўқон шаҳар бўлими биносига олиб келиб, шу ерда Департамент бошлиғига топширган. Сўнг унинг қўлига кишан уришган.
Пискентда бир новвойхона ноқонуний фаолият юритиб келаётган эди. Бош прокуратура ҳузуридаги Мажбурий ижро бюроси катта инспектори бу ҳолатни аниқлаган. Новвойхона эгаси эса газ ва электрга ноқонуний уланиб олгани, бу ҳолат бўйича далолатнома расмийлаштирилмаслиги ва ҳужжатларин тегишли тартибда рўйхатдан ўтказмаслик — хуллас, МИБ ходими ҳеч нарсани кўрмаган киши бўлиб, уйига тинчгина қайтиб кетиши учун 500 минг сўм пора таклиф қилган. Ва пора таклиф қилгани учун қўлга олинган.
Юқоридаги тўртта ҳолатнинг бари бўйича Жиноят кодексининг 211-моддаси 1-қисми («пора бериш») билан жиноят иши қўзғатилган. Агар улар айбдор деб топилса, ё камида 9,2 миллион сўмдан жарима тўлайди, ёки кўпи билан беш йилгача озодликдан маҳрум этилади. Кўриб турганингиздек, нафақат милиционерлар, балки прокуратура ходимларига ҳам пора бериш мумкин эмас.
https://t.me/joinchat/AAAAAD63OEHkQHOlfdglMg
-
2018-09-20 17:32:05+00:00
1-КУРС ТАЛАБАЛАРИ ДИҚҚАТИГА!
Давлат қабул комиссиясининг 2018 йилда 17 сентябрдаги 9-сонли баёнига мувофиқ ОТМларга жорий йилда бакалавриат ва магистратурага тўлов-контракт асосида талабаликка тавсия этилган абитуриентлар учун контрактнинг ярмини тўлаш муддати 15 сентябрдан 30 сентябрга қадар узайтирилди.
Манба: Олий ва ўрта махсус таълим вазирлигининг расмий телеграм канали
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-20 11:35:10+00:00
Журналист Фарҳод Маҳмудов Президент маслаҳатчисининг ўринбосари этиб тайинланди
Фарҳод Маҳмудов Оммавий ахборот воситалари, маънавият ва маърифат, маданият, санъат ва ижодий ташкилотларни ривожлантириш масалалари хизматининг раҳбарига ўринбосар бўлди. Бу ҳақида, Турон24 агентлиги хабар бермоқда (энди сиёсий янгиликларни ЎзАдан эмас, Турондан эшитамиз).
Аввал кўп йиллар Хайриддин Султонов бошчилик қилган ушбу Хизмат раҳбари лавозими ҳозирча вакант қолмоқда. Августда Хайриддин Султонов қайта ташкил этилган Президент Админстрациясида президентнинг спичрайтери этиб тайинлангандан сўнг, ушбу Хизматни вақтинча Абдужаббор Абдувоҳидов бошқариб келмоқда.
Фарҳод Маҳмудов бу "Барон" фильмида роль ўйнаган актёр эмас, "Ахборот" дастури орқали танилган машҳур тележурналист.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-20 08:46:12+00:00
Саналар ва дефис
Саналарни ёзиш пайти дефис (чизиқча)ни ишлатишда жуда кўп имло хатоларига йўл қўйилади. Хат-ҳужжатларда, кўчадаги баннерларда, ТВда, интернетда ва ҳ.к.
Айниқса лотин-кирилл ёзувида саналар икки хил ёзилиши ҳисобига ҳам шундай хатолар сони етарлича.
Фойдаси тегиб қолар деган мақсадда саналарни ёзишнинг имло қоидаси ҳақида маълумот бериб ўтмоқчиман:
1) Лотин ёзувида йил ва кундан кейин чизиқча қўйилади. Ҳар доим! Масалан: 2018-yil 20-sentabr, 1991-yil 31-avgust ва ҳ.к. Агар сиз «2018 yil» деб ёзсангиз, бу «икки минг ўн саккиз йил» деб ўқилади, «ўн саккизинчи йил» деб эмас.
2) Кирилл ёзувида саналардан кейин чизиқча қўйилмайди. Ҳеч қачон! Масалан, 2018 йил 20 сентябрь, 1991 йил 31 август ва ҳ.к. 2018-йил 20-сентябрь деб ёзманг, илтимос.
Қоида шу. Жудааа унақа мураккаб, Эйнштейннинг нисбийлик назариясига ўхшаган даҳшатли формулалар йўқ.
Атиги шу 2 тагина кичик қоидани эслаб қолсангиз, саналарни ёзишда хатога йўл қўймайсиз. Лекин минг афсуски, шундай оддий қоидаларга ҳам доим амал қилавермаймиз.
Эслатма: бу қоидалар саноқ сонларни ёзишда амал қилмайди, яъни 3-синф (учинчи синф) сўзи лотинда ҳам, кириллда ҳам чизиқча билан ёзилади.
P.S.: Рим рақамларидан кейин дефис қўйилмайди. Ҳеч қачон! На саноқ сон ёзишда, на сана ёзишда. Юқоридаги таълим кўргазмасининг баннерига ўхшаб, рим рақамларидан кейин чизиқча қўйсангиз, кулгига қоласиз.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-20 08:12:58+00:00
Биздаги таълим сифатининг аҳволини таълим кўргазмаларига кираверишдаёқ кўрса бўлади. Битта баннерда 10 га яқин хато, учта тилда ҳам.
Қани, ким кўп хато топаркин? 😃
-
2018-09-19 16:38:45+00:00
Ҳозир айни пайти бўлгани учун яна бир бор эслатаман: таълим кредити олиш ҳақидаги аризангиз банк томонидан 10 иш кунида кўриб чиқилиши керак.
Агар банк кредит беришни рад қилмоқчи бўлса, унда албатта ЁЗМА равишда жавоб бериб, рад қилишнинг асосини кўрсатиши шарт.
Агар банк етарли асосларсиз таълим кредити беришни рад қилган бўлса, кейинчалик банкнинг ёзма жавоби устидан тегишли тартибда шикоят қилиш ҳуқуқингиз пайдо бўлади.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-19 16:33:13+00:00
Таълим кредити ҳақида батафсил (2-қисм)
Қандай ҳужжатлар керак?
Таълим кредитини олиш учун банкка қуйидаги ҳужжатлар тақдим этилади:
а) ариза;
б) талаба ва ОТМ ўртасидаги шартнома (контракт);
в) маҳалладан яшаш жойи тўғрисида маълумотнома:
г) кредитни қайтаришнинг таъминланиши тўғрисида ҳужжат;
д) имтиёзли таълим кредитлари олиш ҳуқуқига эга бўлган шахслар тегишли тасдиқловчи ҳужжат.
Ариза қанча вақтда кўриб чиқилиши керак?
Ариза банк томонидан 10 иш кунида кўриб чиқилиши ва кредит шартномаси имзоланиши керак. Агар кредит берилмаслиги тўғрисида қарор қабул қилинган тақдирда аризачига кредит беришнинг рад этилиши сабаби кўрсатилган ёзма хулоса бериши лозим. Сизга шунчаки оғзаки рад жавоби беришларига йўл қўйманг. Албатта асосланган ёзма жавоб беришсин. Бу келгусида асоссиз рад қилинганлик учун шикоят қилиш ҳуқуқини беради.
Кредит қачон тўланади?
Таълим кредитлари бўйича маблағлар ҳар ярим йилда йиллик контракт миқдорини икки тенг қисмга бўлиш йўли билан ўтказилади. Бунда, 1-курслар учун 1-ярим йилликда 1 октябргача, 2-ярим йилликда 15 мартгача тўланиши мумкин. 2-курсдан бошлаб сентябрь ва март ойининг 5-санасидан кечиктирилмасдан тўланади.
Кам таъминланганлар учун имтиёз борми?
Кам таъминланган оилалардан бўлган талабалар учун кредит бўйича қўшилган фоизларнинг 50 фоизи туман Бандликка кўмаклашиш ва аҳолини ижтимоий муҳофаза қилиш марказлари томонидан Иш билан таъминлашга кўмаклашиш давлат жамғармаси маблағларидан тўланади.
Махсус сиртқи, кечки ва сиртқи таълим учун ҳам таълим кредити олса бўладими?
Низомга кўра, таълим кредити фақат кундузги бўлимларда ўқиётган талабаларга берилади. Шунга кўра, махсус сиртқи, кечки ва сиртқи бўлимлар учун таълим кредити ажратиш назарда тутилмаган.
Хорижлик фуқаролар ҳам таълим кредити олиши мумкинми?
Йўқ. Низомга кўра, таълим кредити фақат Ўзбекистон фуқароларига берилади. Фуқаролиги бўлмаган шахслар ҳам Низомда назарда тутилмаган.
Супер-контракт учун таълим кредити олиш мумкинми?
Йўқ. Бу ҳақида мана бу ерда батафсил ёзганман.
https://t.me/xushnudbek/777
Лекин банклар супер-контракт учун каттароқ фоизларда оддий кредит бериши мумкин. Буни ўзлари ҳал қилади.
Агар талаба талабалар сафидан четлатилса нима бўлади?
Агар талаба ўқиш даври тугамасдан талабалар сафидан ўчирилса, ОТМ раҳбарияти ректор (директор)нинг буйруғи чиққан кундан бошлаб 10 иш куни мобайнида бу ҳақда банкка хабар бериши керак, қарз олувчи эса ўз навбатида уч ой муддатда таълим кредити ва унга қўшилган фоизлар бўйича қарзларни тўлиқ қайтариши лозим.
Агар ОТМ ўз вақтида банкни огоҳлантирмаса нима бўлади?
Талабанинг талаба сафидан чиқарилиши ОТМ томонидан банкка ўз вақтида маълум қилинмаган тақдирда, ОТМ ушбу давр учун ҳисобланган фоизларни банкка тўлашга мажбур.
Фақат ушбу шартлар шартномада акс этган бўлиши керак.
Кредитни муддатидан олдин ёпса бўладими?
Ҳа, кредитни муддатдан олдин қайтариш мумкин.
Каналга уланиш: 👇
https://t.me/xushnudbek
-
2018-09-19 16:33:00+00:00
Таълим кредити ҳақида батафсил (1-қисм)
Ҳуқуқий асос: Вазирлар Маҳкамасининг 26.07.2001 йилдаги “Олий ўқув юртларида тўлов-контракт асосида ўқиш учун таълим кредитлари бериш тўғрисида”ги 318-сонли қарори
Кредит миқдори: талаба ва ОТМ ўртасида тузилган тўлов-контракт шартномаси миқдорида
Муддати: бакалавр босқичи учун - 10 йилгача, магистратура босқичи учун - 5 йилгача.
Фоизи: икки хил категория бўйича турли фоизларда берилади:
а) чин етимларга, “Меҳрибонлик уйлари”да тарбияланганларга ҳамда болаликдан I ва II гуруҳ ногиронларига - ноль фоиз ставкаси (фоизсиз кредит);
б) талабаларнинг қолган тоифаларига – Марказий банкнинг амалдаги қайта молиялаш ставкасидан юқори бўлмаган миқдорда (ҳозир 14%).
Кимларга берилади: ОТМларга тўлов-контракт асосида қабул қилинган талабаларнинг ўзларига, уларнинг ота-оналарига ёки васийларига.
Кредит таъминоти: кредит таъминоти сифатида қуйидагилардан бири ёки бир нечтаси тақдим этилиши мумкин:
а) мол-мулк ёки қимматли қоғозларни гаровга қўйиш;
б) банкнинг кафолати;
в) учинчи шахснинг кафиллиги;
г) суғурта компаниясининг қарз олувчининг кредитни қайтара олмаслиги хавфи суғурта қилинганлиги тўғрисидаги суғурта полиси;
д) фуқароларнинг ўзини ўзи бошқариш органларининг кафиллиги (фақат чин етимлар ва «Меҳрибонлик уйлари»да тарбияланганлар, болаликдан I ва II гуруҳ ногиронлари ва кам таъминланган оилалардан чиққанлар учун).
Каналга уланиш: 👇
https://t.me/xushnudbek
-
2018-09-19 13:55:19+00:00
27-28 сентябрь кунлари Президент Шавкат Мирзиёев Тожикистонга боради ҳамда Душанбе шаҳрида бўлиб ўтадиган МДҲ Давлат раҳбарлари кенгаши мажлисида иштирок этади.
-
2018-09-18 12:08:48+00:00
Ёдингизда бўлса, чин етим ва ижтимоий аҳволи оғир 1-2 нафар талабаларинг контрактини тўлашга кўмаклашиш мақсадида хайрия акцияси эълон қилган эдик.
Узкард муаммолари туфайли хайрияга пул тушиш ҳам тўхтаб қолди.
Лекин шундай бўлсада, ҳозиргача йиғилган пуллар ҳисобидан бугун бир талабанинг ярим йиллик контрактини тўлаб бердик.
Инсонпарварлик нуқтаи назаридан ушбу талабанинг шахсини сир сақлашни маъқул деб билдим. Лекин у ҳақида қисқача маълумот бераман.
21 ёшли талаба укамизнинг оталари 2010 йилда вафот этган экан. 2016 йилда ўзи истиқомат қилаётган вилоятдаги университетлардан бирининг талабаси бўлган, онаси иш жойидан ўғлининг контрактини бир амаллаб тўлаб келган. Лекин тақдир эканда, Аллоҳнинг яна бир синови дўстимизнинг бошига тушиб, 6 ой олдин оналари ҳам вафот этибди. Илоҳим, уларнинг жойларини жаннатдан қилсин.
Яна бир томони талаба укамиз оилада ёлғиз фарзанд экан, ака-ука ва опа-сингиллари йўқ, шу сабабли ҳозир ёлғиз яшамоқда.
Ҳар томонлама ўйлаб кўриб, бир нечта номзодлар орасидан ҳозирча ушбу йигитнинг контрактларини тўлашга қарор қилдик. Эҳсонларингизга рози бўласизлар.
Шунингдек, яна бир тадбир қилдик. Vlog.uz лойиҳасидаги дўстларимиз кўмаги билан талаба укамизга видеодарсларни бепул етказиш, 2-3 ойда унинг компьютер графикаси бўйича билимларини ошириб, уни иш билан таъминлаш ва мустақил доимий пул ишлаш имконини яратиш режалаштирилган. Зеро бир марталик эҳсон ўз йўлига, токи келгусида ҳам пулга муҳтож бўлиб қолмаслигига ҳаракат қиламиз.
Ҳозирча пластик картада 2 млн 500 минг сўм қолдиқ бор. Яна 2 млн атрофида пул йиға олсак эди, яна бир муҳтож талабанинг ярим йиллик контрактини тўлаш имконимиз бўлар эди.
Узкард ишлаб кетганда имкони борлар 5-10 минг сўм ўтказиб қўйишса, хурсанд бўлар эдим. Ўтказа олмаганлар эҳтиёжмандларни дуо қилиб қўйсин. Эҳсонларимизни даргоҳига қабул қилган бўлсин.
Қуйидаги пластик карточкасига 💳 эҳсонингизни ўтказишингиз мумкин:
8600 3104 0666 3526
(Алоқабанк)
Карта Хушнуд Худайбердиев номига очилган.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-18 10:41:49+00:00
Бухородаги автобусда пахта теримчилари эмас, балки маккажўхори сўтасини олишга кетаётган ишчилар бўлган
Бухородаги автобус фожиаси бўйича қўшимча маълумотлар аниқланди.
👉 Фожиада вафот этган ҳамда жароҳат олганлар 26 нафар фуқароларнинг рўйхати эълон қилинди.
👉 Айрим мустақил манбалар хабар тарқатганидек, ушбу автобусда пахта теримчилари бўлган, деган гап ўз исботини топмади. Аниқланишича, Қоровулбозор туманидаги “Рахмон Ахмад” фермер хўжалиги раиси Р.Ахмедов Вобкент тумани “Пушмон” МФЙ, “Хайрабодча” қишлоғида яшовчи Г.Розиқова томонидан 25 нафар фуқаролардан иборат қишлоқ хўжалиги ишларига жалб қилиш учун ташкил қилинган мавсумий мадад гуруҳи билан фермер хўжалигида экилган маккажўхори сўтасини олиш учун Вобкент туманидан Қоровулбозор туманига олиб кетаётган вақтда ушбу ҳодиса содир бўлган.
👉 “Вобкент Гулшани” МЧЖга тегишли бўлган, ISUZU русумли 80 Y 120 КА давлат белгили автобус Когон туманидаги “ZELICH OIL GAZ” метан газ қуйиш шохобчасидан ёқилғи қуйиб, тахминан 700 метр масофа юргандан сўнг автоулов газ балони портлаган.
👉 2018 йилнинг ўтган даврида “ZELICH OIL GAZ” метан газ қуйиш шохобчасида автотранспорт воситаларига газ қуйилганидан сўнг содир этилган шу каби бахтсиз ҳодисалар сони 2тани ташкил қилиб, бугунги ҳолат учинчиси ҳисобланади. Жумладан, 2018 йил 2 февраль куни худди шу газ заправкадан газ қуйган "Матиз" портлаб кетиб, эру хотин вафот этган бўлса, 2018 йил 26 август куни газ қуйиб, ўттиз километрча масофада йўл босиб, автомашинани ўзи яшайдиган уй олдига келтириб қўйганидан сўнг портлаб кетган. Ушбу жараёнда бирор киши жароҳат олмаган.
👉 “Zelich oil” метан газ қуйиш шохобчасида автомобилларга ёқилғи қуйиш нормаларига риоя қилиниши аҳволини ўрганиш борасида, мутахассислар жалб қилиниб, ўрганишлар олиб борилмоқда.
👉 Вафот этганларнинг оиласига 10 млн. сўмдан, оғир тан жароҳати олганларга 5 млн. сўмдан ва қолган жароҳатланганларга 2 млн. сўмдан моддий ёрдам пуллари ажратиб берилди.
👉 Бугунги фожиа юзасидан 18.09.2018 йилда вилоят ИИБ ТБ томонидан Ўзбекистон Республикаси ЖКнинг 259-моддаси 2-қисми “а”, “б” бандлари билан жиноят иши қўзғатилиб, дастлабки тергов ҳаракатлари вилоят ИИБ ТБ зиммасига юклатилиб, вилоят прокуратураси томонидан назоратга олинди.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-18 07:56:24+00:00
Бугун эрталаб соат 08:30ларда Бухоро вилояти Когон тумани ҳудудидан ўтувчи Бухоро-"Қоровулбозор" магистрал йўлида 26 нафар йўловчиси бўлган автобуснинг йўл транспорт ҳалокатига учраши ва газ баллони портлаши оқибатида 4 киши воқеа жойида, 1 киши эса касалхонада вафот этди.
5 нафар оғир бемор РШТЁИМ Бухоро филиалига ётқизилди. 7 нафар беморнинг аҳволи ўрта оғирликда, 9 нафарининг аҳволи енгил бўлиб, улар Когон шаҳар тиббиёт бирлашмаси шошилинч тез тиббий ёрдам бўлимига ётқизилган.
Жароҳатланганларга шошилинч ёрдам кўрсатиш учун барча зарурий чоралар кўрилиб, РШТЁИМ дан хирург, нейрохирург ва реаниматолог мутахассислари санавияция тармоғи орқали юборилди.
Ҳозирда жабрланганларнинг шахси тўғрисидаги маълумотлар аниқланмоқда.
Автоҳалокат сабабларини ўрганиш бўйича Ҳукумат комиссияси тузилди.
Ҳалок бўлганларнинг оилаларига ҳамдардлик билдираман.
Матн: ЎзА
Фото: Bukhara info
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-18 06:13:55+00:00
Жанубий ва Шимолий Корея президентлари. Пхеньян.
Охирги 11 йилда Жанубий Корея президентларининг шимолга илк ташрифи. Дунёда тинчлик бўлсин.
-
2018-09-17 14:31:01+00:00
Қайси ташкилот бўлишидан қатъи назар пахтага чиқмаган ходимларни пахтага чиқмагани учун ишдан бўшатиш бу - қонунга хилоф! Улар албатта ишга тикланади!
Видеода Сурхондарёдаги аниқ мисол кўрсатилган.
-
2018-09-17 05:34:22+00:00
Пахта бўйича энг кўп берилаётган саволлар:
Пахтага чиқиш мажбурийми?
Йўқ, мажбурий эмас! Мажбурий бўлиши мумкин ҳам эмас!
Пахтага ўрнига одам бериш мажбурийми?
Йўқ, мажбурий эмас! Мажбурий бўлиши мумкин ҳам эмас!
Пахтага пул бериш (ёки ойлигидан ушлаб қолиш) мажбурийми?
Йўқ, мажбурий эмас! Мажбурий бўлиши мумкин ҳам эмас!
Пахтага чиқмаслик фақат ўқитувчи ва шифокорларгами, бошқа ташкилотлар чиқишадими?
Йўқ, барчага мажбурий эмас. Қаерда, қайси ташкилотда, қайси лавозимда ишлашидан ёки ишсизлигидан қатъи назар.
Тадбиркорлар пахтага пул беришга мажбурми?
Йўқ, мажбур эмас. Буни талаб қилишга ҳеч кимнинг ҳаққи йўқ. Ўзи истаганлар пахта теримининг ташкилий ишлари учун хайрия қилиши мумкин.
Банкдагилар ўрнига одам беришга мажбурми?
Йўқ, мажбур эмас. Буни талаб қилишга ҳеч кимнинг ҳаққи йўқ.
Маҳалладаги ишсизлар пахтага чиқишга мажбурми?
Йўқ, мажбур эмас. Лекин уйида ғирт бекорчи бўлиб, эртадан кечгача телевизор кўриб ётгандан кўра, ўз ихтиёри билан чиқиб, қўшимча даромад олиш мақсадида пахта теримига чиқиши тавсия этилади. Меҳнатдан биров ўлмаган, қайтанга 2-3 млн атрофида даромад олиши, рўзғорига фойда келтириши мумкин. Албатта бу ҳам фақат ихтиёрий бўлиши керак.
Пахта теримига чиқмоқчи бўлганларга қаерга мурожаат қилиши керак?
Ўз ихтиёри билан пахтага чиқмоқчи бўлганлар Бандлик ва меҳнат муносабатлари вазирлигининг ҳудудий бўлимларига ёки 712000602 телефон рақамига мурожаат қилишлари мумкин. Ёки Телеграмдаги @terimuzbot ботига ёхуд terim.uz сайтига мурожаат қилиши мумкин.
Пахтага чиқмаган ходимларни ишдан бўшатиш мумкинми?
Мумкин эмас. Бундай ҳолатда ходимлар қайта ишга тикланади.
Маҳалла раиси пахтага чиқмаган аёлларнинг нафақасидан пул ушлаб қолиши мумкинми?
Йўқ, мумкин эмас. Айрим ҳолларда маҳалла раиси пахтага чиқмасанг, бутунлай нафақангни қирқиб ташлайман, деб ҳам қўрқитади, мана шу талаб ҳам қонунга хилоф.
Шифокорлар пахтага чиқариляптику!?
Ҳа, шифокор ва ҳамширалар пахтага чиқарилаётган экан, лекин пахта териш учун эмас. Ўз хизмат вазифасидан келиб чиқиб, теримчилар отрядига шифокор ва ҳамширалар хизмат сафари тарзида бириктирилмоқда, улар теримчиларнинг соғлиғини доимий назорат қилиб туришади, зарур бўлганда биринчи тез тиббий ёрдам кўрсатишади. Бу мажбурий меҳнат ҳисобланмайди.
1 кг пахта тергани учун қанча ҳақ берилади?
Умумий ҳолатда 1-терим учун 650 сўм берилади. Аҳоли кам бўлган айрим ҳудудларда эса 1-терим 950 сўм қилиб белгиланган.
Батафсил маълумотни қуйидаги манзилдан олишингиз мумкин:
https://t.me/xushnudbek/992
Агар мажбурий меҳнат ҳолатига дуч келинса, қаерга мурожаат қилиш мумкин?
Агар мажбурий меҳнатга жалб қилинсангиз қуйидаги ишонч телефонларига мурожаат қилишингиз мумкин:
Бош прокуратура - 1007
Касаба уюшмалари - 1092
Меҳнат вазирлиги - 712000600
Ёки @paxta2018_bot ботига ёзишингиз, овозли хабар қолдиришингиз мумкин.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-17 02:55:06+00:00
Узр, ҳали барча операцияларни бажариш имкони йўқ экан. Ҳозирча фақат картадаги ҳисобни кўрсата бошлади. Қолган фаолияти ҳам тўлиқ тикланади деган умиддамиз.
-
2018-09-17 02:43:38+00:00
Uzcard тизими яна ишлай бошлади.
-
2018-09-16 18:19:28+00:00
#Пахта2018
@paxta2018_bot ботига кўплаб хабарлар келиб тушмоқда. Уларнинг аксарияти саволлардан иборат, лекин муаммолар ҳам кам эмас. Муаммо ва мажбурий меҳнатга оид хабарлар жойларда ўрганиб чиқилмоқда.
Масалан, шундай хабарлардан бири асосида Наманган шаҳар прокуратураси томонидан жорий йилнинг 14 сентябрь куни Наманган шаҳар «Чорсу деҳқон универсал бозори» АЖда 2018 йил пахта йиғим терими учун мажбурий меҳнатга жалб қилиш ҳолатлари ва терим учун мажбурий пул йиғимлари йиғиш ҳолатлари текширилди.
Текширувда, деҳқон бозори ҳудудида савдо қилувчи тадбиркорлар, назоратчилар ва АЖ маъмуриятининг ходимлари билан суҳбатлар ўтказилганда, савдогарлардан пул маблағлари йиғилмагани ва мажбурий меҳнатга жалб қилинмагани, фақатгина бозор маъмурияти томонидан пахта йиғим терими мавсумида ихтиёрий равишда қатнашиши мумкинлиги, уларга тўланадиган иш ҳақи ва бошқа шароитлар ҳақида тушунчалар берилгани аниқланди.
Шунингдек, шаҳар прокуратураси томонидан профилактик суҳбатлар ўтказилиб, уларга пахта йиғим терими учун мажбурий меҳнатга жалб қилиш ва пул йиғиш мумкин эмаслиги таъкидланиб, шундай ҳолатлар юзага келган тақдирда белгиланган тартибда ҳуқуқни муҳофаза қилувчи органларга хабар берилиши лозимлиги тушунтирилди.
Бундан ташқари, «Чорсу деҳқон универсал бозори» АЖ томонидан пахта йиғим терими учун бозор ҳудудида савдо қилувчи савдогарлардан пул маблағлари йиғиш ва уларни мажбурий меҳнатга жалб қилиш ҳолатларига йўл қўймаслик хусусида АЖнинг раҳбари, ўринбосари ва назоратчилари расман огоҳлантирилди.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-16 12:51:04+00:00
Обрў мисқоллаб йиғилади, ботмонлаб сочилади. Тарих ушбу ҳақиқатни кўп бора исботлаб берган. Халқнинг нафратидан Ўзи асрасин.
-
2018-09-15 17:50:36+00:00
Кеча @daryo_live’да ибратли бир хабар чиққанди: Хитойдаги рестораннинг шўрвасидан каламуш чиққан (пашша эмас, суварак эмас — бус-бутун каламуш!), ҳомиладор хўранда бунинг учун изоҳ сўраганида, ресторан ходимлари: “Мабодо ҳомилангиздан хавотир олаётган бўлсангиз, уни аборт қилиш учун 4000 доллар беришга розимиз”, деб айтган. Бу гап элга овози бўлиб, ҳалиги ресторанга эгалик қилувчи компаниянинг акциялари баҳоси 11 фоизга тушиб кетган. Яъни, компания атиги бир неча кун ичида 190 миллион доллар йўқотган. Таққослаш учун — Жиззахда қурилаётган ва “Газель”ларнинг кушандасига айланиши кутилаётган автозаводнинг нархи тахминан 190 миллион доллар.
Бугун Ўзбекистонда бир неча соатдан бери пластик карталар қовоққа айланиб қолган — на тўлаб бўлади, на пул ечиб бўлади. Чунки Ўзбекистондаги барча миллий пластик карталарга битта компания — UzCard хизмат кўрсатади. Компания муаммо борлигини ва уни қўлидан келганича, имкон қадар тез тузатишга ҳаракат қилаётганини айтди, лекин бунга қанча вақт кетишини, афтидан, ўзи ҳам билмайди. Шунинг учун ҳам @kurbanoffnet айтаётган гаплар, ёзаётган саволлар тўғри. Ростдан ҳам — ўзи нега мамлакатнинг бутун бошли чакана тўлов инфратузилмаси битта операторга боғланиб қолган? Нега ҳар сафар миллионлаб одамлар ишламайдиган картасини соатлаб бурнига тиқиб ўтириши керак?
Ҳа-я, юқоридаги, Хитой билан боғлиқ хабарга нима алоқаси бор пластик карталарнинг ишламай қолганини? Алоқаси йўқ, шунчаки, фикр бор: агар UzCard’дек миллионлаб мижози бор компания ҳам акциядорлик ширкати бўлганида эди, унинг акциялари, дейлик, каттароқ ва очиқроқ бир биржада айланганида эди, худди ўша Хитойдаги ресторанники каби, бугунги форс-мажордан сўнг унинг акциялари баҳоси 11 фоиздан кўпроққа қадрсизланган бўларди, атиги бир неча соат ичида. Акциялари қадрсизланиб кетиши хавотири билан яшайдиган очиқ компаниялар эса ҳар доим эҳтиётини қилиб юради. Тўғри, баъзида кичик бир каламуш панд бериши мумкин, лекин аксарият ҳолатларда эҳтиётини қилади. Уларни қандайдир солиқ қўмиталари ҳам назорат қилиши шарт эмас — бозор ва жамоатчилик бемалол, ўзи хоҳлаганидек назорат қилаверади.
https://t.me/joinchat/AAAAAEG2GQMHhMdalJO5IQ
-
2018-09-15 08:42:18+00:00
Ёдингиздами, каналим орқали пора берувчиларга қарши расмий эълон қилинмаган жанг бошлангани ҳақида ёзган эдим.
https://t.me/xushnudbek/920
Агар мабодо ОАВда пора берувчилар қўлга тушгани ҳақида хабарлар кўпайиб қолса, ҳайрон бўлманглар, дегандим. Мана, ҳақиқатдан охирги 20 кунда терговчиларга, милиционерларга, йўл-патрул хизмати ходимларига ва бошқа мансабдорларга пора беришга уринган фуқаролар қўлга тушаётгани ҳақида ўнлаб хабарлар чиқди.
Аввалги чақириғимни яна такрорлайман:
Ҳурматли пора беришга мойил бўлган шахслар, вақт борида эсингизни йиғинг!
Пора билан ишимни битираман деб, умрингизни маълум қисмини қамоқда ўтказманг!
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-15 08:38:34+00:00
Пора берувчиларни қўлга тушириш ишлари давом этмоқда
Вобкентлик Ш.Х. жамоат жойида спиртли ичимлик ичгани учун милиция томонидан ушланган, унга нисбатан маъмурий баённома расмийлаштирилган. Ш.Х. «шу ишларнинг нима кераги бор, яхшиликча келишайлик», деган-да, 11 сентябрь куни маъмурий баённомани ҳам, иш бўйича тўпланган ҳужжатларни ҳам йўқ қилиб бериш эвазига милиция ходимига 50 минг сўм пора таклиф қилган. Милиционер Ш.Х.ни нима деб умидлантирганини билмаймиз, лекин 50 минг сўмни олишдан аввал бу ҳолат ҳақда раҳбарига ахборот берган. Шу боис Ш.Х. милиция ходимига 50 минг сўм пулни унинг хизмат хонасида бераётган вақтида қўлга олинган.
11 сентябрь куни Чироқчи туман ИИБ ходимига Кишмиштепа маҳалладан Ж.Т. мурожаат қилиб, бир «ишкали» борлиги, шуни ҳал қилиб беришни илтимос қилган ва бунинг эвазига милиционерга 450 минг сўм таклиф қилган. Бу ҳолатда ҳам милиционер иши ҳал бўлишидан умидвор инсонга нима деганини билмаймиз, лекин ИИВ ахборотига кўра, у бу ҳақда ўз раҳбарига ахборот берган. Шу боис Ж.Т. 12 сентябрь куни, ходимга 450 минг сўм пулни унинг хизмат хонасида узатаётган вақтида қўлга туширишган. Ҳар икки ҳолат юзасидан жиноят ишлари қўзғатилган, тергов ҳаракатлари олиб борилмоқда.
Самарқандлик 29 ёшлик Шероз машинани бошқариш вақтида телефондан фойдалангани учун 12 сентябрь куни Тошкентда йўл инспектори томонидан тўхтатилган. Шероз «ака, қўйинг, келишайлик», деяверган, милиционер эса келишмаслигини, барибир маъмурий баённома расмийлаштиришини билдирган. Шунда, милиционер баённомани тўлдираётганида, ҳайдовчи 28 минг сўм пулни инспекторнинг машинасига ташлаб қўйган. Ушбу ҳолат бўйича Жиноят кодесининг 211-моддаси («пора бериш») бўйича жиноят иши қўзғатилган — Шероз энди ё салкам 10 миллион сўмгача жарима тўлайди, жуда аксига олса, беш йилгача озодликдан маҳрум этилиши ҳам мумкин. Атиги 28 минг (йигирма саккиз минг) сўмни деб — ёмон-а?
Авваллари нуқул пора олган ходимлар (нафақат милицияда) қўлга тушгани ҳақида ўқирдик. Энди пора бераётганлар ҳам қўлга олинаётгани ҳақида кунда-кунора хабар бериляпти (айтишларича, кейинги икки ой давомида милиционерларга пора бермоқчи бўлган 20 яқин фуқаро қўлга олинган). Сабаби оддий — ҳуқуқ-тартибот органларида пора берувчиларга қарши жанг бошланган. Пора берувчи фуқароларни тутиб берган ходимларга эса моддий ва маънавий рағбатлантириш, лавозимлар ҳам ваъда қилинган. Мана, куни кеча Бухорода уч пора берувчини тутиб берган уч милиционерга мукофот пуллари тарқатилди. Шундай экан, «ишкал ишимни пули (пораси)ни бериб ҳал қиламан», деб қопқонга тушиб қолманг.
https://t.me/joinchat/AAAAAD63OEHkQHOlfdglMg
-
2018-09-15 06:43:48+00:00
#носталжи
Апрель ойидаги хабардан парча:
"Адлия вазирлиги Инсон ҳуқуқларини ҳимоя қилиш бошқармаси бошлиғи в.б. Шаҳноза Якубджанова журналистларнинг ҳаракатларига баҳо бериб, қонунчилик талабларига риоя қилиш лозимлигини таъкидлаб ўтди.
«Сўзсиз, ўсиб келаётган авлод келажаги учун, уларни бой тарихий-маънавий қадриятлар руҳида тарбиялаш муҳим. Шу билан бирга, одоб-ахлоқ қоидалари жамиятда фуқароларнинг дунёқараши, эътиқоди, шахсий фазилатлари ва бошқа омиллардан келиб чиқиб шаклланади. Адлия вазирлиги тарбия муҳимлигини, лекин бу инсон ҳуқуқларининг узилиши ҳисобига эришилишига йўл қўйиб бўлмаслигини қайд этади», — дейилади Шаҳноза Якубджанова баёнотида.
Адлия вазирлиги ОАВ вакилларига фуқароларнинг шахсий ҳуқуқ ва эркинликларини ҳурмат қилиш, инсон ҳуқуқлари олий қадрият эканини инобатга олишга чақирди.
Адлия вазирлиги келгуси кўрсатувларни тайёрлашда қонунчилик талабларига риоя этиш зарурлигини таъкидлаб ўтди."
Иқтибос тугади.
ШАХСИЙ ФИКРИМ:
Суд ҳукми чиқмагунгача ҳатто энг оғир жиноят (масалан, одам ўлдириш) содир этганликда гумон қилинаётган учига чиққан рецедивист жиноятчиларнинг ҳам юзини ОАВда очиқ кўрсатиш мумкин эмас, масалан. Чунки у ҳали гумон қилинмоқда, айби тўла исботлангани йўқ, шунинг учун унинг юзини халққа жиноятчи сифатида кўрсатиб бўлмайди. Мабодо эртага оқланса ва унинг айби исботланмаса, барибир халқнинг катта қисми уни жиноятчи сифатида қабул қилаверади, ҳаммага "мен оқландим", деб айтиб чиқолмайдику. Ўша инсоннинг оиласи, фарзандлари, яқинлари олган руҳий зарба, яъни маънавий зарарни эса ҳеч қандай оқлов ёки пул билан тиклаб бўлмайди.
Бу ҳали инсоннинг юзи ҳақидаги талаб. Ҳаттоки инсон ҳуқуқлари нуқтаи назаридан исм-шарифини эълон қилиш ҳам мумкин эмаску. Бўлмаса худди шу фамилияли одамлар тиқилиб ётибди, лекин барибир исм-фамилия хабарларда берилмаслиги керак, қисқартирилган ёки ўзгартирилган шаклда бериш мумкин.
Бу гаплар ўта оғир жиноят содир этган жиноятчилар ҳақида кетмоқда. Энди Сиз худди шу ҳолатни ҳеч қандай жиноят ёки қонун бузилиш ҳолатига йўл қўймаган оддий ўқитувчилар мисолида тасаввур қилиб кўринг.
Гап унинг кийими тўғри ёки нотўғрилигида эмас. Калта ёки узунлигида ҳам эмас. Гап ўзи умуман формада эмас (ростдан жонга тегди шу форма можароси).
Гап ИНСОННИНГ ШАЪНИ, ҚАДР-ҚИММАТИ ҳақида!
Ҳой, одамлар, ўша ўқитувчи ёки ўқувчи - инсон! У шахс! У эркин фуқаро!
Шу мавзу доирасида шунақанги пойинтар-сойинтар изоҳлар, тушунтиришлар берилмоқдаки, на кулишни, на йиғлашни билмайсан.
Масалан, шулардан бири - нима эмиш, ўша ўқитувчининг исми эълон қилинмаган эмиш. Исмини эълон қилмасдан расмини ёки тасвирини берса бу инсон ҳуқуқларининг поймол бўлиши ҳисобланмасмиш... Мантиқни қаранг.
Яхши, унда мен худди шу репортаж тепасида турган инсонларнинг расмини эълон қилиб, исм-фамилиясини ёзмасдан хоҳлаган гапимни гапиришим мумкинми? Ғинг дейишса, Сизнинг исмингизни айтмадимку ҳеч қаерда, фақат расмингизни қўйганман, десам бўладими? Абсурд, хуллас.
Ээээээнг алам қиладигани, ёш болачаларни, муҳтарам устозларни оммага худди жиноятчидай қилиб, орқа фонда ваҳимали овоз билан матн ўқиб, уларни маънавиятсизга чиқараётганлар бу ишларини бемалол яна давом эттиришлари мумкин ва қаерда хатога йўл қўйганларини, халқ нима учун норози бўлаётганини тан олмасдан "меники тўғри, тушундингми, сенинг фикринг эса мен учун бир тийин" принципида давом этишади, катта эҳтимол билан. Бу ачинарли, жуда ачинарли...
Буларнинг барчаси албатта ИМҲО.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-15 06:08:54+00:00
Мажбурий меҳнатга қарши биргаликда курашамиз!
❗️Янги лойиҳа: ПАХТА-2018!
Сўнгги вақтларда мажбурий меҳнатга қарши кураш ҳақида кўп ва хўб гапириляпти. Президент ва ҳукуматнинг мажбурий меҳнатга кескин қаршилиги, унинг олдини олиш бўйича чиқарган қарорлари қувонарли албатта.
Аммо бу қарор жойларда қандай ижро этилмоқда?
Ўзбекистонда мажбурий меҳнат бутунлай йўқолди, деб баралла айта оламизми?
Йўқ, менимча! Ҳалиям ҳоким ва бошқа тўралар эски тос, эски ҳаммом қабилида юрганини эшитиб турибмиз.
Бунга қарши Сиз ва биз, биргаликда курашишимиз керак! Жамоатчилик назорати орқали мажбурий меҳнатга фақат қоғозда ёки гапларда эмас, балки амалда барҳам беришимиз лозим.
Қуйи бўғиндаги ўзбошимча раҳбарларни фош этишда ҳукуматга ёрдам беришимиз керак.
Шу сабабли @paxta2018_bot манзилида "ПАХТА-2018" номли махсус бот очилди.
Агарда:
👉 Сизни иш, ўқиш ёки яшаш жойингиздан пахта теримига чиқишга мажбурлашаётган бўлса;
👉 Сиздан пахтага чиқмаслик эвазига пул талаб қилишаётган бўлса;
👉 пахта далаларида болалар меҳнатига гувоҳ бўлсангиз;
👉 ўз хоҳишингиз билан эркин теримчи сифатида пахта теримига чиққан бўлсангизу, лекин ётоқ, озиқ-овқат, меҳнат муҳофазаси бўйича етарли шароитлар бўлмаса ёхуд пахта терими учун меҳнат ҳақингизни ўз вақтида беришмаётган бўлса;
👉 ва шу каби бошқа муаммолар юзага келган бўлса унда зудликда хабар беринг.
Ҳар бир мурожаат албатта кўриб чиқилади ва муаммони бартараф этиш учун тегишли ташкилотлар жалб қилинади.
ЙЎҚОЛСИН, МАЖБУРИЙ МЕҲНАТ!
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-14 11:15:55+00:00
Мактаб формаси бўйича "Ўзбекистон24" каналида эфирга узатилган Халқаро пресс-клубнинг репортажи ҳақида карикатура.
Манба: Uzbekistan Illustrated
Фикрим ўша-ўша: репортаж - ШАРМАНДАЛИК!
-
2018-09-14 06:04:58+00:00
Халқ таълими вазири Шерзод Шерматов ТВ орқали мактаб ўқувчиларининг формаси бўйича эфирга кетган танқидий лавҳа (менинг шахсий фикримча - шармандали лавҳа!) ҳақида Фейсбукдаги саҳифасида ўз муносабатини билдирди:
"Халқ таълими тизимидаги фаолиятимизнинг биринчи кунларида мактабларда жуда кўп муаммолар йиғилиб қолганлиги, улар қолиб иккинчи даражали бўлган форма ҳақида жуда кўп муҳокамалар бўлаётгани ҳақида айтиб ўтган эдик.
Лекин, афсуски, халигача шу масала муҳокамада. Менимча, ушбу масалага нуқта қўйиш вақти келди.
Журналистлардан илтимос, биргаликда ўқитувчиларимиз обрўсини оширишга ҳаракат қилайлик, обрўсини тўкишга эмас. Ўзи шундоқ ҳам яхши ўқитувчи топиш қийин. Агарда қандайдир кийимига эътироз бўлса уни оммага муаммо қилиб кўрсатгандан кўра ўқитувчини ўзига айтиб қўйиш яхшироқ бўларди.
Ўзи умуман, телевидение орқали кимнидир рухсатисиз танқид қилинаётганда иқтисодий ривожланган давлатлардагидек имкони борича уни таниб бўлмайдиган қилиб юзини кўрсатмасдан амалга ошириш тўғри бўлади, айниқса ёш болаларга бу жуда салбий таъсир қилади."
Шерзод Шерматов келгусида журналистлар шу каби муҳим жиҳатларни эътиборга олишига умид билдирди.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-13 15:48:58+00:00
«Ўзбекнефтгаз» АЖ бошқаруви раиси Алишер Султонов лавозимни тарк этган. Унинг ўрнини Ўзбекистоннинг Россиядаги элчиси Баҳром Ашрафхонов эгаллаган.
-
2018-09-13 13:58:50+00:00
Бот орқали келган яна кўплаб хабарлар жойларда текширилмоқда. Улар ҳақида ҳам маълумот бериб борилади. Жамоатчилик назоратида фаол иштирок этинг! "Менга нима", "Барибир фойдаси йўқ", "Оғирамаган бошимни оғритиб нима қилдим" каби хаёлларни бир четга суриб, фаол фуқаролик позициясини эгаллаш вақти келмадимикин?
-
2018-09-13 13:57:07+00:00
Пахта учун нафақахўрлардан ушлаб қолинган пуллар қайтарилди
Хабарингиз бор, мажбурий меҳнатга қарши курашиш мақсадида жамоатчилик назорати лойиҳаси сифатида @paxta2018_bot махсус бот ташкил қилган эдик.
Энг аввало ишонч билдириб, бот орқали хабар йўллаётган фуқароларимизга миннатдорлик билдирамиз. Улар жойлардаги қонунбузилиш ҳолатларининг олдини олишга ёрдам беришяпти.
Ботдан келиб тушган ҳар бир мурожаат тегишли ташкилотлар томонидан жиддий ўрганиб чиқилмоқда.
Масалан, кеча Янгийўл шаҳрида пенсионерларнинг пенсиясидан пахта учун пул ушлаб қолишганлиги ҳақида мурожаат келиб тушган эди.
Бугун Тошкент вилояти прокуратураси томонидан ушбу мурожаат ўрганиб чиқилди.
Янгийўл шаҳар ҳудудидаги 15 та маҳаллада нафақа олувчи фуқаролардан ноқонуний равишда пахта йиғим терими учун пул маблағлари йиғилаётганлиги ҳолати аниқланмади.
Бироқ, ўрганишда Янгийўл шаҳар, “Янгибоғ” М.Ф.Й. раиси А.Р. ва масъул котиби Х.Б.лар томонидан пахта терими учун нафақа олувчи фуқаролардан пул маблағлари йиғилганлиги маълум бўлди.
Жумладан, мурожаатда келтирилган важларни текшириш давомида “Янгибоғ” М.Ф.Й. раиси А.Р.нинг пахта йиғим теримига водийдан жалб қилинган теримчилар учун маҳалланинг ҳар бир хонадондан 25 минг сўмдан пул йиғиш тўғрисидаги топшириғига асосан М.Ф.Й. масъул котибаси Х.Б. нафақа тарқатилиши вақтида нафақахўрлардан 25 минг сўмдан пул йиғилганлиги ва уйига олиб бориб қўйганлиги аниқланган.
Х.Б. томонидан нафақахўрлардан пахта йиғим терими учун йиғилган жами 1.586.000 сўм нақд пуллар ва пул берган нафақахўрларни рўйхати тузилган дафтар тақдим этилди.
Ушбу дафтар кўздан кечирилганда жами 71 нафар фуқаролардан 1.470.000 сўм йиғилганлиги ҳақида маълумотлар борлиги аниқланди.
Мазкур маҳалла фуқаролар йиғинидаги 71 нафар фуқароларнинг 54 нафаридан тушунтириш хати олинганда, уларнинг 33 нафари ўз хоҳиши билан пул берганлигини тасдиқлаган.
Бундан ташқари, ўрганиш давомида Янгийўл шаҳар “Маҳалла хайрия жамоат фонди” раиси А.А. 2018 йил пахта йиғим терими учун 15 та М.Ф.Й. раислари билан ўтказилган йиғилишда Фарғона вилоятидан жами 150 нафар теримчи олиб келишга келишилгани, 2018 йил сентябрь ойи бошларида 15 та маҳалла фуқаролар йиғинлари раисларидан 1.000.000 сўмдан жами 15.000.000 сўм пул йиғилиб, Фарғона вилояти Олтиариқ туманидан теримчилар билан 750.000 сўмдан келишиб, аванс тариқасида ҳар бирига 100.000 сўмдан бериб келинганлиги, ушбу пулларни пахта йиғим теримига чиқишни хоҳламаган уюшмаган аҳолидан ва ҳомийлар ҳисобидан йиғиб олиб беришни режалаштирилганлиги аниқланди.
Ҳозирда мазкур ҳолат юзасидан текшириш ҳаракатлари давом этмоқда.
Яна бир бор эслатамиз: агар сизда ҳам мажбурий меҳнатга оид маълумотлар бўлса @paxta2018_bot махсус боти орқали хабар беришингизни сўраймиз.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-13 10:05:58+00:00
Янги ўқув йили бошланганига ҳам 1 ҳафтадан ошди.
Лекин ҳалигача олий таълим муассасаларида баҳолаш қай тартибда амалга оширилиши аниқ эмас.
Талабалар билимини баҳолаш бўйича янги Низом қабул қилиндими ёки йўқми? Агар қабул қилинган бўлса, нима учун ҳалигача эълон қилинмади? Агар қабул қилинмаган бўлса, унда ўқув йили бошланиб кетдику, ҳозир баҳолашнинг қайси тизими амал қилиши аросатда қоляптику.
Аслида амалдаги Низом бўйича ҳозир ҳам 100 баллик рейтинг тизими ва жорий назоратлар бўлиши керак. Лекин янги Низом лойиҳаси ва вазирнинг биринчи ўринбосари айтган фикрларга кўра, 100 баллик тизим бекор қилиниб, 5 баҳолик тизимга ўтилади. Аммо шу тизимга қачон расман ўтилади? Вақт кетяптику ахир. Ёки ҳар доимги синалган усул қўлланадими? Яъни ҳаммага оғзаки топшириқ кетиб, гарчи ҳуқуқий асоси бўлмаса ҳам ОТМлар 5 баллик тизимда баҳолаб тураверишадими? Бунақа ҳолатларни кўп кўрганмиз, аслида расмий қарор чиқмайди, лекин амалда умуман бошқа тизимга ўтиб кетаверишади.
Майли, кутайликчи, бир гап бўлар. Тез орада ОТМлар аросатдан қутилади, деган умиддамиз.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-13 07:00:07+00:00
Александр Лукашенко Шавкат Мирзиёевни Беларусга таклиф этди
-
2018-09-12 14:06:53+00:00
Бугун Адлия вазирлиги “Энг яхши ҳуқуқ тарғиботчиси” танлови ғолибларини тақдирлади.
Каминани ҳам “Ҳуқуқий маданиятни тарғиб қилувчи энг яхши мутахассис” номинациясига муносиб кўришибди, катта раҳмат.
-
2018-09-12 09:11:12+00:00
Matiz’ини автобус бекатидан олишдан бош тортган Ҳикматулла беш кунга қамалди. Камига — жарима ҳам тўлайди
Гапга кирмайдиган ўжар болакайлар бўлади-ку, қилма деган ишингни атайлаб қилади, айтма деган гапингни атайлаб, қасдма-қасд айтади. Зангиоталик Ҳикматулла ҳам, 26 ёшга тўлган бўлса-да, афсуски, шундай болакай экан.
Matiz’ини автобус бекатида, автобусларга халал берадиган қилиб тўхтатиб қўйган Ҳикматуллага «Тоштрансдиспетчерхизмат» ходимаси «машинангизни олинг», деб одамга ўхшаб айтган. Ҳикматулла эса бунга жавобан аёлни сўккан, ҳақорат қилган. Видеоси бор.
Аёл бу беодобликни видеога тушираман деб, телефонининг камерасини ёққанида, Ҳикматулла унинг ўзига ҳам, телефонига ҳам ташланиб, аёлга қўл кўтарган. Аёл бечора бир автобусга чиқиб, қочиб қутулган. Ҳикматулла эса унга ўрта бармоғини кўрсатиб қолган.
Хўш, энди Ҳикматулла қаерда энди? Қамоқда. Шайхонтоҳур туман маъмурий суди уни Маъмурий жавобгарлик тўғрисидаги кодекснинг 183-моддаси («Майда безорилик») бўйича айбдор деб топиб, беш кунлик маъмурий қамоққа ҳукм қилган.
Бу ҳали ҳаммаси эмас — машинасини мумкин бўлмаган жойда тўхтатгани учун Маъмурий жавобгарлик тўғрисидаги кодекснинг 128-6-моддаси бўйича, ҳайдовчилик гувоҳномасининг талони йўқлиги учун эса 135-моддаси бўйича унга маъмурий баённома тузилган.
128-6-модда бўйича энди Ҳикматулла камида 552 900 сўм (энг кам иш ҳақининг 12 сентябрь ҳолати бўйича уч баравари), 135-модда бўйича эса камида 92 150 сўм (энг кам иш ҳақининг 12 сентябрь ҳолати бўйича ярми) миқдорида жарима тўлаши керак. Керакмиди шу?
Гапга кирмай ўжарлик қилиш ёш болаларга ярашади. Шунда ҳам ҳар доим эмас, ўз ўрнига қараб. 26 ёшли йигитларнинг гапга кирмай қайсарлик қилиши эса, албатта, жазосиз қолмаслиги керак. Худди Ҳикматулла билан бўлган воқеадаги каби.
https://t.me/joinchat/AAAAAD63OEHkQHOlfdglMg
-
2018-09-12 07:19:32+00:00
Мажбурий меҳнатга қарши биргаликда курашамиз!
❗️Янги лойиҳа: ПАХТА-2018!
Сўнгги вақтларда мажбурий меҳнатга қарши кураш ҳақида кўп ва хўб гапириляпти. Президент ва ҳукуматнинг мажбурий меҳнатга кескин қаршилиги, унинг олдини олиш бўйича чиқарган қарорлари қувонарли албатта.
Аммо бу қарор жойларда қандай ижро этилмоқда?
Ўзбекистонда мажбурий меҳнат бутунлай йўқолди, деб баралла айта оламизми?
Йўқ, менимча! Ҳалиям ҳоким ва бошқа тўралар эски тос, эски ҳаммом қабилида юрганини эшитиб турибмиз.
Бунга қарши Сиз ва биз, биргаликда курашишимиз керак! Жамоатчилик назорати орқали мажбурий меҳнатга фақат қоғозда ёки гапларда эмас, балки амалда барҳам беришимиз лозим.
Қуйи бўғиндаги ўзбошимча раҳбарларни фош этишда ҳукуматга ёрдам беришимиз керак.
Шу сабабли @paxta2018_bot манзилида "ПАХТА-2018" номли махсус бот очилди.
Агарда:
👉 Сизни иш, ўқиш ёки яшаш жойингиздан пахта теримига чиқишга мажбурлашаётган бўлса;
👉 Сиздан пахтага чиқмаслик эвазига пул талаб қилишаётган бўлса;
👉 пахта далаларида болалар меҳнатига гувоҳ бўлсангиз;
👉 ўз хоҳишингиз билан эркин теримчи сифатида пахта теримига чиққан бўлсангизу, лекин ётоқ, озиқ-овқат, меҳнат муҳофазаси бўйича етарли шароитлар бўлмаса ёхуд пахта терими учун меҳнат ҳақингизни ўз вақтида беришмаётган бўлса;
👉 ва шу каби бошқа муаммолар юзага келган бўлса унда зудликда хабар беринг.
Ҳар бир мурожаат албатта кўриб чиқилади ва муаммони бартараф этиш учун тегишли ташкилотлар жалб қилинади.
ЙЎҚОЛСИН, МАЖБУРИЙ МЕҲНАТ!
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-12 05:21:16+00:00
Мана шундай фикрловчи инсонлар билан, бизни порлоқ келажак кутиб турибди.
Ҳурмат билан,
"ватан хоини"
-
2018-09-12 04:39:30+00:00
Пахта миллий бойлигимиз эмас!
Бу СССРдан сарқит қолган бемаъни мафкура.
Пахта давлат бюджетини бойитиши мумкин бўлган минглаб соҳаларнинг бири. Қандайдир алоҳида статуси ёки ортиқ жойи йўқ. Сарфланган ресурсга нисбатан самарадорлиги бўйича кучли юзталикка ҳам кирмаса керак. Лекин даҳмазаси бутун республикани тутади, миллионлаб инсонни овора қилади.
Мамлакатимизнинг порлоқ келажаги, халқимизнинг тўкин-сочин дастурхони пахтага боғлиқ эмас, пахтасиз оч қолмаймиз, пахта билан бойиб ҳам кетмаймиз.
Шу сабабли ҳам, менинг қатъий фикрим - пахта миллий бойлигимиз эмас!
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-11 17:16:45+00:00
Афсуски Эронга яна ютқаздик. Яна ўз майдонимизда.
1-тайм яхши ўйнадик, кўз тегмасин.
Аммо 2-таймда Игорь Сергеев ва Ҳусниддин Ғофуров тушгач, амалда 9 киши бўлиб қолдик ва бундан Эрон осонгина фойдаланди.
Ўйинда ўзгариш бор. Купернинг қўли сезиляпти. Осиё кубогигача оптимал таркиб ва тактик схемалар тайёр бўлишидан умидвормиз.
-
2018-09-11 13:16:21+00:00
Дўстларимиз "Duv-duv gap" номли янги лойиҳани бошлашди. Лойиҳа Юрий Дудь блоги каби видео интервью тарзида бўлади.
Илк меҳмон сўнгги кунларда шахси энг кўп муҳокама қилинган ва ҳаттоки "халқ душмани"га чиқарилган - Никита Макаренко.
Яхши суҳбат бўлибди, тавсую.
https://youtu.be/LmLpoDudE_A
P.S.: лойиҳа учун мендан ҳам интервью олишди. Жуда узун ва зерикарли суҳбат бўлган, айтган айрим фикрларимга ҳалиям афсусдаман. Мабодо чиқса, кўрманглар, хўп?
-
2018-09-11 06:34:28+00:00
Қоидани бузиб, қарама-қарши йўлдан юриб, Нексиянинг йўлини тўсган Каптива ҳайдовчиси Нексия ҳайдовчисидан калтак еди.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-11 05:38:29+00:00
Бугун каналим очилганига 4 ойу 4 кун бўлган бир пайтда, обуначилар сони 40 минг нафардан ошди.
Барча-барчангизга ташаккурларим! Эътиборингиз учун раҳмат!
Ишончингизни оқлашга ҳаракат қиламан.
-
2018-09-10 09:54:13+00:00
#сўраган_эдингиз
Ушбу ҳаволалар орқали Ўзбекистон кодексларининг энг охирги расмий матнлари билан танишишингиз ва Word форматида юклаб олишингиз мумкин:
1. Меҳнат кодекси
📄 Матн вариантини ўқиш
💾 Word форматда юклаш
2. Жиноят кодекси
Ўқиш | Юклаш
3. Маъмурий жавобгарлик тўғрисидаги кодекс
Ўқиш | Юклаш
4. Фуқаролик кодекси
1-қисм
Ўқиш | Юклаш
2-қисм
Ўқиш | Юклаш
5. Оила кодекси
Ўқиш | Юклаш
6. Солиқ кодекси
Ўқиш | Юклаш
7. Жиноят-процессуал кодекси
Ўқиш | Юклаш
8. Фуқаролик процессуал кодекси
Ўқиш | Юклаш
9. Жиноят-ижроия кодекси
Ўқиш | Юклаш
10. Ер кодекси
Ўқиш | Юклаш
11. Уй-жой кодекси
Ўқиш | Юклаш
12. Шаҳарсозлик кодекси
Ўқиш | Юклаш
13. Бюджет кодекси
Ўқиш | Юклаш
14. Божхона кодекси
Ўқиш | Юклаш
15. Иқтисодий процессуал кодекси
Ўқиш | Юклаш
16. Маъмурий суд ишларини юритиш тўғрисидаги кодекси
Ўқиш | Юклаш
17. Ҳаво кодекси
Ўқиш | Юклаш
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-10 07:31:26+00:00
Ўзбекистон терма жамоасининг аргентиналик бош мураббийи Эктор Купер бугун ошга борибди.
Худо хоҳласа, бир амаллаб чойхонага ҳам ўргатиб олсак, албатта жаҳон чемпиони бўламиз, ишановринглар 😃
-
2018-09-09 16:46:01+00:00
Мажбурий меҳнатга қарши биргаликда курашамиз!
❗️Янги лойиҳа: ПАХТА-2018!
Сўнгги вақтларда мажбурий меҳнатга қарши кураш ҳақида кўп ва хўб гапириляпти. Президент ва ҳукуматнинг мажбурий меҳнатга кескин қаршилиги, унинг олдини олиш бўйича чиқарган қарорлари қувонарли албатта.
Аммо бу қарор жойларда қандай ижро этилмоқда?
Ўзбекистонда мажбурий меҳнат бутунлай йўқолди, деб баралла айта оламизми?
Йўқ, менимча! Ҳалиям ҳоким ва бошқа тўралар эски тос, эски ҳаммом қабилида юрганини эшитиб турибмиз.
Бунга қарши Сиз ва биз, биргаликда курашишимиз керак! Жамоатчилик назорати орқали мажбурий меҳнатга фақат қоғозда ёки гапларда эмас, балки амалда барҳам беришимиз лозим.
Қуйи бўғиндаги ўзбошимча раҳбарларни фош этишда ҳукуматга ёрдам беришимиз керак.
Шу сабабли @paxta2018_bot манзилида "ПАХТА-2018" номли махсус бот очилди.
Агарда:
👉 Сизни иш, ўқиш ёки яшаш жойингиздан пахта теримига чиқишга мажбурлашаётган бўлса;
👉 Сиздан пахтага чиқмаслик эвазига пул талаб қилишаётган бўлса;
👉 пахта далаларида болалар меҳнатига гувоҳ бўлсангиз;
👉 ўз хоҳишингиз билан эркин теримчи сифатида пахта теримига чиққан бўлсангизу, лекин ётоқ, озиқ-овқат, меҳнат муҳофазаси бўйича етарли шароитлар бўлмаса ёхуд пахта терими учун меҳнат ҳақингизни ўз вақтида беришмаётган бўлса;
👉 ва шу каби бошқа муаммолар юзага келган бўлса унда зудликда хабар беринг.
Ҳар бир мурожаат албатта кўриб чиқилади ва муаммони бартараф этиш учун тегишли ташкилотлар жалб қилинади.
ЙЎҚОЛСИН, МАЖБУРИЙ МЕҲНАТ!
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-09 11:13:22+00:00
Контракт ҳақидаги юқоридаги фикрларимга қўшиласизми?
-
2018-09-09 09:00:50+00:00
Дипломатиянинг контракти ҳақида
Жуда кўпчилик талабалар Жаҳон иқтисодиёти ва дипломатия университетининг контракт нархлари янги ўқув йилига саноқли кунлар қолганда кутилмаганда 2 бараварга оширилгани ҳақида ҳуқуқий маслаҳат беришимни сўраб ёзишмоқда. Шу сабабли бу мавзуда ўзимнинг ўта шахсий фикрларимни айтиб ўтмоқчиман.
ЖИДУ контрактлари ошишининг ҳуқуқий томонини яхшироқ тасаввур қилишимиз учун, атайин анча олдин ёзган постимни қайта чоп этдим. Яъни қонуний ва адолатли қарорларнинг бир-биридан катта фарқи борлигини тўғри тушунишимиз керак.
Ташқи ишлар вазирлигининг ЖИДУ контрактини ошириш ҳақидаги қарори қонуний, чунки 2018 йил 21 июндаги ПҚ-3795-сонли Президент қарорининг 11-бандида ТИВ ҳар йили ЖИДУ контракти миқдорини тасдиқлаши, бунда йўналиш бўйича контракт нархидан 3 баробар ошиб кетиши мумкин эмаслиги ёзилган. Гарчи Президент қарорида айнан “контракт нархларини оширинглар” дейилмаган бўлсада, лекин мазкур банддаги қоида асосида контракт нархлари оширилишига қонуний асос бор, дея хулоса қилиш мумкин.
Бироқ ЖИДУ контрактининг 2 баробар оширилиши адолатли қарор эмас. Буни қуйидагиларда кўриш мумкин.
Биринчидан, жорий йил ҳужжат топшириб кирган абитуриентларга нисбатан адолатсизлик қилинди. Чунки контракт нархларининг оширилиши 26 август куни тасдиқланди. Агар бу қарор аввалроқ эълон қилинганда эди, унда кўпчилик абитуриентлар “кўрпасига қараб оёқ узатган” ва бошқа ОТМларга топширган бўларди. Ахир улар 10-11 млн.лик контрактни мўлжал қилишганку! Ҳозирги ҳолатда 1-курсга кирган талабаларни шу даражада ноқулай аҳволга солиб қўйишдики, аросатда қолган гуноҳкор бандадек, нима қилишини билмай боши қотиб ўтирибди. Ушбу қарор натижасида 22 млн сўм тўлай олмайдиганларнинг 1 йиллик умрини хазон қилишди! Хўш, бундай қарор адолатсиз эмасми?!
Иккинчидан, контракт нархларининг кеч (26 август) эълон қилиниши ЖИДУнинг 2-4 курс талабалари учун ҳам адолатсизлик бўлди. Агар вақтлироқ (5 августгача) эълон қилинганда эди, тўлашга қурби етмайдиган талабалар бошқа ОТМларга ўқишини кўчиришга («перевод») ариза беришга улгурган бўларди. Лекин талабаларни бу имкониятдан ҳам маҳрум қилишди. Бу худди тажрибали овчининг пайтини пойлааааб ўз ўлжасини тузоққа туширига ўхшайди. Хўш, бундай қарор адолатсиз эмасми?!
Учинчидан, контракт миқдорини кескин оширишда аҳолининг ўртача даромадлари ҳисобга олинмаган. Аввал ҳам бир фикрни кўп бора таъкидлаганман, яъни аслида сифатли таълимнинг нархи қимматроқ бўлиши керак. Бизда энг қиммат контракт йилига 11 млн сўм (1400 АҚШ) этиб белгиланган (ЖИДУдан ташқари). Солиштириш учун: масалан, юртимиздаги бир ўқув марказида 3та фан бўйича абитуриентларни 10 ой ўқитиш ҳақи салкам 16 млн сўм экан. Олий таълим қаёқдаю, ҳеч қандай диплом бермайдиган ўқув маркази қаёқда.
Аммо бу дегани контракт нархларини исталганча ошириш мумкин дегани эмас. Чунки танганинг иккинчи томонида юқорида айтганимдай аҳолининг ўртача турмуш даражаси ҳисобга олиниши шарт ва лозим! Ўртача ойлик 1 ярим млн сўм бўлган ҳолатда контрактни йилига бирданига 11 млн сўмга ошириш адолатданми? Емай-ичмай бир йиллик ойлигини йиғганда ҳам етмайдиган миқдорни белгилаш қайси адолат мезонларига тўғри келади?
Хуллас, менинг шахсий фикримча, ЖИДУ контрактини ошириш ҳақидаги қарор қонуний, лекин АДОЛАТСИЗ бўлди.
Жиноят-процессуал қонунчилигига биноан, суднинг ҳукми адолатсиз бўлса, у бекор қилиниши керак. Лекин контракт ҳақидаги қарор бекор қилинадими ёки йўқ, униси менга қоронғу. Менимча, ҳеч нарса ўзгармайди.
Албатта буларнинг барчаси ИМҲО.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-09 07:43:04+00:00
#архив
2017 йил 7 декабрдаги пост:
Қонуний қарор билан адолатли қарорнинг фарқи борми ёки иккаласи бирми?
Ижтимоий тармоқларда Фарғона вилоятининг Қўқон шаҳрида Конституциямизнинг 25 йиллиги муносабати билан ўрнатилган баннер кенг муҳокама қилинмоқда. Унда имловий хатолар билан ёзилган “Нимаики қонуний бўлса, у адолатлидир” деган ибора акс этган. Имловий хатолар қисмига индамайман, бундай муаммолар ҳақида кўп гапирганмиз. Барчаси таълимга бориб тақалади, яна мавзу кенгайиб кетади.
Ҳозир иборанинг мазмуни ҳақида 2 оғиз тўхталмоқчиман.
Жиноят-процессуал ҳуқуқида шундай олтин қоида бор: суднинг ҳукми 3 та талабга жавоб бериши керак, улар қонуний, адолатли ва асослантирилган бўлиши шарт.
Ҳукмнинг асослантирилгани тушунарли, судьялар ишончли ва текширилган далиллар асосида қарор чиқариши керак. Лекин шу ўринда савол туғилади, қонуний ва адолатли нега иккига бўлинган? Улар бир-биридан фарқ қиладими? Қонуний қарор адолатли қарор эмасми?
Йўқ! Ҳар қандай қонуний қарор ҳам адолатли бўла олмайди. Қонун қоғозда ёзилган гаплар билан ўлчанади, адолат эса инсоф, виждон, инсонпарварлик, иймон билан ўлчанади. Қонунда ҳужжатдаги ёзувларга қаралади, адолатда эса айни пайтдаги реал шароит, ҳолат ва вазиятга қаралади.
Бу борада устозларимиз шунақа мисол айтишарди:
Тасаввур қилинг, Сиз судьясиз ва қўлингизда 2 та жиноят иши бор.
Иккаласида ҳам 18 ёшли ўсмир жиноят содир этган.
Иккаласида ҳам ўғрилик бўлган.
Иккаласида ҳам дорихонани тунашган.
Иккаласида ҳам 2 млн. сўмлик дорилар ўғирланган.
Судланувчиларнинг ёши, жиноятнинг тури, ўғирлик жойи, миқдори бир хил.
Жиноят кодексининг 169-моддасида (Ўғрилик) ушбу ҳолатда 3 хил жазо белгиланган:
1) ЭКИҲнинг 300 бараваригача жарима;
2) 2 йилдан 3 йилгача аҳлоқ тузатиш ишлари;
3) 3 йилдан 5 йилгача озодликдан маҳрум қилиш.
Юқорида кўрсатилган жазолардан бирини берсангиз, қонундан чиқмаган бўласиз.
Қандай қарор чиқарасиз? Айтайлик, иккаласига ҳам 3 йилдан жазо берса, бўладими? Ёки 100 баравар жарима берасизми?
Бундай вазиятда адолатли қарор чиқариш учун қолган ҳолатларни ҳам синчиклаб ўрганиш керак.
Биринчи судланувчи гарчи 18 ёшга кирганига қарамасдан 5-бора ўғирлик содир этмоқда ва буни ўзига касб қилиб олган. Дорихонага киришидан мақсад, кассани ўмариш ёки қиммат дориларни ўғирлаб сотиш бўлган.
Иккинчи судланувчининг эса отаси эрта вафот этган, фақат онаси ва 5 яшар кичкина синглиси бор. Онаси қаттиқ бетоб бўлиб қолган, шифокорлар фалон дориларни олиб келсанг, онанг яшайди, йўқса ундан айрилиб қоласан, дейишган. Дорихонага ўғирликка киришидан мақсад, онасини қутқариб қолиш.
Хўш, эндичи? Қандай жазо берасиз? Иккаласига ҳам бир хилми?
Мана шу вазиятда Сиз иккаласи учун ҳам бир хил – айтайлик 2 йилга озодликдан маҳрум қилсангиз, ҳукмингиз қонуний, аммо адолатсиз ҳукм бўлади.
Ёки шу вазиятда иккинчи судланувчига 200 баравар жарима солсангиз ҳам ҳукмингиз қонуний, лекин адолатсиз бўлади. Сабаби бунақа пул унда йўқ, ўғирликка ҳам айнан пули йўқлиги учун қўл ўрган.
Бундай вазиятда иккинчи судланувчининг ҳолатидан келиб чиқиб, Кодексда назарда тутилмаган енгилроқ жазо тайинлаш ҳам мумкин. Бу ҳам қонуний, ҳам адолатли ҳукм бўлади.
Айримлар Жиноят кодексида нима учун жиноятларга аниқ, конкрет битта жазо белгиланмаган, енгилдан тортиб оғиригача бор, бу эса коррупцияни келтириб чиқаради, дейишади. Аммо бу фикрга қўшилмайман. Жазоларнинг конкрет эмаслигига асосий сабаб - адолатни таъминлаш! Чунки турли вазиятда турлича ҳолат бўлади, бундай ҳолатларни эса қоғоздаги қонун эмас, судьянинг адолати ҳал қилади.
Қиссадан ҳисса, ҳар қандай қонун ҳам адолат дегани эмас. Адолат қонунлардан анча устун.
Эртага туғилган кунини нишонлайдиган Конституциямиз асосида қабул қилинаётган барча қонунлар адолатли бўлсин, Олий Мажлис аъзолари, Президент, қонун қабул қилинишида иштирок этадиган мутасадди ташкилотлар халқимиз учун адолат қиладиган қонунларни қабул қилишда жонбозлик кўрсатишсин, юртимиздаги судьялар ва мансабдор шахслар эса шу қонунларни адолатли ижро этишсин. Илоҳим, қонунлари кўп, аммо адолати йўқ давлатлардан бўлиб қолмайлик.
Пост тугади.
👉 @xushnudbek 👈
-
2018-09-09 04:40:00+00:00
Алишер Усманов туғилган кунини Тошкентда нишонлайди
Ўзбекистонга келиб кетаётган самолётларни кузатадиган "AviaSpotter" каналининг маълумотларига кўра, шу кунларда "Тошкент" халқаро аэропортига дунёнинг турли олигархларига қарашли шахсий ва тижорий авиажетлар серқатнов бўлиб қолган. Канал берган ахборотга кўра, бу миллиардер Алишер Усмоновнинг 9 сентябрда Тошкентда нишонланадиган туғилган куни билан боғлиқ бўлиши мумкин.
7 сентябрдан бошлаб Тошкентга турли русумдаги самолётлар чартер рейслар билан кириб келмоқда. Алишер Усмоновнинг "Bourkhan" авиалайнери ҳам шу куни Сочидан учиб келиб, пойтахтга қўнган. Шунингдек, Тошкентга турли нуфузли футбол клубларидан вакиллар ташриф буюрмоқда. Хусусан, "Внуково" аэропортидан ЦСКА президенти Евгений Гинер учиб келган. Бундан ташқари, "GainJet Aviation"га қарашли Англиянинг "Манчестер Сити", "Тоттенхэм", Португалиядан "Бенфика" клубларига хизмат кўрсатадиган VIP конфигурацияли "Boeing 737-23N" самолёти ҳам Ўзбекистонга етиб келди.
Россиялик бизнесмен, "Магнитогорск металлургия комбинати" директорлар кенгаши раиси ва стратегик режалаштириш қўмитаси раиси Виктор Рашниковнинг шахсий "Bombardier golfstream G650" самолёти ҳам 8 сентябрь куни Тошкентга қўнган.
Ҳозиргача 15 га яқин шахсий ва тижорий авиажет Россия ва Европадан "Тошкент" халқаро аэропортига келиб қўнган.
-
2018-09-09 04:00:10+00:00
10 сентябрь, яъни эртадан бошлаб телефон рақамлари 9 хоналига ўтишини яна бир бор эслатиб ўтаман.
Uztelecom бу ҳақида gif тайёрлабди.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-08 14:01:33+00:00
«Turon24» ахборот агентлигининг очилиш маросими бўлиб ўтмоқда.
Юртимиз ахборот майдони яна бир сифатли ва холис манба билан бойийди деган умиддаман. «Turon24» лойиҳаси иштирокчиларига омад тилайман!
-
2018-09-08 07:36:56+00:00
Kun.uz аҳоли ўртасида кичик ижтимоий сўровнома ўтказибди.
Мансабдор шахсларнинг расмини кўрсатиб, кимлигини сўрабди. Кўришни тавсую.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-08 06:11:34+00:00
Шу воқеага ҳам роппа-роса 2 йил тўлди. 2016 йил 8 сентябрда Олий Мажлис палаталари Бош вазир Шавкат Мирзиёевни Президент вазифасини вақтинча бажарувчи сифатида тайинлаган эди.
👉 t.me/xushnudbek
-
2018-09-07 12:36:52+00:00
The Guardian нашри ўзбек паловини дунёнинг энг яхши "кўча таомлари" ўнталигига киритибди
Салкам роппа-роса 1 йил олдин ўзбек палови Гиннес рекордлар китобига кирган эди.
-
2018-09-07 10:39:15+00:00
Қабристон ҳудудида қотиллик аломатлари билан топилган мурда юзасидан Бош прокуратура матбуот хизмати маълумот берди
2018 йил 5 сентябрь куни соат тахминан 14:00 ларда Шайхонтоҳур тумани, Кўкча маҳалласи, М.Уйғур кўчаси 424-уйда жойлашган «Шайх Зайниддин» қабристони ичида Э.М. нинг (17.03.1975 йилда туғилган эркак киши) мурдаси қотиллик аломатлари билан топилган.
Суд-тиббиёт экспертизасининг дастлабки маълумотномасига кўра, Э.М. нинг ўлими бўйин аъзоларининг тўлиқ шикастланишларига, бўйин умуртқаларининг синишларига ва орқа миянинг тўлиқ узилишига олиб келган бўйин олди юзаси кесилган яраси ва бўйин орқа юзаси кесилган-чопилган яраси, чап елка соҳаси қонталаши, ўткир қон йўқотиш, шунингдек ички аъзоларининг кам қонлигидан келиб чиққан.
Мазкур ҳолат юзасидан 05.09.2018 йилда Тошкент шаҳар прокуратураси томонидан Жиноят кодексининг 97-моддаси 1-қисми билан жиноят иши қўзғатилган.
Дастлабки тергов давомида 23.12.1974 йилда туғилган Б.К. 05.09.2018 йилда жиноят иши бўйича гумон қилинувчи тариқасида жалб қилиниб, Жиноят-процессуал кодексининг 221-моддаси тартибида ушланган.
Жиноят иши юзасидан тергов ҳаракатлари давом этмоқда.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-07 10:10:32+00:00
Бош вазир ўринбосари Азиз Абдухакимов журналистларга берган интервьюсида халқ таълими тизимини такомиллаштириш билан боғлиқ айрим жиҳатларга ойдинлик киритди. Интервьюдаги энг муҳим жиҳатлар:
👉 2021 йил охиригача барча мактаблар Интернетга камида 10 Мб / с тезликда кириш имкониятига эга бўлади.
👉 ҳар йили ҳар бир вилоятда камида 50 мактаб барпо этилади
👉 замонавий мактабларни қуришга катта эътибор қаратилади
👉 мактаблар эргономик мебеллар, замонавий ўқув ва лаборатория ускуналари, компьютер ва мултимедияли ускуналар, видео кузатув тизимлари билан жиҳозланади
👉 2018 йилнинг ноябрида ўқитувчиларнинг обрў-эътибори ва ижтимоий мавқеини ошириш дастурини қабул қилиш режалаштирилган
👉 мактабга қўшимча ресурсларни сафарбар қилган директорлар умумий сумманинг 10 фоизи миқдорида моддий рағбатлантирилади
👉 энг фаол ота-оналар, битирувчилар, ҳомийлар ва бошқалардан тузиладиган кузатув кенгашларига катта ҳуқуқлар берилади. Хусусан, улар мактаб директорларини сайлайди ва лавозимидан озод қилади, йиллик молиявий режаларни тасдиқлайди, пуллик хизматлар тарифларини ва ижара ҳақини тасдиқлайди
👉 нодавлат таълим муассасаларига нисбатан муносабат мутлақо ўзгаради, уларни энг долзарб муаммоларни ҳал қилишда асосий ҳамкор деб қараш бошланади, хусусий мактабни битирган ўқувчиларга давлат аттестатлари берилади
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-07 09:04:47+00:00
Бухоро вилоят прокуратураси томонидан фуқаро Ш.Сирожев Вобкент туман ИИБ навбатчилик қисми махсус автомашинасида тўсатдан вафот этганлиги ҳолати юзасидан 17.08.2018 йилда вилоят прокурорининг биринчи ўринбосари томонидан ЖКнинг 206-моддаси 1-қисми билан жиноят иши қўзғатилган.
Ш.Сирожевнинг ўлим сабабини аниқлаш мақсадида судга оид тиббий экспертизаси тайинланиб, суд тиббий экспертнинг бирламчи маълумотига кўра, Ш.Сирожевнинг ўлими тилнинг орқага кетиши оқибатида юқори нафас йўлларининг беркилишидан келиб чиққан механик асфиксия натижасида юзага келганлиги аниқланган.
Қайд этилишича, иш юзасидан суд тиббий, биология, криминалистика, трасология ва бошқа қатор судга оид экспертизалари тайинланган.
Вобкент туман ИИБ ходимларининг ҳаракатлари юзасидан хизмат текшируви тайинланган.
Хозирда жиноят иши бўйича дастлабки тергов ҳаракатлари вилоят прокуратурасининг ўта оғир жиноятларни тергов қилиш бўлими томонидан олиб борилмоқда.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-07 07:43:03+00:00
9 хонали рақам териш тартиби
2018 йилнинг 10 сентябридан мобиль ва симли алоқа тизимларига 9 хонали рақамлаш тартиби киритилмоқда.
1. 9 хонали рақам териш:
«UMS» МЧЖ абонентлари рақамларини териш – BC ХХХХХХХ (бунда BC – 97, 92 оператор коди)
«Unitel» МЧЖ (Beeline) абонентлари рақамларини териш – BC ХХХХХХХ (бунда BC – 90, 91 оператор коди)
«Coscom» МЧЖ (Ucell) абонентлари рақамларини териш – BC ХХХХХХХ (бунда BC – 93, 94 оператор коди)
UzMobile абонентлари рақамларини териш – BC ХХХХХХХ (бунда BC – 95, 99 оператор коди)
«RWC» МЧЖ (Perfectum) абонентлари рақамларини териш – BC ХХХХХХХ (бунда BC – 98 оператор коди)
“Ўзбектелеком” АК симли алоқа абонентлари рақамларини териш - BC ХХХХХХХ (бунда BC –70, 71, 72, 73, 74, 75, 79, 61, 62, 65, 66, 67, 69 географик коди)
Алтернатив симли алоқа абонентлари рақамларини териш - BC ХХХХХХХ (бунда BC – 78 оператор коди)
Масалан, илгари 0 597 100-00-00 терилган бўлса, эндиликда 97-100-00-00 терилади.
2. Қуйидаги шаҳарлараро рақам териш тартиби бекор қилинади:
0 АBC ХХХХХХХ (бунда АBC – географик код ёки оператор коди)
Масалан, 0 371 123-45-67
3. Халқаро рақам териш тартиби қолади:
ЎзР рақамини териш - 00 998 BC ХХХХХХХ / +998 BC ХХХХХХХ (бунда BC – географик код ёки оператор коди)
4. “Ўзбектелеком” АК нинг симли тармоқлари 9 хонали рақам териш тартибига тўлалигича ўткунга қадар 7 хонали абонент рақамларини териш тартиби сақланиб қолади
Тошкент шаҳар ва Тошкент вилояти 30 сентябрга қадар тўлиқ ўтади, қолган ҳудудлар босқичма-босқич ўтказилади.
5. Турли хил переадресацияларни ўрнатиш:
халқаро фотматда +998 BC ХХХХХХХ (бунда BC – географик код ёки оператор коди)
9 хонали форматда BC ХХХХХХХ (бунда BC – географик код ёки оператор коди)
6. SMS юбориш тартиби:
халқаро фотматда +998 BC ХХХХХХХ (бунда BC – оператор коди)
9 хонали форматда BC ХХХХХХХ (бунда BC – оператор коди)
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-07 05:14:44+00:00
ИЛМ УЧУН ЭҲСОН ҚИЛИНГ!
❗️Ҳозирча 6 млн. сўмдан ошиқроқ маблағ йиғилди!
Ёдингизда бўлса, 2-3 нафар чин етим ва ҳақиқатда моддий аҳволи ёмон талабаларнинг контракт пулини тўлаш учун хайрия акциясини ўтказиш ҳақида гап очган эдим.
Шу акцияга старт бердик.
Қуйидаги пластик карточкасига 💳 эҳсонингизни ўтказишингиз мумкин:
8600 3104 0666 3526
(Алоқабанк)
Карта Хушнуд Худайбердиев номига очилган.
Саволлар юзага келса қуйидаги бот орқали мурожаат қилишингиз мумкин:
Аллоҳ барчамизнинг эҳсонимизни даргоҳида қабул қилсин.
♻️ Имкони бўлса шу хабарни дўстларингизга ҳам улашинг ва савобга шерик бўлинг.
Изоҳлар:
👉 ҳозирча айнан неча кишига контракт пули тўлаб берилиши аниқ эмас. Балки 1 киши бўлар, балки 10 киши. Бу тушган пулнинг миқдорига боғлиқ;
👉 хайрия учун қанча маблағ ўтказишингиз муҳим эмас. Кимдир минг сўм, кимдир 10 минг сўм, яна бошқа биров 100 минг сўм. Ҳеч қандай чеклов йўқ;
👉 ҳозирча контракти тўлаб бериладиган талабалар ҳам аниқ эмас. Лекин йиғилган сумма ҳақиқатда муҳтож инсонларга берилишига мен кафил, ишонишингиз мумкин;
👉 ҳозирча фақат пластик орқали тўлов мавжуд, Paynet варианти йўқ. Агар Сизда пластик бўлмаса, унда пластиги бор инсонлардан илтимос қилинг, Сиз нақд пул берасиз, улар пул ўтказиб беришади. Излаган имкон топар, чин дилдан хоҳласангиз, бир иложини топса бўлади;
👉 имкон қадар юқори балл олиб контрактга кирган талабаларга тўлаб беришга ҳаракат қиламиз;
👉 супер-контракт учун хайрия пуллари сарфланмайди.
Каналга уланиш: 👇
https://t.me/xushnudbek
-
2018-09-07 03:30:02+00:00
Каналда постлар сони 1000 тага етди! Ҳар куни ўртача ~8-9 тадан хабар қолдирилган.
Мингта янгилик ёки шахсий фикрларни эътибор билан ўқиган барча муштарий дўстларимга миннатдорлик билдираман! Раҳмат!
-
2018-09-06 17:00:36+00:00
Аргентиналик мутахассис қўл остида футболчиларимиз ўзгариб кетган бўлса, танимай қолсага, деб ўйлаётгандим, йўқ, хайрият ҳаммаси ўша-ўша, ўзимизникилар. Тўпни эплаб теполмаслигидан дарров танидик 😀
Эктор Куперга сабр тилайман. Ҳали кўп тер тўкади бечора...
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-06 15:02:59+00:00
Бугун Тошкентда спорт кечаси
«Миллий» стадионида Ўзбекистон ва Сурия миллий терма жамоалари ўртасидаги ўртоқлик учрашуви бошланмоқда
Эктор Купернинг Ўзбекистон МТЖ бош мураббийи сифатидаги илк ўйини
-
2018-09-06 11:27:58+00:00
Абитуриентларнинг баъзи саволларига жавоб бериш қийин. Шу даражада ажойиб вазият ва казуслар ҳақида ёзишадики, бирорта норматив ҳужжатда бунинг ечими кўрсатилмаган бўлади. Масалан, шунақа саволлардан биттаси:
Salom Xushnud aka. Menda bitta savol bor edi: men DTMga apellyatsiya arizasini berdim, ular esa apellyatsiya bo'lish kunini 18-sentabrda deb belgilashdi. Apellyatsiyadan tashqari men boshqa o'qishlarga (masalan, Xususiy OTMlarga va chet el OTMlariga) hujjatlarimni topshirmoqchi edim. O'sha boshqa o'qishlarga hujjat topshirish muddati 18-sentabrdan oldinroq tugaydi. Savolim shuki, men hozirda hujjatlarim saqlanayotgan OTMdan hujjatlarimni olgan taqdirimda ham apellyatsiya bo'laveradimi yoki apellyatsiyaga kiritilmaymanmi? (DTM xodimlaridan so'ramoqchi edim, lekin odam ko'pligi va navbat tig'izligi halaqit berdi)
Savolim javobsiz qolmaydi degan umiddaman. Oldindan rahmat.
Қизиқ савол экан, ростдан. Апелляциягаку киритилса керак, унда бирор муаммо бўлмайди. Лекин ОТМдан ҳужжатларини қайтариб олиб, хусусий ОТМларга топширсаю, кейин апелляцияда ютиб, ўқишга қабул қилинадиган бўлса, ҳужжатларини қайтариб олгани муаммо туғдирмасмикин? Шахсан менда бу саволга жавоб йўқ, сира кузатмаган эканман.
Менинг фикримча, аслида ҳеч қандай муаммо бўлмаслиги керак. Нима фарқи бор, қайтариб олдими, олмадими, асосийси ўқишга киргани аниқку. Худо хоҳласа кейинги йилларда тезроқ онлайн ёки Давлат хизматлари марказлари орқали ҳужжат топшириш тизимини яратилса, бунақа муаммолар ўз-ўзидан ечилиб кетади.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-06 08:24:41+00:00
Талабалар ётоқхонаси ҳақида
Маълумотларга қараганда, Тошкент шаҳрида 173 та талабалар ётоқхонаси мавжуд ва уларга 47,4 минг талаба жойлашиши мумкин. Лекин Тошкент шароитида бу жуда кам, ётоқхонага эҳтиёжмандларнинг 40%ига ҳам етмайди.
75 минг атрофидаги талабалар ижараларда яшар экан. Ижара топиш, пропискага қўйиш, ҳар ой ижара ҳақини тўлаш муаммолари ҳақидаку соатлаб гапириш мумкин.
Янги ўқув йили бошланиши билан ётоқхонага жойлашиш муаммоси доим талабаларни қийнаб келади. Деканга ялин, проректорга кир, ректордан илтимос қил ва ҳ.к. Талабалар ётоқхонасига жойлашиш бўйича аниқ Низом ёки йўриқнома бормикин-а, қидириб топа олмадим. Балки бордир.
Умуман олганда магарки муаммо мавжуд экан, демак унинг ечимлари ҳақида қайғуриш керак. Энг аввало талабалар ётоқхонасига жойлаштиришнинг расмий тартибини янгидан ишлаб чиқиш ва ҳамма талабаларга етказиш керак. Бу шундай тартиб бўлсинки, ҳозирги норозиликлар сезиларли камайсин. "Фақат таниш-билиш билан, "соққа" билан жой олиш мумкин, биз бечоралар кўчада қолдик" деган таъналарни нисбатан йўқотадиган тартиб бўлсин.
Бундан ташқари ётоқхоналар сонини кўпайтириш, улардаги ўринларни кенгайтириш ҳақида ҳам ўйлаш зарар қилмайди.
ОТМлар ҳудудини шаҳар чеккасидаги жойларнинг ҳисобига бўлса ҳам кенгайтириш ва замонавий кампуслар яратиш керак. Токи талабалар бир жойда ўқиб, бир жойда яшашсин. Транспорт харажатлари ва ташвишлари билан овора бўлишмасин.
Талабаларнинг вақтинчалик пропискага қўйиш тизимини ҳам такомиллаштириш, яъни енгиллаштириш керак, менимча.
Ҳозирча шулар. Яна фикрлар келса ўртоқлашаман. Ётоқхонадан жой олишда ҳақиқий эҳтиёжмандларга омад тилайман!
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-06 07:29:13+00:00
Интернет чекланибди. Бу нима дегани?
Ҳозиргина Адлия вазирлигининг “Ҳуқуқий ахборот” каналида “Интернетдаги сайтлардан фойдаланишни чеклаш тартиби белгиланди” деган хабар чиқди.
Хабар чиққач, айримларда тушунмовчилик пайдо бўлди. Айниқса хабардаги блогерлар ҳақидаги қисми тушунмовчиликларга сабаб бўлмоқда. Боз устига шу кунларда блогерлар билан боғлиқ шов-шувли воқеалар бўлаётган бир пайтда ваҳима кўтарилиши ҳам табиий.
Лекин аслида Ҳукуматнинг ушбу қарорида жуда катта янгилик йўқ. Шунчаки амалда мавжуд тизимни расмийлаштириб қўйишибди холос.
Гапнинг индаллосини айтганда, қарорга биноан маънавиятимиз, мафкурамиз ва албатта сиёсатимизга тўғри келмайдиган сайтларнинг «чёрный список»и тузилади. Ва бундай сайтлар махсус реестрга киритилади (реестр ҳамма учун очиқ бўладими ёки йўқ, билмадим). Расмий ОАВми у, ёки оддий блогерми, фарқи йўқ, ўша “қора рўйхат”даги сайтлардан маълумот олиш, уларни манба сифатида кўрсатиш мумкин бўлмайди.
Буни нимаси ҳайрон қоларли янгилик? Шундоқ ҳам Ўзбекистондан очилмайдиган сайтлар мавжуд, демакки, “қора рўйхат” бор. Масалан, узоқ вақт BBC, Ozodlik, Uzmetronom, FerghanaRu, Ca-news, Human Rights Watch ва яна кўплаб сайтлар очилмасди. Сўнгги 2 йил ичида уларнинг айримлари яна очилишни бошлади, айримлари эса ҳалигача очилмайди.
Энг қизиғи Миллий ахборот агентлиги – ЎзА ўзининг айрим мақолаларида Ўзбекистондан очилмайдиган сайтлардан иқтибос ҳам келтирган пайтлари бўлди.
Огоҳлантиришга келадиган бўлсак, УзАПИ, яъни Ўзбекистон матбуот ва ахборот агентлиги ОАВларни мониторинг қилиб бориш асносида, «ёмон ахборотлар» бериб борадиган сайтларни манба сифатида кўрсатгани учун электрон нашрларни огоҳлантирарди ёки ана шундай сайтлардан маълумот олиб тарқатгани учун ОАВ сифатида гувоҳнома беришни рад қиларди.
Масалан, бир пайтлар Kun.uz сайтининг асосчиси Муҳрим Аъзамхўжаев (@muhrim) ОАВ гувоҳномасини олиш учун ариза берганда «LentaRu, BBC, LifeNewsRu, Uzmetronom сайтларидан хабар олиб жойлаган экансиз» дея расмий хат билан рад жавоби бергани ҳақида ёзганди.
Айтмоқчиманки, Адлия хабарини берган Ҳукумат қарорида ОАВ ёки блогерлар учун жуда бир қўрқинчли янгилик ёки тартиб ўрнатилгани йўқ. Амалдаги тартибни расмий қилишибди холос.
Хабарнинг энг чалғитадиган қисми, бу “Эслатиб ўтамиз” дея блогерлар ҳақидаги қонундан парча олиб жойлашгани бўлган.
Блогерлар нималарни ёзиши мумкин эмаслиги ҳақидаги қоидалар 2014 йилдаёқ киритилганди. Бу ҳақида ўша пайтларда 2 та катта мақола ёзгандим сайтимда.
1. Ўзбекистонда блогерлар ҳақидаги қонун кучга кирди (шарҳ)
2. Блогерлар ҳақидаги қонун нима учун керак?
Адлия вазирлиги ўша 2014 йилдаги қоидани эслатиб ўтган холос.
Барибирам, ушбу Ҳукумат қарори "15 сутка"ларнинг фонида қабул қилингани кўпчиликни ваҳимага солгани рост. Майлида, яшасак кўраверамиз. Ҳамма тинч бўлсин, ишқилиб.
Буларнинг барчаси ИМҲО албатта.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-06 06:09:54+00:00
Халқаро мақом фестивалининг бугунги очилиш маросимида Шавкат Мирзиёев ҳам иштирок этади.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-06 06:03:03+00:00
Халқ таълими тизимини такомиллаштириш бўйича жиддий Фармон қабул қилинди
Ўзбекистон Республикаси Президентининг 2018 йил 5 сентябрда “Халқ таълимини бошқариш тизимини такомиллаштириш бўйича қўшимча чора-тадбирлар тўғрисида”ги Фармони қабул қилинди.
👉 умумий ўрта таълимни молиялаштириш учун Давлат бюджети параметрларида назарда тутилган маблағлар ҳисобга олинган ҳолда халқ таълими вазири томонидан тасдиқланади;
👉 халқ таълими бошқармалари раҳбарлари, туман (шаҳар) халқ таълими бўлимлари, мактаб директорларини лавозимга тайинлаш ва лавозимдан озод этиш масаласи ҳокимлар билан келишилмайди.
👉 2019 йил 1 январдан бошлаб мактаблар фаолияти самарадорлиги бўйича рейтинги тузилади;
👉 2019 йил 1 январдан бошлаб мактабларда ишлаётган пенсионер ходимларга пенсия тўлиқ миқдорда тўланади;
👉 муваффақиятли фаолият юритаётган мактаблар негизида тармоқли мактаблар ташкил этилади, ушбу тармоққа юкламаси паст коэффициентли мактаблар киритилади;
👉 2019 йил 1 мартдан бошлаб мактабларга болаларни Давлат хизматлари марказлари ёки Ягона портал орқали қабул қилиш тартиби жорий этилади;
👉 2018 йил 1 октябрдан бошлаб мактабларнинг васийлик кенгашлари тугатилиб, унинг ўрнига таркибига муассаса фаолиятига жиддий ҳисса қўшишга қодир энг фаол ота-оналар, битирувчилар, ҳомийлар ва бошқа шахслар киритиладиган, кузатув кенгашлари ташкил этилади;
👉 2019 йил 1 январга қадар ўқитувчиларни кадрларини аттестациядан ўтказиш тартиби қайта кўриб чиқилади, бунда асосий мезон тегишли фанни ўқитиш бўйича билим ва кўникма даражаси ҳисобланади;
👉 мактаблар фаолиятини текширишнинг ҳуқуқий асослари яратилади, хусусан мактаблар фаолиятини текширишга ваколатли органларнинг қатъий рўйхати, текширув тайинлаш ва ўтказиш мезонларини назарда тутувчи Вазирлар Маҳкамаси қарори ишлаб чиқилади;
👉 Бош прокуратура мактабларни ноқонуний текширишга йўл қўймаслик устидан назоратни кучайтиради;
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-05 15:25:10+00:00
Бугун Тошкентда катта санъат кечаси.
Халқаро форумлар саройида дунёга машҳур британиялик🎻 скрипкачи Ванесса Мэй💃🏻 концерти бошланиш арафасида.
-
2018-09-05 10:37:11+00:00
1 кг пахта тергани учун қанча ҳақ тўланади?
Пахта хом ашёси машинада терилганда, бир тонна учун 400 минг сўм, қўлда терилган бир килограмм пахта учун 650 сўмдан 1000 сўмгача ҳақ тўланиши белгиланди.
Бунда, теримчилар биринчи босқичда контрактация шартномаси 60 фоизгача бажарилгунга қадар 1 кг пахта хом ашёсини терганида 650 сўм, иккинчи босқичда – 60 фоиздан 80 фоизгача 850 сўм, учинчи босқичда – 80 фоиздан ортганда 1000 сўмдан иш ҳақи тўлаш белгиланди.
Шунингдек, , аҳоли кам бўлган ҳудудлар учун алоҳида тартиб белгиланиб, Жиззах, Сирдарё, Тошкент вилоятларининг барча туманларида, шунингдек Қашқадарё вилоятининг Косон, Муборак, Нишон ва Касби, Сурхондарё вилоятининг Қизириқ ва Музработ туманларида қўлда терилган бир килограмм пахта учун қўшимча 150 сўм, озиқ-овқат харажатларига 150 сўм, жами 300 сўм устама ҳақи тўланиши айтилди. Масалан, пахта терим мавсумининг биринчи босқичиданоқ теримчилар юқорида қайд этилган ҳудудларда 1 кг пахта учун 950 сўмдан ҳақ олиши назарда тутилган.
Ушбу маблағлар Молия вазирлиги ҳузуридаги қишлоқ хўжалигини давлат томонидан қўллаб-қувватлаш жамғармаси томонидан таъминланади. Шу мақсадда жамғармадан 246 млрд. 404 млн. сўм ажратилиши режалаштирилмоқда.
Манба: Kun.uz
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2018-09-05 08:45:23+00:00
Миср-Ўзбекистон ўртасида 12 та идоралараро ҳужжатлар имзоланди.
Шунингдек, Наманган ва Искандария шаҳарлари ўртасидаги биродарлик битими асосида фаол ҳамкорлик ўрнатилади. Искандария шаҳри маъмуриятининг юртимизга ташриф буюриши кутилмоқда.
-
2018-09-05 08:38:15+00:00
Миср-Ўзбекистон ўртасида зиёрат туризмини ривожлантириш, Самарқанд, Бухоро, Хива, Тошкент шаҳарларига мисрликларнинг оқимини ошириш мақсадида Тошкент-Қоҳира-Хургада ўртасида авиақатновларни йўлга қўйишга келишиб олинди.
-
2018-09-05 08:22:46+00:00
Миср ва Ўзбекистон ўртасида турли соҳаларда ҳамкорлик битимларини имзолаш тадбири бошланди.
Суратда Миср савдо ва саноат вазири Амир Нассар ҳамда Ўзбекистон Адлия вазири Руслан Давлетов.
-
2018-09-05 07:25:52+00:00
Абдулфаттоҳ ас-Сисий Шавкат Мирзиёевни Мисрга таклиф этди
-
2018-09-05 05:05:12+00:00
Президент матбуот хизмати ташаббуси билан журналист ва блогерлар Миср Президенти Абдулфаттоҳ Саид Ҳусайн Халил ас-Сисийнинг давлат ташрифини Миллий матбуот марказида туриб ёритиб боришади.
Шу ердамиз
-
2018-09-05 04:42:17+00:00
Вазирлар Маҳкамасининг 2018 йил 3 сентябрдаги қарори билан Азизов Улуғбек Ўктамович Тошкент молия институти ректори лавозимига тайинланди.
Манба: Edu.uz
Каналга уланиш: 👇
https://t.me/xushnudbek
-
2018-09-05 04:27:25+00:00
Бугун биринчи қўнғироқ, янги ўқув йилининг илк куни. Мактаб, коллеж, лицей ва олий таълим муассасалари учун.
Барча талаба ва ўқувчиларни ушбу сана билан қутлайман. Илмингиз янада зиёда бўлсин. Янги ўқув йили баракали келсин.
Устозларга эса куч-қувват тилайман.
-
2018-09-04 17:16:30+00:00
Миср Араб Республикаси президенти Абдулфаттоҳ Саид Ҳусайн Халил ас-Сисий бугун расмий ташриф билан Тошкентга келди.
Тошкент халқаро аэропортида олий мартабали меҳмонни Шавкат Мирзиёев кутиб олди.
-
2018-09-04 11:14:21+00:00
Ўзбекистон миллий олимпия қўмитаси томонидан Осиё ўйинларида олтин медал олган спортчилар учун 10 минг доллар миқдорида мукофот пули берилади. Бу ҳақда МОҚ президенти Умид Аҳмаджонов «Kun.uz»га маълум қилди.
Бундан ташқари, аввалдан белгиланган тартибга кўра, ҳукумат томонидан Осиё ўйинларида ғолиб бўлган спортчилар учун 5 минг доллардан, кумуш медал эгалари учун 3 минг доллардан ва бронза медал соҳиблари учун 2 минг доллардан пул мукофотлари берилади.
Осиё ўйинларида чемпион бўлган спортчилар жами 15 минг доллардан пул мукофотига эга бўлишади.
Шу тариқа, Ўзбекистон ҳукумати турнир совриндорларини мукофотлаш учун 227 минг доллар, Миллий олимпия қўмитаси эса 210 минг доллар миқдорида маблағ сарфлайди.
Каналга уланиш: 👇
https://t.me/xushnudbek
-
2018-09-04 10:13:52+00:00
Муштарийдан мактуб:
Хушнудбек, салом. Сизнинг каналингизни жуда қизиқиш билан кузатиб бораман.
Менинг ҳам саволларим ва таклифларим жуда кўп.
Дастлабкиси мени жуда ҳам қийин аҳволга солиб турган муаммо бу - 2 нафар синглимнинг контракт пулини қандай қилиб тўлаш масаласида.
26 ёшгача бўлган фарзандининг контракт пулини тўлаётган ота-оналарга солиқ тўловларида имтиёзлар борлигини биламиз. Лекин, шундай талабалар хам борки уларни ота-онаси оламдан ўтган. Демак, талабанинг контракт пулини яқинлари тўлайди. Шу сабабли, ким контракт пулини тўласа ўшаларга ҳам имтиёз берилиши керак.
Кейинги таклифим, 26 ёшгача чегара қўйилганини олиб ташлаш керак ўзи. Сабаби, кимдир талаба бўлиш бахтига бу ёш ўтгандан сўнг эришади. Бунга сабаблар жуда кўп. Мисол учун, талабанинг оилавий аҳволи-етишмовчилик; Талаба бўлиш бахтининг кечиккиши ва бошқалар.
Менинг ҳам 2 нафар ўгай сингилларим контракт асосида ўқийди. Уларни контракт пулини тўлаш бизга жуда оғирлик қилмоқда. Ўзимни туғишган 1 нафар синглим мана яқинда 30 ёшга кирди. Ҳар йили ўқишга топширади, лекин кира олмаяпти. Мени хавотирга солаётган бу муаммо шуки, аввало бу йил ўқишга ушбу синглим хам кирсин (изоҳ - хат аввалроқ ёзилган). Агар синглим ўқишга кирса демак бу йил 3 та синглимга контракт тўлашим керак. Шунча пулни қаердан оламан?
Ўтган йили хам Президент виртуал қабулхоналарига мурожаат билан чиқдик. Банк ходимларини уйимизга холатни ўрганиш бўйича юборишди. Ўрганишди. Берамиз дейишди. Лекин банк ходимлари эртага келинг, индинга келинг дейишиб тўлов муддатини ҳам ўтказиб юборишди. Барибир ололмадик. Сабабларидан бири бу – “кафил” топа олмадик. Тўғрида, ҳар кимнинг хам кафил бўлиши қийин-да. Банк ходимларининг айтишига қараганда ресурслар етишмовчилиги сабабли бу кредит линияси ишламаган эмиш.
Шундан сўнг мен қарз олиб, ойлигимни ва ўгай онамнинг пенция пулларини жамғариб 15 сентябрь куни банкка нақд тўладик. Энди бу йил нима қиламан. Бошим қотган. Академик таътил олайлик десам, унга кўнишмаяпти. Сиртқига айлантирайлик десам, қонунчилигимизда ҳали бунга рухсат йўқ.
Учала синглим хам турмушга чиқмаган. Ўғил бола бўлишганда ҳам қийинчилик бунчалик бўлмасди. Ҳар холда улар қиз бола. Бу каби муаммолар менга ўхшаган қанчадан-қанча инсонларда бор. Хаммага бу йўлда фақат сабр тилайман.
Шу каби муаммолар аслида оиланинг тинчлигини ҳам бузади. Ўзим ҳам кўз касалликлари бўйича болалигимдан ногиронман. 2010 йилгача 2-гурух ногирони эдим. Кейинчалик 3-гуруҳга тушириб ташлашди. Ҳозир уни ҳам олиб ташлашди. Кўзимни кўриш қобилиятининг пастлиги мени хам қийнайди. Бир кўзим “минус” 21 бўлса иккинчиси эса “минус” 19.
Ўқитувчи бўлиб ишлайман. Илмий иш қилаяпман. Таянч докторантурани ҳам тугатганман. Ижарада яшайман. Ҳар ойда 1 млн тўлайман. Ишхонамиздан уй оляпман, унинг ҳам 50 фоизини нақд тўлаганман. Лекин шартнома бўйича 100 фоиз тўлаганимиздан сўнг бизга топширилади. Ҳаттоки уйнинг қолган тўловини тўлаш учун кредит ҳам ололмаяпмиз. Балки ипотека кредитини олиш имконияти пайдо бўлиб қолса ўзимга кейин кредит беришмай қўяди деган ўйлар билан сингилларимга ўзим ҳам кафил бўла олмадимда. Шу сабабли қарз олиб бўлсаям ўқишнинг 1-йилги тўловини тўладим.
Эндигисига бошим қотмоқда. Нима қилай. Агар имкони бўлса шу масалаларни ҳам каналингизда таҳлил қилиб ёритсангиз яхши бўлар эди. Бу кўпчилликнининг муаммоси. Зора, бирор яхши натижа чиқиб қолса.
Буларнинг барчаси эртанги кунимиз яхши бўлиши учун қилинаётган саъй-ҳаракатларимиз-ку, ахир!
Ёшим 35 да. Оиламизда 2 ўғил 5 қиз эдик. Онам 3 ёшлигимда, дадам 30 ёшимда, акам 33 ёшимда вафот этишди. Акам “сирли қотиллик” қурбони бўлди. Жиноятчиларни топа олишмади. Акамнинг оиласи ҳам менинг гарданимда. Яхшиямки, турмуш ўртоғим ҳам ишлайди.
Хушнудбек, мана бироз бўлсада ғойибона мен билан танишиб олдингиз. Мақсадим муаммоларимнинг ечими учун бирор имконият ёки йўлини топишдир. Дардимни бироз достон қилганим учун узр сўрайман. Ҳар холда ечим топишда кимдир билан маслаҳатлашиб олишим ҳам керак эди-да! Саломат бўлинг.
Каналга уланиш: 👇
https://t.me/xushnudbek
-
2018-09-04 04:53:06+00:00
ИЛМ УЧУН ЭҲСОН ҚИЛИНГ!
❗️Ҳозирча 1 кунда 4 млн. сўмдан ошиқроқ маблағ йиғилди!
Ёдингизда бўлса, 2-3 нафар чин етим ва ҳақиқатда моддий аҳволи ёмон талабаларнинг контракт пулини тўлаш учун хайрия акциясини ўтказиш ҳақида гап очган эдим.
Шу акцияга старт бердик.
Қуйидаги пластик карточкасига 💳 эҳсонингизни ўтказишингиз мумкин:
8600 3104 0666 3526
(Алоқабанк)
Карта Хушнуд Худайбердиев номига очилган.
Саволлар юзага келса қуйидаги бот орқали мурожаат қилишингиз мумкин:
Аллоҳ барчамизнинг эҳсонимизни даргоҳида қабул қилсин.
♻️ Имкони бўлса шу хабарни дўстларингизга ҳам улашинг ва савобга шерик бўлинг.
Изоҳлар:
👉 ҳозирча айнан неча кишига контракт пули тўлаб берилиши аниқ эмас. Балки 1 киши бўлар, балки 10 киши. Бу тушган пулнинг миқдорига боғлиқ;
👉 хайрия учун қанча маблағ ўтказишингиз муҳим эмас. Кимдир минг сўм, кимдир 10 минг сўм, яна бошқа биров 100 минг сўм. Ҳеч қандай чеклов йўқ;
👉 ҳозирча контракти тўлаб бериладиган талабалар ҳам аниқ эмас. Лекин йиғилган сумма ҳақиқатда муҳтож инсонларга берилишига мен кафил, ишонишингиз мумкин;
👉 ҳозирча фақат пластик орқали тўлов мавжуд, Paynet варианти йўқ. Агар Сизда пластик бўлмаса, унда пластиги бор инсонлардан илтимос қилинг, Сиз нақд пул берасиз, улар пул ўтказиб беришади. Излаган имкон топар, чин дилдан хоҳласангиз, бир иложини топса бўлади;
👉 имкон қадар юқори балл олиб контрактга кирган талабаларга тўлаб беришга ҳаракат қиламиз;
👉 супер-контракт учун хайрия пуллари сарфланмайди.
Каналга уланиш: 👇
https://t.me/xushnudbek
-
2018-09-04 04:46:08+00:00
Хат юбораётганлар, Сизлардан ҳам илтимос, фақат мана бунақа инсонларга ўхшаб сабрсиз бўлманглар. Ҳеч ким Сизга 2 дақиқадаёқ жавоб ёзмайди, куну тун онлайн ўтирадиган бекорчилар йўқ.
Раҳмат ))
-
2018-09-04 04:36:51+00:00
Минг бор узр, яна ўша эски мавзу
Бот орқали 1 августдан буён 12 минг 752 та хабар келибди.
Агар ҳар бир хабарни ўқиш учун ўртача 1 минут кетса, кунига 8 соат вақтимни фақат хат ўқиш учун ажратсам, барча хабарларни ўқишга 26 кун керак бўлади. Фақат ўқиш учун. Жавоб ёзиш чиқиб учун эса қанча вақт кетишини тасаввур қилаверинг.
Ҳали электрон почта ва Фейсбукдаги минглаб жавобсиз хатларни ҳисобламадим.
Аввал ёзганимдай, мабодо Сизга жавоб келмаган бўлса, бу жавоб беришни истамаганимдан эмас, азбаройи бунга имконим йўқлигидан холос.
Бу гапларни ўзимни «важный» одам қилиб кўрсатиш учун айтмаяпман, зинҳор. Шунчаки менга ишониб, умид билан савол йўллаган, лекин ҳалигача жавоб ололмаётган инсонлардан узримни сўраб қўймоқчиман. Хафа бўлманг, илтимос.
Тушунганингиз учун раҳмат!
Каналга уланиш: 👇
https://t.me/xushnudbek
-
2018-09-03 17:10:39+00:00
Келгуси йилдан ўқишга кириш жараёнларида 50 фоизлик ҳарбий имтиёз масаласи қайта кўриб чиқилар экан. Бу ҳақида Бош вазир ўринбосари Азиз Абдухакимов "Газета.уз" нашрига маълум қилибди.
Бу ҳақида кўп таъкидлагандик, ва ниҳоят адолатсизликнинг ўчоғи бўлган имтиёз масаласи ҳам қайта кўриб чиқилар экан, бундан хурсандман. Ҳарбий имтиёзлилар алоҳида квота доирасида қабул қилиниши мумкин экан, яъни бировга зарари тегмайди, ўзаро курашишади. Бу ҳам яхши ечим. Ўзи норози бўлаётганларнинг аксарияти ҳам "имтиёз бутунлай бекор бўлсин", демаганди. "Майли, берилсин, лекин бу имтиёз ўзгаларнинг ҳуқуқига даҳл қилмасин, бировларга зарар олиб келмасин" дейишарди холос.
Ҳозирча айнан қандай ўзгариш бўлиши аниқ эмас, кутамиз. Расман маълум бўлиши билан хабарини етказамиз.
Каналга уланиш: 👇
https://t.me/xushnudbek
-
2018-09-03 14:08:16+00:00
Эртага Миср Президенти Абдулфаттоҳ Саид Ҳусайн ас-Сисининг Тошкентга келиши кутилмоқда. 5 сентябрь куни Шавкат Мирзиёев Миср Президенти билан учрашади.
Каналга уланиш: 👇
https://t.me/xushnudbek
-
2018-09-03 09:33:23+00:00
ИЛМ УЧУН ЭҲСОН ҚИЛИНГ!
❗️Ҳозирча 6 млн. сўмдан ошиқроқ маблағ йиғилди!
Ёдингизда бўлса, 2-3 нафар чин етим ва ҳақиқатда моддий аҳволи ёмон талабаларнинг контракт пулини тўлаш учун хайрия акциясини ўтказиш ҳақида гап очган эдим.
Шу акцияга старт бердик.
Қуйидаги пластик карточкасига 💳 эҳсонингизни ўтказишингиз мумкин:
8600 3104 0666 3526
(Алоқабанк)
Карта Хушнуд Худайбердиев номига очилган.
Саволлар юзага келса қуйидаги бот орқали мурожаат қилишингиз мумкин:
Аллоҳ барчамизнинг эҳсонимизни даргоҳида қабул қилсин.
♻️ Имкони бўлса шу хабарни дўстларингизга ҳам улашинг ва савобга шерик бўлинг.
Изоҳлар:
👉 ҳозирча айнан неча кишига контракт пули тўлаб берилиши аниқ эмас. Балки 1 киши бўлар, балки 10 киши. Бу тушган пулнинг миқдорига боғлиқ;
👉 хайрия учун қанча маблағ ўтказишингиз муҳим эмас. Кимдир минг сўм, кимдир 10 минг сўм, яна бошқа биров 100 минг сўм. Ҳеч қандай чеклов йўқ;
👉 ҳозирча контракти тўлаб бериладиган талабалар ҳам аниқ эмас. Лекин йиғилган сумма ҳақиқатда муҳтож инсонларга берилишига мен кафил, ишонишингиз мумкин;
👉 ҳозирча фақат пластик орқали тўлов мавжуд, Paynet варианти йўқ. Агар Сизда пластик бўлмаса, унда пластиги бор инсонлардан илтимос қилинг, Сиз нақд пул берасиз, улар пул ўтказиб беришади. Излаган имкон топар, чин дилдан хоҳласангиз, бир иложини топса бўлади;
👉 имкон қадар юқори балл олиб контрактга кирган талабаларга тўлаб беришга ҳаракат қиламиз;
👉 супер-контракт учун хайрия пуллари сарфланмайди.
Каналга уланиш: 👇
https://t.me/xushnudbek
-
2018-09-03 06:33:24+00:00
Шавкат Мирзиёев Қирғизистоннинг Чўлпон ота шаҳрида Туркий тилли давлатлар ҳамкорлик кенгаши саммитида фахрий меҳмон сифатида иштирок этмоқда.
Каналга уланиш: 👇
https://t.me/xushnudbek
-
2018-09-03 05:56:04+00:00
Халқ таълими вазири Шерзод Шерматов раҳбарларни ўз мактабига боришга чақирди
«Ёшларимизни ўқишга мотивациясини оширишга биргаликда ҳаракат қилайлик!
Барча вазирлик ва идоралар раҳбарларига 5 сентябрь куни ўзлари ўқиган мактабга бориб, янги ўқув йили бошланиши муносабати билан ўтказиладиган тадбирда иштирок этишларини сўраб мурожаат қилган эдик.
Унга кўра, мактабдаги тадбирда ҳар бир раҳбар ўзининг ҳаётидан мисоллар келтириб, улар эришган муваффақиятларда мактабдаги таълим ва тарбиянинг роли катта бўлгани, қолаверса, ўқувчиларга мактаб даврида яхши ўқиб, вақтдан унумли фойдаланиш муҳимлиги ҳақида қисқача маъруза қилиб бериш таклифи берилганди.
Қувонарлиси, кўпчилик вазирлик ва идоралар раҳбарлари ҳамда жойлардаги ҳокимлар томонидан ушбу таклиф ижобий қабул қилиниб, 5 сентябрь куни мактаблардаги тадбирларда қатнашишга тайёр эканликлари билдирилди.
Шунингдек, мактаб битирувчилари орасида ҳаётда кўпчилик ҳавас қиладиган бошқа соҳа вакиллари ҳам кўп. Улар орасида бугунги кунда таниқли тадбиркорлар ва халқ хизматида юрган инсонларнинг жамиятда тутган ўрни беқиёс.
Фурсатдан фойдаланиб, уларни ҳам 5 сентябрь куни ўз мактабларига келиб, ёшларни ўз ҳаётий тажрибалари асосида мотивация қилишга ҳисса қўшишга таклиф этамиз. Бу ўқувчиларда ўзи ўқиётган мактабдан фахрланиш туйғуси ҳамда янада яхшироқ ўқишга интилиш шаклланишига ўзига хос туртки бўлади.
Мактабларда муаммолар ва қилиниши керак бўлган ишлар жуда кўп, лекин энг асосийси, болаларимизни ўқишга чин дилдан қизиқтира олсак, энг катта натижага эришган бўламиз. Шунда улар қийинчиликларга қарамай ўзлари ўқишга интиладиган бўладилар.»
Каналга уланиш: 👇
https://t.me/xushnudbek
-
2018-09-03 05:53:31+00:00
Президент Шавкат Мирзиёев 2 сентябрь куни Ислом Каримов ҳайкали пойига гул қўйди. Унинг ёрқин хотирасига ҳурмат бажо келтирди.
Фото: president.uz
Кеча, 2 сентябрь, Ислом Каримовни хотирлаш куни эди
-
2018-09-03 05:16:36+00:00
Шунчаки. Яхши шеър. Қатағон даврлари ҳақида. Сиз билан улашгим келди.
Эгил, ўзни пана қил,
Борлигингни билдирма.
Йўталганга ўн беш йил,
Аксирганга йигирма.
Кар бўл, кўр бўл, тишла тил,
Бошга бало келтирма.
Гапирганга ўн беш йил,
Эшитганга йигирма.
Қаламингни душман бил,
Қоғоз узра жилдирма,
Роман ёзсанг - ўн беш йил,
Достон ёзсанг - йигирма...
© Эркин Воҳидов
Каналга уланиш: 👇
https://t.me/xushnudbek
-
2018-09-02 16:09:17+00:00
ИЛМ УЧУН ЭҲСОН ҚИЛИНГ!
Бисмиллоҳ, деб хайрия акциясини бошлаймиз.
Ёдингизда бўлса, 2-3 нафар чин етим ва ҳақиқатда моддий аҳволи ёмон талабаларнинг контракт пулини тўлаш учун хайрия акциясини ўтказиш ҳақида гап очган эдим.
Шу акцияга бугундан старт берамиз.
Қуйидаги пластик карточкасига эҳсонингизни ўтказишингиз мумкин:
8600 3104 0666 3526
(Алоқабанк)
Карта Хушнуд Худайбердиев номига очилган.
Саволлар юзага келса қуйидаги бот орқали мурожаат қилишингиз мумкин:
Аллоҳ барчамизнинг эҳсонимизни даргоҳида қабул қилсин.
Имкони бўлса шу хабарни дўстларингизга ҳам улашинг ва савобга шерик бўлинг.
Изоҳлар:
* ҳозирча айнан неча кишига контракт пули тўлаб берилиши аниқ эмас. Балки 1 киши бўлар, балки 10 киши. Бу тушган пулнинг миқдорига боғлиқ;
* ҳозирча контракти тўлаб бериладиган талабалар ҳам аниқ эмас. Лекин йиғилган сумма ҳақиқатда муҳтож инсонларга берилишига мен кафил, ишонишингиз мумкин;
* ҳозирча фақат пластик орқали тўлов мавжуд. Агар Сизда пластик бўлмаса, унда пластиги бор инсонлардан илтимос қилинг, Сиз нақд пул берасиз, улар пул ўтказиб беришади;
* имкон қадар юқори балл олиб контрактга кирган талабаларга тўлаб беришга ҳаракат қиламиз;
* супер-контракт учун хайрия пуллари сарфланмайди.
Каналга уланиш: 👇
https://t.me/xushnudbek
-
2018-09-01 10:14:28+00:00
Ураа! Яна битта олтин!
Самбочимиз Холмаматов Камолиддин ҳам олтин медаль олди! 21-олтин!🥇
-
2018-09-01 09:48:14+00:00
Ҳеч бир соҳа давлатни спортчалик машҳур қилай олмайди, дейишгани рост.
Спортчиларимиз Мустақиллик байрамига муносиб совға ҳозирлашган экан.
Осиё ўйинларида 20 та🥇олтин, 23 та🥈кумуш, 25 та🥉бронза медалини қўлга киритдик.
Лекин бу ҳали ҳаммаси эмас. 2 нафар самбочимиз финалга чиққан. Уларга ҳам омад тилаймиз ва олтин кутиб қоламиз!
Байраммисан, байрам бўляптику😃
-
2018-09-01 09:19:12+00:00
Ўзбекистон Осиё ўйинларида Эронни қувиб ўтиб, умумжамоа рейтингида 5-ўринга чиқиб олди! Даҳшат!
-
2018-09-01 03:57:11+00:00
Шу тупроқдан топдим бахтимни,
Фарзандимни севганча севгум.
Юртга бўлган муҳаббатимни,
Мендан тортиб ололмас ҳеч ким.
Қадрдон юртдошлар, азиз ватандошлар. Мустақиллик куни билан Сизларни ғойибона табриклаб туриш бахтига муяссар бўлаётганимдан бағоятда хурсандман.
Ватанимизни Яратганнинг ўзи бало-қазолардан асрасин. Юртимиз тинч, халқимизнинг дастурхони тўкин бўлсин. Мустақиллигимиз абадий бўлсин!
Ҳурмат билан,
Хушнудбек!