-
2019-12-31 19:34:18+00:00
Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги
—
Новогоднее поздравление Президента Республики Узбекистан Шавката Мирзиёева народу Узбекистана
-
2019-12-31 18:50:37+00:00
Ўзбекистон Республикаси Президенти Шавкат Мирзиёевнинг янги йил табриги эълон қилинмоқда.
-
2019-12-31 18:17:06+00:00
Tashkent City боғидаги дронлар шоуси!!! Даҳшат, жуда гўзал 👏🏻👏🏻👏🏻
Бўларкану, бизда ҳам шунақа замонавий кўнгилочар шоулар ташкил қилса.
Салют йўқ, деб кўпчилик хафа бўлганди, охирида салют ҳам отилибди мана :)
Видео манбаси: @poytaxt_uz
-
2019-12-31 16:12:17+00:00
Хайрли 2019 йил!
Милодий тақвим бўйича яна бир йил тугаб, янгиси бошланишига оз фурсатлар қолди.
Аллоҳга беҳисоб шукрлар бўлсинки, ортда қолган йил ҳам шахсий, ҳам касбий, ҳам ижодий фаолиятимда мен учун жуда баракали ва хайрли йил бўлди. Синовли кунларимдан қувончли кунларим кўпроқ бўлди.
Яратган ўзининг кўплаб неъматлари ва мукофотлари билан сийлади. Асосийси саломатлик, хотиржамлик ҳамда ҳалол ризқидан айирмади.
Ютуқлардан қувондим, хатоларимдан хулоса қилдим. Бир сўз билан айтганда ортда қолган йилнинг ҳар бир кунидан миннатдорман.
Азиз юртдошлар, ҳурматли дўстлар!
Кириб келаётган 2020 йилнинг ҳар куни Сизлар учун хайрли бўлишини, соғлиқ, бахт ва қувонч доимий ҳамроҳлик қилишини тилайман.
Она ватанимиз Ўзбекистон келаётган йилда янада гуллаб-яшнасин, хатоларимиздан ғалабаларимиз кўпроқ бўлсин, халқимизнинг ҳар бир вакили ўзини бугунги кундан ҳам кўпроқ бахтли ҳис қилсин, юртимизни тинчлик тарк этмасин.
Йил давомида яхши-ёмон гапларимга чидаб, мени кузатиб, хатоларимни кечириб, қўллаб-қувватлаб борган барча муштарийлардан миннатдорман. Саломат бўлинг!
-
2019-12-31 12:31:07+00:00
#архив #видео
«Заковат»нинг 2008 йилги Янги йил ўйини. Обид Асомов жамоаси.
Кўрсатувнинг шу жойини кўрсам ҳар сафар кайфиятим кўтарилади. Роса чиройли ҳазил чиққанди-да ўзиям :)
Раҳматли Обид Асомовнинг руҳлари шод бўлсин, илоҳим.
👉 @xushnudbek 👈
-
2019-12-31 09:54:53+00:00
Бугун ходимлар 1 соат вақтли кетиши керак!
Меҳнат кодекси 121-моддасига биноан, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.
Эртага 1 январь - Янги йил куни, яъни ишланмайдиган байрам куни. Демак, бугун ишга чиққан барча ходимлар 1 соат вақтлироқ уйига кетишига қонуний ҳаққи бор.
Бу дегани, масалан, кечки соат 6 гача ишлайдиганлар бемалол 17:00 да ишини якунлаши мумкин.
👉 @xushnudbek 👈
-
2019-12-31 05:51:36+00:00
⚡️⚡️⚡️1 февралдан иш ҳақи, стипендия ва пенсиялар 7 фоизга оширилади
2020 йил 1 февралдан маош ва пенсиялар оширилади, лекин базавий ҳисоблаш миқдори (эски энг кам ойлик иш ҳақи) ўзгармайди, деб ёзмоқда Кун.уз.
2020 йилнинг февралидан бюджет ташкилотлари ва муассасалари ходимлари иш ҳақлари, пенсия, стипендия, нафақа ҳамда кам таъминланан оилаларга моддий ёрдамлар миқдори 1,07 бараварга оширилади. Бу Шавкат Мирзиёев 30 декабрь куни имзолаган қарорда кўзда тутилган.
2020 йил 1 февралдан бошлаб:
• меҳнатга ҳақ тўлашнинг энг кам миқдори – ойига 679 330 сўм;
• пенсияни ҳисоблашнинг базавий миқдори – ойига 238 610 сўм;
• энг кам ёшга доир пенсиялар – ойига 466 680 сўм;
• болаликдан ногиронларга бериладиган нафақа – ойига 466 680 сўм;
• зарур иш стажига эга бўлмаган кекса ёшдаги ва меҳнатга лаёқатсиз фуқароларга бериладиган нафақа – ойига 286 390 сўм;
• 14 ёшгача болалари бўлган оилаларга нафақа, бола икки ёшга тўлгунга қадар бола парвариши бўйича нафақа, кам таъминланган оилаларга бериладиган моддий ёрдам ҳамда Қорақалпоғистон Республикаси ва Хоразм вилоятидаги муҳтож оилаларга бир марталик моддий ёрдам миқдорлари 2-иловага мувофиқ белгиланади;
Базавий ҳисоблаш ўзгаришсиз қолди — 223 000 сўм. Қайд этилишича, у солиқлар, йиғимлар, жарималар, давлат божлари ва кўрсатилаётган давлат хизматлари, тадбиркорлик фаолиятининг муайян тури билан шуғулланиш учун патент (лицензия) тўловлари ҳамда қонун ҳужжатларида белгиланган бошқа тўловлар миқдорини аниқлашда қўлланади.
Сўнгги марта иш ҳақи, пенсиялар, стипендиялар ҳамда нафақалар миқдори 1 август куни 10 фоизга кўтарилганди.
👉 @xushnudbek 👈
-
2019-12-30 18:02:36+00:00
Тошкентда вақтинчалик пропискасиз бўлиш муддати 5 кундан 10 кунга узайтирилди
«Ўзбекистон Республикасида доимий ва вақтинча прописка қилиш тартибини янада соддалаштириш чора-тадбирлари тўғрисида» Ҳукумат қарори (1049-сон, 28.12.2019 й.) қабул қилинди. Бу ҳақда «Ҳуқуқий ахборот» канали хабар бермоқда.
Қарорга мувофиқ:
👉 фуқароларни прописка қилиш, пропискадан чиқариш ва турган жойи бўйича ҳисобга олиш яшаш жойига яқин ва уларга қулай бўлган хоҳлаган туман (шаҳар) ИИБлари томонидан амалга оширилади;
👉 фуқароларни прописка қилиш ёки турган жойи бўйича ҳисобга олишда уй-жой мулкдорлари шахсан иштирок этиши талаб қилинмайди, ҳужжатлар уларнинг электрон рақамли имзоси билан тасдиқланади;
👉 фуқаролар янги яшаш жойига келганда доимий прописка қилиш ёки турган жойи бўйича ҳисобга олиш учун ҳужжатларни тақдим этиш муддати 10 кунгача узайтирилди.
Қарор билан, Ўзбекистон фуқароларини Тошкент шаҳри ва Тошкент вилоятида доимий прописка қилиш, пропискадан чиқариш ва турган жойи бўйича ҳисобга олиш тартиби тўғрисидаги низом тасдиқланди.
Низомга кўра, доимий пропискага эга бўлиш ва турган жойлари бўйича ҳисобда туриш учун фуқаролар ДХМларга ёки Ягона интерактив давлат хизматлари портали (ЯИДХП) орқали мурожаат қилишлари ҳам мумкин.
Давлат хизматлари кўрсатиш учун БҲМнинг 2 фоизи миқдорида давлат божи ундирилади.
Қарорга кўра, фуқароларни турган жойи бўйича ҳисобга олиш соҳасида давлат хизматини кўрсатиш тажриба тариқасида Тошкент шаҳрининг Бектемир ва Чилонзор туманларида, 2021 йил 1 январдан бошлаб эса республика миқёсида фақат ДХМлар орқали амалга оширилади.
Қарор билан шунингдек,Чет эл фуқаролари ва фуқаролиги бўлмаган шахсларни Тошкент шаҳри ва Тошкент вилоятида доимий ва вақтинча прописка қилиш тартиби тўғрисидаги низомлар тасдиқланди.
Шунингдек, Тошкент шаҳрида ва Тошкент вилоятида доимий прописка қилиниш ҳуқуқига эга бўлган шахслар – чет эл фуқаролари ва фуқаролиги бўлмаган шахслар тоифаларининг рўйхати тасдиқланди.
❗️мазкур қарорда иккиламчи бозордан доимий пропискасиз уй сотиб олишга рухсат бериш тўғрисида енгиллик берилмаган.
👉 @xushnudbek 👈
-
2019-12-30 14:25:05+00:00
Эртага ҳафтасига 5 кун ишловчи ходимларга дам олиш куни
Эртага, 31 декабрь куни, ҳафтасига 5 кун ишловчи ходимларга расман дам олиш куни.
Фақат касб зарурияти туфайли смена асосида ишлайдиганлар бундан мустасно.
Ҳурматли, виждонли раҳбарлар! Бўган-бўмаган сабаблар билан дам олиш кунлари ходимларингизни ишга чақириб олишга барҳам берсангиз, жуда бир инсофли иш бўларди. Раҳмат.
P.S.: хабар таҳрирланди. Аввалги хабарда “барча ходимларга дам олиш” деб нотўғри кетибди, узр сўраймиз.
👉 @xushnudbek 👈
-
2019-12-30 10:01:57+00:00
БОШ ПРОКУРАТУРА РАСМИЙ БАЁНОТИ
Жорий йилнинг 10 декабрь куни Интернет нашрларида Фарғона вилояти ҳокими, сенатор Ш.Ғаниевга тегишли ҳамда таҳдид мазмунидаги тарқалган аудиоёзувдаги ҳолатлар бўйича Бош прокуратура томонидан терговга қадар текширув ўтказилди.
Аниқланишича, ижтимоий тармоқларда Қува тумани Автошоҳбекати ёнидаги автомобиль йўлида тўпланиб турган тахминан 20-30 нафар фуқаролар томонидан электр ва газ таъминотида узилишлардан норозилик билдирилаётганлиги акс этган видеолавҳа тарқалган.
Вилоят ҳокимлигида ўтказилган селектор йиғилишида Ш.Ғаниев Қува туманидаги ҳолат бўйича туман ҳокимига юзланган ҳолда муомала маданиятидан четга чиқиб, таҳдидий ва қўпол сўзлар ишлатган. Ушбу ҳолат номаълум шахс томонидан ёзиб олиниб, тарқатилган.
Терговга қадар текширувда жорий йилнинг 2 декабрь куни бўлиб ўтган селектор йиғилишида Ш.Ғаниев таҳдидий ва қўпол сўзларни ишлатганлиги аниқланди.
Ш.Ғаниевнинг сўзларида инсон ҳаётига ва соғлиғига тажовуз қиладиган реал таҳдид, яъни уларни амалга оширилишидан хавфсираш учун асослар мавжуд эмаслигини инобатга олиб, мазкур ҳолат юзасидан Жиноят-процессуал кодекси талаблари асосида жиноят иши қўзғатишни рад қилиш ҳақида қарор қабул қилинди.
Бироқ, Ш.Ғаниев давлат ҳокимияти ва бошқаруви органи мансабдор шахси бўла туриб, Давлат бошқаруви органлари ва маҳаллий ижро этувчи ҳокимият органлари ходимларининг одоб-ахлоқ намунавий қоидалари талабларини бузганлигини инобатга олиб, унинг интизомий жавобгарлиги масаласини кўриб чиқиш учун Вазирлар Маҳкамасига хат юборилди.
-
2019-12-30 08:45:11+00:00
ЙИЛНИНГ ЭНГ КАТТА “ҚОВУН” ТУШИРИШ ВОҚЕАСИ
❗️«2,5 млн сўм 5 фарзандли оила учун 1 ойга eтади»❗️
Шунингдек, ушбу номинацияда қуйидаги вариантлар ҳам муштарийлар томонидан кўп бора тилга олинди:
• «Биз жуда кўп гўшт еяпмиз»
• «Ўша рўмолини олиб, оғзингга тиқаман»
• «Шесть секунд»
• «Тошкентга келиш учун туманидаги инспектордан талон олсин»
Изоҳ: номинация ғолиби 445 та қолдирилган изоҳ ҳамда сўровномада берилган 40,7 минг овоз ёрдамида аниқланди.
👉 @xushnudbek 👈
-
2019-12-30 08:30:09+00:00
ЙИЛ ВОҚЕАСИ
✅ Абитуриентларга учта ОТМга ҳужжат топшириш имкони яратилгани ✅
Шунингдек, ушбу номинацияда қуйидаги вариантлар ҳам муштарийлар томонидан кўп бора тилга олинди:
• Даромад солиғининг барчага бир хил 12% этиб камайтирилгани
• ОАВ ва блогерларга анча эркинлик берилгани
• Нақд валюта сотишнинг йўлга қўйилгани
• Жаслиқ қамоқхонасининг ёпилгани
• «The Economist» журнали Ўзбекистонни «Йил мамлакати» деб тан олгани
Изоҳ: номинация ғолиби 416 та қолдирилган изоҳ ҳамда сўровномада берилган 41,3 минг овоз ёрдамида аниқланди.
👉 @xushnudbek 👈
-
2019-12-30 08:15:11+00:00
ЙИЛ ТАЙИНЛОВИ
✅ Равшан Эрматов (Ўзбекистон футбол ассоциацияси биринчи вице-президенти) ✅
Шунингдек, ушбу номинацияда қуйидаги тайинловлар ҳам муштарийлар томонидан кўп бора тилга олинди:
• Алишер Саъдуллаев – Ёшлар иттифоқи раиси
• Ниғматилла Юлдашев – Бош прокурор
• Шерзод Кудбиев - Ўзбекистон Президентининг давлат хизмати ва давлат ҳокимияти вакиллик органлари билан ҳамкорлик қилиш масалалари бўйича маслаҳатчиси
• Зоир Мирзаев – Қашқадарё вилояти ҳокими
Изоҳ: номинация ғолиби 445 та қолдирилган изоҳ ҳамда сўровномада берилган 34,5 минг овоз ёрдамида аниқланди.
👉 @xushnudbek 👈
-
2019-12-30 08:00:54+00:00
2019 ЙИЛДАГИ ФАОЛИЯТИ ДАВОМИДА АҲОЛИНИНГ ЭНГ КЎП ЭЪТИРОЗИГА САБАБ БЎЛГАН ДАВЛАТ ТАШКИЛОТИ
❗️ Ҳокимликлар ❗️
Шунингдек, ушбу номинацияда қуйидаги ташкилотлар ҳам муштарийлар томонидан кўп бора тилга олинди:
• ИИВ Йўл ҳаракати бош бошқармаси
• Мажбурий ижро бюроси
• Энергетика вазирлиги
• Уй-жой коммунал хизмат кўрсатиш вазирлиги
Изоҳ: номинация ғолиби 443 та қолдирилган изоҳ ҳамда сўровномада берилган 37,4 минг овоз ёрдамида аниқланди.
👉 @xushnudbek 👈
-
2019-12-30 07:45:07+00:00
2019 ЙИЛДА ФАОЛИЯТИ ИЖОБИЙ ТАРАФГА КЕСКИН ЎЗГАРГАН ДАВЛАТ ТАШКИЛОТИ
✅ Ахборот ва оммавий коммуникациялар агентлиги ✅
Шунингдек, ушбу номинацияда қуйидаги ташкилотлар ҳам муштарийлар томонидан кўп бора тилга олинди:
• Халқ таълими вазирлиги
• Марказий банк ва банклар
• Туризмни ривожлантириш қўмитаси
• Мактабгача таълим вазирлиги
Изоҳ: номинация ғолиби 443 та қолдирилган изоҳ ҳамда сўровномада берилган 46,5 минг овоз ёрдамида аниқланди.
👉 @xushnudbek 👈
-
2019-12-30 07:30:14+00:00
ХАЛҚ МЕҲРИНИ ҚОЗОНГАН ҲОКИМ
✅ Эркинжон Турдимов (Самарқанд вилояти ҳокими) ✅
Шунингдек, ушбу номинацияда қуйидаги ҳокимлар ҳам муштарийлар томонидан кўп бора тилга олинди:
• Шуҳрат Абдураҳмонов (Андижон вилояти ҳокими)
• Хайрулла Бозоров (Наманган вилояти ҳокими)
• Жаҳонгир Ортиқхўжаев (Тошкент шаҳар ҳокими)
• Ўктам Барноев (Бухоро вилояти ҳокими)
Изоҳ: номинация ғолиби 474 та қолдирилган изоҳ ҳамда сўровномада берилган 73,2 минг овоз ёрдамида аниқланди.
👉 @xushnudbek 👈
-
2019-12-30 07:16:08+00:00
ХАЛҚ МЕҲРИНИ ҚОЗОНГАН ДАВЛАТ ТАШКИЛОТИ РАҲБАРИ
✅ Комил Алламжонов (Ахборот ва оммавий коммуникациялар агентлиги директори) ✅
Шунингдек, ушбу номинацияда қуйидаги раҳбарлар ҳам муштарийлар томонидан кўп бора тилга олинди:
• Шерзод Шерматов (Халқ таълими вазири)
• Танзила Нарбаева (Сенат раиси)
• Мамаризо Нурмуратов (Марказий банк раиси)
• Русланбек Давлетов (Адлия вазири)
Изоҳ: номинация ғолиби 474 та қолдирилган изоҳ ҳамда сўровномада берилган 85,9 минг овоз ёрдамида аниқланди.
👉 @xushnudbek 👈
-
2019-12-30 07:00:57+00:00
ЙИЛ ДАВОМИДА КОРРУПЦИЯ ЭЛЕМЕНТЛАРИ ЭНГ ЮҚОРИ ДАРАЖАДА САҚЛАНИБ ҚОЛГАН СОҲА (ДАВЛАТ ТАШКИЛОТИ)
❗️ Олий таълим ❗️
Шунингдек, ушбу номинацияда қуйидаги соҳа (ташкилот)лар ҳам муштарийлар томонидан кўп бора тилга олинди:
• Ҳокимликлар
• Тиббиёт
• Ички ишлар
• Суд
Изоҳ: номинация ғолиби 614 та қолдирилган изоҳ ҳамда сўровномада берилган 41 минг овоз ёрдамида аниқланди.
👉 @xushnudbek 👈
-
2019-12-30 06:42:47+00:00
«ЙИЛ ДАВОМИДА ЎЗ ТИЗИМИДА КОРРУПЦИЯГА ҚАРШИ МУРОСАСИЗ КУРАШГАН ДАВЛАТ ТАШКИЛОТИ»
✅ Ўзавтосаноат ✅
Шунингдек, ушбу номинацияда қуйидаги ташкилотлар ҳам муштарийлар томонидан кўп бора тилга олинди:
• Давлат тест маркази
• Адлия вазирлиги
• Бош прокуратура
• Солиқ қўмитаси
Изоҳ: номинация ғолиби 614 та қолдирилган изоҳ ҳамда сўровномада берилган 91,4 минг овоз ёрдамида аниқланди.
👉 @xushnudbek 👈
-
2019-12-30 06:09:24+00:00
Бугун «Солиқ тўловчилар эътирофи-2019» жамоатчилик сўровининг натижаларини эълон қиламиз.
Шу ўринда бу бўйича айрим фикрларни айтиб ўтмоқчи эдим. Канал муаллифи сифатида мен фақат номинацияларни белгиладим холос. Лекин ўша номинациялар бўйича кимлар номзод этиб кўрсатилиши ва кимлар ғолиб бўлишига менинг алоқам йўқ, буларнинг барчаси муштарийларнинг изоҳлари ҳамда сўровномада берган овозлари натижасида юзага келган.
Бундан ташқари жамоатчилик сўровининг номи «Солиқ тўловчилар эътирофи» деб номланганини ҳам айримлар бироз нотўғри талқин қилибди, яъни солиқ органларига алоқаси бўлса керак, деб ўйлашибди. Аслида бундай эмас. Ўзбекистон Республикасининг барча фуқаролари аслида солиқ тўловчилар. Сизу биз тўлаётган солиқлар эвазига давлат бюджетининг асосий қисми шаклланади. Сизу биз тўлаётган солиқлар эвазига давлат амалдорлари ва хизматчилари ойлик маош олишади. Қўполроқ қилиб тушунтирганда, фуқаролар истеъмолчи, давлат эса истеъмолчилар тўлаган пул эвазига уларга хизмат кўрсатади. Агар хизмат яхши бўлмаса, унда истеъмолчилар шикоят қилиши, яхшироқ хизмат кўрсатишни талаб қилиши мумкин.
Шунинг учун ҳар бир фуқаро ўзини солиқ тўловчи эканлигини унутмаса ҳамда тўлаган солиқлари (тўловлари) эвазига давлат ташкилотларини саволга тутишни бошласа, кўп нарса ижобий ўзгарган бўлар эди.
👉 @xushnudbek 👈
-
2019-12-29 11:24:35+00:00
Янги йил яқинлашаверса, пиротехника воситалари савдоси ҳам анча жонланиб қолади.
Ушбу видеода пиротехника воситаларидан фойдаланиш чоғида амал қилиш керак бўлган хавфсизлик талаблари ҳақида маълумот берилган.
-
2019-12-29 07:49:43+00:00
Бугун телеканаллар машҳур «Ўткан кунлар» фильмининг тўла версиясини намойиш этмоқда
Ҳамюртимиз Алишер Усмановнинг беминнат кўмагида Россия кинофондида сақланаётган, 1969 йилда режиссёр Йўлдош Аъзамов томонидан яратилган «Ўткан кунлар» фильмининг оригинал тўла версияси негатив пленкадан қайта тикланиб, рақамли форматга ўтказилибди.
Фильм намойиши бугун соат 8 дан бошланди. Yoshlar, Sevimli, Zo’rTV ҳамда Milliy телеканалларида намойиш этиб бўлинди. Бугун яна кун давомида қуйидаги телеканалларда эфирга берилади:
1. «Oilaviy» - 13.10 (рус тилида)
2. «Madaniyat va ma‘rifat» - 15.10 (ўзбек тилида)
3. «Kinoteatr» - 16.40 (ўзбек тилида) ва 20.10 (рус тилида)
4. «Mahalla» - 18.30 (ўзбек тилида)
5. «O‘zbekiston» - 21.40 (ўзбек тилида)
6. «Mening yurtim» - 22.30 (ўзбек тилида)
👉 @xushnudbek 👈
-
2019-12-29 04:00:17+00:00
Байрам арафасидаги тунги навбатчиликларга чек қўядиган пайт келмадими?
Ҳар байрам арафасида республикамиз бўйлаб ходимларнинг навбатчилигини, айниқса тунги навбатчилик жорий қилиш анъанаси мавжуд. Бу анъана қаердан ва қачон пайдо бўлганини аниқ билмадим, лекин унинг ҳуқуқий асослари ҳақида билиб қўйсангиз ёмон бўлмасди. Бу ҳақда ўтган йили батафсил мақола ёзгандим:
👉 https://kun.uz/92591839
Навбатчиликнинг турлари кўп. Шулардан бири байрам кунларида жадвал асосида «оператив» ташкил этиладиган бир марталик навбатчиликдир. Бундай «оператив навбатчилик»нинг қолганларидан асосий фарқи шундаки, унга жалб қилинган ходимлар ўзларининг асосий функционал вазифаларини бажаришмайди. Яъни, бундай навбатчилик вақтида ўқитувчи дарс бермайди, шифокор даволамайди, бухгалтерлар ҳисоб-китоб қилмайди ва ҳ.к. Хуллас, белгиланган вақтда белгиланган жойда туриб беришса бўлди.
Навбатчилик ташкил қилишдаги муаммолар
Амалиётдаги энг кўп учрайдиган муаммолардан бири байрам кунларидаги навбатчиликлар ҳеч қандай ҳуқуқий асосга эга бўлмасдан ташкил қилинади. Яъни, иш берувчининг буйруғи (фармойиши) чиқарилмасдан, шунчаки оғзаки кўрсатма билан белгиланади. Шу сабабли деярли барча ҳолатларда бундай «оператив навбатчилик» учун ходимларга ҳеч қандай ҳақ тўланмай келинмоқда.
Бундан ташқари мабодо навбатчилик вақтида ходимлар турли кўнгилсизликлар туфайли тан жароҳати олса ёки вафот этса, меҳнат муҳофазаси масаласида ҳам муаммолар юзага келади. Иш берувчининг ҳеч қандай расмий буйруғи бўлмагандан кейин, унга келгусида товон пули тўлашдан осонгина бош тортиш мумкин бўлади.
Бундай навбатчиликларда байрам кунлари одатда ҳар сафар ташкилотдаги энг ёш ёки энг “бўш” ходим қўйилади. Шу сабабли ноилож ҳар байрамни ташкилотда ўтказадиганлар ҳам йўқ эмас.
Қизиқ томони, ҳокимиятдагилар ташкилотларга келиб, навбатчи бор ёки йўқлигини текшириб кетишади. Агар мабодо бирор ходим навбатчи бўлмаса, унда ташкилот раҳбари бирор жазо олиши ҳам мумкин.
Навбатчилик ўзи нимага керак?
Мени доим шу савол ўйлантиради. Байрам кунларидаги навбатчиликлар, айниқса тунги вақтда қайсидир ходимнинг ишхонада ётиб қолишидан кимга нима наф? Тунда битта ходимининг корхонада тунаб қолишидан иш берувчига нима фойда? Меҳнат жамоасигачи?
«Хавфсизлик», дейсизми? Унда ўша корхонадаги қоровул ёки ички ишлар органларининг қўриқлаш хизмати ходимлари нима қилиб ўтирибди? Улар нима учун маош олишмоқда? Қўриқлаш учунми? Мактаб қоровули бўла туриб, математика ўқитувчисининг мактабда тунаши қай даражада мантиққа тўғри келади?
«Фавқулодда ҳолатлар», дейсизми? Хўш, фавқулодда вазиятларда, айтайлик, ёнғин ёки зилзила пайти математика ўқитувчиси нима қилиб бера олади? Нари борса, 101 рақамига телефон қилиши мумкин. Шу ишни ташкилот қоровули қилса бўлмайдими?
Менинг ўта шахсий фикрим қуйидагича:
ташкилот ходимларининг байрам кунлари тунда навбатчилик учун ишхонада тунаб қолиши агар ёнғин бўлса, қурбонлар сонининг биттага ортишига, агар террорист ёки босқинчилар ҳужум қилса, гаровдагилар ёки мурдалар сонининг биттага кўпайишига, агар бошқа кўнгилсиз ҳолатлар бўлса ҳам, жабрланувчилар сони кўпроқ бўлишига олиб келади, холос. Навбатчиликнинг фойдаси ҳақида гап кетганда эса, жўяли сабаб санаб бера олмайман. Яна ҳам ким билсин.
Ходимларнинг розилигисиз уларни дам олиш (байрам) кунлари ёки тунлари навбатчиликка қўйиш ҳам мажбурий меҳнатнинг бир кўриниши эмасмикин? Ҳар бир ходимнинг янги йил байрамини нормал одамларга ўхшаб, уйда – оила даврасида кутиб олишга (ўтказишга) ҳаққи бўлса керак?
Тошкент шаҳри ўз йўлига, аммо чекка ҳудудларда свет ва газ билан боғлиқ муаммо борлигини яхши биламиз, у ердаги ташкилотларда тунаб қолаётган ходимларнинг аҳволини бир ўйлаб кўриш пайти келмадимикин?
Мазкур масала юзасидан Бандлик ва меҳнат муносабатлари вазирлигидан муносабат кутиб қоламиз. Шунингдек, Одам савдосига ва мажбурий меҳнатга қарши курашиш миллий комиссиясидан жавоб олсак ҳам ёмон бўлмасди.
👉 @xushnudbek 👈
-
2019-12-28 16:31:06+00:00
Янги йил байрами арафасида Ўзбекистонликлар неча кун дам олишади?
2017 йилдан бошлаб дам олиш кунларини тартибга солиш анъанаси бошланганди. Натижада ўтган 2 йилда (2018, 2019) ҳафтасига 5 кун ишловчи ходимлар янги йил байрами арафасида кетма-кет 5 кун дам олишган эди.
Жорий йилги тартибга кўра, олдингидек кетма-кет 5 кунлик дам олиш бўлмайди, 3 кун кетма-кет бўлади холос.
Ҳафтасига 5️⃣ кун ишловчи ходимларга қуйидаги кунлар дам олиш куни ҳисобланади:
31 декабрь – сешанба (кўчирилган дам олиш куни);
1 январь – чоршанба (Янги йил байрами);
2 январь – пайшанба (кўчирилган дам олиш куни);
Изоҳ: 28 декабрь (шанба) ҳамда 4 январь (шанба) кунлари ҳафтасига 5 кун ишловчилар учун расман иш куни бўлади.
Ҳафтасига 6️⃣ кун ишловчи ходимларга қуйидаги кунлар дам олиш куни ҳисобланади:
1 январь – чоршанба (Янги йил байрами);
2 январь – пайшанба (қўшимча дам олиш куни).
Изоҳ: 30 ва 31 декабрь кунлари ҳафтасига 6 кун ишловчилар учун расман иш куни бўлади.
Қуйидаги суратда янги йил байрами арафасидаги иш ва дам олиш кунлари ҳақида батафсил маълумот олишингиз мумкин.
👉 @xushnudbek 👈
-
2019-12-28 15:48:25+00:00
«Туронбанк» АТБ жамоаси юртдошларимизни кириб келаётган янги 2020 йил билан муборакбод этади!
-
2019-12-28 15:05:05+00:00
Бугун, 28 декабрь, Ўзбекистон Қаҳрамони, Ўзбекистон халқ шоири Эркин Воҳидов таваллуд топган кун.
Илоҳим, Эркин аканинг руҳи поклари шод бўлсин. Бунақа буюк шоирлар яна туғиладими, йўқми, Аллоҳга аён.
Эркин Воҳидов шеърларидан қисқагина парча:
***
Замон тез, фурсат оз,
Ҳар лаҳза зиқдир,
Ҳар лаҳза зиқлиги билан қизиқдир.
Ҳаёт йўли надир? Қабр тошида,
Икки сана аро қисқа чизиқдир.
***
Ўрис бўлдик русдан зиёда,
Муслим бўлдик арабдан ортиқ.
Бирни топсак ёруғ дунёда,
Ўн каррани қиламиз тортиқ.
Ичдик, чекдик, шўро юртида,
Ўздик барча оғалардан ҳам.
Юзсизликда ошмасак бўлди,
Овропалик тоғалардан ҳам.
***
❗️ХАЛҚ НОИБЛАРИГА! (депутатларга)
Сизни халқ танлади, қилмади суюк,
Балки елкангизга юк ортди буюк.
Сайлаб олди мардлар ичра мардини,
Адо қиласизми мардлик шартини?
Эртага чиққан чоғ баланд минбарга,
Айта оласизми юрак дардини?
Азалий одатни қиласизми ё,
Ялпи қўл кўтариб келасизми ё?
Ноиблик нишонин таққач кўкракка,
Қулоқ солиб кўринг бир бор юракка.
... Айни жасоратни кутар муҳаққақ,
Сизга умид билан овоз берган халқ.
Хўп деб қайта берманг, нега, деб айтинг,
Биз ҳам иззат нафсга эга, деб айтинг.
Ҳиммат билан туринг, бор денг арзимиз,
Тўлаб қўяйлик денг бўлса қарзимиз.
Дўстликнинг шартига риоя бўлсин,
Ҳеч ғубор тушмасин дил кўзгусига.
Камтар улушимиз, айтинг, қўйилсин
Жаҳон бозорининг тарозусига.
Не бу жаҳон ичра солмак кўпкари,
Шарт эса кетмаслик қозиқдан нари?!
... Сизга гап ўргатмак шоир ишимас,
Ҳар бирингиз Арбоб, ҳар бирингиз Шахс!
Дардни айтган билан дил бўлмас халос,
Гапни кўп гапирдик, иш қолди, холос.
... Сизни эл танлади, қилмади суюк,
Балки елкангизга юк ортди буюк.
Сиз элнинг эгилган қаддин кўтаринг,
Ноиб деган сўзнинг қадрин кўтаринг!
👉 @xushnudbek 👈
-
2019-12-28 14:28:39+00:00
Шавкат Мирзиёев мухолифат ҳақида
27 декабрь куни Муҳаммад ал-Хоразмий номидаги мактабнинг янги биносида ёшлар билан учрашган президент Шавкат Мирзиёев сиёсий мухолифат борасида фикр билдириб ўтди.
Kun.uz мухбирининг хабар беришича, давлат раҳбари оппозицияга қарши эмаслиги, аммо у четдан кириб келишини ёқламаслигини билдирган.
«Интернетда мухолифат ҳақида гап кетяпти. Менга ҳам «Оппозиция йўқ», деб айтишади. Оппозиция нима у? У қандай фойда беради?
У шу ерда бўлиши керак. Қандай қилиб четдан келади? Бу ернинг шарт-шароити, муҳитини билмайди.
Албатта, мен президент сифатида мухолифатга қарши эмасман. Лекин у ўзимизда шаклланиши керак, бунинг учун шу ерда муҳит яратилиши керак. Токи у одамларнинг муаммоларини билсин, шу ерда нон еб, шу ерда сув ичган бўлсин», – деди президент.
-
2019-12-28 13:17:36+00:00
Evos компанияси Янги йил арафасида ўзининг 40 нафар меҳнаткаш ходимларини мукофотлабди. Тақдирланганлар орасида ошпазлар, су-шефлар, иш бошқарувчилар, касса ходимлари, машиналар тўхташ жойи ходимлари, официантлар ва бошқа кўплаб ходимлар мавжуд. Яхши ташаббус.
Рақобат бор жойда ҳар доим инсон ресурслари, яъни яхши кадрлар қадрланади ўзи.
https://kun.uz/news/2019/12/28/evos-etirofi-2019-mukofoti-evosning-eng-yaxshi-xodimlari-taqdirlandi
-
2019-12-28 06:33:18+00:00
Ёдингиздами, бироз аввал Республика олий таълим кенгашини ташкил этиш режалаштирилаётгани ҳақида ёзгандим.
Вазирлар Маҳкамасининг 2019 йил 26 декабрдаги 1037-сон қарори билан нодавлат ташкилот шаклидаги Республика олий таълим кенгаши тузилди. Мазкур кенгаш Олий ва ўрта махсус таълим вазирлиги ҳузуридаги Жамоатчилик кенгаши ҳамда Ректорлар кенгаши негизида ташкил этилди.
Кенгашга олий таълим тизимини такомиллаштиришга кўмаклашиш юзасидан бир қанча ваколат берилди ва вазифалар юкланди.
Қувонарлиси, Кенгаш таркибига жамоатчилик вакили сифатида мени ҳам киритишибди. Худо хоҳласа, Кенгашнинг тажрибали аъзолари билан биргаликда олий таълим тизимини биз орзу қилган даражага олиб чиқишга имконимиз етганича кўмак беришга ҳаракат қиламиз.
👉 @xushnudbek 👈
-
2019-12-28 06:06:42+00:00
Йил якунида Халқ банки ҳам йил сарҳисоби билан бир қаторда ўзининг янги лойиҳалари тақдимотини ўтказди. Улар орасида «Trade-In» автокредити эътиборимни тортди. Ёдингиздами, UzAuto компанияси вакиллари билан учрашувда эски машинани топшириб, янгисини миниб кетаётганда «бир сўм тўламасдан миниб кетиш» имкониятини яратиш ҳақида таклиф берган эдим. Халқ банки ушбу масала бўйича мижозларга ўз хизматларини таклиф қилмоқда.
Экдиликда «Ўзавтосаноат» АЖнинг расмий диллерларида эски машиналарни янгисига аламаштираётганда янги автомобиль нархи ўртасидаги фарқ бўйича шартнома тузилади ва банкда автокредит расмийлаштирилади. Орадаги фарқ суммаси банк томонидан Trade-In марказига ўтказилади. Мазкур кредит 12, 24 ва 36 ойга йиллик 33%, 34% ва 35% миқдорида берилади. Ҳаммаси яхшику, фақат шу кредит фоизлари жуда унақа кичкина эмаслиги чатоқ экан. Майли, ҳар ҳолда таклиф борку, уни қабул қилиш ёки қилмаслик мижознинг хоҳиши.
-
2019-12-28 05:00:21+00:00
2️⃣0️⃣2️⃣0️⃣ йил тақвими
📆 Барча ўзгаришлари билан
📑 Ҳафтасига 5 ва 6 кун ишлайдиганлар учун дам олиш кунлари алоҳида кўрсатилган
💾 Оригинал файлни юклаб олиш
👉 @xushnudbek 👈
-
2019-12-27 17:03:56+00:00
Шавкат Мирзиёев: Қайси вазир, қайси ҳоким менга айта олади, “мен тизимимдаги ёшларни йиғиб, улар билан маслаҳатлашиб тураман”, деб. Ҳеч ким, ҳеч қачон.
Ёшларнинг хулқ-атвори, юриш-туриши, тарбияси мени албатта безовта қиляпти.
👉 @xushnudbek 👈
-
2019-12-27 14:57:15+00:00
Президент янги институт ташкил этиш бўйича топшириқ берди
Муҳаммад ал-Хоразмий номидаги мактабда бўлиб ўтган учрашувда Шавкат Мирзиёев бугун барча соҳаларда билимли, сиёсий ва ижтимоий фаол, халқ манфаатини ўз шахсий манфаатидан устун қўядиган, ҳалол ва жонкуяр ёш раҳбарларга эҳтиёж тобора ортиб бораётганини таъкидлади.
— Биз дунёқараши кенг, креатив фикрлайдиган, муаммоли вазиятларда тўғри қарорлар қабул қила оладиган ёшларни масъулиятли вазифаларга тайинлаяпмиз. Аммо мамлакатимизда ёш раҳбарларни саралайдиган, уларнинг лаёқатига мос лавозимларни таклиф этадиган самарали механизм мавжуд эмас, — деди Президентимиз.
— Раҳбарлик лавозимларига ҳар томонлама муносиб, ташаббускор, менга таянч ва суянч бўла оладиган ёшлардан “Ватан ифтихорлари” институтини жорий этсак, сизлар нима дейсизлар? Бу институтнинг асосий вазифаси ислоҳотларимиз ва катта режаларимизни ватанимиз ёшларига етказиш, жойлардаги муаммоларни олиб чиқиш ва уларни ҳал қилишдан иборат, — дея янги таклифни ўртага ташлади давлатимиз раҳбари.
* * *
Шу муносабат билан Президентимиз Давлат хизматини ривожлантириш агентлиги (Ш.Қудбиев), Ёшлар иттифоқи (А.Саъдуллаев) ушбу янги институтнинг фаолиятини ташкил этиш ва ваколатини белгилаш юзасидан бир ой муддатда аниқ таклиф киритиши бўйича топшириқ берди.
-
2019-12-27 12:06:24+00:00
Шавкат Мирзиёев ёшлар билан учрашди
Бугун давлатимиз раҳбари Муҳаммад ал-Хоразмий номидаги мактабининг очилиш маросимида иштирок этди ва шу мактабнинг ўзида ёшлар билан учрашув ўтказди.
Тадбирда кўпчилик қатори иштирок этиш насиб қилди. Салкам 5 соат бўлган учрашув анча кўтаринки руҳда ўтди. Янги йилдан олдин Президент ёшлар билан фикр алмашди, лойиҳаларни эшитди, ҳар бир таклифга ўз муносабатини билдирди.
Шунингдек, учрашувда Шавкат Мирзиёев Ёшлар иттифоқи негизида Ёшлар ишлари агентлиги ташкил этиш ташаббусини билдирди.
Ёшларга йўналтирилган теле- ва радиоканаллар, босма нашрларни бирлаштириб, «Ёшлар медиа холдинги» ташкил этиш таклифи ҳам билдирилди.
«Янги Ўзбекистонни, албатта, ёшлар билан бирга қурамиз. 2020 йил ёшларга оид давлат сиёсатида туб бурилиш йили бўлади», – дея таъкидлади Шавкат Мирзиёев.
-
2019-12-26 16:12:31+00:00
Адлия вазири Русланбек Давлетов ўзининг Facebook’даги саҳифасида таъсирли видеороликни улашди.
“23000. Бу рақам қайси соҳага тегишли, деб ўйлайсиз?
Агар у инсонлар тақдири билан боғлиқ статистика, дейдиган бўлсак, ҳолат янада жиддийлашади.
Бу 2019 йилда ФҲДЁ органлари орқали никоҳи бекор қилинган ҳолатлар статистикаси. Жуда катта ва қўрқинчли.
Энг ёмони, ажралиш натижасида неча-неча мурғак қалблар вайрон бўляпти, етим қоляпти. Бу нарсани ҳеч қандай статистик рақамлар билан баҳолаб бўлмайди. Бу жароҳат изи фарзанд қалбида умрбод қолади.
Шу муаммога озгина бўлса ҳам аҳолининг эътиборини қаратиш мақсадида, кичкина видеоролик тайёрладик. Хулоса ўзингиздан, ўйлаб кўринг.
Маълумот учун, шу даврнинг ўзида 195 мингта никоҳ ҳам қайд этилган”, - дея изоҳ қолдирган Русланбек Давлетов.
-
2019-12-26 13:51:32+00:00
Шавкат Мирзиёев февраль ойида Россияга боради
Шавкат Мирзиёев 2020 йилнинг 5 февралида Россияга ташриф буюришни режалаштирган. Бу ҳақда Ўзбекистон Ташқи ишлар вазири ўринбосари Илҳом Неъматов РИА Новости агентлигига берган интервьюсида айтиб ўтган.
«Февраль ойи бошида. Бу протоколга боғлиқ, қолаверса Янги йил. Аммо ҳозирча 5 февраль дейишмоқда. 5 февралга тайёрланяпмиз: Россия томони ҳам, Ўзбекистон томони ҳам. Президент Шавкат Миромонович Мирзиёев Ўзбекистон ва Россия муносабатларини ҳар томонлама мустаҳкамлаш ва ривожлантиришга катта аҳамият бермоқда», деган дипломат.
Нематовнинг сўзларига кўра, Шавкат Мирзиеёв Россия президентида 9 май куни Москвада ўтказиладиган Ғалаба куни байрамида иштирок этиш учун ҳам таклиф олган.
«Владимир Владимирович Путиндан таклифнома борлигини биламан. Ўша ерда ҳамма йиғилади. Ўйлашимча, Ўзбекистон президенти ҳам у ерга боради. Таклифнома бор, албатта, ушбу таклиф қабул қилинган», деган вазир ўринбосари.
👉 @xushnudbek 👈
-
2019-12-26 12:51:07+00:00
Алоқабанкнинг янги рақамли хизматлар тақдимоти ҳақида
Бугун “‘Hilton Tashkent City” меҳмонхонасида “Алоқабанк” янги рақамли хизматларини тақдим қилди. Лойиҳалар ичида Aloqabank Business иловасини юридик шахслар учун банк хизматлари кўрсатишда салкам инқилоб деса ҳам бўлади. Мазкур илова орқали корпоратив мижозлар тўловлардан тортиб, конверсия, иш ҳақи лойиҳаси, депозит жойлаш операцияларигача бўлган барча банк хизматларини мобил телефони орқали осонгина бажаришлари мумкин.
Энг қизиғи, Наврўз байрамигача иловадан фойдаланиш учун рўйхатдан ўтган корпоратив мижозларга тариф режаларида белгиланган комиссиялар бўйича умрбод 50 фоизлик чегирмалар тақдим этилар экан. Бу нима дегани? Мисол учун, банкнинг хизмат кўрсатиш тарифи айланма маблағдан 0,05% бўлса, 21 мартгача иловани ўрнатса, 0,025% этиб белгиланади.
Тақдимотда тадбиркор Ҳусан Мамасаидов “бошқа банк мижозлари ҳам иловадан фойдаланса бўладими?” деб савол берганди, банк вакиллари афсуски бошқа банк мижозлари иловадан фойдалана олмаслиги, аммо агар улар “Алоқабанк”ни танлашса, бошқа банклардан арзон бўлган тарифларни ваъда қилишди. Бошқача айтганда “мижоз учун ўл, етим” :)
Бундан ташқари Алоқабанк “Мир” тўлов тизимига уланган UzCard карталарини чиқарувчи биринчи эмитентга айлангани эълон қилинди.
Хориждаги мигрантларимиз учун яхши янгилик эса, эндиликда “Золотая Корона” тизими орқали Ўзбекистондаги пластик картага онлайн пул ўтказиш имконияти яратилибди.
👉 @xushnudbek 👈
-
2019-12-26 12:14:16+00:00
Демак, расмий маълумотдан сўнг 25 та сайлов округида бўлиб ўтадиган такрорий овоз беришда қуйидаги партиялардан номзодлар иштирок этади:
ЎзЛиДеП - 15 нафар;
Миллий тикланиш - 11 нафар;
Адолат - 10 нафар;
ХДП - 9 нафар;
Экопартия - 5 нафар.
👉 @xushnudbek 👈
-
2019-12-26 12:12:29+00:00
Ўзбекистон Республикаси Олий Мажлиси Қонунчилик палатасига такрорий овоз бериш ўтказиладиган сайлов округлари РЎЙХАТИ. http://elections.uz/uz/lists/view/2220
-
2019-12-26 11:06:24+00:00
Президент Шавкат Мирзиёев Абдулла Қодирий номидаги ижод мактабини бориб кўрди, ўқитувчи ва ўқувчилар билан суҳбатлашди.
Давлатимиз раҳбари Абдулла Қодирий номидаги маданият ва истироҳат боғига кираверишда очилган адиб музейи ва ундаги “Турон” кутубхонасини ҳам кўздан кечирди.
Ёзувчи ва шоирлар, адабиётшунос олимлар, ёш ижодкорлар билан мулоқот бўлди. Абдулла Қодирий ҳайкали очилди.
www.president.uz/uz/3175
-
2019-12-26 10:08:39+00:00
Сайлов комиссияси аъзоларига иш ҳақи қачон тўланади?
Аввалроқ каналимиз орқали сайлов комиссиялари фаолиятига жалб этилган асосий иш жойига эга бўлган фуқароларга компенсация ҳамда вақтинча ишсиз бўлган ва нафақадаги фуқароларга бир марталик иш ҳақи тўловлари амалга оширилиши ҳақида ёзган эдик.
Айни шу мавзуда “бизга қачон иш ҳақи беришади” деган кўплаб мурожаатлар келиб тушмоқда. Марказий сайлов комиссияси билан боғланганимизда маълум қилишдики, ҳудудларда молиявий масалаларга масъул бўлганлар “аллақачон ҳаммага иш ҳақини тўлаб берганмиз” дея ҳисобот тақдим этишган экан.
Ҳурматли, сайлов комиссиялари аъзолари!
Юзага келган тушунмовчиликларни бартараф этиш ва жамоатчилик назоратини амалга ошириш мақсадида қайси округ ҳамда участкаларда ҳалигача тўловлар берилмагани ҳақида маълумот беришларингизни сўраймиз.
Тўловлар амалга оширилмаган ҳудуд номи, округ ва участка рақамини қуйида изоҳ сифатида қолдиринг ёки @saylov_2019bot ботига йўлланг.
Барча мурожаатлар Марказий сайлов комиссиясига кўриб чиқиш учун юборилади.
👉 @xushnudbek 👈
-
2019-12-26 04:23:14+00:00
Ҳозир қуёш тутилиш ҳодисаси бўлмоқда. Ушбу табиат ҳодисасини томоша қиляпсизми?
P.S.: қорайтирилган ёки шунга яқин ойна орқали қарасангиз янада аниқроқ кўринади.
-
2019-12-26 04:01:25+00:00
Сайлана олмай қолган амалдаги депутатлар ҳақида
Кеча амалдаги депутатларнинг 36 нафари сайлангани ҳақида фикр билдиргандим. Кимлар сайлана олмай қолгани ўзимга ҳам жуда қизиқ туюлди ва қўшимча ўрганиб чиқдим.
Энг аввало шуни маълум қилишим керакки, жорий йилги сайловларда қайта номзодини қўйган амалдаги депутатлар сони кеча айтилганидек 45 нафар эмас, балки 43 нафар экан. Демак, 43 нафар амалдаги депутатдан 36 нафари (84%) сайланган, 5 нафари такрорий овоз беришга қолган, атиги 2 нафари сайлана олмай қолибди.
Кимлар қайта сайлана олмади?
Биринчиси, ХДП партиясидан Акмалжон Умаралиев. У 87-Ангрен сайлов округидан номзодини қўйганди. Ушбу округда 1-турда ҳеч ким сайлана олмади. 2-турга “Ангрен иссиқлик электр станцияси” АЖ умумий масалалар бўйича директори ўринбосари Аминов Носиржон ҳамда “Фуқаролик жамияти – Гражданское общество – Civil society” журнали бош муҳаррири ўринбосари Мирзалиев Муроджон ўтди.
Сайлана олмай қолган иккинчи амалдаги депутат эса Экопартия вакили Садиржан Джакбаров. Унинг номзоди 113-Тошлоқ сайлов округидан қўйилганди, аммо қайта сайланиш насиб қилмади. Бу округдан Фарғона вилоят ҳокимлиги котибият мудири Тилаволдиев Нодирбек 1-турнинг ўзидаёқ депутатликка сайланди. Ҳа, энди, вилоят ҳокимлигида ишлаганидан кейин тўртала рақиби амалдаги депутат бўлганда ҳам барибир сайланиш эҳтимоли жуда юқори бўларди. Чунки ўз фаолияти давомида депутатларга қараганда халқ билан яқинроқ бўлган, тошлоқликлар дардига малҳам бўлиб, уларнинг ишончини қозона олган демоқчиманда, нотўғри тушунманг тағин.
👉 @xushnudbek 👈
-
2019-12-26 03:14:52+00:00
Янги дўстларимиз - Фарғонадаги 45-сонли махсус мактаб интернати ўқувчилари билан учрашув
___
Встреча с нашими новыми друзьями - учащимися специализированной школы-интерната №45 в Фергане
#Ozbekiston #Fargona #SMirziyoyeva #2020yil #5tatashabbus #KongilKozi #YangiYil #AOKA #АИМК #AIMC
-
2019-12-25 16:24:48+00:00
Мен Chevrolet Onix’нинг тақдимоти ҳам бўлади, деб кутгандим. Йўқ, бу алдоқчи монополистлар уялмай «не для всех» («ҳамма учун эмас») деган шиор билан бири биридан қиммат тўртта йўлтанламас тақдимотини ўтказди.
Тўғри, Onix мабодо автосаноатимиз раҳбарлари бир замонлар ваъда қилганидек «60 фоизлик локализация» билан «ишлаб чиқариладиган» бўлса ҳам, арзон бўлмайди. Лекин бугунги тўртта «маҳлуқ»дан сезиларли арзон бўлади ҳам-да. Боз устига, маънан эскирган Lacetti ўрнига бирор мос янги нарса таклиф қилиш керак-ку.
Керакликка керагу, лекин монополистларга керак ҳам эмас. Монополистлар Таиландда йиғилган машиналарни «имтиёзли шартлар»да олиб, 40—70 минг доллардан сотаверса ҳам бўлади, уларга ярашаверади, қолганларга шолпиллаб қолади... Бунақа майнабозчиликни йиғиштириб, бозорни очиб юборишса ҳам бўларди.
Яна буларнинг: «Автозаводларимиз тўлиқдан ҳам тўлиқроқ қувватда ишлаяпти », деб миннат қилиб қўйишига ўласанми! Яхшиси шу заводларинг ишламасину, лекин бозоримиз янги, сифатли, арзон машиналарга тўла бўлсин. Йўқолсин монополия!
https://t.me/joinchat/AAAAAEG2GQMHhMdalJO5IQ
-
2019-12-25 14:42:24+00:00
Сайлов натижасидан норозилар нима қилиши керак?
Шу кунлардаги энг актуал мавзу, шубҳасиз сайлов бўлиб турибди. Натижалар эълон қилинганидан кейин муҳокамалар янада кучайди. Бу табиий ҳол, албатта.
Аввалги постларимда ҳам айтган эдим, овоз беришгача бўлган жараён ишнинг ярми бўлса, овозларни санаш ва ҳисоблаш қолган ярмидир. Ва Ўзбекистон шароитида иккинчи ярми ўта муҳим, десак ҳам бўлади.
«Халққа балиқ берма, балиқ тутишни ўргат» дейишади. Сайлов арафасида номзодлар нималарга эътибор қилиш кераклиги, ўз ҳақлигини исботлаш учун қайси ҳаракатларни амалга ошириши лозимлиги ҳақида кўп ёздим. Кимнингдир битта муаммосини кўтариб чиқиб, фақат шуни ҳал қилгандан кўра, барчага ўз ҳақ-ҳуқуқи учун курашиш йўлларини ўргатган яхшироқ, деб ҳисоблайман.
Келиб тушаётган шикоятларни кўриб, кўпчилик шу маслаҳатларга амал қилганидан хурсандман. Видеолар, расмлар, баённома нусхалари... Буларнинг барчаси ҳақиқий демократик сайловларнинг илк милтиллаган учқунларидир.
Хўш, энди муддаога ўтсам. Қўлида далил ва исботи бор, сайлов натижасидан норози бўлган номзодлар энди нима қилиши керак?
Сайлов қонунчилиги бўйича бундай вазиятда ваколатли ташкилотларга шикоят билан мурожаат қилиш керак. Булар қуйидагилар:
1) Марказий сайлов комиссияси;
2) суд;
3) прокуратура.
Шикоят аризангизга далилларни (баённома нусхалари, видео ёки фотоматериаллар) илова қилган ҳолда барча учала ташкилотга ҳам юборинг. Аризангизнинг бир нусхасига “олдим” деб имзо қўйишсин.
Қуйидагилар муҳим!
👉 Марказий сайлов комиссиясига почта орқали (100078, Тошкент шаҳри, Ислом Каримов кўчаси, 43-уй) ёки 1197 ишонч телефони орқали шикоят йўллашингиз мумкин. Унутманг, ҳудудий сайлов округлари ҳеч нарсани ҳал қила олмайди, уларга шикоят йўллаш бефойда;
👉 Сайлов натижаларидан норози бўлиб тегишли сайлов комиссиясининг қарори устидан маъмурий судга шикоят қилиш мумкин. Қоида тариқасида судга шикоят қилиш муддати 3 ой этиб белгиланган. Сайловни ҳақиқий эмас деб топиш тўғрисида қабул қилинган қарор устидан судга шикоят қилиш муддати эса – 10 кун;
👉 Ҳудудий сайлов комиссиясиларининг қарори устидан тегишли ҳудуддаги судларга, Марказий сайлов комиссиясининг қарори устидан Олий судга шикоят қилинади;
👉 Сайлов тўғрисидаги қонун ҳужжатларини бузганликда айбдор шахслар белгиланган тартибда жавобгар бўлиши белгиланган. Бундай шахсларни жавобгарликка тортиш учун эса прокуратура органларига шикоят бериш керак. Бугунги кунда барча бўғин (республика, вилоят, туман) прокуратураларида сайлов бўйича шикоятлар қабул қилинмоқда. Агар истасангиз, тўғридан-тўғри Бош прокуратурага ёзма (100047, Тошкент ш, Яҳё Ғуломов кўчаси, 66) ёки 1007 ишонч телефони орқали мурожаат қилишингиз мумкин;
👉 лекин унутманг, прокуратура органлари сайловларни ҳақиқий эмас деб топиш ёки сайлов комиссияларининг қарорини бекор қилиш ваколатига эга эмас. Шу сабабли асл мақсадга эришиш учун ёки судга, ёки МСКга мурожаат қилиш ҳам ёддан чиқмасин;
❗️асосий маслаҳатим, юқоридаги учта йўлдан энг муҳими, бу – суд! Норози томонлар судга бориши энг тўғри йўл бўлар эди. Асосийси қўлингизда аниқ далиллар бўлиши керак. Ҳеч ким инкор эта олмайдиган далиллар борми, унда сира хавотирланмай, судга беринг.
👉 Ижтимоий тармоқлар масаласига келсак, бу муаммони ҳал қилиш кафолатини бермайди. Яъни фақат интернетда шикоят ёзиб, лекин қолган ташкилотларга расман ариза бермаслик масалани ҳал қила олмаслиги мумкин. Шунинг учун энг аввало расмий йўллардан фойдаланишни унутманг.
Масалан, прописка ҳақида интернетда минг марта ёзилади, аммо ўзгариш йўқ. Бироқ суд орқали юзлаб фуқаролар ими-жимида аллақачон пропискага кириб бўлди. Кўряпсизми, судга бериш амалда кўпроқ фойда беради.
👉 Ботга келаётган мурожаатлар сони 2600 дан ортиқ яқинлашди. Уларнинг ҳар бирини ўқиб чиқишга ҳаракат қиляпман ва қуруқ гаплар эмас, конкрет фактлар келтирилган мурожаатлар тегишли идораларга ўша заҳоти етказилмоқда. Тўғри тушунинг, бот орқали ҳаммага жавоб ёзиш мажбуриятини олмаганман, мақсадим чатлашиб ўтириш эмас, муаммони зудликда тегишли идораларга етказиш эди.
-
2019-12-25 12:38:03+00:00
Олинган дастлабки маълумотларга кўра, 25 та сайлов округида бўлиб ўтадиган такрорий овоз беришда қуйидаги партиялардан номзодлар иштирок этади:
ЎзЛиДеП - 15 нафар;
Миллий тикланиш - 11 нафар;
Адолат - 10 нафар;
ХДП - 9 нафар;
Экопартия - 5 нафар.
👉 @xushnudbek 👈
-
2019-12-25 11:49:25+00:00
Айтганча, жорий йилги сайловларда 2 нафар сенатор ҳам депутатликка ўз номзодини қўйганди. Иқбол Мирзо (ЎзЛиДеП) 114-Қува сайлов округидан ҳамда Мақсуда Ворисова (ХДП) 91-Зангиота сайлов округидан.
Иккаласи ҳам сайланибди.
-
2019-12-25 11:35:35+00:00
Такрорий овоз бериш бўладиган 25 та сайлов округлари:
8-Ақманғит
9-Андижон
32-Жиззах
33-Дўстлик
35-Ғаллаорол
36-Пахтакор
37-Шароф Рашидов
44-Сардоба
49-Уйчи
56-Регистон
57-Сўғдиёна
67-Пастдарғом
76-Шеробод
83-Олтинсой
87-Ангрен
89-Бўка
102-Яйпан
104-Учкўприк
106-Боғдод
117-Урганч
133-Шахрисабз
134-Яккабоғ
135-Ғузор
148-Кўкча
150-Шайхонтохур
👉 @xushnudbek 👈
-
2019-12-25 11:21:30+00:00
35 эмас, 36 киши, яъни 83%и сайланибди. Узр, ҳурматли амалдаги депутатларимизнинг биттасини унутиб қолдирибмиз, жуда-жуда хижолатдаман.
-
2019-12-25 11:06:06+00:00
Жорий йилда 43 нафар амалдаги депутат номзоди қайта қўйилганди. Шулардан 36 нафари, яъни 83%и қайта сайланибди. Ажойиб!
5 нафари такрорий овоз беришга қолган (шундан 2 нафари техник хатолик учун). Такрорий овоз беришга қолган амалдаги депутатлар:
Акрамова Зулайхо — 33-Дўстлик округи (ХДП)
Қодиров Алишер — 36-Пахтакор округи (Миллий тикланиш)
Шадманов Адхам — 56-Регистон округи (ЎзЛиДеП)
Пардаев Азамат — 67-Пастдарғом округи (Миллий тикланиш)
Ходжаева Мавлуда — 102-Яйпан округи (ЎзЛиДеП)
Фақат 2 нафар амалдаги депутатгина қайта сайлана олмабди.
Маълумот учун: 2014 йилда 26 нафар амалдаги депутатнинг 25 нафари қайта сайланганди.
Мана шунақа гаплар.
👉 @xushnudbek 👈
-
2019-12-25 10:56:51+00:00
Олий Мажлис Қонунчилик палатасига сайланган депутатлар рўйхати (125 нафар)
👉 @xushnudbek 👈
-
2019-12-25 10:34:34+00:00
Олий Мажлис Қонунчилик палатаси депутатлари рўйхатга олинди
Марказий сайлов комиссиясининг мажлисида Ўзбекистон Республикаси Сайлов кодексига мувофиқ, парламент қуйи палатасига сайлов якунлари кўриб чиқилди ва 125 сайлов округларида сайланган депутатлар рўйхатга олинди.
Жумладан:
ЎзЛиДеП – 42 нафар;
«Миллий тикланиш» – 34 нафар;
«Адолат» – 20 нафар;
ХДП – 18 нафар;
Экопартия – 11 нафар.
Қарор ва депутатлар рўйхати МСК расмий веб-сайтида ҳамда “Халқ сўзи” ва “Народное слово” газеталарида эълон қилинади.
25та сайлов округларида такрорий овоз бериш 2020 йил 5 январь – якшанба куни ўтказилади.
👉 @xushnudbek 👈
-
2019-12-25 10:11:45+00:00
“Oʻzbekistonning yaqin kelajakdagi eng zarur va muhim maqsadi — JSTga kirish” debdi Prezident Mirziyoyev Yaponiyaning “Nikkei Asian Review” nashriga. (Uzbekistan's most urgent and important policy goal is to be admitted to the WTO)
Bu narsani yaxshi yangilik desa boʻladi. JSTga kirish tezligi boʻyicha rekordni qoʻshni Qirgʻiziston qoʻygan. Biz qoʻshnilarimiz qoʻygan rekordidan tezroq kirsak juda ham yaxshi boʻlar edi.
Esimizdan chiqarmaylik, hatto bir tamomlama savdo toʻsiqlardan voz kechish ham iqtisodiyot uchun katta foyda. Yaʼni biz bojlarni kamaytirsak, lekin biz bilan savdo qiladigan mamlakatlar bojlarni oʻzgartirishmasa ham baribir biz yutamiz. Xalqaro savdo shunday bir moʻjiza.
Bizni savdo muzokarachilarimiz shu oddiy haqiqatni, yaʼni bir tomonlama bojlar kamayishi bizga foyda ekanligini unutmasligini xohlar edim. Shu tariqa, prezident juda ham zarur (urgent) deb o'ylagan islohotni iloji boricha tez uddalashlarini xohlar edim.
-
2019-12-25 09:26:04+00:00
Талабалар ўқишини кўчириш (кўчириб тиклаш) бўйича аризаларни қабул қилиш бошланди
2019 йил 20 декабрдан бошлаб республиканинг барча ҳудудларида республика олий таълим муассасаларига ўқишини кўчириш (кўчириб тиклаш) тўғрисидаги аризалар қабул қилувчи Ишчи гуруҳлар ўз фаолиятини бошлади, дея хабар бермоқда Олий ва ўрта махсус таълим вазирлиги.
Аризалар ҳудудий Ишчи гуруҳлар томонидан келгуси йилнинг 20 январига қадар ҳар куни соат 9:00 дан 17:00 гача (якшанба – дам олиш куни; шанба – соат 9:00 дан 15:00 гача) қабул қилинади.
✅ Тақдим этиладиган ҳужжатлар:
1️⃣ Ариза (ҳудудий ишчи гуруҳ томонидан берилади, жойида тўлдирилади);
2️⃣ Паспорт нусхаси;
3️⃣ Рейтинг дафтарчаси ёки белгиланган шаклдаги академик маълумотномадан нусха.
Талабалар ўқишини баҳорги семестрда ўқув машғулотлари бошланишидан олдин кўчиришда узрли сабаблар инобатга олинади.
Жумладан, республиканинг бир ҳудудидан иккинчи ҳудудига доимий яшаш учун ёки турмушга чиқиш муносабати билан турмуш ўртоғи доимий яшайдиган (паспорт бўйича доимий рўйхатдан ўтган) ҳудудга кўчиб ўтганда, турмуш ўртоғи ёки ота-онаси ҳарбий хизмат ўташ жойини ўзгартирганда, ёхуд ота-онаси (турмуш ўртоғи) хориждаги давлат хизматидан қайтганда ўқишни кўчириш ( кўчириб тиклаш)га рухсат берилиши мумкин.
Ўқишни кўчириш бўйича келиб тушган аризалар 2020 йил 25 январдан 15 февралга қадар кўриб чиқилади ва тегишли қарор қабул қилинади.
👉 @xushnudbek 👈
-
2019-12-25 08:49:47+00:00
Шунчаки маълумот учун:
51% атрофида овоз тўплади, дея сайлангани эълон қилинган, аммо округ сайлов комиссиясидагиларнинг ҳисоб-китобдаги хатоси туфайли (ҳақиқий эмас деб топилган бюллетенларни инобатга олишмабди) такрорий овоз беришга қолган уч нафар номзодни кўриб чиқсак:
Пардаев Азамат - амалдаги депутат;
Ходжаева Мавлуда - амалдаги депутат;
Саидғаниева Гулбаҳор - «Фарғона ҳақиқати» - «Ферганская правда» газеталари бирлашган таҳририяти бош муҳаррири, Фарғона вилоят ҳокимининг собиқ матбуот котиби.
Улар энди 2-турда кураш олиб боради.
-
2019-12-25 08:37:35+00:00
Марказий сайлов комиссиясининг такрорий овоз беришга қолган округлар сони ошгани тўғрисидаги изоҳи
https://t.me/electionsuz/1380
Такрорий овоз беришга қолган барча 25 та округлар рўйхати худди мана шундай рақамлар билан эълон қилинса ва ўзи умуман 150 та округдаги барча натижалар тезроқ маълум қилинса, яхши бўларди.
-
2019-12-25 08:20:39+00:00
Изоҳ
Олий Мажлис Қонунчилик палатасига сайлов ўтказувчи округ сайлов комиссияларининг якуний баённомалари ўрганиб чиқилганда, 3 та сайлов округида сайлов натижаларини аниқлаш жараёнида арифметик хатоликка йўл қўйилганлиги аниқланди.
Булар Самарқанд вилояти 67-Пастдарғом сайлов округи ҳамда Фарғона вилояти 102-Яйпан ва 106-Бағдод сайлов округларидир.
Хатолик сайлов натижаларини ҳисоблаш билан боғлиқ бўлиб, тўпланган овозларни номзодлар ўртасида фоиз кўринишида тақсимлашда содир этилган.
Юқорида қайд этилган сайлов округларида номзодларнинг биронтаси ҳам етарли миқдорда овоз ололмаганлиги сабабли мазкур округлардан депутат сайланмади.
Сайлов кодексига кўра, овоз беришда иштирок этган сайловчиларнинг ярмидан кўпининг овозини, яъни 50 фоиздан ортиқ овоз олган номзод депутат этиб сайланган, деб ҳисобланади.
Демак, Сайлов кодексининг 59-моддасига кўра, агар Қонунчилик палатаси сайловида сайлов округи бўйича икки нафардан ортиқ номзод қўйилган бўлса-ю, улардан ҳеч бири сайланмаса, энг кўп овоз олган икки нафар номзод бўйича округда такрорий овоз бериш ўтказилади.
-
2019-12-25 07:58:12+00:00
Парламент сайлови натижалари корректировка қилинди: 22 та эмас, 25 та сайлов округида такрорий овоз бериш ўтказилади. Такрор овоз бериладиган округлар сони 3 тага кўпайган. Улардан биттаси Самарқандда, иккитаси Фарғона вилоятида.
-
2019-12-25 06:04:23+00:00
Сайлов билан бўлиб ҳамма IMEI кодлар муаммосини унутди шекилли. Ваҳоланки, пухта ўйланмаган ва мантиқан асослантирилмаган тизимнинг яратилиши ортидан минглаб фуқароларимизнинг телефони 1 январдан ишламай қолиши мумкин. Тасаввур қиляпсизми?
«Барча танқидларга жавоб бериляпти» дейилгандай бўлганди шекилли. Аммо мана бу постга ҳали бирорта расмий жавоб берилмади. Ахборот технологиялари ва коммуникацияларини ривожлантириш вазирлигининг хўжакўрсин учун ёзган баёнотини ҳисобга олмаганда, албатта. Аммо бу баёнот зиғирча қийматга эга эмас.
Боз устига биз муаммо кўламини ҳисобга олиб, шахсан вазир иштирокида матбуот анжумани талаб қилган эдик. Аммо бу ҳам бўлмади. Вазир жанобларининг халқ учун ажратадиган қимматли вақти йўқми ёки?
Ким бўлса ҳам мундоқ тушунтириб берсин, иккита сим-картали телефонининг 2 та кодини шундоқ базага киритиб қўйиш учун халқ нимага 100 минг сўм пул тўлаши керак? Нимага?
👉 @xushnudbek 👈
-
2019-12-25 05:55:20+00:00
Эзгу мақсаднинг ўзи етарлими?
Айрим ислоҳотларни кўриб, мақсад фойда келтириш эмас, балки халқни соғин сигирдек соғишмикин деб ўйланиб қолади одам.
Масалан, телефонларнинг IMEI-кодларини рўйхатдан ўтказиш тизимидан балки эзгу мақсадлар кўзлангандир, аммо уни амалга ошириш тартиби халқни қийнашдан нарига ўтмади. Жумладан:
Биринчидан, барча мобил қурилмаларни автоматик рўйхатдан ўтказиш учун жуда қисқа вақт берилди. Гарчи ҳаммаёқда 1 апрелдан 1 ноябргача дейилган бўлсада, лекин аслида IMEI-кодларни рўйхатга олиш тартибини Вазирлар Маҳкамаси 17 сентябрда тасдиқлади. Яъни 1 ноябрь деган муддат халққа салкам октябрда маълум бўлди. ОАВларда асосий тарғиботлар ҳам октябрдан бошланди.
Бу дегани, халққа ишлатилмаётган телефони ёки иккинчи сим-картасини автоматик рўйхатдан ўтказиш учун тахминан 1 ой вақт берилди. Бу ноинсофлик!!!
Иккинчидан, 1 ноябрдан ариза орқали рўйхатдан ўтишда жуда кўплаб муаммолар пайдо бўлмоқда. Айниқса, 2 та сим-картали телефон ишлатадиган жуда кўпчилик янгиликлардан кеч хабар топганининг эвазига (тайинли тарғибот ҳам қилишмади) ҳозир боши қотган.
Сабаби 1 ноябрдан кейин иккинчи слотни рўйхатдан ўтказиб бўлмаяпти, гарчи 1та IMEI-код базада бўлса ҳам, рад жавоби келмоқда. Рўйхатдан ўтиш учун хорижга чиқиб келиш керак эмиш. «Ҳеч бўлмаса Қозоғистонга чиқиб келинг, кейин рўйхатдан ўтказамиз» дейишмоқда.
Бу нима аҳмоқгарчилик??? Нега бу ҳақида аввал огоҳлантиришмаган?
Учинчидан, рўйхатдан ўтказиш рад этилаётганига сабаб — божхонани четлаб ўтиб, яширин йўллар билан олиб кирилгани бўлса, унда нега бунинг жабрини халқ тортиши керак? Чегарачилар, божхоначилар ёки яширин йўлларга шароит яратиб берган коррупционерларга ҳеч нарса бўлмасдан, яна оддий халқ сарсон бўлиши керакми?
Ахир ўша телефонларни пешона тери билан топган пулларига расмий ишлаб турган дўконлардан сотиб олишганку. Нега шунча пайт дўконларда ноқонуний телефонларни сотишга йўл қўйганлар жазоланмасдан, жабрдийда халқ товон тўлаши керак? Нима учун??? Нима учун???
Тўртинчидан, хўп, бўлар иш бўлди, дейлик. Энди нима қилиш керак? Муаммони ечиш учун бирор қонуний ечим борми? Минглаб фуқаролар рўйхатдан ўтказиш учун хорижга чиқиб кела олмайди барибир. Халққа безбетларча «четга чиқиб келинг, йўқса иложи йўқ» демасдан бирор ечим бермайсизларми?
Бешинчидан, биламизки 1 декабрдан рўйхатдан ўтказиш пуллик бўлади. Майли, текин бўлсин демайман, аммо нега нарх бунчалик қиммат? Бирор асоси борми? Шунчаки 1та кодни тармоққа киритиб қўйиш учун 44 минг 600 сўм олишга уялмайсизларми?
Боз устига, агар телефон 2та сим-картали бўлса, унда ҳар бири учун алоҳида тўлов қилинади, демак 89 минг сўм бўляпти. 30 кундан ўтиб рўйхатга олинса, 110 минг сўм бўлади. Нега 10 минг сўм эмас, нега 20 минг сўм эмас? Халқни жуда бооооооой деб ўйлайсизлар шекилли? Пуллари ошиб-тошиб кетяпти, қаерга қўйишни билмаяпти, дея тасаввур қиласизларми?
Халқ тўлаётган солиқлар қаёққа кетяпти унда? Бу тизимдан мақсад халққа фойда бўлиш дейишмоқда, ахир фойдали тизимлар ишлаб чиқиш давлатнинг мажбурияти эмасми? Бизнинг солиқларни шунинг учун оляпсизларку. Халққа икки марта солиқ солиш (ва қиммат солиқ) инсофсизлик ахир!
Халқ соғин сигир эмас, шуни унутиб қўймайлик, илтимооооос...
Ноябрь ойи деярли тугади. Аммо соҳа мутасаддилари юзага келган муаммоларни ечиш учун зиғирча ҳаракат қилмади, халққа тушунтириш бермади, тарғибот олиб бормади. «Нега рад қилинганини билмадим, бу муаммо сеники, менга нима» деган принципда иш олиб борилди. 1 кун ўтиб эса, рўйхатга олиш пуллик бўлади. Халқ яна пул тўлашни бошлайди...
Тўлайверади, тўлайверади, тўлайверади...
👉 @xushnudbek 👈
-
2019-12-25 04:11:31+00:00
Гўзаллик салонларидаги озодалик ҳақида
Оила аъзоларингиз билан дастурхон атрофида йиғилсангиз, табиийки, санитар қоидаларга кўра, ҳамма алоҳида ўз ошхона анжомларидан фойдаланади. Сабаби оддий, биздан аввал ишлатилган анжомларни ювмасдан туриб, таом истеъмол қилишда ишлатмаймиз. Бу кичкиналигимиздан қон-қонимизга сингиб кетган тарбия.
Лекин қизиғи гўзаллик салонига кирганимизда бир неча дақиқа аввал айнан шу асбоблардан бошқа мижозга хизмат кўрсатилганини, энди эса уларни бизга ҳам ишлатишларини ҳақида ўйлаб ҳам кўрмаймиз. Нима учун оддий гигиена қоидалари гўзаллик салонига борганда ўзгариши ёки ишламаслиги керак?
Чунки гўзаллик салонига келган ҳар бир мижоз турли инфекцияларнинг, шу жумладан ўта хавфли ҳисобланган В, С гепатитлари ва ОИВ вирусларининг эҳтимолий ташувчиси ҳисобланади. Аслида гўзаллик салонида стериллаш, яъни асбобларни зарарли микроорганизмлардан, турли вируслардан зарарсизлантирадиган аппарат бор ёки йўқлиги билан қизиқишимиз керак.
Бугунги кунда гўзаллик салонларида юқтириб олиш мумкин бўлган 100 дан ортиқ патоген микроорганизмлар, шу жумладан соғлиқ учун ўта хавфли инфекциялар мавжудлиги аниқланган.
Аксарият салонларда асбоб ва ускуналарни стериллаш жараёни мутлақо йўл қўйилмаганининг сабаби, чунки кўпчилик стерилизация жараёнини қиммат ва мураккаб деб ўйлайди. Ҳа, балки бу гўзаллик салонининг бир кунлик тушумига тенг бўлиши ҳам мумкин. Аммо мазкур жараённи арзонлаштиришнинг муқобил ечими бор, бу — Safo Nur қурилмаси!
«Safo Nur» қурилмасининг ишлаш принципи — тиббий асбоблардаги вируслар, бактериялар, замбуруғлар ва эндоспоралар инактивациялаштирилади, яъни зарарсизлантирилади, шу асосда вирусларнинг цитопатоген хусусияти йўқотилади, яъни улар кўпайиш ва соғлом хужайраларни зарарлаш қобилиятини йўқотади ва нобуд бўлади.
Қурилмада стериллашнинг кимёвий “совуқ” усули қўлланилади, у асбобларнинг ишчи хусусиятларига шикаст етказмасдан (асбоблар ўтмас бўлиб қолмайди) уларнинг зарарли инфекциялардан тўлиқ зарарсизланишини таъминлайди. Қурилма нархи ҳамёнбоп, бошқарилиши оддий ва содда, қурилмани амалиётда қўллаганда ва атроф-муҳит учун хавфсиз ва зарарсиз, композит материаллар ва турли қотишмалар, пластик, силикон ва шишадан тайёрланган асбобларни стериллаш учун айнан мос келади.
Safo Nur қурилмаси Ўзбекистон санитария қоидалари, нормалари ва гигиена нормативларини тартибга солувчи ҳужжатга мувофиқ фойдаланишга рухсат этилган. Қурилмага Ўзбекистон Интеллектуал мулк агентлиги томонидан 23.05.2014 йилда IAP05259 патент берилган, шунингдек у Евросиё патент идораси ва АҚШ патент идораси томонидан берилган ихтиро патентлари билан ҳимояланган. Шу билан бирга, дунёнинг бошқа мамлакатларида ҳам патентга аризалар тақдим этилган.
☎️ Қўшимча маълумот: http://nmt.uz сайтида ҳамда 98-3007392 (қўнғироқлар учун) ёки 90-3512090 (Telegram учун) телефон рақами бўйича.
Реклама
-
2019-12-25 03:00:37+00:00
«Солиқ тўловчилар эътирофи-2019» жамоатчилик сўрови
Партиялар билан боғлиқ айрим номинациялар борлиги учун, сайловга таъсир ўтказмаслик мақсадида сўровномаларни вақтинча тўхтатиб турган эдик. Менимча, бугун ва эртага ушбу сўровимизни якунлаб қўйишнинг айни пайти. Шундан сўнг, барча 10 та номинация ғолибларини тантанали эълон қиламиз, Худо хоҳласа.
Демак, бугун овозга қўйиладиган номинациялар:
(номзодлар алифбо тартибида келтирилган)
Йил тайинлови
• Алишер Саъдуллаев – Ёшлар иттифоқи раиси
• Зоир Мирзаев – Қашқадарё вилояти ҳокими
• Ниғматилла Юлдашев – Бош прокурор
• Равшан Эрматов – Ўзбекистон футбол ассоциацияси биринчи вице-президенти
• Шерзод Кудбиев - Ўзбекистон Президентининг давлат хизмати ва давлат ҳокимияти вакиллик органлари билан ҳамкорлик қилиш масалалари бўйича маслаҳатчиси
Изоҳ: «Йил тайинлови» номинациясида Сенат раиси Танзила Нарбаева номзоди ҳам кўп овоз олган эди, аммо Танзила Нарбаева «Халқ меҳрини қозонган давлат ташкилоти раҳбари» номинациясида кўпроқ овоз билан иштирок этгани учун, бугунги сўровга киритилмади.
Йилнинг энг катта “қовун” тушириш воқеаси
• «2,5 млн сўм 5 фарзандли оила учун 1 ойга етади» (Улуғбек Иноятов)
• «Биз жуда кўп гўшт еяпмиз» (Актам Хайитов)
• «Рўмолингни оғзинга тиқаман» (Шуҳрат Ғаниев)
• «Тошкентга келиш учун туманидаги инспектордан талон олсин» (Улуғбек Пирмуҳаммедов)
• «Шесть секунд» (Жаҳонгир Ортиқхўжаев)
❗️ЭСЛАТМА: сўровномага қўйилаётган ушбу вариантлар муштарийларнинг изоҳлари натижасида танланган, канал муаллифининг шахсий танлови эмас.
👉 @xushnudbek 👈
-
2019-12-24 14:12:37+00:00
Йил номи ҳақида
Ҳар йилги анъанага кўра, Ўзбекистонда йилларга ном берилади ва йил давомида шу номдан келиб чиқиб, маълум бир соҳага эътибор кучайтирилади.
2017 йилгача йил номи Конституция байрамидаги Президент маърузасида эълон қилинарди. 2017-2018 йилларда эса Президент ўзининг парламентга мурожаатномасида келгуси йил номини маълум қилди.
Жорий йилда ҳам 2020 йилнинг номи давлат раҳбарининг янги сайланган сенатор ва депутатларга йўллаган мурожаатида эълон қилинса керак. Аммо ҳали сенаторлар сайланмади (тайинланмади). Депутатлар ҳам тўлиқ таркибда эмас, 22 та округда қайта овоз бериш бўлиши керак.
Йил тугашигача янги парламент шаклланиб бўладими, йўқми, аниқ билмадим. Қизиқ, мабодо жорий йилда тўлиқ таркибни сайлашга улгурилмаса, унда йил номини маълум қилиш кейинги йилга қолармикин? Кузатишда давом этамиз.
P.S.: 2020 йил номлангани ҳақидаги миш-мишларга ишонманг.
Менга қолса йилларга ном берилмаса ҳам майли. Бирор фойдаси текканини шу пайтгача сезмаганман.
👉 @xushnudbek 👈
-
2019-12-24 13:00:59+00:00
Siz ham Yangi yil bayramini soat 12 ga qadar uyda, keyin esa do‘stlaringiz bilan nishonlaysizmi? 😜
#FORTHELOVEOFIT
#OzimizningYangiYil
-
2019-12-24 11:36:05+00:00
Қасддан одам ўлдириш жинояти содир этилганлиги юзасидан баёнот
20.12.2019 йил соат 01:30 ларда М.Улуғбек тумани, Шаҳриобод кўчасида фуқаро В.К. (1978 й.т., судланган) бирга яшаб келаётган аёл М.К. билан спиртли ичимлик истеъмол қилиб, ўзаро жанжаллашиб, жахл қилган ҳолда аёлни қўлидаги вояга етмаган фарзандини уйнинг 4-қаватидан ерга ташлаб юборган.
Оқибатда вояга етмаган қиз (2015 й.т.) вафот этган.
Мазкур ҳолат юзасидан 23.12.2019 йилда М.Улуғбек тумани прокуратураси томонидан ЖКнинг 97-моддаси 2-қисми “в” банди билан жиноят иши қўзғатилган.
В.К. процессуал тартибда ушланган.
Тергов ҳаракатлари олиб борилмоқда.
-
2019-12-24 10:08:10+00:00
Ҳа, майли, ёрдам сифатида айтаман - суҳбатдошимиз ҳоким эди :)
-
2019-12-24 09:57:51+00:00
Очиқлик ва ошкоралик замонида мансабдор шахслар қанчалик халққа яқин бўлса, бу фуқаролар учун ҳам, уларнинг ўзи учун ҳам шунча фойда. Шу сабабли анчадан буён жамоатчилик учун фикри қизиқ бўлган раҳбарлар билан ўзбек тилида интервью уюштириш ниятида юрардим.
Бугун “бисмиллоҳ”, деб мазкур лойиҳамизнинг илк сонини суратга олдик. Яқин кунларда эълон қиламиз.
Aйтингчи, ким билан суҳбат қурилди, деб ўйлайсиз? 😉
-
2019-12-24 06:32:16+00:00
Тошкентда қаерда байрам тадбирлари ўтказилади?
Пойтахт ҳокимлигидан маълум қилишларича, 22 декабрдан 2020 йилнинг 8 январигача Тошкентдаги 14 та масканда Янги йил байрами тадбирлари бўлиб ўтади. Булар:
▪️Алишер Навоий номидаги Ўзбекистон Миллий кутубхонаси ҳамда Hayatt Regency меҳмонхонасининг олди майдонида;
▪️Шайхонтоҳур туманидаги «Анҳор Локомотив» боғида;
▪️Шайхонтоҳур туманидаги «Наврўз» боғида;
▪️Чилонзор тумани Ал-Хоразмий даҳасидаги Roison Electronics корхонаси олд майдонида;
▪️Яккасарой туманидаги Пушкин майдонида;
▪️Бектемир туманидаги Маданият ва аҳоли дам олиш марказининг олд томонида;
▪️Мирзо Улуғбек туманидаги Бобур номидаги «Экопарк» ҳудудида;
▪️Мирзо Улуғбек туманидаги Central park ҳудудида;
▪️Сергели туманидаги Green park ҳудудида;
▪️Учтепа туманидаги «Фарҳод деҳқон бозори»нинг кичик халқа йўлидаги тураргоҳи ҳудудида;
▪️Юнусобод туманидаги Тошкент ҳайвонот боғи олд майдонида;
▪️Яшнобод туманидаги «Ашхобод» маданият ва истироҳат боғи ҳудудида;
▪️Яшнобод туманидаги Мудофаа вазирлигининг Маънавият ва маърифат марказида;
▪️Чилонзор туманидаги «Ҳумо арена» муз саройининг олд майдонида.
Қўшимча сифатида, байрам тадбирлари муносабати билан шаҳар марказидаги айрим кўчалар 10 январгача ёпиқ бўлади.
https://t.me/joinchat/AAAAAD63OEHkQHOlfdglMg
-
2019-12-23 17:15:21+00:00
Айтганча, сайловда "явка" аслида кечагидан ҳам кам экан. Ёдингизда бўлса, кеча сайловда 71,1% сайловчилар қатнашди, дея хабар берилган эди.
Ушбу рақамлар фақат Ўзбекистондаги дастлабки натижалар экан. Хориждаги сайловчилар сони ҳамда овоз берганлар фоизи қўшилгандан кейин бу рақам камайиб, 67,8%ни ташкил қилибди. Чунки хорижда "явка" жуда кам - атиги 6,6% бўлган.
Демак, 2019 йилги сайловларда жами 67,8% сайловчилар иштирок этган!
👉 @xushnudbek 👈
-
2019-12-23 16:33:07+00:00
Такрорий овоз бериш ҳақида
Нима учун айрим округларда такрорий овоз бериш бўлади, деган саволлар кўп берилмоқда. Қуйида шу саволларга жавоб беришга ҳаракат қилганман:
👉 Сайлов қонунчилигига кўра, қайсидир номзод овоз берган сайловчиларнинг 50% дан кўпроқ овозини олган бўлса (50+1 дейилади), ўша номзод депутатликка сайланган деб ҳисобланади. Фоиз чиқаришда овоз берган сайловчилар сонига қаралади, рўйхатдаги сайловчилар сонига эмас;
👉 Агар мабодо номзодлардан бирортаси 50% дан кўп овоз ололмаса, унда ўша округда такрорий овоз бериш бўлиб ўтади;
👉 Такрорий овоз беришда фақат энг кўп овоз олган 2 нафар номзод қатнашади холос. Овози кам бўлган қолган 3 нафар номзод тушиб қолади;
👉 Такрорий овоз бериш қоидалари бироз бошқача бўлади, яъни энди кимдир 50% дан ошиқ овоз олиши шарт бўлмайди. Ким кўп овоз олса бўлди. Яъни кўпинча бузилган бюллетенлар чиқариб ташланса, айрим номзодлар овози 50% дан кам бўлиб қолиши мумкин, ўшанчун ким кўп овоз олса бўлди, деган қоида киритилган;
👉 Такрорий овоз бериш 2 ҳафта муддат ичида ўтказилади, яъни 5 январга қадар такрорий овоз бериш ташкил этилиши керак.
-
2019-12-23 15:39:05+00:00
Жиззахда сайлов даҳшатли бўлибдику ўзиям! 6 та сайлов округидан 5 тасида такрорий овоз беришлар бўларкан.
Ва шу такрорий сайловда «Миллий тикланиш» партияси раиси Алишер Қодиров ҳам қатнашади. У биринчи босқичда 50%дан кўп овоз тўплай олмабди.
Ўзи сайланганларнинг фамилияси қачон эълон қилинади? Умуман олганда Олий Мажлисга бўлиб ўтган сайловлардаги барча округлар натижалари шаффоф эълон қилинса яхши бўларди. Яъни фақат сайланганлар исм-шарифи эмас, қолган номзодларнинг ҳам олган овозлари фоизи билан.
👉 @xushnudbek 👈
-
2019-12-23 11:55:42+00:00
«Биз блогерларни ўқидик»
ЕХҲТ ДИИҲБ сайлов кузатувчилари миссияси раҳбари Тана де Зулуета матбуот анжуманида қуйидаги фикрларни билдириб ўтди:
«Ўзбекистондаги жорий йилги сайловларда учта янги руҳ (новелла) бизни қувонтирди:
Биринчидан, Ўзбекистон ҳамкорлик сиёсатини танлади. Яъни биз ушбу сайловлар бўйича салкам 1 йилдан буён турли доираларда муҳокамалар олиб бордик. Халқаро стандартлардан келиб чиқиб мутлақо янгиланган Сайлов кодексида бизнинг таклифларимиз инобатга олинди.
Иккинчидан, сайлов жараёнида сайловчиларнинг ягона электрон базаси ишга туширилди. Бу ҳам катта қадам бўлди. Лекин келгусида ушбу тизим амалиётга тўлақонли жорий этилишини истар эдик.
Учинчидан, сўз эркинлиги дажараси юқорилаганини ҳис қилдик. Мустақил фикрлайдиганлар сони ўсмоқда, одамларда эркинлик ҳисси пайдо бўлган, бу қувонарли ҳолдир. Айниқса, блогерларни алоҳида ўқиб бордик, кузатдик.
Ушбу учта жиҳат биз учун ҳақиқий новелла бўлди.
Аммо камчиликлар ҳам йўқ эмас, хусусан жиддий камчиликларни ҳам кузатдик. Уларни батафсил ўз ҳисоботимизда қайд этамиз. Қисқа қилиб айтадиган бўлсак, бир киши бир нечта кишининг ўрнига овоз бериш ҳолатлари биз борган деярли барча сайлов участкасида кузатилди. Тушунамиз, бу ўзига хос одатга айланиб қолган, лекин барибир бу қонунга зид.
Шунингдек, шахсни тасдиқловчи ҳужжатни кўрсатмаса ҳам овоз беришга рухсат бериш ҳолатлари учради. Бундан ташқари овозларни санаш жараёнида сайлов қонунчилигидаги процессуал тартибларга риоя қилинмагани, овозларни қайта санаб чиқилмагани, айрим участкаларда овозларни санаш жараёнида хавфсизлик инобатга олинмагани каби камчиликларни ҳам кузатдик».
«Биз ҳар бир фуқаро бу уларнинг танлови, уларнинг сайлови эканлигини ҳис қилишларини, бефарқ бўлмасликларини истар эдик», - дея қўшимча қилди Зулуета хоним.
👉 @xushnudbek 👈
-
2019-12-23 10:15:18+00:00
Ўзбекистондаги парламент сайловлари бўйича халқаро кузатувчилар, жумладан ЕХҲТ вакиллари иштирокида матбуот анжумани бошланди.
Унда Ўзбекистондаги парламент сайловлари бўйича халқаро кузатувчиларнинг дастлабки хулосалари тақдим этилади.
-
2019-12-23 09:38:26+00:00
Солиштириш учун ўтган 2014 йилги сайловдаги якуний натижа:
1. ЎзЛиДеП — 52
2. “Миллий тикланиш” — 36
3. ХДП — 27
4. “Адолат” — 20
5. Экологик ҳаракат — 15
Жорий йилги рақамлар эса ҳозирча якуний эмас. 22 та округда бўладиган такрорий овоз беришдан кейин партияларнинг депутатлар сони бўйича натижаси ўзгаради.
👉 @xushnudbek 👈
-
2019-12-23 09:24:23+00:00
❗️Парламент сайловининг дастлабки натижалари:
1. ЎзЛиДеП - 43
2. “Миллий тикланиш” - 35
3. “Адолат” СДП - 21
4. Халқ демократик партияси - 18
5. Экопартия - 11
22 та сайлов округида ҳеч бир номзод 50% дан кўп овоз тўплай олмаган, шу сабабли такрорий овоз бериш ўтказилади.
👉 @xushnudbek 👈
-
2019-12-23 09:22:16+00:00
Ортда қолган сайловлардаги очиқлик, дебатлардаги эркинликни кўриб, 2021 йилдаги Президентлик сайлови тезроқ келса эди, деб қизиқяпман.
Дебатларни кўргим келяпти 😀
👉 @xushnudbek 👈
-
2019-12-23 06:15:17+00:00
Минг марта бунақа фирибгарларга ишонманглар, дейилса ҳам, нафс қурғур жуда ёмонда, мўмайгина даромад ҳақида чўпчакларга тезда ишонишади, товба. Масалан, нукуслик ҳамюртимиз ҳам алданиб қолибди:
Нукусда фуқаро фирибгарнинг ваъдасига ишониб, 165 млн сўм пулини Нигериядаги ҳисоб рақамларга ўтказиб юборди
Нукус шаҳридаги мактаблардан бирида ўқитувчи бўлиб ишлайдиган Г.П. интернет тармоғи орқали «Марк Роберт» исмли шахс билан танишиб қолади. Нотаниш шахс унга АҚШда жойлашган нуфузли компанияга ишга киритиб қўйишини айтиб, ишончига киради.
Postda.uz’нинг хабар беришича, содда ва ишонувчан юртдошимиз июнь-август ойлари мобайнида ҳужжатлар, виза, йўлкира ва бошқа «харажатлар» учун жами 165 миллион 323 минг сўм пул маблағини халқаро пул ўтказмалари орқали Нигерия давлатидаги ҳисоб рақамларига ўтказиб юборади. Табиийки, фирибгар шу кунга қадар берган «ваъда»сининг устидан чиқмайди.
Айни пайтда жиноятни содир этган шахсни аниқлаш ва ушлаш чоралари кўрилган.
Ҳолат юзасидан жиноят иши қўзғатилган.
👉 @xushnudbek 👈
-
2019-12-23 06:13:06+00:00
#maktub
Salom Xushnudbek. Iltimos bir masalada yordamingiz kerak. Mening ismim _, viloyatida yashayman. Maktabda o'qituchi bo'lib ishlayman. 3-may kuni elektron pochtamga mana bu manzildan UK EU ukuk1188@gmail.com 700 000 evro yutdingiz degan xabar keldi. (Ваша электронная почта выиграла 700.000.00eur). Men esa yutuqni qanday tartibda olishim mumkinligi haqida yozib yubordim. 4-may kuni usha e-maildan yana quyidagicha xabar keldi (Это письмо было проведено ООН по борьбе с нищетой. Просьба
предоставить данные ниже, чтобы мы могли продолжить процесс оплаты.
1, Полное имя
2, Страна
3, род занятий.)
Men ham qiziqib so'ralgan ma'lumotlarni yozib junatdim. Keyin 5-may kuni yana xabar keldi (Пожалуйста, пришлите эту копию сертификата банка по электронной почте:
natplcbnk@gmail.com) Ko'rsatilgan manzilga usha sertifikatni bugun junatdim. Mana sizga usha sertifikatni junataman.
Googledan qidirib ko'rdim bu tshkilotga 1950 yilda asos solingan ekan. Men hech narsaga tushunmadi. Iltimos bu qanaqa yutuq ekani haqida va natijasi nima bo'lishi to'g'risida qimmatli vaqtingizni olsamda bilib bersangiz?
ЖАВОБ: Ҳалиям шунақа хатларга ишонадиган одамлар орамизда борлиги кишини ҳайрон қолдиради. Бундай хатларнинг барчаси - лохотрон!
Фирибгарларнинг ишлаш услуби оддий, ўта содда мижозни катта ютуқ ютганига ишонтиради ва ютуқни олишингиз учун 100 доллардан 1000 долларгача банк харажатлари бор, Сиз шу арзимаган суммани бизга юборинг, бунинг эвазига биз Сизга 10 та Малибу олса бўладиган пулни юборамиз, қўша-қўша ҳовлилар қурасиз, вада-ванг тўйлар қиласиз, "Абу-Сахий"дан дўкон олиб, арендага бериб қўясиз, деган чўпчакларни айтишади.
Улар шунчаки одамларнинг осон пул топишга бўлган туғма қизиқишидан фойдаланишади холос.
Ишонмангларей бунақа хатларга. 21-асрда яшаётганимизгаям 20 йилча бўлиб қолди, бунча содда бўлмайлик, илтимос.
👉 @xushnudbek 👈
-
2019-12-23 05:10:50+00:00
Жорий йилнинг 22 декабр кунига ўтар кечаси Олмаота - Тошкент - Термиз трассасида йўловчи автобуси ва бир нечта автомобиллар йўловчилари эвакуация қилинди.
https://kun.uz/52235630
-
2019-12-22 23:22:47+00:00
Хуллас кўпчилик бўлиб сайлов округига бордик.
Воқеа қаҳрамони, 27 ёшли Қудрат Хусанов билан ҳам суҳбатлашдик. Вазиятни тушунтиришга ҳаракат қилди. Қолганини видеода батафсил баён қилганман.
Албатта, умуман олганда бироз кўнгилсиз иш бўлди. Аммо воқеалар ривожида мени бир нарса хурсанд қилди.
ОАВ вакиллари туман сайлов округига боришганида ярим тун бўлса ҳам, казо-казо мутасаддилар аллақачон етиб келишганди. Ва улар журналистларга ўта ҳурмат билан муносабатда бўлишди. Барча шароитни яратиб беришди. «Яна хизматлар борми?» деб сўрашди охирида.
Бунақа вазиятда одатда «қайси биринг ёздинг?», «нега бунақа иғво ёзасан?», «сиёсатимизга қаршимисан?», «ақлингни киритиб қўйиш керак экан» деган муносабатга ўрганиб қолгандик.
Ҳеч бир жамият хатодан ҳоли эмас, аммо энг яхши жамият хатоларни тан олади, тўғри муносабатда бўлади ва кенг жамоатчилик олдида ҳисобдорликни ҳис қилади. Мана шуниси ўта муҳим!
Тезкор муносабат ва ҳамкорлик учун Марказий сайлов комиссияси ҳамда Бош прокуратурага миннатдорлик билдираман.
-
2019-12-22 22:24:58+00:00
Расмий баёнот
Бош прокуратура томонидан “Сафари” телеграм канали орқали эълон қилинган Сергели тумани сайлов участкасидаги ҳолат текширилмоқда.
Текшириш натижаси бўйича хабар қилинади.
-
2019-12-22 20:04:50+00:00
Расмий баёнот
Прокуратура органлари томонидан сайлов жараёнида қонун устуворлигини таъминлашга қаратилган чора-тадбирлар амалга оширилмоқда.
Мазкур фаолият доирасида Бош прокуратура штаби томонидан оммавий ахборот воситалари ва Интернет тармоғи, шу жумладан ижтимоий тармоқларда сайловга оид қонун бузилиши ҳолатлари ҳақида эълон қилинган маълумот ва хабарлар узлуксиз равишда ўрганилмоқда.
2019 йилнинг 22 декабрь, яъни парламент Қонунчилик палатаси ҳамда халқ депутатлари маҳаллий кенгашларига ўтказилган сайловлар куни Интернет тармоғида айрим ҳудудларда сайловлар ўтказилишида қонун бузилиш ҳолатлари содир этилаётганлиги ҳақида маълумотлар эълон қилинди.
Хусусан, Қашқадарё вилояти Косон тумани халқ депутатлари Кенгаши депутатлигига номзоди кўрсатилган шахсларни ўз номзодларини қайтариб олишга мажбурлаш, Тошкент шаҳри Олмазор туманидаги 10, 23 ва 142-сонли сайлов участкалари ишига ноқонуний аралашиш ҳамда округ ва участка сайлов комиссияларига Тошкент шаҳри Яшнобод туманида овозларни санаб чиқиш бўйича якуний баённома нусхасини тўлдириш ва баённома нусхаларини ҳеч кимга тарқатмаслик юзасидан ғайриқонуний кўрсатма берилиши билан боғлиқ маълумотлар тармоқ орқали тарқатилиб, кенг жамоатчилик орасида муҳокамага сабаб бўлди.
Марказий сайлов комиссиясидан юқорида келтирилган маълумотлар тегишли тартибда кўриб чиқиш учун Бош прокуратурага тақдим этилди.
Шу муносабат билан, тажрибали прокурор-тергов ходимларидан иборат махсус гуруҳлар шакллантирилиб, мазкур хабарларнинг ҳар бири синчковлик билан ҳар томонлама ўрганилмоқда.
Бу борада Марказий сайлов комиссияси билан яқиндан ҳамкорлик ўрнатилиб, тезкор маълумотлар алмашинуви йўлга қўйилган.
Текширишлар натижасига кўра хабар берилади.
-
2019-12-22 19:58:34+00:00
Айтганча, ушбу ҳолат туман кенгаши депутатлиги учун бўлаётган сайловларга тааллуқли экан. Олий Мажлис ёки шаҳар депутатлигига ҳеч қандай алоқаси йўқ. Шунчаки маълумот учун.
-
2019-12-22 19:53:06+00:00
Яшнобод туман кенгаши учун бўлаётган сайловларда овоз бериш жараёнини ўрганиш учун Марказий сайлов комиссияси, шаҳар ва туман прокуратураси, Кун.уз, Дарё.уз ҳамда Газета.уз нашрлари вакиллари, хорижий экспертлар ҳозир бўлишди. Ҳеч қандай қонунбузилишга йўл қўйилмаслик учун тегишли барча чоралар кўрилмоқда.
-
2019-12-22 19:23:49+00:00
Хушнудбек Худойбердиевнинг телеграм каналида Яшнобод туман ҳокимлиги сайлов комиссиясининг тегишли сайлов округлари масъуллари билан телеграмда тузилган гуруҳидаги ёзувлар эълон қилинди.
Бу масала юзасидан Тошкент шаҳар ҳокимлиги тегишли ҳуқуқ тартибот органлари билан биргаликда зудлик билан ишчи гуруҳини ташкил қилиб, Яшнобод тумани ҳокимлигидаги ҳолатни ўрганди.
Ўрганиш натижаларига кўра, бу ёзувлар ҳақиқатдан ҳам Яшнобод туман Кадрлар бўлими раҳбари Қудрат Ҳусановга тегишли бўлган ва у ҳақиқатдан сайлов округлари масъулларини «черновик» протоколлари билан айтилган манзилга етиб келишларини талаб қилган.
Айни пайтда «черновик»лардаги маълумотлар ҳеч қандай ўзгаришсиз «чистовик» протоколларга кўчирилиши Яшнобод туман сайлов комиссияси назоратига олинган.
Қудрат Ҳусанов ҳамда бошқа масъулларнинг ушбу ҳаракати ўрганиляпти ва сайлов натижаларига аралашиш ҳолати тасдиқланса, уларга нисбатан тегишли чоралар кўрилади.
-
2019-12-22 19:13:37+00:00
Сайлов якунлари ҳамда овозлар натижаларини ҳисоблаш жараёнларининг ҳаққонийлигини бевосита кузатиш ҳамда ишонч ҳосил қилиш учун бир гуруҳ журналист ва блогерлар, халқаро кузатувчилар таклиф этилди. Сайлов участкасига боряпмиз.
-
2019-12-22 18:34:33+00:00
Сайлов куни Kun.uz почтасига йўлланаётган хилма-хил мактубларни умумлаштириб, битта қисқа хулосада ифодалаш мумкин:
Биз қандай бўлсак, сайловларимиз ҳам шундай.
Ютуқларимиз етарлича ва улар учун ЎЗИМИЗдан қувонишга тўла ҳақлимиз. Камчиликларимиз ҳам етарли ва уларга ҳам ЎЗИМИЗдан бошқа ҳеч ким сабабчи эмас.
Ҳаммаси табиий ва ҳозирча ортиғини кутиш мантиққа зид. Ва ҳар биримиз аввало ўзимизни ислоҳ қилайлик.
-
2019-12-22 18:00:17+00:00
Мана шунақа қадамлар билан ҳақиқий демократияга борамиз, Худо хоҳласа. Юқорида кўп бора айтганимдай, бутун Ўзбекистонни ёппасига бир юмалаб, қонунга итоаткор қилиб бўлмайди, бу фантастика. Орасида барибир шунақа ҳолатлар учраб туриши табиий, буни инсон фактори дейишади.
Асосийси - сиёсий ирода!
Яъни энг юқорида мана шунақаларга қарши туриб, шунақаларни жазолай оладиган тизим бўлса кифоя. Танқид айтган инсонларни душман эмас, дўст сифатида кўриб, "зўр қилдингиз шу маълумотни эълон қилиб, бизга ҳам ёрдам берди бу" дейдиганлар борлигига шукр. Биз шундан хурсандмиз.
👉 @xushnudbek 👈
-
2019-12-22 17:54:50+00:00
Марказий сайлов комиссияси ҳамда прокуратура органлари юқоридаги масала бўйича мен билан боғланишди. Ва ушбу ҳолат жуда қисқа вақт ичида ўрганилиши ҳамда фактлар ўз исботини топса, албатта қонуний чора кўрилишини қатъий таъкидлашди.
-
2019-12-22 17:30:58+00:00
Марказий сайлов комиссияси ҳамда тегишли идоралардан мана бу ҳолатни жиддий ўрганишларини талаб қиламан.
👉 @xushnudbek 👈
-
2019-12-22 16:48:43+00:00
Кўзбўямачиликларга барҳам берилаётгани рост бўлсин!
Бугун бўлиб ўтган сайловларда умумий сайловчиларнинг 71,1%и овоз бергани ҳақида маълумот берилди. Албатта бу рақам ичида бир киши бутун оила аъзолари номидан овоз берганлар ҳам бор. Аммо шундай бўлсада, анча ишонарли рақам бу.
Аввалги йилларда бу рақам ҳеч қачон 85%дан кам бўлмаган. Илгари қатнашган сайловчилар сонини сунъий кўпайтириш учун роса ҳаракат қилишган. Келинг, солиштириш учун аввалги сайловлардаги “явка”ни кўриб чиқамиз:
2016 йил (Президентлик сайлови) – 87,73%;
2015 йил (Президент) – 91,08%;
2014 йил (Парламент сайлови) – 88,94%;
2009 йил (Парламент) – 87,8%;
2007 йил (Президент) – 90,6%;
2004 йил (Парламент) – 85,1%;
2002 йил (Референдум) – 91,58%;
2000 йил (Президент) – 95,1%;
1999 йил (Парламент) – 95,03%.
Жорий йилда сайловда иштирок этиш фоизининг кам бўлгани халқимизнинг сиёсий қизиқиши аввалги йилларга қараганда камайиб кетганини англатмайди. Аксинча, бу – сайловларда кўзбўямачиликлар, “явка”ни кўтариш учун овозларни сохталаштириш ҳамда қўшиб ёзиш кам бўлганини англатади.
Бу жуда қувонарли ҳол, мен Сизга айтсам! Браво!
Шу темпни сақлаб қолиш, келгуси йилларда рақамларни янада шаффофлаштириш керак!
👉 @xushnudbek 👈
-
2019-12-22 16:20:59+00:00
Марказий сайлов комиссиясининг хабарига кўра, соат 20:00 га қадар 13 млн 355 минг 911 нафар сайловчилар овоз берган. Бу жами сайловчиларнинг 71,1%и дегани.
👉 @xushnudbek 👈
-
2019-12-22 15:59:56+00:00
Чироқ ўчса, нима қилиш керак?
Аввалги сайловларда энг кенг тарқалган усуллардан бири овозларни санаш жараёнида туман ҳокимининг буйруғи билан сайлов участкасида чироқни ўчиришади. Қоронғуликда эса, олдиндан тайёрланган пачка-пачка сайлов бюллетенлари аралаштирилади.
Олинган хабарларга кўра, жорий йилда ҳам шундай усулдан фойдаланишга ҳаракат қилиб кўришмоқчи экан.
Ҳурматли вакиллар ва кузатувчилар!
Телефонингизнинг фонарини тайёрлаб туринг, мабодо тўсатдан чироқ ўчиб қолса, телефон билан ёритиб, бюллетенларни аралаштиришларига йўл қўйманг!
Токи чироқ ёнгунгача, барча сайлов комиссияси аъзоларини бюллетенлардан узоқлашишларини талаб қилинг. Қаттиқ-қаттиқ талаб қилаверинг, улардан қўрқадиган жойингиз йўқ.
👉 @xushnudbek 👈
-
2019-12-22 15:40:29+00:00
Овозларни санаш жараёнида кимлар иштирок этиши мумкин?
Кўпчилик сўраётгани учун, тушунтириш бериб ўтмоқчиман.
Овозларни санаш жараёнига қуйидагилар киришга ҳақли:
👉 сиёсий партиянинг ваколатли вакили (Сайлов кодекси 34, 58-моддаси);
👉 кузатувчилар (СК 33, 58-моддаси)
👉 оммавий ахборот воситаларининг вакиллари (СК 35, 58-моддаси).
Бошқа шахслар овозларни санаш жараёнига киритилиши мумкин эмас.
❗️Битта нарсани яхшилаб тушунинг, овозларни санаш жараёнига кириш дегани, бу овозларни санашда ёрдам бериш дегани эмас. Ваколатли вакил, кузатувчилар ва ОАВ вакиллари бюллетенларга қўл теккизиши, уларни санашга ёрдам бериши, овозларни санаб чиқишга аралашиши мутлақо тақиқланади.
Сизлар фақат ўша хонада сайлов комиссияси вакилларининг ишини назорат қилиб турасиз холос. Бунга қуйидагиларга алоҳида эътибор беринг:
- овоз берилган бюллетенлар номзодларга тўғри ажратиляптими;
- ҳақиқий бўлмаган ва бузилган бюллетенлар алоҳида олиб қўйиляптими;
- ишлатилмаган бюллетенлар овоз бериш жараёнига аралаштирилмаяптими;
- ва бошқа шу каби ҳолатларни кузатинг.
📸🎥 Овозларни санаш жараёнида видео ва фотодан фойдаланиш мумкин!!!
Агар участка сайлов комиссияси раиси ёки аъзолари бу мумкин эмас, дейишса, унда улардан қайси қонуннинг қайси моддасида бу ёзиб қўйилганини сўранг. Топиб бера олишмаса, қаршилик қилишга ҳаққи йўқлигини тушунтиринг.
Яна қайтараман, охирида овозларни санаб чиқиш якунлари бўйича баённомани РУЧКАда тўлдиришни ва имзолашни талаб қилинг ҳамда улардан нусха олинг.
👉 @xushnudbek 👈
-
2019-12-22 15:00:45+00:00
Овоз бериш якунланди!
Мана, узоқ кутилган сайловдаги овоз бериш жараёнлари ҳам тугади.
Энди буёғида барчаси сайлов комиссиялари аъзолари, номзодлар ва сиёсий партияларнинг ваколатли вакиллари ҳамда кузатувчиларга боғлиқ.
Ҳурматли, муносиб номзодлар!
Халқ ўз ишини қилди. Кимдир овоз берди, кимдир бермади. Кимдир тушунди, кимдир тушунмади. Кимдир битта овоз берди, кимдир кўп. Лекин нима бўлган тақдирда ҳам, халқ ўз танловини қилиб бўлди, ўз бурчини бажарди. Сизларга ишонди.
Энди Сиз бўш келманг. Буёғига қаттиқ туринг, ҳақиқат сари дадил курашинг, вакилларингиз белини қаттиқ боғлашсин. "Сиёсатга қарши борманг, рози бўла қолинг, кейинги сафар омадингиз келар, ўзимиз қўллаймиз" дея кимлардир Сизга ақл ўргатмоқчи бўлса, қулоғингиз кар, кўзингиз кўр бўлсин. Улар муттаҳамлар!
Ҳозир ҳаракат қилмасангиз, кейин афсусланасиз. ОМАД!
👉 @xushnudbek 👈
-
2019-12-22 13:32:32+00:00
Номзодларга қисқа маслаҳатлар:
Агар узун матнни ўқишга вақт тиғиз бўлса, қуйидагиларни ўқинг:
1) Ҳар бир участкада вакилингиз бўлсин;
2) Вакилларингиз овозларни санаш жараёнига албатта кирсин. Айрим жойларда участка сайлов комиссияси раислари вакилларни киргазмасликка ҳаракат қилмоқчи экан. Бу ноқонуний! Тезда Марказий сайлов комиссиясига ёки прокуратурага шикоят қилинглар (1197 ишонч телефони). Вакилларингиз «мени киргазмади» деб жимгина қайтиб келмасин тағин;
3) Вакилларингиз овозларни санаш жараёнига ўта ҳушёр бўлишсин, 100-200 талаб бюллетенни қўшиб юборишга урунишлари мумкин. Шундай бўлиши билан дарров шикоят қилишсин, видеога олишсин. Буни ҳам ўша жойнинг ўзида, иссиғида қилиш керак;
4) Энг муҳими – якуний натижалар ёзилган баённомаларни РУЧКАДА тўлдиришни ва имзолашни талаб қилиш керак.
Аввалги йилларда ҳокимларнинг талаби билан баённомалар қаламда тўлдирилар эди. Жорий йилда бунга йўл қўймаслик керак. Ўшанақа топшириқ берган ҳокимига ҳам, бошқа валломатига ҳам «бор, тошингни тер» деб айтинг. Агар қайсидир сайлов комиссияси ручкада тўлдиришни рад қилса, яна ўша заҳоти шикоят қилиш керак. “Аслида шундай эканда” деб жимгина қайтиб кетишмасин тағин;
5) Сайлов комиссияси якуний натижалар ёзилган баённомадан нусха беришга мажбур! Ҳар бир вакилларингиз баённомани тезда суратга тушириб олишсин ва Сизга Телеграм орқали ташлашсин. Нусха бермасликка ҳам ҳаққи йўқ!
⚡️6) Янги маслаҳат! Овоз бериш натижалари ёзилган баённомалар қўлингизга келиб тушиши билан, уларни ижтимоий тармоқларга жойлаштиринг. Ёки Телеграм канал очиб (бу жуда осон), ёки Фейсбукка қўйиб ташланг. Яъни ҳақиқатдан Сиз кўп овоз олганингизни исботловчи далилларни тарқатиб юборинг. Токи бошқалар буни ўзгартиришга “духи” етмасин.
‼️Хуллас, ҳурматли номзодлар, агар Сизнинг қўлингизда ҳар бир сайлов участкасида тўлдирилган овоз бериш натижалари ҳақидаги баённомалардан нусха бўлса (ёки камида расми) ва уларда Сизнинг ғалабангиз акс этган бўлса, унда сира хавотирланманг, марра Сизники. Ҳеч кимга буни ўзгартириш учун имконият бермаймиз.
Имкони бўлса, ўша расмларни @saylov_2019bot боти орқали менга ҳам юборинг. Бугун ухлаш йўқ, токи эрталабгача онлайн бўламиз. Агар мабодо кимдир сайлов жараёнларига аралашиб, овозларни сохталаштиришга уринишса, шунақанги дод-вой кўтарамизки, туғилганига пушаймон бўлади.
Фақат яна қайтараман, қўлингизда аниқ далиллар бўлсин. Қуруқ гап билан ҳеч нарсага эриша олмайсиз.
Барча муносиб номзодларга омад тилайман!
👉 @xushnudbek 👈
-
2019-12-22 13:02:41+00:00
Ҳурматли номзодлар!
Сиз учун жуда муҳим соатлар яқинлашмоқда. Ўтган сайловлардан маълумки, сайловдаги энг катта ноҳақликлар аслида овоз бериш якунлангач бошланади. Жорий йилда ҳам айримлар бунга уриниб кўриши мумкин.
Унгача бўлган жараёнларнинг барчаси майда-чуйда масалалар. Бир кишининг бир нечта паспорт билан овоз бериши, сайлов участкасига кираверишда "фалончига овоз беринг" деган гапларнинг айтилиши, сайлов комиссиясидагиларнинг қайсидир номзодга овоз бериш ҳақида шаъма қилиши ва шунга ўхшаган ҳолатлар халқнинг сайлов маданияти билан чамбарчас боғлиқ ва бу вақт ўтиши билан ўтадиган жараёнлар. Булар сайлов натижасига нари борса 2-3% таъсир қилади холос, ундан кўп эмас.
Бизнинг сайловдаги энг муҳими - овозларни санаб чиқиш ҳамда қайд этиш жараёнидир!
Шу сабабли депутатликка номзодлар ва уларнинг вакиллари қуйидаги маслаҳатларни диққат билан ўқиб чиқишини тавсия қиламан, албатта Сизга асқотади деган умиддаман.
https://teletype.in/@xushnudbek/SkLk1njCB
Таниш номзодларингизга ҳам юборинг.
👉 @xushnudbek 👈
-
2019-12-22 12:19:24+00:00
@saylov_2019bot ботидан ҳозиргача 961 та хабар келиб тушди. Жуда ҳам муҳим ва аниқ манзиллари билан ёзилган хабарларни тегишли ташкилотларга юбориб, тезкор чора кўришга ҳаракат қиляпман.
Шунчаки умумий ва мавҳум гапларга эътибор қаратиш имконим йўқ. Энг кўп берилган саволларга эса (тахминан 80% хабарлар шу ҳақда) каналим орқали жавоб бериб ўтдим:
1) t.me/xushnudbek/3940
2) t.me/xushnudbek/3941
3) t.me/xushnudbek/3942
Агар сайловдаги қонунбузилишлар тўғрисида конкрет далил ва фактлар бўлса @saylov_2019bot ботига юборинг. Албатта кўриб чиқамиз.
👉 @xushnudbek 👈
-
2019-12-22 10:30:19+00:00
Навбатдаги савол-жавоблар:
Рўйхатда чиқмадим, нима қилай?
Навбатдаги энг кўп берилаётган савол сайловчилар рўйхатида чиқамаган ёки бошқа манзилда чиққан фуқаролар томонидан берилмоқда.
Ҳозирги қонунчиликка кўра, исталган фуқаро доимий ёки расман вақтинча рўйхатдан ўтган жойидан овоз бера олади. Агар Сизни умуман бошқа жойда ёки эски манзилингизда рўйхатга қўшиб қўйишган бўлса, бундан сира хавотирланманг.
Паспортингизни олиб, доимий ёки вақтинча рўйхатдан ўтган жойингиздаги сайлов участкасига бораверинг. Сизни қўшимча рўйхатга қўшишади ва ўша ердан овоз беришингиз мумкин бўлади. Фақат асосий шарти, Сиз аввал бошқа жойда овоз бермаган бўлсангиз кифоя. Буни махсус ягона электрон базадан текшириб кўришади.
Шунинг учун, мени бошқа жойдаги рўйхатги киритишибди ёки умуман рўйхатга киритишмабди, деб хавотир олиб ўтирманг. Бемалол ўзингизга яқин сайлов участкасига бораверинг.
Паспортим йўқ, нима қилай?
Агар паспортингиз маълум сабабларга кўра, ёнингизда бўлмаса, унда шахсингизни тасдиқловчи бошқа ҳужжатларни (ҳарбий гувоҳнома, янги намунадаги ҳайдовчилик гувоҳномаси, паспортини йўқотган фуқароларга ички ишлар органлари томонидан берилган вақтинчалик маълумотнома, жазони ўтаб бўлганлик ёки жазодан озод қилинганлик тўғрисидаги маълумотнома) билан овоз беришингиз мумкин. Агар улар ҳам бўлмаса, унда овоз бера олмайсиз.
Сайловни қаердан онлайн кузатиш мумкин?
Ҳа, мумкин. Марказий сайлов комиссиясининг сайтидаги қуйидаги ҳавола орқали сайлов участкаларидаги ҳолатни онлайн кузатиш мумкин:
http://elections.uz/uz/lists/camera
Онлайн овоз бериш мумкинми?
Йўқ, мумкин эмас. Албатта сайлов участкасига боришингиз керак.
👉 @xushnudbek 👈
-
2019-12-22 10:10:26+00:00
Бир киши бир неча кишининг ўрнига овоз бераётгани ҳақида
Навбатдаги энг кўп мурожаат айни шу мавзуда бўлмоқда.
Бу энди бизнинг қон-қонимизга сингиб кетган одат. Оиладан бир киши бир нечта оила аъзоларнинг паспортини кўтариб, сайловга боради ва турмуш ўртоқлари, фарзандлари, кекса ота-онаси, келини, ҳатто набиралари учун ҳам ўзи бориб овоз бериб келади.
Бу иш шу даражада одамлар онгига ўрнашиб қолганки, ҳатто кўпчилик «нима учун қариндошларимнинг паспорти билан борсам, менга сайлов бюллетени беришмаяпти, шу иши тўғрими?» деб сўрайдиганлар ҳам бўлмоқда.
Ҳурматли фуқаролар! Сайловда ўзгалар номидан овоз бериш қонунга хилоф. Биламан, бу гап Сизга ўта кулгили ва ғалати эшитилади. Балки энсангиз ҳам қотса керак. Аммо тушунинг, бундай қилиш мумкин эмас!
Илтимос, Худо хайрингизни берсин, бутун бошли оиланинг паспортини кўтариб, сайловга борманг. Ўша оила аъзоларингиз соғ-саломатми? Ўзи бемалол юра оладими? Унда Худога шукр қилиб, 15 дақиқа вақт ажратиб сайловга боришсин. Ёки агар жуда сайловга боргиси келмаётган бўлса, майли бормасин. Бу ўзгалар номидан овоз бергандан минг марта яхши.
Агар оила аъзоларингиз саломатлиги туфайли ўзи мустақил сайлов участкасига бора олишмаса, унда бу ҳақда хабар берсангиз, сайлов участкасидагиларнинг ўзлари уйингизга келишади. Уларнинг паспортини кўтариб боришингиз шарт эмас.
Жойларда ўзгаларнинг паспорти учун ҳам сайлов бюллетенлари берилаётганига келсак, бу ҳам нохуш ҳолат албатта. Участка сайлов комиссиялари аъзоларига минг марта таъкидланган бўлса ҳам, барибир улар бировлар учун бюллетен беришда давом этмоқда.
Биринчидан, минглаб инсонларни қонунга итоаткорлик руҳида тарбиялаш осон эмас. Узоқ йиллар давомида сайловда шундай бўлиб келган ва бу одатдан бир юмалаб қутулиш имконсиз иш.
Иккинчидан, ҳудудларда, айниқса қишлоқларда ҳамма бир-бирини яхши танийди, шу сабабли ҳам “бировнинг ўрнига овоз бериш мумкин эмас” деган гапга, халқнинг ўзи “йиғиштир закўнчилигингни, мени танийсанку” дейишади. Хуллас, таниш-билишчилик ортидан бу одатни бартараф этиш осон эмас.
Учинчидан, менимча, энг асосий фактор – сайловда қайсидир участка, округ ёки туманда сайловда иштирок этганлар сони (явка) кам бўлса, ўша ҳудудга жавобгар шахслар (ҳокимлар, сайлов комиссия раислари) гап эшитиши мумкин. Яъни улар сайлов тарғиботини яхши олиб бормаган, халқни сайловга бориши учун тегишли ишларни қилмаган, деб баҳоланади.
Мана шу гап эшитиш хавфи сайлов комиссияси аъзоларига ҳам бир нечта паспорт кўтариб келганларга ҳам бемалол бюллетен беришга рағбат беради. Масалан, рад жавоби берса, ўша сайловчи умуман сайловга келмаслиги мумкин. Ундан кўра, тинчгина рози бўлган яхши дейишади.
Юқоридаги сабаблар туфайли, ўзгалар номидан овоз бериш ҳолатлари рўй бермоқда. Албатта, шубҳасиз бу сайлов қонунчилигига зид иш. Лекин яна бир жиҳати бор.
Бир кишининг сайловда бир неча киши номидан овоз бериши сайловдаги ўйинлар ҳисобланмайди. Бу халқ онги билан боғлиқ муаммо холос. Яъни бу иш маълум бир номзодни ўтказишга ҳаракат эмас. Ўша кўп бюллетен олган фуқаро ичкарида истаган номзодга овоз беришга ҳақли. Шу фактор бироз одамнинг кўнглига таскин беради. Агар мабодо "фалончига овоз берасан" дейишаётган бўлса, бундан даҳшати йўқ.
Ҳурматли фуқаролар!
Агар Сиз қайсидир сайлов участкасида бир кишига бир нечта бюллетен беришганига гувоҳ бўлсангиз, унда ўша заҳоти сайлов комиссия аъзоларини огоҳлантиринг. Ўша заҳоти далолатнома тузишларини талаб қилинг. Токи кейинги сафар бу ишни қилишмасин.
Фақат томошабин бўлиб, ёки ўша жойда миқ этмай, кейин шикоят қилиш билан иш битмайди. Темирни иссиғида босинг, бефарқ ва лоқайд бўлманг! Ич-ичингиздан масъулият ҳис қилишни илтимос қиламан.
👉 @xushnudbek 👈
-
2019-12-22 09:53:28+00:00
Кўп берилаётган саволлар бўйича фикрларимни билдирмоқчиман.
Эээээнг кўп саволлардан бири «менга таклифнома берилмади, энди нима қилай?» деган бўлмоқда.
Ҳурматли сайловчилар. Сайлов бу суннат тўй эмас, таклифнома кутадиган. 3-4 ойдан буён тинимсиз қачон сайлов бўлиши айтилмоқда. Бугун сайловлигини биласизми, бўлди, шуни ўзи етади. Овоз бериш учун таклифнома шарт эмас.
Паспортингиз билан доимий ёки вақтинча яшаш жойингизга боринг ҳамда ўз сиёсий иродангизни намойиш этиб, овоз беринг. Сайлов участкадагилар “таклифнома кўрсатмасангиз, бюллетен бермаймиз” дейишга ҳаққи йўқ. Агар кимдир шу гапни айтса, демак қонунчиликни нотўғри талқин қилаётган бўлади.
«Менга таклифнома беришмади, ўшанчун бормайман» дейишга сал истиҳола қилсангиз бўларди.
👉 @xushnudbek 👈
-
2019-12-22 09:29:30+00:00
Президент Шавкат Мирзиёев оила аъзолари билан биргаликда Тошкент шаҳрининг Мирзо Улуғбек туманидаги 162-сайлов участкасида овоз берди.
-
2019-12-22 07:48:41+00:00
Ўзим муносиб деб ҳисоблаган номзодларга овоз бердим.
Олий Мажлис ҳамда шаҳар кенгаши учун кимга овоз беришим олдиндан аниқ эди. Туман кенгаши номзодларини танимадим, шу сабабли ақлли овоз бериш усулидан фойдаландим.
Кимга овоз берганимни айтмайман, чунки бу мумкин эмас. Аввало яширин овоз бериш принципи бор, иккинчидан кимга овоз берганини айтиш ташвиқот ҳисобланади.
Ижтимоий тармоқларда кимга овоз берганини акс эттирувчи бюллетен фотоларини жойлаштираётганларга ҳам айтмоқчи эдимки, бу қонунга хилоф, бундай қилманг.
👉 @xushnudbek 👈
-
2019-12-22 07:39:04+00:00
-
2019-12-22 06:09:30+00:00
Кириб келаётган янги 2020 йил муборак бўлсин!
-
2019-12-22 05:04:14+00:00
Ҳурматли сайловчилар ҳамда депутатликка номзодлар!
Кеча ваъда қилинганидек, сайлов жараёнларига бағишланган махсус ботимиз ишга тушди.
👉 @saylov_2019bot 👈
Ушбу бот орқали сайлов жараёнларига оид қонунбузилиш ҳолатлари ҳақида маълумот беришингиз ёки умуман сайлов ҳақидаги таклиф ва мулоҳазаларингизни юборишингиз мумкин.
❗️Бошқа мазмундаги мурожаатлар кўриб чиқилмайди ва жавоб қайтарилмайди.
Агар зарурият туғилса, мурожаатингизни Марказий сайлов комиссияси ҳамда бошқа тегишли идораларга юборамиз ва чора кўрилишига ҳаракат қиламиз. Бирор натижага бўлишига албатта кафолат бера олмасак-да, аммо ҳақиқат учун курашишга ҳаракат қилишни кафолатлаймиз.
👉 @xushnudbek 👈
-
2019-12-22 04:50:48+00:00
Ўзбекистон Республикаси Марказий сайлов комиссияси раиси Мирзо Улуғбек Aбдусаломовнинг телемурожаати
-
2019-12-21 15:58:35+00:00
Ўзбекистон Республикаси Марказий банки
ХАБАРИ
Ўзбекистон Республикаси Марказий банки, кейинги вақтларда ижтимоий тармоқларда тарқалаётган пул бирлигининг деноминация қилиниши тўғрисидаги хабарлар борасида қуйидагиларни маълум қилади.
Ушбу хабарлар ҳеч қандай асосга эга эмас. Бугунги кунда пул бирлигини деноминация қилиш масаласи Ўзбекистон Республикаси Ҳукумати ва Марказий банки томонидан кўзда тутилмаган.
-
2019-12-21 14:50:15+00:00
Депутатликка номзодларга маслаҳатлар
Ҳурматли, номзод!
Сизни эртага катта синов кутиб турибди. Агар эртанги сайловларда ҳақиқатда кўп овоз олишга кўзингиз етиб турган бўлсаю, аммо аввалги йиллардаги каби турли қинғирликлардан хавотир олаётган бўлсангиз, унда қуйидаги маслаҳатларимни диққат билан ўқиб чиқинг.
Бу ёш бола нимани ҳам ўргатарди, дейишингиз мумкин. Аммо ишонинг, бу жараёнларда озми-кўпми тажрибам бор.
Унутманг, ушбу фикрлар ўтган сайловлар тажрибасидан келиб чиқиб айтилмоқда, балки жорий сайловда бундай ишлар қилинмас (шунга қаттиқ ваъда беришмоқда) ва бу маслаҳатларнинг Сизга ҳожати ҳам бўлмас.
...
Сайловга аралашишга ҳаракат қилган инсонлар аслида ўз манфаатлари йўлида демократик қадриятлар, халқ ишончи ва Ўзбекистон имижини ҳам пуллашга тайёр бўлган муттаҳамлардир. Бунақалардан сира қўрқманг ва ҳайиқманг. Ўзингизга ва Сизга овоз берган минглаб сайловчиларга ишонинг, шунинг ўзи етади.
Ҳурматли, муносиб номзодлар!
Қонун чиқарувчи ҳокимият вакили бўлиш йўлидаги мардонавор курашингизда Сизларга чин дилдан омадлар тилайман. Мамлакат тақдирига бефарқ, мустақил фикри йўқ ҳамда энг асосийси - халқ аслида овоз бермаган ноинсоф номзодларнинг сайланмаслигига тилакдошман.
Мақолани батафсил қуйидаги ҳавола орқали ўқишингиз мумкин:
https://teletype.in/@xushnudbek/SkLk1njCB
Каналга уланиш:
👉 @xushnudbek 👈
-
2019-12-21 11:57:05+00:00
Сайловчиларга энг керакли маълумотлар
Эртага бўлиб ўтадиган Олий Mажлис ҳамда маҳаллий кенгаш депутатлиги учун сайловларда сайловчилар учун энг керакли маълумотларни тўплашга ҳаракат қилдим:
👉 овоз бериш эрталаб соат 8:00 дан кечки 20:00 га қадар давом этади;
👉 ўзингиз билан паспорт ёки янги намунадаги ҳайдовчилик гувоҳномасини олишни унутманг;
👉 агар ҳалигача қайси сайлов участкасида овоз беришингизни билмасангиз, унда elections.uz/uz/site/polling-station манзилига кириб, туғилган сана ва паспорт рақамини киритган ҳолда эртага овоз берадиган участкангизни аниқлашингиз мумкин;
👉 сайлов бюллетенини яширин овоз бериш кабинасида ёки хонасида ёлғиз ўзингиз тўлдирасиз;
👉 овоз бериш учун ўзингиз ёқлаб овоз бераётган номзоднинг фамилияси рўпарасида, ўнг томонда жойлашган бўш квадратга «➕» ёки «✔️» ёхуд «✖️» белгисини қўйишингиз керак;
👉 тўлдирган сайлов бюллетенингизни сайлов қутисига ташлайсиз. Ўзингиз билан эсдалик учун олиб кетиб қолманг;
👉 мабодо бюллетенни бузиб қўйсангиз, унда янгисига алмаштириб беришни илтимос қилишингиз мумкин;
👉 исталган номзодингизга овоз беришингиз ёки ҳеч кимга овоз бермаслигингиз мумкин (фақат имкони бўлса, бюллетенни бўш қолдирманг);
👉 сайловга бориш ҳам мажбурият эмас, ҳуқуқ. Aммо аввал кўп бора таъкидлаганимиздек, албатта сайловга бориш ҳамда номзодлар орасида энг муносиби ёки нисбатан яхшироғига овоз беришингиз тавсия этилади.
👉 @xushnudbek 👈
-
2019-12-21 10:42:24+00:00
Айтганча, тарих йўналишида ҳам ўзгариш бўлибди.
Келгуси йилда тарих йўналиши бўйича қуйидаги фанлардан тест саволлари тушади:
Мутахассислик блоки (30 тадан савол, 3,1 балл):
1. Тарих;
2. География.
Мажбурий блок (15 тадан савол, 2,1 балл):
1. Ўзбекистон тарихи;
2. Она тили;
3. Математика.
👉 @xushnudbek 👈
-
2019-12-21 09:35:27+00:00
ДТМ Давлат қабул комиссияси томонидан тасдиқланган фанлар мажмуасининг тўлиқ рўйхатини эълон қилди.
Демак, юриспруденция йўналиши бўйича мутахассислик блокида тарих ва чет тили фанларидан савол тушиши расман аниқ бўлди.
👉 @xushnudbek 👈
-
2019-12-21 09:27:08+00:00
Марказий сайлов комиссияси эслатади!
“Ўзбекистон Республикасининг Сайлов кодексини тасдиқлаш тўғрисида”ги Ўзбекистон Республикасининг Қонунига мувофиқ, “биноларга, иншоотларга ва бошқа жойларга илгари жойлаштирилган сайловолди ташвиқоти материаллари сайловга бир кун қолганида маҳаллий давлат ҳокимияти органлари томонидан олиб қўйилиши”га оид мажбурий талабни назарда тутувчи “Ўзбекистон Республикаси Олий Мажлисига сайлов тўғрисида” ва “Халқ депутатлари вилоят, туман ва шаҳар кенгашларига сайлов тўғрисида”ги қонунлар ўз кучини йўқотган деб топилди.
Марказий сайлов комиссиясининг 2019 йил 5 октябрдаги 950-сон қарори билан тасдиқланган Ўзбекистон Республикаси Олий Мажлисининг Қонунчилик палатаси, Халқ депутатлари вилоят, туман ва шаҳар кенгашлари депутатлигига номзодларнинг сайловолди ташвиқотини олиб бориш тартиби тўғрисидаги низомнинг 12-бандига мувофиқ биноларга, иншоотларга ва бошқа жойларга илгари (сайлов кунидан икки кун олдин) жойлаштирилган сайловолди ташвиқоти материалларини сайлов куни ва овоз беришдан бир кун қолганида олиб қўйилиши мажбурий ҳисобланмайди.
-
2019-12-21 09:10:52+00:00
Ваниҳоят мутахассислик блоки бўйича тестда қайси йўналишга қайси фанлардан савол тушиши тасдиқланибди.
Мажбурий фанлар блоки бўйича эса ўзгариш йўқ.
Тез орада тўлиқ рўйхат эълон қилинади.
P.S.: ваниҳоят деяпмизу, лекин аслида холисона гапирсак, аввалги йилларда бу маълумот тестга тахминан 1 ой қолганда маълум қилинарди. Хайриятки, танқид қилавериб, қилавериб, янги йил кирмасидан эълон қилишларига эришдик.
Аммо бу ҳам кеч. Мутасаддилардан келгуси йилларда ушбу маълумотни сентябрь ойидан кечикмасдан тасдиқлашларини сўраб қоламиз.
-
2019-12-21 09:04:03+00:00
5 та фандан тест синовларига оид ҳозиргача маълум бўлган барча маълумотлар
👉 келгуси йилда 5 та фандан тест бўлиши аниқ, бу Президент қарорида белгиланган. Яъни бу масала аллақачон ҳал этилган, фақат тартиби ҳозирча расман тасдиқланмади холос;
👉 Mажбурий фанлар блоки (барча учун тушади):
Она тили (ўзбек, рус ёки қорақалпоқ тили) - 15 та савол, ҳар бири учун 2.1 баллдан;
Mатематика - 15 та савол, ҳар бири учун 2.1 баллдан;
Ўзбекистон тарихи - 15 та савол, ҳар бири учун 2.1 баллдан.
Жами тўплаш мумкин бўлган балл – 94.5 балл.
Она тили ва Ўзбекистон тарихи фанидан 1 дақиқагача, математикадан - 1,5 дақиқагача вақт ажратилади.
👉 Tаълим йўналишига мос мутахассислик блокидаги фанлар (йўналишига қараб ўзгаради):
1-фан - 30 та савол, ҳар бири учун 3.1 баллдан;
2-фан - 30 та савол, ҳар бири учун 3.1 баллдан.
Жами тўплаш мумкин бўлган балл – 186 балл.
Асосий блокдаги 2 та фан учун жами 2 соат вақт берилади.
👉 балларни ҳисоблаш тизимида ўзгариш бўлмайди, аввал қандай бўлса, шундайлигича қолади. Яъни ҳар бир блокдан тўпланган баллар қўшилиб, умумий баллни ташкил этади ва абитуриентлар мана шу 5 та блокдан тўплаган бали бўйича ўзаро курашади (илгари учта блокнинг умумий бали олинарди). Энг максимал балл 280,5 балл бўлади;
👉 айрим йўналишларда мажбурий блокдаги фан билан махсус блокдаги фан бир хил бўлиб қолиши мумкин. Масалан, математика йўналишига ҳужжат топширган абитуриент мажбурий блокда ҳам, мутахассислик блокида ҳам математика фанидан тест ишлайди. Бу иккаласининг асосий фарқи —мажбурий блокдаги саволларнинг барчаси соддалаштирилган, энг осон даражада бўлади, мутахассислик блокидаги саволлар эса турли мураккабликда (осон, ўртача, қийин) бўлади;
👉 5 та фандан тест бўлишга оид тартиб, фақат давлат ОТМларига тааллуқли. Шу пайтгача бўлгани каби, бу янги тартиб ҳарбий, диний, хусусий, нодавлат ва хорижий ОТМларга алоқадор эмас;
👉 3 та мажбурий фан касбий (ижодий) имтиҳон топшириладиган йўналишлар учун, шунингдек магистратура учун тааллуқли эмас;
👉 3+2 кўринишдаги ушбу тартиб бакалавриатнинг барча таълим шакллари (кундузги, сиртқи, кечки) учун бирдек қўлланади;
👉 мажбурий блокда она тили (ўзбек, рус ёки қорақалпоқ тили) фанидан тушадиган 15 та савол ичида Адабиёт фанидан тест саволлари бўлмайди;
👉 мажбурий блокда Ўзбекистон тарихи фанидан тушадиган 15 та савол ичида Жаҳон тарихидан тест саволлари бўлмайди;
👉 мажбурий блокда Математика фанидан тушадиган 15 та савол ичида геометрия ёки информатикадан тест саволлари бўлмайди;
👉 мутахассислик блокида Математика фанидан тушадиган 30 та савол ичида информатикадан саволлар бўлмайди;
👉 мутахассислик блокдаги 2 та фан учун жорий йилги тест синовларида қўлланган фанлар мажмуасининг 3,1 ҳамда 2,1 балл берилган дастлабки 2 та фан олинмоқда. Масалан, тиббиёт йўналишлари учун биология ва кимё. Молия-иқтисод йўналишлари учун математика ва чет тили. Ва ҳ.к;
👉 тест саволлари тушадиган дарсликлар рўйхати билан мана бу ерда танишишингиз мумкин.
Юқоридаги маълумотлар Давлат тест маркази хабарлари асосида тайёрланди.
👉 @xushnudbek 👈
-
2019-12-21 08:01:03+00:00
Контракт тўлаш муддати узайтирилди
Давлат қабул комиссиясининг 2019 йил 20 декабрдаги 6-сон баёни билан олий таълим муассасаларининг бакалавриат таълим йўналишларига (кундузги, сиртқи, кечки, махсус сиртқи таълим шакллари) ҳамда магистратура мутахассисликларига тўлов-контракт асосида талабаликка тавсия этилган (шу жумладан, табақалаштирилган тўлов-контракт асосида ўқиш истагини билдирган) абитуриентлар, ўқиши кўчирилган ва қайта тикланган талабалар ҳамда хорижий фуқаролар ўқиши учун тўлов-контракт маблағларининг биринчи ярмини ўтказиш ва уларни талабалар сафига қабул қилишни расмийлаштиришнинг сўнгги муддати этиб 2019 йил 31 декабрь (шу куни ҳам) белгиланди.
Бу ҳақда Олий ва ўрта махсус таълим вазирлиги хабар берди.
👉 @xushnudbek 👈
-
2019-12-21 07:01:20+00:00
Sovrin jamg'armasi 100 000 AQSh dollariga teng bo'lgan "mGovAward" tanlovga arizalarni qabul qilish davom etmoqda! ⚡️⚡️⚡️
"mGovAward" - bu O'zbekiston Respublikasi Axborot texnologiyalari va kommunikatsiyalarini rivojlantirish vazirligi va IT Park tomonidan Birlashgan Arab Amirliklaridan bo'lgan hamkorlar bilan birgalikda tashkil etilayotgan davlat xizmatlari uchun eng yaxshi mobil ilovalarni ishlab chiqish bo'yicha respublika tanlovidir. 🇺🇿➕🇦🇪
Ishtirokchilar 5 yo'nalish bo'yicha o'z kuchlarini sinab ko'rishlari mumkin:
🔸 Ta'lim
🔸 Sog'liqni saqlash
🔸 Turizm
🔸 Transport va logistika
🔸 Tadbirkorlik
Tanlovning asosiy mezonlari quyidagilar:
▫️ bo'lajak dasturning samaradorligi
▫️ uning innovatsionligi
▫️ foydalanishda qulayligi
Tanlovning mukofot jamg'armasi 100 000 AQSh dollarini tashkil etadi, shundan:
1️⃣ birinchi o‘ringa 50.000$
2️⃣ ikkinchi o'ringa - 30.000$
3️⃣ va uchinchi o'ringa - 20.000$ atalgan.
Shoshiling, arizalarni qabul qilish 2020-yilning 15-yanvargacha davom etadi! 😱 Qo'shimcha ma'lumotlarni quyidagi havola orqali olishingiz mumkin: https://it-park.uz/uz/mgovaward-uzb/
Ariza qoldirish - http://bit.ly/mgovaward_tg
-
2019-12-21 06:00:11+00:00
Янги йил байрами арафасида Ўзбекистонликлар неча кун дам олишади?
2017 йилдан бошлаб дам олиш кунларини тартибга солиш анъанаси бошланганди. Натижада ўтган 2 йилда (2018, 2019) ҳафтасига 5 кун ишловчи ходимлар янги йил байрами арафасида кетма-кет 5 кун дам олишган эди.
Жорий йилги тартибга кўра, олдингидек кетма-кет 5 кунлик дам олиш бўлмайди, 3 кун кетма-кет бўлади холос.
Ҳафтасига 5️⃣ кун ишловчи ходимларга қуйидаги кунлар дам олиш куни ҳисобланади:
31 декабрь – сешанба (кўчирилган дам олиш куни);
1 январь – чоршанба (Янги йил байрами);
2 январь – пайшанба (кўчирилган дам олиш куни);
Изоҳ: 28 декабрь (шанба) ҳамда 4 январь (шанба) кунлари ҳафтасига 5 кун ишловчилар учун расман иш куни бўлади.
Ҳафтасига 6️⃣ кун ишловчи ходимларга қуйидаги кунлар дам олиш куни ҳисобланади:
1 январь – чоршанба (Янги йил байрами);
2 январь – пайшанба (қўшимча дам олиш куни).
Изоҳ: 30 ва 31 декабрь кунлари ҳафтасига 6 кун ишловчилар учун расман иш куни бўлади.
Қуйидаги суратда янги йил байрами арафасидаги иш ва дам олиш кунлари ҳақида батафсил маълумот олишингиз мумкин.
👉 @xushnudbek 👈
-
2019-12-21 05:08:53+00:00
“Қамчиқ” довонида транспорт воситаларининг ҳаракати вақтинчалик тўхтатилди
Гидрометеоролигия хизмати марказининг берган маълумотига кўра, 2019 йил 21 декабрь куни А-373 “Тошкент-Ўш” автомобиль йўлида қор кўчкиси хавфи мавжуд бўлганлиги боис, “Қамчиқ” довони Фавқулодда вазиятлар вазирлиги ва Ички ишлар вазирлиги Йўл ҳаракати хавфсизлиги бош бошқармасининг куч ва воситалари томонидан автотранспорт воситаларининг ҳаракати вақтинчалик тўхтатилган.
Тошкент вилоятининг Оҳангарон ва Ангрен шаҳарлари ҳамда Наманган вилоятининг Поп туманида автотранспорт ҳайдовчилари ва йўловчиларни қабул қилиш бўйича барча зарур чора-тадбирлар амалга оширилмоқда.
“Қамчиқ” довонидан ўтишга улгурмаган автотранспорт ҳайдовчилари ва йўловчиларни Тошкент вилоятининг Оҳангарон ва Ангрен шаҳарлари ҳамда Наманган вилоятининг Поп туманидаги мавжуд умумовқатланиш шохобчаларига жойлаштириш ишлари амалга оширилмоқда. Улар учун барча шароитлар (иссиқ овқат, ичимлик суви, дам олиш жойлари) яратилган.
ФВВ Ахборот хизмати
👉 @xushnudbek 👈
-
2019-12-20 16:49:44+00:00
Қатордан қуруқ қолмай, дедим.
Сайловга нима учун бориш кераклиги ҳақида мана бу видеода батафсил тушунтиришга ҳаракат қилганман:
https://youtu.be/m4Ba1dknris
Хуллас, ўша гап.
👉 @xushnudbek 👈
-
2019-12-20 15:42:51+00:00
Изоҳсиз сурат. Шунчаки.
Маълумот учун: Россия ва Украина Конституциявий судлари прописка режимини Конституцияга хилоф деб топган.
👉 @xushnudbek 👈
-
2019-12-20 14:21:16+00:00
Сукунат кунида нима қилиш мумкин эмас?
Эртадан бошлаб, яъни 21-22 декабрь кунлари сайловларда сукунат куни бошланади.
Сайлов кодексининг 44-моддасига биноан, сайлов куни ва овоз беришга бир кун қолганида сайловолди ташвиқотга йўл қўйилмайди.
Бу нима дегани?
Яъни эртадан бошлаб, қайсидир партия ёки номзодга овоз беришни тарғиб қилиш мумкин эмас. Бундан ташқари кодексда белгиланган қуйидаги ташвиқот турларини (шакл, усул) амалга ошириш тақиқланади:
- сиёсий партиянинг дастури ва (ёки) сайловолди платформаси тўғрисидаги ахборотни ўзининг депутатликка номзодларини ёқлаб овоз беришга даъват этган ҳолда тарқатиш;
- номзод тўғрисидаги ахборотни уни ёқлаб овоз беришга даъват этган ҳолда тарқатиш;
- омма олдида очиқ мунозаралар, баҳслар, матбуот конференциялари, фуқароларнинг йиғилишлари, интервьюлар, ОАВларда чиқишлар, роликларни жойлаштириш;
- сайловчилар билан учрашувлар ўтказиш.
Ушбу тақиқланган ташвиқот турлари барча кўринишдаги босма, кўргазмали, аудиовизуал ва бошқа ташвиқот материалларига (плакатлар, варақалар ва бошқа материаллар) ҳамда барча ОАВларга ва Интернетга тааллуқли.
❗️Шунингдек, ТВ, радио ҳамда Интернет сайтларидаги партия рекламалари олиниши, PR мақолаларни чиқариш тўхтатилиши, ижтимоий тармоқлардаги гуруҳларда партиялар ёки номзодларни тарғиб қилиб маълумотлар қолдирилмаслиги, блогерлар маълум бир партия ёки номзодлар ҳақида (мақтов ёки танқидлигидан қатъи назар) постлар ёзмаслиги, видео ёки расмларни тарқатмаслиги керак.
Бундан ташқари, сайлов куни ва овоз бериш бошланишидан бир кун олдин жамоатчилик фикри сўровлари натижаларини, сайлов натижалари прогнозларини, ўтказилаётган сайлов билан боғлиқ бошқа тадқиқотларни эълон қилиш (ҳаммага маълум қилиш), шу жумладан ахборот тармоқларига, шунингдек Интернет жаҳон ахборот тармоғига жойлаштириш тақиқланади.
Бу нима дегани?
Яъни 21-22 декабрь кунлари сайтларда, блогларда ҳамда ижтимоий тармоқларда «Қайси партияга овоз берасиз?», «Сизнингча, қайси партия ғолиб бўлади?», «Қайси партия дастури Сизга ёқди?» ва ҳ.к. мазмундаги сўровномалар ўтказиш ёки аввал ўтказилган сўровномалар натижасини эълон қилиш мумкин эмас.
Нималар мумкин?
Сукунат куни дегани, сайлов ҳақида ҳеч нарса ёзиб бўлмайди, дегани эмас. Партия ёки номзодларга овоз беришни тарғиб қилмайдиган (уларни мақтаб ёки танқид қилмайдиган), сайлов ҳақида умумий мазмундаги мақолалар, постлар, фикрлар билдириш мумкин (сўровномалар мумкин эмас).
Масалан, сайловга бориш ёки бормаслик ҳақида, овоз бериш тартиби ҳақида, сайлов қонунчилиги тўғрисида ва ҳ.к.
👉 @xushnudbek 👈
-
2019-12-20 13:29:06+00:00
Парламент – нима у? Депутат дегани ким?
👉 https://kun.uz/67021479
Kun.uz расмий саҳифалари 👇
Telegram | Facebook | YouTube
-
2019-12-20 11:52:04+00:00
Ўзбекистонда ер қимирлади.
Эпицентр: Афғонистоннинг Бадахшони экан. 6.4 балл дея кўрсатмоқда, Earthquake хизмати.
👉 @xushnudbek 👈
-
2019-12-20 11:46:09+00:00
Бир дебат тарихи
2014 йилги сайловлардан олдинги дебатларда ЎзЛиДеП партиясига “Нима учун партия сайловдан олдинги ваъдаларини бажармади?” дея савол бергандим. Видеосини қуйидаги ҳавола орқали YouTube орқали кўришингиз мумкин.
Дебатдан кейин "катта акахонларнинг" кўпчилиги, “Президент сайланган партияга бунақа савол бериб бўлмайди, бу билан сен Президентни ҳам ваъдабозга чиқариб қўйдинг, энди ўзингга ёмон бўлади” деб роса қўрқитишган (у пайтларда бундай талқин жуда қўрқинчли эди ҳар ҳолда).
Бахтли тасодиф туфайлимикин, менга ҳеч қандай ёмонлик бўлмаган, Худога шукр.
Бахтли тасодиф деганимнинг сабаби, бизнинг дебат сайловдан олдинги энг охирги дебат эди. Унгача бўлган дебатлар раҳматли Биринчи Президентимизга ёқмаган, “нега танқид йўқ, фақат қуруқ гаплар” дея масъулларга дакки берган. Шу сабабли бизнинг дебат съёмкасига Президент Девонидан бир нечта вакиллар ҳамда шахсан MTРК раиси Aлишер Ходжаевнинг ўзи келганди. Улар бизга “Бемалол танқид қилаверинглар, чиқарамиз, шунақа топшириқ бўлди” дейишган. Ва ростдан дебатда айтилган барча гапларни деярли кесмасдан эфирга беришган.
Шу сабабли бўлса керак танқидлар ҳам экран юзини кўрган ва танқид айтганларга ҳам кейинчалик ёмонлик қилишмаган.
Хайриятки, ҳозир ҳолат кескин ўзгарган. Партия вакиллари сиёсий дебатларда бир-бирини ёки Президент сайланган партияни танқид қилишга рухсат олиш учун Девондан вакил кутишмаяпти, MTРК раиси тепасида турмаяпти, партиялар турли мавзуларда ўз позициясини билдириш учун тегишли идоралар билан олдиндан келишмаяпти (менимча шунақа), партия раислари айрим қонунларни қўрқмасдан “Конституцияга зид” деб баралла айтишяпти…
Дебатлар эркинроқ бўлгани учун ҳам сиёсий жараёнларга тайёр бўлмаган инсонлар томонидан баъзан "қовун туширишларни" ҳам кўряпмиз, бу ҳам табиий ҳол, менимча.
Хуллас, аҳвол анча яхши. ИМҲО.
P.S.: ўзи партияларга, депутатларга тез-тез ваъдалари ҳақида эслатиб туриш, улардан ҳисобот талаб қилиш керак. Аслида халқ бундай ҳисоботни мансабдорларининг барчасидан, давлат раҳбаридан тортиб, қуйи ҳокимларгача, Бош вазирдан тортиб, вазирларгача, талаб қилишга ҳақли.
👉 @xushnudbek 👈
-
2019-12-20 10:54:43+00:00
“Ular” лойиҳасининг навбатдаги сонида Телеграмдаги @kurbanoffnet канали муаллифи, Миллий банклараро процессинг маркази раҳбари, иқтисодчи Шуҳрат Қурбонов билан суҳбат уюштирилибди.
Суҳбатда парламент сайловлари, партияларга бўлган ишонч, халқаро тўлов тизимлари, контактсиз тўловлар, криптовалюталар ҳақида фикр юритилган. Кўришни тавсия қиламан.
https://youtu.be/a-4jXKZ9Naw
-
2019-12-20 07:02:07+00:00
Стипендия ҳақида
Бугундан талабалар таътилга чиқишди. Бу эса ўқув йилининг салкам ярми ортда қолди, дегани. Аммо шу пайтгача стипендияларни тўлаш тартиби ҳақидаги янги Низом чиқмади. Сабр билан шунча кутдик, лекин туя гўштини еган ўша қарор ҳалигача "осилиб" ётибди.
Кўпчилик талабалар бераётган саволдан келиб чиқиб, қисқа хулосамни айтаман: ўтган 4 ой мобайнида талабаларга бир хил 400 минг сўмдан стипендия тўлаш — мутлақо ноқонуний иш эди!
Бу қисқа хулосам холос. Бошқача айтганда "тизер" эди. Тез орада батафсил бу ҳақида тўхталаман.
👉 @xushnudbek 👈
-
2019-12-20 05:57:48+00:00
Иккинчи ва тўртинчи ҳокимиятнинг учинчи ҳокимиятдаги тортишуви ҳақида
Оммавий ахборот воситаси дахлсиз эмас. Бирорта миллий қонунда ёки халқаро ҳужжатда давлат ташкилоти ОАВни судга бериши мумкин эмас, деган жойи йўқ. Буни журналистларнинг ўзи «сўз эркинлигига қарши курашиш» деб бўрттириб қабул қилишади кўпинча.
Агар ОАВ тегишли қонунчиликни бузса, ахборот тарқатишдаги қонун билан белгиланган мажбуриятларини бажармаса, уни ҳам судга бериш мумкин.
«Оммавий ахборот воситалари тўғрисида»ги қонуннинг 34-моддасига кўра, юридик ёки жисмоний шахс оммавий ахборот воситасида эълон қилинган, ҳақиқатга мос келмайдиган ҳамда ўзининг шаъни ва қадр-қиммати ёки ишчанлик обрўсини таҳқирловчи маълумотлар учун раддия беришни таҳририятдан талаб қилишга ҳақлидир.
ОАВ раддияни, жавобни эълон қилишдан бўйин товласа ёхуд уларни эълон қилиш учун белгилаб қўйилган муддатни бузса, юридик ёки жисмоний шахс даъво аризаси билан судга мурожаат қилишга ҳақлидир.
Қолган гапларни эса кеча гапириб ўтдим, давлат ташкилоти дарров судга югурмасдан, аввало раддия бериши керак. Судга эса ўта фавқулодда вазиятлардагина мурожаат қилиш сал мантиқий қарор бўлади.
Бундан ташқари халқ пулидан фаолият юритадиган давлат ташкилоти ОАВдан бир неча юз миллион сўм талаб қилиши ҳам ўта кулгили.
Хорижда (хусусан, АҚШда) давлат ташкилоти ОАВни камдан кам судга беришининг асосий сабаби, одатда улар судда ютиб чиқа олмайди. Агар мабодо ОАВда бирор фактни нотўғри ёзишган бўлса ҳам, судлар «давлат ташкилоти жамоатчиликни етарли маълумотлар билан таъминламагани учун ҳам мана шундай мақола чиқишига сабаб бўлган» деган хулосани беришади. Яъни очиқлик ва шаффофликни таъминламагансан, дея айбни давлат ташкилотининг ўзига ағдаради кўпинча. Шуни билгани учун ҳам давлат ташкилотлари ОАВ билан судлашиб ўтирмайди.
Хулоса қилсам, менимча, хорижда ҳам давлат ташкилоти ОАВни судга бериши фожиа сифатида қаралмайди, аммо ОАВнинг давлат ташкилотидан судда ютқазиши ҳақиқий шов-шув ва фожиага айланади.
Кеча ёзганимдек, одатда давлат ташкилотлари эмас, балки унинг раҳбарлари жисмоний шахс сифатида шаъни ва қадр-қимматини ҳимоя қилиб ОАВни судга беради. Масалан, Украина Президенти Петр Порошенко туҳмат учун BBC нашрини Лондон олий судига берган ва ютиб чиққан. BBC эса ўз сайти орқали узр сўраб чиққан ҳамда Порошенкога 160 минг фунт стерлинг компенсация тўлаган. Лекин муҳим томони Порошенко давлат раҳбари сифатида эмас, жисмоний шахс сифатида судга берган эди.
Бизни ақлли деб ҳисоблаётган журналистларга раҳмат.
👉 @xushnudbek 👈
-
2019-12-20 05:38:20+00:00
Ўзбекистон раҳбари Токио шаҳрида Япония Императори Нарухито билан учрашди.
Президент Шавкат Мирзиёев ва унинг рафиқаси Зироат Мирзиёева ташрифи шарафига Япония Императори Нарухито ва унинг рафиқаси Масако хоним томонидан қабул маросими ўтказилди.
Шунингдек, улар биргаликда суратга тушдилар.
www.president.uz/uz/3167
-
2019-12-20 04:40:42+00:00
«Сайловга боришим керакми?» деб иккиланаётганлар учун яна бир бора тавсия қилмоқчиманки, кунимиз «қовунчиларга» қолмаслиги учун ҳам сайловга бориб, нисбатан яхшироқ номзодларга овоз бериб келинг.
Ўтган сайловларда келмаган фуқаролар ўрнига сайлов участкадагиларнинг ўзи ўзлари истаган номзодга овоз бериб, пачкалаб бўш бюллетенларни тўлдириб ташлашар эди. Бу йил қанақа бўлади, Худо билади, лекин ҳеч бўлмаса ўрнимизга бошқалар овоз бера олмаслиги учун ҳам сайловга борайлик.
Агар кимлардир, масалан ҳокимтўраларнинг одамлари, қинғир йўллар билан сайланишни умид қилиб юрган бўлса, ўша ноинсофларнинг ишини оғирлаштириш учун ҳам сайловларга бориб, нисбатан яхшироқ номзодга овоз бериб ёки жуда истасангиз ҳеч кимга овоз бермасдан келайлик.
Тўлиқ видео: https://youtu.be/m4Ba1dknris
-
2019-12-19 18:46:12+00:00
ДТМ матбуот анжуманида берган саволи учун журналистдан 200 млн сўм ундирмоқчи
Тасаввур қилинг, Ахборот ва оммавий коммуникациялар агентлигида матбуот анжумани бўлмоқда. Бир журналист савол берди. Бир вазирлик вакили эса жавоб берди. Кейинчалик умуман бошқа бир давлат ташкилоти матбуот анжуманида савол берган инсонни судга берди. Қанчалик ажабланарли бўлмасин, шунақаси ҳам мумкин экан.
Давлат тест маркази Газета.уз нашри ҳамда матбуот анжуманида нашр номидан савол берган колумнист Комил Жалиловни судга берибди. ДТМнинг таъкидлашича, матбуот анжуманида берилган саволда тест саволи нотўғри эмиш.
«ОАВни судга бериб бўлмайди, ОАВни судга берган давлат ташкилоти тугатилсин» демоқчи эмасман. ОАВни ҳам судга бериш мумкин ва бу жуда унақа ёмон иш эмас. Телефон ёки бошқа йўллар билан босим қилгандан кўра, бу ўта демократик йўл. Ким ҳақ бўлса, судда ютиб чиқсин.
Аммо давлат ташкилоти ОАВни фақат ўта фавқулодда вазиятлардагина судга бериши керак. Яъни судга беришга сабаб бўлган ҳолат ўта оғир оқибатларни келтириб чиқарган бўлиши лозим. Қолган вазиятларда шунчаки нашр билан боғланиб, раддия беришни сўраши ёки ўз расмий саҳифаларида муносабат билдириши керак.
Хўп, матбуот анжуманида берилган савол нотўғри бўлган дейлик, бало борми судга бериб? Ўша савол ҳамда сайтдаги хабар билан ДТМ портлаб кетдими ёки ўта оғир вазиятга тушиб қолдими? Эътироз билдирилаётган хабарни сайтда атиги 7 минг киши ўқиган экан холос. Шунга судлашиш керакми?
Суд харажатлари, узоқ давом этадиган суд жараёнларида ДТМдан қатнашадиган вакилларнинг иш ҳақи, транспорт харажатлари ва ҳ.к. чиқимларнинг ўзи судга бериш фойдадан кўра зарар эканлигини англатмайдими? Албатта, ДТМ буларни ўйламайди, чунки давлат бюджетидан ҳамда абитуриентлардан олинадиган тўловлардан, яъни халқ пулидан кун кўради.
Шунингдек, давлат ташкилотининг ОАВдан маънавий зарар сўрашинику мутлақо ҳазм қилиб бўлмайди. Бу ўта кулгили ва шармандали ҳолат. Яна қайтараман, ўзи халқ пулидан кун кўрсанглар, яна халқдан маънавий зарар ундиришни талаб қилишга уялмайсизларми? ДТМ тижорат ташкилоти эмаску, ОАВда чиққан хабар туфайли фойдадан қуруқ қолган бўлса.
Хорижда давлат ташкилотлари ОАВни судга берса (бунақаси кам учрайди), рамзий 1 доллар талаб қилади. Чунки давлат ташкилотининг мақсади суд орқали фақат ҳақиқатни аниқлаштириш бўлади, халқдан пул шилиш эмас.
Агар давлат ташкилотининг раҳбари ёки бирор вакилининг шаъни ва қадр-қиммати топталган бўлса, унда ўша мансабдор ташкилот номидан эмас, ўз номидан судга берса ҳамда маънавий зарар талаб қилса, тўғри тушуниш мумкин. Аммо расман давлат ташкилоти номидан ОАВдан 200 млн сўм талаб қилса, бу шармандалик!!!
Уялинг, Мажит Каримов, уялинг...
Сўзим сўнгида Газета.уз ҳамда унинг колумнисти Комил Жалиловга суд жараёнларида ҳуқуқшунос сифатида беминнат ёрдам беришга тайёрлигимни билдирмоқчиман. ДТМ билан судлашиш бўйича камтарона тажрибам бор. Улар ўтган йили Кун.уз нашрини ҳам ўта кулгили асослар билан судга беришган ва 50 млн сўм маънавий зарар сўрашганди. Ўшанда судда Кун.уз номидан вакил бўлиб қатнашгандим. Суд якуни бўйича ДТМ бир тийин ҳам ололмаган.
Аввал 50 млн сўм эди, энди 200 млн сўмга чиқибди. Ёмон эмас. Ўсиш бор. Балки келгусида 1 млрд сўмгача чиқарсизлар, а, лаббай? Абитуриентлардан ҳужжат топширганлик учун олаётган миллиардларингиз камлик қиляптими дейман?
P.S.: вей, ДТМ директорига судга бериш тўғрисида ким ақл ўргатяпти билмадиму, лекин арзимаган важ учун ОАВ билан судлашиб юргунгача, олдингизда турган минглаб муаммоларни ҳал қилсанглар бўлмайдими? Мана, 2019 йил тугади, лекин ҳалигача келгуси йилда қайси йўналишда қайси фанлардан саволлар тушиши аниқ эмас.
Ёки ўтган йилги тестларда телефон алоқасини тутадиган қурилмалар ишлагани йўқ, абитуриентлар тест пайти бемалол интернетда ўтиришди. Синаш учун ўзим павильонларга бориб, текшириб кўрганимда ҳам ичкарида телефоним ишлаганини яхши биласизлар.
ОАВ ва журналистлар билан судлашгунча, асосий вазифаларингизни қилсангиз бўлмайдими?
👉 @xushnudbek 👈
-
2019-12-19 17:34:51+00:00
Ўзбекистон Президенти Шавкат Мирзиёевнинг Японияга расмий ташрифи асосий тадбирлари 19 декабрь куни Токиода бўлиб ўтди.
Кантэй қароргоҳида расмий кутиб олиш маросими бўлиб ўтди. Шундан сўнг икки мамлакат делегациялари иштирокида музокара ўтказилди.
Ҳамкорликка оид масалалар ҳар томонлама муҳокама қилинди, шунингдек, дўстлик ва стратегик шериклик муносабатларининг янги даврини бошлаш борасида икки томон қатъий экани таъкидланди.
www.president.uz/uz/3163
-
2019-12-19 12:26:02+00:00
Mуштарийлар томонидан сайлов ҳақида қуйидаги саволлар жуда кўп берилади:
1) Сайловлар биз учун муҳимми?
2) Сайловга бориш шартми?
3) Сайловда кимга овоз бериш керак?
4) Сайловда ҳеч кимга овоз бермаса ҳам бўладими?
5) Сайловда ручка билан бошқа номзод исмини ёзиб, овоз бериш мумкинми?
Mазкур саволларга қуйидаги видео орқали жавоб бергим келди (видео анчайин қулай формат экан, кун сайин қизиқишим ортяпти).
Шунингдек, вилоятлар орасида тикланаётган постлар ҳамда ҳайдовчилик маданияти ҳақида ҳам икки оғиз гапириб ўтганман.
Вақтингиз, мегабайтингиз ҳамда тезлиги сал нормал бўлган интернетингиз бўлса, кўришни тавсия қиламан 😁
🎥 https://youtu.be/m4Ba1dknris
.
-
2019-12-19 11:30:36+00:00
Олий ва ўрта махсус таълим вазирлиги талабалар турар жойи масаласи бўйича тезкор муносабат билдирди:
"Талабалар турар жойидан ҳеч ким сабабсиз чиқариб юборилмайди
2019 йил 20 декабрдан 2020 йил 6 январгача олий таълим муассасалари талабалари, академик лицей ҳамда профессионал таълим муассасалари ўқувчилари қишки таътилга чиқишади.
Қишки таътил муддати талабаларга конституциявий ҳуқуқларидан фойдаланган ҳолда 2019 йилнинг 22 декабрида бўлиб ўтадиган Ўзбекистон Республикаси Олий Мажлиси, халқ депутатлари вилоят, туман ва шаҳар Кенгашларига умумхалқ сайловларида иштирок этишлари учун ўзгартирилди.
Бундан кўзланган мақсад талаба-ёшлар ўзлари яшаб турган ҳудуддан туриб сайловларда иштирок этиши ҳамда узлуксиз дам олишлари учун имконият яратишдир.
Тошкент шаҳридаги талабалар турар жойларида 89 мингдан зиёд ёшлар истиқомат қилади. Муҳим сиёсий тадбирга тайёргарлик кўриш ва хавфсизлик нуқтаи назаридан 2019 йил 21 декабрь куни барча талабалар турар жойлари ёпилади.
Бунда гуруҳ раҳбарлари талабалар турар жойида истиқомат қиладиган ҳар бир талаба билан мулоқотда бўлган ҳолда уларнинг қишки таътилни мазмунли ўтказишларида кўмаклашади.
Янги йил ва сайлов муносабати билан авиа ва темир йўл чипталарига талабнинг ортиши ҳамда бошқа узрли сабабларга кўра доимий яшаш манзилига кетишга кечикадиган талабаларга шароит яратилади.
Талабалар турар жойида ҳеч ким сабабсиз чиқариб юборилмайди!"
👉 @xushnudbek 👈
-
2019-12-19 11:05:10+00:00
Агентлигимиз фаолияти журналист ва блогерлар нигоҳида.
____
Деятельность нашего агентства словами журналистов и блогеров.
#АОКА #АИМК
#Сарҳисоб #ИТОГИ #mediafreedom #СўзЭркинлиги
-
2019-12-19 09:40:33+00:00
Олий ва ўрта махсус таълим вазирлиги ушбу хабарга эътибор қаратишини сўраб қолар эдим.
Бир талаба қуйидагича изоҳ қолдирибди:
“Aka assalomu alaykum... Savolim bor: agar ertaga rasman ta'til boshlanadigan bo'lsa, unda nima ucbun talabalarni yotoqxonadan bugun chiqib ketishlarini talab qilishyapti? Bu qanchalik qonuniy? Axir, monopopliya tufayli, viloyatlik talabalar uchun 19, 20, 21 hatto 22 - dekabrga ham 1 oy oldin tugagan edi. U bechoralar nima qilishadi endi? Agar ularni boshqa joyda turish uchun sharoitlari bo'lganida, yotoqxonada turishmagan bo'lard nazarimda. Iltimos, javob bering. Guruhdoshlarim sarson”
Кечроқ саналарга билет олган талабаларни ётоқхонадан чиқариб юбормаслик ҳақида умумий топшириқ берилса ва бу бўйича вазирлик расмий муносабат билдирса яхши бўларди.
👉 @xushnudbek 👈
-
2019-12-19 09:24:45+00:00
Эртадан қишки таътил бошланади
Бугун олий таълим муассасалари талабалари ҳамда академик лицей, коллеж ўқувчилари учун йилнинг охирги ўқиш куни. Эртадан расман қишки таътил бошланади.
Янги йилда дарс машғулотлари 6 январь кунидан бошланади.
Барча талаба ва ўқувчиларга таътил мароқли ўтишини тилайман. Бўш вақтни беҳудага кетказмасдан, ҳеч бўлмаса, яна такрорлайман, ҳеч бўлмаса биттагина бадиий китоб ўқишларини илтимос қиламан. Имтиҳон қилиш ниятим йўғу, шунчаки таътилдан кейин ким қанақа китоб(лар) ўқигани ҳақида каналимда алоҳида суҳбатлашамиз кейин.
Сайловларда қатнашиб, энг яхши деб ўйлаган номзодга овоз беришларини, шу йўл билан нисбатан яхшироқ номзодларни қўллаб-қувватлашларини тавсия қиламан (имкони бўлса, ёшларга овоз беринг).
Омад!
👉 @xushnudbek 👈
-
2019-12-19 09:00:03+00:00
Расмий баёнот
Тошкент метрополитени Юнусобод йўналишининг янги қурилаётган қисмида юз берган ҳодиса юзасидан Тошкент шаҳар прокуратураси томонидан ЖКнинг 257 (Меҳнатни муҳофаза қилиш қоидаларини бузиш) ва 258 (Тоғ-кон, қурилиш ёки портлатиш ишлари хавфсизлиги қоидаларини бузиш) моддалари билан жиноят иши қўзғатилиб, тергов ҳаракатлари олиб борилмоқда.
-
2019-12-19 07:51:48+00:00
Хабар янгиланди (12:50)
Жасади топилган шахслар сони 6 нафарга етди 😢
-
2019-12-19 06:53:28+00:00
РАСМИЙ БАЁНОТ
Бош прокуратура томонидан Интернет нашрлари ва ижтимоий тармоқларда 2019 йил 14 декабрь куни Фарғона вилояти ҳокими Ш.Ғаниевга мансублиги таъкидланиб тарқатилган аудиоёзувларнинг ҳаққонийлиги, қачон, қаерда ва қандай ҳолатларда юз берганлиги ҳамда бошқа ҳолатлар ўрганилмоқда.
Ўрганиш натижалари ҳар томонлама қонун доирасида кўриб чиқилиб, улар юзасидан қўшимча баёнот берилади.
-
2019-12-19 06:47:15+00:00
Комил Алламжонов:
“Менга ҳозир маълумот беришди, Фарғона вилоят ҳокими Шуҳрат Ғаниев бўйича Бош прокуратура суриштирув бошлабди. Суриштирув якунлари бўйича қўшимча маълумот берилади”
👉 @xushnudbek 👈
-
2019-12-19 05:48:09+00:00
Хабар янгиланди (10:30)
Жасади топилган шахслар сони 5 нафарга етди 😢
P.S.: кечаги ФВВ хабаридаги вафот этганлар рўйхатида Т.Абдуллаев (1957 й) исмли фуқаро қўшимча ўрганишлардан сўнг О.Абдуллаев (1989 й)га таҳрирланди.
Ўзи ушбу фожиа Абдуллаевлар оиласига оғир келганга ўхшайди. Аллоҳ ўзи сабр берсин.
-
2019-12-19 05:31:37+00:00
Нодавлат электрон оммавий ахборот воситалари миллий ассоциацияси томонидан “Ўзбекистонда кенг кўламли ўзгаришлар шароитида фуқаролик жамиятнинг ривожланиши” мавзусида сессия ташкил этилмоқда.
Экранда ўзимни кўриб қолдим :)
👉 @xushnudbek 👈
-
2019-12-18 16:49:27+00:00
Хабар янгиланди (21:48)
Жасади топилган шахслар сони 4 нафарга етди 😢
-
2019-12-18 16:21:03+00:00
Хабар янгиланди (21:23)
Хабар янгиланди (21:48)
Хабар янгиланди (10:31)
Хабар янгиланди (12:50)
Фавқулодда вазиятлар вазирлиги Тошкент метрополитени Юнусобод йўлининг янги қурилаётган қисмида юзага келган ҳолат бўйича қўшимча маълумот берди.
Қидирув ва қутқарув ишлари натижасида тупроқ остидан олти кишининг жасади олиб чиқилган ва уларнинг шахси аниқланган:
1. 1989 йилда туғилган, Қашқадарё вилояти, Шахрисабз тумани, Бешкапа қишлоғида истиқомат қилган фуқаро Абдуллаев Ойбек Тўра ўғли;
2. 1989 йилда туғилган, Қашқадарё вилояти, Шахрисабз тумани, Бешкапа қишлоғида истиқомат қилган фуқаро Равшанов Жонибек Ислом ўғли;
3. 1999 йилда туғилган, Қашқадарё вилояти, Шахрисабз тумани, Бешкапа қишлоғида истиқомат қилган фуқаро Абдуллаев Давронбек Ботирович;
4. 1986 йилда туғилган, Қашқадарё вилояти, Яккабоғ туманида истиқомат қилган фуқаро Диёров Анвар Нормуродович;
5. 1996 йилда туғилган, Самарқанд вилояти, Оқдарё тумани, Фармонобод қишлоғида истиқомат қилган фуқаро Рахматов Ихтиёр Амриддин ўғли;
6. 1981 йилда туғилган, Самарқанд вилояти Пастдарғом туманида истиқомат қилган фуқаро Каримов Зариф Тўлқинович.
Ҳодиса сабаблари ва оқибатларини ўрганиш ҳамда бартараф қилиш ишлари давом этмоқда. Жабрланганлар ва уларнинг оила аъзоларига барча зарур моддий ва маънавий ёрдам кўрсатиш чоралари кўрилмоқда.
Инна лиллаҳи ва инна илайҳи рожиъун. Ҳалок бўлган юртдошларимизнинг яқинларига сабр-тоқат тилаймиз. Марҳумларни Аллоҳ ўз раҳматига олган бўлсин. Вафот этганлар сони янада кўпайиб кетмасин, илоҳим.
-
2019-12-18 16:14:50+00:00
«Ўзбекистон Президенти Шавкат Мирзиёевнинг туҳмат ва ҳақорат учун қамоқ жазосини бекор қилиш ҳақидаги қарорини олқишлайман. Бу ОАВ эркинлиги ва ривожи учун янги қадамдир.
Биз медиа эркинликни таъминлашга оид қонунчилик ислоҳотларини диққат билан кузатиб борамиз ва қўллаб-қувватлаймиз».
Арлем Дезир, Европада хавфсизлик ва ҳамкорлик ташкилотининг ОАВ эркинлиги масалалари бўйича вакили
-
2019-12-18 13:11:09+00:00
"Tegma, bu Yangi yilga!" iborasi mavsumini tantanali ravishda ochiq deb e’lon qilamiz! 😃
⠀
#FORTHELOVEOFIT
#OzimizningYangiYil
-
2019-12-18 12:26:33+00:00
Метро қурилишидаги авария ҳолати бўйича Ўзрепорт телеканалидан қўшимча маълумотлар:
Юнусободдаги метро қурилиши ишчисининг сўзлари:
"Телефонда гаплашаётгандим. Гаплашиб бўлганимдан кейин бир нарса тутади. Худди кабель ёнгандек. Даҳшатли нарса бўлди. Кейин ўша вақтда бетон кўчди. Кўчгандан кейин укамни қидиришни бошладим. Қарасам, укам билан бирга бизнинг бригадамиздан яна беш киши кўчки тагида қолиб кетган экан"
-
2019-12-18 11:56:22+00:00
Тошкент метросининг Юнусобод йўналиши қурилишида авария содир бўлди. Тупроқ остида бир неча киши қолиб кетган бўлиши мумкин
👉 https://kun.uz/80330505
Kun.uz расмий саҳифалари 👇
Telegram | Facebook | YouTube
-
2019-12-18 10:15:20+00:00
Ёджу техника институти тўғрисида Ҳукумат қарори қабул қилинди
Анча аввал Тошкент шаҳридаги Ёджу техника институти нима учундир вазирлик эълон қилган рўйхатда йўқлиги, лекин расман лицензияси борлиги ҳақида ёзгандим.
https://t.me/xushnudbek/1795
Вазирлик ушбу рўйхатни тайёрлаётганда лицензияси бор ОТМларни эмас, балки фақат Президент ёки Вазирлар Маҳкамаси қарори чиққан ОТМларни рўйхатга киритган бўлса керак, дегандим, чунки ўшанда Ёджу техника институти тўғрисида Ҳукумат қарори мавжуд эмасди.
Таълим сифатини назорат қилиш инспекциясининг хабар беришича, ваниҳоят жорий йилнинг 17 декабрь куни Вазирлар Маҳкамасининг “Тошкент шаҳридаги Ёджу техника институти фаолиятини ташкил этишнинг қўшимча чора-тадбирлари тўғрисида”ги қарори қабул қилинибди.
Қарорда қуйидагилар белгилаб қўйилди:
• Институт масъулияти чекланган жамият шаклидаги нодавлат олий таълим муассасаси ҳисобланади;
• Институт ректори муассислар томонидан Олий ва ўрта махсус таълим вазирлиги билан келишилган ҳолда лавозимига тайинланади ва лавозимидан озод қилинади;
• Институтнинг тузилмаси муассислар томонидан тасдиқланади;
• Институт таълим фаолиятини Ёджу технология институтининг (Корея Республикаси) ўқув режалари ва дастурлари асосида ўзбек, рус ва инглиз тилларида амалга оширади;
• Институт битирувчиларига Ўзбекистонда олий маълумот тўғрисидаги ҳужжат сифатида эътироф этиладиган белгиланган намунадаги диплом берилади;
• Институтга талабалар қабули умумий ўрта, ўрта махсус, касб-ҳунар маълумотга эга абитуриентлар ўртасида кириш имтиҳонларини Ёджу технология институти (Корея Республикаси) томонидан (ёки иштирокида) ўтказиш орқали амалга оширилади;
• Институтда ўқиш тўлов-контракт асосида, кундузги, сиртқи ва кечки шаклда амалга оширилади, талабалар ўқиши учун тўлов-контракт миқдори муассислар томонидан белгиланади.
Бундан ташқари қарор билан муассиснинг ҳар йили ижтимоий ҳимояга муҳтож оилаларнинг қобилиятли, иқтидорли ҳамда ўзлаштириш кўрсаткичлари юқори бўлган фарзандлари орасидан танлов асосида бепул (Институт гранти асосида) 10 нафардан кам бўлмаган абитуриентларни ўқишга қабул қилиш мажбуриятларини ўз зиммасига олиши тўғридаги таклифи маъқулланган.
Институтга Таълим сифатини назорат қилиш давлат инспекцияси, Олий ва ўрта махсус таълим вазирлиги ҳамда Ёджу технология институти (Корея Республикаси) билан келишган ҳолда, меҳнат бозори талаблари ва ижтимоий-иқтисодий ривожланиш истиқболларидан келиб чиқиб, келгусида янги бакалавриат таълим йўналишлари ва магистратура мутахассисликларини очиш ҳуқуқи берилди.
👉 @xushnudbek 👈
-
2019-12-18 05:24:45+00:00
Шавкат Мирзиёев Японияга расмий ташрифи доирасида кунчиқар мамлакатдаги ватандошларимиз - олимлар, тадқиқотчилар ва талабалар билан учрашди.
-
2019-12-18 05:15:34+00:00
Айтишларича, Шуҳрат Ғаниев ҳам хавотирланибди, “энди мен кимни қизиқиб, ўқийман” деб 😂
Селекторда Телеграмни бўралатиб... тергамоқчи бўлиб турган экан, охирги хабаримдан кейин тинчланибди )
P.S.: Аллоҳга шукр, Ўзбекистонга
қайтволдик, энди яна аввалгидек фаол бўлишга ҳаракат қиламиз.
-
2019-12-18 04:59:04+00:00
Ҳаммаси жойида :)
Шунчаки, хавфсизлик нуқтаи назаридан каналимни ҳеч қаерда ишлатилмайдиган телефон рақамга боғлаб қўйганман. Чунки айтиб бўлмайди, ахборот асрида ҳозир ишлатиб юрган телефоним ғараз ниятли инсонлар ёки фирибгарлар қўлига тушиб қолиши (ёки шунга ҳаракат қилишлари) мумкин. Бунақа вазиятлар учун хавфсизлик суғурталаниши керак, деган фикрдаман.
Хуллас, узоқ вақт нариги рақамдан Телеграмга кирилмагани ҳақида огоҳлантирув хабари чиқди. Бунинг хавфли жойи йўқ. Тегишли чораларни кўриб қўйдим.
Барча хавотирланганларга раҳмат 👌
-
2019-12-17 17:19:49+00:00
Иккитаси бирда
Бугун бир-бирига яқин иккита хабар ўқиб қолдим, уларни Сизларга ҳам улашмоқчиман:
1️⃣ ОАВ дегани — фақат МТРК эмас!
Ўзбекистон миллий телерадиокомпаниясига 2020 йилда давлат бюджетидан (сизу бизнинг ризқимиз ҳисобидан) 420 миллиард сўмдан кўпроқ маблағ ажратилибди!
Қойил! Лекин... шу вақтгача ажратилган бюджет маблағлари ўзини қай даражада оқлади? Жумбоқ эмасми? Эски парламент аъзоларини наҳот шу саволлар қийнамади? ОАВ дегани фақат МТРК ва бир нечта ахборот агентликлари эмас-ку! Унда босма нашрлар мақоми қаерда қолади?
Таклифим, МТРК ва ўша агентликлар ҳам нодавлат телевидениелар ва газетаю журналларга ўхшаб, жиллақурса, бир йилгина ўзини-ўзи маблағ билан таъминлаб фаолият кўрсатсин-чи, шунда қойил қоламиз!
Норқобил ЖАЛИЛОВ,
«XXI аср» газетаси бош муҳаррири.
2️⃣ “Тўртинчи ҳокимият” иллюзияси ҳақида
Ўтган асрда коммунистик маконда диктаторлик ва авторитар усулда ҳокимият бошқарилган ўнлаб мамлакатларнинг номида “демократик”, “халқ” сўзларини қўллаш урф бўлган. ГДР, КХДР, ХХР ва ҳоказо. Шу йўл билан йўқ нарсага — халқ ҳокимиятига, демократияга урғу берилган. Яъники қаерда демократия, халқ ҳокимияти бўлмаса, ўша ерда шу қадриятларнинг имитацияси кучайган. Сўз эркинлиги бор мамлакатларда ҳам тўртинчи ҳокимият деган тушунча йўқ. Сўз эркинлиги билан муаммо бор жойларда эса “тўртинчи ҳокимият” энг кўп тилга олинадиган алдамчи тушунчалардан биридир.
Гарчи бизга “тўртинчи ҳокимият” атамаса ёқмаса-да, лекин қачон бундай мақомга эришиш мумкинлиги ҳақида икки оғиз. Тўртинчи ҳокимият амалда бўлиши учун, аввало, ҳокимиятнинг асосий учта расмий тармоғи — ижро, парламент ва суд ҳокимияти тўла мустақил бўлиши, кучли бўлиши ва бир-бирини тийиб тура олиши керак.
Ижро ҳокимияти кучли бўлса-ю, парламент ҳам, суд тизими ўлик бўлса, ОАВ ҳеч қачон эркин бўлмайди. Мабодо кимдир шундай деяётган бўлса, бу ғирт ёлғондир. Ижро ҳокимияти ҳарчанд демократия, сўз эркинлиги ҳақида чиройли гапирмасин, у сўз эркинлигидан ҳеч қачон манфаатдор бўлмайди. Ижро ҳокимияти берган сўз эркинлиги бу сўз эркинлиги эмас. Бунақа сўз эркинлиги бўлмайди. Ҳатто мазкур учта тармоқдан биттаси заиф бўлса, масалан, суд ҳокимияти, ОАВнинг эркинлиги ҳар доим таҳдид остида бўлади. Қирғизистондаги охирги воқеалар бунга мисол.
Иккинчи масала. Қуйидаги скриншотда муқаддам депутатланган бир партия вакили журналистлар муаммоларни ҳал қилиш учун қандай амалий таклифлар билдиргани, қандай муаммоларни ҳал қилгани билан қизиқибди. Бу “зато осмонимиз мусаффо”дан кейин турадиган энг бемаъни ва авторитар режимларда қўл келадиган гапдир.
Журналистлар холис ва ҳаққоний ахборот бериш, учта ҳокимиятнинг сўзи ва амали мослигини текшириш, жамоатчилик илғаши қийин бўлган масалаларни атрофлича ёритиш орқали жамоатчиликка ёрдам беради. Жамоатчилик ана шу ахборотлар ёрдамида сайловларда депутатларни сайлаш орқали уларга яна ишонч билдиради ёки сайламасдан жазолайди. Янги парламент орқали эса жамоатчилик ҳукуматни назорат қилади, унга эътирозини айтади, мандатини беради. Демократия ўзи шу.
Учинчи масала. Қачон мамлакат тараққий этади? Инсоният давлатчилиги шуни исботладики, ҳамма ўз ишини қилса, яъни депутат ҳам, ҳукумат ҳам, суд ҳам ўз ишини қилса, прокуратура сектор билан эмас, қонун устуворлиги билан шуғулланса, университет, мактаблар талаба-ўқувчиларнинг сочи, шимининг узунлигини ўлчамасдан, фақат таълим бериш билан шуғулланса, тараққиёт бўлади. Журналист ўз ишини қилса ва сифатли қилса, аслида давлатга 420 миллиард сўм сарфлаб тарғибот машинасини ушлаб туришга ҳожат қолмайди.
ИМҲОнинг индаллоси шундаки, ҳамма ўз ишини қилсин.
👉 @xushnudbek 👈
-
2019-12-17 16:07:57+00:00
Шавкат Мирзиёев 17 декабрь куни Японияга расмий ташриф дастуридаги биринчи манзил – Нагоя шаҳрига келди.
Тюбу халқаро аэропортида давлатимиз раҳбарини Япония расмий доиралари вакиллари кутиб олди.
-
2019-12-17 15:41:40+00:00
«Солиқ тўловчилар эътирофи-2019» жамоатчилик сўрови
Эртага сўровномага қўйиладиган номинациялар қуйидагилар:
(ташкилотлар алифбо тартибида келтирилган)
2019 йилда фаолияти ижобий тарафга кескин ўзгарган давлат ташкилоти
• Ахборот ва оммавий коммуникациялар агентлиги
• Мактабгача таълим вазирлиги
• Марказий банк ва банклар
• Халқ таълими вазирлиги
• Туризмни ривожлантириш қўмитаси
2019 йилдаги фаолияти давомида аҳолининг энг кўп эътирозига сабаб бўлган давлат ташкилоти
• Ер ресурслари, геодезия, картография ва давлат кадастри қўмитаси
• ИИВ Йўл ҳаракати бош бошқармаси
• Мажбурий ижро бюроси
• Уй-жой коммунал хизмат кўрсатиш вазирлиги
• Энергетика вазирлиги
• Ҳокимликлар
Эслатмалар:
⁃ барча номинациялар бўйича сўровномага қўйилаётган номзодлар муштарийлар томонидан қолдирилган изоҳлардан келиб чиқиб, танланган;
⁃ номи узун ташкилотлар сўровномага қисқартирилган ҳолда ёзилади;
⁃ жуда кўпчилик инсонлар изоҳларда маҳаллий ҳокимликларни коррупция элементлари кўплиги бўйича ҳам, йил давомида халқнинг энг кўп эътирозига сабаб бўлган ташкилот сифатида ҳам кўрсатгани учун, истисно сифатида иккала номинацияда ҳам киритишга мажбур бўлдик;
⁃ йил давомида эътирозлар энг кўп билдирилган давлат ташкилоти сифатида Ички ишлар вазирлигининг айнан йўл ҳаракати билан боғлиқ фаолияти тилган олингани учун, истисно сифатида бутун вазирликни эмас, айнан ЙҲХББни киритдик, шунда адолатдан бўлади, менимча.
👉 @xushnudbek 👈
-
2019-12-17 10:38:45+00:00
“Таҳсин” мукофотини тақдирлаш маросимидан лавҳалар
-
2019-12-17 10:38:35+00:00
“Tаҳсин”га сазоворлар
Кеча Ёшлар иттифоқининг “Tаҳсин” мукофотини топшириш маросими бўлиб ўтибди. Ўзим хорижда бўлганим учун, афсуски маросимда қатнаша олмадим.
Ушбу мукофотнинг комиссия аъзолари таркибида бор эдим. Mукофот номини танлашдан тортиб, дизайнлару ғолибларни аниқлаш жараёнигача шаффоф ва очиқ тарзда ташкил қилинди. Mуҳокамалар жуда қизғин бўлди, мен сизга айтсам.
Ишонаманки, комиссия аъзолари нотўғри қарор қабул қилишмади, ғолиблар ҳақиқатдан муносиб эди. Ҳеч қандай таниш-билишчиликка йўл қўйилмади, бунга кафилман.
Ижтимоий тармоқлардаги фикрларни ўқиб билдимки, тақдирлаш маросими ҳам юқори даражада ташкил этилибди. Навбатдаги синовдан муваффақиятли ўтган Aлишер Саъдуллаев ва унинг жамоаси учун хурсандман.
Келинг, энди “Tаҳсин” мукофоти ғолиблари билан танишинг:
Қуролли Кучлар соҳасида Ўзбекистон нуфузини оширишга қўшган муносиб ҳиссаси учун
• Навоий вилояти ДХХ Чегара қўшинларидаги ЁИ етакчилар кенгаши раиси Зумрад Тўраева
• Мудофаа вазирлигининг халқаро “Aрмия – 2019” танловида ғолиб бўлган танкчилар экипажи
Ўзбек тилида масофавий таълим олиш имкониятлари ривожига қўшган ҳиссаси учун
⁃ “Khan Academy O’zbek” лойиҳаси
Илм-фан соҳасини ривожлантиришдаги кучли иродаси ва матонати учун
• Кўзи ожизлар учун брайл алифбосида инглиз тилидаги илк ўқув қўлланмани яратишда ҳисса қўшган Хуршид Тошев
Санъат соҳасидаги иқтидори учун
• Кўзи ожизлар мусиқа мактаби ўқитувчиси, халқаро танлов ғолиби, пианиночи Севара Мирсиддиқова
Aхборот коммуникация технологиялари соҳасидаги ташаббускорлиги учун
• Шоҳижахон Деҳқонов
Aтроф-муҳит озодалигини таъминлашдаги ташаббускорлиги учун
• “Hashar wеек"лойиҳаси асосчиси Суна Пак
• Жарқўрғонда ўрмонзор яратган Намоз Жумаев
Ҳайкалтарошлик йўналиши ривожидаги ташаббуси учун
• “Адиблар хиёбони”даги айрим ҳайкаллар муаллифи Баҳром Норбоев
Китобхонликни ривожлантиришдаги ташаббуси учун
• “Asaxiy books” асосчиси Фируз Aллаев
Оммавий ахборот воситалари соҳасидаги фаоллиги учун
• Daryo нашри мухбири Мадина Нурманова
Мамлакат спорт имиджини кўтаришда қўшган ҳиссаси учун
• футболчи Элдор Шомуродов
• оғир атлетикачи Кумуш Файзуллаева
Болалар ва ёшлар ўртасида волонтёрлик ҳаракати ривожига қўшган ҳиссаси учун
• 2018-2019-ўқув йилида Республика “Камалак” болалар ташкилоти сардори Дилшод Шарофов
• “Время Чудес” волонтёрлик ҳаракати асосчиси Ширин Aбидова
Тадбиркорлик йўналишида кўрсатган ташаббуси учун
• Навоий вилоятида ҳўл ва қуруқ мевалар экспорти билан шуғулланувчи тадбиркор Дилдора Aтаджонова
• “МФактор” лойиҳаси асосчилари Хасан ва Хусан Мамасаидовлар
Юксак меҳр ва эътибор учун
• “Меҳрли қўллар” лойиҳаси муаллифи Баҳром Aлиев
• “Меҳрибон юрак” акциясида юрак хасталигига чалинган, оилавий шароити оғир бўлган 14 нафар болаларга беғараз жарроҳлик амалиётини ўтказган бош шифокор Мурод Aҳмедов
• “Ёшлар” телеканалида “7-қадам” хайрия лойиҳаси муаллифи Ҳамза Жумаев
• “Кун.уз” интернет нашри
Юксак инсонийлик, мардлик ва жасорати учун
• Россиянинг Магнитогорск шаҳридаги бахтсиз ҳодисада 8 нафар инсонни қутқарган Оламафрўз Aбдуллаев
Танлов ғолибларининг ҳар бири 10 миллион сўмдан пул мукофоти, статуэтка ҳамда қимматбаҳо совғалар билан тақдирландилар.
Барча ғолибларни чин юракдан табриклайман!
👉 @xushnudbek 👈
-
2019-12-17 09:31:30+00:00
БИЗНЕС ВA БОШҚAРУВ РЕСПУБЛИКA ОЛИЙ MAКTAБИ MAГИСTРATУРAСИГA 2020-2021 ЎҚУВ ЙИЛИГA ҚИШКИ ҚAБУЛ БОШЛAНДИ
Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Бизнес ва бошқарув республика олий мактаби қуйидаги магистратура мутахассисликлари бўйича 2020-2021 ўқув йилига ҳужжатлар қабул қилишни бошлади:
1️⃣ «Лойиҳа бошқаруви» («Project Management»)
Ўқиш муддати: 1 йил
2️⃣ «Бизнес бошқаруви» («Master of Business Administration — MBA»)
Ўқиш муддати: 2 йил
♻️ Шу билан бирга, тингловчиларда BTEC Pearson (Буюк Британия) томонидан бериладиган халқаро малакавий дипломга эга бўлиш имконияти мавжуд.
Ушбу мутахассисликлар бўйича магистрларни Олий мактаб илғор халқаро тажриба асосида тайёрлаб келмоқда ва AҚШ🇺🇸, Германия🇩🇪, Буюк Британия🇬🇧, Италия🇮🇹, Жанубий Корея🇰🇷, Mалайзия🇲🇾 ва Франция🇫🇷 каби давлатлардаги нуфузли етакчи олий таълим муассасаларида ўқув амалиётлари ташкил этилади.
Бугунги кунда Олий мактаб мамлакатдаги етакчи таълим муассасаларидан бири бўлиб, корпоратив бошқарув, лойиҳа бошқаруви ва умуман менежмент соҳасида мутахассисларни тайёрлаш, уларнинг малакасини ошириш тизимини тубдан такомиллаштириш, давлат бошқарув идоралари, вазирликлар, барча турдаги хўжалик субъектлари, шу жумладан, акциядорлик жамиятлари учун бошқарув кадрларини тайёрлаш мақсадида ташкил этилган.
📌 Ўқишга ҳужжат топшириш фақат электрон шаклда Олий мактабнинг веб-сайти орқали ҳар куни 24 соат мобайнида амалга оширилади: https://rgsbm.uz/uz/menu/admission-2020
📌 Mагистратурага кириш учун ҳужжат топширишнинг охирги муддати - 2020 йил 8 январь
📌 Ўқиш шакли - кундузги, сиртқи, кечки;
📌Қабул комиссиясининг ишлаш жадвали: Душанба – Жума кунлари, соат 9:00 дан 18:00 гача;
✅ Mанзил: Tошкент шаҳар, Mиробод тумани, Mиробод кўчаси, 25 уй
(Mўлжал: Premier Hall кинотеатри)
☎️ Tел.: (998) 71-239-03-11, (998) 71-239-03-03, (998) 97-444-85-52
🌐 Veb-sayt: https://rgsbm.uz
🔵 Facebook: fb.com/rgsbm.uz
🔴 Telegram: t.me/rgsbm_uz
-
2019-12-17 05:50:21+00:00
«Солиқ тўловчилар эътирофи-2019» жамоатчилик сўрови
Сўровномага қўйиладиган бугунги номинациялар қуйидагилар:
(номзодлар алифбо тартибида келтирилган)
Халқ меҳрини қозонган давлат ташкилоти раҳбари
• Комил Алламжонов (АОКА)
• Мамаризо Нурмуратов (Марказий банк)
• Русланбек Давлетов (Адлия)
• Танзила Нарбаева (Сенат)
• Шерзод Шерматов (Халқ таълими)
Халқ меҳрини қозонган ҳоким
• Жаҳонгир Ортиқхўжаев (Тошкент)
• Хайрулла Бозоров (Наманган)
• Шуҳрат Абдураҳмонов (Андижон)
• Эркинжон Турдимов (Самарқанд)
• Ўктам Барноев (Бухоро)
❗️ Сўровномалар эълон қилингандан сўнг 48 соат давом этади. Уларда фаол иштирок этасиз, деган умиддаман.
👉 @xushnudbek 👈
-
2019-12-17 05:29:28+00:00
Бизнинг фикримиз кимга қизиқ?
Демократик давлатларда ҳукумат жамоатчилик фикри билан ҳисоблашади, уни ўрганиб, биринчидан, ўз хатти-ҳаракатларини таҳрирлайди, иккинчидан, жамоатчилик фикрига таъсир ўтказишга ҳаракат қилади.
Жамоатчилик фикрини мунтазам ўрганиб бориш ҳокимиятнинг ўз халқи фикрини эътиборга олиши, ҳурмат қилиши ва у билан ҳисоблашиши белгисидир.
Ҳар қандай жамият, агар у яккаҳокимлик эмас, халқ ҳокимияти асосида мавжуд бўлса ёки мавжуд бўлишни истаса, жамоатчилик фикрини профессионал ва илмий асосланган тарзда мунтазам ўрганиб бориши ва ўрганиш натижаларини иложи борича баланд овозда жар солиши керак.
Аммо нега бизда ундай бўлмаяпти?
Мақолада сайловолди тарғиботи баҳонасида бизда жамоатчилик фикрига эътибор нақадар экани юзасидан айрим мулоҳазаларимни ёздим.
-
2019-12-16 12:59:34+00:00
Ўзбекистон ҳудудларидаги инвестиция муҳитининг ҳолатини баҳолаш учун тадбиркорлар орасида сўров ўтказилмоқда
Ўзбекистон Республикаси Инвестициялар ва ташқи савдо вазирлиги «The Boston Consulting Group» халқаро компанияси билан биргаликда Ўзбекистон тадбиркорлари орасида сўров ўтказмоқда.
Сўровномани аноним тарзда қўйидаги ҳавола орқали тўлдиришингиз мумкин:
👉 https://forms.gle/LVS1hHbfgNoe43Nv6
Сўровнинг мақсади республика ҳудудларининг инвестиция муҳитини янада яхшилаш, тўғридан-тўғри хорижий инвестицияларни жалб қилишни рағбатлантириш, хорижий ҳамкорлар билан алоқаларни кенгайтириш, ҳамда тадбиркорликни қўллаб-қувватлашдир.
Сўров натижалари таҳлил қилиниб, ҳудудлардаги бизнес-муҳитни яхшилаш учун фойдаланилади.
-
2019-12-16 12:07:48+00:00
Европа чемпионлар лигаси 1/8 финал босқичига қуръа ташланди.
Даҳшатли учрашувлар кутмоқда бизни.
Сиз кимга мухлислик қиласиз?
👉 @xushnudbek 👈
-
2019-12-16 11:53:18+00:00
Куни кеча Президентимиз Шавкат Мирзиёев Конституция ва қонун устуворлигини таъминлашга қаратилган қарор имзоладилар.
Ҳужжатда Агентлигимиз зиммасига ҳам бир қатор муҳим вазифалар юклатилган. Хусусан:
- туҳмат ва ҳақорат учун озодликдан маҳрум қилиш билан боғлиқ бўлган нормани бекор қилиш масаласи кўриб чиқилади;
- суд тизимида шаффофликни ва жамоатчилик назоратини янада кучайтириш мақсадида журналистлар ва фуқароларнинг очиқ суд мажлисларида иштирок этиши, судларнинг веб-сайтлари ва матбуот котиблари ишини яхши ташкил қилиш бўйича Олий суд Пленумининг қарори қабул қилинади;
- ҳамон оғир аҳволда қолаётган босма нашрлар борасида — давлат органлари муассис бўлган босма ОАВларини кучайтириш, таҳририят ходимларининг меҳнатига ҳақ тўлашни яхшилаш ҳамда босма нашрлар веб-сайтларини ривожлантиришга қаратилган Ҳукумат қарори лойиҳаси ишлаб чиқилади;
- «Телерадиоэшиттиришлар тўғрисида»ги қонун ишлаб чиқилади ва «Оммавий ахборот воситалари тўғрисида»ги қонунга ўзгартишлар киритилади. Шу жумладан, теле- ва радиостанцияларга лицензия бериш жараёни соддалаштирилади ҳамда давлат органлари ва мансабдор шахсларнинг журналистларга нисбатан ноқонуний хатти-ҳаракатлари ёки қарорларидан ҳимоя қилиш тизими кучайтирилади;
- Ўзбекистондаги барча давлат органлари фаолиятининг очиқлигини, уларнинг ОАВ билан алоқаларини кучайтириш бўйича чоралар ишлаб чиқамиз.
Ушбу қарор мамлакатимизда қонун устуворлиги ҳамда сўз ва матбуот эркинлигини таъминлаш йўлидаги, уларни янги босқичга олиб чиқадиган муҳим ва дадил қадам бўлади. Бу аснода Агентлигимиз зиммасига юклатилган вазифаларни ўз вақтида ва сифатли бажарилиши таъминланади.
#расмийбаёнот
-
2019-12-16 08:01:27+00:00
🎅🏼 Hamkorbank ва UnionPay International тўлов тизимидан Янги йил акцияси!
💳 Харидларни UnionPay карталари орқали амалга оширинг ва сеҳрли совринлардан бирига эга бўлинг:
❄️ 1 ўрин - iPhone 11 Pro max 256 Gb;
❄️ 2 ўрин - iPhone 11 Pro 256 Gb;
❄️ 3 ўрин - iPhone 11 64 Gb;
❄️ 4 ўрин - Apple watch 5 series;
❄️ 5 ўрин - Аpple watch 4 series.
❗️Акция 2019 йил 15 ноябрдан 25 декабргача давом этади. ⛄️
🎄 100 АҚШ доллари эквивалентида Hamkorbankнинг UnionPay ёки Uzcard / UnionPay кобейдж карталари орқали ҳаражат қилинг ва акция иштирокчисига айланинг.
🎄 Байрамона акция ғолиблари 27 декабр куни random.org тасодифий рақамлар генератори ёрдамида аниқланиб, эълон қилинади.
☝🏼Агарда Сизда ҳали ҳам Hamkorbank UnionPay картаси бўлмаса, расмийлаштириш учун ажойиб имкониятга эгасиз. Карталарни банк офисларида ёки веб-сайт орқали расмийлаштиришингиз мумкин.
Telegram | Facebook | Instagram
-
2019-12-15 17:19:14+00:00
«Солиқ тўловчилар эътирофи-2019» жамоатчилик сўрови
Эртага кун давомида қуйидаги илк номинациялар бўйича сўровномалар эълон қилинади:
(ташкилотлар алифбо тартибида жойлаштирилган)
Йил давомида ўз тизимида коррупцияга қарши муросасиз курашган давлат ташкилоти
• Адлия вазирлиги
• Бош прокуратура
• Давлат тест маркази
• Солиқ қўмитаси
• Ўзавтосаноат
Йил давомида коррупция элементлари энг юқори даражада сақланиб қолган соҳа (давлат ташкилоти)
• Ички ишлар
• Олий таълим
• Суд
• Тиббиёт
• Ҳокимликлар
❗️Сўровномаларда фаол иштирок этасиз, деган умиддаман.
👉 @xushnudbek 👈
-
2019-12-15 09:51:26+00:00
Бирор тайинли фикр айтгандирман. Балки айтмагандирман. Қўлдан келганча 😁
https://youtu.be/lH9CHyAq-5w
-
2019-12-14 17:23:23+00:00
Сиз қайси участкадан овоз беришингизни биласизми? Ушбу видеода ўз сайлов участкангизни аниқлаш йўллари тушунтирилган.
-
2019-12-14 14:34:40+00:00
Партиялар ҳақида ҳазил тарғибот ролиги. “Шу қўшиққа овоз беринг” 😀
Манба: Сарвар Каримов
👉 @xushnudbek 👈
-
2019-12-13 16:00:52+00:00
«Солиқ тўловчилар эътирофи-2019» жамоатчилик сўровининг 8 та номинацияси бўйича финалчилар аниқланди. Эртага охирги 2 та номинация бўйича ҳам 1-босқич якунлари маълум бўлади.
Сўровномалар 16 декабрь кунидан бошланади.
Яна бир бор 10 та номинация номини эълон қиламиз:
👉 Йил давомида ўз тизимида коррупцияга қарши муросасиз курашган давлат ташкилоти
👉 Йил давомида коррупция элементлари энг юқори даражада сақланиб қолган соҳа (давлат ташкилоти)
👉 Халқ меҳрини қозонган давлат ташкилоти раҳбари
👉 Халқ меҳрини қозонган ҳоким
👉 2019 йилда фаолияти ижобий тарафга кескин ўзгарган давлат ташкилоти
👉 2019 йилдаги фаолияти давомида аҳолининг энг кўп эътирозига сабаб бўлган давлат ташкилоти
👉 Йил тайинлови
👉 Йилнинг энг катта “қовун” тушириш воқеаси
👉 Йил воқеаси
👉 2020 йилда халқ кутаётган энг катта ислоҳот
-
2019-12-13 13:15:02+00:00
ЯТТлар учун 2020 йилда солиқ тўлаш тартибини танлаш имконияти яратилди
Ўзбекистон Президенти томонидан имзоланган «2020 йил учун Ўзбекистон Республикасининг Давлат бюджети тўғрисида»ги қонунга асосан якка тартибдаги тадбиркорларни солиққа тортишга доир иккита муҳим янгилик киритилди. Бу ҳақда Давлат солиқ қўмитаси хабар берди.
Маълум қилинишича, 2020 йилдан бошлаб товар айланмаси 100 миллион сўмгача бўлган якка тартибдаги тадбиркорларга (ЯТТ) қатъий белгиланган солиқнинг ўрнига жисмоний шахслардан олинадиган даромад солиғини тўлаш тартибини танлаш ҳуқуқи берилди.
Хусусан, ЯТТ олган даромадлари бўйича солиқ органига декларация тақдим этиш йўли билан жисмоний шахслардан олинадиган даромад солиғини (12 % ставкада) ёки даромад солиғини қатъий белгиланган суммада тўлашни танлаши мумкин.
Шунингдек, 2020 йилдан бошлаб ЯТТлар учун даромад солиғининг қатъий белгиланган суммалари миқдори сезиларли даражада камаймоқда.
Мисол учун, Тошкент шаҳрида озиқ-овқат ва ноозиқ-овқат товарлар чакана савдоси билан шуғулланувчи ЯТТлар учун 2019 йилда қатъий белгиланган солиқнинг миқдори ҳар ойда бир миллион сўмни ташкил этган бўлса, 2020 йилда бу сумма 750 минг сўм этиб белгиланди.
Ушбу фаолият тури учун белгиланган миқдор Нукус шаҳри ва вилоят марказларидаги шаҳарларда — 750 минг сўмдан 600 минг сўмга, бошқа шаҳарларда — 400 минг сўмдан 300 минг сўмга ҳамда бошқа аҳоли пунктларида — 300 минг сўмдан 200 минг сўмга пасайтирилди.
Тошкентдаги деҳқон бозорларида қишлоқ хўжалиги маҳсулотларини чакана сотиш учун 2019 йилда ойига 400 минг сўм, газета, журналлар ва китоб маҳсулотларини чакана сотиш учун 500 минг сўм, маиший хизматлар кўрсатиш учун 350 минг сўм белгиланган миқдор 2020 йилда 250 минг сўмга, Нукус шаҳри ва вилоят марказларидаги шаҳарларда бу миқдор 200 минг сўмдан 150 минг сўмга пасайтирилди.
Бошқа фаолият турлари бўйича Тошкент шаҳрида ойига 300 минг сўмдан 225 минг сўмга, Нукус шаҳри ва вилоят марказларидаги шаҳарларда 200 минг сўмдан 125 минг сўмга пасайтирилди.
Автомобиль транспортида 3 тоннагача юкларни ташиш фаолияти 200 минг сўмдан 150 минг сўмга ва 3 тоннадан ортиқ юкларни ташиш 300 минг сўмдан 225 минг сўмга пасайтирилди.
👉 @xushnudbek 👈
-
2019-12-13 11:46:48+00:00
https://www.instagram.com/p/B6AfiKzJTRR/?igshid=1w4rl7j0s3ydt
-
2019-12-13 07:00:59+00:00
«Солиқ тўловчилар эътирофи-2019» жамоатчилик сўрови
Энг охирги номинацияларни эълон қиламиз, қуйида ўз вариантларингизни қолдиришингиз мумкин:
1️⃣ «Йил воқеаси»
Изоҳ: ушбу номинацияда 2019 йил давомида содир бўлган энг катта ИЖОБИЙ воқеани, хусусан қонунчиликдаги бирор ўзгариш, халқ оғирини енгил қилган бирор ислоҳот, Ўзбекистонликлар эришган бирор ютуқ, бирор йирик тадбир, қайсидир йирик обектнинг қурилиши/очилиши, бирор йирик лойиҳа ва ҳ.к.ларни кўрсатишингиз мумкин.
2️⃣ «2020 йилда халқ кутаётган энг катта ислоҳот»
Изоҳ: ушбу номинацияда 2020 йилда Сиз кутаётган энг катта ислоҳот (ўзгариш)ни кўрсатишингиз мумкин. Қисқа қилиб айтганда, келгуси йилда қайси муаммо ҳал бўлишини истайсиз?
❗️МУҲИМ ЭСЛАТМА!
👉 Бир киши фақат битта изоҳ қолдириши мумкин. Иккинчи изоҳлар ёки оффтоплар ўчирилади;
👉 Вариант ёзганингизда, албатта номинация рақамини кўрсатишингизни сўраймиз;
👉 Изоҳлар 14 декабрь соат 21:00 га қадар қолдирилиши мумкин. Ундан кейинги вариантлар ҳисобланмайди;
👉 Ҳар бир номинация бўйича энг кўп овоз олган 5 та вариант якуний сўровномага киритилади.
Барчага фаоллик ва фикрлари учун олдиндан миннатдорлик билдираман!
👉 @xushnudbek 👈
-
2019-12-13 05:32:29+00:00
«Лазги» Инсоният номоддий меросининг репрезентатив рўйхатига киритилди
Бош вазир ўринбосари Азиз Абдуҳакимовнинг Фейсбукда хабар беришича, «Хоразм Лазги рақси» Инсоният номоддий меросининг репрезентатив рўйхатига Ўзбекистон маданий меросининг ажралмас қисми сифатида киритилибди.
Бу ҳақдаги қарор Колумбиянинг Богота шаҳрида 12 декабрь куни ЮНЕСКОнинг Номоддий меросни асраш ҳукуматлараро қўмитаси мажлисида қабул қилинган.
Эндиликда Ўзбекистон ҳукумати томонидан ушбу рўйхатга «Бахшичилик» санъати ва этник спорт турларини киритиш учун ҳаракат бошланибди.
Бугунги кунга қадар ЮНЕСКОнинг Инсоният номоддий мероси репрезентатив рўйхатига «Бойсун маданий муҳити», «Наврўз байрами», «Шашмақом», «Катта ашула», «Аския ижрочилиги», «Палов ва ош билан боғлиқ анъана ва қадриятлар» кабилар киритилган эди.
👉 @xushnudbek 👈
-
2019-12-13 04:00:32+00:00
Агар сафарга кетаётган бўлсангиз, муддатдан олдин овоз беришни тавсия қиламиз. #Saylov2019
-
2019-12-12 15:45:18+00:00
«Солиқ тўловчилар эътирофи-2019» жамоатчилик сўрови
Навбатдаги номинацияларни эълон қиламиз, қуйида ўз вариантларингизни қолдиришингиз мумкин:
1️⃣ «Йил тайинлови»
Изоҳ: ушбу номинацияда йил давомида раҳбарликка тайинланиши (ёки сайланиши) халқда ижобий кутиб олинган ҳамда бунинг ортидан соҳада яхши томонга ўзгаришлар қилинишига умид пайдо бўлган тайинловни кўрсатишингиз мумкин.
2️⃣ «Йилнинг энг катта “қовун” тушириш воқеаси»
Изоҳ: ушбу номинацияда йил давомида маълум бир мансабдор шахс томонидан айтилган фикр ёки амалга оширилган ҳаракат натижасида ижтимоий тармоқларда катта шов-шув юзага келган, кенг жамоатчиликнинг кескин норозилигига сабаб бўлган, турли ҳазиллар, мемлар ҳамда ўзига хос тренд ҳосил қилган воқеани кўрсатишингиз мумкин. Вариант қолдирганда албатта исм-шариф ҳамда воқеани аниқ кўрсатинг.
❗️МУҲИМ ЭСЛАТМА!
👉 Бир киши фақат битта изоҳ қолдириши мумкин. Иккинчи изоҳлар ёки оффтоплар ўчирилади;
👉 Вариант ёзганингизда, албатта номинация рақамини кўрсатишингизни сўраймиз;
👉 Изоҳлар 13 декабрь соат 21:00 га қадар қолдирилиши мумкин. Ундан кейинги вариантлар ҳисобланмайди;
👉 Ҳар бир номинация бўйича энг кўп овоз олган 5 та вариант якуний сўровномага киритилади.
Барчага фаоллик ва фикрлари учун олдиндан миннатдорлик билдираман!
👉 @xushnudbek 👈
-
2019-12-12 14:51:15+00:00
Франциядаги Лион шаҳрининг осмони ҳам мусаффога ўхшаяпти лекин. Лекин жааа бизникичалик эмас, тўғри 😊
👉 @xushnudbek 👈
-
2019-12-12 07:15:12+00:00
Сайловларга муддатидан олдин овоз бериш жараёни бошланди
#Saylov2019
Сайлов кодекси ҳамда Марказий сайлов комиссиясининг 2019 йил 3 декабрдаги 999-сон қарорига кўра,12 декабрь куни соат 09-00 дан сайловларга муддатидан олдин овоз бериш жараёни бошланди.
Муддатидан олдин овоз бериш 18 декабрь соат 18-00 га қадар давом этади.
Маълумот учун: Сайлов кодексининг 57-моддасига кўра, сайлов куни ўз яшаш жойида бўлиш имкониятига эга бўлмаган сайловчи муддатидан олдин овоз бериш ҳуқуқига эга.
Муддатидан олдин овоз беришни амалга ошириш учун сайловчи сайлов кунида бўла олмаслигининг сабаблари (таътил, хизмат сафари, хорижга чиқиш ва ҳоказо) кўрсатилган ариза асосида тегишли участка сайлов комиссиясидан сайлов бюллетенини олади.
👉 @xushnudbek 👈
-
2019-12-12 04:47:13+00:00
Финляндиянинг янги ҳукумати. Чапдан ўнгга: таълим вазири Ли Андерссон (32 ёш), молия вазири Катри Кулмуни (32), бош вазир Санна Марин (34), ички ишлар вазири Мария Охисало (34).
-
2019-12-11 16:40:37+00:00
«Солиқ тўловчилар эътирофи-2019» жамоатчилик сўрови
Навбатдаги номинацияларни эълон қиламиз, қуйида ўз вариантларингизни қолдиришингиз мумкин:
1️⃣ «2019 йилда фаолияти ижобий тарафга кескин ўзгарган давлат ташкилоти»
Изоҳ: ушбу номинацияда узоқ йиллар давомида халқ томонидан кескин норозиликлар билдириб келинаётган, лекин 2019-йилга келиб фаолияти ижобий томонга кескин ўзгарган, тизимдаги ходимларнинг халқ билан мулоқоти яхшиланган, соҳадаги турли бюрократик тўсиқларни олиб ташлаш йўлида амалий ишлар қилинган, халқнинг ҳам уларга нисбатан секин-аста ишончи ошиб бораётган давлат ташкилотини кўрсатишингиз мумкин.
2️⃣ «2019 йилдаги фаолияти давомида аҳолининг энг кўп эътирозига сабаб бўлган давлат ташкилоти»
Изоҳ: ушбу номинацияда йил давомида халқнинг энг кўп танқидига учраган, шундай бўлсада танқидлар жавобсиз қолиб, соҳада муаммоларни ҳал қилиш учун сезиларли ҳеч қандай амалий иш қилмаган, тизимли камчиликлар аввалги йилларга қараганда баттар ёмонлашган ёки эскилигача қолаётган, фаолиятида янги қон, янги нафас сезилмаётган, бир сўз билан айтганда халқнинг ишончини оқламаётган давлат ташкилотини кўрсатишингиз мумкин.
❗️МУҲИМ ЭСЛАТМА!
Илтимос, вариант қолдираётганда қуйидагиларга эътибор беришингизни сўраймиз:
👉 Бир киши фақат битта изоҳ қолдириши мумкин. Иккинчи изоҳлар ёки оффтоплар ўчирилади (битта изоҳ дегани, бу битта изоҳ дегани. Иккита ёки учта эмас. Илтимос, қолганлар билан чат қилиб, овозларни ҳисоблашда ишимизни оғирлаштирмаслигингизни сўраймиз);
👉 Давлат ташкилоти номини ёзганингизда, албатта номинация рақамини кўрсатишингизни сўраймиз. Шунчаки, давлат номини ёзсангиз, қайси номинацияга ушбу вариантни кўрсатаётганингизни била олмаймиз;
👉 Агар истасангиз, давлат ташкилоти номини ёзиб, ортидан унча узун бўлмаган изоҳ қолдиришингиз, вариантингизни изоҳлашингиз мумкин. Қўшимча изоҳ мажбурий эмас, шунчаки иккита вариант айтсангиз ҳам бўлади. Истасангиз, фақат битта номинацияга вариант айтишингиз мумкин, иккаласига ҳам айтиш шарт эмас, фақат рақам кўрсатинг;
👉 Изоҳлар 13 декабрь соат 21:00 га қадар қолдирилиши мумкин. Ундан кейинги вариантлар ҳисобланмайди;
👉 Ҳар бир номинация бўйича энг кўп овоз олган 5 та давлат ташкилоти якуний сўровномага киритилади.
Барчага фаоллик ва фикрлари учун олдиндан миннатдорлик билдираман!
👉 @xushnudbek 👈
-
2019-12-11 16:27:59+00:00
МУНОСАБАТ!
Улуғбек Пирмуҳаммедов, Ўзбекистон экологик партияси аъзоси:
"Ассалому алайкум, жонкуяр журналист ва блогерлар! Бир нарсага эътибор бершингизни таклиф қилардим. Билдиралаётган таклиф қайси мавзу муаммосига оидлигидан келиб чиқиб муносабат билдирсангиз.
Аввало, мен Экологик партия номидан эмас, балки мустақил шахс сифатида фикримни билдирдим. Кўрсатув вақтида менинг шахсий фикрим деб таъкидлаб ўтдим.
Авваламбор, мен прописка тизимига қаршиман. Энди шахсий таклифимга эътибор берсак, таклифим шундан иборатки, вилоятлардан ишлаш мақсадида келаётган ҳамюртларимиз маълум бир муаммоларга учраётгани тўғрисида бир қанча мавзулар кўтарилди. Айнан Халқаро пресс клуб бош продюсери Ғуломжон Самадов кўрсатувида ҳамюртларимизни ишлаб турган жойида профилактика инспекторлари томонидан жаримага тортилаётгани тўғрисида фуқаролар мурожаати ўқиб эшиттирилди. Уч кун ичида рўйхатга қўймаса қонуний чора кўриш кераклиги тўғрисида айтиб ўтилди.
Бу муаммолар тўғрисида мендан кўра сиз яхшироқ биласиз. Сабаби ОАВ вакилари халқ билан ўзаро доимий мулоқотда. Керак бўлса биз ҳам сиз орқали эшитамиз баъзи муаммоларни. Мен иштирокчи сифатида шахсий фикримни билдирганимда, яқинларимиз зарурат юзасидан ишлаш мақсадида келаётган бўлиши мумкин. Улар маълум муддатга келишсада, биз бу ерда уларга рўйхатдан ўт деб турсак, бу одамлар учун адолатсизлик бўлмайдими?
Прописка масаласи жуда кўп марта кўтарилган. Айниқса, блогерларнинг каналларида тўлиқ ёритиб берилган. Ўз фикримни тўлиқ айтиб бериш имкон бўлмади, лекин қисқача айтиб ўтсам. Мен прописка тўғрисида эмас, балки онлайн рўйхат, қулайлик ва хавфсизликни яратиш мақсадида таклиф қилдим. Тошкентга келаётган қадрдонларимиз яшаб турган ҳудудларидаги инспекторлар томонидан рўйхатдан ўтишса, Тошкентда муаммоларга дуч келмаслиги учун онлайн рўйхат олинса ва бу рўйхат, яъни онлайн портал дастури орқали акс этса, ППС томонидан кўчадан ушлаб кетиш ҳолатлари кузатилганда, бу дастур ҳамюртларимиз ҳуқуқини ҳимоя қилувчи восита вазифасини бажарарди. Балки шунда ҳамюртларимиз норозилигига сабаб бўлаётган муаммо қайсидир маънода ўз ечимини топар эди. Таклифда қийинчиликларга дуч келаётган ҳамюртларимизни камситиш назарда тутилмаган, балки уларнинг ҳуқуқини ҳимоя қилиш ва уларга шароит яратиш мақсади бор эди. Ваҳоланки, ҳеч биримизнинг ҳаққимиз йўқ маҳаллийчилик қилишга, ҳаммамиз тенг ҳуқуқли фуқоромиз. Ахир Ўзбекистон Республикасида битта яшил паспорт бор. Фикрларимни бошқача талқин қилмасликни сўрар эдим.
Эзгулик - бу тўлиқ айта олмаган сўзлардан эмас, балки ниятларга қараб баҳоланиши керак деб ўйлайман."
-
2019-12-11 15:16:25+00:00
Агар Женева шаҳрига йўлингиз тушса, унда албатта Халқаро Қизил ярим ой ҳаракатининг музейига ташриф буюринг. Ўзингиз учун жуда кўп фойдали маълумотлар олишингиз мумкин.
Музейнинг инновационлигини алоҳида таъкидлаш керак. Галограмма театридан тортиб, турли интерактив ўйинларгача (тўфондан олдин инсонларни қутқариш) бор экан. Мана шундай интерактив усуллар орқали ташкилот фаолияти ҳақида максимал даражада кенгроқ маълумот бера олишган.
-
2019-12-11 09:55:58+00:00
Шахсиятга қаратилган ҳақоратли изоҳларнинг барчаси ўчирилади. Ҳақорат қилмасдан ҳам фикр билдиришни ўрганайлик, илтимос.
-
2019-12-11 09:42:34+00:00
Экопартиядан шедевр таклиф! (расмда)
Менда ҳам айрим таклифлар бор:
👉 Tошкент учун алоҳида тилларанг паспорт жорий қилиш керак. Вилоятликларга эса паспорт ранги қора бўлсин;
👉 Tошкент атрофини деворлар билан ўраш керак. Масалан, AҚШ Mексикадан келадиган мигрант қочоқлардан ҳимояланиш учун шунақа қилмоқчику;
👉 Ўзбекистон Конституциясига “Tошкент Республикаси” деган янги 18-боб киритиш керак;
👉 Tошкентда яшаётган доимий пропискаси йўқ шахсларга Tошкент Республикасидан чиқиб кетиш учун 1 ой муҳлат бериш керак. 1 ойдан кейин чиқиб кетмаганларни ушлаб, келган вилоятига депорт қилиш керак;
👉 Tошкентда ойига 2,5 млн сўмдан кам даромад топадиганларни аниқлаб, уларни пропискасидан маҳрум қилиш керак. Tошкентда фақат бойлар яшай олади, дея белгилаш керак;
👉 Tошкент ҳамда вилоятлар ўртасида келинликка қиз олиб, қиз беришни тақиқлаш керак.
Сизда яна қандай таклифлар бор? Изоҳларда кутиб қоламан.
❗️Шахсиятга қаратилган ҳақоратли изоҳларнинг барчаси ўчирилади.
👉 @xushnudbek 👈
-
2019-12-11 08:05:58+00:00
Президент қарорига мувофиқ, 2020 йил 1 январдан фуқаролардан талаб этилиши тақиқланган маълумотномалар рўйхати
Манба: @huquqiyaxborot
👉 @xushnudbek 👈
-
2019-12-11 05:46:22+00:00
Сўнгги 1 ойда Президент томонидан имзоланган қонунлар:
Ўзбекистон Республикаси Вазирлар Маҳкамаси тўғрисида
Тўлиқ матнни ўқиш
2020 йил учун Ўзбекистон Республикасининг Давлат бюджети тўғрисида
Тўлиқ матнни ўқиш
Бола ҳуқуқларининг кафолатлари янада кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида
Тўлиқ матнни ўқиш
Касаба уюшмалари тўғрисида
Тўлиқ матнни ўқиш
Волонтёрлик фаолияти тўғрисида
Тўлиқ матнни ўқиш
Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида
Тўлиқ матнни ўқиш
Ўзбекистон Республикасининг Марказий банки тўғрисида (янги таҳрири)
Тўлиқ матнни ўқиш
Баъзи давлат органларининг фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида
Тўлиқ матнни ўқиш
Кўп квартирали уйларни бошқариш тўғрисида
Тўлиқ матнни ўқиш
Банклар ва банк фаолияти тўғрисида (янги таҳрири)
Тўлиқ матнни ўқиш
Чет эл фуқароларининг ва фуқаролиги бўлмаган шахсларнинг Ўзбекистон Республикасида вақтинча бўлиш қоидаларини бузганлиги учун жавобгарлиги либераллаштирилиши муносабати билан Ўзбекистон Республикасининг айрим қонун ҳужжатларига ўзгартишлар киритиш тўғрисида
Тўлиқ матнни ўқиш
👉 @xushnudbek 👈
-
2019-12-10 14:39:31+00:00
«Солиқ тўловчилар эътирофи-2019» жамоатчилик сўрови
Навбатдаги номинацияларни эълон қиламиз, қуйида ўз вариантларингизни қолдиришингиз мумкин:
1️⃣ «Халқ меҳрини қозонган давлат ташкилоти раҳбари»
Изоҳ: ушбу номинацияда ўзининг оммавий ахборот воситаларидаги чиқишлари орқали халқ меҳрини қозонган, шунингдек ўзи раҳбарлик қилаётган тизимда халққа манзур бўладиган ўзгаришлар ташаббускори бўлган, аҳолининг турли муаммоларини ҳал қилишда жонбозлик кўрсатган, халқ билан эркин мулоқотни йўлга қўйган давлат ташкилоти раҳбарини кўрсатишингиз мумкин.
2️⃣ «Халқ меҳрини қозонган ҳоким»
Изоҳ: ушбу номинацияда ўзи ҳокимлик қилаётган ҳудудларни ривожлантиришга катта ҳисса қўшган, халқнинг оғирини енгил қилишга қаратилган ўзгаришлар ташаббускори бўлган, адолатли қарорлар қабул қилишга интиладиган, жамоатчилик ва оммавий ахборот воситалари билан очиқ мулоқотни йўлга қўйган, ўзининг камтарлиги, халқчиллиги, хушмуомалалиги билан халқ меҳрини қозонган ҳокимни кўрсатишингиз мумкин.
❗️МУҲИМ ЭСЛАТМА!
Илтимос, вариант қолдираётганда қуйидагиларга эътибор беришингизни сўраймиз:
👉 Бир киши фақат битта изоҳ қолдириши мумкин. Иккинчи изоҳлар ёки оффтоплар ўчирилади (битта изоҳ дегани, бу битта изоҳ дегани. Иккита ёки учта эмас. Илтимос, қолганлар билан чат қилиб, овозларни ҳисоблашда ишимизни оғирлаштирмаслигингизни сўраймиз);
👉 Мансабдор шахс номини ёзганингизда, албатта номинация рақамини кўрсатишингизни сўраймиз. Шунчаки, раҳбар исмини ёзсангиз, қайси номинацияга ушбу вариантни кўрсатаётганингизни била олмаймиз;
👉 Агар истасангиз, мансабдор шахс исмини ёзиб, ортидан унча узун бўлмаган изоҳ қолдиришингиз, вариантингизни изоҳлашингиз мумкин. Қўшимча изоҳ мажбурий эмас, шунчаки иккита вариант айтсангиз ҳам бўлади. Истасангиз, фақат битта номинацияга вариант айтишингиз мумкин, иккаласига ҳам айтиш шарт эмас, фақат рақам кўрсатишни унутманг;
👉 Изоҳлар 13 декабрь соат 21:00 га қадар қолдирилиши мумкин. Ундан кейинги вариантлар ҳисобланмайди;
👉 Ҳар бир номинация бўйича энг кўп овоз олган 5 нафар мансабдор шахс якуний сўровномага киритилади.
Барчага фаоллик ва фикрлари учун олдиндан миннатдорлик билдираман!
👉 @xushnudbek 👈
-
2019-12-10 05:35:55+00:00
Кўпчилик бўш вақти ва имкони бўлса, кино кўришни яхши кўради. Менга эса бўш вақтим бўлиши билан Что? Где? Когда? ўйинларини томоша қилиш, мантиқий саволларга жавоб топиш кўпроқ ёқади.
Ҳозир ҳам Шереметьево аэропортида рейсимизни кута туриб, якшанба кунги ЧГК ўйинини томоша қилдим. Унда мен ашаддий мухлиси бўлган ва аллақачон ЧГКнинг афсонавий жамоаси сафига қўшилган Балаш Касумов жамоаси ўйнади. Касумов жамоаси ҳар доимгидек адреналин бера олди. Мазза қилдим.
Сизларга ҳам имкон топганингизда томоша қилишни тавсия қиламан:
https://youtu.be/fOY5fKpI6R4
P.S.: охирги раунддаги бошловчининг ғалати қилиғини сира тушуна олмадим. ЧГК тез айтиш ўйини эмаску.
-
2019-12-10 03:01:05+00:00
Бюрократик тўсиқларни янада қисқартириш ҳамда давлат органлари ва ташкилотлари фаолиятига замонавий бошқарув тамойилларини жорий қилиш чора-тадбирлари тўғрисида
Ўзбекистон Республикаси Президентининг қарори
айрим бандлар
👉 2020 йил 1 январдан бошлаб маҳаллий ижро этувчи ҳокимият органларининг алоҳида функция ва ваколатларини тегишли давлат бошқаруви органларининг ҳудудий бўлинмаларига 1-иловага мувофиқ ўтказилсин
(лўнда қилиб айтганда ҳокимларнинг айрим ваколатлари олиниб, вазирликларнинг вилоятдаги бошқармаларига бериляпти);
👉 2020 йил 1 январдан бошлаб давлат органлари ва ташкилотлари 2-иловада назарда тутилган ҳужжатларни фуқаролардан талаб қилиши, фуқароларнинг ўзини ўзи бошқариш органлари томонидан уларнинг берилишига йўл қўйилмайди;
👉 2021 йил 1 январдан бошлаб давлат органлари ва ташкилотлари, уларнинг таркибий бўлинмалари ўртасида ҳужжат айланиши ва ҳисоботларни юритиш фақат электрон кўринишда шакллантирилади ва амалга оширилади;
👉 фуқароларнинг ўзини ўзи бошқариш органлари, нодавлат нотижорат ташкилотлар, шунингдек, оммавий ахборот воситаларига давлат органлари ва ташкилотлари томонидан мазкур қарор талабларига риоя этилиши устидан жамоатчилик назоратини олиб бориш ҳамда аниқланган қоидабузарликларни кенг ёритиш тавсия этилсин.
https://bit.ly/36iEUTZ
👉 @xushnudbek 👈
-
2019-12-10 02:00:59+00:00
Ушбу хабарни ўқиганингизда, Худо хоҳласа биз ҳавода бўлсак керак. Дуоларингизда унутманг, яхши ниятлар билан сафарга отландик.
-
2019-12-09 17:58:11+00:00
Ўзбекистон Республикаси давлат мадҳияси қабул қилинганининг 27 йиллигига бағишланади.
____
Посвящается 27-летию государственного гимна Республики Узбекистан.
-
2019-12-09 16:06:31+00:00
«Солиқ тўловчилар эътирофи-2019» жамоатчилик сўрови
Дастлабки номинацияларни эълон қиламиз, қуйида ўз вариантларингизни қолдиришингиз мумкин:
1️⃣ «Йил давомида ўз тизимида коррупцияга қарши муросасиз курашган давлат ташкилоти»
Изоҳ: ушбу номинацияда турли инновацион ечимлар орқали соҳада коррупция элементларини камайтиришга ҳаракат қилган, турли давлат хизматлари кўрсатилишида, ўз вазифаларини бажаришда инсон омилини минимумга туширган, тизимда коррупцияга мойил ходимларни “тозалаган” ёки уларни пора олмасликка ўргатишга максимал ҳаракат қилган давлат ташкилотини кўрсатишингиз мумкин.
2️⃣ «Йил давомида коррупция элементлари энг юқори даражада сақланиб қолган соҳа (давлат ташкилоти)»
Изоҳ: ушбу номинацияда давлат хизматлари кўрсатиш жараёнида коррупцион элементлар кўп учрайдиган, бюрократик тўсиқлар жуда кўп бўлган ва ҳар бир тўсиқда албатта ёки зари, ёки зўри бўлмаса, ишини ҳал қилиб бўлмайдиган, ходимлари фуқаролардан таъмагирлик ила ҳақ талаб қилиш ҳолатлари қолган ташкилотларга нисбатан кўпроқ учраб турадиган, бу каби муаммоларни ҳал қилиш учун йил давомида етарли ишлар қилинмаган давлат ташкилотини кўрсатишингиз мумкин.
❗️МУҲИМ ЭСЛАТМА!
Илтимос, вариант қолдираётганда қуйидагиларга эътибор беришингизни сўраймиз:
👉 Бир киши фақат битта изоҳ қолдириши мумкин. Иккинчи изоҳлар ёки оффтоплар ўчирилади (битта изоҳ дегани, бу битта изоҳ дегани. Иккита ёки учта эмас. Илтимос, қолганлар билан чат қилиб, овозларни ҳисоблашда ишимизни оғирлаштирмаслигингизни сўраймиз);
👉 Давлат ташкилоти номини ёзганингизда, албатта номинация рақамини кўрсатишингизни сўраймиз. Шунчаки, давлат номини ёзсангиз, қайси номинацияга ушбу вариантни кўрсатаётганингизни била олмаймиз;
👉 Агар истасангиз, давлат ташкилоти номини ёзиб, ортидан унча узун бўлмаган изоҳ қолдиришингиз, вариантингизни изоҳлашингиз мумкин. Қўшимча изоҳ мажбурий эмас, шунчаки иккита вариант айтсангиз ҳам бўлади. Истасангиз, фақат битта номинацияга вариант айтишингиз мумкин, иккаласига ҳам айтиш шарт эмас, фақат рақам кўрсатинг;
👉 Изоҳлар 13 декабрь соат 21:00 га қадар қолдирилиши мумкин. Ундан кейинги вариантлар ҳисобланмайди;
👉 Ҳар бир номинация бўйича энг кўп овоз олган 5 та давлат ташкилоти якуний сўровномага киритилади.
Барчага фаоллик ва фикрлари учун олдиндан миннатдорлик билдираман!
👉 @xushnudbek 👈
-
2019-12-09 14:38:16+00:00
Мана, монополиянинг жирканч башарасини шу воқеадан ҳам кўрса бўлади. Йўловчиларни 7 соатлаб куттирган компания вакилларидан бирортаси бир оғиз ҳам узр сўрамабди. Компенсация ҳақидаку, гап-сўз бўлиши мумкин эмас. Энг ёмони, компаниядагилар ҳамма айбни йўловчиларга ағдаришга ҳаракат қилибди.
Жин урсин, бу монополияни!!!
Тошкент-Наманган авиарейси йўловчилари соатлаб ушлаб турилгани ҳақида хабар тарқалди. Аэропорт нима дейди?
👉 https://kun.uz/89799431
-
2019-12-09 13:02:26+00:00
2020 йилги тест саволлари тузиладиган дарсликларнинг
УМУМИЙ РЎЙХАТИ
Кўпчилик ДТМ сайтидан дарсликлар рўйхатини олишда муаммога дуч келаётгани учун, умумий рўйхатни битта файлда каналга жойлаяпман.
💾 PDF, 739 кб.
Абитуриентларга оид бошқа хабарлар:
👉 @xushnudbek 👈
-
2019-12-09 10:21:41+00:00
БИЗНЕС ВA БОШҚAРУВ РЕСПУБЛИКA ОЛИЙ MAКTAБИ MAГИСTРATУРAСИГA 2020-2021 ЎҚУВ ЙИЛИГA ҚИШКИ ҚAБУЛ БОШЛAНДИ
Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Бизнес ва бошқарув республика олий мактаби қуйидаги магистратура мутахассисликлари бўйича 2020-2021 ўқув йилига ҳужжатлар қабул қилишни бошлади:
1️⃣ «Лойиҳа бошқаруви» («Project Management»)
Ўқиш муддати: 1 йил
2️⃣ «Бизнес бошқаруви» («Master of Business Administration — MBA»)
Ўқиш муддати: 2 йил
♻️ Шу билан бирга, тингловчиларда BTEC Pearson (Буюк Британия) томонидан бериладиган халқаро малакавий дипломга эга бўлиш имконияти мавжуд.
Ушбу мутахассисликлар бўйича магистрларни Олий мактаб илғор халқаро тажриба асосида тайёрлаб келмоқда ва AҚШ🇺🇸, Германия🇩🇪, Буюк Британия🇬🇧, Италия🇮🇹, Жанубий Корея🇰🇷, Mалайзия🇲🇾 ва Франция🇫🇷 каби давлатлардаги нуфузли етакчи олий таълим муассасаларида ўқув амалиётлари ташкил этилади.
Бугунги кунда Олий мактаб мамлакатдаги етакчи таълим муассасаларидан бири бўлиб, корпоратив бошқарув, лойиҳа бошқаруви ва умуман менежмент соҳасида мутахассисларни тайёрлаш, уларнинг малакасини ошириш тизимини тубдан такомиллаштириш, давлат бошқарув идоралари, вазирликлар, барча турдаги хўжалик субъектлари, шу жумладан, акциядорлик жамиятлари учун бошқарув кадрларини тайёрлаш мақсадида ташкил этилган.
📌 Ўқишга ҳужжат топшириш фақат электрон шаклда Олий мактабнинг веб-сайти орқали ҳар куни 24 соат мобайнида амалга оширилади: https://rgsbm.uz/uz/menu/admission-2020
📌 Mагистратурага кириш учун ҳужжат топширишнинг охирги муддати - 2020 йил 8 январь
📌 Ўқиш шакли - кундузги, сиртқи, кечки;
📌Қабул комиссиясининг ишлаш жадвали: Душанба – Жума кунлари, соат 9:00 дан 18:00 гача;
✅ Mанзил: Tошкент шаҳар, Mиробод тумани, Mиробод кўчаси, 25 уй
(Mўлжал: Premier Hall кинотеатри)
☎️ Tел.: (998) 71-239-03-11, (998) 71-239-03-03, (998) 97-444-85-52
🌐 Veb-sayt: https://rgsbm.uz
🔵 Facebook: fb.com/rgsbm.uz
🔴 Telegram: t.me/rgsbm_uz
-
2019-12-09 04:40:18+00:00
"ULAR" нинг учинчи(4-) сони УДАР чиқибди
Ажойиб лойиҳанинг ушбу сони шахсан менга аввалгиларидан ҳам кўпроқ манзур бўлди.
Суҳбатни бошидан охиригача бир нафасда кўрасиз ҳамда
- туризм
- майндблоуинг атамалар
- ислоҳотларимиз самараси
- беғам продюсер
- меҳрибон муҳаррир
- ёлғиз оператор
ва, албатта, цензура ҳақида билиб оласиз.
👆@polimonolog 👈
-
2019-12-08 17:15:33+00:00
«Авлоний» - ўзбек киносидаги янги саҳифами?
Яқинда «Авлоний» тарихий фильмининг ёпиқ премьерасида иштирок этдим. Очиқ премьера эса Тошкентда жума куни бўлди. Эртага соат 15:00да Самарқанддаги «Шарқ юлдузи» кинотеатрида “жонли” премьера бўларкан (режиссёр ва актёрлар билан бирга).
Фильм ҳақида турли фикрлар янграмоқда. Айримлар “ўзбек киносидаги янги саҳифа” деб номлашмоқда. Аслида ҳам шундайми? Қуйида айрим фикрларим билан ўртоқлашмоқчиман.
Энг аввало томошабинни ўзига жалб қилувчи асосий факторлардан бири - сценарий муаллифи элимиз суйган раҳматли адиб Тоҳир Малик эканлигидир (Муқаддас Усмонова билан тандемда). Сценарийга ёзувчимизнинг «Қалдирғоч» қиссаси асос бўлган.
Иккинчи муҳим жиҳат, бизда ҳам тарихий киноларга қўл урилаётганидир. Айниқса жадидчилик ҳақидаги фильмлар пайдо бўлаётгани қувонарли ҳол.
Учинчидан, Авлоний шахсининг ўзи бизда етарли даражада ўрганилмаган. «Тарбия биз учун ё ҳаёт, ё мамот...» дея бошланувчи ҳитобни миллион марта такрорлаймиз, аммо кези келганда Авлонийнинг қайси шаҳарда туғилганини ҳам эслолмаймиз.
Фильмни ана шундай катта қизиқиш билан томоша қилгач, асосий хулосам шу бўлдики — “ўзбек киносидаги янги саҳифа” деган ном жуда бўрттириш экан, лекин ҳар ҳолда кўриб бўлмайдиган даражада ёмон фильм ҳам эмас.
Фильм Авлонийнинг ҳаёт ва ижодига бағишланмаган, фақат у иштирокидаги қисқа бир давр (воқеа) тасвирланган. Яъни фильм мақсади Авлоний шахсини очиб бериш бўлмаган. Масалан, фильмни кўриб, томошабинга «Авлоний қандай инсон бўлган?» деб савол берсангиз, унинг руҳий чизгиларини, характерини тасвирлаб бера олмайди.
Фильмда бош қаҳрамоннинг роли деярли сезилмаган — бирор муаммо Авлоний аралашуви билан ечим топмайди, кулминацион нуқтада жасорат кўрсатмайди, воқеаларда ҳал қилувчи шахсга айланмайди. Агар Авлоний образини олиб ташласак ҳам, фильмда катта ўзгариш бўлмайди.
Фильмнинг энг катта ютуғи — либослар, декорация ва грим бўлган. Ижодий жамоа ўша давр муҳитини бериш учун астойдил ҳаракат қилишгани кўриниб турибди. Масалан, фильм учун махсус 21 та декорация қурилган, 489 та махсус либослар тиктирилган, 100 дан ортиқ реквизитлар махсус ясалган.
Аммо техник томондан камчиликлар ҳам сезилади:
• айрим саҳналарда ранглар табиий эмас (яшил либос бир пасда оловранг либосга айланиб қолган, ўтлар, чанг, ой нури ранглари аслиятга унча тўғри келмайди);
• рус ва инглиз тилида гапирган қаҳрамонларга бир аёл ўзбекча таржимани ўқиган, лекин бундай саҳналар кўплиги одамни чалғитган. Ёки субтитр бериш керак эди, ёки ҳамма қаҳрамонлар ўзбекча гапираверсин эди. Масалан, Афғонистонда ҳамма персонаж ўзбекча гапирган-ку. Тўғри, Элдор Асанов афғон амири Омонуллахоннинг ўзбекча билгани ҳақида ёзган бўлса-да, лекин барибир афғонларнинг кундалик ҳаётдаги сўзлашув тили ўзбекча бўлмагани аниқ шекилли;
• фильмда яққол кулминация йўқ, бир текис кетган. Масалан, фильм бошидан томошабинни делегация орасидаги сотқиннинг кимлиги ўйлантиради, барча ўзича тахмин қилади. Аммо ўша сотқин ҳам ҳеч бир кулминациясиз, оддий бир саҳнада фош бўлади. Яъни тугун жуда оддий ечилади;
• кадрдан кадрга ўтишдаги эффектларда ҳам кўп бора ЗТМ (затемнение, яъни экран тўлиқ қоп-қора бўлиб, ёнади) қўлланилган. Бунақа эффект одатда орадан узоқ вақт ўтганда ёки бутунлай воқеалар ривожи ўзгарганда ишлатилса, мақсадга мувофиқ бўларди.
Юқоридагилар ўта шахсий фикрларим албатта. Кино бўйича катта мутахассис эмасман, оддий томошабин сифатида кўрганларимни ёздим.
Масалан, премьерада қатнашган блогерлар Шаҳноза Тўрахўжаева ва Азиза Қурбонаваларга фильм жуда ҳам ёқибди. Шундан ҳам билиш мумкинки, кимгадир ёқар раъно, ким атиргул шайдоси ))
Асосий хулосам шуки, бу каби тарихий фильмларни кўпайтириш тарафдориман. Балки бошида тажрибасизлик қилинар, хатолар ҳам бўлиши табиий, лекин жараённинг ўзи одамга умид беради. Ҳар ҳолда бойнинг қизига етиша олмай, йиғлаб юрган йигитлар ҳақидаги “ўлдим-куйдим”, бачкана фильмлардан «Авлоний» каби картиналар ўлса, ўлиги ортиқ.
👉 @xushnudbek 👈
-
2019-12-08 13:26:30+00:00
Шавкат Мирзиёев: Ватанимизга, халқимизга меҳр-муҳаббат билан хизмат қилсак, албатта, натижалар бизники!
--
Шавкат Мирзиёев: Если будем с сердцем служить нашей Родине, народу, то результаты, несомненно, будут нашими!
-
2019-12-08 11:38:47+00:00
#Биласизми #Конституция_куни
Ўзбекистон Республикаси тарихида қабул қилинган конституциялар:
1️⃣ Ўзбекистон тарихидаги илк Конституция 1918 йилда қабул қилинган Туркистон АССРнинг Конституциясидир. Бундан ташқари ўша пайтларда Бухоро халқ совет Республикасининг 1920 йилдаги, Хоразм ХСРнинг 1920 ва 1923 йиллардаги конституциялари ҳам қабул қилинган.
2️⃣ 1927 йил;
3️⃣ 1937 йил 14 февраль;
4️⃣ 1978 йил 19 апрель;
5️⃣ 1992 йил 8 декабрь.
👉 @xushnudbek 👈
-
2019-12-08 09:43:09+00:00
#Биласизми #Конституция_куни
Конституциямизнинг қабул қилиниш тарихи
👉 1990 йил 20 июнда Ўзбекистон Олий Кенгаши мамлакатимизнинг янги Конституциясини ишлаб чиқиш мақсадида Биринчи Президентимиз Ислом Каримов бошчилигида 64 кишидан иборат конституциявий комиссия тузди.
👉 Дастлаб Конституциянинг учта муқобил концепцияси яратилган:
1️⃣ Фанлар Академияси Фалсафа ва ҳуқуқ институтининг концепцияси;
2️⃣ Сиёсатшунослик ва бошқарув институтининг концепцияси;
3️⃣ Президент девони юридик бўлими концепцияси.
Ишчи гуруҳ мажлисида учинчи концепция асос сифатида қабул қилинган.
👉 Конституция лойиҳасининг дастлабки варианти 1991 йилнинг 3-чорагида тугатилиб, у муқаддима, олти бўлим, 158 моддадан иборат эди.
👉 1992 йилнинг баҳорида Конституция лойиҳасининг 149 моддадан иборат иккинчи варианти ишлаб чиқилди.
👉 Конституция лойиҳасининг учинчи варианти 1992 йил 26 сентябрда умумхалқ муҳокамаси учун матбуотда эълон қилинди. Икки ярим ойлик муддат мобайнида муҳокама қилинган лойиҳа фуқаролар таклиф ва мулоҳазалари асосида қайта тузилиб, 1992 йил 21 ноябрда муҳокамани давом эттириш учун иккинчи маротаба матбуотда эълон қилинди.
👉 Шундай қилиб, Ўзбекистон Республикасининг Конституцияси ўн иккинчи чақириқ Ўзбекистон Республикаси Олий Кенгашининг ўн биринчи сессиясида 1992 йил 8 декабрь куни қабул қилинди.
👉 @xushnudbek 👈
-
2019-12-08 08:27:07+00:00
«Конституция, бу - БИЗ!»
Ўзбекистон Республикаси Президентининг матбуот хизмати лойиҳаси.
Барчангизга яна бир бор байрам муборак бўлсин!
-
2019-12-08 04:07:01+00:00
Келинг, бир суҳбат қурамиз.
Сизнингча, Конституция бу нима? Уни қисқа сўзлар билан қандай таърифлайсиз?
Юртимизда қонунларга итоаткорлик қай даражада? Итоаткорлик деганда, иккала томонни ҳам назарда тутяпман - амалдорлар ва халқ томонидан.
Айнан қайси соҳаларда Конституция ва қонунларга деярли амал қилинмаяпти?
Фикрларингиз мен учун қизиқ.
-
2019-12-08 03:39:19+00:00
Бугун Ўзбекистон Республикасининг Конституцияси қабул қилинганига 27 йил тўлди!
Ўзбекистоннинг ҳуқуқий демократик давлат сифатида шаклланишининг асоси бўлган Бош қомусимиз байрами билан халқимизни чин дилдан табриклайман!
-
2019-12-07 18:32:46+00:00
Айниқса мана бу гаплар жуда маъқул бўлдидаааа... ))
Шавкат Мирзиёев:
«Умуман олганда, қонун ва адолат тантанаси учун курашадиган инсонлар бугунги куннинг қаҳрамонлари бўлиши керак. Биз айтамиз, қаҳрамонлар йўқ деб. Бор-ку қаҳрамонлар. Адолат учун курашганлар бор-ку.
Биз уларни мутлақо ёмон одам деймиз. Йўқ, улар ёмон одам эмас, улар ҳалол одам. Улар эртанги кунга бефарқ эмас, улар фидоий одам.
Айнан шундай одамларнинг ҳаёти шоир ва адиблар, режиссёрлар, журналистлар учун ижодий мавзу бўлади, деб ўйлайман».
👉 @xushnudbek 👈
-
2019-12-07 17:57:22+00:00
Ўзбекистон Президенти Шавкат Мирзиёев:
«Бир тасаввур қилинглар, 2-3 йил олдин телевизорда ёки рўзномада бунақа гаплар билан биров чиқа олармиди, бунақа саволлар берармиди?
Бугунги кунда халқимиз орасида юриб, уни қийнаётган ижтимоий муаммоларни кўрсатиб бераётган энг катта куч – бу мустақил ва холис оммавий ахборот воситалари вакилларидир.
Демократик ислоҳотларимиз натижасида оммавий ахборот воситалари ва ижтимоий тармоқлар мансабдор шахсларни ўз ишини қонуний асосда тўғри ташкил этишга ундамоқда.
Маълумки, бугунги кунда анъанавий ахборот воситалари билан бирга интернет, ижтимоий тармоқлар, блогерлар жамоатчилик фикрини шакллантиришда катта роль ўйнамоқда».
👉 @xushnudbek 👈
-
2019-12-07 16:54:00+00:00
Шавкат Мирзиёев:
«Танқид албатта керак. Мана танқид бўляпти, хулоса ҳам бўляпти. Лекин биз ҳаммамиз изланишдамиз, ўрганишдамиз. Янги Ўзбекистон қуряпмиз, бир-биримизга таяниб, халқимизни рози қилишимиз керак.
Яна бир марта такрорлайман, ҳамма билиши керак: Ўзбекистонда жамоатчилик назорати ва оммавий ахборот воситалари вакилларининг қонуний ҳақ-ҳуқуқларига ҳеч қандай шаклда тазйиқ ўтказишга йўл қўйилмайди».
👉 @xushnudbek 👈
-
2019-12-07 16:34:32+00:00
Шавкат Мирзиёев:
«Катта раҳмат, оммавий ахборот воситалари ва блогерларга. Кўп-кўп нарсалар Ўзбекистонда очиқ айтиляпти, ҳамма буни кўриб турибди. Лекин битта нарсани билинглар, бу очиқлик ҳеч қачон орқага қайтмайди!
Қанча кўп очиқлик бўлса, оммавий ахборот воситалари одамларимизга ҳақиқий муаммоларни қанча кўп етказса, мен раҳбар сифатида улардан миннатдор бўламан».
👉 @xushnudbek 👈
-
2019-12-07 15:39:12+00:00
Соат 21:00 да «Ўзбекистон» телеканалида Конституция кунига бағишланган байрам тантаналари тўлиқлигича намойиш этилади. Барчага кўришни тавсия этаман.
👉 @xushnudbek 👈
-
2019-12-07 14:54:11+00:00
Ўзбекистон Республикаси Конституцияси қабул қилинганининг 27 йиллигига бағишланган байрам тадбирида
Фото: Муҳаммаджон Ғаниев
👉 @xushnudbek 👈
-
2019-12-07 12:53:12+00:00
Конституция байрамига бағишланган тадбирда кўплаб блогерлар ҳам иштирок этди.
Ва ўз навбатида Шавкат Мирзиёев ҳам бир неча бор журналист ва блогерларнинг жамиятда тутган ўрни ҳамда аҳамияти ҳақида сўзлади.
Агар хотирам панд бермаётган бўлса, Президентнинг расмий нутқида илк бор блогерлар тилга олинди (аввалги селектор ёки мажлислардаги фикрларни ҳисобламаганда).
👉 @xushnudbek 👈
-
2019-12-07 12:42:03+00:00
“Ўзбекистон” халқаро анжуманлар саройида Ўзбекистон Республикаси Конституцияси қабул қилинганининг 27 йиллигига бағишланган байрам бўлиб ўтди.
Унда Президент Шавкат Мирзиёев иштирок этиб, сиёсий-ҳуқуқий ўзгаришлар ҳақида маъруза қилди.
Давлатимиз раҳбари Конституция ва қонун устуворлигига эришишда жамоатчилик назоратидан кўра самарали восита йўқлигини таъкидлади.
Тантана катта концерт дастури билан давом этди.
www.president.uz/uz/3118
--
Во Дворце международных форумов "Узбекистон" состоялось торжественное собрание в честь 27-летия принятия Конституции Республики Узбекистан.
Президент Шавкат Мирзиёев произнес речь о политико-правовых преобразованиях в стране.
Глава государства отметил, что в достижении верховенства Конституции и законов нет более эффективного средства, чем общественный контроль.
Торжественное мероприятие продолжилось концертной программой.
www.president.uz/ru/3118
-
2019-12-07 06:20:43+00:00
Ёшлар иттифоқида янги тайинловлар амалга оширилди
Бугун Ўзбекистон ёшлар иттифоқи Марказий кенгашининг йиғилишида ташкилий масалалар кўриб чиқилди. Унга кўра:
👉 Сатторов Хайрулла Файзуллаевич – Ёшлар иттифоқи Марказий кенгаши раиси биринчи ўринбосари, «Ёшлар — келажагимиз» жамғармаси ижро этувчи директори лавозимига сайланди.
Аввалги директор Бунёдбек Баҳромбеков бошқа ишга ўтганлиги муносабати билан лавозимидан озод этилди.
👉 Холмуродов Ботир Бурхониддинович – Ёшлар иттифоқи Марказий кенгаши раиси ўринбосари, молия-иқтисод комплекси раҳбари этиб сайланди.
Аввалги ўринбосар Суҳробжон Мақсудов бошқа ишга ўтганлиги муносабати билан лавозимидан озод этилди.
👉 Омонов Фаррух Фарходжонович - Ёшлар иттифоқи Марказий кенгаши раиси ўринбосари, халқаро ҳамкорлик ва лойиҳалар комплекси раҳбари этиб сайланди.
Аввал ушбу лавозим вакант эди.
👉 @xushnudbek 👈
-
2019-12-07 04:40:07+00:00
“Янги Ўзбекистон - янги сайловлар” миллий акциясини ўтказиш таклиф этилмоқда
14 декабрь куни республиканинг барча ҳудудларида бир вақтнинг ўзида кенг жамоатчилик учун оммавий тадбирлар ўтказиш режалаштирилмоқда. Унда таниқлик инсонлар билан учрашувлар ташкил этилиб, сайловга тайёргарлик жараёнлари, қонунчиликдаги ўзгаришлар ҳақида ахборотлар берилади, мусиқий дастурлар ва турли викториналар ўтказилади. Сайловлар ҳақида барча маълумотлар содда ва тушунарли тилда аҳолига етказилади. Тадбир жараёнлари ОАВ ва блогерлар томонидан тўғридан-тўғри ёритилиши мумкин.
“Юксалиш” умуммиллий ҳаракати барча таклифлар учун очиқ. Ҳозирда акция формати ишлаб чиқилмоқда. Шу муносабат билан, барча манфаатдор вазирлик ва идоралар, бизнес вакиллари, сиёсий партиялар ва бошқа жамоат ташкилотларини ҳамкорликка чорлаймиз.
Тадбирларни янада самарали ўтказиш бўйича фикр ва таклифларни “Юксалиш” УМҲ ҳудудий бўлинмалари ёки марказий офисига тақдим қилишингиз мумкин.
👉Батафсил: https://bit.ly/33V1Ebc
-
2019-12-07 02:15:36+00:00
Навбатдаги афв эълон қилинди
Президент Ш.Мирзиёевнинг фармонига асосан, Конституциямиз қабул қилинганининг 27 йиллиги муносабати билан афв эълон қилинди.
Унга кўра, эҳтиётсизлик оқибатида жиноят содир этган, бироқ қилмишидан чин юракдан пушаймон бўлган ва тузалиш йўлига қатъий ўтган 92 нафар маҳбус афв этилган.
Афв этилганлардан 20 нафари жазодан тўлиқ озод этилади, 37 нафари — шартли равишдан муддатидан аввал озод этилади, яна 16 нафар шахсга нисбатан белгиланган жазо енгилроғига алмаштирилади, бир сўз билан айтганда, жазони ижро этиш муассасаларидан ҳамда пробация хизмати органлари ҳисобидан чиқариладиган фуқаролар сони 73 нафарни ташкил этади.
Бундан ташқари, яна 19 нафар шахсга нисбатан озодликдан маҳрум этиш кўринишида белгиланган жазо қисқартирилади.
Афв этилганлар орасида 3 нафар эркакнинг ёши 60 дан ортиқ, 3 нафар аёл бор. 79 киши муқаддам тақиқланган ташкилотлар фаолиятида иштирок этишган.
👉 @xushnudbek 👈
-
2019-12-06 13:19:44+00:00
Танқидий материалларнинг 73 фоизига жавоб қайтарилган
Бугун нафақат оммавий ахборот воситаларида, балки ижтимоий тармоқларда ҳам у ёки бу ташкилот фаолияти ҳақида танқидий фикрлар билдирилса, унга мумкин қадар тезкор реакция билдиришга ҳаракат қилишмоқда. Ахборот хизматлари анча жонланди. Матбуот котиблари раҳбарнинг маслаҳатчисига айланди, ўринбосарга тенг шароитларга эга бўлди.
Ахборот ва оммавий коммуникациялар агентлиги маълумотларига кўра, ўтган даврда 100 дан ортиқ республика ташкилотлари, 200 га яқин туман ва шаҳар ҳокимликларида ахборот хизматлари ташкил этилди. Деярли барча ахборот хизматлари раҳбарларининг ижтимоий тармоқлар саҳифалари, мессенжерларда каналлари очилмоқда. Воқеа-ҳодисалар ҳамда янгиликлар бўйича баёнотлар бериб бориш, танқидий материалларга муносабат билдириш йўлга қўйилди.
Маълумотларга кўра, АОКА томонидан биргина ўтган ноябрь ойида оммавий ахборот воситалари ва интернет тармоғида республика даражасидаги 20 та давлат ва хўжалик бошқаруви органлари фаолиятига оид эълон қилинган жами 334 та танқидий материалнинг 264 таси (79%) га, 14 та маҳаллий давлат ҳокимияти органлари фаолиятига оид 314 та танқидий материалнинг 211 таси (67%)га муносабат бирдирилиши ташкиллаштирилган.
Ваҳоланки, шу йил июнь ойида танқидий материалларга муносабат 18 фоиздан ошмасди.
-
2019-12-06 05:06:07+00:00
Тестда қайси фандан неча балл берилади?
Жуда кўпчиликни шу савол қийнаётгани рост. Ҳозирча фанлар мажмуаси расман тасдиқланмади, қачон тасдиқланиши ҳам номаълум.
Шундай бўлсада, Сизларга лойиҳа вариантини эълон қилмоқчиман. Ушбу файлда (сифати учун узр) қайси йўналиш бўйича қайси фанларни мутахассислик фани сифатида киритиш бўйича лойиҳа акс этган.
Айрим ўзгаришлар бор, хусусан, барча юридик йўналишлар учун тарих ҳамда чет тили фанларини мутахассислик фани сифатида киритиш таклиф этилмоқда.
ЭСЛАТМА: ҳозирча бу лойиҳа, расман тасдиқлангани йўқ.
💾 PDF, 3,85 мб.
Абитуриентларга оид бошқа хабарлар:
👉 @xushnudbek 👈
-
2019-12-06 04:00:56+00:00
«Солиқ тўловчилар эътирофи – 2019» жамоатчилик сўрови
Ривожланган демократик давлатларда фуқароларга солиқ тўловчилар сифатида қараш анъанаси мавжуд. Сабаби айнан халқ тўлаётган солиқлар мамлакат ҳаётида жуда катта аҳамиятга эга. Солиқ тўловчилар давлат хизматчиларини исталган масалада сўроққа тутишга, жамоатчилик уларни назорат қилишга ва улардан ҳисобот сўрашга ҳақли.
Бизда ҳали бу анъана кенг тарқалмаган, лекин қувонарли томони йилдан йилга фуқароларнинг ҳуқуқий онги ошиб бориши асносида ўзларини солиқ тўловчилардек ҳис эта бошламоқда. Ўз навбатида солиқ тўловчилар давлат ташкилотларининг фаолиятига баҳо беришга ҳам тўлақонли ҳаққи бор.
2019 йил якунланишига ҳам оз фурсатлар қолди. Одатда йил якунлаб борар экан, йилнинг энг яхшиларини аниқлаш удуми бор. Бу бутун дунёда кенг тарқалган анъана.
Биз ҳам @xushnudbek канали орқали йил якунлари бўйича жамоатчилик сўрови орқали айрим хулосаларни чиқармоқчимиз.
Лойиҳага «Солиқ тўловчилар эътирофи» деб ном бердик. Бу ном бежизга берилмади, сабаби биз сўровномалар орқали 10 та номинация бўйича фақат давлат ташкилотлари орасидаги энг яхши ёки энг ёмонларни аниқлаймиз. Шунингдек, йил давомида амалга оширилган ислоҳотларга ҳам баҳо берилади.
Сўровномалар 2 босқичда ўтказилади:
1-босқич — 7-14 декабрь кунлари ўтказилади. Унда алоҳида постда номинация номлари эълон қилинади ҳамда муштарийлар мазкур номинация бўйича ўз вариантларини изоҳларда ёзиб қолдиришади.
2- босқич — 16-27 декабрь кунлари бўлиб ўтади. Унда 1-босқичда номи энг кўп зикр этилган давлат ташкилотлари сўровномага киритилади ва муштарийлар томонидан яширин овоз бериш йўли орқали ғолиблар аниқланади.
Камида 30 минг овоз берилганда сўровнома ҳақиқий деб ҳисобланади.
Битта давлат ташкилоти фақат битта номинация бўйича якуний сўровномага киритилиши мумкин. Агар битта давлат ташкилоти 1-босқичда турли номинациялар бўйича кўп бора номи зикр этилган бўлса, бундай ҳолатда изоҳлар сонига қаралади ҳамда энг кўп изоҳ қолдирилган номинация бўйича сўровномага киритилади.
Номинация номлари ҳамда бошқа қўшимча шартлар ҳақида келгусида канал орқали батафсил маълумот бериб борилади.
Умид қиламанки, Сиз солиқ тўловчи сифатида ўтказилаётган жамоатчилик сўровида фаол иштирок этасиз ва давлат ташкилотларининг ютуқ ва камчиликларини эътироф этасиз.
👉 @xushnudbek 👈
-
2019-12-05 14:14:39+00:00
Бугун Адлия вазирлигида «Ҳуқуқий тарғибот ишлари аълочиси» кўкрак нишони соҳибларига адлия вазири Русланбек Давлетов мукофотларни топширди.
Тадбир самимий ва дўстона руҳда ўтди. Мазкур кўкрак нишони билан тақдирланган қолган мутахассисларни ҳам чин қалбдан табриклайман. Ўзим учун эса, етказганига беҳисоб шукр дейман.
P.S.: суратда Русланбек Давлетов “адлияни камроқ танқид қилинг” деб ҳазиллашиб турган пайти муҳрланибди ))
-
2019-12-05 13:07:32+00:00
Бугун ноширлик-матбаа коллежининг янгиланган биноси тантанали равишда очилди.
Ахборот ва оммавий коммуникациялар агентлиги қошидаги ушбу ўқув муассасаси янги моддий-техник базага, ўқувчи ва ўқитувчилар эса ўз салоҳиятини тўлиқ рўёбга чиқариши учун янада кенг имкониятларга эга бўлди.
-
2019-12-05 12:00:37+00:00
Тўлдириш:
👉 кўпчилик талабалар 50 % чегирма асосида йўл чипталари бугундан амал қилишни бошлайдими, деб сўрашмоқда. Йўқ, аслида ундай эмас экан.
Имтиёзли чипталарни бугундан сотиб олиш мумкин, аммо фақат 16 декабрдан 22 декабрь кунига қадар ҳамда 1 январдан 6 январга қадар бўлган вақт оралиғида амал қилади. Бошқа кунларга мўлжалланган чипталар учун имтиёз назарда тутилмаган.
👉 вазирлик хабарида “ўқувчилар” деган сўз ишлатилган, шу сабабли кўпчилик мактаблар учун ҳам қишки таътил кунлари ўзгардими, деб сўрамоқда.
Йўқ, мактаблар учун ҳозирча ҳеч қандай ўзгариш бўлгани йўқ. Ушбу қарор коллеж ва академик лицей ўқувчилари учун тааллуқли холос. Ўқувчи деганда улар назарда тутилган, мактаб ўқувчилари эмас.
👉 @xushnudbek 👈
-
2019-12-05 07:50:36+00:00
Асланов ёзмоқда:
“Шу соҳага яқинроқ йўналишда ишлаганим учун биламан - Ўзбекистон жуда катта миқдорда ДСП истеъмол (яъни импорт) қилади. Айтайлик, Фарғона вилоятининг ўзида бу камида 500 вагонни ташкил қилади, ишонаверинг. Энди буни Ўзбекистонга кўпайтириб кўринг.
Бу ҳажмда ДСП ишлаб чиқариш, бу билан Ўзбекистонни таъминлаш мумкин эмас - Ўзбекистонда шунча ёғоч ҳам, қиринди ҳам йўқ. Агар кимдир ДСП ишлаб чиқарадиган завод қурган тақдирда ҳам, керакли хом ашёни барибир импорт қилишга мажбур бўлади.
Айтмоқчиманки, бу ерда қайсидир монополияни ёки маҳаллий ишлаб чиқарувчини қўллаб қувватлаш эмас, сабаб, анча соддароқ бўлиши мумкин.
Шунчаки, божхона статистикасини кўриш, бир йилда Ўзбекистон қанча ДСП импорт қилаётганини кўриш, агар бунга акциз қўйилса, бюджетга қанча тушум бўлишини чамалаш қийин эмас. Бу ҳам бир мотив.
Оқибат эса, Давлетовузнинг хулосаси билан бир хил - ўша бюджетга тушадиган қўшимча тўлов ҳам мебель истеъмолчиси, яъни халқнинг бўйнига тушади.”
Пост тугади.
👉 @xushnudbek 👈
-
2019-12-05 06:10:27+00:00
⚡️РАСМАН: Талабалар ва ўқувчилар учун қишки таътил кунлари белгиланди
Олий таълим муассасалари талабалари ва академик лицей ҳамда профессионал таълим муассасалари ўқувчиларига 2019-2020 ўқув йили қишки таътил даври 2019 йил 20 декабрдан 2020 йил 6 январгача этиб белгиланди, дея хабар бермоқда Олий ва ўрта махсус таълим вазирлиги.
2019 йил 22 декабрда Олий Мажлис, халқ депутатлари вилоят, туман ва шаҳар Кенгашларига умумхалқ сайловлари ўтказилиши муносабати билан талабалар ва ўқувчиларнинг ўзи доимий рўйхатдан ўтган яшаш жойида овоз беришлари учун қишки таътил муддати ўзгартирилди.
Бу ҳақда тегишли қарор Бош вазири ўринбосари раислигида бўлиб ўтган йиғилишда қабул қилинди.
Қорақалпоғистон Республикаси ва вилоятларга кетадиган талаба ва ўқувчиларнинг қишки таътил пайтида доимий яшаш жойларига бориб-келишлари учун қулайликлар яратиш мақсадида жорий йилнинг 16 декабридан 22 декабрь кунига қадар ҳамда 2020 йилнинг 1 январидан 6 январига қадар 50 % чегирма асосида йўл чипталари сотуви йўлга қўйилади.
❗️Чегирмали билетлар бугундан сотилади, аммо фақат юқорида кўрсатилган муддатлар учун сотиб олиш мумкин.
Талабалар ва ўқувчилар бугундан имтиёзли йил чипталарини харид қилишлари мумкин.
✅ “Ўзбекистон темир йўллари” АЖ, “Uzbekistan airways” АЖ, Транспорт вазирлиги томонидан:
👉 талаба ва ўқувчилар учун қўшимча жойлар сони кўпайтирилади;
👉 уч кун муддатда олий таълим муассасалари раҳбарияти томонидан тавсия этилган жойларда сайёр кассалар ташкил этилади.
Қишки таътил давомида ОТМлар, академик лицей ва касб-ҳунар коллежларида мавжуд бўлган барча тўгараклар, спорт-соғломлаштириш бўлимлари, секциялари ва клублари тўлиқ фаолият кўрсатади.
❗️2020 йил 6 январь - душанба ўқишнинг биринчи куни этиб белгиланди.
👉 @xushnudbek 👈
-
2019-12-05 04:18:48+00:00
Вақтинча пропискада турганлар сайлов пайти қандай овоз беради?
#Saylov2019
Муштарийларимиз томонидан берилаётган навбатдаги жуда кўп саволлардан бири, айнан расман вақтинча пропискада турган ёки умуман бирор жойда вақтинча ҳисобга олинмасдан, шунчаки бошқа ҳудудда яшаб юрган фуқаролар қаердан овоз бериши мумкинлиги ҳақида эди. Марказий сайлов комиссияси билан боғланиб, ушбу масалага ойдинлик киритдик.
МСК фуқароларни сайловчилар рўйхатига киритиш масалаларида ягона амалиётни қўллаш мақсадида қарор қабул қилибди. Унда қуйидагилар белгиланди:
Биринчидан, сайловчининг қайси сайлов участкаси бўйича (доимий ёки вақтинча прописка (ҳисобда туриш) жойи бўйича) сайловчилар рўйхатига киритилиши участка сайлов комиссияси ўтказадиган уйма-уй юриш натижаларига кўра аниқланади. Бунда, сайлов участкаси ҳудудида вақтинчалик яшаётган фуқаролар бўлса, уларнинг овоз бериш куни ушбу ҳудудда бўлиши ёки бўлмаслиги ўзаро суҳбат чоғида участка сайлов комиссияси аъзоси томонидан аниқланади ва сайловчини вақтинча яшаб турган жойи бўйича сайловчилар рўйхатига киритиш масаласи ҳал этилади.
Сайлов участкаси ҳудудида вақтинчалик яшаётган фуқаролар билан шахсан суҳбат қуриш имконияти бўлмаса, улар вақтинча яшаш жойидаги сайлов участкаси сайловчилар рўйхатига киритилмайди.
Иккинчидан, агар сайловчи пропискада турмаса, вақтинча яшаш жойидаги сайлов участкаси бўйича сайловчилар рўйхатига киритилиши ва овоз бериши мумкин.
Бунда сайловчи яшаб турган жойидаги сайлов участкаси бўйича рўйхатга киритилиши учун шу ҳудуддаги участка сайлов комиссиясига сайловга камида уч кун қолгунга қадар (19 декабргача) мурожаат қилиши мумкин.
❗️Фуқаро ҳақиқатан сайлов участкаси жойлашган ҳудудда вақтинча яшаётганлигини қўшимча ҳужжатлар (вақтинча яшаш маълумотномаси ва бошқалар) билан тасдиқлашни талаб қилишга йўл қўйилмайди. Яъни шунчаки "сайлов куни мен мана шу ҳудудда бўламан", деб мурожаат қилса етарли.
Участка сайлов комиссияси фуқаронинг шахсини тасдиқловчи ҳужжати асосида сайловчининг қайси сайлов участкаси бўйича рўйхатга киритилганлигини сайловчиларнинг ягона электрон рўйхатидан (СЯЭР) излаб топади ва муддатидан олдин овоз берган ёки бермаганлигини аниқлаштиради. Муддатидан олдин овоз берган бўлса рўйхатга киритилмайди.
Учинчидан, сайловчи овоз бериш куни (22 декабрь) доимий ёки вақтинча прописка (ҳисобда туриш) жойи бўйича мурожаат қилганда, агар у сайловчилар рўйхатига киритилмаган бўлса, участка сайлов комиссия аъзоси тизимга кириб ушбу фуқарони СЯЭРдан излаб топади.
Излаб топгандан сўнг алоқа воситалари орқали сайловчилар рўйхатига киритилган сайлов участкасида овоз берган/бермаганлигини аниқлаштиради. Шундан сўнг сайловчини сайловчилар рўйхатининг иловасига киритган ҳолда унга сайлов бюллетенини беради. Нариги участка сайлов комиссияси сайловчи бошқа сайлов участкасида овоз берганлигини қайд этиб қўяди.
Агар фуқаро нариги сайлов участкасида овоз берган бўлса, унда овоз бериш рад этилади, чунки 1 киши 1 овозга эга.
Бешинчидан, агар сайловчи овоз бериш куни (22 декабрь) ҳисобга олинмаган (пропискада турмаган) жойи бўйича участка сайлов комиссиясига мурожаат қилганда, фуқаронинг доимий ёки вақтинчалик яшаш жойи бўйича бошқа сайлов участкасида овоз бериши кераклигини тушунтирилади ҳамда овоз бериш рад этилади.
ХУЛОСА: бошқача айтганда, расмий вақтинча пропискага эга бўлган фуқаролар сайлов куни бемалол яшаб турган сайлов участкасига бориб овоз беришлари мумкин, расмий рўйхатдан ўтмасдан яшаётганлар эса 19 декабргача мурожаат қилиб қўйишлари кифоя қилади. Сайлов куни борса, рўйхатдан ўтмасдан яшаётган ҳудудида овоз бера олмайди.
👉 @xushnudbek 👈
-
2019-12-04 14:34:44+00:00
“Олтин кабутар-2019” танловида “Йилнинг энг яхши блогери” номинацияси бўйича рағбатлантирувчи мукофот билан @davletovuz канали муаллифи Қобил Хидиров тақдирланди.
Табриклаймиз!!! 👏🏻
👉 @xushnudbek 👈
-
2019-12-04 06:35:46+00:00
-
2019-12-04 05:18:57+00:00
Сайлов комиссияси аъзоларига иш ҳақи тўланиши бўйича
#Saylov2019
Жуда кўпчилик фуқароларимиз мурожаат қилиб, сайлов комиссияси аъзолари бажарган ишлари учун маош оладими ёки йўқми, деб савол беришган эди. Марказий сайлов комиссияси билан боғланиб, ушбу масалага ойдинлик киритдик.
Жорий йил бўлиб ўтадиган сайлов кампаниясида сайлов комиссиялари фаолиятига жалб этиладиган ходимларнинг меҳнатига ҳақ тўлаш масалалари аввалги йиллардаги сайловлардаги амалиётдан келиб чиқиб, янгича ёндошган тарзда ташкиллаштирилмоқда.
Бу нималарда ўз аксини топади:
Биринчидан, асосий иш жойига эга бўлган ва комиссия фаолиятига жалб этилган фуқароларимиз ишлаб чиқариш ёки хизмат вазифаларини бажаришдан тўлиқ ёки қисман озод қилинади ва уларнинг асосий иш жойларида иш ҳақлари тўлиқ сақланган ҳолда сайлов ишларига жалб этилади. Булар кимлар? Уларнинг қарийиб 71 фоизи давлат идоралари ва муассасалари ходимлари, шу жумладан халқ таълими ходимларидир (47,3 %).
Иккинчидан, (бу аввалги сайловларда кузатилмаган амалиёт) асосий иш жойига эга бўлган ҳолда комиссия фаолиятига жалб этилган фуқароларимизга асосий ойликларидан ташқари транспорт ва бошқа харажатлар учун комиссия раисларига 500 минг сўмдан, бошқа аъзоларга 250 минг сўмдан (бу солиқ чегирилгандан кейин қўлга тегадиган миқдор) компенсация тўланиши белгиланди.
❗️Эътибор беринг: жорий йилги сайлов кампанияси учун 230 млрд. сўм ажратилган бўлса, шундан 70,6 млрд. сўми, яъни 30,6 фоизи айнан юқоридаги қарийиб 170 минг нафардан ортиқ жалб қилинган комиссия аъзоларига қўшимча компенсация тўловлари учун сарфланиши режалаштирилмоқда.
Бундан ташқари, комиссиялар фаолиятига қарийиб 8 фоизга яқин вақтинча ишсиз бўлган ва нафақадаги фуқароларимиз ҳам жалб этилган бўлиб, улардан раис лавозимига жалб этилганларга 9 разряд бўйича 1,5 млн. сўм миқдорда, раис ўринбосарларига 8 разряд бўйича 1,4 млн. сўм миқдорда ва аъзоларга 4 разряд бўйича 1 млн. сўм миқдорда бир марталик иш ҳақи тўловлари амалга оширилади.
Бундан ташқари, Ўзбекистон Республикаси Президентининг 2018 йил 6 ноябрдаги ПҚ-4004-сон қарорига мувофиқ иш берувчиларга сайловларни ўтказиш даврида жамоатчилик асосида ишлаб келаётган туман ва шаҳар сайлов комиссиялари раиси, унинг ўринбосари ёки котибларига юқори турувчи комиссияларнинг тавсияларига кўра, ойлик маошига асосий иш жойи моддий рағбатлантириш жамғармаси ҳисобидан 50 фоиз миқдорида устама белгиланиши тавсия этилган.
👉 @xushnudbek 👈
-
2019-12-03 16:21:38+00:00
Яқин қариндошларнинг ишончномасиз автомашина ҳайдашига оид масала юзасидан ИИВ ЙҲХББ жавоб берди
“Ўзбекистон Республикаси Вазирлар Маҳкамасининг 2019 йил 18 ноябрдаги 915-сон қарорига асосан, транспорт воситаси эгасининг фуқаролик жавобгарлигини мажбурий суғурта қилиш бўйича суғурта полисида кўрсатилган транспорт воситаси эгасининг яқин қариндошлари (ота-она, эр (хотин), болалар, ака-укалар, опа-сингиллар) ушбу транспорт воситасидан мустақил фойдаланиши ва бошқариши мумкинлиги белгиланиб, янги намунадаги суғурта полиси бланкалари ҳам тасдиқланган.
Ҳақиқатдан ҳам, ҳозирги кунда суғурта компаниялари томонидан янги намунадаги суғурта полиси бланкаларини чоп этиш ва амалга киритиш бўйича муаммо мавжуд.
Таъкидлаш лозимки, мазкур муаммонинг ечими топилишидан энг аввало биз манфаатдормиз. Чунки, йўл патруль хизмати инспектори билан ҳайдовчи ўртасидаги муносабатларнинг қай тарзда шаклланиши ҳам шунга боғлиқ.
Шу билан бирга, Молия вазирлиги Суғурта назорати давлат инспекцияси мазкур муаммони қисқа муддатларда бартараф этиш бўйича чоралар кўраётганлигини маълум қиламиз.
Муаммога эътибор қаратганингиз ва унинг ечимини тезлаштиришга қўшаётган ҳиссангиз учун Сизга ҳамда масалага беэътибор бўлмаган барча йўл ҳаракати иштирокчиларига миннатдорлик билдирамиз.
Ўзбекистон Республикаси
ИИВ ЙҲХББ бошлиғи
О.Ч.Саидов”
P.S.: масъулларга жавоб учун катта раҳмат. Молия вазирлиги ҳали ушбу масала бўйича муносабат билдирмадими?
-
2019-12-03 13:39:13+00:00
Шавкат Мирзиёев Тожикистон пойтахти Душанбе шаҳри раиси Рустам Эмомалини қабул қилди.
Маълумот учун: Рустам Эмомали Тожикистон Президенти Эмомали Раҳмоннинг ўғли.
-
2019-12-03 09:00:35+00:00
Шу десангиз, аҳолининг ҳуқуқий саводхонлигини оширишдаги хизматларимиз учун Президент Фармони билан таъсис этилган “Ҳуқуқий тарғибот ишлари аълочиси” кўкрак нишони билан тақдирлашибди.
Ишонч ва эътироф учун катта раҳмат. Келгусида ҳам Аллоҳ қодир қилганича, билганларимизни халқимиз билан улашишда давом этаверамиз.
Ва фурсатдан фойдаланиб, каналимизни кузатиб бораётган барча муштарийларга ўз миннатдорлигимни билдирмоқчиман. Сизларнинг қўллаб-қувватлашингизни доим ҳис қилиб меҳнат қиляпмиз. Борингизга шукр.
-
2019-12-03 08:52:07+00:00
#Адлия_хабари
“Ҳуқуқий тарғибот ишлари аълочиси” кўкрак нишонининг илк соҳиблари маълум бўлди
Аҳолининг ҳуқуқий саводхонлигини ошириш, қонун ҳужжатлари мазмун-моҳиятини кенг аҳоли оммасига тезкор ва тушунарли етказишдаги хизматлари учун бир гуруҳ давлат органлари ва ташкилотлар ходимлари “Ҳуқуқий тарғибот ишлари аълочиси” кўкрак нишони билан тақдирланди.
✅ Жумладан:
• Абдураимова Норгул Сансизбаевна – Ўзбекистон Миллий ахборот агентлигининг Қонунчилик, ҳуқуқий тарғибот ва коррупцияга қарши кураш бўлими мудири;
• Авазметов Бекпўлат Шеритмович – Қорақалпоғистон Республикаси Тўрткўл тумани молия бўлими бош юрисконсульти;
• Жалолиддинов Камолиддин Шаробиддин ўғли – Андижон шаҳар 13-сон давлат нотариал идораси нотариуси;
• Каримжонов Муҳаммадамин Муҳаммадалиевич – Тошкент давлат юридик университети Меҳнат ҳуқуқи кафедраси ўқитувчиси;
• Муқимов Зиёдулло – Самарқанд давлат университети Психология ва ижтимоий фанлар факультети ўқитувчиси, профессор;
• Пардаева Феруза Неъматуллаевна – Жиззах шаҳридаги 22-айрим фанлар чуқур ўрганиладиган давлат ихтисослаштирилган умумтаълим мактабининг ҳуқуқ фани ўқитувчиси;
• Тангриев Ҳусан Шодиевич – Давлат божхона қўмитасининг Жамоатчилик ва оммавий ахборот воситалари билан алоқалар бўлими бош инспектори;
• Урдушева Гулчеҳра Маматқуловна – Жиззах вилояти давлат солиқ бошқармаси Жамоатчилик билан алоқалар ва ҳуқуқий ахборот шўъбаси давлат солиқ катта инспектори;
• Худойбердиев Хушнуд Ғайратович – ҳуқуқшунос, блогер;
• Чориева Зарбиби Чориевна – “O‘zbekiston 24” радиоканали Ахборот-таҳлилий дастурлар бўлими бош муҳаррири ўринбосари;
• Юнусова Махпуба – Тошкент шаҳри Шайхонтоҳур туманидаги 41-мактабнинг тарих ва ҳуқуқ фанлари ўқитувчиси;
• Юнусова Гулнорахон Эргашалиевна – Ўзбекистон Миллий телерадиокомпаниясининг Фарғона вилоят телерадиокомпанияси биринчи тоифали муҳаррири.
Эслатиб ўтамиз, мазкур кўкрак нишони “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги Президент Фармони билан таъсис этилган.
Кўкрак нишони Конституция куни арафасида тантанали равишда ўз эгаларига топширилади.
Кўкрак нишони билан тақдирланган шахсларга базавий ҳисоблаш миқдорининг 4 баравари миқдорида бир марталик пул мукофоти берилади.
Каналга уланиш👇👇👇
https://t.me/huquqiyaxborot
-
2019-12-03 07:22:50+00:00
Кўр ҳассасини ҳар йили йўқотади
Йил охирлаши билан автомобилларга газ қуйиш шоҳобчаларида турнақатор навбатлар пайдо бўлади. “Турнақатор” деган сўз жуда юмшоқ эшитиляпти, “даҳшатли навбатлар” десак сал тўғрироқ бўларди.
Ўртача 1-2 соатда навбат келади, айрим жойларда 5-6 соат ёки ундан ҳам кўпроққа чўзилишини ҳаммамиз биламиз.
Ҳудудларда аҳолига истеъмол гази етказиб бериш масаласи қай даражада ачинарли эканлиги ҳақидаку, гапирмаса ҳам бўлади, буни ҳам ҳамма билади.
Энг муҳим жойи ҳам аслида шу – буларни ҳаммамиз биламиз. Оддий халқ ҳам, тепадагилар ҳам. Бу кутилмаган форс-мажор ҳолат эмас. Декабрда шунақа ҳолат бўлиши олдиндан барчага маълум, ҳар йили бу такрор ва такрор бўлаверади.
Аммо буни бартараф этиш учун зиғирча иш қилинганини билмаймиз. Наҳотки шу соҳанинг тепасида шунақа муаммоларни ҳал қилишга ақли етадиган салоҳиятли мутахассислар йўқ? Ёки улар ҳам катта манфаатлар ўйини олдида ожизмикин...
Бу ижтимоий соҳа бўлса ҳам майли эди, “пул йўқ, фойда йўқ, ойликлар паст” деб баҳона қилсак. Ахир нефть-газ соҳаси миллионлаб доллар даромад оладиган “ёғли” соҳалардан бирику. Балки энг “ёғли”сидир, ким билсин. Узоқ йиллар давомида айримлар фақат “халқум, халқум” деявермасдан, озгина “халқим” деб ҳаракат қилганида, балки бугун бунақа муаммолар бўлмасмиди...
Тасаввур қилинг, ҳар куни минглаб куч-қувватга тўлган фуқароларимиз (деярли барчаси эркаклар) умрининг маълум бир қисмини шунчаки навбатларда туриб ўтказиб юбормоқда. Улар мана шу бир неча соат ичида аслида фойдали иш билан шуғулланиши, оиласини боқиши учун пул топиши, давлатга солиқ тўлайдиган даромад олиши ва алал-хусус жамият ривожига ҳисса қўшиши мумкин эди.
Аммо улар километрларга чўзилган навбатларда шунчаки вақтини ўлдиришмоқда. Бу мамлакат иқтисодиётига қай даражада даҳшатли зарар олиб келишини наҳотки билишмаса?! Балодай билишади, билганда қандоқ...
Ўзи шундоқ ҳам инсон ресурслари етмаётган бир пайтда минглаб алп йигитларни навбатга турғизиб қўядиган тизим яратувчиларида заррача виждон бормикин?
Биз қанақа кўрмиз ўзи, ҳар йили ҳассамизни йўқотаверамизми?
👉 @xushnudbek 👈
-
2019-12-03 05:15:46+00:00
Келгуси йили информатика фанидан тест саволлари бўладими?
Айрим Телеграм каналларида келгуси йили информатикага алоқаси бор йўналишларда информатика фанидан алоҳида блок қўшилиши ҳақида хабарлар тарқалди. Мазкур хабар қанчалик тўғри?
ДТМ вакиллари билан боғланиб, ушбу масалага ойдинлик киритдим. Маълум қилинишича, келгуси йили информатика фани алоҳида блок бўлиши ҳақидаги хабарлар нотўғри. Келгуси йилда информатика фанидан саволлар бўлмайди.
Унда нима учун ДТМ сайтида тасдиқланган дарсликлар рўйхатида информатика фанидан ҳам дарсликлар кўрсатилган?
Бунинг сабаби шундаки, ҳарбий ОТМларда эски тартиб ҳалигача сақланиб қолган. Яъни ҳарбий йўналишдаги ОТМларда тестда 36 та савол тушади, математика блокидан 6 та савол информатика фанидан бўлади. Шу сабабли ДТМ сайтида информатика фанидан ҳам дарсликлар рўйхати эълон қилинган.
Агар Сиз ҳарбий ОТМга топширмасангиз, унда иккиланиб ўтирманг, тестда информатика фанидан саволлар бўлмайди, дейишмоқда расмийлар.
👉 @xushnudbek 👈
-
2019-12-02 15:23:28+00:00
2020 йилги тест саволлари тузиладиган дарсликларнинг
УМУМИЙ РЎЙХАТИ
Кўпчилик ДТМ сайтидан дарсликлар рўйхатини олишда муаммога дуч келаётгани учун, умумий рўйхатни битта файлда каналга жойлаяпман.
💾 PDF, 739 кб.
Абитуриентларга оид бошқа хабарлар:
👉 @xushnudbek 👈
-
2019-12-02 11:08:34+00:00
Талабалар учун қишки таътил қачон бошланади?
Ёдингизда бўлса, аввалроқ 22 декабрь куни бўладиган сайловлар муносабати билан талабалар учун қишки таътил даври 20 декабрдан 6 январгача деб белгиланиши кутилаётгани ҳақида хабар берилган эди.
Аммо ҳалигача бу расман аниқ бўлмади. Талабалар томонидан “таътил кунлари қачон аниқ бўлади”, деган саволлар жуда кўп берилмоқда.
Ростини айтсам, қачон аниқ бўлишини билмайман. Мендаги маълумотларга кўра, талабаларни қишки таътилга вақтлироқ юбориш ҳақида давлат раҳбаридан рухсат олинган. Ҳозирча бу бўйича Вазирлар Маҳкамасининг баёни чиқишини кутишмоқда. Балки талабалар учун қишки таътилга кетиш даврида самолёт ва поездларга чегирмалар берилишини инобатга олиб, баён чиқиши чўзилаётгандир, ким билсин.
Лекин 99,9% эҳтимол билан, қишки таътил вақтлироқ бошланади. Яъни 19 декабрь - охирги ўқиш куни, 6 январь - биринчи ўқиш куни бўлади.
👉 @xushnudbek 👈
-
2019-12-02 05:50:33+00:00
Хўжакўрсин
Кеча, 1 декабрь куни, Ахборот технологиялари ва коммуникацияларини ривожлантириш вазирлиги IMEI-кодлар ҳақида баёнот берди.
«Aйни кунларда мобил қурилмаларининг IMEI-кодини рўйхатдан ўтказиш масаласи, ОАВларда кенг ёритиб борилмоқда. Шундай бўлсада, ҳар бир фуқаро учун муҳим бўлган ушбу тизим ҳақида кўплаб саволлар юзага келмоқда. Шуни эътиборга олиб IMEI-код (ҳақида) энг кўп берилаётган долзарб саволларга яна бир бор ойдинлик киритамиз», - дейилади вазирлик ахборотида.
Лекин ахборотни ўқисангиз, ҳеч ҳам долзарб саволларга жавоб берилмаган. Балки шундоқ ҳам ҳамма биладиган маълумотлар, яъни IMEI-код нима, уни қандай аниқлаш мумкин, рўйхатдан ўтказиш учун қаерга мурожаат қилиш керак, қанча тўлов тўлаши керак ва ҳ.к.
Аммо менинг постимдаги ва бошқалар берган асосий саволларга жавоб берилмаган. Бошқача айтганда бу ахборот шунчаки хўжакўрсинга эълон қилинган. Сабаби АОКА давлат ташкилотлари томонидан барча танқидий мақолаларга муносабат билдириш кераклигини назорат қилмоқда. Вазирлик эса IMEI-кодлар ҳақидаги танқидий постларни мана шу хабар билан ёпмоқчи шекилли. “Жавоб бердимми, бердим” деган принцип.
Аммо бунақа ахборотлар халқнинг устидан кулишдан бошқа нарса эмас. Нега дейсизми? Сабаби вазирлик сайтида “IMEI” деб қидирувга бериб кўрдим. Чиққан жавоблардан шуни билдимки, вазирлик шу пайтгача бирор марта, ҳа, ҳа, бирор марта IMEI-кодларини қандай рўйхатдан ўтказиш мумкинлиги ҳақида тушунтириш бермаган экан. Илк марта бундай ахборотни кеча, яъни 1 декабрда берибди. Унгача берилган хабарларда шунчаки янги тизим мақсади ва матбуот анжуманлари ҳақида маълумот бор холос.
Энди ўзингиз айтингчи, 8 ой давомида рўйхатдан ўтказиш бепул бўлганда ахборот бермасдан, айнан пулли бўлган куни вазирликнинг бу ҳақида маълумот бериши халқнинг устидан кулиш эмасми? Нима, улар атайин пулли бўлиш кунини кутишдими? Ажойиб, жуда ажойиб!
Ахборот ва оммавий коммуникациялар агентлигидан илтимос қилмоқчи эдимки, айни шу масалада вазирлик ва бошқа масъул мансабдорлар матбуот анжумани ўтказишсин. Масала жуда долзарб ва бизнинг кўплаб саволларимиз бор. Кечагига ўхшаган хўжакўрсин ахборотлар бизни қаноатлантирмайди. Имкони бўлса, шахсан вазирнинг ўзи қатнашсин. Ахир бу миллионлаб фуқароларга бевосита дахл қилувчи қарорку. Вазир миллионлаб фуқаролар учун вақт ажратмаса, нима қилиб вазир бўлиб ўтирибди?
Калаванинг учи
Вазирлик сайтидаги қидирувларим пайтида қизиқ бир хабарга кўзим тушди. 2017 йилда эълон қилинган ушбу ахборотда айнан IMEI-кодларни рўйхатдан ўтказиш режалаштирилаётгани ва бундан кўзланган мақсадлардан бири «маҳаллий мобил қурилма ишлаб чиқарувчиларини қўллаб-қувватлашга, маҳсулот ишлаб чиқариш кўлами ва сифатини оширишга замин яратиш» эканлиги ёзилган экан. Ўзбекистонда маҳаллий телефон ишлаб чиқарувчи компания, бу – ARTEL!
Аҳааа, демак, бу янгиликни жорий этишдан мақсадлардан бири Artel компаниясини қўллаб-қувватлаш бўлган эканда? Демак, Artel телефонлари кўпроқ сотилиши учун халққа 50 минг сўмдан 100 минг сўмгача “солиқ” солинган эканда?
Аммо энг қизиғи 2019 йилга келиб бу ҳақида бирорта расмий манбада «маҳаллий ишлаб чиқарувчиларни қўллаб-қувватлаш» мақсади ҳақида ёзилмаяпти. Фақат ноқонуний савдо, жиноятчиликка қарши кураш, йўқолган телефоннинг топилишини айтишмоқда холос. Чунки халқнинг онгги 2017 йилдагидан анча ошди, энди улар бундай баёнотлардан фақат жунбушга келмоқда. Лекин касални яширсанг, иситмаси ошкор қилади.
Майлида, ҳар кимга Худо инсоф берсин. Бошқачасига ечим йўқ, менимча.
👉 @xushnudbek 👈
-
2019-12-02 05:13:17+00:00
Эзгу мақсаднинг ўзи етарлими?
Айрим ислоҳотларни кўриб, мақсад фойда келтириш эмас, балки халқни соғин сигирдек соғишмикин деб ўйланиб қолади одам.
Масалан, телефонларнинг IMEI-кодларини рўйхатдан ўтказиш тизимидан балки эзгу мақсадлар кўзлангандир, аммо уни амалга ошириш тартиби халқни қийнашдан нарига ўтмади. Жумладан:
Биринчидан, барча мобил қурилмаларни автоматик рўйхатдан ўтказиш учун жуда қисқа вақт берилди. Гарчи ҳаммаёқда 1 апрелдан 1 ноябргача дейилган бўлсада, лекин аслида IMEI-кодларни рўйхатга олиш тартибини Вазирлар Маҳкамаси 17 сентябрда тасдиқлади. Яъни 1 ноябрь деган муддат халққа салкам октябрда маълум бўлди. ОАВларда асосий тарғиботлар ҳам октябрдан бошланди.
Бу дегани, халққа ишлатилмаётган телефони ёки иккинчи сим-картасини автоматик рўйхатдан ўтказиш учун тахминан 1 ой вақт берилди. Бу ноинсофлик!!!
Иккинчидан, 1 ноябрдан ариза орқали рўйхатдан ўтишда жуда кўплаб муаммолар пайдо бўлмоқда. Айниқса, 2 та сим-картали телефон ишлатадиган жуда кўпчилик янгиликлардан кеч хабар топганининг эвазига (тайинли тарғибот ҳам қилишмади) ҳозир боши қотган.
Сабаби 1 ноябрдан кейин иккинчи слотни рўйхатдан ўтказиб бўлмаяпти, гарчи 1та IMEI-код базада бўлса ҳам, рад жавоби келмоқда. Рўйхатдан ўтиш учун хорижга чиқиб келиш керак эмиш. «Ҳеч бўлмаса Қозоғистонга чиқиб келинг, кейин рўйхатдан ўтказамиз» дейишмоқда.
Бу нима аҳмоқгарчилик??? Нега бу ҳақида аввал огоҳлантиришмаган?
Учинчидан, рўйхатдан ўтказиш рад этилаётганига сабаб — божхонани четлаб ўтиб, яширин йўллар билан олиб кирилгани бўлса, унда нега бунинг жабрини халқ тортиши керак? Чегарачилар, божхоначилар ёки яширин йўлларга шароит яратиб берган коррупционерларга ҳеч нарса бўлмасдан, яна оддий халқ сарсон бўлиши керакми?
Ахир ўша телефонларни пешона тери билан топган пулларига расмий ишлаб турган дўконлардан сотиб олишганку. Нега шунча пайт дўконларда ноқонуний телефонларни сотишга йўл қўйганлар жазоланмасдан, жабрдийда халқ товон тўлаши керак? Нима учун??? Нима учун???
Тўртинчидан, хўп, бўлар иш бўлди, дейлик. Энди нима қилиш керак? Муаммони ечиш учун бирор қонуний ечим борми? Минглаб фуқаролар рўйхатдан ўтказиш учун хорижга чиқиб кела олмайди барибир. Халққа безбетларча «четга чиқиб келинг, йўқса иложи йўқ» демасдан бирор ечим бермайсизларми?
Бешинчидан, биламизки 1 декабрдан рўйхатдан ўтказиш пуллик бўлади. Майли, текин бўлсин демайман, аммо нега нарх бунчалик қиммат? Бирор асоси борми? Шунчаки 1та кодни тармоққа киритиб қўйиш учун 44 минг 600 сўм олишга уялмайсизларми?
Боз устига, агар телефон 2та сим-картали бўлса, унда ҳар бири учун алоҳида тўлов қилинади, демак 89 минг сўм бўляпти. 30 кундан ўтиб рўйхатга олинса, 110 минг сўм бўлади. Нега 10 минг сўм эмас, нега 20 минг сўм эмас? Халқни жуда бооооооой деб ўйлайсизлар шекилли? Пуллари ошиб-тошиб кетяпти, қаерга қўйишни билмаяпти, дея тасаввур қиласизларми?
Халқ тўлаётган солиқлар қаёққа кетяпти унда? Бу тизимдан мақсад халққа фойда бўлиш дейишмоқда, ахир фойдали тизимлар ишлаб чиқиш давлатнинг мажбурияти эмасми? Бизнинг солиқларни шунинг учун оляпсизларку. Халққа икки марта солиқ солиш (ва қиммат солиқ) инсофсизлик ахир!
Халқ соғин сигир эмас, шуни унутиб қўймайлик, илтимооооос...
Ноябрь ойи деярли тугади. Аммо соҳа мутасаддилари юзага келган муаммоларни ечиш учун зиғирча ҳаракат қилмади, халққа тушунтириш бермади, тарғибот олиб бормади. «Нега рад қилинганини билмадим, бу муаммо сеники, менга нима» деган принципда иш олиб борилди. 1 кун ўтиб эса, рўйхатга олиш пуллик бўлади. Халқ яна пул тўлашни бошлайди...
Тўлайверади, тўлайверади, тўлайверади...
👉 @xushnudbek 👈
-
2019-12-02 04:44:39+00:00
Адлия вазири матбуот котиби Севара Ўринбоева ўзининг Телеграм каналида вазирлик томонидан инсон ҳуқуқларини ҳимоя қилиш йўналишида амалга оширилган ишлар тўғрисида видео-баёнот берибди.
https://t.me/SevaraJournalist/216
-
2019-12-01 15:56:17+00:00
#Chegarasiz
Ёшлар иттифоқидан яна бир муваффақиятли ижтимоий ролик!
Танишинг, «Чегерасиз» лойиҳасининг навбатдаги қаҳрамони — Mаҳлиё Ўроқова, 15 ёш, мактаб ўқувчиси. «Ёш китобхон 2018» танлови ғолиби.
Mаҳлиё ҳар қандай оила фарзанди ўзининг тинимсиз меҳнати ва кучли иродаси орқали ҳаётда ғалаба қозона олиши мумкинлигини исботлади.
Фильм ҳаётий воқеаларга асосланган, ундаги барча қаҳрамонлар реал шахслар бўлиб, актёрлар жалб этилмаган.
Алишер Саъдуллаев бошчилигидаги жамоа ушбу лойиҳани бошлаганда, "кейинги сонларида кимларни чиқаришаркин, фақат жисмоний имконияти чекланган ёшлар ҳақида ролик қилинса, унча қизиқ бўлмай қолади", деб ўйлагандим. Лекин лойиҳанинг 3-сонини кўрдиму, беихтиёр «баракалла» деб юбордим!
Кўришни тавсия қиламан! Видеонинг сифатли форматдагиси мана бу ерда.
P.S.: Маҳлиё тимсолида болалигим эсимга тушиб кетди.
👉 @xushnudbek 👈
-
2019-12-01 06:05:47+00:00
1 декабрь - қорақалпоқ тили куни
Қорақалпоқлар ўзбекларни ўз оғам деган бўлса, ўзбеклар қондошим, жигарим, бовурим, деб айтиб келган. Бизлар катта бир дарахтнинг икки ажралмас томири, тақдири, қувончи, қайғуси бир бўлган ўзбек ва қорақалпоқ халқимиз!
Мана шундай қондош халқнинг юракка яқин тили – қорақалпоқ тили!
Сонша қатал сүргинлерде жоғалмай,
Бул күнлерге жеткениңе қайылман!
Қарақалпақ тилине мәмлекетлик тил бийлигиниң берилген күни мүбәрек болсын, әзиз туўысқан халқым, қарақалпақлар!
👉 @xushnudbek 👈