-
2019-04-30 17:46:47+00:00
Шавкат Мирзиёев Сурхондарё вилояти Музработ туманида
👉 @xushnudbek 👈
-
2019-04-30 16:00:45+00:00
Қинғир йўл билан ўқишга кирганларни ОТМдан четлатиш тартиби белгиланди
Ёдингиздами, каналим орқали бир қизиқ мавзуни кўтариб чиққан эдим. Яъни кириш имтиҳонларида қинғир йўл билан ўқишга кирган абитуриентларни уларнинг айби кейинчалик аниқланган тақдирда ҳам, талабаликдан четлаштириб бўлмаслиги, бунинг қонуний асоси йўқлиги ҳақида. Эсладингиз-а?
Кеча эълон қилинган Вазирлар Маҳкамасининг 360-сонли қарори билан ушбу масалага ҳам ойдинлик киритиб кетилибди.
Аниқроғи “Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисида”ги низомга қўшимча киритилди ҳамда талабани ОТМдан четлатишга асос бўладиган ҳолатлар рўйхати қуйидаги банд билан тўлдирилди:
«з) суд қарорига кўра кириш имтиҳонларида белгиланган тартибни бузганлиги аниқланганда (ушбу ҳолатда талабалар сафидан четлаштирилганлар талабалар сафига қайта тикланмайди);»
Менимча, ушбу бандни шарҳлашга эҳтиёж бўлмаса керак. Таклифимиз тўлиқлигича қабул қилинибди, ташаккур.
Айтганча, талабани ОТМдан четлатиш тартибига яна бир кичик ўзгариш киритилди, яъни эндиликда талаба ОТМнинг одоб-аҳлоқ қоидаларини бузган бўлса ҳам, уни талабаликдан четлатиш мумкинлиги белгиланди. Илгари мазкур бандда фақат ўқув интизоми ва ички тартиб-қоидалари саналган эди.
👉 @xushnudbek 👈
-
2019-04-30 14:00:41+00:00
Пропискани бекор қилиш ҳақидаги петиция тақдири нима бўлди?
Кўпчилик мендан Тошкент шаҳри ва Тошкент вилоятида доимий прописка режимини бекор қилиш тўғрисидаги «Менинг фикрим» порталига жойланган петициям тақдири ҳақида қизиқиб сўрамоқда. Шунга 2 оғиз изоҳ бермоқчиман.
Аввало порталда жамоавий мурожаат қолдириш тартиби ҳақида қисқача маълумот берсам:
1) фойдаланувчи id.gov.uz тизимидан рўйхатдан ўтиб, петициясини қолдиради;
2) дастлаб ушбу петицияни 5 киши қўллаб-қувватлаши талаб этилади. Муаллиф петиция линкини дўстларига юбориши мумкин;
3) 5 киши овоз бергандан кейин, петиция модератор кўригига юборилади. Яъни Олий Мажлис ҳузуридаги Қонунчилик муаммолари ва парламент тадқиқотлари институти томонидан экспертиза қилинади;
4) Модератор 15 кун ичида ёки петицияни оммавий эълон қилиши ёки рад этиши керак;
5) Оммавий эълон қилинса, 90 кун давомида овоз бериш амалга оширилади. Олий Мажлисга юборилиши учун 10 мингта овоз олиниши керак;
6) Етарли овоз тўпланса, 60 кун ичида Олий Мажлис кўриб чиқиб, тегишли қарор қабул қилади.
Мана шу қисқача иш тартиби. Энди менинг петициямга келсак. Юқорида айтилганидек, қолдирилган петиция 15 кун ичида экспертизадан ўтказилиб, ёки ижобий, ёки салбий хулоса айтилиши керак. Бу қоида Олий Мажлис Қонунчилик палатаси Кенгашининг ва Олий Мажлис Сенати Кенгашининг 2019 йил 2 февралда 2310-III/КҚ-503–III-сонли Қўшма қарори билан тасдиқланган низомнинг 23-бандида белгилаб қўйилган.
Лекин минг афсуски бу қоидага амал қилинмаяпти. Келинг, порталга кириб, эълон қилинган энг охирги 5 та петиция мисолида аниқ мисолларни кўриб чиқамиз.
Коммунал хизматлар учун тўловларни тўлиқ электрон шаклга ўтказиш ҳақида
Қолдирилган: 2 февраль
Эълон қилинган: 30 апрель
Экспертиза муддати: 87 кун
Кадастр йиғмажилди йўқолган ёки яроқсиз ҳолга келганда нусха олишни соддалаштириш ҳақида
Қолдирилган: 12 январь
Эълон қилинган: 17 апрель
Экспертиза муддати: 95 кун
Маҳаллаларда конструкторлик бюроларини ташкил қилиш ҳақида
Қолдирилган: 26 январь
Эълон қилинган: 16 апрель
Экспертиза муддати: 80 кун
“Жисмоний ва юридик шахсларнинг мурожаатлари тўғрисида”ги Қонунга ўзгартиш ва қўшимча киритиш ҳақида
Қолдирилган: 22 январь
Эълон қилинган: 10 апрель
Экспертиза муддати: 78 кун
Архив ҳужжатлари бўйича хизмат кўрсатиш тизимини тубдан такомиллаштириш ҳақида
Қолдирилган: 18 январь
Эълон қилинган: 10 апрель
Экспертиза муддати: 82 кун
Кўриб турганингиздек, порталда петициялар 2-3 ой давомида экспертизадан ўтказилмоқда. Қизиқ, низомда ёзилган 15 кунлик муддат ким учун унда?
Хуллас, мен петицияни 24 апрелда қолдиргандим. 15 кунлик муддатни ҳисобга олсак, 10 май куни аниқ жавобини айтишлари керак. Ёки петициямни оммавий овозга қўйиш, ёки асослантирилган ҳолда рад қилишлари шарт. Йўқса қонунбузилиш бўлиб қолади.
Майли, 10 майгача кутайликчи, бир гап бўлар. Балки эл қатори 90 кун атрофида жавоб олармиз, қонунчилик яна бир марта бузилса, нима бўпти...
Натижаси ҳақида каналим орқали қўшимча маълумот бераман, насиб қилса.
👉 @xushnudbek 👈
-
2019-04-30 12:20:14+00:00
Рақамлар жинниси эмасману, лекин кўпчилик қатори 7 рақамига ўзгача ихлосим бор. Бу скриншотни шунчаки эсдалик учун сақлаб қўйдим ))
7️⃣7️⃣7️⃣7️⃣7️⃣
-
2019-04-30 08:57:15+00:00
⚡️ Ҳарбий тавсияномага эга бўлган абитуриентлар ОТМга алоҳида квота бўйича қабул қилиниши мумкин
Энди уларнинг имтиёзи қолган абитуриентларга ҳалақит қилмайди!!!
Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг шунга оид қарор лойиҳаси жойлаштирилди.
https://regulation.gov.uz/uz/document/3278
Қарор лойиҳасига кўра, Қуролли Кучлари сафида муддатли ҳарбий хизматни ўтаган ва ҳарбий қисм қўмондонлигининг тавсияномасига эга бўлган абитуриентлар учун республика ОТМларнинг бакалавриатига ўқишга қабул қилишнинг давлат буюртмаси параметрлари доирасида алоҳида қабул квоталари ажратилади.
Каналга уланиш:
👉 @xushnudbek 👈
-
2019-04-30 07:01:05+00:00
Магистратурага қайси фанлардан имтиҳонлар бўлади?
#abituriyent
27.04.2019 йилдаги Вазирлар Маҳкамасининг 360-сонли қарори билан магистратура босқичининг кириш имтиҳонларига ўзгариш ва қўшимчалар киритилди.
Эндиликда фақат 2 та фандан имтиҳон бўлади: мутахассислик фани (100 баллгача) ва чет тили (50 баллгача).
Шунингдек, битирувчининг диплом иловасида қайд этилган ўртача ўзлаштириш кўрсаткичи ҳам қўшилади (100 баллгача).
Магистратурага ўқишга киришда энг кўп (максимал) тўпланиши мумкин бўлган балл — 250 ни ташкил этади.
Халқаро тан олинган чет тилини билиш даражаси ҳақидаги сертификат (TOEFL бўйича камида 72 ёки IELTS бўйича камида 5,5 балл, TestDaF (TDN3), CEFR бўйича камида В2) ёки Давлат тест маркази томонидан бериладиган Чет тилини билиш даражаси ҳақидаги В2 ёки С1 даражасидаги сертификат тақдим этганларга чет тилидан 50 балл қўйилади ва улар чет тилидан кириш синовида иштирок этмайди.
Бундан буён магистратура учун қуйидаги фанлардан имтиҳон бўлмайди:
- илмий ва илмий-педагогик ишларга қобилияти ҳамда қизиқишини аниқлаш мақсадида суҳбат;
- «Информатика ва ахборот технологиялари» фани бўйича;
- Ўзбекистонда демократик жамият қуриш назарияси ва амалиёти фани бўйича.
👉 @xushnudbek 👈
-
2019-04-30 04:30:35+00:00
⚡️Ажойиб янгилик! Энди мақсадли қабулга топшириш учун ўша ҳудуднинг дипломи талаб этилмайди
2017 йилдан бошлаб тиббиёт йўналишларида, кейинчалик аграр ва қишлоқ хўжалиши йўналишида ҳам мақсадли қабул асосида давлат гранти бўйича ўқишга қабул қилиш бошланган эди.
Илгари қоида бўйича, мақсадли қабулга топшириш учун фақат ўша ҳудуддаги коллеж-лицейда ўқиган бўлиши керак эди. Яъни навоийлик абитуриент Навоий вилоятига ажратилган мақсадли қабул учун даъвогарлик қилмоқчи бўлса, у албатта коллеж ёки лицейни Навоийда тугатган бўлиши шарт эди. Бундай тақиқ бирмунча кулгили чекловларни келтириб чиқарар эди. Масалан, андижонлик абитуриент Фарғона тиббиёт коллежида ўқиган бўлса, унда у на Андижон бўйича, на Фарғона бўйича мақсадли қабулга топшира олар эди. Бундай вазиятда абитуриент шунчаки тиббиёт йўналишида давлат грантида ўқиш ҳуқуқидан автоматик маҳрум бўлиб қолар, фақат контрактга даъвогарлик қила олар эди.
Ниҳоят 27.04.2019 йилдаги Вазирлар Маҳкамасининг 360-сонли қарори билан мақсадли қабулга қўйилган ушбу тақиқ бутунлай бекор бўлди.
Бу нима дегани?
Эндиликда муайян ҳудудда доимий яшайдиган (паспортдаги маълумот бўйича) исталган абитуриентлар, улар қайси ҳудудда таҳсил олганидан қатъи назар, мақсадли қабулга даъвогарлик қила олади. Масалан, андижонлик абитуриент Фарғонада ўқиганми, Тошкентда ўқиганми, Самарқандда ўқиганми, фарқи йўқ, энди у Андижон учун ажратилган мақсадли қабулга топшира олади.
Демак, бундай буён давлат грантига кириш учун барчада бирдек имконият пайдо бўлади.
👉 @xushnudbek 👈
-
2019-04-30 03:30:27+00:00
Россиядаги 26та ОТМ талабалари ўқишини Ўзбекистонга имтиҳонсиз кўчириши мумкин
27.04.2019 йилдаги Вазирлар Маҳкамасининг 360-сонли қарори билан талабалар ўқишини кўчириш тартибига ҳам ўзгариш киритилди.
Хусусан, халқаро тан олинган ташкилотларнинг ОТМлар рейтингида биринчи 1000 талик рўйхатидан жой олган Россия Федерацияси ОТМларида таълим олаётган талабаларнинг аризаларига мувофиқ уларнинг ўқиши Ўзбекистон ОТМларига синовларсиз, яъни тест, ёзма ишсиз тўлов-контракт асосида кўчирилиши белгиланди.
Демак, янги тартибга кўра, эндиликда TOP-1000 дан жой эгаллаган Россиядаги ОТМларда таҳсил олаётган талабалар ҳеч қандай тўсқинликларсиз, қўшимча имтиҳонлар топшириб ўтирмасдан, шунчаки ариза бериш орқали ўқишини юртимизга кўчиришлари мумкин.
«Россиядаги қайси ОТМлар TOP-1000 таликка кирган?» деган савол кўпчиликни қизиқтириши табиий албатта. Шуни инобатга олиб, бизда тан олинадиган QS, ARWU ва THE халқаро рейтингларида кучли 1000 таликка кирган Россия ОТМлари рўйхатини шакллантириб чиқдим. Унга кўра, Россиянинг қуйидаги 26 та ОТМларидан ўқишни имтиҳонсиз кўчириш мумкин бўлади:
1. Bauman Moscow State Technical University
2. Far Eastern Federal University
3. Higher School of Economics (HSE University)
4. ITMO University
5. Kazan (Volga region) Federal University
6. Lobachevsky State University of Nizhni Novgorod
7. Lomonosov Moscow State University
8. MEPhI (Moscow Engineering Physics Institute)
9. Moscow Institute of Physics and Technology (MIPT / Moscow Phystech)
10. Moscow State Institute of International Relations (MGIMO University)
11. Moscow State University
12. Novosibirsk State Technical University
13. Novosibirsk State University
14. Peter the Great Saint-Petersburg Polytechnic University
15. Plekhanov Russian University of Economics
16. RUDN University
17. Saint Petersburg State University
18. Samara National Research University (Samara University)
19. Samara State Aerospace University
20. Saratov State University
21. Southern Federal University
22. The National University of Science and Technology MISIS
23. Tomsk Polytechnic University
24. Tomsk State University
25. Ural Federal University - UrFU
26. Voronezh State University
Маълумот ўрнида: юқоридаги рўйхат ҳар йили қайта тасдиқланади (кўпайиши ёки камайиши мумкин).
👉 @xushnudbek 👈
-
2019-04-29 15:09:02+00:00
Абитуриентлар диққатига!
Вазирлар Маҳкамасининг Олий таълим муассасаларига ўқишга қабул қилиш, талабалар ўқишини кўчириш, қайта тиклаш ва ўқишдан четлаштириш тартиби тўғрисидаги низомларни тасдиқлаш тўғрисидаги қарорига ўзгартириш ва қўшимчалар киритилди (360-сон, 27.04.2019 й.). Бу ҳақда «Ҳуқуқий ахборот» канали хабар бермоқда.
Киритилган қўшимчаларга мувофиқ, турк тилини чет тили сифатида ўқиган абитуриентлар ҳам мазкур тилдан кўп балли баҳо тизими бўйича имтиҳон топширадилар.
Эндиликда ОТМларга ҳужжат топширишда 086-У-шакл бўйича тиббий маълумотнома талаб қилинмайди.
Қуйидагилар ОТМларга қўшимча давлат грантлари асосида имтиҳонсиз ўқишга қабул қилинувчилар қаторига киритилди:
• Наманган вилояти Тўрақўрғон туманидаги Исҳоқхон Ибрат номидаги хорижий тилларга ихтисослашган мактаб-интернатни аъло баҳоларга битирган битирувчилар бакалавриатнинг хорижий тил ва адабиёт, филология ва тилларни ўқитиш йўналишларига;
• ҳар бир ҳарбий қисмдан биттадан ёш ҳарбий хизматчи, қисм қўмондонлиги ва Ўзбекистон ёшлар иттифоқи бошланғич ташкилоти тавсияномасига асосан.
Шунингдек, киритилган қўшимчалар билан сиртқи таълим шаклига ўқишга қабул қилиш тартиби белгиланди:
• сиртқи таълимга ҳужжатлар 1 июлдан 30 июлгача қабул қилинади;
• кириш имтиҳонлари 16 августдан 25 августгача камида 3 та фандан ўтказилади;
• ёзма имтиҳонлар шифрланган ҳолда текширилади;
• имтиҳонлар бакалавриат таълим йўналишларига мувофиқ келувчи 3 та фандан тўпланиши керак бўлган максимал 189,0 баллдан, ҳар бир фаннинг ўрнига қараб унинг учун ажратилган энг кўп баллнинг 0 дан 100 фоизгача бўлган оралиқда баҳоланади;
• натижалар имтиҳондан кейин 1-3 кунда таълим муассасасининг расмий сайтида эълон қилинади.
Шунингдек, магистратурага киришда қуйидагилар бекор қилинди:
• магистратурага кирувчиларнинг илмий ва илмий-педагогик ишларга қобилияти ҳамда қизиқишини аниқлаш мақсадида танланган мутахассисликка мос саволлар асосида суҳбат;
• “Информатика ва ахборот технологиялари” фани бўйича синов;
• Ўзбекистонда демократик жамият қуриш назарияси ва амалиёти фани бўйича синов.
Магистратурага ҳужжат топширганларнинг TOEFL бўйича камида 72 ёки IELTS бўйича камида 5,5 балл бўлганида улар чет тилидан кириш синовида иштирок этмайди. Илгари бу натижалар TOEFL бўйича камида 58 ва IELTS бўйича камида 5 балл бўлиши керак эди.
Ўқишини баҳорги семестрга қайта тиклаш бўйича ариза топшириш ҳар йили 15 январдан 25 январгача давом этади. Илгари 20 декабрдан кейинги йилнинг 20 январига қадар эди.
👉 @xushnudbek 👈
-
2019-04-29 04:23:13+00:00
#Эслатма
Ўзбошимчалик билан қурилган иморатларни қонунийлаштириш бўйича бир марталик умумдавлат акцияси якунланишига 2 кун муддат қолди.
Ўзбошимчалик билан қурилган иморатларга мулк ҳуқуқини олиш учун иморат жойлашган ҳудуддаги Давлат хизматлари маркази орқали туман (шаҳар) ҳокимининг номига ариза берилади.
Аризага қуйидагилар илова қилинади:
- мурожаат этувчининг паспорти нусхаси;
- мурожаат этувчининг оила аъзолари ҳақида ҳамда ер участкасига эгалик қилган муддатлари ва иморат қурилган вақт тўғрисида фуқароларнинг ўзини ўзи бошқариш органларининг маълумотномалари.
Мурожаат этувчидан бошқа маълумотларни, шунингдек, бошқа ҳужжатларни тақдим этишни талаб қилиш тақиқланади.
Аризани кўриб чиқиш учун энг кам иш ҳақининг 5 баравари миқдорида бир марталик йиғим (1 013 650 сўм) ундирилади.
-
2019-04-28 14:22:39+00:00
Ўзбекистон халқ рассоми Акмал Нур асарлари кўргазмасига бордим.
«Кичик одамнинг катта сояси» деб номланган мана бу сурат эътиборимни тортди.
Ҳаётда ҳам шунақа ҳолатлар тез-тез учраб туради, айрим кичик лавозимдаги амалдорларнинг ваҳимаси бутун дунёни бузади.
👉 @xushnudbek 👈
-
2019-04-28 06:26:35+00:00
Нурсултон Назарбоев Пекинда Жеки Чан ва унинг ижодий жамоаси билан учрашибди.
Менимча, машҳур актёр яқин келажакда Қозоғистонда бирор фильм суратга олса керак.
P.S.: Жеки Чаннинг ашаддий мухлисиман.
👉 @xushnudbek 👈
-
2019-04-27 17:58:55+00:00
Президент Шавкат Мирзиёев Тошкентга қайтиб келди
Давлатимиз раҳбари "Бир макон, бир йўл" халқаро форумида иштирок этиш учун Хитойга амалий ташрифини якунлаб, Тошкентга қайтиб келди.
--
Президент Шавкат Мирзиёев вернулся в Ташкент
Глава нашего государства, завершив свой рабочий визит в Китай для участия в международном форуме "Один пояс, один путь", вернулся в Ташкент.
-
2019-04-27 17:00:24+00:00
ЙИҒИЛИШДАМАН
Ҳаловатсиз тун,
Йил кетди бутун,
Худо берган кун,
Йиғилишдаман.
Баҳорлаб, қишлаб,
Кеч қадар ишлаб,
Шом тилни тишлаб,
Йиғилишдаман.
Шам ўчмас хона,
Ғамгин, гирёна,
Кутманг жон, Она,
Йиғилишдаман.
Хотин қоқиб сим,
Дер «Кундошим ким?»,
Дейман, «Бўлди, жим»,
Йиғилишдаман.
Пахта важ кузда,
Шудгор деб музда,
Манглайим тузда,
Йиғилишдаман.
Фарзандим бетоб,
Тортар изтироб,
Мен падар бу тоб,
Йиғилишдаман.
Бўларми шунча,
Гул бўлди ғунча,
Чўзилди бунча,
Йиғилишдаман.
Оч қолдим ёмон,
Додлар ошқозон,
Шом ботди ҳамон,
Йиғилишдаман.
Ҳар ой, ҳар сана,
Такрор ва яна,
Бугун ҳам мана,
Йиғилишдаман.
Уйга қайтиб тун,
Йил кетди бутун,
Тангри берган кун,
Йиғилишдаман.
Муаллифи номаълум экан
👉 @xushnudbek 👈
-
2019-04-27 13:52:00+00:00
⚡️Абитуриентлар учун янгилик
2019 йилги тест синовларида жавоблар варақаси ҳар бир абитуриент учун махсус («именной») чиқарилиши режалаштирилмоқда.
Яъни жавоблар варақасида абитуриентнинг исм-шарифи, тест куни, тест топширадиган ҳудуди, биноси, гуруҳи ва ўтириш жойи ҳамда ID-коди кўрсатилади.
Каналга уланиш:
👉 @xushnudbek 👈
-
2019-04-27 07:29:20+00:00
"Бир макон, бир йўл" халқаро форуми иштирокчиларининг суратга тушиш маросими.
--
Церемония фотографирования участников международного форума "Один пояс, один путь".
-
2019-04-27 05:00:27+00:00
Халқаро аэропортларда хизмат олиб бораётган давлат божхона хизмати органлари ходимларининг янги хизмат кийим-боши тасдиқланибди.
Сурат Термиз халқаро аэропортининг янги терминалида олинган.
👉 @xushnudbek 👈
-
2019-04-26 17:05:21+00:00
Шоҳ ва мот!
Эрталаб «Сувсоз» ҳақида ёзганларимиз айримларга, айниқса шу ташкилотда ишлайдиганларга ёқмаган эди ва бир қанча эътирозлар билдиришди.
Бироз аввал худди шу масала бўйича Ўзбекистон Республикаси Монополияга қарши курашиш қўмитаси Телеграм каналида баёнот билан чиқди. Уни тўлиғича эълон қиламиз:
«Ўзбекистон Республикаси Монополияга қарши курашиш қўмитаси ижтимоий тармоқларда «Тошкентда 24 апрелдан совуқ сув нархи ошди. «Сувсоз» бу ҳақда 25 апрель куни хабар берди» мавзусида 2019 йил 26 апрелда тарқалган хабарлар бўйича қуйидагиларни маълум қилади.
Ўзбекистон Республикаси “Табиий монополиялар тўғрисида”ги Қонунининг 7-моддаси ҳамда Вазирлар Маҳкамасининг 2010 йил 28 октябрдаги 239-сон қарори талабларида янги нарх (тариф)лар табиий монополия субъектлари томонидан улар кучга киришидан камида ўн беш кун аввал оммавий ахборот воситаларида эълон қилиниши белгиланган. Ўзбекистон Республикаси Монополияга қарши курашиш қўмитаси томонидан мазкур Қонун талаби доимий равишда назорат қилиб борилади.
“Сувсоз” ДУК томонидан махсус устама нархлари юзасидан оммавий ахборот воситаларида эълон берилмай, “Тошкент оқшоми” газетасининг 2019 йил 9 апрелдаги 57-сонида Тошкент шаҳар ҳокимлиги томонидан 2019 йил 2 апрелдаги “Тошкент шаҳрида ичимлик суви таъминоти ва канализация хизматлари тарифларига махсус устама ҳақ миқдорини белгилаш тўғрисида”ги 499-сонли қарори чоп этилганлиги корхона томонидан эълон берилган деб ҳисобланилган. Бу билан корхона томонидан Ўзбекистон Республикаси “Табиий монополиялар тўғрисида”ги Қонунининг 7-моддаси талабларига амал қилинмаган.
Юқоридагиларга мувофиқ, “Сувсоз” ДУК томонидан Тошкент шаҳрида ичимлик суви ва канализация хизмати тарифларига махсус устама ҳақ миқдорини белгилаш бўйича www.suvsoz.uz веб-сайт орқали 2019 йилнинг 25 апрелида истеъмолчиларга эълон берилганлигини инобатга олиб, амалга киритиладиган янги нарх (тариф, махсус устама)ларни мазкур эълон берилган санадан ўн беш кундан кейин, яъни 2019 йининг 10 майидан амалга киритилиши лозимлиги тўғрисида Қўмита томондан “Сувсоз” ДУКга тегишли кўрсатма берилганлиги маълум қилинади.
Қўмита кўрсатмаси “Сувсоз” ДУК томонидан бажарилмаган тақдирида корхонага нисбатан қонунчиликда белгиланган чоралар қўлланилиши билдирилади».
Баёнот тугади. Бўларкан-у!
👉 @xushnudbek 👈
-
2019-04-26 14:09:11+00:00
Жасур Умиров безорилиги учун 15 суткага қамалди
Ўзбекистонлик қўшиқчи Жасур Умиров ўз танишига таҳдид қилгани учун суд қилинди ва унга нисбатан маъмурий қамоқ жазоси белгиланди.
Кун.уз манбаси маълумотига кўра, Жасур Умиров 2018 йилнинг 18 ноябрь куни тунги соат 03:00ларда маст ҳолатда Ҳ.Қ.нинг хонадонига ўзининг «Каптива» русумли автомашинасида борган. Шахсий адовати бўлгани боис унинг дарвозасига бир неча марта автомашинасининг олди қисми билан урган. Дарвозага шикаст етказган, жабрланувчини ҳақоратлаган ва қўлидаги пичоқ билан қўрқитган.
«24 апрель куни Тошкент шаҳар Олмазор туман маъмурий суди томонидан 1986 йил Самарқанд вилоятида туғилган Жасур Умировга нисбатан Маъмурий жавобгарлик тўғрисидаги кодекснинг 183-моддаси доирасида суд иши кўриб чиқилди», манба маълумотида.
Судда Жасур Умиров айбига тўлиқ иқрор бўлган - ростан ҳам ўзи билан олиб юрадиган пичоғи билан танишини қўрқитиб ҳақоратлаганини тан олган. Сабаб сифатида ўзи ёқтирган қизни унга турмушга беришмаётганини кўрсатган. Лекин қилган ишидан афсусдалигини билдириб, суддан енгиллик сўраган.
Суд эстрада юлдузи Жасур Умировни МЖтКнинг 183-моддасида кўрсатилган ҳуқуқбузарликни содир этган деб топди. Унга 15 (ўн беш) суткалик маъмурий қамоқ жазоси тайинланди.
👉 @xushnudbek 👈
-
2019-04-26 13:46:28+00:00
Шавкат Мирзиёев БМТ Бош котиби билан учрашди
Давлатимиз раҳбари 26 апрель куни Пекин шаҳрида ўзи учун ажратилган қароргоҳда Бирлашган Миллатлар Ташкилоти Бош котиби Антониу Гутерриш билан учрашув ўтказди.
Учрашувда, жорий йил октябрь ойида Нукусда бўлиб ўтадиган Оролбўйида экологик инновация ва технологияларни ривожлантириш бўйича халқаро конференция якунида Ўзбекистон БМТ Бош Ассамблеясига ушбу ҳудудни «Экологик инновация ва технологиялар ҳудуди» сифатида эълон қилишга доир махсус резолюция қабул қилиш ташаббуси билан чиқиши режалаштирилгани таъкидланди.
Бундан ташқари, 2020 йилда Тошкент шаҳрида Озон қатламини емирувчи моддалар бўйича Монреал протоколини амалга ошириш масалаларига бағишланган халқаро конференция ўтказилиши қайд этилди.
👉 @xushnudbek 👈
-
2019-04-26 11:59:59+00:00
Ёшлар қабул қилинаётган қонунлар ҳақида биладими?
U-Report (Ю-Репорт) лойиҳаси ҳақида эшитганмисиз? Бу лойиҳа орқали ёшлар орасида турли мавзулар бўйича ижтимоий сўровномалар ўтказилади ва уларнинг фикрлари жамланади. Сўровномаларда қатнашиш учун @UreportUzbBot Телеграм ботига кириш кифоя.
Ўзбекистонда Ю-Репорт халқаро лойиҳаси ЮНИСЕФ, Ёшлар иттифоқи томонидан, Олий Мажлис Сенати ва Халқ таълими вазирлиги ҳамкорлигида амалга оширилаяпти.
Хуллас, шу лойиҳа Адлия вазирлиги билан ҳамкорликда ёшлар қай даражада қабул қилинаётган қонунлар ҳақида билишини тадқиқ қилиб кўрибди.
Сўровномаларда 3500 нафар иштирокчи қатнашган.
СЎРОВНИНГ АСОСИЙ ХУЛОСАЛАРИ:
1. Сўровда иштирок этган ёшларнинг 94% янги қонун ҳужжатлари ҳақида (ҳар доим, вақти-вақти билан ёки фақатгина уларга тегишли масалалар бўйича) маълумот олишга қизиқади.
2. Иштирокчилар томонидан қонунчилик ва янги қонунлардаги ўзгаришларнинг энг оммалашган манбалари деб Адлия вазирлигининг Телеграм каналлари (34%) ва Интернетдаги ОАВлар (22%) белгиланган.
3. Эркак респондентларнинг аксарияти Адлия вазирлиги ва LexUz (59%) расмий каналлари орқали янги қонунлар ҳақида маълумот олишни афзал кўрса, қизларнинг аксарияти эса (42%) ОАВлардан (интернетдаги ОАВ, телевидение, радио) маълумот олишар экан.
4. Турли ёш гуруҳлари янги меъёрий-ҳуқуқий ҳужжатлар тўғрисида ўзига қулай турли хил ахборот манбаларини кўрсатди: 14 ёшлилар учун блогерлар (20%), 15-19 ёшдагилар - ўқув муассасалари (16%), 20 ёшдан юқори бўлганлар учун – Интернет нашрлари ва телевидение. «Ижтимоий тармоқлар» сўров иштирокчиларининг барча ёш гуруҳлари орасида энг оммабоп ахборот манбаси сифатида эътироф этилди.
5. Иштирокчиларнинг фикрига кўра, янги қонунлар тўғрисидаги ахборотни тақдим этишнинг энг оммабоп 3 формати қуйидагилар: қисқача матнлар (45%), видеороликлар (31%) ва инфографика (жадваллар/расмлар) (19%).
6. Иштирокчиларнинг 62% "LexUz" ахборот-ҳуқуқий порталидан фойдаланишини айтиб ўтган. Шу билан бирга, эркаклар орасида иштирокчиларнинг фақат 29% порталдан фойдаланмаган, 4% эса бу нима эканлигини билмаслигини айтишди. Сўровнинг аёл иштирокчиларининг 41% эса порталдан фойдаланмаслигини, 11% LexUz ҳақида ҳеч нарса билишмаслигини айтган.
Ю-Репортёрлар қабул қилинаётган қонунчилик ташаббуслари ва ўзгаришлар ҳақида қаердан маълумот олишни исташади деган саволга қуйидаги жавоблар берилган:
1. Ижтимоий тармоқлар - 57%
2. Интернет нашрлар - 20%
3. ТВ - 10%
4. Таълим муассасаларида - 5%
5. Блогерлар - 3%
6. Мустақил равишда журналларда / брошюраларда ўқиш - 2%
7. Бошқа - 2%
8. Радио - 1%
Иштирокчилар Хушнудбек.уз каналини ҳам тилга олишибди, бундан бағоятда хурсандман ))
Сўровноманинг батафсил натижалари билан қуйидаги ҳаволада танишишингиз мумкин.
https://telegra.ph/Yoshlar-qabul-qilinayotgan-qonunlar-haqida-biladimi-Sorovnoma-natijalari-04-26
-
2019-04-26 11:18:37+00:00
«Сувсоз» сайтида янги хабар пайдо бўлди.
Унда айтилишича, Тошкент шаҳар ҳокимининг 2 апрелдаги қарори билан:
- ичимлик суви учун Тошкент шаҳар ҳокимининг 12.01.2018 йилдаги қарори билан 1 м3 учун 100 сўм миқдорида ўрнатилган махсус устаманинг амал қилиш муддати 2019 йил учун ҳам узайтирилибди;
- каназилация хизматларига эса 1 м3 учун 100 сўм миқдорида махсус устама белгиланибди.
Бу ҳақида 9 апрель куни «Тошкент оқшоми» ва «Вечерний Ташкент» газеталарида хабар берилган экан.
@davletovuz ёзганидай, «Сизлар бехабар бўлсангиз, бизнинг айб эмас», демоқчи «Сувсоз».
Қизиқ, унда ташкилотнинг расмий сайти нима учун керак? Мана шунақа муҳим хабарларни тезкорлик билан эълон қилиш учун эмасми? Ва асосийси нима учун шу гаплар кечаги хабарда ёзилмаган? Хуллас, «Сувсоз»нинг жамоатчилик билан ишлаш хизмати йўқ жойдан ташкилот учун яхшигина бошоғриқ олиб келди.
P.S.: Вазирлар Маҳхкамасининг 31.12.2013 йилдаги 355-сонли қарорига асосан, давлат ташкилотларининг расмий веб-сайтдаги ахборотлар давлат тилида тақдим этилиши керак.
«Сувсоз» хабарлари русча берилаётгани майли, ҳаттоки сайтнинг ўзбекча версиясини ҳам топа олмадим. Фақат битта – русча версияда экан, шекилли. Ўзбекчасини топганлар айтиб юборар.
Давлат тилида «гапиришни» ўрганинглар, керак бўлиб қолади.
👉 @xushnudbek 👈
-
2019-04-26 10:36:27+00:00
«Tashkent Law Spring» халқаро юридик форумида адвокатлар орасида ўтказилган танлов натижалари эълон қилинди.
Унга кўра, Қашқадарё вилояти «Protsessual kafolat» адвокатлик бюроси адвокати Каттабоев Сафар Ашурович «2018 йилнинг энг яхши адвокати» дея эътироф этилди. Ташкилотчилар Сафар Каттабоев ўзи қатнашган ишларда 10 дан ортиқ оқлов ҳукмлари чиқарилишига эришганини алоҳида таъкидлаб ўтишди.
Жиззах вилояти «Севинч» адвокатлик ҳайъати эса «2018 йилнинг энг яхши адовакатлик тузилмаси» деб топилди.
👉 @xushnudbek 👈
-
2019-04-26 07:38:27+00:00
Архив. Фото. 1 йил олдин.
2018 йилги Қуръон мусобақасининг олий ўрин соҳиби Йўлдошбек қори Нуриддинов билан.
-
2019-04-26 05:28:18+00:00
Қонунчиликни бузган ва истеъмолчилар устидан очиқчасига кулган «Сувсоз»
Кеча, яъни 25 апрель куни, «Сувсоз»ДУК сайтида бир хабар чиқди. Унда айтилишича, Тошкент шаҳри аҳолиси учун совуқ сув нархлари 24 апрелдан оширилибди. Зўр-а?! «Хабарингиз борми, кеча биз сув нархини ошириб қўйдик» демоқчи «Сувсоз».
Ундан ҳам зўрини айтайми? Совуқ сув нархини ошириш ҳақидаги Тошкент шаҳар ҳокимининг қарори 2 апрель куни чиқарилган экан. Ҳа, тўғри тушундингиз, «Сувсоз» бу хабарни истеъмолчилардан 23 кун давомида сир сақлабди. Зўрми?
Йўқ, йўқ, ҳали қизиқ воқеалар тугамади. Ундан ҳам зўр жойи, «Сувсоз» бугун ўз сайтидан кечаги хабарни ўчириб ташлабди. Ҳозир сайтга кирсангиз, совуқ сув нархи оширилиши ҳақидаги хабар йўқ! Қўрқоқлар!
Лекин ижтимоий тармоқларда хабарнинг скриншоти сақланиб қолган (фото Zed News).
Қонунчилик нима дейди?
Ишбилармон.уз каналида таъкидланишича, Вазирлар Маҳкамасининг 2014 йил 15 июлдаги 194-сон қарорининг 2-иловаси билан тасдиқланган «Истеъмолчиларга сув таъминоти ва оқова сувни чиқариш хизматлари кўрсатиш қоидалари»да шундай қоида белгиланган:
«119. Сув қувури-канализация хўжалиги (ИСКХ) ташкилоти қуйидагиларга мажбур:
ичимлик сув таъминоти ва оқова сувни чиқариш хизматлари тарифларидаги ўзгаришлар ҳақида улар амалда жорий қилинишидан 15 кун аввал оммавий ахборот воситалари ёки бошқа алоқа воситалари ёрдамида истеъмолчиларни хабардор қилиш;»
Лекин «Сувсоз» 15 кун олдин эмас, амалда жорий қилинганнинг эртаси куни хабар бермоқда.
Айтингчи, истеъмолчиларнинг устидан бу даражада кулиш мумкинми? Ҳа, мумкин.
Қачон? Қачонки сен Ўзбекистонда мутлоқ монополия бўлсанг, бўлди, истаган ишингни қилишинг мумкин. Ҳеч ким ғинг демайди.
Нари борса, интернетда халқ бироз минғир-минғир қилиши мумкин, лекин бунақа пайтларда хабарни ўчириб, секингина «бизга барабан» режимини ёқиб олсангиз кифоя, одамлар гапириб-гапириб, охири унутиб юборишади. «Ит ҳурар, карвон ўтар», нима дедингиз, а, лаббай?
Чунки Сиз, монопол ташкилот сифатида, жуда яхши биласиз. Халқнинг ҳар қандай норозилиги Сиз учун 1 тийин! Ахир хоҳлайдими, йўқми, улар Сизнинг маҳсулотингизни олишга, хизматингиздан фойдаланишга мажбур. Бошқа қаёққа ҳам борарди. «Чидасанг шу, чидамасанг катта кўча» деган шиорни сайтингизга ёзиб қўйишингиз ҳам мумкин-у, лекин сал истиҳола қилиб турибсиз холос.
Баракалла, «Сувсоз». Яшасин, монополия! Ура, ура, ура!
👉 @xushnudbek 👈
-
2019-04-25 17:52:28+00:00
Бу - шедевр!
Отанг айтди - онангга бор, онанг айтди - отангга бор.
Яхшиси, ҳеч кимга бормасдан, «Худога яқин бўлиб, дуо қилиб ётиш» керак 😄
P.S.: эътибор қилинг, ушбу хат Тошкент шаҳар ҳокимлигининг 28 мартдаги хатига жавоб сифатида 18 апрелда, яъни 21 кундан кейин юборилмоқда. 2 карра ШЕДЕВР!
👉 @xushnudbek 👈
-
2019-04-25 16:00:46+00:00
Рўйхатдаги талаба пастга тушадими?
Бу саволни ҳам кўпчилик бермоқда. Айтайлик, кира олмаган талаба апелляция ёки суд орқали ғалаба қозониб, талабаликка қабул қилинса, унда рўйхатдаги охирги талаба пастга тушиб, ўқишга кирмаган деб ҳисобланадими? Ёки контрактдаги талаба бюджетга ўтказилса, бюджет рўйхатидаги охирги талаба контрактга тушиб қоладими?
Бу саволларнинг жавобини қабул тўғрисидаги бирорта қарор ва низомларда учратмаганман. Яъни ушбу ҳолат қонунчиликдаги бўшлиқ ҳисобланади.
Шундай бўлсада, бу масала бугунги кунгача Давлат комиссияси баённомаси (протокол) орқали ҳал қилиб келинган. Аммо бу унчалик ҳам тўғри эмас, сабаби Давлат комиссиясининг баённомалари норматив-ҳуқуқий ҳужжат ҳисобланмайди. Эртага турли тушунмовчиликлар келиб чиқмаслиги учун бу ҳолат қонунчиликда аниқ ва батафсил қайд этилиши шарт.
Бирорта низомда аниқ қоидаларнинг йўқлиги Давлат комиссиясига исталган қарорни қабул қилиш учун шароит яратади. Масалан, бир вазиятда апелляциядан ютган абитуриентнинг ҳисобига рўйхатдаги охирги талабага «узр, Сиз кира олмадингиз» дейиш ҳам мумкин, бошқа бир вазиятда квоталар сонини яна биттага ошириб, рўйхатнинг охиридаги талабани сақлаб қолиш ҳам мумкин. Бундай тартиблар коррупцияга мойил механизм ҳисобланади ва максимал даражада қонунчиликда бундай бўшлиқларни бартараф этиш тавсия қилинади.
Энди бевосита судда ғалаба қозонилган иккала ҳолатларга келсак.
Айтайлик, Педиатрия институтига тавсия қилинган жиззахлик абитуриент шартнома асосида талабаликка тавсия этилди. Бунинг эвазига худди шу йўналишда охирги ўринда кирган ва аллақачон 8 ой ўқиб қўйган талабани четлатиш керакми? У тўлаб қўйган контракт пуллари қайтариб бериладими? У олган стипендияларчи?
Бугун талабага айланган абитуриент қанақа қилиб 8 ойда қолдирган дарсларини ўзлаштиради, бунинг бирорта тартиби борми? У шартнома пулини тўлиқ тўлайдими ёки фақат май ойи учун?
Ёки Тиббиёт академиясида контрактдан бюджетга ўтадиган талаба қизни олайлик. Бюджетга охирги ўринда кирган талаба контрактга ўтадими? Бюджетга ўтган қизга шартнома пули тўлиқ қайтариб бериладими ёки қисман? Қайси ҳуқуқий асосга кўра?
Яна бир томони, ўша бюджетда охирги ўриндаги талаба апелляция бера оладими? Чунки август ойида натижалар уни тўла қаноатлантирган ва шикоят қилиб ўтирмаган, лекин ҳозир унга «контрактга ўтасан» дейилса, балки унинг ҳам апелляцияси бордир? Балки ўша жин ургур 57-савол унга ҳам тушгандир? Ҳозир апелляция берса, унинг шикояти кўриб чиқиладими? Лекин Низомда апелляция бериш муддати 15 кун деб кўрсатилганку.
Кўряпсизми, саволлар жуда ва жуда кўп. Аммо бирортасига жавоб йўқ.
Эски гапларни яна бир марта такрорлашга мажбурман.
Мени бир нарса доим ҳайрон қолдиради.
Нима учун таълимга масъуллар йиллар давомида муаммо бўлиб келган масалаларни қонунчиликка киритмаган? Низомларга тегишли ўзгаришлар киритилмаган, ҳужжатлар такомиллаштирилмаган? Ахир суд орқали ғолиб чиққан абитуриентлар илгари ҳам бўлганку. Йиллар давомида бунақа муаммоларга шунчаки кўз юмилиб, ҳаммаси оғзаки ҳал қилиб келинаверган. Ҳеч ким «ҳой, бунинг ҳуқуқий асоси қаерда?» деб савол бермаган.
Майли, ўтган йиллар ўтиб бўлди, бу нарсаларни ҳеч бўлмаса энди тўғрилаш вақти келди, менимча.
👉 @xushnudbek 👈
-
2019-04-25 14:57:12+00:00
Чиройли табиат, чиройли тасвир!
Юртимизда шу кунларда Велоспорт бўйича Осиё чемпионати бўлиб ўтмоқда. Жаҳон миқёсидаги турнир учун Ўзбекистонга «Eurosport»нинг суратга олиш гуруҳи, шунингдек, Германиянинг «HD SCYCAM» ва Туркиянинг «SARAN» ва «KAMERATEKNIK» компанияларидан мутахассислар келишган.
Ўзбекистон тарихида биринчи марта спорт бўйича турнирларда Мудофаа вазирлиги томонидан тақдим этилган 2та вертолёт суратга олиш учун сафарбар этилган.
Видео: Uzreport
👉 @xushnudbek 👈
-
2019-04-25 12:01:13+00:00
Шавкат Мирзиёев 25 апрель куни “Дяоюйтай” қароргоҳида Халқаро валюта жамғармаси бошқарувчи директори Кристин Лагардни қабул қилди.
Жамғарманинг техник кўмаги туфайли янги солиқ сиёсати ва маъмуриятчилиги концепцияси ишлаб чиқилиб жорий этилгани, "Марказий банк ва валютани тартибга солиш тўғрисида"ги қонуннинг янги таҳрири лойиҳаси тайёрлангани, Ўзбекистон Давлат бюджети илк бор ўрта муддатли асосда ишлаб чиқилгани, мамлакатимиз ХВЖ статистика маълумотлари тарқатишнинг умумий тизимига қўшилгани ижобий баҳоланди.
Кристин Лагард ўзининг 2019 йил июнь ойига мўлжалланган Ўзбекистонга ташрифи давомида мулоқотни давом эттиришга умид билдирди.
👉 @xushnudbek 👈
-
2019-04-25 09:38:54+00:00
Ёғингарчилик туфайли юзага келган Тошкентдаги сув «тошқинлари»дан кейин @davletovuz каналида анча олдин эълон қилинган фикрларни биз ҳам яна бир бор эслатишга қарор қилдик, чунки бу мулоҳазаларнинг ҳалигача актуаллиги йўқолмаган:
«Курбановнинг фикрларига тўлиқ қўшиламиз
“Ҳар гал навбатдаги “сити” ҳақида ўқир эканман, барча коммуникациялар қурилганидан бери янгилангани йўқлиги ҳақида ўйлайман. Ёки кимдир бир марта бўлса ҳам навбатдаги сити учун электростанциянинг янги қуввати ишга туширилиши, сув ва канализация учун бир неча километрлик труба ётқизилиши режалаштирилаётгани ҳақида эшитганми? Нима учун ушбу йирик режаларда янги кабелларни, трубаларни ётқизиш, шаҳарни тозалаш қувватларини кенгайтириш, сувоқавани яхшилаш ҳақида ҳеч нарсани кўрмаймиз?
Бутун шаҳар бўйлаб бизнес-ситиларни қураяпмиз-у, лекин уларнинг таъминоти ҳақида умуман ўйламаймиз.
Ҳар бир навбатдаги 20-, 30-, 50-қаватли бино ушбу барча коммуникация тизимларини “зўриқтириш”да давом этади. Биз, Москва вилояти аҳолиси каби чиқиндилар, Дакка аҳолисидек ифлос шароитда қолиб кетамиз. Ўшанда айбдорларни излаш жуда кеч бўлади. Зато ҳар бир туманимизда сити бўлади.
Умуман, нега ҳеч ким шаҳарнинг ташқарисида қуришни исташмайди?! Тошкент атрофида бўш ер йўқми? У ерга хайвей қурсак бўлади-ку! (Дарқоқе, Раҳмонов ҳокимлигида янги қурилишлар учун шаҳарни Тошкент вилоятининг айрим туманлари (Қибрай, Янгийўл, Юқори Чирчиқ, Қуйи Чирчиқ, Зангиота ва Ўрта Чирчиқ туманлари йўналишида) ҳисобига 1.5 баробар кенгайтирилиши ҳақида режалар бор эди. Қурилишлар, қувватлар, инфратузилмалар шу янги ҳудудларда амалга оширилиши кўзда тутилганда. Орадан 1.5 йил ўтиб бу режалар буткул эсдан чиқарилди — таъкид бизники)
Албатта, ҳаммаси кундек равшан. У ерга биз тилга олаётган бутун бошли инфратузилмани олиб бориш керак. Шаҳарда эса ҳаммаси тайёр.
Аммо навбатдаги бизнес tower’дан шаҳарнинг ўта муҳим трассасига чиқинди чиқса, ўшанда, шак-шубҳасиз, айбдорларни излашни бошлаймиз".
P.S.: биринчидан, узоқ йиллар давомида Тошкент шаҳрида пропискани очмасликнинг сабабларидан бири сифатида айнан “пойтахтимизнинг коммуникация тизими вилоятликларнинг оқимига бардош бера олмаслиги”ни кўрсатиб келишди. Лекин шаҳар кварталларининг ичида бўй чўзаётган бир бало, бир бало хауслар на канализацияга, на инфратузилмага инвестиция киритмоқда. Бор бўшлиқни жадаллик билан эгаллаб олишаяпти. Бир сутка ёмғир ёғса, шаҳарни сув босиб кетаяпти.
Иккинчидан, нега аввал ҳеч қурса битта ситини битириб, кейин бошқасига киришилмаяпти. Бутун шаҳарни қишлоққа ўхшаб, қазиб ташлашга мунча шошилмасак? Қўрққанимиз — у ёки бу сабаб билан бу лойиҳалар ҳандақ босқичида тўхтаб қолмаса эди. Экология ҳақида. Кўриб турибмиз, чанг ёмғир ёғаяпти, чангдан нафас олаяпмиз. Ҳаракатдан бир думалаб партия бўлиб олган “яшиллар” вакиллари эса топшириқ бўлмагунча бу ҳақда сукут сақлашда давом этади.
Албатта, буларнинг барчаси ИМҲО».
👉 @xushnudbek 👈
-
2019-04-25 07:17:26+00:00
Айтишларича, “Tashkent Law Spring” халқаро юридик форумида Адлия вазирлиги томонидан ташкил этилган «Энг яхши корпоратив юридик хизмат» республика танловининг натижалари эълон қилинибди.
Унга кўра, қуйидаги ташкилотларнинг юридик хизматлари кучли учликни эгаллаган:
1-ўрин: «ЛУКОЙЛ Узбекистан Оперейтинг Компани»
2-ўрин: Ўзсаноатқурилишбанк;
3-ўрин: СамАвто заводи.
👉 @xushnudbek 👈
-
2019-04-25 06:50:44+00:00
Судда ютган абитуриентлар бўйича
Шу мавзуда бир нечта саволлар келиб тушмоқда, имконим борича бирин-кетин фикр беришга ҳаракат қиламан.
ДТМда ваколат борми?
Жиззахлик абитуриент воқеасида суд у белгилаган жавобни тўғри деб топди ва ДТМга унинг баллини қайта ҳисоблаш ҳамда уни Тошкент тиббиёт институтига талабаликка тавсия этиш мажбуриятини юклади.
Кеча хабар қилинган воқеада эса Тиббиёт академиясига шартнома асосида қабул қилинган талаба қизни бюджетга ўтказиш ҳақида қарор қабул қилинган.
Қизиқ томони шундаки Ўзбекистондаги қабул жараёни мураккаб схемадан ташкил топган. Кўпчилик билмаслиги мумкин, аммо ДТМ талабаларни ўқишга қабул қилиш, контрактдаги талабаларни бюджетга ўтказиш ваколатига эга эмас. Унинг вазифаси шунчаки тестни ташкил этиш ва абитуриентларнинг тест синовлари натижасини ҳисоблаб бериш, тамом.
Унда талабани қабул қилиш ваколати ОТМ ректоридами, деб сўрашингиз мумкин. Йўқ, ректорлар ҳам бундай ваколатга эга эмас. Ўшанчун ҳам қайсидир ректор “тест синовидан ўтказиб, талабаликка қабул қиламан” деб ваъда берган бўлса, унга фирибгарлик сифатида баҳоланади, чунки ректорлар қўлида тестдан ўтказиб қўйиш ваколати йўқ.
Агар на ДТМ, на ректорда бундай ваколат бўлмаса, унда абитуриентларни ўқишга ким қабул қилади?
Жавоб: Ўзбекистон Республикаси таълим муассасаларига ўқишга қабул қилиш бўйича Давлат комиссияси!
Таркиби Президент қарори билан тасдиқланадиган Давлат комиссияси коллегиал маслаҳат органи ҳисобланади. Айни мана шу комиссия ўқишга қабул қилиш, контрактдан бюджетга ўтказиш, ўқишга тиклаш, ўқишни кўчириш (перевод), супер-контрактга қабул қилиш ва бошқа кўплаб ваколатларга эга.
Қисқароқ қилиб тушунтирганда, абитуриентларни ўқишга қабул қилиш мана бу кетма-кетликда амалга оширилади:
1) Имтиҳон ўтказилади (тест, ижодий);
2) ДТМ якуний натижаларни ҳисоблаб, ОТМлар кесимида грант-контрактга ажратган ҳолда Давлат комиссиясига юборади;
3) Давлат комиссияси 2 хил мазмунда қарор қабул қилади:
а) давлат грантидаги абитуриентларни талабаликка қабул қилиш ҳақида;
б) контрактдагиларни эса талабаликка тавсия қилиш ҳақида.
Контрактдагилар дастлаб қабул қилинмайди, балки талабаликка тавсия этилади, қачонки шартнома пулини тўлагандан сўнг улар қабул қилинади.
4) Давлат комиссияси ўз қарорларини ОТМларга юборади;
5) ОТМ ректорлари шу қарорлар асосида худди шу мазмундаги (қабул қилиш ва тавсия этиш) ўз буйруқларини чиқаради.
Демак, юқоридагилардан кўринадики, судда ғалаба қозонган шахслар биргина ДТМ орқали ўқишга қабул қилинмайди ёки бюджетга ўтиб қолмайди. Бу масалада Давлат комиссиясининг қарорисиз ҳеч нарса ўзгармайди. Балки шунинг учундир, гарчи узил-кесил суд қарори 27 февралда чиққан бўлса ҳам, жиззахлик абитуриент ҳалигача талаба бўла олмади.
Тиббиёт академиясида ўқийдиган талаба қизни ҳам шу тақдир кутиб турган бўлиши мумкин, чунки гарчи у судда ғалаба қозонган бўлса ҳам, аммо ДТМ уни бюджетга ўтказиб қўйиш ваколатига эга эмас. Нари борса, натижасини қайта ҳисоблаб, Давлат комиссиясига юборади, бўлди. Уёғи нима бўлади, Худо билади.
Шу сабабли, ҳурматли абитуриентлар, ишни пухта қилиш керак. Судга бераётганда нафақат ДТМга, балки Давлат комиссиясига ҳам мажбурият юклаш тўғрисида сўраш керак. Йўқса, калаванинг учини топа олмай, қозиқ атрофида айланиб юраверасиз.
Ҳа, айтганча, баъзан ўқишга киритишни сўраб, ОТМ ректорларини судга берганлар ҳам учраб туради, бу мутлақо хато. Улар «не причём», ректорлар Сизни ўқишга киритиб қўя олмайди. Ҳаққини талаб қилиб, судлашиш яхши, лекин тўғри судлашиш бу - санъат!
👉 @xushnudbek 👈
-
2019-04-25 05:40:19+00:00
Ўзбекистон Президенти Хитой Раиси билан учрашди
Шавкат Мирзиёевнинг Хитойга ташрифи 25 апрель куни эрталаб Пекин шаҳрида Хитой Халқ Республикаси Раиси Си Цзиньпин билан учрашувдан бошланди.
Шавкат Мирзиёев Си Цзиньпинни ва мамлакат халқини яқинлашиб келаётган муҳим сана – Хитой Халқ Республикаси ташкил этилганининг 70 йиллиги билан муборакбод этди.
Давлатимиз раҳбари Ўзбекистон “Бир макон, бир йўл” ташаббусини тўлиқ қўллаб-қувватлаши ва унинг кенг кўламда амалга оширилишига амалий ҳисса қўшишга тайёр эканини таъкидлади.
Учрашув якунида Шавкат Мирзиёев Си Цзиньпинни давлат ташрифи билан Ўзбекистонга келишга таклиф этди.
👉 @xushnudbek 👈
-
2019-04-25 04:56:28+00:00
Канадада иш таклиф қилаётган фирибгарлар
Фарҳод Файзуллаев бу ҳақида каналида қуйидагиларни ёзиб қолдирди:
«Бир ойча аввал Телеграмдаги California Team каналида хабар тарқалди. Эмишки, Канададаги Pizzeria Libretto 15 нафар ҳамюртимизни пицца ташувчи сифатида чақираётганмиш.
Пиццерия соатига 10,25 доллар, кунига 150—200 доллар чойчақа берармиш. Бундай виза олиш учун аввал 9,5 млн сўм, виза чиққанидан кейин 69 млн сўм тўлаш керакмиш.
Бу эълонни кўришим билан менда шубҳа туғилди.
Биринчидан, Канаданинг иммиграцион стратегияси малакали инсонларни доимий яшашга жалб қилишдан иборат. Масалан, Россиядан фарқли ўлароқ, Канадага вақтинчалик, кам малака талаб этиладиган ишларга виза олиш деярли имконсиз.
Иккинчидан, пиццериянинг соатига 10,25 доллар тўлаши қонунга хилоф, чунки бу сумма минимал белгиланган қийматдан паст. Масалан, Онтариода компаниялар ходимларига соатига камида 14 доллар, Альбертада 15 доллар, Манитобада эса 11,35 доллар тўлаши шарт, ундан кам тўлаши мумкин эмас.
Учинчидан, виза олишдан аввал 9,5 млн сўм, олинганидан кейин 69 млн сўм тўлаш ақлга сиғмайди. Виза олиш имконсизлигини инобатга олсак, 69 миллионни унутсак ҳам бўлади. Аммо 9,5 млн сўм — бу 1500 Канада доллари демакдир. Бу пулга расмий рўйхатдан ўтган иммиграцион адвокат, масалан, Раҳмад ака Собиров ёрдамида визани ҳаракатини қилиш мумкин.
Ишқилиб, бу масалада дарҳол Раҳмад ака билан боғландим. Улар эса ўша пиццерия билан алоқага чиқди ва куни кеча Libretto'дан жавоб олди.
«Бизнинг компаниямиз номидан бундай фирибгарлик йўлида фойдаланилгани бизни ҳайратга солди», — дейилади пиццерия менежери Драго хонимдан келган имейлда. «Мен одамларнинг интилиш ва орзуларидан бундай ноҳолис йўлдан фойдаланишаётганидан жирканиб кетдим.»
Ишқилиб, пиццерия ҳеч қанақасига 15 кишини четдан олиб келмаётгани, улар пицца ташувчилар қидиришмаётганини таъкидлаган. Ушбу имейл матни менда бор ва унинг ҳақиқатан Libretto Pizzeria маъмурияти томонидан юборилганини кафолатлайман.
Қиссадан ҳисса шуки, юқоридаги ишга олиш ҳақидаги эълон сохта ва уни тарқатганлар (жуда катта эҳтимол билан) фирибгарлардир. 9,5 миллионни сарфлаганларга сабр тилайман ва уларни алдаганларни ички ишлар органларига топширишларини маслаҳат бераман.
Тилла тоғлар-у мўмай даромад таклиф қилишганда дархол ишониб кетаверманг, маълумотларни текширинг. Агар сизга Канадалик компания уй-жой қилиб бериши, овқат бепул беришини айтишса, ишонманг. Ҳеч қандай ишхона текинга уй-жой тайёрлаб бермайди.
Унутманг, Канадага тилни билмасдан кетишнинг иложи йўқ. IELTS ёки француз тилидан ҳалқаро сертификатсиз Канадага ишлашгаям, ўқишгаям, яшашгаям бориб бўлмайди. Шунчаки имконсиз.
Хулоса ўрнида
Сохта эълонни тарқатганларга маслаҳатим — унақа қилманг, пулингизни ҳалол топинг. Агар чиндан ҳам ўша пиццерия билан шартномангиз бўлса марҳамат, эълон қилинг».
P.S.: агар Сизга хориждан иш таклиф қилишаётган бўлса, мана бу ерда ёзилган маслаҳатларни ўқиб чиқишни ва агентликни текшириб олишни маслаҳат бераман.
👉 @xushnudbek 👈
-
2019-04-24 14:12:52+00:00
ДТМ яна битта судда ютқазибди, бу сафар контрактдаги талаба бюджетга ўтказилиши керак. Муаммоли тест саволи эса яна ўша!
Ёдингиздами бундан аввал Тошкент давлат педиатрия институтига топширган жиззахлик абитуриент судда ютгани ҳақида хабар берилганди.
Бу сафар яна бир талаба судда ғалаба қозонибди. Камола Ботирова 2018 йилнинг июлида Тошкент тиббиёт академиясига ҳужжат топшириб, шартнома асосида талаба бўлган эди. Лекин у давлат гранти асосида ўқиши кераклигига амин бўлиб, ДТМнинг апелляция комиссиясига шикоят билан мурожаат қилган. Лекин ДТМ ўтган сафаргидек, рад қилган. Талаба эса судга берган.
Юнусобод туман маъмурий судининг қарорига биноан, талаба ҳақ деб топилди ва ДТМга унинг натижаларини қайта ҳисоблаб, талабани бюджетга ўтказиш мажбурияти юкланди.
Бу воқеанинг бир қизиқ жойи бор. Иккала воқеада ҳам биология фанидан бир хил савол хато дея топилган. Мана ўша савол:
Озиқ занжирида видра (йиртқич ҳайвон), балиқлар, қисқичбақасимонлар ва сувўтлар бор. Учинчи тартиб консументларининг биомассаси 32 кг. бўлса, озиқ занжири барча компонентлари истеъмол қилган озиқнинг умумий биомассасини (кг.) аниқланг?
А) 35520;
В) 2800;
С) 35552;
D) 12852.
Вариантларнинг аҳволини қаранг! 2 та вариант бир-бирига шу даражада яқинки, хатто тест тузувчиларнинг ўзи ҳам тўғри жавобда адашиб кетган. Лекин қолган 2 та алтернатив жавоблар эса ер билан осмонча бир-биридан фарқ қилади.
Иккала вазиятда ҳам талабалар 35520 вариантини белгилаган, ДТМ эса 35552 ни тўғри деган. Суд мутахассисларни жалб қилиб, ушбу саволнинг тўғри жавобини 35520 деб топди.
Яна бир жуда ва жуда қизиқ томони — иккала вазиятда ушбу савол абитуриентларга 57-савол бўлиб тушган.
Энди бошқа савол: хўш, бу хато савол яна қанча абитуриентнинг бошига етган экан-а? Қанча абитуриентнинг апелляциясини ДТМ ноҳақ рад қилган экан-а? ДТМ рад қилгач, барча ҳам юрак ютиб судга боравермайдику, тўғрими? Ёки истиҳола қилади, ёки югур-югурни хушламайди. Лекин бу уларнинг ноҳақ эканлигини билдирмайдику.
Ўтган сафар воқеага ўз муносабатимни билдира туриб, тизимда ижтимоий адолатнинг йўқлигини айтгандим. Чунки судда нотўғри дея топилган тест саволи бошқа минглаб абитуриентларга ҳам тушган бўлиши мумкин, шу сабабли аслида мазкур саволни ечган ва 35520 вариантини белгилаган барча абитуриентларга балл қўшилиши керак, у апелляция берган ёки бермаганидан қатъи назар. Чунки ДТМнинг хатоси учун ўзгалар жабр чекмаслиги керак. Мана бу - идеал ижтимоий адолат бўлади!
Албатта бизнинг шароитда бу шунчаки хомхаёл, утопия. Ҳеч қачон бунақа қилишмаса керак, ортиқча бошоғриқ кимга ҳам керак. Лекин яна ҳам ким билсин, ҳеч қачон «ҳеч қачон» демагин дейишганку.
Судда ютиб чиққан абитуриентлар учун хурсандман!
👉 @xushnudbek 👈
-
2019-04-24 11:29:53+00:00
РАСМАН: «Иккинчи жаҳон уруши қатнашчиларини рағбатлантириш тўғрисида»
Ўзбекистон Республикаси Президентининг фармони
...
1. Иккинчи жаҳон уруши қатнашчилари ва ногиронларига 7 500 000 (етти миллион беш юз минг) сўм миқдорида бирйўла пул мукофоти белгилансин.
2. Мазкур Фармонни бажариш билан боғлиқ сарф-харажатлар Ўзбекистон Республикаси республика бюджети маблағлари ҳисобидан амалга оширилсин.
3. Ўзбекистон Республикаси Мудофаа вазирлиги, Ички ишлар вазирлиги, Давлат хавфсизлик хизмати Молия вазирлиги ва Марказий банк билан биргаликда Иккинчи жаҳон уруши қатнашчилари ва ногиронларига ушбу пул мукофоти тантанали ва байрамона вазиятда топширилишини таъминласинлар.
...
Ўзбекистон Республикаси Президенти Ш.Мирзиёев
Тошкент шаҳри, 2019 йил 23 апрель
👉 @xushnudbek 👈
-
2019-04-24 10:24:19+00:00
Уруш қатнашчиларига 7,5 млн сўм. Танқид қилинган Георгий лентаси
Иккинчи жаҳон урушида қозонилган ғалабанинг 74 йиллиги муносабати билан уруш фахрийларига бир марталик пул мукофотлари берилади.
Бош вазир раҳбарлигида ўтган селекторда айни вақтда ҳаёт бўлган 878 нафар фахрийларга 7,5 миллион сўмдан мукофот берилиши маълум қилинган.
Шунингдек, Бош вазир Георгий лентасини танқид қилган. Фейсбукда (ижтимоий тармоқларда) Ўзбекистон байроғи акс этган челленж уюштириш, бунда Шаҳзода, Райҳон каби санъаткорларни жалб этиш топшириғи берилган. Фақат эстрада вакиллари эмас, спортчилар, сўз усталари, зиёлилар ҳам бу акцияга қўшилиши кераклиги айтилган. Умуман, пропоганда машинасини тўла ишлатиш топшириғи берилган.
Бош вазир топшириғига кўра, миллий байроғимиз акс этган ленталардан 100 минг нусхадан зиёд чоп этилади, тарқатилади.
«Бу тадбир расмий тадбир эмас, меҳр билан, виждонан халқни бирлаштирадиган акция бўлиши керак», – деди Бош вазир А. Арипов.
👉 @xushnudbek 👈
-
2019-04-24 08:49:55+00:00
Кўп ишлар аслида кутилмаганда, тасодифан рўй беради. Масалан, бугун «Менинг фикрим» жамоавий мурожаатлар порталига масъуллардан бири портални кўпроқ тарғиб қилсак жамият учун фойдали бўлиши, ҳуқуқий инструментлар орқали кўзланган мақсадларга эришиш мумкинлигини айтиб қолди.
Шундан сўнг, портални қандай ишлашини текшириш мақсадида Тошкент шаҳри ва Тошкент вилоятида доимий прописка режимини бекор қилиш тўғрисида жамоавий мурожаат жойладим.
5 киши қўллаб-қувватлади, ҳозир экспертиза жараёнида, ҳали овозга қўйилмади. Ўша мурожаатга қолдирилган изоҳда айтилишича, бу каби петициялар модератор томонидан илгари рад қилинган экан.
Қизиқ, қайси асос билан? Агар шунақа петицияларни ўтказишмаса, унда бу порталнинг нима кераги бор? Амалда текинга тонировка қилишга рухсат сўраб, натижада 16 млн сўм ҳақ эвазига рухсат олишга эришиш учунми?
Кўрамиз, нима бўларкин. Менимча, рад қилишмаса керак.
👉 @xushnudbek 👈
-
2019-04-24 06:41:56+00:00
⚡️Ўзбекистон Республикаси Президенти Шавкат Мирзиёев Украина Президентлигига сайланган Владимир Зеленскийни сайловлардаги ишончли ғалабаси билан табриклади. Бу ҳақида ТИВ расмий маълумот берди.
Мактуб сўнгида давлатимиз раҳбари Зеленскийга мустаҳкам соғлиқ, хотиржамлик ва давлат ишларида муваффақиятлар, шунингдек украин халқига тинчлик ва фаровонлик тилаган.
👉 @xushnudbek 👈
-
2019-04-24 06:07:44+00:00
Болалар келажаги учун ҳисса қўшиш имкони Сизда бор, бундай имконни қўлдан бой берманг
(тома-тома кўл бўлур)
Илм-фан ривожи учун ўз ихтиёри билан маблағ ажратадиган ва моддий қўллаб-қувватлайдиган саховатпеша инсонлар меценат деб аталади.
Меценатлик ғарбда кенг тарқалган, масалан, тез-тез фалончи миллардер қанчадир миллионларини илмий грантлар учун сарфлагани ҳақида ўқиб қоламиз.
Лекин минг афсуски меценатлик одати бизда етарли шаклланмаган.
Тўйда энг нозик туйғуларини ҳаммага кўз-кўз қилиш учун Love Story тайёрлашга 2-3 минг доллар сарфлашга тайёр, лекин илм учун 2-3 минг сўм беришни ўзига эп кўришмайди.
Машинаси ёки телефонига чиройли рақам олиш учун 100 млн сарфлашга тайёр, лекин фарзандларининг келажаги учун 100 минг сўм беришга хасислик қилишади.
Аммо билингки, энг фойдали инвестиция, бу – болаларни ўқитиш учун сарфланган маблағлар!
Энди масалага кўчсам.
Яқинда «Khan Academy» электрон платформасини ўзбекчалаштиришга оид Вазирлар Маҳкамаси қарори лойиҳаси эълон қилинган эди.
Хан Академияси 2008 йил АҚШда ташкил қилинган бепул онлайн ўқув платформаси бўлиб, бугунги кунда 31 тилда фаолият юритади: https://www.khanacademy.org/
Сўнгги олти ойдан буён уни ўзбек тилига ҳам таржима қилиш ишлари бошланди. Бунинг учун “Билим онлайн” нодавлат-нотижорат таълим ташкилоти тузилди. Бу ташкилот ўз номи билан НОтижорий ташкилот саналади. Яъни фойда олишни кўзламаган. Қўйилган мақсадга тўкис етишиш учун ҳомийлик, хайрия маблағларига муҳтож.
Бу лойиҳани ишга тушириш учун Европа тикланиш ва тараққиёт банки 50 минг АҚШ доллари миқдорида грант ажратган. Аммо шарти бор: ташкилот бу грантни олиши учун белгиланган муддатда яна шунча миқдорда, яъни $50 минг халқдан хайрия ёрдамида пул тўплаши керак. Бошқача айтганда, шу лойиҳа халқнинг ўзига кераклигини исботлаши ва “бу фойдали лойиҳа”, дея пул ажратиши керак, шундагина халқаро ташкилот ўз грантини ажратади.
Муддат 4 май куни тугайди.
Ташкилотчиларнинг айтишича, 5 ой давомида атиги 9800 доллар йиғилибди, холос. Балки бунга тарғибот яхши йўлга қўйилмагани ҳамда ташкилотни расман рўйхатдан ўтказиш учун кўп вақт сарфлангани сабабдир. 4 майга қадар белгиланган миқдорда хайрия маблағи тўпланмаса, банк грантни бермайди.
Менимча, муддат қисқа бўлса ҳам, лекин ушбу лойиҳани қўллаб-қувватлашни истаган инсонлар кўмаги билан бемалол уддалай оламиз.
Ишонинг, мазкур лойиҳа ёшларимизнинг билим олишлари учун жуда фойдали. Болаларга билим беришни фақат давлат ўз зиммасига юклаб қўйиш нотўғри, халқнинг ўзи ҳам мана шунақа фидойилик орқали алтернатив вариантлар ярата олади. Бу иш бизнинг қўлимиздан келади!
Click ва Payme орқали ёрдам бериш мумкин.
Click
Payme
Visa, Paypal орқали ҳам пул ўтказишингиз мумкин. Бунинг учун қуйидаги ҳаволага ўтинг: http://bit.ly/xa_gofundme
Банк орқали сўмда пул ўтказиш учун:
Ҳ/р: 20212000400980475001
СТИР: 207290667
Ташкилот номи: “Bilim Onlayn” ННТ
Манзили: Тошкент шаҳри, Юнусобод тумани, Абдулла Қодирий кўчаси, 11-б-уй.
Қабул қилувчи банк: “Aloqabank” АТБ
МФО: 00401
СТИР: 200829053
Манзил: Тошкент шаҳри, Миробод тумани, Амир Темур шоҳкўчаси, 4-уй
АҚШ долларида пул ўтказиш учун:
Ҳ/р: 20212840900980475001
Ташкилот номи: “Bilim Onlayn” ННТ
Манзили: Тошкент шаҳри, Юнусобод тумани, Абдулла Қодирий кўчаси, 11-б-уй.
Қабул қилувчи банк: “Aloqabank” АТБ
Манзил: Тошкент шаҳри, Миробод тумани, Амир Темур шоҳкўчаси, 4-уй
SWIFT: SCLUZ22
Телеграмдаги расмий канал: @xanakademiyasi
(Алоқа учун: @xanakademiyasi_admin)
E-mail: team@bilimonlayn.uz
Боғланиш учун телефон:
+998971309050
Қўшимча маълумот олмоқчи бўлганлар бу ерга ёзишлари мумкин.
https://www.facebook.com/KhanAcademyUzbek/
👉 @xushnudbek 👈
-
2019-04-24 04:00:20+00:00
Ҳар қандай юксак технологиялар асосида инсон ва унинг ақли туради.
👉 @xushnudbek 👈
-
2019-04-23 15:41:36+00:00
Финландияда нега оммавий коррупция йўқлиги ва ҳеч қачон бўлмаслиги ҳақида 5 тушунтириш
1. Финнлар асло ҳашамат ва дабдабага ўч эмаслар. Дабдабаю асъаъса — дегенерат (туғма жисмоний ва руҳий нуқсонларга эга инсон) лар учун ўрта асрлар шарқига хос кўнгилхушликдир. Тилла унитазга фақатгина дегенерат ёзилиши мумкин, холос.
2. Финнлар ўз халқининг бошқа вакиллари ҳисобидан ўз оиласининг бойиши — ўз халқидан нафратланиш эканлигини билади. Фақатгина аблаҳ инсонларгина бундай йўл тутиши мумкин.
3. Финнлар бюджет (халқ) пулларини «туя» қилиш — ўз фарзандлари, невараларига нисбатан нафрат эканлигини аниқ-тиниқ тушуниб етишади, чунки айнан ўз авлодлари шу йўллардан юришади, шу мактабларда ўқишади. Ўз фарзандлари ва невараларини фақатгина бадбахт инсонгина ёмон кўриши мумкин.
4. Финнлар аниқ ишонишадики, ўғри инсон — доимо қўрқоқ бўлади. У доим фош бўлиш ва ўз қилмишларига адолатли жазо берилишидан қўрқиб яшайди. Бундай инсон ҳеч қачон эркин бўла олмайди. Бундай инсон халқ назаридан ажралиб қолган олқиндидир.
5. Финнлар ўз фарзандини бирор жойга «жойлаштириб» қўйиш — алал-оқибатда ўзларига жуда катта зиён етказишини билишади. Агар инсон ҳаммасига ўз билими ва муваффақиятлари орқасидан ўзи эришмаса ёки камида меросга қонуний қўшилмаса — унга ёмон бўлиши аниқ. Келажакда фарзанди бошига муаммоларни фақатгина аҳмоқ одамгина раво кўриши мумкин.
Шуҳрат Шокиржоновнинг Фейсбук саҳифасидан олинди.
Каналга уланиш: 👇
https://t.me/xushnudbek
-
2019-04-23 09:52:18+00:00
Айтишларича, 2019 йилги Ҳаж мавсуми учун сарф-харажатлари сметаси бўйича ҳар бир зиёратчидан олинадиган маблағ 33 млн 300 минг сўм этиб белгиланибди.
👉 @xushnudbek 👈
-
2019-04-23 09:10:01+00:00
Абитуриентлар қандай қилиб интернет орқали ариза топшириш мумкинлигига аниқлик киритилди
Давлат хизматлари агентлигининг маълум қилишича, Ҳукумат қарори лойиҳасига мувофиқ, май ойидан бошлаб Ўзбекистон ОТМларига ҳужжат топишириш жараёни бошланиши режалаштирилган.
Энди исталган миллий ОТМга ҳужжатларни ўз яшаш жойингиздан узоқлашмасдан — Давлат хизматлари марказлари орқали ёки уйингиздан чиқмасдан — my.gov.uz портали орқали юбориш имкони яратилди.
Яъни ҳатто хориждагилар ҳам интернет орқали ариза топшириши мумкин, фақат имтиҳон кунига етиб келса кифоя.
Қуйида ҳужжатларни онлайн тарзда юбориш учун шаклларни тўлдиришни ўргатувчи графикалар билан танишишингиз мумкин.
https://teletype.in/@davxizmat/rkCSxBnqE
P.S.: май ойигача 1 ҳафта қолди, лекин Ҳукумат қарорининг ўзи тасдиқлангани йўқ, фақат лойиҳаси бор холос.
👉 @xushnudbek 👈
-
2019-04-23 07:58:29+00:00
CEFR ва IELTS масаласи қачон ҳал бўлади?
#муштарийдан_савол
Ta'lim tizimidagi aniq va hammani qiynayotgan real masalaga etiboringizni tortmoqchiman. Hammamizga malumki chet tillarini bilish darajasini aniqlash boshqarmasi tomonidan tashkil etilgan CEFR imtihoni orqali abiturientlarga imtiyoz berish o'tgan yildan joriy etildi, bu yilga kelib esa oxiri yo'q yo'lga kirib qolgandek, tizimdan regstratsiyadan o'tgan talabgorlar qanaqadur qaror qabul qilinishini kutib bekorga vaqt sarflamoqda
Илгари ҳам бир ёзгандим, қабул жараёнларида абитуриентларнинг билимига бевосита таъсир этадиган ўзгаришлар камида 1 ўқув йили олдин эълон қилиниши керак. Ёки жуда бўлмаганда 1 январгача албатта тасдиқланиши зарур. Имтиҳонга қисқа муддат қолганда киритилган ўзгаришлар муаммони кўпайтиради.
Масалан, айрим йўналишлар учун фан блокларининг алмашишини олайлик. Бундай ўзгаришларни имтиҳонга 4-5 ой қолганда эмас, ааанча аввал айтиш керак эмасми? Балки бир фанни бошқасига алмаштириш биз учун оддий ҳол бўлиб кўринар, лекин бу абитуриентлар учун қай даражада улкан машаққат ва муаммо келтириб чиқаришини билганимизда эди...
Ёки юқоридаги масалани олайлик. IELTS каби халқаро сертификат олган абитуриентларга ҳам тестда максимал балл берилиши ҳақидаги қарор лойиҳаси ўтган йили ноябрь ойида эълон қилинганди. Лекин бугунгача тасдиқланмади. Бу эса абитуриентларда иккиланиш ва тушунмовчиликларни кучайтирмоқда. «IELTS сертификатим бор, шу ўтадими ёки CEFR ҳам олишим керакми?» деган савол абитуриентлар учун ҳақиқий бош оғриқ бўлиб турибди.
ДТМ вакиллари ҳам матбуот анжуманларида «қарор тез орада қабул қилинади», дейишдан нарига ўтмаяпти. Уларни ҳам тўғри тушунса бўлади, демак, лойиҳа аллақачон Вазирлар Маҳкамасига киритилган ва қачон у ердан тасдиқланиб чиқишини ўзлари ҳам билишмайди. Кутишдан бошқа иложи йўқ. Худди нима қилишини билмай боши гангиб юрган минглаб абитуриентлар каби.
Хўш, қачон тасдиқланади ўша қарор? Ўзи тасдиқланиши аниқми? Кимдир изоҳ бера оладими?
Ўтган сафар шу саволни берганимда тез орада, шу кунларда дейишганди, лекин шунга ҳам салкам 1 ой бўлибди. Майли, кутаверайликчи, ишқилиб бу қарор воқеаси ҳам ўтган йили Дипломатия университетига қабул қилиш тартиби тестга 3 кун қолганда тасдиқлангани каби бўлмаса бўлди.
👉 @xushnudbek 👈
-
2019-04-23 06:03:47+00:00
Эркаклар ва аёллар учун никоҳ ёши тенглаштирилади
Бола ҳуқуқлари кафолатларини янада кучайтиришга оид қўшимча чора-тадбирлар тўғрисидаги Президент қарори қабул қилинди. Бу ҳақида «Ҳуқуқий ахборот» канали хабар бермоқда.
Қарорга мувофиқ қуйидагилар белгиланди:
👉 ота-она қарамоғисиз қолган болаларга муниципал ва аниқ мақсадли коммунал уй-жой фондидаги ўзлари яшаб турган турар жойларни улар Меҳрибонлик уйларига жойлаштирилган, васийликка ёки ҳомийликка олувчи билан бирга яшаётган бутун вақт мобайнида, ўн саккиз ёшга тўлгунга қадар бронлаштириш ҳуқуқи берилади;
👉 болаларнинг рўйхатда туриш жойи ва фуқаролигидан қатъи назар, уларга барча ижтимоий хизматлар кўрсатилади;
👉 болаларнинг давлат органларига бевосита қилган мурожаатларини тўлиқ кўриб чиқиш кафолатланади ва бола тўлиқ муомала лаёқатига эга эмаслиги важлари билан бу турдаги мурожаатларни кўрмасдан қолдиришга йўл қўйилмайди;
👉 14 ёшга тўлган бола ўзининг таъминоти учун бир вақтнинг ўзида ота-онанинг ҳар иккаласидан қонунда белгиланган миқдорда алимент ундириш тўғрисида даъво қўзғатишга ҳақли;
👉 болаларни ҳимоя қилиш мақсадида судларга ариза билан мурожаат қилган даъвогар давлат божи ва бошқа тўловларни тўлашдан озод қилинади.
Инсон ҳуқуқлари бўйича вакили (омбудсман) ўринбосари – Бола ҳуқуқлари бўйича вакил лавозими жорий этилди.
2019 йил 1 сентябрдан эркаклар ва аёллар учун никоҳ ёши ўн саккиз ёш этиб белгиланди.
2019/2020 ўқув йилидан бошлаб олий таълим муассасаларига абитуриентларни қабул қилишнинг умумий сонидан Меҳрибонлик уйи ва Болалар шаҳарчасининг битирувчилари бўлган чин етимлар учун қўшимча равишда бир фоизгача давлат гранти асосидаги қабул квоталари ажратилади.
Давлат статистика қўмитасига оналик ва болаликка оид статистик маълумотларни “stat.uz” веб-сайтига жойлаштиришни ва маълумотларни доимий равишда янгилаб бориш вазифаси юкланди.
“Етим болалар ва ота-она қарамоғидан маҳрум бўлган болаларни ижтимоий ҳимоялаш тўғрисида”ги қонун ишлаб чиқилади.
Ҳужжат ҳақидаги тўлиқ маълумот билан www.lex.uz сайти орқали танишиш мумкин.
👉 @xushnudbek 👈
-
2019-04-22 15:21:45+00:00
Шавкат Мирзиёев Хитой Халқ Республикаси Раиси Си Цзиньпиннинг таклифига биноан жорий йил 24-27 апрель кунлари “Бир макон, бир йўл” иккинчи халқаро форуми тадбирларида иштирок этиш учун амалий ташриф билан Хитойда бўлади.
Ўзбекистон Республикаси Президенти Шавкат Мирзиёев ХХР Раиси Си Цзиньпин ва Бутунхитой халқ вакиллари кенгаши Доимий қўмитаси Раиси Ли Чжаньшу билан учрашувлар ўтказади.
-
2019-04-22 14:10:38+00:00
Тошкент шаҳрини айрим мутасаддилар қанақа тасаввур қилади?
Ҳожибой Тожибоевнинг умуман бошқа мавзудаги ҳазили бугунги кунимизга моппа-мос келиб қолганини қаранг 😂
Озгина кайфиятни кўтарамиз, ўртоқлар, бунақа қарорларни кўриб, юрак оғриғи орттириб олишингизни сира истамайман ))
👉 @xushnudbek 👈
-
2019-04-22 13:25:41+00:00
Тошкент шаҳрида давлат уйини сотиб олиш учун камида 10 йиллик прописка талаб этилиши мумкин
Норматив-ҳуқуқий ҳужжатлар лойиҳалари муҳокамаси порталига Тошкент шаҳар ҳокими Ж.Артикходжаевнинг қарори лойиҳаси муҳокамага қўйилган эди.
https://regulation.gov.uz/uz/document/3071
Қарор билан Тошкент шаҳрида 2017-2021 йилларда қурилган кўп қаватли уйлардаги турар жойларни сотиш тартиби тўғрисидаги Низомни тасдиқлаш режалаштирилмоқда.
Бу ерда гап Сергелида қурилаётган, халқ тилида “арзон уйлар” деб аталадиган ва давлат томонидан қурилган (хусусий эмас) турар жойлар ҳақида кетмоқда, менимча.
Муҳокамаларда деярли барча қарорнинг бир бандига эътироз билдирган.
Яъни низомга кўра, Тошкент шаҳрида 2017-2021 йилларда қурилган кўп қаватли уйлардаги турар жойларни сотиб олиш ҳуқуқига эга талабгорлар тоифасидан бири сифатида Тошкент шаҳрида 10 йилдан кам бўлмаган даврда доимий рўйхатда (пропискада) турган бюджет ташкилотларидаги Давлат хизматчилари ва ишчилари кўрсатилган.
Шунингдек, талабгорлар сафига ёш оилалар, эскирган уй-жойларда истиқомат қилувчилар ва яшаш шароитини яхшилашга муҳтож фуқаролар ҳам киритилган.
Муҳокамаларда «Нима учун 10 йил пропискада бўлиши керак, бу муддатни ҳокимиятдагилар қаердан олишди?» дея савол беришмоқда.
Масалан, қуйидаги изоҳга энг кўп овоз берилган:
«Вазирлар Маҳкамасининг қарорига асосан доимий рўйхатга қўйилган ходим 3 йилдан кейин номига турар жой расмийлаштириши мумкин. Тошкент шаҳрида 2017-2021 йилларда қурилган кўп қаватли уйлардан олиш учун яна 7 йил уйсиз юриши керакми, топган пулини квартирага сарфлаб? Шу «10 йил» сўзини ёзган одам 1 йил уйсиз яшаб кўрганида бу сўзни ёзмаган бўларди».
Лойиҳа муҳокамаси эртага якунланади.
👉 @xushnudbek 👈
-
2019-04-22 10:15:09+00:00
Ўзбекистон тарихида илк маротаба 25-27 апрель кунлари пойтахтимизда йирик халқаро юридик форум бўлиб ўтади.
Унда 1000 дан ортиқ иштирокчи қатнашади. Уларнинг 250 нафари АҚШ, Англия, Германия, Франция, Хитой, Япония сингари 40 мамлакатдан ташриф буюраётган экспертлар ҳамда Корея, Сингапур, Россия, Саудия Арабистони, Шри-ланка, Белорусь, Озарбайжон, Афғонистон каби давлатларнинг Адлия вазирлари ва вазир ўринбосарлари, қонун чиқарувчи органлари ва дунёнинг етакчи арбитраж марказлари раҳбарларидир.
Бундан ташқари, форумда “The Legal 500” халқаро рейтингида етакчи бўлган юридик компаниялар ҳам иштирок этади.
Батафсил маълумот: @huquqiyaxborot
-
2019-04-22 08:06:40+00:00
Ўлимлар камаймоқда
2019 йилнинг январ-март ойларида 37,1 мингта ўлим қайд этилган бўлиб, мос равишда 1000 аҳолига нисбатан ўлим коеффициенти 4,5 промиллени ташкил этди, 2018 йилнинг мос даврига нисбатан 0,2 га камайган (2018 йилнинг январ-март ойларида 4,7 промилле бўлган).
Вафот этганларнинг 20,7 минг нафари эркаклар, 16,4 минг нафари аёллардир.
2019 йилнинг январ-март ойларида қайд этилган вафот этганларнинг 63,8 %и - қон айланиш тизими касалликларидан, 9,0 %и - ўсимталардан, 5,2 %и - овқат ҳазм қилиш аъзолари касалликларидан, 5,1 %и - нафас олиш аъзолари касалликларидан, 4,3 %и - бахтсиз ҳодиса, заҳарланиш ва жароҳатланишлардан, 1,4 %и - юқумли ва паразитар касалликлардан ҳамда 11,2 %и - бошқа касалликлардан вафот этган.
Рўйхатга олинган 1 ёшгача вафот этган болалар сони 1,6 минг нафарни ташкил этиб, уларнинг 52,1 %и - перинатал даврда юзага келадиган ҳолатлардан, 20,3 %и - нафас олиш аъзолари касалликларидан, 16,0 %и - туғма аномалиялардан, 2,1 %и - бахтсиз ҳодиса, заҳарланиш ва жароҳатланишлардан, 2,1 %и - юқумли ва паразитар касалликлардан, 0,7 %и - овқат ҳазм қилиш аъзолари касалликларидан ва 6,7 %и - бошқа касалликлардан вафот этган.
👉 @xushnudbek 👈
-
2019-04-22 06:03:33+00:00
Ўсиб бораётган ўзбек халқи!
2018 йили Ўзбекистон тарихида энг кўп туғилиш (768,3 минг) қайд этилгани ҳақида маълумот берилганди. Давлат статистика қўмитаси 2019 йилнинг 1-чораги бўйича маълумотларни эълон қилди.
Унга кўра, жорий йилнинг 3 ойида 159,5 минг чақалоқ дунёга келган ва бу ҳам рекорд — ўтган йилгига нисбатан тахминан 7%га ошганини англатади.
Туғилган чақалоқларнинг 82,3 минг нафари ўғил болалар, 77,2 минг нафари эса қиз болалар.
Туғилишлар кўп бўлаверсин, давлатнинг энг катта бойлиги бу унинг халқи.
👉 @xushnudbek 👈
-
2019-04-22 04:37:40+00:00
«Президентимиз бизни Ватанимизга олиб кетиш учун самолёт юборганликларини эшитиб, ҳаммамиз йиғлаб юбордик»
Қозоғистоннинг Жамбул вилояти Қўрдай туманида 20 апрель тонгида юз берган автобус аварияси оқибатида Ўзбекистоннинг уч нафар фуқароси ҳалок бўлгани, 13 нафари эса турли даражада тан жароҳати олгани, тан жароҳати олганлардан тўққиз нафари Фавқулодда вазиятлар вазирлигининг махсус самолётида Ўзбекистонга олиб келингани ҳақида аввал хабар берилган эди. Ўзбекистон Соғлиқни сақлаш вазирлиги жабрланувчиларнинг аҳволи ҳақида қўшимча ахборот берди.
«Биз махсус авиаборт билан етиб борганимизда, қозоғистонлик шифокорлар томонидан жароҳатланган ҳамюртларимизга тезкор биринчи тиббий ёрдам кўрсатилган эди. Шифокорлар гуруҳи ФВВ ходимлари билан жароҳатланганларни авиабортга чиқаргач, бортнинг ўзида уларнинг саломатлиги қайта текширувдан ўтказилди. Керакли муолажалар зудлик билан бажарилди. Ўзбекистонда бизни махсус жиҳозланган тез тиббий ёрдам автомашиналари кутиб олди ва беморлар зудлик билан Республика шошилинч тиббий ёрдам илмий марказига етказилди», — дейди Республика шошилинч тиббий ёрдам илмий маркази директори Козим Маҳкамов.
Маълум бўлишича, жароҳатланганлар орасида қорақалпоғистонлик 34 ёшли Ўмирбек Ҳайитбоевнинг жароҳати анча оғир бўлган. «Агар унга ўз вақтида малакали тиббий ёрдам кўрсатилмаса, ҳаёти хавф остида қолаётган эди. Шифокорларнинг шошилинч равишда уринишлари натижасида Ўмирбекда мураккаб жарроҳлик операцияси муваффақиятли ўтказилди. Ҳозир бемор ўзини яхши ҳис қилмоқда», — дейилади Соғлиқни сақлаш вазирлиги ахборотида. Ҳозирда тан жароҳати олганлардан яна уч нафари операция столига олинган.
Вазирлик матбуот хизмати жабрланувчиларнинг сўзларидан ҳам иқтибос келтирган. «Авариядан кўпчилигимиз ўзимизни йўқотиб қўйдик. Чунки қаттиқ қўрққан эдик. Шундай пайтда кимга хабар бериш, кимдан ёрдам сўрашни ҳам билмай қолар экансан. Шунда эшитдикки, Президентимиз бизни Ватанимизга олиб кетиш учун самолёт юборган эканлар. Буни эшитиб, ҳаммамиз йиғлаб юбордик», — дейди ҳозирда Республика шошилинч тиббий ёрдам илмий марказида даволанаётган қашқадарёлик Аббос Ўлжабоев.
https://t.me/joinchat/AAAAAD63OEHkQHOlfdglMg
-
2019-04-22 03:00:11+00:00
Кўзланган мақсадга эришиш учун олдингиздан чиқадиган тўсиқларга парво қилмасдан фақат олға интилавериш керак. Фақат кимлардир бу тўсиқлардан сакраб ўтади, кимлардир эса бузиб 😄
Бошланган янги ҳафта барчангизга хайрли бўлсин!
👉 @xushnudbek 👈
-
2019-04-21 18:32:52+00:00
Тавбааа. Натижаларга қараганда, худдики сайловлар Украинада эмас, каналимда бўлганга ўхшайди-я! ))
Бугун эълон қилинган сўровномада каналимизнинг 6326 нафар муштарийси иштирок этганди ва бизда ҳам Зеленский 74% овоз билан Порошенкони ортда қолдирди. Оддий тасодифми бу ёки...?
👉 @xushnudbek 👈
-
2019-04-21 18:24:59+00:00
Украинада янги президент!
Миллий экзит-поллнинг дастлабки маълумотларига кўра, Зеленский 73,2% овоз билан Порошенкони ортда қолдириб, сайловда ғалаба қозонган.
У ўзининг илк баёнотидаёқ СССР давлатларига қуйидагича мурожаат билан чиқибди:
«Собиқ СССРнинг барча давлатлари. Бизга қаранг — ҳамма нарса бўлиши мумкин»
Ҳа, ростдан ҳам, барча нарсанинг имкони бор, демократик сайловларнинг ҳам, масалан. Украин халқининг ушбу қарори нафақат улар учун, балки минтақа учун ҳам фойдали бўлишига тилакдошман.
👉 @xushnudbek 👈
-
2019-04-21 15:28:33+00:00
Кун фотоси
Жанубий Корея президенти Мун Чжэ Ин ёмғирда рафиқасига соябон тутиб бормоқда.
Самарқанд. 20.04.2019
-
2019-04-21 11:52:49+00:00
#Адлия_хабари
“Биз биргамиз” ижтимоий лойиҳаси доирасида Тошкент шаҳри Мирзо Улуғбек туманидаги “Экобозор” савдо мажмуасида ташкил қилинган ногиронлиги бўлган шахслар томонидан тайёрланган маҳсулотлар Республика савдо ярмаркаси ўз фаолиятини давом эттирмоқда.
Савдо ярмаркаси доирасида “ECOBOZOR” савдо мажмуасида махсус савдо расталари ташкил этилди. Унда ўз уйларида турган ҳолда турли хилдаги буюмлар, маҳсулотлар тайёрлаш билан шуғулланадиган, бироқ ўз маҳсулотларини реализация қилишда турли қийинчиликларга учраётган ногиронлиги бўлган шахслар тайёрлаган маҳсулотлари сотилмоқда.
Адлия вазирлиги барчани ушбу Савдо ярмаркасида иштирок этишга ҳамда ўзгалар парваришига муҳтож ва турмушда қийналаётган ногиронлиги бўлган шахсларни эҳтиёжларини қондириш, жумладан яшаш шароитларини яхшилашга озгина бўлсада ўз ҳиссангизни қўшишга чақиради.
Ногиронлиги бўлган шахслар томонидан тайёрланган махсулотлар Республика савдо ярмаркаси бугун соат 19:00 га қадар Мирзо Улуғбек туманидаги “Экобозор” савдо мажмуасида давом этади.
-
2019-04-21 08:42:21+00:00
«Мендан сўрасангиз – ҳаммасига сифатсиз таълим айбдор дейман»
Минг афсуски, Қозоғистондаги автобус ҳалокати фожиаларнинг биринчиси эмас, охиргиси ҳам бўлмаса керак (лекин охиргиси бўлсин, деб дуо қиламиз).
Ўтган йилги 52 нафар юртдошларимизнинг ўлими билан якунланган Оқтўбе фожиасидан кейин «Мендан сўрасангиз – ҳаммасига сифатсиз таълим айбдор дейман» номли мақола ёзгандим, айрим парчаларни келтираман:
«Қандай фожиа юз берганини ҳис қилиб кўряпсизми ўзи?
Қанчадан-қанча оила суянган тоғи, оила бошисини йўқотди. Қанчадан-қанча ота-оналар навқирон, айни кучга тўлган фарзанду жигарбандидан айрилди. Водий узра мотам қора булути кезиб юрибди...
Ижтимоий тармоқларда буларга ким айбдор, деган саволларни кўп беришмоқда. Айримлар ишсизликдан тортиб, билет нархларигача, қишлоқларда шароит йўқлигидан тортиб марҳумларнинг ўзларини ҳам айбдор қилиб кўрсатишгача боришяпти.
Лекин мендан сўрасангиз, буларнинг барчасига сифатсиз таълим айбдор, деб жавоб бераман.
Ишсизлик кўпми? Чунки, таълим тизимимиз янги иш ўринларини очадиган, инновацион ғоялар, ташаббускорлик билан яшайдиган ҳар томонлама етук кадрлар етиштириб бера олмаяпти.
Тадбиркорларимиз ривожланмаяптими? Чунки, таълим тизимимиз тадбиркорнинг юраги бўлган кучли менеджерлар, маркетологлар, узоқни кўра оладиган молиячиларни етиштириб бера олмаяпти.
Коррупция кучлими? Чунки таълим тизимимизнинг бошланиш булоғи коррупциядан бошланади. Боғчага болангизни қўйишдан пул билан бошлаганингиздан кейин у токи институтни тугатиб диплом олгунгача қанчадан-қанча қорни қаппайган виждонсиз раҳбарларнинг чўнтагини бойитишингиз керак.
Четда мардикорлик қилишяптими? Чунки таълим тизимимиз замонавий меҳнат бозорига бардош бера оладиган, рақобатбардош кадрлар тайёрлаб бера олмаяпти. Бизнинг таълимдан чиққанларнинг кўпчилиги (ҳаммаси эмас) нари борса кўча супуриш ёки қурилиш қилишга яраяпти холос.
Хўш, яна қайси соҳа керак? Юртимизда малакали шифокорлар камми? Чунки тиббий таълим чириб битган. Юртимиз ўз табиий бойликларидан мақсадли фойдалана олмаяптими? Чунки нефт-газ, геология ва шу каби соҳаларда пичоққа илинадиган мутахассис тайёрлаш таълим тизимимиз учун амри маҳол.
Юртимиз ерлари кам самарали экинлар билан банд қилиняптими? Чунки таълим тизимимиз қишлоқ хўжалиги, ирригация-мелиорация соҳасида бирорта натижа кўрсата олмаяпти.
Умуман мамлакатимизда қайси соҳа оқсаётган бўлса, қайси соҳада тизим ишдан чиққан бўлса, билингки уларнинг таг замирида сифатсиз таълим ётади. Таълими ривожланмаган, ўқитувчиси ҳурматга эга бўлмаган жамият ҳеч вақога эриша олмайди. Бундай жамиятнинг бошида фақат мотам бўлади холос.
Қозоғистондаги фожиада кириш имтиҳонларида нафсига қул бўлиб, миллатига хиёнат қилаётган коррупционер масъулларнинг ҳиссаси бор.
Қозоғистондаги фожиада ўқитувчини пахта даласига ҳайдаган, уларга кўча супуртирган масъулларнинг ҳиссаси бор.
Қозоғистондаги фожиада ўқитувчиларни қоғозбозликка кўмиб, ҳар бир йўталгани учун ҳам ҳужжат сўрайдиган тизимни яратиб қўйган масъулларнинг ҳиссаси бор.
Қозоғистондаги фожиада сессия пайтлари жарақ-жарақ пуллар эвазига калласи бўм-бўш талабаларни ҳимоя қиладиганларнинг ҳиссаси бор.
Қозоғистондаги фожиада сифатли таълим тизимини яратиш учун масъул бўлган, лекин буни шунча йилдан буён уддалай олмаётган барчанинг ҳиссаси бор.
Келгусида бундай фожиалар яна такрорланмаслиги учун «бизда ҳаммаси яхши, таълимга эътибор катта, кўп маблағлар ажратяпмиз, кириш имтиҳонларида қинғирликлар аниқланмади, 5-6 нафар ўқувчиларимиз халқаро олимпиадада ўрин олди, демак тизим зўр» деган олди-қочди гапларни бугундан йиғиштириб, илм-фанни, интеллектуал оламни ривожлантириш, ўқитувчиларнинг нуфузи ва салоҳиятини ошириш йўлида жиддий ислоҳотларни бошлашимиз керак.
Эртага кеч бўлиши мумкин... Ҳар 2-3 ойда ўзга юртга иш излаб кетаётган 50-60 нафар бегуноҳ юртдошларимиздан айрилиб қолишни жимгина кузатиш оғир».
👉 @xushnudbek 👈
-
2019-04-21 07:39:00+00:00
Жамбилдаги автобус авариясида жабрланганлар Ўзбекистонга олиб келинди
Қозоғистоннинг Жамбул вилоятида 20 апрель куни юз берган автобус аварияси оқибатида жабрланган тўққиз нафар Ўзбекистон фуқароси Ўзбекистон ФВВ самолёти билан Ватанга олиб келинди. Ўзбекистон Ташқи ишлар вазирлигидан маълум қилишларича, тун соат 2:00 да улар Қозоғистондан реанимобилларда Ўзбекистон ФВВнинг махсус борти қўнган Бишкек (Қирғизистон)га олиб келинган. Самолёт маҳаллий вақт билан 4:00 да Тошкентга учган, дея хабар бермоқда «Газета.уз».
Ватанга қайтариб олиб келинган фуқаролар рўйхати:
1. Аббос Ўлжабоев, 21.01.1994 йилда туғилган;
2. Умирбек Ҳайитбоев, 22.06.1985 йилда туғилган;
3. Радмила Аҳмедова, 05.08.1994 йилда туғилган;
4. Отабек Матчонов, 22.04.1985 йилда туғилган;
5. Дўстджон Сейтмуротов, 22.02.1987 йилда туғилган;
6. Сардор Ҳайдаров, 09.05.1994 йилда туғилган;
7. Марис Илёсов, 1974 йилда туғилган;
8. Насриддин Мамбетов, 09.05.1971 йилда туғилган;
9. Шодлик Жабборов, 25.12.1984 йилда туғилган,
Транспортировка қилишга рухсат берилмагани боис, Ўзбекистоннинг яна бир фуқароси — Марҳамат Жуманиёзова (16.08.1996 йилда туғилган) Тароз шаҳар касалхонасида шифокорлар назоратида қолмоқда. ЙТҲ оқибатида тан жароҳати олмаган икки ўзбекистонлик — Заводбек Муҳимжонов (21.04.1999) ва Исломиддин Абдусатиров (8.01.1997 йилда туғилган), шифокорлар кўригидан ўтгач, воқеа жойига етиб келган қариндошлари ҳамроҳлигида Олмаотага кетган.
Ўзбекистоннинг уч фуқароси жасади Қўрдай марказий туман касалхонасининг ўликхонасида қолмоқда:
1. Ўринбой Абдухолиқов, 04.11.1993 йилда туғилган;
2. Алишер Калмуротов, 30.12.1988 йилда туғилган;
3. Дилором Ёрмекбоева, 1972 йилда туғилган
Шахсини расмий аниқлаш жараёни ўтказилганидан сўнг, Қозоғистон томони жасадларни Ўзбекистон чегараси («Жибек жўли» — «Ғишткўприк» НЎП)гача транспортировка қилиб берилишини таъминлайди. Ўзбекистон Бош консуллиги вакили тегишли керакли кўмак кўрсатиш учун Қўрдай қишлоғида бўлиб турибди.
Куни кеча Ўзбекистон Президентининг топшириғига асосан жабрланувчиларга ёрдам кўрсатиш бўйича фавқулодда вазиятлар вазири биринчи ўринбосари Абдулла Қўлдошев бошчилигидаги ҳукумат комиссияси аъзолари Қўрдайга ташриф буюрган эди.
Эслатиб ўтамиз, салонида 49 нафар йўловчи бўлган автобус иштирокидаги ЙТҲ оқибатида 11 киши, жумладан, 3 нафар Ўзбекистон ва 8 нафар Қозоғистон фуқароси ҳалок бўлган, 30 нафар киши тан жароҳати олган эди.
Ҳодиса муносабати билан Шавкат Мирзиёев Қозоғистон президентига, Қосим-Жўмарт Тўқаев эса Ўзбекистон давлат раҳбарига ҳамдардлик билдирди.
https://t.me/joinchat/AAAAAD63OEHkQHOlfdglMg
-
2019-04-20 09:28:07+00:00
Бу видеони албатта кўринг!
Илгари фақат танганинг бир томони кўриларди, яъни низоли вазиятда ўқитувчилар мутлоқ айбдор, лекин «болларда айб йўқ» эди. Бу сафар кутилмаганда танганинг иккинчи томонига ҳам эътибор қаратилибди. Яъни низоли вазиятда ўқувчи ва уларнинг ота-оналари жавобгарликка тортилди.
Видеони кўриб, ўқувчининг онасига минг раҳматлар айтгим келди. Пойига таъзим қилиб, «шунақа позицияда бўлганингиз, шу фикрларни жамоат олдида хижолат бўлмасдан, уялмасдан айта олганингиз учун умрингиздан барака топинг, фарзандларингизнинг роҳатини кўринг» дегим келди.
Уларнинг сиймосида худди ўзимнинг аяжонимни кўрдим. Ҳалиям видеодаги опамиз фарзандига анча мулойим гапирар эканлар. Вай-вай, агар шунақа ҳолатда мен айбдор бўлиб қолсам борми, тасаввур қилишга ҳам қўрқаман 😊
Нима бўлса ҳам, воқеалар ривожи мана шундай якунланганидан хурсандман. Тарбия биз учун ё ҳаёт, ё мамот, ёки.. Уёғини биласиз.
👉 @xushnudbek 👈
-
2019-04-20 08:57:06+00:00
Қозоғистон Президенти Қосим-Жўмарт Тўқаевнинг Твиттердаги профилида бугунги фожиага оид твит қолдирилган эди. Унда ҳалок бўлган барча 11 нафар шахслар Ўзбекистон фуқароси эканлиги қайд этилиб, марҳумларнинг қариндошларига ҳамдардлик билдирилган ва Ўзбекистон Президентига телеграмма йўллагани таъкидланган эди.
Аммо ҳозирда ушбу твит саҳифадан ўчириб ташланган. Сабаби номаълум.
👉 @xushnudbek 👈
-
2019-04-20 08:16:26+00:00
ТИВ КОНСУЛЛИК-ҲУҚУҚИЙ ДEПАРТАМEНТИ АХБОРОТИ
https://mfa.uz/ru/press/news/2019/04/18678/
Жорий йилнинг 20 апрель куни тонг соат 5:09 да Чимкент-Олмаота трассасининг 181-километрида «Van Hool» автобуси (давлат рақами kz 213 ZSA) иштирокида йўл-транспорт ҳодисаси юз берган.
Ҳодиса оқибатида 11 киши ҳалок бўлган, 29 киши турли даражада тан жароҳати олган. Ҳозирги вақтда ҳалок бўлган Ўзбекистон фуқаролари ҳақида маълумот мавжуд эмас.
Қуйидаги Ўзбекистон фуқаролари турли даражадаги тан жароҳатлари билан Ўтрордаги шифохонага ётқизилган:
1. Жуманиёзова Марҳамат, 1996 й.т., Хива шаҳридан;
2. Роҳила Аҳметова, 1994 й.т.;
3. Жабборов Шодлик Мақсудович, Хива шаҳридан;
4. Матжонов Отабек Абдуллаевич, 1985 й.т., Қорақалпоғистон Республикасидан;
5. Ҳайдаров Сардор Анорбой ўғли, 1994 й.т.ю
Қордайдаги шифохонага қуйидаги икки нафар Ўзбекистон фуқароси етказилган:
1. Исломиддинов Абухаттар ўғли, 1997 й.т.;
2. Муҳаммаджонов Зоводбек, 1999 й.т..
Олмаота шаҳридаги Бош консуллик Қозоғистоннинг Жамбул вилояти Фавқулодда вазиятлар бўйича департаменти билан тезкор алоқани йўлга қўйган. Ҳодиса жойига Бош консуллик ходими йўл олган.
P.S.: ҳалок бўлганларнинг яқинларига чуқур ҳамдардлигимни билдираман. Аллоҳ ўтганларни ўз раҳматига олган бўлсин.
👉 @xushnudbek 👈
-
2019-04-19 13:05:15+00:00
Фавқулодда ажойиб акция!
Қўқон шаҳар ИИБ йўл транспорт ҳодисаларининг олдини олиш мақсадида «авария»га учраган машиналарнинг ўзига хос парадини ташкил қилибди.
Машиналарда ҳаттоки «ҳалок бўлган» ҳайдовчиларни ҳам кўриш мумкин.
Ҳар бир машина қайсидир ҳолатга бағишланган, масалан, «Чарчоқни енгаман дема, уйқинг келдими, тўхта», «Бегуноҳ одамнинг бошига мусибат солманг», «Рулда телефонда гаплашма», «Тезликни ошириб умрингни қисқартирма» ва бошқа шиорлар ёзилган баннерларни кўриш мумкин.
Ташкилотчиларга браво!
Видео канал муштарийси Сардорбек Алижонов томонидан юборилган
👉 @xushnudbek 👈
-
2019-04-19 12:48:17+00:00
Ўқитувчини чегарадан чиқишга мажбур қилган ўқувчи, шунингдек уларнинг низосини видеога олиб тарқатган ўқувчининг ота-оналари маъмурий жавобгарликка тортилди
Халқ таълими вазирлиги Шайхонтоҳур туманидаги 141-умумий ўрта таълим мактабида ўқитувчи ва ўқувчи ўртасида чиққан низо бўйича қуйидагича баёнот берди:
«Оммавий ахборот воситалари ва ижтимоий тармоқларда Шайхонтоҳур туманидаги 141-умумий ўрта таълим мактаби ўқитувчиси Б.Мирзаева ўқувчисига нисбатан қўпол хатти-ҳаракатлар содир этганлиги ҳақидаги видеолавҳа эълон қилинди.
Мазкур ҳолат Халқ таълими вазирлигининг Ҳуқуқий-назорат хизмати томонидан ўрганилганда, 9-синф ўқувчиси И.Б. дарс жараёнига халақит бергани маълум бўлди. Ўқитувчининг танбеҳига қарамай, у баланд овозда гапириб, дарсга халақит берган.
Ўқувчининг қўли кикбокс спорт тўгарагида лат егани сабабли гипсда бўлган. Ўқитувчи ўқувчига “Ўнг қўл билан ёзсанг бўлади-ку”, деганида, бола педагогни ҳақорат қилган. Бу гапларни кўтара олмаган ўқитувчи ўқувчини бир неча бор туртган, лекин урмаган.
Ушбу жараённи шу синф ўқувчиси Р.М. уяли телефонига тасвирга олиб, синфдоши С.К. ва М.А.га Telegram мессенжери орқали юборган.
2018 йилнинг 13 январида ўқувчи Б.И. мактабнинг ички тартиб қоидаларига риоя қилмаганлиги, тенгдошлари билан ўзаро келишмовчилиги ҳамда педагог ходимларга нисбатан қўпол муносабати сабабли таълим муассасаси ички рўйхатига олинган. Мактаб маъмурияти, синф раҳбари, психолог ҳамда профилактика нозири томонидан тушунтириш ҳамда профилактик ишлар олиб борилганлиги натижасида ўқувчи ижобий томонга ўзгарган. 2018 йил 17 майда мактабнинг ички назоратидан чиқарилган.
Жорий йилнинг 18 апрель куни 141-умумий ўрта таълим мактабида жамоатчилик иштирокида Вояга етмаганлар ишлари бўйича Шайхонтоҳур тумани идоралараро комиссияси сайёр мажлиси ўтказилди ва мазкур иш кўриб чиқилди.
Комиссия қарорига кўра, Б.И. ва Р.М. ота-оналари Маъмурий жавобгарлик тўғрисидаги кодекснинг 47-моддасига асосан жаримага тортилди.
Мазкур моддага кўра, ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши — ЭКИҲ иккидан бир қисмидан уч бараваригача миқдорда жарима солишга сабаб бўлади.
Ўқитувчи Б.Мирзаева мазкур вазиятдан сўнг ишдан бўшаш ҳақида ариза ёзган. Аммо синфнинг бошқа ўқувчилари ўқитувчи ҳақида ижобий фикр билдирганлар ва Б.Мирзаеванинг аризаси инобатга олинмаган. Ўқитувчи ушбу мактабда ўз фаолиятини давом эттиради».
Мана шунақа гаплар.
👉 @xushnudbek 👈
-
2019-04-19 10:27:20+00:00
2-4 май кунлари Мўйноқ туманида «Ralli Muynak» пойгалари бўлар экан. Трасса узунлиги 364 км, унинг бир қисми Орол денгизининг қуриб қолган ҳудудидан ҳам ўтаркан.
Келажакда худди «Париж-Дакар» раллисига ўхшаб машҳур бўлиб кетса, не ажаб.
👉 @xushnudbek 👈
-
2019-04-19 10:10:45+00:00
Бизда демократия. 2 соат сўровнома ўтказилди ва овоз бериш натижасига кўра, каналда фақат ўзбекча постлар қўйилишда давом этади.
-
2019-04-19 08:00:23+00:00
#ижтимоий_сўровнома
Ҳурматли муштарий, каналда постларнинг рус тилидаги таржималари ҳам эълон қилинишини истайсизми?
👍 - Ҳа, керак 👎 - Йўқ, шартмас
-
2019-04-19 05:03:32+00:00
«Ўзбекистон 24» телеканалида Корея Республикаси Президенти Мун Чжэ Инни расмий кутиб олиш маросими тўғридан-тўғри эфирга узатилмоқда.
Шунингдек, маросимни қуйидаги ҳавола орқали томоша қилиш мумкин:
www.facebook.com/Mirziyoyev/videos/2196428660669964
-
2019-04-19 04:00:28+00:00
#муштарийдан_мактуб
Ўзбошимчалик билан қурилган турар жойларга оид акция фуқаролиги бўлмаган шахсларга таалуқли эмасми?
«Маълумки, Ўзбекистон Республикаси Президентининг “Фуқароларни ижтимоий қўллаб-қувватлаш бўйича қўшимча чора-тадбирлар ҳамда ўзбошимчалик билан қурилган турар жойларга нисбатан мулк ҳуқуқини эътироф этиш бўйича бир марталик умумдавлат акциясини ўтказиш тўғрисида”ги 2018 йил 20 апрелдаги 5421-сон Фармони ҳамда Ўзбекистон Республикаси Вазирлар Маҳкамасининг 2018 йил 21 июндаги 461-сон Қарори қабул қилинди.
Ушбу ВМ қарори билан Низом тасдиқланган. Ушбу Қарор ижроси жараёнида асосланмаган сабабларга кўра Ўзбекистон Республикасида доимий яшовчи фуқаролиги бўлмаган шахсларга мулк ҳуқуқи берилмаслиги билдирилмоқда.
Лекин, Вазирлар Маҳкамасининг 2018 йил 21 июндаги 461-сон қарори билан тасдиқланган Низомнинг 1, 5 ва 26-бандларида бир марталик умумдавлат акцияси доирасида жисмоний шахсларнинг ўзбошимчалик билан қурилган иморатларига нисбатан мулк ҳуқуқини эътироф этиш белгиланган.
Фуқаролик кодексининг 16-моддасига асосан, фуқаролар (жисмоний шахслар) деганда Ўзбекистон Республикасининг фуқаролари, бошқа давлатларнинг фуқаролари, шунингдек фуқаролиги бўлмаган шахслар тушунилади. Агар қонунда бошқача тартиб белгиланган бўлмаса, ушбу Кодекснинг қоидалари барча фуқароларга нисбатан қўлланилади.
Тартибга кўра Қонун ости ҳужжатлари нормаларига расмий шарҳни уларни қабул қилган органлар беради. Афсусларки, Ушбу масала бўйича, 461-сон Қарор билан тасдиқланган "Низом"ни ишлаб чиқувчилар томонидан расмий шарҳ берилмасдан қолмоқда.
Юқоридагилардан келиб чиқиб Сиздан, Ўзбекистонда доимий яшовчи фуқаролиги бўлмаган шахсларга юқорида келтирилган бир марталик умумдавлат акцияси доирасида мулк ҳуқуқи берилиши мумкин ёки мумкин эмаслиги юзасидан юридик маслаҳат ва Вазирлар Маҳкамаси томонидан ёзма жавоб (шарҳ) олинишида амалий ёрдам беришингизни илтимос қиламан.
Ушбу масала буйича Адлия вазирлиги мумкин деган хулоса берди, лекин амалда бажарилмаябди. Шунчаки сарсон қилмоқда. Акция муддати тугашига оз муддат қолди. Лекин ҳозир ҳам улгурса бўлади. Бу масала ижобий ҳал бўлишига минглаб инсон деган мавжудотлар умид қилмоқда».
ЖАВОБ: фикримча, бу акция фуқаролиги бўлмаган шахсларга ҳам тааллуқли. Чунки на Президент Фармонида, на Вазирлар Маҳкамаси қарорида «Ўзбекистон фуқаролари» деган жойни учратмадим.
Бу масалада албатта ёзма мурожаат бўлиши шарт. Яъни 1 майгача расман мурожаат қилинганлик фактини белгилаб қўйиш керак. Ундан кейин тегишли давлат органининг рад қилувчи жавобларини олиб, судга берса бўлади. Гарчи суд жараёнлари 1 майдан кейинга чўзилиб кетса ҳам, лекин бундай вазиятда ариза билан мурожаат қилинган сана ҳисобга олинади.
Лекин ич-ичимдан умид қиламанки, бу ҳолат судлашишгача бормайди. Масъулларга Худо инсоф бериб, тегишли қонунчилик доирасида (оғзаки топшириқларни бир четга суриб қўйиб) масалани ҳал қилишади. Ким билсин, шунга ишонгим келяпти ҳар ҳолда.
👉 @xushnudbek 👈
-
2019-04-18 13:12:01+00:00
Корея Республикаси Президенти Мун Чжэ Ин 18 апрель куни давлат ташрифи билан мамлакатимизга келди.
Тошкент халқаро аэропортида олий мартабали меҳмонни Ўзбекистон Бош вазири Абдулла Арипов кутиб олди.
Манба: president.uz
-
2019-04-18 12:38:15+00:00
Шу кунларда аудиокитобларга бўлган эҳтиёж ортаётганлиги сабабли Телеграмда бир нечта лойиҳалар старт олди.
Масалан, АОК агентлиги ҳамда МТ вазирлигининг болалар учун аудиоэртакларга ихтисослашган @bolalikkunlarimda канали ёки Нажот Нур муаллифлигидаги @najot_nur_audiokitoblar канали шулар жумласидандир.
2 кун олдин Телеграм аудиокитобларга оид яна бир фойдали канал билан бойиди. «Бозорга» жиддий “ўйинчи” – МТРК кириб келди.
Ташкилотчиларнинг хабар беришича, @mtrkaudiokitoblar каналига МТРК томонидан 600 соат ҳажмида, 40 га яқин номдаги аудиокитоблар ҳамда 300 дан ортиқ халқ эртаклари жойлаштирилар экан.
@mtrkaudiokitoblar каналидаги аудио материаллар «Аудиокитоб», «Мумтоз ғазаллар», «Аудиоэртак», «Нодир овозлар» рукнлари остида жойлаштириб борилади.
Масалан, 2 кун ичида каналда «Навоий» романи, «Ўн саккизга кирмаган ким бор?» қиссаси, «Анор» ҳикояси, бир нечта эртаклар, Навоий, Бобур, Лутфий ва Огаҳий ғазаллари эълон қилинди.
Яна ҳам эътиборли жойи, МТРК каналига Ғофур Ғулом, Зулфия, Абдулла Орипов ва Эркин Воҳидовларнинг ўз овози билан ўқиган шеърлари ҳам жойлаштирилди.
Ва яна тез орада каналда «Радиотеатр» ва «Радиокино» рукнлари очилар экан, унда радиосаҳна асарлари, радиопостановкалар, инценировкалар ҳамда спектакллар ва фильмларнинг радиомонтаж вариантлари бериб борилар экан.
Хуллас, @mtrkaudiokitoblar жуда ажойиб лойиҳа бўлибди!
Агар китоб мутолаа қилишдан кўра, уларни эшитиш қулай бўлса, унда қуйидаги каналларга аъзо бўлишни тавсия қиламан:
-
2019-04-18 06:35:01+00:00
Кечаги ИИББ баёноти бўйича муносабатим
Тошкент шаҳар ИИББ прописка ҳақидаги постимга рус тилида расмий муносабат билдирди.
Муносабатдаги энг муҳим қисми, бу – 4-банди. Унда айтиладики, ИИВ Миграция ва фуқароликни расмийлаштириш бош бошқармасининг 14.12.2017 йилдаги 22/25297-сонли кўрсатмасида янги уй сотиб олиб, 1-банд билан пропискага кирганларнинг ФАҚАТ эр ёки хотин, ўз оиласи бўлмаган вояга етган болалари ва эр-хотиннинг биргаликдаги ва/ёки олдинги никоҳидан ёки никоҳсиз туғилган вояга етмаган болалари, шунингдек фарзандликка олинган болаларигина 2-банд билан билан прописка қилиниши мумкинлиги белгиланган экан.
Мана шу кўрсатма қонунга хилофлигини наҳотки ҳалигача тушунишмаётган бўлса?!
Биринчидан, ИИВ бошқармасининг кўрсатмаси норматив-ҳуқуқий ҳужжат эмас.
Иккинчидан, қонунчиликда кўрсатилмаган қоидалар асосида халқнинг аҳволини оғирлаштирадиган, уларнинг ҳуқуқларини чеклайдиган тақиқлар белгилашга ИИВ бошқармаларининг мутлақо ҳаққи йўқ.
Тушунтираман.
ҚОНУНдан кўчирма (14.09.2011):
1. Қонун ҳужжатларига мувофиқ олинган уй-жойга эга бўлган ЎзР фуқаролари — хусусий мулк қилиб олинган уй-жойга;
2. Қариндошлар — ўзларининг тўғри шажара бўйича биринчи ва иккинчи даражадаги қариндошлари доимий прописка қилинган уй-жой майдонига... доимий прописка қилинади.
ВМ ҚАРОРИ (16.02.2012, №41):
7-2. Рўйхатнинг 1 ва 8-бандлари асосида Тошкент шаҳрида ва Тошкент вилоятида доимий прописка қилинган фуқароларнинг қариндошлари Рўйхатнинг 2-банди асосида доимий прописка қилинадилар.
ИИВ буйруғи билан тасдиқланган ЙЎРИҚНОМА (01.05.2012, №71):
4. (саккизинчи хатбоши) Рўйхатнинг 1 ва 8-бандлари асосида Тошкент шаҳрида ва Тошкент вилоятида доимий прописка қилинган фуқароларнинг қариндошлари Рўйхатнинг 2-банди асосида доимий прописка қилинади.
Юқоридаги Қонун, ВМ Қарори ҳамда вазирлик йўриқномасида янги уй сотиб олиб, 1-банд билан прописка қилинганларнинг қариндошлари (ўз-ўзидан тўғри шажара бўйича 1 ва 2-даражали) 2-банд билан прописка қилинади дейилган. Тамом. Ҳеч қанақа чеклов йўқ.
Барака топгур, бюрократлар, мана шу 3та ҳужжат хулоса қилиш учун етмайдими Сизларга?
Бу худди бир парча қор бўлагидан қорбобо ясашга ўхшайди. Токи Конституциядан бошланиб, қонунларда давом этиб, энг пастки бўғинга етиб боргунгача, қор бўлаги юмалаб, янада оғирлашиб бораверади. Халқнинг аҳволи ҳам худди шу вазиятда борган сари оғирлашиб, “нафас олиши” қийинлашиб кетяпти.
Ўзингиз ўйланг, ҳурматли муштарий, вазирликдаги бошқарма бошлиғи ким бўлибдики, Қонунлар, ҳукумат қарорлари ва ҳаттоки ўзининг вазири тасдиқлаган йўриқномани тан олмасдан, халқнинг аҳволини янада оғирлаштирадиган, фуқароларга қийинчилик туғдирадиган кўрсатма бериши мумкин? Бошқарма бошлиғи қонунни имзолаган Президентдан, қарорни имзолаган Бош вазирдан, буйруққа қўл қўйган вазирдан ҳам устунми? Бунга қандай чидаш мумкин? Қайси ақл билан буни тушунтирса бўлади?
Ва яна Тошкент шаҳар ИИББ уялмасдан мана шу кўрсатмани расмий сайтида ўз ҳаракатларини оқлаш учун асос сифатида келтираётганини қаранг.
Тасаввур қилиш учун, бир тўқима мисол келтираман:
Дейлик, Қонун, ВМ қарори ҳамда ИИВ йўриқномаларида БАРЧА фуқароларга загранпаспорт берилиши белгиланган. Лекин ИИВ бош бошқармаси кўрсатма чиқариб, ФАҚАТ Тошкент, Сирдарё, Жиззах ва Бухоро вилояти аҳолисига загранпаспорт берилсин, қолганларга берилмасин, деб топшириқ берганга ўхшайди ҳозирги ҳолат.
Дўстона маслаҳат!
Ички ишлар вазирлигининг раҳбарияти тажрибали, узоқни кўра биладиган инсонлардир. Улар худди шу масала юзасидан бўлаётган воқеалар охир-оқибат вазирлик имиджини кескин тушириб юбориши мумкинлигини яхши англай оладилар, деган умиддаман.
Шу сабабли бунга ўз ташаббуслари билан чек қўйишларини чин дилдан тилаб қоламан. «Кимгадир чора кўрилсин, фалончи жазолансин», деган иддаолар билан чиқиш ниятим йўқ, шунчаки халқимизга қонунларда белгиланган ҳуқуқларидан эркин фойдалана олишлари учун имкон беринглар, илтимос. Бошқа нарсани сўрамайман.
P.S.: шу масала бўйича муаммога учраган инсонлар аллақачон судга ариза топшириб қўйишди.Кўрамиз, воқеалар ривожи нима бўларкин. Номи ўчсин, шу прописканинг...
👉 @xushnudbek 👈
-
2019-04-17 16:21:30+00:00
Тошкент шаҳар ички ишлар бош бошқармасининг сайтида пропискага оид мақоламга расмий муносабат билдирилибди:
https://iibb.uz/ru/news/o-nekotoryh-pravilah-propiski-v-tashkente
P.S.: ҳозирча фақат уларнинг жавобини ўқиб тураверинг, кейинроқ бунга ўз муносабатимни ёзаман.
P.S.-2: ИИББ муносабати русчада экан. Ўзбекча муқобили йўқ. Келгусида давлат тилида ёзилган мақолаларга давлат тилида жавоб қайтаришса, хурсанд бўлардик.
-
2019-04-17 12:51:56+00:00
ДТМ тестга киритмоқчи бўлаётган ўзгаришларини қайта кўриб чиқади
Адлия вазирлиги ДТМнинг тест тизимига киритишни режалаштираётган ўзгаришлари бўйича ўз хулосаларини берди, дея хабар бермоқда блогер Шаҳноза Тўрахўжаева.
Унда лойиҳа бўйича бир қатор таклифлар ва эътирозлар билдирилган. Хусусан:
✅ Вазирлик ДТМдан имтиҳонда фойдаланиладиган дарсликлар масаласига аниқлик киритишни, яъни ушбу дарсликлар рўйхатини шакллантириш учун аниқ мезонларни ишлаб чиқишни талаб қилган.
✅ Лойиҳадаги энг баҳсли ўринлардан бири – тест синовларини такрор топшириш учун энг кам иш ҳақининг 1 баравари миқдорида тўлов ундирилиши масаласига Адлия вазирлиги эътироз билдирган. “Бу фуқароларнинг конституцион ҳуқуқларига зид, чунки конституцияда ҳар кимга моддий ва жисмоний имкониятларидан қатъи назар, таълим олиши учун бир хил имконият беришни белгилаб қўйилган. Шу боис мазкур банд қайта кўриб чиқиш керак, ушбу масала аҳоли ўртасида норозиликлар юзага келиши мумкинлигини инобатга олиш лозим” дейилади вазирлик хулосасида.
✅ ДТМ раҳбарининг мақомини вазирга тенглаштириш бўйича бандга ҳам эътироз билдирилган. ДТМ ваколатлари кенгайтирилиши мақсадга мувофиқ эмас, яъни ушбу қарор лойиҳасидан кўзланган мақсадга. Адлия вазирлиги “лойиҳанинг тартибга солиш предмети бўлмаган 6-банд ортиқча сифатида чиқариб ташланиши лозим” деган хулосани берган. Ушбу бандда ДТМнинг ваколатларини кенгайтириш, хусусан, унинг директорини лавозимига кўра вазирга тенглаштириш, раҳбарга Давлат тест маркази тузилмасига ўзгартиришлар киритиш ҳуқуқини бериш назарда тутилган.
✅ Лойиҳада 2 йил муддатга амал қиладиган сертификат берилиши белгиланган. Аммо сертификат қандай тартибда берилади ва берилгандан кейин унинг қандай юридик кучи бўлади деган масалалар очиқ қолган. Амалга оширилишининг аниқ механизмига эга бўлмаган нормалар ҳуқуқни тартибга солишдаги бўшлиқларни пайдо қилади ва бу ўз навбатида коррупцияга йўл очади. Шу сабабли Адлия вазирлиги ушбу сертификатни бериш тартибини ишлаб чиқиш ва унинг ҳуқуқий оқибатларини аниқ баён этиш лозим деяпти.
✅ Адлия вазирлиги regulation.gov.uz порталида фуқароларнинг ушбу лойиҳа бўйича билдирган таклиф ва мулоҳазаларини ҳар томонлама, синчковлик билан ўрганиб чиқишни таъкидлаган ва ўз хулосаларига ушбу фикр-мулоҳазалардан қўчирмаларни илова қилган.
Адлия вазирлигининг мазкур талаблари асосида ДТМ лойиҳани қайта кўриб чиқиши ва белгиланган тартибда Вазирлар Маҳкамасига киритиши лозим.
Каналга уланиш:
👉 @xushnudbek 👈
-
2019-04-17 07:18:38+00:00
Избоскан туманида ўқитувчиларни мажбурий меҳнатга жалб қилган директор жаримага тортилди
Меҳнат вазирлигининг хабар беришича, Давлат меҳнат инспекцияси томонидан ўтказилган текширув натижаларига кўра, мажбурий меҳнат ҳолати тасдиқланди. Андижон вилояти Избоскан тумани 7-сонли мактаб директори А.Урмонов Маъмурий жавобгарлик тўғрисидаги Кодекснинг 51-моддаси бўйича маъмурий жавобгарликка ва ЭКОИҲнинг 3 баробари миқдорида жаримага тортилди.
«Агар мажбурий меҳнат ҳолатларига дуч келсангиз, 71-200-06-00 телефон рақамлари ёки @mehnathuquqbot телеграм боти орқали бизларга хабар беринг», - дейилади баёнотда.
Маълумот учун: МЖтК, 51-модда. Меҳнатга маъмурий тарзда мажбурлов
Қонунда назарда тутилган ҳолларни истисно этганда, меҳнатга бирон бир шаклда маъмурий тарзда мажбурлаш —
энг кам иш ҳақининг бир бараваридан уч бараваригача миқдорда жарима солишга сабаб бўлади.
👉 @xushnudbek 👈
-
2019-04-17 07:02:35+00:00
Юқоридаги ўқитувчилар ҳақидаги постга 260 га яқин изоҳлар қолдирилибди. Анча маънили фикрлар билдирилган. Ўқувчини уриш ва урмаслик тарафдорлари ўзаро ҳурмат билан чиройли баҳслашибди. Ўқиб, хурсанд бўлдим. Вақт бўлганда ўқиб чиқишни тавсия қиламан.
Айрим фикрлар:
•
Tarbiyani ta'limdan ajratish kerak!!!
Hayotiy voqea. O'quvchi kechgi soat 7 da mayda bezorilik qilyapti. Sinf rahbari,direktor va bir qator ma'sullar IIBga chaqirtirilyapti. O'qituvchi o'quvchini kechgi soat 7da qilgan bezoriligi uchun javobgar bo'lishi mumkinmi? Qanaqasiga? QANAQASIGA!?? Uni o'rniga o'sha o'quvchini ota-onasini yugurtirish kerak emasmi ? Tarbiyaga ota-ona ma'sul emasmi? O'qituvchi ko'chaga chiqib bezorilik qil demaydiku barakatopgurlar deydigan odam yo'q
•
Shunaqa o'quvchilar bor ota onalariga qayta qayta rahmat aytib charchamisan kishi! Yaqinda bir o'quvchi Bilimlar bellashuvida tuman bo'yicha 2-o'rinni oldi. (U maktabga ishga kirganimga endi 4 oy bo'ldi.) O'zi chiroylikkina istarali, kiyinishlari ham tartibli o'quvchi qizga qarab ota onasi davlat ishida tuzukroq lavozimda ishlasa kerak dib o'ylaysiz! Ko'p qizlar xaxalab kulsa miyig'ida kulib qo'yadigan bu qizni darslarda qatnashishi o'zi bilib vazifalarni qilishi tarbiyasiga tasanno aytme iloj yo'q! Sinf rahbaridan surishtirdim bilsam dadasi katta yo'l bo'yida non sotarkan, onasi pishiriq qilib magazinlarga tarqatarkan! Mana tarbiya! Mana oddiy insonni mehnati! Ota onasi shunaqa mehnat qilib pul yig'ib shu qizni 4ta fanga qo'shimcha pullik darslarga beribdi! Natijasi ayon! Buni shunchaki shunaqa ota onalar ham oramizda ko'p, shunday ota onalarga cheksiz xurmat va rahmatimni bildirib qo'yey dib yozyabman! Hammamiz ham ota onamiz yoki nasib qilsa bo'lamiz Inshaalloh!!!
•
Men 2009-yil maktabni bitrganman.Haliham esimda geografiyachi domlamiz darsga tayorlamay kelsak bir tepib koridorga chiqarib yuborgan paytlari ham bo'lardi.Lekin miq etmasdik na ota onamizni na birorta odamni sudrab kelmaganmiz.Lekin 8-sinfga o'tganimizdan keyin hatto chertmagan ham.Qiziqib so'raganman domla nega urmaysiz deganman.Endi ulg;'ayib katta bo'p qoldinglar uyat bo'ladi degani esimda>.Boshimga ko'taraman shu ustozimni.
•
Hozirda vaziyatga ikki tomondan qarashga to'g'ri kelyapti. Avvallari ustoz deganlari chindanam fidoyi va o'z kasbining ustasi edi. U tarbiya berardi, ilojsiz holda urardi. Bu ishni yoqlayman. Ta'lim va tarbiya kerak bo'lsa urib o'rgatilishi kerak. Hozir o'sha ustozlardan hech kim gina qilmaydi. Aksincha, hurmat bilan eslashadi. O'qituvchi kasbining har xil omillar bilan obro'sizlantirilishi yangi pedagoglarni ma'suliyatsizlikka kam yetakladi. Yangi kadrlarning ko'pchiligi chindanam o'qitishni bilmaydi.
Boshqa tarafdan olsak, odamlar ham o'zgarib ketdi. Hamma tarbiyani maktabdan talab qilishadi. Bolasi uyida jinoyat qilib qo'ysayam, ko'chada kompyuter o'ynab darsga bormasayam, yaxshi o'qimasayam o'qituvchilarni aybdor qilishadi. Shunday ekan o'zing berolmagan tarbiyani ular berishiga qo'yib ber.
•
Hayotiy misol, bir o'quvchim juda sho'x, tarbiyasi ham, bilimi ham qoniqarsiz. O'rtoqlari bilan ham, o'qituvchilari bilan ham urushmagan kuni yo'q. Bir kuni adabiyot o'qiyuvchisi qulog'idan cho'zib doskaga chiqribdi va burchakka turgazib qo'yibdi. Ertasi kuni onasi kelib, adabiyot o'qituvchisini ham, sinf rahbari sifatida meni ham va maktab rahbarini ham ko'chadagi eng og'zi shaloq xotinlar ham uyaladigan so'zlar bilan juda qattiq xaqorat qildi. Men bunday sassiq so'zlarni hayotimda birincha martta eshitib turgandim. Ertaga bu bola kim bo'ladi deb juda ko'p o'ylayman...
👉 @xushnudbek 👈
-
2019-04-16 13:00:57+00:00
Ўқувчиларни калтаклашни ёқламайман. Ҳар қандай вазиятда ҳам. Уриб ўқитиш - эски замоннинг сарқит усули. Бошқа нарса эмас.
Лекин масаланинг бошқа жиҳатига эътибор қаратмоқчиман.
Биз ҳам мактабда ўқиб юрган пайтларимиз кўп калтак еганмиз. Айниқса, мен шўх ва тўполончи бўлганман. Кўпинча дарсларда гап қўшиб, ўқитувчиларга доим халақит бериб ўтирардим. Ва шунга яраша айрим вазиятларда ҳақимни “еганман” ҳам. Аммо калтак еган пайтларимизда на мен, на синфдошларимдан бирортаси ота-онамизни чақириб келганимизни эслай олмайман. Нимага?
Чунки, ўзимдан мисол қилиб айтсам, ота-онам ҳеч қачон менинг ёнимни олишмаслигини яхши билардим. Ҳатто айбим бўлмаса ҳам, ўша вазиятда мен ҳақ бўлсам ҳам, барибир ота-онам ўзимни айбдор қилишарди. «Устозинг бекордан бекорга бундай қилмайди, ўзингдан ўтгани аниқ» дейишарди. Натижада ўқитувчимники етмагандай, қўшимчасига аямдан ҳам беаёв калтак ердим (дадам ҳеч қачон қўл кўтармаган).
Шунинг учун бирор марта шикоят қилмаганман. Синфдошларим ҳам худди шу сабабдан еган калтакларини уйдагиларга айтишмасди, айбдорлик ҳисси қўрқувга айланиб кетарди. Мактабимизга кимнингдир ота-онаси келиб, «нега боламни урдингиз» деб жанжал қилиб келганини сира эслолмайман.
Яна қайтараман, ўқувчиларни уришга мутлоқ қаршиман.
Шунчаки йиллар ўтгани сайин ота-оналарнинг фарзанд тарбиясига бўлган қарашлари ўзгариб кетяпти, демоқчи эдим холос. Барча айбни ўзгалардан қидириб, боласини фаришта дейдиганлар даври келяптими, дейманда.
Сизнингчи бу яхшими ёки ёмон?
👉 @xushnudbek 👈
-
2019-04-16 10:21:44+00:00
Айтишларича, ушбу сурат бугун Қашқадарё вилояти Деҳқонобод тумани Оқработ қишлоғида олинган. Кўплаб ёғингарчиликлар туфайли ер сатҳи юмшаб, катта автомобил йўлининг бир қисми ўпирилиб тушибди.
Бу ҳодиса натижасида ҳеч кимга зиён етмаган, жабрланганлар йўқ. Мутахассислар воқеа жойига аллақачон етиб келишган ва муаммони бартараф этиш бўйича тегишли ишларни амалга оширмоқда.
P.S.: аввалроқ худди шу Оқработ қишлоғида ер чўкиши натижасида поезд йўли издан чиқиб кетган эди.
Каналга уланиш:
👉 @xushnudbek 👈
-
2019-04-16 08:52:12+00:00
Таҳрирланди: айтишларича, бу воқеа Қўқонда бўлибди
Бировларники майли, лекин ҳатто ўз ҳаётини ҳам 1 тийинга баҳолайдиган ақли ноқислар кўплиги кишини ташвишга солади.
Хайриятки, Худо бир асрабди ўзиям. Афсуски ҳар қанча катталаштирсам ҳам машина номерини кўра олмадим.
👉 @xushnudbek 👈
-
2019-04-16 07:29:05+00:00
Туғилдиму, бўғилдим
ёхуд
ёшларга берилган бир имтиёз тарихи
2017 йил 5 июлдаги «Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида»ги ПФ-5106-сонли Президент фармонининг 13-бандида ёшларга қуйидагича имтиёз берилганди:
таълим муассасасини тамомлаганига уч йил бўлмаган, биринчи марта ишга қабул қилинган ёшларга даромад солиғини биринчи йил учун 50 фоиз, иккинчи ва учинчи йиллар учун эса 25 фоизга камайтириш
Лекин бу имтиёз деярли ишламади деса ҳам бўлади. Чунки бу ёшлар орасида тайинли тарғибот қилинмади (умуман қилинмади ҳисоб) ва ёшлар бунақа имтиёз борлигини билишмади ҳам.
Ўтган йили каналим орқали худди шу масала ҳақида 2 та пост ёзгандим (1, 2). Шундан кейин адашмасам ЎзАда битта кичкина хабар мазмунидаги мақола чиқди, “Ёшлар” каналида битта кичик репортаж эфирга кетди, яна 1-2 та жойда шу ҳақида айтишгандир, бўлди, тамом. Шу билан яна унутилди.
Лекин шу кичиккина тарғибот орқали ҳам кўпчилик ёшлар бундан хабар топди. Аммо!
Аммо хабари борлар ҳам бу имтиёздан деярли фойдалана олмади. Чунки корхона ва ташкилот бухгалтерлари “бунақа имтиёздан хабаримиз йўқ, ҳеч қандай кўрсатма бўлмаган” деб тан олишмади. Тан олганлари эса, хоҳласа ҳам бу имтиёзни қўллай олишмади, чунки бюджет ташкилотларининг бухгалтериясида ишлатиладиган UzAsbo тизимига бу солиқни қўллашга оид банд қўшилмади. Молия вазирлигига қилинган мурожаатларга эса, вазирлик “тез орада қонунчиликка ўзгариш киради, шундан кейин кўриб чиқамиз” деган мазмунда ажабтовур жавоб берилди.
Бу ўзгариш ўзини кўп куттирмади. 2018 йил 26 декабрдаги ПФ-5607-сонли Президент фармонига биноан, ёшларга берилган ўша солиқ имтиёзи бекор бўлди. Ҳа, энди бу имтиёз йўқ.
Майли, йўқ бўлса, йўқдир. Шахсан мен солиқ имтиёзларини ва ўзи ҳар қандай иқтисодий имтиёзларни унча хушламайман.
Лекин масала бошқа жойда. У имтиёз яхшими, ёмонми, ҳар ҳолда ПРЕЗИДЕНТ ФАРМОНИ билан белгиланган эди. Белгиландими, демак ижросини ҳам қилиш керакда. Аммо на Солиқ қўмитаси, на Молия вазирлиги, на Ёшлар иттифоқи бунга жиддий қаради. Муаммоларни ўрганишмади, унга ечим таклиф қилишмади. Ишлаётган ёшларга шу имтиёз қўлланилиши таъминланяптими, дея рейд ва ўрганишлар қилинмади. “Ўрага сиқчон тушди, гулдур-гуп” принципида иш қилинди.
Лекин «Ёшларга яратилаётган мислсиз имкониятлар» мавзусида маъруза ва нутқлар қилинганда, ишонаманки, албатта шу имтиёз ҳақида ҳам фахр ва ифтихор билан гапириб, мақтанишгандир. Қоғозда бору, амалда деярли қўлланмаган имтиёз билан...
Имтиёз бекор бўлгандан кейин ҳам унинг муаммоси ҳал бўлмаяпти. Аниқ бир мисол айтаман.
Қонунчилик талаби бўйича, имтиёз амалда бўлиб турган давр учун у қўлланилиши шарт. Гарчи у кейинчалик бекор бўлиб кетган бўлса ҳам.
Лекин бир муштарий ёзмоқда, унинг 2017 йил октябрь ойидан 2018 йил декабрь ойигача бўлган давр учун солиқ имтиёзини қўллаш ҳақидаги талаби Солиқ органлари томонидан рад қилинди (расмга қаранг). Рад қилиш асосини қаранг – “Бугун бу имтиёз бекор бўлган”. Ҳа, барака топгур, бугун бекор бўлган бўлса бордир, лекин мурожаатчи ўтган давр учун, яъни имтиёз амалда бўлиб турган давр учун ҳаққини сўраяптику. Ҳалол ҳаққи бу. Қонун ҳужжатларида белгиланган ҳуқуқи бу.
Хуллас, бу имтиёз амалда ўзини оқламади. Ўша пайти ким таклиф қилган, буниси менга қоронғу. Бундай имтиёздан ёшлар тайинли фойда кўришмади, ҳатто билмай ҳам қолишди. Энди била бошлаганда эса, бира тўла бекор қилиб юборишди. Туғилдиму, бўғилдим, дейишармиди шунақа вазиятда...
P.S.: ўша фуқарога солиқ органлари зиммасига имтиёзни қўллаш мажбуриятини юклашни сўраб, маъмурий судга мурожаат қилиши ҳақида маслаҳат бердим. Ёшлар ўз ҳуқуқини талаб қилиб судлашиб кўрсинчи, охири нима бўларкин, кўрамиз.
👉 @xushnudbek 👈
-
2019-04-15 12:35:24+00:00
Халқаро Форумлар саройида Ўзбекистонда Қозоғистон йилининг тантанали очилиш маросимига бағишланган тадбир бўлиб ўтмоқда. Шавкат Мирзиёев ҳамда Қосим-Жўмарт Тўқаевнинг нутқларидан сўнг, махсус концерт дастурига старт берилди.
-
2019-04-15 08:06:39+00:00
Пропискани оғзаки буйруқ билан рад қилишса, қандай йўл тутмоқ керак?
Қуйидаги мақолада давлат органлари «юқоридан» бериладиган оғзаки топшириқлар туфайли қонунда белгиланган МАЖБУРИЯТИНИ бажаришни рад қилса, қонун доирасида қандай йўл тутиш кераклиги ҳақида батафсил маълумот берамиз.
Янада аниқроқ айтадиган бўлсак, бир неча киши қўшилиб, янги уй сотиб олган, лекин пропискага кира олмаётган фуқароларга 4 та қадамдан иборат маслаҳатлар берилган.
Гарчи қуйида келтирадиган мисолларимиз фақат прописка ҳақида бўлса ҳам, лекин унда берилаётган таклиф ва маслаҳатларни исталган шунга ўхшаш вазиятда бемалол қўллаш мумкин. Қайси масала, қайси соҳа бўлмасин, ноқонуний қарорларга қарши ана шундай курашсак, бу энг тўғри йўл бўлар эди.
Муштарийларга қулай бўлиши ва адвокат учун қўшимча харажат қилиб юрмаслиги учун, мақолага мурожаат матнлари ва судга киритиладиган ариза намуналарини илова қилиб қўшиб қўйдим. Файлни юклаб олиб, ундаги керакли маълумотларни ўзгартириб чиқсангиз бўлди, аризалар таппа-тайёр!
Бир нарсани унутманг: ҲАҚ ОЛИНУР, БЕРИЛМАС!
Ҳаққингизни талаб қилиш уят ёки жиноят эмас. Аслида ноқонуний топшириқ бераётганлар уялсин. Қонуний ҳуқуқларингизни рўёбга чиқаришда барчангизга омад тилайман.
https://kun.uz/news/2019/04/15/propiskani-ogzaki-buyruq-bilan-rad-qilishsa-qanday-yol-tutmoq-kerak
👉 @xushnudbek 👈
-
2019-04-15 06:09:36+00:00
Қозоғистон Республикаси Президенти шарафига фахрий қоровул саф тортди.
Икки мамлакат мадҳиялари янграгач, давлат раҳбарлари ҳукумат аъзолари ҳамда Ўзбекистонда ўз миссиясини олиб бораётган дипломатик корпус раҳбарлари билан танишиб чиқмоқда.
-
2019-04-15 06:05:05+00:00
«Ўзбекистон24» телеканалида Қозоғистон Республикаси Президенти Қосим-Жўмарт Тўқаевни расмий кутиб олиш маросими тўғридан-тўғри эфирга узатилмоқда.
Шунингдек, ушбу маросимни Facebook орқали ҳам томоша қилиш мумкин:
https://www.facebook.com/Mirziyoyev/videos/2265446080344402
-
2019-04-15 04:01:21+00:00
Душанба куни эрталаб барча ишхоналардаги ҳолат 😂
Бошланган янги ҳафта барчангизга хайрли бўлсин!
👉 @xushnudbek 👈
-
2019-04-14 17:08:16+00:00
Юқоридаги постни 1 ой олдин эълон қилган эдим. Очиқ гапни айтаман, ўшанда муштарий айтган муаммо шунчаки паспорт столдагиларнинг уқувсизлиги деб ўйлагандим ва кўп жиддий қабул қилмагандим. Энди эса бошқа бир муштарийдан олган мактубдан кейин, фикрим ўзгарди. Аввал хатни тўлиқ эълон қиламан:
Яшнобод туманидан янги қурилган кўп қаватли уйлардан бирини отам ва онамнинг номига олдик, кейин ота-онамни 1-банд билан пропискага қўйдик, лекин оилали фарзандларини пропискага қўйишга рад этди. Нимага асосан рад этаётганини сўрасак 527-сонли қарорга асосан деди паспорт стол бошлиғи. Ўша 527-сонли қарорни lex.uz дан олиб кўрсатдик началъникга, У гапни роса олиб қочди ва бизда <<ИЧКИ НИЗОМ>> бор, новостройкадан сотиб олганлар оилали фарзандларини прописка қилишда чеклов бор деди. ИЧКИ НИЗОМНИ бизга кўрсатишни сўрасак, фуқарога кўрсатилмаслигини айтди.
Мурожаатимизга ёзма жавоб берилган, уни илова қилиб сизга жўнатяпман. (Биринчи файлда мухр йўқ нусхаси бу)
Сиз нима дейсиз, маслахат беринг
ЖАВОБ: Мен нима дейман? Деярли ҳеч нарса, шунчаки бу даражада қонунларга тупуриб қўйишга қандай ҳадди сиғишаётган экан, шунга ҳайронман холос.
Эътибор беринг, рад қилиш ҳақида 2 та жавоб хати бор. 1-сида Вазирлар Маҳкамасининг 2017 йилдаги 413 ва 527-сонли қарорларига кўра, 1-банд билан пропискага кирганларнинг оиласи бор фарзандлари прописка қилинмайди, дейилган.
413-сонли қарор
527-сонли қарор
Мана, иккала қарорга ҳам ҳавола бердим, эринмасдан кириб, ўқиб кўринг, ўзи жуда қисқа қарорлар. Агар кимдир менга шу қарорларда тепадаги тақиқни топса, қойил қоламан.
Йўқ унақа тақиқ!!! Бу каби жавоб хатлари қонунларнинг устидан очиқчасига кулиш. «Қўлингдан келганини қил, бизнинг ўз қонунларимиз бор» дейиш.
Лекин масаланинг бошқа томони ҳам бор. Паспорт столдагиларни айблашдан йироқман. Чунки калаванинг учи тўппа-тўғри Ички ишлар вазирлигига бориб тақалашини ушбу хатлардан кўриш мумкин. Унда айтиладики, 14.12.2017 йилдаги вазирликнинг 22/25297-сонли кўрсатмасида янги уй сотиб олганларнинг оиласи бор фарзандлари прописка қилинмаслиги айтилган экан. Анаааа. Балиқ бошидан деганлари шу бўлса керак.
Хўп, айтишингиз мумкин, балки ростдан ҳам қонунчиликда мумкинмасдир, кимсан Ички ишлар вазирлиги соҳага оид қарорларни билмаслиги кулгили-ку, дея. Унда келинг, биргаликда муҳокама қиламиз.
ВМнинг 16.02.2012 йилдаги 41-сонли қарорининг 7-1-бандини ўқиймиз:
«Рўйхатнинг 1 ва 8-бандлари асосида Тошкент шаҳрида ва Тошкент вилоятида доимий прописка қилинган фуқароларнинг қариндошлари Рўйхатнинг 2-банди асосида доимий прописка қилинадилар»
Энди эса 7-2-бандини ўқиймиз:
«Рўйхатнинг 5-банди асосида доимий прописка қилинадиган фуқароларнинг олдинги никоҳидан ёки никоҳсиз туғилган фарзандлари (ўз оиласига эга бўлмаган) Рўйхатнинг 2-банди бўйича доимий прописка қилинадилар»
Хўш, соғлом ақл билан айтингчи, «ўз оиласига эга бўлмаган» деган талаб қайси бандга тааллуқли экан? 5-бандга!
1-банд билан кирганларнинг қариндошлари ҳақида гап кетганда «ўз оиласига эга бўлмаган» деган талаб қўйилганми? Йўқ! Йўқ! Ва яна йўқ!
Буни вазирликдагилар билмайди дейсизми? Жуда яхши билишади, чунки тизимда жуда кучли ҳуқуқшунослар ишлайди. Аммо шуниси алам қилади-да! Яъни била туриб, ўзини билмасликка олишлари. Билмасдан қилса, хатосини тезда тан олиши мумкин, лекин била туриб қилса, тан олдириб бўпсиз!
Нимага қонунларимиз бунчалар оёқости бўляпти?
Нимага уялмасдан, халққа бундай ноқонуний жавобларни беришмоқда?
Интернетда #суришкерак деган гапларни кўриб қолсак, уларни ватанпарвар эмасликда айблаймиз. Унда ватанпарварлар кимлар? Қонун ва ҳукумат қарорларини тан олмайдиганларми? Аслида бутун вужуди ва борлиғи билан халққа хизмат қилиши керак бўлган, лекин ноқонуний тақиқлари билан халқни қийнаётганларми? Шуми ватанпарварлик?!
Бўлди, тўхтадим.
P.S.: буни шундай қолдириб бўлмайди, албатта ўша муштарийга бу қарор устидан маъмурий судга шикоят қилиш учун бор кучим билан ёрдам бераман. Бундай қарорларга ана шундай курашиш керак. Агар буларга суд ҳам бас кела олмаса, унда фақат Худо бас келсин, бошқа илинж йўқ.
👉 @xushnudbek 👈
-
2019-04-14 16:01:55+00:00
Пропискага фақат ўз оиласи бўлмаган фарзандларни олиб кириш мумкинми?
#муштарийдан_савол
assalomu aleykum. Toshkentda propisjka haqida maqolangizni o'qib chiqdim. Shu masala bo'yicha savolim bor edi. Toshkentdan yangi qurilgan uyni Dadam nomlariga oldik. Oilada 5 qizmiz. Ikkita kotta opam turmushga chiqishgan. Olmazor Pasport stolida turmushga chiqqan farzandlarga propiska yoq deyishdi. Natijada faqat uchtamiz propiskaga kirdik. Ammo propiska ikkita opamga kerakroq. Ularni qanday qilib propiskaga kiritsa bo'ladi? Iltimos, javob bersangiz. Oldindan rahmat
ЖАВОБ: Кўпчилик инсонларнинг ҳуқуқий билими етарли эмаслиги, жудааа унақа катта фожиа эмас, лекин энг ёмони давлат хизматчиси бўлган ижрочиларнинг ўзи қонунни билмаса, бу - даҳшат! Чунки бундай вазиятда ҳуқуқини зўр биладиганлар ҳам курсида ўтирган амалдор қаршисида муаммога дуч келади. Камида ўзининг ҳақлигини исботлаш учун сарсон бўлади, ёзув-чизув қилиб умри кетади.
Бу билан нима демоқчиман? Юқоридаги вазиятда ҳам қонун-қоидаларни яхши билмаган ижрочилар фуқароларни сарсон қилмоқда.
Аслида қанақа бўлиши керак?
Ўз оиласи бўлмаган фарзандларини прописка қилиш қоидаси бу ерда нотўғри талқин қилинмоқда.
Эътибор бериш керакки, фақат ўз оиласига эга бўлмаган фарзандинигина пропискага олиб кириш мумкинлиги ҳақидаги қоида 5-бандга ҳамда 9 - 12-бандларга тааллуқли.
Яъни эри хотини орқали (ёки аксинча) доимий пропискага кирса, унда ўша 5-банд билан прописка олган эр ўзининг барча фарзандларини пропискага олиб киролМАЙди, фақат ўз оиласига эга бўлмаган фарзандларинигина 2-банд билан пропискага олиб кириши мумкин.
Худди шу қоида 9, 10, 11 ва 12-бандларга ҳам тааллуқли. Улар ҳам фақат ўз оиласи бўлмаган фарзандларини олиб кириши мумкин.
Лекин кўпчилик буни барча бандларга тааллуқли деб ўйлайди ва адашади.
Тошкентдан янги уй сотиб олган фуқаро 1-банд билан пропискага киради (ҳуқуқий асос: Низомнинг 7-банди).
Шундан сўнг, улар ўзининг тўғри шажара бўйича биринчи ва иккинчи даражадаги барча қариндошларини 2-банд билан пропискага олиб кириши мумкин (ҳуқуқий асос: Низомнинг 7-2-банди).
Яъни Тошкентдан янги уй сотиб олганлар ўзларининг барча фарзандларини, уларнинг ўз оиласи бор ёки йўқлигидан қатъи назар, 2-банд билан пропискага олиб кириши мумкин.
Масалан, 80 ёшга кирган отахоннинг номига Тошкентдан янги уй олишса, ўша отахон ўзининг барча фарзандларини (уларнинг ёши 60 да бўлса ҳам фарқи йўқ) ҳамда барча набираларини (уларнинг сони 30 нафардан кўп бўлса ҳам фарқи йўқ) 2-банд билан пропискага олиб кириш ҳуқуқига эга.
Агар паспорт стол “ғинг” деб рад жавобини берса, бемалол уларнинг устидан Ички ишлар вазирлигига шикоят қилишингиз мумкин.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2019-04-14 11:55:38+00:00
Бу топшириқ ўтган йили 27 августда берилган экан.
Сизнингча, Президентнинг ўша топшириғидан кейин дам олиш кунлари ишга чиқмаслик бўйича амалда ижобий ўзгариш бўлдими?
👍 - Ҳа, ижобий ўзгариш бўлди
😊 - Бир оз яхшиланди
👎 - Йўқ, аҳвол ўша-ўша
-
2019-04-13 14:36:53+00:00
Норматив-ҳуқуқий ҳужжатлар лойиҳаси муҳокамаси порталига автомототранспорт воситаларини давлат рўйхатидан ўтказишнинг янги механизмини белгилаб берувчи ҳужжат лойиҳаси жойлаштирилди (https://regulation.gov.uz/ru/document/3117).
Лойиҳага кўра, автомототранспорт воситаларини давлат рўйхатидан ўтказиш ва авторақам бериш хизмати тажриба тариқасида 2019 йил 1 майдан бошлаб, Давлат хизматлари марказлари орқали кўрсатилади.
Бунда, марказлар орқали қуйидаги тоифадаги автотранспорт воситалари рўйхатдан ўтказилиши режалаштирилмоқда:
– Ўзбекистонда ишлаб чиқилган ва хориждан келтирилган янги автомототранспорт воситалари;
– нотариал олди-сотди шартномаси асосида мулкдори ўзгарган иккиламчи автотранспорт воситалари.
Автотранспорт воситасини рўйхатдан ўтказиш учун фуқаролардан фақатгина паспорт ва мулк ҳуқуқини эътироф этиш ҳужжати (автосалонлардан бериладиган ҳисоб-маълумотнома, божхона декларацияси ёки олди-сотди шартномаларидан бири) тақдим этилади холос.
Хизмат кўрсатиш вақти – атиги 1 соат.
Агентликнинг таклифига кўра: эндиликда автотранспорт воситасини давлат рўйхатидан ўтказишда автотранспорт воситаларини кўздан кечириш, техник кўрикдан ўтказиш ТАЛАБ ЭТИЛМАЙДИ.
Соддароқ ифодалайдиган бўлсак, фуқаролар автомашинасини рўйхатдан ўтказиш ва авторақам олиш учун Марказларга автотранспорт воситаси билан келиши ҳам шарт эмас.
АВТОРАҚАМЛАР – КОРРУПЦИЯСИЗ!
Эндиликда авторақамлар коррупциянинг олдини олиш мақсадида махсус электрон тизим орқали инсон омилининг аралашувисиз тўлиқ автоматик тарзда танлаш орқали тақдим этилади.
Ҳар бир рўйхатдан ўтказилган рақамлар Марказ биносидаги йирик интерактив экранда очиқ кўринишда акс эттирилади ва реал вақт режимида янгиланиб борилади.
Худди шунингдек, аукцион орқали бериладиган авторақамлар тоифасига кирмайдиган айрим харидоргир рақамларни (жумладан, “кўзгу” шаклидаги, масалан 212, 343, 717 ваҳоказо) орттирилган ставкада тақдим этиш назарда тутилмоқда.
Яъни, фуқаро харидоргир рақам учун ЭКИҲ 1 баравари миқдоридаги қўшимча тўлов амалга оширса, унга 1Х1 – 9Х9 тоифадаги кўзгусимон рақамлардан (жами 72 та) бири инсон омилининг аралашувисиз электрон тизим орқали танлаб берилади.
Лойиҳа 28 апрелгача муҳокама қилинади, ўз таклифларингизни билдиришингиз мумкин.
Манба: @davxizmat
👉 @xushnudbek 👈
-
2019-04-13 09:50:21+00:00
Раҳбарларнинг оғзаки буйруқлари ёзма қонунлардан устун бўлган жамиятда ривожланиш бўлмайди. ИМХО.
👉 @xushnudbek 👈
-
2019-04-13 05:24:59+00:00
Эксперт Азиза Умарова ўз Телеграм каналида «2019-2021 йилларда Республиканинг фармацевтика тармоғини янада жадал ривожлантириш чора-тадбирлари тўғрисида»ги Президент Фармони бўйича қуйидаги фикрларни билдирибди:
«Маҳаллий компаниялар 1 июлдан бошлаб дори воситаларининг харид қилинишида етакчи аҳамиятга эга бўлади – буюртмачи агар маҳаллий компанияларда ушбу дори воситаларининг муқобили мавжуд бўлса, хорижий дори воситаларини етказиб берилишининг барча мурожаатларини рад этишга мажбур бўлади.
———-
Бундан оддий инсонлар дориларимизнинг ёмон сифатидан тузала олмай зарар кўради. Ҳинд дориларининг қадолаш ва ишлаб чиқариш учун кучимиз етади. Узимизда на биотехнология, на кашфиёт ва на фанга талаб қилинадиганчалик кўп ақл талаб қилинади.
Натижада эса бунда алоҳида фармкомпаниялар маблағ ишлаб топишади. Бюджет маблағлари эса чиройли йўл билан ўзлаштириб олинади. Бу лоббизм, турган-битгани калтафаҳмлик. Фақат ёш болагина буни тушунмаслиги мумкин...», - дея фикрини якунлаган Азиза Умарова.
P.S.: 2 ойлар олдин қаттиқ шамоллаб қолдим ва шифокорга бордим. Шифокор даволаниш учун дорилар ёзиб бера туриб, «Илтимос, фақат аптекага кириб, фалон дорини албатта хорижникини сўранг, ўлар ҳолатда бўлсангиз ҳам ўзимизники олманг, ўзимизда ишлаб чиқарилганларнинг ҳаммаси аллергия чақиради, даволамайди, аксинча ўлдиради» дея қаттиқ таъкидлади. Ва худди шу дорининг ўзимизда ишлаб чиқарилганларини қабул қилиб, аҳволи баттар ёмонлашган бир неча инсонлардан мисол айтиб берди.
Буёқда эса - сюрприиииииз... Бош омон бўлса, бир гап бўлар.
👉 @xushnudbek 👈
-
2019-04-13 04:55:10+00:00
SpaceX компанияси ўзининг жуда оғир Falcon Heavy ракета-ташувчисида илк бор тижорий парвозни амалга оширди. Ракета орбитага Саудиянинг алоқа йўлдошини олиб чиқди, ҳар иккала тезлатгич ва ракета биринчи қисмининг марказий бўлагини эса илк бор Ерга қайта қўндиришга муваффақ бўлинди. Тезлатгичлар Канаверал бурнидаги майдончага, ракета биринчи қисмининг марказий бўлаги эса денгиз платформасига қўндирилди. Ақлни шоширадиган манзара!
https://t.me/joinchat/AAAAAD63OEHkQHOlfdglMg
-
2019-04-12 17:28:51+00:00
Эслаганга яраша ширин хотираларни охирига етказиб қўяй:
1) Чемпионат баннери ҳам ўзига яраша чиройли чиққанди. Комил Буранов тайёрлаганди. Танлов 2013 йил декабрь ойида бошлангани учун «кўчада қиш, блогингда ёз» дейилган.
2) Диплопларимиз ҳеч қаерга ўтмаса ҳам, лекин дизайни чиройли эди, олтин, кумуш, бронза рангларида;
3) чемпионатнинг 2-босқичида 64 иштирокчи 8 та гуруҳга бўлиниб, ўзаро куч синашганди. Қуръа ташлаш маросимини Қорақамишдаги чойхонада қилгандик :) ФИФАнинг қуръа ташлашидан кам бўлмаган, если что 😂
4) Тақдирлаш маросимига ғолиблардан фақат Муҳрим келган. Чунки Иноят опа АҚШда, Шермуҳаммад Қирғизистонда эди. Лекин Иноят опанинг аялари атай Андижондан келгандилар. Дуоларини олганмиз;
5) Маросимда таниқли журналистлар Динара Дултаева, Соҳиба Ҳайитбоева, ўзбек блогерларининг "отахони" Евгений Скляревский ҳам қатнашганди;
6) Ҳозир айтишларича, маросимидан кейин Муҳрим 1 млн сўмни шартта чўнтакка солиб, ўша ердагиларга ош олиб берган экан. Бундан хабарсиз эдим. Қачон ош оберасан, Муҳрим? 😠
-
2019-04-12 16:47:24+00:00
Бугун илк блогерлар чемпионати ғолиблари тақдирланганига 5 йил тўлди
Бундан 5 йил олдин Ўзбекистонда биринчи марта блогерлар чемпионатини ташкил қилган эдик. Кунларнинг бирида Фейсбукдаги муҳокамалар чоғида, блогерлар чемпионати ҳақида гап кетди ва кўп ўйлаб ўтирмасдан таваккалига бошлаб юбордим. Шунчаки 5-6 нафар инсонлар ўртага пул ташлаб, кичикроқ соврин жамғармаси ташкил қилгандик.
Илк чемпионат учун http://uzbloggerlar.blogspot.com манзилида алоҳида платформа яратувдим, алоҳида сайт қилишга пулимиз, вақтимиз ҳамда имконимиз йўқ эди.
Ва кутилмаганда чемпионатда нақ 116 нафар иштирокчи қатнашган. 2014 йили ҳали сўз эркинлиги бугунгидек актуал бўлиб улгурмаган пайтларда роса зўр постлар ёзилган эди. Юқоридаги блогда ўша блогпостлар ҳалигача сақланиб қолган, вақт бўлганда кириб ўқишингиз мумкин.
Бошланишига 4 нафар ҳакамлар блогпостларни баҳолашганди: Қаҳрамон Асланов (Телеграмдаги канали - @iqtiboslar), Тўлқин Юсупов, Қобил Хидиров ҳамда мен.
Ўша илк чемпионатнинг ғолиби машҳур блогер Муҳрим Аъзамхўжаев бўлганди (ҳозир Телеграмда ҳам @muhrim каналида яхши нарсалар ёзиб туради).
2-ўринни ўша пайтда АҚШда истиқомат қилаётган Иноят Ҳон опамиз (эски блоглари ўчиб кетибди, ҳозир @mattersuz каналида ёзиб турадилар) эгаллаганди.
3-ўрин қўшни Қирғизистон фуқароси, лекин ўзбек тилида блог юритадиган Шермуҳаммад Абдуғофуровга насиб қилганди (shermuhammad.com блоги ҳозир ишламаяпти экан).
Соврин жамғармаси эса камтарано бўлганди:
1-ўрин: 1 миллион сўм ва UzInfoCom’дан бир йилга текин домен ҳамда 500 mb хостинг;
2-ўрин: 200 минг сўм, "Sony Reader e-Ink technology" электрон китобларни ўқиш қуриламаси (BookReader) ва 8 GB ҳажмли флешка;
3-ўрин: 150 минг сўм ва 16 GB ҳажмли флешка.
Тақдирлаш маросими 2014 йил 12 апрель куни UzInfoCom биносида 10-15 киши иштирокида оддийгина бўлиб ўтганди.
Кейинчалик иккинчи ва учинчи блогерлар чемпионатлари ҳам ташкил қилинди. Совринлар катта, иштирокчилар ҳам кўп, алоҳида сайт, давлат ташкилотларининг эътибори ҳам зўр, тақдирлаш маросимлари дабдабали бўлди.
Лекин шундай бўлса-да, ҳалигача ўша “давай-давай” билан таваккалига бошланиб кетган 1-чемпионат мен учун анча қадрли. Ва анча самимий ўтган эди. Биринчи муҳаббатим дермиди ))
Хуллас, шунақа гаплар. Фейсбукда расм чиқиб, эслатиб юборгани учун бир ёзгим келдида.
Суратда Муҳрим Аъзамхўжаев ҳакам ғолиблик дипломини оляпти. Эсдалик учун дипломлар ҳам қилувдик, гарчи ҳеч ким на имзо, на муҳр қўймаган бўлса ҳам.
👉 @xushnudbek 👈
-
2019-04-12 14:30:27+00:00
The Guardian газетаси Тошкент шаҳар ҳокими Жаҳонгир Ортиқхўжаевнинг жавоб хатини эълон қилди
2 апрель куни Буюк Британиянинг The Guardian газетасида Тошкентдаги тўсатдан бузилишларнинг одамларнинг қаҳрини келтираётгани ҳақида материал эълон қилинган эди. Тошкент ҳокими Жаҳонгир Ортиқхўжаев The Guardian газетасининг мазкур мақоласига жавоб берибди. The Guardian газетаси ҳокимнинг жавоб хатини эълон қилибди. Қуйида материалнинг таржимасини эътиборингизга ҳавола қиламиз:
"Тошкент шаҳри ҳокими сифатида мен сизнинг “Огоҳлантиришсиз кўчирилди: Тошкентдаги тўсатдан бузилишлар одамларнинг қаҳрини келтирмоқда” мақолангизни (theguardian.com, 2 апрель) ажабланиш ва ранжиш туйғулари билан ўқидим.
Уйларда яшовчилар уйлар бузилиши ҳақида огоҳлантирилмаган, деб ишонч билан таъкидлашнинг ўзи нотўғри. Уларнинг барчаси, айримлари эса икки йил олдиндан хабарнома олган.
Иккинчидан, сизнинг журналистингиз Тошкент шаҳри ҳокимлиги билан боғланмаган ҳамда жавоб бериш ҳуқуқини тақдим этмаган. Бунинг оқибатида репортажда ҳеч қандай текширилмаган ёки очиқ манбалардан тасдиқланмаган маълумотлар, хусусан, гўёки ўн мингта одам кўчирилгани ва яна 30 минг нафар аҳолининг уйлари бузилиш хавфи остида экани тўғрисидаги хабарлар келтирилган.
Тошкентда ҳеч бир кўчмас мулк ўз-ўзидан бузилаётгани йўқ. Турар-жойлар оғир аҳволга келиб қолган, эскириб қолгандагина бундай ишлар амалга оширилмоқда. Кўп ҳолларда уйларнинг атрофидаги инфратузилма ҳам тўлиқ реконструкцияга муҳтож; баъзида эса сув таъминоти ва канализация тизими мавжуд бўлмаган ҳолатлар билан тўқнаш келяпмиз.
Ўзбекистон қонунчилигига мувофиқ, уйларда истиқомат қилаётганларни тўлақонли хабардор этмасдан ҳамда компенсация тўғрисида ўзаро келишувга эришмасдан иншоотлар бузилиши мумкин эмас. Бундай келишув бир нечта шаклда тузилиши мумкин, жумладан, янги турар-жой тақдим этиш, кўчмас мулк объектининг тўлиқ бозор қиймати бўйича пулли компенсация бериш ёки шу икки шаклни қўшиб ишлатиш. Шунингдек, кўчиш вақтида логистика масалаларида кўмаклашилмоқда.
Биз шаҳримиз аҳолисининг турмушини яхшилаш ҳамда уй-жой фондимизнинг сифати ва хавфсизлигини оширишга интилмоқдамиз. Уйи бузилаётган барчага яхшиланган уй-жой таклиф этилган, ҳеч қандай қонунлар бузилмади.
Биз The Guardian газетаси журналистларини ажойиб шаҳримиз ҳақида кўпроқ билиш учун яна Тошкентга келиш ва тегишли ҳокимият вакиллари билан учрашишга таклиф этамиз.
Жаҳонгир Ортиқхўжаев,
Тошкент шаҳар ҳокими"
-
2019-04-12 12:20:24+00:00
Ижтимоий тармоқларда 1 млрд 13 млн сўм жаримага тортиш ҳақидаги мана бу сурат айланиб юрибди. Кўпчилик буни фотошоп бўлса керак, деяпти. Йўқ, менимча бу фотошоп эмас.
Унда 1 млрд жарима солиш мумкинми, дерсиз. Йўқ, энг оғир жиноятларни содир қилганда ҳам максимум ЭКИҲ 600 баравар жарима солиш мумкин (ҳозирги кунда 121 млн 638 минг сўм).
Ия, унда гап нимада? Бу рақамлар қаердан келиб қолди?
Ҳаммаси оддий. Техник хатолик бўлган. Тушунтиришга ҳаракат қиламан.
Ҳайдовчи содир этган қоидабузарлик МЖтКнинг 128-моддаси 1-қисми билан малакаланган. Ушбу банд бўйича ЭКИҲ иккидан бир қисми (ярим минималка) миқдорида жарима солишга сабаб бўлади. Бизда ЭКИҲ – 202 минг 730 сўм. Бунинг ярми 101 365 сўм бўлади.
Энди расмдаги жарима миқдорига қаранг: 1 013 652 019.
Демак, оддий мантиқни ишлатинг ва жавобни осонгина топинг. Топдингизми?
Ҳа, тўғри фаҳмладингиз, ЙПҲ инспектори 101 365 сўм жарима миқдоридан кейин 2019 дея йилни ҳам ёзворибди. Ўшанчун жарима миқдори 1 млрд бўлиб кетган.
Унда қавс ичидаги сўз билан ёзилган жаримачи, дейсизми? Бу автоматик дастур, тизимга қайси рақамни киритсангиз, уни сўз билан ёзиб ташлайди (“сумма прописью” дейилади).
Ўша ҳайдовчига энди нима бўлади, дейсизми? Ҳеч нарса, у қонунда белгиланган 101 минг 365 сўм жаримани тўлайди, ундан 1 сўм ҳам кўп эмас. Балки ИИБ уялганидан жаримадан воз кечворар, ёки ўша хатони қилган инспектор тўлаворар, ким билсин яна 😂
👉 @xushnudbek 👈
-
2019-04-12 11:52:10+00:00
11 МИНГ АҚШ ДОЛЛАРИ ЭВАЗИГА ЎҚИШГА КИРИТИШНИ ВАЪДА ҚИЛГАН ФИРИБГАР ҚЎЛГА ТУШДИ
Департаментнинг Чилонзор туман бўлими ходимлари томонидан фуқаро М.Т.нинг мурожаатига асосан олиб борилган терговга қадар текширувда, фуқаро М.Г. 2018 йилда юқори лавозимларда ишловчи танишлари орқали фуқаро М.Т.ни Тошкент давлат юридик университетига ўқишга киритиб қўйиш эвазига 11.000 АҚШ долларини фирибгарлик йўли билан қўлга киритганлиги аниқланган.
Мазкур ҳолат юзасидан М.Г.га нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Манба: @uzbprokuratura
-
2019-04-12 10:24:34+00:00
Шавкат Мирзиёевнинг тўнғич қизи Саида Мирзиёева Ўзбекистоннинг чет элларда ижобий имижини шакллантиришга масъул этиб тайинланди
Бугун Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида Президент Администрацияси раҳбари Зайнилобиддин Низомиддинов бошчилигида кенгайтирилган ҳайъат йиғилиши бўлиб ўтди. Бу ҳақида агентликнинг расмий Телеграм канали хабар бермоқда.
Кенгайтирилган йиғилишда йиғилиш иштирокчиларига ва Агентлик жамоасига янги раҳбарият таркиби таништирилди – Агентлик директори вазифасини бажарувчи Комил Исмоилович Алламжонов, директорнинг биринчи ўринбосари Ходжиметов Авазбек Жабборкулович, директор ўринбосарлари этиб Мирзиёева Саида Шавкатовна ҳамда Ғайрат Назарович Бозоров тасдиқланди.
👉 @xushnudbek 👈
-
2019-04-12 09:01:37+00:00
Электрон имзо олиб қўйинг, керак бўлади
Ўша куни «ИНПС ва ИНН рақамларини интернетдан қандай билиш мумкин?» деган пост эълон қилгандим.
Шу постда "My.gov.uz портали орқали ИНПС очиш учун ариза беришга электрон имзо талаб этилмайди" деган факт айтилганди.
Лекин шундан сўнг 2-3 киши айтилган манзилдан ариза бермоқчи бўлишганида электрон имзо талаб қилинаётганлигини маълум қилди.
Ростини айтсам, ИНПСим борлиги учун ўзим бу функцияни текшириб кўра олмагандим, лекин Ягона порталдаги маълумотларга қараб постни ёзгандим. Расмга эътибор берсангиз, ЭРИ талаб этиладиган давлат хизматлари алоҳида қайд этилган. ИНПС учун ҳисобга қўйиш хизматига эса ЭРИ кераклиги ёзилмаганди.
Нима учун электрон имзо сўрашаётганини аниқ билмадим. Лекин бир нарса, ўзингиз учун ЭРИ олиб қўйишни тавсия қиламан, бунга ЭРИнманг. Чунки жамиятимиз замонавийлашиб бораётган бир пайтда электрон имзо кўп жабҳаларда керак бўлади.
ЭРИ олиш учун 15 дақиқа ҳам вақт кетмайди, исталган давлат хизматлари марказларига паспортингиз билан борсангиз кифоя. Тахминан 18 минг сўм атрофида пулингиз кетади. Атиги шу. Ибтидоий усуллардан воз кечиб, давлат хизматларидан электрон фойдаланишни бошланг, бу ҳар томонлама қулай.
👉 @xushnudbek 👈
-
2019-04-12 06:01:46+00:00
Хорижда иш таклиф қилишдими?
Ижтимоий тармоқларда хорижга ишга жойлаштиришни таклиф қилаётган эълонларга тез-тез кўзимиз тушиб туради.
Кўпчилик бу эълонларга қай даражада ишониш мумкинлиги, улар таклиф қилаётган ишлар рост ёки ёлғонлиги ҳақида сўрашади.
Масалан, яқинда «Канадага 15 нафар ўзбекларни пицца ташувчи қилиб ишга жойлаштирамиз, фалон пиццерия билан шартномамиз бор» деган эълонларни сохталиги, уларга ишонмаслик кераклиги ҳақида огоҳлантириб чиқишган эди.
Маслаҳатим шуки, бундай эълонларга кўзингиз тушса, энг биринчи қиладиган ишингиз – ишга жойлаштиришни таклиф қилаётган фирманинг лицензияси бор-йўқлигини текшириш бўлсин.
Бунинг учун Меҳнат вазирлигининг расмий веб-сайтидаги мана бу ҳаволага кирасиз:
mehnat.uz/ru/services/reestr-chastnyh-agentstv-zanyatosti
Бу ерда хорижда ва Ўзбекистонда ишга жойлаштириш билан расман шуғулланадиган хусусий бандлик агентликларининг рўйхати берилган.
Эътибор бериш керакки, хорижда ишга жойлаштириш учун албатта лицензия олиш шарт ва рўйхатда ҳам сал пастроққа тушсангиз, лицензияси бор агентликлар алоҳида берилган. Чунки хорижда ишга жойлашнинг ўзига яраша талаблари бор, лицензия беришдан аввал вазирликдагилар ўша агентликни обдон текширади.
Демак, мабодо хорижда ишга жойлаш ҳақида эълон кўриб қолсангиз, юқоридаги ҳаволага киринг ва агентлик номини қидиринг. Агар лицензия берилганлар рўйхатида чиқмаса, уларга умуман ишонманг. Эртага алданиб қолишингиз мумкин.
Бу билан ҳозирда лицензия олган 52 та агентлик билан умуман муаммо чиқмайди, дея кафолат бермоқчи эмасман, лекин ҳар ҳолда бунинг эҳтимоли анча кам бўлади.
Хуллас, қонуний ишлаётган агентликларга ишонишни тавсия этаман.
👉 @xushnudbek 👈
-
2019-04-12 04:54:47+00:00
Бугун, 12 апрель - Халқаро космонавтика куни.
Бундан 58 йил муқаддам, айни шу кунда Юрий Гагарин фазога парвоз қилган илк космонавт бўлган эди.
P.S.: фото архивдан
-
2019-04-11 16:05:46+00:00
Қосим-Жўмарт Тўқаевнинг илк давлат ташрифи Ўзбекистонга бўлади
Президент Шавкат Мирзиёевнинг таклифига биноан Қозоғистон Президенти Қосим-Жўмарт Тўқаев 14 апрель куни икки кунлик давлат ташрифи билан Ўзбекистонга келади.
Президентлар қўшни қардош мамлакатда муваффақиятли якунига етган Ўзбекистон йилининг мантиқий давоми бўладиган Ўзбекистонда Қозоғистон йилининг расмий очилиш маросимида ҳам иштирок этадилар. Мазкур йил тадбирлари Қозоғистон санъат усталарининг концерти билан бошланади.
www.president.uz/uz/2490
👉 @xushnudbek 👈
-
2019-04-11 14:22:17+00:00
Бош вазир: Сергелидаги янги уйлар нархи қайта кўриб чиқилади
11 апрель куни Тошкент шаҳар Сергели тумани ҳокимияти биносида Ўзбекистон Республикаси Бош вазири Абдулла Арипов раислигида фуқаролар қабули ташкил этилди. Бу ҳақда Kun.uz мухбири хабар бермоқда.
Унда Сергели туманида қурилган имтиёзли уйларнинг нархи ва сифати юзасидан фуқаролар мурожаатлари тингланди. Бош вазир томонидан тегишли мутасадди раҳбарларга нархларни максимал даражада камайтириш ҳамда хонадонлар сифатини тўлиқ қайта кўриб чиқиш юзасидан топшириқлар берилди.
Маълум қилинишича, бир ой муддатдан сўнг Республика комиссияси хулосаси асосида қайта кўриб чиқилган хонадон нархлари бўйича очиқ ва ошкора ҳисобот тайёрланади.
👉 @xushnudbek 👈
-
2019-04-11 13:52:48+00:00
Ҳалигина монополия ҳақида гапириб турувдик, шу мавзуга оид ўта антиқа хабар чиқиб қолди.
Балки хабарингиз бордир, кеча Монополияга қарши курашиш қўмитаси GM Uzbekistan томонидан 2018 йилда сотилган 6,5 мингдан ортиқ Nexia-3 (2-позиция) автомобиллари комплектациясида туманга қарши олд фаралар охиригача етказиб берилмаганини маълум қилган эди.
Қўмита талаби билан, автомобиль ишлаб чиқарувчи аввал сотилган 6 мингтадан ортиқ автомобиллар комплектациясидаги фараларни етказиб берган ва истеъмолчиларга 2,5 миллиард сўмдан зиёд зарарни қоплаган, дейилганди хабарда.
Кейин ундан ҳам қизиқ бўлди. GM Uzbekistan бу хабарни рад қилиб, қуйидагича баёнот билан чиқди:
«Автомобилларни туманга қарши фараларсиз харидорларга етказилиш ҳолатлари мазкур бутловчи қисмнинг етказиб берилишида кечикиш юзага келганлиги сабабли харидорларни огоҳлантирган ва улар билан келишилган ҳолда амалга оширилган. Автомобилларни эгаларига ўз вақтида етказиб бериш мақсадида компания уларни вақтинча туманга қарши фараларсиз, кейинчалик ўрнатиб бериш шарти билан қарор қабул қилган.
Туманга қарши фараларнинг Монополияга қарши курашиш қўмитасининг талаби билан қўйиб берилганлиги ҳақиқатга тўғри келмайди, сабаби автомобилларга мазкур бутловчи қисмларни ўрнатиб бериш «GM Uzbekistan» компанияси томонидан доимий назоратда бўлган ва бу ҳақда харидорлар ҳам огоҳлантирилган».
Яъни GM фараларсиз машина берганини тан оляпти, фақат харидорларга зарарни тўлашга Қўмитанинг алоқаси йўқ, дейишди.
Икки ташкилотнинг ахборот жанги шу билан тугаса керак, деб ўйлагандик, бугун Қўмита кечагидан ҳам даҳшат ва айтиш жоиз бўлса Ўзбекистон шароити учун ҳеч кутилмаган баёнот берди. Унда қуйидагича гаплар бор:
«Шу билан бирга, юзага келган вазият бўйича монопол мавқега эга компаниянинг тутган позицияси, унинг корпоратив маданияти ва қадриятларига нисбатан бир қанча саволларни юзага келтирмоқда.
Маълумки, автомобил ишлаб чиқариш индустриясида фаолият юритаётган глобал компаниялар одатда камчиликлар аниқланганда сотувга чиқарилган автомобилларни оммавий тарзда қайтариб оладилар ва зудлик билан нуқсонларни бартараф этадилар. Энг асосийси, уларнинг бизнес юритиш ананаларига кўра улар истеъмолчилар ва мижозлардан ошкора оммавий тарзда узр сўрайдилар (мисол учун, Toyota, Volkswagen ва бошқа компаниялар)...
Бироқ, “GM Uzbekistan” АЖни хатти-ҳаракатларида қуйидагини кузатиш мумкин.
Хусусан, комплектацияларида етишмовчиликлар мавжуд бўлган автомашиналар оммавий тарзда қайтариб олинмаган ёки етишмовчилик тўғрисида тегишли тартибда эълон қилинмаган, ушбу вазият бўйича кўп ҳолатларда истеъмолчиларга тегишли тарзда маълумотлар берилмаган, уларни бартараф этиш учун қулайликлар яратилмаган, масалан, Тошкент вилоятининг Бекобод (узоқлик – 150 км), Бўка (80 км.), Чирчиқ шаҳарларида (100 км) автомобил харид қилган истеъмолчилар туманга қарши ёритгич ўрнатиш учун Чиноз туманига келишга мажбур бўлганлар, камчиликни бартараф этиш муддатлари чўзиб юборилган, алоҳида ҳолатларда 2018 йилнинг октябр ойида сотиб олинган автомобилларга бугунги кунга (6 ой ўтган) қадар комплектацияни бутлаш иши амалга оширилмаган.
Юқорида келтирилган ҳолатлар, бозорда муайян хўжалик юритувчининг монопол мавқеи вужудга келиши унинг истеъмолчилар олдидаги маъсулияти пасайишини келтириб чиқаришига яна бир бор далил бўлмоқда».
Мана шунақа гаплар. Биргина туманга қарши фаралар устида бўлаётган гап-сўзлар монополия нақадар жирканчлигини, монопол ташкилотлар эса безбетроқ бўлишини кўрсатиб турибди.
#ижтимоий_сўровнома
👍 - Яшасин, монополия!
👎 - Йўқолсин, монополия!
👉 @xushnudbek 👈
-
2019-04-11 07:45:21+00:00
Грузиянинг TBC Bank’и Ўзбекистонда Payme бренди остида фаолият юритувчи «Inspired» МЧЖнинг 51 фоиз акцияларини 5,5 млн долларга сотиб олибди.
Шу хабарни эшитиб, жуда ва жуда хурсанд бўлдим. Ёш тадбиркорларимизнинг муваффақиятидан қувондим. Давлатда монополия деган балони йўқотишса, тадбиркорларимиз имтиёзли кредит ёки баландпарвоз ваъдаларсиз ҳам ўзидан ўзи ривожланиб кетиши мумкинлигига яққол мисол бу. Кўп гапиргандан кўра, шунчаки шароит яратиш ва тегмаслик керак холос.
Боз устига ушбу келишув IT энг фойдали соҳа эканлиги, келажак айнан ахборот технологиялари билан чамбарчас боғлиқлигига ҳам далил бўла олади.
Бизнес қилинг, машаққатларга чиданг, сабрда бўлинг, бир кун келиб албатта мевасини кўрасиз, Худо хоҳласа.
Payme асосчиларига келгуси фаолиятида омадлар тилайман!
P.S.: рости Payme энг севимли иловам, қолган рақобатчиларининг хизматидан деярли умуман фойдаланмайман. Ҳам қулай, ҳам тез, ҳам қандайдир ёқимли илова. Бу зинҳор реклама эмас, дилдаги гаплар.
👉 @xushnudbek 👈
-
2019-04-11 05:07:30+00:00
Ёнғин хавфсизлиги бош бошқармаси ФВВ тизимига ўтказилди
ФВВ хабарига кўра, 10 апрелдаги Президент фармони ва қарорига асосан Фавқулодда вазиятлар вазирлиги тизимига:
Ички ишлар вазирлигидан Ёнғин хавфсизлиги бош бошқармаси, унинг ҳудудий ва таркибий тузилмалари ҳамда Ёнғин хавфсизлиги институти;
Мудофаа вазирлигидан - Гидрометеорологик жараёнларга таъсир кўрсатишни бошқарув хизмати берилди.
Шунингдек, Гидрометеорология хизмати маркази Фавқулодда вазиятлар вазирлиги тизимидан Вазирлар Маҳкамаси тасарруфига ўтказилмоқда.
Илмий ишларни ривожлантириш ва кадрларни тайёрлаш соҳасида ягона тизимни ташкил этиш мақсадида:
Ёнғин хавфсизлиги институти унга кундузги ва сиртқи йўналишлар бўйича юқори малакали мутахассисларни тайёрлаш бўйича вазифаларни юклаган ҳолда Академияга айлантирилмоқда;
Фавқулодда вазиятлар муаммолари ва ёнғин хавфсизлиги илмий-тадқиқот институти, Ёнғин-қутқарувчиларнинг бошланғич тайёргарлиги ва малакасини ошириш маркази ҳамда олий ҳарбий-таълим муассасаларига ўқишга кириш учун ёшларни тайёрлаш бўйича Ихтисослаштирилган лицей ташкил қилинмоқда.
Фото: Кун.уз
👉 @xushnudbek 👈
-
2019-04-10 17:51:34+00:00
Фаттох Шодиев Сирдарё вилоятига 40 млрд сўм ажратяпти
Асли ўзбекистонлик, ҳозирги кунда Қозоғистон Республикасида ўз тадбиркорлик фаолиятини юритиб келаётган Фаттох Шодиев ташаббуси билан «Шодиев Халқаро фонди» жамғармаси Сирдарё вилояти учун 40 млрд. сўм маблағ ажратилиши маълум қилинди. Бу ҳақида ишончли манбаларимиз хабар қилмоқда.
Бугун, 10 апрель куни, ажратилиши режалаштирилган маблағнинг қарийб 30 млрд сўми вилоятнинг махсус ҳисоб рақамига келиб тушган.
Мазкур маблағлар «Обод қишлоқ» дастури доирасида чекка қишлоқларини ободонлаштириш, аҳолини турмуш тарзини яхшилаш учун йўналтирилади.
Шунингдек, маблағнинг бир қисми Ховос туманида барпо этилаётган «Xovos city» қурилишига сарфланиши кўзда тутилмоқда.
👉 @xushnudbek 👈
-
2019-04-10 16:41:21+00:00
Йўл ҳаракати қоидаларига ўзгаришлар бугундан кучга киради
Бу ҳақидаги Вазирлар Маҳкамасининг қарори Lex.uz порталида расман эълон қилинди (пастдаги файлдан юклаб олишингиз мумкин).
Қарорнинг ўзида кучга кириш санаси кўрсатилмаган. «Норматив-ҳуқуқий ҳужжатлар тўғрисида»ги Қонуннинг 30-моддасига биноан, норматив-ҳуқуқий ҳужжатлар, агар ҳужжатларнинг ўзида кечроқ муддат кўрсатилган бўлмаса, улар расмий эълон қилинган кундан эътиборан кучга киради.
Демак, ушбу ўзгаришлар бугундан кучга кириб бўлди. Мисол учун, эртага кундуз куни чироқ ёқиб юрмасангиз, сизга жарима солишлари мумкин. Зўр-а!
Нимаси зўр?! Жуда ёмон бу.
Киритилган ўзгаришларга сира қаршилигим йўқ, масалан, ҳайдовчи сифатида “чап қўл қоидаси”ни қўллаб-қувватлайман ҳам.
Лекин барака топгурлар, бунақа ўзгаришлар қанақасига ҳеч ким хабардор бўлмаган бир пайтда қабул қилиниши ва ўша заҳоти кучга кириши мумкин? Қанақасига?! Ички ишлар вазирлигидагилар нимани ўйлаган ўзи?
Биринчидан, бирор жойда мазкур қарор лойиҳаси муҳокама бўлганини, ҳайдовчиларнинг фикрлари эшитилганини кўрмадим (балки бўлгандир). Осмондан тушгандай, “тап” этиб эълон қилинди.
Иккинчидан ва энг асосийсини сал юқорида ҳам ёзгандим. Бундай ўзгаришлар ҳеч бўлмаганда 1 ой, ана боринг, жуда имкони бўлмай қолганда келгуси ойнинг 1-санасидан (масалан, 1 майдан) кучга кириши керак.
ОАВ ҳамда ижтимоий тармоқларда, айниқса ТВда кенг ёритилиши керак. Одамлар билсин, нима ўзгаряпти, қачондан ўзгаряпти, энди нима қилиши керак.
Масалан, оддий мантиқ билан тасаввур қилинг, бу ўзгаришларни ўқиган ва ундан хабардор инсон сифатида эртага эрталаб айлана бўйлаб ҳаракатланаётиб, «қонун бўйича менда устунлик борку» дея қўрқмасдан ўнг томондагиларга йўл бермай юра оламанми? Йўқ, албатта. Чунки, Худо билади, «круг»га кириб келаётган ҳайдовчи интернетга кирганми, йўқми? Ўзгаришлардан хабардорми, йўқми? Жонимни хатарга қўйишга арзимайди, албатта.
Хуллас, яқин ўртада бунақасига сира гувоҳ бўлмагандим. Ички ишлар вазирлигига тасанно!
Ҳурматли, ҳайдовчилар!
Майли, масъуллар нимани ўйлаган бўлса, ўйлагандир. Лекин бизнинг қиладиган ишимиз, қонунчиликдаги ушбу янгиликлар ҳақида яқинларимизга, дўсту биродарларимизга етказиш бўлсин, илтимос.
Ва асосийси йўлларда ҳушёр бўлинг, ўзгаришларга барча кўникиб олгунгача бироз вақт талаб этилади, шу вақт ичида ўзингизни эҳтиёт қилинг.
👉 @xushnudbek 👈
-
2019-04-10 15:23:28+00:00
Бундан роппа-роса 2 йил олдин, 2018 йил 10 апрель куни, Рим шаҳрида «Рома» ва «Барселона» жамоалари ўртасидаги Чемпионлар лигаси чорак финал баҳсини бевосита стадиондан туриб кузатиш бахтига муяссар бўлгандим. Бунинг нимаси бахтлигини ҳақиқий футбол мухлислари жуда яхши тушунишади, менимча.
Ўзиям худди атай қилгандай, бу учрашув футбол тарихига кирадиган сенсацион натижа билан тугади. «Рома» кимсан «Барса»ни 3:0 ҳисобида енгиб, ярим финалга чиққанди.
Биз ўтирган сектор фан-клуб сектори эди, италян фанатлари жудаям жинни бўлишарканей... Уларнинг хурсандлигини кўрсангиз эди. Римда байрам бўлганди ўша кеча. Ҳамма бир-бирини қучоқлаган, қўл берган, табриклаган...
Бугун эса нафақат Италия, балки бутун дунёда коронавирус пандемияси сабабли стадионлар ҳувиллаб ётибди. Бир неча ўн минглаб инсонларнинг бир жойга йиғилишини тасаввур қилиш ҳам қийин.
Ажиб даврлар бўляптида, мен Сизга айтсам. Илоҳим, охири бахайр бўлсин.
👉 @xushnudbek 👈
-
2019-04-10 14:03:41+00:00
Тормозни вақтлироқ босинг
Йўл ҳаракати қоидаларига киритилган ўзгаришлардан яна бири ҳақида ҳам алоҳида тўхталишни лозим деб топдик.
Бундан буён светофорнинг тақиқловчи ишорасида тўхташ чизиғи олдида тўхтаганда транспорт воситасининг энг олдинги нуқтаси тўхташ чизиғи устига чиқиб кетмаслиги керак.
Бу қоиданинг муҳимлиги шундаки, видеокузатув ўрнатилган чорраҳаларда бундан буён камералар олд бампери чизиқ устига чиқиб кетган машиналарга ҳам автоматик жарима солишни бошлайди. Шу сабабли, тормозни сал вақтлироқ босинг, светофор чироқларига ҳушёрроқ бўлинг.
Суратда ушбу қоида янада тушунарлироқ қилиб тасвирланган.
👉 @xushnudbek 👈
-
2019-04-10 13:37:02+00:00
Лекин битта жойида эътирозим бор.
Бу ўзгаришлар қачондан кучга киради, Адлия хабарида шунисига аниқлик киритилмабди. Ўзимиз кўрволайлик, десак, бунинг ҳам иложи йўқ. Қарорнинг расмий матни ҳали Lex.uz'га жойланмаган.
Агар юқоридаги ўзгаришлар қарор эълон қилинган куннинг ўзидан, масалан, эртадан кучга киради дейилган бўлса, унда катта эътирозим Ички ишлар вазирлигига. Чунки бунақанги ўзгаришлар камида 2-3 ой олдин эълон қилиниши ва аҳоли ўртасида кенг тарғибот қилиб, тушунтиришлар берилиши керак. Йўқса, бахтсиз ҳодисалар кўпаяди, «круг»лар аварияга тўлиб кетиши мумкин (ундай бўлмаслигидан умидвормиз).
Агар Қарорда юқоридаги ўзгаришлар маълум вақтдан кейин кучга кириши ёзилган бўлса, унда эътирозим Адлия вазирлигига. Бунақа хабарларни тўлиқ ва батафсил чиқариш керак, йўқса аҳоли ўртасида тушунмовчилик ва ваҳима пайдо бўлади.
Майли, кутайликчи, тез орада аниқлик киритилиб қолар.
👉 @xushnudbek 👈
-
2019-04-10 13:23:20+00:00
Йўл ҳаракати қоидаларидаги бир ўзгариш қолганларига қараганда муҳимроқ ва қизиқроқ.
Бу ўзгариш айланма ҳаракатланиш ташкил қилинган чорраҳалардаги «ўнг қўл қоидаси» билан боғлиқ. Яъни кўпчиликка маълум, илгари алоҳида йўл белгилари бўлмаса, стандарт қоида бўйича «круг»га кириб келаётган ҳайдовчилар устунликка эга эди, «круг» бўйлаб ҳаракатланаётганлар эса йўл берарди.
Киритилган ўзгаришларга кўра, эндиликда «чап қўл қоидаси»га ўтилди, яъни «круг» бўйлаб ҳаракатланаётган ҳайдовчилар айланага кириб келаётганларга нисбатан устунликка эга бўлади.
Суратга қарасангиз, бу қоида янада тушунарлироқ бўлади. Яъни илгари сариқ енгил машина биринчи юрарди, бундан буён автобус устунликка эга бўлади ва «круг»га кириб келаётган ҳайдовчи йўл бериб, кутиб туради.
Европалашяпмиз, шекилли. Билишимча, АҚШ ва Европанинг кўп давлатларида худди шундай қоида амал қилади.
👉 @xushnudbek 👈
-
2019-04-10 12:59:49+00:00
Кундуз куни транспорт воситалари чироқларни ёқиб ҳаракатланиши шартлиги белгиланди
Йўл ҳаракати қоидаларига ўзгартириш киритиш тўғрисидаги Ҳукумат қарори (292-сон, 09.04.2019 й.) қабул қилинди. Бу ҳақида Адлия вазирлигининг @huquqiyaxborot канали хабар бермоқда.
Ўзгартиришларга мувофиқ:
👉 светофорнинг тақиқловчи ишорасида тўхташ чизиғи олдида тўхтаганда транспорт воситасининг энг олдинги нуқтаси тўхташ чизиғи устига чиқиб кетмаслиги керак;
👉 Тошкент шаҳар ва вилоят ҳокимлари айрим йўл участкаларида ҳаракат тезлигини (тегишли йўл белгиларини ўрнатиш) пасайтиришга ваколатли;
👉 аҳоли пунктларида иккита ҳаракат бўлаги бўлган ва ўртада трамвай изи бўлмаган бир томонлама ҳаракатли йўлларда тўхташга рухсат этилади;
👉 айланма ҳаракат чорраҳасида ҳаракатланаётган транспорт воситаси айланага кириб келаётган транспорт воситаларига нисбатан устунликка эга;
👉 куннинг ёруғ вақтида барча автомототранспорт воситалари яқинни ёритувчи чироқларни ёки кундузги чироқларни ёқиб ҳаракатланиши шарт;
👉 қурилиш материаллари, қишлоқ хўжалиги маҳсулотлари, озиқ овқат ва шу каби тўкилувчи товарларини ташишда юк мажбурий тартибда брезент ёки бошқа қалин материал ёпилган бўлиши керак;
👉 велосипед ва мопед ҳайдашда рулни ушламасдан ёки бир қўлда ушлаб ҳаракатланиш тақиқланади.
Бундан ташқари ўзгартиришлар билан 28 та янги йўл белгилари киритилди.
Қизил чироқда ўнгга ҳаракатланиш, радар, пиёда ва велосипедчилар учун ташкил этилган йўлак каби белгилар шулар жумласидандир.
Ўзгартиришлар ҳақида қўшимча маълумот берилади.
👉 @xushnudbek 👈
-
2019-04-10 10:01:20+00:00
Бугун ўзбек романчилигининг асосчиси Абдулла Қодирий таваллудининг 125 йиллиги нишонланмоқда.
Суратда Тошкентдаги Абдулла Қодирий номидаги истироҳат боғида ўрнатилган адибнинг ҳайкали акс этган.
Фото: Норбек Ниёзов / Facebook
👉 @xushnudbek 👈
-
2019-04-10 06:27:55+00:00
ИНПС ва ИНН рақамларини интернетдан қандай билиш мумкин?
Ишга кирганлар ёки кираётганлардан бухгалтериядагилар доим сўрайдиган 3 та ҳужжат бор: паспорт нусхаси, жамғариб бориладиган пенсия дафтарчасидан (ИНПС) нусха ва солиқ тўловчининг идентификация рақами (СТИР ёки ИНН) нусхаси.
Кўпчилик бундай ҳужжатлар сўралганда қаердан олсам экан, деб боши қотади. Шу сабабли, қуйидаги маслаҳатларнинг Сизларга фойдаси тегади деган умиддаман.
ИНПС
Жамғариб бориладиган пенсия ҳисобварағининг рақамини билиш жуда осон. Ҳар бир фуқаронинг шахсий идентификация рақами (ПИН ФЛ) бўлади. Бу рақам паспортларимизда ёзилган. Ва энг муҳими ПИН ФЛ рақами паспортларни алмаштирган пайтингиз ҳам ўзгармайди.
Мана шу ПИН ФЛ рақами айни пайтда Сизнинг ИНПС рақамингиз бўлади. Яъни жамғариб бориладиган пенсия ҳисобварағингиз рақамини паспортингизга қараб ҳам бемалол билиб олишингиз мумкин (суратга қаранг).
Агар мабодо ҳали Сизда ИНПС очилмаган бўлса, унда буни интернет орқали ҳам қилса бўлади, албатта «Халқ банки» филиалларига бориш шарт эмас.
Буни my.gov.uz/uz/open-inps манзили орқали амалга ошириш мумкин. Энг муҳими бунинг учун электрон имзо талаб этилмайди.
СТИР (ИНН)
СТИР рақамини аниқлаш анча осон. Электрон солиқ хизматлари - my.soliq.uz порталида «СТИРингизни аниқланг» деган бўлим бор. Ўша ерда паспорт маълумотлари ва туғилган йилингизни киритиб, осонгина СТИРни ҳужжат кўринишида олиш мумкин.
Агар ҳали Сизга СТИР очилмаган бўлса, унда мана бу ҳавола орқали солиқ тўловчиларни ҳисобга қўйиш тўғрисида ариза юборишингиз мумкин.
Бундан ташқари СТИР рақамингизни билиб олиш ёки янги ҳисобга қўйиш тўғрисида ариза юборишни Telegram'даги @mysoliqofficialbot расмий боти орқали амалга оширишингиз мумкин.
Бор гап шу. Замонавий технологиялар фуқароларга енгиллик яратиш мақсадида яратилган ва бундан барчамиз унумли фойдаланишимиз керак.
Ушбу маслаҳатлар Сиз учун янгилик бўлдими?
👍 - ҳа, янгилик бўлди
👎 - йўқ, илгари ҳам билардим
👉 @xushnudbek 👈
-
2019-04-09 17:22:48+00:00
Нью-Йорк шаҳридаги Бирлашган Миллатлар Ташкилотининг бош қароргоҳида бўлиб ўтаётган Ёшлар иқтисодий ва ижтимоий форумида Ўзбекистон ёшлар иттифоқи раисининг биринчи ўринбосари Алишер Саъдуллаев нутқ сўзлабди.
Ушбу видео БМТнинг Ўзбекистондаги ваколатхонаси томонидан Facebook'даги саҳифасида эълон қилинди.
👉 @xushnudbek 👈
-
2019-04-09 14:32:03+00:00
Зиё истаган қалблар учун
Бугун яна бир муҳим сана бўлган экан - ziyouz.uz портали ишга тушганига 15 йил тўлибди. Интернетнинг ўзбек сегменти учун ҳозирча тенги йўқ зиё манбаси бўлиб турган ушбу портал асосчиси Давронбек Тожиалиев бу ҳақида @ziyouzcom каналида қуйидагиларни ёзиб қолдирди:
«Бундан ропа-роса 15 йил аввал, 2004 йил 9 апрель куни дўстим Otabek Nuritdinov хонадонида Ziyouz.com портали илк бор дунё юзини кўрди. Ўшанда сайтда 20 та мақола мавжуд эди. Сайт html да ёзилган, ўша пайтдаги интернет тезлиги (31 кбит/с) билан уни жойлашга 1 соатча кетганди. Илк бор ziyouz портали ziyo-uz.land.ru манзили остида фаолият олиб борган. Ярим йил ичида сайтдаги мақолалар сони 300 тага етган.
Ўшанда менинг компьютерим ҳам йўқ эди. Компьютери, айниқса ноутбуки бўлиш катта обрў саналарди. Ишхонадаги компьютердан сайтни тайёрлаб, дискетага (floppy disk, 1,44 Mb) кўчириб, интернет кафега олиб бориб, ўша ердан жойлардим. У пайтлар ҳали ADSL ҳам йўқ, 31 кбит/с тезликка эга Dialup интернет кафедаги 6 та компьютерга бўлинарди. Интернет ҳам жуда қиммат. Соати 2000 сўм. Ўзим ўшанда 4000 сўм стипендия олардим.
2005 йили грант асосида журналистикадан малака ошириш учун Польшада бўлдим. Энг яхши қатнашган иштирокчи сифатида ноутбук совға қилишди. Жуда хурсанд бўлдим. Бу Wi-Fi адаптер уланган илк ноутбуклардан бири эди. Навоий кўчага (ўша пайтлар электроника товарлари ярмаркаси шу кўчада бўларди) нимадир олиш учун борганимда ўша ноутбукни кўсатганимда 2800$ га баҳолашган эди. Ўша пайтлари бу пулга яна озгина қўшилса, квартира берарди. Сотмадим.
Шу йили прописка муддати (университетдан 4 йилга прописка қилиб берарди) тугагани учун газетадаги ишимдан айрилдим. Магистратурага кирдим. Ярим йилча ишсиз қолдим. шунда ноутбук иш берди. Шу орқали озроқ тирикчилик қилиб, ҳам сайтни юритиб турдим.
Кейин телефони бор ижара-квартирага кўчиб ўтдим. Уйдан интернетга уланиб, сайт ишларини бажара бошладим. Аввалига интернет ишлай бошлаган пайт телефон линияси банд бўлар ва телефон ҳам пул ёзарди. Кейин Callback хизмати чиқди. Унда интернет провайдери сизга қўнғироқ қилиб, интернет уланарди.
Ziyouz.com кутубхонасидаги баъзи китобларни киритишга 1 кунлаб вақт кетган. Интернет тезлиги бу пайтда 56 кбит/с га етган, 20-30 Mb китобни юклаш учун кечқурун upload га қўяр, кечаси телефон узилиб қолмаса, сахаргача юклаш тугарди. Агар техник носозлик (телефон кўп узилиб қоларди) бўлса, яна қайта юклашга тўғри келарди.
2005 йилда сайтда форум (ушбу форум ўзбек тилидаги илк форумлардан бири эди) ишлай бошлади. «Янгиликлар», «Ислом», «Иқтисод», «Сиёсат», «Маърифат», «Ажойиботлар» бўлимларида 1000 га яқин мақола жамланди. 2006 йил, 25 январь куни «Халқ сўзи» газетасида чоп этилган «Айб фақат ёшлардами?» мақоласида сайтимиз ҳақида илиқ фикрлар билдирилди. Ушбу мақола порталимиз ҳақида расмий оммавий ахборот воситаларида эълон қилинган илк хабар эди.
2006 йил, 12 июнь куни Ziyouz портали расман «мустақилликка эришди». Турли бепул, лекин хархашали хостинглардан қочиб, мустақил равишда www.ziyouz.com номи остида янгидан фаолият бошланди. Дастлаб ruweb.net'дан олинган хостинг 50 Мб ҳажмда эди. Ойига 1000 Мб трафик бериларди. Бу трафик эса ойнинг 10-15 кунида тугаб қолар, қолган кунлари сайт ишламай турарди. Китоблар бошқа бепул серверга жойланарди. Кейинчалик хостингни бир неча марта ўзгартирдим...
Ўша пайтлар интернетда ўзбек тилидаги манбалар бармоқ билан санарли эди.
====
Ҳозирда Ziyouz портали ҳажми 200 Gb, унда 28000 мақола, 11500 та электрон китоб мавжуд. Ижтимоий тармоқлардаги кузатувчиларимиз сони 50000 дан ошди. 2018 йилда Ziyouz порталига кирганлар сони 5 552 961 ни ташкил этди (кунига ўртача 15313 киши)».
P.S.: Мен учун ҳам қадрдон бўлган ушбу маскан фаолиятига зафарлар тилайман! Давронбек Тожиалиев шунча меҳнатни беминнат, ҳеч бир моддий манфаатсиз амалга ошираётгани ҳар қанча мақтовларга арзийди. Бундай фидойи инсонларни қадрлашимиз, қўллаб-қувватлашимиз керак.
👉 @xushnudbek 👈
-
2019-04-09 07:00:08+00:00
Бугун, 2019 йил 9 апрель куни, юртимизда иккита муҳим сана нишонланмоқда:
• Буюк саркарда Амир Темур таваллудининг 683 йиллиги;
• Қорақалпоғистон Республикаси Конституцияси қабул қилинганининг 26 йиллиги.
👉 @xushnudbek 👈
-
2019-04-09 05:27:46+00:00
Шавкат Мирзиёев: «Ислом - нур эканини одамлар тарбиясига сингдира олмадик. Фожиамиз шунда»
👉 @xushnudbek 👈
-
2019-04-09 05:07:12+00:00
Соддалик айб эмас ёхуд илк марта божхона текширувига келганда.
2 кун олдин, 7 апрелда, бўлган воқеа экан. Хабар беришларича, воқеа Ўзбекистонда бўлмаган.
Видео: Uzmdk
👉 @xushnudbek 👈
-
2019-04-09 04:00:44+00:00
Солиқ тўловчиларнинг қадри
Дам олиш кунида бир фильм кўрдим - Hidden Figures (Скрытые фигуры). Ажойиб! Ўзи ҳаётий воқеаларга асосланган фильмларни кўрсам мазза қиламан.
Ўтган асрнинг 60-йилларидаги АҚШ ҳамда СССР ўртасидаги космик пойгалар ҳақида ҳикоя қилувчи ушбу фильм, шунингдек АҚШдаги ирқчилик кайфиятини ҳам таъсирли кўрсатиб бера олган. Голливуд, барибир Голливуд-да!
Фильмни кўра туриб, бир эпизодга аҳамият бердим. NASA коинотни забт этиш бўйича жуда катта лойиҳаларни амалга ошираётган эди. Ана шундай лойиҳалардан бирида 1961 йил 21 июль куни фазогир Гас Гриссом «Меркурий-Редстоун-4» космик кемасида суборбитал парвозни амалга оширади. Парвоз деярли муваффақиятли амалга ошади, фақат қўниш чоғидаги техник носозлик туфайли космик капсула Атлантика океанига чўкиб кетади. Космонавтнинг ўзини вертолётда қутқариб олишади.
Шу воқеадан сўнг NASA'даги лойиҳа раҳбарларига нисбатан иш очилади ва сенаторлар очиқ мажлисда шу лойиҳага масъул раҳбарларни «Солиқ тўловчиларнинг пуллари сизларнинг космик капсулангиз билан бирга океан тубига чўкиб кетди-ку» дея сўроққа тутади.
Қадриятни қаранг. «Давлатнинг пули, бюджетнинг пули» эмас, айнан солиқ тўловчиларнинг пулларини исроф қилдинглар, энди бунга жавоб беринглар, дейишяпти. Боз устига гап кичик ёки аҳамиятсиз лойиҳалар устида эмас, космосни ким биринчи бўлиб эгаллаш каби оламшумул вазифа устида бораётган эди. Яъни бундай лойиҳаларда миллиардлаб маблағ сарфланиши нормал ҳолат бўлса-да, улар барибир «солиқ тўловчиларнинг пуллари океанга тубига чўкиб кетди», дея эътироз билдиришмоқда.
Жамиятда солиқ тўловчилар мана шундай қадрланиши, улар олдида тўлиқ ҳисобдорлик ҳисси шаклланиши керак.
Ўзбекистонда ҳам кўнгилдагидек натижа бермаган ёки шошмашошарлик билан бошланиб, ярмида тўхтатиб қўйилиши натижасида солиқ тўловчиларнинг миллиардлаб пуллари ҳавога совурилган лойиҳа ташаббускорларини ҳам шунақа сўроққа тутиш бошланса борми, эҳҳеее...
Яқин йилларда бизда ҳам шунақа бўлармикин-а?!
👉 @xushnudbek 👈
-
2019-04-08 13:01:02+00:00
📚 РАҲБАРЛАРНИНГ СЕВИМЛИ КИТОБИ (5️⃣-қисм)
«Раҳбарларнинг севимли китоби» лойиҳасининг бугунги сонида фақат бир инсоннинг севимли асарлари ҳақида маълумот берамиз.
Лойиҳани бошлаган пайтимиз, муштарийларга «Кимларнинг севимли китоблари ҳақида маълумот Сизлар учун қизиқ?» деган савол билан мурожаат қилгандик. Ўшанда кўпчилик айни шу инсон севиб мутолаа қилган китоблари ҳақида маълумот билиб беришимизни илтимос қилишди. Дастлаб бу биз учун имкони йўқ масаладек туюлди. «Ахир қанақа қилиб, уларнинг севимли китоблари рўйхатини билишимиз мумкин», дея бошимиз қотди.
Лекин дўстларимизнинг маслаҳати ва кўмаги билан, бунинг йўлини топдик. Яъни Ўзбекистон учун қадрли бўлган ўша инсоннинг турмуш ўртоғига - Татьяна Каримовага мурожаат қилдик.
Сезганингиздек, бугун буюк давлат ва сиёсат арбоби, ўзбек халқининг улуғ ва ардоқли фарзанди, мамлакатимизнинг Биринчи Президенти Ислом Абдуғаниевич Каримовнинг севимли китоблари рўйхати билан таништирамиз.
Хабарингиз бор, лойиҳамизда раҳбарларнинг севимли 3 та китоблари ҳақида маълумот берар эдик. Лекин бугун истисно тариқасида бу миқдорни анча кўпайтирдик. Сабаби Татьяна Каримованинг хотирлашича, Ислом Абдуғаниевич жуда кўп китоб ўқиганлар. Самолётда, йўлда, уйда... Китоб ўқиш уларнинг энг севимли машғулотларидан бири бўлган экан, бўш вақтлари бўлиши билан мутолаа қилишни ёқтирган эканлар. Шунинг учун ҳам 3 тагина китобга тўхталиш анчайин мушкуллик туғдиришини билдирдилар. Шунга кўра, Татьяна Акбаровна Ислом Каримов севиб мутолаа қилган 15 та китоблар рўйхатини тақдим қилдилар.
Яна ҳам аниқроғи ушбу рўйхатни Ислом Каримовнинг севимли 15 нафар адиблари рўйхати десак ҳам бўлади, чунки айрим адибларнинг бир нечта асарлари эслаб ўтилган.
Ислом Абдуғаниевич Каримовнинг севимли асарлари рўйхати:
• Амир Темур. «Темур тузуклари»;
• Имом Бухорий. «Ал-Жомеъ ас-саҳиҳ»;
• Абдулла Қодирий. «Меҳробдан чаён»;
• Саид Аҳмад. «Уфқ» трилогияси, «Жимжитлик»;
• Пиримқул Қодиров. «Юлдузли тунлар»;
• Одил Ёқубов. «Улуғбек хазинаси»;
• Теодор Драйзер. «Молиячи», «Титан» ва «Матонатли» трилогияси;
• Эрнест Ҳемингуэй. «Чол ва денгиз», «Қўнғироқ кимни чорлаяпти?»;
• Джеймс Макгрегор Бернс. «Франклин Рузвельт. Инсон ва сиёсатчи» (асли: «Roosevelt. The Soldier of Freedom»);
• В.Г.Трухановский. «Уинстон Черчилль: сиёсий биография»;
• Чингиз Айтматов. «Кассандра тамғаси», «Асрга татигулик кун», «Қиёмат», «Оқ кема» ва бошқалар;
• А.Солженицын. «Биринчи доирада» («В круге первом»), «Гулаг Архипелаги» ва бошқалар;
• Юлиан Семенов. Романлар, қиссалар ва ҳикоялар;
• Валентин Пикуль. «Сўз ва иш» («Слово и дело»), «Боязид қалъаси» («Баязет») романлари ҳамда «Фаворит» туркумига кирувчи асарлар;
• Конфуций. «Ҳикматлар».
==•==•==•==•==•==•==•==•==•==
Рўйхатнинг 1-қисмини кўриш
Рўйхатнинг 2-қисмини кўриш
Рўйхатнинг 3-қисмини кўриш
Рўйхатнинг 4-қисмини кўриш
❗️Давоми бор
Xushnudbek.uz каналини кузатишда давом этинг:👇
https://t.me/joinchat/AAAAAEe1KDC7Hm03UPVooQ
-
2019-04-08 10:15:41+00:00
☝️ Жавоб: Суд мажлисига келин-куёв кийимида келиш мажбурияти юкланган.
Бу усул қанчалик фойда берган ёки йўқ, бунисини билмадим лекин.
Сизнингча, шунақа усуллар оз бўлсада (тахминан 5-10%) ажримларнинг олдини олишга ҳисса қўшадими?
-
2019-04-08 09:30:35+00:00
@zakovat каналида қизиқ мантиқий савол эълон қилинди:
Бир неча йиллар олдин Гана давлатида бир қонунни синов тариқасида қўллаб кўришди. Унга кўра, ажрашиш учун суд мажлисига келган эр-хотинга ўзларининг энг бахтли кунларидан бирини эслаши ва ўз қарорларини яна қайта кўриб чиқиши учун антиқа талаб қўйилган. Диққат савол, ушбу қонун эр-хотинга қандай мажбурият юклаган?
Жавоб вариантларингизни изоҳда ёзиб қолдиришингиз мумкин 👇
-
2019-04-08 07:48:10+00:00
«Раҳбарларнинг севимли китоби» лойиҳаси бироз танаффус олган эди. Сабаби кўплаб раҳбарлар хизмат сафарларида бўлганликлари сабаблари боғланиш имкони бўлмади, боғланганларимизнинг барчасидан ҳам ҳозирча жавоб ололмадик. Келгусида олинган маълумотларни тўплаб, вақти-вақти билан бериб боришда давом этамиз.
Лойиҳанинг бугунги сонида фақат бир инсоннинг севимли китоблари рўйхати билан таништирамиз. Чунки бу инсонни умумий рўйхатда беришни истамадик.
Сизнингча, ўша раҳбар ким? Буни бугун соат 18:00 да билиб олишингиз мумкин.
Тахминларингизни изоҳларда ёзиб қолдиринг ))
👉 @xushnudbek 👈
-
2019-04-08 05:49:05+00:00
Охирида ўтирган эркакнинг иши зўракан - сифат назорати! Иши жуда оғирлиги кўриниб турибди 😃
Бошланган иш ҳафтаси барчангизга хайрли келсин!
👉 @xushnudbek 👈
-
2019-04-07 10:47:55+00:00
2-3 кундан буён ижтимоий тармоқларда Фарғона вилоятидаги бир фуқаронинг аризаси айланиб юрибди. Унда деҳқон бозоридаги 50 нафар қассоблар одам гўшти билан савдо қилиши, яъни кечқурун қабристондан одамларни кавлаб олиб, уларнинг гўштини эртаси куни бозорда сотиши ҳақида баён қилинган.
Албатта бу каби хабарларнинг ёлғонлигини билиш учун жуда катта ақл шарт эмас, бунга мантиқий фикрловчи ҳар бир инсон ўзи мустақил хулоса қила олади.
Лекин шундай бўлсада маълумот ўрнида айтиш керакки, ўша мурожаат муаллифи салкам 25 йилдан буён руҳий-асаб касалликлари диспансерида рўйхатда туриши, ёшлари 79 да эканлиги, бундай мурожаатларни анчадан буён ёзиши маълум қилинди. Бу каби важлар тегишли органлар томонидан жуда кўп маротаба текширилган ва ҳар гал ёлғон маълумот эканлиги аниқланган.
Шу сабабли ўша мурожаат расмини ўзгаларга тарқатишдан манфаат йўқ. Аксинча кимнидир тарқатганини кўрсангиз, уларга ҳам бунинг ёлғонлиги ҳақида хабар беринг. Бу энг тўғри йўл, менимча.
👉 @xushnudbek 👈
-
2019-04-07 05:09:49+00:00
Бахшилар нафақат халқ ўтмишининг акс-садоси, айни пайтда бугунги куннинг ҳам жарангдор овозидир.
—
Искусство бахши – это не только эхо прошлого, это и звонкий голос современности.
-
2019-04-06 17:13:59+00:00
Nazarboyev
Avtoritar rejimlarda mamlakat yetakchisi oʻz taxtidan ketishi juda noyob hodisa. Odatda avtoritar liderlar, urush, harbiy toʻntaruv (coup), revolyutsiya yoki eng kamida liderning tabiiy oʻlimi tufayli taxtdan ketadi. Yaʼni Nazarboyevning ketishi muhim tarixiy hodisa, u tarixdagi oʻz xohishi bilan ketgan bir qoʻl barmoqlarida sanab o'tsa boʻladigan mamlakat rahbarlari qatoridan oʻrin oldi.
Endi uning merosiga qaraymiz. Hukumatlarning sifatini eng yaxshi oʻlchov birligi, odatda, aholining daromadlari va hayotning sifatidir. Iqtisodchilar aholining turmush tarzini kishi boshiga Yalpi Ichki Mahsulotda oʻlchaydilar. Yaʼni, YIMning oʻsish darajasi hukumat sifatining eng muhim oʻlchov birligi.
Nazarboyevni bu narsada omadi keldi deyishimiz mumkin, axir 2000 yillar boshidan, dunyo bozorida neft narxi keskin koʻtarilgan, va Qozogʻiston iqtisodiyoti kutilganidek jadal rivojlangan. Lekin Nazarboyev omadlik degan xulosa qilishga hali erta, chunki Qozogʻistonning shimoliy qoʻshnisi Rossiyada ham neft koʻp edi va neftdan tashqari bir qator resurslar, va eng muhimi juda taʼlimli aholisi ham bor edi. Lekin 2019 yilga kelib, Qozogʻiston aholi jon boshiga daromadlar boʻyicha Rossiyadan oʻzib ketdi (agar PPPga hisoblasak, nominalda Rossiya ozgina balandroq). Eng qizigʻi, Rossiya daromadlarning neft narxiga boʻlgan bogʻliqligi (korrelyatsiyasi) Qozogʻistonnikidan ham balandroq. Yaʼni Qozogʻiston neftdan Rossiyaga qaraganda “mustaqilroq”.
Bu degani, muhim oʻlchovlarga koʻra, Nazarboyev sobiq ittifoqning eng effektiv hukumat rahbarlaridan. Oʻzi SSSR qulamaganida, aynan Nazarboyev ittifoqning keyingi bosh vaziri (SOVMIN raisi) boʻlishi kerak edi. Buyogʻi esa tarix...
Rasmda Qozogʻiston, Rossiya va Oʻzbekistonning YIMlari koʻrsatilgan (bugungi dollarda).
Qiziq bir raqam: 1999-yili, Oʻzbekiston Qozogʻistondan kishi boshiga oʻrtacha 60% ga kambagʻalroq edi (bizni PPPga ishonmayman), 20 yildan soʻng 600% ga kambagʻalroq.
Manba: XB
P.S. Meni ko'p Qozog'istonlik do'stlarim bor, va ular Nazarboyevga nisbatan turli hil fikrga egalar, lekin hech biri uni mutlaq "yaxshi" deya olmaydi. Lekin shunday deyishga haqlilar deb o'ylayman.
-
2019-04-06 12:51:03+00:00
Айтишларича, Олий ва ўрта махсус таълим вазирининг биринчи ўринбосари Одил Қаландарович Абдураҳмонов Президентнинг ёшлар, фан, таълим, соғлиқни сақлаш ва спорт масалалари бўйича маслаҳатчисининг ўринбосари лавозимига тайинланибди.
Ҳозирча Олий таълим вазирига биринчи ўринбосар тайинлангани ҳақида маълумотлар йўқ.
Маълумот учун: Ёшлар, фан, таълим, соғлиқни сақлаш ва спорт масалалари бўйича Абдужаббор Абдувахитов Президент маслаҳатчиси ҳисобланади.
Каналга уланиш:
👉 @xushnudbek 👈
-
2019-04-06 11:33:31+00:00
Шавкат Мирзиёев Халқаро бахшичилик санъати фестивалининг очилиш маросимида иштирок этиш учун Сурхондарё вилоятига жўнаб кетди.
-
2019-04-06 10:42:55+00:00
Давлат тест маркази судда яна бир абитуриентга ютқазди
Хабар.уз нашрида яхши бир мақола эълон қилинибди (xabar.uz/vpc). Унда жиззахлик абитуриент ДТМ устидан судга мурожаат қилиб, ютиб чиққани, лекин ҳалигача талаба бўла олмагани ҳақида сўз юритилган.
Хуллас, масалага кўп тўхталмоқчи эмасман, мақолани батафсил ўқиб чиқишни тавсия қиламан.
Фақат айрим хулосаларим билан ўртоқлашмоқчиман:
1) Тест саволларининг сифати
Бу суд жараёнида ДТМдаги айрим саволларнинг сифати ҳалиям талаб даражасида эмаслиги кўриниб қолган. Жавоб вариантларининг 2 таси деярли бир хил, қолган 2 таси осмон билан ерча фарқ қилиши ҳам саволнинг сифатсизлигини кўрсатади.
Боз устига мақола муаллифи тўғри эътибор қаратган, суд жараёнида биология фани мутахассисларининг ўзи 2 қутбга ажратилган. Бир томон А тўғри жавоб деган, бир томон С. Мутахассислар-ки баҳслашадиган бундай масалалар абитуриентларга мутлақо берилмаслиги шарт ва зарур!
2) Ижтимоий адолатнинг йўқлиги
«Заковат» интеллектуал турнирларида битта қоида бор. Мабодо апелляцияда қайсидир жамоанинг жавоб варианти тўғри дея қабул қилинса, худди шу вариантни ёзган, лекин шикоят қилмаган бошқа жамоаларга ҳам очко берилади. Масалан, тўғри жавоб «чой» бўлган дейлик. Лекин бир жамоа апелляцияга келди ва ўзларининг «сув» жавоби ҳам тўғрилигини исботлаб берди. Бундай вазиятда «сув» деб жавоб берган барча жамоаларга очко берилиши шарт, гарчи улар шикоят қилиб келмаган бўлса ҳам! Бу ижтимоий адолат дейилади.
Ҳозирги вазиятда суд орқали хато дея топилган савол аслида қайта ҳисоблаб чиқилиши керак. Чунки худди шу саволлар фақат судлашган абитуриентга тушмаган-ку! Қолганлар ҳам у каби жавоб вариантини белгилаган, лекин уларга ҳам ДТМ экспертлари айби билан балл берилмаган. Демак, худди шу савол базадан топилиб, кимларга тушган бўлса, баллари қайта ҳисобланиши керак. Мана бу идеал ижтимоий адолат бўлади.
Бу уларнинг ҳақи, апелляцияга ёки судга бермаганлиги уларни бу ҳақдан маҳрум қилмаслиги керак.
3) Қонунчиликдаги бўшлиқларнинг кўплиги
Кириш имтиҳонларига оид қонунчиликда бўшлиқлар жуда кўп. Амалиётда шундай казуслар бўладики, бирорта ҳужжатда жавобини топа олмайсиз. Масалан, ҳозирги вазиятда ҳам жиззахлик абитуриент судлашиб чиққунигача ўқув йили тугай деб қолди. Энди нима бўлади? У талаба бўладими? Қандай асосга кўра? Давлат қабул комиссияси баённома чиқарадими? Агар талаба бўлса, унинг қолдирган дарслари қандай қопланади? 1-семестр аллақачон ёпилиб бўлди, у қандай ўзлаштиради? Хуллас, саволлар кўп, лекин Низомларда жавобини кўрмаганман.
Мени бир нарса доим ҳайрон қолдиради.
Нима учун таълимга масъуллар йиллар давомида муаммо бўлиб келган масалаларни қонунчиликка киритмаган? Низомларга тегишли ўзгаришлар киритилмаган. Ахир суд орқали ғолиб чиққан абитуриентлар илгари ҳам бўлганку.
Ёки бироз аввал абитуриент қинғир йўл билан ўқишга киргани исботланса, уни талабалар сафидан чиқариш учун ҳуқуқий асос йўқлиги ҳақида ёзгандим. Айтишларича, ушбу қоида янги қабул қилиниши кутилаётган қарорда акс этар экан. Аммо бунақа муаммо 10-15 йил олдин ҳам бўлган-ку. Ҳар йили шу каби муаммоларга дуч келиб туришган, лекин қонунчиликдаги бўшлиқ тўлдирилмаган.
Шунақа хос ҳолатларниг барчаси Низомлар доирасида эмас, алоҳида тартибда оғзаки ҳал қилиниб кетилаверган.
Аслида эса бу каби муаммоли вазиятлар тезда Низомларда акс этиши, ҳуқуқий ҳужжатлар такомиллаштириб борилиши керак эди.
Таълимга масъуллар нимага шунақа қилишмаган, ўйлаб ўйимга ета олмайман, рости.
Нима бўлганда ҳам жиззахлик абитуриент Даврон Турсунов талаба бўлиши шарт. Қолган муаммоларни оғзаки ҳал қилса бўлади :)
Каналга уланиш:
👉 @xushnudbek 👈
-
2019-04-06 07:12:15+00:00
Айтишларича, ушбу сурат Қашқадарё вилояти Деҳқонобод тумани Оқработ қишлоғида бугун эрталаб олинган. Кучли жала ёғиши ва сел келиши оқибатида ер сатҳи чўккан ва темир йўлларга ҳам зиён етган, дея хабар беришмоқда.
Мутахассислар муаммони бартараф этиш бўйича қизғин ишларни амалга оширмоқда, дея қўшиб қўйди манбамиз.
Каналга уланиш:
👉 @xushnudbek 👈
-
2019-04-05 15:35:27+00:00
«Менинг фикрим» веб-порталига Сиртқи таълим шаклида таҳсил олувчи талабаларнинг тўлов-контракт суммаларини камайтириш ҳақида янги жамоавий мурожаат жойлаштирилди.
https://meningfikrim.uz/uz/petitions/view/2402
Мурожаатда айтиладики, ОТМларда сиртқи таълим шаклида таҳсил олувчи талабалар доимий тарзда таълим муассасасида ўқишмайди, стипендия олишмайди. Аммо уларнинг контракт тўловлари кундузги таълим шаклида ўқийдиган талабалар билан бир хил.
«Таклифим, сиртқи таълим шаклида ўқувчи талабаларнинг контракт тўловлари суммасини камайтириш лозим», - дейилади жамоавий мурожаатда.
Ҳозирча 9 киши ёқлаб овоз берибди. 90 кун ичида 10 мингта овоз йиғиш керак бўлади.
Мен овоз бердим, Сизни ҳам ижтимоий адолатни таъминлаш учун овоз беришга чорлайман.
👉 @xushnudbek 👈
-
2019-04-05 13:55:48+00:00
«Титаник»нинг бахшиёна версияси - ўзбек-инглиз тилларида!
Термизда 5-10 апрель кунлари бўлиб ўтадиган биринчи Халқаро бахшичилик фестивалида Акбар бахши «Титаник»нинг бахшиёна версиясини куйлабди. «Бахшилардан инновация», деб изоҳ беришмоқда бунга.
Мистер Акбар, вери гуд, вери гуд! 👌😄
👉 @xushnudbek 👈
-
2019-04-05 11:17:29+00:00
Депутат Расул Кушербаев Телеграм каналида (@deputat_kusherbayev) бугун эълон қилинган Қонунга муносабат билдирди:
«Юқоридаги қонун, лойиҳа вақтидаёқ нотўғри эканлиги билинган эди. Бироқ ўтиб кетди, оқибатда биз Фермерлар Кенгашини гибрид ташкилотга айлантириб қўйдик. Савдо саноат палатаси ҳам гибрид қаторида.
Ё давлат бўлиб давлат эмас, ё нодавлат бўлиб нодавлат ташкилот эмас. Билмадим бу менинг фикрим, бошқача ўйловчилар ҳам кўп».
P.S.: Қизиқ, Олий Мажлис депутатлари орасида неча киши бу қонун лойиҳасига қарши бўлган экан-а? Уч? Беш? Ёки ўн? Нима бўлса ҳам, Сизларга раҳмат. Барака топинглар.
👉 @xushnudbek 👈
-
2019-04-05 07:13:45+00:00
Қонунларимиздан парчалар:
1️⃣ Ўзбекистон Республикаси Конституцияси
34-модда.
Ўзбекистон Республикаси фуқаролари касаба уюшмаларига, сиёсий партияларга ва бошқа жамоат бирлашмаларига уюшиш, оммавий ҳаракатларда иштирок этиш ҳуқуқига эгадирлар.
Бу ҳуқуқ, тушуняпсизларми, ҳуқуқ! Мажбурият эмас. Хоҳласа аъзо бўлади, хоҳламаса йўқ.
2️⃣ «Ўзбекистон Республикасида жамоат бирлашмалари тўғрисида»ги Қонун
1-модда. Жамоат бирлашмаси тушунчаси
Ўз ҳуқуқлари, эркинликларини ҳамда сиёсат, иқтисодиёт, ижтимоий ривожланиш, фан, маданият, экология ва ҳаётнинг бошқа соҳаларидаги қонуний манфаатларини биргаликда рўёбга чиқариш учун бирлашган фуқароларнинг хоҳиш-иродаларини эркин билдиришлари натижасида вужудга келган ихтиёрий тузилма жамоат бирлашмасидир.
Эркинлик ва ихтиёрийлик деган тушунчалар ҳақида ҳеч эшитганмисизлар?
3️⃣ «Нодавлат нотижорат ташкилотлари тўғрисида»ги Қонун
2-модда. Нодавлат нотижорат ташкилоти тушунчаси
Нодавлат нотижорат ташкилоти — жисмоний ва (ёки) юридик шахслар томонидан ихтиёрийлик асосида ташкил этилган, даромад (фойда) олишни ўз фаолиятининг асосий мақсади қилиб олмаган ҳамда олинган даромадларни (фойдани) ўз қатнашчилари (аъзолари) ўртасида тақсимламайдиган ўзини ўзи бошқариш ташкилотидир.
Қонунларимизга кўра, нодавлат нотижорат ташкилотлари фақат ва фақат ихтиёрийлик асосида тузилиши мумкин холос. Бошқача йўли йўқ, бўлмаган ҳам. Фақат Ўзбекистондагина истисно бўлиши мумкин.
No comment…
👉 @xushnudbek 👈
-
2019-04-05 07:02:56+00:00
Яна битта мажбурий аъзолик – нималар бўляпти ўзи?!
4 апрель куни «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун имзоланибди, у бугун «Халқ сўзи»да эълон қилинди.
Мазкур қонун билан «Фермер хўжалиги тўғрисида»ги Қонуннинг 25-моддаси қуйидаги мазмундаги иккинчи қисм билан тўлдирилди:
«Фермер хўжаликларининг Ўзбекистон фермер, деҳқон хўжаликлари ва томорқа ер эгалари кенгашига аъзолиги мажбурийдир».
Яъни фермерлар энди Кенгашга мажбуран аъзо қилинадиган бўлди.
Эҳ, Худойимей, ўзи йирик тадбиркорларнинг Савдо-саноат палатасига мажбурий аъзолиги каммиди?! Нималар бўляпти ўзи, а?
Барака топгурлар, Фермерлар кенгаши нодавлат нотижорат ташкилоти ҳисобланади (Савдо-саноат палатаси ҳам). Нодавлат нотижорат ташкилотига Қонун билан (!) мажбуран аъзо қилиб бўлмайди, тушунсангизчи ахир, Худо хайрингизни берсин!
Депутатлар қаерга қарашяпти, демоқчимисиз? Э, қўйинг, эсламайлик уларни...
Шу жойида битта қизиқ фактни айтай. Ўтган йили октябрь ойида худди шу қонун лойиҳаси Олий Мажлисда муҳокама қилинган пайти қуйидагича хабар чиққан эди:
«Депутат Расул Кушербоев бу талаб юқори турувчи қонун ҳужжатларимизга зид бўлиб қолмайдими, деган ҳақли саволни ўртага ташлади.
Шу боис депутат кенгашга фермерларнинг аъзолигини ихтиёрийликка асослантириш мақсадга мувофиқ, деган таклифни илгари сурар экан, Конституциямизда нодавлат нотижорат ташкилотлар, уюшмалар, жамоат бирлашмаларига ихтиёрийликка асосланган аъзолик ҳуқуқини мажбуриятга айлантириб бўлмаслигини таъкидлади. Бу жамоат ташкилоти ҳисобланган ушбу Кенгашни давлат органи вазифасини бажарувчи ташкилотга айлантириб қўйишини қайд этди.
Шу боис, фермерларда Кенгашга аъзо бўлиш ё бўлмаслик ҳуқуқини қолдириш мақсадга мувофиқ, деган якдил фикрни билдирди».
Кўряпсизми, қонунларимизга зид бундай қонунларга қарши чиққан депутатлар ҳам бўлган, лекин бу каби фикрловчилар Парламентда жуда озчилик. Қолганлари қарсак чалишни дўндиришади лекин.
Расул Кушербаев юрист бўлмаса ҳам, лекин буни онгли равишда тушуниб, қаршилик қилибди. Хўш, Парламентимиздан ўрин эгаллаган юристларчи (улар орасида "каттаконлари" ҳам бор), улар қаршилик қилишмаганмикин?
Кайфият ёмонам бузилди лекин...
👉 @xushnudbek 👈
-
2019-04-05 05:39:48+00:00
2018 йил 2 октябрдаги қонунга биноан, 5 апрель - Давлат хавфсизлик хизмати куни этиб белгиланган эди.
Чунки будан роппа-роса 1 йил олдин, 2018 йил 5 апрель куни, «Ўзбекистон Республикаси Давлат хавфсизлик хизмати тўғрисида»ги Қонун қабул қилинганди.
Бугун ушбу сана илк маротаба нишонланмоқда.
Фурсатдан фойдаланиб, Ўзбекистоннинг конституциявий тузумини, суверенитетини, ҳудудий яхлитлигини ташқи ва ички таҳдидлардан ҳимоя қилишда ҳормай-толмай, кечани кеча, кундузни кундуз демай сидқидилдан меҳнат қилаётган барча фидойи ходимларни чин қалбимдан табриклайман.
👉 @xushnudbek 👈
-
2019-04-04 15:23:09+00:00
Президент Шавкат Мирзиёевнинг куёви Отабек Умаров ҳамда қизи Шаҳнозахон Мирзиёева.
Сурат Отабек Умаровнинг Инстаграмдаги расмий саҳифасидан олинди
P.S.: «Имкон» реабилитация марказига эга бўлган давлат ихтисослаштирилган кўп тармоқли мактабгача таълим муассасасининг тантанали очилиш маросимидан лавҳа
👉 @xushnudbek 👈
-
2019-04-04 14:58:48+00:00
Тўлдириш: айтишларича, бу маълумот бўйича расмий ташкилотлар ҳолатга аниқлик киритишмоқчи экан. Яъни интернетдаги онлайн-ТВ хизматларга бу қоида амал қилмас эмиш. Улар давлат каналларини ҳам пулли асосда ретрансляция қилишга ҳаққи бор экан. Қизиқ. Майли, кутайликчи, расмий муносабат бериб қолишар.
-
2019-04-04 13:30:34+00:00
Қонунчиликка кўра, МТРКга қарашли 13 та давлат телеканаллари бепул намойиш этилиши шарт. Шу сабабли ҳам, масалан, UzDigital TV абонентларининг пули тугаб қолса ҳам, компания мана шу 13 та канални ретрансляция қилишга мажбур.
Лекин кўп бора кузатаман, ITV ҳамда AllPlay платформалари муҳим трансляциялар вақтида «Sport» телеканалини бепул кўрсатишни тўхтатиб, пулли каналга айлантириб олади. Масалан, ҳозир ҳам Локомотив-Андижон жамоалари ўйинини кўрмоқчи бўлсангиз, Сиздан пул сўрайди, очиқ доступни ёпиб қўйган.
Масалан, онлайн-ТВ хизматини кўрсатувчи Mediabay ёки Mediabox платформалари бепул кўрсатишда давом этмоқда. Яъни улар қонунга бўйсунишмоқда.
Тез орада бу масалага ижобий ечим топилади, деган умиддаман.
👉 @xushnudbek 👈
-
2019-04-04 09:53:16+00:00
Ишончли манбалардан олинган маълумотга кўра, Иқтисодиёт ва саноат вазири ўринбосари Каримов Анвар Расулович Сирдарё вилояти ҳокими ўринбосари этиб тайинланди.
У Халқ банкига раис бўлган собиқ вилоят ҳокими ўринбосари Муродилла Эшматов ўрнини эгаллаган.
Анвар Каримов 1977 йил Сирдарё вилояти Боёвут туманида туғилган. Илгари Молия вазири ўринбосари, Сирдарё вилояти ҳокимлиги бошқарма бошлиғи лавозимларида ҳам ишлаган.
👉 @xushnudbek 👈
-
2019-04-04 09:37:56+00:00
Вилоят ҳокими ўринбосари Халқ банкига раис бўлди
Сирдарё вилояти ҳокими ўринбосари Муродилла Ёқубович Эшматов Халқ банкига янги раис этиб тайинланди. Бу ҳақда Kun.uz манбаси хабар бермоқда.
У 1995 йилдан Марказий банк тизимида фаолият кўрсатган. 2005-16 йилларда Марказий банк раиси ўринбосари ва раиснинг биринчи ўринбосари бўлган, 2016 йилдан буён Сирдарё вилояти ҳокимининг иқтисодиёт ва тадбиркорлик масалалари бўйича биринчи ўринбосари сифатида ишлаб келаётганди.
Эслатиб ўтамиз, Халқ банкининг аввалги раиси Абдурасул Абдуллаев март ойи охирида Ветеринария ва чорвачиликни ривожлантириш давлат қўмитаси раиси ўринбосари — «Ўзбекчорванасл» агентлиги директори этиб тайинланганди.
👉 @xushnudbek 👈
-
2019-04-04 04:19:37+00:00
Фарҳод Файзуллаевнинг ёзишича, 16 апрель куни Канаданинг Альберта провинциясида провинциал сайлов бўлиб ўтади. Сайловда ғолиб чиққан партия етакчиси провинция бош вазирига айланади.
Қуйида Альберта сайлов органи томонидан тайёрланган, одамларни сайловга чақириш учун мўлжалланган реклама ролигини томоша қилинг.
Ролик шиори: «Бировларнинг сиз учун қарор қабул қилишига йўл қўйманг. 16 апрель куни овоз беринг».
Хўш, қалай ролик?
-
2019-04-03 17:59:27+00:00
Нархознинг 2-мутахассислигига 15 минг доллар сўрашди
«Агрокимё станцияси Тошкент филиали» МЧЖ директори вазифасини бажарувчи М.Б. фуқаро С.Ў.ни Тошкент давлат иқтисодиёт университетининг иккинчи мутахассислигига киритиб қўйишни ваъда қилади. У бу ваъдасини университетдаги юқори лавозимда ишловчи танишлари орқали бажаришини таъкидлаган. Бундай хизматлари эвазига “мижоздан” 15 минг АҚШ доллари сўрайди.
Лекин бу уддабуроннинг ўйлаганлари амалга ошмай қолибди. Департамент ходимлари томонидан ўтказилган тезкор тадбирда М.Б. 15 минг долларни олаётган вақтида ашёвий далиллар билан ушланган.
Бош прокуратуранинг хабар беришича, мазкур ҳолат юзасидан М.Б.га нисбатан жиноят иши қўзғатилиб, тергов ҳаракатлари ўтказилмоқда.
P.S.: яна ўша Нархоз. Ўзимизнинг эски таниш ))
Илгари ҳам айтгандим, бакалавр қийинлашгани сари оч бўрилар бошқа йўналишларга ҳужум қилишга ўтган. Токи қолган йўналишларда ҳам ислоҳот бўлгунича, максимум "соғиб", сутини ичишади. Болта тушгунча, кунда дам олади, деганларидек.
👉 @xushnudbek 👈
-
2019-04-03 13:47:39+00:00
«Khan Academy» электрон платформаси ўзбекчалаштирилади
Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг “Khan Academy” электрон платформасини маҳаллийлаштириш ва оммалаштириш тўғрисида”ги қарори лойиҳаси жойлаштирилди.
“Khan Academy” электрон платформасининг маълумотларини ўзбек тилига мослаштириш ва оммалаштириш бўйича чоралар қуйидаги вазифаларни бажариш учун амалга оширилади:
• ўқитувчиларга янги ўқитиш методикаларини қўллашни ўргатиш;
• бепул, сифатли билим олиш имкониятини яратиш ва таълим сифатини ошириш;
• Интернет тармоғидаги мавжуд таълим соҳасидаги очиқ ахборот ресурсларни ўзбек тилига таржима қилиш ва мослаштириш;
• аҳоли орасида замонавий билимларни тарғиб қилиш, назарий ва амалий кўникмаларни шакллантириш, аҳолининг таълим даражасини ва маданий савиясини ошириш;
• онлайн дарсликлар, ўқув ва услубий қўлланмалар, янги педагогик технологиялар, таълим ресурсларини ишлаб чиқиш ва Интернет тармоғи орқали тарқатиш;
• замонавий усулларни татбиқ қилиш йўли билан мактабларда таълим бериш жараёнини ривожлантириш.
Жуда яхши янгилик бу! Анчадан буён Paynet ва LeBazar лойиҳалари асосчиси Ботир Орифжонов шу лойиҳа устида иш бошлаганини эшитгандим. Ниҳоят, ушбу лойиҳани ҳукумат даражасигача олиб чиқишга муваффақ бўлибди. Бошқача айтганда - «Шурик уддалабди!» :)
Лойиҳа фаолиятига омадлар тилайман!
👉 @xushnudbek 👈
-
2019-04-03 07:42:27+00:00
Адлия вазирлигининг расмий хабари: Давлат божи масалалари комплекс кўриб чиқилади
“Давлат божи ставкаларининг 4-бандига ўзгартиришлар ва қўшимча киритиш тўғрисида”ги Ҳукумат қарори лойиҳаси Ўзбекистон Республикаси Ягона интерактив давлат хизматлари порталига жамоатчилик муҳокамасига қўйилган эди.
“Давлат божи ставкаларининг 4-бандига ўзгартиришлар ва қўшимча киритиш тўғрисида”ги Ҳукумат қарори лойиҳаси Ўзбекистон Республикаси Ягона интерактив давлат хизматлари порталига жамоатчилик муҳокамасига қўйилган эди. Лойиҳада Тошкент шаҳрида доимий пропискага эга бўлмаган шахслар томонидан кўчмас мулк сотиб олинганда ундириладиган давлат божи билан боғлиқ масалалар назарда тутилган эди.
Давлат божи ставкаларини комплекс кўриб чиқиш мақсадга мувофиқлигидан келиб чиқиб ҳамда прописка масаласида қонун ҳужжатларини такомиллаштириш масаласи қўшимча ўрганилаётганлиги сабабли лойиҳа жамоатчилик муҳокамасидан олиб ташланди.
Манба: http://www.minjust.uz/uz/press-center/news/94092/
👉 @xushnudbek 👈
-
2019-04-03 06:54:32+00:00
Пропискани қатъийлаштириш ҳақидаги қарор лойиҳаси порталдан ўчириб ташланибди
Кечаги қизғин муҳокамалардан кейин, бир неча киши янги уй сотиб олиб, пропискага кирмоқчи бўлганларнинг ҲАР БИРИ давлат божини алоҳида тўлаши ҳақидаги Адлия вазирлиги эълон қилган Вазирлар Маҳкамасининг қарори лойиҳаси порталдан ўчириб ташланибди.
https://regulation.gov.uz/uz/document/2990
Ушбу манзилга кирсангиз, қуйидагича ёзув чиқмоқда:
Not Found (#404)
Бундай саҳифа мавжуд эмас
Қизиқ, ҳукуматдагилар халқни бундай қийнаш мумкин эмаслигини тушуниб етишдимикин ёки машҳур ўзбек фильмидаги каби «Кўрасизлар, ҳали биз қайтамиз, қўшин тортиб қайтамиз» дейишмоқчимикин, буниси менга қоронғу.
Нима бўлганда ҳам Сизларни ушбу кичик ғалаба билан табриклайман. Қонунлари устувор давлатга айланишда давом этайлик, илоҳим.
👉 @xushnudbek 👈
-
2019-04-03 06:21:02+00:00
Сурхондарё вилоят ҳокимлигининг Матбуот хизмати Телеграм-каналида вилоятнинг собиқ ҳокими Баҳодир Пўлатов вилоят аҳлига миннатдорчилик билдирибди:
«Қадрли сурхондарёликлар!
Халқи мард ва танти, тупроғи зар бу воҳадаги фаолиятим давомида мен билан елкама-елка туриб, бирга ишлаган, қўллаб-қувватлаган Сиз азизларга ўз миннатдорчилигимни билдираман.
Сизларга мустаҳкам соғлиқ, оилавий бахт, тинчлик ва хотиржамлик тилайман. Сурхондарё янада гуллаб яшнайверсин!
Баҳодир ПЎЛАТОВ»
👉 @xushnudbek 👈
-
2019-04-03 05:14:57+00:00
Яйпанлик ўқитувчи, блогерлар чемпионати совриндори Исроил Тиллабоев ўз Телеграм каналида (@videodarslarim) бугунги кун мавзусига бағишлаб пост ёзибди. Бошқачароқ айтганда, масалага ўқитувчилар кўзи билан қарашга ҳаракат қилган. Постни кичик таҳрири билан тўлиқлигича ҳавола қиламан:
«Келинг, атиги ўтган ўқув йили билан бу йилги вазиятни таққослаб берай: шахсан мен ўтган ўқув йили ҳам 25% мажбурий обунага тортилганман, ҳа, айнан тортилганман, биттаям ўз хоҳишимга биноан эмас, ойлигимдан ушлаб қолиш йўли билан мактабга ўзим номини кўрмаган ва йилда ўқимаган газеталарга ёздиришган...
Бир ўқув йилидан кейинги, ҳозирги ҳолатни кўринг, газеталарга хоҳлаган обуна бўлди, хоҳламаган йўқ. Лекин ўқитувчи зоти газета ўқимаса саводсиз бўлиб қолмайди, қолмаган ҳам, савод масаласи газета ўқиш ёки ўқимаслик билан ўлчаниши ҳозир, айни ХXI асрда кулгули ҳолат. Ҳеч бўлмаса бу гапларни ўтган асрнинг 70-90-йилларида айтсангиз ишонардик.
Шундай қилиб тарихда илк бора Ўзбекистон ўқитувчилари ойликлари газетадагиларники эмас, ўзиники, хоҳласа обуна бўлсин, хоҳламаса ўша пулига китоблар сотиб олсин, ва яна хоҳласа интернетга тўлов қилсин, дейилди. Мажбурланмади, танлов имконияти берилди.
Энди акалар, мабодо ҳар йили жанжал қилиниб, қўрқитилиб, дўқ қилиниб пули тортиб олиб қўйилган ўқитувчи МАЖБУРИЙ обунадан қутилган бўлган ҳолда, бир ўқитувчимиз шу йил сентябрда “мактабимизда қайси газетага обуна бўласиз?”, деб ўтказилган мажлисда айтганидек, “17 йил ойлигимдан қақшатиб газеталарга ушлаб қолишди, мен бу йил бўлмайман, хафа бўлманглар”, деса шунга ким айбдор, Президент ўқитувчиларга шароит яратиб бераётган сиёсатини қўллаб-қувватлаб мажбурий обунага қарши чиққан янгича фикрловчи Халқ таълими вазири Шерзод Шерматов айбдорми, ҳурматлилар?
Илғор фикрли кишиларни ўз замондошлари тўғри қабул қилавермаганлиги тарихдан исботланган. Бу ҳолни шу кунлардаги Халқ таълими вазирига отилаёган турли тошлар, мақолаларда ҳам кўриш мумкин. Шундай мақолани ёзгувчилар ва бутун Ўзбекистон ўқитувчилари диққатига бир савол билан мурожаат қилмоқчиман, Вазир обунага мажбурламанглар, ҳар кимнинг ўз ихтиёр билан хоҳлаган газетасига ёзилсин, деганига айбдор деб топилиши керакми, ахир у ўнлаб йиллар давомида инсон ҳуқуқларини топтаб келган жирканч иллат, МАЖБУРИЙ сўзини йўқотишга ҳиссасини қўшди, обунани эмаску, ҳали ҳам ўқитувчилар ўзи учун фойдали деб аталган газетага обуна бўлмоқдаку?
Мисол учун Фарғона вилояти, Ўзбекистон туманида бир мактабни биламан, бутун жамоаси ҳар бири «Маърифат»га обуна бўлди (газета ходимлари телеграмда устозлар учун гуруҳ очиб тарғиботни кучайтиргани самарасидир балки). Хўш, ўшаларга Шерматов “ундай қилма”, деб обунани тўхтатдими? Йўқ-ку? Интернет тармоғини яхши билган киши газета ўқимайди, дейиш ва буни “вазирликдан бўшаб кетган собиқ ходим айтишича”, деб катта бир сайтда бўҳтон қилиш ўнлаб йиллар журналистик тажрибага эга журналистга ярашадими? Мени қизиқтирадиган томони, мени ёки бошқани газета ўқимайди, дейиш исботи юридик жиҳатдан қандай амалга ошириларкан-а, сайтга бераётганда шу томонини ўйлаб кўришмадимикан? “Вазирлик собиқ ходими айтишича фалончи ичиб ишга келаркан”, “Вазирлик собиқ ходими айтишича пистончини 100 та самолёти бор экан”, деб бир мақола ёзсам, ўша сайтлар менинг мақоламни ҳам чиқариб бераверармикан-а? Қизиқ, шахсий адоват сезилмадими сизнингча? Билолмаяпман-да мен ҳам шунисини...
Бутун Ўзбекистон ўқитувчиларига саволим, сизларни қайси бирларингизни Халқ таълими вазири МАЖБУРИЙ обунадан қутқарди, қайси бирларингизни обунадан қайтарди? Биринчисига жавоб - ҳаммамизни, иккинчисига жавоб - ҳеч қайсимизни! Демак Шерзод Шерматов - офарин сизга! Ўзбекистон ўқитувчилари сиз билан бирга! Бўш келманг!»
-
2019-04-02 15:07:40+00:00
Ҳукумат мобил алоқасига илк фойдаланувчилар уланди
1 апрелдан бошлаб Иқтисодиёт ва саноат вазирлиги, Маданият вазирлиги, Ички ишлар вазирлиги ва “Ўзавтосаноат” АЖ ходимлари UMSнинг ҳукумат мобил алоқасига уланишди.
Махсус ҳукумат мобил алоқаси фойдаланувчиларнинг махфийлиги, тезкорлиги, хавфсизлигини таъминлашга хизмат қилади, дейилади хабарда.
👉 @xushnudbek 👈
-
2019-04-02 10:11:52+00:00
Чуқур билим, ҳақиқий иқтидор ва мукаммал ижод мактаблари
—
Школы глубоких знаний, истинного таланта и совершенного творчества
-
2019-04-02 09:46:55+00:00
Нью-Йоркда ўзбек адвокатининг шов-шувли ғалабаси
2013 йилда АҚШга Ўзбекистондан кўчиб келган ва айни пайтда федерал судларда жиноий ҳуқуқ бўйича ишловчи нью-йорклик адвокат Фаррух Нуридинов Мексика наркокартелига аъзоликда гумон қилинган шахс учун минимал жазо муддатига эришди, деб ёзмоқда Кун.уз.
2018 йилнинг октябрида Ортиз-Гарсия Нью-Йорк Жанубий Округи суди томонидан 4 кг кокаин ва қарийб 6 кг фентанил кучли психотроп моддасини кейинчалик сотиш мақсадида ноқонуний сақлаш ҳолати учун 2 йилга озодликдан маҳрум этилди ҳамда 100 доллар жаримага тортилди.
Ортиз-Гарсия 16 йилга озодликдан маҳрум этилиши мумкин эди. Бундан ташқари, бундай жиноятлар учун АҚШда қонун камида 10 йиллик қамоқни назарда тутади.
АҚШ федерал судьяси Жорж Дэниелс раислигидаги суд жараёни давомида Ортиз-Гарсияни адвокат Фаррух Нуридинов ҳимоя қилди. Яхши тарзда йўлга қўйилган ҳимоя Ортиз-Гарсия икки йилга озодликдан маҳрум этилишига олиб келди. Судья Дэниелснинг қарори Нью-Йорк Жанубий Округи ҳуқуқ амалиётида ҳали ҳеч қачон кузатилмаган воқеага айланди. Федерал прокуратура ҳукм юзасидан шикоят билан чиқмаган.
👉 @xushnudbek 👈
-
2019-04-02 09:22:55+00:00
Халқ учун "меҳрибонлик"
Яна ўша прописка балоси ҳақида.
Кеча "Давлат божи ставкаларининг 4-бандига ўзгартиришлар ва қўшимча киритиш тўғрисида"ги Вазирлар Маҳкамаси қарори лойиҳаси эълон қилинди. Лойиҳа муаллифи Адлия вазирлиги экан.
Унга кўра, мана бундай ўзгаришлар таклиф қилинмоқда:
1) Чет элликларга прописка олиш ҳуқуқини берадиган янги уйларнинг минимал нархи оширилди. Илгари камида 600 млн сўмлик уй олиш керак эди. Таклиф қилинаётган ўзгаришга кўра, энг кам ойлик иш ҳақининг 3300 бараваридан кам бўлмаган миқдор белгиланмоқда. Бу ҳозирги кунда салкам 670 млн сўм бўлади. ЭКИҲ ошса, бу ҳам ошади.
Бунисига майли, чидаймиз. гап чет элликлар ҳақида кетмоқдаку ҳар ҳолда.
Лекин лойиҳадаги кейинги таклиф бевосита ЎЗБЕКИСТОН ФУҚАРОЛАРИ учун тааллуқли. Аниқроғи ЎЗБЕКИСТОН ФУҚАРОЛАРИГА ЯНАДА ҚИЙИНРОҚ, ЯНАДА ОҒИРРОҚ ШАРТЛАР ҳақида гап кетяпти.
Лойиҳага кўра, Тошкент шаҳри ва Тошкент вилоятида янги қурилган кўчмас мол-мулк 2 ёки ундан ортиқ шахс томонидан умумий мулк ҳуқуқи асосида сотиб олинган тақдирда, уларнинг ҳар бири белгиланган ставкада давлат божи тўлаши таклиф қилинмоқда. Белгиланган ставка эса уй нархининг 5 фоизи.
Масалан, 5 киши қўшилиб, 500 млн сўмлик уй сотиб олса, бундай ҳолатда уларнинг ҲАР БИРИ 25 млн сўмдан давлат божи тўлайди, яъни бундай вазиятда Тошкент пропискасининг нархи 125 млн сўмга тўғри келяпти. Агар худди шунақа уйни «Тошкент Республикаси фуқаролари» сотиб олса, атиги 202 минг 730 сўм давлат божи тўлайди. Бошқача айтганда давлат олдида Ўзбекистоннинг 5 нафар фуқароси бошқа 5 нафар фуқаросидан 600 бараварга қадрсизроқ.
Хуллас, бу лойиҳа мен бироз аввал эълон қилган "Прописка бўйича лайфхак" деган мақоламдан келиб чиқиб қилингани аниқ.
Тепадагилар мундооооқ қарашса, халққа енгил бўлиб кетяпти. «Нимага 3-4 киши пул қўшиб, уй сотиб олиб, осонгина прописка олиши керак?» деган саволни беришган. Ва бунга жавоб сифатида ушбу лойиҳани ишлаб чиқишган, менимча.
Лекин уларнинг бирортаси «Нимага Ўзбекистон ФУҚАРОСИ ўз юртида пропискани "сотиб олиши" керак?» деган саволни ўйлаб кўрдимикин, қизиқ?
Улар «Нимага Россия, Украина ва бошқа давлатларнинг Конституциявий судлари аллақачон Конституцияга зид дея қарор чиқариб, бекор қилган антиконституциявий қоида бизда ҳалиям амалда?» деган саволни ўзига бериб кўрса бўлмасмикин?
Улар «Нимага ПФ-5308-сонли Президент фармони билан 2018 йилги давлат дастурида пропискаси йўқ фуқаролар ҳам иккиламчи бозордан уй сотиб олишига рухсат берилиши белгиланган бўлсада, лекин биз бу Фармонни ҳалигача бажармадик, нима учун Президент Фармони фақат қоғозларда қолиб кетаверди?» деган саволни ўртага ташлашса бўлмасмикин?
Уларнинг бирортаси «Нима учун бир хил паспортга эга, бир хил солиқ тўлайдиган Ўзбекистон фуқаролари фақат пропискаси туфайли бир-биридан бир неча юз бараварга қадрсизроқ?» деган саволни хаёлига келтирармикин?
Йўқ, бунақа саволлар берилмайди. Ундан кўра «Халқ осонгина прописка олмаслиги учун нима қилсак бўлади? Қонун ҳужжатларидаги "форточкалар"ни ёпиш учун нима қилиш керак?» деган саволлар улар учун муҳимроқ.
Бундан бошқа яна нима ҳам дердим. Агар шу лойиҳа ҳақиқатда тасдиқланса, унда шу пайтгача "ислоҳотлар фақат халқ манфаати учун" деган шиорларнинг барчаси бир тийин бўлади, чиппакка чиқади.
👉 @xushnudbek 👈
-
2019-04-01 15:35:00+00:00
Жиззах вилояти ҳудудига кириш қисмида катта экран ўрнатилибди. Унда Жиззах вилоятига оид лавҳалар намойиш қилинмоқда.
👉 @xushnudbek 👈
-
2019-04-01 15:21:17+00:00
#сўраган_эдингиз
Ушбу ҳаволалар орқали Ўзбекистон кодексларининг энг охирги расмий матнлари билан танишишингиз ва Word форматида юклаб олишингиз мумкин:
1. Меҳнат кодекси
📄 Матн вариантини ўқиш
💾 Word форматда юклаш
2. Жиноят кодекси
Ўқиш | Юклаш
3. Маъмурий жавобгарлик тўғрисидаги кодекс
Ўқиш | Юклаш
4. Фуқаролик кодекси
1-қисм
Ўқиш | Юклаш
2-қисм
Ўқиш | Юклаш
5. Оила кодекси
Ўқиш | Юклаш
6. Солиқ кодекси
Ўқиш | Юклаш
7. Жиноят-процессуал кодекси
Ўқиш | Юклаш
8. Фуқаролик процессуал кодекси
Ўқиш | Юклаш
9. Жиноят-ижроия кодекси
Ўқиш | Юклаш
10. Ер кодекси
Ўқиш | Юклаш
11. Уй-жой кодекси
Ўқиш | Юклаш
12. Шаҳарсозлик кодекси
Ўқиш | Юклаш
13. Бюджет кодекси
Ўқиш | Юклаш
14. Божхона кодекси
Ўқиш | Юклаш
15. Иқтисодий процессуал кодекси
Ўқиш | Юклаш
16. Маъмурий суд ишларини юритиш тўғрисидаги кодекси
Ўқиш | Юклаш
17. Ҳаво кодекси
Ўқиш | Юклаш
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2019-04-01 14:45:09+00:00
ТУЗАТИШ: Кечаги қарор нострификацияга эмас, тан олишга тааллуқли
Кеча каналимда «ХУШХАБАР! Хориждаги дипломларни нострификация қилиш энди яна ҳам осонлашди» деган пост эълон қилинган эди.
Ўша постнинг 2 та жойида «нострификация» сўзи нотўғри кетиб қолибди. Чунки унда баён қилинган ўзгариш, фақат тан олишга тааллуқли, нострификацияга эмас. Ҳа, буларнинг бир-биридан фарқи бор.
Хорижий давлатларда таълим олганлик тўғрисидаги ҳужжатларни тан олиш деганда ваколатли давлат органларининг Ўзбекистон бутун ҳудудида ушбу ҳужжатларнинг қонуний кучга эга эканлигига розилиги тушунилади.
Нострификациялаш (эквивалентлигини қайд этиш) деганда эса ваколатли давлат органлари томонидан ушбу ҳужжатлар эгалари тайёргарлиги даражаси мувофиқлигини белгилаш ва уларга Ўзбекистон Республикасининг таълим тўғрисидаги ҳужжатларига эга бўлган шахсларга берилгани каби академик ва (ёки) касбий ҳуқуқлар берилиши тушунилади.
Низомнинг 18-бандига биноан, маълумот Ўзбекистон қонунчилигида кўзда тутилмаган таълим шаклида олинган бўлса, нострификация, яъни ҳужжатларнинг эквивалентлиги тўғрисидаги салбий хулоса қабул қилинади (рад қилинади).
Ушбу банд ҳалиям ўз кучида турибди.
Тушунмовчилик учун узр сўрайман. Постимдаги «кези келганда айтиш керак, бу жуда катта ўзгариш» деган фикримни ҳам қайтиб олдим, кўп нарса ўзгармабди.
-
2019-04-01 14:06:23+00:00
Хорижда олинган дипломлар Ўзбекистонда ўтадими?
Хорижда ўқиётган ёки ўқиб келган юртдошларимиздан «бизнинг дипломимиз Ўзбекистонда ўтадими?» деган жуда кўп саволлар келиб тушади. Айниқса, яқинда нострификацияга оид Президент қарори қабул қилингандан кейин, бундай саволлар янада кўпайди. «Биз ўқиган университет TOP-1000 га кирмаса, энди дипломимиз ўтмайдими?» дея сўрашмоқда.
Шунга кўра, бу бўйича қисқа тушунтириш бериб ўтмоқчиман.
Нострификация ўзи нима?
«Нострификация» сўзи лотинча «noster» - “бизники” ҳамда «facere» - “қилмоқ” сўзларидан олинган. Амалда ушбу атама хорижда берилган дипломларни давлат даражасида тан олиш, эквивалентлигини қайд этишни билдиради.
Нострификация қандай олинади?
Бир нарсани билишингиз керакки, хорижда олинган ҳар қандай диплом Ўзбекистонда тан олиниши учун нострификация қилиниши керак.
Хорижий дипломларни нострификация қилишнинг 2 хил йўли бор: бири махсус синовлар асосида, иккинчиси тўғридан-тўғри (махсус синовларсиз).
Қайси дипломлар махсус синовларсиз нострификация қилинади
Қуйидагилар:
1) Халқаро шартномалар, Президент ва Ҳукумат ҳужжатлари асосида хорижий давлатларда таълим олган;
2) Президент ва Ҳукумат ҳужжатлари билан Ўзбекистонда фаолият юритаётган хорижий давлатларнинг ОТМларида таълим олган;
3) хорижий давлатлар томонидан ажратилган квоталар (грантлар)га мувофиқ вазирликларнинг йўлланмалари асосида таълим олган;
4) халқаро рейтингларда TOP-1000 талик кирган ОТМларнинг дипломлари.
TOP-1000 ОТМлар рўйхати ҳақида мана бу ерда ёзганман.
Агар Сиз ўқиган ОТМ юқоридаги 4 та рўйхатга тушмаса, демак, дипломингиз махсус синовдан кейингина Ўзбекистонда тан олинади.
Нострификация учун қандай ҳужжатлар зарур?
- диплом ва илованинг асли (ариза қабул қилингандан сўнг эгасига қайтарилади);
- диплом ва иловани аслини давлат (ўзбек) тилига таржима қилиб нотариусдан тасдиқлангани (2 нусхада);
- паспорт ва нусхаси;
- давлат божи тўланганлиги ҳақидаги квитанция (ЭКИҲ 2 баробари – ҳозир 405460 сўм).
Ҳужжатларни топшириш онлайн тизимида амалга оширилади.
❗️ЭСЛАТМА: Бир нарсани яхшилаб англашингиз керакки, хорижда олинган барча дипломлар ҳам автоматик нострификация қилинмайди. Бунинг ўзига яраша тартиби ва имтиҳони бор.
Хусусан, қуйидаги ҳолларда нострификация бўйича салбий хулоса (рад этиш) қабул қилинади:
- хорижий давлатларда профессионал маълумот тўғрисида ҳужжат берадиган таълимнинг умумий меъёрий даври (тўлиқ ўрта маълумот олингандан кейин) Ўзбекистон Республикаси таълим стандартларида назарда тутилган даврдан бир йилдан кам бўлса (масалан, уч йиллик олий таълим);
- таълим тўғрисидаги ҳужжат берилган мамлакатда унинг эгасига Ўзбекистондагига қараганда кам академик ва (ёки) профессионал ҳуқуқлар берилган бўлса (масалан, ҳужжат эгаси олий ўқув юртларига, магистратура ёки докторантурага кириш, профессионал фаолият билан шуғулланиш ҳуқуқига эга эмаслиги);
- маълумот Ўзбекистон қонунчилигида кўзда тутилмаган таълим шаклида олинган бўлса;
- муайян (ижтимоий соҳа, педагогика, тарих ва ҳуқуқ) таълим йўналишларининг хусусиятидан келиб чиқиб, ўзлаштирилган ўқув фанлари ҳажми ва дарс соатлари миқдори Ўзбекистоннинг давлат таълим стандартларига мувофиқ белгиланган тартибда тасдиқланган намунавий ўқув режанинг 55 фоизидан кам қисмини ташкил қилса.
Қўшимча ва батафсил маълумотлар
Вазирлар Маҳкамаси ҳузуридаги Таълим сифатини назорат қилиш давлат инспекцияси:
Расмий сайт: www.tdi.uz
Тел: (+99871) 231-07-53 (+99871) 277-11-79 (ички тел 1021;1022)
Электрон манзил: nostr@tdi.uz
Қабул кунлари: Сешанба, Пайшанба 10-00 дан 17-00 гача
👉 @xushnudbek 👈
-
2019-04-01 13:13:50+00:00
Электрон кутубхонага оид постимга Аҳмад Фарғоний номидаги Фарғона вилояти ахборот-кутубхона марказининг Фейсбукдаги саҳифасида қуйидагича жавоб қолдирилди:
«Ассалому алайкум, Хушнудбек! Яхшимисиз? Сизнинг каналингиз фаол фойдаланувчиларидан бириман. Ҳуқуқий-саводхоликни ошириш борасидаи ишларингиз таҳсинга сазовор! Бугун QR-кодли электрон кутубхоналар ҳақида пост қолдирдингиз.
Бу борада қилган ишларимиздан намуналар юборяпман. Ёшлар иттифоқи олдидаги баннер ҳам кутубхонамиз томонидан тайёрланган. Агентлик жим, деганиз учун, билдириб қўяй дедим. Биз Ахборот ва оммавий коммуникациялар агентлиги тасарруфидамиз. Ва бизнинг қилган ишимиз, шубҳасиз, уларнинг рухсатисиз амалга оширилмайди. Қуйидаги линкларда QR-кодли электрон кутубхоналарнинг веб-сайтларда ёритилганлиги ҳақида маълумотлар бор.
Daryo, Spot, UzA, Халқ сўзи
Эътиборингиз учун раҳмат!
Шоҳидбек Аслонов, Фарғона вилоят ахборот-кутубхона маркази директори»
P.S.: Сизларга ҳам қилаётган эзгу ишларингиз ва саъй-ҳаракатларингиз учун катта раҳмат!
-
2019-04-01 12:01:39+00:00
Айтишларича, магистратура қабулига оид ўзгаришлар кутилмоқда экан.
Унга кўра, келгусида магистратурага фақат турдош йўналишлар бўйича ҳужжат топширишга оид чекловни бекор қилиш режалаштирилмоқда.
Бу нима дегани?
Бугунги кунда кўпчиликка маълумки, магистратурага фақат бакалаврда ҳам шу турдош йўналишда ўқиганлар қабул қилинади. Масалан, тарихни тугатганлар журналистика ёки дипломатияни тугатганлар ахборот технологиялари бўйича магистратурага топшира олмайди.
Келгусида худди шу чеклов бекор қилиниши кутилмоқда. Албатта бу чеклов тўлиқ бекор бўлмайди, яъни исталган йўналишнинг магистратурасига бакалаврда ўқиган йўналишидан қатъи назар ҳужжат топшириш ҳуқуқи берилмайди. Яъни шундай ўзига хос йўналишлар борки, улар бўйича қатъий чеклов сақлаб қолинади, масалан, тиббиёт йўналишига дуч келган соҳани тугатган талабалар топшира олмайди ва бу мантиқан тўғри.
Хориж тажрибасини кузатадиган бўлсак, уларда ҳам магистратура одатда 2 хил категорияга бўлинади. Масалан, Германияда магистратуранинг Konsekutive Masterstudiengänge (бакалаврдаги турдош йўналиш асосидаги дастур) ҳамда Weiterbildende Masterstudiengänge (бакалавр бўйича турдош йўналиш талаб этилмайдиган дастур) кўриниши мавжуд.
Хуллас, юқоридаги ўзгаришлар бўйича қарор лойиҳаси тайёрланган, лекин ҳозирча расман тасдиқланмаган.
Интиқлик билан тасдиқланишини кутамиз. Яхши янгиликлар бардавом бўлсин.
👉 @xushnudbek 👈
-
2019-04-01 09:25:44+00:00
Юқоридаги мавзу бўйича, Ёшлар иттифоқи Фарғона шаҳрида электрон китобларни QR-код орқали юклаб олиш имконини берувчи автобус бекатини ишга туширганини хабар қилишди.
👉 @xushnudbek 👈
-
2019-04-01 08:28:52+00:00
QR-кодли электрон кутубхоналар ҳақида
Бугунги кунда китобхонлик ҳақида кўп ва хўб гапирилаётгани сабабли бир масалага диққатингизни тортмоқчиман.
Ўзбекистон Республикаси Президентининг 2017 йил 13 сентябрдаги «Китоб маҳсулотларини нашр этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғиб қилиш бўйича комплекс чора-тадбирлар дастури тўғрисида»ги ПҚ-3271-сонли қарори билан тасдиқланган дастурнинг 19-бандида қуйидагича вазифа белгиланган эди:
«Жамоат жойларида QR-кодлар ёрдамида Ўзбекистон Миллий кутубхонаси электрон китоблари тўғрисидаги маълумотларни махсус таблоларда жойлаштириш ва уларни мобил қурилмаларга юклаб олиш ва ўқиш имкониятини яратиш».
Муддат: 2018 йил ноябрь
Асосий ижрочи: Матбуот ва ахборот агентлиги
Кутилаётган натижа: Жамоат жойларида, вокзаллар ва аэропортларнинг кутиш залларида, автобус бекатларида QR-кодлар (штрих кодлар) ёпиштирилган кутубхона таблоларини жойлаштириш орқали ёшларнинг китобларни замонавий мобил қурилмаларида ўқиши ва электрон нусхаларини юклаб олиши учун имкон яратилади.
Белгиланган муддатдан 4 ой ўтди.
Ушбу лойиҳа бўйича қанақадир ишлар бошлангани ҳақида эшитдим, лекин тан олиш керак собиқ Матбуот ва ахборот агентлиги томонидан бу бўйича етарли ишлар қилинмаган. Агентлик ташкил қилган бирорта QR-кодли кутубхонага кўзим тушмади.
Интернетда электрон кутубхона ташкил этиб, уни QR-кодлар орқали аҳоли ўртасида тарғиб қилиш анъанаси замонавий дунё учун бегона эмас.
Хусусан, 2013 йили МТС компанияси Россия, Украина ва Белорусь давлатларида катта масштабдаги “Мобил кутубхона” лойиҳасини тақдим этган.
МТСнинг “Мобил кутубхона” лойиҳасида турли жанрдаги мингдан ортиқ электрон китоблар бепул тақдим этилган.
Бунинг учун махсус www.lib.mts.ru сайти ишга туширилган. QR-кодни ўз мобил қурилмасидан ишга туширган китобхон сайтдан epub, fb2 ёки txt форматларида бепул кўчириб олиши мумкин бўлган.
Ўзбекистонда ҳам шу каби йирик масштабли лойиҳани тезроқ ишга тушириш керак.
Ўтган йили шу лойиҳага оид бир тақдимот тайёрлагандим ва масъул ташкилотларга тақдим этганман.
Бугунги кунда агентлик янгитдан қайта ташкил этилиб, унинг раҳбари Комил Алламжонов томонидан қатор инновацион лойиҳалар қилинаётганини инобатга олиб, балки фойдаси тегиб қолар деган мақсадда, ўша тақдимотни каналимга жойлаяпман.
Халқ орасида китобхонликни кенг ёйиш учун ҳақиқатда фойдаси тегадиган амалий лойиҳалар кўпроқ татбиқ этилишидан умидвормиз.
Тақдимотни сурат шаклида кўриш: 👇
https://teletype.in/@xushnudbek/B1s0wByF4
Тақдимотни юклаб олиш: https://goo.gl/1zUQqN
👉 @xushnudbek 👈