-
2019-05-31 22:00:14+00:00
Рамазон. 27-кун.
Таанний. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-31 18:13:47+00:00
Бир қизиқ иш бўлди. На кулишни, на йиғлашни биласан.
Қарши шаҳридаги 23-мактабнинг 108 нафар ўқитувчиси Кун.уз ҳамда Дарё.уз нашрларига устимдан шикоятнома ёзибди (расми пастда). Балки бошқа жойларга ҳам ёзишгандир, маълум бўлгани шу холос. Келинг, вазиятни тушунтирай.
Ёдингиздами, Халқ таълими вазирлигининг расмий сайтида Қарши шаҳридаги 23-мактабда концертга мажбурлаб билет сотган директор в.в.б. лавозимидан озод этилгани ҳақида хабар эълон қилинганди. Ўша хабар вазирлик сайтида чиққандан кейин, деярли барча ОАВ, ижтимоий тармоқлар, шу жумладан мен ҳам каналда ёзгандим - https://t.me/xushnudbek/2282
Қарши шаҳрида мажбуран билет сотилаётгани ҳақида дастлаб “Ўқитувчи” каналида, ундан сўнг “Rais buva” каналида хабар чиққан. Шу иккала каналда чиққан хабарлар асосида ХТВ вазиятни ўрганган ҳамда натижаси бўйича расмий ахборот берган.
Мен эса фақат вазирликнинг расмий ахборотини сўзма-сўз эълон қилганман холос, бошқа бирор марта концертга мажбурлаб билет сотилганлик ҳолати ҳақида ёзмаганман.
Қаршидаги 23-мактаб ўқитувчилари эса нима учундир буларнинг барчасида мени айблаб чиқишибди. Суриштирмасдан, қўлида далилга эга бўлмасдан, ахборотни холислиги, шаффофлиги бўйича журналистик суриштирув олиб бормасдан интернетга қўйиб юборган, дея айблашибди. Энг қизиғи «биз ўқитувчилар бундай сохта хабарни ғаразли ниятда тарқатган деб ўйлаймиз» дея туҳмат ҳам қилишибди.
Иккала шикоятга ҳам 108 нафар ўқитувчилар эринмасдан ўз исм-шарифларини ёзиб, имзо чекишган.
Маъзур тутасизлару, мазкур шикоят хати халқ таълими тизимининг аянчли ҳолатга келиб қолганини исботлаб турибди. Бутун бошли мактабнинг зиёли ўқитувчилари қўрқмасдан бировга туҳмат қилишяпти.
Уларнинг орасида бирортаси «ҳой, барака топгурлар, бу хабарни биринчи бўлиб вазирлигимиз расман тарқатган бўлса, Хушнудбек ҳам каналида “вазирликнинг расмий ахбороти” дея эълон қилган бўлса, ўша хабарни 50 га яқин бошқа ОАВлар ҳам кўчириб босган бўлса, агар эътирозимиз бўлса вазирликнинг устидан шикоят ёзайлик, нима учун айнан Хушнудбекни айблаяпмиз, мантиқ қани?» деб айтмаганига қойил қолдим.
Устоз - отангдай улуғ, дейишади. Буёғи Рамазон ойи, Ҳайит ҳам яқин. Гарчи 108 нафар ўқитувчилар мени ғаразгўйликда айблаб, туҳмат қилишган бўлса ҳам, улардан хафа эмасман.
Бунинг яна бир сабаби, катта эҳтимол билан бу шикоятлар ўқитувчиларнинг ташаббуси билан ёзилмаган, кимдир уюштириб, улардан мажбуран имзо йиғдирган бўлса керак, деган тахминим бор. Чунки нақ 108 нафар ўқитувчида оддий мантиқ ишламаганига ишониш қийин. Бунчалик даражада бўлишмаса керак деган яхши гумондаман.
Бу воқеалардан аламзада бўлган кимдир, расмий ахборот тарқатган вазирликка қарши боришга қўрқиб, ҳамма айбни менга ағдармоқчи бўлган шекилли. Майли, Аллоҳ унга ҳам инсоф берсин.
Аммо танганинг бошқа томони ҳам бор. Қачонгача ўқитувчиларимиз ўз мустақил фикрига эга бўлишмайди ёки уни айтишдан қўрқишади?
Қачонгача зулм кўрса ҳам, мажбурий меҳнатга чиқса ҳам, фарзандлари учун ҳалол ишлаб топган ризқини турли “йиғди-йиғдилар” сабаб тортиб олишса ҳам, қачонгача миқ этмасдан, тобе бўлиб ўтиб кетишади?
Қачонгача ноинсоф раҳбарларнинг “орқасини ёпиб”, ўқитувчиларга ёрдам бериш учун келган текширувчиларга “ўз хоҳишимиз билан” деб сохта гапларни айтишади?
Қачонгача вазиятни хаспўшлаш мақсадида золим раҳбарларнинг битта дўқ-пўписаси ортидан, 100 лаб ўқитувчилар бир бўлиб, бировларнинг устидан жамоавий туҳмат ёзишади?
Қачонгача? Қачонгача?
Ҳурматли ўқитувчилар, бўлди, етар энди. Шунча қийналганингиз, шунча эзилиб, азоб тортганингиз. Ўзгалар қўлида қўғирчоқ бўлганингиз.
Ҳаққингизни баралла талаб қилиш, ёлғонга қарши курашиш, кўзбўямачиликларни парчалаш вақти келмадими?
Сизлар жамиятнинг энг олди зиёли қатламисиз. Сизлар келажагимизнинг бунёдкорисиз. Жамиятнинг энг қуйи қатламидан бири бўлиш жонингизга тегмадими?
Тикланинг, оёққа туринг, Сизларнинг жойингиз анча тепада ахир. Ўзгаришларни энг биринчи ўзингиз хоҳлашингиз керак. Ким қаёққа етакласа индамасдан кетаверманг!
Эҳ, гапирса гап кўп, умр оз. Майли-да. Яхши-ёмон гаплар учун узр, лекин. Чидаб туролмадим шунчаки...
👉 @xushnudbek 👈
-
2019-05-31 11:07:22+00:00
Шавкат Мирзиёев бугун Озарбайжон, Арманистон, Беларусь, Қозоғистон, Қирғизистон, Россия, Тожикистон ва Туркманистон ички ишлар вазирликлари ва идоралари раҳбарларини қабул қилди.
Маълумот учун: шу кунларда МДҲ Ички ишлар вазирлари кенгашининг навбатдаги мажлиси Тошкент шаҳрида бўлиб ўтмоқда.
-
2019-05-31 10:21:42+00:00
Саида Мирзиёева: "Мактабларда мавжуд камчиликларни тузатмай туриб, мажбурий форма талаб қилинишига ҳали эрта деб ўйлаймиз"
Ўзбекистон Президенти Администрацияси ҳузуридаги Ахборот ва оммавий коммуникациялар агентлиги директори ўринбосари Саида Мирзиёева келгуси ўқув йилидан мажбурий ягона мактаб формаси жорий этилиши борасида фикр билдирди.
Кеча Президентимизнинг Бешта ташаббусини ҳаётга самарали татбиқ этиш масаласини хорижий экспертлар билан муҳокама қилдик. Лойиҳанинг стратегик йўналишлари, чет эл тажрибаси ва ундан фойдаланиш бўйича фикр алмашдик.
Ёдингизда бўлса, бешта ташаббусни, энг аввало, мактаблардан бошлаш ғояси илгари сурилган эди.
Ўтказилган ўрганишлар натижасида, айрим жойларда шароит оғир эканлиги, кўплаб мактаблар таъмирталаб, ўқув дарсликларининг етишмаслиги, китоблар сифати жуда паст эканлиги, айрим мактабларда дарслар уч сменада ўтилишини кўрдик.
Бу йилдан бошлаб мажбурий ягона мактаб формаси жорий этилиши режалаштирилган. Лекин мавжуд камчиликларни тузатмай туриб, мажбурий форма талаб қилинишига ҳали эрта деб ўйлаймиз. Қисқасини айтганда — олдин шароит, кейин талаб.
Албатта, бу осон иш эмас. Издан чиққан таълим тизимини тузатиш жуда катта маблағ, бир неча йил вақт ва илмий ёндашувни талаб қилади. Бу йўлда хатолар ҳам бўлиши мумкин, чунки бу жараён. Бироқ ҳозир шу ишларни бошламасак, эртага масала янада мураккаблашади.
"Хуллас, бу йўлда барчамиз ҳамжиҳат бўлиб ҳаракат қилишимиз керак. Мутассади вазирлик ва идоралар мутахассислари томонидан юқоридаги масалалар юзасидан Ҳукуматга тегишли таклифлар киритилди", деб ёзди Саида Мирзиёева.
P.S.: Тўғри ва ўринли таклиф. Очиғи, таълим тизимимизда асосий муаммо сифат масаласи бўлиб турган бир пайтда, биз турли чекловларни жорий этиш, ўқувчиларнинг кийинишига осилишимизда бирор-бир мантиқ йўқ, аслида. Қани эди, ҳамма ўқувчи бир хил форма кийса-ю, эртагаёқ таълим тизимимиз сифатли бўлиб қолса. Йўқ, унақа бўлмайди. Ўзимизни алдаб нима қиламиз — ўқувчиларга тиллодан кийим кийдирсанг ҳам, машғулотлар сифати ва мактаблардаги шароитларни яхшилаш ҳақида қайғурмас эканмиз, ҳеч нарса ўзгармайди. Бизнинг-ча, муаммони бошқа жойдан излаш керак.
-
2019-05-31 07:13:29+00:00
Адлия вазирлиги ходимларнинг меҳнат ҳуқуқларига риоя этилиш аҳволини қониқарли эмас деб ҳисоблайди
Адлия органлари 100 мингдан ортиқ фуқаролар ўртасида тест синовлари, аноним ва анкета усулида сўровлар ўтказиб, Ўзбекистонда меҳнат ҳуқуқларига риоя этилиш аҳволига баҳо берган. Вазирлик фикрича аҳвол қониқарли эмас. Масалан:
1. Қонунчиликка кўра, 6 кунлик иш ҳафтасида кунлик - 7 соат, 5 кунлик иш ҳафтасида эса 8 соатдан ортиқ бўлмаган иш вақти белгиланган. Иш вақтидан ташқари ишлашга фақат ходимнинг розилиги билан ва камида икки ҳисса миқдорида ҳақ тўланган ҳолда йўл қўйилади.
Бироқ, сўров натижалари айрим иш берувчилар томонидан бу талаблар қўпол равишда бузилганлигинини кўрсатди. Масалан, иш вақтига риоя қилмаслик, дам олиш ва байрам кунлари ишга чиқишга мажбурлаш ҳолатлари кўпроқ банк-молия (32,1%), таълим (30,5%) ва соғлиқни сақлаш (28,2%) соҳаларида мавжудлиги кўрсатиб ўтилди.
Ҳудудлар мисолида эса ходимнинг иш вақтидан ортиқ ёки дам олиш ва байрам кунлари қўшимча меҳнатга жалб этиш ҳолатлари кўпроқ Самарқанд (40,5%), Андижон (34,5%) ҳамда Тошкент вилоятларига (32,9%) тўғри келиши қайд этилди.
2. Қонунларда ходимнинг розилигисиз унинг вазифасига кирмайдиган ишга жалб этиш тақиқланади.
Бироқ, ходимнинг розилигисиз унинг вазифасига кирмайдиган ишларга жалб қилиш ҳолатлари ҳанузгача кузатилаётганлиги ташвишлидир. Бу каби ҳолатлар кўп ҳолларда молия (19,3%) ва хўжалик бошқаруви органларида (19,1%) ҳамда таълим тизимида (16,8%) учрашини кузатиш мумкин.
3. Қонунчилик талабига асосан, ходимнинг иш ҳақидан олиб қолишга унинг ёзма розилиги билан ёки суднинг қарорига асосан йўл қўйилади.
Бироқ, иш берувчилар томонидан ходимнинг розилигисиз унинг иш ҳақидан ушлаб қолинаётганлиги ҳолатлари ҳамон давом этаётганлигини ОАВ ва ижтимоий тармоқларда ҳам эътирозли муҳокамаларга сабаб бўлмоқда.
Мазкур турдаги қонунбузилишлар кўпинча банкларда (23%), соғлиқни сақлаш (26,3%), молия (23,9%) ва таълим (20%) соҳаларида учрашлигини кўриш мумкин.
Бундан ташқари, ўтказилган тадбирларда иштирокчиларнинг 16,6 фоизи иш жойида меҳнатни муҳофаза қилиш (хавфсизлиги, ҳаёти ва соғлиғини сақлаш) чоралари кўрилмаганлигини таъкидлашган.
Меҳнат ҳуқуқлари бузилаётганлигининг яна бир сабабларидан бири сифатида фуқароларнинг меҳнат ҳуқуқлари бўйича билимлари етарли эмаслигини кўрсатиш мумкин. Жумладан, ўтказилган тест синовлари натижасида кунлик иш вақти нормасини - 32%, ходимни қўшимча ишга жалб қилиш тартиби ва тўлов миқдорини - 32,1%, меҳнат таътилига чиқиш тартибини - 29,1%, ойлик иш ҳақидан ушлаб қолиш тартибини - 29,2%, касаба уюшмаларининг вазифаларини - 32,1% ходимлар билмаслиги маълум бўлди.
Қайд этиш лозимки, фуқароларнинг меҳнат ҳуқуқига тўлиқ риоя этилмаслиги республикада олиб борилаётган ислоҳотларга ва Ўзбекистоннинг халқаро ҳамжамиятдаги нуфузига ўзининг салбий таъсирини кўрсатиши мумкин, дейди вазирлик.
Ўз навбатида мазкур ҳолатлар келгусида иш берувчилар ва ходимлар ўртасида турли низоларнинг келиб чиқишига, ходимлар томонидан ишлар сифатсиз бажарилишига, шунингдек, уларнинг соғлигига жиддий зарар етишига олиб келади.
Шу муносабат билан, Адлия вазирлиги барча корхона, ташкилот ва муассасалар раҳбарларини аввало қонунларга итоат этишга, қўл остидаги ходимларнинг меҳнат ҳуқуқларига риоя этишга, шунингдек, меҳнат муносабатларини ўзаро ишонч ва ҳурмат руҳида барпо этишга чақирди ҳамда меҳнат тўғрисидаги қонун ҳужжатларини бузган шахслар жавобгарликка тортилиши ҳақида огоҳлантирди.
P.S.: ҳақиқатдан, банк-молия, таълим ва соғлиқни сақлаш соҳасида меҳнат қонунчилигининг аҳволи ўта ачинарли.
👉 @xushnudbek 👈
-
2019-05-31 04:00:17+00:00
Ўзбекистонликлар июнь ойида неча кун дам олишади?
Энг аввало, ҳафтадаги иш кунлари сони дам олиш кунларига таъсир қилишини унутмаслик керак. Яъни, 5 кунлик иш ҳафтасидаги ходимлар июнь ойида 11 кун дам олишади, ҳафтасига 6 кун ишлайдиган ходимлар эса июнда 6 кун дам олишади.
Келаётган шанба куни барча учун иш куни бўлади
1 июнь - шанба куни, Ўзбекистондаги барча ходимлар учун иш куни бўлади. Ўзи шанба куни ҳафтасига 6 кун ишловчи ходимлар шундоқ ҳам ишга чиқар эди. Лекин 5 кунликлар дам олишарди.
Аммо 12.11.2018 йилдаги Президент фармони асосида 1 июндаги дам олиш куни 6 июнга кўчирилган.
Бунинг натижасида ҳафтасига 5 кун ишловчилар учун:
1 июнь, шанба - иш куни;
6 июнь, пайшанба - дам олиш куни бўлади.
Рамазон Ҳайити арафасидаги дам олиш кунлари
Ўзбекистонда 5 июнь чоршанба Рамазон Ҳайити байрами нишонланадиган бўлди.
Бундан хулоса қилиш мумкинки, ҳафтасига 5️ кун ишловчи ходимлар учун:
5 июнь, чоршанба - дам олиш куни;
6 июнь, пайшанба - дам олиш куни;
7 июнь, жума - иш куни;
8 июнь, шанба - дам олиш куни;
9 июнь, якшанба - дам олиш куни.
Яна бир бор таъкидлаш жоиз, бу фақат ҳафтасига 5 кун ишловчи ходимларга тааллуқли. Шанба расман иш куни бўлган (6 кунлик иш ҳафтаси) ходимлар ҳафта ўртасида фақат Рамазон ҳайити куни (5 июнь) дам олишади, 6 июнь куни эса улар учун иш куни бўлади.
Шу сабабли ОАВлардан «5 ва 6 июнь куни ўзбекистонликлар учун дам олиш куни бўлади» дея бироз нотўғри маълумот бермасликларини сўрар эдим. Бу одамларни чалғитади.
👉 @xushnudbek 👈
-
2019-05-30 22:00:13+00:00
Рамазон. 26-кун.
Тааммул. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-30 15:58:40+00:00
⚡️ РАСМАН: Рамазон ҳайити 5 июнь куни нишонланади
Бу ҳақда Президент қарори қабул қилинди, дея хабар бермоқда «Ҳуқуқий ахборот» канали.
Қарорга мувофиқ, Ўзбекистон мусулмонлари идорасининг 2019 йилда Рамазон ҳайитининг биринчи куни 5 июнь чоршанба кунига тўғри келиши ҳақида қабул қилган қарори инобатга олиниб, шу кун Рамазон ҳайити сифатида кенг нишонланади.
👉 @xushnudbek 👈
-
2019-05-30 10:08:28+00:00
Бугун, 30 май куни Шавкат Мирзиёев ҳукумат раҳбарлари даражасидаги Қўшма комиссиянинг биринчи мажлисида иштирок этиш учун мамлакатимизга келган Россия Федерацияси Ҳукумати Раиси Дмитрий Медведевни қабул қилди.
-
2019-05-30 09:58:57+00:00
Шу кунларда муҳокама бўлиб турган «Андижон воқеалари» ҳақида Дарё нашри анча кенг ўрганибди. Воқеанинг бошқа иштирокчиларидан ҳам изоҳ олишибди. Хулоса ўзингиздан.
https://daryo.uz/k/2019/05/30/prezidentga-andijoncha-spektakl-qoyilgani-rostmi/
-
2019-05-30 08:29:03+00:00
156 нафар ватандошимиз Яқин Шарқдаги қуролли можаролар ҳудудидан юртимизга қайтарилди
Давлатимиз томонидан муборак Рамазон ойида яна бир хайрли, улкан аҳамиятга эга «Меҳр» инсонпарварлик операцияси амалга оширилди.
Ўзбекистон Республикаси Президенти Шавкат Мирзиёевнинг топшириғига биноан, 156 нафар ватандошимиз, асосан аёллар ва болалар Яқин Шарқдаги қуролли можаролар ҳудудидан юртимизга қайтарилди. Улар 30 май куни махсус авиарейсда Тошкент шаҳрига олиб келинди.
Алдов оқибатида ўзга юртга бориб қолиб, оғир ҳаётий даврни бошидан ўтказган бу инсонларга ҳукуматимиз томонидан тиббий, психологик, моддий ва маънавий ёрдам кўрсатилади. Уларнинг тинч ҳаётга қайтиб, жамиятга мослашишлари, таълим ва ижтимоий дастурларда иштирок этишлари учун зарур шароит яратилади, бошпана ва иш билан таъминлаш чоралари кўрилади.
Манба: president.uz
-
2019-05-30 06:43:28+00:00
Мушук кучукчани чуқурдан олиб чиқди.
«Боланинг бегонаси бўлмайди» деган қоида нафақат инсоният, балки ҳайвонот оламида ҳам бор экан, қойил.
👉 @xushnudbek 👈
-
2019-05-30 04:00:23+00:00
Келаётган шанба куни барча учун иш куни бўлади
1 июнь - шанба куни, Ўзбекистондаги барча ходимлар учун иш куни бўлади. Ўзи бу кунда ҳафтасига 6 кун ишловчи ходимлар шундоқ ҳам ишга чиқар эди. Лекин 5 кунликлар дам олишарди.
Аммо 12.11.2018 йилдаги Президент фармони асосида 1 июндаги дам олиш куни 6 июнга кўчирилган.
Бунинг натижасида ҳафтасига 5 кун ишловчилар учун:
1 июнь, шанба - иш куни;
6 июнь, пайшанба - дам олиш куни бўлади.
Яна бир бор таъкидлайман, бу ўзгаришлар фақат ҳафтасига 5 кун ишловчиларга тааллуқли. Шанба расман иш куни бўлган (6 кунликлар) ходимларга ушбу ўзгаришларнинг алоқаси йўқ, улар доимгидек ишлайверишади.
P.S.: ҳали аниқ бўлгани йўғу, лекин мабодо 5 июнь, чоршанба - Рамазон Ҳайитининг биринчи куни сифатида эълон қилинса, унда 5 кунлик иш ҳафтасида ишловчилар 2 кун кетма-кет дам олади. 6 кунликлар эса фақат Ҳайитнинг биринчи куни дам олишади, улар учун ҳар қанақасига ҳам 2 кун кетма-кет дам олиш куни бўлмайди.
👉 @xushnudbek 👈
-
2019-05-29 22:00:11+00:00
Рамазон. 25-кун.
Вараъ. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-29 11:16:43+00:00
Тошкент шаҳридаги Турин политехника университети ректори Конгратбой Авезимбетович Шарипов Олий ва ўрта махсус таълим вазирининг биринчи ўринбосари лавозимига тайинланди.
👉 @xushnudbek 👈
-
2019-05-29 05:38:51+00:00
Ҳурматли каналимиз аъзолари!
Бугун мен учун ҳаётимда жуда қувонарли воқеалардан бири бўлди.
Германия Федерал Президенти Франк-Вальтер Штайнмайернинг шахсий ташаббусларига кўра Ўзбекистоннинг бир гуруҳ (5 нафар) жамоатчилик вакиллари билан «Hyatt Regency» меҳмонхонасида ташкил этилган тор доирадаги учрашувда иштирок этдим.
Унда жаноб Штайнмайер, рафиқалари Эльке хоним ҳамда Германия ҳукумати вакиллари қатнашди.
Таассуротлар билан алоҳида ўртоқлашаман, Худо хоҳласа.
-
2019-05-28 22:00:10+00:00
Рамазон. 24-кун.
Ҳаё. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-28 17:53:56+00:00
«Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисида»ги Президент фармони эълон қилинди.
Унга кўра 2019-2020 йилларда коррупцияга қарши курашиш давлат дастури тасдиқланди.
Тегишли вазирликлар уч ой муддатда муайян тоифадаги давлат хизматчиларининг мулки ва даромадларини декларация қилиш тизимини босқичма-босқич жорий этиш бўйича таклифларни Вазирлар Маҳкамасига киритади.
Коррупцияга қарши курашиш соҳасида давлат сиёсатининг устувор йўналишлари ўрта муддатли истиқболда қуйидагилардан иборат:
суд ҳокимиятининг мустақиллигини янада мустаҳкамлаш,судьяларга ҳар қандай тарзда қонунга хилоф равишда таъсир ўтказиш шарт-шароитларини истисно этиш;
давлат хизматчиларини танлов асосида саралаб олиш, лавозимга тайинлаш ва юқори лавозимларга кўтаришнинг шаффоф тартибига асосланган давлат хизмати тизимини шакллантириш;
давлат хизматчилари даромадларини декларация қилиш тизимини босқичма-босқич жорий этиш ва уларнинг иш ҳақи етарли даражада бўлишини таъминлаш, шунингдек, давлат хизматини ўташда манфаатлар тўқнашувини ҳал этишнинг ташкилий-ҳуқуқий асосларини такомиллаштириш;
коррупция билан боғлиқ ҳуқуқбузарликлар тўғрисида хабар берган шахсларни ҳимоя қилишнинг самарали ташкилий-ҳуқуқий механизмларини жорий этиш;
аҳолининг ҳуқуқий онги ва ҳуқуқий маданиятини янада ошириш, жамиятда коррупцияга нисбатан муросасиз муносабатни кучайтириш;
фуқаролик жамияти институтлари, оммавий ахборот воситалари фаолиятининг чинакам эркинлигини таъминлаш ва уларни коррупцияга қарши чораларни тайёрлаш, ўтказишда ва ижросини мониторинг қилишда иштирок этишга жалб қилиш.
Фармоннинг тўлиқ матни билан танишиш:
https://bit.ly/2HI2ZKH
👉 @xushnudbek 👈
-
2019-05-28 14:37:34+00:00
Эрталабки хабарга ДТМ муносабат билдирди
Бугун барча ОТМларда ҳам ҳужжатлар давлат хизматлари маркази ва портал орқали қабул қилинмаслиги, бу тартиб фақат Давлат қабул комиссияси томонидан белгиланадиган айрим ОТМлар учун амал қилиши, қолганларида эса яна ўтган йиллардагидек ҳужжатлар ОТМларнинг ўзида қабул қилиниши ҳақида ёзган эдим.
Мазкур масалага ДТМнинг вакили томонидан қуйидагича изоҳ берилди:
«ДХА баъзи ОТМларни ҳужжатларини олади, лекин ОТМларда ташкил этилган Қабул комиссияларидаги техник котиблар ёки операторлар ҳам худди ДХА операторлари каби ишлашади. Яъни ДХА нима ҳужжат талаб қилишса шуни талаб этишади. Олдингидек барча ҳужжатларни олиб келиш шарт эмас. Қабул комиссияси ДХАни такрорлайди (“дублировать” қилади), холос.
Абитуриент хоҳлаган ОТМда хоҳлаган ОТМига кириш учун рўйхатдан ўтиши мумкин бўлади. Онлайн рўйхатдан аввалда ҳам айтилганидек барча абитуриентлар ўтишлари мумкин, фақат имтиёзларга эга абитуриентлар ДХА ёки ОТМга боришади».
Ҳозирча изоҳ бермоқчи эмасман. Айрим нарсаларни аниқлаштиргач, бунинг тартиби қандай бўлишини батафсил тушунтиришга ҳаракат қиламан.
P.S.: ДТМ вакили айтган тартиб ҳам ҳозирча расман бирор ҳужжат билан тасдиқланмаганини, лойиҳа мақомида эканлигини инобатга олиш керак. Лойиҳаларни эса кўряпмиз, охирги дақиқаларда ўзгариб қабул қилиниши мумкин.
👉 @xushnudbek 👈
-
2019-05-28 12:18:03+00:00
Ўзбекистонда «Volkswagen» автомобиллари ишлаб чиқарилади
Ўзбекистон ва Германия Президентларининг музокаралари якунида икки томонлама ҳужжатларни имзолаш маросими бўлди.
Ахборот алмашиш ва уни ҳимоя қилиш, парник газлари чиқарилишини камайтириш ва иқлим ўзгаришларига мослашиш, «Volkswagen» компанияси билан ҳамкорликда тижорат автомобиллари ишлаб чиқариш тўғрисида ва бошқа ҳужжатлар имзоланди.
Президентимиз ушбу келишувлар, айниқса, Ўзбекистон Республикаси Фанлар академияси билан Германиянинг "Integra GmbH" ва "Vamed Engineering GmbH" компаниялари ҳамкорлигида Тошкент шаҳрида Ядровий тиббиёт ва нурли терапия марказини ташкил этиш бўйича битим халқимиз учун катта аҳамиятга эга эканини таъкидлади.
-
2019-05-28 11:22:25+00:00
Адлия вазирлигининг «Муносабат»га муносабати
Адлия вазирлигининг расмий сайтида куни кеча депутатларнинг бенефисига айланган «Муносабат» телекўрсатувидаги кундуз куни чироқ ёқиб юришга оид муҳокама бўйича вазирликнинг расмий муносабати эълон қилинди.
«Адлия вазирлиги барча автомототранспорт воситалари чироқларини ёқиб ҳаракатланишининг тўғри ёки нотўғри эканлигини муҳокама қилиш ниятида эмас, бу масалани профессионал таҳлил қиладиган мутахассислар вазирликда мавжуд эмас. Мазкур соҳа бўйича қонун ҳужжатлари билан ваколат берилган махсус органлар мавжуд», - дейилади хабарда.
Муносабатни тўлиқ келтириб ўтирмайман, уни қуйидаги ҳавола орқали ўқиб олишингиз мумкин.
Лекин Адлия хабарининг қуйидаги жойи қизиқ:
«Энг асосийси, депутатлар томонидан 2016 йилда Ҳукумат киритган, деб тилга олинаётган қонун лойиҳаси АСЛИДА Ҳукумат томонидан эмас, балки бевосита Қонунчилик палатаси депутатлари томонидан ташаббус сифатида парламентга киритилган.
Бунга асос қилиб, ўша пайтда Йўл ҳаракати қоидаларининг янги таҳрири тасдиқланганлиги, шу муносабат билан Маъмурий жавобгарлик кодекси нормаларини мос равишда таҳрир қилинаётганлиги ташаббускор депутатлар томонидан асос қилиб кўрсатилган.
Шундай экан, 2016 йилда қонун лойиҳаси кўриб чиқилаётганда Ҳукумат “бошқа гапни гапирган” деган важлар, унинг натижасида оммавий ахборот воситаларида нотўғри талқин қилингани ҳурматли депутатларнинг аниқ маълумотларга эга эмасликлари натижасида юзага келган», - дейди Адлия.
ХУЛЛАС, қонун чиқарувчи ҳокимият ижро ҳокимиятига, ижро ҳокимияти эса қонун чиқарувчи ҳокимиятга эътироз билдириши ўта нормал ҳолат, бу ҳокимиятларнинг ўзаро тийиб турилиши дейилади. Лекин бу "айтишувлардан" халққа нима фойда, шуниси маълум эмас.
ЭНГ АСОСИЙСИ: нима учун бу ўзгаришларни ҳаётга татбиқ этишга маълум муддат (1-2 йил тугул, ҳатто 1-2 ой ҳам) берилмади, нима учун томдан тараша тушгандай янги қоидалар халқ учун кутилмаган ҳолатда дарров кучга кирди, шу саволларга ҳалигача ижро ҳокимият вакиллари бирор тайинли изоҳ беришмади. Муаммонинг асосий негизи шу ерда аслида.
👉 @xushnudbek 👈
-
2019-05-28 10:48:27+00:00
Канал обуначилари сони 90 минг нафардан ошди.
Барчангизга катта раҳмат! Ишончингизни оқлашга ҳаракат қиламан.
Агар ёзганларим ҳеч бўлмаса 1 кишига бўлса ҳам фойдаси тегаётган бўлса, демак тўғри йўлдаман.
-
2019-05-28 06:15:51+00:00
⚡️ Барча ОТМларда ҳам ҳужжатлар давлат хизматлари маркази ва портал орқали қабул қилинмас эмиш
Жорий йилда барча ОТМларда ҳужжатлар давлат хизматлари маркази ҳамда Ягона портал орқали бўлиши, эндиликда абитуриентлар ОТМга бориши шарт эмаслиги, ўз туманида ҳам ҳужжат топшира олиши ҳақида кўп бора таъкидланган эди. Буни ДТМ ҳам, Олий ва ўрта махсус таълим вазирлиги ҳам, Давлат хизматлари агентлиги ҳам айтганди.
Лекин айтишларича, бугунги кунга келиб вазият ўзгарган. Яна ҳам аниқроғи тестга оид қарор сўнгги лаҳзаларда лойиҳадагидан бироз фарқлироқ бўлиб қабул қилинган.
Яъни қарорга мувофиқ, фақат Давлат қабул комиссияси томонидан белгиланадиган давлат ОТМларидагина ҳужжатлар ДХМ ёки Ягона портал орқали қабул қилиниши назарда тутилган.
Ҳозирча тасдиқланмаган маълумотларга кўра, Давлат қабул комиссия бармоқ билан санарли ОТМларнигина рўйхатга киритаётган экан. Бу дегани саноқли ОТМларни ҳисобга олмаганда, барча жойда яна ўтган йиллардагидек ҳужжатлар ОТМларнинг ўзида қабул қилинади.
Давлат хизматлари маркази катта ҳажмни эплай олмайди, деган хулосага келинган шекилли.
Шу ўринда кўплаб саволлар пайдо бўлади:
• Агар абитуриент танламоқчи бўлган 3 та ОТМ ҳам махсус рўйхатда бўлмаса, унда учала ОТМга бориб ҳужжат топшириб чиқиш керакми?
• ОТМларда ҳужжат қабул қилинганда расм, конверт, скоросшиватель папка сўрашмайдими?
• Ҳужжатларни аввалги йиллардагидек олиб қолишадими ёки қайтариб беришадими?
• Рўйхатда йўқ ОТМлар учун онлайн ҳужжат топшириш мумкин бўладими?
Хуллас, бунақа саволлар кўп, лекин ҳозирча жавоб йўқ. Масъул ташкилотлар фақат «кутиб туринг, тез орада ҳужжат қабул қилинади, кейин маълум бўлади» дейишдан нарига ўтмаяпти. Қабулгача атиги ярим ой вақт қолди, лекин деярли ҳеч нарса аниқ эмас.
Нима ҳам қилардик, кутамиз, кутасиз, кутишади. Бошқа илож қанча...
👉 @xushnudbek 👈
-
2019-05-28 05:20:56+00:00
Германия Федерал Президенти Франк-Вальтер Штайнмайерни расмий кутиб олиш маросими бўлиб ўтмоқда.
Маросимни қуйидаги ҳавола орқали онлайн томоша қилиш мумкин:
www.facebook.com/Mirziyoyev/videos/688744661578610/
-
2019-05-27 22:00:09+00:00
Рамазон. 23-кун.
Иффат. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-27 19:51:49+00:00
Германия Федератив Республикаси Президенти Франк-Вальтер Штайнмайер 27 май куни расмий ташриф билан мамлакатимизга келди.
Тошкент халқаро аэропортида олий мартабали меҳмонни Ўзбекистон Республикаси Бош вазири Абдулла Арипов кутиб олди.
👉 @xushnudbek 👈
-
2019-05-27 12:11:48+00:00
Давлатни алдасанг, «жигоку»га тушасан дeган гапи жуда ўйга солди одамни
Японияда яшовчи бир ҳамюртимизнинг анча аввал чиққан мақоласини Сизга ҳам илиндим:
«Бугун эрталаб ишга кeтаётган эдим. Мeтрода бир болакайга кўзим тушди. Бошини китобдан кўтармай кeтди, анча жойгача. Ҳавасингиз кeлади-вeй.
Чидаб туролмадим. Ёнида жой бўш экан. Ўтириб саволга тутдим. Япон халқига "сумимасeн" (узр) дeб узоқдан гап бошламасангиз қўрқиб кeтади. Мeн ҳам узр дeб, саволга тутдим. Жавоб бeргиси кeлмай жавоб бeрди.
– Қанақа китоб ўқияпсан?
– Мактабдан бeрган уйга вазифамни қиляпман.
– Нeга уйда қилмадинг?
– Уйда ҳам қилдим. Бу ерда ҳам қиламан. Биласизми? Мен кўп китоб ўқишим кeрак.
– Нимага?
– Отам билан онам ажрашган. Онам мeни, жуда ҳам қийналиб катта қилябди. Баитода (соатбай ишлаш) ишлаб жуда ҳам қийналаябди. Мeн ҳозир зўр ўқисам кeлажакда ўзимни каишамни (компания) очиб, онамларни шачоу (компания бошлиғи) қилиб тайинлайман. Ўзимизни уйимиз бўлади… Мeни “боқишдан қийналаман, бола кeракмас” дeб ажрашиб кeтган отамга ҳам ёрдам қиламан, дeйди…
Кўзларимга ёш кeлди…
Нотўғри савол бeриб қўйганимдан ҳижолат бўлиб, чалғитмоқчи бўлиб, гапни бўлдим.
– Сатоукун, (исми Сатоу экан, -кун қўшимчаси эркалаб чақиришда ишлатилади) дарс қилишни яхши кўрасанми?
– Ҳа, жуда ҳам. Онам айтганлар мeнга, дарс қилсам, яхши одам бўлсам, одамларга ёрдам бeрсам давлатга зиёним тeгмаса «тeнгоку»га тушарканман.
– «Тeнгоку» нима?
– «Тeнгоку»ни билмайсизми? Мeн сизни кийимларингизни, қўлингиздаги китобни кўриб ақлли одам дeб ўйлагандим. Ие, ҳа сиз гаикоужинсиз-ку (хорижлик) шунга тушунмадингиз, шeкилли. «Тeнгоку» дeгани одам ўлгандан кeйин борадиган жой. Яхши одамлар «Тeнгоку»га тушади. Ёмон одамлар «Жигоку»га.
Бу гапларини эшитиб, Жаннат ва Дўзах ҳақида гапираётганини фаҳмладим. Яна саволга тутдим:
– Сатоукун, Жигокуга (дўзах)га қандай одамлар тушади?
– Давлатдан алдаб пул ундирганлар, масалан: ўқимай, ишламай, “пулим йўқ, пул бeринглар” дeб фақат давлатдан пул ундирадиганлар тушади. Ёмон одамлар тушади. Дадамни ҳам тушади дeб айтишди мeнга. Лeкин, мeн хоҳламайман. Бўлди, мeн кeйинги бeкатда тушаман. Бай бай.
– Ўқишларинга омад. Укажон, Илоҳим барча орзуларинга эришгин…
Бола тушиб кeтди. Қарасам анча бeкат ўтиб кeтибман. Кун бўйи бола билан бўлган суҳбат ҳақида ўйладим. Ҳали бошланғичда ўқийдиган болани, фикрлаши-ю, ақллилигига тасанно айтдим. Фарзанд тарбиясига қойил қолдим.
Япония давлатини анча мунча давлатлардан илдамлаб кeтганини сабабини тушунгандeк бўлдим. Ўқимаса ҳeч ким бўлолмаслигини, оддий соатбай ишда ишлаб ўтиб кeтишини тушунган, кeлажакда катта компанияни юритаман, дeб болалигидан қаттиқ ҳаракат қилган Сатоукунлар ривожлантирган экан Японияни. Жуда кўп японни кўрасиз ўзимни компаниямни очаман, дeб қаттиқ ўқиб, соатбай ишлаб, ухламай юрганликларини. Шу сабабдан Япон компаниялари дунёда кучайиб кeтгандир, балки.
Давлатни алдасанг, «жигоку»га тушасан дeган гапи жуда ўйга солди одамни.
Барака топ, Сатоукун. Ўзингдан нeча баробар ёши катта аканга, «жигоку», «тeнгокудан», ҳаётдан, тиришқоқликдан, китоб ўқишдан дарс бeриб қўйганинг учун…
Моҳи Рамазон ойларида дуо қилайлик азизлар, бизни юртимиздан ҳам шундай, болажонлар чиқиб, ёшлар чиқиб, катта – катта компаниялар очиб, кучли олимлар чиқиб, ота-боболаримизни муносиб ворислари чиқиб Ўзбeкистонимизни Япониядeк, бошқа ривожланган давлатлардeк юқори чўққиларга олиб чиқсин, Илоҳим.
Баҳодир Искандаров,
Шинжуку шаҳри, Япония. 2019 йил 7 май».
Мақола тугади.
Фото: Япония метросидаги Сатоукун. (Баҳодир Искандаров олган фотосурат).
👉 @xushnudbek 👈
-
2019-05-27 09:42:28+00:00
Лондондан ўзбек гилоси ҳақида ёзишаяпти: "Кўчамиздаги магазиндан ўзимиз сотиб олдик", деб ёзаяпти ватандошимиз.
-
2019-05-27 04:15:52+00:00
Япониядаги ўқувчиларнинг бир-бирини қўллаб-қувватлаши акс этган видео ёдингиздами?
Мана буниси АҚШдаги ўхшаш ҳолат. Ғарбда одатда болаларни жамоа бўлиб ишлаш руҳида тарбиялашади.
Бизда бу бироз оқсаган. Оддий мисол, спортда ҳам асосий ютуқларимиз яккалик баҳсларда, жамоавий турларида эса деярли омадимиз келмайди.
👉 @xushnudbek 👈
-
2019-05-26 22:30:07+00:00
Рамазон. 22-кун.
Тавба. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-26 16:42:04+00:00
Мана, илк жарималар белгилашни бошлашибди.
Ҳурматли ҳайдовчилар, машинангиз ойналарини берухсат тонировка қилдирманг ёки орқа ён ойналарга парда ўрнатманг! Акс ҳолда «атиги» 5 млн сўм жарима тўлашингизга тўғри келади.
P.S.: агар ҳар икки томонда "боковой" кўзгулар бўлса, машинанинг орқа ойнасига пардалар, шунингдек чий парда ёки дарпарда ўрнатишга рухсат берилган.
Фото: UzMDK
👉 @xushnudbek 👈
-
2019-05-26 14:16:09+00:00
Ноқонуний тонировка учун 5 млн сўм жарима
Кўпчиликнинг хабари бўлдими ёки йўқ, билмадиму, 2 кун олдин кучга кирган қонунга биноан, махсус рухсатномасиз машинаси ойналарини тонировка қилган ҳамда ҳайдовчининг ўрнидан теварак-атрофни кўришни чеклайдиган қўшимча нарсалар ўрнатилган (масалан, орқа ён ойналарга пардалар) бўлса, жарима жазоси ЭКИҲ 25 баробари (5 млн сўм) этиб белгиланди.
Илгари ушбу иш учун жарима миқдори атиги ЭКИҲ 1 баробари (202 730 сўм). Демак, жарима 25 баробарга оширилди.
Худди шу қоидабузарлик маъмурий чора қўлланилгандан сўнг бир йил ичида такроран содир этилса, жарима миқдори ЭКИҲ 40 баробари (8,1 млн сўм) этиб белгиланди. Аввал 2 “минималка” (405 минг сўм) эди.
Бундай жарима тўламаслик учун махсус рухсатнома асосида орқа ойнани 95 фоизгача, орқа ён томон ойналарини 70 фоизгача қорайтиришингиз мумкин, лекин бунинг учун жисмоний шахслар ЭКИҲ 90 баробари (18,2 млн сўм), юридик шахслар учун 120 баробар (24,3 млн сўм) тўлаши керак. Ва бу тўлов фақат 1 йил учун. Кейинги йил учун яна шунча тўлов қилиш лозим бўлади.
Қонунчиликда йўл ҳаракати қоидаларини бузганлиги учун бунақа катта жарималар унча кўп эмас. Келинг уларни кўриб чиқамиз:
25 баробар миқдорида (5 млн сўм):
• 1 йилда 3 мартадан кўп белгилангандан 20 км/с тезликни оширса;
• 1 йилда 2 мартадан кўп белгилангандан 20-40 км/с тезликни оширса;
• 1 йилда такроран белгилангандан 40 км/с дан ортиқ тезликда юрса;
• алкоголли ичимликдан, гиёванд модда таъсиридан ёки ўзгача тарзда маст ҳолда машина бошқариш;
• маст шахсга машина бошқаришни топшириш;
• ойналарни берухсат тонировка қилиш ёки ён ойналарга парда ўрнатиш.
30 баробар миқдорида (6 млн сўм):
• транспорт воситасини бошқариш ҳуқуқи бўлмаган шахснинг мастлиги ёки маст эмаслигини аниқлаш учун текширувдан ўтишдан бўйин товлаши;
• йўл-транспорт ҳодисаси қатнашчиларининг ҳодиса юз берган жойдан кетиб қолиши.
40 баробар миқдорида (8,1 млн сўм):
• транспорт воситасини бошқариш ҳуқуқи бўлмаган шахснинг маст ҳолда машина ҳайдаши;
• 1 йил ичида такроран ойналарни берухсат тонировка қилиш ёки ён ойналарга парда ўрнатиш.
Ортиқча изоҳ бермоқчи эмасман, қоидабузарликларнинг хавфлилик даражасини солиштирингда, ўзингиз учун хулоса қилиб олаверинг.
P.S.: Кундузи чироқ ёқиб юриш қоидаси бизнинг шароитга тўғри келмаслиги ҳақида гап кетганда қуёшли юрт эканлигимиз, айниқса ёз ойида кучли жазирама бўлиши алоҳида таъкидланмоқда.
Лекин кўпчилик жазирама иссиқда машина салонини иссиқдан ҳимоя қилмоқчи бўлган ҳайдовчилар нима қилсин, 5 млн сўм жарима тўласинми ёки 18 млн сўмга 1 йиллик ҳуқуқни сотиб олсинми, демаяпти.
Ижтимоий тармоқларда кундузи чироғини ёқмаганлиги учун 101 минг сўм жаримани “отнинг калласидай” деб баҳолашяпти, унақада орқа ён томонига чий парда ёки дарпарда ўрнатганларга 5 млн сўм жаримани ниманинг калласига ўхшатса бўлади? Кит ёки филникигами?
Депутатлар бу ҳақида ҳам ТВда гапиришармикин, шунчаки қизиқ...
👉 @xushnudbek 👈
-
2019-05-26 06:17:16+00:00
Номинг ўчсин, монополия
Кеча блогер @kurbanoffnet ўз каналида «Ўзбекистон ҳаво йўллари» томонидан ички рейслар учун билет нархлари оширилганини тасодифан билиб қолгани, масалан, 4 май куни Тошкент-Урганч рейси бўйлаб Y классда 461 минг сўм эвазига парвоз қилган бўлса, эндиликда худди шу класс учун билет нархи 887 минг сўм этиб белгилангани ҳақида ёзди. Бу дегани ЎҲЙ айрим класслар учун билет нархларини салкам 2 баробарга оширган!
Блогернинг айтишича, энг ёмони бу ҳақида монопол компания ҳеч қандай хабар бермаган. На ўзининг расмий сайтида, на бошқа ОАВларда. Албатта-да, нима учун улар хабар бериши керак? Ахир ўзи хон, кўланкаси майдон бўлса. Истаган пайти, истаган нархини қўя олса. Ахир қизиққон-да у! Монопол-да у!
Истеъмолчилар ҳуқуқи, дейсизми? А, нима? Нима у? Ейдиган нарсами? Монопол ташкилотларни истеъмолчилар мутлақо қизиқтирмайди. Бунга жуда кўп мисоллар келтириш мумкин. «Ёқса шу, ёқмаса катта кўча» принципида ишлашади.
Ваҳоланки, «Табиий монополиялар тўғрисида»ги Қонунининг 7-моддасида ваколатли органнинг нархлар (тарифлар) бўйича қарори табиий монополия субъектлари томонидан улар кучга киришидан камида ўн беш кун аввал оммавий ахборот воситаларида эълон қилинади, дея белгиланган.
ЎҲЙ эса бу ҳақида нархлар ошириб бўлингандан кейин, бугун Газета.уз сайти орқали хабар бермоқда. Агар блогер Kurbanoff бу ҳақида ёзмаганида балки ҳеч қачон хабар беришмаган ҳам бўлармиди, ким билсин. Ўрага сичқон тушди, гулдур-гуп деган нақлни жуда яхши кўришадида бу монополларимиз.
Компания нима учун қонунларга ва халққа (истеъмолчиларга) бу даражада ҳурматсизлик қилганлиги ҳақида бирор расмий тушунтириш (узр сўраш демайман, майли) берармикин?
Айтганча, Монополияга қарши курашиш қўмитасидан эса «Сувсоз» билан боғлиқ воқеадагига ўхшаган тезкор муносабат кутиб қоламиз.
👉 @xushnudbek 👈
-
2019-05-26 05:37:49+00:00
Bitiruvchilarga Firuz Allaevdan xat ekan. Nihoyatda yaxshi yozilgan. Tavsiya qilaman.
"Har bir eshitgan haqiqatingni eng so‘nggi haqiqat
deb qabul qilma".
https://daryo.uz/2019/05/26/sen-robot-emassan-ozbekistonlik-yosh-tadbirkor-va-blogerning-yanada-yoshroq-avlodga-maslahatlari/
-
2019-05-26 04:00:33+00:00
Баъзан ўзимизнинг зиёнимизга бўлса ҳам, ўзгалар учун севимли нарсаларимиздан воз кечишни ўрганишимиз керак.
Дам олиш кунингиз хайрли ўтсин 😃
👉 @xushnudbek 👈
-
2019-05-25 22:00:06+00:00
Рамазон. 21-кун.
Муроқаба. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-25 11:07:19+00:00
-
2019-05-25 09:11:21+00:00
Ўзбекистон фермер, деҳқон хўжаликлари ва томорқа ер эгалари кенгашининг видео мулоқот тарзида ўтказилган III конференциясида ҳозирга қадар кенгаши раиси в.б. бўлган Хаитов Актам Ахмадович раис лавозимига сайланди.
Шунингдек, Актам Хаитов бир пайтнинг ўзида O‘zLiDeP Сиёсий Кенгаши Ижроия қўмитаси раиси ҳам ҳисобланади.
У бундан кейин ҳам иккала ташкилотни бошқарадими ёки партия раҳбарлигидан кетадими, буниси ҳозирча аниқ эмас.
Эслатиб ўтамиз, яқинда «Миллий тикланиш» партиясида раис ўзгарган эди.
👉 @xushnudbek 👈
-
2019-05-24 22:00:05+00:00
Рамазон. 20-кун.
Ризо. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-24 16:08:18+00:00
Шавкат Мирзиёевнинг таклифига биноан Германия Федератив Республикаси Президенти Франк-Вальтер Штайнмайер жорий йил 27-29 май кунлари расмий ташриф билан мамлакатимизда бўлади.
Ташриф доирасида Франк-Вальтер Штайнмайернинг Ўзбекистон ва ГФР етакчи компания ва банклари, жамоатчилик вакиллари билан учрашиши, қатор саноат ва бошқа объектлар билан танишиши кўзда тутилган.
Федерал президент Хоразм вилоятига ташриф буюриб, Урганч давлат университети профессор-ўқитувчилари ва талабалари билан учрашади ҳамда Хива шаҳрининг тарихий ва меъморий обидалари билан танишади.
Ташриф якунида иқтисодиёт, молия, таълим, соғлиқни сақлаш ва атроф-муҳитни муҳофаза қилиш соҳаларида икки томонлама муносабатларни янада кенгайтиришга қаратилган келишувлар имзоланиши кутилмоқда.
Манба
👉 @xushnudbek 👈
-
2019-05-24 13:00:20+00:00
Матбуот хизматлари фаолиятини ривожлантиришга оид Президент қарори лойиҳаси эълон қилинди. Яхши гаплар бор.
Норматив-ҳуқуқий ҳужжатлар лойиҳалари муҳокамаси порталига Ахборот ва оммавий коммуникациялар агентлиги томонидан давлат ташкилотларининг матбуот хизматлари фаолиятини ривожлантиришга оид Президент қарори лойиҳаси жойланди.
Лойиҳага кўра:
👉 ахборот хизмати раҳбари бир вақтнинг ўзида давлат ташкилоти раҳбарининг матбуот котиби ҳисобланади ҳамда ахборот сиёсати масалалари бўйича маслаҳатчиси мақомига эга бўлади, меҳнатга ҳақ тўлаш, тиббий ва транспорт хизмати кўрсатиш шароитларига кўра раҳбар ўринбосарига тенглаштирилади;
👉 давлат ташкилотларининг ахборот хизматлари ходимлари (раҳбаридан ташқари)нинг лавозим маошларига бошқа ҳар қандай тўловлардан қатъи назар 50 фоиздан кам бўлмаган миқдорда ойлик устама тўланади;
👉 ахборот хизматининг вазифалари ва функциялари бошқа бўлим ва бўлинмаларига юкланишига йўл қўйилмайди;
👉 ахборот хизматлари қоида тариқасида давлат ташкилотларининг марказий аппарати, Қорақалпоғистон Вазирлар Кенгаши, вилоятлар ва Тошкент шаҳар ҳокимликларида улар ходимлари умумий чекланган сони доирасида ахборот хизмати раҳбари – матбуот котибидан ташқари:
• ОАВ ва жамоатчилик билан алоқалар;
• веб-ресурслар ва ижтимоий тармоқлар билан ишлаш;
• таржимонлик;
• тасвирга олиш йўналишлари бўйича камида тўрт нафар бошқарув ва техник ходимдан ташкил топади;
👉 давлат ташкилотларининг бўйсинувидаги ташкилотлар ва ҳудудий бўлим ва бошқармалари, туман (шаҳар) ҳокимликларида ахборот хизматлари камида икки нафар бошқарув ходими ва техник ходимлардан иборат таркибда ташкил этилади;
👉 ахборот хизматларининг раҳбарлари ва бошқарув ходимлари мос равишда Агентлик ва унинг ҳудудий бошқармалари билан келишган ҳолда лавозимга тайинланади;
👉 ахборот хизматларининг раҳбарлари ҳар уч йилда бир марта Агентликда аттестациядан ўтказилади;
👉 ташкилот раҳбарларига ахборот хизматларини замонавий моддий-техника воситалари, шу жумладан хизмат хонаси, телевизор, компьютер жамланмаси, хизмат машинаси, аудио, видео ёзиб олиш ускуналари, фотокамера, юқори тезликдаги интернет, зарур дастурий маҳсулотлар билан таъминлаш, шунингдек ахборот хизматларини юқори малакали мутахассислар билан тўлдириш юзасидан шахсий жавобгарлик юкланади;
👉 давлат ташкилотлари Ташқи ишлар вазирлиги ва Агентлик билан биргаликда ахборот хизматлари ходимларини дунёнинг етакчи мамлакатларига ахборот хизматлари фаолиятини ўрганиш, тажриба алмашиш, стажировка ўтказиш мақсадида бир йилда камида бир марта хизмат сафарига юбориш чораларини кўради.
Қарор лойиҳаси билан қуйидаги манзилда батафсил танишишингиз мумкин:
https://regulation.gov.uz/uz/document/3612
Муҳокамалар 10 июнга қадар давом этади.
👉 @xushnudbek 👈
-
2019-05-24 11:53:58+00:00
Президент Шавкат Мирзиёев 24 май куни Тошкентдаги Талабалар шаҳарчасида амалга оширилаётган бунёдкорлик ишлари билан танишди.
👉 @xushnudbek 👈
-
2019-05-24 05:50:09+00:00
Мана буни янгилик деса бўлади!
Норматив-ҳуқуқий ҳужжатлар лойиҳалари муҳокамаси порталида айрим қонун ҳужжатларига ўзгартиш ва қўшимчалар киритиш тўғрисидаги қонун лойиҳаси эълон қилинди.
Унга кўра, «Ўзбекистон Республикасининг Конституциявий суди тўғрисида»ги Конституциявий қонунининг 25-моддасига (Конституциявий судга масалаларни киритиш ҳуқуқи) қуйидаги қўшимча киритиш таклиф қилинмоқда:
«Ўзларининг конституциявий ҳуқуқ ва эркинликлари Ўзбекистон Республикасининг Конституциясига мувофиқ бўлмаган норматив-ҳуқуқий ҳужжатлар билан бузилган деб ҳисобловчи жисмоний ва юридик шахслар»
Шунингдек, 27-моддасининг (Конституциявий суд мажлисининг иштирокчилари) биринчи қисми «адлия вазири» деган сўзлардан кейин «ўзларининг конституциявий ҳуқуқ ва эркинликлари Ўзбекистон Республикасининг Конституциясига мувофиқ бўлмаган норматив-ҳуқуқий ҳужжатлар билан бузилган деб ҳисобловчи жисмоний ва юридик шахслар, уларнинг ваколатли вакиллари» деган сўзлар билан тўлдирилиши мумкин.
Бу нима дегани?
Шу пайтгача оддий фуқаролар қонунлар ва қарорларнинг Конституцияга зидлиги масаласида Конституциявий судга мурожаат қила олмас эдилар. Фақат қуйидаги субъектлардагина бундай ҳуқуқ бор эди:
• Олий Мажлис палаталари;
• Президент;
• Вазирлар Маҳкамаси;
• Олий Мажлиснинг Инсон ҳуқуқлари бўйича вакили (омбудсман);
• Қорақалпоғистон Жўқорғи Кенгеси;
• Олий Мажлиси Қонунчилик палатаси депутатлари умумий сонининг камида тўртдан бир қисмидан иборат депутатлар гуруҳи;
• Олий Мажлис Сенати аъзолари умумий сонининг камида тўртдан бир қисмидан иборат сенаторлар гуруҳи;
• Олий суд;
• Бош прокурор;
• Конституциявий суднинг камида уч нафар судьяси ташаббуси билан.
Шунинг учун ҳам йиллар давомида Конституциявий суд деярли ишламаган, чунки қарор қабул қилиш учун асос бўладиган мурожаат ва шикоятлар деярли тушмас эди. Энг юқори давлат органлари қайсидир қонун ёки Президент ва Ҳукумат ҳужжатларининг Конституцияга зид эканлиги юзасидан шикоят билан чиқиши камдан-кам учрайдиган ҳолат.
Мисол учун, 2010 йилдан токи 2018 йилгача Конституциявий суд атиги 2 тагина қарор қабул қилган (2014 ва 2018). Шунчаки солиштириш учун айтиш мумкинки, биргина 2019 йилнинг дастлабки 4 ойи давомида Россия Конституциявий суди 19 та қарор қабул қилган.
Эълон қилинган ушбу лойиҳани мамлакатда қонунийликни янада таъминлаш бўйича инқилобий қарор дейиш мумкин. Тўғри, айтишингиз мумкин, фуқароларга мурожаат ҳуқуқи берилгани билан, бу Конституциявий суднинг судьялари барча шикоятларини ижобий кўриб чиқишига кафолат эмаску, дея. Фикрингизда жон бордир. Лекин бу кейинги масала.
Бутунлай тақиқ бўлган ҳолатда сифат босқичи ҳақида орзу қилиш ҳам имконсиз эди. Энди эса ўша имконият пайдо бўлмоқда, шикоятларни сифатли кўриб чиқиш масаласи эса вақт давомида шаклланадиган нарса, бундан хавотир олмаса ҳам бўлади.
Хуллас, бу лойиҳани кўриб, хурсанд бўлдим. Яхши янгиликлар кўпаяверсин.
P.S.: агар шу қонун кучга кирса Конституциявий судга фуқаролар томонидан киритиладиган энг биринчи масала нима бўлишини тахмин қилиш қийин эмас 😃
👉 @xushnudbek 👈
-
2019-05-24 04:00:09+00:00
Халқаро рейтинглар ҳақида
Ёдингизда бўлса, бир неча куни аввал UniRank агентлиги томонидан Ўзбекистон ОТМлари рейтинги эълон қилингани ҳақида хабарлар чиққанди.
Таълим сифатини назорат қилиш инспекцияси мазкур хабарларга раддиясифат муносабат билдирибди. Ундан айрим қисмларини ҳавола қиламиз:
«Яқинда турли интернет сайтлари орқали UniRank агентлиги томонидан Ўзбекистоннинг энг яхши олий таълим муассасалари эълон қилинди, деб хабар тарқатилди. Лекин ушбу рейтинг агентлигининг методологияси қандай?, у қайси кўрсаткичлар асосида баҳолаган?, мезонлар рейтинг мазмунини кўрсата оладими? деган саволлар очиқ қолмоқда.
Фақатгина ОТМнинг веб сайти ва унга неча нафар одам кирганлиги билан аниқланган рейтинг натижалари бу таълимнинг сифатини тўғри баҳолай олмайди, шубҳасиз. Яна бир жиҳат, рейтинг натижаларини эълон қилган ҳар қандай агентлик ёки ташкилот ҳам жаҳон ҳамжамияти томонидан тан олинган бўлавермайди.
Шундай экан, рейтинг натижаларини эълон қилаётган вақтда рейтингни амалга оширган ва баҳо берган халқаро агентликларнинг бу соҳага қанчалик чуқур ёндашгани ва қайси мезонлар асосида аниқлаганига ҳам эътибор қаратиш айни муддао.
Маълумот учун, UniRank агентлигининг мақсади жаҳон университетлари ва коллежларининг жаҳон миқёсида онлайн таниқлилиги ва алоқаларнинг онлайн мавжудлигига асосланган. Ушбу ташкилот рейтингида олий таълим муассасаларининг таълим сифати, академик хизматлари, ўқув ва илмий фаолиятлари асосий мезон сифатида қабул қилинмаган.
Олий таълим муассасаси фаолиятини ҳар томонлама шаффоф кўрсатиб берадиган, у ерда тайёрланаётган кадрлар сифатига тўғри баҳо берадиган мезонларгина ҳақиқий рейтингни белгилаши мумкин».
Инспекциянинг фикрига қўшиламан. UniRank агентлиги ҳақиқатдан Ўзбекистон ОТМларининг рейтингини чиқарган, бу ёлғон эмас. Аммо уни жиддий қабул қилиш шарт эмас.
Биринчидан, бу рейтинг фақат ОТМларнинг сайти ва унга қанча одам кирганлиги билан ўлчанган экан.
Иккинчидан, UniRank агентлиги халқаро майдонда катта нуфузга эга эмас ва тан олинган халқаро рейтинг ҳисобланмайди.
Масалан, жаҳонда энг машҳур халқаро рейтинглар, булар - THE (Times Higher Education), QS (Quacquarelli Symonds), ARWU (Academic Ranking of World Universities) рейтингларидир.
Афсуски мана шу учта халқаро рейтингларнинг кучли 1000 талигига ҳам Ўзбекистондан бирорта ОТМ киритилмаган. Яқин 1-2 йилда киришидан умид қилиш ҳам бироз қийин. 4-5 йилларда қайсидир ОТМ кириб қолса керак.
Ўтган сафар халқаро рейтингларнинг TOP-1000 талигига биринчи бўлиб ЎзМУ, ТДТУ ёки ТАТУдан бирортаси кирса керак, деган шахсий тахминимни айтган эдим. Кўрамиз, қолганини вақт кўрсатади.
👉 @xushnudbek 👈
-
2019-05-23 22:00:05+00:00
Рамазон. 19-кун.
Сабр. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-23 19:03:46+00:00
Бугун Тошкентдаги «Шайх Зайниддин» (Кўкча) масжидида бўлиб ўтган хатмонадан лавҳалар.
Машаллоҳ! Жуда чиройли манзара.
Фото: @hanafiyuzofficial
-
2019-05-23 16:00:18+00:00
Онлайн ҳужжат топшириш учун электрон имзо талаб этилмайди
#abituriyent
Хабарингиз бўлса керак, жорий йилда абитуриентлар учун my.gov.uz портали орқали онлайн ҳужжат топшириш имконияти ҳам берилади. Яъни абитуриентлар уйидан чиқмасдан туриб, интернет орқали 5 ОТМга (ТДЮУ, ҚДУ, ФарДУ, СамДУ, ГулДУ) ҳужжат топшира олади. Ягона портал орқали ҳам учтагача йўналишни танлаш имконияти бўлади.
Энг қувонарлиси, соҳа мутахассисларининг айтишларича, ҳужжат топшириш учун электрон рақамли имзо (ЭРИ) талаб этилмайди.
Шунчаки абитуриентлар паспорт серияси ва рақамини ҳамда шахсий идентификация рақамини (ПИН ФЛ) киритса кифоя, бошқа нарса керак эмас. Паспорт ва дипломларнинг сканери ҳам шарт бўлмайди, рақамларини киритса бўлди.
ПИН ФЛ қанақа рақамлиги ва уни қандай билиш мумкинлигини мана бу ерда батафсил тушунтирганман - https://t.me/xushnudbek/2055
Ягона порталдан ҳужжат топшириш хизмати текин бўлади.
Фақат ўтган йили тугатган абитуриентлар Ягона порталдан ҳужжат топширмоқчи бўлса, 101 365 сўм тўлов қилинади.
Юқоридагилардан хулоса қилиш мумкинки, хориждаги, масалан Россиядаги ёшларимиз ўқишга ҳужжат топшириш учун Ўзбекистонга келишлари шарт эмас. Интернет орқали ўқишга ҳужжат топшириб, фақат имтиҳон кунига келишса кифоя.
Фақат қуйидаги абитуриентлар онлайн ҳужжат топшира олмайди:
- алоҳида имтиёзга эга бўлганлар (яъни турли мукофот соҳиблари, олимпиада ғолиблари ва ҳ.к.);
- фуқаролик паспорти бўлмаган шахслар (масалан, 16 ёшга тўлмаганлар);
- фуқаролиги бўлмаган шахслар.
Ушбу тоифадагилар давлат хизматлари марказига шахсан ўзлари боришлари шарт.
Онлайн ҳужжат топшириш тартиби билан мана бу ерда танишишингиз мумкин - https://t.me/xushnudbek/2141
👉 @xushnudbek 👈
-
2019-05-23 13:39:43+00:00
ЎЗБЕКИСТОН РЕСПУБЛИКАСИ ОЛИЙ СУДИНИНГ АХБОРОТИ
Навоий вилоят маъмурий ишлар бўйича суди раиси Отабек Тошевга оид оммавий ахборот воситаларида эълон қилинаётган маълумотлар юзасидан
Ўзбекистон Республикаси Олий суди Пленумининг шу йил 20 май куни бўлиб ўтган мажлисида Навоий вилоят маъмурий суди раиси О.Тошевни жиноий жавобгарликка тортишга розилик бериш тўғрисидаги тақдимнома маъқулланган.
Отабек Тошев Ўзбекистон Республикаси Жиноят Кодексининг 206-моддасида (ҳокимият ёки мансаб ваколати доирасидан четга чиқиш) назарда тутилган жиноятни содир этишда айбланмоқда. Айни вақтда тергов ҳаракатлари олиб борилмоқда.
Ўзбекистон Республикаси Конституциясининг 26-моддасига кўра, жиноят содир этганликда айбланаётган ҳар бир шахснинг иши судда қонуний тартибда, ошкора кўриб чиқилиб, унинг айби аниқланмагунча у айбдор ҳисобланмайди.
Ўзбекистон Республикасининг “Судлар тўғрисида”ги қонуни 63-моддасига мувофиқ, вилоятлар ва Тошкент шаҳар судларининг раислари ва раис ўринбосарлари, Ўзбекистон Республикаси Ҳарбий судининг раиси Ўзбекистон Республикаси Судьялар олий кенгашининг тақдимномасига биноан Ўзбекистон Республикаси Президенти томонидан лавозимга тайинланади ҳамда лавозимдан озод этилади.
Манба
👉 @xushnudbek 👈
-
2019-05-23 13:07:57+00:00
-
2019-05-23 07:13:09+00:00
«НГ» ҳарф бирикмасининг алифбодан чиқарилиши бўйича
Ижтимоий тармоқларда «энди “бодринг”, “менинг”, “боринг”, “келинг” сўзларни қанақа ёзамиз?» дея берилаётган саволлардан билиш мумкинки, ўзгаришлар бироз нотўғри талқин қилинмоқда.
«НГ» ҳарфи билан ёзувда ҳеч нарса ўзгармайди, бодринг – bodring, менинг – mening, боринг – boring, келинг - keling ёзилаверади. Яъни «нг» деган товуш бекор қилинмаяпти, уни талаффузда ишлатаверамиз, шунчаки алифбодан алоҳида 2 та ҳарфдан ташкил топган «нг» ҳарф бирикмаси чиқариб ташланяпти ва бу тўғри қарор.
Мисол учун, инглиз алифбосида «sh» деган ҳарф йўқ, лекин “ш” товуши бор. Яъни s+h ҳарфлари ёнма-ён келса, улар “ш” деб талаффуз қилиб кетаверади. Масалан, Shop деган сўзни улар “сҳоп” деб ўқимайди, аксинча “шоп” дейди. Бизда ҳам «нг» товуши учун алоҳида ҳарф шарт эмас, талаффузда фонетик бирикма сифатида ўрганилгани маъқул.
Таклифни эшитгач, кўпчиликни қўрқитган алдамчи тасаввур шу бўлдики, энди “бодринг” сўзини – bodri, “келинг” сўзини – keli шаклида ёзамиз, дея ўйлашди. Лекин бундай эмаслигини билиб олдингиз деган умиддаман.
Болалар қийналмайдими?
Яна бир тоифа инсонлар алифбомизда «НГ» ҳарфи бўлмаса, энди мактабга қадам қўйган ўқувчиларга муаммо бўлишини таъкидлашмоқда.
Келинг, «НГ» алифбода бор ва йўқ бўлган вариантни кўриб чиқамиз.
Алифбода бор (ҳозирги ҳолат)
Тасаввур қилинг, 1-синф ўқувчисининг олдидан 2 та сўз чиқди:
“menga” ва “mening”.
Болалар бир қарашда буларнинг қайси бирида шунчаки «н» ва «г» ҳарфлари ёнма-ён келган, қайси бирида «нг» ҳарфи келганини била оладими?
Йўқ, билолмайди! Бу кўз билан ёзувда фарқланадиган ҳолат эмас. Бундай ҳолатлар алоҳида фонетик қоидалар билан болаларга тушунтирилади.
Алифбода йўқ
Алифбодан «нг» ҳарфи чиқариб ташланди, дейлик. Ўша 2 та сўз қандай ёзилади:
“menga” ва “mening”.
Фарқ борми? Йўқ! Аввал қандай бўлса, шундайлигича ёзилмоқда.
Демак, «НГ» ҳарфи алифбода бўлса ҳам, бўлмаса ҳам, барибир қўшимча фонетик қоидалар (қайси сўзда қандай ўқиш кераклиги) зарур бўлар экан.
Унда айтингчи, нима учун алифбода бирор амалий фойдаси йўқ ҳарф бўлиши керак?
Бўғин кўчириш дейсизми? Денгиз сўзини ден-гиз қилиб кўчириш керакми ёки де-нгиз шаклидами, деган саволга «НГ» алифбода бўлса ҳам, бўлмаса ҳам барибир жавобни фонетик қоидалардан топасиз.
Янги ҳарф жорий қилиш керак
Учинчи тоифа инсонлар эса «НГ» товуши учун ҳарф бирикмаси эмас, балки алоҳида яхлит янги ҳарф жорий этишни таклиф қилишмоқда. Шунда талаффуз осонлашар эди ва тилимизда “нг” товушини сақлаб қолардик, дейишмоқда улар. Бир қарашда асосли таклиф.
Лекин «НГ» товуши учун янги ҳарф жорий қилинса, ҳаммаёқ имло хатоларига тўлиб тошади. Кўчалар, ТВ, китоблар, газеталар, интернет...
Айтайлик, алифбода «НГ» товуши учун янги Ñ/ñ ҳарфи жорий этилди, деб тасаввур қилайлик. Бир қарашда бу ёзувда ишни осонлаштирадигандек. Яъни ‘menga’ ва ‘meniñ’ сўзларини фарқлаш қулай бўлади.
Аммо танганинг бошқа томони бор.
Танга сўзи tanga ёзиладими ёки taña? Мангу сўзи mangu ёзиладими ёки mañu? Денгиз сўзи dengiz ёзиладими ёки deñiz? Кўнгил сўзи kóngil ёзиладими ёки kóñil?
Кўряпсизми, айрим сўзларда ўзингиз ҳам иккиланиб қолдингиз. Бу худди “х” ва “ҳ” муаммосига ўхшайди. Йиллар давомида ҳар қанча ўқитсангиз ҳам, барибир одамлар хато ёзаверишади.
Агар «НГ» товуши учун янги ҳарф жорий қилинса, келгусида худди шунақа туганмас ва охири йўқ имло муаммосига дуч келамиз. Мусаҳҳиҳлар учун ортиқча юк пайдо бўлади, жамиятда имло хатолари кўпайгандан кўпайиб кетади.
Бир нарсани унутмаслик керакки, алифбони ислоҳ қилиш натижасида мавжуд муаммоларга барҳам берилиши керак, аксинча янги муаммолар келиб чиқиши эмас.
Юқоридагиларга кўра, «нг» ҳарф бирикмасини алифбодан чиқариб, «нг» товушини келгусида “н+г” шаклида ёзишда давом этиш – энг мақбул вариант, деб ҳисоблайман. Бу ҳеч қандай зиён ёки талафотни келтириб чиқармайди. ИМҲО.
👉 @xushnudbek 👈
-
2019-05-22 22:15:02+00:00
Рамазон. 18-кун.
Шукур. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-22 17:11:08+00:00
Алифбо ислоҳоти халқни саводсиз қиладими?
JAVOB: Yóq!
Lotin yozuviga asoslangan ózbek alifbosini isloh qiliş kun tartibiga çiqqanidan sóng, juda kópçilik bu haqida ijobiy fikrlarini aytişni boşladi. Tóǵri, jarayonlarni hamma ham xuşçaqçaqlik bilan kutib olmadi, ular yozuvdagi ózgarişlarni joiz emas, deb hisoblaşadi va bólayotgan işlardan jiǵibiyroni çiqib yurişibdi.
E’tiroz bildiruvçilarning asosiy argumentlaridan biri – xalqni savodsiz qilişning nima keragi bor! Axir şundoq ham kóp bora alifbomiz ózgargani yetmaydimi?
Xóş, rostdan alifbo islohoti natijasida xalq savodsiz bólib qoladimi? Uşbu voqealar qay darajada xavotirli?
Юқоридаги гапларни атайин ўзгариши кутилаётган алифбо бўйича ёздим. Энг аввало бир саволга жавоб берингчи: юқоридаги матнни ўқишга қийналдингизми? Ёки бирор жойи Сизга тушунарсиз бўлдими?
Ҳозир амалда бўлган лотин алифбосидан хабари борлар учун бу ёзувлар тушунарсиз бўлганига шахсан мен ишонмайман.
Халқни саводсиз қилиш деганда нима тушунилади ўзи? Матнда 1-2 та хато билан ёзишми? Унақада саводли одамнинг ўзи қолмайдику. Саводсизлик, бу - ёзувни кўрганда танимаслик, ўқий олмаслик, ёза олмаслик бўлса керак ҳар ҳолда.
Ҳа, бир нарсани тан олиб айтиш керакки, жамиятда алифболар алмашуви ҳар доим ҳам осон кечмайди. Бу, айниқса, турли авлод вакиллари учун қийинчилик туғдиради. Масалан, ўзимиздан мисол олайлик. 1993 йилдаги қонун билан лотин ёзувига асосланган ўзбек алифбоси жорий этилгач, йиллар ўтиб жамиятда лотин ёзувини ўқишни билмайдиган катта авлод ва кирилл алифбосини танимайдиган ёш авлод шаклланди. Хорижий тилда эмас, ўз она тилингда ёзилган ёзувни ўқишга қийналиш халқ учун ноқулайлик туғдириши шубҳасиз, албатта.
Аммо бугунги кунда лотин алифбосига киритилаётган ўзгаришлар халқни саводсиз қилиши ҳақидаги даъволарга мутлақо қўшилиб бўлмайди.
Биринчидан, алифбо тўлиқлигича биридан бошқасига алмашиб кетаётгани йўқ. Шунчаки, 4та ҳарфнинг шаклига жузъий ўзгариш киритилмоқда, холос. Бунинг натижасида халқ саводсиз бўлиб қолмайди.
Иккинчидан, алифбога мазмунан биттагина ўзгариш киритилмоқда, яъни кирилчадаги «ц» ҳарфи учун янги «с» ҳарфи алифбога киритилмоқда. Лекин бу ҳарф ҳам мутлақо кўзимиз учун бегона эмас, уни яхши таниймиз.
Cirk, miliciya, innovaciya каби сўзларни ўқий олмасдан, халқ саводсизга айланишини тасаввур қилиш қийин.
«НГ» ҳарфини алифбодан чиқаришнинг эса зиғирча иссиқ-совуғи йўқ. Бу ҳақида алоҳида тўхталмоқчиман.
Янги лойиҳада алифбога бошқа мазмунан бирорта ўзгариш киритиш таклиф этилмаяпти, унлилар икки-уч хил кўринишга ўзгартирилмаяпти, янгидан янги бизга нотаниш ҳарфлар қўшилмаяпти.
Учинчидан, ўзгараётган ҳарфлар ҳам мутлақо осмондан тушган ва халқ учун бегона ҳарфлар эмас.
«Şş» ва «Çç» ҳарфларини 1993 йилдаги алифбони ўрганганлар яхши эслашади, кейинги авлоднинг аксарият қисми ҳам бу ҳарфларнинг «ш» ва «ч» эканлигидан хабардор, бу билан халқ саводсизга чиқиб қолмайди.
«Óó» ва «Ǵǵ» ҳарфлари эса анчадан буён қорақалпоқлар алифбосида худди шу кўринишдан фойдаланиб келинади, яъни Ўзбекистон учун бу ҳарф етти ёт бегона эмас. Агар шу вариант тасдиқланса бир Ватан ичида яшаётган қорақалпоқ халқи алифбоси билан бир хил бўлиши ҳар жиҳатдан мантиқан тўғри бўлади.
Шунга кўра, алифбога киритилаётган ўзгаришлар халқни саводсиз қилади, деган иддаолар етарли асосга эга эмас.
Órtoqlar, heç ham vahima qiladigan joyi yóq, işoning. Xudo xohlasa, barçasi yaxşi bóladi.
👉 @xushnudbek 👈
-
2019-05-22 11:03:29+00:00
«Миллий тикланиш» партияси раиси ўзгарди
Республика Маънавият ва маърифат маркази раҳбари Алишер Қодиров «Миллий тикланиш» демократик партияси раиси этиб сайланган. Minbar манбаси хабарига кўра, бугун партиянинг навбатдан ташқари пленуми бўлиб ўтган.
Партиянинг собиқ раиси Сарвар Отамуродов эса «Ўзагросуғурта» АЖ раиси лавозимига тайинланган.
👉 @xushnudbek 👈
-
2019-05-22 09:45:28+00:00
Ўзбекистон Республикаси фуқаросининг хорижга чиқиш биометрик паспортини расмийлаштириш учун анкета. Бор-йўғи бир бет.
-
2019-05-22 07:30:56+00:00
Адлия вазирлиги: нотариус “СМС хабар” юборади
Адлия вазирлиги томонидан жорий йилнинг 1 июнидан нотариуслар фаолиятида “СМС хабар” электрон тизими жорий этилмоқда.
“СМС хабар” да 2 та жуда муҳим маълумот бўлади:
Биринчиси, хабарда нотариал ҳаракатлар учун мижоз томонидан амалга оширилган тўловнинг аниқ миқдори кўрсатилган бўлади. Яъни, нотариат ходими талабига асосан ёки кассада мижоз томонидан тўланган пул миқдорини СМС хабарда кўрсатилган қонуний тўловлар миқдори билан солиштириш имконияти пайдо бўлади.
Иккинчиси, нотариал ҳаракатни охирига етказиш учун СМС хабар орқали тўртта рақамли код мижознинг телефонига юборилади. Нотариус ушбу тасдиқловчи кодни электрон тизимга киритгандан сўнггина нотариал ҳаракатни амалга оширишни расман якунлашга рухсат этилади.
Бунда ушбу код нотариал ҳаракатни амалга ошириш учун калит вазифасини бажаради.
Уяли телефони йўқ шахслар бу янгиликдан қандай фойдаланади?
Бугунги кунда уяли телефони йўқ кишилар жамиятимизда жуда озчиликни ташкил қилади. Агар бундай ҳолат бўлса, мижознинг бирор қариндоши ёки танишининг телефони орқали ушбу хабарни олиши ва тасдиқловчи кодни нотариусга айтиши орқали нотариал ҳаракатни амалга ошириши мумкин.
Шундай шахслар ҳам топилмаган ҳолда, истисно тариқасида нотариат идораси ходимлари телефон рақамидан фойдаланишга йўл қўйилади. Республикадаги барча ходимларнинг телефонлари олдиндан базага киритилган бўлади. Нотариат идораси ходими телефон номеридан фойдаланилганда, электрон тизимга алоҳида белги қўйилади ва адлия органлари томонидан айнан бир хил телефон номерлар қайта-қайта ишлатилган ҳолатларда автоматик тизим ёрдамида доимий назорат қилиб борилади.
“СМС хабар” электрон тизимидан кутилаётган натижа:
1. Нотариал идораларда коррупцион ҳолатлар бартараф этилишига сезиларли таъсир қилади.
2. Нотариуслар томонидан ортиқча пул ундириш имкониятини кескин чеклайди (чунки ҳар бир мижоз қонуний қанча пул тўланганини билиб олади).
Агар мижоздан ортиқча тўлов ундирилганлиги аниқланса, шу заҳоти Адлия вазирлигининг “1008” ишонч телефонига қўнғироқ қилиш, бу ҳақда шикоят қолдириш ёки нотариуснинг ўзига тафовут сабаби юзасидан қатъий ва жуда ноқулай саволни бериш мумкин бўлади.
👉 @xushnudbek 👈
-
2019-05-22 05:54:48+00:00
Алифбо ислоҳоти ҳақида
Кеча Алишер Навоий номидаги Тошкент давлат ўзбек тили ва адабиёти университети ҳузурида иш олиб борган лотин ёзувига асосланган ўзбек алифбосини ислоҳ қилиш бўйича ишчи гуруҳнинг хулосалари эълон қилинди.
Таклиф сифатида Ишчи гуруҳ томонидан 29 ҳарф ва бир белгидан таркиб топган такомиллаштирилган алифбо лойиҳаси ишлаб чиқилди.
Таклиф этилаётган ўзгаришлар қуйидагича:
I. Алифбодаги 4 та ҳарфнинг шаклини ўзгартириш
O‘ => Óó
G‘ => Ǵǵ
Ch => Çç
Sh => Şş
II. Кирилл-ўзбек алифбосидаги «Ц» ҳарфи учун лотин алифбосига янги ҳарф киритиб, «C» шаклида ифодалаш;
III. Кирилл-ўзбек алифбосидаги «НГ» ҳарфини ҳарф сифатида алифбодан чиқариш (лекин товуш сифатида тилимизда сақланиб қолади).
Ишчи гуруҳ фаолиятига жуда оз бўлсада, бироз алоқам бўлди ҳамда ушбу таклифларни маъқуллаб имзо чекканлардан бириман. Шунга кўра, юқоридаги таклифларни яна бир бор қўллаб-қувватлашимни билдирмоқчиман.
Ҳар бир таклиф ўзидан-ўзи ишлаб чиқилмаган, осмондан олинмаган. «Нега бу ундай, нега бу бундай?» дея ҳайрон бўлаётганлар мана бу ерда ишчи гуруҳнинг тўлиқ хулосаси ва аргументлари билан танишиб чиқиши мумкин:
https://kun.uz/46955945
Эслатма: бу шунчаки таклиф, ҳали парламент томонидан расман тасдиқланмаган.
P.S. кўпчилик менга “ўзингизни лотин ёзуви тарафдори сифатида кўрсатасизу, лекин нега доим кириллчада ёзасиз” деб сўрашади. Жуда ҳақли эътироз. Бунинг учун хижолатдаман, лекин ҳозирги лотин ёзувига асосланган алифбомиз ҳам ёзиш, ҳам ўқиш учун ноқулай. Қачонки лотин ёзуви ислоҳ қилиниб, парламентда расман тасдиқлангач, тўлиқлигича “лотинчада” ёзишга ўтаман, бу аниқ.
👉 @xushnudbek 👈
-
2019-05-21 22:15:01+00:00
Рамазон. 17-кун.
Тақво. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-21 18:08:13+00:00
Каналимиз учун муштарийдан эсдалик :)
8️⃣8️⃣8️⃣8️⃣8️⃣
Фото: Shukhrat Makhmudov
-
2019-05-21 15:27:17+00:00
❗️Энди талабаларнинг контрактлари ошадими?
Бироз аввал 2019 йил 1 сентябрдан бошлаб иш ҳақининг энг кам миқдори ўрнига қуйидаги миқдорлар белгилангани хабар қилинди:
👉 Меҳнатга ҳақ тўлашнинг энг кам миқдори – 577 170 сўм;
👉 Базавий ҳисоблаш – 202 730 сўм;
👉 Пенсияни ҳисоблашнинг базавий миқдори – 202 730 сўм.
Бу хабарни ўқиган кўпчилик, айниқса талабалар, ушбу янгиликдан сўнг, «энди энг кам иш ҳақига боғлаб қўйилган контрактларимиз ҳам 577 минг сўмдан ҳисобланадими», дея сўрашмоқда. Масалан, иқтисод йўналишининг контракти ЭКИҲ 50 баравари (10 млн 136 минг сўм) эди, энди шу 577 минг сўмдан ҳисобланса, 28 млн 858 минг сўм бўладими?
✅ ЖАВОБ: Йўқ, контрактлар нархи ошмайди.
Ушбу Фармоннинг контрактлар ошишига алоқаси йўқ. Тушунтираман.
Фақат атама ўзгарди
Илгари «энг кам иш ҳақи» деган тушунча бор эди. Солиқлар, мажбурий тўловлар, жарималар, талабаларнинг контракти ва бошқа нарсалар айнан шу ЭКИҲга боғлаб қўйиларди. Масалан, фалон йўл ҳаракати қоидасини бузганлик учун ЭКИҲнинг фалон миқдорида жарима дейиларди. Ёки нотариусда олди-сотди шартномани тасдиқлаганлик учун ЭКИҲнинг фалон баравари миқдорида давлат божи дейиларди ва ҳ.к.
Кўпчилик «энг кам иш ҳақи» миқдорини ойликлар билан боғлар ва “202 минг сўм ойликка ҳам яшаб бўладими?” деган эътирозлар жуда кўп учрар эди. Лекин энг қизиғи Ўзбекистон ҳудудидаги меҳнат учун тўланадиган энг кам иш ҳақи аслида 202 минг сўм эмасди. У бирмунча баландроқ ва иш ҳақларининг ҳисобланиш тартиби алоҳида эди. Қизиқадиганларга мана бу ёки мана бу мақоламни ўқиб кўришни тавсия қиламан, батафсил тушунтирганман.
Разряд, тариф коэффиценти деган тушунчалар билан ҳисоблаганда шу кунгача Ўзбекистонда 1 ставка учун энг кам ойлик иш ҳақи 577 минг 172 сўмдан кам бўлиши мумкин эмас эди.
Хуллас, фақат номигина «энг кам иш ҳақи» бўлган, лекин аслида ўзи маошни англатмайдиган бу атама одамларни доим чалғитарди.
Эндиликда ушбу муаммога чек қўйилиб атамалар номи ўзгартирилди.
Яъни энди «меҳнатга ҳақ тўлашнинг энг кам миқдори» деган атама пайдо бўлди ва у 577 минг 170 сўм этиб белгиланди. Юқорида айтганимдек, аввал ҳам бу худди шунча миқдорда эди, ҳеч нарса ўзгармади (фақат яхлитлаш ҳисобига 2 сўмга камайибди).
Бундан кейин «меҳнатга ҳақ тўлашнинг энг кам миқдори» деган атама билан
• маош
• устамалар
• қўшимча ҳақ
• гонорар ва ҳ.к.лар ҳисобланади.
Шунингдек, «базавий ҳисоблаш» деган атама ҳам пайдо бўлди ва бу шу кунгача мавжуд бўлган ЭКИҲ билан бир хил – 202 минг 730 сўм этиб белгиланди. Мана шу айнан биз тепада гаплашган нарсаларга, яъни солиқлар, йиғимлар, жарималар, давлат божлари ва ҳ.к.ларга қўлланади.
Масалан, бундан кейин “қизил чироқда ўтиб кетганларга ЭКИҲ 2 баравари миқдорида жарима солинади”, дейилмайди, балки “2 баравар базавий ҳисоблаш миқдорида жарима солинади” дейилади.
Яъни пули ўша-ўша, фақат атама ўзгарди холос.
Ва охиргиси «пенсияни ҳисоблашнинг базавий миқдори» деган атама ҳам пайдо бўлди, бунинг миқдори ҳам – 202 минг 730 сўм этиб белгиланди. Бу атама пенсиялар, устамалар, қўшимча ҳақ ва компенсация тўловлари, шунингдек, ходимлар соғлиғига етказилган зарарни қоплашда қўлланилади.
☝️ ЯКУНИЙ ХУЛОСА: ушбу Президент фармони билан иш ҳақлари, пенсиялар, стипендиялар, жарималар, тўлов-контрактлар ва бошқа шу каби тўловлар ошиши кутилмаяпти. Шунчаки мавжуд атамалар бошқасига алмаштирилди ҳамда тушунарли тилга ўгирилди холос.
P.S.: Фармоннинг бошқа мақсадлари ҳам бору, лекин бу ерда мураккаблаштиргим келмади.
👉 @xushnudbek 👈
-
2019-05-21 13:55:28+00:00
Энг кам иш ҳақи миқдори ўрнига янги тизим жорий этилади
Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида Президент Фармони (2019 йил 21 май, ПФ-5723) қабул қилинди, дея хабар бермоқда «Ҳуқуқий ахборот» канали.
✅ Фармонга мувофиқ, 2019 йил 1 сентябрдан бошлаб иш ҳақининг энг кам миқдори ўрнига қуйидаги миқдорлар белгиланди:
👉 Меҳнатга ҳақ тўлашнинг энг кам миқдори – 577 170 сўм;
👉 Базавий ҳисоблаш – 202 730 сўм;
👉 Пенсияни ҳисоблашнинг базавий миқдори – 202 730 сўм.
👉 @xushnudbek 👈
-
2019-05-21 12:17:31+00:00
UniRank агентлиги Ўзбекистондаги 65 та ОТМларнинг рейтингини эълон қилган.
Унга кўра, кучли 10 та ўринни қуйидаги ОТМлар эгаллаган:
1. Тошкент халқаро вестминстер университети
2. Тошкент ахборот технологиялари университети
3. Тошкентдаги Инҳа университети
4. Тошкент молия институти
5. Тошкентдаги Сингапур менежментни ривожлантириш институти
6. Ўзбекистон миллий университети
7. Жаҳон иқтисодиёти ва дипломатия университети
8. Тошкент давлат педагогика университети
9. Ўзбекистон давлат жаҳон тиллари университети
10. Самарқанд давлат тиббиёт институти
👉 @xushnudbek 👈
-
2019-05-21 07:55:02+00:00
БМТ Бош котиби Антонио Гутерриш ўзининг Инстаграм саҳифасида Орол муаммоси ҳақида пост қолдирди.
У 2017 йилги Ўзбекистонга ташрифи давомида Орол денгизида олинган фотосуратини юклаган.
«Икки йил аввал мен Орол денгизига ташриф буюрдим, у ерда замонамизнинг энг катта экологик фалокатларидан бирига гувоҳ бўлдим. Орол денгизи бир вақтлар дунёдаги тўртинчи йирик кўл эди, бир неча ўн йиллар давомида унинг аста-секин қуриши минтақадаги ҳукуматлар ва жамоатчилик учун бир қатор муаммоларни келтириб чиқарди. Менинг сафарим сайёрамизга бепарволик қилишнинг даҳшатли оқибатларини эслатиб турарди, лекин жамоатчиликнинг тўғри йўналтирилган қўллаб-қувватлаши билан вазиятни қандай ўзгартириш мумкинлигига ҳам гувоҳ бўлдим», - деган Антонио Гуттериш.
👉 @xushnudbek 👈
-
2019-05-21 04:40:35+00:00
Учта йўналишни танлаш мажбурийми?
#abituriyent
1️⃣ Учта йўналишга ҳужжат топшираётганда фанлар кетма-кетлиги мос бўлиши шартми?
ЖАВОБ: Ҳа, учта йўналишни танлаётганда имтиҳон топшириладиган фанлар кетма-кетлиги мос бўлиши шарт.
https://mvdir.dtm.uz сайти орқали абитуриентлар фанлар кетма-кетлиги мос йўналишлар рўйхатини синов тариқасида танлаб кўришлари мумкин.
2️⃣ Аввалги йилларда битирган абитуриентлар ҳужжат топшириш учун тўлайдиган тўлов (101 минг 365 сўм) фақат бир марта олинадими? Ёки учта йўналишга топширса, учаласи учун алоҳида тўлайдими?
ЖАВОБ: Йўқ, бу бир марталик тўлов. Яъни абитуриент учта йўналишга топширса ҳам, битта йўналишга топширса ҳам 101 минг сўм тўлайди.
Фақат инобатга олиш керакки, давлат хизматлари орқали ҳужжат топшираётганда ДХМнинг хизмати учун ҳам ҳақ олиниши мумкин. Бу тахминан ЭКИҲ 10% атрофида (20 минг сўм) бўлиши режалаштирилмоқда. Бу хизмат ҳақи барчадан олиниши мумкин, яъни аввалги йилларда битирганлардан ҳам, жорий йилда энди битирадиганлардан ҳам.
3️⃣ Жорий йилда учта йўналишни танлаш имконияти берилди, лекин абитуриент фақат 2 та йўналишни танламоқчи, бунга ҳаққи борми? Ёки албатта учта йўналишни танлашга мажбурми?
ЖАВОБ: Йўқ, мажбур эмас. Учта йўналишни танлаш ихтиёрий, яъни бу абитуриентларга яратилган қўшимча имконият. Агар абитуриент ўзига ишонса ёки фақат ва фақат битта ОТМда ўқишни орзу қилган бўлса, унда истаса фақат битта йўналишни танлайди, истаса иккита йўналишни танлайди. Бунга чеклов йўқ.
Таъкидлаш жоиз, айрим шундай йўналишлар борки, абитуриент шундоқ ҳам битта ўша йўналишни танлашга мажбур бўлади, чунки фанлар кетма-кетлиги унга мос келадиган бошқа вариант йўқ. Масалан, Юридик университетни олайлик. Она-тили (3,1), инглиз тили (2,1), тарих (1,1) кетма-кетлигида бошқа йўналиш йўқ. Демак, жорий йилда ТДЮУга топширмоқчи бўлганлар фақат шу ОТМ билан чекланишга мажбур, бошқасини танлай олмайди.
Абитуриентларга оид бошқа хабарлар:
👉 @xushnudbek 👈
-
2019-05-20 22:15:59+00:00
Рамазон. 16-кун.
Ражо. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-20 09:18:26+00:00
Суд мажлисларининг видеоси
Хабарингиз борми, йўқми, билмадиму, 2018 йил сентябрь ойидан бошлаб online.sud.uz порталида айрим суд мажлислари трансляция қилиб борилади (ҳаммаси эмас). Исталган киши бемалол жиноят, фуқаролик, маъмурий ва иқтисодий ишлар бўйича суд мажлисларини томоша қилиши, унда бўлаётган жараёнларни онлайн кузатиб бориши мумкин.
Яхши томони тўғридан-тўғри эфир якунлангач, ўша суд мажлиси видео шаклида порталда сақланиб қолади. Келгусида ҳам архив бўлимидан уларни томоша қилиш мумкин.
Бу интерактив хизмат шаффофлик билан бир қаторда барча фуқаролар, айниқса юридик соҳада таҳсил олаётган талабалар учун, суд мажлисларининг ўтказилиш тартиби ҳақида жонли мисол бўла олади ва уларнинг бу борадаги ҳуқуқий онгини оширади.
Кечки соат 11 да ҳокимиятга мажлисга чақирилган ва маст ҳолда машина бошқарган фермер воқеаси
Портални кузата туриб, бугун жойланган бир маъмурий ишни томоша қилдим. Унда Шеробод туманида яшовчи фермер акамиз маст ҳолда ўзганинг машинасини ишончномасиз бошқариб кетаётганда ЙПХ ходимлари томонидан тўхтатилган ва маъмурий баённома тузилган ҳолат суд қилинибди.
Суд мажлиси жараёнида фермер акамиз воқеани изоҳлай туриб, машина ҳақиқатдан ўзганинг номида эканлиги, аниқроғи деновлик фуқародан машинани сотиб олгану, лекин ҳали ўз номига расмийлаштиришга улгурмаганини айтди.
Ва яна ўша куни ўғлининг туғилган куни бўлгани, уйига меҳмонлар келгани ва ўша зиёфатда алкоголь ичимлиги ичгани, лекин тунги 11 ларда туман ҳокимлигига зудликда мажлисга чақиришгани ва мажлисга боришга мажбур бўлиб қолгани, туман ҳокимлиги жойлашган кўчага бурилганда ЙПХ ходимлари уни тўхтатгани, айбига иқрорлиги ва уни кечиришларини сўради.
Судья мавжуд ҳолатни ўрганиб чиқиб, фермер акамизни МЖтК 131-моддаси 1-қисми (маст ҳолда бошқариш) ҳамда 135-моддаси 1-қисми (ишончномасиз бошқариш) билан айбдор деб топди. Ва унга ҳайдовчилик ҳуқуқидан 1 йилу 6 ой муддатга маҳрум қилиб, ЭКИҲ 15 баравари миқдорида (3 млн сўм) жарима тайинланди.
Судья жаримани тайинлашда жавобгарликни енгиллаштирувчи ҳолатларни инобатга олди. Яъни маст ҳолда машина ҳайдаганлик учун 1 йилу 6 ойдан 3 йилгача жазо ҳамда 25 минималка жарима белгиланган. Шундан келиб чиқиб, судья ҳайдовчилик ҳуқуқидан маҳрум қилишнинг энг кам муддатини, жарима жазосини эса белгиланганидан ҳам камроқ (25 эмас, 15 минималка) тайинлади.
Айтганча, машинасини ҳужжатсиз ҳайдаш учун бериб юборган шахс ҳам 202 минг 730 сўм жаримага тортилди.
Лекин ярим кечаси фермерни ҳокимликка мажлисга чақирганларга ҳеч қандай жазо белгиланмайди 🤷♂️ Ана шунақа.
Сиз ҳам суд мажлисларининг видеосини кузатиб туринг, анча қизиқ воқеаларга дуч келасиз.
👉 @xushnudbek 👈
-
2019-05-20 08:24:19+00:00
Банк ходими "Корзинка" супермаркетлари тармоғи асосчисини 8 фоизлик кредит олишга "кўндирмоқчи" бўлгани ҳақида...
Корзинка.уз асосчиси, бизнесмен Зафар Ҳошимов ўз фейсбук саҳифасида 8 фоизлик кредит юзасидан ўзи билан бўлиб ўтган воқеани пост қилиб қолдирибди. Ўқиб кулишингниям, йиғлашингниям билмайсан.
Постда Зафар ака ўзининг маҳалласида 8-10 нафар одамларнинг маҳалладаги уйларга кириб кредит таклиф қилаётганига гувоҳ бўлганини ёзиб, ушбу ходимлардан бири З.Ҳошимовнинг олдига келганлиги ва унга ҳам “ўз бизнесини бошлаш учун” йиллик 8 фоиз ставкада 200 миллион сўмгача имтиёзли кредит таклиф қилганлиги ҳақида ёзган.
“Мен хушмуомалалик билан рад жавобини бердим, лекин суҳбатдошим осон таслим бўлгиси келмади. Ва менга банкда бошқа тадбиркорларга 24 фоиздан ҳам маблағлар йўқ, маҳаллаларда юрганлар эса ўзи одамларга деярли “текин” кредитларни таклиф қилиб юришганини айтди”, дейди З.Ҳошимов ўз постида.
Пост сўнгида Зафар Ҳошимов банк ходими томонидан тақдим қилинган “менга ўз бизнесимни бошлаш учун имтиёзли кредит таклиф қилишди ва мен ўз ҳоҳишим билан рад қилдим” мазмунидаги тилхатга “тадбиркорлик билан шуғулланиш ниятим йўқ” деган сўзлар билан имзо чекканини маълум қилган.
BankersUz каналига уланиш
-
2019-05-20 06:07:33+00:00
«Masjid Finder Uzbekistan» мобиль дастури
Ҳамюртларимиз, маҳаллий ва чет эллик мусулмон сайёҳлар учун яна бир қулайлик яратилди.
Туризмни ривожлантириш давлат қўмитаси Android дастурида ишловчи мобиль қурилмалар учун Ўзбекистондаги масжидларни топишга ёрдам берувчи «Masjid Finder Uzbekistan» мобиль иловасини ишга туширди.
Илованинг дастлабки версиясида Тошкент шаҳри ва вилояти, Бухоро ва Самарқанд вилоятларининг 721 та масжидининг геолокация маълумотлари киритилган.
Ушбу дастур тажриба шаклида ишга туширилган бўлиб яқин кунларда бошқа ҳудудлардаги масжидлар рўйхати ва қўшимча хизматлар билан бойитилади. Иловада масжидлар шароити, таҳоратхонасининг ҳолатини белгилаш учун рейтинг функцияси ҳам қўшилган.
Иловани қуйидаги ҳавола орқали юклаб олишингиз мумкин:
https://play.google.com/store/apps/details?id=halaltravel.masjifinder
P.S.: Туризм қўмитасидан хабар қилишларича, яқин кунларда зиёрат туризми йуналишидаги яна бир хайрли илова тайёрланмоқда.
👉 @xushnudbek 👈
-
2019-05-20 03:42:36+00:00
ЎЗБЕКИСТОН РЕСПУБЛИКАСИ БОШ ПРОКУРАТУРАСИ АХБОРОТИ
Аввал хабар қилинганидек, фуқаро А.Х. ва унинг оила аъзолари (жами 5 нафар) жасадлари қотиллик аломатлари билан топилганлиги ҳолати юзасидан Бош прокуратуранинг Ўта оғир жиноятларни тергов қилиш бошқармаси томонидан жиноят иши бўйича дастлабки тергов ҳаракатлари олиб борилмоқда.
Тергов-тезкор гуруҳи амалга оширган кенг қамровли тадбирлар натижасида жиноят фош этилиб, жиноятни ушбу маҳаллада яшовчи Ғ.Т. (1981 й.т., ишсиз), Ж.У. (1993 й.т., ишсиз), Ш.Э. (1995 й.т., ишсиз) ва Х.Н.(1996 й.т., ишсиз)лар ноқонуний бойлик орттириш мақсадида жорий йилнинг 14 майдан 15 майга ўтар кечаси марҳум А.Х.нинг хонадонига яширинча кириб, уларнинг ухлаб ётганлигидан фойдаланиб, ўзлари билан олиб келган темир бўлаклари билан бош, юз ва жағ қисмларига бир неча маротаба уриб, қасддан ўлдириб, хонадондан 22 млн. сўм ва марҳум Ж.И.нинг “Samsung Galaxy A8” русумли телефонини қўлга киритишган.
Шундан сўнг, улар жиноят изларини яшириш мақсадида марҳум Ж.И.га тегишли “Дамас” русумли автомашинага жасадларни юклаб, автомашинани Қўшработ тумани, “Дўстлик” МФЙ., “Боқичиғатой” қишлоғидаги далага ташлаб кетишган.
Гумон қилинувчилар Ғ.Т., Ж.У., Ш.Э. ҳамда Х.Н.ларнинг содир этган жиноятлари уларнинг иқрорлик кўрсатувлари, гумон қилинувчиларнинг кўрсатувларини ҳодиса жойида текшириш тергов ҳаракатлари, ашёвий далил тариқасида олинган жиноят қуроллари бўлган 4 дона темир бўлаклари, марҳум Ж.И.га тегишли бўлган “Samsung Galaxy A8” русумли телефон аппарати, марҳумларга тегишли бўлган пул маблағлари, жиноят содир этиш вақтида гумон қилинувчиларнинг эгнида бўлган кийимлари ва бошқа далиллар мажмуи билан тўлиқ тасдиқланмоқда.
19.05.2019 йилда Ғ.Т., Ж.У., Ш.Э. ва Х.Н.лар Ўзбекистон Республикаси Жиноят кодексининг 97-моддаси 2-қисми “а”, “в”, “ж”, “и” ,“п” бандлари билан гумон қилинувчи тариқасида ишда иштирок этишга жалб қилиниб, Жиноят-процессуал кодексининг 221-моддаси тартибида ушланган.
Дастлабки тергов ҳаракатлари давом этмоқда.
Фото: Дастлабки тергов давомида олинган ашёвий далиллар
http://www.prokuratura.uz/uz_UZ/8684/
-
2019-05-19 22:15:58+00:00
Рамазон. 15-кун.
Хавф. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-18 22:15:56+00:00
Рамазон. 14-кун.
Аллоҳ таолонинг муҳаббати. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-18 16:01:20+00:00
Самарқанд вилоятида Matiz ёниб кетибди. Ёнғин сабабини эса ҳақиқий мутахассис — Самарқанд тумани ФВБ ёнғин хавфсизлиги бўлими бошлиғи Жасур Раҳмонов тушунтириб берибди.
Машинанинг ёнишига нима сабаб бўлганини видеодан кўриб олишингиз мумкин.
Видео: ZamonTV
👉 @xushnudbek 👈
-
2019-05-18 11:21:44+00:00
Тошкентда автомобиллар ёниши: «ёритгичлар айбдор» эканлиги ростми? Ўзбекистон Республикаси ФВВ Ёнғин хавфсизлиги бошқармаси бунга нима дейди?
Тошкент шаҳар ИИББнинг расмий сайтида шу мавзуга оид хабар чиқди. Уни тўлиқлигича келтирамиз:
«Ижтимоий тармоқлар ва мессенджерларда ёнаётган автомобилларнинг суратлари тарқалмоқда. Фойдаланувчиларнинг фикрларига кўра, бунга кундуз вақтида ёритгичларни ёқиб юриш сабаб бўлган. Бу масала кўпларни қийнаб келаётганлиги сабабли Тошкент шаҳар ИИББ ходимлари Ўзбекистон Республикаси ФВВ Ёнғин хавфсизлиги бошқармаси билан боғланганлиги натижасида қуйидагилар маълум бўлди.
Ўтган 2018 йилда енгил машиналарни ёниб кетиши билан боғлиқ 64 та ҳолат қайд этилган эди. 2019-йилнинг бошидан эса Тошкентда автомобилларнинг 11 марта ёнганликлари қайд этилди. Булардан икки ҳолатда ёниш – ёқилғи тизими ишдан чиққанлиги сабабли юз берган. Қолган ҳолатларда эса ёнғин қуйидаги русумли автомобилларда электр ўтказиш тизими бузилганлиги боис содир бўлган: ГАЗ-3102, ГАЗ-2401, Daewoo Matiz, ВАЗ-2109, Hyundai Sonata, Ford Sierra, ГАЗ-2420, Chevrolet Epica, Chevrolet Captiva, Chevrolet Damas (ёнғинга ЙТҲ сабаб бўлган), Chevrolet Cobalt – автомобилнинг мотор қисмида содир бўлган борт компьютер ива аккумуляторни улаб турувчи электр ўтказиш тизимадаги қисқа узилиш сабаб бўлган. Автомобиль ёритгичларига зарар етмаган.
Кеча, 17-май куни соат 16.00 ва 17.00 орлағида Фарход кўчасида қурилаётган ресторан қаршисида содир бўлган «Вольво» русумли автомобилнинг ёнишида, ҳайдовчига ёрдам берган қурувчиларнинг ва бошқа гувоҳларнинг ҳамда ҳайдовчининг ўзининг гапларига кўра мотор қисмидаги муаммолар сабаб бўлган. Шошилинч хизматлар бўлмиш 101 ёки 102 рақамларига у ва гувоҳлар қўнғироқ қилишмаган. Агар ижтимоий тармоқларда тарқалган суратга эътибор билан қаралса, ёритгичларга зарар етмаганини кўриш мумкин.
ФВВ Ёнғин хавфсизлиги бошқармаси ходимларининг маълум қилишларича, ёнғинга сабаб бўлган электр ўтказгичларнинг техник қониқарсиз ҳолатлари кўпинча эски йилларда ишлаб чиқарилган автомобилларда учрайди. Шундай эка нагар сизнинг автомобилингиз «катта ёшда» бўлса, техник кўрик давомида электр ўтказгичларга алоҳида эътибор бериш зарур.
Биз бу каби ҳодисалар суратларини тарқатувчи фуқароларни, блогерларни ҳамда Telegram мессенджерида ўз каналини юргизадиганларни автомобилларнинг ёниш сабаблари тўғрисидаги ўз “мутахассис” хулосалари билан инсонларни адаштирмасликка чақирамиз».
Манба
👉 @xushnudbek 👈
-
2019-05-18 07:25:08+00:00
Шавкат Мирзиёев Ўзбекистон халқ ёзувчиси Тоҳир Маликнинг вафоти муносабати билан марҳумнинг оила-аъзоларига таъзия билдирди:
Ўзбек адабиёти ва маданияти оғир жудоликка учради.
Ўзбекистон халқ ёзувчиси, таниқли публицист ва таржимон Тоҳир Малик – Тоҳир Абдумаликович Ҳобилов 2019 йил 16 май куни оғир хасталикдан сўнг 73 ёшида вафот этди.
Тоҳир Малик 1946 йил 27 декабрда Тошкент шаҳрида зиёли оиласида туғилди. Ўрта мактабни тугатганидан сўнг Тошкент давлат университети (ҳозирги Ўзбекистон Миллий университети)да таҳсил олди.
Бўлғуси адиб ўз меҳнат фаолиятини Тошкент қурилиш-монтаж бошқармасида оддий ғишт терувчи сифатида бошлади. Бадиий ижодга, сўз санъатига бўлган кучли интилиши туфайли кейинчалик юртимиздаги бир қатор оммавий ахборот воситаларида, жумладан, “Тонг юлдузи” газетасида, Ўзбекистон радиосида, Чўлпон, Ғафур Ғулом номидаги нашриётларда, “Гулистон”, “Шарқ юлдузи”, “Ёшлик” журналларида турли вазифаларда самарали хизмат қилди.
Катта ҳаёт ва ижод тажрибасига эга бўлган Тоҳир Малик Ўзбекистон Ёзувчилар уюшмасида ҳам бирмунча вақт фаолият кўрсатиб, миллий адабиётимизни ривожлантириш, истеъдодли ёш ёзувчи ва шоирларни қўллаб-қувватлаш бўйича қизғин иш олиб борди.
Мустақилликнинг дастлабки йилларида Давлат мукофотлари қўмитаси масъул котиби сифатида ижодкор зиёлиларнинг меҳнатини моддий ва маънавий жиҳатдан рағбатлантиришда иштирок этди.
Ёрқин истеъдод эгаси ўзидан бой ва бетакрор ижодий мерос қолдирди. Унинг Ватанимиз ва халқимизга, азалий қадриятларимизга меҳр ва садоқат туйғулари маҳорат билан тараннум этилган бадиий асарлари, киносценарийлари, долзарб мавзулардаги публицистик мақолалари эл-юртимиз қалбидан чуқур жой олди.
Тоҳир Малик ўзбек адабиётида бадиий фантастика, саргузашт жанрларининг ривожига катта ҳисса қўшди. “Озод инсон ҳақида қўшиқ”, “Сўнгги ўқ”, “Шайтанат”, “Меҳмон туйғулар”, “Одамийлик мулки” каби кўплаб асарлари миллий адабиётимиз хазинасидан муносиб ўрин эгаллади.
Халқимиз тарихининг энг оғир даврларини бадиий йўл билан тасвирлаш ва жамоатчиликка етказишда ҳам адиб ибрат кўрсатди. Айниқса, унинг ўзбек маърифатпарвар зиёлиларининг мураккаб ҳаёти ва фаолиятига бағишланган тарихий асарлари катта тарбиявий аҳамиятга эгадир.
Тоҳир Малик етук таржимон сифатида жаҳон адабиётининг сара намуналарини она тилимизга маҳорат билан ўгириб, китобхонларимизни улардан баҳраманд қилиш борасида ҳам самарали меҳнат қилди.
Эл суйган адиб жонкуяр ташкилотчи сифатида жамоат ишларида, маданий ва маърифий жараёнларда фаол иштирок этди. Умрининг охирига қадар Ички ишлар вазирлиги академиясида ўзбек тили, маънавият асосларидан сабоқ бериб, ёшларни Ватанга муҳаббат ва садоқат руҳида тарбиялашда жонбозлик кўрсатди.
Заҳматкаш адибнинг ўзбек адабиёти ва маданиятини ривожлантириш йўлидаги хизматлари давлатимиз томонидан муносиб тақдирланди. У “Ўзбекистон халқ ёзувчиси” фахрий унвони, “Дўстлик”, “Меҳнат шуҳрати” орденлари билан мукофотланган эди.
Атоқли адиб, меҳрибон устоз, камтарин инсон Тоҳир Маликнинг ёрқин хотираси қалбларимизда ҳамиша сақланиб қолади.
Ш.Мирзиёев, Н.Йўлдошев, Н.Исмоилов,
А.Арипов, Ж.Ортиқхўжаев, С.Саидов
-
2019-05-18 05:41:35+00:00
P.S.: айримлар бир неча кун олдин айни шу ўзгаришни ёқлаб ёзганимни эслатишмоқда. Ҳа, ҳалиям ўша фикримда собитман, гарчи бу кўпчиликка ёқмаса ҳам (ҳаммага бирдек ёқиб бўлмайди). Кундузи чироқ ёқиб юриш қоидаси авариялар жуда кўп содир бўладиган бизнинг жамиятимиз учун жуда керак, буни кўр-кўрона инкор қилишни истамайман. Лекин асосий эътирозим янгиликнинг ўзига эмас, шу янгиликни амалиётга қандай жорий этиш ҳақида бўлди холос.
-
2019-05-18 05:25:58+00:00
«Нимага сен нуқул ёмонликни кутасан-а, Тутти» 😀
Болалигимизнинг шедевр мультфильмларидан эди бу. Ҳозирги авлод писанд қилмаса керак бунақа графикаларни.
- Ўша тепаликка чиқишни бир умр орзу қилгандим.
- Бир... умр...? Кечир мен буни билмаган эканман )))
👉 @xushnudbek 👈
-
2019-05-18 04:01:07+00:00
Оловга айланган кўчалар
Ёки «қон чиқмаса ҳисобмас»(ми?)
Бугунги куннинг трендга айланган мавзуси, шубҳасиз – кундузи чироғини ёндираман, деб машинаси ёнаётганлар бўлмоқда. Кечанинг ўзида олов ичида қолган машиналар ҳақида шунчалар кўп хабар чиқдики, одам қўрқиб кетади (1, 2, 3, 4, 5, 6, 7, 8). Ҳали бу аниқланганлари, биз билмаганларимиз яна қанча экан.
Худога беҳисоб шукрки, ҳозирча соғлиғига жиддий шикаст етган ёки ҳалок бўлганлар йўқ. Лекин буни кутишимиз шартми? Токи шунгача воқеаларни фожиа деб ҳисобламай, кўз юмиб турамизми ҳар доимгидек?
Йўл ҳаракати қоидаларига ўзгариш киритиш тўғрисидаги қарор чиққан куннинг ўзидаёқ бунга қаршилигим ҳақида ёзган эдим. Аниқроғи янги қоидаларни қўллаб-қувватлашим (ҳозир ҳам ўша фикримдаман), лекин ўзгаришларни бунақа “шок терапеяси” орқали тезда амалга киритиб бўлмаслиги, бу турли ҳалокатларни келтириб чиқариши мумкинлиги ҳақида дод-вой қилгандим https://t.me/xushnudbek/2062
Ўшанда айримлар, пашшадан фил ясаётганлигимни, "фақат ёмонликни кўрувчи Тутти" эканлигимни айтишганди. Лекин вақт - олий ҳакам, ҳаммасини ўзи кўрсатмоқда.
Бу худди газеталарнинг ўзи яхши, лекин уларни мажбурлаб сотиш ёмон, деган принципга ўхшайди. Йўл ҳаракати қоидаларидаги янгиликлар яхши, мақсади эзгу, аммо уни амалиётга татбиқ этиш жараёни – хато бўлди.
Аслида буларнинг барчасига босқичма-босқич ўтиш керак эди.
Яъни кундузи чироқ ёқиб юриш мажбуриятини камида 2021 йил 1 январь санасидан белгилаш, унгача кенг миқёсдаги тарғибот ишларини олиб бориш, жорий йилдан бошлаб техосмотрдан ўтаётган барча эски машиналарда ДХО бўлишини талаб қилиш, махсус кундузги чироқларни ўрнатишнинг давлат стандартини ишлаб чиқиш, керак бўлса электр усталарни ўқитиш, ёнғин келтириб чиқармайдиган жиҳозларни ўрнатишни назорат қилиш ва ҳ.к. ишларни қилиш лозим эди.
Хўш, амалда қандай бўлди?
“Тап” этиб, осмондан тушгандай қарорни чиқаришди, амалиётга жорий этиш учун ҳатто 1 кун ҳам вақт беришмади.
Кейин оғзаки буйруқ билан, 1 ойга чўзишди.
Лекин шу 1 ой ичида ҳам тайинли тарғибот қилишмади. Масалан, оддийгина ДХО билан туманка фараси бошқа-бошқа нарсалар эканлигини тушунтирадиган бирорта ролик, маълумот, инфографика тайёрланмади.
Бозорда ДХО чироқларининг нархи кескин ошиб кетди, электр усталарининг ошиғи олчи бўлиб, уларга турнақатор навбатлар пайдо бўлди. Ҳозир электрикларнинг обрўси Ҳожибой раҳматли айтган тракторчиларникидан ҳам баландроқ, мен Сизга айтсам.
Ва энг ёмони усталарнинг қўлида ҳеч қандай йўриқнома йўқ. Қандай чироқлар мумкин, қандайлари мумкин эмас, қандай симларни ўрнатса бўлади, қандайларини йўқ, ҳеч нарса аниқ эмас.
ИИББ эса расмий сайтида бунақа ёнғинларни изоҳлабди. “Автомобиллар ёниб кетиши ва ҳаттоки портлашлари ҳам мумкин, бунга сабаб ўзбошимчалик билан автомобиль тузилишига аралашиш, техник ҳолатга лоқайдлик билан муносабатда бўлиш” дейишибди.
Барака топгурлар, ўша ҳайдовчилар нима учун ўзбошимчалик билан машинага чироқ қўйидиришяпти, ахир уларни ўзингиз бунга мажбур қилмадингизми? Барча айбни халққа ағдаришдан осони йўқ, лекин бу ишларни келтириб чиқараётган асосий муаммонинг илдизидан кўз юмиш инсофданми?
ИИВга ёқадими ёки йўқми, улар хатосини тан олиши керак. Нафақат тан олиш, балки уни зудликда бартараф этиш чораларини ҳам кўриши шарт ва зарур. Қарор ижросини узоқ вақтга (1-2 йил) ортга суриш ва шу давр ичида халқнинг ХАВФСИЗлигини таъминлашга оид ишларни бажариш лозим, менимча.
Нимани кутяпсиз?
P.S.: айримлар бир неча кун олдин айни шу ўзгаришни ёқлаб ёзганимни эслатишмоқда. Ҳа, ҳалиям ўша фикримда собитман, гарчи бу кўпчиликка ёқмаса ҳам (ҳаммага бирдек ёқиб бўлмайди). Кундузи чироқ ёқиб юриш қоидаси авариялар жуда кўп содир бўладиган бизнинг жамиятимиз учун керак, буни кўр-кўрона инкор қилишни истамайман. Лекин асосий эътирозим янгиликнинг ўзига эмас, шу янгиликни амалиётга қандай жорий этиш ҳақида бўлди холос.
👉 @xushnudbek 👈
-
2019-05-17 22:15:56+00:00
Рамазон. 13-кун.
Таваккул. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-17 11:13:48+00:00
Мана нима учун Япония 2-жаҳон урушида ютқазган, бир нечта ўта йирик офатларни кўрган ва табиий бойлигидан бутунлай умидини узган бўлса ҳам, лекин ҳар соҳада ривожланишда давом этмоқда, синиб қолмаган
-
2019-05-17 09:00:03+00:00
Ўзбекистон халқ артисти Ортиқ Отажонов оламдан ўтди
👉 https://kun.uz/62974513
Инна лиллаҳи ва инна илайҳи рожиъун.
Шундай муборак кунларда омонатини топширибдилар, илоҳим, Аллоҳ раҳматига олган бўлсин. Яқинларига ҳамдардлик ва сабр билдириб қоламиз.
Яйра Абдуллаева, Тоҳир Малик, Ортиқ Отажонов... 😢
-
2019-05-17 05:25:37+00:00
Солиқ қўмитасига таклиф
Таъкидлаш жоиз, яширин иқтисодиётга қарши курашиш мақсадида касса чеклари билан боғлиқ юқоридаги каби тадбирлар хориж амалиётида ҳам учраб туради. Масалан, улардан энг машҳури Чилида бўлган. Чили солиқ вазирлиги жуда катта миқдордаги ютуқли лотерея эълон қилган ва унда қатнашиш учун аҳоли касса чекларининг номерини махсус базада рўйхатдан ўтказиши керак бўлган. Қанча кўп касса чекини киритсангиз, шунча кўп ютиш имкониятингиз ошади. Ўз-ўзидан бу нарса кутилгандан ҳам зиёда фойда берган, чунки эндиликда халқ ҳар бир хариди учун сотувчилардан касса чекларини талаб қилишни бошлаган.
Бу каби лотерея кейинчалик Грузия ва Литвада ўтказилди. Масалан, Литвада 2017 йил 28 ноябрда шунақа лотерея бошланган ва ҳозиргача ўтказилади. Унда 1 евродан кўпроқ миқдорда қилинган харид (ёки хизматлар учун тўлов) чекидаги рақамни махсус ташкил қилинган kvituzaidimas.vmi.lt сайтига киритиш керак.
Ютуқ эса кичкина эмас – ҳар ҳафта 100 кишига 50 евродан берилади, ҳар ой якунида эса 1 нафар бахтли иштирокчи 5 минг евро ютуқни қўлга киритади.
Бизнинг Солиқ қўмитамиз ҳам шунақароқ акция ташкил қилса яхши бўларди. Ҳар ҳолда бу акция ТВда урчиб кетган қимор ўйинларидан кўра минг чандон кўпроқ жамият учун фойда берар эди. ИМХО.
👉 @xushnudbek 👈
-
2019-05-17 05:05:38+00:00
Солиқ қўмитаси: харидларингиз чекларини келтиринг ва солиқлардан чегирма олинг!
Қабул қилиниши кутилаётган Президент қарорига кўра, тўлов чекларини тақдим этган фуқароларга солиқлардан чегирма берилади.
Ишонмайсизми? «Бошида биз ҳам ишонмагандик», - деб ёзяпти Ишбилармон.уз канали. Канал маъмурияти Солиқ қўмитасидан қайта сўраб кўрибди ва мана бундай жавоб олибди:
«2020 йил 1 январдан бошлаб, жисмоний шахсларга, улар харид қилган товарлар (ишлар, хизматлар)нинг назорат-касса машиналари чеклари билан тасдиқланган харажатларидаги солиқлар миқдорида, даромад, мол-мулк ва ер солиғи бўйича солиқ чегирмалари тақдим этилади ёки пул маблағлари тўланади.
Бундан мақсад – жисмоний шахсларнинг ўзлари харид чоғида чек берилишини талаб қиладилар ва, пировардида, солиқ тушуми яхшиланади.
Харидор чек бериладиган жойдан савдо қилиш ва чек берилмаслик ҳолатлари бўйича тегишли идораларни хабардор қилишдан манфаатдор бўлади».
Шу билан бирга, солиқчилар «Бу тартибни жорий қилиш чегирма миқдори, даврийлиги ва муддати, уларнинг ДСҚ базасида акс этиши каби масалаларни ҳал этишни тақозо қилажаги»га ҳам ишора қилганлар.
👉 @xushnudbek 👈
-
2019-05-16 22:15:54+00:00
Рамазон. 12-кун.
Зуҳд. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-16 15:38:26+00:00
Темир йўл вокзалларидаги қайси хизматлар бепул бўлиши керак?
Темир йўл вокзалларида ва чипта кассаларида кўрсатилаётган пуллик ҳамда бепул хизматларни ажратиш мақсадида Монополияга қарши курашиш қўмитаси «Ўзбекистон темир йўллари» АЖ билан биргаликда йўловчиларга темир йўл вокзалларида ҳамда йўналиш даврида кўрсатиладиган қўшимча хизматлар Рўйхатини тасдиқлади.
Рўйхатга кўра, қуйидаги хизматлар бепул бўлиши лозим:
👉 юк ташиш аравачасини тақдим этиш;
👉 кутиш залидаги WiFi интернет (2 соатгача);
👉 ногиронлар учун арава;
👉 телефон ҳамда ноутбукларни қувватлантириш;
👉 тиббиёт маркази хизматлари;
👉 кутубхона хизматлари;
👉 йўналиш даврида чой, сув, шакар ҳамда кофе тақдим этиш.
Реклама, юкларни ўраш ҳамда сақлаш, “VIP” зал, сартарошхона ҳамда бошқа хизматлар пуллик асосида кўрсатилиши мумкин.
👉 @xushnudbek 👈
-
2019-05-16 07:01:27+00:00
Жорий йилги республика олимпиадалари ғолиблари бюджетга кирадими?
Bu yilgi respublika fan olimpiada g'oliblari OTM larga imtiyozli qabul qilinadimi? Yoki qaror bu yilgi olimpiadaga ham amal qiladimi?
ЖАВОБ: Ҳа, жорий йилги ғолиблар имтиёзли равишда имтиҳонсиз бюджетга ўқишга киради.
Ахир яқинда чиққан Президент қарорида республика фан олимпиадалари ғолибларига ўша фандан максимал балл берадиган сертификат бериш тартиби белгиландику, дейсизми?
Ҳа, шундай. 03.05.2019 йилдаги ПҚ-4306-сонли Президент қарорининг 4-бандига биноан, 2019/2020 ўқув йилидан бошлаб асосий олимпиадаларнинг республика босқичида 1 — 3 ўринларни эгаллаган иштирокчиларга ихтисослик фани бўйича давлат олий таълим муассасаларига кириш имтиҳонларида максимал балл олиш ҳуқуқини берувчи ва уч йил муддат давомида амал қилувчи сертификат тақдим қилинади. Аввалгидек имтиҳонсиз бюджетга ўқишга киришлар бўлмайди.
Лекин кўпчилик мазкур банддаги «2019/2020 йилдан» деган жойини бироз нотўғри тушунмоқда. Бу ерда сертификат бериш тартиби кейинги ўқув йилидан бошланади, дейилмоқда. Демак, жорий йилги, яъни 2018/2019 йилги ўқув йили доирасида ўтказилган олимпиадаларда бунақа сертификат берилмайди ва шу пайтгача амал қилиб келган имтиёз сақланиб қолади.
Хулоса: яқин орада республика босқичи бўлиб ўтадиган фан олимпиадаларининг 1-3 ўрин соҳиблари ОТМларга имтиҳонсиз давлат гранти асосида қабул қилинади.
Абитуриентларга оид бошқа хабарлар:
👉 @xushnudbek 👈
-
2019-05-16 05:32:46+00:00
Ўзбекистон халқ ёзувчиси Тоҳир Малик вафот этди
👉 https://kun.uz/94200223
Инна лиллаҳи ва инна илайҳи рожиъун.
Марҳумнинг яқинларига сабр тилаймиз ва ҳамдардлик билдирамиз. Афсус яна бир улуғ дарға фоний дунёни ташлаб, боқий дунёга сафар қилдилар. Илоҳим, жойлари жаннатдан бўлсин.
-
2019-05-15 22:15:52+00:00
Рамазон. 11-кун.
Сидқ. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-15 16:01:04+00:00
TOP-6. Пиёдалар учун ўлим хавфи бор тузоқлар
Россиялик видео-блогер Василий Орлов ўзининг Youtube каналида пиёдалар учун ўлим хавфини юзага келтирадиган йўллардаги тузоқлар ҳақида ажойиб ролик эълон қилган.
Ўша ролик мавзуси жуда актуал бўлгани учун ўзбек тилига дубляж қилдик. Умид қиламизки, бу кўпчилик учун фойдали бўлади.
Видеони яқинларингизга ҳам албатта тарқатинг!
❗️Видеода ҳалок бўлган инсон тасвирланган кадрлар мавжуд. Асаби бўшлар, ёш болалар ва ҳомиладор аёлларга кўриш тавсия этилмайди.
👉 @xushnudbek 👈
-
2019-05-15 15:30:54+00:00
TOP-6. Пиёдалар учун ўлим хавфи бор тузоқлар
Яқинда россиялик Василий Орлов деган видео-блогерни ўзим учун кашф қилдим. Унинг Youtube каналида йўл транспорт ҳодисаларига оид қизиқарли ва энг асосийси анча фойдали видеолар бериб борилар экан. Шундай роликларидан бирида пиёдалар учун йўлларда ўлим хавфини юзага келтирадиган тузоқлар ҳақида гапириб берган. Бирмунча кўнгилни хира қиладиган ҳалокат кадрлари бўлса ҳам, лекин оддий тилда, мисоллар билан зўр тушунтириб қўйган.
Ҳақиқатдан пиёдалар мавзуси ҳар жойда бўлгани каби бизда ҳам ўта актуал. Баъзан одамларимизни йўлларда ўзини тутишини кўриб, наҳотки ўз ҳаётини ўзи учун бир пулга қиммат бўлса, деб ҳайрон қоламан. Баъзан эса ўта пессимистик руҳда “бу жамият ҳеч қачон маданият билан йўлдан ўтишни ўрганмаса керак” деб қўяман ўзимга-ўзим.
Хуллас, Василий Орловнинг ўша ролиги Ўзбекистон учун ҳам жуда актуал бўлгани сабабли уни ўзбек тилига дубляж қилдик. Умид қиламанки, бу кўпчилик учун фойдали бўлади. Видеони яқинларингизга ҳам албатта тарқатинг, улар ҳам ўзлари учун қимматли хулосаларни чиқариб олишса яхши бўларди. Ўзингизни эҳтиёт қилинг.
Youtube: https://youtu.be/Hw7skEMQ7_o
Mover (Tas-IX): https://mover.uz/watch/dTKAMnDm/
Оригинал (русча): https://youtu.be/vWJApqoukQ0
P.S.: овозим жуда унақа чиройли эмас, қозонда бори чўмичга чиқади, маъзур тутасизлар ))
❗️Видеода ҳалок бўлган инсон тасвирланган кадрлар мавжуд. Асаби бўшлар, ёш болалар ва ҳомиладор аёлларга кўриш тавсия этилмайди.
👉 @xushnudbek 👈
-
2019-05-15 13:11:27+00:00
Ўзбекистон Миллий олимпия қўмитаси президенти Умид Аҳмаджонов истеъфога чиқди. Бу маълумотни унинг ўзи Kun.uz’га тасдиқлади.
Бугун, 15 май куни Миллий олимпия қўмитасида бош вазир Абдулла Арипов бошчилигида мазкур масалага бағишланган йиғилиш бўлиб ўтади. Унда Аҳмаджонов истеъфога чиқарилиб, қўмитанинг янги президенти эълон қилиниши кутилмоқда.
Айни вақтда қўмита раҳбарлиги учун номзодлар кўриб чиқилмоқда. Ҳозирча амалдаги раҳбарнинг ишдан кетиш сабаблари маълум эмас.
👉 @xushnudbek 👈
-
2019-05-15 13:03:37+00:00
Агар учта йўналишда фанлар кетма-кетлиги бошқача бўлганда баллар қандай ҳисобланар эди?
Жорий йилдан бошлаб учта йўналишни танлаш имконияти яратилади. Бу шубҳасиз, жуда қувонарли янгилик албатта. Бунинг фойдаси ҳақида мана бу ерда эслатгандик.
Лекин биз эълон қилгандек, фанлар кетма-кетлигига қаралмайдиган қоида ҳозирча мавҳумлигича қолмоқда. Катта эҳтимол билан якунда йўналишлар танлашда фанлар кетма-кетлигини талаб қилишса керак. Майли, илгари шу ҳам йўқ эдику.
Масъуллар бунга изоҳ берар экан, фанлар кетма-кетлигига қаралмаса, абитуриент тўплаган балл турлича бўлиб қолиши, бу эса муаммони юзага келтиришини айтишибди. Аммо бу технологиялар ривожланган бир пайтда мутлақо муаммо эмас. Хўш, кетма-кетликка риоя қилинмаса, натижа қандай ҳисобланар эди?
Бунда абитуриентнинг натижалари учала йўналиш бўйича алоҳида балл сифатида эълон қилинарди. Чунки агар фанлар кетма-кетлиги мос бўлганда эди, умумий - бир хил балл чиқарди. Лекин фанлар кетма-кетлиги турлича бўлса, умумий балл чиқаришнинг имкони йўқ.
Келинг тушунарли бўлиши учун, юридик йўналишлар мисолида кўриб чиқамиз. Қизиқ томони, Ўзбекистондаги юридик йўналишлар учун тест синови 3 хил фанлар мажмуаси бўйича ўтказилади.
ТДЮУ учун:
Она тили ва адабиёт – 3,1
Чет тили – 2,1
Тарих – 1,1
ЖИДУ (халқаро ҳуқуқ) учун:
Тарих – 3,1
Чет тили – 2,1
Она тили ва адабиёт – 1,1
ҚДУ (юриспруденция) учун:
Тарих – 3,1
Она тили ва адабиёт – 2,1
Чет тили – 1,1
Абитуриент мана шу учала йўналишни танлади дейлик. Тестда қуйидагича натижа кўрсатди:
Тарих – 25 та тўғри жавоб;
Она тили ва адабиёт – 20 та;
Чет тили – 15 та.
Демак, ушбу абитуриентга эртаси куни тўплаган баллари қуйидагича кўринишда эълон қилинади:
ТДЮУ – 121 балл (20x3,1 + 15x2,1 + 25x1,1);
ЖИДУ – 131 балл (25x3,1 + 15x2,1 + 20x1,1);
ҚДУ – 136 балл (25x3,1 + 20x2,1 + 15x1,1).
Ва ушбу абитуриент худди шу баллар бўйича танловда иштирок этади. Яъни 121 балл ТДЮУга кириш учун етарли бўлса, унга киради. 131 балл ЖИДУга етарли бўлса, у ерга киради. Агар мабодо иккаласидан ҳам йиқилса, кейин 136 балл билан ҚДУга қаралади.
Буларнинг барчаси қўлда ҳисобланмайдику, хавотир олмаса ҳам бўлади, ақлли компьютер бир пасда жой-жойига қўйиб беради. Фақат хоҳиш ва истак бўлса кифоя. Балки жорий йилдан ҳам шунақа қилишар, балки кейинги йилдан бу тизимга ўтишар. Ҳар ҳолда кейинги йилдан барча йўналишларга бир хил B2 сертификат талаб қилинадику, чет тили масаласида ҳам муаммо юзага келмайди.
Айтганча, агар фанлар кетма-кетлигига қараш талаби қўйилса, унда ҳуқуқшунос бўлмоқчи бўлган абитуриентлар учта юридик йўналишни танлай олишмайди. Чунки уларда фанлар жойлашуви турлича.
Абитуриентларга оид бошқа хабарлар:
👉 @xushnudbek 👈
-
2019-05-15 10:46:52+00:00
Учта йўналиш учун фанлар кетма-кетлиги талаб қилинадими?
Бугун Адлия вазирлиги томонидан «Тараққиёт стратегияси» марказида Давлат тест маркази масъуллари иштирокида матбуот анжумани ўтказилибди.
Унда «Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида»ги Президент қарори муҳокама қилинган.
Матбуот анжуманида ДТМ вакиллари учта йўналишни танлаш бўйича изоҳ берар экан, фанлар кетма-кетлиги мос бўлиши керак, дея таъкидлашибди.
Президент қарори қабул қилингандан сўнг, учта фан бир хил бўлса кифоя, кетма-кетликка қаралмайди, дея хабар берган эдим.
Бугунги гаплар кўпчиликни иккилантириб қўймоқда. Кетма-кетликка қараладими ёки йўқми?
Олдиндан айтиб қўяй, мен таълим тизимида расман ишламайман ва ёзганларим расмий мақомга эга эмас.
Бундан ташқари, қонун ҳужжатларида нима дейилган бўлса, ўша тартибни изоҳлашга ҳаракат қиламан, лекин мутасаддилар бунга амал қиладими, йўқми, бунисига кафолат бермайман. Ёзма қоидалар амалиётда бутунлай бошқача талқин қилиниши мумкин.
Энди фанлар кетма-кетлиги ҳақида. 2 та асосга кўра, бундай хулосани ёзганман.
Биринчидан, 15 февраль куни ДТМ томонидан Президент қарори лойиҳаси эълон қилинди.
Лойиҳада «абитуриентлар томонидан олий таълим муассасаларини танлашда имтиҳон фанлари блоки ва кетма-кетлигининг мослиги эътиборга олинади» деган алоҳида банд бор эди.
Лекин расман имзоланган Президент қарорида эса кетма-кетлик ҳақидаги банд олиб ташланган. Илк хулоса шундан эди.
Иккинчидан, учта йўналишни танлашда кетма-кетликка қаралмаслиги, лойиҳадаги ўша банд атайин олиб ташлангани тўғрисида таълимга бевосита масъул бўлган мартабали инсонлардан бири хабар қилган эди.
Менимча, кейин режалар яна ўзгариб қолган шекилли. Янада аниқроқ тахмин қиладиган бўлсак, ДТМ тайёрлаган техник база кетма-кетликка қатъий риоя қилишни талаб этади, дастурий таъминотни ўзгартириш учун эса энди вақт деярли йўқ. Ўшанчун фанлар кетма-кетлигига қаралиши таъкидланмоқда, менимча.
Шунингдек, масъуллар орасида барчаси ҳам янгиликларни бу даражада либерал бўлишидан манфаатдор эмасдек гўё. “Шунчасини ҳазм қилиб туринглар, жуда эркалаб кетманглар” дейишибди, шекилли.
Хуллас ўртоқлар, расмий маълумот ва тушунтириш керак бўлса, расмий ташкилотларга мурожаат қилинг, расмий сайтларига киринг. Сайтида Сиз хоҳлаган маълумот борми ёки йўқми, улар билан қанақа боғланасиз, улар Сизга тушунтириш берадими, йўқми, бунисини билмадим.
Агар мабодо жорий йилги қабул жараёнларида расман учта йўналишни танлаш учун фанлар кетма-кетлигига мос бўлишни талаб қилишса (чунки ҳалиям бир қарорга келинмаган, мавҳум бўлиб турибди), унда 2 кун давомида каналимда берилган нотўғри талқиндаги хабар учун ҳаммадан узр сўрайман. Умид қиламанки, бу хабар натижасида ҳеч кимга амалий зиён етмади, шунчаки Сизларнинг беҳудага хурсанд бўлганингиздан хижолатдаман. Абитуриентлар фойдасига яхши гумонда бўлибмиз, ёмонроқ ўйлашимиз керак экан.
👉 @xushnudbek 👈
-
2019-05-15 09:56:26+00:00
Мурожаатларнинг сарсон бўлиши ҳақида
Бугун «Тадбиркорлик фаолиятини қўллаб-қувватлаш ва ҳимоя қилиш тизимини тубдан такомиллаштириш чора-тадбирлари тўғрисида»ги Президент фармони эълон қилинди.
Фармонга кўра, Бош вазирнинг Тадбиркорлар мурожаатларини кўриб чиқиш қабулхоналари ташкил этиладиган бўлди.
Эндиликда Бош вазир мурожаатлари ваколатли органлар томонидан ҳал этилмаган тадбиркорлик субъектларини, шу жумладан, чет эллик инвесторларни доимий асосда шахсан қабул қилади.
Ҳужжатда яна кўп яхши жиҳатлар тилга олинган, масалан, тадбиркорларга мўлжалланган “business.gov.uz” ягона интерактив портали ишлаб чиқиладиган бўлибди ва ҳ.к. Айниқса тадбиркорларга танишиб чиқишни маслаҳат бераман.
Шунингдек, фармонда “қарори ёки ҳаракати (ҳаракатсизлиги) устидан шикоят қилинаётган ташкилотларнинг мансабдор шахсларига мурожаатларни кўриб чиқиш учун асоссиз топшириш тақиқланади” дея белгиланган.
Эътиборимни тортган жойи, аксарият ОАВлар фармоннинг айни шу қисмини муҳим янгилик сифатида сарлавҳаларга чиқармоқда.
Аслида бу ҳеч ҳам алоҳида муҳим янгилик эмас. Ўзбекистонда «Жисмоний ва юридик шахсларнинг мурожаатлари тўғрисида»ги қонун бор. Бу – қонун!
Унинг 25-бандида қуйидагича қоида белгиланган:
«Мурожаатларни кўриб чиқиш учун асоссиз равишда бошқа давлат органларига, ташкилотларга ўтказиш ёхуд қарорлари ёки ҳаракатлари (ҳаракатсизлиги) устидан шикоят қилинаётган органларга, ташкилотларга ёки мансабдор шахсларга юбориш тақиқланади».
У хоҳ тадбиркор бўлсин, хоҳ ҳеч қаерда ишламайдиган бекорчи бўлсин, фарқи йўқ, ҳеч кимнинг мурожаати қуйига, яъни устидан шикоят қилинаётган ташкилотга ёки мансабдор шахсга юборилиши мумкин эмас. Тамом.
Аммо амалда қандай? Тумандаги раҳбарнинг устидан арз қилиб республикага ёзсангиз, мурожаатингизни республика вилоятга, вилоят яна ўша тумандаги ташкилотнинг ўзига "адолатли ўрганиб, ҳал қилиш учун" қайтариб жўнатади. Қарабсизки, тақдирингиз яна ўша золимнинг қўлида қолади.
Буни раҳбарлар ҳам яхши билади. “Қаерга ёзсанг, ёзавер, барибир шикоятинг ўзимга қайтиб келади, ўшанда кунингни кўрсатаман” деган кайфиятда юришади.
Ёки мурожаатингиз камида Тошкент шаҳар ва Миробод тумани ҳокимликлари орасида мана бундай “копток” бўлгани каби сарсон бўлади.
Аслида Американи қайта кашф қилиш шарт эмас, шунчаки қонунларимизда ёзилган қоидаларга қатъий амал қилсак бўлди, уларда деярли ҳамма ажойиб қоидалар ёзиб қўйилган аллақачон.
👉 @xushnudbek 👈
-
2019-05-15 06:01:16+00:00
Ўтган йилги B1 сертификатлар энди нима бўлади?
#abituriyent
1️⃣ Assalomu alaykum. 2018yilgi oktyabr oyida olingan B1 1-blok uchun maksimal balni beradi degan qaror to'g'rimi. Sizdan iltimos aniqlashtirib bering.
ЖАВОБ: Ҳа, тўғри. Вазирлар Маҳкамасининг 13.05.2019 йилдаги 395-сонли қарорида қуйидагича банд мавжуд:
«2019 йилга қадар ДТМ томонидан берилган миллий сертификатнинг имтиёзи унинг амал қилиш муддати даврида сақланиб қолинади».
Аввалги йилларда берилган сертификатлардаги имтиёз барча ОТМларга ўтар эди. Демак, ўша имтиёз сақлаб қолинади, яъни аввалги йилларда олинган B1 сертификат барча йўналишлар, ҳаттоки чет тили асосий блок бўлган йўналишлар учун ҳам чет тилидан максимал балл беради ва улар шу фандан тестдан озод қилинади. Ҳар ҳолда қарорда шундай ёзилган.
2️⃣ CEFR B1 2018-da olingan boʻlsa, 1-blokka yoki yuridik universitetga o'tadimi?
ЖАВОБ: Ҳа, ўтади. Чунки ўтган йили B1 сертификат олганлар Юридик университетда ҳам имтиёзга эга бўлган ва максимал балл олган эди. Демак, ВМ Қароридан келиб чиқиб хулоса қилсак, уларнинг имтиёзи 1-блок учун ҳам, ТДЮУ учун ҳам сақлаб қолинади.
Абитуриентларга оид бошқа хабарлар:
👉 @xushnudbek 👈
-
2019-05-15 04:00:59+00:00
Сиртқи таълимда ҳам 3 та йўналишни танласа бўладими?
#abituriyent
1️⃣ Sirtqi talim shakliga ham 3ta oliy talim muassasasiga (yònalishga) topshrisa boladimi.
ЖАВОБ: Ҳа, бўлади. Абитуриентлар ҳужжат топшираётганда фанлар блоки мос келадиган 3 та сиртқи таълим йўналишларини танлаши мумкин.
2️⃣ Uchta OTM ga topshirishda sirtqi va kunduzgiga topshirish imkoni bormi? Masalan ikkitasi sirtqi bittasi kunduzgi qib!
ЖАВОБ: Йўқ, мумкин эмас. Бу ерда бир жиҳатни эътиборга олиш керакки, танланаётган 3 та йўналиш албатта битта ТАЪЛИМ ШАКЛИ доирасида бўлиши керак.
Яъни битта кундузги, битта сиртқи, битта кечки таълимни танлаб бўлмайди. Агар асосий ОТМ сифатида кундузгига топшираётган бўлсангиз, демак қолган 2 та йўналишни ҳам фақат кундузгилар орасидан танлай оласиз, сиртқи ёки кечки таълимни қўша олмайсиз. Ёки аксинча, агар сиртқига топширмоқчи бўлсангиз, демак барча йўналишларингиз фақат сиртқи таълим доирасида бўлиши керак.
3️⃣ Oʻqishga topshirsak diplomimizni qaytib berishadimi qaytib berishgan taqdirda sirtqi ta'limga topshira olamanmii
ЖАВОБ: кундузги йўналишларга ҳужжат топширганда диплом ва паспортни қайтариб беради, лекин бу абитуриентга сиртқига топшириш имконини бермайди. ДТМда база битта бўлади ва кундузгига топширганларни сиртқига қабул қилишмайди. Шунинг учун ёки кундузгига, ёки сиртқига топширишни олдиндан аниқлаб олишингиз керак.
4️⃣ Agar testdan yiqilgan taqdirda sirtqi taʼlim shakliga hujjat topshirsa boʻladimi?
ЖАВОБ: Йўқ, топшириб бўлмайди. Кундузги йўналишларнинг жавоби чиққан пайтда аллақачон сиртқига ҳужжатларни қабул қилиш тугаб бўлган бўлади.
Абитуриентларга оид бошқа хабарлар:
👉 @xushnudbek 👈
-
2019-05-14 22:15:51+00:00
Рамазон. 10-кун.
Ихлос. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-14 16:30:52+00:00
Учта йўналишни танлаш тизимидан мақсад нима?
Жорий йилдан бошлаб абитуриентларга фанлар мажмуи бир хил (кетма-кетлиги мос) бўлган 3 та йўналишга ҳужжат топшириш имконияти берилиши расман тасдиқланди.
Яна бир жиҳати 3 та йўналишни албатта учта ОТМда танлаш шарт эмас. Учала йўналиш ҳам битта ОТМда бўлиши мумкин. Масалан, бир пайтнинг ўзида Тошкент тиббиёт академиясининг 3 та факультетига ҳужжат топширса бўлади. Ёки агар истаса ТТАнинг 2 та йўналишига топшириб, учинчисини Стомотология институтидан танласа бўлади.
Бунақа тизимдан мақсад нима?
Чунки илгарилари абитуриент олдида фақат биттагина танлов имконияти бўларди. Натижада амалиётда шундай ҳолатлар кўп учрардики, кимдир 160-170 балл билан контрактга ҳам кира олмайди, яна кимдир бошқа жойда 90 балл билан бюджетга киради.
Кеча «Ахборот» дастурида шунга оид аниқ рақамлар келтирилди. Яъни ўтган йили 313 та таълим йўналиш бўйича 106 баллдан (56%) паст тўплаган 36 минг 448 нафар абитуриент ўқишга кирган.
143 та таълим йўналиши бўйича 106 баллдан юқори тўплаган 29 минг 322 нафар абитуриент эса ўқишга кира олмаган.
Бир нечта йўналишни танлаш имконияти эса мана шундай тенгсизликнинг олдини олади. Ажратилган квотани шунчаки омади келганлар билан эмас, балки бирмунча билимли талабалар ҳисобига тўлдириш имконияти ошади.
Ва ўз-ўзидан соғлом рақобат ҳисобига жорий йилда кириш баллари ошиши тахмин қилинмоқда. Бу шундоқ ҳам кириш бали юқори бўлган ОТМларга унча таъсир ўтказмайди, лекин кириш баллари паст бўлган йўналишларда баллар сезиларли ошиши мумкин.
Абитуриентларга оид бошқа хабарлар:
👉 @xushnudbek 👈
-
2019-05-14 14:48:53+00:00
Концертга билетни мажбурлаб сотган мактаб директори лавозимидан озод этилди
Халқ таълими вазирининг Ҳуқуқий-назорат хизмати томонидан ижтимоий тармоқларда чоп этилган “35 000 сўмлик мажбурий билет” ва “Ўқитувчиларга сотилаётган мажбурий билет” номли мақолаларида келтирилган маълумотлар ўрганилди.
Мазкур жараёнда Қашқадарё вилояти халқ таълими бошқармаси, Қарши шаҳар халқ таълими бўлими раҳбарияти, умумтаълим мактаблари директорлари ҳамда концерт дастури ташкилотчилари шахсий манфаатларини кўзлаб педагог-ходимларни мажбурий равишда концертга жалб қилганликлари аниқланди.
Жумладан, Қарши шаҳри ХТБ тасарруфидаги 23-сонли умумтаълим мактаби директори в.в.б. Р.Н ва 19-сонли умумтаълим мактаби директори С.А 35 000 сўмлик ҳар бир чипта сотувидан 5000 сўмдан ўзларига қолиши борасида концерт ташкилотчиси билан ўзаро келишган. Сўнгра 100 дона концерт чиптасини ўқитувчиларга мажбуран сотишган.
Ҳуқуқий-назорат хизмати ходимларининг аралашувидан сўнг мактаб директорлари шу кунгача ўқитувчиларга сотилган концерт чипталари пулларини қайтариб беришган.
Юқорида қайд этилган ҳолатлар юзасидан Қарши шаҳар ХТБ мудири ўринбосари Р.Жга ҳайфсан интизомий жазо чораси берилди. 23-сонли умумий ўрта таълим мактаби директори в.в.б. Р.Н эгаллаб турган лавозимидан озод этилди. 19-умумтаълим мактаби директори С.А. жорий йилнинг 8 майидан буён соғлиғи яхши эмаслиги туфайли даволанаётгани боис унга нисбатан интизомий жазо чораси кўриш кейинга қолдирилган.
Ҳозирда Қашқадарё вилояти халқ таълими бошқармаси бошлиғи ўринбосари Б.У. ва Қарши шаҳар халқ таълими бўлими мудири Б.Э.га интизомий жазо бериш масаласи кўрилмоқда.
Ҳурматли педагоглар! Сиз фаолият юритаётган таълим муассасасида ҳам шу каби ҳолатлар юзага келса, Халқ таълими вазирлигининг “Устоз овози” виртуал инспектор тизимининг телеграм боти ёки +99899 988 10 06 рақами орқали мурожаат қилишингиз мумкин.
Халқ таълими вазирлиги
Ахборот хизмати
👉 @xushnudbek 👈
-
2019-05-14 13:01:03+00:00
Учта йўналишга алоҳида имтиҳон бўладими?
#abituriyent
1️⃣ Abituriyent 3 ta oliygohga hujjat topshirsa, 2 ta oliygohning imtihon kunlari bir kunga to'g'ri kelib qolish ehtimoli yo'qmi? Bu muammo qanday bartaraf etilari?
ЖАВОБ: Абутуриент фақат 1 кун, 1 марта имтиҳон топширади. Мана бу постимда бунинг тартибини тушунтиришга ҳаракат қилганман: https://t.me/xushnudbek/2273
Яъни абитуриент бир марта тестга киради, 90 (60) та саволга жавоб беради, бўлди. Шунинг ўзи етади. Мана шу 1 мартанинг ўзида у учта йўналишга тестга киргандай бўлади. Бошқа куни яна тестга киришига ҳожат қолмайди.
2️⃣ Chirchiq PI va Denov filiali psixologiya defektologiya yunalishiga topshirmoqchi bulsam imtihhonga Toshkentga borishim kkmi
ЖАВОБ: Йўқ, Тошкентга келишингиз шарт эмас. Ҳужжатларни Ўзбекистоннинг исталган туманида топшириш имкони бўлгани каби, тестни ҳам исталган ҳудудда топшира оласиз. Бунинг учун олдиндан аризада тестни қайси ҳудудда топширишни белгилайсиз.
Эътиборли томони, албатта ОТМ жойлашган ҳудудни танлашингиз ҳам шарт эмас. Масалан, бухоролик абитуриент учала йўналишни Тошкентга топширган бўлса ҳам, Бухорода тестга кириши мумкин.
3️⃣ Kvotalar qanday boʻladi? Masalan , Qoqon DPI ga topshirib, oxirgi o'rinda 140 ball bilan kirdi, ammo bittasi 141 bilan boshqa institutdan qaytib kelsa, 140 ball olgan oʻz oʻzidan kirmagan hisoblsnadimi? Yaʼni pastga tushib ketadimi?
ЖАВОБ: Ҳеч ким ҳеч қаёқдан қайтиб келмайди. Мана шунақа “қайтиб келишлар”, яъни "каша" бўлмаслиги учун ҳам якуний натижалар барча тест топшириб бўлгандан кейин эълон қилинади.
Абитуриент эртаси куни ўзининг тестдан олган балини билади холос, аммо ҳамма тест топшириб бўлмагунча, кирган ёки кирмаганини била олмайди. Ҳеч кимга аввал “Сиз кирдингиз” дея эълон қилиб, кейин “узр, фалончи баландроқ балл билан қайтиб келди, сиз киролмадингиз” дейишмайди.
Абитуриентларга оид бошқа хабарлар:
👉 @xushnudbek 👈
-
2019-05-14 11:01:34+00:00
Ҳужжатлар қаерларда қабул қилинади?
#abituriyent
Xujat topshirish qachon boshlanadi unda onlayn tarzda shunga xam oydinlik kiriting iltimos tulov onlayn qaysi xisobga utkaziladi oldindan raxmat
ЖАВОБ: Ҳужжат топшириш санаси аввалги йиллардагидек қолган, алоҳида бошқача сана ҳозирча эълон қилингани йўқ. Яъни ҳужжатлар 15 июндан 15 июлгача қабул қилинади.
Ҳужжат топширишда эса катта ўзгаришлар бор. Яъни қабул қуйидаги 3 та жойда бўлади:
Давлат хизматлари маркази (ДХМ) орқали — 5 та ОТМ (ТДЮУ, ҚДУ, ФарДУ, СамДУ, ГулДУ);
My.gov.uz орқали — юқоридаги 5 та ОТМ;
ОТМларнинг ўзида — қолган ОТМлар учун.
Бундан ташқари исталган ОТМ орқали бошқа ОТМларга ҳужжат топшириш мумкин.
Бунинг афзал томони шундаки, ҳужжат топшириш учун ОТМ жойлашган ҳудудга, масалан, айтайлик Тошкентга бориш шарт бўлмайди. Масалан, бухоролик абитуриент БухДУга бориб Тошкентдаги 3 та ОТМга: 1) ТТА; 2) Педиатрия; 3) Фармацевтика кўринишида ҳужжат топшира олади.
Ёки сурхондарёлик абитуриент ТерДУга бориб 1) ҚарДУ 2) СамДУ 3) ЎзМУ кўринишида топшира олади.
Абитуриентларга оид бошқа хабарлар:
👉 @xushnudbek 👈
-
2019-05-14 09:01:03+00:00
Касбий (ижодий) имтиҳон топширадиганлар учта йўналишни танлай олмайди
#abituriyent
Assalomaleykum Xushnud aka kasbiy ijodiy imtihon topshirdiganlar qanday yonalishlarni tanlaydi yoki faqat 1 ta otmga topshiradimi
ЖАВОБ: Ҳа, фақат 1 та йўналишга топшира олади. Учта йўналишни танлаш ҳуқуқи фақат тест синовлари топшириладиган ОТМлар учун амал қилади, холос.
Ҳозирча касбий (ижодий) имтиҳонлар ўтказиладиган йўналишлар учун бундай имконият йўқ. Келгуси йилларда қўшилиши режалаштирилмоқда.
Касбий (ижодий) имтиҳонлар ўтказиладиган йўналишлар 2 та тоифага бўлинади.
1-тоифа: алоҳида иқтидор талаб этиладиган таълим йўналишлари бўлиб, уларда умуман тест синовлари ўтказилмайди, фақат касбий (ижодий) имтиҳонлар бўлади. Бундай йўналишлар сони 17 та бўлиб, тўлиқ рўйхат мана бу ерда берилган.
2-тоифа: ҳам тест, ҳам касбий (ижодий) имтиҳонлар бўладиган йўналишлар. Бундай йўналишларнинг сони 23 та бўлиб, тўлиқ рўйхат мана бу ерда берилган.
Юқоридаги иккала тоифага кирувчи барча йўналишлар учун бир нечта йўналишни танлаш имконияти берилмайди. Яъни журналистика ёки санъатшунослик йўналишига топширсангиз, унда қўшимчасига бошқа бирорта йўналишни (ОТМни) танлай олмайсиз.
Абитуриентларга оид бошқа хабарлар:
👉 @xushnudbek 👈
-
2019-05-14 07:30:53+00:00
Учта ОТМ танлаш тартиби қандай бўлади?
#abituriyent
Shupaytgacha 3ta oliygohdan birini asosiy sifatida belgilash va agar Shu asosiy oliygohga õqishga Kira olmagan taqdirdagina keyingilariga Õtish imkoni Berilishi haqida eshitgandim. Bu degani biz 3ta oliygohdayam talabalikka tavsiya qilinsak biriga kantrakt biriga grant asosida õqishga kirsak Byudjetga kirganimizni tanlash imkoniga ega bõlamizmi???
ЖАВОБ: Абитуриентлар ҳужжат топшираётган пайтда, 3та йўналишни устувор кетма-кетликда белгилайди.
Яъни биринчи, иккинчи ва учинчи йўналиш сифатида қайси ОТМларни танлаганини олдиндан белгилашади. Худди шу пайтгача ҳарбий имтиёзга эга абитуриентлар 2 та ОТМни танлагани каби.
Бундай вазиятда абитуриент устувор йўналишга кира олмаган тақдирдагина кейинги йўналишда омадини синаб кўриши мумкин. Агар хоҳ контракт, хоҳ грант бўлсин, устувор йўналишга тўплаган бали етса, унда кейинги йўналишлар учун баллари ҳисобга олинмайди ва танловда иштирок эта олмайди.
Ортиқча саволлар бўлмаслиги учун, мисол тариқасида тушунтираман.
Айтайлик, фарғоналик абитуриент тарих йўналиши бўйича қуйидаги кетма-кетликда ОТМларни танлади дейлик:
1-йўналиш: ЎзМУ
2-йўналиш: Шарқшунослик институти
3-йўналиш: ФарДУ
Абитуриент тест синовларидан умумий 150 балл тўплади, дейлик. Бу балл ЎзМУга контракт, ТДШИ ва ФарДУга эса бюджетга етарли бўлса, унда абитуриент қайси бирини танлаши мумкин? Шарқшуносликнинг бюджетини танласа бўладими?
Йўқ, бўлмайди! Бундай вазиятда абитуриентда танлов имконияти йўқ, у устувор йўналиш сифатида 1-ўринда ЎзМУни белгилагани учун, шу ернинг контрактига кирган ҳисобланади, қолган 2 та йўналиш инобатга олинмайди. Қачонки у ЎзМУга етарли балл тўплай олмасагина, кейин Шарқшунослик ҳисобланади. Агар абитуриент бали ЎзМУ ва Шарқшуносликка ҳам етарли бўлмаган тақдирдагина, кейин ФарДУ инобатга олинади.
Яъни устувор ОТМга кира олмасагина, балл кейингисига ўтади. Агар устувор ОТМга етарли балл тўпладими, тамом, у хоҳ бюджет, хоҳ контрактга кирган бўлсин, кейинги ОТМларга инобатга олинмайди, шу ерда тўхтайди.
Хулласи калом, абитуриентга танлов имконияти ҳужжат топшириш вақтида берилади. Ўша пайтда у ОТМлар рўйхати ва уларнинг кетма-кетлигини тўғри танлаши керак, тест ўтгандан кейин унда танлов ёки ўзгартириш имкони бўлмайди.
Абитуриентларга оид бошқа хабарлар:
👉 @xushnudbek 👈
-
2019-05-14 06:45:01+00:00
Киро Альтман кимсан-кимсан ҳоким Жаҳонгир Ортиқхўжаевдан интервью олибди . Бир соатлик интервью. Қизиқ гаплар етарлича.
Масалан, «Акфа» ва «Артел» унчалик ҳам монополист эмаслигини картошка етиштириш мисолида тушунтириб берибди (лекин унчалик ишонарли эмас барибир). Яна, «Қозоғистон» кинотеатри олдидаги чорраҳани «КБ Стрелка» таклифи асосида қайта қуриш 1,1 миллион долларга тушган экан — лекин бунга ҳокимлик пул сарфламаган (пулни ким бергани тушунарли). Аҳмет Демир масаласига ҳам тўхталган: «Менимча, унинг пули йўқ», деяпти ҳоким.
Айтмоқчи, Ортиқхўжаев футболни ёмон кўраркан. Ва, Ортиқхўжаевнинг фикрича, ўзбекистонликлар ҳеч қачон навбатда туришни ўргана олмайди. Ва у ҳар куни: «Эй, Худо, ҳаммаси жонимга тегди», деркан. Ўзига-ўзи. Мен ҳам ҳоким бўлганимда, менимча, шундай деган бўлардим. Интервьюни кўринглар, бу қизиқ.
https://t.me/joinchat/AAAAAEG2GQMHhMdalJO5IQ
-
2019-05-14 05:01:04+00:00
Абитуриентлар томонидан энг кўп бериладиган саволлар
#abituriyent
Янги тартиб қоидалар ҳар доим тушунмовчиликларни ва кўплаб саволларни келтириб чиқаради, бу нормал ҳолат. “Нима, шуни ҳам тушунмаяпсанми” демаслик керак, токи одамлар янгиликларни моҳиятан тўла қабул қилгунигача тушунтириш ишларини олиб бориш лозим.
Жорий йилги қабул жараёнларида айрим нарсалар расман ойдинлашмоқда, шу сабабли абитуриентлар томонидан энг кўп бериладиган саволларга навбати билан жавоб бериб боришга ҳаракат қиламиз.
1️⃣ Assalomu alaykum. bir xil blokli bitta OTMning 3 ta fakultetiga xujjat topshirsa bo'ladimi. masalan Jahon tillar Universiteti. 1.ingliz tili va adabiyoti; 2.xitoy tiki; 3.ingliz tili filiologiya
ЖАВОБ: Ҳа, бўлади. Президент қарорида «учтагача бакалавриат таълим йўналишида танловда иштирок этиш ҳуқуқи берилди» дейилган. Яъни учта ОТМ эмас, йўналишни танлаш мумкин. Бундан келиб чиқиб, хулоса қилса бўладики, битта ОТМ доирасида ҳам фанлар мажмуаси (кетма-кетлиги) бир хил бўлса, 3 та йўналишга ҳужжат топшириш мумкин.
2️⃣ Salom.Abituriyentlar bu yildan kòrsatilgan summani tòlashadimi.(òtgan yil òqishga topshirib kirolmagan abiturentlar)
ЖАВОБ: Ҳа, ушбу ўзгариш жорий йилдан амал қилади. Яъни аввалги йилларда битирган абитуриентлардан тест синовларида иштирок этиши учун ЭКИҲ ярим баравари (101 минг 365 сўм) миқдорида тўлов ундирилади.
Бу ерда 2 та муҳим жиҳат бор.
Биринчидан, қарорда «аввалги йилларда битирган» дейилган. Биз буни халқ тилида «аввалги йилларда йиқилган» деб талқин қиляпмиз. Лекин бир жойи борки, масалан, абитуриент 2018 йилда коллежни битиргану, лекин баъзи сабабларга кўра ҳужжат топширмаган ва жорий йилда 1-марта ўқишга топшираётган бўлса ҳам тўлов тўлаши керак. Демак, бу ерда дипломни қайси йили олгани муҳим, нечанчи марта ҳужжат топшираётгани эмас.
Иккинчидан, ногиронлиги бўлган ёки тўлиқ давлат таъминотидаги шахслар тўлов тўлашдан озод этилади. Фақат бунинг учун ҳолатни тасдиқловчи қўшимча ҳужжатлар топшириш талаб қилинади.
3️⃣ 5 ta fandan imtixon topshirish keyingi yildan yo'lga qoyiladimi?
ЖАВОБ: Ҳа, кейинги йилдан. 2020/2021 ўқув йилидан бошлаб тест синови топшириладиган фанлар мажмуаси икки бўлимга ажратилади.
Биринчи бўлимга барча тест топширувчилар учун мажбурий бўлган қуйидаги учта фан киритилади:
• она тили (ўзбек, рус ёки қорақалпоқ тили);
• математика;
• Ўзбекистон тарихи.
Иккинчи бўлимга абитуриент танлаган бакалавриат таълим йўналишига мос иккита фан киритилади.
Бунинг тартиби қанақа бўлишини кейинги йил қабули яқинлашганда яна бафуржа гаплашамиз, насиб. Ҳозир унчалик муҳим эмас.
Абитуриентларга оид бошқа хабарлар:
👉 @xushnudbek 👈
-
2019-05-14 04:01:04+00:00
Кейинги йилдан барча йўналишларда имтиёз олиш учун B2 сертификат талаб қилинади
#abituriyent
Вазирлар Маҳкамасининг 13.05.2019 йилдаги 395-сонли қарорга кўра, қуйидаги даражалар акс этган сертификатлар бўлганда, чет тилидан энг максимал балл берилади ва абитуриент тестга кирмайди:
асосий блоки чет тили бўлганлар – CEFR B2 ва ундан юқори (IELTS 5,5 ёки TOEFL IBT 72);
2 ва 3-блоки чет тили бўлганлар – CEFR B1 ва ундан юқори (IELTS 4,5 ёки TOEFL IBT 42).
Лекин кўпчилик қарорнинг бир жиҳатига эътибор қаратмади ва хабарларда ҳам бу ҳақида айтилмади.
Яъни юқоридаги талаблар фақат жорий йил учун амал қилади, кейинги йилдан чет тили қайси блокда бўлишидан қатъи назар имтиёз B2 даражадаги сертификати бор абитуриентларга берилади. Яна ҳам соддароқ айтганда, B1 даражаси кейинги йилдан бошлаб кириш имтиҳонларида ҳеч қандай имтиёз бермайди.
Очиғи бунақасини кутмаган эдим. Ёдингизда бўлса, ўтган йили худди шу қарорнинг лойиҳаси муҳокама учун қўйилганди, лекин бу банд ўша лойиҳада йўқ эди. Унда қаердан пайдо бўлиб қолди? Ким қўшди? Нима мақсадда қўшди? Кимдир изоҳ берадими бунга?
Лойиҳа эълон қилинганда, кўпчилик B2 учун эътироз билдирганди. Лекин мен асосий блокка имтиёз бериш учун B2 талаб қилиш ташаббусини қўллаб-қувватлаб пост ёзгандим (https://t.me/xushnudbek/1362). Унда қуйидагича фикрлар бор эди:
«Бошқа томондан қараганда, инглиз тили филологияси йўналишига ҳужжат топширган абитуриент инглиз тилини археология йўналишига топширган абитуриентдан яхшироқ билиши керакми? Нима учун оддий мактаб битирувчисига қўйилган талабни (B1) билгани учун инглиз тили ва адабиётига топширган абитуриентга тест синовларида максимал (!) балл бериб ва уни тестдан озод қилиш керак? Нима учун?
Инглиз тили бўйича таржима назарияси ва амалиёти йўналишида имтиёзга эга чиқмоқчими, марҳамат, ҳаммадан бир бош баландроқ эканлигини исботласин ва B2 даража билан максимал балл (30 тадан 30 та тўғри жавоб) олсин. Абитуриент ҳаммадан зўрроқ эмасми, унда кечирасиз, марҳамат қилиб B1 даражада тузилган тест саволларига эл қатори жавоб берсин ва зўр бўлса, ҳаммасига тўғри жавоб бериб, ўқишга кирсин».
Ҳалиям ўша фикрларимда собитман. Аммо кейинги йилдан қайси блокда бўлишидан қатъи назар барча йўналишларга B2 сертификат талаб қилинишини маъқулламайман.
Бевосита инглиз тилига ихтисослашган ва ихтисослашмаган йўналишлар орасида фарқ бўлиши, талаблар даражаси турлича бўлиши керак. Ахир бу оддий мантиқ-ку!
Яна бир жиҳатини инобатга олишларини илтимос қилар эдим. Бугунги кунда мактаб, коллеж ва лицейларда чет тилини ўқитилиш даражасини ҳаммамиз яхши биламиз, бу ҳеч кимга сир эмас.
Масалан, Президент Фармони билан тасдиқланган Халқ таълими тизимини 2030 йилгача ривожлантириш концепциясида B1-CEFR даражасига мувофиқ инглиз тилини ўзлаштирган умумтаълим мактаблари битирувчилари сонини 2019 йилда 10%, 2021 йилда 20%, 2025 йилда 50% ва 2030 йилга борибгина 100%га чиқариш режа қилинаётгани ёзилган. Бу ҳали B1 даража ҳақидаги режа. B2 га йўл бўлсин.
Мана шундай шароитдан келиб чиқиб, кириш имтиҳонларида талабни B2 даражасигача кескин кучайтириш ёшларда тил ўрганишга бўлган иштиёқни бадтар камайтиради. Бола психологиясида шунақа, кам-кам, кичик вазифалар бериб, уларда ўқишга мотивациясини ошириш керак. Бирданига мураккаб топшириқ уларни бездириб қўяди ва акс натижа беради.
Масалан, чет тили асосий бўлмаган йўналишларда IELTS 4,5 учун максимал балл берилишини эшитиб, кўпчилик ўқиш истагини билдирди. “Вой, анча осон бўлибдику, сал ҳаракат қилсам, бу даражани оламанку” деган ўй билан чет тилини ўқишга иштиёқ пайдо бўлди. Аммо энди уларнинг вазифаси янада мураккаблашди. Бунақа вазиятда IELTS 5,5 олиш учун кетадиган вақт ҳамда меҳнатдан қочиб, тинчгина таваккал тест ишлаб чиқиш вариантини танлаши мумкин.
Шахсий фикримча, токи халқ таълимидаги сифат талаб даражасига етгунча, бундай баланд талабларни қўймаслик керак.
Мутасаддилар бу қарорни ҳали ҳам қайта кўриб чиқишса мақсадга мувофиқ бўлар эди.
Абитуриентларга оид бошқа хабарлар:
👉 @xushnudbek 👈
-
2019-05-13 22:15:50+00:00
Рамазон. 9-кун.
Тавҳид. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-13 15:27:59+00:00
Тест натижаси қачон эълон қилинади?
#abituriyent
Президент қарори билан жорий йилги тест синовлари июль-август ойларида ўтказилиши белгиланди.
Шунингдек, жорий йилда ҳам тест натижалари ДТМнинг расмий веб-сайтида эълон қилинади. Фақат балл эълон қилишда тартиб бироз бошқачароқ бўлади.
Яъни абитуриент тест синовидан тўплаган баллари ҳақидаги маълумотни тест топширган кунининг эртасига билиши мумкин. Лекин эртаси куни фақат неча балл тўплаганини била олади, кирган-кирмаганини эмас.
Унинг талабаликка тавсия этилган ёки этилмаганига оид маълумотни эса тест синовларини ўтказиш жараёни тўлиқ якунлангандан кейин бир ҳафта муддат ичида ДТМ сайтидан кўриб олиши мумкин.
Нима учун бундай бўлади?
Чунки жорий йилдан бошлаб абитуриент бир пайтнинг ўзида 3 та йўналишга ҳужжат топшира олиши расман тасдиқланди. Шунинг учун ҳам абитуриентнинг ўқишга кирган ёки кирмаганини 1 кунда айтиш имконсиз.
Мисол тариқасида тушунтираман. Хоразмлик абитуриент ЎзМУ, ТАТУ ҳамда УрДУга ҳужжат топширди дейлик. Тестга Урганч шаҳрида 3 август куни кирди. Ўз-ўзидан энди аввалги йилдагидек, фалон ОТМнинг тести 1 августда, пистон ОТМнинг тести 3 августда деган нарса бўлмайди, бу йил ОТМлар аралаш бўлади. Фақат йўналишлардаги фанлар блокига қараб абитуриентлар кунларга ва павильонларга ажратилади.
Шундан келиб чиқиб, 3 август куни тест топширган абитуриент ҳали якуний натижани била олмайди, чунки у каби ЎзМУ, ТАТУ ёки УрДУ учун ҳужжат топширган абитуриентлар 5 ёки 10 августда ҳам тестга кириши мумкин.
Ўшанчун ҳам аввал ҳамма тест топшириб бўлишини кутиш керак. Якуний натижа шундан кейингина маълум бўлади.
👉 @xushnudbek 👈
-
2019-05-13 12:54:01+00:00
Кеча айтилганидек, Вазирлар Маҳкамасининг «Олий таълим муассасаларига ўқишга қабул қилишда миллий ҳамда халқаро баҳолаш тизимлари сертификатларини татбиқ этиш чора-тадбирлари тўғрисида»ги қарори қабул қилинди (2019 йил 13 май, 395-сон). Бу ҳақида «Ҳуқуқий ахборот» канали хабар бермоқда.
Қарорга мувофиқ, 2019–2020 ўқув йилидан бошлаб олий таълим муассасаларига ўқишга кириш синовларида бир қатор имтиёзлар белгиланди.
👉 Хусусан, тест синовлари (касбий (ижодий) имтиҳон) мажмуасига чет тили (инглиз, немис, француз, испан, турк, араб, форс, дари, ҳинд, урду, хитой, корейс, уйғур, итальян, япон тиллари) биринчи (асосий) фан сифатида киритилган бакалавриат таълим йўналишларига ҳужжат топширган ва ДТМ томонидан бериладиган сертификат ёки халқаро сертификатнинг қуйидаги даражаларига эга бўлган абитуриентларга ушбу фандан имтиҳонларсиз белгиланган максимал балл берилади:
• инглиз тили учун – миллий сертификат ёки IELTS 5,5, TOEFL IBT 72, Cambridge Assessment English FCE халқаро тизимлари бўйича тилни билиш даражалари B2 ва ундан юқори;
• япон тили учун – миллий сертификат ёки Japanese Language Proficiency Test (JLPT № 2) халқаро тизимлари бўйича тилни билиш даражалари B2 ва ундан юқори;
• немис тили учун – миллий сертификат ёки Goethe-Zertifikat, Deutsches Sprachdiplom (DSD), Test Deutsch als Fremdsprache (Test DAF) халқаро тизимлари бўйича тилни билиш даражалари B2 ва ундан юқори;
• француз тили учун – миллий сертификат ёки Diplôme d’Etudes en Langue Française (DELF), Test de Connaissance du Français (TCF) халқаро тизимлари бўйича тилни билиш даражалари B2 ва ундан юқори;
• бошқа тиллар учун – миллий сертификат ёки халқаро тизимлари бўйича тилни билиш даражалари B2 ва ундан юқори.
👉 Биринчи (асосий) бўлмаган фан сифатида киритилганлар йўналишларга эса (Тошкент давлат юридик университети мустасно) қуйидаги даражалар учун белгиланган максимал балл берилади:
• инглиз тили учун – миллий сертификат ёки IELTS 4,5, TOEFL IBT 42, Cambridge Assessment English FCE халқаро тизимлари бўйича тилни билиш даражалари B1 ва ундан юқори;
• япон тили учун – миллий сертификат ёки Japanese Language Proficiency Test (JLPT № 3) халқаро тизимлари бўйича тилни билиш даражалари B1 ва ундан юқори;
• немис тили учун – миллий сертификат ёки Goethe-Zertifikat, Deutsches Sprachdiplom (DSD), Test Deutsch als Fremdsprache (Test DAF) халқаро тизимлари бўйича тилни билиш даражалари B1 ва ундан юқори;
• француз тили учун – миллий сертификат ёки Diplôme d’Etudes en Langue Française (DELF), Test de Connaissance du Français (TCF) халқаро тизимлари бўйича тилни билиш даражалари B1 ва ундан юқори;
• бошқа тиллар учун – миллий сертификат ёки халқаро тизимлари бўйича тилни билиш даражалари B1 ва ундан юқори. #abituriyent
👉 @xushnudbek 👈
-
2019-05-13 10:48:47+00:00
Бахтиёр Абдусаматов 5 йилга озодликдан маҳрум этилди
Жиноят ишлари бўйича Тошкент шаҳар судида Юнусобод туманининг собиқ ҳокимига оид иш ўз якунига етди, дея хабар бермоқда Kun.uz мухбири.
Суд собиқ ҳоким Бахтиёр Абдусаматовни 205-модда (ҳокимият ёки мансаб ваколатини суиистеъмол қилиш) бўйича айбдор деб топди. У 5 йил муддатга озодликдан маҳрум этилди. Жазони манзил колонияда ўташи белгилаб қўйилди. Аввалроқ ундан 400 минг АҚШ долларини пора сифатида олганликка оид айб олиб ташланган эди.
Ўзбекистон Республикаси Туризмни ривожлантириш қўмитаси ҳузуридаги «Миллий PR-маркази» ДУК бош директори лавозимида ишлаган Шохрух Маликов эса суд залидан озод этилди.
Ўлмас Мухамедсаидов (вақтинча ишсиз) 168-моддаси (фирибгарлик), 28-моддаси (жиноят иштирокчиларининг турлари) орқали 211-моддаси (пора бериш) бўйича айбдор деб топилиб, 10 йил-у 6 ой муддатга озодликдан маҳрум қилинди.
👉 @xushnudbek 👈
-
2019-05-13 05:38:40+00:00
ДТМ рухсатномасини энди онлайн олса ҳам бўлади. Тошкентга келиш шарт эмас
#abituriyent
Бу ҳақда Адлия вазирлиги томонидан ўтказилган “Қонунчиликдаги янгиликлар” брифинги ва матбуот анжуманида маълум қилинди.
Кутилаётган қулайликлардан бири сифатида Давлат тест маркази бош бошқарма бошлиғи Барно Ражабов маълумот бериб ўтди:
«Абитуриентларни шу пайтгача қийнаб келаётган масалалардан бири ДТМ рухсатномаларини қай вақтда олиши эди. Одатда, ушбу рухсатномалар имтиҳон арафасида 31 июлга қадар (шу куни ҳам) тарқатиларди.
Ўтган йил мисолида айтадиган бўлсак, тест синовлари 15 кун давом этгани сабабли абитуриентларнинг ушбу рухсатнома билан боғлиқ мурожаатлари кўп бўлди.
Уларнинг аксари Тошкентга келиб-кетишда ортиқча оворагарчилик ва харажатларнинг олдини олиш билан боғлиқ эди, албатта.
Биз ҳам шу мақсадларни кўзлаб бу йилдан ДТМ рухсатномаларини бевосита Давлат тест маркази сайтидан фойдаланиб ўзига тегишли рухсатномани юклаб олиши мумкин ва шу асосда тегишли ўқув биносига кириб-чиқиши таъминланишини назарда тутяпмиз», - дея таъкидлади ДТМ вакили.
👉 @xushnudbek 👈
-
2019-05-13 04:21:25+00:00
– Болани ким йиқитди?..
– Аллоҳнинг раҳмати ва ҳикмати йиқитди.
Бола йиқилганида йиғлади. Негаки, унинг танаси оғриди. Лекин у шу оғриқ эвазига катта ҳалокатдан омон қолди.
Буни – Аллоҳнинг гўзал тадбири ва ҳикмати, дейилади.
Бошингизга бирор мусибат тушса шу гўдакни эсланг.
Манба: @vodiybozor
👉 @xushnudbek 👈
-
2019-05-12 22:15:48+00:00
Рамазон. 8-кун.
Ҳавои нафс. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-12 18:34:20+00:00
Айтишларича, ва ниҳоят CEFR ҳамда IELTS га оид узоқ кутилган Вазирлар Маҳкамаси қарори имзоланибди. Эртага расман эълон қилиб қолинса керак.
👉 @xushnudbek 👈
-
2019-05-12 17:21:31+00:00
12 май – Халқаро ҳамширалар куни!
1974 йилдан буён ҳамширалик асосчиларидан бири Флоренс Найтингейлнинг туғилган куни муносабати билан ушбу сана «Халқаро ҳамширалар куни» сифатида нишонлаб келинади.
Фурсатдан фойдаланиб, бизнинг саломатлигимиз учун елиб-югурадиган юртимиздаги барча жонкуяр ва ўз касбининг фидойи ҳамшираларни касб байрамлари билан табриклайман! Доимо омон бўлинг, бор бўлинг.
Видео: 2018 йили самарқандлик ҳамширалар касб байрамига атаб флешмоб уюштирган эди #архив
👉 @xushnudbek 👈
-
2019-05-12 13:00:57+00:00
Кундузи чироқ ёқиш нимага керак?
Йўл ҳаракати қоидаларидаги энг кенг муҳокама қилинган ўзгариш, бу – куннинг ёруғ вақтида барча автомототранспорт воситалари яқинни ёритувчи чироқларини ёки кундузги сигнал чироқларини ёқиб ҳаракатланиши шарт этиб белгиланганидир.
Мазкур ўзгаришга кўпчилик қаршилик қилмоқда ва буни тўғри тушуниш мумкин. Токи инсонларнинг бунга кўникиши ва фойдасини сезгунигача вақт керак.
Масалан, узоққа бормаймиз, қўшни Қирғизистонда 2009 йилдан буён кундузи чироқ ёқиб юриш мажбурий. Ўша пайтда кўпчилик қирғизлар ҳам бунга қарши чиқишган.
Қозоғистонда эса бу қоида 2014 йилда киритилган. Интернетдан қидириб кўрсангиз, қозоқларнинг норози бўлганини ҳам кўрасиз. Лекин вақт ўтиши билан қўшни давлатларда ҳамма бунга кўникди ва деярли ҳеч ким эътироз билдирмайди.
Биз қирғизлардан 10 йил, қозоқлардан 5 йил кейин бу қоидага ўтяпмиз.
Кўпчиликнинг эътирози деярли бир хил мазмунда - «биз Скандинавия эмасмизку» дея иқлимни рўкач қилишмоқда. «Биз қуёшли юртмиз, ёғингарчилик ва туман бўлмайди, бу аҳмақона ўзгариш» дейишмоқда улар. Хўш, унда Қирғизистон ва Қозоғистон туманли мамлакатми? Ёки бу қоида фақат Скандинавияда бор деб ўйлайсизми?
Бир нарсани тўғри тушунинг, кундузи чироқ ёқиб юриш қоидасининг иқлимга алоқаси йўқ.
Бу бўйича ривожланган мамлакатларнинг олимлари аллақачон илмий изланишлар олиб бориб, кундузги ёнган чироқ автоҳалокатларнинг олдини олишга ёрдам бериши, чунки у ҳайдовчи ва пиёдаларда ҳушёрликни оширишини исботлаб қўйишган. Бу қоида 10-15% ҳалокатларнинг олдини олади. Агар эринмасангиз, Google деган сайт бор, ўзингиз учун қидириб, ўқиб кўрсангиз фойдадан ҳоли бўлмасди.
Кейин яна бир нарса, кундузи чироқ ёқиб юриш қоидаси Ўзбекистон учун янгилик эмас. 2015 йилдаги қоидага биноан, йўловчи ва юк ташиш транспортлари, мотоцикл ва мопедлар учун кундузи чироқ ёқиш мажбурий қилиб қўйилган эди. Яъни 4 йилдан буён бу қоида бизда қисман амалда бўлган, осмондан тушгани йўқ, фақат эндиликда шуни барчага қўллашяпти холос.
Ёдингизда бўлса, бир неча йиллар олдин GM Uzbekistan заводидан чиққан машиналар ўт олдирилганда кундузги сигнал чироқлари (ДХО, Daytime running lights) автоматик ёнадиган бўлганда, айримлар буни техник носозлик деб ўйлаб, салонга ёки устага олиб борганди ҳам. Лекин кейинчалик бу нарса халқ орасида “евростандарт” деган ном олди. Қаранг, ўз номи билан айтиб турибди – евростандарт. Бир гапи бордирки, жаҳон стандартларида шунақа талаб киритилган.
Қуйидаги харитада эса Европа давлатларидаги ҳолат ҳақида маълумот келтирилган. Кўк ранг билан белгиланган давлатларда ҳайдовчиларга кундузи чироқ ёқиб юриш тавсия этилган, лекин мажбурий эмас, қизил ранг билан белгиланган давлатларда эса – мажбурий. Харитадан ушбу қоидага иқлимнинг алоқаси йўқлигига яна бир бор гувоҳ бўлишингиз мумкин.
Эътирозлар билдиришга барчанинг тўла ҳаққи бор, уларни айблашдан йироқман. Шунчаки янгиликларни қабул қилишга ўрганишимиз, агар шубҳамиз бўлса, фақат комментлардан хулоса қилмасдан, интернетдан мустақил қидириб кўриб, ўз шахсий фикримизни шакллантиришга ҳам кўникишимиз керак.
👉 @xushnudbek 👈
-
2019-05-12 08:39:42+00:00
❗️Куннинг ёруғ вақтида барча автомототранспорт воситалари 🚘 яқинни ёритувчи чироқларини ёки кундузги сигнал чироқларини ёқиб ҳаракатланиши шарт.
👮🏻♂️Кундузи чироғини ёқиб юрмаган ҳайдовчиларга 📝 жарима солиш бошланди.
МЖтК 128-моддасига биноан, ташқи ёритиш асбобларидан фойдаланиш қоидаларини бузганлик учун жазолар:
• биринчи марта - 101 минг 365 сўм (ярим "минималка");
• 1 йил ичида такроран - 202 730 сўм (1 "минималка");
• 2 мартадан кейин 1 йил ичида такроран - 608 190 сўм (3 "минималка");
• 3+ мартадан кейин 1 йил ичида такроран - 810 920 сўм (4 "минималка") жарима ёки олти ой муддатга транспорт воситасини бошқариш ҳуқуқидан маҳрум этиш.
👉 @xushnudbek 👈
-
2019-05-12 06:15:51+00:00
Йўл ҳаракати қоидаларидаги бир ўзгариш қолганларига қараганда муҳимроқ ва қизиқроқ.
Бу ўзгариш айланма ҳаракатланиш ташкил қилинган чорраҳалардаги «ўнг қўл қоидаси» билан боғлиқ. Яъни кўпчиликка маълум, илгари алоҳида йўл белгилари бўлмаса, стандарт қоида бўйича «круг»га кириб келаётган ҳайдовчилар устунликка эга эди, «круг» бўйлаб ҳаракатланаётганлар эса йўл берарди.
Киритилган ўзгаришларга кўра, эндиликда «чап қўл қоидаси»га ўтилди, яъни «круг» бўйлаб ҳаракатланаётган ҳайдовчилар айланага кириб келаётганларга нисбатан устунликка эга бўлади.
Суратга қарасангиз, бу қоида янада тушунарлироқ бўлади. Яъни илгари сариқ енгил машина биринчи юрарди, бундан буён автобус устунликка эга бўлади ва «круг»га кириб келаётган ҳайдовчи йўл бериб, кутиб туради.
Европалашяпмиз, шекилли. Билишимча, АҚШ ва Европанинг кўп давлатларида худди шундай қоида амал қилади.
👉 @xushnudbek 👈
-
2019-05-12 04:00:54+00:00
Финляндиялик Беньямин палов пишириб, ўзбекларни ўз юртига таклиф этмоқда. «Дарвозамиз очиқ, хотинингиз йўқ бўлса, ўзим совчилик қиламан. Ҳаётингизда бунча чиройли қизларни кўрмагансиз, фақат 5 та мол олиб келсангиз бўлди» дейди.
Манба
👉 @xushnudbek 👈
-
2019-05-11 22:15:47+00:00
Рамазон. 7-кун.
Ноўрин ғазаб. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-11 12:07:23+00:00
Тормозни вақтлироқ босинг
Йўл ҳаракати қоидаларига киритилган ўзгаришлардан яна бири ҳақида ҳам алоҳида тўхталишни лозим деб топдик.
Бундан буён светофорнинг тақиқловчи ишорасида тўхташ чизиғи олдида тўхтаганда транспорт воситасининг энг олдинги нуқтаси тўхташ чизиғи устига чиқиб кетмаслиги керак.
Бу қоиданинг муҳимлиги шундаки, видеокузатув ўрнатилган чорраҳаларда бундан буён камералар олд бампери чизиқ устига чиқиб кетган машиналарга ҳам автоматик жарима солишни бошлайди. Шу сабабли, тормозни сал вақтлироқ босинг, светофор чироқларига ҳушёрроқ бўлинг.
Суратда ушбу қоида янада тушунарлироқ қилиб тасвирланган.
👉 @xushnudbek 👈
-
2019-05-11 09:59:56+00:00
Қонунсизлик одати: бу яхшими, ёмон?!
Ҳозирги гапларимни эътироз ёки танқид сифатида қабул қилманг. Балки шунчаки ҳуқуқшунослик дарси дея кўрсангиз ҳам бўлади. Чунки бу постни 2 хил позицияда туриб ёзганман, бири - оддий халқ вакили, иккинчиси - ҳуқуқшунос. Демак, бошладик.
Халқ вакили сифатидаги фикрим
Сўнгги пайтларда бир одат пайдо бўляпти. Яъни ижтимоий тармоқлардаги эътирозлардан кейин раҳбарлар қонунларга амал қилишни бироз ортга сурадиган бўлишди.
Масалан, биринчи ҳолат бу – йўл ҳаракати қоидалари билан юз берди. Кутилмаганда, осмондан тушгандай йўл ҳаракати қоидаларига ўзгариш киритилди. Лекин бу ўзгаришлар ҳақида аввалдан тарғибот ишлари олиб борилмагани сабабли жарима қўллашни 1 ойга кечиктиришди.
Кеча эълон қилиндики, энди 10 майдан бошлаб жарималар қўллашни бошлашар экан.
Иккинчи ҳолат, фермерлар билан боғлиқ эди. Гарчи конституция ва қонунларга зид бўлса ҳам янги қонун билан барча фермерлар нодавлат нотижорат ташкилоти ҳисобланадиган Фермерлар кенгашига мажбуран аъзо бўлиши белгиланди.
Лекин яқинда Қишлоқ хўжалиги вазири ўринбосари интервью бериб, «‘мажбурий’ сўзи кўрсатилган бўлса ҳам, ҳеч ким мажбурлаётгани йўқ, бундай ҳолат ҳали бўлмади. Агар шунақа мисоллар бўлса кўриб чиқишимиз мумкин» дебди.
Иккала ҳолатни ҳам халққа енгиллик бериш мақсадида қилинган ишлар, деб қабул қилсак бўлади.
Ҳуқуқшунос сифатидаги фикрим
Халққа фойдалиги яхшику, лекин буларнинг барчаси қонунга зид эканлиги мени хавотирга солади. Ички ишлар ҳам, Қишлоқ хўжалиги вазирлигию Фермерлар кенгаши ҳам ўзбошимчалик билан қонунларни ижросиз қолдиришга ҳаққи йўқ, аслида.
ИИВ билдирилган эътирозларни мана шундай қонунсизлик билан “ювмоқчи” бўлди. Жарималар 1 ой давомида қўлланмайди, деган гап шунчаки оғзаки буйруқ эди, бунинг ҳеч қандай ҳуқуқий асоси йўқ! Гарчи ИИВ халқни содда билиб, алдашга ҳаракат қилган бўлса ҳам, лекин бу гапларнинг барчаси ёлғонлигини ўзлари ҳам яхши билишади.
Яна қайтараман, кечиктириш халқ учун фойда бўлди, лекин қонунга хилоф.
Жарималар 10 майдан қўлланиши ҳақида хабар фақат турли ОАВлар орқали “сиздирилмоқда”. Аммо ИИВ бу ҳақида бирорта расмий хабар бермади. Нимага?
Чунки бунга ҳуқуқий асос топиб бера олмаслигини жуда яхши билишади.
Фермерлар масаласида ҳам худди шунақа. Қонунда фермерлар мажбурий аъзо қилинсин дейилганми, демак Фермерлар кенгаши “биз ихтиёрий аъзо қиламиз, мажбурламаймиз” дейишга ҳаққи йўқ.
Фермерларни мажбурлаш нияти бўлмаса, унда бу қонунни умуман чиқармаслик керак эди.
Эртами, индин, барибир мажбурлаш бошланади. Фақат ҳозир эътирозлар кўпайгани учун, вазиятни сал юмшатиш, сувдаги лойқани тинишини кутиш учун қилинган вақтинчалик стратегия холос.
Бугунги ҳуқуқий дарсимиздан хулоса шуки, унутманг, амалдаги қонун ҳужжатлари борми, демак барча унга бўйсунишга мажбур. Кимлигидан, қайси лавозимда эканлигидан қатъи назар.
Агар бу амалиёт кенг тарқалса, бугун халқ учун фойдали бўлиб кўринаётган оғзаки буйруқлар, эртага халқнинг зарарига ҳам чиқиши мумкинлигини унутманг. Бугун қонунда бўла туриб, жарима солишмаётганини олқишласак, эртага қонунда йўқ бўлса ҳам жарима солишмаслигига ҳеч ким кафолат бермайди. Бугун мажбурий аъзолик белгиланган бўлса ҳам, "бизда ихтиёрий" деяётганлар, эртага ихтиёрий жойда ҳам, мажбурлашга ўтиши мумкинлигини унутманг. Бунақа мисолларни кўриб турибмизку ахир. Шундан хавотир олишимиз керак.
Қонунлар – уларни ижро этиш учун чиқарилади, уларнинг яхши-ёмонлиги эса, бошқа масала.
👉 @xushnudbek 👈
-
2019-05-11 07:29:53+00:00
#Биласизми
Ўзбекистондаги шаҳар ва туманлар сони, шунингдек, улар номининг ёзилиши бўйича бир нечта манбаларда турлича маълумотлар келтирилган, ҳатто ҳукумат портали ёки вилоят ҳокимликлари сайтида ҳам айрим маълумотлар ўзгача. Шу сабабли уларнинг якуний рўйхатини каналда эълон қилишга қарор қилдим.
❗️Ушбу рўйхат 2016 йил 22 декабрдаги ПҚ-2691-сонли Президент қарори асосида тайёрланган.
Қорақалпоғистон Республикаси, вилоятлар ва Тошкент шаҳрига бўйсунувчи шаҳар ва туманлар рўйхати
30 та шаҳар
170 та туман
Қорақалпоғистон Республикаси
1. Нукус шаҳри
2. Амударё тумани
3. Беруний тумани
4. Кегейли тумани
5. Қонликўл тумани
6. Қораўзак тумани
7. Қўнғирот тумани
8. Мўйноқ тумани
9. Нукус тумани
10. Тахиатош тумани
11. Тахтакўпир тумани
12. Тўрткўл тумани
13. Хўжайли тумани
14. Чимбой тумани
15. Шўманой тумани
16. Элликқалъа тумани
Андижон вилояти
1. Андижон ш.
2. Хонабод ш.
3. Андижон т.
4. Асака т.
5. Балиқчи т.
6. Бўз т.
7. Булоқбоши т.
8. Жалақудуқ т.
9. Избоскан т.
10. Қўрғонтепа т.
11. Марҳамат т.
12. Олтинкўл т.
13. Пахтаобод т.
14. Улуғнор т.
15. Хўжаобод т.
16. Шаҳрихон т.
Бухоро вилояти
1. Бухоро ш.
2. Когон ш.
3. Бухоро т.
4. Вобкент т.
5. Жондор т.
6. Когон т.
7. Олот т.
8. Пешку т.
9. Ромитан т.
10. Шофиркон т.
11. Қоровулбозор т.
12. Қоракўл т.
13. Ғиждувон т.
Жиззах вилояти
1. Жиззах ш.
2. Арнасой т.
3. Бахмал т.
4. Дўстлик т.
5. Зарбдор т.
6. Зафаробод т.
7. Зомин т.
8. Мирзачўл т.
9. Пахтакор т.
10. Фориш т.
11. Шароф Рашидов т.
12. Ғаллаорол т.
13. Янгиобод т.
Қашқадарё вилояти
1. Қарши ш.
2. Шаҳрисабз ш.
3. Деҳқонобод т.
4. Касби т.
5. Китоб т.
6. Косон т.
7. Миришкор т.
8. Муборак т.
9. Нишон т.
10. Чироқчи т.
11. Шаҳрисабз т.
12. Яккабоғ т.
13. Қамаши т.
14. Қарши т.
15. Ғузор т.
Навоий вилояти
1. Навоий ш.
2. Зарафшон ш.
3. Кармана т.
4. Конимех т.
5. Навбаҳор т.
6. Нурота т.
7. Томди т.
8. Учқудуқ т.
9. Хатирчи т.
10. Қизилтепа т.
Наманган вилояти
1. Наманган ш.
2. Косонсой т.
3. Мингбулоқ т.
4. Наманган т.
5. Норин т.
6. Поп т.
7. Тўрақўрғон т.
8. Уйчи т.
9. Учқўрғон т.
10. Чортоқ т.
11. Чуст т.
12. Янгиқўрғон т.
Самарқанд вилояти
1. Самарқанд ш.
2. Каттақўрғон ш.
3. Булунғур т.
4. Жомбой т.
5. Иштихон т.
6. Каттақўрғон т.
7. Нарпай т.
8. Нуробод т.
9. Оқдарё т.
10. Пайариқ т.
11. Пастдарғом т.
12. Пахтачи т.
13. Самарқанд т.
14. Тойлоқ т.
15. Ургут т.
16. Қўшработ т.
Сурхондарё вилояти
1. Термиз ш.
2. Ангор т.
3. Бойсун т.
4. Денов т.
5. Жарқўрғон т.
6. Музробод т.
7. Олтинсой т.
8. Сариосиё т.
9. Термиз т.
10. Узун т.
11. Шеробод т.
12. Шўрчи т.
13. Қизириқ т.
14. Қумқўрғон т.
Сирдарё вилояти
1. Гулистон ш.
2. Янгиер ш.
3. Ширин ш.
4. Боёвут т.
5. Гулистон т.
6. Мирзаобод т.
7. Оқолтин т.
8. Сардоба т.
9. Сайхунобод т.
10. Сирдарё т.
11. Ховос т.
Тошкент вилояти
1. Нурафшон ш.
2. Ангрен ш.
3. Бекобод ш.
4. Олмалиқ ш.
5. Оҳангарон ш.
6. Чирчиқ ш.
7. Янгийўл ш.
8. Бекобод т.
9. Бўка т.
10. Бўстонлиқ т.
11. Зангиота т.
12. Қибрай т.
13. Қуйичирчиқ т.
14. Оққўрғон т.
15. Оҳангарон т.
16. Паркент т.
17. Пискент т.
18. Тошкент т.
19. Ўртачирчиқ т.
20. Чиноз т.
21. Юқоричирчиқ т.
22. Янгийўл т.
Фарғона вилояти
1. Фарғона ш.
2. Марғилон ш.
3. Қувасой ш.
4. Қўқон ш.
5. Бешариқ т.
6. Боғдод т.
7. Бувайда т.
8. Данғара т.
9. Ёзёвон т.
10. Қува т.
11. Қўштепа т.
12. Олтиариқ т.
13. Риштон т.
14. Сўх т.
15. Тошлоқ т.
16. Ўзбекистон т.
17. Учкўприк т.
18. Фарғона т.
19. Фурқат т.
Хоразм вилояти
1. Урганч ш.
2. Хива ш.
3. Боғот т.
4. Гурлан т.
5. Урганч т.
6. Хива т.
7. Хонқа т.
8. Ҳазорасп т.
9. Шовот т.
10. Янгиариқ т.
11. Янгибозор т.
12. Қўшкўпир т.
Тошкент шаҳри
1. Бектемир т.
2. Мирзо Улуғбек т.
3. Миробод т.
4. Олмазор т.
5. Сирғали т.
6. Учтепа т.
7. Чилонзор т.
8. Шайхонтоҳур т.
9. Юнусобод т.
10. Яккасарой т.
11. Яшнобод т.
Каналга уланиш:👇
https://t.me/joinchat/AAAAAEe1KDC7Hm03UPVooQ
-
2019-05-11 04:01:03+00:00
Ўзини ДХХ ходими деб таништирган шахс қўлга тушди
Кун.уз нашрининг ёзишича, 1982 йилда туғилган фуқаро Ю.С. ўзини ДХХ ходими деб таништириб, фирибгарлик йўли билан одамлардан жуда кўп миқдорда пул ундирганликда гумон қилинмоқда. Унга нисбатан Жиноят кодексининг 168-моддаси билан жиноят иши қўзғатилган ва кеча қўлга олинган.
Мазкур ҳолат бўйича ДХХ тергов бошқармаси томонидан дастлабки тергов ҳаракатлари олиб борилмоқда.
👉 @xushnudbek 👈
-
2019-05-10 22:15:46+00:00
Рамазон. 6-кун.
«Руҳий тарбия» туркумидан. Ғурурга кетиш
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-10 18:44:32+00:00
Блокланган хорижий сайтлар очилишни бошлади
Ахборот ва оммавий коммуникациялар агентлиги директори Комил Алламжонов Фейсбукдаги саҳифасида ёзишича, ЕХҲТнинг ОАВ эркинлиги масалалари бўйича вакили Арлем Дезир томонидан эълон қилинган айрим хорижий ахборот веб-ресурсларига кириш имконияти чекланганлиги ҳақидаги маълумот ўрганиб чиқилган.
Ўрганиш натижасида кўрсатилган веб-ресурсларнинг Ўзбекистонда тўлақонли ишлашларига тўсиқ бўлган техник камчиликлар аниқланди ва уларни бартараф этиш борасида тегишли чора-тадбирлар кўрилган ҳамда бугундан эътиборан «Voice of America», «Amerika ovozi», «BBC Uzbek», «Deutsche Welle», «Amnesty International», «Human Rights Watch», «Reporters sans frontieres», «Eurasianet.org», «AsiaTerra», «Fergana Agency», «Centre1», «Uzmetronom» каби веб-ресурслар ва бошқа хорижий веб-сайтлардан тўлиқ фойдаланиш имкони мавжуд бўлди.
Текшириб кўрдим, ҳақиқатдан барчаси очиляпти.
«Шу билан бирга, биз хориж оммавий ахборот воситалари, умуман журналистлар жамоасини журналист этикаси тамойилларига риоя этишлари, тасдиқланмаган ва ёлғон ахборотлардан фойдаланмасликни, шунингдек, асосланмаган миш-миш ва гумонларни тарқатмасликларини сўраймиз», - дейилади хабарда.
👉 @xushnudbek 👈
-
2019-05-10 18:16:51+00:00
Айтишларича, Қурилиш вазири Абдуқаҳҳор Тўхтаев бугун Шайхонтоҳур тумани ҳокими этиб тайинланибди.
У бунгача Тошкент шаҳар ҳокими (2005-2011), Жиззах шаҳар ҳокими (2016-2017) ҳамда Олмазор туман ҳокими (2017-2018) бўлиб ишлаган.
Шунингдек, Шайхонтоҳур тумани А.Тўхтаевга бегона эмас, у 1996-1999 йилларда ҳам шу туман ҳокими бўлиб ишлаган эди.
👉 @xushnudbek 👈
-
2019-05-10 11:57:44+00:00
Шавкат Мирзиёев Чилонзор туманидаги Сўгалли ота зиёратгоҳи ёнида барпо этилган Шайх Муҳаммад Содиқ Муҳаммад Юсуф номидаги масжиднинг очилишида иштирок этди.
www.president.uz/uz/2567
-
2019-05-10 10:10:06+00:00
Шавкат Мирзиёев 10 май куни пойтахтимиздаги янгидан бунёд этилган Сузук ота мажмуасига ташриф буюрди.
-
2019-05-10 07:26:46+00:00
ДЕПУТАТМАН, ДЕЙИШГА ИЙМАНАМАН...
“Жомбой тонги” газетаси муҳаррири Исомиддин Пўлатов туман кенгаши депутатлари фаолиятига бир назар ташлабди. Мақолани бироз қисқартириб эълон қиламан:
«Туман кенгаши депутатиман.
Келинг, қисқача шу ҳақда.
Туман кенгашида бўшаб қолган ўринга номзодимни таклиф этишди. Аниқроғи, сайловнинг бир ҳафта нари-берисида. Руҳий тайёр эмасдим, депутатнинг ваколати, мажбуриятини билишга, ҳис этишгаям улгурмадим. Шунчалик тез депутатга айландимки, англамай қолдим. Мени ким сайлади, нега сайлади, ҳозиргача тушунмайман.
Ўйлайманки, тумандаги бир ташкилот раҳбари эканим, газетада муҳаррирлигим депутат бўлишга лойиқлигимни билдирмайди. Бундай бўлмаслиги керак. Одамнинг лавозими сайловларда роль ўйнаши тарафдори эмасман.
Рости, дастлабки сессияларда қатнашганимда кун тартибига қўйилган масалаларни ўқиб, бу қарорларни депутатлар тасдиқлашини англаганимда, суюнганман.
Аммо тушундимки, баъзан “овозга қўяман” деган каломга “қаршиман”, “эътирозим бор” деёлмай қоларкансиз. Чунки ёнингизда кўтарилган “30 та қўл” бунга йўл қўймайди. Уларга қўшилиб оққанингизни билмай қоласиз. Савол берсангиз, энсақотишлар, зардали нигоҳлар таъқибида қоласиз. Чунки бошқаларнинг вақтини олаётган бўласиз (!). Сессиянинг тезроқ тугашини кутаётган айрим сафдошларингизга ёқмайсиз. Бунинг ошкора ва яширин белгилари сизга ўша заҳоти маълум бўлади.
Қанчалик даҳшат-а! Депутат сессиянинг тугашини, англанмаган масаланинг тезроқ ёпилишини кутса! Шундан кейин ҳам депутат бўлишга ҳавас қолади, дейсизми?
Очиғи, бирор ўзим тушунмаган, ишонмаган масалани тасдиқлаш сўралганда, ичимдан қиринди ўтади. Баъзан қўл кўтармай қўяман. Буям аслида виждонни овутиб қўйиш учун. Ҳарқалай, олқишламадимку, деб ўзимни юпатиш учун.
Сессияларда ўнлаб масалаларнинг икки-уч соатда кўрилиши бу алоҳида мавзу. Ҳуқуқ тартибот органлари раҳбарларининг ҳисоб бермайдиган қуруқ ҳисоботи, ахбороти ҳам «ёпиқ мавзу» бўлмаслиги керак, албатта.
Ижтимоий тармоқларда энг қуруқ, текинхўр, иккиюзламачи тоифа ҳақида гап кетса, депутатларни ҳам тилга оладиган бўлишди.
Яқинда ўзим сайланган ҳудуддан бир амаки юзимга қараб, “Сиз депутатимиз эканлигингизни энди билдим. Тез-тез келиб турсангиз бўлмайдими?” деди. Қанийди, шундай пайтда ер ёрилса, кириб кетсангиз. Яхшиям, шу атрофдаги танишимиз “Бу киши газета муҳаррири. Буларнинг иши ҳам депутатнинг ваколатларига яқин туради. Битта бизнинг ҳудуд эмас, туманнинг муаммоларини кўтариб чиқишяпти-ку” деди. Мени танимаган “сайловчим” бу жавобга қониқдими, йўқми, бу менга қоронғи. Аммо ўзимдан ўзим қониқмадим, қониқмаяпман.
Саволлар уюлиб келади. ХЎШ, ДЕПУТАТ БЎЛИБ НИМА ҚИЛДИМ? Қарға “қағ” этганда чиқарадиган депутатлик сўровим кимга керак? Бу билан нима ўзгаряпти? Журналист сифатида биз кўтарган муаммоларга келгани каби қуруқ жавоб хатлар одамларга нон-ош берадими? Яшашини яхшилайдими? Маҳаллада қанча одамни танийман? Қанча одам мени танийди? Афсуски, ўзимга берадиган саволларим тобора оғирлашиб бораверади...
Нима қилмоқ керак?
Бу тизим ўзгариши лозим. Аввало, бўлажак депутатдан “Сен шуни хоҳлайсанми? Бу ишни эплашга кўзинг етадими? Соҳага оид қонунлардан қанчалик хабардорсан?” деб сўраш керак. Депутат халқнинг ўзидан чиқсин. Том маънода одамларнинг вакили бўлсин. Лавозим, амал талаб қилиш шарт эмас. (ЁЗИЛМАГАН, АММО ҚАТТИҚ ИШЛАЙДИГАН ҚОИДАЛАРНИ НАЗАРДА ТУТЯПМАН). У қонун билан ишласин. Унинг сўровига жавоб бермайдиган, беписанд, масалага юзаки қарайдиган, “гапни айлантирадиган” ташкилот раҳбарининг жавобгарлиги кучайтирилсин. Яхши маънода депутатдан ҳайиқишни ўрганайлик. У халқнинг кўзгусига айлансин. (Депутат ойлик олсин, рағбатлантирилсин). Нега “рағбат” деяпман? Айримлар депутат бу рутба ортидан бойлик орттиряпти ёки молиявий таъминоти зўр бўлса керак, деб ўйлайди. Амалда уларнинг аксарида эшак араваям йўқ.
Иқрор бўлишдан оғири йўқ. Бу жараёнга осонликча келиб бўлмас экан. Оғир уятни ҳис этаркан, киши.
АММО ЎЗИНГДАН УЯЛИШНИ БАС ҚИЛИШ УЧУН ҲАМ ОДАМГА ИҚРОР КЕРАК.
Хуллас, депутатман дейишга ийманаман!»
👉 @xushnudbek 👈
-
2019-05-10 07:09:08+00:00
Божхона расмийлаштируви учун қайси постда қанча вақт сарфланмоқда? Апрель ойи натижалари билан танишинг!
Давлат божхона қўмитаси ташқи иқтисодий фаолият (ТИФ) иштирокчилари томонидан товар ва транспорт воситаларининг экспорти ва импортида божхона расмийлаштируви учун сарфланган ўртача вақти ҳақида божхона постлари кесимида 2019 йил апрель ойи якунларини эълон қилди.
✅ Экспорт
Апрель ойи якунларига кўра, товарларни "экспорт" божхона режимига расмийлаштириш учун сарфланган вақт бўйича республикамиздаги 53 та ТИФ божхона постлари орасида Самарқанд вилояти божхона бошқармаси “Самарқанд” ТИФ божхона пости етакчилик қилмоқда.
Бу ерда экспорт божхона юк декларацияларини расмийлаштириш учун ўртача 17 дақиқа 47 сония сарфланган.
Ундан кейинги ўринларни 25 дақиқа 24 сония билан Қашқадарё вилояти божхона бошқармасининг “Қарши тола” ТИФ божхона пости ҳамда 26 дақиқа 5 сония билан ушбу бошқарманинг “Талимаржон” ТИФ божхона пости эгаллади.
✅ Импорт
Товарларни импорт божхона режимига расмийлаштириш учун сарфланган вақт бўйича республикамиздаги 52 та ТИФ божхона постлари орасида Тошкент вилояти божхона бошқармаси “Бекобод” ТИФ божхона пости етакчилик қилмоқда.
Бу ерда импорт божхона юк декларацияларини расмийлаштириш учун ўртача 50 дақиқа 24 сония сарфланган.
Ундан кейинги ўринларни 1 соат 15 дақиқа 3 сония билан Навоий вилояти божхона бошқармасининг “Навоий индустриал” ТИФ божхона пости ҳамда 1 соат 21 дақиқа 45 сония билан Бухоро вилояти божхона бошқармасининг “Қоровулбозор” ТИФ божхона пости эгаллади.
Тўлиқ рўйхат билан ушбу саҳифа орқали танишиб чиқишингиз мумкин.
👉 @xushnudbek 👈
-
2019-05-09 22:15:44+00:00
Рамазон. 5-кун.
«Руҳий тарбия» туркумидан. Мол-дунёга ҳирс қўйиш
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-09 15:40:29+00:00
Фашизм — шубҳасиз ёмон, ҳа. Гитлер — миллионлаб бегуноҳ инсонларни қириб ташлаган ёвуз, тўғри.
Аммо унутмаслик керакки, ўз қўл остидаги мустамлака давлатларнинг миллионлаб маърифатпарварларини беаёв қатағон қилган советларнинг манфур сиёсати ҳам аслида — фашизм, Сталин ҳам аслида — Гитлер.
Давронбек Тожиалиев Фейсбукда қуйидагича пост қолдирди, ўқиб кўрсангиз зиён қилмайди:
«Ютубда 5 миллиондан ортиқ обуначига эга россиялик блогер Юрий Дуднинг "Колыма - родина нашего страха" деб номланган 2 соатлик ҳужжатли фильми (https://youtu.be/oo1WouI38rQ) рус медиасида шов-шувларга сабаб бўлди. Унда Сталин қатағонларининг аянчли оқибатлари ҳақида фикр билдирилган.
2018 йил октябрда Бутунроссия жамоатчилик фикрини ўрганиш маркази ўтказган тадқиқот натижаларига кўра, 18 ёшдан 24 ёшгача бўлганларнинг қарийб ярми Сталин қатағонлари ҳақида ҳеч қачон эшитмаган экан. Юрий Дудь Сталин қатағонининг ўлим лагерлари - совуқ Магадан ва Колимага бориб, собиқ лагерларнинг машъум манзарасини, тобора одам қадами узилаётган маконларни, ташландиқ шаҳар ва қишлоқларни суратга олади, шароитлардан зада бўлган маҳаллий халқ вакиллари, тарихчилар, собиқ маҳбусларнинг фарзандлари билан суҳбат қилади.
Фильмда айтилишича, 1930-1956 йилларда 20 000 000 киши ГУЛАГга ташланган. Улардан 2 000 000 нафари нобуд бўлган. Одатда "халқ душмани" ва бошқа айбловлар билан отиш ва ҳибсга олиш учун ҳар бир республикага рақамлар белгиланар, республика куч ишлатар тизимлари шу рақам бўйича "айбланувчилар"ни етказиб бериши талаб этиларди. Вазият шу даражага етдики, республика раҳбариятлари марказга "Бизда ҳали халқ душманлари кўп экан" деб квотани ошириш бўйича таклиф юбора бошлайдилар.
Магадан, Колиманинг ўлим лагерларида бир қанча ўзбек зиёлилари ҳам нобуд бўлган. Қиш ойларида ҳарорат 50°-60° гача тушгани учун кўплаб маҳбуслар очлик ва совуқдан вафот этиб кетишган, яна қанчадан-қанча маҳбуслар, қўл-оёқларию қулоқларини совуққа олдиришган. Буюк шоир Усмон Носир ҳам Магадан қамоқхоналарида совуқдан жинни бўлиб қолаёзади, сўнгра Кемерово вилоятидаги қамоқхонага юборилиб, 1944 йил вафот этади. Германияда ўқиган илк ўзбек ёшларидан Марям Султонмуродова НКВДнинг Колимадаги «Дальстрой» лагерида 1939 йилдан 1947 йил 13 сентябрга қадар ишлайди…
"Колыма - родина нашего страха"ни кўришни тавсия этаман. 9 май арафасида мустабид Сталинни кўкка кўтарувчиларга яхшигина "совға" бўлади бу. "Қўрқув — озодликнинг энг катта душмани" деб хулосалайди блогер».
Пост тугади.
Қўшимчасига Муҳримнинг каналида эълон қилинган мана бу постни, Фарҳод Файзуллаевнинг каналида эълон қилинган мана бу постни ўқиб қўйсангиз ҳам зарар қилмайди. Ушбу постлардаги фикрларга тўла қўшиламан, яъни бугунги кун аслида байрам эмас, марҳумларни хотирлаш куни.
Майли, ҳар не бўлганда урушда ҳалок бўлган юз минглаб ота-боболаримизнинг руҳлари шод бўлсин, деб дуо қиламиз. Энг катта тилагимиз эса — юртимиз, халқимиз бошқа ҳеч қачон уруш кўрмасин, илоҳим.
👉 @xushnudbek 👈
-
2019-05-09 08:45:16+00:00
«Саодат» журналининг 1970 йил май ойидаги сонида эълон қилинган «Ғалаба бонги» мақоласидан парча:
«Бир қанча йиллар муқаддам, Улуғ Ватан уруши тугаган кезларда бир боладан:
-Байрамларнинг қайси бирини яхши кўрасан? – деб сўрашган экан.
Бола дарҳол:
-Ғалаба кунини, - дебди. – Нега деганда, шу байрамдан кейин дадам урушдан қайтдилар».
#архив
👉 @xushnudbek 👈
-
2019-05-09 07:57:07+00:00
9 май - Хотира ва қадрлаш куни!
Ўтганларнинг руҳлари шод, охиратлари обод бўлсин, илоҳим.
-
2019-05-08 22:15:46+00:00
Рамазон. 4-кун.
«Руҳий тарбия» туркумидан. Мол-дунёга муносабат.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-08 21:17:59+00:00
Бу йилги Чемпионлар лигаси даҳшат бўлди лекин! Камбэклар мавсуми!
Ливерпуль ўз уйида 90 минутда 3-0 натижасини йўққа чиқарган бўлса, Тоттенҳэм рақиб майдонида 55 минут ичида 3-0 ҳисобини йўққа чиқара олди. Иродасига қойил! Инглизларга баракалла!
Агар эртага Арсенал ва Челси ҳам Европа лигаси финалига чиқишса, унда адашмасам илк марта битта лиганинг 4 та жамоаси бир мавсумда еврокубоклар финалида ўйнашади.
-
2019-05-08 16:35:39+00:00
2018 йилда неча нафар ўзбекистонликка Шенген визаси берилган?
Бугунги кунда Green Card муҳокамалар марказида бўлиб турган бир пайтда, Европа иттифоқи давлатларига чиқиш учун бериладиган Шенген визаси тўғрисида ҳам эслаб ўтмоқчимиз. Аниқроғи 2018 йилда неча нафар ўзбекистонликлар ушбу визани олиш учун ариза бергани, уларнинг нечтасига ижобий, нечтасига салбий жавоб қайтарилгани ҳақидаги маълумотлар билан ўртоқлашмоқчиман.
Демак, SchengenVisaInfo.com портали берган маълумотга кўра, Шенген визасини олиш учун 2018 йилда жами 30 минг 799 нафар ўзбекистонликлар ариза топширган. Уларнинг 26 минг 537 нафарига виза уриб берилган. 4,067 нафарига эса турли сабабларга кўра рад жавоби берилган.
Давлатлар кесимида статистикалар қуйидагича:
Германия
10 302 киши топширган
9 033 киши виза олган
1 269 кишига (12,3%) рад қилинган
Франция
5 383 киши топширган
4 507 киши виза олган
731 кишига (13,6%) рад қилинган
Латвия
4 946 киши топширган
4 404 киши виза олган
492 кишига (9,9%) рад қилинган
Италия
3 105 киши топширган
2 905 киши виза олган
200 кишига (6,4%) рад қилинган
Чехия
2 958 киши топширган
2 382 киши виза олган
576 кишига (19,5%) рад қилинган
Польша
2 445 киши топширган
2 069 киши виза олган
376 кишига (15,4%) рад қилинган
Венгрия
1 351 киши топширган
953 киши виза олган
398 кишига (29,5%) рад қилинган
Словакия
309 киши топширган
284 киши виза олган
25 кишига (8,1%) рад қилинган
Ана шунақа гаплар...
👉 @xushnudbek 👈
-
2019-05-08 13:28:48+00:00
Энг оригинал табрик
Бугунги кун муносабати билан кун давомида қадрдон каналлардан табриклар олдик. Аввал @davletovuz, кейин @vodiybozor канали табриклади.
Лекин энг оригинал табрикни колхозимиз раиси @raisbuva_uz қолдирди. Кайфиятни мингга чиқарувчи ҳазил суратлари билан машҳур бўлган ушбу канал 1 ёшлик тўйимизга портретимни совға қилди. Портретни ҳам "йиртворибди" ома лекин 😄 @raisbuva_uz га раҳмат!
Расм шахсан менга ёқди, Сизгачи?
P.S.: эрталабки постга қолдирилган 270 та изоҳ муаллифларига ҳам ташаккур. «Ахборот»да айтишадику, "Табриклар келиши давом этмоқда..." ))
-
2019-05-08 12:58:43+00:00
Экстремистик ташкилот номлари эълон қилинди
Адлия вазирлиги ўз сайтида экстремистик ташкилотлар рўйхатини маълум қилди. Хабарда айтилишича, 2018 йил 30 июлдаги “Экстремизмга қарши курашиш тўғрисида”ги Қонунининг 14-моддасига мувофиқ, Ўзбекистонда ташкилотни экстремистик ташкилот деб топиш суд тартибида амалга оширилади.
Шунга кўра, Олий суднинг 2019 йил 12 мартдаги ҳал қилув қарорига кўра интернет жаҳон ахборот тармоғининг “najot.info” ва “hizb-uzbekiston.info” веб-сайтлари ҳамда “Facebook”, “Youtube” ва “Telegram” ахборот ресурслари ва ижтимоий тармоқлардаги қуйидаги номлардаги профиль, канал ва саҳифалари экстремистик ва террористик деб топилди:
1. “Абу Салоҳ дарсликлари”
2. “Жаннат ошиқлари”
3. “Шом овози”
4. “Тавҳид ва жиҳод”
5. “Islam Abu Khalil”
6. “Полвон Новқатлик”
7. “Сохиб Махмудов”
8. “Фаррухбек Абдуллаев”
9. “Мамарахимов Абдурахим Миркомилович”
10. “Мухожир Полвон”
11. “Abu Aisha”
12. “Turkiston”
13. “Хуррият инфо”
14. “Нажот”
15. “ал-Ваъй”
16. “Роя”
17. “Usulul fiqh”
18. “Mustalahul hadis”
19. “Darslardan qisqa lavhalar”
20. “Fiqh ahkomlari”
21. “Tavhid darsi”
22. “Qiyomatdan avvalgi fitnalar”
23. “Savol va javoblar”
24. “Foida Mp3”
25. “Foida va qoidalar”
26. “Tafsir darslari”
27. “Talbisu iblis darslari”
28. “Islomni buzuvchi amallar darslari”
29. “Nomoz va benomozga taluqli masalalar”
30. “Ayollar darslari silsilasi”
31. “Aqiyda darslari”
32. “Silsilaviy darslar va ma’ruzalar”
33. “Muhim darslar”
34. “Aqiydatul vositiya”
35. “Mustalahul hadis”
36. “Alfatx”
37. “Talabalar uchun darslar”
38. “АЛЪ-ФАТҲ ТВ”
39. “DA’VAT UZ”
40. “HIDOYAT TV”
👉 @xushnudbek 👈
-
2019-05-08 10:38:27+00:00
Меҳнат муҳожирлиги
Бир неча йил олдин. Дубайдаги дўконда молларимизни саралаб ўтирибмиз. Шу дўконда хизматчи бўлиб ишлайдиган ўттиз беш ёшлардаги ҳинд йигити бизга ёрдамлашяпти. Орада бир нафас дам олдик.
Танаффусдан фойдаланган ишчи ҳинд йигити телефонини олиб, ундаги оилавий хотира, суратлар ва видеоларни берилиб томоша қила бошлади. Қарашларидаги соғинч, меҳр, ҳис-туйғуларини ёзиб, тушунтириб бўлмайди.
Секин гапга солдим.
Айтишига қараганда, Дубайга келганига икки йилдан ошибди. Тахминан икки юз доллардан ошиқроқ маош оларкан. Ётоғи ва овқати хўжайинининг зиммасида.
–Жуда кам-ку! – десам,
– Илож қанча, юртимда иш йўқ, шу ишга келиш ҳам жуда қийин ва омади келган одамга насиб қилади деди.
Ойнинг охирида Бирлашган Араб Амирликларидаги Western Union шоҳобчаларида уйга пул жўнатиш учун жуда катта навбат бўлади.
Йигит ҳам топган пулини борича Ҳиндистонга юбораркан. Шундан юз доллардан кўпроғини икки фарзандининг таълим олиши учун ишлатаркан. Қолган қисмини қари онаси ва оиласининг таъминотига сарфлашаркан. Йигит фарзандлари яхши ўқиб, келажакда яхши касб эгаси бўлишидан, шу орқали "ит ётиш мирза туриш" ҳаётидан қутулишига умидвор ва шунга ишонади...
***
Бир ўзбек оила бошлиғи Ўрусияда мигрантлик қилар, бир кетганида камида олти ой ёки бир йилдан ортиқ муддатда юртга қайтар эди.
Нексиялар урф бўлган пайтлар...
Узоқ муддатли айрилиқдан кейин бир ойлик "таътил"га келган кишига аёли сўз қотибди:
– Адаси, итдаям-битдаям Нексия бўлиб кетди. Кетишиздан олдин Нексияни Ласетти қилиб кетинг.
Акамиз аёлларининг ўтинчини ерда қолдирмасдан 30 000 долларга Ласетти олган ва гаражга қўйиб, узоқ муддатга Маскопга жўнаб кетган.
***
Ҳозирги кунда дунёдаги энг зўр математиклар, докторлар, дастурчилар, пулдорлар... ҳиндлардан чиқаётгани бежизга эмас!
=•=•=•=•=•=•=•=
Фейсбукдан олинди.
Муаллиф: Khojiakhmad Umurzakov
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2019-05-08 08:00:48+00:00
Бугун ҳамма ходимлар 1 соат вақтли кетиши керак!
Меҳнат кодекси 121-моддасига биноан, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.
Эртага 9 май - Хотира ва қадрлаш куни, яъни ишланмайдиган байрам куни. Демак, бугун барча ходимлар 1 соат вақтлироқ уйига кетишига қонуний ҳаққи бор.
Бу дегани, кечки соат 6 гача ишлайдиганлар бемалол 17:00 да ишини якунлаши мумкин.
👉 @xushnudbek 👈
-
2019-05-08 04:00:48+00:00
Бугун – 8 май. @xushnudbek канали 1 ёшга тўлди.
Бундан роппа-роса 1 йил олдин шунчаки эрмак учун Телеграмда канал очгандим. Аниқроғи аввалроқ очиб қўйилган каналда илк постни қолдиргандим. Ўшанда ҳам айтгандим, «нима ёзишни ҳали билмайман» деб. Ўқийдиган инсонлар топилса, одамни ёзгиси келаверар экан ))
1 йиллик вақт мобайнида каналга 2232 та пост жойлабман. Канал фаолияти аллақачон шунчаки эрмакдан, катта масъулиятли вазифага айланиб улгурди. Бу – сўз масъулияти!
Блог ва блогерлик фаолияти ҳар доим мен учун хобби бўлган. Шу пайтгача бундан бирон марта тижорий мақсадни кўзламаганман, реклама таклифларининг барчасини рад қилиб келганман.
Асосий мақсадим пул топиш эмас. Аксинча қўлимдан келганича, имконим, ақлим ва кучим етганича юртдошларимизнинг ҳуқуқий билимларини оширишга кўмаклашиш, билганларимни улар билан ўртоқлашиш, жамоатчилик назорати орқали шу жамият ривожига озгина бўлсада ҳисса қўшиш – мана шулар менинг олий мақсадим.
Аввал ҳам бир ёзгандим, блогерликдаги асосий принципим Навоий бобомизнинг қуйидаги 2 байтида намоён:
Ҳунарни асрабон нетгумдир охир,
Олиб туфроққами кетгумдир охир.
Агар кимнингдир кичкинагина муаммоси ёзганларим орқали ҳал бўлса, агар устозларимиз берган илм орқали ҳеч бўлмаса 1 кишига ёрдамим тегаётган бўлса, ҳеч бўлмаса 1 киши “ота-онангга раҳмат” деб дуо қилиб қўяётган бўлса, шунинг ўзи мен учун кифоя, бу дунёда бундан ортиқ мукофот йўқ.
Бор гап шу.
Яна биргина гап – шу 1 йил давомида мени қўллаб келган, хатоларимни кечирган, худди ўз ўғлидек, укасидек, акасидек ёки дўстидек қабул қилиб, илиқ меҳрини дариғ тутмаётган барча муштарийларга ўзимнинг чексиз миннатдорлигимни билдирмоқчиман. Сизларнинг ҳар бирингизни жуда ҳурмат қиламан. Салкам 80 минглик катта аҳил жамоа тўпланганидан хурсандман.
Бугун бироз эркаланадиган кунимиз, табриклар чекланмаган миқдорда қабул қилинади ))
1 ёшли каналга уланиш:
👉 @xushnudbek 👈
-
2019-05-07 22:15:41+00:00
Рамазон. 3-кун. «Руҳий тарбия» туркумидан. Бахиллик.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-05-07 21:13:41+00:00
Ухлаб қолган футбол мухлислари эрталаб (ёки саҳарликка) уйғонса, финалга қанақа қилиб Барселона эмас, Ливерпуль чиққанини кўриб, анча пайт тушуна олмаса керак. Лекин улар Ливерпуль ижросидаги фантастик ўйинни кўра олмай қолганига афсусланишади ҳали...
Барча мерсисайдликларни ғалаба билан табриклайман!
P.S.: Ниҳоят 6 йилга келиб, Чемпионлар лигаси финалида испан жамоаси ўйнамайдиган бўлди.
👉 @xushnudbek 👈
-
2019-05-07 16:23:36+00:00
Америка - сеҳрли диёр. Грин-карта жавоблари чиқди.
Миллиондан ортиқ ўзбеклар ўз бахтини синаб кўрадиган, халқ орасида «Green Card» номи билан танилган АҚШнинг Турли миллат вакилларига виза дастурининг 2019 йилги жавоблари чиқди.
Жавобларни махсус кодни киритиш орқали http://www.dvlottery.state.gov сайтидан текшириб кўриш мумкин. Лекин ҳозирги вақтда жуда катта сўров юборилаётгани сабабли сайт "осилиб" қолибди. Бироздан кейин ишлаб кетса керак.
Маълумот учун, 2018 йилда Ўзбекистондан 4 минг 494 киши ушбу лотереяда ғолиб бўлган ва Грин-карта чиққанлар сони бўйича дунёдаги кучли 5 та давлатдан бири бўлганди (Россия, Эрон, Конго, Эфиопия билан бирга).
Қайси давлатдан неча киши ушбу лотереяда иштирок этгани ҳақидаги маълумот охирги марта 2015 йилда эълон қилинганди. Ўша йилги маълумот бўйича Ўзбекистондан 1 млн 387 минг 420 нафар киши юртини ташлаб, АҚШга ишлаш учун кетиш истагини билдирган экан.
Ана шунақа гаплар...
Каналга уланиш:
👉 @xushnudbek 👈
-
2019-05-07 10:46:05+00:00
Наманган вилоятидаги Мингбулоқ нефть конида илк нефть қазиб олинган. Яқин вақт ичида мазкур конда бир кеча кундузда 150 тонна нефть ва 100 минг кубометр табиий газ қазиб олиш имконияти юзага келади.
@vodiybozor каналидаги видеода Ўзбекистон энергетика вазири Алишер Султанов, Наманган вилояти ҳокими Хайрулло Бозоров ва “Ўзбекнефтгаз” АЖ раиси Баҳодиржон Сидиқов янги нефтни юзларига суртиб, ушбу янгиликни нишонлашгани кўринади. Нефтчиларнинг айтишича, бу уларнинг «ўзига хос одати» экан.
👉 @xushnudbek 👈
-
2019-05-07 08:01:13+00:00
Қайси халқаро олимпиада ғолиблари ОТМга тест синовларисиз қабул қилинади?
3 майдаги ПҚ-4306-сонли Президент қарорига биноан, ғолиблари давлат ОТМларига тест синовисиз ва қўшимча имтиҳонсиз қабул қилинадиган халқаро олимпиадалар рўйхати тасдиқланди. Унга кўра, қуйидаги 5 та халқаро олимпиада ғолибларига ана шундай имтиёз берилади:
1. Халқаро математика олимпиадаси – International Mathematical Olympiad (IMO)
2. Халқаро физика олимпиадаси - International Physics Olympiad (IPhO)
3. Халқаро кимё олимпиадаси - International Chemistry Olympiad (IChO)
4. Халқаро биология олимпиадаси - International Biology Olympiad (IBO)
5. Халқаро информатика олимпиадаси - International Olympiad in Informatics (IOI)
Изоҳ: мазкур рўйхатда келтирилмаган халқаро ва минтақавий фан олимпиадалари мақоми асосий олимпиадаларнинг республика босқичига тенглаштирилади ва улар рўйхати Вазирлар Маҳкамасининг қарори билан белгиланади.
Бу нима дегани?
Яъни юқорида саналган 5 та халқаро олимпиададан бошқа барчасида ғолиб бўлган ўқувчиларга тест синовисиз ўқишга кириш ҳуқуқи берилмайди, балки қайси фандан ғолиб бўлган бўлса, фақат ўша фандан максимал балл берилади.
Айтайлик, барчамизга яхши таниш бўлган Менделеев халқаро кимё олимпиадасида ғолиб бўлган ўқувчи ОТМга ҳужжат топширса, унга тест синовларида кимё фанидан максималл балл берилади, лекин қолган 2 та фанини ўзи ишлашига тўғри келади.
Каналга уланиш:
👉 @xushnudbek 👈
-
2019-05-07 04:00:41+00:00
Ўқишни кўчириш бўйича муддатлар
#ўқишникўчириш
Ўқишни кўчириш учун қачон ариза топширсам бўлади, деган саволлар ҳам жуда кўп берилади. Бугун шу ҳақида маълумот берамиз.
Ўқишини кўчириш ва қайта тиклаш қуйидаги 9 та босқичда амалга оширилади. Булар қуйидагилар:
Кузги семестр бўйича
1️⃣-босқич: 15 июнгача
Ҳудудлардаги қайсидир битта ОТМда ҳамда вазирликда фаолият юритадиган Ишчи гуруҳ ташкил этилади.
2️⃣: 15 июлдан 5 августгача
Талабалардан аризалар қабул қилиш
3️⃣: 5 августдан 30 августгача
Аризалар юзасидан қарор қабул қилинади ва фуқарога жавоб хати йўлланади.
4️⃣: 2 сентябрдан 10 сентябргача
Кўчириш (қайта тиклаш) масаласи ижобий ҳал этилган тақдирда, ОТМ ректорининг буйруғи билан талаба дарсларга қўйилади ҳамда ушбу талаба илгари таълим олган ОТМга унинг шахсий йиғма жилдини жўнатиш учун сўровнома юборилади.
5️⃣: 1 октябргача
Контрактдагилар тўловни ўз вақтида амалга оширганидан кейин талабалар сафига қабул қилиш тўғрисидаги буйруқ чиқарилади.
Баҳорги семестр бўйича
6️⃣: 15 январдан 25 январгача
Талабалардан аризалар қабул қилиш
7️⃣: 25 январдан 15 февралгача
Аризалар юзасидан қарор қабул қилинади ва фуқарога жавоб хати йўлланади.
8️⃣: 15 февралдан 25 февралгача
Узрли сабаблар билан баҳорги семестрда кўчириш масаласи ижобий ҳал этилган тақдирда, ОТМ ректорининг буйруғи билан талаба дарсларга қўйилади ҳамда ушбу талаба илгари таълим олган ОТМга унинг шахсий йиғма жилдини жўнатиш учун сўровнома юборилади.
9️⃣: 1 мартгача
Контрактдагилар тўловни ўз вақтида амалга оширганидан кейин талабалар сафига қабул қилиш тўғрисидаги буйруқ чиқарилади.
Кейинги постларда ўқишни кўчириш тўғрисида ариза бериш тартиби ва шартлари ҳақида маълумот беришга ҳаракат қиламан.
Каналга уланиш:
👉 @xushnudbek 👈
-
2019-05-06 22:15:39+00:00
«Рамазон мавъизалари» лойиҳаси
#ramazon
Рамазон. 2-кун. «Руҳий тарбия» туркумидан. Манманлик.
Муаллиф: Шайх Муҳаммад Содиқ Муҳаммад Юсуф
Манба: islom.uz
Каналга уланиш:
👉 @xushnudbek 👈
-
2019-05-06 11:41:23+00:00
Жакарта-Тошкент авиақатнови йўлга қўйилиши муносабати билан Индонезия пойтахтида бўлиб ўтган тадбирда индонезияликлар Ўзбекистон мадҳиясини ўзбек тилида куйлашибди.
Ўзимизникилар эса ўзбек тилида гапиришдан ор қилиб, рус тилига расмий мақом беришни талаб қилиб юрибди...
👉 @xushnudbek 👈
-
2019-05-06 11:18:14+00:00
Ўзбекистон “Чегара билмас мухбирлар” ноҳукумат ташкилотининг сўз эркинлиги рейтингида 53,52 кўрсаткич билан 160-ўринга эгаллади. Икки йил олдин 169-ўринда эдик, ўтган йили эса 165-ўринда.
Ҳисоботда ўзбек журналистлари сўнгги икки йилда мажбурий меҳнат ва коррупция каби долзарб мавзуларда ёза бошлагани, бироқ медиа соҳасида ҳали ички цензура кучли экани таъкидланган.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги раҳбари Комил Алламжонов ўзининг Facebook’даги саҳифасида ёзишича, бу — мамлакатда сўз эркинлигини таъминлаш, журналистларни қўллаб-қувватлаш борасида қилинадиган ишлар ҳали кўп дегани. Оммавий ахборот воситаларини ҳимоя қилсак, далда берсаккина ўткир мавзулар қаламга олинади.
Тожикистон рейтингда ўтган йили 149-ўринда эди, бу йил эса 161-ўринда. Россия ҳам ўтган йилгига нисбатан битта поғона йўқотган — 149-поғона. Қирғизистон эса рейтингини 15 поғонага яхшилаган — 83-ўрин.
“Мазкур ҳисобот ўзимизга тутилган ойна — сўз эркинлиги бўлмаган юртда ривожланиш ва тараққиёт ҳам бўлмайди. Бугунги сиёсат, бугунги ислоҳотлар эса ана шу сўз ва матбуот эркинлигига чамбарчас боғлиқ”, дейди Комил Алламжонов.
-
2019-05-06 08:01:15+00:00
Ўқишни кўчириш (перевод) масаласида
Талабалардан ҳар куни ўқишни кўчиришга оид жуда кўп саволлар келиб тушади. Ҳар бирига алоҳида жавоб бериб чиқиш имконим йўқ, шу сабабли мазкур мавзуга оид туркум маълумотларни навбати билан бериб боришга ҳаракат қиламан.
Шунингдек, #ўқишникўчириш орқали маълумотлар билан танишиб боришингиз мумкин.
Бир таълим шаклидан бошқасига ўқишни кўчирса бўладими?
Бу энг кўп бериладиган саволлардан бири. Масалан, кундузгидан кечкига ўтказса бўладими, сиртқидан кундузгигачи ва ҳ.к.
Ҳа, бир таълим шаклидан бошқасига ўқишни кўчириш мумкин, лекин барча ҳолларда ҳам эмас. Қуйида бирма-бир кўриб чиқамиз.
👉 Кундузги таълимдан қуйидагиларга кўчириш рухсат этилади:
• кундузги;
• сиртқи;
• кечки (сменали).
Кундузги таълимдан махсус сиртқига кўчириб бўлмайди.
👉 Сиртқи таълимдан рухсат этилади:
• сиртқи (фақат бир таълим соҳаси доирасида);
• кечки (сменали).
Сиртқи таълимдан кундузги ҳамда махсус сиртқи таълимга кўчириб бўлмайди.
👉 Кечки таълимдан рухсат этилади:
• кечки таълим (фақат бир таълим соҳаси доирасида);
• кундузги.
Кечки таълимдан сиртқи ҳамда махсус сиртқи таълимга кўчириб бўлмайди.
👉 Махсус сиртқи таълимдан бошқа таълим шаклига кўчириб бўлмайди, ўз навбатида бошқа таълим шаклларидан махсус сиртқига кўчириш талаби ҳам рад этиш учун асос бўлади. Фақат махсус сиртқида бир таълим соҳаси доирасидагина кўчиришга рухсат этилади.
👉 Шунингдек, мақсадли қабул қилинганлар бошқа таълим йўналиши ёки таълим шаклига, бошқа ОТМга кўчира олмайди.
👉 @xushnudbek 👈
-
2019-05-06 04:00:54+00:00
Эътиборингизга Дилфуза Комил муаллифлигидаги Хабар.уз нашрида эълон қилинган мақолани ҳавола қиламан:
«Халқдан уялмайдиган раҳбарлар бор экан, душманнинг кераги йўқ
...Бир вилоятнинг травмотология шифохонасида биттагина лифт бор, холос. Ундан фақат оғир аҳволдаги беморларгина олиб чиқилади. Ҳатто оёғини синдириб олганлар ҳам бешинчи қаватга қадар зинадан чиқишга мажбур. Агар ҳушидан кетиб қолиш хавфи бўлса, лифтдан фойдаланиши мумкин, йўқса...
Шу вилоятнинг молия бошқармасига боринг: бинонинг ҳашаматига оғзингиз очилади. Молия ходимлари бўлмиш ёш-ёш йигитчалар учинчи қаватга ҳам Германиядан келтирилган антиқа лифтда кўтарилишади (бу лифтдан фойдаланиш учун оғир аҳволда бўлиш ёки ҳушдан кетиш шарт эмас).
Савол туғилади: шу ҳашаматлар учун ана ўша - лифт етишмагани учун бешинчи қаватга қадар қўлтиқтаёқда чиқишга мажбур бўлаётган халқ вакиллари тўлаган солиқлардан фойдаланилганми? Табиийки, фойдаланилган. Бу – адолатсизликнинг энг хунук кўриниши эмасми?
Токи амалдорлар халқдан уялмас экан, халқ билан ҳисоблашмас экан, бизга бошқа душман шарт эмас. Битта кўзини ёғ босган, халқдан узоқ амалдор юртга зарар келтириш бўйича четдан келадиган мингта ёвнинг ўрнини боса олади.
Эслатма: Мабодо ўша вилоят қайси эканини била олмаётган бўлсангиз, ўз худудингиз касалхонасига боринг. Лифт йўқми, демак бу гап ўша вилоятга тегишли».
Мақола тугади.
P.S.: халқ, яъни солиқ тўловчилар, ўз солиқларининг ҳисоботини баралла сўрашни бошлаши керак. Бундан сира тортиниш, хижолат бўлиш ёки қўрқиш керак эмас. Бу Сизнинг мутлоқ ҳаққингиз. Мана шунақа жамоатчилик назорати орқалигина жамият янада ривожланади. ИМҲО.
👉 @xushnudbek 👈
-
2019-05-05 22:46:37+00:00
«Рамазон мавъизалари» лойиҳаси
Каналимизнинг қадрли аъзолари!
Муборак Рамазон ойининг ўзгача шукуҳидан баҳраманд бўлиш мақсадида ҳар куни саҳарлик вақтида ибратли маъруза жойлаб боришга қарор қилдик.
Бунинг учун фазилатли Шайх Муҳаммад Содиқ Муҳаммад Юсуф ҳазратларининг 2007 йилги Рамазон ойида «Руҳий тарбия» туркумидан қилган маърузалари танланди.
Лойиҳа Сизларга манзур ва фойдали бўлади умиддамиз.
Рамазон. 1-кун. «Руҳий тарбия» туркумидан. Кибр.
#ramazon
Манба: islom.uz
Каналга уланиш:
👉 @xushnudbek 👈
-
2019-05-05 14:23:19+00:00
Рамазон тақвими-2019
Эртага муборак Рамазон ойининг илк куни. Барча диндошларимизга ушбу фазилатли ойда Аллоҳнинг фарзини мукаммал адо этиб, онадан қайта туғилгандай гуноҳларидан фориғ бўлиб чиқишларига тилакдошман. Яратган тутмоқчи бўлган рўзаларимизни даргоҳида қабул қилсин, илоҳим.
Керак бўлиб қолади деган мақсадда Рамазон тақвимини жойлаяпман.
👉 @xushnudbek 👈
-
2019-05-05 07:46:34+00:00
Юқоридаги фикрларни давом эттириб: танганинг иккинчи томони
Мавзу ўта нозик ҳамда миллатлараро тотувликка раҳна солиши мумкинлигини ҳисобга олиб, энг аввало мазкур вазиятда турли қутқуларга учмаслик, хотиржам бўлиш энг тўғри йўл, менимча. Масалан, ушбу чиқиш ортидан рус миллатига нисбатан ҳурматсизлик қилиш ҳам ақлли инсоннинг иши эмас. Умуман бу мавзу миллатчилик урушига айланиб кетмаслиги керак.
Аммо бунинг ортидан ўз муаммоларимизни муҳокама қилиб олсак ёмон бўлмасди. Яъни рус тилининг ўрни ҳақида эмас, ўзбек тилининг ўринсизлиги ҳақида демоқчиман.
Бир жиҳатга эътибор беринг. Агар исталган бошқа тилга расмий мақом берилишини сўрашганда, бизнинг реакциямиз қандай бўларди? Бирор киши буни жиддий қабул қилмасди, шундайми? Бунга жавобан интернет ҳазилларга тўлиб кетарди, мемлар ясаларди, жиддий баёнотлар берилмасди.
Лекин нега рус тили ҳақида гап кетса, бунчалар ҳадик билан қабул қиляпмиз? Нега раҳбарлардан тортиб жамоат арбобларигача кескин чиқишлар билан жавоб беришмоқда?
Биринчидан, салкам 1 асрлик мустамлакачи мамлакатнинг тили бўлгани учун ҳам рус тилига расмий мақом бериш масаласини мустақиллигимизга қаратилган хавф сифатида қабул қиляпмиз. Ҳали СССРнинг барча унсурларидан тўла холос бўла олмаган, қарамлик тузумини қумсовчи авлоднинг сони кўп, обрўси баланд бўлган бир шароитда бу ростдан ҳам хавотирли.
Иккинчидан, тан олишимиз керакки, кўп соҳаларда рус тилининг мавқеи ўзбек тилидан баландроқ. Буни инкор қилиш инсофдан эмас. Айнан шунинг учун ҳам рус тили ҳақидаги чиқишлар ҳақиқатга яқинроқ кўриниб, хавотирга тушишни бошладик.
Айниқса, ўз соҳамдан келиб чиқиб айтаманки, қонунчилик соҳасида рус тили тотал ҳукмронликка эга. Бу ҳақда аввал бир неча бор ёзгандим (1, 2, 3, 4, 5, 6, 7, 8)
Ана, regulation.gov.uz порталига киринг, энг муҳим ҳужжатлар муҳокамаларга русча матнда эълон қилинади, фақат ижтимоий тармоқлардаги норозиликлардан кейингина айримларини ноилож таржима қилиб жойлаштиришмоқда.
Юристлар орасида ёзилмаган қоида бор, агар бирор қонундаги бандни тушуниш қийин бўлса, «русча матнида нима дейилган?» деб сўрашади. Чунки ҳамма биладики, қонун ҳужжатларининг русча варианти оригинал, ўзбекчаси эса шунчаки таржима бўлади.
Lex.uzда эса «ҳужжат матни рус тилида берилган» ёки «иловалар рус тилидаги матнда берилган» деган жумлаларга жуда ва жуда кўп дуч келамиз.
Энг юқори ташкилотлар ўртасидаги ёзишмаларда ҳам рус тили ҳукмрон. Айрим давлат ташкилотларининг сайтларини айланиб чиқсангиз ҳам рус тили мутлоқ устунликка эгалигини кўрасиз.
Буни шунчаки авлодлар билан боғлашга кўникиб қолганмиз, токи мустақиллик авлоди юқори доираларга чиққанда ўз-ўзидан бу нарсаларга чек қўйилади ва тўлиқ ўзбек тилига ўтилади, деб ўзимизни ишонтириб келамиз. Чунки ҳақиқатдан ўзбек тилидан бошқа тилни деярли билмайдиган авлод шаклланиб келяпти.
Лекин авлодлар алмашинувини кутишимиз шартми? Нега шуни бугундан бошлай олмаймиз? Қимматли вақтни йўқотаётганлигимиздан айрим гуруҳлар ўз манфаатлари йўлида фойдаланиб қолиши мумкинлигини балки энди тушуниб етармиз?
Тил давлатнинг тўлақонли мустақиллиги белгиларидан бири эканлигини яхши биламизку ахир.
Рус тили бўйича чиқиш қилган зиёлилар аслида бизга кўзгу тутишди. Ўз аксимизни кўриб, ўзимиз уялиб кетдик, чамамда.
Бас шундай экан, ҳар соҳада ўзбек тилининг мавқеини ошириш бўйича қилинаётган ишларни жадаллаштириш керак. Аммо бу зинҳор эркин сўзлашувда қайсидир тилга чеклов ёки тақиқлар қўйиш орқали амалга ошмаслиги керак. Ҳар ким ўзи истаган тилда бемалол мулоқот қила олиши лозим.
P.S.: ишни энг аввало лотин ёзувига тўлиқ ўтиб, аросатда юрган тилимизни қутқаришдан бошлаш керак. Бунинг учун эса қонун доирасида тезроқ лотин ёзувини ислоҳ қилишга эҳтиёжимиз бор. Ўзбек тили ва адабиёти университетидаги ишчи гуруҳ аллақачон бу бўйича таклифларини парламентга юборганидан хабардормиз. Аммо ҳозирги депутатлардан бирор умид кўрмаяпман, балки янги сайланадиган депутатлар таркиби ўз ишини энг биринчи шундан бошласа не ажаб.
👉 @xushnudbek 👈
-
2019-05-05 04:02:51+00:00
Тил масаласидаги чиқишлар юзасидан баёнот
Бир гуруҳ ўзини зиёли деб атаган юртдошларимиз рус тилига расмий мақом берилишини сўраб мурожаат қилгани ҳақида хабарингиз бўлса керак. Уларнинг бу чиқишини бошида жиддий қабул қилмадим. СССРда туғилган, ўша даврда эсини таниган, ҳалигача Ленинни доҳий, Сталинни ўзининг раҳнамоси деб билиб, Амир Темурни каллакесар қароқчи сифатида қабул қиладиган, русларни ўзининг буюк оғаси сифатида тан оладиган, умрида эплаб ўзбекча гапирмаган 20 нафар атрофидаги ёши кекса инсонларнинг бундай чиқишини нега ҳам жиддий қабул қилиш керак? Боз устига мурожаат эълон қилинган Вести.уз сайти Россия манфаатларига хизмат қилиши барчага маълум, аввал ҳам провакацион чиқишлар қилганди.
Хуллас, буларга аччиқ қилиб (ёки бургага), кўрпа ёқмаслик, уларнинг провакациясига учиб жазавага тушмасликни маъқул кўргандим. Лекин вазият тобора чигаллашиб, ўша гуруҳ вакиллари хорижий нашрларга интервьюлар бериб, ҳадларидан ошишмоқда, яъни ўзбек халқига нисбатан ҳурматсизлик қилишгача боришмоқда.
Халқ таълими вазири Шерзод Шерматовнинг баёнотида таъкидланганидек, «Индамаслик - розилик аломати» деб қабул қилишмоқда шекилли?
Йўқ, асло бундай эмас! Бизнинг индамагинимиз азбаройи уларни юртдошларимиз сифатида ҳурмат қилиб, уларнинг сўз эркинлигига қарши чиқмаганлигимиздандир. Аммо бу уларнинг кулгили ва мантиқсиз иддаоларини қўллаб-қувватлаймиз дегани эмас.
Улар унутмасинларки, бу юрт ва унинг тили русларгача ҳам бўлган ва уларсиз ҳам дунё тургунча бўлади, иншааллоҳ.
Улар унутмасинларки, ўзбек тили шу миллатнинг ғурури ва ифтихори эрур ҳамда уларнинг миллат шаънини ерга уришга йўналтирилган бу чиқишлари фаросатсизлик намунасидир.
Улар унутмасинларки, Ўзбекистонда рус тилидаги мулоқотлар, ёзишмалар, муносабатлар бўлиши худди қозоқ, тожик, қирғиз, татар ва бошқа тиллар билан бўлгани каби, ўша миллат вакилларини ҳурмат қилишимиздандир ва бу ўзбеклар шовинист халқ эмаслигининг намунасидир, аммо бу бағрикенгликни оёқ ости қилишлари ноўриндир.
Бу менинг, ўзини Сизлар каби зиёли деб ҳисоблайдиган халқ вакилининг сўзлари.
Яна бир бор айтаман, биз Сизларни ватандошларимиз сифатида ҳурмат қиламиз, сизларнинг сўз эркинлигингиз учун, фикр ва хоҳишларингизни эркин ифода эта олишларингиз учун керак бўлса жонимизни берамиз. Аммо бу ҳуқуқни суиистеъмол қилишга, бу эркинликни миллатнинг устидан кулишга йўналтиришингизни ҳазм қила олмаймиз. Азбаройи шу сабаблигина мазкур баёнотни беришга мажбур бўлдик.
Хушнудбек Худайбердиев,
05.05.2019, Тошкент, Ўзбекистон.
👉 @xushnudbek 👈
-
2019-05-04 16:55:32+00:00
КАДРЛАР СИФАТИНИ ФАҚАТ ИШ БЕРУВЧИЛАР ХОЛИС ВА ТЎҒРИ БАҲОЛАШИ МУМКИН!
Сўнгги беш йил ичида кадрлар масаласида Сизнинг идора(ташкилот)нгиз билан фаол алоқада бўлиб келаётган олий таълим муассасаларини танлаб, битирувчиларининг сифатига баҳо беринг.
Сўровномага қуйидаги линк орқали киришингиз мумкин
https://forms.gle/PUeF28rnpKgqvvis7
Сўровномада иштирок этиш муддати 2019 йил 31 майга қадар.
Сизнинг берган жавобларингиз Таълим инспекцияси томонидан қатъий сир сақланади ва унинг натижалари фақат умумлаштирилган ҳолда ишлатилади. Бизга, муҳими, ОТМларнинг кадрлар тайёрлаш сифати ҳақида Сизнинг холис фикрингиз керак. Шу сабабли сўровнома саволларига тўғри ва холисона жавоб беришингизни илтимос қиламиз.
👉 @xushnudbek 👈
-
2019-05-04 14:07:10+00:00
«Юксалиш» умуммиллий ҳаракати баёноти
Сўнгги пайтларда ижтимоий тармоқларда рус тилига Ўзбекистонда расмий тил мақомини бериш ҳақидаги мунозаралар юзасидан
Маълумот учун: ЮНЕСКО ташкилоти экспертлари 1953 йилда “давлат тили” ва “расмий тил” тушунчаларини фарқлашни таклиф этган. Унга кўра:
Давлат тили - сиёсий, ижтимоий ва маданий соҳаларда маълум бир давлатда интеграция (бирлаштирувчи) вазифасини амалга оширадиган, шунингдек ушбу давлатнинг рамзи саналадиган тилдир.
Расмий тил – давлат бошқаруви, қонунчилик, суд жараёни тилидир.
Ушбу икки таъриф тушунтириш-тавсия сифатида қабул қилинади, барча мамлакатлар учун мажбурий эмас.
Ўзбекистон – кўп миллатлик давлат. Республикада 130 дан ортиқ миллат ва элат вакиллари истиқомат қилади.
Ўзбекистон аҳолисининг 80 фоиздан ортиғини ўзбеклар ташкил этиб, уларнинг умумий аҳоли сонидаги улуши мунтазам ошиб бормоқда. Шунингдек, бошқа миллатларнинг катта жамоалари ҳам мавжуд. 10 фоиздан ортиғи – Марказий Осиё халқларининг бошқа вакиллари (5 фоизга яқини – тожиклар, 3 фоизга яқини – қозоқлар, 2 фоизи – қорақалпоқлар, 1 фоизи - қирғизлар, шунингдек туркманлар ва бошқалар). Рус ва бошқа славян халқлари вакиллари республика аҳолисининг 10 фоизини ташкил қилади.
Ўзбекистон Республикасининг “Давлат тили тўғрисида”ги Қонунига (янги таҳрир) мувофиқ, Ўзбекистон Республикасининг давлат тили ўзбек тилидир. Ўзбек тилига давлат тили мақомининг берилиши республика ҳудудида яшовчи миллат ва элатларнинг ўз она тилини қўллашдан иборат конституциявий ҳуқуқларига монелик қилмайди. Фуқаролар миллатлараро муомала тилини ўз хоҳишларига кўра танлаш ҳуқуқига эгадирлар.
Шунингдек, иш юритиш ва кундалик фойдаланишда тилларни танлаш ва ишлатиш билан боғлиқ муаммолар мавжуд эмас. “Давлат тили тўғрисида” ги Қонунга биноан корхоналарда иш юритиш ва бошқа ҳужжатлар, нотариал ҳаракатлар давлат тилида амалга оширилади, зурур ҳолларда рус тилида ёки бошқа тилларда амалга оширилиши ҳам мумкин. Ўзбекистон Республикаси ҳудудида яшовчи шахсларга давлат ташкилотлари ва муассасаларига, жамоат бирлашмаларига аризалар, таклифлар, шикоятлар билан давлат тилида ва бошқа тилларда мурожаат қилиш ҳуқуқи таъминланади.
Давлат тили ҳамда замонавий Ўзбекистон ҳудудида кенг тарқалган ва ҳуқуқий мақомига ўзгартиришлар киритилган рус тили билан бир қаторда ҳудудларда бошқа тиллардан ҳам фойдаланиб келинади. Мисол учун, Қорақалпоғистон Республикасида қорақалпоқ тили ҳам расмий тил ҳисобланади. Фарғона вилоятининг Сўх туманида эса аҳолининг аксар қисми этник тожиклар бўлиб, у ерда тожик тилида таълим олиб борилувчи 24 та мактаб, 2 та лицей ва 2 та касб-ҳунар коллежи мавжуд. Сурхондарё, Самарқанд, Бухоро, Наманган ва бошқа ҳудудларда тожик тилидаги ОАВ, мактаблар, лицейлар, касб-ҳунар коллежлари ва олий таълим муассасаларининг бўлимлари фаолият кўрсатмоқда. Тошкент ва Навоий вилоятларида, шунингдек, Қорақалпоғистон Республикасида қозоқ тилида ўқитиладиган мактаблар ва олий таълим муассасаларининг бўлимлари мавжуд. Хоразм вилояти ва Қорақалпоғистон Республикасида туркман тилида таълим берилувчи мактаблар фаолият кўрсатмоқда.
Юқорида келтирилган ҳақиқатларни ҳисобга олган ҳолда, “Юксалиш” умуммиллий ҳаракати маълум бир тилга Ўзбекистон ҳудудида махсус мақом берилишини мақсадга мувофиқ деб ҳисобламайди. Четдан кириб келаётган ҳар қандай хорижий тил таъсири она тили ва миллий маданиятга соя солиши мумкин.
Бундан ташқари, кўп миллатли Ўзбекистонда юридик жиҳатдан маълум бир тилга давлат тилига тенг бўлган махсус мақом берилиши жамиятда қандайдир даражада кескинлик, унинг бўлиниши ва этник қарама-қаршиликларни юзага келтириши мумкин.
👉 @xushnudbek 👈
-
2019-05-04 11:20:59+00:00
Олий суд судьялари таркиби янгиланди
4 май куни Олий Мажлис Сенатининг 19-ялпи мажлисида «Ўзбекистон Республикаси Олий суди таркибига ўзгартиришлар киритиш тўғрисида» Сенат қарори қабул қилинди.
Унга кўра, қуйидагилар Олий cуднинг судьяси лавозимига сайланди:
10 йил муддатга
Абдулло Садуллоевич Аллаев
Кароматжон Худайбергановна Давлетова
Алишер Абдухалимович Жалилов
Гулнора Ахатовна Парпиева
Шухрат Эсанбаевич Ражабов
Сарварбек Азимжонович Рахмонов
Камолиддин Суннатович Толлибаев
Эркин Одилович Эргашев
Махмуд Уразбоевич Эшимбетов
Хуршид Абдувахобович Эшмуратов
Муддатсиз даврга
Анвар Хамидович Шукуруллаев
Хасан Сунатиллаевич Эгамбердиев
Қуйидагилар бошқа ишга ўтганлиги муносабати билан Олий суднинг судьяси лавозимидан озод этилди:
Кудратилло Мирабдуллаевич Бабаев
Умидахон Адхамовна Имомова
Зафар Сафарбоевич Назаров
Нодиржон Турсунболтаевич Ражабов
Ушбу Қарор қабул қилинган кундан эътиборан кучга киради.
👉 @xushnudbek 👈
-
2019-05-04 10:46:10+00:00
Нострификация қилинмаган диплом билан ишласа бўладими?
Кечаги мавзуни давом эттириб, айтиш эсимдан чиққан бир жиҳатига тўхталмоқчиман.
«Дипломим ўтадими?» деб сўрайдиганларга доим бир саволни бераман: «Қаерда ишламоқчисиз ўзи?».
Чунки иш жойига қараб дипломни нострификация қилиш шарт ёки шарт эмаслиги фарқланади.
Вазирлар Маҳкамасининг 2017 йил 4 октябрдаги 795-сон қарори билан тасдиқланган хизматчиларнинг асосий лавозимлари ва ишчилар касбларининг классификаторида қайси лавозимга қайси таълим даражаси талаб қилиниши белгилаб қўйилган. Масалан, қайсидир лавозимга олий маълумот керак, қайсидирига ўрта махсус даража ҳам етарли, айримлари учун эса умуман маълумот даражасига талаб қўйилмайди.
Аммо бир нарсани билишингиз керакки, ушбу классификатор фақат давлат ташкилотлари, хўжалик бошқаруви органларида, шунингдек устав капиталида давлат улуши 50 фоиздан ортиқ бўлган ташкилотларда қўлланилиши мажбурий ҳисобланади, бошқа ташкилотлар учун эса — тавсия хусусиятига эга.
Бу нима дегани?
Масалан, бир давлат ташкилотига А. исмли шахсни координатор лавозимига ишга олишмоқчи. Классификаторда ўша лавозимга олий маълумот талаби қўйилган. А. исмли шахс Ўзбекистонда коллежни тугатиб, кейин хорижий ОТМда ўқиган, олий маълумоти бор. Лекин унинг дипломи ҳали нострификация қилинмаган. Бундай ҳолатда А.нинг дипломи Ўзбекистонда тан олинмаганлиги сабабли, уни давлат ташкилотидаги олий маълумот талаб қилинадиган лавозимга ишга олиб бўлмайди.
Энди худди шу А. исмли шахс иш сўраб хусусий компания ёки фирмага мурожаат қилди. Бундай вазиятда классификатор хусусий ва нодавлат сектор учун мажбурий эмаслиги сабабли, бемалол А.ни координатор сифатида ишга қабул қилиш мумкин. Буни раҳбарнинг ўзи ҳал қилади. Дипломи нострификациядан ўтганми, ўтмаганми, маълумоти борми, йўқми, фарқ қилмайди, агар ўша ходим унга керак бўлса, бемалол ишга олаверади. Бу қонунга хилоф эмас.
Фақат қонун билан белгиланган талаблар амал қиладиган айрим лавозимлар бор, ўшаларгагина истисно ҳолат бўлиши мумкин. Масалан, аптекада фармацевтикага оид олий маълумот талаб қилинади ва ҳ.к.
Шу сабабли хорижда олган дипломим ўтадими, деган саволга жавоб излаш учун энг аввало қаерда ишламоқчи эканлигингизни аниқлаштириб олсангиз ёмон бўлмасди.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2019-05-04 10:45:47+00:00
Хорижда олинган дипломлар Ўзбекистонда ўтадими?
Хорижда ўқиётган ёки ўқиб келган юртдошларимиздан «бизнинг дипломимиз Ўзбекистонда ўтадими?» деган жуда кўп саволлар келиб тушади. Айниқса, яқинда нострификацияга оид Президент қарори қабул қилингандан кейин, бундай саволлар янада кўпайди. «Биз ўқиган университет TOP-1000 га кирмаса, энди дипломимиз ўтмайдими?» дея сўрашмоқда.
Шунга кўра, бу бўйича қисқа тушунтириш бериб ўтмоқчиман.
Нострификация ўзи нима?
«Нострификация» сўзи лотинча «noster» - “бизники” ҳамда «facere» - “қилмоқ” сўзларидан олинган. Амалда ушбу атама хорижда берилган дипломларни давлат даражасида тан олиш, эквивалентлигини қайд этишни билдиради.
Нострификация қандай олинади?
Бир нарсани билишингиз керакки, хорижда олинган ҳар қандай диплом Ўзбекистонда тан олиниши учун нострификация қилиниши керак.
Хорижий дипломларни нострификация қилишнинг 2 хил йўли бор: бири махсус синовлар асосида, иккинчиси тўғридан-тўғри (махсус синовларсиз).
Қайси дипломлар махсус синовларсиз нострификация қилинади
Қуйидагилар:
1) Халқаро шартномалар, Президент ва Ҳукумат ҳужжатлари асосида хорижий давлатларда таълим олган;
2) Президент ва Ҳукумат ҳужжатлари билан Ўзбекистонда фаолият юритаётган хорижий давлатларнинг ОТМларида таълим олган;
3) хорижий давлатлар томонидан ажратилган квоталар (грантлар)га мувофиқ вазирликларнинг йўлланмалари асосида таълим олган;
4) халқаро рейтингларда TOP-1000 талик кирган ОТМларнинг дипломлари.
TOP-1000 ОТМлар рўйхати ҳақида мана бу ерда ёзганман.
Агар Сиз ўқиган ОТМ юқоридаги 4 та рўйхатга тушмаса, демак, дипломингиз махсус синовдан кейингина Ўзбекистонда тан олинади.
Нострификация учун қандай ҳужжатлар зарур?
- диплом ва илованинг асли (ариза қабул қилингандан сўнг эгасига қайтарилади);
- диплом ва иловани аслини давлат (ўзбек) тилига таржима қилиб нотариусдан тасдиқлангани (2 нусхада);
- паспорт ва нусхаси;
- давлат божи тўланганлиги ҳақидаги квитанция (ЭКИҲ 2 баробари – ҳозир 405460 сўм).
Ҳужжатларни топшириш онлайн тизимида амалга оширилади.
❗️ЭСЛАТМА: Бир нарсани яхшилаб англашингиз керакки, хорижда олинган барча дипломлар ҳам автоматик нострификация қилинмайди. Бунинг ўзига яраша тартиби ва имтиҳони бор.
Хусусан, қуйидаги ҳолларда нострификация бўйича салбий хулоса (рад этиш) қабул қилинади:
- хорижий давлатларда профессионал маълумот тўғрисида ҳужжат берадиган таълимнинг умумий меъёрий даври (тўлиқ ўрта маълумот олингандан кейин) Ўзбекистон Республикаси таълим стандартларида назарда тутилган даврдан бир йилдан кам бўлса (масалан, уч йиллик олий таълим);
- таълим тўғрисидаги ҳужжат берилган мамлакатда унинг эгасига Ўзбекистондагига қараганда кам академик ва (ёки) профессионал ҳуқуқлар берилган бўлса (масалан, ҳужжат эгаси олий ўқув юртларига, магистратура ёки докторантурага кириш, профессионал фаолият билан шуғулланиш ҳуқуқига эга эмаслиги);
- маълумот Ўзбекистон қонунчилигида кўзда тутилмаган таълим шаклида олинган бўлса;
- муайян (ижтимоий соҳа, педагогика, тарих ва ҳуқуқ) таълим йўналишларининг хусусиятидан келиб чиқиб, ўзлаштирилган ўқув фанлари ҳажми ва дарс соатлари миқдори Ўзбекистоннинг давлат таълим стандартларига мувофиқ белгиланган тартибда тасдиқланган намунавий ўқув режанинг 55 фоизидан кам қисмини ташкил қилса.
Қўшимча ва батафсил маълумотлар
Вазирлар Маҳкамаси ҳузуридаги Таълим сифатини назорат қилиш давлат инспекцияси:
Расмий сайт: www.tdi.uz
Тел: (+99871) 231-07-53 (+99871) 277-11-79 (ички тел 1021;1022)
Электрон манзил: nostr@tdi.uz
Қабул кунлари: Сешанба, Пайшанба 10-00 дан 17-00 гача
👉 @xushnudbek 👈
-
2019-05-04 06:57:19+00:00
Тавсия қиламан: буни охиригача эшитиш керак!
Ўткир Ҳошимовнинг «Дунёнинг ишлари» қиссасидан парча:
«Нега мен пора беришим керак, нега?
Порани ҳаром одам беради, билдингми?
Порани ҳаром одам олади, билдингми?
Порани иймонсиз одам иймонсиз одамга беради, тушундингми?
Нега мен пора беришим керак? Нега мен иймонимни сотиб порахўрга ялинишим керак? Нега?! Нега?!
Йўқ, мен пора бермайман.
Қамасин! Тўпига солиб, отиб юборсин! Пора бермайман!»
Манба: МТРК
👉 @xushnudbek 👈
-
2019-05-03 18:02:23+00:00
Республика фан олимпиадаларига оид Президент қарори қабул қилинди
Шавкат Мирзиёев «Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида»ги қарорга имзо чекди. Унга кўра:
👉 Халқ таълими вазирлигида 14 та штат бирлигидан иборат Фан олимпиадалари бўйича иқтидорли ўқувчилар билан ишлаш департаменти ташкил этилади;
👉 эндиликда фақат халқаро олимпиадалар ғолиблари ОТМларга тест синовисиз ва қўшимча имтиҳонсиз қабул қилинади. Айнан бундай имтиёз берадиган халқаро олимпиадалар рўйхати тасдиқланди;
👉 республика миқёсида ўтказиладиган асосий фан олимпиадалари ғолибларини имтиҳонсиз ОТМга қабул қилиш тизими бекор қилинади. Эндиликда асосий олимпиадаларнинг республика босқичида 1-3 ўринларни эгаллаган иштирокчиларга ихтисослик фани бўйича ОТМларга кириш имтиҳонларида максимал балл олиш ҳуқуқини берувчи ва уч йил муддат давомида амал қилувчи сертификат тақдим қилинади;
👉 халқаро олимпиадалар ғолиблари ва уларнинг ўқитувчилари энг кам ойлик иш ҳақининг қуйидаги миқдорларида бир марталик пул мукофотлари билан тақдирланади:
1-ўрин (олтин медаль) учун – 500, ўқитувчисига –450 баравари;
2-ўрин (кумуш медаль) учун – 300, ўқитувчисига –250 баравари;
3-ўрин (бронза медаль) учун – 200, ўқитувчисига –150 баравари;
👉 асосий олимпиадалар республика босқичи ғолибларининг ўқитувчилари ЭКИҲнинг қуйидаги миқдорларида бир марталик пул мукофотлари билан тақдирланади:
1-ўрин учун – 50 баравари;
2-ўрин учун – 35 баравари;
3-ўрин учун – 30 баравари;
👉 халқаро олимпиадалар ғолибларини тайёрлаган ўқитувчилар ва таълим муассасаси директорларига навбатдаги ўқув йили учун директор жамғармасидан олтин, кумуш ва бронза медаллари бўйича тегишинча қўшимча 200, 175 ва 150 фоизлик устама тўланади;
👉 таълим муассасаларида ўқитувчи бўлиб фаолият юритаётган:
халқаро олимпиадалар ғолиблари лавозим маошига ҳар ой 150 фоиз;
асосий олимпиадалар республика босқичи ғолиблари лавозим маошига ҳар ой 100 фоизлик устама ҳақи тўланади;
👉 олий таълим муассасасини тамомлаган олимпиада ғолиблари «Эл-юрт умиди» жамғармаси томонидан шакллантириладиган истиқболли мутахассислар захирасига киритилади;
👉 2019/2020 ўқув йилидан бошлаб умумий ўрта таълим мактабларининг 4-11 синф, академик лицей ва касб-ҳунар коллежлари ўқувчилари учун ҳар чоракда онлайн тарзда олимпиадалар ташкил қилиш орқали иқтидорли ўқувчилар захирасини шакллантирилади;
👉 ўқувчи ёшларнинг халқаро олимпиадалардаги иштирокини таъминлаш билан боғлиқ, шу жумладан, суткалик, яшаш ва транспорт харажатлари Ўзбекистон ёшлар иттифоқининг Ривожлантириш жамғармаси маблағлари ҳисобидан қопланади;
👉 олимпиадаларнинг вилоят ва республика босқичи нодавлат нотижорат ташкилотлари ҳамда ОАВ вакиллари иштирокида ўтказилиб, Халқ таълими вазирлиги веб-сайти орқали онлайн тарзда тўғридан-тўғри намойиш этилади;
👉 олимпиадалар очиқ ва шаффоф тарзда ўтказилиши, натижалари улар ўтказилган куннинг ўзида эълон қилинади;
👉 барча босқичдаги олимпиада натижалари, шу жумладан, иштирокчилар тўғрисида маълумот, уларнинг ёзма ишлари тўлиқ ахборот тизимига киритилади ва ХТВ веб-сайтида эълон қилинади.
Ажойиб, жуда ажойиб! Изоҳга ҳожат йўқ!
👉 @xushnudbek 👈
-
2019-05-03 13:40:14+00:00
Кун ҳазили:
Баъзан айрим ўта жиддий мавзуларда ёзилган кескинроқ танқидий мақоладан кейин журналист ва блогерларни мана шу қушга ўхшатса бўлади 😂
👉 @xushnudbek 👈
-
2019-05-03 10:39:17+00:00
Блогер Шаҳноза Тўрахўжаева ўзининг Телеграм каналида бугунги сана муносабати билан қуйидаги постни эълон қилди, уни тўлиғича тақдим этамиз:
====
«Ушбу постни бир йил аввал фейсбукда ёзган эканман. Бу йил бироз бошқачароқ ― байрам йўқ, шекилли а?
БУГУН ЖУРНАЛИСТЛАР БАЙРАМИ ЭМАС
Бугун халқаро СЎЗ ЭРКИНЛИГИ КУНИ!
Бу ерда мантиқий урғу "сўз эркинлиги"га тушади. Ва бу кун ҳеч қандай байрам-пайрам эмас, рост сўз, мустақил фикр, танқидий дунёқарашни ҳимоя қилиш ва рағбатлантириш кунидир.
1991 йилда ЮНЕСКО ҳурфикрлилик, матбуот эркинлиги ва плюрализмни ҳимоя қилиш мақсадида 3 майни Халқаро сўз эркинлиги куни деб белгилади.
2000-йилларда Ўзбекистонда бу кун бошқача ўтарди: турли анжуманлар, йиғилишларда сўз эркинлиги муаммолари роса муҳокама қилинарди. Карим Баҳриев, Бобомурод Абдулла каби журналистларнинг ўша пайтлардаги нутқлари ёдимда. Кейин...
Кейин нималардир ўзгариб кетди, бу кун байрамга айлантирилди, журналистларни энг яхши ундай мақола, энг яхши бундай лавҳа учун тақдирлашлар бошланди, муаммони гапириш ўрнига ютуқларни кўз-кўзлашга буриб юборилди. Хуллас, 3 май эркин сўз айтувчилардан мукофотли сўз айтувчиларга олиб берилди.
Дунёга боқинг ва ўзимизга қаранг: бошқалар шу куни соҳа муаммоларини гапирадилар, биз эса тантана билан мукофот топширамиз. Бошқалар рост сўзи учун жабр кўрганларни қўллаб-қувватлайдилар, биз эса рост гапни ҳаммадан ҳам дўндириб қўйгандек бир-биримизни табриклаймиз.
Аслида сўз эркинлиги, ҳурфикрлилик Конституциямиз томонидан кафолатланадиган олий ҳуқуқлардан. Демак, бу маълум бир касбга эмас, ҳаммага бирдек тааллуқли кун.
Бугун касб байрами эмас, ҚАДРИЯТ куни. Шундай экан, журналистларни эмас, доим ўз фикрига эга ва ўзига етадиган зарардан қатъи назар уни айта оладиганлар, шу туфайли доим шумшук ва ёқимсиз кўринса-да, алалоқибат ўзгаришларга, тараққиётга сабаб бўладиган ҳар бир кимсани табрикланг, агар шундайларни топа олсангиз.
Мен эса эркин фикри учун қатағон қилинган аждодларимни, рост сўзи учун қамоқхоналарга ташланган, қийналган, ўлдирилган барча инсонларни эслайман, ўшалар ҳақига дуо қиламан.
Тўғри сўзни қадрлайдиган, эркин фикрга йўл очиб берадиган, уни эшита ва қабул қила оладиганларни, шунга тоқати етадиганларни дуо қиламан.
Журналистларни 27 июнда қутларман.»
====
Пост тугади.
P.S.: 3 май расман «Бутунжаҳон матбуот эркинлиги куни» (World Press Freedom Day) сифатида эълон қилинган бўлса-да, одатда ушбу кун мазмунан айнан сўз эркинлигини ўзида ифодалайди.
👉 @xushnudbek 👈
-
2019-05-03 07:13:24+00:00
«Чўнтак адвокатлари» ҳақида: Президент қарорининг ижроси нима учун кечикяпти?
Яқинда ижтимоий тармоқларда Молия вазирлиги департаментининг бош иқтисодчиси айтган бир факт кенг муҳокама бўлди. Айтилишича, Зангиота туманида бир адвокат 2 январь куни бир кунда 162 одамга хизмат кўрсатган экан.
Бунақалар «чўнтак» ёки «дежурный» адвокатлар дейилади. Қуйидаги мақолада давлат бу каби «чўнтак» адвокатларига қачон ва қанча миқдорда ҳақ тўлаши ҳақида ёзганман. Мақоланинг охиридан парча келтираман, сайт орқали тўлиқ ўқиб олишни тавсия қиламан:
«Муаммонинг ечими борми?
Бундайин «чўнтак» адвокатлари борлиги, афсуски, жиноят-процессуал қонунчилигининг оғриқли нуқталаридан биридир. Сабаби бу каби ўз ҳимояси остидаги шахсларнинг тақдирига мутлақо қизиқмайдиган, уларни ҳимоя қилиш учун зиғирча ҳаракат ҳам қилиб қўймайдиган, асосийси терговчи кўрсатган жойга имзо қўйишдан нарига ўтмайдиган қўштирноқ ичидаги «адвокатлар» мисоли жамиятдаги адолат тизимини кемириб ётган кемирувчилардир. Улар адвокатура институтига нисбатан халқ орасида ишончсизлик келтириб чиқаради ва энг асосийси ҳалол ҳамда ўз касбининг фидойиси бўлган бошқа адвокатларни иснодга қўяди.
Аслида муаммонинг ечими учун илк қадамлар ташлаб бўлинган. Аниқроқ айтадиган бўлсак, ўтган йилнинг 12 май санасида «Адвокатура институти самарадорлигини тубдан ошириш ва адвокатларнинг мустақиллигини кенгайтириш чора-тадбирлари тўғрисида»ги ПФ-5441-сонли Президент қарори қабул қилинган эди.
Мазкур қарор билан тасдиқланган адвокатура институтини янада такомиллаштиришга доир комплекс чора-тадбирлар дастурининг 14-бандида гумонланувчи, айбланувчи ва судланувчига давлат ҳисобидан ҳуқуқий ёрдам кўрсатувчи адвокатни автоматик равишда танлаш бўйича махсус электрон тизимни жорий этиш вазифаси белгиланган.
Бу нима дегани?
Ҳозирги тартибга кўра, суриштирувчи, терговчи, прокурор ёки суд ҳимоячи тайинлаш тўғрисида сўров юборганда (қоғозда), Адвокатлар палатасининг ҳудудий бошқармаси томонидан белгиланадиган адвокатлик тузилмаси раҳбари 4 соатдан кечиктирмай жиноят иши бўйича ҳимоячининг иштирокини таъминлайди. Яъни мана шу жойда инсон фактори муҳим роль ўйнайди. Терговчи қайси адвокатни хоҳласа, ўшани чақириб олиш имконияти бор. Адвокатлар палатаси қайси адвокатлик тузилмасини танлашни, адвокатлик тузилмаси раҳбари эса қайси адвокатни «дежурка»га юборишни ўзи белгилайди. Уларнинг истаклари имкониятлари билан ҳамоҳангдир. Инсон фактори аралашган жойда эса, нималар бўлишини ўзингиз яхши билсангиз керак.
Президент қарорида таклиф этилаётган тизим эса ушбу жараёнда инсон факторини четга суради, тасодифий танлашга асосланган махсус электрон тизим автоматик равишда шу ишда қайси адвокат қатнашишини белгилаб беради. Бу биринчидан шаффофликни таъминласа, иккинчидан адвокатлар ўртасида тенгликни юзага келтиради. Қайсидир адвокат 1 кунда 162та, яна бошқа бири 162 кунда 1та давлат томонидан ҳақ тўланадиган ишга тайинланишига чек қўйилади.
Президент қарори ижроси нега 5 ой кечикмоқда?
Хўп, тизимку яхши экан, лекин унинг ижроси қачон бўлади?
Агар Президент қарорига назар ташласак, мазкур банд учун ижро муддати 2018 йил 1 декабрь этиб белгиланган. Қарор қабул қилинганига салкам 1 йил бўлди, белгиланган муддат ўтиб кетганига эса 5 ойдан ошди. Аммо ҳали-ҳануз бу тизим ишга тушгани йўқ.
Қарорда мазкур тизимни яратишга масъул сифатида Адвокатлар палатаси ва Адлия вазирлиги белгиланган. Қизиқ, ушбу икки ташкилот нима учун Президент қарорида белгиланган топшириқнинг ижроси 5 ойдан кўпроқ вақтга кечикаётгани ва ўзи бу тизим қачон амалиётга жорий этилиши ҳақида бирор изоҳ берармикин?»
https://kun.uz/97952338
👉 @xushnudbek 👈
-
2019-05-03 06:58:55+00:00
«Ўзбекистон темир йўллари» Деҳқонободдаги тупроқ кўчиши юзасидан ахборот берди
Қашқадарё вилоятида 30 апрель куни соат 21:25 да «Тошғузор—Бойсун—Қумқўрғон» тоғ темир йўлининг 103-километридан 081-сонли «Сариосиё—Тошкент» йўловчи поезди ўтаётган вақтда кўчки юз берган.
«Газета.уз»нинг «Ўзбекистон темир йўллари» компаниясининг ахборот-таҳлил мультимедиа марказига асосланиб хабар беришича, ҳодиса «Оқработ—Чашмаиҳофизон» участкасида, «Оқработ» станциясидан 8 километр масофада юз берган.
Ўнг томондан поезд йўналиши бўйлаб тупроқ кўчиши оқибатида учта вагоннинг ҳаракати тўхтаб қолган. Поезд бригадасининг тезкор ҳаракатлари билан йўловчилар поезднинг ҳаракатни давом эттирган бошқа вагонларига ўтказилган. Йўловчилардан ҳеч ким жабрланмаган. Шахсий буюмлар ва ҳужжатлар кейинроқ эгаларига етказилган.
22:10 да поезд барча йўловчилари билан «Деҳқонобод» станциясига етиб келган. Ҳодиса жойида тўлиқ техник кўрик ўтказилган. Йўловчиларни қўшимча жойлаштириш учун иккита йўловчи вагони уланган ва шундан сўнг поезд ўз манзили томон йўлга чиққан.
Ҳозирги вақтга келиб темир йўл қайта тикланган, юк ва йўловчи поездларининг қатновлари одатдаги тартибда амалга оширилмоқда. Компаниядан маълум қилишларича, кўчки бўлган жой «Ўзбекистон темир йўллари» мутахассислари томонидан назорат қилинмоқда.
Аввалроқ ёнбошлаб қолган йўловчи вагонларининг сурати эълон қилинган эди. «Ўзбекистон темир йўллари» вакилларининг таъкидлашича, суратда таъмирлаш-тиклаш ишлари олиб борилаётган вазият акс этган.
Эслатиб ўтамиз, апрель ойи бошида кучли ёғингарчилик оқибатида «Оқработ—Деҳқонобод» участкасида поезд остидаги тупроқ чўккан эди. Ҳодиса оқибатида ҳеч ким жабрланмаган, бироқ икки тепловоз йўлга тиқилиб қолган эди. Йўл ўша куниёқ қайта тикланган эди.
Бир савол бор-да: ахборот берилгани учун раҳмат, лекин, бериларкан, нега 30 апрель куни юз берган ҳодиса ҳақида дарҳол ахборот берилмади, а?
https://t.me/joinchat/AAAAAD63OEHkQHOlfdglMg
-
2019-05-03 05:25:03+00:00
Командировкага кетган раҳбар. Муаммога айланган CEFR
Юқоридаги мавзуни яна давом эттириб...
Шу кунларда ДТМ томонидан ўтказиладиган CEFR имтиҳонлари абиуриентларнинг асосий муаммосига айланган. Энг ёмони бу – аросат! Чет тиллари билан боғлиқ ҳозирги ҳолат эса абитуриент ва уларнинг ота-оналарини аросатда қолдирган. B1 ёки B2, шудир масала. IELTS ўтадими йўқми, бу ҳам номаълум.
Келинг, яхшиси муштарийларнинг айрим мулоҳазалари билан танишамиз:
Бир масала юзасидан мурожаат қилаётган эдим. Можаро мазмуни мени қизларим СЕФРга регистрация қилинаётганда, кириш имтиҳонларида В1 сертификат ўтадими ёки В2 сертификат ўтадими, шу масала аниқ эмас эди. Шунинг учун ДТМ ҳаммани В1/В2 деб регистрация қилдирган. Шундай деб биз пул тўлаганмиз. Ўша пайтда бизга айтилганки, агар В1 сертификат ўтса, В1 га топширасизлар, В2 ўтса, В2 сертификатига имтиҳон топширасизлар дейилган. Кеча 1 май куни қизларим В1 га имтиҳон топшириб чиқишди, имтиҳон топшириб бўлганларидан кейин В1 сертификат ўтмайдиган бўлди, фақат В2 ўтар экан дейишибди. Энди биз В2 сертификат учун қайта рўйхатдан ўтиб, сертификат олишга улгурмаймиз. Биз мажбур В1 топширдик, В2 ҳоҳлаган эдик ўзимиз. Қизим яқинда IELTS 7 олганди, бу ҳам ўтмас экан дейишяпти. Одамлар норози, гап-сўз кўпайган, ҳеч ким аниқ бир гап айта олмаяпти.
Бу ота-оналар вакилининг эътирози. Энди бевосита абитуриентлардан бирининг гапига қулоқ тутамиз:
Assalomu alaykum, Xurmatli Xushnudbek aka. CEFR imtihoni haqida bitta savol bilan murojaat qilmoqchi edim! Bugun 2 may kuni soat 8:30 B1 darajasi uchun imtihon topshirishim kerak edi. Lekin, auditoriyaga kirganimizda bizga B2 darajasi berildi. Arizada yozganimda B1 yozganman, lekin birinchi blok uchun yangi qaror chiqarilsa B2 ga o'zgartiriladi deyilgandi. Lekin, bu narsa imtihon topshirishdan 10 minut oldin B2 toshirasilar deb aytishdi. DTM ma'sul xodimlari aytishicha birinchi blok uchun B2 bo'lishi haqida qaror tayyormushu, lekin Vazirning xizmat safarida bo'lgani uchun qo'l qo'yilmapti! Auditoriyada 10-15 kishi buni eshitib hayron qoldik. Qogan barcha B2 deb kirgan ekan. Savol: shu qaror chiqmasidan oldin bizga B2 uchun imtihon olishlari mumkinmi? DTM xodimlari agar kim norozi bo'lsa imtihondan chiqib ketishi, B1 qilib bermasliklarini aytishdi. Majbur B2 Ollohga tavakkal qilib ishlab chiqdik! Shu haqida Kanalingizda aniqlik kiritib berishingizni iltimos qilib qolaman!..
“Командировка” ҳақидаги гаплар 1 ёки 2 кишига эмас, CEFR имтиҳонига кираётган юзлаб абитуриентларга айтилган. Ҳатто айрим каналларда мана шу командировка бўйича сўровномалар ҳам ўтказиляпти (расмга қаранг).
Қизиқ, хизмат сафари қанча вақт давом этиши мумкин, ахир лойиҳа киритилганига бир неча ой бўлдику. Мутасаддилар шунақа масалаларни аввалроқ ташкил қилиб, халқ орасида норозиликлар келиб чиқишининг олдини олса бўлмасмиди? Нимага ҳар доим бунақа ислоҳотларни оёғимиз бир этикка тиқилганда, типирчилаб, шоша-пиша қиламиз? Яна қанча кутиш керак, ҳеч бўлмаса шуни айтишсин. 3 кун, 1 ҳафта, 1 ой?
P.S.: «таълимми ёки чигит» деган танловда бугунги кунда чигитни танлаётганимизни ҳаммамиз яхши биламизку, ўзимизни алдаб нима қилдик... Буюк келажак 🤷♂️
👉 @xushnudbek 👈
-
2019-05-03 05:18:32+00:00
CEFR ва IELTS масаласи қачон ҳал бўлади?
#муштарийдан_савол
Ta'lim tizimidagi aniq va hammani qiynayotgan real masalaga etiboringizni tortmoqchiman. Hammamizga malumki chet tillarini bilish darajasini aniqlash boshqarmasi tomonidan tashkil etilgan CEFR imtihoni orqali abiturientlarga imtiyoz berish o'tgan yildan joriy etildi, bu yilga kelib esa oxiri yo'q yo'lga kirib qolgandek, tizimdan regstratsiyadan o'tgan talabgorlar qanaqadur qaror qabul qilinishini kutib bekorga vaqt sarflamoqda
Илгари ҳам бир ёзгандим, қабул жараёнларида абитуриентларнинг билимига бевосита таъсир этадиган ўзгаришлар камида 1 ўқув йили олдин эълон қилиниши керак. Ёки жуда бўлмаганда 1 январгача албатта тасдиқланиши зарур. Имтиҳонга қисқа муддат қолганда киритилган ўзгаришлар муаммони кўпайтиради.
Масалан, айрим йўналишлар учун фан блокларининг алмашишини олайлик. Бундай ўзгаришларни имтиҳонга 4-5 ой қолганда эмас, ааанча аввал айтиш керак эмасми? Балки бир фанни бошқасига алмаштириш биз учун оддий ҳол бўлиб кўринар, лекин бу абитуриентлар учун қай даражада улкан машаққат ва муаммо келтириб чиқаришини билганимизда эди...
Ёки юқоридаги масалани олайлик. IELTS каби халқаро сертификат олган абитуриентларга ҳам тестда максимал балл берилиши ҳақидаги қарор лойиҳаси ўтган йили ноябрь ойида эълон қилинганди. Лекин бугунгача тасдиқланмади. Бу эса абитуриентларда иккиланиш ва тушунмовчиликларни кучайтирмоқда. «IELTS сертификатим бор, шу ўтадими ёки CEFR ҳам олишим керакми?» деган савол абитуриентлар учун ҳақиқий бош оғриқ бўлиб турибди.
ДТМ вакиллари ҳам матбуот анжуманларида «қарор тез орада қабул қилинади», дейишдан нарига ўтмаяпти. Уларни ҳам тўғри тушунса бўлади, демак, лойиҳа аллақачон Вазирлар Маҳкамасига киритилган ва қачон у ердан тасдиқланиб чиқишини ўзлари ҳам билишмайди. Кутишдан бошқа иложи йўқ. Худди нима қилишини билмай боши гангиб юрган минглаб абитуриентлар каби.
Хўш, қачон тасдиқланади ўша қарор? Ўзи тасдиқланиши аниқми? Кимдир изоҳ бера оладими?
Ўтган сафар шу саволни берганимда тез орада, шу кунларда дейишганди, лекин шунга ҳам салкам 1 ой бўлибди. Майли, кутаверайликчи, ишқилиб бу қарор воқеаси ҳам ўтган йили Дипломатия университетига қабул қилиш тартиби тестга 3 кун қолганда тасдиқлангани каби бўлмаса бўлди.
👉 @xushnudbek 👈
-
2019-05-02 16:44:18+00:00
Судга келмаётган «паспорт стол»
Айтганча, бугун Яшнобод туман маъмурий судида Тошкент пропискасига оид 2 та суд иши белгиланган эди.
1-масала: янги уй сотиб олиб, 1-банд билан пропискага кирган шахс ўзининг оиласи бор фарзандини пропискага олиб кириш учун ариза берган, лекин «паспорт стол» буни рад қилган. Шу бўйича дастлабки суд муҳокамаси бўлиб ўтибди. Томонларнинг важлари тингланибди.
(муаммо ҳақида батафсил)
2-масала: 3 киши биргаликда умумий мулк ҳуқуқи асосида янги уй сотиб олган, лекин «паспорт стол» пропискага қўйиб беришни ҳеч бир асоссиз чўзиб юрибди. На қаноатлантиради, на рад қилади. Ушбу масала юзасидан фуқаролар судга мурожаат қилган.
(муаммо ҳақида батафсил)
Лекин энг қизиғи 2 сафардан буён, яъни 29 апрелда ҳам, 2 майда ҳам Яшнобод туман миграция бўлимидан судга ҳеч ким келмаган. Масалан, бугун бир кунда, деярли олдинма-кейин бўлган суд мажлисларининг биринчисига кириб, иккинчисига кирмай кетиб қолишибди. Боз устига иккала ишга ҳам битта судья раислик қилмоқда, эшитмай қолган бўлиши эҳтимолдан йироқ. «Паспорт стол» нега келмаяпти?
Чунки тахминимизча, 1-масала юзасидан «паспорт стол»нинг қўлида ИИВ Бошқармасининг кўрсатмаси бор. Гарчи ўша кўрсатма қонун ҳужжатларига зид бўлса-да, ҳар ҳолда миграция бўлими шуни важ қилиб кўрсата олади, қўлида қоғози бор.
2-масала бўйича эса, уларнинг қўлида ҳеч нарса йўқ. Катта эҳтимол билан оғзаки топшириқ бўлган ва шунинг учун улар атайин пропискага киритишни чўзиб юришибди. Балки шунинг учун бўлса керак, 2 сафардан буён судга келишмаётгандир. Ким билсин яна.
Ажойиб! Суд ҳокимиятининг ҳурматини қаранг!
«Чақирсанг, чақиравер, биз барибир бормаймиз» дейишмоқчими бу билан? Наҳотки суд туман миграция бўлими бошлиғини (вакили) мажбурий келтира олмаса? Ёки улар 1 йил келмаса, суд 1 йил кутадими?
Майли, кутайликчи, нима бўларкин. Иккала масала бўйича ҳам кейинги суд мажлиси 7 май (сешанба) кунига белгиланган.
P.S.: шунчаки эслатиб қўймоқчи эдим, Маъмурий жавобгарлик тўғрисидаги кодекснинг 180-моддасига биноан, суд мажлисига чақирилган шахсларнинг судга келишдан қасддан бўйин товлаши судга ҳурматсизлик деб баҳоланади ва энг кам иш ҳақининг бир бараваридан уч бараваригача миқдорда жарима солишга сабаб бўлади.
👉 @xushnudbek 👈
-
2019-05-02 13:22:10+00:00
2019 йилда энг юқори инфляция қайд этилиши кутилаётган давлатлар рўйхати. Ўзбекистон учун 16% прогноз қилинмоқда.
(Халқаро валюта фонди маълумоти асосида)
👉 @xushnudbek 👈
-
2019-05-02 10:43:51+00:00
Қашқадарёнинг Деҳқонобод туманидаги «Чашмаиҳофизон» темирйўл станцияси яқинида 1 майга ўтар кечаси «Ўзбекистон темир йўллари»нинг «Деҳқонобод—Бойсун—Қумқўрғон» йўналишида ҳаракатланаётган йўловчи поезди вагонлари рельсдан чиқиб кетган. Тасдиқланмаган маълумотларга кўра, ағдарилган вагонларнинг йўловчилари автобусда ташилган. Ҳодиса ҳақида расмий ахборот берилмаган, жабрланувчилар ҳақида маълумот (ҳозирча) йўқ, - деб хабар бермоқда @daryo_live.
Аввалроқ Деҳқонобод тумани Оқработ қишлоғи яқинидаги темирйўл чўккани, оқибатда поезд локомотивлари йўлга тиқилиб қолгани ҳақида хабар берилган эди. Йўл тинимсиз ёққан ёмғирлар оқибатида юмшаб, ўпирилган эди.
👉 @xushnudbek 👈
-
2019-05-02 08:43:53+00:00
Бир қанча муштарийлар менга ҳам кассаларда совуқ сув учун қиммат нархларда тўловларни қабул қилишаётгани ҳақида айтишмоқда.
Истеъмолчилар бу нархлар 10 майдан кучга кириши кераклиги, Монополияга қарши курашиш қўмитасининг шундай кўрсатмаси борлигини айтишса, кассадаги ходимлар бунақа буйруқ уларга келмагани ва ҳеч қанақа 10 май ҳақида эшитмагани, шу сабабли қиммат нархларда тўлов қилишлари кераклигини таъкидлашаётган экан.
Бу нима, шунчаки кўзбўямачиликми? ОАВда бир-биридан чиройли чиқишлар, амалиётда эса тешик тоғора.
Антимонополия қўмитаси бирор чора кўрадими бунга? Ёки бир марта баёнот бериб қўйилди, қолганига амаллаб 10 майга етволинса бўлдими?
«Қўйей, Нортой, мен сени ёнингни олиб ўтирибман-а...» ©
👉 @xushnudbek 👈
-
2019-05-02 08:33:44+00:00
Тошкентда совуқ сув учун тўловлар 10 майдан кучга кириши лозим бўлган нархларда қабул қилинмоқда
Тошкент шаҳрининг банк кассаларида совуқ сув учун тўловлар оширилган нархларда қабул қилинмоқда. Бу ҳақда «Дарё» мухбири хабар бермоқда.
Кассирларнинг сўзларига кўра, совуқ сув учун тўловларни янги нархларда қабул қилиш бўйича буйруқ 24 апрель куни чиқарилган, ушбу буйруқ ҳозир ҳам амал қилмоқда.
25 апрель куни «Сувсоз» корхонаси Тошкентда 24 апрелдан совуқ сувнинг нархи оширилгани ҳақида маълум қилганди. 26 апрель куни эса Монополияга қарши курашиш қўмитаси ушбу ҳолатга муносабат билдирганди.
Қўмита ахборотига кўра, табиий монополия субъекти ҳисобланган «Сувсоз» корхонаси янги нарх (тариф)лар ҳақида улар кучга киришидан камида 15 кун аввал ОАВда эълон қилиниши лозимлиги тўғрисидаги қонунчилик талабига риоя этмаган.
Шу боис «Сувсоз»га янги нарх (тариф, махсус устама)ларни 10 майдан амалга киритилиши лозимлиги тўғрисида кўрсатма берилган. Қўмита кўрсатмаси «Сувсоз» томонидан бажарилмаган тақдирида, корхонага чоралар қўлланилиши билдирилган эди.
Шундан сўнг, 30 апрель куни «Сувсоз» расмий сайтида янгиланган нарх (тариф)лар 10 майдан амалга киритилиши ҳақида маълумот берилган эди.
Шунга қарамай, кассаларда совуқ сув учун тўловлар 24 апрелдан бери оширилган нархларда қабул қилинмоқда.
https://t.me/joinchat/AAAAAD63OEHkQHOlfdglMg
-
2019-05-02 04:48:37+00:00
Май ойида Ўзбекистонликлар неча кун дам олади?
Май ойида дам олиш кунлари бўйича ҳеч қандай ўзига хослик йўқ.
Ҳафтасига 5 кун ишлайдиганлар одатдагидек шанба-якшанба кунлари, 6 кунликлар якшанба куни дам олишади.
Фақат 9 май (пайшанба) куни бутун Ўзбекистон учун ишланмайдиган байрам куни бўлади.
9 май арафасида 8 ёки 10 май кўчирилмайди. Одатдагидек, иш куни бўлади.
Демак, май ойида:
5 кунлик иш ҳафтасидаги ходимлар жами 9 кун (4-5, 9, 11-12, 18-19, 25-26 май);
6 кунлик иш ҳафтасидаги ходимлар жами 5 кун (5, 9, 12, 19, 26 май) дам олишади.
https://kun.uz/92836662
👉 @xushnudbek 👈
-
2019-05-01 18:33:43+00:00
⚡️РАСМАН
«Муборак рамазон ойини муносиб тарзда ўтказиш тўғрисида»
Ўзбекистон Республикаси Президентининг қарори
Тобора ривожланиб, чирой очиб бораётган жонажон Ватанимизда миллий ва диний қадриятларимизга бўлган ҳурмат ва эътиборни янада мустаҳкамлаш, эл-юртимиз учун азалдан эзгулик, саховат, меҳр-мурувват рамзи бўлиб келаётган муборак Рамазон ойини муносиб ўтказиш, ушбу ойда ислом динининг тинчлик, бағрикенглик, шукроналик каби олижаноб ғоялари ҳамда инсонпарварлик моҳиятини кенг тарғиб қилиш мақсадида:
1. 2019 йил муборак Рамазон ойининг бошланиши 6 май кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилинсин.
...
Ўзбекистон Республикаси
Президенти Ш.МИРЗИЁЕВ
Тошкент шаҳри, 2019 йил 1 май
Қарорнинг тўлиқ матни
👉 @xushnudbek 👈
-
2019-05-01 13:49:10+00:00
ОТМларга қабул бошландими?
❗️Жавоб: ЙЎҚ!
Айрим каналларда 1 майдан ОТМларга қабул бошлангани, яъни аввалги йилларда ўқишга кира олмаган абитуриентлар 1 майдан 20 июнгача ҳужжатларини топшириши мумкинлиги ҳақида ёзишмоқда.
Бу нотўғри маълумот. Ҳозирча қабул жараёнлари бошлангани йўқ.
Унда қачон бошланади?
Айнан қачон бошланишини билмадим-у, лекин бунинг учун энг аввало 2 та ҳужжат қабул қилиниши керак:
1) Президент қарори билан 2019/2020 ўқув йили учун қабул квоталари тасдиқланиши керак. Яъни қайси ОТМда қайси йўналишлар учун нечта жой ажратилгани аниқ бўлмасдан туриб, қабул жараёнлари бошланмайди;
2) Вазирлар Маҳкамасининг қарори билан қабул жараёнларига ойдинлик киритувчи янги тартиб тасдиқланиши керак.
Масалан, бу йил қабул жараёнларида кўплаб ўзгаришлар ҳақида гапирилмоқда: 3та ОТМни танлаш имконияти, ҳужжатларни давлат хизматлари маркази орқали ёки онлайн топшириш, аввалги йилда «йиқилганлар»нинг 202 минг сўм тўлов тўлаши, 3 йилга ўтадиган балл сертификати берилиши, IELTS каби сертификатларга ҳам максимал балл берилиши - хуллас, жуда ва жуда кўп янгиликлар ҳақида гапирилмоқда. Лекин буларнинг барчаси - ЛОЙИҲА!
Бугунги кунгача қабулга оид ҳукумат қарори қабул қилинмади, шу сабабли ушбу ўзгаришлар расман кучга эга эмас. Қачон тасдиқланишидан хабарим йўқ.
Шу сабабли ҳам «1 майдан ОТМларга қабул бошланди» деган хабарларга ишонманг. Ва Президент ҳамда Ҳукумат қарорлари имзоланишини кутинг. Сабр қилинг.
P.S.: қабулга оид ҳужжатларнинг кам муддат қолганда ёки кечикиб тасдиқланиши азалий одат биз учун. Тарки одат эса амри маҳол. Катта эҳтимол билан, май ойининг ўрталарида имзоланадиган ВМ қарорида «1 майдан ҳужжатлар қабул қилинсин» деб ёзилса ҳам сира ҳайрон қолмайман.
Қабулга оид янгиликлардан хабардор бўлиб бориш учун обуна бўлинг:
👉 @xushnudbek 👈
-
2019-05-01 11:17:25+00:00
Минерал сувларга импорт божи оширилишига оид изоҳ
Юқорида давлат божхона қўмитаси минерал сув импортига божхона божларини оширишни таклиф қилаётгани ҳақида ёзилган эди. Маълум бўлишича, мазкур қарор айнан «Боржоми» сувига таъсир қилмайди.
Сабаби эркин савдо тартибини назарда тутувчи битимлар имзоланган эркин савдо зонасини ташкил этиш тўғрисидаги битим иштирокчилари бўлган давлатлар (келиб чиқиш мамлакати тўғрисидаги сертификати бўлса) импорт божхона божидан озод этилади. Бундай давлатлар сони 10 та бўлиб, ушбу ҳужжат Адлия вазирлиги томонидан 1998 йил 8 апрелда 429-сон билан рўйхатга олинган. Улар қуйидагилар:
1. Беларусь
2. Грузия
3. Қозоғистон
4. Қирғизистон
5. Молдова
6. Россия
7. Туркманистон
8. Украина
9. Тожикистон
10. Озарбайжон
Яъни айни мана шу давлатлардан олиб келинадиган табиий ёки сунъий минералли, газланган, шакар қўшилмайдиган ёки бошқа таъм берувчи ёхуд ароматик моддаларга эга сувларга импорт божи ошмайди, қолган барча давлатлардан кирадиган маҳсулотларники эса ошади.
Аммо!
Аммо бу нарса юқоридаги пост моҳиятини мутлақо ўзгартирмайди. Чунки минерал сувларга импорт божини ошириш таклиф қилинаётгани айни ҳақиқат, у қайси минерал сувларга таъсир қилиши эса бошқа масала.
Гап айнан «Боржоми»да ҳам эмас, @daryo_live ва @davletovuz уни «Боржоми»га ўхшаш сувлар» дея шунчаки мисол сифатида келтирган. Ахир Ўзбекистонга минерал сувлар фақат шу 10 та давлатдан келтирилмайдику. Франциядан келтириладиган Evian, Италия бренди бўлган St. Pellegrino минерал сувлари ҳам бор, масалан.
Гап импорт божларининг асоссиз оширилишида ва бу қарор иқтисодчи Юлий Юсупов айтганидек, «бозорда рақобатни заифлаштириб (ва муқаррар равишда маҳсулот сифатини ёмонлаштириб, унинг нархини оширади), контрабанда, яширин иқтисодиёт ва (божхона, чакана ташувда) коррупция даражасини оширишга» олиб келишида. Мана, масала қаерда!
Хориждан олиб кирилаётган минерал сувлар таннархи маъмурий йўл билан оширилаётган бир пайтда соғлом рақобат ҳақида яна қандай гап-сўз бўлиши мумкин, ҳайронман.
Лекин бу ўзгариш катта эҳтимол билан барибир тасдиқланади, дод десак ҳам, вой десак ҳам, фойдаси бўлмайди, менимча. Мана шунақа гаплар.
👉 @xushnudbek 👈
-
2019-05-01 09:46:11+00:00
2019 йил 1 май куни Халқ депутатлари Сурхондарё вилояти кенгашининг навбатдан ташқари сессиясида Шавкат Мирзиёев Сурхондарё вилояти ҳокимининг иқтисодиёт ва тадбиркорлик масалалари бўйича биринчи ўринбосари вазифасида ишлаб келаётган Тўра Боболов номзодини вилоят ҳокими лавозимига тавсия қилди.
Халқ депутатлари қўллаб-қувватловига кўра Тўра Боболов вилояти ҳокими этиб тасдиқланди.
Манба: ЎзА
👉 @xushnudbek 👈
-
2019-05-01 06:21:47+00:00
Хориждан кирадиган минерал сувларга божхона божини оширишмоқчи. Рақобатнинг аҳволини қаранг🤦🏻♂️
Бу ҳақда @daryo_live шундай ёзмоқда:
«Сўнгги кунларнинг қизиқарли сарлавҳаларидан бири шундай жаранглайди: «Давлат божхона қўмитаси минерал сув импортига божхона божларини оширишни таклиф қилмоқда».
Қўмита табиий ёки сунъий минералли, газланган, шакар қўшилмайдиган ёки бошқа таъм берувчи ёхуд ароматик моддаларга эга сувлар учун импорт божларини оширишни назарда тутувчи Президент қарори лойиҳасини тайёрлабди.
Ҳозирда ушбу товарларни Ўзбекистонга олиб кириш бўйича бож 30 фоизни ташкил этади. Қўмита эса бож миқдорини 50 фоизгача оширишни, камига бир литр учун 0,25 долларлик минимал чеклов ўрнатишни таклиф қилмоқда.
Нега десангиз, қўмита буни «соғлом рақобат муҳитини қўллаб-қувватлаш, ички бозорни юқори сифатли истеъмол товарлари билан таъминлаш, маҳаллий ишлаб чиқаришни рағбатлантириш» деб асослаяпти.
Юртимизнинг энг қўрқмас иқтисодиётчиларидан ҳисобланган Юлий Юсупов ва Зафар Ҳошимов минерал сувларга нисбатан импорт божини ошириш ташаббусига қарши фикрлар билдирган.
«Бу қарор бозорда рақобатни заифлаштиради (ва муқаррар равишда маҳсулот сифатини ёмонлаштириб, унинг нархини оширади), контрабанда, яширин иқтисодиёт ва (божхона, чакана ташувда) коррупция даражасини оширади», — деб ёзади Юлий Юсупов.
«Божхона қўмитасидек идоранинг божларни кўтариш ҳаракати айниқса ғалати кўринади ва, агар барча импортлар юқори бож эвазига яна ‘яширин бозор’га ўтса, соғлом рақобат ёки истеъмолчиларни паст сифатли маҳсулотлардан ҳимоя қилиш ҳақидаги асослар бемаъниликдир», — дейди Зафар Ҳошимов.
Мана шунақа. Билдирилаётган фикрлар, бу фикрлардаги қочиримлар, киноялар (тўлиқ ўқинг-да) зўр, албатта. Лекин Божхона қўмитаси ҳам нима қилсин? У ердаги бечоралар ҳам «Боржоми»-ю Evian сувларига қарши қаратилган бу қарор лойиҳасини ўз хоҳиши билан тайёрламагандир?..
Президент февраль охирида Наманганга, аниқроғи, Чортоққа борганди. Ўшанда давлат раҳбари туманда чиқарилаётган минерал сувни Ўзбекистондаги барча боғчалар, ёзги оромгоҳлар, шифохоналар, ижтимоий дорихоналар, супермаркетларга етказиб бериш зарурлиги ҳақида гапирганди.
Президентнинг Чортоққа ташрифидан сўнг яқин вақт ичида «Чортоқ» ичимлик сувини ички бозорда қўллаб-қувватлаш чоралари кўрилиши, хусусан, «Боржоми»га ўхшаш сувлар импорти оптималлаштирилиши мумкинлиги ҳақида гап-сўзлар пайдо бўлганди...»
P.S.: ўзи халқни гигант монопол компаниялар канадай сўриб ётган бир пайтда, уларнинг салбий оқибатига қарши курашиш ўрнига, халққа янада баттарроқ муҳит яратишга интилишаётгани одамни хавотирга солади. Яқиндагина «маҳаллий тадбиркорни қўллаб-қувватлаш» ниқоби остида хорижий машина шиналарига божхона божлари оширилган ва яна алламбало тақиқлар қўйилганди. Бунга қарши аллақачон иқтисодчилар ўз фикрларини билдиришди. Энди эса мана бу қарор лойиҳаси... Кулай десанг, куладиган иш эмас, йиғлай десанг, барибир бефойда.
Таҳрирланди: мазкур қарор айнан «Боржоми» сувига таъсир этмаслиги ҳақида изоҳ берилди.
👉 @xushnudbek 👈