-
2019-06-30 11:19:16+00:00
Ўзбекистон ёшларига байрам табриги
www.president.uz/uz/2690
—
Праздничное поздравление молодежи Узбекистана
www.president.uz/ru/2690
-
2019-06-30 09:55:24+00:00
👉 @xushnudbek 👈
-
2019-06-30 09:38:28+00:00
Дипломатия университети Ҳукумат қарорини писанд қилмайдими?
#abituriyent
Кўпчилик абитуриентлар мурожаат қилиб Жаҳон иқтисодиёти ва дипломатия университетида қабул 30 июнгача эканлиги, кўпчилик ҳали мактаб/коллеж/лицейдан ҳужжатларини олишга улгурмаганини ёзиб қолишди. Ҳайрон бўлдим.
Текшириб кўриш учун ЖИДУ сайтига кирдиму, ҳайратдан ёқа ушладим. Не кўз билан кўрайки, ҳақиқатдан расмий сайтда «ҳужжатлар 30 июнгача қабул қилинади» деб ёзиб қўйилган.
Вазирлар Маҳкамасининг 2018 йил 28 июлдаги 594-сонли Қарори билан тасдиқланган Низомнинг 13-бандида аниқ қилиб ёзиб қўйилган: «Ҳужжатлар олий таълим муассасаларига ўқишга кирадиган абитуриентлардан ҳужжатлар қабул қилиш бошланган кундан 20 кун давомида қабул қилинади».
Майли, ЖИДУдагилар агар 15 га 20 ни қўшишни билишмаган бўлса, ҳеч бўлмаса ўша Вазирлар Маҳкамаси қароридаги бакалавриатига қабул қилиш схемасига қараб қўйишса яхши бўларди. Унда ҳужжатлар қабул қилиш билан боғлиқ 1-босқич ҳар йили 15 июндан 5 июлгача давом этади, деб ёзиб қўйилган.
ЖИДУ раҳбарияти Ҳукумат қарорини писанд қилмайдими? Нима учун бу даражада очиқдан-очиқ қонунсизликка йўл қўйишмоқда? Тағин бу ОТМ халқаро ҳуқуқшуносларни тайёрлаб чиқарадими?
ЖИДУнинг қонунбузарлиги ўтган йилда ҳам кузатилган. Масалан, ўтган йили ҳеч бир асоссиз ҳужжатларни 5 июлда қабул қилишни тўхтатган. Ҳеч бир ҳуқуқий асос ва тартибларсиз абитуриентларни бирламчи суҳбатдан ўтказган. Қонун ҳужжатларини нотўғри талқин қилиш ортидан чет тили бўйича B2 миллий сертификат талаб қилишган ва қилишмоқда.
Нима уларга қонун йўқми? Ҳамма ўзи билганини қиладиган замон келдими?
Расмийлардан бунга муносабат кутиб қоламиз.
👉 @xushnudbek 👈
-
2019-06-30 07:54:51+00:00
30 июнь – Ёшлар куни муносабати билан барча шаҳар ва туманларда тадбирлар ўтказилди. Нурафшон шаҳри Ёшлар марказида бўлиб ўтган маросимда ёш шоира Зилола Шомуродовага Президент совғалари топширилди.
Зилола яқинда юртимиз ҳақида шеър ва самимий тилаклари билдирилган хат ёзиб, Президент Шавкат Мирзиёев номига йўллади. Кўп ўтмай, давлатимиз раҳбаридан Зилола Шомуродовага жавоб хати келди.
Зилоланинг отаси Музаффар Раҳимов устачилик билан шуғулланади, онаси Лобар Қўчқорова уй бекаси.
👉 @xushnudbek 👈
-
2019-06-30 06:11:11+00:00
Бугун, 30 июнь - Ёшлар куни!
Юртимизнинг эртанги куни, келажаги ва ишончи бўлган барча ёшларни байрам билан табриклайман!
#YoshlarKuni #YouthDay #ДеньМолодёжи
👉 @xushnudbek 👈
-
2019-06-29 14:19:37+00:00
Вилоят ҳокими Президент тайинлайдиган вазирларни ҳақорат қилиб турса-я...
Очиғи вилоят ҳокимларининг оғзи шалоқ экан, дейилса унча ҳайрон бўлмаймиз. Қўл остидагиларни жуда кўп раҳбарлар шунақа сўкади, дея кўникиб ҳам ҳатто минг афсуски.
Лекин вилоят ҳокими вазир даражасидаги мансабдорларни ҳақоратлаши биринчи бор жамоатчиликка маълум бўлмоқда.
Ким кимни ҳақорат қилди?
Андижон вилоят ҳокими Шуҳратбек Абдураҳмонов 9 июнь куни вилоят ҳокимлигида ўтказган йиғилиш аудиофайли ОАВга чиқиб кетди. Унда вилоят ҳокими бир қанча мансабдорларни очиқчасига ҳақорат қилганини кўриш мумкин.
Масалан, вилоят ҳокими “Сизга қанча электр керак бўлади?” деб савол берган “электр вазирига” нисбатан “тупойми у?” дея муносабат билдирган. Бунда катта эҳтимол билан Энергетика вазири Алишер Султонов назарда тутилган. Вилоят ҳокими қанча электр кераклигини ҳисоблаб берганини айта туриб, “шунга ақли етмаяпти бу фаросати йўқларнинг” дейди.
Шунингдек, Андижон вилояти ҳокими Соғлиқни сақлаш вазири Алишер Шодмоновни ҳам жиддий ҳақорат қилган. Хусусан, дастлаб вазирга нисбатан “вазирчанг”, “ифлос”, “шакал”, “маймун”, “карранда” деган сўзларни ишлатган.
Шуҳратбек Абдураҳмонов вилоят соғлиқни сақлаш бошқармаси бошлиғига қарата «анави маразинг, вазирчанг, ифлос, кеча менга кеволиб, кетимга пахта қўйиб, ўзи Андижондан чиққан» деган гапларни айтган.
Шундан сўнг жаҳл билан дейди: «Лекин эшитиб ол: бугун ҳокимият менинг қўлимда! Жонингни суғуриб оламан сен ифлосларни!»
Бу ҳоким вазирларни ҳақорат қиладиган даражадаги ҳокимиятни қаердан олди экан, қизиқ?
Ўзи муаммо нимада?
Соғлиқни сақлаш вазирлигининг тепадаги баёнотини ўқидингиз. Унда айтилишича вилоят ҳокимлиги 26,4 млрд. сўмлик (3,1 млн АҚШ доллари) маблағни 3 та нарса (шприц, система ва тиббий қўлқоп) сотиб олишга йўналтирган. Ваҳоланки, бу пулга дори воситалари ва бошқа зарур тиббий буюмлар ҳам олиниши керак бўлган, лекин бундай қилинмаган.
Пулларнинг бу каби нотўғри тақсимланиши натижасида Андижон аҳолисининг дори воситаларига бўлган эҳтиёжи 44,5 фоизга («Актовегин» дори воситасига бўлган эҳтиёж ҳатто 5 фоизга) таъминланган холос. Аммо қўлқоп 265 фоизга, система 103 фоизга ҳамда шприц 500 фоизга эҳтиёждан ортиқ сотиб олинган.
Тасаввур қиляпсизми, аҳолининг дорига эҳтиёжи бўлган бир пайтда, керак бўлмаса ҳам шприц ва қўлқоп сотиб олинаверган. Кимдир шошилинч тиббий ёрдам чақирса, бир чемадон шприц ва қўлқоп билан келишади, лекин ёнида дориси йўқ.
Энг қизиғи вилоят ҳокимлиги 3,1 млн долларлик бу маҳсулотларни қонун талабларини бажармасдан, ҳеч қандай тендер ўтказмасдан сотиб олган экан, ундан ҳам ёмони олинган воситаларга 47та ҳолатда сертификат бериш рад этилган, бошқача айтганда сифатсиз тиббий буюмлар сотиб олинган, - демоқда Соғлиқни сақлаш вазирлиги.
Соғлиқни сақлаш вазири шу ҳақида вилоят ҳокимига хат ёзгани учун “маймун”дан олиб, “шакал”га солиняпти.
Икки кеманинг бошини ушлаганлар
Халқ таълими вазири сифатида Шерзод Шерматов энди иш бошлаган кезлари бор кучи билан халқ таълими тизимини ҳокимлар чангалидан қутқариб, тўғридан-тўғри вазирликка бўйсунадиган қилишга сарфлади ва буни уддалади, дейиш мумкин. Чунки мажбурий меҳнат ва бошқа яна кўплаб беъмани қарорларнинг илдизи тан оламизми, йўқми, узоқ йиллар айнан маҳаллий ҳокимларга бориб тақалар эди.
Андижон вилояти ҳокими Шуҳратбек Абдураҳмонов мажлисда вилоят соғлиқни сақлаш бошқармаси бошлиғига қарата бир гапни айтди: «икки томонга ўйнаяпсан, сен ифлос».
Ҳа, ростдан ҳудудлардаги ташкилотларнинг иккитадан раҳбари бор. Ҳам ҳудуд бўйича ҳокимнинг қош-қовоғига қарайди, ҳам юқори турувчи ташкилот сифатида вазирлигига бўйсунишга мажбур. Доно халқимиз эса билиб айтган: “чўпон кўп бўлса, қўй ҳаром ўлади”.
Айрим ҳокимлар ўша ҳудудни ўз шахсий томорқасидай қабул қилмоқда ва қўл остидагиларининг барчасини қулдай кўради. Истаганда ҳақорат қилади, истаганда калтаклайди. Аслида эса у оддий хизматчи, халқ хизматчиси холос. Унга ўша мансаб бир умрга мерос қилиб берилмаганини унутмаслиги керак.
👉 @xushnudbek 👈
-
2019-06-29 12:06:04+00:00
Андижон вилоят ҳокимининг ҳақоратлари ортидан Соғлиқни сақлаш вазирлиги вазият бўйича баёнот берди
Маълум бўлишича, Андижон вилоят ҳокимлигида 2019 йил 3 январда ўтказилган йиғилиш баёни қарори билан вилоят молия бошқармасига пул маблағларини тиббиёт муассасаларидан йиғиб олиб, вилоят соғлиқни сақлаш бошқармаси ҳисоб рақамига марказлаштириш ҳамда ушбу пул маблағларига тўғридан-тўғри тузилган шартномаларга мувофиқ, шприц, инфузион система ва тиббий қўлқоплар сотиб олиш топширилган.
Ваҳоланки, «Давлат харидлари тўғрисида»ги Ўзбекистон Республикаси қонунига кўра, тўғридан-тўғри шартнома тузиш йўли билан ушбу тиббий буюмларни харид қилиш тақиқланган.
Юқоридаги топшириқ асосида Андижон шаҳрида жойлашган «MAKRO FARM ANDIJON» МЧЖ билан юқоридаги қонун талабларига зид равишда тузилган тўғридан-тўғри шартномалар асосида жами 6,3 млрд сўмлик мувофиқлик сертификати мавжуд бўлмаган шприц ва системалар сотиб олинган.
Худди шундай тартибда топшириқ асосида Андижон шаҳридаги «GOLD GROWN PHARMA» МЧЖдан ноқонуний равишда жами 20,1 миллиард сўмлик мувофиқлик сертификати мавжуд бўлмаган тиббий қўлқоп маҳсулотлари харид қилинган.
Аслида ушбу маблағларга вилоят аҳолисига тиббий хизмат кўрсатиш учун дори воситалари ва бошқа зарур тиббий буюмлар ҳам сотиб олиниши лозим эди.
Бунинг оқибатида, Андижон вилоятида 2018-2019 йилларда шприц, система ва қўлқоплар билан таъминот даражаси зарур эҳтиёждан бир неча марта ортиққа таъминланган, лекин шошилинч ёрдам учун керакли бўлган ва бошқа дори воситалари эҳтиёжга нисбатан бир неча марта кам харид қилинган.
Оддий қилиб айтганда, пул маблағлари нотўғри тақсимланиши ва давлат харидларини амалга ошириш тартиби бузилиши оқибатида ўрганилган ташкилотларда вилоят аҳолисининг дори воситаларига бўлган эҳтиёжи 44,5 фоизга («Актовегин» дори воситасига бўлган эҳтиёж ҳатто 5 фоизга) таъминланган бир пайтда, қўлқоп 265 фоизга, система 103 фоизга ҳамда шприц 500 фоизга эҳтиёждан ортиқ сотиб олинган.
Амалдаги қонун ҳужжатлари талабларига мувофиқ, юқоридаги кўрсатилган тиббий буюмлар мажбурий равишда сертификатлаштирилиши, яъни сифати Ўзбекистонда амалда бўлган стандартларга тўлиқ жавоб бериши шарт эди. Табиийки, бундай сертификати бўлмаган маҳсулотларни сотиш ва ишлатиш умуман мумкин эмас. Лекин шунга қарамай, кўрсатилган ҳолатда бундай сертификати бўлмаган (ҳаттоки 47та ҳолатда бундай сертификат бериш рад этилган) сифатсиз тиббий буюмлар сотиб олинган, - дейди Соғлиқни сақлаш вазирлигининг Юридик бўлими бошлиғи Руслан Муҳаммадиев.
«Ушбу ҳолатлар вазирлик томонидан аниқланганидан кейин дастлаб 2019 йилнинг 13 май куни Андижон вилоят ҳокими номига бу тўғрида расмий хат юборилиб, юзага келган муаммоли масаланинг ечимида амалий ёрдам кўрсатиш сўралган. Вазият бўйича ҳеч қандай ижобий ўзгариш сезилмаганидан кейингина ҳамда вилоят тиббиёт муассасаларида дори воситаларига эҳтиёж кучайиб, дори воситалари таъминоти билан боғлиқ вазият чигаллашишни бошлаганидан кейин (орадан 15 кун ўтиб) жорий йилнинг 28 май куни Ўзбекистон Республикаси Бош прокуратурасига юқоридаги ҳолат бўйича тўпланган материаллар юборилган ва масаланинг оқилона ечимини топишда амалий ёрдам кўрсатиш сўралган.
Таъкидлаш керакки, Ўзбекистон Республикаси Бош прокуратурасига юборилган хатда Андижон вилояти ҳокимлиги ёки ҳоким Шуҳрат Абдураҳмонов ҳақида ҳеч қандай маълумот мавжуд эмас», дейилади Соғлиқни сақлаш вазирлиги Матбуот хизмати маълумотида.
👉 @xushnudbek 👈
-
2019-06-29 09:15:57+00:00
Ҳокимлар ва бюджет ҳақида
Кейинги икки йилда бошланган децентрализация жараёни фақат бюджет маблағларини ҳудудлар ихтиёрида қолдириш билангина чекланиб қолмоқда. Тайинланган, тийиб туриш механизмлари йўқ, амалда фақат давлат раҳбаригагина ҳисобдор бўлган ҳокимлар бундай муҳитда самарали бўлиши мумкинми?
Илгари ҳам ҳокимларнинг ваколати чекланмаган эди, лекин уларнинг пули йўқ эди ва истаймизми йўқми шу ҳолат уларни институт сифатида ишлашга ва ҳеч қурса марказий идоралар олдида тийилиб туришга мажбур қиларди.
Ҳозир-чи? Ҳозир ҳокимлар учун давлат раҳбаригача ёмон гап етиб бормаслиги таъминланса кифоя, чунки тескари реакция бугунги реалликда фақат Президентдан юз бериши мумкин. Яъни ҳокимлар ҳаддидан ошса, фақат Президент уларнинг танобини тортиб қўйиш мумкин.
Қисқа индалло шуки, пул билан таъминланган амалдор, бизнинг шароитда ҳокимлар тийиб туриш ва ҳисобдорлик орқалигина самарали институтга айланади. Акс ҳолда ҳокимлик институти ўрнини ўзига хон, ўзига бек яккаҳоким эгаллайди.
Зеро машойихлар айтганидек, сайланмаган, ҳисобдор бўлмаган, эртага лавозимда қолиш-қолмаслиги фуқароларга боғлиқ бўлмаган амалдорлардан яхшилик кутиш жудаям қийин.
-
2019-06-29 06:43:33+00:00
Аёл ректорлар ҳақида
Сенат раиси Танзила Нарбаева ўзининг Фейсбук саҳифасида Шарқшунослик институтига аёл кишининг ректор сифатида тайинланганини алоҳида эътироф этди ва Гулчеҳра Рихсиева бугунги кундаги ОТМлар орасидаги ягона аёл ректорлигини маълум қилди.
Шарқшунослик институти ректорини жамоага таништириш маросимида Танзила Нарбаевадан ташқари, Президент маслаҳатчиси Абдужаббор Абдувахитов ҳамда Бош вазир ўринбосари Азиз Абдуҳакимовлар ҳам иштирок этган.
Маълумот учун: бугунги кунда ОТМ раҳбари (фақат ректор эмас, филиал директори) сифатида ишлаб келаётган аёл киши бор эди. Тошкент педиатрия тиббиёт институти Нукус филиали директори Атаниязова Орал Аминовна узоқ йиллардан буён ушбу лавозимда фаолият олиб бормоқда.
Бундан ташқари муштарийларнинг изоҳлари орқали аввалги йилларда ОТМ ректори бўлиб ишлаган аёллар ҳақида қуйидаги маълумотлар ҳам тўпланди:
• СССР даврида СССР Медицина Институтлари ичида Самарқанд Медицина Институти Ректори Ваҳабова Ўктамхон опа ягона аёл ректор сифатида узоқ йиллар ишлаган;
• Ўзбекистон тарихида биринчи аёл ректор Тошкент тўқимачилик ва енгил саноат институтида академик Агзамова Мақсуда Ходжиновна бўлганлар. Бундан ташқари ушбу институтда 1990 йил 24 июлдан 2005 йил 17 февралгача техника фанлари доктори, профессор Алимова Ҳалима Алимовна ректор лавозимида фаолият олиб борганлар;
• Фарғона политехника институтида 1980 йилларда Сайдалиева Маҳфуза Султановна узоқ вақт ректор бўлган. Шунингдек, ФарПИда профессор Гулчеҳра Ҳамидова ҳам узоқ йиллар ректорлик қилган;
• Ўзбекистон Давлат консерваториясини 2005-2013 йилларда Мурадова Дилдора Аҳмедовна бошқарган. Улардан олдин ҳам бу даргоҳни 1987-1997 йилларда О.Ю.Юсупова бошқарган;
• Ҳозирги Қарши давлат университети, собиқ Қарши давлат педагогика институти ректори Ўлжабоева ушбу лавозимда ишлаган;
• Тошкент темир йўл муҳандислари институтида 2009-2012 йилларда Каримова Феруза Фузаиловна ректор сифатида фаолият олиб борган;
• Раззоқ Ҳамроевнинг қизи Гули Ҳамроева Миллий рақс ва хореография олий мактаби ректори бўлган.
P.S.: афсуски деярли барча ОТМларнинг сайтида ушбу олийгоҳда ректор бўлиб ишлаган инсонлар ҳақида маълумотни топиб бўлмайди. Аксарият сайтларда ОТМ тарихи деган саҳифалар ёки йўқ, ёки борлари ҳам ишламайди. Ўйлашимча, ҳар бир ОТМ сайтида ҳурмат юзасидан албатта аввалги йиллардаги ректорлар ҳақида маълумот бўлиши керак. Чунки ўша инсонлар ҳам маълум йилларда таълим ривожига ўз ҳиссаларини қўшишган.
👉 @xushnudbek 👈
-
2019-06-29 05:51:06+00:00
Ички ишлар вазирига янги биринчи ўринбосар тайинланди
Самарқанд вилояти Ички ишлар бошқармаси бошлиғи лавозимида фаолият олиб борган Тошпулатов Азиз Анварович Ўзбекистон Республикаси Ички ишлар вазирининг биринчи ўринбосари лавозимига тайинланди.
Бунгача ушбу лавозимда фаолият олиб борган Даврон Назармухамедов эса Хоразм вилояти ИИБ бошлиғи этиб тайинланибди.
👉 @xushnudbek 👈
-
2019-06-28 17:00:57+00:00
Мавзуга оид. Швецияда жамоат транспортининг афзаллигини кўрсатувчи қисқа ва кўргазмали ижтимоий реклама. Ажойиб!
Афсуски биздаги жамоат транспорти тизими билан ҳозирча мақтана олмаймиз. Лекин яхшиликлардан умидвормиз.
👉 @xushnudbek 👈
-
2019-06-28 16:39:43+00:00
Шавкат Мирзиёев: Шаҳар жамоат транспортини аҳолига қулай, арзон, хавфсиз қилиб беришимиз керак
www.president.uz/uz/2686
Давлатимиз раҳбари бугун Тошкент шаҳрининг Махтумқули ва Оҳангарон кўчалари кесишмасидаги уч қаватдан иборат транспорт боғламасини бориб кўрди. Оҳангарон шоссеси бўйлаб умумий узунлиги 502 метр туннел, Махтумқули кўчаси бўйлаб 411 метрлик эстакада, чорраҳанинг ҳалқа қисмида ҳар бири 29 метрлик иккита йўл ўтказгич қурилмоқда.
👉 @xushnudbek 👈
-
2019-06-28 07:11:05+00:00
Тошкент давлат шарқшунослик институтига ректор тайинланди!
Ўзбекистон Республикаси Вазирлар Маҳкамасининг қарорига мувофиқ Тошкент давлат шарқшунослик институти ректори лавозимига Рихсиева Гулчехра Шовкатовна тайинланди. Бу ҳақида Олий ва ўрта махсус таълим вазирлиги хабар бермоқда.
Рихсиева Гулчехра Шовкатовна 1971 йилда туғилган, маълумоти олий, 1993 йилда Тошкент давлат университетини тамомлаган. Филология фанлари номзоди, доцент. 2019 йилдан Ўзбекистон Республикаси Олий Мажлиси Сенатининг Фан, таълим ва соғлиқни сақлаш масалалари қўмитаси раиси ўринбосари лавозимида фаолият кўрсатиб келаётганди.
Маълумот учун: Шарқшунослик институтини узоқ йиллардан буён Маннонов Абдураҳим Муталович ректор сифатида бошқариб келаётганди.
P.S.: бу ОТМларга тайинланган илк аёл ректорми ёки аввал ҳам аёллар ректор сифатида фаолият олиб борганми, аниқ эслолмадим. Сизда маълумот бўлса, изоҳларда ёзиб қолдиришингизни сўрайман.
👉 @xushnudbek 👈
-
2019-06-28 06:05:40+00:00
Ўзбекистон Республикаси Президенти Шавкат Мирзиёев «Оммавий ахборот воситалари мустақиллигини таъминлаш ҳамда давлат органлари ва ташкилотлари ахборот хизматлари фаолиятини ривожлантириш бўйича қўшимча чора-тадбирлар тўғрисида»ги қарорни имзолади.
👉 https://bit.ly/301Ulx1
-
2019-06-28 05:00:56+00:00
Пропискага оид петицияни эълон қилиш рад этилди
Ёдингизда бўлса, анча олдин «Менинг фикрим» жамоавий мурожаатлар порталига Тошкент шаҳри ва Тошкент вилоятида доимий прописка режимини бекор қилиш тўғрисидаги петицияни жойлагандим.
Кўпчилик унинг натижаси ҳақида сўраётгани учун, маълумот бериб ўтмоқчиман.
Ўша петицияга модератор томонидан рад жавоби берилган.
Яъни петиция овозга ҳам қўйилмади. Бошқача айтганда менинг фикрим «туғилмаёқ бўғилди».
Рад қилишнинг асоси сифатида баландпарвоз гаплар ёзилган. Айтишларича, доимий пропискани соддалаштириш бўйича кўп ишлар қилинаётган эмиш, шу сабабли менинг петициямни эълон қилиш рад этилганмиш.
Ваҳоланки, мен пропискани соддалаштиришни эмас, бу тизимни бутунлай бекор қилишни сўраганман. Бу иккаласи мазмунан бошқа-бошқа нарсалар эканлигини тушуниш қийин эмас.
Модератор жавобининг сўнггида қуйидагича дейилади:
«Юқоридагилардан келиб чиқиб, мамлакатимизда ушбу соҳада ислоҳотлар босқичма-босқич амалга оширилаётганлигини ҳисобга олган ҳолда, 2019 йил 2 февралдаги “Mening fikrim” веб-портали орқали электрон жамоавий мурожаат қилиш ва уларни кўриб чиқиш тартиби тўғрисида”ги Низомга мувофиқ, “Mening fikrim” веб-порталига электрон жамоавий мурожаатни жойлаштириш ёки жойлаштиришни рад этиш ҳақидаги масалани кўриб чиқиш учун ваколатли давлат органлари ва модератор вакилларидан иборат таркибда тузилган Ишчи комиссия томонидан мурожаатингиз “Mening fikrim” веб-порталига жойлаштирилиши мақсадга мувофиқ эмас, деб топилди».
Лекин хулосада Низомнинг айнан қайси банди бўйича рад қилинганлиги айтилмаган. Бунга ҳайрон қолмаса ҳам бўлади, чунки Низомда рад қилиш асослари аниқ саналган бўлиб, менинг петициям уларнинг бирортасига тушмайди. Қандай асос билан рад қилаётганини ўзлари ҳам билишмайди.
Аввалроқ “Менинг фикрим” порталида Низомдаги муддатларга риоя қилмаслик ҳолати мунтазам учраб тургани ҳақида ҳам маълумот бергандим.
Хуллас, бу порталдан кўнглим қолди. Фақат раҳбарларга ёқадиган петицияларни ўтказиб, сал ёқмайдигани чиқиб қолса, асоссиз рад қиладиган бўлишса, бунақа порталдан кимга нима фойда?
Ёдингизда бўлса, давлатимиз раҳбари Шавкат Мирзиёев 2017 йил 22 декабрь куни Олий Мажлисга Мурожаатномасида қонунлар муҳокамасига кенг халқ оммасини жалб қилиш, бунинг учун замонавий ахборот-коммуникация технологияларини жорий этиш, жумладан, Интернет тармоғида махсус “майдон”лар яратиш зарурлигини таъкидлаб ўтган эдилар.
“Менинг фикрим” портали ҳам шу ташаббус ортидан очилганди. Давлатимиз раҳбарининг ушбу мақсади "халқ - қонунларнинг асосий ижодкори бўлсин" деган принцип устига қурилганди.
Аммо прописка ҳақидаги петициянинг ассосиз рад қилинганини кўриб, айтиш мумкинки, портални юритаётганлар, назорат қилаётганлар ўзларининг асоссиз цензуралари орқали халқнинг фикрини бўғишмоқда, фақат ўзларига ёқадиган жамоавий мурожаатларни ўтказиб, сал ёқмайдиганлари чиқиб қолса, рад этишиб, кўзбўямачилик билан шуғулланишмоқда. Президентнинг ишончи ҳайф Сизларга!
👉 @xushnudbek 👈
-
2019-06-28 03:50:46+00:00
Рашид Қодировга нима учун 10 йил берилди?
#юридик_дарс
Ижтимоий тармоқларда бугуннинг энг кўп муҳокама қилинаётган саволи шу бўлмоқда. «Нима учун Рашид Қодировга 10 йил берилди (жарима жазоси ҳам бор)? Бу кам эмасми?»
Шу саволга изоҳ бермоқчиман.
Мен судда қатнашганим йўқ, унда нима гаплар бўлди, қандай далиллар айтилди, буниси номаълум. Лекин берилган жазони ҳуқуқшунос сифатида шарҳлашимга бу тўсқинлик қилмайди, менимча.
Энг аввало Рашид Қодиров суд ҳукми билан қайси жиноятларни содир этганликда айбдор деб топилганини кўриб чиқамиз:
• Пора олиш (ЖК 210-моддаси 3-қисмининг «а» банди);
• Пора беришга далолат қилиш (28, 211-модда 3-қисмининг «а» банди);
• Фирибгарлик (168-модда 3-қисмининг «а» банди);
• Солиқлар ёки бошқа мажбурий тўловларни тўлашдан бўйин товлаш (184-модданинг 3-қисми);
• Тергов қилишга ва суд ишларини ҳал этишга аралашиш (236-модданинг 2-қисми);
• Жиноий фаолиятдан олинган даромадларни легаллаштириш (243-модда).
Жиноят кодексини очиб, ушбу моддаларни варақласангиз, улар ичидаги энг оғир жазо назарда тутилган жиноят, бу - пора олиш ва пора бериш жиноятлари эканлигига гувоҳ бўламиз. Ушбу жиноятлар учун максимум 15 йилгача озодликдан маҳрум қилиш мумкин.
Хўш, суд унда нима учун 15 йил эмас, 10 йил жазо берди? Нега 5 йилни “қирқиб қолишди”?
Олий суд берган расмий хабарга эътибор қилсак, қуйидаги жумлага кўзимиз тушади: «Рашид Қодировга ЖК 50-моддасининг 6-қисми тартибида 10 йил озодликдан маҳрум қилиш ва энг кам ойлик иш ҳақининг 500 баравари (101 млн 365 минг сўм) миқдорида жарима жазоси тайинланди».
ЖК 50-моддасининг 6-қисми тартиби нима дегани у?
Жиноят кодексини очамиз. Унда қуйидагича ёзилган:
«Озодликдан маҳрум этишга ҳукм қилинаётган аёлларга ҳамда олтмиш ёшдан ошган эркакларга нисбатан тайинланаётган жазо муддати ушбу Кодекс Махсус қисмининг тегишли моддасида назарда тутилган озодликдан маҳрум этиш энг кўп муддатининг учдан икки қисмидан ортиқ бўлиши мумкин эмас».
Рашид Қодиров 67 ёшда. Демак, қонун бўйича унга ЖКда белгиланган энг максимум жазонинг (15 йил) учдан икки қисмини, яъни 10 йил бериш мумкин. Суд айнан 10 йил беришга ҳам мажбур эмас, иш ҳолатидан келиб чиқиб, 4, 7, 9 йил бериши ёки умуман бошқа енгилроқ ҳам мумкин. Асосийси 10 йилдан ошиб кетмаса бўлди.
Лекин Рашид Қодировга суд қонунда мумкин бўлган энг максимум жазони, яъни 10 йил озодликдан маҳрум қилиш жазосини тайинлади.
Бор гап шу... Яна қайтараман, мен шунчаки масаланинг ҳуқуқий ечимини келтирдим холос. Билиб қўйган зарар қилмайди.
👉 @xushnudbek 👈
-
2019-06-28 03:30:46+00:00
Эйфориядан кейин
Бугун яна янги тонг отди. Янги кун бошланди. Кечаги кун эса... тугади.
Қани энди ҳар бир кунимиз кечагидай байрам бўлса... Мукофотларни олдик, минбарларга чиқиб нутқ ирод қилдик, ўнлаб телеканаллару радиоларга интервьюлар бердик, қойиллатиб расмларга тушдик, табриклару мақтовларни эшитиб мойдай эридик, қўшимчасига кечки пайт зиёфатларда едик-ичдик... Хуллас, бутун дунёни унутиб, фақат ўзимиз ҳақимизда ўйладик, дам олдик, ўйнадик-кулдик...
Лекин ҳаёт ўйин-кулгудан иборат эмас ва ҳар куни кечагидай яшай олмаймиз. Бир ухлаб тургандан кейин, эйфориялар тарқади, ҳаяжонлар кетди. Энди яна келган жойидан давом эттирамиз.
Аввалги принципимиз қандай бўлса, ўша принципни аслича сақлаб қоламиз, керак бўлса олдингидан ҳам кучайтирамиз.
Бизни кузатишда давом этинг...
Ва дуоларингизда унутманг. Айтганча, кеча табрик йўллаган барча инсонларга чексиз миннатдорлик билдираман, барчага алоҳида жавоб ёза олмаганим учун узр.
P.S.: баъзан бошимизга бирор кичикроқ синов, мушкуллик келса, дарров тушкунликка тушиб қоламиз, майда нарсалардан ҳам фожиа ясай оламиз. Аммо қувончли кунларимизни жуда оддий қабул қиламиз, худди ҳар кунимиз шундай бўладигандай. Аслида бахтли кунларимиздан ҳам максимум лаззатланишни ўрганишимиз керак, бунинг айби йўқ. Чунки бахтли кунларимиз ҳам ғанимат. Умримиз ғанимат...
👉 @xushnudbek 👈
-
2019-06-27 11:33:21+00:00
«Блогерлар ҳам одамми, ака» деган гаплар ўтмишда қолди
Сўнгги йилларда менга энг кўп айтилган гаплар рўйхати билан танишинг:
- Сиёсатга қарши чиқма!
- Оқимга қарши сузма!
- Ҳукуматни танқид қилма!
- Бу кетишда тепадагилар сени аниқ “синдиришади”!
- Нима қиласан раҳбарларнинг кўзига ёмон кўриниб?
- Қамаб қўйишмаса гўрга эди...
- ва ҳ.к.
Мана, мисол учун яқиндагина кундузи чироқ ёқиб юриш масаласига оид мақоламдан кейин бир ҳурматли акамиз қуйидагича шахсий хабар юборибдилар (сўзма-сўз келтираман):
«Одамларни исёнга даъват этиш, давлатнинг қонун-қоидаларига ишончсизлик кайфиятини уйғотиш каби айблар қўйилиши мумкин сизга. Ёшлик қилиб, истиқболингизни куйдириб қўйманг».
Баъзан шайтон юрагимга қутқу солганидан, “ростдан ҳаммага ёмон кўриниб зарилми менга?” деб ўйлаб қолардим. Ҳукумат вакилларию, вазирлар, ҳокимлару ташкилот раҳбарларини кўргани кўзи, отгани ўқи бўлмаса керак, келажагимни барбод қилишга арзийдими шу блогерлигим дердим.
2014-2017 йилларда битта танқидим туфайли ТВдаги айрим раҳбарлар мени баъзи телеканалларнинг “қора рўйхатига” киритиб қўйишганини ҳам яхши эслайман (товба, худди ТВга чиқмасам ўлиб қоладигандай, менга “запрет” қўйишганига бало борми?).
Лекин бугун амин бўлдимки, буларнинг барчаси ички қўрқувимиз холос. Цензурани ўзимиз ўйлаб топганмиз, ўзимиз кучайтирганмиз ва ўзимиз уни энг юқори чўққига олиб чиққанмиз. Чунки ҳаммага ҳадик билан қараймиз, ҳаммадан қўрқамиз, овозимизни бировлар эмас, биринчи бўлиб айнан ўзимиз бўғамиз!
Бугун тарихда илк бор 2 нафар блогер давлат мукофотлари билан тақдирланди: мен ҳамда @davletovuz канали муаллифи. Бир қарашда Телеграмдаги энг “ғаламис”, Ҳукуматни энг кўп танқид қиладиган, бировлар кўзи билан қараганда “халқни энг кўп гиж-гижлайдиган” икки нафар блогер. Аммо тасаввурларимиз яна бизни алдади, "юқоридагилар" блогерларга умуман бошқача, хайрихоҳлик кўзи билан қарашар экан.
Менинг ўта шахсий фикримча, Президент ушбу Фармонга имзо чекар экан, мамлакатдаги сўз эркинлигининг янги босқичига старт берди. Сиз ўйлашингиз мумкин, шу иккала блогер давлат мукофоти олдими, демак бўлди, ютуқ уларники, фақат уларга мазза, деб. Аслида ундай эмас.
Агар масалага кенгроқ қарасак, бу Фармон билан Ўзбекистондаги ҳар бир фуқаро, у қайси соҳада, ким бўлиб ишлашидан қатъи назар, эркин ва мустақил фикр айта олса, ўз сўзига ва фуқаролик позициясига эга бўлса, биз ўйлагандай, Ҳукумат уларни ёмон кўрмаслиги, аксинча уларни қўллаб-қувватлашга тайёрлигини маълум қилмоқчи.
Бу Фармон билан, фуқаролик журналистикасининг ҳар бир вакили, ҳар бир блогер энг юқори даражада тан олиниши мумкинлигига ишора қилишмоқчи.
Давлат мукофоти берилгандан кейин мен ёки Давлетов.уз дарров “бизда ҳаммаси яхши, ҳаммаси зўр, яшасин мусаффо осмон” деган позицияга ўтмаслигимизни, аксинча бундан илҳомланиб, янада ўткирроқ мавзуларда таҳлилий ва танқидий қалам тебратишда давом этишимизни раҳбарлар ҳам жуда яхши билишади. Аслида уларга айнан шу керак.
Бу мукофот овозни ўчириш эмас, аксинча уни янада баландроқ кўтариш, қолган фуқароларни ҳам қўрқмасдан “гапиришга” ундаш эканлигини яхши англашимиз керак.
Давлат раҳбари мазкур Фармон орқали биздан айнан шуни сўрамоқда, шу жамият ривожи учун эркин ва ҳур фикрли, нияти холис бўлган инсонларнинг кўпайишини хоҳламоқда.
Хўш, биз бу чақириққа тайёрмизми? Шу жамият ва юрт ривожи учун керак жойида мақтаб, керак жойида раҳбарларнинг жон-жонидан ўтказиб юборадиган аччиқ танқидларимиз билан уларга кўзгу тутишга тайёрмизми? Ҳеч қайси бир гуруҳларнинг ноғорасига ўйнамасдан, холис ва асосли, энг асосийси эркин фикрларимиз билан олис сафарга чиққан давлатга ёрдам беришга тайёрмизми?
Сизчи, сиз бунга тайёрмисиз?
-
2019-06-27 05:39:15+00:00
Бугун, 27 июнь — Матбуот ва оммавий ахборот воситалари ходимлари куни муносабати билан Ўзбекистон Республикаси Президенти Шавкат Мирзиёевнинг тегишли фармони асосида бир гуруҳ матбуот ва ОАВ ходимлари мукофотланди.
Буни қарангки, давлатимиз раҳбари мени ҳам блогер сифатида давлат мукофотига раво кўрибдилар. Ҳозиргина тантанали маросимда Ўзбекистон Республикаси Бош вазири Абдулла Арипов Президентимиз номидан «Келажак бунёдкори» медалини топширди.
Бағоятда хурсандман. Абдулла Нигматович менга мукофотни топшира туриб, «Қачон блогерлар давлат мукофотини олганди?» дея таъкидлаганлари ҳам бежизга эмас. Тарихда илк марта!
Сал ўзимга келиб олай, кейин бу ҳақида бафуржа ўз фикрларимни билдираман, Худо хоҳласа.
P.S. табриклар чекланмаган миқдорда қабул қилинади 😃
-
2019-06-26 16:17:02+00:00
#муштарийдан_мактуб #abituriyent
Давлат хизматлари марказида ишловчи бир муштарийимиз қуйидагича хабар юборибдилар:
«Xushnudbek aka, men operatorman, abituriyentlarni qabul qilyapmiz har kuni. Bugun shunday uzgarish buldi - QDUni yuridik yunalishi oldingi holatga qaytib qoldi. Yuridik unverstetga tugri kelmaydi. Bizga shunaqa topshiriq buldi bugun, abiturentlarni chaqirib uzgartiringlar, deyishdi. Lekin bugungacha ancha abiturent qabul qilgandik, bu sarsongarchilik ancha»
Демак, ҳали ҳеч нарса аниқ эмас шекилли. Воқеалар ривожини кузатамиз.
Абитуриентларга оид бошқа хабарлар:
👉 @xushnudbek 👈
-
2019-06-26 16:01:24+00:00
Энди Юридик университетга топширганлар бошқа ОТМларни ҳам танлай олади
#abituriyent
Олинган маълумотларга кўра, жорий йилда йўналишлар бўйича фанлар мажмуасида айрим ўзгаришлар бўлган.
Хабарингиз бор, февраль ойида Тошкент давлат юридик университетнинг фанлар мажмуаси она тили (3,1), чет тили (2,1) ва тарих (1,1) кетма-кетлигида тасдиқланган эди. Шу пайтгача бундай кетма-кетлик бошқа бирорта йўналишда мавжуд эмаслиги сабабли, ТДЮУга ҳужжат топширадиган абитуриентлар учта йўналишни танлаш имкониятидан маҳрум бўлиб, фақат битта билан чекланишга мажбур бўлиши айтилганди.
Лекин 2019 йилги тест синовлари учун фанлар мажмуасида айрим йўналиш бўйича ўзгаришлар кузатилган ва ТДЮУ энди якка ўзи эмас. Суратга эътибор берсангиз, ТДЮУга ҳужжат топширган абитуриент Қорақалпоқ давлат университетининг «Юриспруденция» ҳамда Тошкент давлат ўзбек тили ва адабиёти университетининг «Ноширлик иши» йўналишларига ҳам ҳужжат топширганини кўриш мумкин.
«Ноширлик иши» йўналишини тушунса бўлади, чунки бу янги йўналиш, ўтган йили йўқ эди. Лекин ҚДУ «Юриспруденция»да ўзгариш бўлган, сабаби ўтган йилларда улар тарих 1-фан эди. Хўп, шу йўналишда ҳам фанлар ўзгарар экан, унда нима учун шуни олдинроқ эълон қилишмайди? Ахир кўплаб абитуриентлар ҚДУга топшириш нияти билан тарих фанига бор эътиборни қаратиб, тайёрланаётгандику. Уларга нисбатан адолатсизлик эмасми бу?
❗️Қабул жараёнлари бошланганига 11 кун бўлган бўлса ҳам, ҳали ҳануз на тиллар кесимида квоталар, на фанлар мажмуаси эълон қилинди. Бунинг натижасида Интернет орқали ҳужжат топшириш хизмати ҳам ишга тушгани йўқ. Таваккал бошланган қабул, деярли таваккал давом этмоқда.
Абитуриентларга оид бошқа хабарлар:
👉 @xushnudbek 👈
-
2019-06-26 12:02:17+00:00
Рашид Қодировга суд ҳукми эълон қилинди
Бугун, 2019 йил 26 июнь куни, жиноят ишлари бўйича Тошкент шаҳар суди, Юнусобод туман суди биносида, Ўзбекистон Республикасининг собиқ Бош прокурори Рашид Қодиров ва бошқаларга оид (жами 13 нафар шахс) жиноят иши бўйича айблов ҳукми эълон қилинди. Бу ҳақда Олий суд матбуот хизмати хабар бермоқда.
Суд ҳукми билан, 2000-2015 йилларда Ўзбекистон Республикасининг Бош прокурори лавозимида фаолият кўрсатиб келган Рашид Қодиров (Жиноят кодекси 210-моддаси 3-қисмининг «а» банди), пора беришга далолат қилиш (ЖК 28,211-моддаси 3-қисмининг «а» банди), фирибгарлик (ЖК 168-моддаси 3-қисмининг «а» банди), солиқлар ёки бошқа мажбурий тўловларни тўлашдан бўйин товлаш (ЖК 184-моддасининг 3-қисми), тергов қилишга ва суд ишларини ҳал этишга аралашиш (ЖК 236-моддасининг 2-қисми), жиноий фаолиятдан олинган даромадларни легаллаштириш (ЖКнинг 243-моддаси) каби, ҳокимият, бошқарув ва жамоат бирлашмалари органларининг фаолият тартибига қарши бир қатор оғир ва ўта оғир жиноятларни содир қилганликда айбли деб топилди.
Суднинг ҳукми билан айбли деб топилган жиноятлари учун Рашид Қодировга, ЖК 50-моддасининг 6-қисми тартибида 10 йил озодликдан маҳрум қилиш ва энг кам ойлик иш ҳақининг 500 баравари (101 млн 365 минг сўм) миқдорида жарима жазоси тайинланди.
Шунингдек, Улуғбек Суннатов 19 йилга, А.Мирзаев 15 йилга, Улуғбек Хуррамов 14 йилга, Жамшид Файзиев 13 йилга, А.Мусашайхов 13 йилга озодликдан маҳрум қилинди.
Бундан ташқари, суд оғир ва ўта оғир жиноятлар учун судланган Рашид Қодиров, Мирағлам Мирзаев, А. Мирзаев, Жамшид Файзиев, Улуғбек Суннатов, Р. Пулатов, Улуғбек Хуррамов, Ю. Гаиповни (ЖКнинг 52-моддаси) махсус унвон ва давлат мукофотларидан маҳрум қилиш ҳақида тақдимнома киритишга қарор қилди.
👉 @xushnudbek 👈
-
2019-06-26 10:25:28+00:00
Божхона қўмитасининг хабар беришича, бугун Сергели туманидаги заводлардан бирида ДХХ томонидан «26 июнь - Халқаро гиёҳвандликка ва гиёҳвандлик воситаларининг ноқонуний айланишига қарши кураш куни» муносабати билан ноқонуний муомаладан мусодара қилинган наркотик моддаларнинг навбатдаги туркуми йўқ қилинибди.
Тадбирда 1,1 тоннадан ортиқ наркотиклар ёқиб юборилган.
Ҳазиллашиб айтишларича, тадбирни ёритишга келган ва оловнинг тутунидан нафас олган кўплаб журналистларнинг кайфияти аъло, ҳаётдан хурсанд юришганмиш 😀
-
2019-06-26 08:50:18+00:00
Шавкат Мирзиёев «Ўзбекистон Республикасининг Сайлов кодексини тасдиқлаш тўғрисида»ги қонунни имзолади.
http://xs.uz/uzkr/15833
Сайлов кодекси матни Олий Мажлис палаталарининг Ахборотномаси ва Қонун ҳужжатлари тўпламида эълон қилинади.
👉 @xushnudbek 👈
-
2019-06-26 06:15:02+00:00
Ўзбекистон Республикасининг Президенти Шавкат Мирзиёев жорий йилнинг 25 июнь куни халқаро ҳужжатлардан бирини ратификация қилиш тўғрисидаги қонунга имзо чекди.
Унга кўра, Халқаро меҳнат ташкилотининг 1930 йилдаги Мажбурий меҳнат тўғрисидаги 29-сонли Конвенциясига Баённома (Женева, 2014 йил 11 июнь) ратификация қилинди, яъни Ўзбекистон томонидан тан олинди.
Халқаро қоидаларга биноан, мазкур қонуннинг қабул қилиниши Баённома биз учун кучга кирганини англатмайди. Баённома Халқаро меҳнат ташкилоти Бош директори Ўзбекистоннинг ратификация ёрлиғини рўйхатга олгандан кейин 12 ой ўтиб кучга киради.
Баённоманинг расмий матни билан қуйидаги манзил орқали танишишингиз мумкин (рус тилида).
👉 @xushnudbek 👈
-
2019-06-25 15:22:02+00:00
#муштарийдан_мактуб
Юқоридаги постга қуйидагича изоҳ қолдирилди. Ўқиб юракларим эзилиб кетдией...
«Xushnudbek, propiska masalasida yozganlariznj qanchalik óqisam ham bir narsaga aniqlik kiritolmadim. Man talabaman qarindosh uruĝlarni aralalshtirib amallab Toshkentda birovni uyida yashayapmiz. 4 ta kursdoshlarim bilan. Lekin uchaska nozirimiz kelib men yóĝimda hammaga shtraf yozib ketgan, ózim gaplashib ham kóndirolmadim baraka topkur biz studentmiz kontrakt tólab óqiymiz desam ham kónmadi. Xozir propiska sóralmayapti deb biz ham qimagandik desam san zór qonunchi ekansan deb meni ham uyni egasini ham shtrafga tortib ketti. Uyni egasiga baribir ularni uyizdan chiqarmasangiz men yashashga qoymayman debdi.
Biz boshqa kvartiraga chiqdik, birga óqiydigan kursdoshimni yoniga. Yana ósha mahalla edi kóchada kórib qopti meni uchaskavoy. Uyga izlab kelib shu qiz shu yerda yashayaptimi xujjatlaringni kóray deb yana shtrafga soldi. Óqish tugashiga bir hafta qoganda shuncha shtraf tólashim kerak, uyga telefon qilib qanday pul sórashni bilmay turibmiz, uydagilar ham bezovta bólishini xohlamaymizda.
Ayni xozirgi kunlada uchaskavoy propiska uchun shunaqa qilishga haqqi bormi bir oy ichida qayta qayta shtraflar...☹️»
Изоҳ тугади.
P.S.: нима дейиш мумкин, айтинг, нима изоҳ берса бўлади бу ҳолатга? Ўз юртинг фуқароларини, талаба қизларни ортидан қувиб, жарима солгандан кўра, жиноятчилар билан курашсанг бўлмайдими, ноинсоф!
👉 @xushnudbek 👈
-
2019-06-25 14:40:36+00:00
#Stoplaughingatpeople
Журналист Азиза Қурбонава ўз Телеграм каналида (@aqurbonova) лаънати прописка тизимига оид хотиралари билан ўртоқлашибди. Ростини айтсам, жуда мазза қилдим. Таъсирланиб, этларим жимирлаб, кўз олдимда тасаввур қилиб ўқидим. Прописка ҳақида ёзган барча мақолаларимни шу биргина эсдаликка алмашган бўлар эдим :)
Сизга ҳам илиндим.
https://telegra.ph/Stoplaughingatpeople-06-25
Бу эсдаликларнинг барчаси Тошкентда туғилиб ўсган инсон тилидан айтилаётгани ҳам анчайин таъсирли.
Прописка ҳақидаги бирламчи мақолаларимдаёқ менда доимий прописка борлиги, аллақачон - 2012 йилдаёқ 2-банд билан ўша зорманда пропискани олганимни айтиб ўтгандим.
Бундан асосий мақсад - ўзимга кераклиги, аламзадалагим ёки шахсий манфаатим учун буларни ёзмаётганимни билдириб қўйиш эди. Чунки тепадагилар орасида «шу болага прописка беринглар, овози ўчсин» деган гап-сўзлар бўлмаслигини, бу айтилаётган гаплар 1 ёки 2 кишининг шахсий муаммоси эмас, балки халқ ва миллат дарди, ташвиши эканлигини тушунишларини истаганман.
Барака топгурлар, илтимос, ҳалиям кеч эмас, халқни пропискали ва пропискасиз икки тоифага ажратувчи, солиқ тўловчиларни бирини иккинчисидан устун қўйувчи, шу халқ вакили бўлган вилоятликларни давлат олдида қадрсиз эканлигини таъкидловчи, фуқароларни таҳқирловчи бундай тизимдан воз кечайлик. Илтимос, Сизлардан, Худо хайрингизни берсин, илтимос...
👉 @xushnudbek 👈
-
2019-06-25 07:20:34+00:00
Шавкат Мирзиёев бугун, 25 июнь куни, Tashkent City қурилиш майдонига ташриф буюрди.
Жумладан, давлатимиз раҳбари барча форматдаги халқаро тадбирлар ташкил этиш учун замонавий шароитларга эга конгресс-холлдаги қурилиш ишлари билан танишди.
Президент Конгресс-холлга туташ қурилган 21 қаватли, беш юлдузли Hilton меҳмонхонасини ҳам кириб кўрди. Шу ерда маҳаллий ва хорижий инвесторлар билан суҳбатлашди.
👉 @xushnudbek 👈
-
2019-06-25 06:30:07+00:00
Абитуриент-2019: савол-жавоблар
#abituriyent
КВОТА-2019
БАКАЛАВР:
👉 Кундузги
👉 Сиртқи
👉 Кечки
👉 Мақсадли қабул
👉 МАГИСТРАТУРА
• Абитуриентдан қандай ҳужжатлар талаб этилади?
ЖАВОБ
• ДХМ ва ОТМлар орқали ҳужжат топшириш тартиби қандай?
ЖАВОБ
• Қайси ОТМларга давлат хизматлари марказлари орқали ҳужжат топшириш мумкин?
ЖАВОБ
• Тест натижаси қачон эълон қилинади?
ЖАВОБ
• Чет тиллари бўйича қандай имтиёзлар белгиланган? IELTS сертификат ўтадими?
ЖАВОБ
• Ўтган йилги B1 сертификатлар бу йил B2 талаб қилинган жойга ўтадими?
ЖАВОБ
• Битта ОТМнинг 3 та факультетига ҳужжат топширса бўладими?
ЖАВОБ
• Учта ОТМ танлаш тартиби қандай бўлади?
ЖАВОБ
• Касбий (ижодий) имтиҳон топширадиганлар ҳам учта йўналишни танлай оладими?
ЖАВОБ
• Учта йўналишга алоҳида имтиҳон бўладими?
ЖАВОБ
• Учта ОТМ натижалари қандай ҳисобланади, бирор абитуриент бошқа ОТМдан каттароқ балл билан қайтиб келса, унда жойни бўшатиши керакми?
ЖАВОБ
• Сиртқи таълимда ҳам 3 та йўналишни танласа бўладими?
ЖАВОБ
• Иккита сиртқи, битта кундузги йўналишга топширса бўладими?
ЖАВОБ
• Кундузгига ҳужжат топшираётганда дипломни қайтариб берса, унда ўша диплом билан сиртқига топширса бўладими?
ЖАВОБ
• Тест натижалари чиққанда кира олмаган абитуриентлар сиртқи ёки кечкига қайта топшира оладими?
ЖАВОБ
• Учта ОТМни танлаш мажбурийми? 1 та ёки 2 та танласа бўлмайдими?
ЖАВОБ
• Учта йўналишга ҳужжат топширса, 3 марта 101 минг сўмдан тўлов қилинадими?
ЖАВОБ
• Онлайн ҳужжат топшириш учун электрон имзо талаб этиладими?
ЖАВОБ
• Кимлар онлайн ҳужжат топшира олмайди?
ЖАВОБ
• Ҳужжат топшириш учун қанча тўлов тўланади?
ЖАВОБ
• 5 та фандан имтиҳон тартиби қайси йилдан амал қилади?
ЖАВОБ
• Учта ОТМ танлашда фанлар кетма-кетлиги мос бўлиши шартми?
ЖАВОБ
• Фанлар кетма-кетлиги мос йўналишлар рўйхатини қаердан кўрса бўлади?
ЖАВОБ
• Вилоятдан туриб Тошкентдаги ОТМларга ҳужжат топширса бўладими?
ЖАВОБ
• Магистратурага қайси фанлардан имтиҳон бўлади?
ЖАВОБ
• ДТМ рухсатномаси қаердан олинади? Уни олиш учун ОТМларга бориш шартми?
ЖАВОБ
• Абитуриент тестни қаерда топширади?
ЖАВОБ
• Паспорти йўқолган ёки алмаштириш учун топширган абитуриентлар нима қилади?
ЖАВОБ
• Ҳарбий тавсияномага эга абитуриентлар учун қандай янгилик бўлди?
ЖАВОБ
• Нима учун магистратура бўйича айрим йўналишларда фақат давлат гранти кўрсатилган?
ЖАВОБ
• Махсус сиртқи бўлим ёпилдими?
ЖАВОБ
• ЖИДУ ва Темир йўлларга ҳужжатлар фақат ўзида қабул қилинади
ЖАВОБ
• Учта йўналишни танлашда таълим тили (ўзбек, рус ва ҳ.к.) бир хил бўлиши керакми?
ЖАВОБ
• Абитуриентларга неча варақ қоралама (черновик) берилади?
ЖАВОБ
• Чирчиқ давлат педагогика институтига фақат Тошкент вилоятида пропискаси борлар қабул қилинадими?
ЖАВОБ
• Сиртқига топшириш учун стаж керакми?
ЖАВОБ
• Тўловлар қаерда тўланади?
ЖАВОБ
• Ўзбек тилида таҳсил олган абитуриент рус тили гуруҳига ҳужжат топшира оладими?
ЖАВОБ
• Абитуриент тест синовларида ўқиган чет тилидан бошқа тилни танлаши мумкинми?
ЖАВОБ
❗️Саволингизга бу ердан жавоб топа олмадингизми? Унда саволни изоҳда ёзиб қолдиринг, имкон даражасида жавоб бераман.
Абитуриентларга оид бошқа хабарлар:
👉 @xushnudbek 👈
-
2019-06-25 04:00:54+00:00
Миша, чучвара «отмен»!
Кеча Адлия вазирлиги 1 июлдан ЙПХ ходимида видеокамера бўлиши шартлиги, мобил видеокамераси бўлмаган ЙПХ ходимига ҳайдовчи ҳужжатларни тақдим этмаслик ҳуқуқига эгалигини эслатганди.
Буни қарангки, regulation.gov.uz порталидаги бир лойиҳа назаримиздан четда қолган экан. 14 июнь куни Ички ишлар вазирлиги томонидан порталга Вазирлар Маҳкамасининг қарори лойиҳаси жойлаштирилибди. Лойиҳа ВМнинг 2018 йил 1 декабрдаги 975-сон қарорига бир қатор ўзгартиришлар киритишни назарда тутмоқда.
https://regulation.gov.uz/uz/document/3901
Унга кўра, мобил видеокамерага оид талаблар 2019 йил 1 июлдан эмас, балки 2020 йил 1 январдан кучга киришини белгилашмоқчи.
Бу нима дегани, биласизми? Бу Ҳукумат қарорлари қай даражада ўйинчоқ бўлиб қолганини кўрсатади. Ким нимани хоҳласа, шуни қиляпти. Ҳозир хоҳласа 2020 йил 1 январгача узайтиришади, ундан кейин хоҳласа 2030 йил 1 январгача узайтиришади, ундан кейин хоҳласа бутунлай бекор қилиб юборишади.
Ҳукумат қарорини ўз муддатида бажаришни эплай олишмадими, унда ҳадеб қарорларни ўйинчоқ қилавермасдан, тинчгина айбни тан олиб, узр сўраб, келган жойидан давом эттирса бўлмайдими?
Видеоларни ГАИни рухсати билан жойлайсиз
Бундан ташқари ИИВ ўз лойиҳасида янада ажойиб ўзгаришларни таклиф этмоқда.
Жумладан, ҳайдовчилар ўзига тегишли аудио, фото ва видео қурилмага ЙПХ ходими билан ўзаро муносабати қайд қилинган маълумотларни Интернет жаҳон ахборот тармоғига рухсатсиз жойлаштирмаслиги ҳақида талабни қўшишмоқда. Бунинг учун ўша ЙПХ ходимидан рухсат олиш керак эмиш.
Бу нима учун қилиняпти, ЙПХ ходимларининг хатолари, қонунга хилоф ҳаракатларини бировлар кўрмаслиги учунми? ЙПХ ходими давлат идорасининг вакили ҳисобланади ва жамоатчилик назорати нуқтаи назаридан унинг ҳаракатлари оммавий эълон қилиниши мумкин. Бу фуқароларнинг ахборот олиш ва тарқатишга оид конституциявий ҳуқуқи билан чамбарчас боғлиқ.
Хўп, ўша видеони Интернетга ўзимас, ўртоғи жойлаштирди, унда нима бўлади? Хўп, ўша видеони ўзи жойлаштирди, ундачи, унда нима бўлади? Жарима солинадими? Қайси модда билан? Бу саволларнинг бирортасига жавоб йўқ.
Хуллас, Ички ишлар вазирлигининг бир-биридан ажойиб таклифлари акс этган лойиҳа 29 июнгача муҳокама қилинади. Сиз ҳам муҳокамада қатнашинг ва фикрларингизни қолдиринг.
👉 @xushnudbek 👈
#ижтимоий_сўровнома
Ички ишлар вазирлигининг ушбу лойиҳасига қандай муносабат билдирасиз?
-
2019-06-24 13:22:06+00:00
1 июлдан ЙПХ ходимида видеокамера бўлиши шарт
ЙПХ ходими хизмат вақтида мобил видеокамерадан фойдаланиши ва бу ҳақида йўл ҳаракати қатнашчиларига маълум қилиши шарт. Шунингдек, ноқонуний хатти-ҳаракатлар содир этилса, буни исботлаш учун ушбу видео ёзувдан фойдаланилиши ҳақида ҳайдовчини огоҳлантириши лозим, - дея хабар бермоқда «Ҳуқуқий ахборот» канали.
Мобил видеокамераси бўлмаган ЙПХ ходимига ҳайдовчи ҳужжатларни тақдим этмаслик ҳуқуқига эга.
👉 @xushnudbek 👈
-
2019-06-24 09:16:15+00:00
Қозоғистоннинг Туркистон вилояти Арис шаҳридаги ҳарбий қисмда ўқ-дорилар сақланадиган омборда портлаш рўй берган.
Портлаш маҳаллий вақт билан соат 9.20 ларда бўлган. Туркистон вилоятида фавқулодда вазият эълон қилинган. Шаҳар аҳолиси эвакуация қилинмоқда. Биринчи партияда 40 та автобусда аҳоли шаҳардан олиб чиқиб кетилган.
Арис шаҳри Тошкентдан 180 км узоқликда жойлашган. Қўшниларимизга сабр тилаймиз ва тезда ҳалокат оқибатларини бартараф этишларига тилакдошмиз.
👉 @xushnudbek 👈
-
2019-06-24 08:05:41+00:00
Биргаликда уй сотиб олган фуқаролар прописка масаласида судда ютиб чиқди
Ички ишлар органларининг хатти-ҳаракатлари қонунчиликка зид бўлаётгани тасдиқланди
👉 https://kun.uz/37891048
«Халққа енгил бўлиб кетаётганига чидолмаган мутасаддилар тез орада «лазейка»ни ёпамиз деб эълон қилишган. Шунинг учун маслаҳатимиз, биргаликда уй сотиб олмоқчи бўлаётганлар тезроқ ҳаракатини қилиб қолсин», - дея эслатмоқда @davletovuz.
Кун.уз нашри эса мақола охирида жуда яхши гапларни ёзибди:
«Суднинг ҳал қилув қарори қонуний кучга кирган, «паспорт стол» апелляция билан мурожаат қилмаган.
Юқоридагилардан хулоса қилиш мумкинки, мазкур масалада ички ишлар органларининг хатти-ҳаракатлари қонунчиликка зид бўлмоқда ва бу судлар томонидан расман тасдиқланди. Бизни фақат биргина савол ўйлантиради: ички ишлар органлари бундан кейин ҳам биргаликда уй сотиб олган бошқа фуқароларга асоссиз рад жавоби беришда давом этармикин ёки ўзига тўғри хулоса чиқариб, қонунларга амал қилишни бошлармикин? Фуқаролар наҳотки қонунларда белгиланган ҳуқуқларини юзага чиқариш учун албатта судларга мурожаат қилиши шарт бўлса?
Умид қиламизки, Ички ишлар вазирлиги мазкур ҳолатни ўз назоратига олади ва қуйи бўғинлардаги қонунсизликни бартараф этиш, фуқароларни асоссиз сарсон ва саргардон қилмаслик бўйича жиддий топшириқ беради».
👉 @xushnudbek 👈
-
2019-06-24 05:30:41+00:00
Ўзбек тилида таҳсил олган абитуриент рус тили гуруҳига ҳужжат топшира оладими?
ЖАВОБ: Ҳа, топшира олади.
Кўпчилик абитуриентларни қизиқтирадиган яна бир саволлардан бири, ўрта ёки ўрта-махсус таълимни ўзбек тилида (ёки рус) олган абитуриент ОТМнинг рус тили гуруҳига (ёки ўзбек) ҳужжат топшира оладими ёки йўқми деган саволдир.
Сабаби баъзи ОТМ қабул комиссияларида абитуриентлар ОТМгача ўқиган тилда ҳужжат топшириши мумкинлигини, тилни ўзгартиришга ҳаққи йўқлигини таъкидлашаётганлиги ҳақида маълум қилишади. Аслида бу қанчалик тўғри?
Вазирлар Маҳкамасининг 2017 йил 20 июндаги 393-сонли қарори билан тасдиқланган Низомга асосан, Ўзбекистонда тест синовлари уч тилда — ўзбек, рус, Қорақалпоғистон Республикаси ҳудудидаги олий таълим муассасаларида қорақалпоқ тилларида ўтказилади.
Низомда ўзбек (ёки рус) тилларида ўқиган абитуриент ОТМнинг рус (ёки ўзбек) тилидаги йўналишига ҳужжат топшира олмаслиги ҳақида бирорта тақиқ йўқ.
Демак, бундан хулоса қилиш мумкинки, ўзбек тилида таҳсил олган абитуриент бемалол рус тилида тест синовлари топшира олади. Қабул комиссияси буни рад қилишга ёки “қани, русчани биласанми ўзи” дея қандайдир бирламчи синовдан ўтказишга ҳақли эмас.
#abituriyent
Абитуриент тест синовларида ўқиган чет тилидан бошқа тилни танлаши мумкинми?
ЖАВОБ: Ҳа, мумкин. Вазирлар Маҳкамасининг 393-сонли қарори билан тасдиқланган Низомнинг 4-бандига асосан, абитуриент чет тиллар сифатида инглиз, немис, француз тилларидан бири бўйича тест синови топширади.
Ушбу бандда абитуриент ўқиган чет тилидан қатъи назар, хоҳлаган (инглиз, немис, француз) чет тилидан тест топшириши мумкинлиги белгиланган. Масалан, мактабда немис тили бўйича ўқиган абитуриент тестда инглиз тилини танлашга ҳаққи бор.
Абитуриентларга оид бошқа хабарлар:
👉 @xushnudbek 👈
-
2019-06-24 04:23:59+00:00
Никита Макаренко жорий йилнинг март ойидаги Навоий шаҳрини замонавийлаштириш ниқоби остида кесиб ташланган дарахтлар ҳақида ёзибди.
Илгари куёвликка номзодларни синаш учун ўтин чоптириб кўришарди. Ҳозирги воқеаларни кўриб, нима бало, ҳокимликка номзодларни дарахт чоптириб синашяптими, деб ўйлаб қоласиз.
Шу пост остидаги изоҳларда қолдирилган бир фикрда жон бор: аввал ота-боболаримиз саҳрода қудуқ қазиб, боғга айлантириш учун заҳмат чекишган, бугунгилар эса боғни саҳрога айлантириш билан банд.
Табиатга очиқчасига, аҳмоқона усулда қарши чиқишнинг ўта салбий оқибатларидан жабр чекамиз бу кетишда. Дарахтларга ёппасига қирғин келтирувчиларнинг “кўзи кўр бўлади” ҳали.
Афсус, минг афсус...
👉 @xushnudbek 👈
-
2019-06-22 12:34:07+00:00
2018-2019 ўқув йилида 2.555 нафар мактаб битирувчилари олтин медал билан, 2.502 нафар ўқувчилар кумуш медал билан тамомлаган.
Эътиборли жиҳати Андижонда ҳаддан ташқари кўп олтин медаль берилган — нақ 736 та! Кумуш медал ҳам жуда кўп — 656 та. Жами медалларнинг 28%и Андижонда берилган.
Ёки Андижон ўқувчилари жуда билимли, ёки яна бошқа сабаб бордир.
❗️Мактабнинг олтин ва кумуш медаллари ҳамда лицей/коллежнинг қизил дипломи ОТМларга кириш учун ҳеч қандай имтиёз бермайди.
👉 @xushnudbek 👈
-
2019-06-22 10:59:55+00:00
Тўловлар қаерда тўланади?
#abituriyent
Аввалги йилларда битирган абитуриентлар рўйхатдан ўтиш учун махсус тўловни (101 минг 365 сўм) қаерда тўлашади?
ЖАВОБ: Аввалги йилларда тугатган абитуриентлардан тўлов:
- олий таълим муассасаларига ҳужжат топшириш учун мурожаат этганда — жойлардаги банклар кассалари орқали;
- давлат хизматлари марказлари орқали рўйхатдан ўтиш учун мурожаат этганда — ДХМда жойлашган банк кассалари ҳамда марказ ходимлари томонидан нақд ёки нақд пулсиз кўринишида қабул қилинади.
Шунингдек, тўловларни онлайн тўлаш имконияти ҳам бор. Бунинг учун пластик карточкангиз бўлиши керак. ДТМнинг расмий Телеграм каналида тўловни амалга ошириш бўйича кичик йўриқнома эълон қилинди.
Демак, Сиз дастлаб тўлов квитанцияси тайёрлаб олишингиз керак. Бунинг учун pay.dtm.uz сайтига кирасиз. Қўлланма билан танишинг.
Тўлов квитанцияси тайёр бўлгандан сўнг, 2 хил усулда тўловни амалга ошириш мумкин:
1. Мазкур квитанцияни чоп қилиб, банк орқали тўлов қилиш;
2. Пластик картангиз бўлса, “онлайн” тўлов тизими орқали тўлов қилиш. Бунда квитанция шакллангандан сўнг “Пластик карта орқали тўлов” тугмаси пайдо бўлади. Шу орқали тўлов тизимига ўтилади ва квитанциядаги инвойс рақамини киритиш орқали тўлов амалга оширилади.
❗️Изоҳ: Паспорт маълумотларингиз асосида ўз тўлов квитанциянгизни яратиб, ўзингизга тегишли бўлган инвойс рақамига тўловни амалга оширасиз. Расмда кўрсатилган квитанция ва инвойс рақами намуна учун берилди!
Абитуриентларга оид бошқа хабарлар:
👉 @xushnudbek 👈
-
2019-06-22 09:07:06+00:00
Ўқишни кўчириш (перевод) масаласида
Талабалардан ҳар куни ўқишни кўчиришга оид жуда кўп саволлар келиб тушади. Ҳар бирига алоҳида жавоб бериб чиқиш имконим йўқ, шу сабабли мазкур мавзуга оид туркум маълумотларни навбати билан бериб боришга ҳаракат қиламан.
Шунингдек, #ўқишникўчириш орқали маълумотлар билан танишиб боришингиз мумкин.
Бир таълим шаклидан бошқасига ўқишни кўчирса бўладими?
Бу энг кўп бериладиган саволлардан бири. Масалан, кундузгидан кечкига ўтказса бўладими, сиртқидан кундузгигачи ва ҳ.к.
Ҳа, бир таълим шаклидан бошқасига ўқишни кўчириш мумкин, лекин барча ҳолларда ҳам эмас. Қуйида бирма-бир кўриб чиқамиз.
👉 Кундузги таълимдан қуйидагиларга кўчириш рухсат этилади:
• кундузги;
• сиртқи;
• кечки (сменали).
Кундузги таълимдан махсус сиртқига кўчириб бўлмайди.
👉 Сиртқи таълимдан рухсат этилади:
• сиртқи (фақат бир таълим соҳаси доирасида);
• кечки (сменали).
Сиртқи таълимдан кундузги ҳамда махсус сиртқи таълимга кўчириб бўлмайди.
👉 Кечки таълимдан рухсат этилади:
• кечки таълим (фақат бир таълим соҳаси доирасида);
• кундузги.
Кечки таълимдан сиртқи ҳамда махсус сиртқи таълимга кўчириб бўлмайди.
👉 Махсус сиртқи таълимдан бошқа таълим шаклига кўчириб бўлмайди, ўз навбатида бошқа таълим шаклларидан махсус сиртқига кўчириш талаби ҳам рад этиш учун асос бўлади. Фақат махсус сиртқида бир таълим соҳаси доирасидагина кўчиришга рухсат этилади.
👉 Шунингдек, мақсадли қабул қилинганлар бошқа таълим йўналиши ёки таълим шаклига, бошқа ОТМга кўчира олмайди.
👉 @xushnudbek 👈
-
2019-06-21 17:01:08+00:00
Абитуриент-2019: савол-жавоблар
#abituriyent
КВОТА-2019
БАКАЛАВР:
👉 Кундузги
👉 Сиртқи
👉 Кечки
👉 Мақсадли қабул
👉 МАГИСТРАТУРА
• Абитуриентдан қандай ҳужжатлар талаб этилади?
ЖАВОБ
• ДХМ ва ОТМлар орқали ҳужжат топшириш тартиби қандай?
ЖАВОБ
• Қайси ОТМларга давлат хизматлари марказлари орқали ҳужжат топшириш мумкин?
ЖАВОБ
• Тест натижаси қачон эълон қилинади?
ЖАВОБ
• Чет тиллари бўйича қандай имтиёзлар белгиланган? IELTS сертификат ўтадими?
ЖАВОБ
• Ўтган йилги B1 сертификатлар бу йил B2 талаб қилинган жойга ўтадими?
ЖАВОБ
• Битта ОТМнинг 3 та факультетига ҳужжат топширса бўладими?
ЖАВОБ
• Учта ОТМ танлаш тартиби қандай бўлади?
ЖАВОБ
• Касбий (ижодий) имтиҳон топширадиганлар ҳам учта йўналишни танлай оладими?
ЖАВОБ
• Учта йўналишга алоҳида имтиҳон бўладими?
ЖАВОБ
• Учта ОТМ натижалари қандай ҳисобланади, бирор абитуриент бошқа ОТМдан каттароқ балл билан қайтиб келса, унда жойни бўшатиши керакми?
ЖАВОБ
• Сиртқи таълимда ҳам 3 та йўналишни танласа бўладими?
ЖАВОБ
• Иккита сиртқи, битта кундузги йўналишга топширса бўладими?
ЖАВОБ
• Кундузгига ҳужжат топшираётганда дипломни қайтариб берса, унда ўша диплом билан сиртқига топширса бўладими?
ЖАВОБ
• Тест натижалари чиққанда кира олмаган абитуриентлар сиртқи ёки кечкига қайта топшира оладими?
ЖАВОБ
• Учта ОТМни танлаш мажбурийми? 1 та ёки 2 та танласа бўлмайдими?
ЖАВОБ
• Учта йўналишга ҳужжат топширса, 3 марта 101 минг сўмдан тўлов қилинадими?
ЖАВОБ
• Онлайн ҳужжат топшириш учун электрон имзо талаб этиладими?
ЖАВОБ
• Кимлар онлайн ҳужжат топшира олмайди?
ЖАВОБ
• Ҳужжат топшириш учун қанча тўлов тўланади?
ЖАВОБ
• 5 та фандан имтиҳон тартиби қайси йилдан амал қилади?
ЖАВОБ
• Учта ОТМ танлашда фанлар кетма-кетлиги мос бўлиши шартми?
ЖАВОБ
• Фанлар кетма-кетлиги мос йўналишлар рўйхатини қаердан кўрса бўлади?
ЖАВОБ
• Вилоятдан туриб Тошкентдаги ОТМларга ҳужжат топширса бўладими?
ЖАВОБ
• Магистратурага қайси фанлардан имтиҳон бўлади?
ЖАВОБ
• ДТМ рухсатномаси қаердан олинади? Уни олиш учун ОТМларга бориш шартми?
ЖАВОБ
• Абитуриент тестни қаерда топширади?
ЖАВОБ
• Паспорти йўқолган ёки алмаштириш учун топширган абитуриентлар нима қилади?
ЖАВОБ
• Ҳарбий тавсияномага эга абитуриентлар учун қандай янгилик бўлди?
ЖАВОБ
• Нима учун магистратура бўйича айрим йўналишларда фақат давлат гранти кўрсатилган?
ЖАВОБ
• Махсус сиртқи бўлим ёпилдими?
ЖАВОБ
• ЖИДУ ва Темир йўлларга ҳужжатлар фақат ўзида қабул қилинади
ЖАВОБ
• Учта йўналишни танлашда таълим тили (ўзбек, рус ва ҳ.к.) бир хил бўлиши керакми?
ЖАВОБ
• Абитуриентларга неча варақ қоралама (черновик) берилади?
ЖАВОБ
• Чирчиқ давлат педагогика институтига фақат Тошкент вилоятида пропискаси борлар қабул қилинадими?
ЖАВОБ
• Сиртқига топшириш учун стаж керакми?
ЖАВОБ
❗️Саволингизга бу ердан жавоб топа олмадингизми? Унда саволни изоҳда ёзиб қолдиринг, имкон даражасида жавоб бераман.
Абитуриентларга оид бошқа хабарлар:
👉 @xushnudbek 👈
-
2019-06-21 16:03:41+00:00
LIVE.
Ўзбекистон Республикаси Олий Мажлиси Сенатининг йигирманчи ялпи мажлиси ҳақидаги кўрсатувни қуйидаги ҳавола орқали томоша қилинг:
www.facebook.com/Mirziyoyev/videos/1142002339256687/
-
2019-06-21 15:39:42+00:00
Ўзбек тилининг ҳурмати ҳақида (2-қисм)
Норматив-ҳуқуқий ҳужжатлар лойиҳалари порталига (regulation.gov.uz) сўнгги 1 ҳафта давомида 6 та қонун лойиҳаси муҳокамага қўйилди. Шундан 1 таси ўзбек/рус тилида, 3 таси фақат ўзбек тилида, 2 таси фақат рус тилида жойлаштирилган.
Фақат рус тилида, ўзбек тилидаги муқобилисиз жойлаштирилган қонун лойиҳалари Давлат асиллик даражасини белгилаш палатаси ҳамда Соғлиқни сақлаш вазирлиги томонидан жойлаштирилган.
Рўйхат билан танишинг.
Ўзбек ва рус тилларида
Лойиҳа номи: Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида
Муаллиф: Капитал бозорини ривожлантириш агентлиги
Муҳокама даври: 19.06 – 03.07
Муҳокама учун ҳавола
Фақат ЎЗБЕК тилида
Лойиҳа номи: “Архив иши тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақида
Муаллиф: “Ўзархив” агентлиги
Муҳокама даври: 18.06 – 02.07
Муҳокама учун ҳавола
Лойиҳа номи: Ўзбекистон Республикасининг айрим қонунларини ўз кучини йўқотган деб ҳисоблаш тўғрисида
Муаллиф: Қурилиш вазирлиги
Муҳокама даври: 18.06 – 03.07
Муҳокама учун ҳавола
Лойиҳа номи: Ўзбекистон Республикасининг айрим қонун ҳужжатларига ўзгартишлар киритиш тўғрисида
Муаллиф: Адлия вазирлиги
Муҳокама даври: 19.06 – 04.07
Муҳокама учун ҳавола
Фақат РУС тилида
Лойиҳа номи: О драгоценных металлах и драгоценных камнях
Муаллиф: Давлат асиллик даражасини белгилаш палатаси
Муҳокама даври: 14-29 июнь
Муҳокама учун ҳавола
Лойиҳа номи: О социальных услугах для престарелых, лиц с инвалидностью и других социально- уязвимых категорий населения» в новой редакции
Муаллиф: Соғлиқни сақлаш вазирлиги
Муҳокама даври: 20.06 – 05.07
Муҳокама учун ҳавола
Шунингдек, сўнгги 1 ҳафтада 8 та Президент қарор ва фармонлари муҳокамага қўйилган бўлиб, уларнинг 2 таси ўзбек/рус тилида, 2 таси фақат ўзбек тилида, 4 таси (50%!!!) фақат рус тилида муҳокамага қўйилган.
Жумладан, Энергетика, Уй-жой коммунал хизмат кўрсатиш вазирликлари, Экология ва атроф-муҳитни муҳофаза қилиш қўмитаси ҳамда Гидрометеорология хизмати маркази фақат рус тилида ҳужжат лойиҳасини жойлаштирган.
Биз юқорида номи тилга олинган 6 та давлат ташкилотига аввалги саволимизни такрорлаймиз: Сиз учун ўзбек тилининг ҳурмати борми, йўқми?
👉 @xushnudbek 👈
-
2019-06-21 07:29:03+00:00
Сенат раисининг сайланиш тартиби қандай?
Конституциямизнинг 86-моддасига биноан, Олий Мажлис Сенати ўз таркибидан Сенат Раиси ва унинг ўринбосарларини сайлайди. Сенат Раиси Президентнинг тақдимига биноан сайланади.
Сенат Раиси ва ўринбосарлари яширин овоз бериш орқали сенаторлар умумий сонининг кўпчилик овози билан Сенат ваколати муддатига сайланади.
Айримларда савол туғилиши мумкин, ахир Конституцияда «ўз таркибидан» дейилганку, унда қандай қилиб Танзила Нарбаева Сенат аъзоси бўлмасдан раисликка сайланиши мумкин, деган.
Бунинг жавоби: Шавкат Мирзиёев 2019 йил 20 июнь куни «Т.К.Нарбаевани Ўзбекистон Республикаси Олий Мажлиси Сенатининг аъзоси этиб тайинлаш тўғрисида»ги ПФ-5749-сон Фармонга имзо чеккан. Чунки Президентда 16 кишини сенаторликка тайинлаш ваколати мавжуд ва улар орасида 3 нафар сенаторнинг ўрни бўш турган эди.
Шунингдек, Президентнинг ПФ-5750-сон Фармонига асосан, Бош вазир ўринбосари – Хотин-қизлар қўмитаси раиси Э.Баситханова ҳам Сенат аъзоси этиб тайинлаган.
Кеча Марказий сайлов комиссиясининг навбатдаги мажлисида Ниғматилла Йўлдошевнинг ваколати муддатидан аввал тугатилганлиги сабабли, Сенат аъзолари рўйхатидан чиқарилган, шунингдек Танзила Нарбаева ҳамда Эльмира Баситханова Сенат аъзолари этиб рўйхатга олинган.
👉 @xushnudbek 👈
-
2019-06-21 06:30:27+00:00
⚡️ Танзила Нарбаева Сенат раиси сифатида сайланди
Бу дегани — Конституцияга биноан, номенклатура жиҳатдан президентликдан кейинги даражада турувчи лавозимни Ўзбекистон тарихида илк маротаба аёл киши эгалламоқда.
👉 @xushnudbek 👈
-
2019-06-21 05:28:56+00:00
Сиртқига топшириш учун стаж керакми?
#abituriyent
ЖАВОБ: Кўпчилик шу савол билан мурожаат қилмоқда. Шу сабабли бироз тушунтириш бериб ўтамиз.
👉 СИРТҚИ КВОТАСИ
👉 Ҳарбий тавсиянома учун 5% ли квота
👉 Сиртқига топшириш учун иш стажи шарт эмас. Хоҳ мактабни, хоҳ коллеж-лицейни тугатибоқ, сиртқи йўналишга ҳужжат топшириш мумкин. Кўпчилик буни махсус сиртқи билан адаштирмоқда;
👉 Сиртқига ҳужжат топшириш учун иш жойидан тавсиянома ҳам шарт эмас;
👉 Ҳужжатлар 1 июлдан 30 июлгача қабул қилинади;
👉 Абитуриентлардан паспорт ва диплом талаб қилинади (агар имтиёз бўлса, уни тасдиқловчи ҳужжат);
👉 Кириш имтиҳонлари ҳар йили 16 августдан 25 августгача бўлган муддатда ўтказилади;
👉 Имтиҳонлари камида 3 та фандан муайян таълим йўналишида ўқитиш тилида ўтказилади;
👉 Имтиҳонлар тест ёки касбий (ижодий) ва ёзма имтиҳон шаклида ўтказилади. Қайси ОТМда тест бўлади, қайси бирида ижодий имтиҳон бўлади, буниси Давлат қабул комиссияси томонидан олдиндан тасдиқланади;
👉 Тест синови ДТМ томонидан катта павильонларда ўтказилади, касбий (ижодий) ва ёзма имтиҳонлар эса ОТМнинг ўзида бўлади;
👉 сиртқи таълим шаклига ҳам барча имтиёзлар ўтади (ҳарбий тавсиянома олганларга, ногиронлиги бўлганларга, ҳарбийларнинг фарзандларига ажратиладиган алоҳида квоталар, чет тили сертификатлари ва ҳ.к.);
👉 сиртқи таълимда ҳам учта йўналишни танласа бўлади, фақат учала йўналиш ҳам сиртқи бўлиши шарт. Батафсил ўқинг;
👉 кириш имтиҳонлари топшириқлари умумий ўрта (11-синф негизида), ўрта махсус, касб-ҳунар таълими фанларининг ўқув дастурларига мувофиқ тузилади;
👉 спорт фанлари бўйича имтиҳонлар топшириқлари абитуриентларнинг алоҳида тоифалари учун (жинси ва ёши бўйича) белгиланган меъёрий талабларга мувофиқ тузилади (масалан, 18 ёшли абитуриентнинг норматив талаби билан 40 ёшли абитуриентга қўйилган талаб фарқ қилади);
👉 29 августга қадар имтиҳон натижалари эълон қилинади ва абитуриентларни талабаликка тавсия этиш тўғрисида ОТМ ректорининг буйруғи чиқарилади.
Абитуриентларга оид бошқа хабарлар:
👉 @xushnudbek 👈
-
2019-06-20 14:33:16+00:00
Ўзбекистон тарихида илк марта Сенатга аёл киши раис бўлиши мумкин
«Юксалиш» умуммиллий ҳаракатининг хабар беришича, Олий Мажлис Қонунчилик палатасининг навбатдаги ялпи мажлисида Соғлиқни сақлаш вазири ўринбосари Баситханова Эльмира Иркиновна Бош вазир ўринбосари лавозимига маъқулланибди.
Бу эса ўз-ўзидан Эльмира Иркиновна 2011-2016 йилларда эгаллаган лавозими, яъни Хотин-қизлар қўмитаси раиси сифатида яна қайтганини англатади.
Daryo — LIVE'нинг ёзишича, бугунги кунгача Бош вазир ўринбосари - Хотин-қизлар қўмитаси раиси сифатида ишлаб келаётган Нарбоева Танзила Камаловна эртага бўлиб ўтадиган Сенатнинг ялпи мажлисида Сенат раиси сифатида сайланиши кутилмоқда. Агар шундай бўлса, унда Танзила Камаловна Ўзбекистон тарихига Сенат раиси бўлган илк аёл сифатида киради.
Воқеалар ривожини кузатамиз...
👉 @xushnudbek 👈
-
2019-06-20 11:44:42+00:00
РАСМАН: Мактабларда мажбурий форма 5 йилга кечиктирилди
Вазирлар Маҳкамасининг «Давлат умумий ўрта таълим муассасалари ўқувчиларини замонавий ягона мактаб формаси билан таъминлаш чора-тадбирлари тўғрисида»ги 2018 йил 15 августдаги 666-сон қарорига ўзгартиришлар киритилди. Бу ҳақида Бош вазир ўринбосари Азиз Абдуҳакимов Фейсбукдаги саҳифасида эълон қилди.
Қарорга кўра, мактабларда мажбурий форма жорий этиш муддати 5 йилга кечиктирилди ҳамда 2024/2025 ўқув йилидан бошлаб амалга киритилиши белгиланди.
👉 @xushnudbek 👈
-
2019-06-20 07:42:18+00:00
Отабек Муродов Ўзбекистон Республикаси Бош прокурори лавозимидан озод этилди
www.president.uz/uz/2673
--
Отабек Муродов освобожден от должности Генерального прокурора Республики Узбекистан
www.president.uz/ru/2673
***
Ниғматилла Йўлдошев Ўзбекистон Республикаси Бош прокурори этиб тайинланди
www.president.uz/ru/2674
--
Нигматилла Йулдошев назначен Генеральным прокурором Республики Узбекистан
www.president.uz/ru/2674
-
2019-06-19 15:00:38+00:00
Абитуриентларга неча варақ қоралама (черновик) берилади?
ЖАВОБ: Жорий йилдаги тест синовларида табиий ва техник фанлар учун абитуриентларга 2 варақдан (илгари 1 варақ эди) қоралама сифатида бўш қоғоз қўшиб берилади. Бу ҳақида ДТМ масъуллари бугун Адлия вазирлиги ташкил этган брифингда маълум қилишибди.
#abituriyent
Чирчиқ давлат педагогика институтига фақат Тошкент вилоятида пропискаси борлар қабул қилинадими?
ЖАВОБ: Йўқ, ундай эмас. Чирчиқ давлат педагогика институтига доимий пропискаси қаерда бўлишидан қатъи назар исталган шахслар абитуриент сифатида рўйхатдан ўтиши мумкин. Буни институт расмийлари ҳам тасдиқлашди.
Маълумот учун, ушбу институтга ҳужжат топшириш учун албатта Чирчиққа келиш шарт эмас, ўзингизга яқин бўлган исталган ОТМга бориб, рўйхатдан ўта оласиз.
Абитуриентларга оид бошқа хабарлар:
👉 @xushnudbek 👈
-
2019-06-19 12:27:44+00:00
ЖИДУ ва Темир йўлларга ҳужжатлар фақат ўзида қабул қилинади
#abituriyent
Давлат тест маркази ваниҳоят Телеграмда расмий канал (@rasmiydtm) очибди. Бунгача ДТМ номи билан фаолият олиб борадиган барча каналлар сохталиги ҳақида аввал ҳам баёнот беришганди.
ДТМнинг расмий канали қабулга оид маълумотларни бера бошлади. Улар орасида янги гаплар ҳам бор:
1) учта йўналишни танлаётганда нафақат фанлар кетма-кетлиги мос бўлиши керак, балки таълим тили ҳам бир хил бўлиши шарт. Яъни иккитасини ўзбек тилига, 1 тасини рус тили (евро)га топшириб бўлмайди. Ёки учаласи ҳам ўзбек, ёки учаласи ҳам рус тили бўлиши керак.
2) Жаҳон иқтисодиёти ва дипломатия университети ҳамда Тошкент темир йўл муҳандислик институтига ҳужжат топшириш учун фақат ўша ОТМларнинг ўзига (яъни Тошкентга) бориш керак. Хабарингиз бор, қолган ОТМлар учун эса Тошкентга (ОТМнинг ўзига) келиш шарт эмас. ТДЮУ учун исталган тумандаги ДХМга бориш керак, қолган ОТМлар учун исталган ОТМга бориш кифоя.
Нима учун ЖИДУ ва ТошТЙМИга албатта ўзига бориш керак?
Биринчидан, ЖИДУнинг қабул тартиби бошқалардан фарқ қилади. Уларда қабул 5 июлгача (15 июль эмас) давом этади, шунингдек, тестгача университетнинг ўзида бирламчи саралаш босқичи бўлади.
Иккинчидан, ТошТЙМИда талабанинг саломатилиги ҳам муҳим, шунинг учун абитуриентлар ҳужжат топширишда тиббий комиссия назоратидан ҳам ўтади.
Абитуриентларга оид бошқа хабарлар:
👉 @xushnudbek 👈
-
2019-06-19 11:42:13+00:00
Фейсбукдан олинди:
«Ота-оналарга эслатма!
Ҳурматли ота-оналар. Фарзандларингиз таътилда яхши дам олишлари учун мактабдаги каби қулай шароит яратиб беринг. Масалан, фарзандингиз оёқ кийими изларини деворларга тушира олсин, хонтахта ёки жавонларга меҳмон кутадиган столларингизга ўйиб севгани ёки ёмон кўрган одамининг исмини ёза олсин. Кирган уйларида чироқларни бемалол ёниқ қолдирсин. Еган ва ичган нарсасининг қолдиғи қоғозларини истаган ерига ташласин, бор овози билан истаган гапини гапирсин. Энг муҳими сиз овозингизни чиқариб ёки қўл билан жазоламанг. Aкс ҳолда бу бола психологиясига таъсир қилиши мумкин.
Токи уч ой ичида болаларимиз мактабда қиладиган ишларини эсдан чиқариб қўймасинлар. Сизга иккитагина ёки нари борса тўрттагина боламизни уч ойгинага омонат қолдиряпмиз. Кейин 1400 та боламизни ўзимиз 9 ой эплаб оламиз сизларни аралаштирмасдан»
(Ўқитувчилар яхши тушунса керак)
👉 @xushnudbek 👈
-
2019-06-19 08:26:48+00:00
Муҳрим ўз каналида ёзяпти:
«Умуман олганда, ягона форма — жуда қизиқ мавзу. Икки йил аввал: «Мактабда ҳаммани иложи борича бир хил кийинтира билишимиз керак», — дейилган эди, шундан сўнг ҳаракат бошланганди. Яқинда: «Мажбурий форма талаб қилинишига ҳали эрта деб ўйлаймиз», — деган баёнот берилди. Ғирт бошқотирма вазият (айниқса, форма масаласидаги гаплар бошланишидан аввал халқ таълими тизимидан узоқда бўлган вазир Шерматов учун), шундай эмасми? Ундан ҳам бошқотирмароқ вазият бор.
Мана, бош вазирга Тадбиркорлар мурожаатларини кўриб чиқиш қабулхонаси очиб берилди. Ҳеч ким ечолмаган муаммони бош вазир ҳал қилиши керак. Яқинда чиққан баёнотдан сўнг ягона мактаб формаси 2019 йилдан мажбурий бўлмаслиги ҳам, форма тикишни бошлаб қўйган айрим тадбиркорлар (жиддий) зарар кўриши ҳам аниқ бўлди. Тадбиркорлар бош вазир қабулхонасига чиққан, бош вазир эса қўл остидаги масъул (Шерматов)га муаммони ҳал қилиш ҳақида топшириқ берган, тушунишимиз бўйича.
Қизиғи, бу муаммо ҳал бўлиши, тадбиркорлар бахтиёр бўлиши учун форма, ўтган йили айтилганидек, мажбурий бўлиши керак (йўқса, ҳали сентябрда: «Мактабда мажбурий равишда форма сотишяпти, директор олмаганингга қўймайман, деяпти», деган гаплар бошланади, худди мактабларда концертларга чипта сотиш воқеаларидагидек). Хуллас, атрофимизда мана шунақа бошқотирмалар. Ва бу бошқотирмаларга вазир Шерматов, менимча, ўзи хоҳламай, ҳатто ўзи бехабар аралашиб қолган (агар бошидан халқ таълимига ўзи раҳбар бўлганида, менимча, форма ҳақидаги гаплар яқин уч-тўрт йилда кўтарилмаган ҳам, чиқмаган ҳам бўларди).
UPD. Бу — вазир Шерматовни форма масаласида қаттиқ танқид қилиб ташлаш инсофдан эмаслиги ҳақида пост эди. «Элитний» мактабларга айрим ўқувчиларни пул эвазига қабул қилиш ҳақидаги қарор бўйича эса вазир билан баҳслашиш мумкин, лекин кўнглингни бир четида бу масалада ҳам уни тушунгинг келади — вазир бир ўзи мактаблардаги коррупцияни йўқ қила олмайди, коррупцияга қарши курашиши керак бўлган айрим валломатларнинг мактаб директорларига «йўқ деб бўлмайди»ган илтимосли (баъзан буйруқли) қўнғироқларига қарши кураша олмайди. Буям бир пост учун алоҳида мавзу, сал кенгайтириб ёзмаса, нотўғри талқинлар кетиши мумкин».
Пост тугади.
P.S.: форма масаласида ҳам, Тошкентдаги айрим мактабларнинг айрим шахслар учун тўлов эвазига ўқувчи қабул қилиши масаласида ҳам ўз фикрларим бор, аммо уларни ёзишга сира вақт бўлмаяпти. Ёзаман деб ният қилган 30 га яқин мавзу каби навбат кутмоқда. Муҳримнинг фикрлари позициямга айни ўхшашлиги учун улашиб қўя қолдим.
👉 @xushnudbek 👈
-
2019-06-19 06:33:45+00:00
⚡️ Талабалар учун:
2019 йил 17 июндаги ПҚ-4359-сонли Президент қарорига асосан:
тўлов-контракт асосида таълим олаётган барча босқич талабаларига, ўз хоҳишларига кўра контракт қийматини стипендияли ёки стипендиясиз шаклда тўлаш ҳуқуқи берилади.
Ҳозирча бунинг тартиби ишлаб чиқилмаган, яъни стипендиясиз шаклда контракт тўлаётган талаба қайси қийматдаги (3, 4 ёки 5лик) стипендияни чегириб қолиш ҳуқуқига эга, ўзи олаётган қийматда бўладими ёки ҳамма учун умумий бир хил миқдор белгиланадими, буниси ҳозирча маълум эмас.
Янги ўқув йили бошлангунга қадар ушбу тартиб тасдиқланиб қолса керак ва шунда яна батафсил маълумот беришга ҳаракат қиламиз.
P.S.: Худди шу тизим ҳақида ўтган йили таклиф бериб, таҳлилий мақола ёзган эдим - https://t.me/xushnudbek/640
Таклифлар амалиётга жорий этилаётганидан хурсандман.
👉 @xushnudbek 👈
-
2019-06-19 04:55:50+00:00
2019 йил 21 июнь куни Ўзбекистон Республикаси Олий Мажлиси Сенати йигирманчи ялпи мажлиси иш бошлайди.
Ялпи мажлисда янги таҳрирдаги «Туризм тўғрисида»ги, «Шахсга доир маълумотлар тўғрисида»ги, «Ўзбекистон Республикасининг Ҳисоб палатаси тўғрисида»ги, «Қурол тўғрисида»ги, «Халқаро меҳнат ташкилотининг 1930 йилдаги Мажбурий меҳнат тўғрисидаги 29-сонли Конвенциясига Баённомани (Женева, 2014 йил 11 июнь) ратификация қилиш ҳақида»ги қонунлар кўриб чиқилади.
👉 @xushnudbek 👈
-
2019-06-18 17:54:56+00:00
Абитуриент-2019: савол-жавоблар
#abituriyent
КВОТА-2019
БАКАЛАВР:
👉 Кундузги
👉 Сиртқи
👉 Кечки
👉 Мақсадли қабул
👉 МАГИСТРАТУРА
• Абитуриентдан қандай ҳужжатлар талаб этилади?
ЖАВОБ
• ДХМ ва ОТМлар орқали ҳужжат топшириш тартиби қандай?
ЖАВОБ
• Қайси ОТМларга давлат хизматлари марказлари орқали ҳужжат топшириш мумкин?
ЖАВОБ
• Тест натижаси қачон эълон қилинади?
ЖАВОБ
• Чет тиллари бўйича қандай имтиёзлар белгиланган? IELTS сертификат ўтадими?
ЖАВОБ
• Ўтган йилги B1 сертификатлар бу йил B2 талаб қилинган жойга ўтадими?
ЖАВОБ
• Битта ОТМнинг 3 та факультетига ҳужжат топширса бўладими?
ЖАВОБ
• Учта ОТМ танлаш тартиби қандай бўлади?
ЖАВОБ
• Касбий (ижодий) имтиҳон топширадиганлар ҳам учта йўналишни танлай оладими?
ЖАВОБ
• Учта йўналишга алоҳида имтиҳон бўладими?
ЖАВОБ
• Учта ОТМ натижалари қандай ҳисобланади, бирор абитуриент бошқа ОТМдан каттароқ балл билан қайтиб келса, унда жойни бўшатиши керакми?
ЖАВОБ
• Сиртқи таълимда ҳам 3 та йўналишни танласа бўладими?
ЖАВОБ
• Иккита сиртқи, битта кундузги йўналишга топширса бўладими?
ЖАВОБ
• Кундузгига ҳужжат топшираётганда дипломни қайтариб берса, унда ўша диплом билан сиртқига топширса бўладими?
ЖАВОБ
• Тест натижалари чиққанда кира олмаган абитуриентлар сиртқи ёки кечкига қайта топшира оладими?
ЖАВОБ
• Учта ОТМни танлаш мажбурийми? 1 та ёки 2 та танласа бўлмайдими?
ЖАВОБ
• Учта йўналишга ҳужжат топширса, 3 марта 101 минг сўмдан тўлов қилинадими?
ЖАВОБ
• Онлайн ҳужжат топшириш учун электрон имзо талаб этиладими?
ЖАВОБ
• Кимлар онлайн ҳужжат топшира олмайди?
ЖАВОБ
• Ҳужжат топшириш учун қанча тўлов тўланади?
ЖАВОБ
• 5 та фандан имтиҳон тартиби қайси йилдан амал қилади?
ЖАВОБ
• Учта ОТМ танлашда фанлар кетма-кетлиги мос бўлиши шартми?
ЖАВОБ
• Фанлар кетма-кетлиги мос йўналишлар рўйхатини қаердан кўрса бўлади?
ЖАВОБ
• Вилоятдан туриб Тошкентдаги ОТМларга ҳужжат топширса бўладими?
ЖАВОБ
• Магистратурага қайси фанлардан имтиҳон бўлади?
ЖАВОБ
• ДТМ рухсатномаси қаердан олинади? Уни олиш учун ОТМларга бориш шартми?
ЖАВОБ
• Абитуриент тестни қаерда топширади?
ЖАВОБ
• Паспорти йўқолган ёки алмаштириш учун топширган абитуриентлар нима қилади?
ЖАВОБ
• Ҳарбий тавсияномага эга абитуриентлар учун қандай янгилик бўлди?
ЖАВОБ
• Нима учун магистратура бўйича айрим йўналишларда фақат давлат гранти кўрсатилган?
ЖАВОБ
• Махсус сиртқи бўлим ёпилдими?
ЖАВОБ
❗️Саволингизга бу ердан жавоб топа олмадингизми? Унда саволни изоҳда ёзиб қолдиринг, имкон даражасида жавоб бераман.
Абитуриентларга оид бошқа хабарлар:
👉 @xushnudbek 👈
-
2019-06-18 16:58:14+00:00
Президент Шавкат Мирзиёев Ўзбекистон Миллий университетига оид қарорни имзолади.
Қарорда дастлаб ЎзМУ фаолияти жиддий танқид остига олинган, жумладан 10 та йирик, тизимли камчиликлар санаб ўтилган.
Ўз навбатида келгусида қилиниши керак бўлган кўплаб вазифалар ҳам белгиланган.
👉 Қуйидагилар ташкил қилинади:
• 2019/2020 ўқув йилидан бошлаб – муҳандислик математикаси, компьютер фанлари ва технологик менежмент йўналишлари бўйича Ўзбекистон – Исроил факультети;
• 2020/2021 ўқув йилидан бошлаб ва кейинги йилларда – “Амалий математика ва интеллектуал технологиялар”, “Биофизика ва муҳандислик тадқиқотлари”, “Фундаментал тиббиёт ва биокимё” факультетлари.
👉 С.Сирожиддинов номидаги академик лицей “табиий ва аниқ фанлар”га ихтисослаштирилган С.Сирожиддинов номидаги республика академик лицейи этиб қайта ташкил этилади;
👉 2021/2022 ўқув йилидан бошлаб эса академик лицей С.Сирожиддинов номидаги республика гимназиясига айлантирилади ва унинг битирувчилари ЎзМУнинг тегишли факультетларига тўғридан-тўғри қабул қилинади.
Фақат ЎзМУ эмас, балки барчага тааллуқли яна бир жиҳат:
👉 таълим ва илм-фан соҳасидаги барча давлат ташкилотларида илмий-педагогик ва меҳнат фаолияти билан шуғулланаётган ходимларнинг ойлик иш ҳақига 2019 йил 1 сентябрдан бошлаб бюджет маблағлари ҳисобига – фан номзоди ёки фалсафа доктори (PhD) даражасига эга бўлган ходимларга 30 фоизгача, фан доктори (Doctor of Science) даражасига эга бўлган ходимларга 60 фоизгача қўшимча ҳақ тўлаш тартиби йўлга қўйилади.
👉 @xushnudbek 👈
Қарорнинг батафсил матни билан қуйида танишишингиз мумкин:
http://uza.uz/oz/documents/2019-2023-yillarda-mirzo-ulu-bek-nomidagi-zbekiston-milliy-u-18-06-2019
-
2019-06-18 15:32:24+00:00
2018 йил 23 октябрда айтилган тилакка фаришталар омин деган экан, мана, 100 минг сўмлик пул ҳам чиқишга улгурди :)
Гап ўша-ўша - имконим бўлганда ҳаммага 100 минг сўмдан суюнчи бериб чиқардим😉
-
2019-06-18 15:13:22+00:00
Канал муштарийлари сони
1️⃣0️⃣0️⃣ 0️⃣0️⃣0️⃣ нафардан ошди 👏👏👏
Бундан бениҳоя бахтиёрман. Барчангизга катта раҳмат! Ишончингизни оқлашга ҳаракат қиламан.
Агар ёзганларим ҳеч бўлмаса 1 кишига бўлса ҳам фойдаси тегаётган бўлса, демак тўғри йўлдаман.
P.S.: ушбу GIF файл моушн дизайн усталари бўлган @motionuz жамоаси номидан табрик сифатида тақдим этилди, уларга ҳам раҳмат )
-
2019-06-18 15:00:53+00:00
Тошкентдаги уч нафар ўсмирнинг кўнгли машҳурлик истаб қолибди ва Инстаграмда обуначиларини кўпайтираман деб, метро вагонининг ичида 25 та пиротехника воситаси бўлган сумкани ёқиб, ташлаб қочишибди. Зудликда олов ўчирилган, йўловчилар вагондан эвакуация қилинган, кўнгилсиз ҳолатнинг олди олинган.
Ўсмирлар эса ўша видеони кейин барибир Инстаграмга жойлабди. Товбааа...
Илтимос, сохта машҳурлик учун бундай ишларни қилманг, бу ҳам ноқонуний, ҳам аҳмоқлик.
👉 @xushnudbek 👈
-
2019-06-18 14:05:04+00:00
Август ойида Ўзбекистон Президенти Шавкат Мирзиёев Беларусга расмий ташриф билан боради. Бу ҳақда Беларусь-Ўзбекистон икки томонлама ҳамкорлиги бўйича ҳукуматлараро комиссия йиғилишида маълум қилинди.
-
2019-06-18 12:00:46+00:00
Махсус сиртқи бўлимга нима учун квоталар эълон қилинмади, у ёпилдими?
#abituriyent
ЖАВОБ: Жорий йилда махсус сиртқи бўлим учун квоталар ажратилмади ва қабул бўлмайди. Бу йилдан бошлаб махсус сиртқилар учун бироз бошқачароқ тартиб жорий қилинади, яъни кеча айтилганидек, вазирлик, идора ва йирик хўжалик бирлашмаларининг (иш берувчилар) тавсияси асосида тўлов-контракт асосида сиртқи ва кечки таълим шаклига қабул қилинади. Бунда ходим камида беш йил иш стажига эга бўлиши керак ва улар кейинчалик ушбу тизимда беш йил ишлаб беради. Киришда тест бўлмайди, шунчаки суҳбат асосида қабул қилинади.
Бу бўйича саволлар жуда кўп берилмоқда, лекин тўлиқ тартиб тасдиқланмагунча ҳеч нарса деб бўлмайди. Олий ва ўрта махсус таълим вазирлиги бир ой муддатда бунинг тартибини ҳамда тавсия этиш ҳуқуқига эга бўлган вазирлик, идора ва йирик хўжалик бирлашмаларининг рўйхатини тасдиқлайди. Шунгача кутиб туриш керак, кейин барчаси маълум бўлади.
P.S.: шунчаки cиртқига топшириш учун стаж керак эмас. Бу ҳақида алоҳида тўхталамиз.
Абитуриентларга оид бошқа хабарлар:
👉 @xushnudbek 👈
-
2019-06-18 10:42:51+00:00
⚡️Ажойиб янгилик! Энди мақсадли қабулга топшириш учун ўша ҳудуднинг дипломи талаб этилмайди
2017 йилдан бошлаб тиббиёт йўналишларида, кейинчалик аграр ва қишлоқ хўжалиши йўналишида ҳам мақсадли қабул асосида давлат гранти бўйича ўқишга қабул қилиш бошланган эди.
Илгари қоида бўйича, мақсадли қабулга топшириш учун фақат ўша ҳудуддаги коллеж-лицейда ўқиган бўлиши керак эди. Яъни навоийлик абитуриент Навоий вилоятига ажратилган мақсадли қабул учун даъвогарлик қилмоқчи бўлса, у албатта коллеж ёки лицейни Навоийда тугатган бўлиши шарт эди. Бундай тақиқ бирмунча кулгили чекловларни келтириб чиқарар эди. Масалан, андижонлик абитуриент Фарғона тиббиёт коллежида ўқиган бўлса, унда у на Андижон бўйича, на Фарғона бўйича мақсадли қабулга топшира олар эди. Бундай вазиятда абитуриент шунчаки тиббиёт йўналишида давлат грантида ўқиш ҳуқуқидан автоматик маҳрум бўлиб қолар, фақат контрактга даъвогарлик қила олар эди.
Ниҳоят 27.04.2019 йилдаги Вазирлар Маҳкамасининг 360-сонли қарори билан мақсадли қабулга қўйилган ушбу тақиқ бутунлай бекор бўлди.
Бу нима дегани?
Эндиликда муайян ҳудудда доимий яшайдиган (паспортдаги маълумот бўйича) исталган абитуриентлар, улар қайси ҳудудда таҳсил олганидан қатъи назар, мақсадли қабулга даъвогарлик қила олади. Масалан, андижонлик абитуриент Фарғонада ўқиганми, Тошкентда ўқиганми, Самарқандда ўқиганми, фарқи йўқ, энди у Андижон учун ажратилган мақсадли қабулга топшира олади.
Демак, бундай буён давлат грантига кириш учун барчада бирдек имконият пайдо бўлади.
👉 @xushnudbek 👈
-
2019-06-18 10:30:37+00:00
МАҚСАДЛИ ҚАБУЛ бўйича барча қабул квоталари
11 та ОТМ бўйича барча квоталар
👥 Жами 2 013 ўрин
💾 PDF файл, 493 кб
Абитуриентларга оид бошқа хабарлар:
👉 @xushnudbek 👈
-
2019-06-18 09:31:11+00:00
Нима учун магистратура бўйича айрим йўналишларда фақат давлат гранти кўрсатилган?
#abituriyent
Магистратура квоталарини кўрсак, жуда кўп йўналишларда фақат давлат гранти турибди, контракт йўқ. Бу техник хатоликми ёки ҳали грант-контрактга бўлинмадими?
ЖАВОБ: Йўқ, бу техник хатолик эмас. Кўзингиз алдаётгани ҳам йўқ. Жорий йилда ҳақиқатдан магистратура бўйича катта ўзгаришлар бўлди. Шулардан бири айнан жуда кўп йўналишлар учун фақат давлат гранти асосида қабул жорий этилганидир.
Агар эътибор берилса, магистратура учун ажратилган 7 695 ўриндан 4 131 таси (53,7%) давлат гранти асосида, қолган 3 564 таси (46,3%) эса контракт асосида. Ўтган йилги билан солиштирганда бу жуда катта ўзгариш! Чунки ўтган йили умумий квотанинг 26%и грант, 74%и контракт бўлганди.
Бундан ташқари жорий йилдан бошлаб магистратура учун ҳам қўшимча контракт асосида қабулга рухсат берилди, айрим йўналишларда фақат давлат гранти бўлганининг сабаби ҳам шунда. Мабодо кимдир грантга кира олмаса, қўшимча тўлов билан контрактда ўқиши мумкин.
Ана шунақа гаплар. Яхши янгиликлар кўпаяверсин.
Маълумот учун:
• Магистратурага қайси фанлардан имтиҳон бўлади?
• МАГИСТРАТУРА-2019 КВОТАСИ
Абитуриентларга оид бошқа хабарлар:
👉 @xushnudbek 👈
-
2019-06-18 08:05:37+00:00
Ҳарбий тавсияномага эга абитуриентлар учун қандай янгилик бўлди?
#abituriyent
Хабарингиз бор, узоқ йиллардан буён ҳарбий тавсияномага эга абитуриентлар учун тест синовларида махсус имтиёз тизими қўлланилар эди.
Унга кўра, ҳарбий тавсияномага эга абитуриентларга 2006-2011 йиллар мобайнида максимал баллнинг 25 фоизи (56,7 балл), 2012-2016 йилларда максимал баллнинг 27 фоизи (61,2 балл), 2017-2018 йилларда ўзи тўплаган баллнинг 50 фоизи миқдорида имтиёз қўлланди. Бунинг натижасида қизлар ёки тавсиянома олмаган абитуриентларнинг ҳуқуқлари ўз-ўзидан чекланар эди.
Ўтган йили сентябрь ойида Бош вазир ўринбосари Азиз Абдухакимов ҳарбий имтиёз масаласи қайта кўриб чиқилишини ваъда қилганди.
Шундан сўнг, 2019 йилги Давлат дастурида ҳарбий тавсияномага эга шахслар ўртасида ўтказиладиган танлов учун алоҳида квоталар ажратиш тартиби жорий этилиши белгиланди, бу ҳақида махсус қарор лойиҳаси ҳам ишлаб чиқилди, ва ниҳоят расман тасдиқланди ҳам.
Энди нима бўлади?
1) ҳарбий тавсияномага эга абитуриентлар учун алоҳида 5 фоизлик квота белгиланди. Энди тавсияномага эга абитуриентлар энг аввало ўша квота доирасида ўзаро беллашади, ўзгаларга халақит қилмайди. Масалан, Тошкент тиббиёт академиясида 66 та ўрин ажратилган, шундан 25 таси грант, 41 таси контракт (бу умумий рақам, йўналишларга ҳали ажратилмаган).
ТТАга жами 200 нафар ҳарбий тавсиянома олганлар топширди, дейлик. Ана шу 200 нафар абитуриентнинг тўплаган баллари аввал алоҳида ажратиб олинади ва улар орасида энг юқори балл тўплаган дастлабки 25 киши грантга, кейинги 41 нафар киши контрактга киради.
2) ушбу 200 нафар абитуриент орасидан 66 та махсус квотага кира олмай қолганлар нима бўлади? Улар кейин умумий танловга қўшилади, яъни тавсиномаси йўқлар билан курашади, агар бали етарли бўлса, талаба бўлади, яъни 66 талик жой тўлиб қолгани учун куйиб қолмайди;
3) бу тизимнинг яхши томони энди ҳеч кимга қўшимча балл берилмайди, ҳамма ўз билими етган баллни тўплайди. Бу дегани эндиликда максимал баллдан юқори тўплаш ҳолатлари ҳеч қачон кузатилмайди. Масалан, ўтган йили максимал балл 189 бўлса ҳам, Юридик университетда ҳарбийлар ҳисобига бюджетнинг охирги балли 223,5 бўлганди.
4) бу тизимнинг ҳарбий тавсияномага эга абитуриентлар учун ҳам фойдали томонлари бор.
Биринчидан, Биламизки, тавсияномага эга шахсларнинг барчаси ҳам юқори балл олавермайди. Шунинг учун энди улар камроқ балл олиб ҳам бюджетга ёки контрактга кириши мумкин. Тушунтираман: масалан, ТТАда оддий абитуриентлар гуруҳида грант – 165, контракт – 148 балл бўлди дейлик. Юқорида айтилганидек, ҳарбий тавсияномага эга абитуриентлар учун дастлаб алоҳида танлов бўлади. 200 та ҳарбийларнинг натижалари сарҳисоб қилинганда, дастлабки 25 кишининг балли паст чиқди, масалан, 130 балл. Демак, ҳарбийлар 130 балл билан грантга қабул қилинади. Контрактда ҳам худди шундай ҳолат кузатилади.
Иккинчидан, илгари тавсиянома фақат тест синовлари учун ўтар эди, ижодий имтиҳонларга имтиёз бермасди. Янги тизимда эса махсус квота ижодий имтиҳон талаб этиладиган ОТМларга ҳам берилди, масалан, Консерватория, Санъат ва маданият институти, Хореография ва ҳ.к. Бу дегани, эндиликда тавсиянома олганлар мана шу йўналишда ҳам имтиёзга эга бўлишмоқда.
Умуман олганда сих ҳам, кабоб ҳам куймайдиган тизим бўлибди.
Ҳарбийлар учун 5 фоизлик квота барча ОТМларда ҳам йўқ. Қуйида қайси ОТМларга тавсияномаси борлар учун қанча квота ажратилганини кўришингиз мумкин:
👉 Кундузги
👉 Сиртқи
👉 Кечки
P.S.: лекин бир тушунарсиз бир ҳолат бор. Эҳтимоллар назариясига кўра, тавсияномаси бор абитуриент, алоҳида ажратиб олинган квота доирасида контрактга тавсия этилсаю, лекин унинг бали умумий гуруҳда бюджетга етарли бўлса, унда бу масала қандай ҳал этилади? Бу унга нисбатан адолатсизлик бўлиб қолмайдими? Балки бунинг жавоби аллақачон мутасаддиларда бордир, ким билсин.
Абитуриентларга оид бошқа хабарлар:
👉 @xushnudbek 👈
-
2019-06-18 08:00:48+00:00
Ҳарбий тавсияномаларга эга бўлганлар учун бакалавриатнинг КЕЧКИ таълим шакли бўйича алоҳида беш фоизли қабул кўрсаткичлари
Барча ОТМ ва барча йўналишлар кесимида
👥 Жами 99 ўрин
🏫 Бюджет: 0
💵 Контракт: 99
💾 PDF файл, 355 кб
Абитуриентларга оид бошқа хабарлар:
👉 @xushnudbek 👈
-
2019-06-18 08:00:48+00:00
Ҳарбий тавсияномаларга эга бўлганлар учун бакалавриатнинг СИРТҚИ таълим шакли бўйича алоҳида беш фоизли қабул кўрсаткичлари
Барча ОТМ ва барча йўналишлар кесимида
👥 Жами 908 ўрин
🏫 Бюджет: 0
💵 Контракт: 908
💾 PDF файл, 470 кб
Абитуриентларга оид бошқа хабарлар:
👉 @xushnudbek 👈
-
2019-06-18 08:00:48+00:00
Ҳарбий тавсияномаларга эга бўлганлар учун бакалавриатнинг КУНДУЗГИ таълим шакли бўйича алоҳида беш фоизли қабул кўрсаткичлари
Барча ОТМ ва барча йўналишлар кесимида
👥 Жами 4 008 ўрин
🏫 Бюджет: 908
💵 Контракт: 3100
💾 PDF файл, 493 кб
Абитуриентларга оид бошқа хабарлар:
👉 @xushnudbek 👈
-
2019-06-18 06:28:12+00:00
ММФИ филиалига квота тасдиқланди
#abituriyent
Ҳукуматнинг Тошкент шаҳридаги “ММФИ” миллий тадқиқот ядро университети» Федерал давлат автоном олий таълим муассасасининг филиалига қабул тўғрисидаги қарори қабул қилинди (504-сон, 17.06.2019 й.), дея хабар бермоқда «Ҳуқуқий ахборот» канали.
2019/2020 ўқув йили учун “ММФИ” (Москва муҳандислик-физика институти) миллий тадқиқот ядро университети» Федерал давлат автоном олий таълим муассасасининг филиалида бакалаврларни тайёрлаш бўйича қабул квоталари 100 киши миқдорида қуйидаги мутахассисликлар бўйича белгиланди:
👉 Ядро энергетикаси ва иссиқлик физикаси – 25;
👉 Ядро физикаси ва технологиялари – 25;
👉 Иссиқлик энергетикаси ва иссиқлик техникаси – 25;
👉 Электроэнергетика ва электротехника – 25.
Филиалда кадрлар тайёрлаш фақат грант асосида амалга оширилади.
👉 @xushnudbek 👈
-
2019-06-18 05:48:47+00:00
ДТМдан маълум қилишди, ушбу хатолик кечанинг ўзида тўғриланган экан, бугундан ҳеч қандай муаммо бўлмайди. Менимча, кеча ТДЮУга ҳужжат топширганларга (атиги 13 киши экан) буни бир оғиз тушунтириб қўйиш керак, эртага муаммо қилиб юрмаслиги учун.
P.S.: квота тасдиқланмасдан қабул бошлашнинг оқибати шунақа бўлади, майда хатоликлар ва тушунмовчиликлар учраб туради. Ўшанчун ҳам ҳар нарсанинг вақтида бўлгани маъқул.
Маълумот учун: қабул квоталари тасдиқланишининг ДТМга алоқаси йўқ.
-
2019-06-18 05:14:21+00:00
ДТМ диққатига!
#abituriyent
Қабул жараёнларида Тошкент давлат юридик университети билан боғлиқ муаммо кузатилмоқда экан. Маълум қилишларича, ДТМ базасида ТДЮУга кириш баллари кетма-кетлиги ҳалигача ўтган йилгида қолиб кетган. Натижада абитуриентларнинг рўйхатдан ўтганлик қайд варағига тарих (3,1), она тили (2,1), чет тили (1,1) тарзда ёзув киритилмоқда.
Бундан ҳам қизиғи, ТДЮУга топширган абитуриентлар ҳам 3 та ОТМга топшириб кетишмоқда. Масалан, илова қилинаётган суратдан кўриш мумкинки, абитуриент ТДЮУ билан бирга Педагогика ва Шарқшуносликка топширган.
Фанлар кетма-кетлигини танлашга мўлжалланган ДТМ сайтидаги махсус саҳифада - mvdir.dtm.uz ҳам ТДЮУ блоки эски йилдагидек турибди.
Таълимга масъуллардан илтимос, фанлар кетма-кетлигини яна бир бор қайта кўриб чиқиш керак, бу каби хатолар халқ орасида тушунмовчилик ва норозиликларни келтириб чиқариши мумкин.
P.S.: жорий йилги тестлар учун барча фан блоклари тасдиқландими? Ёки давлат қабул комиссиясининг қароринини кутиб туришибдими?
👉 @xushnudbek 👈
-
2019-06-17 19:30:08+00:00
МАГИСТРАТУРА бўйича барча қабул квоталари
Барча ОТМ ва барча йўналишлар кесимида
👥 Жами 7 695 ўрин
💾 PDF файл, 985 кб
ИЗОҲЛАР:
1) турдош бўлмаган бакалавр йўналишлар ҳам магистратурага топшира олади, ким қайси йўналишга топшира олишининг рўйхати тез орада эълон қилинади;
2) жорий йилда кўплаб янги йўналишлар очилган;
3) магистратурада ҳам қўшимча контракт ҳисобига ўринлар яна ошиши мумкин;
4) ўзбек, рус ва бошқа тиллар кесимида тез кунларда эълон қилинади.
Абитуриентларга оид бошқа хабарлар:
👉 @xushnudbek 👈
-
2019-06-17 19:09:56+00:00
КЕЧКИ таълим шакли бўйича барча қабул квоталари (бакалавр)
Барча ОТМ ва барча йўналишлар кесимида
👥 Жами 1 985 ўрин
💾 PDF файл, 474 кб
ИЗОҲЛАР:
1) жорий йилда Қорақалпоқ давлат университетида ҳам кечки бўлим очилган;
2) ушбу ўринлар қўшимча контракт ҳисобига яна ошиши мумкин;
3) ўзбек, рус ва бошқа тиллар кесимида тез кунларда эълон қилинади.
Абитуриентларга оид бошқа хабарлар:
👉 @xushnudbek 👈
-
2019-06-17 18:53:20+00:00
СИРТҚИ таълим шакли бўйича барча қабул квоталари (бакалавр)
Барча ОТМ ва барча йўналишлар кесимида
👥 Жами 19 985 ўрин
💾 PDF файл, 630 кб
ИЗОҲЛАР:
1) жорий йилда яна 8 та ОТМда сиртқи бўлимлар очилган, масалан, Навоий давлат кончилик институти, Миллий рақс ва хореография олий мактаби, Туризм халқаро университети ва ҳ.к.;
2) ушбу ўринлар қўшимча контракт ҳисобига яна ошиши мумкин;
3) ўзбек, рус ва бошқа тиллар кесимида тез кунларда эълон қилинади.
Абитуриентларга оид бошқа хабарлар:
👉 @xushnudbek 👈
-
2019-06-17 18:31:39+00:00
КУНДУЗГИ таълим шакли бўйича барча қабул квоталари (бакалавр)
Барча ОТМ ва барча йўналишлар кесимида
👥 Жами 80 430 ўрин
💾 PDF файл, 1,1 мб
ИЗОҲЛАР:
1) ушбу ўрин фақат давлат параметри бўйича белгиланган. Ҳали бу рақамлар ОТМларнинг имкониятларидан келиб чиқиб, қўшимча контракт ҳисобига яна ошиши мумкин;
2) бу ерда йўналишлар бўйича умумий квота белгиланган, ўзбек, рус ва бошқа тиллар кесимида тез кунларда бўлиб чиқилади.
Абитуриентларга оид бошқа хабарлар:
👉 @xushnudbek 👈
-
2019-06-17 17:45:34+00:00
2019/2020 ўқув йили учун давлат буюртмаси параметрлари бўйича ҳудудлар ва олий таълим муассасалари кесимида жадвал
БАКАЛАВРИАТ, КУНДУЗГИ
Тошкент шаҳар
ОТМлар сони: 27 та
Жами ўрин: 23 693 (+3 048)
Грант: 4 875 (-154)
Контракт: 18 818 (+3 202)
👉 @xushnudbek 👈
-
2019-06-17 17:26:53+00:00
2019/2020 ўқув йили учун давлат буюртмаси параметрлари бўйича ҳудудлар ва олий таълим муассасалари кесимида жадвал
БАКАЛАВРИАТ, КУНДУЗГИ
Тошкент вилояти
ОТМлар сони: 4 та
Жами ўрин: 3 855 (+585)
Грант: 820 (+85)
Контракт: 3 035 (+500)
Тошкент шаҳар
ОТМлар сони: 27 та
Жами ўрин: 23 693 (+3 048)
Грант: 4 875 (-154)
Контракт: 18 818 (+3 202)
👉 @xushnudbek 👈
-
2019-06-17 17:00:44+00:00
2019/2020 ўқув йили учун давлат буюртмаси параметрлари бўйича ҳудудлар ва олий таълим муассасалари кесимида жадвал
БАКАЛАВРИАТ, КУНДУЗГИ
Фарғона вилояти
ОТМлар сони: 7 та
Жами ўрин: 6 775 (+760)
Грант: 1 571 (+109)
Контракт: 5 204 (+651)
Хоразм вилояти
ОТМлар сони: 3 та
Жами ўрин: 3 250 (+400)
Грант: 765 (+10)
Контракт: 2 485 (+390)
👉 @xushnudbek 👈
-
2019-06-17 16:29:11+00:00
2019/2020 ўқув йили учун давлат буюртмаси параметрлари бўйича ҳудудлар ва олий таълим муассасалари кесимида жадвал
БАКАЛАВРИАТ, КУНДУЗГИ
Самарқанд вилояти
ОТМлар сони: 8 та
Жами ўрин: 7 315 (+735)
Грант: 1 750 (+15)
Контракт: 5 565 (+720)
Сирдарё вилояти
ОТМлар сони: 1 та
Жами ўрин: 1 840 (+205)
Грант: 435 (+15)
Контракт: 1 405 (+190)
👉 @xushnudbek 👈
-
2019-06-17 15:20:34+00:00
2019/2020 ўқув йили учун давлат буюртмаси параметрлари бўйича ҳудудлар ва олий таълим муассасалари кесимида жадвал
БАКАЛАВРИАТ, КУНДУЗГИ
Наманган вилояти
ОТМлар сони: 3 та
Жами ўрин: 4 385 (+780)
Грант: 950 (+15)
Контракт: 3 435 (+765)
Сурхондарё вилояти
ОТМлар сони: 6 та
Жами ўрин: 4 315 (+815)
Грант: 940 (+50)
Контракт: 3 375 (+765)
👉 @xushnudbek 👈
-
2019-06-17 14:50:26+00:00
2019/2020 ўқув йили учун давлат буюртмаси параметрлари бўйича ҳудудлар ва олий таълим муассасалари кесимида жадвал
БАКАЛАВРИАТ, КУНДУЗГИ
Жиззах вилояти
ОТМлар сони: 2 та
Жами ўрин: 3 575 (+410)
Грант: 872 (+22)
Контракт: 2 703 (+388)
Қашқадарё вилояти
ОТМлар сони: 3 та
Жами ўрин: 4 045 (+515)
Грант: 985 (-25)
Контракт: 3 060 (+540)
Навоий вилояти
ОТМлар сони: 2 та
Жами ўрин: 2 385 (+75)
Грант: 645 (+35)
Контракт: 1 740 (+40)
👉 @xushnudbek 👈
-
2019-06-17 14:12:55+00:00
2019/2020 ўқув йили учун давлат буюртмаси параметрлари бўйича ҳудудлар ва олий таълим муассасалари кесимида жадвал
БАКАЛАВРИАТ, КУНДУЗГИ
Андижон вилояти
ОТМлар сони: 4 та
Жами ўрин: 3 965 (+575)
Грант: 960
Контракт: 3 005 (+575)
Бухоро вилояти
ОТМлар сони: 4 та
Жами ўрин: 5 055 (+750)
Грант: 1 212 (+97)
Контракт: 3 843 (+653)
👉 @xushnudbek 👈
-
2019-06-17 13:54:11+00:00
2019/2020 ўқув йили учун давлат буюртмаси параметрлари бўйича ҳудудлар ва олий таълим муассасалари кесимида жадвал
БАКАЛАВРИАТ, КУНДУЗГИ
Қорақалпоғистон Республикаси
ОТМлар сони: 9 та
Жами ўрин: 5 977 (+1 042)
Грант: 1 400 (+129)
Контракт: 4 577 (+913)
👉 @xushnudbek 👈
-
2019-06-17 13:23:20+00:00
Янги тартиб: ташкилотларнинг тавсияномалари асосида ходимлар тест синовларисиз талабаликка қабул қилинади
#abituriyent
Бугун имзоланган Президент қарорига асосан, ОТМларга 2019/2020 ўқув йилидан бошлаб вазирлик, идора ва йирик хўжалик бирлашмаларининг (иш берувчилар) эҳтиёжларидан келиб чиқиб, кундузги таълим шаклининг бакалавриат таълим йўналишларига мос бўлган йўналишлар доирасида табақалаштирилган тўлов-контракт асосида сиртқи ва кечки таълим шаклида ўқитишни ташкил этиш ҳуқуқи берилди.
Бунда, ўқишга қабул қилиш тегишли иш берувчиларнинг тавсияси асосида камида беш йил иш стажига эга бўлган ходимлар ҳисобидан кейинчалик ушбу тизимда беш йил ишлаб бериш шарти билан иш фаолиятига мос бўлган бакалавриат таълим йўналишларига суҳбат натижаларига асосан амалга оширилади.
P.S.: ушбу тартибнинг батафсил қоидалари бир ой муддатда ишлаб чиқилади ва тасдиқланади.
👉 @xushnudbek 👈
-
2019-06-17 13:12:33+00:00
⚡️BREAKING NEWS: Қабул квоталари тасдиқланди
#abituriyent
Ўзбекистон Республикаси Президентининг қарорига мувофиқ, 2019/2020 ўқув йилида Ўзбекистон Республикаси олий таълим муассасаларига давлат буюртмаси асосида ўқишга қабул қилишнинг қуйидаги параметрлари тасдиқланди:
а) бакалаврлар тайёрлаш бўйича:
кундузги таълим шаклига – 80 430 нафар (ўтган йилгидан 10 545 нафарга кўп);
сиртқи таълим шаклига – 19 985 нафар (+ 5 935);
кечки таълим шаклига – 1 985 нафар (+ 735);
б) магистрлар тайёрлаш бўйича – 7 695 нафар (+ 1 644).
👉 @xushnudbek 👈
-
2019-06-17 11:36:15+00:00
Ўзбекистон Республикаси Президенти Шавкат Мирзиёев 17 июнь куни Россия Федерацияси Президенти Владимир Путин билан телефон орқали мулоқот қилди.
Президентлар жорий йил 14-15 июнь кунлари Бишкек ва Душанбе шаҳарларида бўлиб ўтган Шанхай ҳамкорлик ташкилотига аъзо мамлакатлар Давлат раҳбарлари кенгашининг навбатдаги мажлиси ва Осиёда ҳамкорлик ва ишонч чоралари бўйича кенгашнинг бешинчи саммити тадбирлари якунлари юзасидан фикр алмашдилар.
-
2019-06-17 09:38:46+00:00
Постдаги фикрга ҳам, пастдаги фикрга ҳам тўлиқ қўшиламан 👍
👉 @xushnudbek 👈
-
2019-06-17 05:41:39+00:00
Термиз давлат университети ректори Абдуқодир Тошқулов олий таълим тизимидаги коррупция ҳолати ҳақида жуда ўринли фикрларни айтибди.
Олий таълим бизда 2-3 йилда Япония ва Европага тенглашиб қолиши ҳақидаги фикрлардан бошқа барчасига қўшиламан. Чунки Абдуқодир ака ўзининг қилаётган ишларидан келиб чиқиб ўйлаяпти. Бу индивидуал мисол. Лекин олий таълимда коррупцияга қарши курашиш бўйича тизимли иш қилинаётгани йўқ.
P.S.: агар эсласангиз, 2 йил олдин Нархоз, Молия ва ЎзМУдаги "тасодиф"лар ҳақида мақола эълон қилганимда, айнан Абдуқодир ака депутат сифатида Нархоздаги ўйинлар ҳақида қўрқмасдан очиқ айта олган ягона мансабдор бўлганди.
👉 @xushnudbek 👈
-
2019-06-17 04:00:35+00:00
Паспорти йўқолган ёки алмаштириш учун топширган абитуриентлар нима қилади?
#abituriyent
Айрим ҳолларда абитуриентлар паспортини бехосдан йўқотиб қўяди, ёки турли сабаблар билан паспорт алмаштириш (янгисини олиш) учун ҳужжат топширган бўлади.
Абитуриент ҳужжатларини “паспорт стол”га топширган бўлса-ю, лекин ҳали янги паспорти тайёр бўлмаган ва энг асосийси ҳужжат топширишнинг энг сўнги санасигача (15 июль) тайёр бўлишига кўзи етмаса, унда қуйидаги тартибда ҳужжат топшириши зарур:
1) паспорт алмаштириш учун ариза топширган “паспорт столга” юзага келган вазият тўғрисида мурожаат қилинади;
2) ИИБ ҳақиқатдан паспорт алмаштириш учун топширганлигини тасдиқлаб, махсус 09-шакл (Форма-09) кўринишидаги маълумотнома тўлдириб беради;
3) 09-шаклда фуқаронинг сурати ва паспортда кўрсатилиши зарур бўлган маълумотлар (идентификация рақами, паспорт серияси ва рақами) акс эттирилиб, ушбу маълумотнома махсус муҳр билан тасдиқланади;
4) тайёр бўлган 09-шакл вақтинчалик паспорт ўрнини босади;
5) ушбу ҳужжат билан бемалол ОТМга ҳужжат топшириш мумкин.
Бу ҳужжат топширгунгача бўлган вазият учун тааллуқли жавоб.
Лекин бошқа вазиятларда, яъни абитуриент рўйхатдан паспорт орқали ўтган бўлсаю, аммо тестгача паспортини йўқотиб (ўғирлатиб, шикаст етказиб) қўйган бўлса, унда 09-шакл билан тест синовларига киритиладими ёки йўқми, деган саволга менда аниқ жавоб йўқ.
Шунингдек, юқоридаги ҳолатнинг тескариси бўлиши мумкин, яъни 09-шакл билан рўйхатдан ўтиб, тестгача паспорти тайёр бўлган бўлса, паспорт билан кириши мумкинми ёки 09-шакл бўлиши шартми?
Менимча, иккала ҳолатда ҳам тестга киришда муаммо бўлмаса керак. Яна ҳам расмийлар бу вазиятга ойдинлик киритишларини сўраб қоламиз.
👉 @xushnudbek 👈
-
2019-06-16 17:10:53+00:00
Анчадан буён ўйлаб юрган, лекин сира ҳафсала қилмаётган режани ниҳоят амалга оширдим. Шахсий кутубхонамиздаги китоблар учун махсус штамп ясаттирдим.
Энди эса вақт бўлганда ҳамма китобларимизни штамплаб, рақамлаб, электрон каталогини шакллантираман. Ҳар ҳолда анча-мунча китоб йиғилиб қолган.
Сизга ҳам шахсий кутубхонангизнинг электрон каталогини тузишни тавсия қиламан. Ўзи интернетда #mening_shaxsiy_kutubxonam хештэги билан флешмоб ташкиллаштирсак бўларкан. Нима дедингиз?
-
2019-06-16 13:23:48+00:00
Абитуриент тестни қаерда топширади?
#abituriyent
Кечаги матбуот анжуманида мутасадди раҳбарларга абитуриентлар тестни қайси ҳудудда топширишлари ҳақида савол бердим.
Уларнинг жавоби қуйидагича бўлди:
«Бу йил абитуриентлар республиканинг исталган ҳудудида ҳужжат топшириб, бошқа ҳудудда тест имтиҳонидан ўтиши мумкин. Фақат улар рўйхатга олинаётганида қаерда тест топширмоқчилигини кўрсатиши керак».
Бундан хулоса шуки, масалан, қорақалпоғистонлик абитуриент Тошкентдаги 3 та ОТМга ҳужжат топширди, дейлик. Лекин аризасида тестни Қорақалпоғистонда топшираман дея белгилади. Демак, у Тошкентга бориши шарт эмас, тестни Нукусда топширади. Қачонки ўқишга кирган тақдирдагина, кейин Тошкентга келади.
Тушунишим бўйича, тест топширадиган жойи айнан ОТМ жойлашган ёки ўзи яшайдиган ҳудуд бўлиши шарт эмас. Масалан, навоийлик абитуриент Бухородаги 3 та ОТМни танлади. Лекин у тестлар ўтадиган вақтда оилавий сабабларга кўра, Навоийда эмас, Самарқандда бўлади дейлик. Бундай пайтда у ҳужжат топшираётганда аризасида тестни Самарқандда топширишни белгилайди.
Хулоса: навоийлик абитуриент Бухородаги ОТМларга ҳужжат топшириб, Самарқандда тестга кирса бўлади.
Умуман олганда бу жуда ажойиб тартиб. Кўплаб овогарчилик ва ортиқча харажатларнинг олди олинади. Фақат биргина жиҳати, бундай тизимда қаттиққўллик ҳамма жойда бир хил бўлиши керак. Йўқса, катта-катта жиноий гуруҳлар атайин ўз “мижозларини” чеккароқ ҳудудларда тестга киритиб, ўйин қилишга уриниб кўришлари эҳтимолдан ҳоли эмас.
Шунингдек, бу масалада яна бошқа бир тушунмовчилик ҳам бор ва кеча шу ҳақида ҳам савол бердим.
Яъни 07.06.2019 йили Вазирлар Маҳкамасининг 468-сонли қарори билан тасдиқланган регламентнинг 4-бандида қуйидагича қоида белгиланган:
«Абитуриентлар Марказга мурожаат этган ҳудудда (Ягона портал орқали мурожаат этганда доимий рўйхатда турган ҳудудида) ташкил этиладиган тест синовларида иштирок этишлари мумкин».
Регламентнинг ушбу банди ДТМ раҳбари айтган тизимга бироз тўғри келмайди. Боз устига Регламентнинг 2-иловаси билан тасдиқланган сўровномада ҳам тест топшириш ҳудудини танлаш деган савол мавжуд эмас.
Регламентдаги бу банд ҳақида эшитиб ДТМ директори ҳам, Олий ва ўрта махсус таълими вазири ҳам ҳайрон бўлди. Лекин шундай бўлса-да, Мажид Каримов ишонч билан айтдики, абитуриент ўзи истаган ҳудудда тест топшира олади, бунинг учун ҳужжат топширишда махсус танланадиган банд ҳам бўлади. Регламентга келсак, уни Давлат хизматлари агентлиги ишлаб чиққанлиги сабабли, нима учун бу нарса инобатга олинмаганига бирор изоҳ бера олмаслигини айтди.
Майли, ҳужжатда қанақа ёзилганидан қатъи назар, амалда абитуриентлар учун ўзи истаган жойда тестга кириш ҳуқуқи кафолатланади. Исботи сифатида пастдаги суратга қаранг, Ягона портал орқали рўйхатдан ўтишда тест топширадиган ҳудудни белгилайдиган алоҳида банд мавжуд.
❗️ЭСЛАТМА: тағин абитуриентлар “исталган жойда тест топширишим мумкин экан” деб, тест куни ўзи хоҳлаган жойга бориб ўтирмасин, ҳудуд олдиндан белгиланади. Рўйхатдан ўтаётганда тест топшириш жойни етти ўлчаб бир кесган ҳолда танлаш керак, чунки ҳудудни кейинчалик ўзгартириб бўлмайди. Масалан, ҳужжат топшираётганда Тошкентни танлаб, кейин тест куни Андижонга бориш бефойда.
👉 @xushnudbek 👈
-
2019-06-16 10:32:00+00:00
Абитуриент-2019: савол-жавоблар
#abituriyent
КВОТА-2019
БАКАЛАВР:
👉 Кундузги
👉 Сиртқи
👉 Кечки
👉 Мақсадли қабул
👉 МАГИСТРАТУРА
• Абитуриентдан қандай ҳужжатлар талаб этилади?
ЖАВОБ
• ДХМ ва ОТМлар орқали ҳужжат топшириш тартиби қандай?
ЖАВОБ
• Қайси ОТМларга давлат хизматлари марказлари орқали ҳужжат топшириш мумкин?
ЖАВОБ
• Тест натижаси қачон эълон қилинади?
ЖАВОБ
• Чет тиллари бўйича қандай имтиёзлар белгиланган? IELTS сертификат ўтадими?
ЖАВОБ
• Ўтган йилги B1 сертификатлар бу йил B2 талаб қилинган жойга ўтадими?
ЖАВОБ
• Битта ОТМнинг 3 та факультетига ҳужжат топширса бўладими?
ЖАВОБ
• Учта ОТМ танлаш тартиби қандай бўлади?
ЖАВОБ
• Касбий (ижодий) имтиҳон топширадиганлар ҳам учта йўналишни танлай оладими?
ЖАВОБ
• Учта йўналишга алоҳида имтиҳон бўладими?
ЖАВОБ
• Учта ОТМ натижалари қандай ҳисобланади, бирор абитуриент бошқа ОТМдан каттароқ балл билан қайтиб келса, унда жойни бўшатиши керакми?
ЖАВОБ
• Сиртқи таълимда ҳам 3 та йўналишни танласа бўладими?
ЖАВОБ
• Иккита сиртқи, битта кундузги йўналишга топширса бўладими?
ЖАВОБ
• Кундузгига ҳужжат топшираётганда дипломни қайтариб берса, унда ўша диплом билан сиртқига топширса бўладими?
ЖАВОБ
• Тест натижалари чиққанда кира олмаган абитуриентлар сиртқи ёки кечкига қайта топшира оладими?
ЖАВОБ
• Учта ОТМни танлаш мажбурийми? 1 та ёки 2 та танласа бўлмайдими?
ЖАВОБ
• Учта йўналишга ҳужжат топширса, 3 марта 101 минг сўмдан тўлов қилинадими?
ЖАВОБ
• Онлайн ҳужжат топшириш учун электрон имзо талаб этиладими?
ЖАВОБ
• Кимлар онлайн ҳужжат топшира олмайди?
ЖАВОБ
• Ҳужжат топшириш учун қанча тўлов тўланади?
ЖАВОБ
• 5 та фандан имтиҳон тартиби қайси йилдан амал қилади?
ЖАВОБ
• Учта ОТМ танлашда фанлар кетма-кетлиги мос бўлиши шартми?
ЖАВОБ
• Фанлар кетма-кетлиги мос йўналишлар рўйхатини қаердан кўрса бўлади?
ЖАВОБ
• Вилоятдан туриб Тошкентдаги ОТМларга ҳужжат топширса бўладими?
ЖАВОБ
• Магистратурага қайси фанлардан имтиҳон бўлади?
ЖАВОБ
• ДТМ рухсатномаси қаердан олинади? Уни олиш учун ОТМларга бориш шартми?
ЖАВОБ
• Абитуриент тестни қаерда топширади?
ЖАВОБ
• Паспорти йўқолган ёки алмаштириш учун топширган абитуриентлар нима қилади?
ЖАВОБ
• Ҳарбий тавсияномага эга абитуриентлар учун қандай янгилик бўлди?
ЖАВОБ
• Нима учун магистратура бўйича айрим йўналишларда фақат давлат гранти кўрсатилган?
ЖАВОБ
• Махсус сиртқи бўлим ёпилдими?
ЖАВОБ
• ЖИДУ ва Темир йўлларга ҳужжатлар фақат ўзида қабул қилинади
ЖАВОБ
• Учта йўналишни танлашда таълим тили (ўзбек, рус ва ҳ.к.) бир хил бўлиши керакми?
ЖАВОБ
• Абитуриентларга неча варақ қоралама (черновик) берилади?
ЖАВОБ
• Чирчиқ давлат педагогика институтига фақат Тошкент вилоятида пропискаси борлар қабул қилинадими?
ЖАВОБ
• Сиртқига топшириш учун стаж керакми?
ЖАВОБ
• Тўловлар қаерда тўланади?
ЖАВОБ
• Ўзбек тилида таҳсил олган абитуриент рус тили гуруҳига ҳужжат топшира оладими?
ЖАВОБ
• Абитуриент тест синовларида ўқиган чет тилидан бошқа тилни танлаши мумкинми?
ЖАВОБ
❗️Саволингизга бу ердан жавоб топа олмадингизми? Унда саволни изоҳда ёзиб қолдиринг, имкон даражасида жавоб бераман.
Абитуриентларга оид бошқа хабарлар:
👉 @xushnudbek 👈
-
2019-06-16 09:47:56+00:00
Қабул жараёнига оид савол-жавоблар
#abituriyent
Хабар қилинганидек, кеча таълимга масъул раҳбарлар билан матбуот анжумани бўлиб ўтди ва унда ўзимни қизиқтирган кўплаб саволларга жавоб олдим. Хусусан:
👉 Қабул қуйидаги 3 та жойда бўлади:
Давлат хизматлари маркази (ДХМ) орқали — 5 та ОТМ (ТДЮУ, ҚДУ, ФарДУ, СамДУ, ГулДУ);
My.gov.uz орқали — юқоридаги 5 та ОТМ;
ОТМларнинг ўзида — қолган ОТМлар учун.
👉 Энди абитуриент ҳужжат топширмайди, балки оригинал ҳужжатларини кўрсатиб, рўйхатдан ўтади ва ўзи билан қайтариб олиб кетади;
👉 Рўйхатдан ўтиш учун қуйидагилар керак:
1) паспорт (у йўқ бўлса, ёки 09-форма, ёки туғилганлик гувоҳномаси);
2) диплом ёки шаҳодатнома (иловаси билан);
3) мабодо имтиёзи бўлса, уни тасдиқловчи ҳужжат.
👉 ОТМлар орқали рўйхатдан ўтганда ҳам худди шу ҳужжатлар талаб этилади, аввалги йиллардагидек расм, папка, 086-маълумотнома шарт эмас;
👉 ДХМ ва портал орқали рўйхатдан ўтиладиган 5 та ОТМнинг тартиби қуйдагича:
• ушбу 5 та ОТМ фақат биринчи ОТМ сифатида танланаётгандагина ДХМга (портал) бориш керак. Масалан, абитуриент 1-ФарДУ; 2-ТДТУ; 3-ФарПИ кетма-кетлигида топширмоқчи бўлса, ДХМларга боради;
• агар ушбу 5 та ОТМ 2 ёки 3-ОТМ сифатида танланаётган бўлса, унда ДХМларга эмас, балки ОТМларга бориш керак. Масалан: 1- ТДТУ; 2-ФарДУ; 3-ФарПИ.
• бундан ташқари абитуриентларга енгиллик бериш мақсадида, Юридик университетдан ташқари қолган 4 та ОТМнинг ўзида ҳам ДХМдаги каби қабуллар бўлади. Яъни масалан, ГулДУни 1-ОТМ сифатида танламоқчи бўлганлар, хоҳласа ДХМга, хоҳласа ГулДУнинг ўзига бориши мумкин. Худди шу тартиб ФарДУ, СамДУ, ҚДУ учун ҳам амал қилади.
👉 ОТМлардаги қабуллар тартиби қуйидагича:
• исталган ОТМ орқали бошқа жойларга ҳужжат топшириш мумкин. Бунинг учун айнан ўша ОТМнинг ўзига бориш шарт эмас. Масалан, бухоролик абитуриент БухДУга бориб Тошкентдаги 3 та ОТМга: 1) ТТА; 2) Педиатрия; 3) Фармацевтика кўринишида ҳужжат топшира олади.
Ёки сурхондарёлик абитуриент ТерДУга бориб 1) ҚарДУ 2) СамДУ 3) ЎзМУ кўринишида топшира олади. Фақат битта жойи - мабодо СамДУ 1-ОТМ бўлса, унда юқорида айтганимиздек ёки тумандаги ДХМга ёки СамДУнинг ўзига бориш керак;
👉 Ёдингизда бўлса, анча олдин магистратурага фақат турдош мутахассисликлар бўйича бакалавар дипломига эгалар ҳужжат топширишга оид чекловни бекор қилиш режалаштирилаётгани ҳақида ёзгандим. Буни мутасаддилар ҳам тасдиқлади, жорий йилдан ушбу тартиб амал қилади. Батафсил: t.me/xushnudbek/2003
👉 Тўловлар миқдори қуйидагича:
• жорий йилда битирганлар - текин;
• ўтган йилларда битирганлар - 101 365 сўм.
Бошқа ҳеч қандай тўлов йўқ.
👉 Лекин кўп ўзгаришлар ҳозирча расман тасдиқланмаган, эрта-индин бу ҳақидаги қарорлар чиқиб қолишини маълум қилишди.
❓Сизни яна қандай саволлар қизиқтиради, изоҳларга ёзиб қолдиринг, имкон даражасида барчасига жавоб беришга ҳаракат қиламан.
Абитуриентларга оид бошқа хабарлар:
👉 @xushnudbek 👈
-
2019-06-15 18:03:01+00:00
Блогернинг телефонини олиб қўйган солиқчилар ишдан бўшатилди
Давлат солиқ қўмитаси раиси Беҳзод Мусаев солиқчилар томонидан Инстаграмдаги профили ҳамда телефони тортиб олинган блогер Азизбек Ашурбоев билан боғлиқ вазият ҳақида баёнот берди (баёнот фақат рус тилида, нима учундир ўзбекчаси йўқ).
Баёнотда айтилишича, 2019 йил 7 июндаги назорат тадбирини ўтказиш вақтида Миробод туман солиқ инспекцияси ходимлари О.Зиёев ва Ш.Ҳасанов ўз мансаб ваколатларини суиистеъмол қилиш ва солиқ органлари ходимларининг касбий ахлоқ қоидаларини бузиш ҳолатларига йўл қўйгани аниқланган ҳамда эгаллаб турган лавозимидан озод этилган.
«Азизбек Ашурбоев томонидан йўл қўйилган ҳуқуқбузарликни бартараф этиш учун у билан расмийлаштирилган материаллар асосида, шахсий уяли телефонини олиб қўймасдан, тушунтириш ишларини олиб бориш кифоя эди», - дейилади баёнотда.
Қўмита раисининг таъкидлашича, ДСҚ ўз фаолиятининг очиқлиги таъминланишидан манфаатдор ҳамда жураналист ва блогерлар билан яқин ҳамкорликда ишлашга, уларнинг фаолиятини қўллаб-қувватлашга, шунингдек, уларнинг қонуний ҳуқуқ ва манфаатларини ҳимоя қилишга тайёрлигини билдиради.
👉 @xushnudbek 👈
-
2019-06-15 11:41:26+00:00
Ахборот ва оммавий коммуникациялар агентлигида Олий ва ўрта махсус таълим вазири Иномжон Маджидов, Давлат тест маркази директори Мажид Каримов ҳамда Таълим сифатини назорат қилиш инспекцияси бошлиғининг биринчи ўринбосари Ҳотамжон Кетмонов иштирокида матбуот анжумани ўтказилмоқда.
Мавзу: жорий йилги қабул жараёнлари ҳақида
👉 @xushnudbek 👈
-
2019-06-15 06:47:36+00:00
Бугундан қабул жараёнлари бошландими?
Бугун - 15 июнь. Таълимга оид қонунчиликка биноан, бугундан ОТМлар учун қабул жараёни бошланиши керак эди.
Аммо қабул квоталари тасдиқланмагани сабабли, қабул жараёнлари маълум муддатга кеч бошланади. Чунки қабул квоталари аниқ бўлмасдан туриб, кимдандир ҳужжат қабул қилишнинг иложи йўқ.
Ҳисоб бўйича бешинчи марта қабул квоталари кеч тасдиқланиши ортидан қабул жараёнлари кеч бошланмоқда. Бунгача 2004, 2011, 2014 ва 2015 йилларда шундай ҳолат кузатилгани ҳақида ёзган эдим.
Одамнинг дилини хира қиладиган жойи шундаки, бу каби «кечикишлар» айниқса сўнгги йилларда кўп кузатилган.
Солиштириш учун айтаман, масалан, 1998 йилдан 2011 йилгача бўлган даврда, яъни 13 йилда фақат 1 марта шундай ҳолат кузатилган (2004).
2011-2019 йилларда эса, яъни охирги 9 йилда 4 марта кечикиш кузатилди. Жумладан:
2011/12 — 4 июль (кечикиб);
2012/13 — 7 май (ўз вақтида);
2013/14 — 11 июнь (ўз вақтида);
2014/15 — 26 июнь (кечикиб);
2015/16 — 23 июнь (кечикиб);
2016/17 — 26 май (ўз вақтида);
2017/18 — 5 май (ўз вақтида);
2018/19 — 4 июнь (ўз вақтида);
2019/20 — ??? (кечикиб).
Хулоса ўзингиздан.
Айтишларича, қабул квоталари эрта ёки индин тасдиқланиб қолиши кутилмоқда экан.
👉 @xushnudbek 👈
-
2019-06-14 19:03:55+00:00
Ахборот ва оммавий коммуникациялар агентлигининг раҳбарияти Комил Алламжонов ҳамда Саида Мирзиёевалар Халқаро блогерлар куни муносабати билан бир гуруҳ журналист ва блогерлар билан учрашди ҳамда байрам билан табриклади.
Мамлакатда сўз эркинлигини ривожлантиришга оид дўстона муҳитда муҳокама бўлди.
-
2019-06-14 13:13:02+00:00
Блогерлик фаолияти прокуратура ҳимоясида
Бугун Ахборот ва оммавий коммуникациялар агентлиги анжуманлар залида Ўзбекистон Республикаси Бош прокуратураси мутасаддилари иштирокида «2019 йилнинг дастлабки 5 ойи мобайнида прокуратура органлари фаолияти» мавзусида брифинг бўлиб ўтди.
Брифингда журналистлар томонидан cолиқ органлари томонидан блогер Ашурбоев Азизбек Абдукаримовичнинг телефони ҳамда унинг «Инстаграм» ижтимоий тармоғидаги саҳифаси олиб қўйилганлиги ҳолати юзасидан ҳам савол берилди.
Бош прокурор ўринбосари Э.Юлдашев мазкур масала юзасидан фикр билдириб, ушбу ҳолат Бош прокуратуранинг алоҳида назоратига олинганлиги, бугунги кунда Департамент томонидан давлат идоралари ходимларининг блогер А.Ашурбоевга нисбатан содир этган хатти-ҳаракатларига ҳуқуқий баҳо бериш мақсадида терговга қадар текширув тайинланганлиги ҳақида маълумот берди.
Шунингдек, Бош прокурор ўринбосари Э.Юлдашев бугунги Халқаро блогерлар куни муносабати билан юртимизда фаолият олиб бораётган барча блогерларни табриклади.
Шу ўринда Бош прокуратура Ўзбекистон блогерларини доимо қўллаб-қувватлаши ҳамда уларнинг қонуний ҳуқуқ ва манфаатларини ҳимоя қилишга тайёр эканлигини маълум қилади.
-
2019-06-14 09:12:26+00:00
Бугун, 14 июнь - Халқаро блогерлар куни экан.
Шу фурсатдан фойдаланиб, эндигина атак-чечак қилиб, илк дадил қадамларини ташлаб "катта бўлаётган" барча ўзбек блогерларини бугунги сана билан табриклайман.
Илоҳим, ҳеч қачон овозингиз ўчмасин, шижоатингиз ва мегабайтингиз тугаб қолмасин. Шу жамият ривожи йўлида холис хизмат қилаётган, мақсади эзгу блогерлар омон бўлишсин.
P.S.: асосийси, сўз эркинлиги бу - туҳмат ва ҳақорат қилиш дегани эмаслигини унутмасак ҳамда рекламадан даромад олаётганлар солиқларни ўз вақтида тўлашса бўлди.
👉 @xushnudbek 👈
-
2019-06-14 06:59:44+00:00
Абитуриентларга белгиланган тўлов бўйича қўшимча изоҳ
Энг аввало абитуриентлар давлат хизматлари марказлари орқали ҳужжат топширганда ҳеч қандай қўшимча тўлов олинмаслиги ҳақида расман изоҳ берилганини эслатиб ўтмоқчиман.
Демак, тушунишимиз бўйича аввалги йилларда битирган абитуриентлар хоҳ ДХМ орқали, хоҳ ОТМлар орқали ҳужжат топширишидан қатъи назар, улардан фақат бир марта 101 минг сўм тўлов олинади.
Яна қайтараман, бунинг учун шахсан мен хурсандман. Абитуриентлардан қўшимча яна 101 минг сўм тўлов олиш мантиқсиз қарор эди ўзи бу, унга амал қилинмайдиган бўлгани яхши бўлибди.
Аммо афсуски айрим манбаларда тўлов ундирилмаслиги ҳақидаги хабарлардан кейин мени асоссиз маълумот тарқатганликда айблашмоқда. Майли, бунга ортиқча эътибор қилиш шартмас.
Келинг, шунчаки Сиз билан шу масалани муҳокама қиламиз. Фикрларим асосли ёки асоссиз эканлиги ҳақида холис бўлиб, ўзингиз хулоса чиқарасиз.
Пастдаги расмга қаранг: 468-сонли Вазирлар Маҳкамаси қарорининг 2 та жойидан скриншот келтирганман.
1-расм: ВМ Қарорининг 11-бандини таҳлил қиламиз.
Қанча тўлов олинади: энг кам ойлик иш ҳақининг ярим баравари
Нима учун олинади: тест синовларида иштирок этиш учун
Қаерларда тўланади: ОТМларда ҳамда давлат хизматлари марказларида
Тўловлар қаёққа кетади: Вазирлар Маҳкамаси ҳузуридаги Давлат тест маркази фаолиятини ривожлантириш жамғармасига
2-расм: Худди шу ВМ Қарори билан тасдиқланган Регламентнинг 11-бандини таҳлил қиламиз (энг қизиғи иккаласи ҳам 11-банд экан).
Қанча тўлов олинади: энг кам ойлик иш ҳақининг 50 фоизи (эътибор беринг, ярим баравари дейилмаяпти)
Нима учун олинади: давлат хизмати кўрсатилгани учун
Қаерларда тўланади: фақат давлат хизматлари марказлари ҳамда Ягона порталда (90%)
Тўловлар қаёққа кетади: 50 фоизи Адлия вазирлиги ҳузуридаги жамғармага, 10 фоизи Ички ишлар вазирлигининг жамғармасига, қолган маблағлар давлат бюджетига (Ягона портал орқали бўлса, 10% порталнинг ўзига)
Мана, қарорда кўрсатилган 2 та тўловнинг таҳлили.
Гарчи юрист бўлмаганлар ҳам, ушбу 2 та банд бўйича ўзи учун холис хулоса қила олишади, деган умиддаман. Сиз нима дейсиз, бу иккала тўлов битта нарсамиди ёки бошқа-бошқа? Ҳар қандай хулосангизга розиман.
Агар шу таҳлиллардан кейин ҳам "ҳужжатларда йўқ нарсани, асоссиз кўтариб чиқди", деб ўйлаган бўлсангиз, унда чин дилдан узр сўрайман.
Шунингдек, кутилаётган батафсил расмий муносабатда бу масалага ойдинлик киритилса, янада яхши бўлар эди.
👉 @xushnudbek 👈
-
2019-06-14 05:49:08+00:00
Давлат хизматлари агентлиги расман муносабат билдирибди. Тезкорлик учун раҳмат. Пул ундирилмаслигидан эса бениҳоя хурсандмиз.
Энди қуруқ гап эмас, ҳужжатларга асосланган батафсил изоҳ кутамиз. Вазирлар Маҳкамаси Қарорида нима учун бунақа ёзиб кетилганини тушунтиришса бўлди.
Воқеалар ривожини биргаликда кузатамиз.
-
2019-06-14 04:00:56+00:00
Ўқинг, фақат йиғламанг. Кулиш ҳам тавсия этилмайди!
⚡️Абитуриентларнинг алдангани ҳақида икки оғиз
❗️Пост таҳрирланди: Давлат хизматлари агентлиги абитуриентлардан қўшимча тўлов ундирилмаслигини расман маълум қилди.
07.06.2019 йили Вазирлар Маҳкамасининг 468-сонли қарори асосида Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламенти тасдиқланди.
Унга кўра, айрим ОТМларга (уларнинг сони 5 та) ҳужжат топшириш Давлат хизматлари маркази ва Ягона портал орқали амалга ошириладиган бўлди.
Мазкур қарорда кўпчилик эътибор қилмайдиган бир айёрлик ўтиб кетибди, биз ҳам кейин кўриб қолдик буни.
Қарорнинг 11-бандида аввалги йилларда тугатган абитуриентлардан ҳужжат қабул қилишда ЭКИҲнинг ярим баравари (101365 сўм) миқдорида тўлов ундирилиши белгиланган.
Шу банднинг ўзида мазкур тўловлар Давлат тест маркази фаолиятини ривожлантириш жамғармасига йўналтирилиши айтилган. Ҳа, бу янгилик эмас, бу ҳақида аввалроқ ПҚ-4319-сонли Президент қарорида ҳам айтилган эди.
Бир қарашда ҳаммаси жойидадек. Аммо қарорга илова қилинган Регламентда абитуриентларни сюрприз кутиб турибди.
❗️Регламентнинг 11-бандида давлат хизмати кўрсатилганлиги учун аввалги йилда тугатган абитуриентлардан ЭКИҲ 50 фоизи (101 минг 365 сўм) миқдорида тўлов олиниши белгиланган.
Бу пулнинг 50 фоизи Адлия вазирлиги ҳузуридаги жамғармага, 10 фоизи Ички ишлар вазирлигининг жамғармасига, қолган маблағлар давлат бюджетига ўтказилиши таъкидланган.
Нима бўлганини тушундингизми? Демак, бундан чиқди, ТДЮУ, ҚДУ, СамДУ, ФарДУ ва ГулДУга ҳужжат топширмоқчи бўлган ҳамда ўқишни аввалги йилларда тугатган абитуриентлар 2 марта тўлов қилади:
1) ДТМ жамғармасига ўтадиган 101 минг сўм;
2) Адлия, Ички ишлар ва давлат бюджетига ўтадиган яна алоҳида 101 минг сўм.
Жами: 202 минг сўм.
Хулоса:
ОТМлар орқали ҳужжат топширса - 101 минг сўм;
ДХМлар орқали ҳужжат топширса - 202 минг сўм.
Бундай антиқа қарор юзасидан бир нечта саволларимиз бор:
Биринчидан, “эски” абитуриентлардан тўлов ундириш масаласи кўтарилган пайтда, “бу пуллар келгусида ДТМ фаолиятини ривожлантириш, тест синовларининг сифатини оширишга сарфланади”, дея тушунтирилган эди. Аммо абитуриент нима учун Адлия, Ички ишлар ҳамда давлат бюджетига 101 минг сўм пул тўлаши керак? Бу қайси мантиққа тўғри келади?
Иккинчидан, ушбу қарор умумхалқ муҳокамасига қўйилмаган, ҳеч қаерда эълон қилинмаган. Бошқалардан лойиҳани муҳокамадан ўтказишни талаб қиладиган Адлия нима учун ўзи бунга амал қилмайди? Ими-жимида ўзларига бир неча юз миллионлаб пул тушадиган қарорни тасдиқлатиб олганини қандай тушуниш мумкин?
Учинчидан, ДХМдаги ходимларнинг ҳам хизмат ҳақи бор, улар текинга ишламайдику, дейишингиз мумкин. Аммо 10 та қаторнинг нари-бериси бўлган 1 варақ анкетани тўлдириш учун 101 минг сўм оласизларми-а?! Инсоф борми ўзи?
Бу иш учун нари борса 5 минг сўм хизмат ҳақи олиш мумкин. Ана бор, 10 минг сўм. Лекин ундан 1 сўм кўп пул олиш — қип-қизил талончилик! 101 минг сўм эса қароқчиликнинг ўзгинаси!
Энг аҳмақона жойи абитуриент интернет орқали Ягона порталдан ўзи ҳужжатларини юборса, яъни ҳамма меҳнатни ўзи қилса ҳам 90 минг сўм тўлаши шарт экан. Э, қойилей.
Тўртинчидан, бир пайтлар ДТМ “эски” абитуриентлардан 202 минг сўм олайлик, деб лойиҳа эълон қилганда, Адлиянинг ўзи бунга қарши чиққан, “бу фуқароларнинг конституцион ҳуқуқларига зид” дея роса PR қилганди. Натижада тўлов миқдори 101 минг сўмга туширилди. Кўпчилик Адлияни мақтади, дуо қилди.
Энди эса абитуриент барибир яна ўша 202 минг сўмни тўлайдиган бўлди, фақат қолган ярмини Адлия ўзига олади. Қалай, зўрми? ))) Бошидан “шу пулларни ярмини бизга беринглар”, дейишса бўлмасмиди, конституция-понституция қилмасдан.
Пост таҳрирланди: 12:40, 14.06.2019
👉 @xushnudbek 👈
-
2019-06-13 17:59:30+00:00
Давронбек Тожиалиев Фейсбукда ёзяпти:
«Қоилман! Негяяяя?
Алмати шаҳрига бориш учун Тошкентдан поезд билетларини қидирдим. Бугунга бор экан. Тезюрар Тальго поезди. Ўзбекистон темир йўллари сайтига кириб, нархини билдим: энг арзон билет 328.824 сўм. Купе - 756.931 сўм, люкс - 1.091.103 сўм. Сайтда ёзилишича, чипта нархи билан бирга воситачилик йиғими ҳам олинаркан. МДҲ давлатларига қатнайдиган поездлар учун 70.000 сўм. Жами 400.000 га яқин бўларкан. Қимматлик қилди.
Бор-ей деб Черняевкадан Чимкентга йўлга чиқдим. Таксида 1.500 тенге (33.000 сўм) билан Чимкент темирйўл вокзалига етиб олдим. Шу ердан айни Тошкент-Алмати поездидан Чимкентдан Алматигача билет олдим: 3.800 тенге (83.600 сўм). Тошкентда 400.000 сўм бўлган билет Чимкент орқали менга 116.600 га тушди.
Ўша рейс, ўша поезд, ўша вагонлар, ўша йўл. Тошкент-Чимкент ораси 130 км холос. Билет нархи эса камида 3 баравар арзон.
Негяяяя?»
Пост тугади.
P.S.: бу саволнинг жавоби аниқку: МО-НО-ПО-ЛИЯ!!!
👉 @xushnudbek 👈
-
2019-06-13 17:29:59+00:00
#Лайфхак
Мабодо блогерларнинг ёзаётган танқидларини ёқтирмаётган ва «танқид қилманглар» деб талаб қилаётган инсонларни кўрсангиз, мана бу видеони кўрсатинг.
Энди ким танқидга қарши чиқади, қани, қўлини кўтарсинчи? 😊
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2019-06-13 14:39:31+00:00
Мубин Мирзаев: блогерлар бўйича нотўғри маълумот берган ходимларга чора кўрилди
Бугун, 13 июнь куни Давлат солиқ қўмитасида қўмита раисининг биринчи ўринбосари Мубин Мирзаев иштирокида журналистлар билан очиқ мулоқот бўлиб ўтди.
Мубин Мирзаев ижтимоий тармоқларда тарқалган солиқ қўмитаси ва блогерлар фаолиятига оид хабарларга изоҳ берди.
«Ҳар бир хабар асосли бўлиши лозим. Таъкидлашим шарт, блогерларга оид тарқалган гапларни мен гапирмаганман, аммо негадир бу хабарлар асосан менинг суратим остида эълон қилингани тўғри бўлмаган. Асоссиз ёки аниқ бўлмаган маълумот берган ходимларимизга ҳайфсан берилди.
Шу ўринда ойдинлик киритиб кетсам – Давлат солиқ қўмитасининг қонуний фаолият юритаётган бирор шахсга нисбатан қаршилиги йўқ, аксинча ҳар жиҳатдан қўллаб-қувватлайди. Жумладан блогерларни ҳам. Блогерлик фаолиятига ҳам чеклов йўқ.
Аммо шу блогерлик фаолияти доирасида реклама билан ҳам шуғулланиб, даромад олинаётган бўлса, албатта тегишли тартибда рўйхатдан ўтиб, солиқларни тўлаш лозим. Блогер мулкчилик шаклини ўзи танласин, истаса ЯТТ, истаса юридик шахсга айлансин ва хотиржам фаолият юритсин.
Энди телефони олиб қўйилган блогер йигитга келсак (Азиз Ашурбаев тадбирда иштирок этаётганди), мен сиздан узр сўрайман ва сизга ҳам тегишли тартибда рўйхатдан ўтиб, фаолиятингизни давом эттиришингиз учун қўлимдан келган ёрдамни бераман. Ҳаттоки кредитлар олишга кўмак беришга биз тайёрмиз.
Алоҳида таъкидлашим керак, солиқ тизими шаффоф фаолият кўрсатишида ОАВ катта роль ўйнамоқда. Энг муҳими халқимиз тизимга ишонсин», дея қўмита раисининг биринчи ўринбосари сўзларини келтирмоқда Kun.uz мухбири.
👉 @xushnudbek 👈
-
2019-06-13 13:40:36+00:00
Комил Алламжоновнинг солиқ органлари томонидан телефони ҳамда ижтимоий тармоқдаги саҳифаси олиб қўйилган блогер бўйича муносабати.
«Раис сени ҳурмат қиларкан, Анзират» ©
👉 @xushnudbek 👈
-
2019-06-13 12:57:55+00:00
Шавкат Мирзиёев Бишкек шаҳрида Қирғизистон Республикаси Президенти Сооронбай Жээнбеков билан учрашди.
Маълумот учун: Давлатимиз раҳбари эртага, 14 июнь куни Шанхай ҳамкорлик ташкилоти Давлат раҳбарлари кенгашининг навбатдаги мажлисида иштирок этади.
👉 @xushnudbek 👈
-
2019-06-13 08:16:26+00:00
Мавзуни давом эттириб.
Бизда шунақа фикр шаклланган, худдики ҳужжатлар рус тилида муҳокамага қўйилса, изоҳлар кўпроқ ёзилади, ўзбекчада камроқ деб ўйлаймиз. Аслида бу унчалик ҳам ҳақиқатга яқин эмас.
Биргина мисол. Адлия вазирлиги «Маҳаллий давлат ҳокимияти тўғрисида»ги Ўзбекистон Республикасининг қонунига ўзгартиш ва қўшимчалар киритиш ҳақида»ги қонун лойиҳасини иккала тилда эълон қилган.
Ўзбекча вариантга 84 та изоҳ қолдирилган, рус тилидаги лойиҳага эса бирорта фикр билдирилмаган.
P.S.: мен фақат ўзбекча бўлсин, демоқчи эмасман. Бошқа тилларда, жумладан рус тилида ҳам эълон қилинишга қаршимасман. Фақат ҳар доим ва ҳар қанақасига ҳам ўзбек тилидагиси бўлиши шарт.
P.S-2: нима учун regulation.gov.uz порталининг ўзбекча версиясида ҳам ташкилот номлари русча кўринади, шунисига тушунмайман.
👉 @xushnudbek 👈
-
2019-06-13 05:55:19+00:00
Ўзбек тилини беҳурмат қилаётганлар
Ўтган ой рус тилига расмий мақом бериш ҳақидаги таклифни кўриб, кўпчилик жазавага тушди, аксарият ўзбекларнинг дили оғриди, рост. Аммо бу таклиф бугунги аҳволимизга тутилган кўзгу эди, аслида.
Сенат раиси Ниғматилла Йўлдошев бежизга ялпи мажлисда «Тилимиз абгор ҳолатга тушиб қолганига ўзимиз айбдормиз» демаганди.
“Ўзимиз” деганда энг аввало давлат ташкилотларини тушунишимиз керак. Чунки айнан улар давлат тилини кўп ўринларда писанд қилмасдан, беҳурматлик қилишади.
Биргина мисол, жамоатчилик муҳокамасига қўйилаётган қонун ҳужжатлари лойиҳаларининг аксарияти рус тилида бўлади. Тўғри, вазият сўнгги пайтларда бироз яхшиланди, ўзбек тилидаги матнлар кўпайди.
Айрим ҳолларда эса ижтимоий тармоқларда танқид қилиб чиққандан кейингина, ўзбекча вариантини жойлаштиришмоқда. Масалан, Солиқ кодекси бунга мисол.
Ёки куни-кеча «Реклама тўғрисида»ги қонуннинг янги таҳрири рус тилида муҳокамага қўйилгани танқид қилинганди, тезгина унинг ўзбекча варианти ҳам пайдо бўлди.
Аммо ҳалигача ҳолат қониқарли аҳволда эмас. Келинг, аниқ мисолларга ўтамиз.
Охирги 1 ой ичида 6 та Қонун лойиҳаси фақат рус тилида муҳокамага қўйилган. Ушбу ташкилотлар қонун лойиҳасининг ўзбек тилидаги вариантини тақдим этмаганини давлат тилига нисбатан ҳурматсизлик деб баҳолаш мумкинми? Ўзбекистонда давлат тили рус тили эмаску, ҳар ҳолда.
Фақат рус тилида эълон қилинган қонун лойиҳалари рўйхати билан танишинг:
Муҳокамаси давом этаётган ҳужжатлар:
Лойиҳа номи: О митингах, собраниях и демонстрациях граждан
Муаллиф: Ички ишлар вазирлиги
Ҳавола
Лойиҳа номи: О внесении изменений и дополнений в некоторые законодательные акты Республики Узбекистан
Муаллиф: Фавқулодда вазиятлар вазирлиги
Ҳавола
Лойиҳа номи: О внесении изменений и дополнений в некоторые законодательные акты Республики Узбекистан
Муаллиф: Савдо-саноат палатаси
Ҳавола
Муҳокамаси якунланган лойиҳалар:
Лойиҳа номи: О занятости населения (новая редакция)
Муаллиф: Бандлик ва меҳнат муносабатлари вазирлиги
Ҳавола
Лойиҳа номи: О гражданстве Республики Узбекистан (новая редакция)
Муаллиф: Ички ишлар вазирлиги
Ҳавола
Лойиҳа номи: О гарантиях законности предпринимательской деятельности
Муаллиф: Президент ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил
Ҳавола
Бу фақат қонун лойиҳалари холос. Президент ҳужжатлари, Вазирлар Маҳкамасининг қарорлари ҳақида-ку гапирмай қўя қолай. Уларда аҳвол бундан ҳам ёмонроқ.
Масалан, бугунги кунда муҳокамаси давом этаётган 15 та Президент қарори лойиҳасининг 8 таси рус тилида жойлаштирилган.
Юқорида номлари зикр этилган ташкилотларига савол: Сиз учун ўзбек тилининг ҳурмати борми, йўқми? «Давлат тили тўғрисида»ги Қонунни тан оласизларми?
Ўзбек тилининг ривожи ҳақида соатлаб нутқ сўзлаш, ижтимоий тармоқларда бетиним муҳокама қилиш билан бир қаторда амалий ишларга ўтиш пайти келди, менимча.
👉 @xushnudbek 👈
-
2019-06-12 17:51:52+00:00
Яқин қариндошлар машинани ишончномасиз ҳам бошқарса бўлади, деган гаплар ЁЛҒОН
Қонунчилик муаммолари институти бугун айрим сайтлар ва ижтимоий тармоқларда автотранспорт воситасидан фойдаланишда яқин қариндошлар учун ишончнома олиш тизимининг бекор қилинганлиги ҳақида тарқатилаётган маълумотларнинг асоссизлиги тўғрисида расмий маълумот берди.
Хабарда айтилишича, автотранспорт воситасидан фойдаланишда яқин қариндошлар учун ишончнома олиш тизими ҳозир ҳам амалда бўлиб турибди ва бекор қилинмаган.
ХУЛОСА: тағин ишончнома керак эмас экан, “отмен” бўлибди деган нотўғри хаёл билан жарима тўлаб юрманг.
Унақада тарқалган қарор нимани англатади?
Аввало қарор санасига қарасангиз, у 1 март кунда имзоланганини кўриш мумкин. Кимдир эски нарсани топиб олиб, тарқатса, ишониб кетавериш керак эмас.
Шунингдек, фақат каналлар ёзган изоҳни эмас, қарорнинг ўзини ўқиб кўрган одам ишончнома бекор бўлмаганини, гап шунчаки лойиҳа ҳақида кетаётганини бемалол тушиниб олиши мумкин.
👉 @xushnudbek 👈
-
2019-06-12 11:24:04+00:00
⚡️ Қайси ОТМларга давлат хизматлари марказлари орқали ҳужжат топшириш мумкин?
Давлат қабул комиссиясининг қарорига кўра, қуйидаги 5 та ОТМ учун ҳужжатларни барча шаҳар ва туманлардаги ДХМлар орқали топшириш мумкинлиги белгиланди:
1. Тошкент давлат юридик университети
2. Қорақалпоқ давлат университети
3. Гулистон давлат университети
4. Фарғона давлат университети
5. Самарқанд давлат университети
P.S.: жорий йилда давлат хизматлари маркази орқали барча ОТМлар учун ҳужжатлар топшириш мумкинлиги, эндиликда абитуриентлар ОТМга бориши шарт эмаслиги, ўз туманида ҳам ҳужжат топшира олиши ҳақида кўп бора таъкидланган эди.
Лекин сўнгги лаҳзаларда лойиҳа ўзгариб, фақат камсонли (5 тагина) ОТМларидагина ҳужжатлар ДХМ орқали қабул қилиниши назарда тутилди. ДХМ катта ҳажмни эплай олмайди, деган хулосага келинган шекилли.
👉 @xushnudbek 👈
-
2019-06-12 10:43:12+00:00
Солиқ қўмитаси вакиллари билан боғланилди, улар юқоридаги гаплар сўзма-сўз бундай айтилмагани, бу савол-жавоб матбуот анжумани доирасида бўлмагани, айтилган ҳолатларга аниқлик киритиб, батафсил маълумот беришларини таъкидлашди. Майли, кутамиз.
Лекин бир нарсани унутмангки, ҳеч кимнинг телефони, ноутбуги ёки компьютери солиқ тўламаганлиги учун токи солиқ тўлагунга қадар суднинг қарорисиз тортиб олиниши мумкин эмас. Бу салкам босқинчилик билан тенг! Бу мавзуга ҳали қайтамиз.
👉 @xushnudbek 👈
-
2019-06-12 06:41:38+00:00
6 та шаҳар ва 1 та шаҳарча Республика бўйсунувига ўтказилди
2019 йил 4 июндаги ПФ-5738 Президент Фармони асосида Тошкент вилоятининг Ангрен, Бекобод, Олмалиқ ва Чирчиқ шаҳарлари, Сирдарё вилоятининг Ширин шаҳри, Навоий вилоятининг Зарафшон шаҳри ва Сурхондарё вилоятининг Шарғун шаҳарчаси Республика бўйсунувидаги шаҳар(ча)га айлантирилди.
Шу сабабли Вазирлар Маҳкамаси тузилмасида 12 та штат бирлигидан иборат Республика бўйсунувидаги шаҳарларни ижтимоий-иқтисодий ривожлантириш бўлими ташкил этилди. Бу ҳақида «Ҳуқуқий ахборот» канали хабар бермоқда.
👉 @xushnudbek 👈
-
2019-06-12 05:56:35+00:00
Қўйлиқдаги оммавий муштлашув ҳақида прокуратура маълумот берди
• Воқеа 5 июнь куни соат 19:50 ларда рўй берган.
• Бир нафар шахсга пичоқ билан жароҳат етказилган.
• Ҳолат юзасидан Тошкент шаҳар прокуратураси томонидан Жиноят кодексининг 25, 97-моддаси иккинчи қисм «л» банди билан жиноят иши қўзғатилган (айбни оғирлаштирувчи ҳолатларда безорилик оқибатида қасддан одам ўлдиришга суиқасд қилиш).
• Икки нафар шахсга нисбатан қамоққа олиш тарзидаги эҳтиёт чораси қўлланган.
👉 @xushnudbek 👈
-
2019-06-12 05:10:19+00:00
#билиб_қўйган_яхши
Норматив-ҳуқуқий ҳужжатларда фарқ бўлса, қайси бири қўлланади?
Кечаги пенсия ҳақида ёзган постимдан сўнг, кўплаб саволлар келиб тушганини ҳисобга олиб, норматив-ҳуқуқий ҳужжатлар ҳақида қисқа маълумот бермоқчиман. Билиб қўйишингиз керак бўлган оддий қоидалар мавжуд.
Қуйидаги ёзадиганларимизнинг барчаси «Норматив-ҳуқуқий ҳужжатлар тўғрисида»ги Қонунга асосланган.
Энг аввало бизда норматив-ҳуқуқий ҳужжатларнинг қандай турлари мавжудлигини кўриб чиқамиз. Булар қуйидагилар:
1) Конституция;
2) Қонунлар;
3) Олий Мажлис палаталарининг қарорлари;
4) Президент фармонлари ва қарорлари;
5) Вазирлар Маҳкамасининг қарорлари;
6) вазирликлар, давлат қўмиталари ва идораларнинг буйруқлари ҳамда қарорлари;
7) маҳаллий давлат ҳокимияти органларининг қарорлари.
Кўпчилик Президент ва Вазирлар Маҳкамаси фармойишларини ҳам норматив-ҳуқуқий ҳужжат деб адаштиради, лекин аслида бундай эмас.
Юқоридаги ҳужжатларнинг юридик кучи ҳам айни шу тартибда белгиланади. Яъни Конституция ҳаммасидан устун туради. Юридик кучи жиҳатдан кейинги ўринда қонунлар туради. Олий Мажлис палаталарининг қарорлари ҳатто Президент фармон ва қарорларидан ҳам устун туради. Вазирликларнинг қарорлари ҳокимларнинг қарорларидан устун туради ва ҳ.к
Айтайлик, 2 та ҳужжатда тафовут мавжуд бўлса, яъни бир-бирига зид қоидалар келиб қолса, унда қайси бирига амал қилинади, деган савол туғилиши табиий.
Бунда энг биринчи юқоридаги рўйхатга қаралади – қайси ҳужжатнинг юридик кучи каттароқ бўлса, шу амал қилади. Масалан, Қонун ва Президент қарорида тафовут мавжуд бўлса, унда Қонун устунроқ бўлади ва қонундаги қоида қўлланади. Президент Фармони ҳамда Вазирлар Маҳкамаси қарорида тафовут бўлса, Президент Фармони қўллинишини билиб олдингиз, деб ўйлайман.
Агар бир-бирига тенг кучли 2 та ҳужжатда фарқ бўлсачи, унда нима бўлади? Масалан, Вазирлар Маҳкамасининг 2 та қарорида тафовут бор дейлик. Бундай ҳолда қайси қарор кейинроқ қабул қилинган бўлса, ўшандаги қоидаларга амал қилинади. Айтайлик, битта қарор 2008 йил, кейингиси 2016 йил қабул қилинган бўлса, демак, 2016 йилдаги қарор устунроқ бўлади.
Ва учинчи қоида ҳам бор. Бу вазирлик, давлат қўмиталари ва идораларнинг ҳужжатларига тегишли қоида. Муайян соҳани ҳуқуқий жиҳатдан тартибга солиш учун махсус ваколатли ташкилотнинг ҳужжати бир хил даражадаги ташкилотларнинг ҳужжатларидан устунроқ туради, олдин ёки кейин қабул қилинганидан қатъи назар. Масалан, Солиқ қўмитасининг солиққа оид бирор ҳужжати билан Қурилиш вазирлигининг ҳужжатида фарқ юзага келса, унда Солиқ қўмитасининг ҳужжати қўлланади.
Хуллас, шунақа гаплар.
Каналга уланиш: 👇
https://t.me/joinchat/AAAAAEe1KDC7Hm03UPVooQ
-
2019-06-11 17:05:46+00:00
Муҳрим ёзяпти:
«Россиянинг илғор фикрловчи жамоатчилиги фаоллиги (кўпроқ — журъати, жасорати) сабаб бир журналист асоссиз айбловдан, ноҳақ жазодан қутқарилди — Иван Голунов уй қамоғидан озод қилиниши (у уч кун аввал уй қамоғига ҳукм қилинган эди), ундан барча айбловлар олиб ташланиши эълон қилинди (уни наркотиклар савдосида айблашаётганди, полиция: «Биз уни уч ойдан бери кузатаётгандик», деганди).
Бу воқеани бошидан (у 6 июнь куни қўлга олинган, бу ҳақда 7 июнда маълум бўлган) охиригача (бугун) кузатиб чиқинг, вақт бўлганида. Ҳавасинг ҳам келади — юзлаб, минглаб одамларнинг бир одам ҳимоясига бундай шайланишини кўриб; бир-бирига рақобатчи газеталар бир одам ҳимояси учун тарихда илк бор бир кунда бир хил муқова билан чиқишини кўриб. Қадрли, лекин давлат қадрламаган, ҳатто эзғиламоқчи бўлган одам жамият томонидан барибир қадрланишини кўриб. Кейин ичингдан бир қиринди ўтади...
Шу вақтгача Голуновнинг суриштирувларини ўқимаган эканман (ўқиган бўлсам-да, муаллифига эътибор бермаган-ов). Кеча Россия маданият вазири Мединский қандай қилиб дўст-у биродарларини маданият соҳасидаги кўпдан-кўп ташкилотларга раҳбар қилиб қўйгани, қандай қилиб давлат пулини еб ташлаётгани ҳақида суриштирувини ўқиб чиқдим. Даҳшатли суриштирув. Қолганлари ҳам шунақа бўлса керак. Бунақа суриштирувларни кўрган ҳар қандай жиноятчи амалдор Голуновни қамагиси, иложи бўлса... йўқ қилгиси келиши табиий.
Голунов учун хурсанд бўлса арзийди, Россияга эса ҳатто ҳавас қилса бўлади бугун — виждонли бир ватандоши ҳимояси учун қўрқмай майдонга чиқа оладиган, шу билан ҳокимият эгаларини тартибга чақириб қўядиган фарзандлари ҳали бор экан бу мамлакатнинг. Ёдингизда бўлсин, Голунов ҳимоясини Трамп маъмурияти, «украиналик миллатчилар» ёки «Озодлик» уюштиргани йўқ. Ҳаммасини Чўлпоннинг машҳур шеъридаги халқ қилди. Қойилман».
Пост тугади.
P.S.: Мен ҳам қойилман. «Жамоатчилик назорати ҳамда ОАВнинг кучи» деган мавзу бўйича дарсликларга киритса бўладиган воқеа бўлди лекин. Ҳавас қилса арзийди. @meduzalive каналида воқеанинг деярли барча тафсилотлари билан танишишингиз мумкин. Россиялик журналистлар ғалабадан сармаст. Улар бунга ҳақли.
👉 @xushnudbek 👈
-
2019-06-11 15:08:14+00:00
Оталари муштлаштирган болалар воқеаси 2016 йил Қирғизистонда бўлган
Бугун эрталаб, болаларини уриштирган оталар ҳақида пост қўйиб, бу ҳақида кимда қандай маълумот бор, дея сўраган эдим. Муштарийларга раҳмат, улар айтган маълумотлар бўйича қидириб, 2016 йил октябрь ойида чиққан бир хабарни топдим.
Хабарда айтилишича, Қирғизистоннинг Ўш вилояти Ўзган туманида яшовчи икки нафар шахс фарзандларини қонга белангунча муштлаштиргани учун қамоққа олинган.
Қўлга олинганлар ғишт қуйиш билан тирикчилик қилувчи ўзбек миллатига мансуб Ҳосилжон ва Бахтиёр исмли фуқаролар бўлган.
Болаларини мушлаштирган оталарнинг иши Ўзган туман прокуратурасида кўриб чиқилган. Туман прокурори Маматкарим Айтиқулов бу ишга қуйидагича муносабат билдирган:
- Улар “Балоғат ёшига етмаганлари тарбиялаш” бўйича мажбуриятларни бажармаганликда айбланяпти. 156-модда, балоғат ёшига етмаганларни жиноятга жалб қилиш. 234-модда, безориликда айбланишяпти. Яқин орада жиноий иш судга юборилади, - деган Маматкарим Айтиқулов.
Лекин интернетдан суд натижалари ҳақида маълумот топа олмадим.
Хуллас, бу воқеа бизда бўлмаган, содир этганлар эса Қирғизистон прокуратураси томонидан ушланиб, катта эҳтимол билан тегишли жазосини олган.
👉 @xushnudbek 👈
-
2019-06-11 09:22:48+00:00
Ҳурматли, юртдошлар...
Илтимос, йўлларда эҳтиёт бўлинг. Айниқса дуч келган жойдан йўлни кесиб ўтманг, илтимос.
Наҳотки ўз ҳаётингизни шунчалар арзонга баҳолайсиз? Йўлнинг белгиланмаган жойидан, боз устига катта тезликда ҳаракатланаётган машиналар олдидан бепарво, бехавотир кесиб ўтиш мумкин эмаслигини тушуниш наҳотки шунчалар қийин бўлса?!
P.S.: видеода тасвирланган воқеа қачон ва қаерда содир бўлгани аниқ эмас, йўловчининг аҳволи ҳам. Ишқилиб, ҳаёт бўлсин ва тузалиб кетсин, дея дуо қиламиз.
👉 @xushnudbek 👈
-
2019-06-11 06:31:23+00:00
Тошкент шаҳри ва Тошкент вилоятида доимий пропискага қўйиш тартиби юзасидан
«Юксалиш» умуммиллий ҳаракати прописка мавзусида муносабат билдирди.
«Шу кунларда ижтимоий тармоқлар ҳамда ОАВларда Тошкент шаҳри ва Тошкент вилоятида доимий пропискага қўйиш тартиби фаол муҳокама қилиниб, кенг жамоатчиликнинг турли фикр-мулоҳазаларига сабаб бўлмоқда», - дейилади муносабатда.
Жумладан, Ўзбекистонда прописка бўйича ўрнатилган ушбу тартиб фуқароларнинг шахсий ва мулкий ҳуқуқларидан тўла-тўкис фойдаланишига, урбанизация жараёнлари, ижтимоий ривожланиш, хусусан истиқболли ёшлар, малакали кадрларнинг хорижда ишлаш учун мамлакатни тарк этаётганликлари ҳақида кўплаб фикрлар билдирилганлиги қайд этилган.
Ҳаракатнинг эслатишича, 2018 йилда Ҳаракатлар стратегиясини “Фаол тадбиркорлик ва инновацион технологияларни қўллаб қувватлаш йили”да амалга оширишга оид Давлат дастурининг 56-бандида Фуқароларнинг конституциявий ҳуқуқлари кафолатларини таъминлаш мақсадида доимий ва вақтинча рўйхатга қўйиш (ҳисобга олиш) тартибини соддалаштириш белгиланган эди.
Мазкур банд ижроси юзасидан бир қатор ишлар қилинди, лекин шунга қарамай, Давлат дастурида Тошкент шаҳри ва вилоятида доимий пропискага эга бўлмаган фуқаролар учун асоссиз спекуляциянинг олдини олиш чораларини кўрган ҳолда иккиламчи бозордан кўчмас мулк сотиб олишга бўлган чекловларни бекор қилиш тартиби назарда тутилган бўлсада, ушбу масала тўлақонли амалга оширилмаган. Бу эса фуқаролар томонидан эътирозларнинг янада кўпайишига сабаб бўлмоқда.
Ўз навбатида, Ҳаракат фуқароларнинг айни шу масала — Тошкент шаҳри ва Тошкент вилоятида доимий прописка бўйича амалдаги тартиб юзасидан фикрларини ўрганди. Хусусан, Телеграм тармоғидаги Жамоатчилик фикри саҳифасида жорий йилнинг 3–11-июнь кунлари давомида жамоатчилик фикри сўрови ўтказилди. Унда 17 минг 700 нафардан зиёд фуқаролар иштирок этиб, респондентларнинг асосий қисми, яъни 49 фоизи ушбу тартиб фуқароларнинг конституциявий ҳуқуқларига мутлақо зид эканлигини таъкидлади.
Кўриниб турибдики, Давлат раҳбари томонидан тасдиқланган Давлат дастурига киритилган ушбу банднинг амалга оширилиши бугунги кунда долзарб эканлигини жамоатчилик фикри натижалари ҳам тасдиқламоқда.
Фикримизча, белгиланган чора-тадбирларнинг ўз вақтида ва тўлақонли амалга оширилганида, бугунги кунга келиб фуқароларнинг норозилиги ва муҳокамаларига сабаб бўлмас эди. Аксинча, фуқароларнинг конституциявий ҳуқуқларига амал қилиниши Ўзбекистоннинг халқаро майдондаги имижини янада ошишига, урбанизация жараёнларига, ижтимоий ривожланиш, хусусан, истиқболли кадрларнинг хорижга чиқиб кетишининг олди олинишига хизмат қилган бўлар эди, - деб ҳисоблайди Ҳаракат.
“Юксалиш” умуммиллий ҳаракати ушбу масала юзасидан қўйидаги чора-тадбирларни амалга оширишни мақсадга мувофиқ, деб ҳисоблайди:
• Тошкент шаҳри ва вилоятида доимий прописка қилиш тартибини турар жойи бўйича ҳисобга олиш тизими билан алмаштириш. Бунда ҳисобга олишни Давлат хизматлари марказлари ва Ягона интерактив давлат хизматлари портали орқали соддалаштирилган тартибда амалга ошириш;
• Тошкент шаҳри ва вилоятида доимий пропискага эга бўлмаган фуқароларнинг кўчмас мулкка бўлган ҳуқуқларини эътироф этишни нафақат бирламчи бозор, балки иккиламчи бозорда, шунингдек умрбод ўзгага берилганда ёки ҳадя қилинганда ҳам бериш тартибини жорий қилиш.
Муносабат тугади.
P.S.: қўпол қилиб айтганда, "чёткий" чиқиш бўлибди ома лекин.
👉 @xushnudbek 👈
-
2019-06-11 05:27:57+00:00
Ижтимоий тармоқларда тарқалган икки нафар болакайни катталар томонидан муштлаштирилгани акс этган видео бир неча йиллар олдин бўлган воқеа экан.
Хусусан, ушбу видео Телеграмдаги каналлардан бирига 2016 йил 13 декабрь куни жойлаштирилган (ҳозир у канал фаолият юритмайди). Видеодан ушбу воқеа ёз ойларида содир бўлганини тахмин қилиш мумкин, демак, воқеа камида 2016 йилнинг ёзида рўй берган. Балки ундан ҳам анча олдин бўлгандир, ким билсин.
Агар Сизда ушбу видеода акс этган воқеа қачон ва қаерда бўлгани ҳақида бирор маълумот бўлса, унда изоҳ қолдиришингизни сўраймиз.
👉 @xushnudbek 👈
-
2019-06-10 17:56:09+00:00
ИИВ бошқарма бошлиғи: “Тошкент шаҳрига пропискага ўтволиш “лазейка” бўпқолди”
Аввал хабар берилганидек, бугун Ахборот ва оммавий коммуникациялар агентлигида Ички ишлар вазирлиги мутасаддилари иштирокида интервью ва журналистлар билан очиқ мулоқот бўлиб ўтди.
Унда фуқароларнинг кўпчилик бўлиб, бирламчи бозордан уй сотиб олаётгани, шу тариқа Тошкент шаҳрида пропискага эга бўлаётгани ҳақида ва бу ҳолатни қандай баҳолаш мумкинлиги ҳақида савол берилди.
“Содда тилда тушунтирадиган бўлсак: вилоятлардан тўртта ёки учта фуқаро ўзаро келишиб, Тошкент шаҳрида бир хонали квартира олиб, шу тўрт киши ўша квартирага пропискадан ўтишмоқчи. Ўтишди ҳам, — ИИВ Миграция ва фуқароликни расмийлаштириш бош бошқармаси бошлиғи Бадриддин Шорихсиев. — Кўп баҳсли ҳолатлар айнан пропискадан ўтиш жараёнида юзага келмоқда. Тошкент шаҳрига пропискага ўтволиш, қўпол қилиб айтганда, “лазейка” бўпқолди. Лекин, шунга қарамасдан, кўпчилик фуқаролар судга мурожаат қилишяпти. Суд қарор чиқаргандан кейин бизнинг ходимлар фуқароларни прописка қиляпти. Ҳозир суд ёрдамида кўп муаммолар ҳал бўляпти, суд орқали пропискага ўтишяпти. Бу масалани юқори ташкилотларга маълумот тариқасида киритдик, бу борада бизга аниқ йўналиш беришларини илтимос қилдик”.
Маълумот учун: Тошкент шаҳри 11 та тумандан иборат бўлиб, унинг умумий майдони 320 квадрат километрни ташкил этади.
-
2019-06-10 16:58:22+00:00
Тушунишим бўйича, Тошкент шаҳар ИИББ ва Ўзбекистон ИИВ — бошқа-бошқа олам. Одамлар давлатнинг ҳеч бир органидан кутмаган инсоний қиёфани Тошкент шаҳар ИИББда кўрганини айтмоқда. Қайси журналистдан сўрама, Тошкент шаҳар ИИББ матбуот хизматини мақтаган (Бош прокуратураники билан бирга). ИИББ масъуллари (офицерлар, катта офицерлари ҳам!) журналистлар билан дўстона муносабатда, исталган саволга жавоб беришга ҳаракат қилади. Хуллас, Тошкент шаҳар ИИББга саволдан кўра мақтов кўп (албатта, фаришта эмас).
ИИВдан келганлар эса: «Пулинг бўлса тонировкада юр, бўлмаса — юрма», дейди (барака топкур, тонировка фақат олифтагарчилик учун эмас, қуёшдан сақланиш учун ҳам керак — киракаш жиянларингни териси куйиб кетган чап қўлларини кўрмаганмисан, дейдиган одам йўқ); «Кўпчилик бир бўлиб, бирламчи бозордан битта квартира сотиб олиб, Тошкентдан доимий пропискали бўлиши — бу қонунчиликдаги туйнук, уни ёпиш бўйича ҳужжат тайёрладик», дейди уялмай, ИИВдан келган бошқа бир вакил (суриштирсанг, туғилган вақти ўзида ҳам Тошкент пропискаси бўлмаган асли).
Тошкент шаҳар ИИББдагилар ўзини ҳеч бўлмаса одамгарчилиги бордек кўрсатишга, ўзини маданиятли тутишга, 2016 йилдан кейин (сал-пал бўлса-да) ўзгарганини билдиришга ҳаракат қилаётгандек. ИИВ вакиллари бераётган баъзан тутуриқсиз, баъзан қўпол жавоблар эса ўша 2016 йилдан аввалги, қўпол, дағал, тақиқлашни яхши кўрадиган, кўп гап қайтарсанг («шунақа ақллимисан?»), қўл кўтаришдан ҳам тоймайдиган милиционерларни ёдга соляпти. Улар, афтидан, ўзига тенг одамлар билан гаплашаётганини ҳис қилмаяпти. Одамлар уларнинг олдида эмас, улар одамларнинг олдида ҳисобдорлигини тушунмаяпти ҳали ҳам.
Менимча.
Ҳа-я, айтмоқчи — мен бир соҳада иккита мана шунақа фарқли (ҳатто бир-бирига зидроқдек) оламлар пайдо бўлиб қолганидан ҳайратда эмасман. Сочига оқ тушиб кетган пенсионерлар (ёки муддатидан аввал пенсия ёшига етиб қўйганлар) курсини ёшларга бўшатмай, (20 йил аввалгидек эскичасига, ўзи билганидек, атрофга хизмат машинасининг ойнасидан қараб) ишлашда давом этаверса, шунақа бўлади ўзи. Адашмасам.
https://t.me/joinchat/AAAAAEG2GQMHhMdalJO5IQ
-
2019-06-10 07:56:39+00:00
Россиянинг «Ведомости», «РБК» ва «Коммерсант» нашрлари душанба куни муқовасида «Мы Иван Голунов» («Биз Иван Голуновмиз») ибораси билан чиқиш қилди. Шу тариқа, бу газеталар наркотик сақлашда гумонланиб қўлга олинган журналистни қўллаб-қувватлашларини билдиришди.
👉 @xushnudbek 👈
-
2019-06-10 04:11:05+00:00
Кеча Қозоғистонда навбатдан ташқари президентлик сайловлари бўлиб ўтди. Сиз видеода кўриб турган воқеа эса, СССРнинг аксарият давлатларидаги сайловларда кузатиладиган одатий жараёнлардан бири )
Экзитпол натижаларига кўра, Қосим-Жўмарт Тўқаев сайловда 70% овоз олган.
Тўқаевнинг сайланишига, менимча, ҳеч ким шубҳа қилмаганди.
👉 @xushnudbek 👈
-
2019-06-09 11:34:50+00:00
Қабул квоталари қачон эълон қилинади?
Келаси ҳафтадан, яъни 15 июндан бошлаб, бутун республика бўйлаб ОТМларга қабул жараёнлари бошланиши керак.
Аммо шундай бўлса-да, жорий йилги қабул квоталари ҳозирча тасдиқланмади. Ваҳоланки, қайси ОТМ қайси йўналишга нечта талаба қабул қилиши аниқ бўлмасдан туриб, қабул жараёнлари бошланмаслигини кўпчилик билмаса керак. Яъни мабодо қабул квоталари ўз вақтида тасдиқланмаса, унда 15 июнь келган бўлса ҳам, абитуриентлардан ҳужжатлар қабул қилинмайди, қарор чиққунгача кутилади.
1998 йилдан буён таҳлил қилиб кўрсак, бундай ҳолат 4 марта рўй берган. 2004, 2011, 2014 ва 2015 йилларда қабул квоталари кеч тасдиқланган ва шу сабабли қабул жараёнлари қонунчиликда белгиланган муддатлардан кечикиб бошланган.
Энг рекорд даражада кеч тасдиқланган қабул квоталари 2011 йилда кузатилган. Ўшанда тегишли қарор Президент томонидан 4 июль куни имзоланган ҳамда 20 июнда бошланиши керак бўлган қабул жараёнларига 2 ҳафта кечикиб старт берилган.
Айтганча, ўтган йили ҳам битта ОТМ учун қабул жараёнининг кечикиб бошланиш ҳолати кузатилди. Аниқроғи Жаҳон иқтисодиёти ва дипломатия университетининг қабул квоталари қолган ОТМларникидан кечроқ – 21 июнь куни тасдиқланди ва ушбу ОТМда қабул қонунчиликда белгилангандан 1 ҳафта кечикиб бошланди.
Жорий йилги қабул квоталари қачон тасдиқланиши ҳозирча маълум эмас.
Маълумот ўрнида айтиш керакки, 2005 йилдан бошлаб қабул квоталари Президент қарори билан тасдиқланади. Унгача эса Вазирлар Маҳкамаси қарори билан тасдиқланган.
Қуйида эса турли ўқув йилларида қабул квоталари қайси санада тасдиқлангани ва бакалавриат учун қабул квоталарининг сони ҳақидаги маълумот билан танишишингиз мумкин:
2018/19 ўқув йили — 4 июнь (қабул квотаси сони: 69.200)
2017/18 — 5 май (66.316);
2016/17 — 26 май (57.907);
2015/16 — 23 июнь (57.907);
2014/15 — 26 июнь (57.907);
2013/14 — 11 июнь (56.607);
2012/13 — 7 май (56.607);
2011/12 — 4 июль (56.607);
2010/11 — 28 май (56.607);
2009/10 — 4 июнь (57.305);
2008/09 — 19 май (58.000);
2007/08 — 30 май (51.604);
2006/07 — 2 июнь (51.604);
2005/06 — 2 июнь (51.175);
2004/05 — 24 июнь (51.175);
2003/04 — 14 июнь (51.100);
2002/03 — 4 июнь (51.100);
2001/02 — 12 июнь (49.500);
2000/01 — 8 июнь (49.500);
1999/2000 — 2 июнь (43.653);
1998/99 — 25 май (42.000).
Изоҳ: қабул квоталари сони қўшимча қабуллар ва ўзгаришлар эвазига кўрсатилган рақамлардан кўпроқни ташкил қилган бўлиши мумкин.
👉 @xushnudbek 👈
-
2019-06-09 11:11:30+00:00
Ўзбекистон Республикаси Вазирлар Маҳкамасининг “Олис ҳудудларда жойлашган умумий ўрта таълим муассасаларида фаолият юритаётган педагог ходимларнинг меҳнатини янада рағбатлантириш тўғрисида”ги қарори
Халқ таълими вазирлиги расмий каналига уланиш👇👇👇https://t.me/uzedu
-
2019-06-08 15:59:00+00:00
Педагог ходимларга махсус устама белгиланибди. Бу ҳаммага тааллуқлими?
Бугун «Ҳуқуқий ахборот» каналида педагог ходимларга махсус устама белгилангани ҳақида хабар чиқди.
Хабарда айтилишича, қарорга мувофиқ, бошқа ҳудудлардан келиб мактабларда дарс бераётган ходимларга қуйидаги миқдорларда устама белгиланган:
• мактабда ишлаган даври 6 ойдан 3 йилгача – 10%;
• 3 йилдан 5 йилгача – 20%;
• 5 йилдан 10 йилгача – 30%;
• 10 йилдан 15 йилгача – 40%;
• 15 йилдан ортиқ – 50%.
Шунингдек, хабарга устама белгиланадиган ҳудудлар рўйхати илова қилинган:
https://bit.ly/2XBH5hM
Кўпчилик, ушбу хабардан сўнг, "барча педагогларга устама белгиландими?" дея сўрашмоқда. Менимча, бу устама барчага тааллуқли эмас.
Махсус устама фақат рўйхатда номи келтирилган маҳалла ва овул фуқаролар йиғинидаги мактабларга бошқа ҳудуддан келиб дарс берган педагогларгагина қўшилади. Шу ҳудуднинг ўзида яшайдиган педагогларга ёки рўйхатда номи қайд этилмаган ҳудуддаги мактабларда ишлайдиганларга бундай махсус устама берилмайди.
"Менимча" деб тахмин билан гапираётганимнинг сабаби, ҳали қарорнинг ўзи билан таниш эмасман, шунинг учун аниқ айта олмайман.
Адлия хабарида қарорни ким ва қачон қабул қилгани (ВМ қарори бўлса керак), бу ўзгариш қачондан кучга кириши ҳақида маълумот берилмаган.
👉 @xushnudbek 👈
-
2019-06-08 12:14:26+00:00
ТОШКЕНТ ШАҲРИДА ОММАВИЙ ЗАҲАРЛАНИШ ЮЗАСИДАН
2019 йилнинг 4-7 июнь кунлари Тошкент шаҳрида истиқомат қилувчи жами 49 нафар фуқаролар “овқатдан токсикоинфекция” ташхиси билан Ўзбекистон Республикаси Соғлиқни сақлаш вазирлигининг Эпидемиология, микробиология ва юқумли касалликлар илмий-тадқиқот институти, 2 ва 5-сонли юқумли касалликлар шифохоналарига ётқизилган.
Мазкур ҳолат юзасидан ўтказилган текширувда, ушбу фуқаролар шифохонага мурожаат қилишидан аввал Учтепа тумани, Лутфий кўчаси, Сергели тумани, Янги Қўйлиқ кўчаси, 7б-уй ҳамда Сергели тумани, Янги Сергели кўчаси, 21-уйда жойлашган “Оқтепа лаваш” (“Grand Azia Plus” МЧЖ) умумовқатланиш тармоғининг учта шаҳобчаларида тез тайёрланувчи таомларни (“сендвич”, “лаваш” ва “пицца”) истеъмол қилганликлари аниқланган.
Мазкур ҳолат юзасидан 07.06.2019 йилда Тошкент шаҳар прокурори томонидан “Grand Azia Plus” МЧЖ мансабдор шахслари ва бошқаларга нисбатан Ўзбекистон Республикаси Жиноят кодексининг 186-моддаси 4-қисми “б” банди билан жиноят иши қўзғатилган.
Ҳозирда жиноят иши бўйича Тошкент шаҳар прокуратураси томонидан тергов ҳаракатлари олиб борилмоқда.
-
2019-06-08 07:36:25+00:00
«Борига барака» кўрсатуви қонунийми?»
Кун.уз сайтида ҳуқуқшунос Дилшод Абдуқодировнинг шу номдаги мақоласи эълон қилинибди.
👉 https://kun.uz/news/2019/06/07/boriga-baraka-korsatuvi-qonuniymi
Муаллиф ўз мақоласида ТВ орқали берилаётган бу каби шоуларга диний томондан, яъни ҳалол ёки ҳаромлиги ҳақида эмас, балки Ўзбекистон қонунларида белгиланган қоидалар бўйича таҳлил қилган.
Ҳуқуқшунос сифатида муаллифнинг барча фикрларига қўшиламан. Ҳақиқатдан «Борига барака» кўрсатуви қонунчиликда тақиқланган қимор ва таваккалчиликка асосланган ўйинлар элементларига эга ва бу жиноий жавобгарликни келтириб чиқариши мумкин. Айниқса, мақоланинг мана бу қисми муҳим:
«Борига барака» қонуний томондан ҳам қиморга оид унсурларга эга
Энди танганинг иккинчи томонига ўтамиз. «Борига барака» дастури шу йўналишдаги барча кўрсатувлар орасида қиморга хос энг кўп элементга эга ўйин ҳисобланади.
Чунки ўз навбатида фақат ушбу кўрсатувдагина иштирокчи бўлиш учун Click ва Paynet орқали алоҳида 5 минг сўмлик тўлов ҳам жорий қилинган. Қолган кўрсатувлар (шу жумладан «Борига барака»нинг ўзида ҳам) қатнашиш учун бирор маҳсулот (хизмат) сотиб олиш талаб этилади. У ёки ичимлик, ёки ширинлик сотиб олиш, ёки суғурта компанияси хизматидан фойдаланиш бўлиши мумкин.
Яъни назарий жиҳатдан кўрсатувда қатнаша олмасангиз ҳам, пулингизга куйиб қолмайсиз (SMS тарзида юборилганда ушлаб қолинадиган 70-80 сўмни ҳисобга олмаганда). Сарфлаган харажатингиз эвазига бирор маҳсулот олган бўласиз. Кўрсатувда чиқиш эса гўёки Сизга истеъмолчи сифатида бонус кўринишида тақдим этилади.
Муайян товарлар ва хизматлар истеъмолчилари ўртасида сотувларни рағбатлантириш мақсадида, ўйинда қатнашганлик учун қўшимча ҳақ ундирилмасдан ўтказиладиган пул-буюм ютуқлари ўйинларини тўғри тушуниш мумкин, чунки бундан кўзланган асосий мақсад – товар ёки хизматларни реклама қилишдир. Фақат энг асосийси ушбу акция қонунчилик талабларига риоя қилган ҳолда ўтказилиши ва акция давомида маҳсулот (хизмат)нинг нархи аввалгидан сунъий кўтарилмаслиги шарт.
Аммо «Борига барака» кўрсатуви Click ва Paynet орқали қабул қилаётган 5 минг сўмлик тўлов эвазига фуқаролар ҳеч нарса олишмайди. Уларга ҳеч қандай хизмат кўрсатилмайди, ҳеч қандай маҳсулот берилмайди. Агар омади келмаса, 10, 20, ҳатто 30 марта тўлов қилганлар ҳам пулига шунчаки куйиб қолаверишади. Пулига куйиб қолаётган инсонларнинг сони минглаб, уларнинг йўқотган маблағлари эса, жами юз миллионлаб суммани ташкил қилиш эҳтимоли ҳам йўқ эмас.
Айнан мана шу қиморнинг асосий белгисидир. Тағин буни диний атама билан адаштирманг, биз қонунлар билан тақиқланган қиморни назарда тутяпмиз.
Қандай жазо белгиланган?
Ўзбекистонда қимор ва таваккалчиликка асосланган бошқа ўйинларни ташкил қилиш тақиқланганини билиб олдик, энди бундай хатти-ҳаракатлар учун қандай жазо берилишини ҳам айтиб кетсак мақсадга мувофиқ.
Бундай ўйинларни ташкил қилганлик учун Жиноят кодексининг 278-моддасига биноан, тўғридан-тўғри жиноий жавобгарлик назарда тутилган.
Унга кўра, қимор ва таваккалчиликка асосланган бошқа ўйинларни қонунга хилоф равишда ташкил этиш ёки ўтказиш етти йилгача озодликдан маҳрум қилиш билан жазоланади», - дейилади мақолада.
«Гапнинг индаллосини айтганда, агар ушбу кўрсатувлар ҳақиқатдан қимор ва таваккалчиликка асосланган ўйин деб топилса, унда тегишли чоралар кўрилиши, аксинча, бундай деб топилмаса, унда қайси асосларга кўра, шундай мазмундаги хулосага келинганини кенг жамоатчиликка маълум қилишларини сўраб қоламиз», - дея мақолага якун ясалган.
Кун.уз таҳририяти эса "мазкур мақолада таъкидланган фикрлар юзасидан ҳар қандай муносабатни сайт орқали эълон қилишга, очиқ мулоқотга тайёрмиз", дебди. Қани, кўрамиз, ЗўрТВ телеканали раҳбарлари бунга қандай муносабат билдиришар экан.
Экран орқали очиқчасига қимор кўрсатилса ва қонунчиликда тақиқланган бўлса, ҳар ҳолда бу масала шундай қолмаслиги керак.
❗️Маълумот учун: Ўзбекистон қонунчилигида лотерея ўйинларига рухсат берилган ва бу қонунга хилоф эмас. Аммо лотереянинг ҳам ўз шартлари ва қоидалари мавжуд. «Борига барака» кўрсатуви лотерея ҳисобланмайди.
👉 @xushnudbek 👈
-
2019-06-08 04:40:56+00:00
Хўжалик ишларида асқотиши мумкин бўлган лайфхаклар
Муаммоларнинг ечими аслида жуда оддий бўлиши мумкин, ўзимиз қийинлаштирамиз холос.
👉 @xushnudbek 👈
-
2019-06-07 18:52:58+00:00
«Ўзавтосаноат» аҳолининг автомобиль билан таъминланганлик даражасини 2,3 баробарга оширмоқчи
Ўзбекистонда аҳолининг енгил автомобиллар билан таъминланганлигини 2,3 баробарга ошириш кўзда тутилмоқда. Шу билан бирга мамлакатнинг автомобиллаштириш даражасини минг киши учун 166 автомобилга етказиш режалаштирилган.
Бу ҳақда «Ўзавтосаноат» вакиллари 7 июнь куни бўлиб ўтган матбуот анжуманида маълум қилди. @onlyinuzbekistans каналининг ушбу режа ва мақсадларга нисбатан муносабати эътиборга лойиқ:
«Фақат Ўзбекистонда аҳолининг қанча автомобиль сотиб олиши ‘юқори’дан режалаштирилади... Аслида-ку, ‘Ўзавтосаноат’ деган давлат компанияси бўлмаганида, GM Uzbekistan монопол мавқеда бўлмаганида, чегаралар очиқ бўлганида, Ўзбекистон аллақачон юқоридаги маррани эгаллаган, яъни ҳар минг киши 166 та эмас, балки 250 та автомобилга эга бўлган бўлар эди...
ЮНИСЕФ маълумотларига кўра, 2017 йилда Ўзбекистонда ҳар 1000 кишига 67 та автомобиль тўғри келган. Худди шу рақам Қирғизистонда 2011 йилда 211 та (‘Қирғизавто’си йўқ), Грузияда эса 2014 йилда 155 та (‘Грузинавто’си йўқ) бўлган. Қозоғистон эса аллақачон биз олдимизга қўйган маррага эришган...
Мамлакатда ҳалиям СССР госпланидаги иқтисодчилар даври ҳукм сурмоқда. ‘Кейинги беш йилликда (пятилетка) 500 минг оила совутгичли, 750 минг оила телевизорли, 200 минг оила ‘жигули’и бўлади’, деб ҳисоб-китоб қилади, уялмай оммавий ахборот воситаларига интервью беради.
Одамларнинг машинали бўлиши ҳеч қачон ‘Ўзавтосаноат’нинг саъй-ҳаракати билан эмас, балки ҳукуматнинг яқин ва узоқ истиқболда аҳоли даромадларини ошириш, отнинг калласидек бож сиёсатини бекор қилиб, мамлакатда сифатли ва арзон автомобиллар бозорини шакллантириш билан боғлиқ, аслида. Модомики ‘Ўзавтосаноат’, GM Uzbekistan сингари ўзбек халқининг ризқ-насибасини туя қиладиган монопол компаниялар бор экан, одамларимиз учун автомобиллар ҳали бери кундалик турмуш учун керакли воситага айланмайди».
https://t.me/joinchat/AAAAAD63OEHkQHOlfdglMg
-
2019-06-07 11:46:24+00:00
Ички ишлар вазирлиги: Айни вақтгача кундузи чироқ ёқиб юришга оид қарор юзасидан маъмурий жавобгарликка тортилган ҳайдовчиларга пули қайтарилмайди. Лекин баённома расмийлаштирилган, аммо тўлашга улгурмаган ҳайдовчилар учун бу баённома бекор қилинди.
ЎзА
👉 @xushnudbek 👈
-
2019-06-07 07:41:31+00:00
Тошкент шаҳрида ФҲДЁ ҳақидаги архив маълумотномалар Давлат хизматлари марказлари орқали берилади
Фуқароларга янада қулайлик яратиш мақсадида Тошкент шаҳрида жисмоний шахсларга фуқаролик ҳолати далолатнома ёзувлари (ФҲДЁ) ҳақидаги (туғилиш, никоҳ, никоҳдан ажралиш, ўлим, ёлғиз она, оталикни белгилаш, маълумотлар мавжуд ёки мавжуд эмаслиги ҳақида ва бошқа) архив маълумотномаларни бериш Давлат хизматлари марказлари орқали кўрсатилади. Ҳозирча хизмат фақат Тошкент шаҳрида амалга оширилмоқда, қолган ҳудудларда ишга тушириш учун босқичма-босқич ишлар кетмоқда.
Бугундан, яъни 7 июндан бошлаб мурожаатчилар мазкур давлат хизматидан экстерриториал тамойил асосида – пропискасидан қатъи назар ўзларига қулай бўлган, исталган ДХМларга келган ҳолда фойдаланишлари мумкин.
Давлат хизматидан фойдаланиш учун тўлдириладиган сўровномага қуйидагилар илова қилинади:
• паспорт ёки шахсини тасдиқловчи бошқа ҳужжат нусхаси;
• ариза берувчи ишончнома асосида ҳаракат қилаётганда – ишончнома нусхаси;
• ариза берувчининг марҳумга қариндошлигини тасдиқловчи ҳужжатлари;
• ариза берувчи васиятномага асосан меросхўр бўлганда — васиятнома ва марҳумнинг ўлими ҳақида гувоҳнома нусхалари, ариза берувчи қонуний вакил бўлса – уни тасдиқловчи ҳужжат нусхаси.
Ариза берувчи тақдим этган ҳужжат нусхалари ДХМ ходимлари томонидан уларнинг асл нусхаларидан олинади.
Давлат хизматини кўрсатганлик учун ЭКИҲ 5 фоизи миқдорида (бугунги кунда 10 минг сўм) йиғим ундирилади.
❗️Эътибор беринг: агар архивдан ФҲДЁга оид маълумотлар керак бўлса, давлат хизматлари марказига борасиз. Агар илк маротаба ФҲДЁ ҳужжатларини олмоқчи бўлсангиз (масалан, янги туғилган фарзандингизга туғилганлик ҳақида гувоҳнома олиш учун), унда ФҲДЁ органларига борасиз. Адаштириб қўйманг.
👉 @xushnudbek 👈
-
2019-06-07 05:30:22+00:00
Кундузи фараларини ёқмагани учун жаримага тортилганлар иши нима бўлади?
Саволга Адлия вазирлиги бошқарма бошлиғи Фурқат Тожиев жавоб берди.
👉 @xushnudbek 👈
-
2019-06-07 04:43:34+00:00
TOP-6. Пиёдалар учун ўлим хавфи бор тузоқлар
Россиялик видео-блогер Василий Орлов ўзининг Youtube каналида пиёдалар учун ўлим хавфини юзага келтирадиган йўллардаги тузоқлар ҳақида ажойиб ролик эълон қилган.
Ўша ролик мавзуси жуда актуал бўлгани учун ўзбек тилига дубляж қилдик. Умид қиламизки, бу кўпчилик учун фойдали бўлади.
Видеони яқинларингизга ҳам албатта тарқатинг!
❗️Видеода ҳалок бўлган инсон тасвирланган кадрлар мавжуд. Асаби бўшлар, ёш болалар ва ҳомиладор аёлларга кўриш тавсия этилмайди.
👉 @xushnudbek 👈
-
2019-06-06 15:38:51+00:00
«Юксалиш» умуммиллий ҳаракати прописка юзасидан сўров ўтказаётган экан. Мен «Бу тартиб фуқароларнинг конституциявий ҳуқуқларига мутлақо зид» деган вариантни белгиладим ва ҳозирча 56% овоз берувчилар шундай фикрлашмоқда.
Бу каби сўровномалар илгари ҳам кўп ўтказилган. Ва барчасида шунга ўхшаш натижа чиққан. Лекин деярли фойдаси бўлмаган. Майли, бу сафар расмий ташкилот ўтказаётган экан-ку, балки сўровноманинг қандайдир амалий фойдаси бўлар. Улашсак улашибмизда, биздан нима кетди.
https://t.me/fikruzb/6
-
2019-06-06 12:57:59+00:00
Эртага Хива шаҳрида илк маротаба Паҳлавон Маҳмуд номидаги Халқаро баҳодирлар ўйинларига старт берилар экан.
Ғоя жуда ёқди. Тарихий сиймоларимизнинг номини мана шунақа йўллар билан брендга айлантирса бўлади, бундай ўйинлар туристлар учун ҳам қизиқ.
Болалигимизда «Спорт» телеканали орқали World’s Strongest Man ўйинларини жуда севиб томоша қилардик. Жидрунас Савицкас, Василий Вирастюк, Брайан Шоу, Магнус Самуэльсонларнинг баҳодирлигини кўриб ҳайратланардик. Шахсан мен польшалик Мариуш Пудзяновскийнинг ашаддий мухлиси эдим.
Эртага бошланадиган халқаро мусобақа мотивация бўлиб, бизда ҳам дунё даражасидаги баҳодирлар етишиб чиқса не ажаб.
Мусобақага қизиққанлар http://strongmen.uz сайти орқали маълумот олиши мумкин.
👉 @xushnudbek 👈
-
2019-06-06 07:43:46+00:00
Кўпчилик сўраган эди:
Кундузи фараларини ёқмагани учун жаримага тортилганлар иши нима бўлади?
Вазирлар Маҳкамасининг 4 июнь кунги 460-сонли қарори билан кундузи чироқ ёқиб ҳаракатланиши талаби 2021 йил 1 январдан бошлаб кучга кириши белгилаб қўйилди.
Шу ўринда ҳақли бир савол туғилади. Кундузи чироқ ёқиб юришга оид қоида расман кучга кирган кундан то 4 июнь (ушбу талаб бекор бўлган кун)га қадар кундузи чироқ ёқиб юрмаган ҳайдовчиларга нисбатан расмийлаштирилган маъмурий баённомаларнинг тақдири нима бўлади?
Маъмурий жавобгарлик тўғрисидаги кодексининг 9-моддасига кўра, маъмурий ҳуқуқбузарлик учун жавобгарликни енгиллаштирувчи ёки бекор қилувчи ҳужжатлар орқага қайтиш кучига эгадир, яъни ушбу ҳужжатлар чиққунга қадар содир этилган ҳуқуқбузарлик ҳолларига ҳам тааллуқлидир.
Кодекснинг 271-моддасига кўра маъмурий жавобгарликни белгиловчи ҳужжат бекор қилинган бўлса, маъмурий ҳуқуқбузарлик тўғрисидаги ишларни юритишни бошлаш мумкин эмас, бошланган иш эса тугатилиши лозим.
Қонуннинг юқоридаги талабларидан келиб чиқиб, хулоса қилиш мумкинки, 2019 йил 4 июнга қадар ҳайдовчиларга нисбатан кундузи чироқ ёқиб юрмагани учун расмийлаштирилган маъмурий баённомалар бекор қилиниши ва маъмурий баённома бекор бўлишининг ҳуқуқий оқибатлари қўлланиши лозим.
Бунда ҳайдовчиларимиз қуйидаги 2 хил ҳолатдан бирида бўлиши мумкин:
1) маъмурий баённома тузилган, лекин ҳали жарима тўланмаган;
2) тузилган маъмурий баённома асосида жарима аллақачон тўлаб қўйилган.
Биринчи ҳолатда, ҳеч қандай баҳс ёки мунозарага ўрин йўқ, маъмурий баённомалар уни тузган органнинг ўзи томонидан бекор қилиниши лозим ва жарима тўлаш шарт бўлмайди. Агар ички ишлар органлари маъмурий баённомаларни бекор қилишдан бош тортса, унда судга мурожаат қилиш ва МЖтКнинг 9-моддасини қўллашни сўраш талаб этилади.
Иккинчи ҳолат бироз баҳсли. Гарчи назарий жиҳатдан жарималар қайтарилиши керак бўлса-да, лекин бу унчалик осон бўлмайди. Яъни жарималар автоматик равишда қайтарилишидан кўп ҳам умид қилмаслик керак, давлат бюджетига тушган пул осонгина қайтиб чиқмайди. Бунинг учун ҳайдовчилар жарима тўланган ҳудуддаги Маъмурий судга ариза билан мурожаат қилиш лозим бўлади.
Лекин суднинг югур-югури тўланган 101 минг сўмлик жаримага арзиши ёки арзимаслигини ҳам ҳисобга олишни маслаҳат берамиз. Боз устига судда ютиб чиқиш кафолатланмаганини унутманг.
Батафсил: https://kun.uz/65918271
👉 @xushnudbek 👈
-
2019-06-06 06:56:11+00:00
«Чернобиль» ҳақида
Кеча дам олиш кунидан фойдаланиб, «Чернобиль» кичик сериалини кўриб тугатдим. Аввал ҳам бир ёзгандим, ҳаётий воқеалар асосида олинган фильмларни жуда яхши кўраман. Шу фильм баҳона ўша воқеа ҳақида интернетдан қидириб, мақола ва ҳикояларни ўқиб чиқиш янада ёқимли.
Сериал жуда ажойиб! Гап-сўз бўлиши мумкин эмас. Гарчи айрим тарихий фактлар бироз ўзгартирилган бўлса-да, лекин бу фильм савиясига заррача путур етказмаган.
Сериалда ёлғон ва ҳақиқат олдида инсон ўз виждони билан қандай курашиш кераклиги таъсирли кўрсатилган. Сиёсий ёлғонлар бир неча минг нафар халқдан устун бўлиши, ҳукумат вакиллари ўз хатосини ўзгалар билмаслиги учун бир неча минг фуқароларининг ҳаётидан воз кеча олишга тайёрлиги намойиш қилинган.
Сериални кўргач, бизда ҳам атом электр станцияси қурилишига қарши бўлганлар сони кескин ошиб кетди. Масалан, мен ҳам Чернобиль ўрнида Жиззахни тасаввур қилиб, қўрқиб кетдим. Чунки Шаҳноза Тўрахўжаева айтганидай, лоқайдлик ва ёлғон кўп жойда АЭС қуриб бўлмайди! Ҳар қадамда Дятловга ўхшаганлар тиқилиб ётибди.
Аммо бу мутахассис бўлмасдан туриб, АЭС ва атом энергетикасининг бугунги ҳолати ҳақида деярли ҳеч қандай маълумотга эга бўлмасдан туриб, айтилаётган дилетант фикрлар холос.
Шу соҳада ишлайдиган бир нечта мутахассисларни танийман, улар ҳар сафар АЭС қурилишини ёқлашади, бир қанча илмий фактлар ва рақамларни айтишади (кошки уларга тушунсам). Улар ҳам шу юртнинг фарзанди, улар ҳам бундай фалокатларни хоҳлашмайди ва асосийси улар АЭС қурилишидан бевосита манфаатдор инсонлар эмас. Лекин бу лойиҳани ёқлашади. “Улар ҳам бир нарсани билмаса гапирмаса керак”, деб ўйлаб қоламан.
Билмадим, ўшанчун ҳам «Бизга АЭС керакмас» деган якдил фикр айта олмайман. Оддий халқни эмас, мутахассис ва экспертларни кўпроқ тинглаш керак бу мавзуда.
«Чернобиль» кичик сериали ҳақида қуйидаги блогерлар ёзган фикрларини ўқиб чиқишни тавсия қиламан:
Муҳрим Аъзамхўжаев:
t.me/muhrim/426
t.me/muhrim/428
Азиза Умарова:
t.me/Nazlobudnya_AU/205
Давлетовуз:
t.me/davletovuz/5745
Шаҳноза Тўрахўжаева:
t.me/shahnozxon/268
Фарҳод Файзуллаев:
t.me/zambarakning_oqi/673
Ғайрат Йўлдош:
t.me/bugunning_gapi/798
Нозим Сафаров:
t.me/thesafari/918
👉 @xushnudbek 👈
-
2019-06-06 06:00:59+00:00
Юнусободнинг Чинобод кўчасидаги тўққиз қаватли уйларнинг 9-қаватдаги квартираларига «сел келди». Ишониш қийин, лекин бу факт. Энг аламлиси, биласизми, нима? Бу сўнгги уч кун ичида бу квартираларда юз берган иккинчи тошқин — биринчи 3 июндаги жалалар вақтида юз берган.
«Муаммонинг ечими оддий — томда йиғилган сувни тортиб кетадиган қувурнинг ичи чиқиндидан тозаланса, сув пастга кетади. Битта тросс билан нари борса бир—бир ярим соатда тўғриласа бўладиган муаммо, лекин шу ҳам қилинмади», — дейди жабрланувчи фуқаролардан бири.
Мурожаат қилсанг тўғриланади-да, дейишингиз мумкин. 3 июндаги тошқинлардан кейин бир эмас, бир неча марта мурожаат бўлганига шубҳа йўқ. Чунки томдан ўтган сув биргина 9-қаватдаги квартирани эмас, балки 8, 7, 6 ва ҳатто 5-қаватдаги хонадонларни ҳам бўктирган.
https://t.me/joinchat/AAAAAD63OEHkQHOlfdglMg
-
2019-06-06 04:44:21+00:00
Бугун, 6 июнь, ҳафтасига 5 кун ишловчи ходимлар учун ДАМ ОЛИШ КУНИ.
Ҳафтасига 6 кун ишловчилар учун эса - ИШ КУНИ.
👉 @xushnudbek 👈
-
2019-06-05 12:26:23+00:00
#шунчаки_ҳазил
Отимнинг ўлишини билганимда, бир қоп кепакка алмашардим, деган мақол бор.
Мен ҳам бунақа бўлишини билганимда, 2025 йилгача сўраган бўлардим-а, эссиз 😂
👉 @xushnudbek 👈
-
2019-06-05 09:26:29+00:00
Энди фаралар билан нима бўлади?
Бундан буён токи 2021 йил 1 январга қадар кундузи чироқ ёқиб юриш шарт эмас. Сиз бемалол бугундан бошлаб чироқларингизни ўчириб юришга ҳаққингиз бор, бунинг учун ҳеч ким Сизни жаримага тортмайди. Расман шунақа бўлди.
Барча машиналар чироғини ёқмай юрса бўладими?
Йўқ, барча эмас. Қуйидаги ҳолларда машиналар 2021 йилни кутиб ўтирмасдан ҳозир ҳам чироғини ёқиб юришга мажбур:
• транспорт воситалари ташкилий жамланма (колонна) сафида ҳаракатланаётганда;
• йўловчиларни ташиётган автобус ва йўналишли транспорт воситаларида;
• болалар гуруҳини ташкилий ташишда;
• хавфли, катта ўлчамли ва оғир вазнли юкларни ташишда;
• механик транспорт воситаларини шатакка олишда (шатакка олиб кетаётган транспорт воситасида);
• мотоцикл ва мопедларда.
Шунингдек, автоматик ёниб турувчи кундузги сигнал чироқлари билан жиҳозланган машиналарга ҳам бу талаб сақланиб қолди (чунки уларда шундоқ ҳам ёниб юрарди).
2020 йил 1 январдан бошлаб ички бозор учун чиқадиган барча машиналарга автоматик ёнадиган кундузги чироқлар ўрнатиш мажбурий бўлади. Шунингдек, хориждан олиб кириладиган машиналарга ҳам бундай талаб қўйилади.
Ҳамда келгусида кундузи чироқ ёқмаганлиги учун жарималар миқдори камайтирилади.
P.S.: бу шубҳасиз жамоатчиликнинг ғалабаси бўлди. Халқимизда «тақиллатилган эшик бир кунмас бир кун очилади» деган нақл бор. Ҳа, ўша эшик ва ниҳоят очилди. Гарчи ёнғин хавфсизлиги ходимлари ўз тиллари билан машина ёнишига айнан кундузи чироқ ёқиб юриш сабаб бўлганлигини айтишган бўлса-да, лекин Ички ишлар вазирлиги бутун халқни ёнғинлар бундан эмаслигига ишонтиришга ҳаракат қилди, қарор лойиҳасини ишлаб чиқишдаги ўзларининг хатоларини тан олгиси келмади.
Лекин шундай бўлса-да жамоатчилик назорати камдан-кам учрайдиган ғалабаларидан бирига эришди. Бу ғалабада ижтимоий тармоқлардаги халқнинг эътирозлари, ОАВлардаги мақолалар, «Муносабат» ток-шоусидаги муҳокама ва 2-3 нафар жонкуяр депутатларнинг, умуман жуда кўпчиликнинг ҳиссаси бор. Барча муаммоларга мана шундай бир ёқадан бош чиқариб, бирлашилсагина бирор натижага эришса бўлади. Хуллас, ғалаба муборак!
👉 @xushnudbek 👈
-
2019-06-05 08:42:47+00:00
⚡️ МУҲИМ ХАБАР!!!
«Фара»ларни ёқиб юриш бўйича талаб икки йилга узайтирилди
Маълумки, Ҳукуматнинг 9 апрелдаги қарори билан барча транспорт воситаларига чироқларни кундузи ёқиб юриш бўйича талаб қўйилган эди.
Тартиб жорий этилгандан сўнг ўтган давр давомида Ички ишлар вазирлиги томонидан Адлия вазирлиги билан ҳамкорликда ушбу тартиб таҳлил қилинди ҳамда тегишли лойиҳа май ойининг бошида Ҳукуматга киритилган. Бу ҳақда, «Ҳуқуқий ахборот» канали хабар бермоқда.
Қабул қилинган Ҳукумат қарорига (460-сон, 04.06.2019 й.) мувофиқ «фаралар» бўйича қатъий талаб ҳайдовчиларга эмас, ишлаб чиқарувчиларга қўйилади.
Яъни қарорга кўра 2021 йил 1 январга қадар кундузи чироқларни ёқиб ҳаракатланиш шартлиги тўғрисидаги талаб фақатгина автоматик ёниб турувчи кундузги чироқлари бор машиналарга нисбатан татбиқ этилади.
Шунингдек, 2020 йил 1 январдан бошлаб ички бозор учун ишлаб чиқарилаётган автомобилларга сутканинг ёруғ вақтида автоматик ёнадиган чироқлар ўрнатиш мажбурий этиб белгиланади. Импорт автомобилларнинг ҳам шундай автоматик ёнадиган чироқлари бўлмаса, мамлакат ичкарисига олиб кирилишига рухсат берилмайди.
Бундан ташқари, Ҳукумат топшириғига асосан Маъмурий жавобгарлик тўғрисидаги кодексга ҳам ташқи ёритиш асбобларидан фойдаланиш қоидаларини бузганлик учун жарима миқдорини (ҳозирда 101 минг 365 сўм) камайтиришга оид тегишли Қонун лойиҳаси ишлаб чиқилади.
👉 @xushnudbek 👈
-
2019-06-05 01:21:32+00:00
Бисмиллаҳир роҳманир роҳийм.
Ҳурматли диндошлар, азиз ватандошлар. Барчангизни муборак Рамазон Ҳайити билан чин қалбдан табриклайман.
Қалбингиздаги барча эзгу ниятларингизни Аллоҳ ўзи ижобат айласин. Рамазон ойида қилган хайрли амалларингизни ўз даргоҳида қабул қилиб, мукофоти билан сийласин. Барча гуноҳларимизни ўзи мағфират қилиб, онадан қайта туғилгандай бўлиш бахтига муяссар айлаган бўлсин.
Юртимиз тинч, халқимиз дастурхони тўкин-сочин бўлсин. Шу диёр, шу эл равнақ топаверсин, илоҳим.
Яна бир бор барчангизга айём муборак бўлсин!
Ҳурмат ва эҳтиром билан,
Хушнудбек.
-
2019-06-04 23:00:18+00:00
Рамазон Ҳайити табриги (2011 йил)
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
👉 @xushnudbek 👈
-
2019-06-04 16:00:45+00:00
Сиёсий партияга мажбурий аъзолик ҳақида
Экологик партия, ЎзЛиДеп ҳамда Фермерлар Кенгаши нега жим?
Бугун Ахборот ва оммавий коммуникациялар агентлигида бўлиб ўтган очиқ мулоқотда Жиззахда Экологик партияга ҳар бир тумандан 50 нафар фермерлар аъзо қилинаётгани ҳақида ҳам савол берилибди.
Саволга Қонунчилик палатаси Аграр ва сув хўжалиги масалалари қўмитаси депутати Шуҳрат Ёқубов жавоб берибди. Хусусан, у қуйидаги фикрларни ҳам айтиб ўтган:
«Қонунни яхши билмайдиган раҳбарнинг ҳаракати шунақа кулгили ҳолатга сабаб бўлди. “Сиёсий партиялар тўғрисида”ги қонунга асосан партияга аъзо бўлиш ёки бўлмаслик ҳар бир фуқаронинг ўз ихтиёрида.
Сиёсий партияга аъзо қиласан, деб, норма белгилаб, қўл остидагиларга топшириқ бериши унчалик тўғримас. Агар ўша раҳбарнинг қўл остидагиларининг сиёсий, ҳуқуқий жиҳатдан билими бўлса, бу талабни бемалол бажармаслиги мумкин. Раҳбар ҳеч қанақа чора кўра олмайди».
Депутатимизга фикрлари учун раҳмат айтган ҳолда, шу бўйича 2 оғиз ўз фикримни билдириб ўтмоқчиман:
1. Аслида ЎзЛиДеп ҳам бу воқеага тезкорлик билан муносабат билдириши, вазиятга изоҳ бериши керак. Ҳар ҳолда нормал жамиятларда шунақа бўлади.
Шунингдек, Фермерлар кенгаши (номи узун) ҳам албатта бунга муносабат билдириши шарт ва зарур! Улар бирорта фермер ҳеч қайси партияга мажбурий аъзо қилинмаслиги, агар фермерларни кимдир шунга мажбур қилаётган бўлса, албатта чора кўрилиши ва уларга ёрдам беришга тайёрлиги ҳақида баёнот билан чиқиши керак. Чунки бизга фақат Жиззахдаги ҳолат маълум бўлди холос, аслида бундай мажбурий аъзолик бутун Республика бўйлаб кенг қулоч ёзган бўлса не ажаб.
Энг қизиғи ЎзЛиДеп ва Фермерлар кенгашининг раҳбари бир киши.
Экологик партиянинг ҳозиргача сукут сақлаётганига эса мутлақо чидаб бўлмайди. Партияси шарманда бўлаётган бир пайтда, хавотир олмасдан жимгина кузатаётганига фақат қойил қолиш керак.
2. «Раҳбар ҳеч қанақа чора кўра олмайди» деган қисмига унчалик қўшилиб бўлмайди. Сиёсий партияга мажбурлаб аъзо қилдириш ҳақида бемалол ўйлаётган раҳбарлар, ўз топшириғини бажармаётганларни қандай жазолашни жуда яхши билишади.
Шунчаки “аризангни ёз ва ишдан бўша” дея зуғум қилганининг ўзида, қўрққанидан "ўз хоҳимга кўра" деб ёзиб берадиганлари қанча.
Ёки атайин комиссия ташлаб, тинкайи мадорини қуритиб, тирноқ орасидан топилган кирни рўкач қилиб, салкам халқ душманига чиқарадиган раҳбарлар йўқ дейсизми?
Шунинг учун «раҳбарларнинг ноқонуний талабларини бажарманг, Сизга ҳеч нарса қила олмайди» дейиш муаммонинг тўлақонли ечими эмас. Аввалоси раҳбарларнинг ноқонуний топшириқ бермаслигини қатъий назорат қилиш керак.
Албатта, буларнинг барчаси ИМҲО.
👉 @xushnudbek 👈
-
2019-06-04 15:00:23+00:00
Саида Мирзиёева:
«Баъзида оилавий дастурхонимиз учун ошни Дадамлар дамлаб берадилар. Биз эса уларга ёрдамчи. Арафа муборак!»
👉 @xushnudbek 👈
-
2019-06-04 14:52:16+00:00
Айтишларича, Президент фармонига асосан Тошкент вилоятидаги Ангрен, Бекобод, Олмалиқ ва Чирчиқ шаҳарлари тўғридан-тўғри республика бўйсунувига ўтказилибди.
Энди ушбу шаҳарлар бевосита Тошкент вилоятига бўйсунмайди.
👉 @xushnudbek 👈
-
2019-06-04 13:08:53+00:00
⚡️Тошкент вилояти ҳокими ишдан кетди
Президент Фармонига мувофиқ, Ғуломжон Ибрагимов саломатлиги ёмонлашгани туфайли Тошкент вилояти ҳокими лавозимидан озод этилиб, бошқа ишга ўтказилди. Бу ҳақда Президент матбуот хизмати хабар бермоқда.
Вилоят ҳокимининг қишлоқ ва сув хўжалиги масалалари бўйича биринчи ўринбосари Рустам Холматов зиммасига Тошкент вилояти ҳокими вазифасини бажариш юклатилди.
Ғуломжон Ибрагимов қайси ишга ўтказилгани ҳақида ҳозирча аниқлик киритилмаган.
👉 @xushnudbek 👈
-
2019-06-04 11:11:05+00:00
Раҳматли Ўткир Ҳошимов ҳаёт бўлганларида шу кунлардаги об-ҳаводан кейин «Баҳор қайтади» дея янги асар ёзармидилар, балки.
31 майдан кейин 1 март келиб, яна баҳор бошланганга ўхшайди худди. Айтганча, бугун 4 март.
Фото: Фаррух Турсунходжаев
👉 @xushnudbek 👈
-
2019-06-04 09:51:49+00:00
Ўзбекистонликлар июнь ойида неча кун дам олишади?
Энг аввало, ҳафтадаги иш кунлари сони дам олиш кунларига таъсир қилишини унутмаслик керак. Яъни, 5 кунлик иш ҳафтасидаги ходимлар июнь ойида 11 кун дам олишади, ҳафтасига 6 кун ишлайдиган ходимлар эса июнда 6 кун дам олишади.
Келаётган шанба куни барча учун иш куни бўлади
1 июнь - шанба куни, Ўзбекистондаги барча ходимлар учун иш куни бўлади. Ўзи шанба куни ҳафтасига 6 кун ишловчи ходимлар шундоқ ҳам ишга чиқар эди. Лекин 5 кунликлар дам олишарди.
Аммо 12.11.2018 йилдаги Президент фармони асосида 1 июндаги дам олиш куни 6 июнга кўчирилган.
Бунинг натижасида ҳафтасига 5 кун ишловчилар учун:
1 июнь, шанба - иш куни;
6 июнь, пайшанба - дам олиш куни бўлади.
Рамазон Ҳайити арафасидаги дам олиш кунлари
Ўзбекистонда 5 июнь чоршанба Рамазон Ҳайити байрами нишонланадиган бўлди.
Бундан хулоса қилиш мумкинки, ҳафтасига 5️ кун ишловчи ходимлар учун:
5 июнь, чоршанба - дам олиш куни;
6 июнь, пайшанба - дам олиш куни;
7 июнь, жума - иш куни;
8 июнь, шанба - дам олиш куни;
9 июнь, якшанба - дам олиш куни.
Яна бир бор таъкидлаш жоиз, бу фақат ҳафтасига 5 кун ишловчи ходимларга тааллуқли. Шанба расман иш куни бўлган (6 кунлик иш ҳафтаси) ходимлар ҳафта ўртасида фақат Рамазон ҳайити куни (5 июнь) дам олишади, 6 июнь куни эса улар учун иш куни бўлади.
Шу сабабли ОАВлардан «5 ва 6 июнь куни ўзбекистонликлар учун дам олиш куни бўлади» дея бироз нотўғри маълумот бермасликларини сўрар эдим. Бу одамларни чалғитади.
👉 @xushnudbek 👈
-
2019-06-04 08:47:37+00:00
Юқоридаги узун постни ўқишга эринганлар учун қисқа маълумот:
Кеча Телеграмда тарқатилган «Қозоғистонда 13 июлдан кундузи чироқ ёқиб юриш қоидаси бекор қилинади» деган хабарлар ёлғон, ушбу видео анча эски, 2015 йилда чиққан.
Бугунги кунда ҳам Қозоғистонда кундузи чироқ ёқиб юриш мажбурияти амал қилмоқда.
👉 @xushnudbek 👈
-
2019-06-04 08:41:57+00:00
Қозоғистонда кундузи чироқ ёқиб юриш бекор қилиндими?
Кеча ижтимоий тармоқларда Қозоғистонда йўл-ҳаракати қоидаларига ўзгариш киритилгани, унга кўра кундуз куни чироқ ёқиб юриш қоидаси 13 июлдан бекор қилиниши ҳақидаги видео тарқади.
Бир қарашда бу ёлғон хабарга ўхшамайди, чунки бу гап ТВда айтилган, видеода мансабдор шахслар ҳам интервью бериб турибди, тўғрими? Шундай бўлсада, ҳар қандай хабарга бирдан ишониб кетмасдан, мустақил текшириб кўришга ҳаракат қиламан.
Видеога яхшилаб эътибор берсангиз, кундузи чироқ ёқиш билан боғлиқ қоидани бекор қилиш «кўриб чиқилмоқда» дейилган, «қабул қилинди» эмас.
Келинг, шу хабарни ҳам биргаликда текшириб кўрамиз.
1️⃣ Энг аввал Google орқали қидириб кўрамиз, чунки бу катта мавзу, албатта қозоқ сайтлари бу ҳақида ёзган бўлиши керак.
Қидирувга берганда сўзма-сўз ёзиш шарт эмас, энг муҳим сўзларни ёзсангиз бўлди, Google ўзи билади нимани хоҳлаётганингизни.
Мен учта муҳим сўзни танладим: «13 июль», «Казахстан», «ПДД».
Сиз ҳам эринмасдан шу сўзларни ёзиб, қидириб кўринг.
2️⃣ Натижалар чиқди. Энг биринчи avtosapa.kz сайтидан мана бу хабар чиқди:
С 13 ИЮЛЯ В КАЗАХСТАНЕ ВСТУПЯТ В СИЛУ НОВЫЕ ПОПРАВКИ В ПРАВИЛАХ ДОРОЖНОГО ДВИЖЕНИЯ
Кириб кўрамиз.
Хабарда таъкидланган ўзгаришларни видеодаги билан солиштирамиз: парковка, ишончнома ва техкўрик. Барчаси видео билан тўғри келди.
Лекин яхшилаб эътибор берсангиз, хабарда 2015 йил ҳақида гап кетган.
Шундан сўнг, видеода кўрсатилган khabar.kz сайтига кириб, ўша репортажни қидириб топишингиз ҳам мумкин. Мана ўша репортаж. 2015 йил 9 июлдаги сони экан.
1-ХУЛОСА: демак, видео эски, аниқроғи 2015 йилги экан. Буни видеонинг пастида чиқиб турган ёзувлардан ҳам билса бўлади.
3️⃣ Avtosapa сайтидаги хабарда кундузи чироқларни ёқиб юриш қоидаси бекор бўлгани ҳақида ҳеч нарса ёзилмаган. Шу сабабли, қидирувда давом этамиз. Google таклиф қилган бошқа хабарларга ҳам кириб кўрдим, лекин бу ҳақида бирортасида ёзилмаган.
Бундай вазиятда қидирув шартини бироз ўзгартирамиз ва 3 та калит сўз ёнига яна 2 та қуйидаги сўзни қўшамиз: «отмен», «дхо».
Google энг биринчи zakon.kz сайтидаги қуйидаги хабарни тавсия қилмоқда:
Отмена обязательного включения фар в населенных пунктах не была инициирована официально - МВД РК
Кириб ўқиймиз. Хабардан маълум бўладики, кундузи чироқ ёқиб юриш қоидаси расман бекор бўлмаган, бу масала шунчаки депутатлар орасида Парламентда муҳокама бўлган холос. Лекин расман қонунчиликка таклиф киритилмаган.
Агар ҳафсала билан яна қидиришда давом этсангиз, tengrinews.kz сайтида бундай қоида расман бекор бўлмагани ҳамда бу шунчаки депутатлар гуруҳи томонидан таклиф сифатида айтилгани ҳақидаги хабарларни топишингиз ҳам мумкин. Буларнинг барчаси 2015 йилдаги хабарлар.
2-ХУЛОСА: демак, кундузи чироқ ёқиб юриш қоидаси Қозоғистонда бекор қилинмаган, бу шунчаки таклиф бўлган холос.
Бу худди Ўзбекистондаги ҳозирги вазиятни эслатади. Бизда ҳам Ҳукумат қарори билан томдан тараша тушгандай қоидаларга ўзгариш киритилди, жамоатчиликнинг норозилигидан кейин бир гуруҳ депутатлар ушбу қарорни бекор қилиш таклифини бергани ҳақида хабарлар чиқди. Лекин бу шунчаки таклиф холос, Ҳукумат бундай таклифларни ҳозирча инобатга олгани йўқ.
Хўроз ҳаммаёқда бир хил қичқиради, деганлари шу бўлса керак. Қозоқларда ҳам, бизда ҳам ўхшаш вазият.
4️⃣ Охирида бугунги кунда ҳам бу қоида Қозоғистонда амалдами ёки йўқми, билиш учун «казахстан», «пдд» деб қидирувга бериб, масалан, мана бу ердан қўшниларимизнинг Йўл-ҳаракати қоидаларида ҳозир ҳам бу қоида амалда эканлигини кўриб олсангиз бўлади.
УМУМИЙ ХУЛОСА: ижтимоий тармоқларда тарқаган видео эски (2015 йилги) ҳамда унда таъкидланган Қозоғистонда 13 июлдан кундузи чироқ ёқиб юриш қоидаси бекор қилинади, деган хабарлар ёлғон.
P.S.: Бу шунчаки интернетда чиққан битта хабарни қандай текшириш мумкинлигига мисол холос. Маслаҳатим, ижтимоий тармоқларда чиққан барча хабарларга ишониб кетавермасдан, мустақил текшириб кўриш кўникмасини ўзингизда шакллантиринг. Шунда алданиб қолмайсиз.
👉 @xushnudbek 👈
-
2019-06-04 06:39:19+00:00
Тошкент ҳақиқий XXI аср шаҳрими?
«Йўл йўқ» канали ёзяпти:
«Суратда — ёмғирдан кейинги, 2019 йил намунасидаги Тошкент. Биласизми, мана шу кадрдаги машиналарда ўтирган одамларнинг бари шу кадрда бор иккита автобусга сиғган бўларди.
Ҳақиқий XXI аср шаҳри нафақат ҳайдовчилар ўртасидаги ўзаро ҳурмат даражасини ошириш ҳақида, балки қулай ва шинам жамоат транспорти ҳақида ҳам ўйлаши лозим», - дея иқтибос келтирмоқда Daryo — LIVE.
Менинг эътиборимни эса ўртада кўндаланг турган қора Каптива тортди. Шу ҳайдовчига қойил қолиш керак ))
👉 @xushnudbek 👈
-
2019-06-04 04:00:19+00:00
Бугун ҳамма ходимлар 1 соат вақтли кетиши керак!
Меҳнат кодекси 121-моддасига биноан, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.
Эртага Рамазон Ҳайитининг илк куни, яъни ишланмайдиган байрам куни, бугун эса арафа. Демак, бугун барча ходимлар 1 соат вақтлироқ уйига кетишига қонуний ҳаққи бор.
Бу дегани, кечки соат 6 гача ишлайдиганлар бемалол 17:00 да ишини якунлаши мумкин.
👉 @xushnudbek 👈
-
2019-06-03 22:00:17+00:00
Рамазон. 30-кун.
Солиҳлик. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-06-03 15:51:50+00:00
Тошкент аэропортидаги вазият. Учиб келиш залига томдан сув ўтган.
No comment...
Манба: @AviaSpotter
👉 @xushnudbek 👈
-
2019-06-03 12:29:30+00:00
Рамазон Ҳайити муносабати билан 575 нафар фуқаро афв этилди
Шавкат Мирзиёев муборак Рамазон ҳайитини нишонлаш арафасида давлатимиз гуманистик сиёсатининг ҳамда халқимизга хос эзгулик ва меҳр-оқибат, кечиримли бўлиш каби олижаноб фазилатларнинг амалий тасдиғи сифатида «Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида»ги Фармонни имзолади.
Фармонга мувофиқ, содир этган жинояти учун озодликдан маҳрум қилиш жойларида жазо ўтаётган, қилмишига чин кўнгилдан пушаймон бўлган ва тузалиш йўлига қатъий ўтган 575 нафар фуқаро афв этилди.
Уларнинг 361 нафари жазодан тўлиқ озод қилиниб, ота-онаси, фарзандлари ва яқинлари бағрига қайтарилади, шунингдек, 214 нафар шахснинг озодликдан маҳрум этиш жазо муддатлари қисқартирилади.
Афв этилганларнинг 7 нафарини 60 ёшдан ошган шахслар, 6 нафарини аёллар, 1 нафарини чет эл фуқароси ташкил этади.
Давлатимиз раҳбари Фармонда қайд этганидек, жиноят содир этган шахсларни фақат жазолаш эмас, балки “Жаҳолатга қарши маърифат” ғояси асосида қайта тарбиялаш, уларнинг ўз ҳалол меҳнати билан жамиятда муносиб ўрин эгаллаши
учун барчамиз бирдек масъулмиз.
👉 @xushnudbek 👈
-
2019-06-03 10:28:43+00:00
Долларнинг расмий курси илк бор 8500 сўмдан ошди
Марказий банк 4 июндан хорижий валюталарнинг сўмга нисбатан янги қийматини белгилади:
1 USD = 8513.57 (+ 27.66) ↑
1 EUR = 9507.10 (+ 1.18) ↑
1 RUB = 130.41 (- 1.11) ↓
1 GBP = 10 753.49 (- 33.80) ↓
👉 @xushnudbek 👈
-
2019-06-03 09:08:48+00:00
ЎзЛиДеп сиёсий кенгаши аъзоси фермерларни Экологик партияга аъзо қилмоқчи. Ҳар бир туманга «план» ҳам қўйилган
Дунё дунё бўлиб, сиёсий партияга оммавий аъзо қилишнинг бунақа йўлини кўрмаган бўлса керак.
Жиззах вилояти фермерлар кенгаши раҳбари туманларга хат чиқариб, Экологик партияга ҳар бир тумандан 50 кишини аъзо қилишни сўраяпти. Қилинган ишлар юзасидан 10 кун муддатда бир нафар ходим бириктириб, аъзо бўлганлар ҳақидаги маълумотларнинг асл нусхасини олиб келиш топшириғини бермоқда.
Инновация, инновация...
Сиёсий партия дегани, ўзи жойларда юриб, халқ орасида тарғиботлар қилиб, одамларни ўз сиёсий ғояларига ишонтириб, кейин аъзо қилмайдими? Маъмурий буйруқбозлик билан бўладиган иш эмаску бу.
Тўғри, айтишингиз мумкин, "бу хат шунчаки амалий ёрдам сўраб ёзилган, ҳеч ким мажбурланмаган" деб. Унда ҳар бир туманга 50 кишилик "план" қўйишга бало борми? "План" қўйилган жой борки, мажбурлов механизми ишлайди. Чунки юқори турувчилар "нега планни бажармадинг" деб зуғум қилади. 10 кун муддатда ҳисобот талаб қилишчи, бу нимаси? Бир нафар ходимни нима учун бириктириш керак? Хатдан мажбурийлик ҳиди шундоқ анқиб турибди-ку.
Сиёсий партияга аъзо бўлиш ёки бўлмаслик, ҳамманинг ўз ихтиёри, ҳеч ким мажбурлашга ҳаққи йўқ.
Энг қизиғини айтайми? Экологик партияга фермерларни аъзо қилиш ҳақида хат чиқарган вилоят фермерлар кенгаши раиси А.Эшматовнинг ўзи ЎзЛиДеп сиёсий кенгаши аъзоси.
Мантиқан олганда ҳам аслида фермерларнинг сиёсий партияси - бу ЎзЛиДеп. Партия уставида ҳам шундай ёзилган ва аллақачон кўплаб фермерлар бу партиянинг аъзоси. Энди Жиззахда фермерлар қўшпартияли бўладими?
Эээ, хуллас-да... Бизда сиёсий партиялар фаолияти ўзига хос, бирорта жойда такрорланмайди. Қойил қолиш керак.
👉 @xushnudbek 👈
-
2019-06-03 06:52:25+00:00
Шавкат Мирзиёев: Яқин Шарқдан ватандошларимизни олиб келиш жуда қийин бўлди
- Мана, 156 нафар юртдошимизни Яқин Шарқда уруш бўлаётган жойдан олиб келдик. Хўш, улар нима учун кетган? Аҳволимиз ҳароб бўлгани учун, шароит бўлмагани учун кетган. Лекин у ерда нима бўлди? Хотин-қизларимизни сотишди, бешта бола бешта отадан, 14 ёшли қиз туққан. Шу ҳолат бизга ярашадими?
Уларни Ватанга олиб келиш жуда қийин бўлди. Қанча давлатлар билан гаплашдик. Самолётни у ёққа қўндириш, террористларни қўлидан олиб чиқиш осон эмас. Лекин қайтардик - нима бўлгандаям улар бизнинг ватандошимиз. Энди нима қилиш керак? Нуронийлар, жамоатчилик қаёққа қараяпти? Ким буни тушунтиради? Бундай нарсалар ҳаммамизни ўйлантириши, қийнаши керак, - деди Президент.
👉 @xushnudbek 👈
-
2019-06-03 06:27:15+00:00
Табиий, суюлтирилган газ ва электр энергияси учун нархлар ошмайдиган бўлди
Вазирлар Маҳкамасининг 2018 йил 1 ноябрдаги «Ёқилғи-энергетика ресурсларининг нарх ва тарифларини босқичма-босқич ўзгартириш тўғрисида»ги 897-сон қарорига асосан 2019 йил 1 июндан бошлаб табиий газ учун тарифлар, суюлтирилган газ ҳамда электр энергияси учун нархлар оширилиши белгилаб қўйилган эди.
Олинган маълумотларга кўра, нархлар ошмайдиган бўлди. Сабаби 2019 йил 31 майдаги Вазирлар Маҳкамасининг янги қарори имзоланди.
Мазкур қарор билан 2019 йил 1 июндан бошлаб табиий газ учун тарифлар, суюлтирилган газ ҳамда электр энергияси учун нархларнинг оширилиши бекор қилинди.
Ҳозирча мазкур қарор очиқ манбаларда, хусусан LexUz порталида ҳали эълон қилинмагани учун нархлар қанча вақтгача ошмаслиги ҳақида аниқ билмадим. Мазкур қарор билан соҳага оид бошқа янгиликлар ҳам борлигини айтишмоқда, лекин айнан қанақа янгиликлар эканлиги ҳозирча номаълум. Қарор расман эълон қилинса, яна қўшимча хабар беришга ҳаракат қиламиз.
👉 @xushnudbek 👈
-
2019-06-03 04:38:03+00:00
Тошкент вилояти иккига бўлиниши мумкин
Айни чоғда Тошкент вилояти ҳокимлигида Президент Шавкат Мирзиёев раислигида видеоселектор йиғилиши бўлиб ўтмоқда. Бу ҳақда Тошкент вилояти ҳокимлиги хабар қилмоқда.
Шавкат Мирзиёев йиғилишда Тошкент вилояти иккига бўлиниши мумкинлигини маълум қилган.
“Халқ депутатлари маҳаллий Кенгашига ҳоким раис бўлмайди. Депутатларга 2 йилда катта имкониятлар бердим. Фақат қўл кўтаради”, - дея таъкидлаган Президент.
👉 @xushnudbek 👈
-
2019-06-02 22:00:16+00:00
Рамазон. 29-кун.
Табайюн. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-06-02 13:00:48+00:00
Япония метросидаги хавфсизлик тизими. Ўзини вагонлар остига ташламоқчи бўлганлардан яхши ҳимоя қилар экан.
Бу жапон қурғурлар инновация борасида биздан бир 100 йилларга илгарилаб кетган-а?
👉 @xushnudbek 👈
-
2019-06-02 09:29:18+00:00
Таълимдан сиёсатга, сиёсатдан таълимга
Халқ демократик партияси Марказий Кенгаши раиси Хотамжон Кетмонов ишдан кетибди.
Унинг ўрнига таълим тизимида ишлаётган, аниқроғи НамДУ ректори бўлиб турган Улуғбек Иноятов ХДП партиясига раис этиб сайланибди.
Хотамжон Кетмонов эса аксинча таълим тизимига ўтибди, яъни Вазирлар Маҳкамаси ҳузуридаги Таълим сифатини назорат қилиш инспекцияси бошлиғининг биринчи ўринбосари лавозимига тайинланибди.
Хуллас, бу ўзгаришларни кўриб, болалигимизда севиб ўйнаган бир ўйин эсимга тушиб кетди:
Оқ теракми, кўк терак,
Биздан Сизга ким керак...
Айтганча, бир пайтлар Улуғбек Иноятов 5 йил Халқ таълими вазири бўлиб ишлаган ва Президентнинг қаттиқ танқиди остида ишдан олинганди. Хусусан, у ҳақида давлат раҳбари шундай деганди:
«Кўп раҳбарларни алмаштиряпмиз. Кеча шунча тажрибаси бор Иноятовни ишдан олиб ташладим.
Тарихда бунақаси бўлмаганди. Бутун жамоаси билан алмаштирдим. Бўлим бошлиқлариниям ишдан олишга кўрсатма бердим. Чунки у эски одам. Бир ярим йил ишлаб, бирорта таклиф бермади.
Тизимда коррупция, мактабларда коррупция бўлиб кетган. Тошкент шаҳридаги аҳволга маймунлар йиғлайди», - деганди Шавкат Мирзиёев.
«Эски замоннинг одами» дея таърифланган инсон бугун партия раҳбари. Мабодо ўтган сайловлардаги тенденция давом этса ва у 2021 йилгача ишлаб турса, ким билсин, партия раҳбари сифатида Президентликка номзоди ҳам қўйилар балки...
Хуллас, қизиқ ўзгаришлар бўляпти. Яқинда «Миллий тикланиш» партиясида раис ўзгарган эди. ЎзЛиДеп раҳбари эса ўтган йили августда алмашганди. Раҳбарлари алмашмаган фақат «Адолат» ҳамда Экологик партия қолди. Яқин кунларда улар ҳам алмашиб қолса, не ажаб.
👉 @xushnudbek 👈
-
2019-06-01 22:00:15+00:00
Рамазон. 28-кун.
Тавба. «Руҳий тарбия» туркумидан.
Муаллиф: Шайх Муҳаммад Содиқ Муҳаммад Юсуф
Манба: islom.uz #ramazon
Каналга уланиш:
👉 @xushnudbek 👈
-
2019-06-01 21:04:02+00:00
Ливерпуль - чемпион! Мухлисларини табриклайман 👏🏻👏🏻👏🏻
-
2019-06-01 13:10:44+00:00
Кореяга ишга юборишнинг янгиланган тартиби эълон қилинди
1-босқич: аккредитациядан ўтган Билимни баҳолаш марказларида корейс тили бўйича саралаш тест синовлари топширилади.
Мана бу ерда марказлар рўйхати бор (ҳозирча фақат Самарқанд ва Андижонда).
Саралаш тестидан ўтганларнинг рейтинг жадвали test.mehnat.uz саҳифасида доимий янгиланиб боради.
Тахминий саволлар рўйхати билан мана бу ерда танишиш мумкин.
2-босқич: саралаш тестда энг юқори балл олган 2000 киши Корейс тилини билиш даражаси (EPS-TOPIK) бўйича тест топширишга киритилади.
3-босқич: EPS-TOPIK тестидан энг яхши балл тўплаган 1000 киши Корейс тили бўйича касбий малака тестини (Skill-Test) топширишга киритилади.
4-босқич: Тест якунлари бўйича энг яхши натижа кўрсатган 500 киши 2019 йилда Кореяда ишга жойлаштириш учун иш қидирувчиларнинг маълумотлар базасига киритилади.
👉 @xushnudbek 👈
-
2019-06-01 11:13:26+00:00
Ўзбекистон карлар жамияти блогида (uzsd.uz) 1 июнь – Халқаро болаларни ҳимоя қилиш куни муносабати билан ажойиб видео-ролик жойлаштирилибди. Сизларга ҳам илиндим.
👉 @xushnudbek 👈
-
2019-06-01 08:01:24+00:00
#Адлия_хабари
Адлия вазирлиги болажонларни 1 июнь – Халқаро болаларни ҳимоя қилиш куни билан қутлайди ва бугундан bolahuquqlari.uz (bolahuquqi.uz) сайти тест режимида ишга тушганлигини маълум қилади.
Каналга уланиш👇👇👇
https://t.me/huquqiyaxborot
-
2019-06-01 07:08:21+00:00
Ulaning va ulashing...
👇👇👇👇👇👇👇👇
https://t.me/joinchat/AAAAAFjPA8UiKtNWbxC6og