-
2023-02-01 17:13:49+00:00
Патент учун квитанцияни янги реквизитлар билан ММЦ сайтидан шакллантириш бўйича кичик қўлбола йўриқнома сизларга, яхшилар.
Видеода кўрсатилганидек квитанция олинглар тўлаш учун. Патентни ҳам текшириб олинглар. Тушунмаган жойингиз, саволларингиз бўлса комментларда ёзишингиз мумкин.
#маълумот
-
2023-02-02 13:42:29+00:00
Мигрантларни «уруш» га юборишнинг янги йўли
Baza’нинг ёзишича ҳозир полициячилар сохта миграция ҳужжатларини тайёрлагани учун мигрантларга жиноий иш очиши ҳолати каррасига ортган. Аввал бундай ҳолатга ҳуқуқбузарлик сифатида қаралиб, маъмурий ҳуқуқ доирасида чора кўрилган бўлса, энди жиноий иш сифатида кўрилаяпти.
Табиийки, буларнинг барчаси мигрантларни жиноий жавобгарликка тортиш мақсадида амалга оширилаяпти. Сохта ҳужжатларнинг мезони эса жуда оддий — “базада” бўлмаган ҳар қандай ҳужжат сохта. Кўпинча, бу нарса миграцион қайдларга (регистрациялар)га тегишли. Базадан чиқмаган регистрация сохта, деб кўрилади.
Кўчада “қоғозчилар” қилган регистрацияларнинг 70%и у ёки бу сабабларга кўра базада бўлмайди. Масштабни тасаввур қилаверинг.
Жиноятчилар қаерга юборилиши биламиз — қамоққа. Қамоқдаги маҳбусларнинг олдига кимлар келиб, қаерга ва нима учун боришни тарғиб қилинаётганини ҳам ўқияпмиз — Украинага юборишмоқда.
Кўчада ҳақиқатдан полициячилар кўпайган. Ростдан мигрантларни кўп тўхтатаяпти. Имкон қадар эҳтиёт бўлиб, ҳужжатларни тўғри қилиб олиб юриш керак.Ва энг асосийси — жиноий иш очилаяптими, ҳеч нарсани кутмай Россияни тарк этиш керак.
#янгилик
-
2023-02-06 18:13:24+00:00
Янги қўшилганлар бор экан - 150 киши 🥰 Ҳаммангиз муаллифлик каналимга хуш келибсиз!
Танишиб қўямиз, исмим Зарнигор Омониллаева, Россияда миграция ва оила ҳуқуқи бўйича юристман. Бу ер муаллифлик блогим. Яъни айнан бир мавзуга бағишланган, дея олмайман. Асосан билганларим, қизиққанларим ва фикрим билан бўлишаман.
Каналда муаллиф сифатида ўзимни олиш ёки катта кетиш, деган нарсалар йўқ. Бу ерда ҳаммамиз тенгмиз ва шунчаки фикр алмашгани йиғилган инсонлармиз. Тартиб бўлиши учун каналда маълум қоидалар бор. Улар билан мана бу ерда танишишингиз мумкин.
Кечадан буён “гиёҳванд моддалар” учун ёки бошқа айблов билан полиция олиб кетса нима қилиш кераклигини ёзаман, деб ҳеч вақт қилолмаяпман. Яқин кунларда албатта ёзаман. Унгача Сизлар ҳам нима қизиқлигини ва каналга нима учун обуна бўлганингизни билдириб ўтсангиз — муаллиф сифатида манга фойдали бўлар эди.
Душанба ҳаммада ҳам дам олиш кунлари тўпланиб қолган юкламалар билан ўтса керак. Янги постлар чиққунча аввалги постлар билан танишиб чиқишингиз мумкин. Кўп дея олмайман-у, бироқ фойдали ва қизиқ постлар бор 😅
-
2023-02-07 10:49:54+00:00
Мусофирликнинг энг қийин жиҳатларидан бири — яқинларинг, севганларинг, оиланг ҳаёти сенсиз ўтади, сеники эса уларсиз.
Онанг касал бўлганида дори олиб боролмайсан, қаролмайсан, қариндошингни хурсандчилигида ёнида бўлмайсан, табриклаб қучоқлолмайсан. Оилавий расмларда ёки видеоларда йўқсан. Умумий хотиралар ва эсталикларда йўқсан.
Ҳудди шарпадексан. Ҳаммаси учун қайғурасан, ўзингни авайламай ишлаб, пулингни юборасан. Пулингга, меҳнатинг маҳсулига тўйлар, яхшиликлар ва ечимлар топилади. Лекин сен бўлмайсан. Пулинг эсдалик яратмайди, расмга ва видеоларга тушмайди. Болалар ва яқинларинг хотирасида қолмайди. Ҳамма ниманидур эслаб, кулишиб ўтирганида бир четда ҳижолат тортиб ўтирасан. Меҳмондек.
Бир тарафдан бордексан, бошқа тарафдан эса йўқсан.
#юристбитиклари
-
2023-02-10 07:13:26+00:00
Охирги вақтлар бизга нимани ўргатди?
Тиббиёт қанчалик ривожланган бўлмасин — бир ойда давоси йўқ янги вабо келиши мумкин экан
Яшаётган жойинг қаерда бўлмасин — бир тунда уруш бошланиб кетиши мумкин экан
Уйинг қандай бўлмасин — бир неча дақиқаларда вайрон бўлиши мумкин экан
Бўш вақтинг қанча бўлмасин — баҳоналаринг барибир тугамас экан
Имкониятлар миллиондан кўп бўлса ҳам — ҳаммаси бир дона хоҳишга боғлиқ экан
Психологик, фалсафий ва бошқа “билмлар” ривожлангани билан динсизлик туфайли қалби қуруқ ва тушкун одамлар сони кўпаяверар экан
Ислом ва Иймондан бошқа барқарор нарса йўқ экан
#ЖумаМуборак💚
-
2023-02-14 17:03:09+00:00
Бир кун келиб, ўқувчиларим сони 30 мингдан ошади ва шунча кузатуачиларим борлиги учун ОАВ сифатида барча имтиёзлардан фойдаланиб, ҳаракат қила оламан.
Нима қиламан?
🗞Пресс-турларда қатнаша оламан. Масалан, мана шу болакайдан терговчилар билан бирга хабар олиш учун боришим мумкин бўларди.
🎤Ҳар қандай ҳолат бўйича расмий изоҳ сўрай оламан. Масалан, нега мигрантларнинг болалари мактабга олинмаётгани ҳақида.
🕵🏻♀️Бирор воқеа юзасидан текширув-суриштирув ўтказилишини ва натижаларни беришларини сўрай оламан. Масалан, наркотик курьерлиги учун эьлон бераётган гуруҳларни текшириб, ёпишлари учун.
🦻🏽Имконият ва ўзгаришлар ҳақида маьлумот беришлари учун ахборот тармоғига қўшила оламан. Масалан, мигрантлар учун танловлар ва имтиёзлар ҳақида ахборот тарқатишганида манга ҳам юборишларини сўрай оламан.
Ва ҳоказо.
Имконият кўп. Фойдаланишни билганлар учун, албатта.
Баъзида блог сизга нимага керак, деб сўрашганда шуларни тушунтираман, тушунган тушунади, тушунмаган — ҳар бир кузатувчи учун неча пул тўлашади, дейди 🥲
Бугун яна бир марта блогим катта бўлмаганидан афсусландим. Шу болакай кейси учун. 💔
Инста, Ютубдаги кузатувчилар сони ман айтган ишларда муҳим эмас. Россияда ҳозирги нормативлар бўйича фақат телеграм ҳисоб бўлади. Шунинг учун 30 минг обуначи телеграмда керак.
Майли, у кунлар ҳам келар. Унгача сизлар борсизлар, асосийси 🫂
#юристбитиклари
-
2023-02-15 18:25:33+00:00
Агар элчихонада "загранпаспорт" қилмоқчи бўлсангиз унда аввал Мажбурий ижро бюросининг 🤖 Телеграм боти орқали қарзлар, алиментлар, даъволар ва чекловлар борлигини текширию олинг. Чунки қарз ва чекловларингиз бўлса "загранпаспорт" расмийлаштира олмайсиз. Паспортни олиш учун топширган ҳужжатларингиз ва давлат божи учун тўлаган пулингиз эса (170 доллар атрофида) қайтарилмайди.
Чеклов ёки қарзлар чиқса, уларни тўлаш ва олиб ташлаш бўйича Мажбурий ижро билан боғланинг. Боғланиш учун контактлар бу ерда бор.
Ҳеч қандай қарз ва чекловлар бўлмаса, консуллик бўлимида паспорт олишингиз мумкин ва бу жараён қийин эмас. Ариза ва ҳужжатларни топшириб, давлат божини тўлайсиз. Сайт орқали (https://dpm.uz/interactiveService/status) паспорт тайёрланиши қайси босқичда кетаётганини кўриб турасиз ва тайёр бўлгани ҳақида маълумот кўрсатилганида консулликка бориб, паспортни олиб келасиз.
Загранпаспорт билан патентни чегарага чиқмай янгилаш мумкинлигидан хабарингиз бўлса керак.
#маълумот
-
2023-02-16 11:13:02+00:00
Россияда одамлар ўз хизматларини таклиф қиладиган сайтлардан бири бу Профи.ру. Яхши сайт, ўзим ҳам фойдаланиб тураман. Ҳудди шу сайт энг талабгор касб эгаларининг 10талик рўйхатини тузиб чиқибди.
Уларнинг сайтида энг талабгор, яъни кўп пул топадиган касб эгалари:
1. Сантехник
2. Инглиз тили бўйича репетитор
3. Маникюрчилар (тирноқ дизайни)
4. Математика бўйича репетитор
5. Электрик
6. Массажист
7. Психолог
8. Клинер (тозаловчилар)
9. Парикмахер
10. Мебель усталари экан.
Берилган 10та касбнинг 7таси мигрантлар орасида ҳам даромадли ҳунарлар. Одатда мигрантлар таксистлар кўп пул топади, деб ўйлайди. Тахминан 80 минг атрофида топишади. Лекин электрик ва сантехниклар таксистлардан икки баробар кўп топишади ва ишлари учун икки баробар оз вақт сарфлашади. Таксист 80 минг топиш учун бир ойда деярли ҳар куни 9-10 соат ишлаши керак. Сантехник ва электриклар эса бир ойда ҳар куни ўртача 5-6 соат ишлаб, 120-160 минг пул топади.
Ҳунар ўрганишнинг эрта-кечи йўқ. Агар нима иш қилсамикин, деб ўйланиб юрган бўлсангиз, келажаги бор ва ҳунар сифатида сизни ҳар ерда боқа оладиган йўналишларга эътибор беринг. Масалан, шу электриклик. Обрўзсиз туюлса-да ҳар ерда ва ҳар қачон сизни боқиб кетадиган, устига яхши даромад келтирадиган йўналиш бу.
Россияга келиб касбингизни алмаштиришга тўғри келганми?
-
2023-02-17 08:27:47+00:00
Дарахтга қаранг. Ички ва ташқи табиий жараёнлар билан ўсиб бораверади. Атрофда офат, кулфат, талофат бўлса ҳам, бошқа дарахтлар кесилса, қуриса, ўсишдан тўхтаса ҳам ўсаверади. Яралансаям, шикастлансаям, касаллансаям ўсаверади.
Аллоҳ изни билан ўсишни бошлайди ва фақатгина Аллоҳ изни билан ўсишдан тўхтайди.
Ҳудди одамлар каби. Тақдирга битилган бўлса ичимиз ва ташимизда нима бўлишидан қатъий назар яшайверамиз, ўсаверамиз. Яраланиб бўлсаям, оғриқ билан бўлсаям тақдиримизни яшайверамиз.
Ҳаёт давом этади, деб шуни айтишса керак.
#Жумамуборак💚
-
2023-02-20 18:38:11+00:00
Ўзбекистоннинг Россиядаги консуллик бўлимида вакансия эълон қилинибди. Қизиққанлар резюмеингизни топшириб кўринг⤵️
Ўзбекистон Республикасининг Россия Федерациясидаги Элчихонаси консуллик бўлими мутахассислари лавозимларига бўш иш ўринлари очилгани ҳақида маълум қиламиз.
Талаблар: ишга масъулият билан ёндашиш, соат 09:00 дан 18:00 гача тўлиқ ишга жойлашиш (5/2), ўзбек ва рус тилларини билиш (бошқа тилларни билиш маъқул), стрессга чидамлилик, жамоада ишлаш қобилияти, малакали нутқ ва ёзув.
Резюме консуллик бўлимининг электрон почта манзилига юборилиши мумкин uzkorus@mail.ru
-
2023-02-21 16:32:56+00:00
Айтганча, бугун Шаъбан ойининг биринчи куни, яхшилар.
Бу роппа-роса ҳижрий бир ойдан кейин ойларнинг Султони Рамазон кириб келади, дегани.Тайёргарлик кўришни бошлаш керак.
Рамазонни қандай ўтказмоқчисиз?
-
2023-02-23 13:42:07+00:00
Яхшилар, алҳамдулиллаh 😍😍😍
Пул йиғилди, барчангиздан Аллоh Рози Бўлсин!
Янгиликлар билан албатта бўлишиб тураман.
Эртага Абдуваҳоб тоға консулликка боради, Худо хоҳласа.
ҲИСОБОТ ВА ЧЕКЛАР КОММЕНТЛАРДА 👇🏼
-
2023-02-24 05:30:36+00:00
Бир аёл ҳар куни иккита нон пишираркан. Битта нон оиласи учун экан. Иккинчисини эса мусофирликда юрган ўғли учун муҳтожлар билан улашиш мақсадида кўчага чиқариб қўяркан.
Аёл охирги ойларда нонни фақат бир дарвеш олиб кетаётганини кўраркан. Дарвеш ҳеч нон учун раҳмат демай, ўрнига “ёмонлигинг ўзинг билан қолади, яхшилигинг эса сенга қайтиб келади” деркан. Аёл бу гапнинг мазмунини тушунмасакан ва раҳмат демаганига жаҳли чиқаркан.
Дарвешдан безор бўлган аёл ундан қутилиш мақсадида иккинчи нонга заҳар қўшиб, пиширибди. Бироқ токчага борганида қилмишидан қўли қалтираб қўрқибди ва заҳарланган нонни дархол ёқиб юборибди. Ўрнига яхши нон пишириб, токчага яна чиқарибди. Дарвеш доимги сўзларни айтиб, нонни олиб кетибди.
Шу куни кечроқ аёлнинг эшигидан бир аҳволда мусофир ўғли кириб келибди ва уйдан бир чақирим нарида очликдан вафот этишига бир баҳя қолганини сўзлаб берибди. Мени бир дарвеш бутун нонини бериб, очликдан қутқарди. Дарвеш «менинг бир кунлик егулигим шу нон холос, лекин кўринишингга қараганда сен бу нонга мендан кўра муҳтожроқ экансан» деганини айтиб берибди.
Шунда она эрталаб заҳарлаган нонини ёқиб юбормаганида ўғлини ўлдиришига сабаб бўлиши мумкинлигини англабди. Аёл шу куни дарвешнинг доимги раҳмат ўрнига айтадиган сўзлари аслида нима маъно билдиришини яхши тушуниб олибди.
Хулоса: одамлардан раҳмат кутмай, доим холис яхшилик қилинг, чунки яхшилигингиз сизга бу дунёда ва у дунёда албатта «қайтиб келади».
#Жумамуборак💚